آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-11-13, 05:43 PM
| #1 | |||||||||||||||||||
| نجم روايتي ومشرفة سابقة وفراشة متالقة بعالم الازياء  
|  حلالي وحر فيها الكاتبة / Miss Alucard16 / مكتمله
التعديل الأخير تم بواسطة لامارا ; 10-11-13 الساعة 09:45 PM | |||||||||||||||||||
|  |
|
09-11-13, 05:44 PM
| #2 | |||||||||
| نجم روايتي ومشرفة سابقة وفراشة متالقة بعالم الازياء
|  بسم الله الرحمن الرحيم سأضع بين أيديكم روايتي الأولى و أتمنى أن تنال إعجابكم روايتي اسمها : {حلالي وحر فيها} ملخص الرواية: عايدة بنت سالم آل....... عمرها 25سنة عانت الكثير في حياتها مع إنه عائلتها كانت عائلة غنية وقادرة درست الطب بمنحة من الحكومة عايدة ما اعتمدت على أموال عائلتها وظلت تجتهد في دراستها في البداية عاشت حياة بسيطة وحلوة حتى توفى أمها وأبوها في حادث سيارة وهم راجعين من المطار بعد ما راحوا يزوروا الأهل في منطقة ثانية و بدأت العائلة تتفرق. ************** طارق:أقول خالو مالش جالسة كذا؟ عايدة:لا حبيبي ما فيني شي بس اليوم جابوا رجال مسكين كان مريض لدرجة انه دخل ف غيبوبة تخيل من هذا الرجال؟ طارق:من؟ عايدة:أبو زوجة سعيد أخو صلاح زوج حمدة.(حمدة أخت عايدة و أكبر منها بثلاث سنوات متزوجة من برا العائلة من سنتين وما عندها أولاد) طارق:أخو زوج خالو حمدة؟ مسكين,امممممم خالو؟ عايدة:لبيه طارق:كلمتي خالي عبدالله؟ عايدة بحزن:ما يفيد اكلم شخص ما يريد حتى يسمع إيش عندي طارق:انزين إيش رايش نروح عنده بالمكتب ونحطه بالأمر الواقع؟ عايدة:تبغى تجيه السكتة وأنت تعرف أنه مريض قلب؟لا لا لا لا لا ما اقدر بروح له البيت بكرة إن شاء الله. طارق:إن شاء الله. (طارق عمره 27 سنة يكون ولد أخت عايدة الكبيرة وهو ولد وحيد أمه توفت قبل سنتين متزوج ببنت من عائلة ثانية اسمها مريم وتصغره بسنتين عنده ولد واحد اسمه علي عمره سنتين) ************** {في المستشفى} الكلام بالانجليزي بس بترجمه عربي فسحة الممرضة:دكتورة عايدة هناك من يريد مقابلتك. عايدة:من ؟ الممرضة:أعتقد أنه ابن المريض في الغرفة رقم 159 عايدة:اها (عايدة تشتغل ف مستشفى خاص كبير و معروف وهي من الشركاء ف المستشفى) دخل رجال طويل ممشوق القوام على قولة روايات أحلام أبيضاني و أكثر شي شد انتباه عايدة كان الشبه القوي بينه و بين أبوه عايدة:تفضل أستاذ. الرجال:شكرا عايدة:كيف ممكن أساعدك ؟ الرجال:أنا سعد محمد آل........ ابن المريض محمد آل.... في الغرفة 159 حبيت اسأل عن حالته. عايدة:أهلين تشرفنا أنا الدكتورة عايدة آل....... و أنا المشرفة على حالة العم محمد ايش بالضبط تحب تعرف؟ سعد استغرب لما سمعها تنادي أبوه عم :هل بيصحى من غيبوبته؟ عايدة:صراحة هذا السؤال صعب الحين إحنا عملنا تحاليل بس ما طلعت للحين واعتمادنا على التحاليل هو بنسبة كبيرة. سعد عصب:أنتي دكتورة ولا ايش كله اعتمادك على التحاليل ما تقدري تقرري من دونها يعني والله ايش هذي المستشفى اشكره فاشلين. عايدة عصبت بس جاوبت ببرود يعكس الحريق إلي بداخلها:لو سمحت من دون اهانات أنا حطيت تقرير أولي عن حالة العم محمد... سعد قاطعها:لا تنادي عم هو ما عمك و أنتي لا تخصينا ولا نتشرف نخص وحدة فاشلة مثلك. هنا وصل حده عند عايدة عصبت وقامت من كرسيها و قالت بهدوء ينذر بقدوم عاصفة:اسمع تتشرف ولا ما تتشرف تخصني غصبن عنك تخصني إذا ما تعرف كيف اسأل العمة نوال اسأل أمك.عايدة سكتت تشوف ردة فعل سعد إنها تعرف اسم أمه وكملت: وبعدين أنا ما فاشلة أنا وصلت لهذي المكانة بفضل ذكائي وعملي المجتهد فاهم لا تروح ترمي اتهامات كل مكان عن ناس لا تعرفهم ولا تعرف عنهم شي فاهم و إذا حبيت تعرف حالة العم محمد خلي شخص ثاني يجي وبخبره برحابة صدر أما أنت ما اقدر أتعامل مع واحد سادي و همجي لو سمحت اطلع برا. خلصت كلامها وجلست ولا عبرته كأنه ما موجود في الغرفة وهناك سعد خلاص يعني شوي و ينفجر قال:أيجيكي أخواني ماجد ومازن بكرة و أنا لا تحاولي تقابليني لأنه إذا تقابلنا مرة ما بتعجبش النتايج. عايدة سكتت وسفهته وهو طلع وسكر الباب بقوة وكان شوي وينكسر. هذا الجزء الأول إذا عجبكم أبغى أشوف ردودكم عشان أنزل البقية ألقاكم في الأجزاء الجاية مع حفظ الرحمن . .gif) | |||||||||
|
| |
|
09-11-13, 05:44 PM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثاني(عذرا في هذا الجزء بيكون في بعض المفردات اليابانية) عايدة وقفت سيارتها الكاديلاك قدام البيت إلي سبق وعاشت فيه قبل إلي صار كان بالنسبة لها ملاذها إلي ترجعله بعد الجامعة وتستريح وتجلس فيه مع أحب ناس إلى قلبها قالت فنفسها: يا الله البيت نفسه ما تغير فيه شي أتمنى يوافق . **************************** (عبدالله أخو عايدة الكبير بعد أم طارق عنده ثلاثة أولاد زوجته ماتت بمرض السرطان بعد سنة من ولادة الطفل الأخير أولاده: سالم:15سنة بثالث متوسط يشبه أمه و أخذ طوله من أبوه يدرس بمدرسة خاصة مختلطة البنات طايحات فيه وهو هااااااادئ ما عنده وقت غير لدراسته وهو الوحيد إلى بقى على تواصل مع عمته. حسين:7سنوات أول ابتدائي ما عنده وقت غير اللعب و اللقافة. أحمد:سنتين و طالع على أخوه الكبير سالم.) سالم كان جالس في الحديقة يلاعب أحمد و لما يلاعب أحمد خاصة يخرج عن طوره الهادئ سمع صوت الجرس أخذ أحمد و جلسه ف كرسيه و راح يفتح الباب وكان شوي و يطيح وصرخ لأول مرة: (عمتي بالياباني)Obaaaaaaaaaaaaaaaaaaa-chunnnnnnnnnnnnn عايدة:روح قلبي حبيبي سلومة. سالم:عمتي ياخي أنا الحين كبير ماله داعي لسلومة الحين. عايدة:طول عمري بتظل سلومتي ههههههههه. سالم:تفضل البيت بيتك. عايدة و نظرة حزن بعينها:تسلم حبيبي من ذوقك,, امممم أبوك موجود؟ سالم:أيوة تعالي ودخلوا داخل فشافت أحمد بكرسيه و أول ما شافته رجع لها هبالها مال أول وصرخت: (كيوت بالياباني)kawaaaaaaaaaaaay يا حبيبي أنت... :ايش هذا الصراخ عايدة تلتفت وتشوف أعز شخص لها ف الدنيا عايدة:أخوي عبدالله أنا قاطعها عبدالله:تعالي داخل ما يجوز نتكلم قدام الصغار بهذا الموضوع. نزلت أحمد و راحت وراه سالم تذكر إلي صار قبل 7سنوات والكف إلي أكلته عمته دخلوا المكتب وسكرت الباب عايدة:أخو... قاطعها عبدالله ببرود:لعلمك أنا ما وافقت إلا بسبب طارق فقولي إلي عندك. عايدة ما استغربت من بروده لأنها كانت متوقعة هذا الشي :أنا جيت أعتذر منك عن إلى قلته ما كان قصدي أقول: بنشوف من الغلطان و من إلي بيندم في النهاية أخوي أحلف لك بالله الواحد إنه ما ممكن أنزل من نفسي لواحد مثل منصور وبعدين أنا تربية أمي و أبوي يعني ما تثق فيني؟ عبدالله:الحين اسمعيني بعد ما وصلي الإيميل اتصل منصور وقالي نفس إلي جاء ف الإيميل هنا تأكدت كيف ممكن ما أتأكد بعد ما قالي هو وأنتي عارفة أنه أكثر شخص أثق فيه بالشركة؟ عايدة:أنا بعد ما طردتني من البيت رحت عنده وهزأته قدام الكل و ولا حد تكلم ف الموضوع لأن منصور هددهم إذا تريد تتأكد اتصل بسكرتيرك و اسأله الحين. عبدالله:أنا ما احتاج حد يقولي أنك بريئة أثبتي لي بنفسك براءتك. سكت وكمل بحنان: والحين تعالي ما اشتقتي لحضني؟ عايدة ما انتظرت مباشرة راحت وارتمت بحضنه وقالت:الله لا يحرمني منك يا أعز الناس. عبدالله:آمين ولا منك. ************************* | |||||||||
|
| |
|
09-11-13, 06:09 PM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثالث بيت أبو سعد سعد:ياخي أنتوا روحوا أنا ما فيني بارض لها هذيك إل إل اووووووووووووووف . مازن يستهبل:ليش يعني؟؟؟؟ ماجد يكمل عليه بالفسحة:ألانها سفهتك؟ (مازن و ماجد توأم 19 سنة أصغر من سعد بسبع سنوات فيهم هبال لا يقاوم وطول رائع و مملوحين مرة يدرسوا بنفس المدرسة مع سالم ابن عبدالله أخو عايدة) سعد:تسكتوا بيكون أحسن. مازن:عادي بس إذا حلوة أنا حجزتها. ماجد:إيش تذكرة عشان تحجزها ها هاي . مازن:ها ها ها هاي حلوة سعد:بزر. طلع من الباب و كان شوي ويصدم ف أخواته و صرخ عليهم:و أنتوا ما تشوفوا قدامكم يعني. التوائم الثلاث انصدموا شهد:ماله أخوكم؟ مازن:مالك دخل .gif) وعد:أحسن رغد:إيه أحسن. (شهد,وعد,و رغد توائم 15سنة عليهم جمال روعة و عندهم نفس الذوق في الستايل) ************************** في المستشفى عايدة لما سافرت اليابان عشان تحضر دورة رجعت مع ممرضة تكون مساعدتها و بالمرة تتكلم مع شخص بلغة ما يفهموها إلي معاها دخلت الممرضة و اسمها ميساكي قالت بالانجليزي:دكتورة لقد حضر أبناء المريض محمد آل....... عايدة:أدخليهم. ميساكي:حسنا طلع ورجعت مع مازن و ماجد وقالت بالياباني:أتمنى لو كانوا أكبر سنا عايدة بابتسامة:امممم هل اخبر زوجك بما قلته؟ ميساكي:لا لا لا داعي لكن لم أستطع منع نفسي أنهم وه أنا عاجزة عن الكلام عايدة:اخرجي قبل أن افعل بك شيئا هههههه طلعت ميساكي و ابتسمت عايدة للتوأم :تفضلوا اجلسوا. مازن:شكرا ماجد:دكتورة عفوا بس حبينا نعتذر عن أخوي عايدة:لا عادي الحمدلله عنده أخوان أحسن منه مازن:شكرا هذا إطراء كبير من عندك عايدة حست أنهم بدءوا يميلوا عن موضوعهم:أقول أنا خلاص شفت التحليل.... ***************** سعد:يعني لازم موافقتنا؟ مازن:أيوة أكيد عشان ما ممكن تحصل على هذي الإبرة من دون توقيع من أهل المريض. سعد:و ايش سويتوا؟ ماجد:وقعنا وتقول بكرة إن شاء الله بتوصل الإبرة ولازم نكون موجودين. ******************** | |||||||||
|
| |
|
09-11-13, 06:11 PM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الرابع رن تلفونه و شاف رقم غريب بس رد على كل حال سعد:السلام عليكم .....:وعليكم السلام الأستاذ سعد محمد آل.... سعد:أيوة هو معاك ايش بغيت .....:أنا ممرض بمستشفى الخلاص الخاص سعد:أيوة اعرفها الوالد مرقد هناك خير في شي ؟ الممرض:خير إن شاء الله بس حبينا نبشركم الوالد صحى و ما يحتاج للإبرة. سعد بفرح:الله يبشرك بالخير مشكور اخوي. الممرض:لا شكر على واجب. سعد سكر التلفون و مسرع ما راح عند أمه يبشرها لقاها تقرأ قرآن هي شافته يدخل ووقفت عند الوقف ولفت عليه:خير يا أمك ايش صاير؟ سعد:أبشرك يا أم سعد أبو سعد صحى زوجك صحى أم سعد أول ما سمعت الخبر قامت وصلت ركعتين شكر وبدأت تدعي وتشكر ربها أما سعد فراح يبشر أخوانه وخواته وقالهم يتجهزوا كلهم يروحوا المستشفى. ************** في المستشفى عايدة بغرفة أبو سعد تسويله فحوصات بعد ما قام أبو سعد جلس يتمعن فيها وقال:يا بنتي شكلك ما غريب علي أعرفك أنا ؟ عايدة تبتسم:أكيد يا عمي تعرفني أنا عايدة أخت حمدة أبو سعد:حمدة؟زوجة صلاح؟ عايدة:أيوة يا عمي أبو سعد:ما شاء الله كبرت يا بنتي أتذكر هبالك ف عرس أختك عايدة حست بالإحراج:أرجوك عمي لا تذكرني بموت من الخجل الحين. أبو سعد:هههههههههه ما قصدي أحرجك يا بنتي عايدة:لا عادي عمي. تخلص الفحوصات تبغى تطلع ويفتح الباب بقوة وتدخل عائلة أبو سعد البنات من صوب يصيحوا أم سعد تشكر الله سعد والتوأم يسلموا على أبوهم ولا حد كان منتبه لوجود عايدة راحت بهدوء عند الباب تبغى تفتح الباب و تنديها أم سعد:يا بنتي وين رايحة؟ الكل سكت يشوف عايدة إلي كانت معطيتهم ظهرها لفت و الدموع ف عينها :الحمدلله ع السلامة يا عمتي الله يخليه لكم أم سعد:الله يسلمك ما جاوبتيني وين رايحة نبغى نشكرك يا بنتي؟ عايدة تحاول تبلع الغصة إلي بحلقها:عادي عمتي خلصت و بعدين أنا مشغولة شوي و ما لازم تشكريني هاذ واجبنا عمتي إحنا أهل ماله داعي. سعد:ما لازم نشكرها هي ما سوت شي. أبو سعد:عيب يا سعد لولاها لو ما كنت صاحي عايدة:عادي عمي ما له داعي الشكر يلا أنا طالعة الحمدلله ع السلامة. عايدة أول ما سكرت الباب ورآها ركضت لمكتبها تبكي و تمنت لو إن أبوها وأمها كانوا أحياء. ******************* في غرفة أبو سعد أم سعد:يا ابني ما حرام هذا إلي سويته ما عيب عليك ليش تقول للبنت كذا؟ مازن:هههههه لا تستغربي أمي بينهم عداء من أول يوم التقوا فيه سعد ما يعرف كيف يضبط أعصابه وهي ما تستحمل حد يغلط عليها. البنات كانوا فضوليات يعرفوا السالفة وعد:ليش ايش صار؟ شهد و رغد:ها ايش صار؟ سعد:مالكم دخل ملقوفات. ماجد:أنا و مازن نخبركم مازن:أيوة يلا نروح برا و أخبركم. أبو سعد:لا بتقول قدامي سعد شاف على أخوانه بنظرات تعني دواكم بعدين مازن و ماجد قالوا كل شي بالحرف الواحد كأنهم كانوا موجودين رغد وهي ميتة ضحك:قالت له سادي وهمجي ههههههههههه الله أعجبتني البنت خخخخخخ ماجد:لا وفوق كذا في النهاية سفهته ولا كأنه موجود. أم سعد:دواك حصلت إلي يسكتك. أبو سعد:نورة عرفتيها. أم سعد:أكيد التوائم البنات والأولاد:إحنا لا أبو سعد:هذي أخت زوجة صلاح سعد بصدمة:اخو سعيد زوج بنت عمي؟ أم سعد:ايوا مازن:ياخي طلعت تخصنا بالقوة. شهد:أقول خلا نشوفها ونشكرها بدل أخونا العود والكبير؟بعدين سوت له حركة عار عليك والبقية سوا مثلها سعد عصب قال:محد يروح أنا الكبير وأنا إلي بروح أبو سعد:اضبط أعصابك لا اضبطها لك. سعد:إن شاء الله أبوي. راح لمكتبها وهو يتحلطم:تو ليش نشكرها و أبوي صحى من نفسه اووووووووف. دق الباب وسمع:تفضل دخل وقال:السلام عليكم عايدة:وعليكم السلام سعد:آسف على إلي صار قبل شوي عايدة:لا عادي سعد:ممكنا تخبريني كيف أبوي قام؟ عايدة:كنت أسوي مراجعة لتقريره وفحوصاته بعد ما طلعوا أخوانك من عندي ولاحظت انه ما لازم نعطيه الإبرة و الحمدلله ما عطيناه لأنهم جابوا نوع ثاني بدل إلي إحنا طلبناه كان يحتاج ل..... و شرحت له كل إلي صار وكيف قام سعد:أنا آسف لأني شكيت فيكي وحابين نشكرك . عايدة:لا عادي وأنا حبيت اعتذر عن إلي قلته قبل كم يوم. سعد أول مرة يبتسم من لما شافته:لا خلاص سالفة وعدت. عايدة قلبها انتفض أول ما شافت ابتسامته بلعت ريقها و ابتسمت ابتسامة مضطربة:شكرا. نهاية الجزء الرابع ************************ | |||||||||
|
| |
|
09-11-13, 06:12 PM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الخامس عايدة:سويلم سالم:نعم عمتي؟ عايدة:في ثلاث بنات توائم ف مدرستك؟ سالم بطبعه الهادئ:ايش أسمائهم؟ عايدة:وعد و رغد و شهد سالم:اها ايوا هذيلا ف صفي عايدة:والله,بس سلم عليهم سالم:إن شاء الله عايدة انقهرت من سالم ومن هدوءه حتى ما يسأل ليش وكيف تعرفهم وهزت رأسها. ***************** في المدرسة سالم كالعادة أول ما دخل الصف سلم ربيعه وجلس مكانه والبنات كلهم عينهم عليه و يتساسروا عنه وهو ولا على باله بعد خمس دقايق دخلوا التوائم و سلموا وجلسوا ف مكانهم ورا سالم . سالم لف على شهد إلي كانت وراه:شهد عمتي عايدة تسلم عليكم. الكل استغرب سالم كلم بنت هذه سابقة شهد:من عايدة؟ سالم:الدكتورة إلي تعالج أبوكي. رغد:اها ايوا عرفناها وعد:الله يسلمها شهد:ايش تجيلك؟ سالم:عمتي أخت أبوي شهد:ما شاء الله آ.. سالم ما خلاها تكمل كلامها ورجع للكتاب إلي كان يقرأه والتوائم انقهروا شوي ويدخل مازن و ماجد والكل يقوم يسلم عليهم ما لأنهم كبار لأنهم يتحكموا بالمدرسة على كيف كيفهم شهد:وع أنا ما قلتلكم لا تجوا الصف؟ مازن:على كيفنا ماجد:ايوا على راحتنا رغد:خلصونا ايش تريدوا؟ مازن:اليوم روحوا مع السواق إحنا أنبقى في المدرسة لوقت متأخر وعد:ليش إن شاء الله على ايش ناويين؟ ماجد:مالك دخل رغد:Whatever شهد تبغى تورط أخوانها:أقول توم<<<<مازن وماجد اختصارا مازن:خير؟ شهد:هذا إلي جالس قدامنا يكون ولد أخ الدكتورة عايدة. سالم مطنشهم ماجد:لا والله هذا؟ مازن راح عند سالم الكل سكت يعرفوا إن سالم ما يتجاوب لما يقرا مازن:إيه أنت تعرف الدكتورة عايدة؟ سالم:.....لا رد ماجد:إيه أكبر منك يكلمك رد عليه. سالم:...لا رد مازن عصب وسحبه من قميصه:اسمع إحنا ما محتاجين منك شي و أحسن لك تحترم إلي اكبر منك ولا حاب تتصرف مثل عمتك؟ سالم هنا خلاص ما يكفي أنهم قاطعوا قرأته لا وبعد يدخلوا عمته ف السالفة سالم سحب يد مازن عنه و رتب نفسه و قال ف نفس أسلوب عايدة الهادئ قبل العاصفة:اسمع أولا عندي اسم فلا تناديني إيه مثل أولاد الشوارع ثانيا أنتوا الاثنين متجمعين ما توصلوا لجزء من ظفرها فلا تذكروها على لسانكم وهي تحترم إلي يحترمها فاهم و أحسن لك لا تحاول تضاربني لأنك بتندم ف النهاية. خلص كلامه وجلس والكل ساكت يشوف إلي أيصير مازن وماجد حسوا إنهم زودوها و مثلوا إنهم ما مهتمين وقالوا:أصلا إحنا ما بنكلف نرد على واحد مثلك. و طلعوا أما أخواتهم فطسوا ضحك على إخوانهم المتفشلين والكل يشوف عليهم مستغربين. ***************** بعد المدرسة التوأم انتظروا سالم يطلع من المدرسة وهم ينتظروا شافوا سيارة وحدة بس تنتظر في المواقف وشوي يطلع سالم مازن يناديه:أي... ما كمل تذكر الموقف:لو سمحت ممكن نتكلم؟ سالم ببرود يقتل:بسرعة لو سمحت مازن:حبينا نعتذر عن موقفنا اليوم الصبح. سالم:لا عادي وأنا اعتذر عن قلة أدبي أنتوا اكبر مني كان المفروض أرد عليك بس لما اقرأ أنسى نفسي. ماجد:لا عادي. سالم:يلا أنا رايح. مازن:هذيك سيارتك؟ سالم ابتسم ابتسامة جانبية مشهورة لكل إلي يعرفه و يعرف عمته:لا هذي سيارة عمتي. ماجد:سبحان الله نفس ابتسامة عمتك. سالم:شكرا اعتبر هذا إطراء شكرا. مازن:يلا سلم عليها إحنا أعطونا حجز اليوم. سالم:هههههه هارد لاك. ماجد:ايش نسوي ههههه. سالم راح ركب السيارة مع عمته قالت له:من هذيلا؟ سالم:أخوان البنات إلي قلتي لي اسلم عليهم. عايدة بتعجب:مازن وماجد؟معكم بالمدرسة؟ليش رسبوا؟ سالم:لا في مادة لازم ياخذوها قبل الدراسة العليا. عايدة:اها الله يوفقكم كلكم. سالم:آمين. ********************** عذرا قرائي الأعزاء هذا الجزء ممل بعض الشي بس أتمنى تتقبلوه لان عندي شوية ظروف شكرا. | |||||||||
|
| |
|
09-11-13, 06:13 PM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| الجزء السادس عايدة:مبروك يا عمي اليوم طالع ها أشوف وجهك منور أبو سعد:الله يبارك فيكي يا بنتي كل هذا بفضلك عايدة:ههه لا تقول كذا يا عمي هذا واجبنا افا عليك بنت سالم و الأجر على الله ههههه أبو سعد:ههههه والنعم فيكم. جلست شوي تسولف مع أبو سعد و يدخل سعد:السلام عليكم عايدة باضطراب:وعليكم السلام أبو سعد:وعليكم السلام هلا بولدي هلا بك سعد بمزاح:خير يا أبو سعد شو ورا هذي التحية لا تظن إني جاي أرجعك البيت لا جبت لك دشاديش ثانية عشان اخذ الوسخة ههههههه أبو سعد: ما محتاج منك شي معي بنتي عايدة:أكيد بنتك في الخدمة بأي وقت أنت بس اتصل على رقم المستشفى و اسأل عني إذا كنت موجودة أو لا هههههه الكل ضحك بس عايدة ما قدرت تستحمل ضحكة سعد إلي تدوخ الراس قامت و قالت:أنا رايحة المكتب لما تخلصوا مروا عندي عشان تعليمات الدواء. سعد:إن شاء الله عايدة طلعت بسرعة قبل لا تفضح نفسها استغربت من نفسها ولا مرة توترت قدام رجال ايش معنى سعد؟؟؟؟ دخلت المكتب وطلبت من ميساكي تجيب الأدوية بعد خمس دقايق دق الباب عايدة:ادخل سعد:شكرا عايدة :تفضل اجلس جلس سعد و بدأت عايدة تعطيه تعليمات الأدوية سعد:دكتورة إحنا مسوين عزومة عشان رجعة أبوي بالسلامة بعد بكرة عايدة:بس لا تفاجئوه ممكن تدهور حالته مرة ثانية سعد:لا أكيد أنخبره اليوم عن العزومة عايدة: اوكي …So سعد يكلم نفسه<<ليش صعب كذا أعطيها البطاقة عادي يعني>> سعد:امممم خذي هذي البطاقة أعطاها بطاقة مكتوب عليها:إلى عبدالله سالم آل..... و عائلته عايدة:آه شكرا بعطيه البطاقة بس أنا ما متأكدة إذا بجي أو لا يمكن بكون مشغولة سعد:حتى يوم الجمعة تشتغلي؟ عايدة:بعض الأحيان تكون عندي حالات طارئة سعد(يا سلام ممكن ما تجي خخخخخخ أحسن):اها حاولي تجي أمي وأبوي أيفرحوا كثير. عايدة(أوين عاد يجامل أكيد فرحان لأني ما بروح):إن شاء الله بحاول وابتسموا لبعض ابتسامة ما توصل للعين. *************** عايدة رجعت البيت أول ما دخلت سمعت أصوات ف مجلس الرجال قالت يمكن اخوي عبدالله هناك راحت المجلس وهي تغني ياباني و تسوي حركات ما كأن عمرها 25 وتشتغل دكتورة. تدخل المجلس و تنصم تشوف عبد الرحمن خال أولاد عبدالله و تنسد نفسها هو أول ما شافها قام وقال بخبث:هلا بالدكتورة صار لنا فترة ما نشوفك عايدة مطنشتنه:اووووف وهذا شكل أشوفه بعد ما اطلع من الدوام وع عبد الرحمن:ايش شفتي حمار قدامك حتى تتلوعي كذا؟ عايدة:أرجوك لا تسب الحمار أنت ما تسوى شعرة من جسمه عبد الرحمن:كان ما جبت راسك ما أكون عبد الرحمن آل.... عايدة:Whatever تطلع وتشوف سالم جاي مع صينية فيها فواله سالم:هلا عمتي كيفك؟ عايدة:كنت بخيرة لين ما دخلت المجلس و شفت خالك,ايش يسوي هنا؟ سالم يعرف عن عداء عمته وخاله المستمر:جاء بحجة انه يريد يشوفنا. عايدة:اها وين حمادة؟ سالم:نايم عايدة:من متى؟ سالم:امممم اعتقد من لما رجعت من المدرسة عايدة:اها اوكي رايحة أقومه حبيبي اشتقت له سالم:اوكي أنا جالس مع الخال عايدة تتكلم وهي تمشي:هاذ مو خال هاذ بلشة الله يساعدكم بس سالم شاف على عمته وضحك هو عادي عنده تتكلم عن خاله لأنه واحد لعاب ما في بنت ما تعرفه ولا يعرفها ********************* بعد العشى الكل كان مجتمع عبدالله و أولاده حمدة وصلاح طارق و زوجته و ولده وعايدة . طارق و حمدة يعايروا عايدة طارق:أقول خالي كأني شفت عبد الرحمن اليوم حمدة:لا والله صار لنا فترة ما نشوفه عايدة:صح اشتقت ل هاذيك الفترة كنا عايشين بسلام لين نط علينا مرة اليوم آآآآآآآآآآآآآآه ايام زمان صلاح:أريد اسألك ليش ما تواطني عبد الرحمن؟ سالم:لا يا خالي فتحت الموضوع الغلط هههههه الكل:ههههههه عايدة تذكرت:أيوة صح دقيقة راحت غرفتها و نزلت مع الظرف إلي أعطاها إياه سعد وعطته ل عبدالله عبدالله:ايش هذا؟ عايدة:معزومين عند العم أبو سعد صلاح:أبو سعد؟اها العم محمد عايدة:أيوة سالم:متى؟ عايدة تعرف إن سالم ما يريد يروح بسبب التوأم قالت وهي رافعة حواجبها بخبث:يوم الجمعة يعني بتروح. سالم:أمري لله عايدة تتصنع الأسف:آه أنا ما بقدر أروح خسارة.وتهز رأسها بطريقة مسرحية عبدالله:ليش؟ عايدة:مشغوووولة كثييير بالمستشفى عبدالله:بتجي غصبن عنك عايدة بقهر:بس أنا مشغولة عبدالله:هذا ما عذر اتجي يعني أتجي فاهمة عايدة باستسلام:إن شاء الله الكل ضحك عليها بس هم كانوا يضنوا إنها ما تحب العزايم بس هي ما حابه تروح عندهم بسبب سعد حمدة:مريم ايش بتلبسي؟ وبدئوا البنات يناقشوا ايش يلبسوا والرجال راحوا المجلس يتكلموا فمواضيعهم المملة<<<خخخخ تجربة شخصية *************** يوم الخميس راحت عايدة تتسوق و مر اليوم بدون أحداث تذكر يوم الجمعة الكل اجتمع ببيت عبدالله ع الساعة 10:30الصبح و نظموا بعض في السيارات وطبعا عايدة أيمروا عليها من المستشفى الوحيدين إلي ما راحوا معهم حسين وأحمد لأنهم كانوا معزومين حفلة عيد ميلاد ولد خالتهم. *************** بيت أبو سعد شهد:وااااااي حماس دكتورة عايدة جاية وعد و رغد:واااااااااااااااي لما بنت عمتهم ف نفس سنهم و تدرس معهم بنفس المدرسة:من دكتورة عايدة؟ وعد:الدكتورة إلي عالجت أبوي وعمة سالم إلي بصفنا لما:سالم عبدالله آل....؟؟!!!!! رغد:اها والله أتحبيها مرة حماسية و ما شاء الله عليها حلوة لما:يا الله شوقتموني أشوفها غدير بغرور{ أخت لما23 تحب سعد و مرة مغرورة و بطرانة و قدام سعد تتصرف بخجل و دلع حتى تلفت الانتباه وسعد ولا عنده خبر الكل ف العائلة ما يطيقها و التوأم يتمسخروا عليها على كيف كيفهم}:من هذي إلي متشوقة تشوفيها؟ لما:الدكتورة إلي عالجت خالي. وعد تبغى تقهر غدير:الله عليها جمال طبيعي لا يوصف ما تحتاج لماكياج و إلي عجبني فيها إنها متحجبة. شهد تكمل عليها:آآآآآآه أتمنى سعد يتزوجها رغد ولما:آآآآآآآمييييييييين. غدير عصبت:مستحيل سعد يحب وحدة مثلها و أكيد أنا أحلى منها. وطلعت من الغرفة وهي معصبة و البنات يضحكوا عليها. وصلوا هم عايدة الرجال راحوا مجلس الرجال و البنات دخلوا داخل أول ما دخلت عايدة سمعت:هلا هلا والله بالدكتورة عايدة هلا والله. عايدة تلف تشوف أم سعد و البنات يجو يستقبلوها عايدة:هلا بيكي يا عمتي وهلا بالبنات أم سعد:تفضلوا حبيباتي تو ما نور البيت حمدة:منور بأهله عمتي أم سعد:هلا ببنتي حمدة كيف حالك أخبارك؟ حمدة:الحمدلله عمتي مريم بصوت خجول:هلا عمتي شكرا ع الدعوة عايدة:ايوا هذي زوجة مريم ولد أختي طارق وعندهم ولد اسمه علي راح مع أبوه. أم سعد:أهلين بنتي لا شكر على واجب تفضلوا. عايدة نزلت عباءتها كانت لابسة برمود سكيني اسود مع سليفليس ابيض وعليه رسومات اسود مع جاكت اسود قصير و كونفرس اوول ستار ابيض عليه نجوم اسود تلمع و إكسسوارات على شكل نجوم<<<(على بالها لسى مراهقة خخخخ) وشعرها خلته كيف ما هو قصير و مدرج و حطت كحل و ماسكارا و غلوس شفاف وبس. أما حمدة و مريم فكانوا لابسين بنطلون سكيني بنفسجي و توب طويل ابيض تحته بودي بنفسجي و كعب مع مكب خفيف. ************ التكملة بالجزء السادس يوم الاثنين إن شاء الله وأريد توقعاتكم عن الجزء الجاي و لا ما بنزله. | |||||||||
|
| |
|
09-11-13, 06:19 PM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| **************** الجزء السابع عايدة و حمدة و مريم دخلوا المجلس وسلموا والكل كان يشوف على عايدة و يذكر الله من جمالها و طولها المناسب وهي تسلم كانت تحس بنظرات حقد موجهة عندها تلتفت و تشوف نظرات غدير الحارقة بس هي ما فهمت ايش السالفة خلصت تسلم جلست عند شلة بنات بسنها تقريبا بس غدير ما كانت معهم كانت جالسة مع بنت خالتها سناء تقولوا طبق الأصل نفس الطباع و الستايل و الغرور . جاءوا التوائم الثلاثة عند عايدة و الشلة شهد:بنات أبغى أعرفكم على الدكتورة عايدة البنات:تشرفنا عايدة:الشرف لي وعد:خليني أعرفك على البنات و بدأت تعرف البنات وحدة وحدة و جلسوا يتكلموا عايدة كلمتهم عن مغامراتها في اليابان عايدة:و الله من هذاك اليوم وأنا ما أمر بنفس الطريق عشان لما كانوا يشوفوني جاية ف الطريق إلي يدخل يمشط شعره و إلي يدخل يستحم و إلي يغير ملابسه ويعطوني أشياء كثير. أسماء(وحدة من البنات):شكلك كنتي مشهورة هناك عايدة:أرجوكي ف يوم الحب هناك هم وحدهم إلي يصنعوا الأشياء و العادة إن البنات يعطوا الأولاد كيك و شوكلاته و دباديب أما أنا صار لي العكس الأولاد كانوا يعطوني يعني تخيلي. شهد:ما احتفظتي بالأشياء؟ عايدة:عندي الدباديب للحين حتى تذكرني بأيام زمان ههههه البنات:هههههههه جاءت أم سعد:بنات لبسوا عباياتكم و لحافاتكم الرجال يبغوا يسلموا الكل:إن شاء الله الكل قام يلبس ما عدا غدير و سناء دخلوا الشباب بس أما الرجال قالوا ماله داعي دخلوا كلهم مع صلاح و طارق و سالم وكانوا يدورا على حمدة و مريم و عايدة. عايدة شافت كيف سالم متضايق ما متعود على هذي الحالة و راحت عنده عايدة:سالم حبيبي سالم:نعم عمتي؟ عايدة:تعال عندي سالم والارتياح باين على وجهه:حاضر البنات كلهم إلي كانوا مع شهد يشوفوا عليه وهم مبلمين وهو مرة متضايق همس بأذن عمته:عمتي الجمال نقمة صح؟ عايدة:هههههه ليش؟بالعكس الجمال نعمة و امتحان من عند الله سالم:أرجوكي أبغى ارجع داخل عايدة:هههههه اوكي يلا بروح معك ف الحديقة سالم:يلا طلعوا راحوا عند البوابة الأمامية و جلسوا على كراسي كانت محطوطة على جانب تحت مظلة سالم:الله الحديقة حلوة بجد عايدة:ايوا ما شاء الله وهم يتكلموا دخل سعد من الباب و معاه واحد سالم حس كان شافه ف مكان بس ما يعرف وين وفجأة تذكر سالم:عمتي ما هذاك جهاد إلي كان معاكي ف يابان؟ عايدة:من جهاد؟ايش يجيبه هنا؟ و تركز عليه زين و تصرخ:ايييييييييييييه سعد و جهاد يلتفتوا يشوفوا من يصرخ جهاد أول ما شاف إنها عايدة صرخ:ياااااااااااااااااااا� �ااااااا سعد بتعجب:تعرفها؟ عايدة:أ يا النذل موجود ف عمان و لا تخبرني؟ جهاد:اووف أنتي كل مكان تنطي على؟بعدين أنا واصل يوم الثلاثاء يعني ما صار لي أسبوع. سعد وصبره بادي ينفذ:ياخي أنت تعرفها؟؟؟؟ جهاد:ههههه هذي كانت زميلتي ف يابان سعد:الله زميلتك كيف قدرت تستحملها؟ عايدة:خير ايش فيني عشان يستحملني ولا لا؟ سعد:لا افا ما فيكي شي ابد. سالم:السلام عليكم أنا سالم تتذكرني؟ جهاد:ايوا سالم دلوع عمتك لا؟ سالم رفع حاجب واحد وهذي الحركة مشتركة مع عمته لما شخص يحاول يلقي نكتة ما تضحك:دلوع عمتي؟ايش قالوا لك أحمد عشان أكون دلوع؟ما تشوف قدامك رجال؟ عايدة و سعد ميتين ضحك على جهاد إلي كان منصم فجأة طلعت غدير وقالت بدلع:أخوي جيت دورت عليك داخل ما حصلتك وين كنت؟ عايدة:هذي أختك؟ غدير:ليش ما عجبنك؟ عايدة:لا بس ما كنت متوقعة اسفة غدير شافت عليها بنظرة متعالية سالم و سعد و جهاد ما عجبهم الوضع غدير:خالي يبغاكي داخل؟أوه من هذا إلي معك؟كيوت ما شاء الله سالم:ايش قالوا قدامك رضيع عشان تقولي كيوت؟ غدير:جهاد شوف كيف يكلمني قليل الأدب ما بعيد مثل بعض الناس. سالم بعصبية:إيه لا تروحي تقولي لأي شخص قليل الأدب قبل ما تشوفي على نفسك سامعة.وشاف عليها نظرة اشمئزاز جهاد و سعد استغربوا أما عايدة فمسكت سالم على كتفه و هدأته:خلاص سالم عيب هذي أكبر منك مهما صار صلي ع النبي و اعتذر. سالم:عليه أفضل الصلاة والسلام بس ما اعتذر لوحدة مثلها أنا ما قلت شي لأنها أخت جهاد لولا كذا لو سمعت مني شي أسوء من إلي قلته. عايدة:خلاص سالم سوي لي طريق ف مجلس الرجال أروح أشوف عمي. سالم:تآمري أمر يا الغالية عايدة:روح حبيبي أنا وراك جاية.عايدة التفتت لغدير و قالت:على فكرة صح كلام سالم لولا جهاد كنت أنا إلي بينزل راسك بالتراب.بعدين أنتي ما تعرفيه و تقولي عنه قليل الأدب؟أول شي اعرفي من هو بعدين قولي إلي تقوليه سلام. عايدة أعطتها نفس نظرة الاشمئزاز إلي أعطاها سالم و راحت. غدير بقهر:جهاد ليش ساكت أنت ما سمعت ايش قالوا عني؟ سعد حاول يمسك ضحكته وقال:أنا رايح داخل لما تخلص تعال. غدير انقهرت زيادة.جهاد:معهم حق أنتي إلي البادية. و راح داخل غدير تكلم نفسها:إن ما انتقمت منك ما أكون غدير. ******************* في المجلس سالم دخل:احم جدي أنت بغيت عمتي. أبو سعد:ايوا أبغى أشوفها سالم:إن شاء الله.و طلع ينادي عايدة و دخلت وراه وقالت بخجل:السلام عليكم الشباب لما راحوا يسلموا ما شافوها لأنها طلعت مع سالم أول ما دخلت و سلمت كلهم قالوا بصوت واحد لدرجة إنهم خوفوها:وعليكم السلام ورحمة الله و بركاته أبو سعد:ايوا من تشوفوا بنت حلوة تردوا السلام أما إذا دخل جدكم يسلم ولا حد يرد. الكل:ههههههههههههه أبو سعد:تعالي يا بنتي عايدة بخجل:إن شاء الله عمي.أبو سعد زحف لها مكان بحيث إنها كانت وسطه هو و عبدالله وجلست و جلس يتكلم معاها و يدخل جهاد مع سعد جهاد:السلام عليكم الكبار بس:و عليكم السلام أبو سعد:ما قلت أنا يدخل واحد ثاني ما تردوا ع السلام تدخل بنتي و الكل يتنشط ما شاء الله عليكي يا بنتي وجهك وجه نور . عايدة:شكرا عمي و يرن تلفونها بنغمة يابانية و تحطه صامت على طول لان النغمة تبدأ بهدوء و بعدين تنفجر بفوضى عبدالله شاف عليها بنظرات هي تحرك فمها بكلمة سوري عايدة:عمي أنا استأذن لازم أرد على هذي المكالمة. أبو سعد:من المستشفى؟ عايدة:ايوا أبو سعد:تفضلي يا بنتي روحي. و تطلع ترد على التلفون (الحوار بالانجليزي) عايدة:الو ميساكي ما المشكلة؟ ميساكي:عليك القدوم إلي المستشفى بسرعة هناك حالة طارئة نحتاج إليك. عايدة:حسنا أنا قادمة. عايدة اتصلت ف طارق و قالت له يجي يوصلها و دخلت عند الحريم تروح تودع أم سعد عايدة:عمتي أنا لازم أروح عندي حالة طارئة ف المستشفى أم سعد:بس يا بنتي أنتي حتى ما تغديتي عايدة:إن شاء الله مرة ثانية عمتي بس محتاجين لي ف المستشفى. أم سعد:على راحتك بس لا تنسي قلتي مرة ثانية بتتغدي عندنا عايدة:إن شاء الله عمتي ,و شافت على حمدة:أنا رايحة المستشفى مع السلامة حمدة:اوكي يلا . عايدة طلعت و راحت تركب السيارة مع طارق وراحوا المستشفى. طارق:شفت جهاد عايدة بحزن:شفته؟حتى أنا شفته لما كنت مع سالم في الحديقة. طارق:و كالعادة تصرفتي بهبال صح؟ عايدة بحزن:حبيبي أنا خلاص شلته من راسي. طارق:متأكدة؟ عايدة:بليز سكر الموضوع و زيد السرعة بتأخر. طارق:أوكي. نهاية الجزء السابع أتمنى يعجبكم و أنتظر ردودكم شكرا. ********************** | |||||||||
|
| |
|
09-11-13, 06:19 PM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثامن عايدة:ميساكي اتصلي بغرفة العمليات و أخبريهم أن المريض قادم ميساكي:حسنا ميساكي اتصلت و أخذوا المريض لغرفة العمليات و عايدة راحت المكتب جاءتها ميساكي:اذهبي إلى البيت أنك تعملين منذ الأمس عايدة:لا مشكلة ثم إن حالات الطوارئ استمرت طوال الليل فلم استطع الذهاب إلى البيت لا تقلقي سأذهب عند انتهاء دوامي الرسمي. ميساكي:يا للهول إنك مدمنة عمل أليس كذلك؟ سمعوا طرق على الباب عايدة:تفضل بس إلي برا ما دخل عايدة:ميساكي افتحي الباب Jiiiiiiiiiiiiiiiiiiiiiiiiiiiiiiiiii-kun?????قامت ميساكي تفتح الباب و تصرخ: جهاد بالياباني:يا للهول ميساكي لم تتغيري أبدا. عايدة:ميساكي ما بك تصرخين هكذا؟تقترب و تشوف و تنصم:جهاد؟ جهاد:خير شفتوا جني أنتي وهذي الخبلة؟ عايدة لاحظت أنه لابس جاكت المستشفى:أنت تشتغل هنا؟ جهاد:ايوا عايدة:من متى؟و ليش محد خبرني؟ جهاد:من اليوم بدأت و بعدين ليش يخبروكي من أنتي حتى يقولوا لك إذا في جديد في المستشفى؟ عايدة:لأن القسم الأكبر من المستشفى ملكي جهاد فتح عيونه بكبرها:أنتي؟من متى؟ عايدة:من لما رجعت من اليابان جهاد:بس أنتي رجعتي تشوفي أهلك عايدة بحزن وهي تتذكر لما و دعت أمها و أبوها لأخر مرة قبل لا يسافروا:هذا المفروض يصير بس لما رجعوا من السفرة سوا حادث و ماتوا و أبوي كان مدير المستشفى جهاد:آه عشان كذا ما رجعتي اليابان عايدة:اها جهاد:حاضر دكتورة آسف ع الإزعاج عايدة:معذور و خذ معك هذي المبلمة برا ميساكي:عايدة ماذا يفعل هنا؟ جهاد بابتسامة كبيرة:أليس هذا واضحا أنا أعمل هنا ميساكي:يا الهي ساعدني و هزت راسها. جهاد:تو مالها هذي كأن مصيبة صابتها. عايدة:أبوي تذكرت إلي كنت تسوي بها ف اليابان جهاد تذكر:هههههههههه ما نست؟ عايدة:شكلها أقول عن الهذرة الزايدة طلعوا أنا مشغولة و عندي أوراق كثيرة و الحالة. جهاد:أوكي يلا عايدة:أوكي ميساكي تطلع برا و هي تشوف على عايدة بقلق عايدة حست بقلقها و ابتسمت لها تطمنها ****************** بعد المدرسة سالم:يا ربي عمتي وين تأخرت لا يكون صار لها شي؟؟يا ربي و توقفت كرايسلر بيضا و نزل منها جهاد سالم:ايش يسوي هنا هذا الثاني و ابتسم لأن جهاد كان يقترب جهاد:هلا سالم أخبارك؟ سالم:الحمدلله تمام جهاد:أنت تدرس هنا؟ سالم:ايوا جهاد:حتى أختي و بنات خالي اعتقد تعرفهم؟ سالم:ايوا جهاد:من تنتظر؟ سالم:عمتي عايدة جهاد:شكلها ما بتجي أوصلك؟ سالم ف نفسه(يا ربي لصقه):لا عادي بنتظر و إذا ما جاءت بتصل فولد عمتي شكرا جهاد:لا افا تعال أنا بوصلك سالم(اووف الله يعين بس):اوكي بس وصلني المستشفى و برجع مع عمتي من هناك. جهاد:أوكي تمام يلا بس أشوف أختي و نروح سالم حرك رأسه بمعنى أوكي ********************** جالسة بالمكتب متلعوزة بين أوراقها و تسمع طرق ع الباب عايدة:ادخل يفتح الباب و يوقف سالم مع نظرة تأنيب و تتذكر عايدة إنها المفروض تروح تأخذه من المدرسة عايدة:أوبس سوري؟ سالم:لانها أول مرة ما بقول شي لكن حاب أسأل:ليش؟ عايدة:و الله كنت مشغولة حتى ما حسيت بالوقت بعدين مع من جيت؟ سالم:جهاد كان رايح يأخذ أخته و قال لي يوصلني مع إني رفضت عايدة:اها عادي ما فيها شي اوكي أنت اجلس وانتظر هنا لين ما اخلص أشغالي و نروح البيت سالم:اوكي مدام عندنا وقت بحل واجباتي عايدة:اوكي **************** بنفس الوقت ف مكتب جهاد جهاد:أقول غدير عن المساخة أنا ما فاضي لك سامعة غدير:أرجوك خذني مكتبها اعتذر منها بليييييييييييييييز جهاد:أنا أعرفك زين يا غدير أنت أتروحي تزيدي الطينة بلوة غدير تحاول تقنع جهاد:بليز جهاد أرجوك جهاد:لا غدير:اوكي أنا بدور على مكتبها وحدي جهاد:على راحتك طلعت غدير من مكتب جهاد و راحت للاستقبال:لو سمحتي أين غرفة الدكتورة عايدة؟ العاملة:هل لديك موعد معها. غدير:أوه لا لكني صديقتها و نحن لم نرى بعضنا منذ مدة طويلة العاملة:اعتذر منك لقد غادرت الدكتورة قبل قليل غدير بقهر لان خطتها ما نجحت:آه حسنا لا بأس *************** ف بيت أبو سعد أم سعد:أبو سعد ايش رايك نعزم عايدة وحدها يوم الخميس و نخبرها من الحين؟ أبو سعد:ليش لا مسكينة حتى ما تغدت الأسبوع الماضي شهد:أمي ممكن نروح عند لما؟ أم سعد:من أياخذكن؟ رغد:أنشوف سعد إذا فاضي أبو سعد:لا خلي أنا أوديكن أم سعد:من صدقك أبو سعد أبو سعد:ايش فيها بالمرة أروح أشوف أختي صار لي فترة أم سعد:على راحتك. ****************** و مضت الأيام عادية عايدة:ترجع البيت متأخرة عائلة أبو سعد عايشه حياتها عبدالله و أولاده بخير الين ما جاء هذاك اليوم عايدة كانت ف المستشفى و كان عندها اجتماع فما قدرت تروح تمر على سالم و قالت له من الصبح يدور سيارة فاتصل سالم على عبد الرحمن عايدة تطلع من الاجتماع و تكلم ميساكي:خذي هذه الأوراق و انسخيها ثم أرسليها لكل من في القائمة و ... :دكتورة عايدة بسرعة تعالي في سيارة إسعاف جاية بمصابين واحد ف حالة حرجة والثاني جروحه خطيرة عايدة وهي تركض:جهزوا الغرفة بسرعة و توصل سيارة الإسعاف و ينزلوا المصاب الأول و تشوف عبد الرحمن و تجمد (لا إذا كان طالع يمر على سالم يعني سالم لا لا لا مستحيل أكيد ما سالم أكيد مع واحد من ربعه) وينزلوا المصاب الثاني و تصرخ:سااااااااااااااااااا� �اااااااالم لالالالالا سالم جات ميساكي عندها و مسكتها:عايدة هدئي من روعك تماسكي عايدة جاءتها حالة هستيرية:لا سالم قوم انتوا تمزحوا معي صح سالم سالم قوم و بدأت تبكي سالم قوم أرجوك و إلي يرحم والديك قوم سالم أنا ايش اخبر أبوك سالم قوم جاء جهاد:ميساكي خذيها الي الداخل و احقنيها بالمهدئ ولازمي غرفتها لا تدعيها تخرج و لا تنسي أن تتصلي بأخيها ميساكي:حاضر نهـــــــــــــــــــــــ اية الجزء الثامن ************** توقعاتكم حبايبي للبارت الجاي | |||||||||
|
| |
|
09-11-13, 06:20 PM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| *************** الجزء التاسع جهاد دخل سالم غرفة العمليات و بدأ العملية أما عبد الرحمن فكانت جروحه سطحية و أعطوه مهدئ و نام. *************** ....:السلام عليكم عبدالله :و عليكم السلام ....:الأستاذ عبدالله عبدالله:ايوا من معي؟ ....:أنا من المستشفى اتصلت أعلمك أن ابنك عمل حادث عبدالله بصدمة:من؟ابني؟أي واحد فيهم؟ ....:الأكبر عبدالله و نفسه بدأ يثقل:سالم اها شكرا اخوي سكر التلفون و اتصل مباشرة بطارق عبدالله:طارق الحق تعال و مر علي خلا المستشفى بسرعة أرجوك طارق:هدي يا خالي خير ايش فيك تبغى تروح المستشفى؟ عبدالله:أنت تعال و في الطريق أنا أخبرك. طارق:إن شاء الله جاي **************** في المستشفى عايدة تحاول تطلع من الغرفة بس ميساكي منعتها عايدة عصبت:ميساكي ابتعدي عن الباب لا فائدة من الجلوس هنا أريد أنا أرى سالم ابتعدي ميساكي:أنا اسفة عايدة لكن هذه أوامر الدكتور جهاد عايدة: أنا مديرة الدكتور جهاد ابتعدي ميساكي يفتح الباب و يدخل عبدالله وراه طارق عايدة ركضت لحضن عبدالله عبدالله يهديها:بسم الله عليكي مالك تصرخي صوتك واصل لأخر المستشفى عايدة:أخوي سامحني أرجوك و الله ما كنت أعرف انه أيتصل بعبد الرحمن أنا كان عندي اجتماع ما قدرت أروح أمر عليه الحين هو الي تأذى و عبد الرحمن بخير و عافية و بدأت تصيح بقوة عبدالله:حبيتي هذا الي الله كتبه ما نقدر نغيره لا تخافي عادي سالم قوي و الله أيساعده إن شاء أخذها و جلسوا ع الكرسي و نامت بحضنه عبدالله بهمس:ميساكي لا داعي لوجودك هنا اذهبي مع طارق لمعرفة حالة سالم ميساكي:حاضر سيدي طارق:خالي أنا بروح أشوف عبد الرحمن و اعرف منه السالفة عبدالله:لا خلي عبد الرحمن علي طارق:إن شاء الله هيا ميساكي طلعوا من الغرفة عبدالله جلس يفكر كيف اتسم بهذا الهدوء و هو ميت من الحرقة على ابنه يمكن بسبب حالة عايدة هو يعرف أنها تحب سالم كثير و أكيد هذا اثر عليها. ***************** بعد مرور ساعة جهاد يكلم عبدالله و عايدة وطارق:سالم بخير حالته مستقرة الحين و تجاوز مرحلة الخطر عبدالله:يعني نقدر نشوفه؟ جهاد:ايوا عايدة:لكن ؟ طارق:ايش لكن خالو الحمدلله سالم بخير و عافية عايدة:أنا دكتورة و عارفة بعد ما شفت حالته انو في لكن صح جهاد؟ جهاد:الدكتورة معها حق في لكن عبدالله:قول و الي يرحم والديك يكفينا الي فينا جهاد:ما اعتقد أنه أيرجع يمشي مرة عبدالله:ايش؟ عايدة:جهاد لا تكذب هذا وقت ما يحتمل فيه الكذب جهاد:بس أنا ما اكذب إذا تريدي روحي تأكدي بنفسك عبدالله:يعني ما في علاج ؟ عايدة:خلي أنا بروح أشوف حالته و أعلمك طارق خذ خالك و ارجعوا البيت أتشوفوا سالم بكرة إن شاء الله طارق:حاضر عايدة:أخوي لا تنسى تأخذ أدويتك عبدالله:هو أنا فيني حيل جهاد:لازم تشرب الدواء يا أبو سالم عبدالله:يلا طارق خلا عايدة علميني كل شي عايدة بحزن:لا تواصي حريص طارق:مع السلامة أنشوفك عايدة:مع السلامة.التفتت لجهاد:خبرني كل شي عن حالته جهاد:حاضر *************** عبد الرحمن قام و هو يحس بثقل ف رآسه و ما عرف وينه في فجأة حس بحركة قام و شاف عايدة جالسة ف كرسي موجود قدام السرير مباشرة عبد الرحمن ابتسم:يا الله أكيد أنا محظوظ أقوم الصبح ألاقي قدامي ملاك يا الله عايدة بقهر:أحر ما عندي أبرد ما عندك؟صح أنك.... عبد الرحمن:خير أنا ايش سويت حتى تعصبي علي كذا؟ عايدة بعصبية و الدموع بعينها:ايش سويت؟ايش سويت تسأل يا عديم المسؤولية تأخذ قاصر و تروح تسابق معاه أنت بكامل عقلك ولا ايش؟سالم ما عاد يمشي مرة ثانية فاه ايش يعني ما عاد يمشي ضيعت مستقبله وهو لما قام أول شخص سألنا عنه هو أنت و أنت و لا هامك. عبد الرحمن:بس هو ما رفض عايدة:سالم متربي على أنه ما يقول لأكبر منه لا بعدين أنت خاله مستحيل يقولك لا عبد الرحمن:يعني ما في علاج له؟ عايدة هدأت شوي:إحنا ندور حاليا بمستشفيات ثانية عبد الرحمن:اها زين عايدة حست بالاشمئزاز منه قامت و طلعت برا من دون ما تقول شي مشت بسرعة و كانت شوي و تصطدم بطارق طارق:واو خالو شوي شوي عايدة:طارق قسم بالله أني أكرهه واحد حقير نذل ما يهتم غير بنفسه جهاد كان مار و سمع كلام عايدة:من تعيس الحظ الي جالس ينسب بهذي اللحظة؟ عايدة:جهادو أنا ما فاضيه لك الحين سامع جهاد شاف على طارق يستفسر منه بس طارق رفع أكتافه و حرك فمه بكلمة(ما أعرف) طارق:خالو هدي و خبريني من هذا الحقير النذل و ايش؟ جهاد:الي ما يهتم غير بنفسه طارق:ايوا عايدة كافيها غمها من عبد الرحمن عصبت عليهم:يا اسمعوا أنا ما ناقصة هبالكم الحين الي فيني كافيني عله. طارق و جهاد يضحكوا عليها شكلها مرة متنرفزة من واحد ما يستاهل جهاد:أنا رايح افحص عبد الرحمن طارق:جاي معاك دخلوا غرفة عبد الرحمن لقوا جالس يشوف تلفزيون و يأكل مكسرات و يضحك طارق شاف على جهاد و قال:أعتقد عرفنا من كان ينسب.جهاد حرك رآسه و ضحكوا:هههههههه عبد الرحمن التفت صوبهم و قال:أوووف هذا أنتوا؟على بالي الدكتورة عايدة جهاد:ادعي ربك ما تدخل و تفحصك بتروح فيها طارق:بعملتك هذي خليتها تكرهك ميح حتى اسمك ما أتطيقه عبد الرحمن:ما عليه عادي طارق:بعد شوي الشرطة أتجي تأخذ إفادتك عبد الرحمن خاف:الشرطة ليش؟ طارق:شكلك كنت تسابق ف سباقات غير شرعية عبد الرحمن بارتباك:سباق أي سباق الله يسلمك أنا ما كنت أسابق جهاد:لا تحاول معنا حاول مع الشرطي و سمعوا دق ع الباب طارق:تفضل دخل الشرطي:السلام عليكم الكل:و عليكم السلام الشرطي:إذا سمحتم ممكن تخلونا وحدنا؟ طارق:أكيد تفضل يلا عبد الرحمن أشوفك على خير جهاد:أشك أنك بتشوفه سلام عبد الرحمن و الخوف مسيطر عليه:ههه ههه ههه ****************** ف غرفة سالم بالبيت عايدة:سالم يا إنك تآكل أو تشوف وجهي الثاني سالم:عمتي قبل شوي بس اكلتيني أكل ثقيل و تريديني أكل مرة بدل ما أشفى بسمن عايدة:اوكي هذي المرة أعديها عليك عبدالله:خفي عليه أيستفرغ ف الطائرة عايدة:متى رايحين؟ عبدالله:تقريبا الساعة عشرة بالليل يعني أنطلع من هنا الساعة ستة عايدة:والله بشتاقلكم كثير سالم:لا تخافي عمتي إحنا أنكون معاكي 24\7 .MacDonald’sعايدة: ههههه لا قول عبدالله:حسين و أحمد أخليهم عند جدتهم كم يوم بعدين سيري وأخذيهم عند خالو رحمة أوكي عايدة:تآمر أمر يا الغالي ************** في المطار سالم:عمتي بس خلاص أنا ما رايح أموت هناك رايح أتعالج عايدة:ما أقدر أمنع نفسي أنت سالم حبيب قلبي سالم:عاد أعتقد في شخص ثاني يعني ما أنا وحدي لا؟ طارق يمثل الغيرة:أكيد أنا ماخذ المساحة الأكبر صح خالو؟ عايدة تضحك بين دموعها:ههههه أنتوا كلكم ماخذين قلبي. الكل:هههههه و فجأة:السلام عليكم الكل التفتوا و شافوا عبد الرحمن عايدة حست بالكراهية تتدفق بقوة ف دمها:أوف يلا أخوي مع السلامة تروحوا و ترجعوا بالسلامة do your best سالم و راحت حتى ما التفتت و عبد الرحمن أنقهر و قال ف نفسه:ما عليك كان ما خليتك تبوسي رجلي. ************** نهاية الجزء التاسع و كل عام و أنتوا بخير و رمضان كريم | |||||||||
|
| |
|
| الكلمات الدلالية (Tags) |
| alucard16, الكاتبة, حلالي, miss, فيها |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
