16-04-14, 02:39 PM
| #141 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  بيسان: كلا متضايقه وحزينة مرات أحس أن مالي أهمية بالحياة ولا لي قيمة ! لين جلست جنبها وبا أهتمام: علامك بيس ..؟ بيسان تنهدت: طفشان ومتضايقه .. لين: أنتي بنعمة محسوده عليها .. بيسان: محسوده ..؟ لين: غيرك ما عنده وقت كلا مشغول فأنتي بنعمه محسوده بيها , قومي صلي ركعتين وأدعي ربك أجلسي أستغفري .. بيسان: هههههههه .. لين:!!!! بيسان: أنا الفروض ما أصليها مو مداومه عليها .. لين بصدمة: كيــــــف ..؟ بيسان: متى مشتهيت صليت وهكذا .. لين بنفس صدمتها: وأبـوك عارف ..؟ بيسان: أي عارف هو ينصحني بين فترة والثانية بس ما يقدر يجبرني .. لين: لا حول ولا قوة إلا بالله العلي العظيم .. بيسان: حاولت أني ألتزم بصلاتي بس أحس بغمته .. لين: طب , تعرفي عقاب ألي ما يصلي بيسان ..؟ بيسان: أي عارفه بس حاولت ولا قدرت .. لين مسكت يدها: بيسان يا بنتي الصلاة متعلقه بكل شيء , بالرزق بالسعادة والخير والأنشراح , دايـم أنتك مغبونه بسبب بعدك عن ربـك .. بيسان: أدعي لـي .. لين شدت على يدها: الدعاء دون المحاولة لا يكفي لابـد أنك تجاهدين .. بيسان: إن شاء الله .. لين حست أنها تهمشها وسرعان ما قامت من الصالة توجهت للمكتبة وبيدها كوب شاي وشافت فواز لابس نظارته الطبية وعليه بجامته الرماديه وهو يتصفح الملف .. أقتربت منه وبهمس: أحـم .. فواز منتبه لها وهو مندمج بالأوراق .. لين حطت الشاي بالطاولة .. فواز بدون ميناظرها: شكـرا .. لين برمت شفتها على جنب: فواز ممكن أنتباه منك .. فواز: معليش أجلي الموضوع بالليــل .. ليــن: بـس .. فواز: رجاءا .. لين عرفت أنه بجد مشغول وحبت تضغط عليه , وطلعت من المكتبة وشافت من النافذة وعد طلعت بالحديقة وجلست بالكرسـي الأبيض جنبها: مساء الخير .. وعد أنتبهت: بسم الله .. لين: خوفتك ..؟ وعد: كنت سرحانة .. لين بوديه: ممكن أعرف بـمن ..؟ وعد: بحســام .. لين باندفاع: أتصـل بك ..؟ وعد: لا مهوب متصل خلاص , أنا أعرفه .. لين:...... وعد: كلما هنالك أنا مكنت بتجه لهالطريق إلا وأني محتاجة فعلا أحد جنبي وأشاركه أفكاري وأكثر من قبل .. ريفي مع أيمـن طول وقتها , وبيسان ملتهيه بجهازها وأنا ما عندي أحد .. لين حطت يدها على كتفها: حابه ترجعي له ..؟ وعد بمصداقيه: أنا صح نسيته نسبيا يا لين , بس مرات أشتاق أني أتكلم وأقول ألي بخاطري به دون تردد .. لين:........ وعد: هو جرحنــي يا لين .. لين مسكت يدها: يا وعد بلاش نكذب على بعضنا هو كان صريـح معك من أول , كان يريد صداقة مهوب زواج كان تركتيه من أول .. وعد تنهدت: مكنت أعرف أني بحبه وأتعلق به كذا .. هو ظل يتصل فترة وبعدها تركنـي ومن تركته عدت شهور .. لين بابتسامه: أنا فخورة بك يا وعد لأنك قدرتي تبعدين عنه ولأنك عزمتـي بالعلاج بجد من حبك له .. يتبـــــع | | ||||
|  |
|
16-04-14, 02:39 PM
| #142 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لين بابتسامه: أنا فخورة بك يا وعد لأنك قدرتي تبعدين عنه ولأنك عزمتـي بالعلاج بجد من حبك له .. وعد: الفضل لله عز وجل ثم أنتي .. وسكتوا فترة .. وعد: ليــن ..؟ لين التفت لها: أمـري .. وعد: أنتي صـدق عقيـم ..؟ لين: بيسان قالت لك ..؟ وعد هزت راسها بإيجاب .. لين ناظرت لسماء: أمكن هالسؤال يدور ببالك أنو كيف أنا قابله صح ..؟ وعد: أي حسيت أن عادي عندك .. لين قامت من الكرسي وكفتت يدها , والهواء يداعـب طرف شعرها : زعلت وتضايقت وبكيت وبعدين ..؟ تعرفي أول ما عرفت جاتني صدمة كبيرة وقلت لو تطلقت من ياسر الناس بتعرف أني متطلقه لأجل أني عقيم مو لأسباب ثانية أهم من كذا , وبظل مطلقه وخلاص .. وبعد شهور عرفت أن العيال مو كل شيء بالحياة .. ومنها أشتغلت وسرعان ما تقدم أبيك لخطبتي كنت أقول بداخلـي هـل أقدر أنســى الماضـي .. وعد: وهـل نسيتي ..؟ لين أكتفت أنها تناظرها بصمت .. بروح أجيب مويا وأجيك .. وعد: أوك .. وراحت لين .. ريفان دخلت مندفعه :لاحد يدخل المجلس طيب ..؟ وعد وهي تشوف كشختها باندفاع: جاء الحبيب ..؟ ريفان: أي .. وعد: أها عشان كذا كاشخه .. ريفان: المهم بلغي الست ليـن .. وعد: هي بالمطبخ تجيب مويا .. ريفان: طيب بروح لها .. وبالمطبــخ .. فتحت البراد تشرب مويا .. لين بود: خلاص تنظيف نانسي ..؟ نانسي: أيوه مداد لين .. كان واقف جنب الباب وهو يناظرها بنظرات حادة ( آيش هالجمــال والأناقة وش هالجسم ماشاء الله ) لين: شيلي هالأغراض وحطيهم بالحديقة .. جابت صحت وصارت تحط الحلى والشبسات وفشار بالتوفي وعصائر وقهوة وشاي .. وهو يشوف حركاتها وخفتها وسحر بسمتها .. لمح ريفان من بعيد وأبتعد من المطبخ شوي .. ريفان: هذا أنت , أيش جيبك هنا ..؟ أيمن بربكه وهو يحاول يضبط نفسه: أي كنت عطشان وندهت للخدامة ولا جات , قلت أخدم نفسـي .. ريفان ببتسامه: أخص يالخدومـ , طيب روح وأنا بجيب لكم ويا .. أيمـن: أوك .. وراح للمجلي وباله مو عنده يفكر بألي سحرته .. ! ودخلت ريفان المطبـخ وبخاطرها ( الحمدلله أني لحقت على أيمن عشان مايدخل المطبخ ويشوف لين ) : أحد دخل هنا ..؟ لين: لا .. ! ريفان عرفت أن أيمن ما شافها وباندفاع: نانسي تركي ألي بيدك وجيبي لنا مويا .. لين باندفاع: أي أنا جهزت كل شيء , تعالي بالحديقة كلنا سوا هناك .. ريفان بدون متناظرها: مالك شغل , وبعدين أنا مو جالسة معكم , حبيبي أيمن جاي وبالمجلس فا لا تدخلين .. وطلعت من المطبخ .. لين دوبها تعرف أنه جاي: لا حول ولا قوة إلا بالله .. وشالت لصحـن عن نانسي وجات بتروح للحديقة خذ الصحن منها: أساعدك .. لين ناظرته: تسلم لي يا بعدي .. عمر: وين رايحه يا يمه ..؟ لين ببتسامه : للحديقة متجمعين .. عمر: وأنا من ضمن الجمعه ولا ..؟ لين: أي اكيــد حبيبي تعال يلا .. وأيمن كان يناظرهم من باب المجلي من بعيد ( أهبـل ذه ولا أيش يقول لها يمـه , ذي جمال يسحر وباين أنها صغيرة وأنا أقول وش ألي معلق فواز فيها وعمر حظه حلو يحــل له شوفه زينها ) وشاف ريفان بتدخل , بســرعة راح جلس .. ريفان: أسفه حبيبي , تأخرت عليك كنت أضبط نفسي .. أيمــن :.......... ريفان: ولا آيش رايك فيني .. أيمن: زين .. ريفان بغرابه من كلامه وتصرفاته اليوم : أيمن به شيء شاغل بالك .. أيمـن بلا شعور: أي .. ريفان باندفاع: ميــن ..؟ أيمن: بالــزيــــن .. ريفان بخجل نزلت راسها ظنت أنه يقصدها .. !! أنتهـــــــى البارت | | ||||
|
| |
|
30-05-14, 01:40 PM
| #143 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رواية بجنون أحبك / الكاتبة ساندرا البارت العشـــــــرون .. بالحديقة .. على الساعة 8 ليلا .. تجمعت لين مع البنات دون ريفان .. وعمر .. جالسين يلعبون ورق على الطبلية .. عمر حط الورق وباندفاع: فزت .. بيسان بقهر: لا انت تغش .. عمر بضحكه: منقهرين مني عشان اني فزت .. بيسان: لا ذي ثالث مرة تفوز ووضعك مكشوف .. عمر: ههههههه .. بيسان شافت ابوها من بعيد وبصوت مسموع: يبه .. فواز التفت لها .. لين كانت تدف عربية ام فواز وهي تتكلم معها وتضحك سمعت بيسان تناديه بس همشت .. ام فواز: وانا مابغيت منها الا كل خير لما جيت انصح ميثاء واتمنى ماتزعل مني .. لين ببتسامه: لا وش دعوة ماتزعل منك يالغالية .. ام فواز بهمس: اقول ايش جيب فواز لنا مو قلتي انه مشغول .. لين :.... ام فواز: تعالي نجلس معهن .. لين: يلا .. وسحبت الكرسي وجلست بجمعتهم .. فواز: الله الله وش هالحركات فالينها اجل من دوني .. بيسان :لين ندهت لك وانت قلت لها مشغول .. فواز بعدم تصديق: متى !!؟ لين: شفت انك مشغول محبيت ازعجك وانده لك ثالث مرة وتجلس تصرخ علي .. فواز :........ بيسان باندفاع : عمر يغش يبه .. عمر: هههه مالي ذنب لو منتي بديهه زيي .. بيسان :اي هين .. وعد :طيب دام ابوي موجود هو بيراقبه ونكمل لعب .. بيسان بحماس :يلا .. لين رن جوالها وقامت .. وردت بستغراب: هلا هدى .. هدى بحزن: هلا لين .. لين بخوف :علامك ؟ هدى: ودي بشوفتك يا لين .. لين تشوف ساعتها الي بتقارب على دخول الساعة 10:11 الوقت متاخر يا هدى ، ايش رايك تجي بكره والوقت الي يناسبك .. هدى :طيب يناسبك بعد صلاة العصر .. لين: اي طبعا يا هدى ولو ، البيت بيتك وحياك الله باي وقت .. هدى: يعطيك العافية يلا فمان الله .. لين: فمان الكريم .. سكرت منها وبالها مشغول على اختها ، محبت تقول لها انها تبوح لانها قالت لابد تشوفها وتعرف ان الموضوع كبير ولا مكان كلمتها اصلا ! لفت وجها شافت قبالها وعد وببتسامه: هذه لك .. لين بغرابه: لي .. اعطتها رسالة .. لين: من مين ؟ وعد بشرط: ماتفتحينها احين ، بعد ربع ساعة فتحيها ! لين بغرابه :وليه ؟ وعد: لاتسالين وخلص .. وسحبت يدها لاجل تلعب معهم ورق وهي تفكيرها مع اختها .. وبعد عشرين دقيقة دخلت للمطبخ تنظف مع نانسي .. والعيال بغرفهم .. ريفان كانت بالغرفة تقيس عبايتها الجديدة الي شراها لها ايمن .. ماسكه عليها وجايه على الكتاف واكسسوارات من الكتف باللون الذهبي وكانت فخمه مرة .. وعد دخلت الغرفة: ماشاء الله ايش هالجلابية ؟ ريفان: انتي عمياء ذي عباية مو جلابية .. وعد انفجعت: استغفر الله ، وايش حا تسوين فيها .. ريفان ببتسامه: حلوة مو ؟ جابها ايمن لي وقال البسها لخذته .. وعد وعاجبك ؟ ريفان: اهم شيء رضى زوجي .. وعد اقتربت منها وحطت يدها على كتف اختها: اهم شيء رضى ربك وبعدها تجي الامور الثانية التوفيق والراحة والاستقرار من ربي مو من زوجك .. اطيعيه وارضيه يرضى الخلق عنك .. ريفان همشت كلامها وهي تناظر بعبايتها الي كما قالت وعد انها جلابية مو عباية !! بعد مانظفت المطبخ ،فتحت الورقة مكتوب تعالي للغرفة ضروري ، توجهت لغرفتها .. شافت شموع بالتسريحة وريحه المكان عطره .. وفوق السرير قميص احمر وجنبها ورقة فتحتها مكتوب البسي القميص وتعالي للغرفة الي جنبنا .. ورحت للتواليت تبدل ملابسها وفرشت اسنانها ومسحت وجها من المكياج ونظفته بغسول الورد .. ضبطت حواجبها وغلوس هادئ وتسبحت بالعطر وفردت شعرها .. لبست صندلها العالي الذهبي وحلق ناعم ذهبي .. فتحت الباب وشافت طاولة بها شموع وكيكة ومناديل ملونه وعصير فوار .. وشافته واقف جنب الطاولة وبفمه ورده حمراء اقترب منها وباس يدها وشال الورده الي بفمها وعطاها اياه ..خذتها .. فواز :انا اسف .. لين:..... فواز :ممكن تجلسين .. لين ناظرته بعتاب وكشرت .. فواز: عشان خاطري جلسي .. لين ظلت واقفه .. فواز سحب يدها وجلسها قباله شد على يدها :انا اسف سامحيني .. لين حطت رجل على رجل: اسامحك على ايش بالضبط يا فواز ؟ فواز :والله مو قصدي .. لين: انا زعلانه منك بجد يا فواز .. فواز قاطعها: انا لما عرفت انك زعلانه مني قلت اصير رومانس وانا الي اقوم بالحفلة الصغيرة بنفسي واخترت لك قميص ماتوقعت انه حلو .. لبستيه وزاد جمال ماشاء الله .. لين اخفت بسمتها: والمطلوب بعد هالتخطيط .. فواز :انك تسامحيني .. لين :وليه عصبت علي لما ندهت لك .. فواز باس باطن يدها :يا عمري والله كنت مشغول .. كان بالملف ورقة ضايعه قلبت المكتب ادوره والحمدلله لقيته تحت الطاولة طاحت ولا انتبهت لها .. لين :وبيسان طيب ؟ فواز: ايشبها بيسان ؟ لين: انا جيتك بالمكتب عشان اريد تفسير منك .. فواز: عن وش ؟ لين: دوبني اعرف يا فواز انك عارف عن موضوع والصلاة وساكت .. فواز تنهد: يا لين انا لما طلقت منال عرفت انها ماتصلي الا اذا اشتهت نصحتها وكلمتها .. وان رحنا مكان او كنت جنب امرها بالصلاة وتصلي .. لين تنهدت: يا فواز ذي صلاة مهوب لعبة بها جنه ونار فواز: ايش السوات برايك اني اضربها ضرب مبرح لما تصلي .. لين: احيانا العنف ينفع بس مو وهي كبيرة المفروض من اول تنتبهو لها .. فواز: تنتبهو ! قصدك انتبه مو تنتبهو انا محد رب عيالي غيري مسؤؤليتي كثيرة شغل وتربية ودراسة .. لين قاطعته بود: مو قصدي اتهمك بالتقصير يافواز وعارفه ان هالامور تحصل بكل بيت لا حول ولا قوة الا بالله ، بس بالوقت الحالي تمنيت لو به تشديد تجاهه .. فواز: ان شاء الله ويدك على يدي .. لين: انا ماصدقت ان البنت تتقبلني وانت تريدني ... فواز قاطعها: تدخلاتك بتكون غير مباشرة .. لين :طيب .. باليوم التالي .. تحديدا بالمشغل .. جات ميثاء تسرح شعرها .. لين هاه :ايش ريك ؟ ميثاء تشوف بالمرايه: الا حلو مرة .. جين ببتسامه :ايوه حلو حاجب انتا .. لين: طيب انا بروح للاستقبال .. وراحت فتحت اللابتوب وجاتها ام عبد الاله ووقفت .. ام عبدالاله: اليوم مو عاجبتني ابد ، قلت اجي واسالها بيجوز تقول لي .. لين ببتسامه: كنت مترددة اني اطلب منك اذن اني اروح للبيت .. ام عبدالاله :انتي فعلا تحتاجين لراحة .. لين: منيب تعبانه بس مواعده اختي لعندي .. ام عبدالاله: اوك مابه خلاف ... لين :اسفه بعرف اني مقصره بشغلي بس ... ام عبدالاله ببتسامه: لا تقلقي يا عمري انا عاذرتك .. لين خذت جوالها واتصلت على عمر ووصلت للبيت .. غيرت ملابسها ولبست افريول بيج ومن اسفل البنطلون ربط بلون التركواز والاكمام حاير وربط ايضا بلون التركواز .. تسبحت بالعطر وفتحت شعرها وجددت مكياج بمكياج جذاب وانيق .. وصندل عالي تركواز .. جهزت الطاولة الصالة لتقديم وزينت الكيك والعصاير واذن العصر وهي تشوف ساعة الحائط واتصلت بااختها وقالت انها بالطريق .. دقايق ووصلت هدى استقبلتها استقبال حار لين .. جلست قبالها :منور البيت .. هدى :تسلمين .. لين :وهي تشوف الحزن بوجها علامك يا هدى .. هدى :سعد يا لين .. لين باندفاع: بسم الله علامه ؟ هدى خنقتها العبره: تزوج علي .. لين انفجعت من كلامها :من جدك وكيف ومتى .. هدى :قبل فترة كنت الاحظ عليه سهره بالخارج بكثره والاحظ تغيره علي ومصار يجلس معي ابد وكلا سرحان واشوف مرات علامات برقبته بشكل مقزز .. لين بااهتمام :وبعدين .. هدى تمسح دموعها :اول ما عرفت يا لين ما قدرت اتماسك نفسي تعبت بالحيل يا لين مدري وش اسوي.. لين :طيب انتي تعرفين اسباب زواجه بالثانية ؟ هدى بشراسه :بغض النظر عن الاسباب هو ماله صلاح انه يخوني ، الخيانة كبيرة يا لين يعني لو فواز تزوج عليك بترضين ؟ لين بتفكير عميق :تصدقين يا هدى انا لو تزوج علي فواز بيكون حوار بيني وبينه .. هدى قاطعتها :هو رافض انه يحاورني وينكر .. لين :بسالك وجاوبي طيب ؟ هدى: طيب .. لين :من الي ياخذ ومن الي يعطي اكثر انتي ولا سعد.. هدى :انا اخذ اكثر مما اعطي .. لين :بداية زواجك كنتي بقمة سعادتك وبعد فترة طويلة تغير الحال برايك ليه ..؟ هدى :لان هو تغير معي ، وبعدين ايش دخل هالاسئله الي تسئليني اياها بموضوع الخيانة .. لين :المعذرة يا اختي العزيزة ماتشوفين ان تصرفاتك معي جدا به انحطاط ؟ فما بالك با اساليبك لزوجك ؟ صحيح انتي ما تتكلمين معي كثير ولا تقولين لي عن حياتك وهذا حقك ، بس لما تطلبين الحل والعلاج فا هو بيدك انتي يا هدى .. هدى: ......... لين :بمجرد حديثي معك دحينه صوتك عالي وتصارخين كنك اني انا المسؤؤلة عن هالشيء ! خذي الموضوع بسلاسه يا هدى هو تزوج وخلص .. انتي لو كانك محتاجة لتفكير حاتفكرين بس بطريقتك مع زوجك .. زوجك لسبب زواجه امر ، انتي جعلتي من زوجك انه كل شيء بحياتك ونفيتي كل شيء لك .. شوفي شكلك ولبسك وتعاملك كنك وحدة بالخمسين مو بالعشرين اصحي على نفسك ولا تقولين انا سويت وضحيت وفعلت .. زوجك يا هدى ما يريد وحدة تسكت عليه يريد كلام وفعل .. هدى تمسح دموعها: انتي ماتعرفين شيء .. لين: الا اعرف يا هدى انا اعرف وساكته ، اعرف انك ساكته انه مايعطيك مصروف ، وبعتي ذهبك عشان انه مديون وقلت لك وقتها انها يكذب بس ماصدقتين .. وهالديون طلعت يجمع لزواجه الثاني كنتي تقولين ماعنده فلوس مسكين والي بيتزوج يا هدى يكون ماعنده فلوس ؟ هدى رفعت نظرها لها وطاحت دمعه جددت كل الم فيها دمعه حرقتها دمعه حست انها ضيعت نفسها بجد وببحه: ايش السوات يا لين ؟ اتطلق يعني ؟ لين مسكت بيدها وبتحذير :اوعي يا هدى تطلبي الطلاق ، اوعي اوعي .. هدى بحزن وبالم: مقدر اعيش معه ولا اشوفه يا لين افهمي .. لين: انا فاهمتك بس خلينا نخطط ونفكر ايش تسوين بلا هالخبال .. هدى: وايش الحل برايك ؟؟ لين وقالت لها الخطه .. وبعد صلاة المغرب راحت هدى ، نظفت المكان وشيكت على نفسها زادت من عطرها .. وضبطت مكياجها وبعد ربع ساعة . فتح الباب وريحه المكان جميلة ابتسم بلا شعور .. وهو يشوف الشموع بالزوايا والانوار هادئه .. لين اقتربت منه واستقبلته بحب واهتمام وهي تشلح شماغه وسرعان ما لبس بجامته وراحوا لصالة .. وبابتسامه :وين العيال اجل ؟ لين: طلبت من عمر يوديهم لامهم حرام يقطعونها ، واميمتك نامت بعد صلاة المغرب .. فواز بفرحه: اجل مافي الا انتي وانا بالبيت ... لين: ههههههه ، حبيبي كيفك ؟ فواز: الحمدلله .. لين :لا شكلك مهوب مطمني ابد حابب تحكي ؟ فواز: بندر .. لين :صديقك الي قلت ليا انو بيرجع من السفر .. فواز :رجع بالامس يا لين وجاني بالدوام .. لين با اهتمام: طيب .. فواز كمل: باين عليه مهموم وحزين رغم اني سعيد بشوفته .. لين :وقال لك الي يتعبه ؟ فواز :هو متزوج بنت عمه تقاليدهم كذا البنت لولد عمها ومهوب مبسوط معها ، رغم ان زواجهم خذ سنه .. كان مبتعث للخارج وقبل لا يسافر زوجوه اهله على السريع حفاظا على نفسه ، وبعدها يقول ان معاناته بدت من تزوجها .. لين :طيب حبيبي وايش هي مشكلته برايك ؟ فواز: مابه توافق بينهم ، يقول ان عمته ماعلمت بنتها ابد المسؤؤليات بس على الجوال وتصوير وغيره وانا شرت انه يكلمها وقال انه يكلمها وهي تقول له هذا انا وانت حر .. لين :لا حول ولا قوة الا بالله .. فواز: وهو نحفان مرة وباين انه مهوم مرة .. لين قاطعته :حبيبي ايش رايك تعزم بندر وحرمته لعندنا منها اتعرف عليها وبيجوز اصادقها .. فواز :انا مريد اتعبك يا لين . لين مسكت يده وباستها: تعبك راحه يافواز وهالكلام مريد اسمعه منك ابد .. فواز بحب :يابختي بك يا لين .. لين مدت له العصير .. فواز :شربيني انتي .. لين بضحكه: يا دلوع انتا .. وصارت تشربه وهو مبسوط فيها ويستمع لكلامها .. يتبــــــــع | | ||||
|
| |
|
30-05-14, 01:41 PM
| #144 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لين بضحكه: يا دلوع انتا .. وصارت تشربه وهو مبسوط فيها ويستمع لكلامها .. سرعان ما مر هاليوم ، وبعد صلاة العشاء .. بالمطبخ .. اختارت لين اجمل الاطقم و المفارش والمناديل الملونة والكؤؤس الرفيعه والحلويات والاطباق الجانبة .. بمساعدة بيسان ووعد ونانسي .. كانت تعلمهم التقديم والطبخ والي تعرفه كانت تعلمهم.. توجهت للغرفة وبدلت ملابسها .. ولبست فستان اسود لنصف الساق با اكمام حاير والموديل مفصل جسمها على صندل ذهبي وحلق طويل ذهبي لامع ومكياج جذاب اندماج بالذهبي والاسود .. تسبحت بالعطر .. وتوجهت لصالة ترتب مع البنات لما وصلت الضيفه .. وهي منبهره بالتقديم وجمال الطبخ والتنسيق .. لين بترحيب: ياهلا والله بالغالية .. التفتت لها وشافت اناقه وجمال وبعد السلام .. جلست قبالها .. مي: ماشاء الله ، تقديمك روعه .. لين: لو حابه تصورين صوري عادي .. مي مسكت جوالها وصارت تصور بعدة زوايا .. خلتها لين على راحتها وراحت للمطبخ تحط العشاء لمجلس الرجال وجاء عمر ورائد يزيد يشيلون الاطباق.. وبعد خمس دقائق راحت لصالة جلست جنب مي وتتكلم معها عن التصوير وان هالشيء يعجبها .. مي: على انك طباخه بس مستغربة انك مو سمينة .. لين: فواز يريد رشيقه .. مي: ماعليك منه طربي نفسك .. لين حست انها فتحت مجال وانها فرصتها :اي ، لابد رايه ونظرته فيني .. مي: لو انا منك اطنشه ولا علي منه ، حتى بجسمي بيتحكم ! لين ببتسامه: اي زي ما انا اريد اشوفه رشيق هو يريدني كذا .. بيسان :اي انتي دبدوب مي .. مي حطت يدها على بطنها :علي عافيه .. الكل ههههههههه .. لين تلطف الجو: عليك عافية .. وبعد العشاء الطيب قاموا البنات وانفردت هي ومي .. مي: البيت جميل مرة ماشاء الله ، كنت اقول لبندر اني اريد زي هالبيت ، شفته من برا حلو ومن داخل احلى لين: هالبيت يبا له تنظيف واهتمام وتعب حبتين الصراحة .. مي: ماعندك خدامة ؟ لين: الا عندي بس ما يكفي لابد انتي بعد تساعدي بالبسيط .. مي: انا مانظفت ببيت اسرتي بنظف ببيتي ! ، الخدامات مابيقصرون ان شاء الله .. لين :دوبك متزوجة وماعندك عيال تريدي خدامة ، ما تشوفين انها صعبة شوي ؟ مي تنهدت :يا لين انا ما اعرف هالامور انا ببيت اسرتي ملكه تعرفي كيف ملكه ؟ حتى المنديل مرفعه من الارض كلا الخدامات .. لين: اها .. مي: هو صحيح ان بندر تعبان مني وكثير ينبه علي بهالشغلات بس قلت له اول مانرجع لسعودية بجيب وحدة من خدامات اهلي كل عصرية تجي وهو رفض ، لان امكانيات مايقدر يجيب خدامة .. لين :طيب عرفتي سبب رفضه ؟ مي: انا نفسي اعرف سبب رفضه .. لين التفت لها :مي تعرفي الرجال ليه يتزوج ؟ مي :عشان يستقر .. لين: طب وكيف الاستقرار بنظرك ؟ مي: ...... لين كملت :انا معرف ايش بينك وبينه ، بس من حديثك حسيت انك تجهلين امور كثيرة والمفروض انك تعرفينها من زمان مو من دحينه ، الرجل لما يتزوج يتمنى كلمة حلوة من شريكه حياته واهتمام ومراعاه وحب .. اطبخي له حتى لو طبخك مو حلو .. غسلي ثيابه وسيبي يوديهم المغسله او جمعيهم له بكيسه واديهم اياه لجاء بيطلع .. مي قاطعتها :يا لين انا احس مرات ان بندر ما يحبني كنه مجبور علي ، كل شيء ينتقدني به ، حاولت الصراحة اطبخ وسويت مرة بيض مقلي بس محترق وعصب علي ومن بعدها بطلت .. لين: لك عذرك بس لا تياسين ، انتي سوي الي عليك حتى لو مالح او محترق ، وبالتدريج حا تتفنني باذن الله.. مي: اي ان شاء الله ، انا من شفتك ارتحت لك لين .. لين: وانا ارتحت لك يالغالية .. وصارت مي تتكلم عن مواقفها مع بندر وتتكلم بطلاقة كما لو كانت تعرفني منذ زمن ..!! وعلى الساعة 11 والنصف .. راحو الضيوف .. توجهت لين للغرفة ورمت نفسها بالسرير وهي تشلح ساعتها وحلقها .. دخل فواز وعلق شماغه وشلح ثوبه وهو يناظر لين الي باين انها سرحانه .. لبس بجامته وجلس على طرف السرير وبهمس :مو كنا فستانك قصير ؟ لين انتبهت له وعدلت جلستها: لا بس كنت متسطحه وارتفع شوي .. فواز :طيب الحلو علامه سرحان .. لين :بالاول ايش.... فواز قاطعها وهو ضام وجها بيده وباس جبينها: بيضتي وجهي ياست الناس .. لين ببتسامه :عجبك مرة ؟ فواز :مرة حبيبتي بندر وهاني مو مصدقين ان ذه طبخك اليوم فلتيها صح .. لين: لان البنات ساعدوني .. فواز ببتسامه عريضة: صحيح ؟ لين :صحيح ياعين ابوي ، بيسان ووعد كانوا يقدمون افضل ماعندهم .. فواز :وريفان ؟ لين تنهدت: ريفان طول وقتها على الجوال وامس قال لي عمر انها لما راحوا لعند اميمتهم دخل ايمن وسوالف معه ونفت الموجودين والحمدلله انو مو لحالهم .. فواز :كان نفسي تتعلم شؤؤن بيتها .. لين: بتتعلم ان ارادت .. وسكتوا شوي .. فواز :وايش صار يا لين ؟ لين: من اول ماشفتها وهي بريئة مرة وعلى طول حكت الي بجواتها كله ، ومن كلامها عرفت ان بندر السبب مو مي .. فواز ناظرها: يعني تبين تقولين لي ان الرجال معاني والسبب منه .. لين: اي ليه لا .. لو انه تعامل مع مي زي ما يتعامل فواز لمنال كان حياته تحسنت .. فواز مادخل مزاجه كلامها :مقتنعت .. لين جلست جنبه: رجل تزوج من امرأه من نفس عائلته ، وكان في بعض أفراد العائله مرض وراثي ، وهو انخفاض قوة السمع مع تقدم العمر ، شك الزوج في زوجته أن سمعها بدأ ينخفض ،فاستشار طبيب العائله ، قال له الطبيب إن هناك طريقة سهله للتأكد من سمع زوجته ،،، وهي أن يكلمها بصوت معتدل على بعد 50 قدم منها ،،، ثم يقترب إلى 40 قدم ويعيد نفس الكلام ، فإن لم تجبه يقترب إلى 20 قدم ،،، ثم يقترب إلى 10 ،،، وإذا لم تجبه يكلمها من خلفها ،،، وهكذا يتأكد من قوة سمع زوجته ،،، عاد الزوج إلى المنزل وزوجته تعد طعام الغداء بالمطبخ ،،،، فابتعد عن المطبخ 50 قدم وقال لها ، حبيبتي ماذا تعدين للغداء ؟ فلم تجبه ،،،،! اقترب ل 40 قدم ،،، وقال ،،، حبيبتي ماذا تعدين للغداء ؟ فلم تجبه ،،،! اقترب ل 20 قدم وأعاد السؤال ،،، فلم تجبه ،،،! ثم اقترب لعشر أقدام وكرر السؤال ،،، فما أجابته ،،،! وأخيرا وقف خلفها وقال ،،، حبيبتي ماذا تعدين للغداء التفتت وقالت له ،، هذه خامس مرة أقول لك ، دجاج بالفرن ،،،! * ( لا تنظر إلى نفسك أنك على صواب دائما....قد تكون المشكلة عندك !!)* فواز:....... لين كملت :هو يريد امراه كاملة ولا اغلاط بيها وهالشيء لا يمكن ياليت تنبهه بالحديث ويفضل يكون بدري لان امكن مي تتعب منه والجروح الي سببها بندر يكون صعب انها تزول بسهولة ! فواز :الله يسعدك يارب كلامك عين العقل .. لين اكتفت بالابتسامه .. باليوم التالي .. فتحت دولابها تريد تلبس اشيائها الثانية بعيد عن ارواب البيت .. كل شيء كان ضيق عليها انقهرت ورجعت لبست قميصها العادي وسرحت شعرها وحطت مكياج بسيط .. وانفتح الباب وبحماس :هلا حبيبي .. سعد :هلا هدى .. هدى: تاخرت مرة .. سعد جلس وناظرها :اريدك بموضوع .. هدى قلبها نغزها وجلست جنبه وهي خايفه: امر .. سعد: انتي كنتي شاكه اني تزوجت عليك ، وانا فعلا متزوج عليك .. هدى: ......... سعد كمل: اضطريت انكر واخبي عليك لان ماجاء وقت مناسب اكلمك به .. هدى نزلت دموعها: انا نفسي اعرف ايش مقصره به معك .. سعد :انتي عطتيني اشياء كثيرة مقدر اني انكرك بس انا تزوجت .. هدى بنفعال وهي تبكي: اي قول لي سبب زواجك ولا تجاملني .. سعد: شوفي نفسك بالمرايه وبعدين بتعرفين الجواب وناظري للبيت وبتتيقنين الجواب .. هدى بذهول: كان قلت لي مو تتزوج على طول .. سعد تنهد: شوفي يا هدى انا كنت متساهل معك كثير وكنت اتمنى انك تشوفي نفسك شوي بدل ما انتي تناظرين با اختك واهلك بعداوة .. هدى وهي مصدومة من الي تسمعه منه .. قام وببرود :الليلة ليلتها مع السلامة .. هدى معرفت وش تقول وهي ظلت تبكي .. حست بألم وتعب وضيقه ضمت مخدتها ونامت ..! وبالمطعم .. فواز: المطعم دوبه فاتحينه ماظن انك دخلته ؟ بندر :فعلا اهنيك على ذوقك حبيبي .. فواز :مبسوط انك لبيت الدعوة دون تأجيل .. بندر: انا رجعت من السفر والكل ملتهي بحياته بس انت انت ماتغيرت اصلك ذهب .. فواز :ههههه كذا بغتر .. بندر :على اني اشوف انك تغيرت للاحسن وباين انك مبسوط الله يديمه عليك .. فواز شاف انها فرصة ودخل بموضوعه : تعرف ايش سر سعادتي ؟ بندر :عطنا .. فواز: السعادة يا بندر بتغير تفكيرك ! بندر بعدم استيعاب: كيف ؟ فواز :اني اجلس مع زوجتي واتغدا معها واشوف المويا حاره الي مفروض تكون باردة والخبز محروق ، وصراخ العيال .. وابتسم لها واقول انا احب نوعيه هالاكل الله يجزاك الخير ماقصرتي .. بندر كشر :وكيف ذي ؟ فواز: حبيبي بندر زي ما انت تعبان من شغلك وتتمنى لقمه طيبه هم زوجتك ببيت اسرتها قامت واهتمت انها تطبخ لك رغم عدم قدرها على الطهي الا انها حاولت ! الغير ما يحاول يا بندر >> كان يقصد منال .. بندر :...... فواز: ربما حقا المشكلة تكمن بعدم رضاك على زوجتك وترغب بزوجة كاملة تخالفها ! بندر: كل شيء فيها مو عاجبني يا فواز مو متقبلها .. فواز ببتسامه :اذن الغلط والعيب انك تدقق با اتفه الامور بتصرفاتها بتعاملها با ابسط رد تقوله وامكن حتى بمشيتها ! يا ولدي يابندر تراك بحسبه عمر ولدي صحيح انت اكبر منه بكم سنه بس بحسبه ولدي ولاني احبك انصحك لا تفرط فيها وتندم والقناعة كنز .. بندر نزل راسه :.... فواز حط يده على كتفه وببتسامه عريضة غير الموضوع :وبعدين الي يشوفك على هالكشخه يقول معرس ماشاء الله .. بندر ابتسم بصمت .. فواز: علامك ؟ بندر :تدري يا فواز ، ان الي عاجبني بك اسلوبك ولباقتك بالكلام انت فعلا اخ وصديق واب مثالي .. فواز اكتفى انه يبتسم له وانا انتظر النتايج والتغير .. بندر :ان شاء الرحمن .. وبعد العشاء الطيب ، كان متحمس يرجع من البيت واخذ ورود جوري شاف الانوار مطفيه وشغل النور وشاف المجلس الكنب منظف والمنديل بالارض ابتسم وتوجه للغرفة وبهمس بسم الله .. فتح الغرفة وريحتها عطره لاول مرة يشمه هالريحه .. شاف مي ترتب التسريحة وبهمس: السلام عليكم .. مي التفت له وببتسامه :وعليكم السلام , دوبني بكلمك بقول تاخرت .. بندر :كنت مع صاحبي عازمني على مطعم اكلاته رهيبة .. مي: جد .. بندر :انا مفكر نتغدا بكره ايش رايك .. مي بحماس: وناسه .. بندر ضرب جبينه بخفه من الحماس :نسيت اقدم لك تفضلي ومد لها ورود الجوري .. مي بذهول :لي انا ؟!!! بندر: ولاحلى قردة .. مي: قــــــردة !! بندر بضحكه :عاد تصدقين ان اسمي واسمك معناته قرد.. مي: هههههههه وانا اقول ليه صرت من حظي ..؟ بندر كان اول مرة يشوف مي تضحك كذا ويحس انها فعلا مبسوطة والي شافه بالمجلس وتغير من شكلها وتنظيم انها فعلا كانت تحاول انها تتغير رغم انها ماتتقن الشيء عدل الا انها حاولت .. مي بحماس: سويت لك كيكة حابه انك تذوقها وتعطيني رايك .. جلس جنبها واكل ملعقة من الكيكة وكانت ماصخه ومحترقه شوي ابتسم :بتغطين على منال العالم .. مي بفرحه :يعني عجبتك ؟ بندر باس يدها :تسلمي يالغالية .. مي حطت يدها على نحرها وعضت شفتها وهي تعبر عن سعادتها وانها حاولت تضبط الكيكة وكان بندر يناظرها وهو مبتسم ويستمع لاخر حديثها .. ** كلنا احبني من نرغب بحياة مثالية وجميلة من ابناء ناجحين وبارين بك ، زوج محب ومطلع ومتفهم ورومانسي ومعيشه جميلة .. السعادة بوسعنا ان نحققها با ابسط الامور ، رغم عدم وجودها بالدنيا ولكن بوسعي ان اغير نفسي وانظم افكاري واتجاهل التوافهه ولا ابحث عن المفقود بل افكر بالموجود واقدره واحمد الله عليه .. واقف عند الاجمل فالتجاهل بحق فن نحتاجه لنبقى سعداء .. من ابتغى صديقا بلا عيب ، عاش وحيدا .. ومن ابتغى زوجة بلا نقص ، عاش اعزباء .. من اقوال الشعراوي رحمة الله .. يتبـــــــــع | | ||||
|
| |
|
30-05-14, 01:42 PM
| #145 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بصباح اليوم التالي .. على الساعة 8:12 لبس بنطلون رمادي على قميص بنصف كم ابيض وساعة بلاك وكندره بلاك وشعره الاسود جاف تسبح بالعطر .. نزل تحت وباس راس اميمته ويدها : يسعد لي صباحك يا اجمل ام بالعالم .. ام فواز ببتسامه :صباح الخير يا يمه مبسوط الله يحفظك فواز حيل يمه ، جهزتي ؟ ام فواز :اي يا يمه لين وعمر بيروحون بس والبقيه نايمين .. فواز :طيب يلا وحمل امه بيدينه .. ام فواز: يايمه بدري قربني من السيارة اول .. فواز: لا لا انتي ملكه لابد ندلعك .. ام فواز: هههههه ياجعلك بالجنة .. لين وعمر بالسيارة .. فواز فتح الباب الخلفي وبهمس: وحشتيني .. لين مذهوله من طلته :وانا اكثر .. وركب امه جنب لين , وعمر وفواز قدام .. وحركوا السيارة متوجهين للمنتزه .. وفرشوا القماش الاحمر المقلم بالابيض .. وفتحت الحافظات لين مع ام فواز ورتبو الفطور المكون من نواشف وعصير برتقال وشاي .. عمر :من الاب فينا ..؟ ام فواز: بسم الله على ولدي قول ماشاء الله .. فواز ببتسامه غرور .. لين وعمر :ههههههههههه .. عمر: ماشاء الله منيب حاسده ابوي بس على هالكشخه الزايدة وراها إن .. فواز :اي قلت اتكشخ امكن يخطبوني .. الكل هههههههههههه .. ام فواز :يخطبونك عــــاد .. فواز: وخطبي لعمر مرة وحدة الفرحة فرحتين .. لين ببتسامه :حبايبي والله الف بنت تتمناكم .. فواز: وانا معاه ..؟ لين :مبروك من دحينه .. فواز تغير معالم وجهه والتزم الصمت .. عمر: غريبة انتي يمه لو حد بمكانك كان سبت وشتمت.. لين ناظرت فواز وبحب: سعادته من سعادتي .. فواز اكتفى بالنظر .. وبعد الفطور الكل وبيده كوب شاي بالنعناع .. قام عمر وفواز يتمشون وبه عوائل كانوا يفطرون .. وحذفت وحدة الكره عند رجل فواز التفت فواز وكانت بنت صغيرة بسن الخامسة تركض ورفعها له وصار يبوسها وجات اختها لهم: تعالي يا لمار .. البنت اعجبت بفواز وصارت تناظر به وتتمايع بكلامها: شكرا ياخوي .. فواز نزل البنت: انتبهي لها يا بنتي .. البنت رفعت حاجبها واقتربت منه :حبيت كلمة يابنتي منك (فتحت شنطتها ودونت رقمها بالورقة ).. فواز خذ الورقة: كم عمرك ؟ البنت 19 سنه .. فواز :انتي بحسبه بنتي وانا مرضاها لك لاتجرين ورى هالطريق انصحك والله يستر عليك .. عفس الورقة ورماها بالقمامة والبنت مذهولة منه : شكله يتريق ذه باين ان عمره 27 سنه جالس يكذب !! ورجعوا لعند الجلسة .. ام فواز كانت تناظرهم من بعيد: علامكم ؟ عمر: لا بس بنت تحاول ترقم ابوي .. فواز باندفاع: اي والورقة بجيبي .. عمر استغرب من كذبه ابوه وسكت .... ام فواز: من جدك انت ؟ فواز :اي عادي .. وغمز لعمر .. عمر فهمه : ولا وش رايك يمه ؟ لين :مدري بس يرضاها لبناته ؟ فواز بقهر: طيب .. وجمعوا اغراضهم وراحو للبيت وفواز طول الطريق يفكر .. طلع للحوش ولين لحقته . فواز ( معقولة ما تغار علي ، يعني ماتحبني ؟ ) لين: احمم .. فواز منتبه لها .. لين بنرفزه: يعني تفكر فيها ..؟ فواز انتبه لها :من ؟ ( وبوعي ) اي صح , ياليتك شايفتها يا لين .. لين رفعت حاجبها :بالله ؟ فواز اخفى ابتسامته: مو حضرتك راضيه اعدد بالزيجات ايش الي مزعلك .. لين: انا مو زعلانه الا على طريقتك ، عجيتك تزوجها ولا تروح معها بهالطريق .. فواز بنرفزه :يعني تتوقعين اني فاضي لهالشغلات ، وبعدين هي الي رقمتني مو انا .. لين: وانت شجعتها باخذ رقمها .. فواز بتريقه : انكسفت اني اردها .. لين رفعت حاجبها: يا سلام عليك .. فواز ببتسامه: تغارين علي ؟ لين :اغار على وش ؟ فواز: ادري انك مو راضيه اني اتزوج عليك .. لين تخصرت: ومن قال لك اني مو راضيه ؟ فواز بصدمة: يعني راضيه .. لين :اي وايشبها عادي تزوج .. فواز: تمزحين صح .. لين راحت وهو لحقها: لين ادري انك تمزحين مو من جدك .. لين ..... فواز دخل معها بالغرفة وباندفاع: لاتنكرين ادري انك تغارين قوليها ماتضر .. لين وهي تناظره بالمرايه :لا عادي .. فواز بخيبه امل راح لعند السرير يفكر يلفت انتباها حط يده على جنبه وكشر وبهمس آه .. وفقد توازنه بالسرير .. لين انتبهت له مسكته :بسم الله علامك فواز .. فواز وهو مكشر: الم مو طبيعي لين .. لين جلست جنبه: بسم الله عليك بتصل ب.... فواز سحب الجوال منها وباندفاع :مابه لزوم بطيب .. لين بقلق: يا فواز لاتعمل لي حركات البزوره لابد تروح للمشفى .. فواز مسك يدها قبل لاتقوم: انتي دواي .. وسحبها جنبه :وحشتيني .. لين بقهر: ياشرير خوفتني عليك .. فواز: انتي تحبيني .. وانا احبك لين بضحكه :منت بصاحي اليوم .. فواز باس يدها وحشتيني ..و................................ *.^ ............................. ................................................ .................................................. .... بعد صلاة الظهر .. كانت تشوف التي في مع الاسرة .. تلقــى فواز اتصال مهم , أنتظــم معهم بالجلسة .. لين حست انه يناظرها والتفت له وغمز لها ابتسمت وبهمس :مجنون .. فواز بهمس: احبك احبك .. ام فواز :التفت له وانا بعد احبك .. لين كتمت ضحكتها .. فواز باندفاع :مسك يدها فديتك يا يمه .. ام فواز ضربت يده فاكرن غبيه ، ماحلت المغازل الا هنا .. فواز :اقول للين تقوم مو راضيه .. لين فتحت عينها للاخر :متى ؟ ام فواز بعد تتبلى عليها ، قوم قوم .. فواز جاء لعند لين ومسك كتفها وقومها سريع :يلا معاي ، اميمتي قالت نطلع يعني نطلع .. وعد هي قالت بس انت ، اتركها .. لين حاولت تحرر يده منه بس مقدرت وسحبها للغرفة بسرعة .. بغرفة البنات .. كانت لحالها بالغرفة .. أيمن: أي وبعد ..؟ ريفان: أيمن أغلب سوالفنا عن لين مرت أبوي , غير الموضوع .. أيمن حس أنه بينكشف لـو أستمر بالسوالف عنها: حبيبتي أنا أحس جد كرهتها بسبب سواتها فيكم .. ريفان بتأيد: فعلا , هي أصلا ما تنحب .. أيمن يغير الموضوع: حبيبتي أنا عازمك اليوم على العشاء با أرقــى مطاعـــم الرياض .. ريفان: حلوة الفكرة بس تدري أبوي وأخوي لا يمكن يرضون نطلع لحالنا .. أيمن: خليها علي , انا بقنعة , وامكن أحد من خواتك تغطـي على غيابك .. ريفان برفض تام: معلش مقدر يا أيمن , طلبك صعب .. أيمن: يعنــي ترديني ..؟؟ بجناح فواز وليــن ~ فواز ترك يدها ، لين تحسست يدها وجعتني .. فواز ببتسامه: لين ايش رايك نتغدى برا .. لين: صدق .. فواز: اي انا وانتي .. لين: فواز اتمنى اميمتك تكون معنا .. فواز :وليه ؟ لين اقتربت منه :زي ما انا لك حقوق علي ، امك بعد بالمثل ، دقايق واجهز .. فواز صار يناظر فيها محتار وربع ساعة الا وهما جاهزين صعدت امه قدام وهي ورى .. لين: فواز اصر علي الا يوديك للمطعم ومكنت بروح لولا انك حلفتي .. ام فواز :الله يبارك بيكم .. كانت الاحاديث شيقه ، بس فواز كان صامت .. واحتارت ام فواز المطعم وقصدوه ، وبعد الطلب .. كان فواز يناظر لين وتارة با امه .. فكرة بعيد عنهم .. والسوالف تاخذهم وتجيهم ، بينما هو كان ساكت مو عارف ايش يقول وكل فترة كان يبتسم ابتسامته متصنعه كما لو كان يخفي شي .. لين: علامك فواز ؟ فواز ( كنت حابب اجلس معها لحالنا , بس أصرت على جيه اميمتي , كيف أقول لها ؟؟ ) .. أنتهـــــــى البارتــــــ | | ||||
|
| |
 |
| الكلمات الدلالية (Tags) |
| للكاتبة, أحبك, بجنون, ساندرا |
| أدوات الموضوع | |
| انواع عرض الموضوع | |
|
|
182Likes
.png)
العرض العادي
