عيال العز الكاتبة / لورينا / مكتمله - الصفحة 7

اسطورة ! · 09-12-13, 09:06 AM

" قـصـتـي عـيـال الـعـز "
" الـحـلـقــه 60 "
" التكمله "
" من بعد ما طـاح محمد ما كان لعايشه خـيـار غير انهـا تتصل للاسعاف عشان ينقلونه للمستشفى .. كانت خـايـفـه عليه وتنتظر رد الطبيب عشان يطمنهـا "
" ارتفاع شديد بدرجـة الحراره ادى الا الاغـمـاء " هذا اللي قـالـه الطبيب لعايشه "
" حـطـت ايدها على قلبهـا متخرعه " يعني شلونه الحين ؟ اهو بخير ؟ "
الطبيب : الحمدلله بخير .. لكن لازم ينام عندنا بالمستشفى 24 ساعه عشان انتابع حـالـتـه ..
" تطمن قلب عايشه " الحمدلله والشكر له .. تسلم دكتور .. ما قـصـرت "
" دخلت بعدها بالدار عند محمد اللي كان منسدح بالسريـر .. ابتسمت له " الحمدلله عالسلامه .. ما تشوف شـر "
" رد عليها " الله يسلمج يا عايشه "
عايشه : بعد 24 ساعه بتطلع من المستشفى ان شالله .. بس قبلهـا ابيك توعدني بشي !
محمد ( يسال ) : بشنو ؟
عايشه : ابيك لا طلعت من المستشفى تنسى كل اللي صـار بالماضي وترد لبيتنا .. تـوعـدنـي ؟
محمد ( بضيق ) : اسف يا عايشه ! ما اقـدر !
عايشه : بسك يا محمد خـلاص .. صار لك الحين اكثر من 3 سنين وانت مقاطع خـلود وعايش بنفسك ! لين متى عاد ؟ ترى الدنيا ما تسوى من انك تتعامل معاها بنحاسه !
محمد : انا ما اناحـس .. انا بس مقهـور من اللي سوته خـلـود ! مهما طالت السنين ما بقدر انسى اللي صـار !
عايشه : لكن اللي صـار صـار وانتهـى ..
محمد : بالنسبه لي ما انتهـى !
" سكتت عايشه لثانيه .. شافت ساعتهـا " على العموم انا لازم ارد البيت الحين .. لكن اتمنى انك اول ما تطلع من المستشفى تـحـكـم عقلك وترد البيت .. ودوم تذكر ان الدنيا ما تسوى عشان تقهر نفسك عشانهـا ومهما يكون يا محمد ترى خـلـود اخـتـك .. فلا تنسى "
***************
" ببيت وليد "
" تعب ولـيـد من مـنـاحـس نوال وتـظـاهرها انهـا مو فاهمه .. اخـر شي قـرر انه يتصرف مثلهـا عشان يقدر يكسب قلبهـا .. بختصار يمثل دور الـوسـواسـي جـدامهـا عشان تـحـبـه "
" بالدار "
" استغربت نوال بعد وليد عنهـا " اقـول وليد .. شفيك اليوم قـاعـد بعيد عني ؟ اخـبـر دوم لاصـق فيني ما تـخـلـيـنـي لو كنا بالدار "
وليد : ماكو بس كنت اسال نـفـسـي كم مـن سـؤال !
نوال ( تسال ) : خـيـر ان شالله ؟ شنو هالاسـئـلـه ؟
وليد ( متعمد ) : اممم مثلا لو ما غـسـلتـي اسنانـج اليوم او تـسـبـحـتـي ومن هالقبيل !
" تعجبت نوال " اكيد اغسل اسناني وهم اتسبح .. انت شنو شايفني ؟ يكون بعلمك انا اهتم بهالامـور اكثر منك "
" هـز راسـه عشان يبط جـبـدها " اشك "
" تـنـرفـزت عليه " شنو اشك ؟ انت تستهبل معاي او شنو ؟ " قـربـت بعدها منه " عن السخافه ولا تبتعد عني انا مـو جـرثـومـه عشان تبتعد "
" قام بعدها ابتعد عنهـا متعمد " لو سـمـحـتـي وخـري عني لا تقربين يمي قبل ما تتسبحين انا مو ناقص لوعت جـبـد "
" عصبت عليه " شـنـو ؟ الحين انا لـوعـت جـبـد ؟ "
" رد عليهـا بطريقه مستفزه " ايـه .. يعني مو من حـقـي ان احـافـظ على صـحـتـي من الـنـجـاسـه ؟ "
" انصدمت " الحين انا نـجـسـه يا وليـد ؟ "
وليد : مـو عن يا حـبـيـبـتـي .. لكن لا تنسين ان النـظـافـه من الايمـان .. مهما تـكونين نـظـيـفـه بس هم لازم تـحـرصين على صـحـتـج << يـقـلـد اسلوبهـا D =
نوال ( مـنـبـطـه جـبـدها ) : هين يا وليد انا بتسبح باليوم 3 مـرات بعدها بنشوف منو الـنـجـس فينا !
" ضـحـك وليد من داخـلـه " يالله عساها تـنـجـح خـطـتـي "
***************
" ببيت بيوسف "
" عالساعه 7 باللـيـل "
" طـق نواف دار باب عايشه يستاذن " ممكن ادخـل ؟ "
سمحت له بالدخـول : تـفـضـل ..
" دخـل نواف بالدار .. قرب من عايشه يسال " مـشـغـولـه ؟ "
عايشه : لا .. بغيت شي ؟
نواف : تقريبا ..
عايشه ( تسال ) : شنو ؟
نواف : بـاجـر عيدميلاد ملاكو .. مو عارف شاخذ لها هديه ! بيصير عمرها 18 سنه .. بليز عايشه ساعديني .. قولي لي شاشتري لهـا ؟
" سكت عايشه تفكر .. تقريبا 4 دقايق ساكته .. سالهـا نواف " ها عايشه فكرتي بهديه ؟ "
عايشه : قاعده افكر شنو اشتري لهـا !
نواف : الحين انا يايج عشان تفكرين لي انا مو لنفسج !
" ضحكت عايشه " سوري نواف مو قصدي بس انا هم لازم اشتري لها شي "
نواف : ليش تشترين لها وكل من بالبيت يدري انها ما تحبج !
عايشه ( ببتسامه ) : مو مشكله ..
نواف : انا اقول لو ما تشترين لهـا احسن لج لان لو كنتي مكانهـا ما كانت بتفكر فيج ..
عايشه : ما عليك انت .. المهم قول لي شنو بتشتري لها ؟
نواف : مو هذا هو .. ما ادري لهسبب سالتج !
عايشه ( تسال ) : طيب ما سالت امك او ساره او حـتـى نويصر ؟
نواف : امبله سالتهم لكن محد يعرف شنو يشتري لمشلوله عميه !
" استنكرت عايشه هالكلام " نوافو شنو هالحجي ؟ "
" سالهـا " شنو ؟ "
عايشه : شلون تقول عنها مشلوله عميه ؟
نواف : لانهـا بالفعل مشلوله عميه ..
عايشه : حـتـى ولو .. المفروض ما تقول هالحجي جـدامها ..
نواف : ومنو قال لج اني اقوله جـدامها ؟
عايشه : جـدامها او وراها المفروض ما ينقال !
" سكت نواف .. ما علق .. سالته عايشه " ما قلت لي امك شناويه تشتري لها ؟ "
***************
كرسي متحرك يديد ؟
ايه .. ليش مو عـاجـبـج ؟
ملاك : شلون بيعجبني يا يمه اذا انا ما اقـدر اشوفه ؟
امها : مو مشكله انا بقول لج شلون شكله ..
" سكت ملاك مـتـضـايـقـه .. قرب نواف منهـا " اما انا يبت لـج اي بود على كيف كيفج "
ملاك : عندي من بدال الاي بود عـشـر ..
" عفس نواف الوي " عاد انا شاسوي ؟ عصرت مخي عصار عشان ادور لج هديه تناسبج ! ما لقيت غير الاي بود "
" فجاه "
" دزته ساره بيدها " نـوافـو بسك هذره .. الحين يه دور هديتي .. ساعه كلها الماس لونهـا بني "
ملاك ( تسال ) : شلون بلبسهـا وبشوف الوقت وانا ما اشوف ؟
" توهقت ساره " ما ادري لكن البسيهـا شكل بس "
" تليقف ناصر " سوري ملاكو ما شريت لـج شي ! الصراحـه ما عرفت شايب لـج "
ملاك : مو مشكله ..
" بعدها "
" قربت عايشه من ملاك " اعتقد يه دور هديتي الحين .. اذا تبين الصراحـه احترت وايد شنو اشتر لـج ! اخـر شي قررت اسوي لج كيك من ايديني لعلى وعسى يعجبج "
" ما علقت ملاك .. تليقفت ام يوسف " امحق هديه "
" اما عن ناصر قال " ليكون بتحصل بالكيكه زهيوي مثل ما حصل يوسف بالسـ .. "
" قاطعته عايشه بجديه " تطمن ما بتحصل زهيوي " سكتت شويه كملت بعدها " اتمنى ان الكيكه تعجبج يا ملاك .. لو ما تبين تاكلينها براحتج .. اما لو تبين بالعافيه عليج .. انا ادري ان هديتي ابسط الهدايا اللي وصلت لج اليوم لكن شاسوي ؟ هذا اللي يه ببالي "
" قامت بعدها بتطلع من الدار .. لكن ما وعت الا بملاك تقولهـا " مشكوره يا ... " سكتت شويه .. كملت بعدها " يا عايشه "
" استانست عايشه من داخلهـا .. تمنت بقلبها " اتمنى ان كره ملاك لي اخـتـفـى "
" الكل استغرب من ملاك " الحين ما قالت كلمة شكرا لحد غير لعايشه مع ان هديتها كانت بسيطه .. هل هذا معناته ان ملاك بتوافق على صداقة عايشه ؟ "
***************
" ببيت وليد "
" مدت نوال ايدها لوليد " تفضل .. سندويج دياي .. انا مسويته لك بنفسي "
" ابتعد وليد عنها متعمد " غسلتي ايدج لما سويتيه ؟ "
" تنرفزت من سؤاله " اكـيـد غسلت ايدي .. شنو شايفني ! وصـخـه ؟ "
" سالها قاصد " طيب كم مره غسلتيها ؟ "
" عصبت عليه " وليدو ! شنو هالاسئله السخيفه ؟ "
وليد : بالله عليج الحين هذي اسئله سخيفه ؟ تذكرين لما يت اخطبج بشنو سـالـتـيـنـي ؟
" عفست نوال الوي " ايه اتذكر "
وليد : خلاص عيل لا تتحلطمين وقولي لي كم مره غسلتي ايدج ؟
نوال : 3 مرات تطمن ..
وليد : اكـيـد ؟
نوال : طـبـعـا اكيد ..
وليد ( بابتسامه ) : خلاص مصدقج ..
نوال ( ابتسمت بالمثل ) : يعني بتاكل السندويج اللي مسويته لك ؟
" هز راسه " اكيد "
" تشققت نوال " بالعااافيه ان شالله "
" رد عليهـا " الله يـعـافيج "
***************
" حـان موعد سفر يوسف وابوه لبريطانيا .. عايشه قلبها كان ناقزها من هالسفره .. قربت من يوسف .. مسكت ايده بخوف " يوسف تـكـفـى لا تسافر "
" شافها بجفى " اعتقد ان السفر يه بوقته خاصه بعد ما اكتشفت انج ... "
" قـاطـعـتـه " حـتـى ولو .. انا ما ابيك تسافر "
يوسف : اهو مو على كيفي اقرر الحين .. الوالد حـجـز وخلصنا .. وبعدين احنا مو مسافرين للعبه ! احنا رايحين للشغل ..
عايشه ( تسال ) : يعني ماكو امل من انك تـكـنـسـل ؟
يوسف : ليش اكنسل ؟
عايشه : عشاني انا ..
يوسف ( يسال ) : وانا ؟
عايشه ( مو فاهمه ) : انت شنو ؟
يوسف ( متعمد ) : ما تحبيني ؟
عايشه : اشدخل الحب الحين !
" سكت يوسف لثانيه .. قال بعدها " عشان اسافر وانا مرتاح البال "
" ابتسمت له " عيل سافر وانت مرتاح البال .. تطمن يا يوسف مكانك بقلبي محفوظ "
" حـاول يبتسم من قلبه لكنه ما قدر .. كلمات عايشه اللي كتبتهـا بالرساله عن مشاعرها لفيصل ليما الحين مطبوعه بباله "
" سلمت ام يوسف على يوسف + ريلهـا " تـروحـون وتردون بالسلامه ان شالله " نفس الشي بالنسبه لنواف .. ساره .. ملاك وناصر .. القوا عليهم التحيه قبل ما يسافرون "
" توه يوسف بيحط ريوله بره باب الصاله .. الا بعايشه تنادي باسمه " يوسف .. لحظه "
" التفت لهـا " هلا "
" قربت يمه تترجى " يوسف بلير لا تسافر "
" ضحك بشويش " ردينا ؟ "
" نزلت دمعتها غصبا عنها " اي ردينا .. يوسف عفيه اسمع كلامي ولا تسافر "
" سالها " ليش تصيحين ؟ عايشه شفيج ؟ "
عايشه : ما ادري .. دموعي نزلت بلا شعور مني .. يمكن لاني حاسه بتانيب الضمير من الورقه اللي قريتها امس ! لكن تاكد يا يوسف انت بقلبي وغالي علي ..
" ابتسم بسخريه " لكنج تحبين فيصل اكثر .. تماما مثل ما كتبتي بالورقه "
" نزلت راسها بصمت .. حست نفسها انسانه حقيره ما تقدر تتحكم بمشاعرها .. بهاللحظه سحب يوسف ايده منها بابتسامه ذابله " فمان الله يا عايشه .. اشوفج بعد اسبوعين ان شالله "
" طلع بعدها من البيت .. حطت عايشه ايدها على قلبها " الله يحفظك يا يوسف "
See u

اسطورة ! · 09-12-13, 09:09 AM

" قـصـتـي عـيـال الـعـز "
" الـحـلـقــه 61 "
محمد !
ايه محمد .. ممكن ادخل او ممنوع ؟
اكـيـد ممكن .. البيت بيتك قبل ما يكون بيتي ..
" دخـل بالبيت .. قعد عالكرسي .. قال بتردد " انا ياي عشان .. " سكت لثانيه .. كمل بعدها " عشان اتطمن عليج يا خـلـود "
" ما استوعبت خـلـود اللي سمعته " عشان شنو ؟ "
" كرر " عشان اتطمن عليج "
" قربت خـلـود منه مستانسه " يعني سامحتني ؟ "
محمد : على قولت عايشه ان الدنيا ما تسوى من اني اتعب نفسي عشانها !
خلود ( تسال ) : تقصد انك سـامـحـتـنـي ؟
" هز راسه " اي "

" نزلت دمعه من عيونهـا " والله اني متفشله منك ومو قـادره ارفع راسي واشوفك " مسكت بعدها ايده " تدري يا محمد ! انت اعظم اخـو بالدنيا " حـسـت بيده حـاره .. تخرعت " محمد شفيك ؟ ليش جسمك يشب نـار ؟ "

محمد : كنت بالمستشفى ..
خلود ( بخوف ) : ليش ؟ شـصـار ؟
محمد : سلامتج .. مجرد ارتفاع بدرجـة الحراره ..
خلود ( تطمن ) : وشلونك الحين ؟
محمد : مثل ما تشوفين الحمدلله بخير ..
خلود : ما تشوف شر ياخـوي .. ان شالله فيني ولا فيك ..
محمد : الشر ما ايـيـج .. تسلمين ..

" سكتت خـلـود شويه .. سالت بعدها " انت ياي عشان تطمن علي او عشان ترد تعيش بهالبيت ؟ "

محمد ( يسال ) : انتي شتبين ؟
خلود : طـبـعـا ابيك ترد للبيت مثل قبل واحـسـن !
محمد ( بابتسامه ) : اللي تشوفينه ..

" ارتـاحـت نفسيه خـلـود لان محمد بيرد للبيت وبينسى كل شي صـار .. لكن الشي الـوحـيـد اللي كان يعذبهـا وما يخليهـا تنام الليل هو الـحـركـه الخبيثه اللي سوتهـا بالمستشفى من يوم مسكت بنت امينه وحطتهـا مع ولد عايشه على اساس ان عايشه يايبه تـوم "

***************

" بالطياره "

" بعد ما سلموا التذاكر ودخلوا بالطياره .. قعد يوسف بالـدرجـه الاولى وابوه كان يمه .. يوسف كان مرتبك مو على بعضه .. انتبه له ابوه " شفيك انت ؟ شكلك مو طبيعي "

" رد عليه ملتفت يمين ويسار " خـايـف يبه .. ما ادري ليش "

" تمسخر ابوه " يحليلك تبي حـلـيـب ؟ "

يوسف ( بجديه ) : انا اكلمك من صجي وانت تسالني اذا ابي حليب ؟
ابوه : يعني شتبيني اقولك ؟ بالله عليك من شنو خايف ؟
يوسف : من الطياره .. مو مرتاح لهـا ! يعني كان لازم نحجز بالبريطانيه ! ليش مو القطريه ؟
ابوه : بريطانيه .. قطريه .. هنديه .. سودانيه كله واحـد .. المهم طياره والسلام ..
يوسف : سلامتك يبه .. طياره عن الثانيه تختلف !
ابوه : تختلف او تتشابه بسك يا يوسف لا تـعـور لي راسي ..

" سكت يوسف مو متطمن .. كان حـاس بشعور مخيف .. ليش ؟ ما يدري "

***************

" ببيت بويوسف "

" بدار عايشه "

" دخـلـت ملاك بدارها بدون ما تسـتـاذن .. التفتت لهـا عايشه بابتسامه " هلا والله بملاك "

" قربت ملاك بالكرسي المتحرك يمهـا " يعني مو مـتـضـايـقـه ؟ "

عايشه ( تسال ) : من شنو ؟
ملاك : ليش اني دخـلـت بالدار بدون مـا ..

" قـاطـعـتـهـا عايشه " لا مو مـتـضـايـقـه .. الا مستانسه لانـج عندي بالدار "

" سكتت ملاك شويه سالت بعدها " انتي مـتـضـايـقـه من سفر يوسف ؟ "

عايشه : وايد ..
ملاك : طـيـب ليش ما رحتي معـاه ؟
عايشه : لان سفرته هذي مو للسيـاحـه ..
ملاك ( تسال ) : تـحـبـيـنـه ؟
عايشه : تقصدين يوسف !

" هزت راسهـا " ايـه يوسف "

عايشه : شلون ما احـبـه وهو ريـلـي وابو عيالي ؟
ملاك : بس انا ما اقصد هالحب ..
عايشه : ايا كان القصد ايه احـبـه ..

" سكتت ملاك لثانيه .. سالت بعدها " وفيصل اخـوي ؟ "

" حـسـت عايشه بشعور غريب بقلبهـا " شفيه ؟ "

ملاك : ما حـبـيـتـيـه ؟
عايشه : ليش تسالين هالسـؤال ؟
ملاك : لان هذا اللي قاعده اتكلم عنه يكون اخـوي .. اغلى شي بحياتي .. الانسان الـوحـيـد اللي كان يفهمني بالبيت ..

" سكتت عايشه ما علقت .. سالتهـا ملاك " ليش سكتي ؟ ما دامج تحبينه جـذي ليش ما تـزوجـتـيـه من البدايه ؟ مع انه يحبج بـجـنـون وسفرته ليما الحين اتبين هالحب الكبير "

" تضايقت عايشه من هالكلام " ملاك لو سـمـحـتـي سكري هالسالفه بليز "

ملاك : ليش تـضـايـقـتـي ؟

" سكتت عايشه "

ملاك : اذا انتي تضايقتي جـذي عيل انا شاقول ؟ هذا اخـوي اللي ليما الحين مختفي وما يندرا وينه ! هل هو عايش ام ميت ؟

" صـرخـت عايشه بلا شـعـور " لا تقولين جـذي .. ان شالله بيكون عـايـش "

ابتسمت ملاك لعايشه : انا مستغربه منج .. تحبينه وتـزوجـتـي اخـوه .. ما ابي اسالج عن السبب لكن اتمنى اقوم من النوم واشوف اخـوي جـنـبـي بيوم ..

***************

" الـرجـاء من الجميع الجلوس بالمقاعد وربط حـزام الامان نـحـن نتعرض الان الا مطبات هوائيه "

^
^

" هذا اللي قالته مـضـيـفـة الطياره بـثـلاثة لـغـات .. الانـجـليزيه + الفرنسه + العربيه .. نقز يوسف من كرسيه متخرع " الله يستر انا قلبي كان حـاس ان اكـو خلل بهـالطياره "

" التفت له ابوه " انت شفيك ؟ قالوا لك اقعد واربط حـزام الامان مو تخرع وناقز "

يوسف ( بتوتر ) : ما ادري يبه ! اول مره اخاف من الطياره جذي .. حـاس ان شي اسود بيصير !
ابوه : خـل عنك الوسواس الخناس .. انا اخـبـر نوالو الوسواسيه مو انت !
يوسف : انا مو وسواسي بس اليوم ما ادري شفيني ! من البدايه قلبي ما كان متطمن من هالطياره .. حتى عايشه قالت لي لا تسافر !
ابوه : عن الدلع ! ترى كلها مطبات هوائيه مو انفجارات !

" فجاه "

" كل من بالطياره طاح بجهة اليسار بما فيهم يوسف اللي ارتعش من الخوف .. بحلق بويوسف بعيونه على الركاب مندهش " شسالفه ؟ شاللي قاعد يصير ! يا الله بسترك يا رب "

***************

" ببيت بويوسف "

" بعد سـاعـتـيـن تقريبا "

" ساره كانت قاعده بالصاله تـفـرفـر بالقنوات الفضائيه .. لفت انتباها خـبـر محزن " مساكين .. يـعـورون القلب "

" سالتها امهـا اللي كانت ماره من الصاله " منو هذول ؟ "

ساره : ركاب الطياره البريطانيه اللي طالعه من مطار قـطـر لمطار هـيـثـرو بلنـ ...

" سكتت فجاه ! بحلقت بالخبر شويه .. حـطـت ايدها على حـلـجـهـا بصدمه " مـسـتـحـيـل ! هذي نفسهـا الـ .. "

" سكتت مره ثانيه مو مستوعبه .. بهـاللحظه طـاح الكوب اللي ماسكته ام يوسف من ايدها .. صـرخـت مو مصدقه " انتي شقاعده تقولين ؟ "

" قربت بعدها من ساره بعيون متجمده " سـارو انتي متاكده من الكلام اللي تقولينه ؟ ما تتحجين ما تقولين شي ! ترى اعصابي ما تقدر تستحمل هالمواقف "

" اشرت ساره على التليفزيون ودموعهـا تنزل من عيونها " يمه شوفي .. انا .. انا .. انا شفت هالخبر من التليفزيون ! اتمنى اني اكـون وهـامه باللي شفته وسمعته لكن ... "

" قـاطـعـتـهـا امها " لاا ! بسج ! انجبي ! انتي تخربطين ! انتي تعرفين شقاعده تقولين ؟ انتي تعرفين منو اللي كـان بالطياره ؟ "

" سكتت ساره تصيح بحرقه .. مسكتها امها من كتفهـا بدفاشه " ليش تـصـيـحـيـن ؟ ما تقولين لي ليش تـصـيـحـيـن ؟ شاللي يصيح الحين ؟ احنا قاعدين نحلم صح ؟ كل هذا مجرد حلم اشبه بالكابوس مو جذي ؟ "

" ام يوسف كانت مو مستوعبه .. ما كانت تبي تصدق هالخبر ! الطياره البريطانيه اللي ركبها ريلهـا و ولدها تطيح الحين ! هالخبر كان وايد قاسي عليها ما قدرت تتحمله .. تمت تصارخ ليمن يمعت كل من بالبيت بالصاله .. الكل استفهم " شـسـالـفـه ؟ "

" قربت عايشه من ام يوسف تسالهـا " خـالـتـي شفيج ؟ شصاير ؟ "

" شاف نواف ساره تصيح سالها " سارو شسالفه ؟ ليش تصيحين ؟ "

" اسـتـنـتـج ناصر " من يدري يمكن سارو مسويه عمل شنيع وامي هـاوشتهـا عشان جـذي تـصـيـح "

" شافته ساره بنظره " محد يسوي الاعمال الشنيعه غيرك " ركضت بعدها رايحه للدار وهي تصيح مو مستحمله "

" ملاك كانت بكرسيهـا المتحرك عند الدري .. مرت ساره من يمهـا بسرعه .. سالتها " شسالفه يا ساره ؟ شاللي قاعد يصير تحت بالصاله ؟ "

" كررت عايشه للمره 2 " خـالـتـي شفيج ؟ ليش ما تتكلمين ؟ ليش تـصـرخـيـن ؟ "

" طـاحـت ام يوسف على ركبتها بانهيـار " مـاتـوا يا عايشه ! مـاتـوا "

" ما فهمت عايشه " منو هذول اللي ماتوا ؟ "

" كررت ام يوسف " مـاتـوا "

" سالت عايشه مره ثانيه " اي عـاد منو اللي ماتوا ؟ "

" وسال ناصر " يمه فهمينا شسالفه ! منو اللي مات ؟ "

" اسـتـنـتـج نواف " احد من رفيجاتج هو مات يمه ؟ "

" صرخت ام يوسف بانهيـار كبير " اخـوك وابوك هم اللي ماتوا يا نـاصـر ! اخـوك وابوك هم اللي ماتوا يا نـواف ! ريلي وريلج هم اللي ماتوا يا عايشه "

" الثلاثه انصدموا من هالخبر .. سالت عايشه مو مستوعبه " خـالـتـي .. انتي شقاعده تقولين ؟ " سالت بعدها مـو مـصـدقـه" خـالـتـي يوسف وعمي بالطياره الحين ! شلون ماتوا ؟ " صـرخـت بعدها " انتي شقاعده تخربطين ؟ "
" ما علقت ام يوسف بشي كانت تصيح بحرقه انتبه نواف على التليفزيون قرب منه طول عالصوت للاخـر كل من كان بالصاله بما فيهم ملاك اللي كانت بجنب الدري سمعوا الخبر كله "
" لفت عايشه براسها يمين ويسار منصدمه " شـنـو يـعـنـي ؟ " صـرخـت بعدها مو مستوعبه " شنو هاللي سمعته ؟ شنو يعني ؟ "
" محد رد عليهـا .. السالفه واضـحـه مثل الشمس ما يبي لهـا شرح "
" فقدت عايشه اعصابهـا " شفيكم ما تردون ؟ انا اسالكم ! ليش سـاكـتـيـن ؟ " قربت بعدها من ام يوسف " خـالـتـي ابوس ريولج قولي شي " التفتت لنواف ودموعها تنزل " نواف بليز قولي ان اللي سمعناه مـو صـحـيـح " وسالت نـاصـر بانهيار " وانت يا نـاصـر ليش ساكت ؟ ليش ما تعلق بـشـي ! ارجـوكـم قولوا ان اللي سمعناه كان مجرد وهم "
" لكن للاسف اللي سمعوا ما كان وهم ! هـذي الحقيقيه وهذا هو يومهم المشكله ان عايشه ما تبي تستوعب هاللي صـار حست بتانيب الـضـمـيـر " انا السبب ! انـا السبب " بعتقادها ان الـورقـه اللي قراها يوسف كانت السبب بموته مع انهـا ما تبي تقتنع ان الله سبحانه كاتب هالشي سـواء قـرا يوسف الـورقـه او ما قـراهـا "
***************
" ببيت وليد "
" نفسية نوال كانت تعبانه من بعد ما سمعت خـبـر موت ابوها واخـوها .. حـاول وليد على كثر ما يقدر من انه يواسيها لكن ما قدر .. مسك كوب ماي وعطاها " على الاقل شربي ماي "

" مدت له ايدها .. مسكت كوب الماي " مشكور "
" استغرب وليد .. سال نفسه " شلون مسكت الكوب بدون ما تسال اذا مغسول او لا ؟ " قـال لها متعمد " نوالو .. ترى الكوب مو مغسول "
" نفسيتها الحزينه ما سمحت لها من انها ترد .. ما قالت غير " مو مشكله "
" تعجب منها " اقول لـج الكوب مو مغسول تقولين لي مو مشكله ؟ "
" شافته نوال ودمعتهـا على خـدهـا " ابوي واخـوي مـاتـوا يا وليد "
" شافهـا وليد باسى عرف ان مالها خلق شي حـتـى وسواسها بهالظروف اخـتـفـى مسك ايدها بحنيه " الله يـرحـمـهـم ويغمد روحـهـم الجنه قولي امين "
" حـطـت راسها على ركبته تصيح " امين ان شالله "
" حـس وليد نفسه منكسر وهو يشوف نوال بهـالحاله كانت تصيح بالم على رحـيـل الغالين مرر بيده على شعرها " بسج حـبـيـبـتـي لا تصيحين "
" لاول مـره تـحـس نوال بالحب والحـنـان قربهـا من وليد وايد خـفـف عليهـا هالحزن قالت بقلبهـا " 3 سنين وانا عايشه معـاه وتوني اكتشف انه حنون ؟ انا ما ادري شلون قـدر يستحملني طـول هالسنين وانا مطنشته "
See u

اسطورة ! · 09-12-13, 09:11 AM

" قـصـتـي عـيـال الـعـز "
" الـحـلـقــه 62 "
" ايام عصيبه مـرت بعايلة بيت بويوسف بعد مـوت يوسف وابـوه بحـادث الـطـيـاره .. انتشر الخـبـر بجميع انـحـاء البلد " رجـل الاعمال المشهـور " احـمـد يوسف " صـاحـب شـركـة السياير الفلانيه مـات بحـادث الطياره البريطانيه هو مع ولده يوسف " اكثر شـخـص تعبت نفسيته من هالـخـبـر هي عايشه .. ام يوسف تغيرت للاحـسـن .. ما صـارت تعاير عايشه على اصلهـا وفصلهـا .. الا بالعكس شوي شوي قامت تـتـقـرب منهـا .. كانت تموت براشد ولد عايشه .. كانت تشوفه طبق الاصل يشبه الغالي يوسف "
" بالنسبه لـفـيـصـل ليما الحين ما بين له اثـر او خـبـر حـتـى اعتقدوا اهـلـه انه خـلاص مات .. الشخصين الـوحـيـدين اللي كان عندهم امل من انه يـرد للوطـن هم عايشه + مـلاك "
" اما عن نـوال قـرب وليد منهـا ساعدها بـتـخـطـي هالمحنه ليما اخـيـرا كسرت الحـواجـز اللي كانت حـاطـتهـا لوليد .. وهالشي خـلـه وليد يـحـس بان حـيـاته قاعده تبتدي من يديد "
***************
" بعد مـرور 8 شهـور "
" بالجامعه اللي فيهـا ساره "
" ابتسمت ساره لجاسم " مشكور اخـوي جـاسم .. ما قصرت .. كل ما نقصني شي ساعدتني فيه "
" ابتسم لها بالمثل " ولو .. ما سويت شي انا "
ساره : بالعكس .. تساعدني بكل ما احـتـاجـه .. انا وايد متفشله منك !
جاسم : مثل ما ساعدتج كنت بساعد اي طالب غيرج .. فماله داعي تـتـفـشـلـيـن ..
" ابتسمت ساره بصمت "
" سالها جاسم " عندج محاظره الحين ؟ "
" هزت راسهـا " لا "
جاسم : يعني فاضيه ؟
ساره : تقريبا ..
جاسم ( يسال ) : شلون يعني تقريبا ؟
ساره : انتظر نواف يخلص من محاظرته عشان اعطيه ملفه نساه عندي ..
" سكت جـاسم لثانيه .. استنتج يسال " نواف هذا رفـيـجـج ؟ "
" ضـحـكـت ساره " لا .. هذا اخـوي الكبير "
" ارتاحت نفسية جـاسم " الحمدلله "
ساره ( تسال ) : على شنو ؟
" حـس جـاسم نفسه متوهق " سلامتج " شاف ساعتها مستعيل " على العموم انا بمشي الحين "
" ابتسمت له " فمان الله "
***************
" انتي وين بـتـروحـيـن من عقاب ربـج ؟ نهايتج جـهـنم من اللي سويته ! انتي وين بـتـروحـيـن من عقاب ربـج ؟ نهايتج جـهـنم من اللي سويته ! انتي وين بـتـروحـيـن من عقاب ربـج ؟ نهايتج جـهـنم من اللي سويته "
^
^
" قـامـت خـلـود من نومهـا متخـرعه من قلب " بـسـم الله الـرحـمن الـرحـيـم ! كـان مـجـرد حـلـم "
" كانت تحس بالخوف وتـانيب الضمير من اللي سـوته من 4 سنين تقريبا " انا شلون غـيـرت اليهـال بهذاك اليوم ؟ "
" يوم عن يوم ضميرها باللي سوته كان يذبحهـا وما يندرى لوين بيوصلهـا "
***************
" مكالمه هاتفيه "
والله ان امـرج عجيب يا العنود ! انا توقعتج بعد موت يوسف تطردين بنت الفقر من البيت !
ام يوسف : ما اقدر يا ام عبدالله .. عايشه صارت منا وفينا الحين .. شلون تبيني اطردها ؟
ام عبدالله ( تسال ) : وكرهج لهـا وين اخـتـفـى ؟
ام يوسف : قلتيهـا اخـتـفـى ..
ام عبدالله : عاد شلون اخـتـفـى ؟ اكيد في سبب !
ام يوسف : ما ادري .. لا تساليني .. المهم مستحيل اطردها من البيت ..
" سكتت ام عبدالله شويه .. سالت بعدها " ليكون ساحرتج مثل ما سحرت غيرج ؟ "
ام يوسف : ما اعتقد .. اصـلا سالفة السحر من البدايه كانت اشاعه !
ام عبدالله : والله ما ادري شاقول لج يا ام يوسف ! بس هم لا تـثـقـيـن ببنت الفـقـر ! تراها ابليسه مثل خـلـود !
" مهما تقول ام عبدالله .. ومهمـا تـخـرب سمعت عايشه ام يوسف خـلاص ما عاد بقلبهـا اي حـقـد الا بالعكس تقبلت عايشه وحستهـا فرد من افراد البيت "
***************
" بدار ساره "
" بعد ما خـلـصـت من الجـامـعـه ورجـعـت البيت .. قطت نفسها على السرير تـتـذكـر احـداث اليوم .. ابتسمت .. سالت نفسهـا " يا ترى شيبي هالجـاسـم مني ؟ صـار له الحين اكثر من 8 شهـور وهو يلاحـقـنـي بالـجـامعه .. عندي احـسـاس يقول لي اني اعرفه من زمان "
" حـسـت نفسهـا تبي تـتـكلم تبي تسولف مع احـد .. ما لقت جـدامهـا غير ملاك .. طلعت من دارها ودخـلـت دار ملاك .. قربت منهـا " سوري ملوك ! ما طقيت الباب بس ابيج بسالفه مستعيله شويه "
ملاك : هلا .. امـري ؟
ساره ( تسال ) : يعني مو مشغوله ؟
ملاك : مثل ما تشوفين .. قاعده بداري متملله .. ليش شعندج ؟
" سالتها ساره بتردد " ملوك .. شرايج بالحب ؟ "
" استغربت ملاك من هالسؤال " الحب "
" هزت ساره راسهـا " ايـه الحب .. شرايج فيه ؟ "
ملاك ( تسال ) : ليش تسالين مثل هالسؤال ؟ ليكون تـحـبـيـن ؟
" سكتت ساره لثانيه .. قالت بعدها " تبين الـصـراحـه ! هذي اول مره احـب من قلبي "
" اسـتـنـتـجـت ملاك " منو هذا اللي تحبينه ؟ اكيد واحـد عرفتيه بالـجـامـعـه "
" نزلت ساره راسهـا مستحيه " ايه "
" تعجبت ملاك " ابيه ! لـهـدرجـه تحبينه ؟ لـدرجـة انج تقولين ايه مستحيه ! وانتي من الاساس ما تستحين "
" رفـعـت راسهـا تسال " شتقصدين اني ما اسـتـحـي ؟ انتي شنو شـايـفـتـنـي ؟ "
" ضـحـكـت ملاك " سلامتج ما اقصد شي .. بس ما قلتي لي شنو اسمه هاللي تـحـبـيـنـه وهايمه فيه جـذي ؟ "
" نطقت ساره اسمه بابتسامه " جـاسـم "
***************
" ببيت الجيران "
" اقترحت خـلـود على محمد انهم يروحون لاند مارك " ها يا محمد شقلت ؟ "
" رد عليها " شاسوي بالاند مارك ؟ "
خلود : شنو شبتسوي ؟ اكيد بتتمشى معاي ..
محمد ( مو عاجبه ) : سوري خلود .. انا ما احب اتمشى بالمولات !
خلود : محمد انت شفيك ؟ كلها محل او 2 بشتري منهم كم من شغله وبنرد البيت !
محمد ( يسال ) : مو من شويه كنتي بتتمشين ؟ والحين تقولين بشتري كم من شغله !
خلود : اقصد بنتمشى ليما المحلات يا فهيم ..
محمد ( يستخف دمه ) : اسمي محمد مو فهيم !
" ضحكت خلود بتصنع " تستخف بدمك ؟ على العموم شقلت الحين ؟ بتيي معاي الاند مارك او شلون ؟ "
" ابتسم لها " اللي تشوفينه "
" ابتسمت له بالمثل " حـلـو .. دقايق بس اتصل للموزين عشان اينا "
" بهاللحظه حـس محمد بالـتـقـصـيـر .. قال بقلبه " من متى وانا اشتغل ! وليما الحين ما اقدر اشتر لي سياره .. فلوسي كلهـا كانت على البيت ومصاريفه ومحد كان يدفع غيري وغير الوالده الله يرحمهـا "
***************
اقول عايشه !
عايشه : هلا خـالـتـي امـري ؟
ام يوسف : دوم كنت ابقولـج هالكلام لكن اكو شي كان يمنعني .. اما الحين ما اعتقد اني بتردد فيه !
" استفهمت عايشه " خـيـر ان شالله يا خـالـتـي ؟ "
" نزلت ام يوسف راسهـا متفشله من نفسهـا " عايشه انا اسفه على كل اللي سويه فـيـج بالماضي انا ادري ان كلمة اسفه ما بترد الزمن لورا او بترد الايام اللي كانت بس احلف لـج بشنو اني حـسـيـت بـغـلـطـتـي وندمت ايه نعم ندمت قد شعر راسي على كل شي سويته بختصار ابيج الحين تسامحيني ابيج تنسين كل اللي صـار عشان نقدر نبتدي من يديد "
" استغربت عايشه من هالكلام .. سالت نفسهـا " مـعـقـوله ام يوسف تغيرت للاحسن ام هذي مجرد مكيده منهـا عشان تطردني من البيت من بعد ما مـات يوسف ؟ "
" شافت ام يوسف نظرات الدهشه بعيون عايشه قربت منهـا قالت لهـا بجديه " انا ادري انتي بشنو قاعده تفكرين الحين بس تاكدي اني صـادقه بكلامي لـج ! انا ما اخـدعـج الحين او استغل لـج انا والله علي شاهد قمت اعتبرج مثل بناتي واكثر ! تدرين لي ؟ لاني اكتشفت هالشي مـتـاخـر ان على كل اللي سويه فيج ما عمرج اشتكيني او خذتي حـقـج مني "
" سكتت عايشه شويه .. لسبب ما حست ان ام يوسف صـادقـه .. ابتسمت من داخـلهـا .. قالت بعدها " انا مـسـامـحـتـج يا خـالـتـي "
" ارتـاحـت نفسية ام يوسف وابتسمت لهـا بالمثل "
***************
" من بعد ما طلعت ساره من دار ملاك .. دخـلـت دارها مره ثانيه .. قربت من مكتبهـا .. مسكت ملف الجامعه .. فتحته .. شافت اخـر محاظره انكتبت كانت بمساعدة جـاسـم .. ابتسمت من داخـلـهـا .. كانت تنتظر بـاجـر باحـر من الجمر عشان تشوف جـاسـم .. قالت لنفسهـا " الاستاذ جـابـر كان معاه الحق لما قال اني كنت مراهقه اخـربـط بشي اسمه الحب ! الحين بس لما كبرت فهمت شكان يقصد .. الانسان الـوحـيـد اللي بالفعل حـسـيـتـه دخـل قلبي هو جـاسـم "
***************
" بالاند مارك "
" بمحل كارن ملن "
" مسكت خـلـود فستان بسيط و ورته لمحمد " شرايك فيه ؟ حـلـو مو جـذي ؟ "
" تأمل محمد بالفستان " مو كانه عاري شويه ؟ "
خلود : ايه .. وهذا هو الحلو اللي فيه ..
محمد ( يسال ) : انتي تبينه لج او لمنو ؟
خلود : لي انا ..
محمد : بمناسبة شنو ؟
خلود : ليش ! هو لازم تـكـون فيه مناسبه عشان اشتر لي فستان ؟
محمد : بحالتنا اي !
" سكتت خـلـود شوي .. سالت بضيق " تقصد ان احـنـا فقاره على قد حالنا ؟ ما نقدر نشتري اي شي الا بالمناسبات بس عشان نحاسب على الميزانيه ؟ "
" ما رد محمد عليهـا .. كان سرحان بالبنت اللي امجابلته .. سالته خلود " محمد ! شفيك سرحت ؟ نحن هنا "
" هم ما رد .. عيونه كانت متجمده عالبنت اللي كانت تمشى بالمحل .. شافت خلود اتجاه عيونه .. التفتت وراها .. شافت البنت اللي يشوفها كانت " امينه "
" بهاللحظه التفتت امينه على خـلـود + محمد بلا قصد .. تغيرت ملامحهـا لما شافتهم .. حـسـت بالضيق " قطيعه ! هذول شيسون هني ؟ " كانت تشوف عيون محمد المتجمده كالجليد عليها .. شافته بالم .. ما تقدر تنسى هذاك اليوم الاسود "
" اما شوفتها لخلود كانت باحـتـقـار " كل ما اسمع اسمج او اشوفج يا خلود احـتـقـر نفسي بسبتج "
" انبطت جـبـد خلود من هالنظرات المحتقره .. شافت محمد متنرفزه " يالله يا محمد خلنا نرد البيت ! ما عاد لي رغبه من اني اشتري شي "
" سحبته من ايده بعدها .. حـس محمد بالانكسار وهو يشوف امينه .. تذكرها بكل شي .. تذكر ايام البالكونه معاها .. قلبه انـكـسـر .. اما عن امينه حـاولـت على كثر ما تقدر من انهـا تـتـجاهله متناسيه انهـا شافته بهاليـوم "
***************
" بعد ما رد محمد وخـلـود للبيت "
" دخـل محمد البيت متنرفز " قولي الصج يا خـلـود ! انتي كنتي تدرين ان امنيه بـتـكون هناك ؟ "
" قربت منه تحلف له " احـلـف لك بشنو اني ما كنت ادري عن شي ! والله العظيم كـانت مجرد مصادفه "
" شافهـا بنظره " مـتـاكـده ؟ "
خلود : محمد انا حـلـفـت لك !
محمد ( يسال ) : عيل ليش شفناها هناك ؟ ليش ؟
خلود : قلت لك كانت مـجـرد مصادفه !
محمد ( بضيق ) : شنو هالمصادفه اللي تـغـث !
" سكتت خـلـود بعدها "
" تنهد محمد .. قـال بعدها بجديه " اقول لـج شي يا خـلـود ؟ "
خلود : هلا .. قـول ؟
See u

اسطورة ! · 09-12-13, 09:15 AM

" قـصـتـي عـيـال الـعـز "
" الـحـلـقــه 63 "
" التكمله "
" تنهد محمد .. قـال بعدها بجديه " اقول لـج شي يا خـلـود ؟ "
خلود : هلا .. قـول ؟
محمد : انا ابـي اتـزوج !
خلود ( مو مستوعبه ) : هـا ؟
محمد ( يـكـرر ) : اقـول لـج ابـي اتـزوج ..
" سكتت خلود شويه .. سالت بعدها " ومنو هذي اللي حـاط عيونك عليهـا ؟ "
محمد : لحد الحين ما ادري !
خلود : شلون ما تدري ؟ عيل شلون بـتـتـزوج ؟
محمد : مو هذا اهو .. ابـيـج انتي وعايشه تختارون لي بنت على قـد حـالـي ..
خلود ( بابتسامه ) : ان شالله .. من عيوني ..
***************
" باليوم التالي "
وحـشـتـنـي سواليفك ..
وحـشـة شوفتك اكثر ..
وحـشـتـنـي سواليفك ..وحـشـة شوفتك اكثر ..
كل ليله مع طيفك حـبـيـب الروح انا اتحسر ..
اتحسر ..
وحـشـتـنـي سواليفك ..
****
طـاير من عيوني النوم على ذا الحال انا كل يوم ..
طـاير من عيوني النوم على هذا الحال انا كل يوم ..
سمعني حـبـيـبـي الصوت وسيرني على كيفك ..
سمعني حـبـيـبـي الصوت وسيرني على كيفك ..
سيرني على كيفك ..
وحـشـتـنـي سواليفك ..
وحـشـة شوفتك اكثر ..
وحـشـتـنـي سواليفك .. وحـشـة شوفتك اكثر ..
كل ليله مع طيفك حـبـيـب الروح انا اتحسر ..
اتحسر ..
وحـشـتـنـي سواليفك ..
****
كلامك فيه نشوة روح يحرك فيني الوجـدان ..
كلامك فيه نشوة روح يحرك فيني الوجـدان ..
يعطيني امل مفتوح في لقياك مهمـا كان ..
يعطيني امل مفتوح في لقياك مهمـا كان ..
في لقياك مهما كان ..
وحـشـتـنـي سواليفك ..
وحـشـة شوفتك اكثر ..
وحـشـتـنـي سواليفك ..وحـشـة شوفتك اكثر ..
كل ليله مع طيفك حـبـيـب الروح انا اتحسر ..
اتحسر ..
وحـشـتـنـي سواليفك ..
****
ساعة يختفي صوتك اعيش بعالم النسيان ..
ساعة يختفي صوتك اعيش بعالم النسيان ..
لا تقطع علي الصوت انا ما اقدر على الحرمان ..
لا تقطع علي الصوت انا ما اقدر على الحرمان ..
ما اقدر على الحرمان ..
وحـشـتـنـي سواليفك ..
وحـشـة شوفتك اكثر ..
وحـشـتـنـي سواليفك ..وحـشـة شوفتك اكثر ..
كل ليله مع طيفك حـبـيـب الروح انا اتحسر ..
اتحسر ..
وحـشـتـنـي سواليفك ..
^^
" قامت عايشه من النوم ترتجف ! هذي ثاني مره تحلم بفيصل .. قالت لنفسهـا " قلبي مو متطمن .. ما ادري ليش احس ان صاير بفيصل شي ! يا اما يكون مريض او يكون .. او يكون ... "
" سكتت شويه .. قالت بعدها " مستحيل ! مستحيل يكون ميت ! قلبي يقول لي انه ليما الحين عايش "
" التفتت بعدها للسرير اللي يمها كانوا عيالهـا حـنـان وراشد نايمين .. ابتسمت بالم " الله يحفظكم ان شالله "
" حـاولت تـكـمـل نومهـا بس ما قدرت .. شافت الساعه كانت 4 الفير .. بعد 5 دقايق صـلاة الفير "
" انتظرت الاذان ولما صلت وخلصت حطت راسها عالمخده عشان تنام لكن ما ياها نوم " شفيني انا ؟ ليش مو قادره انام ؟ "
" قامت بعدها طلعت من الدار .. مشت بالممر .. نزلت بالصاله .. قربت من الباب فتحته وطلعت بالحوش .. تمشت بالحوش الواسع الكبير تسال نفسها " شنو ممكن يصير بعد اكثر من اللي صار ؟ "
" 5 دقايق وهي تلف وتدور ما تدري شتسوي ! طـاحـت عيونهـا على بطبطة فيصل اللي كانت بالقراج .. قربت منها .. حـطـت ايدها عليها .. تخيلت فيصل راكبها .. تذكرته لما كانت تشوفه بالبطبطه 24 ساعه امجابل باب بيتهم .. ابتسمت باسى ليما نزلت دموعها بالغصب .. كل ما تمسح دمعه كانت تنزل وراها دمعه ثانيه .. شافت بعدها باب الحوش الكبير متمنيه " يا ليته ينفتح الباب واشوفك داخـل منه يا فيصل "
" حـسـت نفسها انها بتنهار بهالليله .. حـطـت ايدها على ويههـا متعوذه من ابليس " اعوذ بالله منك يا ابليس " مشت بعدها بتدخل الصاله .. مشت بشويش ليما وصلت للدار .. قربت من السرير .. انسدحت عليه .. غمظت عيونهـا تحاول تـنـام "
***************
" بالجامعه "
" عالساعه 9 الـصـبـح دخـل نواف بكافتيريا الجامعه عشان ياكل له شي .. اشترى له بيتزا + بيبسي .. قعد بالكرسي عشان ياكل .. اول ما حـط قطعة البيتزا بحلجه بحلق بعيونه عالبنت اللي قاعده تشرب عصير البرتقال امجابلته .. قط البيتزا من ايده .. قام من الكرسي .. قرب من البنت .. سالها بحماس " نوف شلونج ؟ "
" شافته نـوف بابتسامه " هلا نـواف .. انا الحمدلله بخير انت شلونك ؟ "
" ابتسم نـواف بالمثل " انا بخير .. عايش بهالدنيا .. انتي شمسويه ؟ ان شالله مـرتـاحـه من بعد ما تـزوجـتـي ؟ "
" سكتت نوف .. ما علقت "
" سالهـا نـواف مستفهـم " شفيج يا نـوف ؟ ليش سكتي ؟ ليكون مـو مـرتـاحـه لسمح الله ؟ "
نـوف : انا من الاسـاس ما تـزوجـت !
نـواف ( باستغـراب ) : ها ؟ شلون ؟ اخـبـر ان من 3 سـنـيـن قلتي ليـ ....
" قـاطـعـتـه " ايـه قلت لك بس ما صـار نصيب .. اقـصـد صـارت مشاكل وتـكنسل كل شي "
" سكت نواف ابتسم من داخـلـه .. قال بعدها " ما يخالف يا نـوف .. كل شي بالدنيا قسمه ونصيب .. وان شالله بـيـيـج اللي احـسـن منه "
" ابتسمت له " ان شالله " سالته بعدها " وانت ؟ شـصـار عليك ؟ ما تـزوجـت ؟ "
" هـز راسه " لا .. توني 22 سـنـه "
" ضـحـكـت " ايـا العيار ! اذكـر لما كان عمرك 18 سنه كنت تحن على ابـوك عشان تـتـزوجـنـي "
" نـزل راسه منحـرج " كنت مـراهـق "
" سكتت لثانيه .. كانت تبتسم بصمت .. قالت بعدها " انت وايد تـغـيـرت يا نـواف "
نواف ( يسال ) : شلون يعني ؟
نـوف : اقـصـد من ناحـيـة الشكل والكلام وحـتـى الشـخـصـيـه !
نواف ( بابتسامه ) : مثل ما تشوفين .. انا ..
" سكت شويه .. كمل بعدها " انا تـغـيـرت للاحـسـن .. واذا سالتيني شلون ؟ بـقـول لـج ان الفضل يعود لـج يا نـوف "
" سكتت نـوف ما عرفت شتقول .. حـاولت تغير الموضوع " الا ما قلت لـي انت بهـالجـامـعـه ؟ "
" هز راسه " مثل ما تشوفين .. ادرس هني تخـصـص انجليزي " سال بعدها " وانـتـي ؟ "
نـوف : انا هم ادرس هني لكن بقسم اداره .. كنت بجامعة قـطـر بس ما فلحت فيهـا ويت هـنـي .. والحمدلله ماشيه بالدراسـه ..
" ابتسم لهـا " الله يـوفـقـج ان شالله "
" ابتسمت له بالمثل " اجـمـعـيـن "
" استانس نـواف من داخـلـه ليش ان القدر اجـمـعـه بنوف من يديد .. قـال بقلبه " ان شالله هالمره يكون من بينا نـصـيـب "
***************
هـا ؟
شنو هـا ؟
شنو ؟
شنو شـنـو ؟
ما ادري !
انسه ساره شفيج ؟
" تـخـربـطـت ساره " سلامتك بس انصدمت من طلبك اللي ابد ما تـوقـعـتـه "
الحين شلون .. مـوافـقـه ؟
" انـحـرجـت ساره ونزلت راسهـا " جـاسـم انت متاكـد انك تـبـيـنـي ؟ "
" رد عليهـا بجديه " ايه متاكـد .. اعتقد ان المده اللي كانت من بينا كانت كافيه من اني انعجب فيج "
" سكتت مـنـحـرجـه "
" سالهـا جـاسم بابتسامه " ليما الحين ما رديتي عـلـي يا سـاره ! مـوافقه ؟ "
***************
" عند باب بيت عبدالله .. خلود كانت واقفه هناك امجابله البيت .. كانت متردده هل تضغط عالجرس ام ترد من المكان اللي يـاته ؟ بعد التفكير قالت لنفسهـا " برن الجرس واللي فيهـا فيهـا "
" بعدها "
" فتحت لها الخدامه الباب .. دخـلـت خلود ليما الصاله .. التفتت يمين ويسار ما لقت احـد موجـود ! شافت الخدامه تسالها " ماكو احـد بالبيت ؟ "
" هزت الخدامه راسها " اي " يعني ماكو احـد "
خلود : ولا حـتـى مدام فجر ؟
الخدامه : كله يطلع برا !
" استغربت خـلـود .. سالت بقلبهـا " شاسوي الحين ؟ " قربت بعدها من الدري بتردد " ادري ان مو من حقي ادور بالبيت بس شاسوي ؟ "
" ركبت بعدها بالدري ليمن وصلت لدار عبدالله اللي كانت دارها بيوم .. حـطـت ايدها على قبضة الباب .. فتحته .. دخـلـت فيهـا .. تأملتهـا " يا سلام على هالدار ! احـلـى ذكرياتي كانت فيهـا "
" اثناء تواجد خـلـود بدار عبدالله سمعت اصوات ضحك يايه من تحت ! حست بالوهقه " ابيه ! الله يستر "
" كانوا عبدالله + امينه مع حمد توهم ياين من برا .. تخربطت خـلـود وبسرعه طلعت من الدار بتنزل بالصاله عشان ما يشوفونهـا .. قربت من الدري .. توهقت اكثر " لحول ! هالاثنين يسولفون يم الدري ! شاسوي الحين ؟ "
" حست نفسها محاصره ما تقدر تشرد .. بختصار استسلمت للموقف " ماكو غير اطلع لهم " مشت بعدها وقفت بوسط الدري .. قالت بلا مبالاه من اللي ممكن يصير " شلونك يا عبدالله ؟ "
***************
" ببيت بويوسف "
" عايشه كانت قـاعـده بالصاله تلعب مع عيالهـا .. قربت ام يوسف منهـا بابتسامه " مشغوله يا عايشه ؟ "
عايشه : ابد والله .. مثل ما تشوفين قـاعـده العب مع حـنـون ورشـود .. ليش اكو شي ؟
ام يوسف : سلامـتـج .. متملله وقلت ايـي اسولف معاج .. من بعد اذنـج طـبـعـا !
عايشه ( بابتسامه ) : اكـيـد .. انا هم نـفـسـج متملله !
" فـجـاه "
هـالـو .. السلام عليكم .. مـرحـبـا .. كيف الحال ؟ كـومـون تليفـو .. شلونكم ؟
" ام يوسف + عايشه شافوا جدامهم .. كان نـوافـو توه ياي من الـجـامـعـه .. ابتسمت له عايشه " هلا والله .. شعندك اليوم يا ابـو اللغـات ؟ "
نواف : سلامتج والله .. متملل !
عايشه ( باستـغـراب ) : شفينا احـنـا ؟ كلنا متمللين !
نواف ( يسال ) : ليش ؟ حـتـى انتي وامـي تعيشون حـالـة ملل ؟
عايشه : ايـه ..
" سالته امه " ليش عندك حـل يبعد عنا هالملل ؟ "
" هز راسه " تقريبا " قـرب بعدها منهم متحمس " شرايكم بحديقة الحيوان ؟ صـدقـوني حـنـان ورشـود بيستانسون عليهـا "
" عفست امه الوي " قـوم انزين ! عشان نـخـيـس من الـحـر ؟ "
" ضـحـكـت عايشه " انت شسالفتك مع حـديقة الـحـيـوان ؟ من مـتـى وانت اتحن عليهـا ! من يوم انا كنت حامل "
نواف : مو عن بس احـسهـا اتونس من قلب .. هـا شـرايـكـم ؟
" سكتت ام يوسف .. قالت عايشه " اممم بالنسبه لي ما عندي مـانـع .. عشان حـنـان وراشـد يستانسون وبالمره نـاخـذ حـمـد ولد امينه معانا "
" ابتسم نواف " حـلـو " سال امه بعدها " وانتي يمه .. شـرايـج ؟ "
امه : انا نـسـونـي .. ما اقدر استحمل الـحـر ..
نواف : ليش يمه ؟ ترى الـجـو مو ليما هناك حـر !
امه : درجـة الـحـراره 33 وتقول مـو حـر ؟
رد عليهـا " ok يمه بـراحـتـج .. بالنسبه لي ولعـايشه واليهـالـو بنروح ان شالله .. وبشوف البقيه لو يبون ايـون معانا "
***************
" مجددا ببيت عبدالله "
" انصدم عبدالله وانصدمت معاه امنيه وهم يشوفون خـلـود واقفه بوسط الدري وتسلم بـبـرود تام " والله انـج ما تستحين " هذا اللي قـالـتـه امينه بقلبهـا "
" سالهـا عبدالله بعصبيه " خـلـود ! انتي شتسوين هـنـي ؟ "
" نـزلـت خـلـود خـطـوه على الدري " يايه عشان اشوفك .. اكلمك .. عشان ... "
" قـاطـعـهـا باحـتـقـار " اقسم بالله انـج ما تستحين ! انتي شنو ! ما عندج كرامه ؟ بعد كل اللي سويتيه وقلت لـج بعدها اكـرهـج وما ابـيـج هم يايه لين بيتنا بلا حـيـى ولا مـسـتـحـى ؟ "
" نـزلت راسهـا بالم " بس انا يايه عشان .... "
" قـاطـعـهـا للمره 2 " مـا ابي اعرف انتي ليش يايه ! مـابـي اسـمـعـج .. خـلـي كلامـج لـج "
خلود ( تسال ) : حـتـى لو الـشي اللي بقوله يـخـص حـمـد ولدك ؟
عبدالله ( ما فهم ) : شلون يعني ؟
خلود : السالفه اللي ابي اقولهـا لك هي عن حـمـد !
عبدالله ( تـنـرفـز ) : شدخـل حـمـد بالسالفه الحين ! هذا ياهل ما يدري شسالفه ! فلا تـدخـلـيـنـه بسوالفـج الشيطانيه ! فـاهـمـه ؟
" شافته خـلـود بـحـزن " مثل ما تبي يا عبدالله .. انا مـا بتكلم ولا بقول لك شـي ! انا الغلطانه اللي يايه لين بيتك عشان ... "
" سكتت بعدها .. نزلت من الدري .. قربت من الباب .. فتحته .. بتطلع .. فـجـاه .. مسكتهـا امينه من ايدها تسال " قبل ما تـطـلـعـيـن ! فهمينا شـدخـل ولدي بالسالفه اللي تبين تقولينهـا ؟ "
" شافتهـا خـلـود بنظره " سلامتج يا امينه .. ماكو سالفه " سحبت بعدها ايدها .. طلعت من البيت "
" ما كـانت تقدر تـقـول لهم بالحـقـيـقـه مع انهـا يايه عشان تـكـلـم عبدالله وتقوله الحقيقيه ! لكن بالوقت نفسه ما كانت تمتلك الشجـاعـه من انهـا تـعـتـرف بالشي الشنيع اللي سوته من 4 سنين بالمستشفى لما بدلت اليهـال ! لهسبب طلعت خـلـود من بيت عبدالله بانكسار كـبـيـر وبنهيـار اكـبـر "
See u

اسطورة ! · 09-12-13, 09:20 AM

" قـصـتـي عـيـال الـعـز "
" الـحـلـقــه 64 "
" كان يوم حـلـو بالنسبه لعايشه ونواف واليهـال .. استمتعوا بحديقة الحيوان .. ومن البدايه نواف كان مستانس لما القدر اجـمـعـه مع نوف من يديد ! اما بالنسبه لخـلـود هاليوم كان محزن بالنسبه لهـا .. تمنت بقلبهـا انهـا لو ما راحـت لبيت عبدالله من الاساس "
" شـصـار على سـاره ؟ وشكان ردها على جـاسـم هذاك اليوم لما طـلـب ايدها ؟ هل وافقت عليه او تـجـاهـلت طلبه ؟ شلون تـتـجـاهـلته وهي من البدايه تعلقت فيه ! هذا معناته انهـا بلا تـردد وافقت عليه .. دخـل هالجـاسم قلبهـا بدون ما يستـاذن .. مع انه عـانى الكثير بس عشان يخليهـا تحبه ! وبالفعل حـبـتـه ساره بجنون ليمن يه اليوم اللي تـحـدد فيه يوم الـمـلـجـه "
" ساره وجاسم كانوا امجابلين بعض والملا بوسطهم .. غير الـ 3 شهود على الملجه اللي هم نواف + ناصر + عبدالله "
" التفت الملا لساره يسال " موافقه يا ابنيتي يا ساره على جاسم ؟ "
" نزلت راسهـا مستحيه " اي مـوافـقـه "
" التفت الملا بعدها لجاسم " وانت يا جاسم ! موافق ؟ "
" سكت جاسم .. ما علق .. كرر الملا " موافق يا جاسم ؟ " هم ما رد .. كان ساكت .. ساله الملا " اشفيك يا ولدي ما ترد ؟ "
" ما فهمت ساره سبب هالصمت .. سالت نفسها " اشفيه هذا ! ليش ما يرد ؟ "
" الكل كان منتظر رد جاسم مستفهمين " ليش ساكت ؟ "
" بعد 15 ثانيه من صـمـتـه .. نطق بجديه " لا مو مـوافـق .. اصلا مستحيل اوافـق "
قامت ساره من الكرسي منصدمـه : جـاسم انت شقاعد تقول ؟
***************
ها يا عايشه بشري ؟ شـصـار ؟ امـلـجـوا ! او ليما الحين !
" التفتت عايشه لام يوسف " لا يـا خـالـتـي ليما الحين ما ملجـوا ! اكـو مشكله بالملجه "
" ما فهمت ام يوسف " ليش شـصـايـر ؟ "
عايشه : هالجاسم يقول انه مـو مـوافـق عالملـجـه !

" انصدمت ام يوسف " شـنـو ؟ "

***************

" وقف جاسم بوسط الميلس بجديه " مثل ما سمعتوا انا مو موافق .. اهو شنو يعني .. الزواج بـالـغـصـب ؟ "

" قربت ساره منه مو مستوعبه " جـاسم .. انت اشفيك ! شصاير فيك ؟ "

" رد ببرود " سلامتج .. ما فيني شي "

" سالته " عيل ليش ؟ ليش ما وافقت عالملجه ! شسالفه ؟ "

جاسم : شلون تـبـيـنـي اوافق عليج وانا من الاساس ما ابيج !

" صـرخـت عليه " شلون ما تبيني واحـنـا حـبـيـنـا بعض .. شلون ؟ "

" فجاه هز الملا راسه مستنكر كلامهـا " اسـتـغـفـر الله .. شنو حـب وخـرابيط ؟ الريال ما يجوز لج الحين عشان تقولين له انحب بعض "

" التفتت ساره للملا تشرح له " انت شقاعد تقول يا ملا ؟ احـنـا ما كنا نتسلى .. احنا كنا جادين بالزواج بس ما ادري شصاير بجاسم الحين ! "

" ابتسم جاسم بخبث " قلت لج سلامتج يا ساره .. ما فيني شي "

" بعدها "

" قرب نواف من جاسم يساله " افهم من كلامك انك كنت تلعب على اختي ؟ "

" رد عليه " تقدر تقول ايه "

نواف ( بـعـصـبـيـه ) : ايا الحقير .. اتقولها جـذي اشكره عيني عينك ؟ اقسم بالله انك ما تستحي !
جاسم ( يسال ببرود ) : بالله عليك قول لي شلون بتزوج البنت اللي غدرت ببوي ! شلون ؟

" استفهم نواف " ابوك ؟ "

" ما فهمت ساره " منو هذا ابوك ؟ جـاسم انت شقاعد تقول ؟ "

" قرب جـاسم من ساره بجديه " اشوف خـلـيـنـا نرجع بالزمن لورا شويه .. خـلـيـنـا نتذكر مدرس اللغه العربيه القطري اللي يابه لج ابوج الله يـرحـمـه بيوم "

" سكت شويه .. كان يشوف ملامح ساره المنصدمه " مـعـقـوله ابوك يكون اهو ... "

" سكتت فجاه "

" كمل جاسم " اسمه الاستاذ جـابـر " سالها بعدها " تذكرينه ولا ؟ "

" كانت ساكته منصدمه ما تبي تستوعب .. عبالها ان الماضي انتهى للابد بس ما درت انه بيرجع بيوم من الايام عشان يقتلهـا ! اكاهو الانسان الوحـيـد اللي حـبـتـه من قلبها طلع يخدعهـا انتقام لابوه اللي انحبس بالسجن بجريمه هو ما ارتـكـبـهـا "

سال جاسم مقهور :اشفيج يا انسه ساره ساكته ؟ القطوه كلت السانج الحقير ! ياليته انوكل قبل ما نطق بهذيج الكذبه .. عيل ريال محترم .. يحب مرته وعياله بيفكر يعتدي على مراهقه عمرها 16 سنه ؟ حـسـبـي الله عليج من ابنيه !
" قرب بعدها من الباب بيطلع " على العموم اعتقد ان دوري الحين انتهى .. انا راد البيت "
" الكل كان ساكت مو مستوعب .. الملا كان يقول " اسـتـغـفـر الله العظيم "
" قبل ما يطلع جـاسم من الميلس وقفت ساره جـدامه تمنعه " لحظه يا جاسم لحظه .. كل شي ممكن يتصلح الحين بهـالحظه "
" سالها متمسخر " شنو هاللي بيتصلح يا انسه ؟ ابوي محبوس بالسجن صار له 4 سنين وتقولين كل شي ممكن يتصلح الحين ! "
ساره : هو باقي له سنتين الحين .. اقدر اروح له المركز واطلعه بدقيقه .. اقدر اثبت برائته الحين لـو تـبـي !
" ضحك جاسم بسخريه " انتي هبله او تستهبلين ؟ بعد 4 سنين يايه تقولين لي الحين بطلعه .. ياليتج حـسـيـتـي بغلطتج قبل مو الحين " عدى بعدها من جـدامهـا بيطلع " يالله فمان الله "
" مسكت ايده تـتـرجـى " جاسم بليز لا تطلع .. خـلـنـا نملج على بعض .. انا .. انا .. انا حـبـيـتـك "
" سحب ايده بقوه " اسف الشيخه انا ما املج على وحـده صفاتهـا خـبـيـثـه مثل صفاتج "
ساره ( ودموعهـا تنزل ) : بس انا اسفه عاللي صار .. اسـفـه !
جاسم : بعد شنو ؟ ها ! بعد شنو قاعده وتـتـاسـفـيـن ؟ ما تقولين لي شاسوي باسفج الحين !
ساره : احـلـف لك بشنو اني ندمانه الحين !
جاسم : ما عاد يهم .. ندمج هذا ما عاد له اهميه الحين ..
ساره : بس انا يا جـاسم ...
" قـاطـعـهـا " لا بس ولا شي .. يالله انا طالع الحين "
" مسكته من ايده مره ثانيه تصيح " جاسم الله يخليك لا تطلع .. اطلب مني اللي بتطلبه .. سو فيني اللي تبيه بس عفيه لا تطلع وتخليني .. لانك لو طلعت الحين .. اقسم بالله اني بنهـار "
" دزها بيده طيحهـا " كل اللي ابيه منج الحين انج تذلفين من جـدامي "
" طلع بعدها بدون ما يحس انه ظلمهـا .. لانه مقتنع تماما انه ما غلط بـحـقـهـا مثل ما غلطت هي على ابوه .. تمت ساره طايحه بالارض تصيح بنهيار " انا السبب .. انا اللي يبته لنفسي .. انا السبب "
" قام الملا بعدها بيطلع " لا حـول ولا قوة الا بالله .. الله لا يبلينا ان شالله "
" شاف ناصر اخـتـه بنظره " حـسـبـي الله عليج من ابنيه .. فـضـحـتـيـنـا "
" انـكسر خـاطر نواف .. قرب منهـا ومد لهـا ايده " قومي يا ساره .. تـعـوذي من ابليس وقـومـي ! ما يخالف كل شي بالدنيا قـسـمـه ونصـيـب .. ومن يدري يمكن يكون نـصـيـبـج مع اللي احـسـن منه وبالمـره هذا درس لـج من اللي سويتيه بالمـاضـي بالاسـتـاذ المسكين"
" اما بالنسبه لعبدالله كان سـاكـت .. ما علق بـشـي "
^
^
" مـا كـان حـلـمـا رائعـا ليلة امس .. انـتـهـى كـابـوسـا بعد ذالك !
الـرجـل الذي كاد يلبس سـاره خـاتـم الزواج بالامس .. يـلـقـي عليهـا الان كلمات الوادع الـقـاتـلـه ! لم يكن هذا هو الرجـل الذي احـبـتـه ومـنـحـتـه قلبهـا "
" انـا خـلاص انـتـهـيـت " هذا اللي قـالـتـه ساره لنفسهـا وهي تعيش بـحـالـه نفسيه تعيسه .. كانت حـابـسـه نفسهـا بالدار من هذاك اليوم .. كانت تـحـس بالـضـعـف بالانهـيـار .. حـتـى الجـامعه تـركـتـهـا ! هالبنت قـاعـده تدمـر مستقبلهـا بيدها بدون ما تـحـس بسبب شي اسمه الحـب "

***************
" بـيـوم من الايـام "
" صرخت ملاك بالبيت كله " مااات .. فـيـصـل اخـوي ماات "
" اغـمـى على ام يوسف لما سمعت هالخـبـر "
" تجمدت عيون عايشه من اللي سمعته .. قربت من ملاك تسال بصدمه " ملاك ! انتي .. انتي .. انتي شقاعده تقولين ! شقاعده تـخـربـطـيـن ؟ "
" قالت ملاك ودموعها تنزل " انا مو قاعده اخـربـط انا ... "
" قـاطـعـتـهـا عايشه بانهـيار " بسج سـكـتـي ما ابي اسمع ! اصـلا مـسـتـحـيـل ! ما اقدر اصدقه انه خـلاص مـاا .. "
" فجاه "
" قامت عايشه من النوم متخرعه " لااا ! فيصل ما ماات ! ما مات "
" سكتت شويه .. حـطـت ايدها على ويههـا تتعوذ من ابليس " كابوس ! كان مجرد كابوس " سالت نفسها بضيق " شسالفتي انا مع هـالـكـوابـيـس ؟ "
" قامت بعدها من السرير .. قربت من عيالهـا .. كانوا نايمين .. باستهم بحنيه .. مشت بعدها طلعت من الدار .. قربت من دار ملاك .. فتحت الباب بشويش .. كانت الساعه 2 الفير .. دخـلـت بدارها .. ملاك كانت نايمه بالسرير .. قربت عايشه منهـا .. ما وعت الا بملاك تسالها " مـنـو ؟ "
" وقفت عايشه بمكانهـا تتاسف " سوري يا ملاك اذا قعدتج "
" ابتسمت لهـا " بالعكس .. انا من الاساس ما ياني نوم .. كنت متملله "
عايشه ( تسال ) : يعني اقدر اسولف معاج الحين ؟
ملاك ( بابتسامه ) : اكيد .. احساسي يقول ان عندج كلام تبين تقولينه !
" سكتت عايشه لثانيه .. قالت بضيق " كنت بسالج عن ... " سكتت شويه .. كملت بعدها " عن فـيـصـل "
ملاك ( تسال ) : اشفيه فيصل ؟
عايشه ( بضيق ) : ما ادري !
ملاك : شلون ما تدرين ؟ عيل بشنو بتساليني عنه ؟
" ما عرفت عايشه شتقول " هالكوابيس اللي اتيني بتذبحني "
" ما فهمت ملاك " اي كوابيس ؟ "
عايشه : بين فتره والثانيه احـلـم فيه .. بفيصل ! ساعات اشوفه مهموم .. اسمعه يناديني .. يطلب مني اعطيه قلبي .. وساعات اشوفه متضايق .. يعاتبني ليش اني ما حـبـيـتـه ! وساعات اشوفه ميت ! مثل الحلم اللي حـلـمـتـه من شويه ! كنتي تصرخين بالحلم " فـيـصـل مـاات " عاد انا قمت من النوم متخرعه !
" حطت ملاك ايدها على قلبهـا " اسمله عليه ان شالله .. الحمدلله كان مجرد حلم .. اعتقد ان تفسير الموت بالحلم ان عمره طويل ان شالله "
" قالت عايشه بامل " امين ان شالله "
***************
" ببيت الجيران "
" قـرب محمد من خـلـود يسال " اقدر اكـلـمـج ؟ "
خـلـود : اكـيـد ..
محمد : تذكـريـن الموضوع اللي كلمتج عنه من كم من يوم ؟
خلود ( مستفهـمه ) : اممم ! اي واحـد ؟
محمد : عن اني ابيج تشوفين لي بنت الـحـلال !
" حـطـت خـلـود ايدها على حـلـجـهـا " سـوري نسيت ! حـتـى ما قلت لعايشه ! اسـمـحـلـي يا محمد .. بس ان شالله من اليوم بـشـوف لك على وحـده تناسبك "
محمد : لا خـلاص ! وزين انـج ما قلتي لعايشه ..
خلود ( بـاسـتـغـراب ) : ليش عـاد ؟ شاللي غـيـر رايك الحين ؟
محمد : ما ادري .. بس حـسـيـت نفسي مو مستعد !
خلود : علينا يا محمد ؟
" سكت محمد بعدها "
خلود ( تسال ) : ليش ساكت ! ما تقول لي شفيك ؟ شاللي خـلاك تغير رايك بهالسـرعه ؟
محمد : اذا تبين الـصـراحـه ! انا كنت مقهـور لما شفت امينه هذاك اليوم بالاند مـارك لهسبب قلت لـج بلا شـعـور مني ابيج تدورين لي على بنت ! اما الحين حـسـيـت نفسي هـديـت شويه ! بختصار انا ما ابـي اتـزوج الحين !
" ابتسمت خـلـود لـه " اللي تشوفه يا اخـوي .. براحـتـك "

***************
" مـكـالـمـه هاتفيه "
هلا امينه ..
امينه : اهلين .. شلونج يا عايشه .. شمسويه ؟
عايشه : بخير الله يسلمج .. انتي شلونج ! وشلون الحلو حـمـد ؟
امينه : انا الحمدلله .. بخير .. اما عن حـمـد ذبحني ! 24 ساعه يحن علينا الا حـنـون تنام عندنا بالبيت !
عايشه ( تضحك ) : هذا ولدج مو هين ! من الحين يبي البنت تنام يمه !
" ضـحـكـت امينه بالمثل " شاسوي فيه ؟ يحبهـا .. من الحين يبيهـا "
عايشه : توهم 4 سنين ! شيحب فيهـا ؟
امينه : يسمونه حـب الـطـفـولـه ..
عايشه ( تستنتج ) : يعني تعتقدين ان حمد يبيهـا بالمستقبل له ؟
امينه : الا اكيد يبيهـا .. هذا ما يبي له كلام !
عايشه ( تسال ) : وتعتقدين ان حـنـان بتوافق عليه ؟

^
^

" بعد مـرور 15 سنه "
" قالت حـنـان لحمد مستحيه " اكـيـد موافقه .. انت تدري اني .. اني .. اني .. "
" سكتت مستحيه .. كمل حـمـد عنهـا " انج تـحـبـيـنـي .. مو جـذي ؟ "
" هزت راسهـا بصمت "
" استانس حـمـد من موافقتهـا .. مسك ايدها بابتسامه " احـبـج يا حـنـان .. احـبـج "
" ابتسمت له بـخـجـل " انا هم احبك "
" فـجـاه "
" سمعوا صوت صـرخـه يايه من وراهم " انتوا الاثـنـيـن ما تستحون ! شنو احـبـج وتـحـبـيـنـي ! شنو هـالـمـصـاخـه ؟ "
" التفتوا الاثـنـيـن لمصدر الصوت .. كانت خـلـود وامبين على ملامحهـا العصبيه .. سالتهـا حـنـان بابتسامه " اشفيج يا خـالـتـي ؟ عسى ما شر ! شفيج معصبه ؟ "
خلود : قاعدين تـتـغـزلـون ببعض اشكره عيني عينج وتساليني شفيني مـعـصـبـه !
حنان ( تـبـرر ) : بس حمد ولد عمي يا خـالـتـي .. مو واحـد غريب !
خلود : لا والله ! حـتـى لو كان ولد عمج شبيكون راي اخـوج راشد لو اسـمـعـج تقولين له هالكلام المنكر ؟
حنان ( تسال ) : خـالـتـي انتي شفيج ! يعني ما تدرين ان انا وحـمـد بنملج على بعض قريب ان شالله ؟
" انصدمت خـلـود " شـنـو ؟ "
" سكتت شويه .. صـرخـت بعدها مستنكره اللي سمعته " مـسـتـحـيـل ! انتوا الاثـنـيـن ما يجوز تـتـزوجـون ! ما تصلحون لـبـعـض "
" حنان وحـمـد ما فهموا شكانت تقصد خـلـود بكلامهـا ! قربت حـنـان منها تسال " خـالـتـي انتي شتقصدين ؟ "
" قالت خـلـود بنرفزه " اقصد اللي اقصده بس انتوا الاثـنـيـن انسوا تـكـونون لبعض لو شتسون ما بـتـكـونون لبعض ! فـاهـمـيـن ؟ "
" طلعت بعدها من البيت مشتتة الافكار .. حـسـت نفسهـا بمصيبه كبيره وبين تانيب الضمير " انا ما اقدر اخـلـي هالاخوان يـتـزوجـون من بعض لو شنو يـصـيـر "
See u

اسطورة ! · 09-12-13, 09:26 AM

" قـصـتـي عـيـال الـعـز "
" الـحـلـقــه 65 "
" بـخـلال هالـ 15 سنه اللي مـروا .. تـغـيـرت وايد اشيا "
" نـوال .. عمرها الحين 39 سنه .. ما كانت تتصور بيوم انها ممكن تـحـب وليد من بعد ما كانت ممتنعه عنه 3 سنين .. يابت منه 3 بنات و 3 اولاد .. بنت وحـده من بناتهـا طلعت وسواسيه Lol .. اما بالنسبه لوسواسهـا هي اخـتـفـى للابد "
" نـواف .. عمره الحين 37 سـنـه .. تـزوج من نـوف وعنده عيال منهـا ولد & بنـتين .. بعد زواجـه بسنتين سـافـر هو ومـرته امريكا يشتغل هناك .. تقريبا هو مستقر الحين هناك "
" سـاره .. عمرها الحين 35 سـنـه .. بعد الصدمه العاطفيه الشديده اللي ياتهـا من جـاسم اللي اكتشفت انه ولد الاستـاذ جـابـر كـرهت شي اسمه الحب ! 6 سنين تقريبا وهي عايشه بنهـيار .. تـتـخـيـل جـاسم جـدامهـا بكل لـحـظـه .. بعد مرور هالست سنين قدرت تـتـخـطـى هالـمـحـنـى بعد ما عـانـت منهـا الكثير .. كملت دارستهـا بعد ما اخـتـفـت عن الجـامعه سنتين من صدمتهـا .. خـطـبـوها اثنين لكنهـا شلت فكرة الزواج من بالهـا "
" مـلاك .. عمرها الحين 33 سنه .. من بعد الـحـادث اللي صـادها من 18 سنه انقطعت منهـا كل نقطة امل ! عاشت حـيـاتهـا وحـيـده وبتظـل طول عمرها بنت وحـيـده .. الشخص الـوحـيـد اللي كانت تـحـس انهـا قريبه منه هو الغايب فيصل .. اللي حـتـى بعد مرور كل هالسنين ما فقدت الامل انه ليما الحين عايش بمكان ما من هالعالم الواسع وبـيـرد بيوم من الايام للـوطـن "
" نـاصـر .. عمره الحين 30 سنه .. حب له بنت كانت تشتغل معاه بمقر عمله لكنهـا لعبت عليه عشان فلوسه .. اما بالمره الثانيه تعرف على بنت بحرينيه .. حسـها انسانه طيبه وقرر يخطبهـا .. دفع لها المهر واتفقوا عالملجه لكنها خـذت المهر وقصت عليه .. هالغبي نويصر دوم ينقص عليه من هالسبب تعقد بعدها من البنات لانه ما صـار يثق باي بنت .. وعاش بقية حـيـاته عزوبي .. على قولته " اريـح واطـمـن "
" محمد .. مشكلته ما يقدر ينسى الماضي بسهـوله .. الشي الـوحـيـد اللي حـاول ينساه عشان يعيش حـيـاتـه طبيعيه هو اللي سوته خـلـود فيه من سالفة الـصـور .. على كثر مـحـاولات عايشه & خـلـود له عشان يتزوج كان معاند وشايل هالفكره من راسه .. عاش حـيـاته من بين شغله والبيت "
" خـلـود .. هالبنت للاسف انقلب حـالـهـا ما كانت خـبـيـثـه كثر ما هي ابليسه الحين الاشيا اللي سوتهـا بدنياها ابد ما كانت بالشي الهين اكبر مـعـصـيـه سوتهـا لما طاوعهـا قلبهـا وغيرت اليهـال بالمستشفى بخـلال هالسنين اللي طـافـت حـسـت بتانيب الضمير من بين الكوابيس اللي تذبـحـهـا كل ليله ولما كانت تسمع حـنـان تنادي امينه بـخـالـتـي وهي بالحقيقيه امهـا المشكله انهـا ما كانت تمتلك الشجـاعه الكافيه عشان تقول لهم الحقيقيه حـتـى لو قالت لهم الحين ما عاد يفيد هالندم عاشت حياتهـا ببيت ابوها مع محمد اخـوها "
" عايشه .. كـرهـت الدنيا من بعد مـوت يوسف واخـتـفـاء فيصل اللي اقنعت نفسهـا انه خـلاص مـات ! الاحـلام اللي كانت اتيهـا بالماضي اخـتـفـت خـلاص وهالشي هو اللي خـلاها تتاكد انه مـات .. مـرت عليهـا ايام مـاتت فيهـا من البـجـي .. دمعت عيونهـا اكثر من مره عشان فيصل .. سوت له عـزى بينهـا وبين نفسهـا .. وعاشت الـحـزن والالم لحالهـا بدون محد يواسيهـا .. الشي الـوحـيـد اللي كان مصبرها هو عيالهـا .. راشد & حـنـان .. ما ندمت عايشه بحـيـاتهـا كثر ما ندمت انهـا تـزوجـت يوسف بيوم قبل ما تتاكد من حـقـيـقـة مشاعرها اتجـاهـه "
" امينه .. عاشت حـيـاتهـا مستانسه ومرتاحـه مع عبدالله متناسيه الماضي الاليم .. نفس الشي بالنسبه لعبدالله كان يـحـب امينه متناسي مـاضـيـه اللي مع مرور السنين ادفـنـه للابد .. لكنهم ما يدرون ان هالماضي للاسف ممكن ينفتح من يديد لو اكـتـشـفـوا الحقيقيه ! وهي ان حـنـان بنتهم مو بنت عايشه "
" ام يوسف .. مثل ما قلت بالسابق انقلب حـال ام يوسف للاحـسـن من بعد مـوت الـغـالـيـن "
" ام عبدالله .. هالانسانه بالفعل حـيـه .. حـتـى بعد مرور هالسنين للاسف ما تغيرت وتمت مثل ما هي خـبـيـثـه وما عندها دم .. الشي الوحـيـد اللي هد حـيـلهـا هو الكبر بالعمر خـلاها مالهـا حـيـل تسوي شي "
" راشد .. هذا هو ولد عايشه الـحـقـيـقـي .. اللي تربى مع حـنـان بنفس البيت وهو ما يدري انهـا مو اخـتـه .. حـاليا ما يفكر راشد غير بدراسته ومستقبله "
" حـنـان .. كبرت وحـلـوت وتعلقت بـحـمـد اللي للاسف ما تدري انه هو بالحقيقيه اخـوهـا التوم .. واكاهو الحين بيملجـون .. فيا ترى شبتكون ردة فعلهـا لما تـكتشف الـحـقـيـقـيـه ؟ "
" حـمـد .. حـب الطفوله عطاه الامل عشان يكبر ويحـقـق كل اللي بباله بس للاسف ما يدري ان هالحب بيـخـلـيـه ينهـار بيوم من الايام "
" فـيـصـل .. ما بين له اثـر .. حـتـى اعتقد الكل انه مـات بالغـربـه .. صـار له مـخـتـفـي 20 سـنـه "
***************
يمه فـهـمـيـنـي شسالفه ؟ شكانت خـالـتـي خـلـود تقصد بكلامهـا لما قالت ان انا وحـمـد ما يـجـوز نـملج على بـعـض ؟
عايشه : ما ادري يا حـنـان .. انتي ليش مو راضيه تنسين الكلام اللي قـالـتـه لج خـالـتـج !
حنان : يمه انتي لو شفتيهـا وهي مـعـصـبـه بسبب ان احـنـا بنملج كنتي بتساليني نفس الـسـؤال ! خـالـتـي خـلـود انسانه غريبه !
" سكتت عايشه بعدها .. سالتهـا حـنـان " يمه شفيج ! ليش سـكـتـي ؟ هذا معناته انـج اكيد تعرفين شي وخـاشـتـه .. مو جـذي ؟ "
عايشه : ماكو سالفه ولا شي لكن اعتقد ان خـالـتـج مقهـوره ليش انـج بتاخذين ولد طليقهـا !
" ما استوعبت حـنـان " شـنـو ! خـالـتـي خـلـود كانت متزوجـه عبدالله ابو حـمـد ؟ "
" هزت عايشه راسهـا " اي "
حنان ( تسال ) : وليش تـطـلـقـوا ؟
عايشه : كل شي بالدنيا قـسـمـه ونـصـيـب ..
" سكتت حـنـان لثانيه قالت بعدها " بس انا مالي ذنب باللي صـار ! انا بملج بـاجـر على عبدالله حـتـى لو خـالـتـي ما وافقت .. احـنـا مالنا شغل بمشاكلهـا المـاضـيـه "
" قـالـت عايشه بابتسامه " اكيد حـبـيـبـتـي انتي مالج ذنب باللي صـار .. وان شالله بـاجـر بنفرح فـيـج انتي وحـمـد "
***************
" بدار نـاصـر "
" الياهل بو 13 سنه اللي كـبـر وصـار عمره 30 سنه .. ما تـغـيـر حـالـه من ناحـيـة النت ! 24 سـاعـه كان امجابل النت .. بين الـمـاسـنـجر & الشغل .. دخـلـت ساره عليه بالدار .. قربت منه تسال " هلا نـويـصـر .. مـشـغـول ؟ "
" رد عليها وهو يـحـط فيس = ) مبتسم بالماسنجر " هلا سـاره .. مثل ما تشوفين امجابل النت .. ليش بـغـيـتـي شي ؟ "
" ابتسمت له " وهذا انت ! 24 سـاعه امجابل النت ؟ من اول ما انـولـت وانت مدمن نت "
" سالهـا متحلطم " لـحـول ! انتي يايه الحين عشان تحنين ! ما تقولين لـي شتبين ؟ "
" سكتت ساره .. ما وعت بنفسهـا الا وهي تـضـحـك من قلب .. ما فهم ناصر سبب هالضحكه .. سالهـا " شنو ! شفيج ؟ انا ما اخـبـر اني قلت شي يضحك الحين "
" قـالـت وهي ليما الحين تـضـحـك " سلامتك لكن تذكرت لما قلت للوالد الله يـرحـمـه انا الـثور وانت الـنـاقـه "
" ضـحـك ناصر بالمثل .. قـال بعدها " شاسوي عاد ! بنت الحرام حـسـبـي الله عليهـا لعبت علي وشربتي هالسم وبساعتهـا قلت اللي قلته .. والمشكله ان ليما الحين يـنلعب بعقلـي ! انا غـبـي ما اتعلم من هالدنيا "
" مسكت سـاره ايد اخـوهـا بابتسامه " ما يـخـالف يا نـويـصـر .. محد يـاخـذ غير نصيبه بالدنيا "
ناصر ( بـعـبـط ) : انتي شنو شايفتني ! ياهل بو 13 سـنـه ؟ انا كبرت الحين وانتي ليما الحين تناديني بـنـويـصـر !
" ضـحـكـت له " شاسوي عاد ! تـعـودنـا اناديك بهالاسم من يوم كنت ياهل ! بكلا الحالتين انت بنظري بتظل ياهل مهمـا شيبت يا الشيبه "
" ابتسم لهـا بصمت .. قـال بقلبه " ياليتنا انا وسـاره علاقـتـنـا كانت جـذي واحـسـن من زمان "
***************
" اما بـدار ملاك "
" دخـل راشد ولد عايشه بدار ملاك يسال " خـالـتـي ملاك ممكن اكلمج ؟ "
ملاك : اكيد .. حـيـاك ..
" قرب منهـا بابتسامه " ممكن اسوي معاج مقابله يا خـالـتـي ؟ "
" ضـحـكـت ملاك " هـا ! مقابله معاي انا ؟ "
راشد : اي ..
ملاك ( تسال ) : عن شنو ؟
راشد : عن اللي صـار لـج بالدنيا لو ما كان هالشي يـضـايـقـج !
" سكتت ملاك شويه سالت بعدها " هالمقابله تبيهـا للجامعه ؟ "
راشد : اي يا خـالـتـي ..
" ابتسمت له " ok يا راشد .. انا مـوافـقـه "
راشد : يعني ما بتتضـايقين ؟
ملاك ( بابتسامه ) : بالعكس يا ولد اخـوي .. هاللي صـار لي بالدنيا درس كبير .. وتعلمت منه الكثير .. اتمنى ان محد يغلط نفس غـلـطـتـي بيوم !
" استانس راشد من كلام خـالـتـه وحـس ان مقالته بـتـنـجـح اذا كتبهـا باسلوبه " كلامـج حـلـو يا خـالـتـي .. انا فـخـور فيج "
***************
" بامريكا "
" كـولـورادو "
" نـوف كانت تـطـبـخ بالمطبخ عيش ولحم .. وطـبـعـا الكل يعرف ان مطابخ الدول الاوربـيه غير عن مطابخنا .. في المطابخ الاوربيه على اتف الاشيا البخار يـطـلع صوت على اساس ان اكـو حـريـقه بالبيت ! اما بمطابخـنـا عادي لو الابـخـره توصل لبيت الجيران .. المهم .. مثل ما قلت لكم نـوف كانت تطبخ .. فـجـاه .. سمعت صـوت انذار الحريق بالبيت .. تحلطمت " لـحـول ! هذي عـاشـر مره يـصـفـر هالانذار بسبب البخار "
" بعدها "
" قرب نواف من الـمـطـبـخ متذمر " نـوفـو ! وبعدين معاج انتي ؟ هذي مو اول مره تـفـضـحـيـنـا بالانذار ! شبيقولون عنا هالاجـانب الحين ! صـج عـرب .. فـشـلـتـيـنـا "
" قـالـت وهي تحاول تسكر الانذار " شاسوي فيك ! انت الشيخ تبي عيش ولحم "
^^
" نـواف + نـوف هذي حـالتهم كل ما يطبخون عيوش Lol .. قـال نواف مشتاق للوطـن " ايا على قـطـر .. فديت مطابـخهـا انا "
***************
" حـان الوقت الحين .. حانت الساعه اللي لطالما انتظرها حـمـد من انه يملج على حـبـيـبـة الطفوله حـنـان .. مع انه ما يدري انها بالحقيقه تـكـون اخته ! فيا ترى شبيكون ردة فعله او ردة فعل حـنـان لما يـكـتـشـفـون الحقيقه الـقـاسـيـه ؟ "
" كل الاهل كانوا مجتمعين بالميلس حـتـى خلود اللي كانت متوتره ما عدى نواف اللي كان مسافر امريكا مع مرته "
" شنو هالبلوى يا ربي ! شنو هالمصيبه اللي طيحت فيها نفسي ؟ " هذا اللي قالته خـلـود لنفسها بتوتر كبير "
" انتبهت لها عايشه " خـلـود شفيج ! احسج مو على بعضج "
" ابتسمت خـلـود متظاهره انها طـبـيـعـيـه " سلامتج حـبـيـبـتـي "
" ما اقتنعت عايشه .. شافتهـا بعيونهـا بجديه " خـلـود .. بلا لف ودوران وقولي لي شفيج "
خلود ( بـخـوف ) : اقـولـج اللي سويته من سنين بس توعديني انج ما تطرديني من بيتج يا عايشه ؟ "
" طاح قلب عايشه ببطنهـا " خلود ! كلامج هذا يخرعني ! قولي لي انتي شمسويه ! شمهببه بالضبط ؟ "
خلود : اول شي قولي لهم يوقفون هالملجه !
عايشه ( مو فاهمه ) : لـيـش ؟
خلود : بدون ليش ! انتي بس قولي لهم يوقفون الـ .. "
" قـاطـعـتـهـا عايشه " بالاول قولي لي ليش ! فهميني شسالفه ؟ "
خلود : السالفه كلها تخص حـنـان وحـمـد ! انتي بالاول كنسلي الملجه عشان ما يصير شي اكبر !
عايشه ( على اعصابهـا ) : تـكـفـيـن يا خلود لا تيننيني وفهميني السالفه ! لا تقعدين تـتـكـلـمـيـن بالالغاز ! انا ما اقدر اكـنـسـل الملجه لو شنو يصير !
خلود : مو على كيفج ! انتي لازم تـكـنـسلين الملجه حالا والحين ! هذول الاثنين ما يجوز يتزوجـون !
" تمسخرت عايشه " لا والله ! باي قاموس مكتوب هالكلام اللي تقولينه ؟ "
" قالت خـلـود بجديه " بقاموس انهم ... " سكتت لثانيه .. كملت بعدها حـاسـه بتانيب الضمير " بقاموس انهم اخـوان "
" ما استوعبت عايشه " هـا ! انتي شتخربطين ؟ "
خلود : انا مو قاعده اخـربـط ! انا اقولج الحقيقه اللي كان لازم اقولها من زمان !
عايشه ( تسال ) : اي حـقـيـقـه هذي اللي تـتـكلمين عنهـا ؟
" نزلت دمعه من عيون خـلـود بندم " من 20 سنه انا شليت حنان وحطيتها بمز ولدج راشد من اول ما انولدو بالمستشفى على اساس انهـا اخته وهي بالحقيقيه اخت حمد ! "
See u

اسطورة ! · 09-12-13, 09:29 AM

" الـحـلـقــه 66 & The Final "

" الـتـكـمـلـه "
" نزلت دمعه من عيون خـلـود بندم " من 20 سنه انا شليت حنان وحطيتها بمز ولدج راشد من اول ما انولدو بالمستشفى على اساس انهـا اخته وهي بالحقيقيه اخت حمد ! "
" تجمدت عيون عايشه " انتـي .. انتـي شتقولين ؟ "
" سكتت خـلـود بعدها "
" حـاولت عايشه تمسك اعصابهـا لاسيما انهـا جـدام الناس " ليش سكتي ! ما تتحجين "
" ما قدرت خـلـود تنطق .. اكتفت بالدموع + الصمت .. اشكره كل شي ساطع مثل الشمس ! ما استحملت عايشه هالصمت .. مسكت خلود من كتفهـا وصـرخـت جـدام الكل " ليش تصيحين ها ! ليش ساكته ؟ حـسـبـي الله عليج انتي شسويتي "
" سكتت فجاه منصعقه .. كل من بالصاله التفت لخلود + عايشه مستفهمين " شـسـالـفـه ؟ "
" قربت حـنـان يم امها تسال بخوف " يمه شفيج شـصـايـر ؟ " التفتت بعدها لخالتها مستفهمه " خـالـتـي شسالفه ! ليش تصيحين ؟ "
" ما علقت عايشه .. كانت منزله راسها بصدمه من اللي اكـتـشـفـتته .. اما خـلـود كانت تصيح بحرقه .. تخرعت امينه من هالمشهد اللي ما افهمته .. قربت منهم تسال " شفيكم انتوا الثنتين ؟ عسى ما شر "
" بهاللحظه دخـل حـمـد مع راشد بالصاله عند الحريم .. قرب حمد من حـنـان بلهفه .. مسك ايدها مستانس " يالله حـبـيـبـتـي الملا بيملج علينا الحين "
" فـجـاه "
" صـرخـت خلود بجديه " لا ! الملجه هذي لازم تتكنسل الحين .. بالطيب بالقوه لازم تتكنسل الحين " قربت بعدها من راشد بجديه " شرايك يا راشد انت اللي تملج على حـنـان ! شرايك ؟ "
" انصدم راشد من كلام خـالـتـه اللي حـسـبـهـا مينونه او متخلفه عقليا " شلون املج على حـنـان وهي بالحقيقه اخـتـي ؟ "
" رمت خـلـود بنفسها على ركبتهـا تلوم نفسهـا " حـنـان مو اخـتـك يا راشد ! مو اخـتـك ! حـنـان بالحقيقه تـكـون اخـت حمد ! ادري ان الكل منصدم الحين والبعض مو مستوعب ! ويمكن بعضكم يعتبرني متخلفه او شاربه شي ! لكن تطمنوا انا مو متخلفه ولا شاربه سم .. انا بس ابي اقول الحقيقه لان ضميري ذابحني ! كل ليله يمر علي يأنبني ويمشي ! من 20 سنه بالمستشفى انا سويت شي حـقـيـر ! لما سمعت ان امينه بنت احمد يابت توم بنت و ولد انقهرت وحسيت بحقد مو طبيعي بقلبي ! ما كنت ابيها تستانس مع عبدالله طليقي ! عاد انا لعب بعقلي الشيطان وقمت غيرت اليهال بما أن عندي صلاحية الدخـول هناك ! خططت لكل شي .. شليت بنت امينه حنان وحـطيتهـا مع راشد اللي يايبته عايشه على اساس انها يابت الـ ... "
" سكتت فجاه تعض اصابع الندم " سامحوني ! انا مستعده ابوس ريولكم فرد فرد بس عشان تـسـامـحـوني "
" لحظة صمت نسمت على الكل ! امينه كانت امجابله حـنـان ودموعها تنزل بلا شعـور " حنان تـكون بنتي وانا ما ادري ؟ ماني مصدقه هاللي اسمعه ! ما اقول غير حـسـبـي الله عليج يا خلود يا اللي ما تخافين الله باللي سويتيه فينا "
" راشد ما كان مستوعب اللي سمعه " مـعـقـوله بعد كل هالسنين حـنـان تطلع مو اخـتـي ؟ "
" تجمدت عيون حمد مصدوم من هالخبر القاسي .. رجع 4 خـطـوات لورا يهـز راسه يمين ويسار مو مصدق " مستحيل ! مستحيل حـبـيـبـة الطفوله تـكـون اخـتـي التوم ! مستحيل "
" صـرخـت حـنـان بانهيار " انا ما اصدق ! ماا اصدق وما ابي اصدق ! هذي اكيد لعبه شيطانيه من خــالـتـي خـلـود عشان تمنعنا نملج ليش انها مقهـوره ان حمد ولد ريلهـا السابق عبدالله ! اكـيـد "
" ام يوسف كانت ساكته ! ما علقت .. نفس الشي بالنسبه لساره + ملاك .. ماكو شي ينقال اكثر من اللي قالته خلود ! فـكـتـفـوا بالصمت .. اما بالنسبه لناصر .. عبدالله ومحمد اللي كانوا ينتظرون مع الملا بالميلس سمعوا كل شي انقال ! صوت خـلـود العالي كان كافي من انه يوصل لهم "
" انصدم محمد من اعترافات خـلـود " مـعـقـولـه هاللي اسمعه يا ناس ! هل هذي بالفعل اخـتـي ام انهـا شيطان اخـرس على شكل انسان ؟ "
" ما استحمل عبدالله اللي سمعه .. طلع من الميلس مقهـور ! دخل بالصاله بدون استاذان .. قرب من خلود اللي كانت قاعده على ركبتهـا تناظر الارض ودموعهـا تنزل بندم كبير .. قرب منهـا .. مسكها من ايدها بقسوه جـدام الكل ! سحبها بدفاشه ليما الباب " انـجـلـعـي بره ! ما ابي اشوفج او اسمع بسيرتج مره ثانيه ! انتي يا خـلـود يطلع منج كل هذا ؟ المشكله انها مو اول مره ! هذي المره 2 اللي انصدم فيها منج ! ما اقول غير حـسـبـي الله عالساعه اللي عرفتج فيهـا "
" الكل كان يشوف تصرف عبدالله بخلود بصمت .. محد عارضه ولا حـد وقف جـدامه عشان يمنعه ! خلود غلطانه وتستاهل اللي ايها واكثر .. حـتـى محمد اخوها وقف عاجر ما قدر يسوي شي " اللي سويتيه يا خـلـود شي ما يـغـتـفـر "
^^
" من بعد هالحـدث اللي ما اظن ان حـنـان المسكينه بتنساه انهـارت بشكل كبير .. الحقيقيه اللي عرفتهـا من انهـا بنت امينه ما خـلـتـهـا تنتقل تعيش معاها .. الا تمت تعتبر عايشه مثل امهـا الحـقـيـقـيه .. امينه انـكـسـر قلبهـا من هاللي اكـتـشـفـتـه مـتـاخـر لكن ما باليد حـيـلـه ! تمت حـنـان مبتعده عن حـمـد سنتين تقريبا عشان تنسى كل هاللي صـار .. حـتـى بعد هالسنتين لما كانت تشوفه تسلم عليه عالسريع وتمشي عنه عشان ما تـحـتك فيه .. اما عن خـلـود صـارت مـكروهـا من الكل بسبب هاللي سويته "
***************
" بعد مـرور كل هالاحـداث بما فيهـا "
" بيوم من الايام "
" عايشه كانت قاعده بالصاله .. ماسكه بيدها دفـتـرها اللي قامت تـكـتب فيه خـواطـر مـؤخـرا .. ما عـرفـت شتـكتب اخـر شي .. هل تـكتب خـاطـره سعيده ام حـزيـنـه ام شنو ؟ كانت كل ما يـصـيـر حـدث معين تقوم تالف عليه خـاطـره .. يمكن من الشي اللي شافته في حياتها ,,
كتبت وهي سارحه ,, الله يرحمـك يا يـــوســف ,, امين ان شالله ,,
مر ببالها فيصل .. تذكرته .. مسكت القلم وكتبت باحساس " قالوا ان الشخص تعرف قيمته لما يغيب ..
وانت غبت ومات قلبي من رحيلك يا حنون ..
يا حياتي في غيابك كل جرح ما يطيب ..
وفي حياتي يا حياتي غير جرحك ما يهون ..
انا كلي وكل كلي فدوه لك يا الحبيب ..
ما يهمني غير قلبك والبقيه يزعلون ..
والله والله يا حبيبي انت لي احلى نصيب ..
والمشاعر في بعادك يشتكون ويشتكون ..
قالوا ان الشخص تعرف قيمته لما يغيب ..
وانت والله في غيابك زايده فيني الطعون .. "
" تـعـبـت من الـكـتـابه " هذا اللي قـالـتـه عايشه لنفسهـا "
" سكرت الدفتر بعدها .. حـطـتـه على جـنـب .. نزلت راسهـا .. غـمـظـت عيونهـا .. قـالـت بقلبـهـا " تـعـبـت ! انا تعبت من هالدنيا الـتـعـيـسـه ,, ابي اموت "
" فـجـاه "
" في شخص دخـل بالصاله .. ما انتبهـت عايشه اللي كانت منزله راسهـا .. قـرب منهـا هالشخص بـخـطـوات بـطـيـئـه ليمن وقـف امجـابلهـا .. حـسـت عايشه بـظل شخص واقف جـدامهـا .. رفعت راسهـا .. شافته ..
شــافــتــه ,,
شـــــافــــتــــه ,,
شـــــــــــــــافـــــتـ ــــــــــه ,,
تـجـمـدت عيونهـا الثنتين عليه .. ما استوعبت .. انصدمت .. نطقت اسمه " فـيـصـل "
" ما نطق ولا علق بشي .. كان يشوفهـا بابتسامه الم .. كان يشوف صدمتهـا واندهاشهـا لما شافته .. دمعت عيونهـا غصبا عنهـا .. كانت بتقرب يمه بتلمه .. بتحس فيه عشان تتاكد ان هاللي تشوفه مو حـلـم مثل احلامها السابقه ! لكنهـا على كثر ما تقدر تمالكت نفسهـا .. قـالـت له " 22 سنه يا الظالم ! لا حـس ولا حـتـى خـبـر "
" هم ما نطق .. ما كان حـاب من انه يتكلم عن الماضي الاليم .. هو الحين بالحـاظـر اللي حـب انه يبتدي فيه .. عيونه كانت تـخـبـي كلام كـثـيـر .. قدرت عايشه تقرا هالكلام اللي بعيونه وتفهمه "
ما بدي الك شو بني ! شو اللي جـرالـي بهالدنيـي ..
بدي معك ابدا العمر اول سطر باولدني ..
ما بدي الك شو بني ! شو اللي جـرالـي بهالدنيـي ..
بدي معك ابدا العمر اول سطر باولدني ..
ولا بدي احـكـي شو احصل !
شو اللي كسر فيا الامل !
واللي الب ضحكي زعل .. غـربـنـي ياما وردنـي !
ما بدي الك شو بني !
****
خـدنـي معك .. خـدنـي بايدك عالفرح ..
خـدنـي معك عمطرح المافي جـرح ..
خـدنـي معك باب الالـب لما انفتح خلاني حـدك انـحـنـي !
خـدنـي معك كل اللي من ابلك مظـا
خـدنـي معك وهم ومـرء حـزنـي انقطع !
خـدنـي معك بدي معك اعيش الرضـى ..
خـدنـي على العمر الهنـى ..
ما بدي الك شـو بني !
****
انته ومعي بحبك انا اد المدى ..
انته ومعي ما بدي من بعداك حـدى ..
انته ومعي الـبـي اللي عالحب اهتدى .. اعيش معك احـلـى دنيـي ..
انت ومعي بشعـر انا بشمس الدفـى ..
انته ومعي الخوف اللي ماليني اخـتـفـى !
انته ومعي ايدك عالضـفـى البك وفـى ..
جـنـب ورود مـزيـنـي ..
ما بدي الك شو بني ! شو اللي جـرالـي بهالدنيـي ..
بدي معك ابدا العمر اول سطر باولدني ..
ولا بدي احـكـي شو احصل !
شو اللي كسر فيا الامل !
واللي الب ضحكي زعل .. غـربـنـي ياما وردنـي !
ما بدي الك شو بني !
^
^
" مـا قـدرت عايشه تستحمل اكـثـر ! قـربـت منه ولمته ,, نست نفسها .. انصدم فيصل من هاللي سوته .. طـاح الموبايل اللي كان ماسكه من ايده بارتباك كبير .. تجمد ابمكانه مثل الجليد .. نزلت دموعه بلا شعور منه .. ابتعدت عايشه بعدها عنه .. قالت له بارتباك " اسفه .. انـا ما كنت قـ .. "
" قـاطـعـهـا ودموعه على خـده " وحـشـتـيـنـي " مسك بعدها ايدها " ليما الحين احبج يا بنت الناس "
" ابتسمت له .. قـالـت بلا شعور منـها " انا هم احـبـك "
" تجمدت عيونه مو مستوعب " شنو ! شـقـلـتـي ؟ "
" سكتت لثانيه .. نزلت راسها تصيح بندم .. تخرع فيصل عليها " عايشه شفيج ! ليش تصيحين ؟ "
قالت له : انا .. انا ...
" سكتت شويه .. كملت بعدها " انا بس مستانسه ليش انك يمي الحين .. ما تـتـصـور يا فيصل شكثر عانيت بغيابك ! انـا .. انا .. "
" سكتت تصيح بـحـرقـه .. تمالكت نفسهـا وقـالـت " انا حـبـيـتـك يا فيصل .. اي حـبـيـتـك ! ادري ان هالكلمه يات متاخـره لكن صدقني العتب مو مني الا من مشاعري الغبيه ! انا وايد تسرعت لما تـزوجـت يوسف .. اكتشفت ان حـبـي له كان لشخصيته مو لنفسه .. انا كنت احـبـك بدون ما ادري ! اذا تبي الصراحه انا كنت انتظرك ترد لي .. كل ليله كنت تمر علي بالحلم وتختفي بالليله اللي بعدها ! لا ليلي ليل ولا نهاري نهار ! كنت دوم ببالي تشغل افكاري .. ساكن بوجـداني .. ما تـتـصور شكثر مت من الصياح ! ذبحت نفسي بس عشان ترد لقطر .. انا .. انا .. انا احبك .. انا مستحيه من نفسي من هالكلمه اللي قلتها الحين كأني مراهقه بنت الـ 18 سنه .. ادري اني كبرت .. لكن مشاعر الحب اللي اكـنهـا لك كبرت معاي .. انـا .. انـا "
" سكتت لثانيه .. دموعها كانت مغرقه ويههـا .. قالت بنهيار " انا ما ابيك تخليني ! عفيه يا فيصل لا تخليني .. انا وحـده تعبت من الدنيا وبلاويهـا .. مابي شي منهـا ! كل اللي ابيه هو انك ما ... "
" قاطعها وهو يمسح دموعها " ما بخليج .. لو شنو يصير يا عايشه ما بخليج .. انا اصلا رديت عشانج .. فشلون الحين بخليج ؟ عشاني انا لا تبجين .. دموعج غاليه علي يا بنت الناس "
" ارتاحت نفسيتها .. حـسـت انها انولدت من يديد .. اكاهو حـبـيـبـهـا امجابلها مثل ما تمنت .. مو مهم اذا نص عمرها راح .. المهم الحين ان الشخص اللي تحبه يمهـا وما بيخليهـا لو شنو ما صار "
" فـجـاه "
" صـرخـت ساره مو مصدقه اللي تشوفه جـدامهـا " فـيـصـل ! انت بالفعل اخـوي فيصل او شبيها ؟ ام تمثال محنط ام خـيـاله ام شنو ؟ "
" ابتسم لهـا " هلا ساره "
" ما استوعبت " مـعـقـوله ! بعد مرور 22 سنه يرد فيصل للوطن ؟ من بعد ما حسبناه ميت يرد لنا حـي "
" صـرخـت بعدها مره ثانيه " يا ناس ! يا عالم فيصل هني بالبيت "
" الكل تيمع حـوله بما فيهم راشد + حـنـان اللي اول مره يشوفونه .. اما بالنسبه لملاك لمت فيصل ودموعها تنزل من عيونهـا " وحـشـتـنـي يا راعـي البطبطه الوسيم "
" رد عليهـا بابتسامه " انتي هم وحـشـتـيـنـي يا الشيطانه "
" لمته امه تـصـيـح " جـذي يا فيصل ! جـذي تسوي فيني يا الـحـمـار ؟ "
" ضـحـك فيصل على كلمة الحمار " ما يخالف يمه .. بصير لـج انسان ان شالله بس اهم شي انـج ما تصيحين "
" طـقـتـه امه على راسه " تتمسخر هـا "
" عيون فـيـصـل كانت تشوف عايشه بابتسامه .. نفس الشي بالنسبه لهـا .. حـسـت ان الدنيا فتحت لهـا ابواب الامل من يديد "
***************
ملاحظه ,,
طول هالـ 20 سنه وفيصل ما غـادر بلاده ,, طول هالوقت كان عايش بقطـر بمكان ما ,, اصلا ما حط ريوله بمطار الدوحـه ,,
وأخبار أهله كانت توصل له أول بـأول ,,
***************
" بعد اسـبـوعـيـن "
|| بـطـاقـة عـرس عبيطـه ||
|| تتشرف عائلة المرحـوم الغني احـمـد يوسف الـ ... وعـائلة المرحـوم الفقير راشد محمد الـ ...
بدعوتـكـم لـحـظـور عرس
الـشـيـبـه فـيـصـل على الـعـيـوز عـايـشـه ..
وذالك في تمام الساعه الـ 8 مـسـاءا بفندق الدفنه بالشراتـون بتاريخ 9_9_2008
اتمنى انكم تـخـلـون عيالكم خـامدين بالبيت .. ويا ويلكم ان دعستوا موبايلكم تحت عبيكم .. ترى عندنا اجهزة تفتيش حديثه ..
تحياتي .. نـواف احـمـد يـوسف الـ ... اخـو الـمـعـرس الوسيم ..
^
^
" حـط فيصل ايده على راسه متفشل " حـسـبـي الله على ابليسك يا نـوافو ! ياي من امريكا خـصـوصـي بس عشان تـفـضـحـنـا ببطاقة العرس اللي ما خـلـيت احـد وما عطيته اياها "
" ضـحـكـت عايشه " ما يخالف .. خـلـه مستانس مثل ما احـنـا مستانسين الحين "
فيصل : بس والله فشله ! انتي تدرين كم عمري الحين ؟
عايشه : 43 سنه وشنو يعني !
فيصل : اخـاف الناس يقولون عـنـي مـراهـق يا عايشه !
عايشه ( بابتسامه ) : لا تـخـاف .. انا ما ابيك تهتم لكلام الناس .. احـنـا مو قاعدين انسوي شي غلط لسمح الله ! احنا بنملج بالبيت بحفله صغيـره ..
فيصل : انزين شرايج نسافر اول ما نملج بدون هالحفله اللي بتصير بالبيت ؟
" سكتت عايشه شويه .. سالت بعدها " وشنسوي ببطـايـق العرس اللي فـضـحـنـا فيهـا نوافـو ؟ "
" فـجـاه "
" طل عليهم نواف من الدري " يا المينون انت وياها ! يعني بالله عليكم الحين مـعـقـولـه انا بطرش للناس بطـاقه بهالشكل ! الشيبه فـيـصـل والعيوز عايشه وخـلـوا عيالكم يـخـمدون بالبيت ! ويا ويلكم اذا دعستوا موبايلكم تحت العبي ! كنت استعبط وياكم ابشوف شبتسون "
" شـاف فيصل نواف بنظـره " مالت عليك وعـلـى هبالتك "
" اما عن عايشه كانت تـضـحـك " الله يغربل ابليسك يا نـوافـو "
" تـزوجت عايشه من فـيـصـل متجاهلين التقدم بالعمر وهم متجاهلين كل شي صـار بالماضي الاليم .. كل من بالبيت استانس لهم .. امينه فـرحـت لاخـوها " مبروك يا فيصل واخـيـرا اللي تمنيه صـار "
" نواف هم استانس حـتـى استعبط عليهم واشترى لفيصل بطبطه مكتوب عليهـا من اليسار الشيبه فـيـصـل ومن اليمين العيوز عايشه " هذي هديتي لكم ان شالله تعجبكم وتتذكروني فيهـا طول ما انا مسافر امريكا "
" ملاك قالت " ياليت اقدر اشوف على الاقل لو لثانيه عشان اشوفـكـم بهاليوم السعيد "
" اما عن ساره استانست وقدمت لعايشه ساعه الماس " هذي مني لـج .. عاد ان شالله تعجبج "
" ام يوسف باست عايشه بابتسامه " مبروك حـبـيـبـتـي .. تستاهلين فيصل وهو هم يستاهلج "
" نوال اللي ما كانت تحـب عايشه استلطفتهـا بهاليوم السعيد .. على قولتهـا " من يدري يمكن مع الايام احـبـهـا "
" راشد ولد عايشه هم استانس لحال امه " اتمنى لج التوفيق بالدنيا يا يمه "
" نفس الشي بالنسبه لحنان فرحـت " مبروك يمه .. انتي امي مهما انكشفت الحقيقيه جدامي .. اتمنى لج السعاده ان شالله "
" محمد اخو عايشه حس بالسعاده لوناسة عايشه " اهم شي عندي انج تكونين مرتاحه ومستانسه بالدنيا "
***************
"ما بقى من عمر ابطال القصه "
امينه .. عاشت حياتها مستانسه مع عبدالله و ولدها حمد اللي حب يكمل دراسته باستراليا بعد ما عرف ان حنان اخته .. قال لنفسه " الابتعاد عن الوطن كم من سنه هو الحل الوحيد "
نواف .. بعد ما تزوج فيصل من عايشه رد يكمل شغله بامريكا مع مرته .. وكانوا عايشين مستانسن بغض النظر عن المشاكل اللي تصير من بينهم بسبب بخار العيش واللحم لما يصفر الانذار بالبيت Lol
نوال .. مثل ما قلت سابقا وسواسها اختفى للابد بس المشكله الحين ان هالوسواس اللي كان فيها انتقل لبنتها ناديه .. على العموم عاشت حياتها مع وليد مرتاحه ..
ساره .. عاشت حياتها عانس من بعد ما رفضت كل اللي تقدموا لها .. الصدمه اللي انصدمت فيها بالماضي ما قدرت تنساها .. هي صحيح مرت بحاله نفسيه عصيبه وقدرت بعد طلعت روح تجتازها لكن هم ما قدرت تنسى جاسم .. الانسان الوحيد اللي بالفعل حبته .. وما تتصورون شكر ندمت على اللي سوته بالاستاذ جابر لكن الندم ما عاد يفيد الحين !
ملاك .. كانت فاقده الامل بكل شي من بعد الحادث .. لكن مع رجعت فيصل للوطن انفتح لها الامل بالدنيا من يديد .. قربها من اخوها الغالي كان يسعدها ويحسسها بالاطمئنانيه وان الدنيا ليما الحين بخير .. وداها فيصل كذا مكان عشان تتعالج بره لكن للاسف ماكو فايده .. فعاشت حياتها مثل ما هي مقتنعه بالقدر ..
ناصر .. مثل ما هو مدمن نت .. ومن بعد تجاربه الفاشله مع البنات كره شي اسمه زواج لهسبب عاش حياته عزوبي ..
محمد .. تزوج وهو كبير بالسن .. حتى زوجته اللي تزوجها كانت كبيره 37 سنه .. هو كان رافض فكرة الزواج .. لكن عايشه حاولت معاه اكثر من مره ليمن قدرت تقنعه .. والحمدلله عايش حياته مرتاح مع مرته ايمان اللي اشتغلت بكيوتل معاه وحس نفسه منجذب لها متناسي الماضي الاليم ..
خلود .. بعد ما طردها عبدالله بيوم الملجه من البيت لما كشفت لهم حقيقيه حنان .. مكانهـا صـار " بمستشفى الامـراض العقليه "
حنان .. خلصت الجامعه وتزوجت دكتور كان معجب فيها بايام الجامعه .. هي ما كانت تحبه لكنها استطلفته .. عاشت حياتها مستانسه متناسيه الماضي اللي كان .. لكنها ليومنا هذا تنادي امينه بـعمتي وعايشه بامي "
حمد .. مثل ما قلت لكم كمل دراسته باستراليا وبعدها فكر ياخذ الدكتوراه .. كل همه كان بالدراسه خاصه من بعد اللي صار له بيوم ملجته ..
راشد .. هالانسان كان وايد طموح .. حياته كلها كانت دراسه بدراسه .. غرامه الاجتهاد بالدنيا .. ما كان يفكر بالزواج لين ما يكون نفسه ويحس انه مستعد له استعداد كامل ..
ام يوسف .. مع مرور كل هالسنين تغيرت تغير كلي .. انقلبت من انسانه قاسيه لين انسانه طيبه .. تحب الناس والخير .. وما همها غير كسب رضى الله سبحانه بالاخره ..
ام عبدالله .. حتى بعد ما كبرت وعيزت هم قلبها الاسود وحقدها على الناس ظل مثل ما هو ما تغير لين ما ماتت وهي بقلبها الاسـود !
***************
" يا قرائي الاعـزاء .. تخيلوا هالحوار بين الشيبه والعيـوز لول "
اقول لج شي يا عايشه ؟
عايشه ( بابتسامه ) : هلا حـبـيـبـي .. امـر !
" ابتسم فيصل لهـا " تذكرين شقلتي لي من زمان ؟ شكلي غلبتج الحين "
" استفهمـت " اممم ! لا والله مـا اذكـر ! ليش انا شقلت ؟ "
فيصل : قلتي لي .. شفت النجوم بالسما فـوق ! ما بتقدر توصل لهـا تماما مثلي انا ! هذا اللي قلتيه بس انا وصلت لج !
" سكتت عايشه .. نزلت راسهـا متفشله .. سوت نفسهـا ما تتذكر " اممم .. لا ما اتذكر اني قلت هالكلام السخيف "
" ضـحـك فيصل " ما يخالف ,, مو هذا هو المهم .. انا ابيج توعديني الحين ان ما في شي يستاهل بالدنيا عشان يفرقنا بيوم "
" ابتسمت له " اوعدك "
^^
.:. محبوبي .:.
هات الورق .. كل الورق ..
واكتب بكل السطور كلمه يملاها الشعور ..
كلمه لا يمكن تبور
.:. احـبـك .:.
اكتب باول سطر اخر سطر وفوق الورق
" لا يمكن انه بنفترق ولو قضى فيك العمر "
وبعطيك من عمري عمر ..
Bye
" تمت قـصـتـي وبحمدلله بعد ما تعبت وانا اكتب فيها .. حاولت على كثر ما اقدر اني ابين اكثر قدر من الاحداث اللي ممكن تصير باي مجتمع من المجتمعات .. يمكن بعض المشاهد ما كانت واقعيه لكن حبيت أكتب كل شي يدور في بالي .. واذا ما كان واقعي ما بيكون خيال ,, الصراحه كنت ابي اختمها بنهايه حزينه بس تعوذت من ابليس ^^" وقلت يمكن القراء ما يتقبلون النهايات الحزينه ! عشان هالسبب ختمتها بنهايه سعيده .. نفس الشي بقصتي السابقه " اسـيـرة البدر " نهايتها كانت سعيده .. بقصتي " عـيـال الـعـز " حاولت اطولها على كثر ما اقدر عشان اعطي كل شخصيه حقها بالدور ..
بالنهـاية .. اتمنى انهـا نالت على اعجابكم .. ارائكم .. انتقاداتكم ..
سي يـا بقصه يديده ان شالله بالمستقبل القريب ^^
تحياتي لكم .. LORENA

لامارا · 01-01-14, 04:16 AM

السلام عليكم ورحمة الله وبركاته

كيف حالكم إن شاء الله دائما بخير ؟

نصيحة محب
شوف نفسك هالسنة وحاسبها
وشوف غلطاتك وعدلها
وإبدى سنة جديدة
بنفس حلوة وبريئة

شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري