الفصل الثالث.........................



طوال ماهم بالسياره كان الهدوء عام المكان ..وصلوا البيت ودخلت..ودخل وراها..

راكان / سمعتي شقال الدكتور.......

دلال / شتبيني اسوي..

راكان / دلال ولدك الي ببطنك مريض مريض وهو الى الان ماطلع على هالدنيا..

انتي ماتقدرين تحملين الدكتور يقول وزين اذا كملتي هالحمل..

دلال جسمك مايهيئ للجنين بسبب سوء التغذيه عندك..

..دلال / راكان يعني شتبيني اسوي,,..

راكان / مادري عنك المهم ان ابي ولدي يكون بخير..فهمتي وبعدين كافي مشاكل بالبيت ومشاكل بالعمل ابي ارتاح ..

طلع فوق وخلاها جلست على الكنب وحطت يدها على بطنها اه ياوليدي مادري شبيصير فيك. كله ذنب جدتك وعمتك ابوك ظلمهم والله بيجازيه فيك..الحين انا بالخامس..

وينك يام راكان لو كنتي معي كنت ارتحت دخلت الغرفه الي لها تحت لان صحتها ماتساعدها تروح فوق...........

************************************************** *******

ام نواف /ياوليدي ياسعود..انت متى بتتعدل عشان اخطبلك..

سعود / يمه توني صغير على الزواج..اجلي السالفه..

ام نواف / انت منت صغير ..

سعود / طيب انا جدك ولاتزعلين

ام نواف /ههههههه الله يقطع سوالفك..

سعود / يمه انا ابي اسافر..

ام نواف / على وين..

سعود / للخليج...

ام نواف / ليش ووين ومع مين؟؟

سعود / بسافر للامارات ومع ربعي من زمان ماسافرنا..

ام نواف / بتطول؟؟

سعود / لا اسبوعين وبرجع..

ام نواف / ماراح امنعك روح الله يسهلك دروبك.

سعود /امين..

ام نواف / متى السفر..

سعود / اول مايرجع نواف بسافر..

ام نواف / يالله الله يوفقك روح..

طلع من عندها ودق عليهم وقالهم انه بيروح..

************************************************** *******

كانت مع اختها جالسه اختها الي توها والده وجايبه بنوته عسل سمتها ملاك..

اشتاقتله ودقت عليه.. وهو من شاف الرقم ابتسم من خاطره كان مسميها ملاك دنياي,

تركي / هلا ..هلا بالورد هلا بالغاليه..

اصايل / هلا فيك يالغالي..شخبارك..

تركي / والله تمام بس لو الاخت ترفق علينا..

اصايل / وبايش تبيها ترفق عليك..

تركي /تتنازل وتجي بيتنا لاني مااقدر اروحلها عشان ابوها واخوها مسافرين واختها والده عندهم..

اصايل / اممممممممم تفكر الاخت وبعدها ترد عليك.. بس حبيت اسمع صوتك.. واطمن عليك.

تركي / ترى لو شفتك بكون مرتاح اكثر ..

اصايل ابتسمت وسلمت عليه وصكرت ..

نوره / ليش مايجيك تركي..

اصايل بعد ماقالتلها ليش..

نوره / والله انه رجال ذوق لا تضيعينه..

اصايل / توه يقولي انه يبيني اروحله..

نوره / وانتي شرديتي عليه...

اصايل /اني بفكر اروح ولا لا..

نوره / روحي حرام الي تسوينه كفايه انك رافضه تتزوجينه مع انك بتموتين عليه لاكن ماتبين الا بعد سنه ونص ..تراها طويله..

اصايل / نوره انا مو مقتنعه اتزوج واحمل وانا الى الان ادرس..مثل البندري حولت انتساب.. هي وحنان..عالاقل اتزوج على اخر سنه..اهون,,

نوره تناظر باختها / شوفي مافي احلى من ايام الحمل يالخبله الكل يهتم فيك وخصوصا زوجك يهتم فيك زود ويعبر عن المشاعر الي في قلبه لك.. المهم كل واحد حر بحياته..

بس يالله تكشخي وتعدلي وروحي بسرعه له ..وقامت اخذت بنتها وطلعت لان زوجها جاء وبتروح تشوفه..

ابتسمت اصايل واخذت جوالها بتدق عليه بعدين هونت بتخليها مفاجاه..ارسلتله مسج (( اعذرني مااقدر اجي اليوم )) وقفلت جوالها عشان لو دق يلقاه مقفل....

طلعت غرفتها بعد ماستاذنت من امها ووافقتلها وفتحت الدولاب لقت ملابس كثيره بس مو عارفه شتلبس..

اختارت واحد وجلست تفكر هي زوجته عادي تلبس عنده بنطلون لا وش بتقول عني عمتي.. بقعد بعبايتي.. لا هو معه بلوزه طويله عادي.. اقول معليش يابنت عبد الرحمن خربيها هالمره..

لبست وطالعت نفسها بالمرايه..

كانت لابسه بنطلون ابيض واسع وفوقه بلوزه طويله شوي.. لونها ابيض وفيها ورد زهر فاتح وسماوي وليموني وتفاحي.. هي شفافه شوي بس هي لبست تحتها بدي زهر..

حطت مكياج وردي وسماوي وابيض.... وكحلت وحطت قوس واخذت عبايتها وشنطتها ونادت على نوره..

نوره من شافتها / تجننين..

اصايل / سمعت نصيحتك ..

نوره / لاكلمتيه مو تتخانقين معه بينيله حبك ..

اصايل تهز راسها..



طلعت بسرعه وراحت مع السواق ولما وصلت بيت عمتها فتحت جوالها المقفل ولقت مكالمتين من تركي..

دقت ومارد وردت دقت ورد على النهايه..

اصايل / وينك ماترد ..

تركي زعلان شوي.. / ويني انا وينك انتي مرتين ادق قفله جوالك.

اصايل / سوري حبيبي..

تركي الى الان زعلان / الحين ابي انام تبين شيء..

اصايل حست فيه /ايه ارسلتلك شيء مع السواق انزل خذه..

تركي/ مافيني انزل بخلي الخدامه ترقيه لي..

اصايل / حتى لو كان هالشيء انا..

تر كي/ نعم..

اصايل / منت مصدق انزل تحت تلقى وحده جايه تشوف حبيبها الي زعلان منها واللي اذا تاخر شوي بس ومانزل بترجع من وين ماجات..

تركي / لا لا صبر بس نازللك وطلع من غرفته نزل الدرج وفتح الباب..شافها واقفه.. وراحت تسلم عليه..

تركي / ماتوقعتك تجين..

اصايل / لا جيت عشان ارضيك..

تركي / بعد عنها / ايه صح انا زعلان..

اصايل / تركي ياقلبي لاتزعل عاد..

تركي / بسامحك بس هاتي بوسه..

قربت وباسته... مسك ايدها ودخلوا..

تركي / سامحتك يله فصخي هالعبايه..

اصايل / لا لما ادخل الجلس بفصخها بس وين عماتي..

تركي / عماتك طلعوا بيزورن وحده وتوهم داقين يقولون طلعوا بيقضون للبيت ويرجعون..

تركي / امشي فوق غرفتي..

اصايل / لا سوري تركي مابي نروح غرفتك..

تركي ناظرها باستغراب / خايفه يعني مني؟؟ وشكله عصب..

اصايل / لا يالغالي بس لو جوا عماتي وشافوني بغرفتك شبيقولون ماتستحي اما انا مو خايفه منك وليش اخاف الحمدالله..بس شرايك نجلس فوق في الصاله في فلم حلو بيجي بعد شوي على الامبيسي تو..

تركي / ايه حتى انا شفت دعايته قوي صراحه ماتخافين انتي..

اصايل / لا انا احب افلام الرعب..

تركي / اجل اسمعي انا بقول للشغاله تجيب لنا عصير وتسوي فشار سينما..

اصايل /ههههه. طلعت فوق للصاله وفصخت عبايتها وجلست حطت على الامبيسي ..



دخل للصاله وشافها ابتسم ماحب يعلق كثير بس هي حلوه اليوم ..

جلس جمبها على الكنبه قبال التلفزيون ودخلت ميلينا بالعصير والفشار..

وبدى الفلم موقت معهم.. تفرجوا اصايل كانت خايفه وكل ماخافت حطت راسها على رجول تركي الي انصرع ضحك على شكلها..

خلص الفلم الحمدالله واصايل ماسكه نفسها ماتوقعته يخوف كذا..

اصايل / يله انا بروح البيت الحين..

تركي / بس ثواني دخل غرفته وطلع مفاتيح سيارته ,,

يله تعالي معي بوصلك موحلوه تروحين مع السواق..

اصايل / هو قاعد يبربر مع سواقكم الثاني..

تركي / معليش تعالي معي وهو بصرفه ..بلقاله دبره..

اصايل / اوكي..

نزلوا ولبست عبايتها وطلعوا .. وفي السياره..

تركي / اصايل انا جوعان..

اصايل / حتى انا..

تركي / اجل خلاص يالله على المطعم طلب له هو واصايل وطلب لبيت اصايل عشى وارسله لهم مع السواق الي قالهم ان اصايل بتتعشى وتجي..

اما هم راحوا يتمشون ووقف تركي سيارته بحاره على جنب طبعا هو مظلل السياره كلها فطفى انوارها الخارجيه وشغل الي جوا..

تركي / يله تعشي..

اصايل / تركي انت صاحي جايبنا هنا لو جاء احد شبنقوله..

تركي / عادي بوريه اني انا زوجك وخلاص..

اصايل / تركي حبيبي.. البيت قريب..

تركي / اوكي بروح بس بنتعشى بالحوش ..

اصايل / خلاص ودقت على الخدامه ترفشلهم ورى بالحوش.وتقول لامها انها بتجي هي وتركي.يتعشون.

ودخلت للبيت هي وياه سلم هو على عمته وراحوا ورى تعشوا وسهروا شوي وبعدها راح لبيتهم يبي ينام.تعبان وهي نفس الشيء بس كلهم ارتاحوا لانهم من زمان ماشافوا بعض..



************************************************** *******

بعد اسبوع من ذيك الليله رجع نواف وحنان من شهر العسل الحين صارلهم شهرين متزوجين وسافر سعود مع ربعه للامارات...



حنان / نواف حبيبي انت قلتلي اذا رجعنا بوريك الغرفه....

نواف /هههههه اول مره اعرف انك حنانه يله طيب قومي معي..

وراحوا للغرفه فتح الباب نواف ودخل مسك يد حنان وصكر الباب كان ظلام وفتح النور..

وكانت المفاجأه الكبيره من نصيب حنان هو متعود على هالغرفه وله فتره فقدها بس هي ماعمرها توقعت هالغرفه بتكون كذا شكلها...

((تبون تعرفون ))

((ههه ملاقيف ))

((امزح خلنا نشوف حنان وش شافت ))



حنان مشت بالغرفه وبصراحه تفاجات بالي قداها الغرفه كان لونها اصفر ونواف اكيد هوالي صبغها كلها لانه مافي احد دخل هالغرفه الاهو وامي ....امي يمكن هي ساعدتهلانه مايقدر على هذا لحاله..

لكن مين الي مسوي هالاشياء..

كان في لوحات مرسومه وطايحه بالارض مو مثبته راحت عندها وشافت وحده كان الجو بالرسمه ظلام وغيوم وعند الشجره او قريب منها واحد جالس على كرسيه يحاول يدف بالكرسي بش شكله مايقدر.. يمكن حست حنان ان نواف يقصد نفسه بهالرسمه..شافت رسمات كثير كلها تعبر عن حزن...

راحت عند اللوحه الموجوده على خشية الرسم كانت مخلصه كانت رجال وحرمه ضامين بعض عند بحر والموج شديد والمطر ينزل والغيم مالي السحاب منالجوانب بس منن الوسط كانت الشمس باديه تطلع ويصفى الجو..

حنان نزلت دمعتها هذا انا وهو.تحدينا الكل وتزوجنا والحين ياحلو الحياه بيننا..

لفت على نواف وراحت له ..

حنان / نواف...

نواف /لبيه..

حنان صدت وجلست تناظر الغرفه../ ليش؟؟ليش يانواف؟؟

نواف / ماقدرت ياحنان اطلع فجلست هنا ارسم واحاول انحت بعض الاشياء شوفي انا صح كنت احب الرسم بس ماكنت مبدع وهذي اللوحه تبين هالشيء لفت على اللوحه صح هي حلوه بس عاديه مي ذاك الرسم والابداع..

نواف / حنان حبيبتي كانت امك تساعدني في كل شيء واولهم صبغة الغرفه وهي خلت السواق يجي يصبغها عشان يقدر يطول الي فوق..

كانت تشور علي برسماتي وتساعدني بالنحت حاولت ابين لاحد اني انا صح معاق بس عندي موهبه اكن عجزت انا ماكنت اطلع عشان اقولهم..

حنان / لكن الحين بامكانك هالشيء..

نواف / وانا الحين جالس ارسمك انتي واذا خلصت من اللوحه بخلي الكل يشوفها..

حنان / لا تتوقع ان الموضوع خلص لاكن الحين بنصكره بننزل للعشى تحت..وموهبتك لازم تطلعها حتى لو ان عمي راشد قالك تجي تشتغل هذي شركتكم والكل لازم يشتغل فيها وهذي بعد موهبتك ولازم تقدرها..

نواف / ان شاء الله..

حنان / يله طيب ننزل..وطلعوا وحنان مفتخره بزوجها حنون وطيب ووسيم واخلاق وذكي وخفيف دم وكمان رسام من يحصله هالزوج....



************************************************** *******



الدكتور /لازم ياخ راكان تكون زوجتك عندنا هنا الين ماتولد..

راكان /بس هي الحين بتدخل بالسادس بقالها كثير..

الدكتور / هذا افضل حل عشان تقدر تكمل احتفاظها بالجنين الجنين صحته تعبانه ويمكن باي وقت يموت فلازم هي تكون تحت ملاحظتنا ولازم نغذيها احنا ونسويلها فحوصات كل يوم..

راكان / طيب متى تبون تدخلونها عندكم..

الدكتور / اليوم..والحين الزم لصحتها ولصحة الجنين..

راكان /خلاص هي موجوده الحين بقسم الاشعه تخلص ونروح نعبي الاوراق عشان التنويم..

مشكور يادكتور..

الدكتور /العفو بس هذا واجبنا..

طلع راكان وهموم الدنيا فيه مرته تعبانه والجنين تعبان والشغل متراكم عليه بسبب غيابه المتكرر وطلعاته الزايده ياربي شاسوي.........((لسى ياراكان للحين ماجاك شيء غضب امك وربك مو هين ))...........

************************************************** ******

كانوا بالصاله..ام فيصل الي تحتري زوجها وخلود وفيصل والبندري الي بتدخل السابع و كرشتها مترين قدامها والجده حصه..

ام فيصل / متى بتروحين يابنتي لامك..

البندري / امس انا رحتلها وبكره بتجيني هي وخالتي انا مااقدر اروحلها كثير بهالبطن اتعب بسرعه..

ام فيصل / الله ييسرلك ..

فيصل / يمه اليوم العمال ليش كانوا يدخلون السرير بغرفة امي حصه..

الجده / انا اقولك مو امك كانوا يدخلون السرير هذا لمرتك..

فيصل / وليش؟؟

الجده / لاني بخليها تنام عندي.من اليوم ..

فيصل / وليش ان شاء الله؟؟؟...

الجده / شفيك انت طايحلي بليش..

مرتك حامل بثنين وبتدخل السابع وماتقدر تطلع وتنزل كل شوي من هالدرج بخليها تنام عندي لين ماتجهز الغرفه الي بيسونها لها تحت.............

فيصل بلهجه طفوليه /لاوالله وانا مين ينام عندي انام لحالي ويناظر بالبندري وبعدها لف على جدته حتى انا بجي انام عنكم..

الجده /الغرفه ماتشيل ثلاثه..

فيصل /الا الغرفه كبيره وتشيل ثنين بعد..

الجده / وهذولا الثنين في بطن مرتك...خلود وام فيصل والبندري جلسوا يضحكون على الجده الي جالسه تحارق في فيصل..

فيصل / معليش بجيب لي فاش وانام على الارض..

الجده / لا حتى لو على الارض الغرفه فيها اربعه يبيلهم تنفس وانت بتااخذ الاكسجين كله من شخيرك..

خلود /ههههههههههههههههههههههههه ههه حلوه يايمه تعرفين للاكسجين مانتي سهله..

فيصل /مالي شغل بنام معكم وجيب لي فراش واحطه..

الجده / طيب تعال ياولد نوره حياك وبتشوف النوم على اصوله مرتك عادي حامل والحامل نومها ثقيل ماتحس لاكن انت ياهلابك..

فيصل سوى نفسه مطنش وطلع فوق ..قال للشغاله تنزله فراش تحت وهو لبس بجامته واخذ مخدته...

تحت الكل يوم طلع فيصل جلسوا يضحكون..عليه وشوي ولاه قدامهم ببجامته ومعه مخدته.

فيصل /انا بدخل انام اذا دخلتوا الغرفه رجاء بهدوء ودخل جلست خلود تضحك عليه.

البندري /يمه شبتسوين فيه..

الجده / بتشوفين بخليه يتوب يحشر نفسه..

ام فيصل /تسوينها عاد

خلود /ايه امي حصه خطيره بتلعب فلم اكشن الليله بطولتها هي واخوي..

البندري /هههههههههههههههه ..

جلسوا يسولفون شوي..وبعدها قامت الجده.

الجده /بروح انام انا يله بندري عالي وشوفي شبسوي برجلك..

ام فيصل / ترفقي فيه يمه..

الجده / لاتخافين عليه بكره لاقام بتشوفين مافيه الا العافيه..

ودخلوا الغرفه وشافو فيصل بالزاويه نايم على فراشه بالارض..

جات الجده حصه وفتحت النور فيصل انزعج وحط المخده على راسه..

شوي وطفت النور وراحت البندري وهي تضحك وراحمه فيصل بنفس الوقت علىسريرها وماشاء الله شوي ولاها نايمه وبدى تنفسها ينتظم ويوم عرفت الجده انها نامت..

شغلت الراديوا حقها بصوت عالي البندري ماتحركت ابد..لاكن فيصل انزعج..

فيصل وهو معصب شوي./ يمه حصه رخي الصوت..

الجده/ فيصل حسبالي نايم قوم جيبلي حبوبي بالصاله مكان مااجلس دايما يله مدامك صاحي..

فيصل / لا انا نايم..

الجده / قوم لاوريك ولاتجيب مويه عندي جك..

قام وطلع وهو يتافف راح لقى اخته بالصاله تقرى بالمجله و امه مو موجوده شكل ابوه رجع من شافته خلود ضحكت..

فيصل / وين حبوب امي..

خلود / بالدرج عندها ..

فيصل / اف تقولي قوم جيبها من الصاله طيب العجوز بتلعبها معي الليله......

خلود / خذلها كاس مويه..

فيصل /لا تقول عندها جك وبترجعني بالكاسه لو جبت اعرفها..

دخل عليها ../يمه حبوبك على الدرج عندك.

الجده / ايه شفتها يوم طلعت ..

يوم جاء بينسدح على الارض..

الجده/ فيصل روح جيبلي مويه..

فيصل فاتح عيونه/الحين مو توك تقولين ان عندم مويه..

الجده / ايه بس شربتها ..كنت عطشانه قوم جيبلي مويه..

فيصل / طيب..وراح ومر على اخته الي ماقدرت تمسك نفسها وجلست تظحك باقوى ماعندها..

جابلها مويه وبسرعه راح على فراشه يبي ينام ..

الجده / فيصل .خذ الكاس ودها..

فيصل وهو بيصيح../خليها الصباح.لاجات ميلينيا..

الجده / لا الحين توديها ..

قام وهو يحس انه لو شاف خلود تضحك الحين بيصفقها كف.....طلع بس الحمدالله مالقاها ورجع وصكر الباب ورحمته جدته وخلته ينام كافي ماشاف..

*************************************************

.../ فيصل قوم بسرعه ..

فيصل / شفيك يايمه شتبينفيك شيء..

الجده/ لا انا بخير انت قوم باقي شوي وياذن الفجر.......

فيصل ناظر بالساعه/ يمه الله يحفظك لي باقي سااعه عن الفجر...

الجده / ادري تحسبني خبله مااعرف بس يله قوم توضى وصليليك ركعتين وادعي ربك ييسر لزوجتك..

فيصل لف وشافها نايمه/والاخت حسناء النائمه ليش ماتقومينها..

الجده / حرام حامل وتعبانه ومحتاجه للراحه خلها تنام وانتروح للمسجد صليلك كم ركعه واقرالك قراءن وانا لااذن صحيتها..

فيصل قام وراح غير ملابسه وطلع للمسجد ..وسوى مثل ماقالت له جدته...

اذن الفجر وصلوا ورجع فيصل من الصلاه مع ابوه..رجع للغرفه بعد مارد لبس بجامته ..

وشافها للحين نايمه راح لها ../ البندري قومي صلي خلصت الصلاه..البندري ويقرب يصرخ عند اذنها لكن لاحياة لمن تنادي..

البندري اخيرا تكلمت /فيصل..ابعد عني اف منك ومن حنتك..

فيصل / الحين انا احن قومي للفجر بيخلص وقته وانتي ماقمتي,,قام يصارخ عشان تسمعه وهي ولاتتحرك..

الجده سلمت من صلاتها كانت تصلي ركعتين سنه/وصمخه ان شاء الله بشويش عليها وخر عنها مالت عليك خلني اقومها انا روح اخمد انت وراك شغل الحقلك ساعتين يله..

راح فيصل وهو يقول في خاطره الحين جدته تعصب على البندري الي هو كل يوم خناق معها لين ماتقوم..جلس على فراشه يستنى يبي يضحك..

الجده راحت عند البندري ومسحت شعرها خذت يدها وقربت منها./ البندري يمه يله قومي صلي لايروح عليك وقت الصلاه يله حبيبتي صلي وبعدين ارجعي كملي نومك..

قامت البندري وفيصل عيونه بغيت تطيح من كثر ماطلعت من مكانها يوم قامت البندري هو له ساعه يصحي فيها وهي ماشاء الله ولاتحس ومع جدته ثواني وقامت..



************************************************** *****

الفصل الرابع..........................

مرة كم يوم على ذيك الليله الي كره فيصل النوم فيها..والحين هو مرتاح جدته راحت لبيت محمد الله يرحمه والبندري الي دخلت السابع صارت تنام بغرفتها الي سوها تحت لها وفيصل معها

..ودلال الى الان في المستشفى واختها ايمان كل وي تزورها مالها احد حتى ام راكان ماتدري بشيء الى الان....

اصايل وتركي الحال بينهم تمام وكل يوم يطلعون بخناقه جديده وطالعين بسيره جديده

وهي ان تركي يجي لبيت اصايل لان ابوها رجع من السفر..

وياخذون بليستيشن مشعل ويلعبون فيه..وهو موعارف كيف يلعب توه بزر عشان كذا مايصيح بس يقعد يشوفهم كيف يلعبون بالاشرطه الجديده الي كل مره يجي فيها تركي يجيب واحد..

ويمكن نروح ونروح ونرجع عند البندري بس هالمره شبيصير بينها وبين فيصل؟!؟؟



البندري / فيصل حبيبي ابيك توديني لامي ماشفتها لي يومين.

فيصل / حبيبتي اليوم مو فاضي شوفي الشغل شكثره بيديني خلي السواق يوديك.انا بروح الشركه يكفي متاخر.عن الوقت ربع ساعه..

البندري/ياربي يعني بجلس نص ساعه بالسياره لحالي محد يسولف معي..

فيصل /هههههه والله ياقلبي مااقدر بروح للشركه بسرعه..انت اجليها لليل..

البندري:/ لامااقدر امي تبيني امر عليها بالصباح كنت بقول لخلود تروح معي بس محاظرتها اليوم الساعه 8 ونص وهي راحت مع اصايل مرت عليها..لوكانت زي دايما محاظرتها 11 كان رحنا وبعدين يوديها السواق بس يالله مصيري اروح مع السواق حتى عمتي راحت لامي من الساعه سبع راحت مع عمي وكنت نايمه وماصحتني..

فيصل / ياها النوم الثقيل جبتلك الحل نامي بالسياره..

البندري / تتريق..

فيصل/هههه لاخلاص سحبناها يله بس روحيلها لاتتاخرين..

اخذت عبايتها وشنطتها وجلست تمشي بشويش يعنني زعلانه..

فيصل /اموت انا على البطه الي قدامي..

البندري / عاد من زينك يالنحيف يالزرافه انت..

فيصل/ ولاتزعل القمر بوصلها(( وشاف البندري ابتسمت بس هو لازم يقول الكلام الي يبيه..)) للسياره وبروح انا واختفت ابتسامة البندري ..بس هو سكت مايقدر يوصلها ياويله من ابوه هو محذره انه مايتاخر وهالبطه سمعت الساعه وصكتها تتوقع انها لها ..وراحت عليه نومه وهم مو هاينه عليه تروح وزعلانه باسها على خدها وصكر الباب وراح لسيارته

ويوم طلع السواق بالسياره راح هو لشغله..

************************************************** *****

البندري تحس ظهرها شوي يعورها ومضايقه فمعصبه.وبتحط حرتها بالسواق..

البندري/محمد اسرع ليش تمشي ببطء..

محمد/مدام الطريق زهمه..

البندري/اف مو وقته هذا...

^^^^^^^^^^^^^^^^^^^^^^^^^^^^^^^^^^^^^



وبمكان ثاني وقريب..

سلمان/يااخي اسرع الشرطه ورانا..

ناصر/ الحين بوريك بخليها تضيعنا من كثرة السرعه..

سلمان/في اشاره الحين تجي اقطعها.لاتوقف..



^^^^^^^^^^^^^^^^^^^^^^^^^^^^^^^^^^^^^^^^

قلبه نغزه بس مافي وقت تاخر الاجتماع ربع ساعه ويبدى وهو لازم يحظره اسرع شوي وباقي شوي ويوصل..



^^^^^^^^^^^^^^^^^^^^^^^^^^^^^^



وقفت البندري عند اشاره مافيها الا سيارتين وهم ناظرت قدام وهي ماسكه ظهرها الي تحس بشد فيه.. شافت سياره بالشارع الي قدامهم مسرعه استغربت سرعتها اكيد بتلف يمين لانها لو بتوقف كان هدت..



^^^^^^^^^^^^^^^^^^^^^^^^^^^^^^^^^^^^^^^^^



سلمان/ ناصر قدامك سياره لف عنها..

ناصر /مااقدر..

سلمان وهو يصارخ/ شلون ماتقدر يعني..

ناصر/ سلمان السياره ماتلف ماادري شفيها

حاول سلمان يلف بس للاسف صار الي خاف منه........................

^^^^^^^^^^^^^^^^^^^^^^^^^^^^^^^^^^^^^^^

البندري شافت السياره الي جايه لهم مالفت هي جايه بتجاههم ليش ماتلف لكن خلاص صدمت السياره وصرخت البندري صرخه..

خلاص انتهت صرخة من انتهت الحياه باعتقاده........

^^^^^^^^^^^^^^^^^^^^^^^^^^^^^^^^^^^^^^

فيصل وصل لكن قلبه يزيد بدقاته حس ان في احد يناديه..

^^^^^^^^^

كانت تناديه وهي طايحه شافت الناس حولها موقادره تفتح عيونها بس تحس بالموت الموت الي بدى يسري باعضائها غمضت عيونها مستسلمه للموت الي تحس فيه وغابت عن من حولها كلهم واولهم قلبها الي كان يناجيه...

^^^^^^^^^^^^^^^^^^^^^^^^^^^^^^^^

البندري قلبي يقولي فيها شيء دخل اللفت الي وصله لجهة مكتب ابوه ودق عليها ماردت يمكن زعلانه..دق على السواق بس حتى هو مارد دق مره ومرتين وثلاث بس نفس الشيء..

طلع ابوه من المكتب بيروح للاجتماع وشافه كان بيهزئه بس لما شاف شكله والخوف الي على وجهه .../ شفيك يافيصل ..

فيصل/يبه البندري ماترد لاهي ولا السواق هي رايحه لبيت اهلها وقلبي يبه.

ماكمل كلامه الا والجوال يدق وبرغم غريب..

فيصل رد بسرعه/ الو.....

المتصل/ اخ فيصل..

فيصل/ ايه من معي..

المتصل/ انا من مستشفى (.........) ممكن تجي بسرعه..

فيصل/ ليش من الي بالمستشفى..

المتصل/ زوجتك ومااقدر اقولك شيء ثاني اذاجيت بتعرف كل شيء بس حاول تسرع..

صكر فيصل واخذ ابوه الي قال للموظف يلغي الاجتماع وطلعوا..

**************************************************

كانت ايمان توها مداومه وهي داخله توقع سلمت على سميره موظفة الاستقبال..

سميره/ دكتوره ايمان اول حالة الطوارئ اربعه بيجون ثلاث رجال وحرمه

ايمان / وشالي صاير .وانا بتولى أي حاله..

سميره/ انتي راح تتولين الحرمه الي هي حالتها اخطر وحده بسبب انها حامل واكيد عندها ولاده مستعجله الي اسعفوها قالوا عندها نزيف ..تجهزي عشر دقايق وتوصل الحاله..

ايمان/ الله ييسر ودخلت غرفتها غيرت ملابسها وتجهزت وخلتهم يجهزون غرفة العمليات وجلست هي عند مدخل الطوارئ تستنى..

دق الجراس معلن وصول الحاله وقامت هي تدعي الله انها تقدر تساعدها..

دخلت لغرفة العمليات وتفاجات هذي البندري وهي بالسابع بس لازم تولد الحين وبدوا يوقفون النزيف ويسولها العمليه..



دخل فيصل وراح للريسبشن وسال عن الحاله الي جاتهم عرف ان ايمان الي مشرفه على الحاله وعرف ان مرته بيسون لها عملية ولاده وجلس ينتظر ..دق على تركي وقاله..

تركي اخذ ام البندري وام راكان ام فيصل وراح للمستشفى..

ولحقوهم نواف وسعود الي كانوا بيروحون لدواماتهم..



جاء الكل وشافوا فيصل..

ام نواف/ شفيها بنتي..

فيصل/ خالتي صارلها حادث والظاهر بيسونلها عمليه عشان تولد وللحين ماطلعت.

ام نواف ماتكلمت لكنها جلست على الكرسي تدعي ربها ينجيلها بنتها ..هاذي بنتها الوحيده..

جلس الكل ينتظر وينتظر الين ماطلعت ممرضه سعوديه شكلها..راح لها فيصل..

فيصل/ها كيفها البندري..

الممرضه/ والله ماراح اخبي عليك ولادتها متعسره مانقدر نسوي عمليه النزيف كبير وصعبه العمليه عليها مانقدر نعطيها بنج بهالحاله واحد من التوم الله اخذ امانته منه بسبب ان الطيحه من السياره كانت على جهته والثاني ان شاء الله يكون بخير..بس هي تنزف دم كثير ونبيلها دم في احد من فصيلت دمها..

تركي / انا من فصيلة دمها..

ابو فيصل/ وانا..

الممرضه/ بامكانكم تروحون مع الممرضه الي الحين بتطلع هذي هي ..

وتكلم الممرضه الثانيه../ وديهم بسرعه يتبرعون نبي دم.. راحوا وجلس فيصل وهو قلبه بيوقف من الخوف

ودخلت وشوي وطلعت..

الممرضه/ وين امها..

ام نواف /فزت انا امها..ليش فيها شيء.

الممرضه / لاتخافين بس بنتك الى الان صاحيه مااغمى عليها بس نبيك تكونين معها لعلى وعسى ترتاح شوي وتقدر تولد اذا شافتك..

دخلت ام نواف..وشافت بنتها البندري والدم على وجهها والتعب ماكلها راحت ومسكت

ايدها/ لاتخافين يمه انا معك وفيصل برى والكل معك اذكري الله ..

البندري ماردت تحس انها فلتت من الموت مره وهذي الثانيه ماراح تفلت..حستبروحها بتطلع واغمى عليها ..



ينتظر ...

وينتظر....

وينتظر...

طلعت ام نواف مع ايمان ..

وقام فيصل لهم../ بشري ياخاله...

ام نواف/ الحمدالله..على كل شيء..

ارتاح ولف على ايمان يبيها تتكلم...

ايمان فهمته وردته عليه/ الحمدالله البندري بخير والبنت بعد بخير.. الحين يطلعونها وتشوفونها اما البندري راح تطلع فوق لغرفتها ..بعد مايركبون لها المغذي وانبوب الدم..

طلعت الممرضه ومعها البنت..

شافها فيصل من بعيد وماخاطر..يقرب.

راحتلها ام فيصل وام نواف قربوا من سريرها..

ام فيصل/تعال ياراشد اذن باذنها يالله..

ابتسم راشد وراح يشوف اول حفيده لهاذن في اذنها وبعد ماخلص نادى ولده يجي يشوف بنته..

قرب وشافها ابتسم وجلس يتاملها..

جو المخبل نواف وتركي وسعود..

تركي / فديتها تشبهني..

سعود/ لاتشبه خالها الحقيقي سعود..

نواف/ اقول لايكثر بس لاتشبهك ولاتشبهه من زينكم اثنيناتكم هي حلوه مثلي انا فديتك ياحلوه ياطالعه على احلى من بالعيله..

ام نواف/ اقول لاتتخانقون ولا واحد منكم طالعه على امها فديت امها انا..

خذت الممرضه البنت بتوديها للحظانه. وطلعت البندري وهي نايمه مي حاسه بشي شافها فيصل وارتاح انها بخير..

وطلعوها لغرفتها وراحوا معها..

تركي / الحمدالله على سلامتها يام نواف الحمدالله على سلامتها يافيصل..

فيصل /الله يسلمك..

تركي/ يله هي نايمه الحين ولابتقوم الا بعدين كل واحد يروح بيته يرتاح..

نواف/ ايه والله صادق جلستكم مالها معنى لاقامت تعالولها والحين روحوا ارتاحو..

ام نواف / انا بقعد معها وانتوا كلكم روحوا واذا قامت بقولكم..

وراح الكل لبيته...................

بعد ماصحت.كانت تحس بتعب مو قادره تتذكر شصارلها بس تذكرت الحادث ناظرت ببطنها مافيه ثقل صرخت..

ام نواف جاتها/ اسم الله عليك يمه شفيك..

البندري/ يمه عيالي وينهم عيالي وهي ماسكه بطنها..

ام نواف /ههههههه يمه شفيك انتي ولدتي ..

البندري بخوف/ يمه انا بالسابع مابعد كملوا..

ام نواف تهديهم/ يمه انتي كنتي بوضع لازم يولدون ولايموتون وانتي ولدتي وهم بخير..

البندري/ يمه شفتيهم سلمتي عليهم حلوين صغار فيصل شافهم..

ام نواف عجزت تقولها ولدك مات / ايه شفتهم واذن عمك لهم وودوهم بالحضانه عشان يكملون شهورهم ويطلعون انتي ارتاحي الحين والحمدالله على سلامتك..

البندري/ الله يسلمك..جلست شوي ونامت......................

************************************************** ****

الفصل الخامس.....................



الكل عرف ان البندري ولدت وان ولدها مات وان بنتها بخير فقرروا يزورونها كلهم المغرب..



دخل نواف وحنان وسلمت حنان على البندري وتحمدتلها بالسلامه ودخلت الغرفه اللي جوا ودخلوا سعود وتركي وام راكان..

نواف / الحمد الله على سلامتك..

البندري / الله يسلمك..

تركي/ ماشاء الله بنتك قمر طالعه على خالها تركي..

البندري بابتسامه/بس بنتي وراشد مو حلو..

تركي/ من راشد..

البندري/ولدي ..

تركي ناظر بام نواف وعرف من عيونها ان البندري ماتدري../ الا حلو بس استغربت الاسم لاكن البنت احلى لانها بنت..

سعود/ مادريتوا بشيء عن الي صدموك..

ام نواف/ لا يقولون كانت الشرطه تلاحقهم بس بصراحه ماانعرف شي عنهم ابد..

سعود دخل هو ونواف الغرفه الثانيه((طبعا لان العم راشد حجز هالجناح للبندري بما انها اول وحده تولد وفيه غرفتين غير غرفتها غرفة للرجال وغرفة للحريم الغرفه الي كانت فيها اول غير بس اول ماصحت جابوها هالغرفه))

دخلت ام فيصل وخلود وابو فيصل..

وسلمت خلود ودخلت عند حنان..

سلم راشد على البندريوتحمدلها على السلامه..

البندري/ عمي شفت راشد..

العم/ ايه يابنتي..

البندري/ اكيد حلو سميتك ياعمي ..عمي فيصل وينه..

العم/ الحين بيجي قالي بيسوي كم شغله ويجي..

وطلع هو..دخلت اصايل واختها نوره وامها وسلموا ودخلوا داخل وقربت اصايل من البندري بتسلم عليها وتركي دخل للغرفه سمع صوتها وطلع. جلس يناظرها كيف تتكلم مع.البندري هي مانتبهت له..

اصايل/ هلا والله براعيه الاكشن..

البندري/ههههههه أي اكشن..

اصايل /اه يعنني ماتدرين حادث وولاده وخوف وقلق وترقب للاحداث وبنت مثل القمر طالعه علي..

البندري/ههههههه حلوه وترقب للاحداث وبعدين كل مين يقول طالعه علي وطالعه علي انتي وتركي وسعود ونواف وولدي مو معبرينه مو عاجبكم..

استاذنت ام نواف وراحت هي تعرف ان اصايل اقرب وحده للبندري فراحت تبي اصايل تكلمها وتركي كان يبي يشوف شبتسوي اصايل..

قربت اصايل من البندري وحطت عيونها بعيون البندري../ بندري انتي صديقتي واختي قبل أي شيء..وابيك تكونين قويه وترضين بحكم الله وتطلعين بسرعه من هنا وتطلعين الي معك وترجعين للبيت وتنورينه بس خلك قويه..

البندري استغربت من كلام اصايل لكنها كانبالها مشغول بفيصل..

البندري/اصايل وينه..؟.

اصايل/ فيصل الحين ادق عليه ودقت وقالها انه بس تحت بيمر على الدكتوره ويسالها عن البندري وبنتها وبعدها بيجي وعرف ان البندري ماتدري من اسلوب اصايل..

اصايل/ الحين بيجي..

لفت وشافت تركي يناظرها نزلت راسها بس لا..لازم تهزئه../ انت شعندك تناظر..

تركي/ هويان..

اصايل /تركي مو هنا..روح يالله..

ضحك من خاطره واستاذن وطلع بيروح يشوف فيصل وينه..

************************************************** ******

خل فيصل بعد ماطق الباب..

فيصل /السلام عليكم..

ايمان / وعليكم السلام زين انك جيت..

فيصل/ ليش فيه شيء..

ايمان/ الاول قولي انت ليش جاي..

فيصل/ جيت اطمن على مرتي وبنتي كيف حالتهم..

ايمان /البندري بخير بس بنتك مادري شاقولك..

فيصل/ ليش شفيها..

ايمان/ اسمعني يااخ فيصل مرتك ولدت بالشهر السابع وبضروره مثل ماتعرف..

الحادث اثر على الحمل كثير فالولد مات اما البنت فاحنا الى الان ماندري هل الحادث سبب في هذا الشيء ام لا..

فيصل/ليش البنت شفيها.

ايمان/ بنتك يااخ فيصل عندها باعصاب رجلها خلل ماندري شسببه الاعصاب يمكن ماكمل فيها النمو او الثبات المهم فيها تمزق راح يخلي بنتك تلاقي صعوبه بالمشي بالبدايه اما اذا كبرت شوي فبيكون المشي سهل الا ان العرج بيكون موجود بالمشي بشكل واضح..

فيصل / والسبب..ومافي علاج..

ايمان/ارجع واقولك انه الى الان التوقع انه يكون بسبب الحادث وبسبب الولاده المبكره..اما عن العلاج فاحنا بس تكبر شوي راح نسوي لها علاج طبيعي وجلسات تساعدها على المشيء ونخفف من هالعرج وضمور الاعصاب الي عندها عالعموم البنت سليمه عقليا وبكل شيء بس هو العرج الي فيها والحمدالله على سلامتهم..

فيصل/الله يسلمك وطلع.. وهو طلع من جهه ودخل تركي يسال عن بنت اخته وبنتها..



طلع فيصل وهو يفكر لا يافيصل ليش كل الي حلمت فيه يروح حلمت انك انت تروح تودي البندري عشان تولد وولدت بحادث صارلها وقلنا مقدر الولد الي حلمت فيه مات وقلنا مقدر بس البنت عرجاء لا هذا ماحلمت فيه ابد والبندري الى الان باعتقادها انها جايبه ولو وبنت ليش ياربي استغفر الله...... دق على اصايل وقالها انه بيجي ومايبي احد يكون موجود عندها..

دخل فيصل الغرفه وشاف ان الباب للغرفتين مصكر لف على جهة لسرير لقاها مبتسمه اه لوتدرين مابتسمتي هالابتسامه..سلم عليها وتحمدلها على السلامه..

البندري/ فيصل حبيبي شفت الي حلمنا فيه تحقق انا جبت راشد وغلا جبتهم بس مو مخليني اشوفهم الا بكره..

فيصل منزل راسه مايدري شيقولها..

البندري/ حبيبي شفيك زعلان انت الحين ابو راشد..المفروض ماتزعل..

فيصل خلاص مااقدر يستحمل تكلم وكل كلمه كانت طعنه بقلبها تكلم وليته ماتكلم بالنسبه لها حطم امالها وقتل احلامها وراها الحقيقه المره الي الكل حب يخبيها ..تكلم وبصوته مرارة الحزن وعيونه مليانه بدمع الالم..

فيصل/ البندري انتي ماجبتي راشد انتي جبتي غلا غلا الشبه معاقه الي ماتقدر تمشي مثل غيرها وان مشت بتكون عرجا راشد مات يالبندري مات قبل مايطلع لهالدنيا ....

البندري مذهوله مو مصدقه/لا يافيصل انا جبت غلا وجبت راشد الكل يقول كذا..

فيصل بحسره/ البندري افهميني الكل ماحب يقولك هالشيء راشد مات بسب الحادث وغلا هي الي نجت..

البندري ماتبي هالكلمه ولدها مات الكل تمناه معها والكل شاركها حلمها ليش ليش ياراشد تروح عن الي انتظروك ماردت وسهت بعالمها. ولدها مات وبنتها شبه معاقه على قولته ليش هي اهتمت فيهم وحبتهم وكل شي ويصير هذا كله بيوم واحد لا ..لفت عليه وهي تتكلم بصوت عالي اقرب للصراخ ودمووعها سيل على عينها وتشهق من خوفها من الحقيقه الي الى الان ماصدقتها صرخت فيه/مستحيل يصير الي انت تقوله انت كذاب انت تلعب علي كيف انا حلمت وحملت فيهم كيف يصير كل هذا بس من حادث لا وجلست تصيح ..طلعت ام نواف ودخل تركي الي عرف بكل شيء من ايمان جو على صوتها الي الكل استغرب ليش تصيح وتصارخ ...

ام نوافركضت لبنتها/ يايمه هدي نفسك الله اعطاك والله اخذه منك..

البندري تصيح/ بس مو قبل مااشوفه ولدي مات وبنتي ماتمشيء ليش ياربي ليش..

فيصل مااستحمل الموقف قام وراح بعيد شوي يواسي نفسه ولا يواسيها..

البندري تناظر فيه/ فيصل انا حلمت فيهم حلمت اولد واجيبلك بيديني راشد وغلا اجيبهم واقولك شوف عيالك يابوا راشد تاخذهم وتحظنهم وتلعبهم بس لا راشد مات وراح عني وانا كنت انتظره واخته ماتقدر انها تمشي ليش كل هذا..ليش..

وجلست تصيح بحظن امها هو ماحتمل وطلع من الغرفه وطلع من المستشفى كله يدور بالشوارع مايدري شبيسوي كل شيء ضاع واولهم الصفقه الي اشتغل فيها 3 شهور ويبيها تنجح لانها لو نجحت راح يزيد مكانه بكل شيء واول هالاشياء في عيون ابوه انلغى الاجتماع بسبب الي صار للبندري..وولده مات وبنته عرجا والصفقه وخسرها والبندري وتحطمت كل هذا بوقت واحد مااقدر يستحمله.......



عرف الكل ان بنت البندري ماراح تمشي طبيعي..وكان هالخبر صدمه كبيره للبندري وفيصل لانه حطم امالهم.........



***********************************************

ايمان / خالتي ام راكان...

مريم/ نعم يابنتي..

ايمان/ خالتي دلال تبي تشوفك..

مريم/ وينها هي..

ايمان/ خالتي دلال هنا له اسبوع وعليه تقريبا.. هي منومه لانها تعبانه ولان جنينها تعبان وماقاعد ينموا بشكل طبيعي..

مريم/ ياويلي عليها وينها.هي..

ايمان/ تعالي معي ..وااخذتها للقسم الي فيه دلال ودخلت الغرفه.وشافت دلال والمرض باين على وجهها..

دلال/ خالتي ام راكان..

راحت مريم لها وضمتها وجلست دلال تصيح وتصيح وتعلمها عن حالتها....



كل هذا طرا لام راكان يوم جات بتنام تذكرت كل الي صار بينها وبين دلال اليوم مسكينه يادلال الله يعينك نزلت دموعها اشتاقت لولدها راكان؟؟ليش يايمه راكان مهملني ليش تبي الي حولي يتشمتون فيني مالان قلبك علي ماشفتك من اخر مره قلتلي فيها اروح بيت اختي احسن لي اه ياقلبي حرام تسوي بامك كذا انا ماسويت لك شيء ولا اختك سوت لك شيء من الي غيرك ذنبي اني ارسلتك تدرس من انت صغير هناك يمكن هالشيء قسى قلبك علي ياحبيبي الله يهديك ويردك لي ياحبيب امك.....



امك ياوليدي انا امك..

الي سقيت عظمك ودمك..

الي زرعته في ظلوعي..

بالدفا قلبي يضمك..

امك ياوليدي انا امك..

شلتك بصدري ورعيتك..

في الجفن ليل ونهار..

كيف زرعي الي زرعته..

احصده جمر ونار...



************************************************** ****

*&$#^الجزء الخامس^#$&*

لماذا ايها الحبيب تعاملني بقسوه لم يكن لي أي سبب فيما حدث لماذا لاتتقبل وترضى بما كتبه الله لي ولك..اين حبك لي..اين وعدك.. لقد حطمت قلبي بهجرانك..لم افعل مايستحق هذا العقاب..يفترض بك الوقوف معي بجانبي تواسيني وتساعدني فانت لم تتعب وتشقى مثلي ..

عد الي فاانا احتاجك بشه عود قبل ان يفوت الاوان..................................

((البندري ))
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^



الفصل الاول...............................



من ذاك اليوم الي قالها بالي صار ماشافته ولاسمعت صوته يدق على خلود اواصايل يطمن علي حتى اليوم الي هو يوم خروجي من المستشفى ماجاءاني..

كانت تناظر من الشباك وسرحانه...كان عندها اصايل وتركي..

اصايل/ البندري حبيبتي بتروحين بيتكم ولابيت ابوي راشد..

البندري كانت سرحانه وعادت عليها اصايل الكلام ..

البندري/ماادري.......

اصايل / شفيك يالغاليه؟!..

البندري/ لي اسبوع وعليها ماشفته.. ولا سمعت صوته وكل مااسالهم يقولون لي جاء وانا نايمه صرتماانام بس عشان استناه لكن مايجي..(اصيل حز بخاطرها تصرف فيصل)..حتى اليوم تمنيته يجي وياخذني معه ويصر علي اروح بيتهم ومااروح عند امي بس لاسف كل هذا ماصار..حتى بنته ماجاء يشوفها ولايسميها خلى خوالها الي هم اخواني يسمونها..وهو ولاادري عنه..

اصايل مع انها مو قتنعه بالي بتقوله/ اكيد مشغول......

البندري مثل الغريق الي يتعلق بخشبه/ صح اكيد مشغول الا لازم يكون مشغول...

اصايل/ طيب حبيبتي تبين تروحين بيت اهلك ولابيتك..

البندري/ لا بروح بيتي وبيت فيصل..

اصايل/ تامرين يام غلا..

البندري تكلم نفسها بصوت واطي../ غلا اه ياغلا حتى انتي نساك وماجاء يوقع على اسمك وخلى خوالك يوقعون ويسمونك وكانه مو معترف فيك لفت على اصايل شذنبها بنتي..

اصايل/ انتي اذا رجعتي البيت وشافك عنده انتي واياها بيرجع يفضي نفسه وماراح ينشغل عنك..

البندري/ ان شاء الله..

دخل تركي واخذهم.. مروا على الحظانه يشوفون غلا بنت البندري ومن شافتها البندري جلست تتامل فيها والدموع مليانه بعيونها..سلمت على بنتها وبتجي بعد اسبوعين تاخذها ..والله العالم شبيكون ردة فعل ابوها لاشافها..

طلعوا وركبوا السياره وطول الطريق ودموع البندري ماجفت..وصلوا ونزلت وخاف تركي عليها ..

تركي/انزلي ياصايل معها..

اصايل/ ان شاء لله..

دخلت البندري البيت ومن شافتها ام فيصل قربت منها وضمتها/نورتي بيتك يايمه..

البندري/ تسلمين ..كانت تتمنى انها تشوفه بس مالقته..

الجده/ هلا بالغاليه ام الغاليه جيت ابي اشوفك وبرجع لبيت امك واسبوعين لا رجعتي غلا جيتك..

البندري ابتسمت لجدتها.. دخلت اصايل وسلموا عليها وطلعت مع البندري لغرفتها فوق ودخلتها وطلعت راحت لخلود..

اصايل/ خلود وين فيصل..

خلود / جات البندري ..

اصايل/ ايه بس خليها ترتاح بغرفتها وبدها روحي سلمي عليها بس ماقلتيلي وين فيصل..

خلود/ والله من ذاك اليوم وهو مايجلس بالبيت كثير مايجي الا عشان ينام..وكل مااحد ساله قال شغل..وابوي يبي يكلمه عن مرته بس امي وانا رفضنا قلنا انه هذي حياتهم ومحد يدخل..

اصايل/ صح هذي حياتهم ..ياربي منه ..البندري نفسيتها مره تعبانه وكلها منه..

خلود/ ليش..

اصايل/ اخوك الطفس مازارها ولامره عقب ذاك اليوم ..

خلود/ الله يعينها ويرجعهم مثل اول..

اصايل/ امين..

نزلت اصايل وراحت هي والجده لتركي الي كان يدق على فيصل ولا يرد عليه..ودى اصايل لبيتها وراح هو وجدته لبيتهم..وقال لاخته بدريه ان البندري بتجلس ببيت عمها..



دخلت غرفتها تناظر.كل مكان فيها اشتاقت لهالغرفه جلست على السرير تحس انها تعبانه وجلست تفكر كيف بتكون الايام الجايه اذا جابت غلا من المستشفى دعت رها ييسرلها امرها ونامت من التعب...



دخل فيصل وشافها نايمه قرب منها من زمان ماشاف هالوجه وفي هالغرفه حب على راسها وطلع من البيت مع انه كان تعبان ويبي ينام بس راح ينام بالاستراحه حقتهم..



مرة الايام بسرعه.....

واليوم لازم يجيبون غلا من المستشفى ..طبعا فيصل كان نادر ما ينشاف في البيت ونادر مايجلس مع البندري بس الي هون عليها انها اليوم بتروح لغلا بتقدر تشيلها وتضمها وبتجيبها هنا يمكن لو جت غلا بيرجع فيصل مثل اول..

راحت مع تركي واصايل وراحوا وقعوا خروج البنت واخذتها البندري .وهم بالسياره..

كانت البندري ضامه بنتها لصدرها ومستانسه..

تركي/ هلا والله بنتك بتخليك تنسينا..

اصايل/ والله لو نست الكل وانت اولهم ماراح تنسى حبيبتها وصديقتها الي هي انا..

البندري/ مستحيل انسى احد وخصوصا انتوا الاثنين..وضمت بنتها..بس هذي غير هذي غلا هذي غلا قلب امها..

وصلوا البيت والكل فرح بشوفة غلا وخصوصا الجده الي كانت تستنى جايه من بدري تبي تشوف اول حفيده لعيالها..

شالتها وسمت عليها..

الجده/ تشبهك يابندري..

البندري/ صدق؟؟

الجده/ ايه فيها منك بس نظراتها نظرات ابوها عاد فيصل معروف بنظراته منهو صغير..

ابتسمت البندري بحزن واخذت بنتها وطلعت.لغرفتها....وهي تكلم بنتها..

شفتي ياغلا هذا غرفتي وغرفتك وفرفت بابا.ادري انك ماتفهمين وش اقول بس مالي غيرك اشكيله ابوك من ولدتك وهو بعيد والله يعين بالايام الجايه..

مادري شبتكون ردة فعله لما يشوفك..هو مو راضي لفكرة انك ماتمشين ومعتبرك معاقه..بس انتي مو كذا انتي اذا راد الله بتمشين وتلعبين وتجين تقوليلي ياماما انا امشيء.متى بيجي هاليوم.. نومتها وحطتها على السرير ودخلت تسبحت وغيرت هدومها وغيرت لغلا ملابسها ودخلت الحمام بتغسل رضاعتها..

دخل وشاف بنته على السرير مثل الملاك بس الملاك المجروحمسح على شعرها بيده كانت نايمه مرر اصابعه على خدها وقامت تتقلب وفتحت عيونها وابتسمت ببرائه وهي موعارفه شي من الي حولها..ناظر فيها يحس بشيء يمنعه منها مايقدر يناظرها ويطول..

وخر عنها وجلس على السرير وهي تناظر فيه بنظرات حسها قريبه له بس مايتذكر وين شافها..

طلعت من الحمام وابتسمت يوم شافته راحت عند بنتها /فيصل هذي غلا بنتنا شوفها تعال شيلها انت ماشفتها..

غلا صاحت ومثل أي طفل لازم يصيح كثير وهو توه ماله شيء مولود..

فيصل/البندري اسمعي انا رجل اشتغل وارجع من شغلي تعبان ومو مستعد اني اجلس بلا راحه طول اليوم بسبب بزره خذي بنتك وروحي فيها للغرفه الي تحت .. وهذي خليها لي..انا مابي احد يزعجني وانا نايم كافي الشغل الي اشتغله عشان اعوض الصفقه الي فاتتنا بسبب الي صارلك..اشتغل واتعب وابي راحه والراحه ماراح تكون وبنتك موجوده..خذيلها الحين كم غرض وانزليبها تحت ولمااقوم واروح للعمل خلي الخدامه تطلع وتاخذ كل اغراضك واغراضها...

البندري تناظره بذهول..

دخل الحمام يتسبح وكانت تناظر بالباب الي طبعه وراه مو مصدقه هذا فيصل بدل مايكلمها ويشيل بنته يطردهم من الغرفه..دموعها نزلت وكيف ماتنزل وفيصل صكر كل باب بيقربهم من بعض..مو معقوله هذا هو الي مارضى انام عند جدتي ماقدر يصبر ينام وانا موعنده بالغرفه الحين يقولي انزلي بالغرفه الي تحت مااقدر انام وانتي وبنتك عندي..قامت طلعت شنطه صغيره لبنتها طلعتلها ملابس وغيارات والعاب وحليب وحطتها بالشنطه وشالتها وراحت لبنتها واخذتها وهي تبكي .طلعت من الغرفه وهي تتمنى ماتقابل احد ..

نزلت الدرج ومع كله درجه تنزلها طعنه بقلبها تجيها اه يافيصل..



شكرا على كل شي قلت كذب عني وانا الي غير الخير..

ماجاك شي مني..

والي علي قلته لا ماتوقعته..

ياليت كل الناس باعوني مو انت.........

مو قادر اتصور..ان انت تتغير..طيب انا شسويت..

وفيش انا مقصر..

اهديتك قلبي واخلصت في حبي..لكن على كلا

حساب حق ربي.........



دخلت الغرفه وقفلت الباب وحطت بنتها على السرير وطفت النور فتحت ابجوره عندها وجلست تناظر ببنتها الي نايمه ولاتدري بشيء كانت محطمه من الداخل .. ليش يافيصل ليش؟؟؟؟؟



طلع من الحمام ومايدري ليش كان يتمنى يلقاها بالغرفه وماتكون نزلت..لكن للاسف نزلت واخذت الالعاب الي كانت على السرير,,شم السرير الي كانت فيه غلا باقيه فيه ريحتها وريحة عطرها في نفسه

احساسيس تتضارب ليش الى الان مو راضي يقتنع ان الله اعطاه بنت ماتمشي يمكن لان احلامه كانت اكبر من هالشيء تعب من كثر التفكير ونام..

************************************************** **

في الايام الماضيه زادت علاقة ساره بجود مره وصارت تقريبا كل اسبوعين تزورها بالبيت

ومن دون علم امها لان امها اكيد بتمنعها بحجة ان البنت هذي مالقت من يربيها ومحد عندها يحاسبها ويشوف تصرفاتها ..واكيد بتخرب ساره..

وحمد صاير كثير يفكر بهالبنت ومستغرب كيف انها حافظت على نفسها وهي مافي احد تحس انها لازم تحسن تصرفاتها عشانه وفكر بفكره مايدري ليش يبي يعرف اذاهي راعية حركات ولا لا..اخذ جواله الثاني ودق عليها كان مخزن الرقم من ذيك المره الي دقت عليها ساره من جوالها..

جود/الو.....

حمد/هلا والله..ياقلبي..

جود/ مين..

حمد/واحد يبي يتعرف..

جود صكرت في وجهه..

استانس مايدري شالسبب بس رد دق ودق ولا ردت اعجب زياده بالهبنت الي يثبتها على ماهي عليه.وما ينخاف منها على ساره..

************************************************** ******

رجع من دوامه وطلع فوق وياليت يشوفها بس هي ارسلتله مسج تقوله انه بتروح لبيت امها وبتتغدى هناك وتركي بيرجعها..فتح الباب والغرفه هدوء ماشاف سرير غلا اخذته اكيد فتح الدولاب يبي بجامته لقى ملابسها مي موجوده لف على التسريحه لقى كل عطوراتها ومكياجها ماخذته دخل الحمام واغراضهاالي بالحمام الشامبو والمعجون والبلسم كلها اخذتها..

حس بكاابه راح للغرفه عند السرير لقاها حتى صورتها مااخذتها كل مني انا..دخل تسبح وطلع ونام مايبي يفكر في شيء..

************************************************** *

دخلت والكل رحب فيها واخذوا بنتها منها ولعبوها وعلى الغدا كانوا حنان وتركي ونواف وام راكان وامها سعود مايتغدى بهالوقت اساسا فصارت حنان تتغدى معهم..

ام نواف/ وين زوجك يمه ماعاد نشوفه..

البندري تكلم نفسها هوانا اشوفه عشان تشوفونه انتم لاتساليني يمه..

ام نواف/ يمه اسالك..

البندري/ هاه ايه فيصل مشغول هالايام بشغله كثير..

ام نواف حست ان بنتها فيها شيء وعلاقتها بزوجها مو مره ..

كملوا الغدا وطلبت ام نواف البندري وطلعت البندري لامها بعد ماخلت بنتها مع حنان..

دقت الباب ودخلت جلست جمب امها على السرير..

بدريه/ يمه البندري شكلك مو عاجبني فيك شيء احد مضايقك قوللي يمه لاتخبين شيء علي فيصل مزعلك..

البندري حطت راسها بحظن امها وجلست تبكي وتبكي ماتقدر توقف..

البندري/يمه فيصل تغير مره لايكلمني ولايحبني ولايهتم فيني مثل قبل ماعدت اشوفه صرت انام بالغرفه الي تحت وهو بالغرفه الي فوق مايبيني انام عنده ومعي بنتي مايحبها ولايتحملها تعبت يايمه وانا احاول اخفي جروحي قدام عمي وعمتي الي حاسين بس مايبون يدخلون عشان ماتكبر السالفه تعبت يمه..

ام نواف حزت بخاطرها بنتها والي يصيرلها/ يمه البندري فتره وتعدي ان شاء الله انتي حاول تكلمينه..

البندري/ يمه انا اشوفه عشان اكلمه..

ام نواف/ اصبري يابنتي وادعي ربك واشكيله همك وهو كفيل يردلك زوجك ..مثل قبل..

البندري ضمت امها وجلست تبكي وشوي ونامت تعبانه امس مانامت وماصدقت تكون بحظن امها ونامت..

تركتها امها تنام ونزلت.......



حنان تكلم نواف/ شوف شحلاة هالغلا..

نواف/بسم الله عليها حلوه بس الي شايلها احلى والي يكلمهم احلى بكثير..

حنان /ياعيني يالثقه يله بس..

تركي جالس يفكر هم يقدرون يجيبون بس هو متى يكون له طفله حلوه وينادونه يابوعبدالعزيز نفسه يجيبله ولد ويسميه عبد العزيز. وبنته بيسميها شوق.. يله هانت باقيله

سنه وشهر ونص الشهر حاسبها.......

*************************************

الفصل الثاني.................................




تحس بالم فضيع لايكون بتولد..دقت الجرس وجاتها الممرضه..

دلال/ احس بالم روحي بسرعه نادي الدكتوره..

راحت الممرضه وجات الدكتوره..

الدكتوره /شفيك..

دلال / الم بظهري وببطني الم فظيع..

الدكتوره/ اكيد ولاده دقت الجرس وجوا الممرضات ينقلونها لغرفة العمليات وهي تصيح من الالم ومن الخوف ماتوقعت تولد وهي لحالها وما معها احد ابد ...((راحمتها))



درى بالخبر وجاء للمستشفى خايف مايدري شبيسوي..له ساعتين..ولااحد طلع..واخيرا انفتح الباب وطلعت الدكتوره..

راكان/ بشري يادكتوره..

الدكتوره/ الحمدالله مرتك جابت ولد..وهي حالته تمام..

استانس راكان وطلعوا دلال من الغرفه هي وولدها....

^^^^^^^^^^^^^^^^^^^^^^^^^^^^

كان شايل ولده وهو مو مصدق ان هذا ولده بين يديه هذا طلال .لف على دلال الي توها فتحت عيونها.

راكان/ الحمدالله على سلامتك يام طلال..

دلال/الله يسلمك..

دلال كانت تناظر راكان وهو شايل ولده بحنيه ماكانت مستانسه كثير..لانها ذاقت الموت بالولاده وحست انها لوماتت الله بيعاقبها على الي سوته بام زوجها هي مالها ذنب بس هي ساكته ولايوم حاولت تعاتبه وتحنن قلبه عليها كل هالحنان ياراكان على ولدك وامك مارحمتها ..الله يعين قطع شرودها دخلت الدكتوره..



الدكتووره/ الحمدالله على سلامتك يادلال..

دلال /الله يسلمك..

الدكتوره/دلال ابي اقولك شي بس هل انت مستعده اقوله الحين ولايتاجل..

دلال بخوف/الحين..

راكان/ شفي؟؟



الدكتوره/ابي اقولكم شيء ضروري ومهم انتي يادلال الحمدالله برحمه من الله كملتي حملك وجبتي هالولد لاكن انتي ماتقدرين تحتفظين بجنين..جسمك مو مهيء..

وفي خطوره كبيره اذاحملتي وكمل الحمل للشهور الاخيره مع اني مااعتقد راح يكمل لان اول ماتحملين راح تصقطين..لانك عندك عجز بالاحتفاظ بالجنين..

راكان/ شهالكلام..

الدكتوره/ اخ راكان دلال نجت بصعوبه من هالمره والمره الثانيه ماحد يدري شبيصير..

واحنا راح نعطيها علاجات ومغذيات ومقويات وان شاء الله خير..عن اذنكم..

دلال الى الان مافاقت من الصدمه هي ماراح تقدر تجيب أي طفل غير هذا الطفلل الي كان تعبان من يوم ماحملت فيه والى الان..جلست تبكي.

.قرب راكان منها/ لاتصيحين يادلال ان شاء الله خير وان شاءالله بنقدر وبتقدرين تحملين,,

هدت بس شوي ورجعت تنهار من البكا كله لانها حست ان هذا الي يصير لها عقاب والله العالم وش بينتهيبه هالعقاب.......



************************************************** *

دخلت غرفتها وتحس بوحده بس خلاص لها شهر على هالحال.....

وزوجها يروح الدوام ويرجع يتغدا وينام ويتاخر بالنومه وبعدين يقوم يروح للشغل ساعتين ويرجع يتكشخ ويتسبح ويطلع يسهر مع ربعه..

كل من في البيت حسوا بالعلاقه المتوتره بينهم بس محد تدخل مايبون المشاكل تكبر..

ابو فيصل سافر عنده شغل بمصر. واخذ معه مرته لانه بيطول..

والجده راحت بيت ولدها محمد وبقوا خلود والبندري وفيصل وغلا..الي دخلت بشهرها الثاني من تاريخ ولادتها والى الان مالعبت وارتاحت بيدين ابوها..



ناظرت بالمرايه وشافت شكلها تفاجأت حست انها من زمان ماشافت نفسها ..وجهها شاحب ومصفر وذبلان جسمها هزل وشعرها بدى يتساقط ..

سواد تحت عيونها ونفظه في جسمها ودوخه كبيره صارت تحس فيها كل شوي..

ليش كل هذا؟ ماتوقعت في يوم بيصير هالشيء ناظرت بالمرايه ولفت على الصوره الي متصوره فيها هي وفيصل وهي بالشهر الخامس وفيصل يضحك على بطنها كانت الابتسامه ماليه وجهها والحين مافي شي يستحق الابتسامه..الكل لاحظ ضعفها وتغيرها الاهو اساسا هو متى يشوفها عشان يلاحظ..هو اول يتغدى معهم بس من اسبوع منسافر ابوه يخليهم يطلعونله الغدا بغرفته..

رجعت للواقع على صوت غلا الي تبكي..

شالتها لحظنها وجلست تغني لها بصوت خافت الين مانامت وقامت حطتها بالسرير..





دق الباب وطبعا البندري عارفه مين.../حياك خلود تعالي..

دخلت خلود الي تعودت انها تشوف البندري بهالشكل...الجديد..

خلود وقلبها حارقها من الي بتقوله/البندري فيصل سافر للشرقيه يقول عنده شغل يومين ثلاثه وراجع..

البندري/ سافر وماكلف نفسه حتى يجي بس يشوفني...

خلود/كان مستعجل.......

البندري/دومه مستعجل..

سكتوا شوي وبعدها تكلمت خلود.



خلود/ البندري حبيبتي حالتك مو عاجبتني هالايام صايره ماتكلين شوفي شكلك كيف صار..

حتى اهلك مازرتيهم لك اسبوع وعليها ويوم جو بيزورونك اعتذرتيلهم بانك مشغوله وانك انتي الي بتزورينهم اذا فضيتي..اذا انتي ترضين هالشيء على نفسك انا ماارضى.انتي لازم تكلمينه انتي زوجته واذا ماقتنع روحي اجلسي ببيت اهلك وهو بيحس بهالشيء..

البندري دموعها على خدها وساكته..



خلود حست ان البندري ماتقدر تكلمها لانها مو ذاك القرابه لقلبها هذا سبب والسبب الثاني هو انها اخته فبتنحرج البندري انها تسبه قدامها او تشتكيلها منه....

خلود/ انا بدق على اصايل بقولها تجي تبات عندنا تونسنا شرايك..

البندري وهي تمسح دموعها / خلاص دقي عليها وعلى امها استاذنيها..

طلعت خلود وراحت دقت على ام اصايل تستاذنها رفضت بالبدايه انها تبات لاكن عادي تجيهم ومع حنة خلود رضت..



وجت اصايل للبيت ولقت الباب مفتوح دخلت وصكرته ودخلت البيت ..

كانت خلود تتسبح والبندري بغرفتها وفاتحه الباب فصخت اصايل عبايتها وحطت شنطة اغراضها الي تحتاجها هاليومين على الكنب وراحت عند الباب وانصدمت بالي شافته..

البندري كانت منسدحه على السرير وماسكه يد بنتها غلا الي صاحيه ولافه عليها..

هي لها اسبوعين وكم يوم ماشافت البندري بس مستحيل شفيها وليش شكلها صاير كذا..

جاها الجواب من البندري الي مانتبهت لوجود اصايل والي انشغلت يوم سمعت صياح بنتها شالت بنتها وحطتها على رجولها وجلست تكلمها..



(( كنت يابنتي حلمي اجيبك انتي واخوك وارفع راسي قدام الكل.واولهم فيصل لكن اخوك مات وانتي ياغلا امك ماتمشين..قلت عادي وتقبلت هالشيء واذا ماتمشي بنتي مصيرها تمشي مثل اخوي نواف وكملت برفعة راسي لكن ابوك نزله لي الا وطاه للارض .من اول يوم شافك فيه قالي انزلي واياها لتحت لاانام وتكون موجوده.بحجة الازعاج طردنا انا وانتي واحنا مالنا ذنب.في شي....

ياغلا قلبي انتي..ابوك ماعاد يحس فينا ولايدري عايشين ولالا..يروح دوامه ويرجع ياكل وينام ويطلع.ولااشوفه.وهو ولايفكر يدخل هالغرفه ولو بالغلط..والحين سافر ولاعبرنا انا وانتي..

كل الحب الي بنيناه راح وكله لان الله قدر اني اجيب بنت ماتمشي وولد مات في ولادته حتى الدنيا ماشافها...

قوليلي شاسوي بابوك جلست تبكي وتشهق وهي ضامه بنتها لها وخرتها عنها ورجعت تتكلم.. انا توني ياغلا بالواحد والعشرين وتصيرلي كل هالهموم والمشاكل واسكت..

لو بطلب الطلاق مااقدر.اولا هو ولد عمي وماابي المشاكل تصير بينا.والثاني..انتي لو كبرتيماراح تعذريني حتى لو هو مايبيك والاخير والاهم اني احبه ومتعلقه فيه ..

ولااقدر اروح لاهلي مثل ماقالت عمتك .شاقولهم اقولهم رجعت لكم وانا بيني وبين زوجي مشاكل..اقوله بقعد عندكم لين مايرجع فيصل الاولي..

اه ياغلا امك انتي مالك ذنب بكل هالاشياء بس وينه قلب فيصل الي يحس ويخاف ويحب وينه هو بكبره ..))

وجلست تصيح وتشهق وتضم بنتها..

اصايل جلست تبكي ماقدرت تحتمل اه يالبندري كل هذا فيك وانتي ساكته والله حرام الي يسويه فيصل بدق اوريه الحين وغصب عليه يرجع ..



دقت الباب ودخلت ومن حست البندري مسحت دموعها ..

البندري لفت على اصايل/ هلا الغاليه حياك متى جيتي..

اصايل ابتسمت/ توني فصخت عبايتي وشفت بابك مفتوح وجيت..

البندري/ خلود تتسبح بغرفتها فوق.

خلود وهي تدخل/ اه من خلود الي لازم تحشون فيها سمعت اسمي ..هاه خير والا شر؟

البندري/هه خير اكيد بس اعلمها وينك.

سلمت اصايل على خلود وجلسوا يسولفون ..

اصايل/انا وين بتخلوني انام..

خلود/ فوق بغرفتي كبيره كلنا الثلاث بنام فيها ومعنا غلو..

البندري/ لا انا بنام انا واياها هنا.

خلود/ وبتنامين هنا.لحالك.

البندري/ لاعادي واريحلي.واريح لبنتي..وهي بخاطرها تقول تعودت انام لحالي..

خلود/ طيب خلنا نطلع فوق في الصاله يله البندري تعالي..

البندري/ بغير لغلا واطلع وراكم اطلعوا ...طلعوا فوق.



وهي خلصت من بنتها وشالتها وطلعت فوق مرة من عند المكان الي ماتبي تمر من عنده..المكان الي تحس قلبها يدق يقوه لو بتمر من عنده ماتبي تمر تخاف من سؤال قلبها لها..

ليش ماتدخلين مو هنا غرفتك؟.!؟.!,,

وقفت عند الباب وكان نفسها تشوف أي شي له..مسكت يد الباب بتردد تدخل ولا؟فتحت الباب ودخلت الغرفه وماصكرت الباب لانها ماتبي تحس انه بغرفتها السابقه عشان على طول تطلع..

ناظرت بالغرفه في كل مكان وزاويه فيها لها موقف مع فيصل..

هنا لما كانت جالسه بتروح لعزومة اهلها وهي حامل وهو يتريق عليها..وهنا لما كانت تبي تطلع لها ملابس وطلع لها من ورى الشماعه وافجعها وهنا يوم جلس يديق عليها يبها تطلع من الحمام بسرعه..

جلست تناظر بالمكان وتتذكر كل الي صار لها معاه وبدت دموعها تنزل دموعها الي صارت الصديقه الوفيه لها..والهدوء والظلام والوحه اخوانها الجدد..مسحت دموعها وطلعت راحت للبنات..



جلست تسولف معهم شوي واعتذرت لانها تعبانه وتبي تنام وهي تكذب بس لان كل شيء بهالدور يذكرها بزوجها الي نساها ونزلت من الدرج بسرعه ماتبي تناظر في باب الغرفه..



بعد ماطلعت..

اصايل/ البندري مره تعباانه وضعفانه .

خلود/ يااصايل هي ماصارت تاكل تاخذ لقمتين ثلاث وتشرب كاس عصير وتقوم..

اصايل/ كله منه سويد الوجه هذا فصول..

خلود/ انا ماادري ليش يسوي فيها كذا مالها ذنب ..

البندري/ حراام عليه البنت شوي وتطيح وحابسه نفسها بالبيت لاكن خلني ادق عليه دقت اكثر من مره ولا رد..مقفل جواله ..سولفوا شوي وناموا اما البندري فمتعوده ماتنام الا قريب الفجر مايجيها نوم الا لما تطمن ان زوجها جاء من سهرته وحتى اليوم مع انه مسافر الا انها خلاص تعودت...

************************************************** ******

حنان جالسه بغرفتها يوم دخل عليها نواف الي جاء وجلس جمبها..

ابتسمتله ابتسامة مجامله وقامت(ماتدري ليش هالايام قرفانه منه يمكن لانه طول الوقت وهوعندها).راحت تنام مع انها توها مالها الاساعتين قايمه من نومها بس تحس بتعب وغثى ومن حطت راسها نامت على طول......

************************************************** ******

الفصل الثالث..........................

دخل الظهر وبعد لقاها نايمه قومها وياله يااله قامت صلت الظهر وغيرت بجامتها ونزلت تحت تتغدى ..



نزل وشافها مغيره مكانها دوم تجلس جمبه واليوم جالسه عند جدتها يمكن جدتي مناديتها...

خلصوا غدا وقامت مع جدتها جلست جمبها..

وعلى العصر بعد مارجعوا الرجال من الصلاه وهي نزلت تحت جلست وجاء نواف جلس

جمبها طلعت من الصاله.



.شوي ورجعت جمب خالها..

حنان/ خال ابيك شوي,,

وطلعوا للحوش مع بعض..

تركي/ ها شبغيتي..

حنان/ولاشيء بس ابي اتمشى في الحوش من زمان ماتمشيت فيه..

تركي/الله لايهينك خلي زوجك يمشي معك..

حنان وبسرعه/ لا اقصد انا ابيك انت والا ماتبيني..

تركي/ لا عادي شالي ماابيك..



سولفوا شوي ودخلوا.وشافته قدامها ياربي منه ..

نواف/ حنان تعالي فوق ابيك..

حنان/ ان شاء الله..

وطلعت حنان وراه للغرفه..

نواف/ حنون حبيبتي انتي زعلانه مني..

حنان/لا مين قالك..

نواف/ يعني ماتبيني اجلس عندك واسولف..

حنان/ انا قلتلك شيء..

نواف/ وهذا البلا ماقلتي بس تصرفاتك..

حنان/ لا انا مو زعلانه ولاشيء بس انت ماصرت تلاحظ انك صاير تقعد بالبيت كثير وماتخرج..

نواف/ خلاص اذاهذا الي مضايقك البسي عبايتك وتعالي نخرج نتمشى ونروح أي مكان تبينه انتي..



حنان في نفسها وهذا الي انا مابيه/ لا انا تعبانه شوي روح انت وسعود روح لربعك اطلع رفه عن نفسك ولاتقعد طول اليوم قبالي شوف نفسك وشوف شغلك.وانا الحين بروح انام..

هو مايدري شفيها هاليومين..وهي تحس انه مزعلته بس مو بيده صاير تتضايق مره وتغثى لاشافته..

************************************************** ****



البندري جالسه هي وخلود على العشاء ..



البندري/ خلود.............

خلود/ امري....

البندري/ خلود انا حاسه اني بفارقكم ولو صارلي شيء....

خلود قاطعتها/ البندري لاتقولين هالكلام.

البندري/ ياخلود هذا الي يقوله لي قلبي..

خلود بخوف/ اسم الله عليك كلها اوهام..

البندري/سواء كانت اوهام او حقيقه المهم لو صار لي شيء فبنتي ياخلود ..بنتي غلا وصيتي امانه حافظي عليها وانتبهيلها..

خلود ناظرت غلا النايمه على الكنبه جمبهم ولفت على البندري الي كان التعب بادي على وجهاا/ مافيك الاالعافيه لااتقولين هالكلام وتخوفيني عليك..



البندري ابتسمت بتعب وهي تقوم عن الاكل/ الحمد الله تصبحين على الخير..

خلود بابتسامة خوف/ وانتي من اهله..



راحت البندري هي وبنتها لغرفتها..البندري الي تحس بتعب وخنقه غير دايما وكانت تبي تنام لعلى وعسى لاقامت من النوم تتحسن شوي تحس ان حرارتها عاليه ومن جد تحس انها بتموت عشان كذا قالت هالكلام لخلود حطت بنتها النايمه ومن حطت راسها على السرير من التعب على طول نامت......



قامت خلود عن الاكل وجلست على الكنبه ..تفكر بكلام البندري بتموت لو صار للبندري شيء بسبب اخوها..دقت عليه..ولارد..



فكرت ترسله مسج وفعلا ارسلت له مسج فيه((عجل بالرجعه اشتقنالك والكل محتاجك والبيت فضى علينا وقلبي صار يعورني تعال يابو غلا))
حست انها احسن شيء سوته انها كتبت ابو غلا عشان يحس شوي ببنته يارب يجي بسرعه وتنحل كل هالمشاكل..قامت لغرفتها بعد ماتاكدت ان الشغاله شالت الاكل من على الطاوله وراحت تنام ...



************************************************** *******



فتح جواله وقرا المسج هاذي عاشر مره يقراه يحس بشيء غريب يسري بقلبه شيء كان يحتاجه من زمان وتوه جاه صح هو لازم يرجع الرياض ويرجع لزوجته اشتاقلها مرررره وبنته غلا الي قصرمعاها كثير......

بس البندري بتسامحه؟؟؟............. كيف تسامحه وهو من ولدت الا اليوم ماجلس معها ولاكلمها مثل قبل ماقالها كلمة حبيبتي...

مازار اهلها الامره حتى بنته ماعبرها وسوالها تمايم ..(سابع البنت ) اهل البندري وابوه هم الي سووا العزومه وهو ماكلف نفسه بشي ...

كيف تسامحه........

لالا البندري طيبه وبتسامحني وخصوصا اني خلاص تقبلت غلا ورضيت فيها وهي بتفرح بهالشيء ....صدق اني غبي شلون اتصرف مثل البزران بهالموضوع انا رجال وعاقل وفاهم واذا ولدي مات من الحادث وبنتي ماتمشي..........ولدي اساسا ماشفته عشان اسوي كل هالاشياء....

وبنتي راح تمشي ان شاء الله هي مو معاقه ولامشلوله وحتى هذولي مشوا وشلون هي ماتمشي كله بارادة ربي يارب خليها تسامحني والي سويته فيها مو هين بصراحه الله ييسير لي وانا بكره الصباح ان شاء الله راجع للرياض..وراجع لزوجتي وحبيبتي ام غلا وراجع بعد لهالصغيرونه وابي اعوضها عن كل الي فقدته مني هي وامها....



************************************************** ****

صحت من النوم وتحس انها حرانه واعرق يصب منها حولت تقوم من السرير ماقدرت ياربي شفيني فتحت ازارير بلوزتها تبي تتهوى بس تحس بخنقه كبيره وحراره مره ناظرت ببنتها نايمه الحمدالله....الم تحس فيه..تحس برجفة مو قادره تتنفس رجعت تقول ياربي شفيني مالها الاخلود............. دقت على خلود دقه وصكرت ..تحس بدوخه وخنقه موقادره تشوف ولاتتنفس..

خلود جات وهي ماتدري بشيء بس تدري ان البندري تبيها.فتحتت الباب..

خلود/ يعيني على الي يصكرون بوجهـ....

شافت البندري وخافت راحت تركض لها ..

خلود/ البندري حبيبتي شفيك..

البندري موقادره ترد..

خلود/ حبيبتي ردي علي قوليلي شفيك لاتسكتين..

البندري الي كانت تتكلم بصعوبه/ بموت ياخلود.

خلود تذكرت كلام البندري امس ورسالتها لفيصل الي قلبها يقولها جاي.لامستحيل تموت الحين هي ماراح تموت/لا الغاليه مو الحين والي يسلمك وبدت تصيح خلود وتشهق مو عارفه شتسوي وعلى مين تدق..

اخذت جوال البندري وشافت رقم مكتوب عليه((اعز الناس)) هذا رقم تركي ودقت عليه..

رد تركي/ هلا والله بالقاطعه..

خلود/ انا مو البندري انا خلود..

تركي الي استغرب/ خلود؟؟

خلود/ ايه خلود الحقني ياتركي البندري بتموت وانا ماعندي احد...

تركي فز بسرعه/ فيصل وين..

خلود/ مسافر ويمكن اليوم يرجع تعال بسرعه مو عارفه شسوي..

تركي/ الحين بجي جهزي عبايتك وعبايتها ..

خلود/ ان شاء الله بس عجل..تركي دق على سعود يطلعله وطلع بسرعه واخذه معه..

وهي طلعت وشافته ماكانت تقدر تطول معاه .

خلودوهي تصيح/ الله جابك يافيصل مرتك بتموت تركي بياخذنا المستشفى بروح اجيب عبايتي خلك عندها..

فيصل دخل بسرعه الغرفه وشافها وانصدم هي على السرير ووبطء تتنفس ووجهها شاحب وتنتفض حس بالذنب الي سواه راح لها..

فيصل/البندري انا فيصل رديت لك لاتروحين مني..

البندري فتحت عيونها من زمااااااان ماسمعت هالصوت وببطء/ فيصل..وينك تركتني انا وبنتي لحالي طول هالمده والحين ماتبيني اموت..

فيصل/ سامحيني يالغاليه.وهو يحب على يدها الحاره مثل النار.

البندري/ بسامحك بس مو لاني راضيه عنك لا..انا بسامحك بس عشان بنتي غلا..بنتي يافيصل امانه برقبتك لو مت انا بتركها وهي ماكملت 3 شهور..وبتبقى عندك ادري انك ماتحبها ولاتبيها بس لازم هذي وصيتي..

فيصل/ لا يالبندري لا يالغاليه لاتقولين هالكلام لاتروحين مني انا احبك كيف تروحين عني وتتركيني لحالي..

البندري/ لحالك 3 شهور من الحادث وانت تاركني لحالي وماقلت حرام..الله بياخذ روحي وبروح عنك وتفتك بس الاهم بنتي..

فيصل نزلت دمعه وكانت اذن لباقي الدموع بالنزول/قومي يالله بنروح للمستشفى..

البندري/ لا ماابي اروح معك لو بموت بموت مع خالي واخواني وامي انت لا هم الي يحبوني موانت..

دخلت خلود ومسكت البندري وحاولت تقومها/ يله لازم تلبسين العبايه تركي شوي ويجي بنروح للمستشفى..

البندري لبست عبايتها بشويش..وجلست على السرير بضعف وهي تناظر غلا..

دخل تركي للبيت الي كان بابه مفتوح هو وسعود وتغطت خلود..ركض تركي وسعود للبندري وشافوها بحالها الصفار مالي وجهها والسواد تحت عيونها والنفاضه الي بجسمها..تركي كان بيموت من الخوف عليها..لف على فيصل..

تركي/لو يصير فيها شي يافيصل ماتلوم الا نفسك..

((((((هالكلمه طلعت من صديق لااغلى اصدقائه وبسبب شيء ثاني تركي كلش ولا البندري لو يخسر العالم كله عشانها مايهمه بتعلق على فيصل الي ماتوقع هالشيء))))

البندري/ خلود بنتي اخذيها لاتخلينه يشيلها هو مايحبها..

شالت خلود غلا وطلعت هي وفيصل الي بيسوق السياره..تركي سند البندري عليه وطلعوا ركب سعود واخذ غلا وحطها على رجوله وتركي ورى وخلود ورى وحاطه راس البندري على رجولها....

سعود كل شوي يناظر ورى باخته هذي اخته الوحيده..

البندري تحس بالم بكل مكان..

البندري/ سمعوني لو الله اخذ روحي ابيكم تحبون بنتي مثل محبتي وانتي ياخلود خلي بنتي عندك حتى لو تزوجتي خذيها معك مابيها تحس بالوحده الي حسيتها وفيصل لو قلتلها أي كلمه تجرحها صدقني مابسامحك..

تركي/ لاتقولين هالكلام يالغالا..

البندري/ لا اسمعوني يمكن اخر مره تسمعوني اتكلم فيها انا بوصيكم وبوصيك انتي ياخلود لماتكبر قوليلها اني احبها كثير واني ماكنت ابي ابعد عنها بس هذا الي الله كاتبه...قوليلها تحاول تمشي لانها بتقدر واذا قدرت قوليلها كان منى عين امك تشوفك تمشين..

خلود كانت تبكي من كل قلبها والكل حس ببكاها..

البندري/ عطوني بنتي..سعود عطى خلود البنت وهو عيونه متغرقه دمع..

ضمتها وغلا كانت نايمه وجلست تصيح بحرقه صياح الشخص الي يحس انه بيفارق من حوله الحين وهم مو أي احد هم غالين على قلبه الا اغلى البشر..

خلود حست ان البندري وقفت حركتها وحتى تنفسها ماعادت تحس فيه .عطت البنت سعود وهي تصارخ/البندري ردي علي لاتروحين يام غلا عشاني ولا عشان بنتك لاتروحين عنها..فيصل اسرع لاتخليها تموت..

فيصل الي كانت كل كلمه من البندري طعنه بسيف في قلبه وكل كلمه قالتها خلود تطعن بخنجر في قلبه وده لو يطلع هالقلب وهالروح ويعطيها اياها..

خلود/ تهز البندري بضعف وتصارخ وسعود لاف بذهول مايدري اخته حيه ولاميته..

وتركي الي يحس انه يبي يموت ولا يعيش بهاللحظه..فيصل الي مايبي يلف ويشوف البندري وهي تموت..

خلود بضعف/ البــ....البندري ردي والي يسلمك لاتموتين ردي علي شوفي غلا مالها الاانتي لاتروحين عنها البندري..وصرخت تناديها بس للاسف البندري كانت بعالم ثاني عالم مايساعدها تسمع الي يقولونه لها عالم حتى لو بنتها مشت الحين ماتقدر تشوفها ولاترد عليها..............................

****************************************

الفصل الرابع....................................



وصلوا المستشفى ودخلوها على طول وجلسوا ينتظرون الفرج من الله..

كانت خلود ضامه غلا وتشهق وتصيح تصيح خوفها على البندري وتصيح جهل غلا بالي يصير لامها...فيصل كانت حالته مايعلم بها الا الله الدموع تسيل والوجه شاحب يخاف على حلم حياته لاياخذها الموت..شاف بنته صاحيه وتناظر الي حولها وهي ماتدري بشء بس لما طاحت عيونها بعيون ابوها رمت نظره غريبه نظره يمكن تكون عاديه للكل بس هالنظره هزت فيصل من الداخل هالنظره كان هو الوحيد الي يشوفها هو الوحيد المقصود فيه هالنظره فيها سؤال من انت الي واقف تنتظر طلعة امي مادام هالهحب كله ليش خليتها تعذب بغيابك..

كان كل شيء خيالي بالنسبه له بس هذا الي يحسه بنته توجهله السؤال الي خايف يجاوب عليه..شال عينه من عينها ورجعت تدورهي بعيونها وكاانها تدور امها..

نص ساعه على هالحال وهالقلق..وطلع الدكتور..فيصل : دكتور هي حيه؟ّ...

الدكتور/ ايه الحمد لله انت قوزها..فيصل / ايه..

الدكتور/ الحمدلله ادرنا ننقزها في اللحظات الاخيره..

تركي/ والحين هي كيفها..



الدكتور/ اريبتكم تعاني من عدة اشياء بنفس الوقت تعاني من فقر دم شديد سوء تغزيه نتق عنها نقص فيتامينات وكاليسيوم وهي محتاقه هالاشياء لقسمها لانها بترضع..

هذا من غير النفسيه والتوتر والقلق الي هي عايشه بيه الي سببلها شوية هالاشياء..

هي بكره راح تأدروا تطلعوها بس الوصايا الي لازم تعملوها حتى تأدروا تحافظوا عليها..

لازم تتغزا كويس ولزم ترتاح نفسيتها ومن دون انفعالات شديده او اشياء بتقعلها تفكر وتتعب نفسها كتير..احنا حنحط مغزي لها فيه نسبه كبيره من الفيتامينات والي هي محتاقلها وهي ام وبترضع فلازم الحرص عليها ولهالسبب احنا مش حنخليها تطول عندنا اخيرا الحمدالله على سلامتها وارقوا انكم تنتبهوا لها كويس...........



فيصل حس براحه لف على تركي وسعود الي الراحه رجعت لهم من كلامه/ زوجتي ماماتت ماخلتني انا وبنتنا وراحت يارب لك الحمد..

غصب عن تركي وعن سعود ضحكوا على شكل فيصل وهو يتكلم..

شافوا البندري وتطمنوا عليها وخلوا خلود عندها وفيصل مارضى يروح جلس عندها بالغرفه الثانيه لانها ماكانت تبي تشوفه كثير...... محد قال لام نواف عن بنتها عشان مايخوفونها.ويكبرون السالفه خصوصا وهم تاكدوا ان بعد الي صار اليوم مستحيل فيصل يتركها ويبعد عنها ....



مر اليوم عليها وهي نايمه من التعب من زمان مانامت زين قامت وصلت الي فاتها وبدت تجهز نفسها الحين اخوانها وفيصل بيجون يطلعونها من المستشفى....

دخلوا اخوانها عليها وسلموا عليها ودخل فيصل الي كان يوقع على اوراق خروج البندري..

وسلم على تركي وسعود والبندري...

البندري لفت على تركي/ يله تركي بنروح..ولفت على خلود مشكوره خلود ماقصرتي..

كان كلامها هذا دليل للكل انها بتروح بيت اهلها وبتخلي فيصل..

فيصل/ ليش مو راجعه لبيتك...

البندري/ بيتي من متى ماحسيت انه بيتي قصدك غرفتي الي تحت ..بيتي الاساسي هو بيت ابوي الله يرحمه وبيت امي وانا بروح له..

فيصل ناظر بتركي الي رد عليه/ اسمحلي يافيصل انا مااقدر مااخذها لبيت اهلها مدام هذي رغبتها فخلاص .......

فيصل ناظر البندري برجا وهي لفت ماتبي تناظره وهو يناظرها بهالطريقه..

شالت بنتها .وناظرت بتركي تعجله..

تركي ماكان يبي يقولها يله كسر خاطره موقف فيصل ونظراته وروحة البندري لهلها

معناتها ان البندري زعلانه وخلاص ماتبي ترجع لبيتها ....

فيصل ناظر بتركي وسعود واخته../ ممكن تخلونا لحالنا...

البندري ماكانت تبي هالشيء ماكانت تبي تتناقش بالي صار لان هالشي يجرحها..بس ماقدرت تسوي شيء طلعت خلود وطلع سعود وتركي وراها وصكروا الباب..

البندري حطت بنتها على السرير وراحت للشباك الي بالغرفه وجلست تناظر منه..

قرب فيصل منها/ ماتبين تروحين معي خلاص ماعدت اهمك يالبندري ...

البندري لفت عليه / خلاص ماعدت اهمك يالبندري قلت هالكلام بس لاني رفضت ارجع معك لاكن انا ياما قلت وياما انت اثبت لي اني مااهمك..تخليت عني وتركتني وانا باشد حاجتي لك..وقلت اني انا مااهمك..طردتني وبنتي وقلت انا وبنتي مانهمك..انشغلت بشغلك وابتعدت عنا وقلت انا مانهمك كثر الشغل..سافرت وخليتنا بروحنا وهذا دليل ان مانهمك..الحين جاي تقول هالشيء ...

فيصل / وتبين بنتي تتربى بعيد عني...

البندري/ بنتك..اي بنت لاتصدق انها بنتك غلا بنتك بالاسم وبس متى شفتها متى شلتها ..متى حبيتها ..متى دققت بملامحها..بنتك وانت ماتعرف شكلها ولاتعرف عمرها حتى..بنتك وانت مارحت حتى توقع على اسمها وعلى خروجها من المستشفى..

بنتك الي حرمتها حقها باللعب معك بالحنان الي بحظنك..والحين تقولي بنتك..هذا بنتي انا ..انا الي حملت وانا الي ولدت وانا الي تعبت وشقيت وانا الي سهرت ومرضت وانا الي كنت لها الام والاب الي غاب عنها هذي بنتي مو بنتك بنتي انا..

فيصل حس بالذنب الي سواه بحق هالثنتين..فيصل/ سامحيني يام غلا سامحيني..

ويوم شافها ماردت/ انا اخطي وابيك تعذريني الشيطان لعب بعقلي وخلاني ابيعك عشان احلام انا رجعت وانا بامل تسامحيني والى الان اطلبك واطلبك بحبك لغلا تسامحيني..

البندري سامحته من اول لاكن كانت تبيه يعرف وياخذ درس./ مسامحتك ..

فيصل/ خلاص اجل ارجعي معي وانا اوعدك ماابعد عنك ولاللحظه ..اوعدك ماتركك..وواعدك اني اعوض بنتنا غلا كل الي فقدته بس انتي ارجعي معي ولاتخليني ارجعي عشان يرجع الحب للبيت ..شقلتي..

البندري/ خلاص.....برجع يافيصل..

فيصل/ خلاص بس انا عندي بنت لاتقولينلي فيصل قولي يابو غلا ياكل الغلا انتي..

ابتسمت البندري وطلعت هي وبنتها وفيصل..



يوم طلعت كانت تحس بجوع بس مو عارفه وين محل الكفتريا لفت على ورى شافت تركي يكلم ومبتسم هذي اكيد اصايل مافي شيء يخليه يبتسم بهالوقت الا هي..شافت سعود الي لف يوم ناظرته وطاحت عينها بعينه ونزلت راسها ومشت بطنها تصوصو جوعانه رجعت عند الغرفه وجلست على كرسي بعيد شوي عن سعود..

سعود حس فيها وبالي تبيه وقام راح جاب 2 كفي و2 كروسان..وجاء وقف عندها..

سعود/ ادري جوعانه خذي..

خلود/ ها لامو جوعانه.. وبطنها طلعت صوت صوت الي جوعان مرره

سعود وده ينفجر من الضحك على شكلها الي استحت يوم سمعت صوت بطنها/ يله خذي طيب نقنقي عليها اذا مو جوعانه..

خلود/ مشكور واخذت الكافي والكروسان وهو راح بعيد ياكل ويناظر فيها وي منحرجه تاكل قدامه بس شربت الكافي..

تركي كان يراقب الموقف وهو كان من جد يكلم اصايل ويقولها الي جالس يصير بين الخبل سعود وبين خلود..صدق ان سعود مايستحي..

طلعوا وشاف سعود اخته ماسكه بنتها وقريبه من زوجها ابتسم عرف انهم تراضوا..صكر تركي..وراح لهم..

فيصل/ يالله توكلوا بالله انا وزوجتي وبنتي بروح لبيتنا.....

تركي يناظر البندري/ صدق..

البندري مستحيه هزت راسها..

فيصل/ يوه لون لخلود محرم معكم كان عطيتكم اياها..

سعود/ عادي تبيني اوصلها لبيتكم وراك عادي..

فيصل ناظر بسعود هو وتركي الي كان وده يرطش سعود الي مايستحي..

وخلود المسكينه تعرف يتكلمون عنها بس بيش ماتدري((لو اني مكانها كنت بموت من القهر))

طلعوا من المستشفى وراحوا العيال للبيت وراحوا فيصل ومرته وبنته واخته للبيت..

دخل البيت وهو ماسك ايدها وجات بتدخل لغرفتها الي تحت.

فيصل/ لا الغاليه مكانك فوق يالي فوق الكل انتي ..

ابتسمت وطلعت معه كانت بنتها مع خلود.. ودخلت غرفتها شافت كل شيء من اغراضها ترجع مكانه وكان في سرير من فيصل هديه لبنتها مكتوب عليه بالانقليزي اساميهم فيصل والبندري وغلا وملزقه على السرير من الجنب ابتسمت ولفت على فيصل..الي كان يتامل فيها وكيف بعادهم عن بعض سوا كل هاللاشياء..قربت منه وضمها لصدره وجلست تبكي وتبكي كم .فقدت هالحنان تبكي وتشكيله منه وله..

البندري وهي تصيح بحضنه/ فيصل اوعدني ماتخليني مره ثانيه..

فيصل/ اوعدك ياروح فيصل ماخليك لانتي ولاغلا ابد ولالحظه..

كانت هالليله بالنسبه لهم صفحه جديده...وحذفوا كل الصفحات السودا من هالدفتر وصارت هالصفحه بعد اخر صفحه حلوه بينهم من دفتر حياتهم.............

************************************************** *******

*&$#^الجزء السادس^#$&*

**بسبب شيء قوي نصحوا من غفلتنا لنكتشف ان ماتوقعناه غير مهم واستهترنا به اصبح دمار لحياتنا وان مافعلناه كان خطأ كبير ..عندها نشعر بالندم ..الالم....الضياع...تحطم الاحلام.. الانكسار....هل نستطيع الرجوع الى الماضي القريب والجميل ومسح هذه المشاعر والبدء من جديد لتحقيق الاحلام.................................... ....... ..!!.

(( سعود ))


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^



الفصل الاول...............................

نواف/حنان في فلم حلو بيجي الحين تعالي نتفرج عليه..

حنان/لا ماابي اتفرج عليه اتفرج انت....

نواف/ شفيك حنان....

حنان/نواف تعرف لما تحس ان في واحد دايما يكون معك مايفارقك وانت تحس انك ملان منه وبديت تقرف اذا قرب منك شتسوي له؟!.

نواف الي استغرب من سؤالها/ عادي بقوله تراني مليت منك روح عني..

حنان/ايوووه عليك نور..هالكلام اعتبره جاء مني لك ويااخي افهم..

نواف كانه انصبت عليه مويه بارده انصدم من ردها واسلوبها وحزت بخاطره قام عنهاا...

هي ولاكانها سوت شيء نزلت الصاله تحت وكان الكل مجتمع الا سعود الي بالنهار نايم وبالعصر يتغدا ويطلع يسهر طول الليل لادراسه ولاشغل وامه تاركته على راحته حتى عمه راشد الي يموت في شيء اسمه سعود عشان كذا ماحن عليه يشتغل مثل نواف وتركي وفيصل..نرجع لحنان الي دخلت الصاله وجلست معهم وجلست تسولف عشر دقايق ودخل نواف...

حنان/ياربي من الناس الي مايفهمون..

نواف استحمل هالكلمه الي محد سمعها وانتبها لها الاهو وهالكلمه زعلته.بس مارد عليها ولاعبرها..

شوي واستاذنت وراحت تنام...............

************************************************** ******

دخل على مرته مره تضايق من الي صار اليوم جلس على السرير وكانت تنوم ولدها.

دلال/ راكان شفيك؟!.

مارد عليها...

دلال / راكان رد علي شفيك؟.

راكان/ فصلوني من الشغل.....

دلال/ نعم ؟..وليش شسويت عشان يفصلونك؟وكذا من دون مايخبرونك او يلمحولك بشيء.

راكان/ماادري يادلال انا ماصرت مثل قبل ماادري شفيني يطلبون مني اعمل دراسه لشيء معين ويحددون مدة اسبوعين هالدراسه قبل كنت اسويها باسبوع بس الحين لي شهر ماكملتها.. صاير اغيب كثير واستاذن اكثر نفسي كارهه للشغل ومعدت استحمل شيء متضايق من كل شيء............

دلال /اسم الله عليك انت قوم صليلك ركعتين وقوم ارتاح ونام الحين وبكره الصباح ان شاء الله تكون احسن وتروح تدور شغل وان شاء الله تلقى....

راكان توضى وصلى ركعتين وحط راسه وعلى طول نام من كثر الارهاق..شافته دلال وهو نايم وجلست تكلم نفسها العقاب الاول من الله فيني وفي ولدي التعبان وهذا الثاني ياركان وانا مابي الثالث يجي لازم خالتي تسامحنا هي درت اني ولدت وجات بتشوفني وانت منعتها بحجة انها جايه تشمت وهي المسكينه ماتدري بشيء لا لازم ترضى علي وعليك عشان نرتاح بحياتنا........

************************************************** ***

على الفطور جالسه تستناهم هي وغلا..شوي ودخلوا والضحكه شاقه حلوقهم..

خلود/كان تأخرتوا عشان يصير غدا صدقتم انفسكم عرسان تاركين غلوي عندي ورايحين.

البندري الي تغيرت ملامحها 180 درجه من الهم للفرح ومن الكدر للابتسامه اليوم رجعت البندري الحقيقه كانت مستحيه من كلام خلود..

فيصل/عادي .عمتها ولازم تنام عندها شوي ..وقرب حب بنته عى خدها وجلس..

خلود فرحت من الخاطر من متى ماشافت البندري مبتسمه هالابتسامها متكشخه يالله شي معقوله الزوج وقربه وبعده عن زوجته ياثر بنفسيتها ويغير حياتها بهالطريقه من يصدق البندري امس بالظبط كانت شكلها مهموم وتعبان وشاحب واليوم التعب راح عنها صح وجهها باين الصفار فيه لاكن مو ثل قبل ياربي متى يجي نصيبي؟!....قطع افكارها صوت فيصل....

فيصل/ترى اليوم عزومه عشاء عند بيت عماني للكل ولازم تجزون من المغرب بنروح...

خلود/ خلاص ان شاء الله..

************************************************** *******

دخل وهو معصب عليها فطور ومانزلت تفطر مع اهله ولاقامت للحين لا والسرير وصخ الي هي عليه بقراطيس الجالكسيات الي ماكلتها ياربي منها هو زعلان من امس على كلامها حاول فيها يصحيها بس لاحياة لمن تنادي نزل تحت وهو بينفجر شفيها هاذي تغيرت...

لقى امه وخالته وجدته..

امه/ شفيك ياوليدي معصب..

نواف ماكان يبي يقول هالشيء بس حس انه لو ماتكلم بينفجر./حنان يمه هالايام مادري شفيها..صايره تنام كثير وماتبيني اجلس معها ولااسولف تقولي تحس انها ملانه مني..

ام راكان الي لاحظت كثر نوم بنتها/ انا اوريك فيها بس غريبه بالاول ماكانت تنام طويل يمكن تعبانه..بس هي مافيها الا العافيه...

نواف/والله نومها ثقيل وطويل بالموت اصحيها... لا وكل مادخلت وهي صاحيه اشوفها تاكل بهالسكريات ياجلكسي ياكيك السكر بيجيها لو استمرت على هالطريقه..

الجده حصه/يالدلخ انت مرتك حامل....

نواف / نعم ...انا تكلميني يمه حصه..

الجده/ ايه اجل اكلم مين ..بس قولي نومها ثقيل وطويل وتشخر صح؟!.

نوا ف/ايه..

الجده/ وماعاد لها نفس تكلمك وبس تاكل بهالحلويات بكثره..

نواف/ صح..

الجده/ اسمعني حنان حامل ومتوحمه فيك انت تحس بلوعه لاشافتك وعن الحلويات فهم هي متوحمه مشتهيتها في وحامها خلها تاكلها بس مو دوم..

ام راكان/لامو شرط يايمه حصه..

الجده/ روح انت وخلها تفحص وشوف اذا ماطلعت حامل فانا ماعرف شي حتى بطنها منفوخ شويه يله روح وتعال علمني؟!..

نواف بابتسامه خفيفه/ وانتي شتقولين يايمه..

ام نواف/ والله ياوليدي امك حصه عرفت اني حامل بثلاثتكم من غير مااقول ولا اروح المستشفى من تبدى علامات الوحام عندي على طول تعرف وتقولي روحي المستشفى تاكدي ويطلع صح....

نواف ابتسم ابتسامه كبيره وقام بسرعه طلع فوق ومااهتم انها نايمه لانها لو صدق حامل

فبيستحمل كل شيء عشان الي ببطنها..حاول يصحيها وياله ياله صحت..

حنان/ نعم...

نواف/يله قومي بسرعه بنروح للمستشفى..

حنان وهي ياله تفتح عيونها/ليش..

نواف/ قومي بسرعه معي يله.وبتعرفين بعدين..

قامت وهي تافف غسلت وجهها وخذت عبايتها وشنطتها ووقفت تناظر فيه..

حنان/ مابتحرك لين ماتقولي ليش بنروح للمستشفى..

نواف بابتسامه حلوه/لانك يمكن تكونين حامل...

حنان وعيونها شوي وتطيح من كثر ماطلعت من مكانها/انا..وتناظر ببطنها وتناظر بنواف..حامل..

نواف/عشان كذا تعالي نشوف..

حنان بابتسامتها المعتاده/ يله بسرعه..

وسبقته نزلت الدرج وطلعت الحوش..وهو لحقها وهو يضحك..يمكن تستغربون هالفرحه وهالتصرف من حنان بس حنان كانت تبي الحمل مو بس لانها تبي عيال مع ان هذا سبب مقنع لفرحتها لكن هي تبي تكون حامل عشان تفسر لنفسها ولنواف ليش هي تتصرف معه كذا.. راحوا للمستشفى وسووا التحاليل وجلسوا ينتظرون النتيجه الي بتطول لين ماتطلع ماراح تطلع الا بعد العشاء وجلسوا ينتظرون ...

************************************************** *****

شيء كانت تخبيه عن الكل الا زوجها...

هنادي كانت حامل بالشهر الرابع..وماكانت تبي تقول لاحد..لانها مو متاكده يكمل حملها ولالا..بس هي تعدت مرحلت الخطر على حسب قولة الاطباء والحين بتدق تعلم اختها وامها من الرضاعه بدريه واختها الثانيه مريم وتروكي...

دقت على تركي..

تركي/ هلا هلا والله بالاجنبيه..

هنادي/ هلافيك بس وش الاجنبيه هاذي..

تركي/ ايه انتي الحين مو ببريطانيا...

هنادي/ الا..

تركي/ خلاص انتي من دخلتي بريطانيا خذيتي الجنسيه البريطانيه انتي وزوجك وانسحبت الجنسيه السعوديه منكم ماعدتم سعوديين..

هنادي الي مصدقه كلام تركي وباديه تعصب /لا حنا سعوديين والى الان واحنا معنا جنسيتنا الاصليه....وبعدين انت شقاعد تخربط يخسون اصير بريطانيه انا سعوديه وبس...

تركي/ههههههههههههه امزح نتي سعوديه وحلاة السعوديات كلهم شبغيتي بعد..

هنادي/ اقول تراك صاير ثرثار وتبي تخسر زوجي..عطني بدريه..

تركي يكلم بدريه/ خذي بدريه كلميها..وحط سببيكر..

بدريه/ هلا حبيبتي هلا بهنو الغاليه شلونك يابعد عمري..

هنادي/ الحمد الله انا وزوجي والي ببطني نسلم عليكم كلكم..

بدريه بفرحه/هنادي انتي حامل؟...

هنادي وهي تناظر بزوجها/ايه وبالشهر الرابع...

بدريه/كللووووووووووووش ياحياتي انتي ليش ماعلمتينا من الاول..

هنادي/ يعني ماكان اكيد الحمل بس الحين ثبت..

بدريه/ الحمد الله على كل شيء..

هنادي/ مريم عندك..

بدريه/ لا مريم فوق بغرفتها.. ماقلتلك حنان ونواف راحوا المستشفى شكلها حامل حنان وان شاء الله تكون..

هنادي/ ان شاءالله..

بدريه/ يله لانطول عليك وانتبهي لنفسك ولزوجك تامرين على شيء..

هنادي/ لاسلامتك سلميلي عليهم كلهم..مع السلامه..

صكرت هنادي وكان نفسها تكون عندهم..هي الحين تعرفتلها على ثلاث سعوديات ووحده امارتيه ساكنين بنفس العماره وصارت تروح الجامعه بالصباح وباليل وقت دوام زوجها تروح معهم لنادي رياضي للحريم بس...وراح عنها الملل باقي لها سنتين وتروح للسعوديه..وطبعا بسبب تكثيف طلال لشغله اختصروا هالمده وصار باقيلهم سنه ويرجعون..

وهي اول ماتولد راح تجيها ام طلال تقعد عندها..واساسا جاراتها مو مقصرين معها محسسينها انها اخت لهم...

************************************************** ****

بعد العشاء..

راح نواف ومرته للدكتوره ياخذون منها النتيجه...

نواف/ بشري يادكتوره....

الدكتوره / مبروك دا المدام حامل...

حنان/متاكده انا حامل..

الدكتوره/ هههههههههههههههه ايوه دنتي حامل وبنهاية الشهر التاني.. والتحاليل هي الي بتأول كدا..

نواف ناظر حنان بفرح/مبروك يالغاليه....

حنان/ الله يبارك فيك...

الدكتوره/ انا راح اكتبلك شويات فتمينات وحمض فوليك حتخزيها بنتظام وحتقي كل شهر عشان نتابع معاك القنين وحالته.ومبروك كمان ياستاز..

نواف/ الله يبارك فيك..

طلعوا وهم مستانسين وراحوا البيت وشافوا الكل جاء عشان العزومه وعلموهم بحمل حنان وعرفوا عن حمل هنادي واستانسوا ..

ونواف ارتاح هو وحنان لانهم عرفوا شسبب كثرة نوم حنان وكلامها الغريب وتصرفاتها الي من اليوم راح يمشيها نواف بس عشانها حامل وبعد الحمل بيوريها..

************************************************** *******

الفصل الثاني.....................

كانت في بيتها متردده درت بالعزومه من ايمان الي كانت معزومه واعتذرت عندها شغل وجود كانت بتجيها ساره...المهم نرجع دلال..شافت زوجها التعبان وتذكرت نقاش اليوم العصر بينهم....

دلال/ راكان كل الي يصيرلنا الحين تراه غضب ربك علينا بسبب الي سويته بامك واختك..

راكان / دلال لاتعيدين هالسالفه..

دلال / لابعيدها وبزيد فيها انت لازم ترضي امك واختك عشان الله يرضى عنك وعني وعن ولدنا الي يمكن مايجينا غيره..

راكان / مابي اروح اعتذرلها وارجع خايب من عندها..

دلال/ هذي امك وماراح تردك وحتى لو ردتك من حقها الي سويته مو هين فيها ولافي بنتها يله روح اعتذر...

راكان/ دلال خلاص تعبت من كل شيء لاتكلميني امي ماراح ترضى علي لاهي ولاحنان..

.......

هي لازم تتصرف وتروح ..لبست عبايتها وخذت ولدها وطلعت ..كانت متاكده ان كل الي صار لها بسبب غضب امه وهي كانت ساكته عن الي يسويه ...

وصلت للبيت وشافت السيارات..خلت السواق يدخلها داخل بالسياره ووقفلها عندالباب..

لانها حست انها بترجع خايبه.....

دخلت البيت وسمعت حسهم بالصاله ودخلت هي وولدها..شافوها وعم السكوت بالصاله ..الكل التفت لام راكان الي كانت ملامحها بين الفرحه وبين الحزن بين السعاده وبين الالم لانها عرفت مين الي مع دلال مع ان الكل ماعرف مين..لانهم مايدرون اساسا ان دلال كانت حامل..

دخلت دلال والخوف من الرجوع بالخيبه باين من مشيتها وصلت لام راكان..

ام راكان جلست تناظرها ومو قادره تتكلم..

جلست دلال عند رجول مريم.. وحبت رجولها وجلست تبكي......

دلال/ سامحيني يايمه سامحيني...

الكل انذهل شفيها دلال تصيح بهالحرقه.ومن الي معها ومعقوله تجي وتتكلم بعد هالمده من متى ماشافوها من اربع او خمس شهور..هذا اذا ماكانوا ست..

فتره وقدرت تنطق ام راكان/ قومي يادلال ..قومي وارفعي راسك....

دلال/ ينذل وينداس راسي بالتراب طول العمر لو مارضيتي علي..يمه مريم سامحيني وسامحي راكان يام راكان..

دلال قالت هالكلمه من حرقة قلبها ولا اعتبرتها بتسوي شيء بس هالكلمه خلت قلب ام راكان يفز لما سمعت اسم ولدها ..هذا ولدها ومهما صار بيبقى ولدها..

دلال رفعت راسها ومسحت دموعها بيدينها الضعفانه...ومدت ولدها لمريم..

دلال/هاك يام راكان هذا حفيدك عبدالعزيز..كنا بنسميه طلال بس غيرت اسمه وخليته

عبد العزيز خذيه لحظنك يمه..

ام راكان ماقدرت تاخذه شيء يمنعها ويوم شافت دلال هالشيء حست انها خلاص مراح يرضى الله عليها دام ام راكان مارضت بتحاول للمره الاخيره..

دلال/ يمه ارضي علي وعليه يمه الله عاقبنا..انا مااقدر اجيب غير هالولد الي منهو ببطني والى الان وهو مريض وكل شوي ونحطله بخار عشان تنفسه..وراكان يمه طايح في فراشه شغله وانطرد منه وخسر كل شيء كان معتمد عليه..يمه والي يسلمك دخيلك طالبتك ولاترديني سامحيني وسامحيه وارضي عشان الله يرضى ومايعذبنا زود وياخذ منا عبد العزيز ...عبدالعزيز الي سميته على اسم عمي الله يرحمه عشان ترضين..

ام راكان خلاص ماستحملت اكثر زوجها وحبيبها انطرى قدامها ..خذت عبد العزيز من دلال وضمته لصدرها ابتسمت دلال معناة ان ام راكان سامحتها..

دلال/ يمه سامحتينا...

مريم/ ايه يام عبد العزيز,,,

دلال/ يمه كل هذا صار بسببي وعشان ارتاح ويطمئن قلبي انك راضيه ارجعي بيتك معززه ومكرمه..

مريم/ بس انا مرتاحه هنا..ومابي بيتي..

دلال/ يمه بطلاقي من راكان وحرمتي من العيال طول العمر اذا مارجعتي بيتك..

مريم/ خلاص يايمه صار ..بس وينه ولدي..

دلال بابتسامة حزن/ يمه تعبان ومهموم ويقول انك ماراح ترضين لانتي ولاحنان عنه..

مريم/ لايمه انا مسامحتك انتي واياه..وانتي قومي وباركي لاختك حنون حامل..

دلال راحت لحنان وباركتلها وضمتها وطلبتها تسامحها حنان ماكانت زعلانه من دلال هي ماسوت شيء بس ماتنكر انها زعلانه من اخوها بس مو حاقده عليه..

لفت دلال على الكل../ابي الكل يسامحني..انا اخطيت كنت ابي اكون احسن من امي وماتطلق مثلها كنت اظن انكم بتخلونه يطلقني وماادري ليش..بس حسيت هالشيء خفت وكنت ابيه يبعد عن الكل واولهم امه واخته عشان بس يبقى لي انا ومحد يحرضه علي..

واكتشفت اني غلطانه وغلطانه بقوه بعد..وابيكم كلكم تحللوني وتسامحوني ابي ابدى صفحه جديده مع الكل صفحه مافيها الا الحب والصله بيننا وارجوكم لاتخيبوني وسامحوني..

البندري/ مسامحتك يام عبد العزيز..

ام فيصل/مسموحه يالغاليه..

الجده/ محد زعلان منك يابنتي..

ابتسمت دلال لها وراحت خذت ولدها وجابته للجده..واعطتها اياه..

دلال/ خذيه يايمه حصه انتي ربيتيهم كلهم وطلعوا رجال وابي ولدي مثلهم يايمه..

ابتسمت الجده بكل فخر وحست بقيمتها بينهم بقوه..سلمت عليه وجلست تلعبه..

دقات ام راكان على تركي.وقالتله يوديها بيتها تبي تشوف ولدها راكان .وافق تركي مع انه مستغرب وقامت هي واخذت بنتها معها وقالت لدلال تجلس عندهم هنا لان راكان بيجي بعد..

وراحت بيتها..دخلت وهي مشتاقه لهالبيت من متى مادخلته ومن متى ماحست وشافت صورة زوجها الي بغرفتها الله يالدنيا.. طلعت هي وبنتها واخوهل فوق يبون غرفة راكان ودخلت ا راكان وجلسوا حنان وتركي برى وجلست حنان تقول لتركي شصار..

دخلت وشافته منسدح على السرير ماشافها كان معطيها ظهره..

راكان/ جيتي يادلال..

ام راكان/ لا جيتي يايمه..

لف راكان وشافها وقام من على السرير وراح لامه ووقف قبالها/يمه ..يمه سامحيني يابعد هالدنيا كلها يمه غلطت وغلطت كثير وكثير وابيك تسامحيني قبل الله ياخذ عمري..

سلم على ايدها وراسها ورجلها..

ام راكان وهي تبكي/ مسامحتك ياراكان يابعد قلب امك..

راكان حس ان الدنيا مو واسعته من الفرحه ضم امه وجلس يبكي كانه طفل فقد امه شهور وشهور والحين جاته ..يبكي ويبكي عقوقه لها وظلمه لها..يحس ان بهالحظن هوم مثل الجبال انزاحت من على قلبه.ياه شكنت محتاج لهالشيء..كانه صغير وضعيف يبكي..ويتمنى الله يسامحه على الي سواه بامه واخته...اخته هي الي عذبها وهانها وضربها وطردها اه ياحنان ماتستاهلين هالشيء الي صار لك..وخر عن امه..

راكان/ يمه.وين حنان علميني عنها..

ام راكان بابتسامه/ اختك.الحمدالله عايشه بسعاده هي وزوجها والحين هي حامل وبرى تستناك..

ابتسم طلع وهو خايف انها ماتسامحه اه يالغاليه شكثر قصرت بحقك..

من شافت حست قلبها بيطلع من مكانه من الشوق له رغم الي سواه الا انه اخوها ومثل أي بنت مهما كانت مخانقاتها مع اخوها الي توصل احيانا انها تكرههبوقت هالخناق ومن يغيب عن عينها ويطول وماتشوفه ويرجع بعد فتره تحس انها فرحانه وتحس انه تحبه ومشتاقتله..

هذا كان احساس حنان الي راحت لاخوها بهدوء ومن قربت منه سحبها لحظنه ومو هوالي صاح مثل ماتتوقعون هي الي صاحت..تدرون ليش..

لانها 19 سنه وهو ولامره ضمها مثل أي اخو..ولامره حوطها بحنانه هي صح متزوجه الحين وعندها نواف الي مو مقصر معها بشيء الا ان الاخو شيء ثاني الاخو عزوه وظهر وسند بهالدنيا..

راكان/ حنان يالغاليه ادري زعلتك واخطيت بحقك كثير وهملتك اكثر بس الحين الندم مايفيد والي ابيه تسامحيني ياختي..

حنان/ الله ياراكان شحلاة هالكلمه من لسانك ..مسامحتك ياخوي.وصدقني ان مافي قلبي شيء عليك..

ابتسم/ مبروك على الحمل..

حنان بابتسامه احلى/الله يبارك فيك..

قرب من تركي الي كان يبتسم يحمد الله ان راكان غير للاحسن وسلم عليه..

راكان/هم انت سامحني ياتركي..

تري/ مسموح يارجال ويله تعال معانا هناك عشان تعتذر من عمك ونواف...وراحوا ودخلوا الحريم للبيت ودخل تركي وراكان للمجلس..

الكل اتفاجأ لانهم مادروا ان راكان بيجي..

ومهمن صار فالكل وقف له احتراما لانه اكبر منهم ولانه من زمان مادخل هالمجلس..حتى نواف وقف عيب ضيف وببيتهم ومايوقف..الوحيد الي كان جالس ابو فيصل ..لانه كبيرهم ولان راكان له حق انه يجي ويعتذر مو ابو فيصل الي يوقفله..

دخل راكان وسلم على ابو طلال.الي بعد كان واقف له..وراح على طول لعمه راشد..

وحب ايده وراسه .

راكان/ ياعمي سامحني وانا طالبك هالشيء ولاتقول لا.وتردني..

ابو فيصل/ماعش من يردك وانا موجود وقام ..بس روح واعتذر لنواف.وان سامحك انا مسامحك..

راح لنواف,/ نواف انا اطلبك انك تسامحني انت بالذات غلطت كثير علك وكنت ساكت احتراما لي مع اني مااستاهل عبتك ورفضتك ورديتك بس انت طلعت احسن واشهم وارجل مني..سامحني ياولد العم..

نواف/ مسموح ياولد العم..وسلم عليه..

وراح راكان لعمه الي ابتسم وسلم عليه..

بعدها دخل راكان لخالته يسلم عليها ويعتذر...

رجع شمل العيله مره ثانيه وارتاح راكان ودلال وخصوصا ان ام راكان بترجع معهم البيت..

************************************************** *******كانت عندها ساره..وحبت تقولها عن هذا الي يدق ويزعجها..

جود/ ساره في واحد مبتلشني بس يدق ويبي يتعرف ومن هالكلام وانا مو معطيته وجه وقاهرني بس يدق ازعجني والي قاهرني اكثر انه يعرف اسمي..

ساره/ وريني رقمه..

جود خذت جوالها.شوفي وورتها الرقم

جود/ انا مارد على رقم غريب ابد الا لما يرسل يقولي مين بس هذيك المره مادري كيف رديت لاني توقعتها ايمان لان ايمان نست جوالها بالبيت وماحبيت اخليها تكلف على الي هي ماخذه جوالها وتدق وترسل بعد ورديت وما طلعت ايمان..

ساره ماتدري شتسوي ولا شتقول ولاشتفسر لنفسها هي هالرقم ليش يدق على جود هذا حمد اخوها . شيبي من ساره..

جود/ ساره شفيك..

ساره/ لا ولاشيء بس الرقم مااعرفه بس طريتيني لازم اروح الحين ..

جود ماتحب تلح على ساره انها تقعد زياده كافي انها تجيها تقريبا كل خميس..

ساره دقت على اخوها وكتمت غيضها عليه وقالتله يجيها وهو حس فيها بس ماقالها شيء..

جاء ودق بوري..وسلمت على جود وطلعت وماتكلمت ولاكلمه في السياره.استغرب حمد منها ..ووصلوا بيتهم ودخلت وراح وراها وطق الباب.

ساره/ ادخل....

حمد دخل وصكر الباب..

ساره/ زين انك جيت....

حمد/ ليش شفيك..؟

ساره/ حمد..لاتتوقع وتظن او تحط ببالك انها عشانها شبه يتيمه وماعندها احد بترضاء بالغلط..لا هي اشرف من الشرف بعد..اسمعني هنا حدودك انا ماقلتلها ولو بتدري انك انت صدقني بتقطع علاقتها فيني وانا مابي هاالشيء..

حمد عرف هي تتكلم عن ايش..وسكت..

ساره الي انقهرت قامت تصرخ في وجهه/ انت اخوي على عيني وراسي لاكن لما توصل السالفه انك تمس جود لا..والف لا..فاهم.انت ليش ماترد علي...

حمد / ساره انتي فاهمه السالفه غلط..

ساره/ غلط؟؟اشوف رقمك بجوالها تدق وتزعج البنيه وتمسج لها ردي علي ياقلبي ومن هالكلام..طيب قلنا انا فاهمه غلط فهمني انت؟.!.

حمد سكت شوي وبعدها تكلم/ساره انا احبها وكنت ابي اعرف اذا هي اصيله وماتنجر للغلط وفعلا طلعت كذا بس من سمعت صوتها صرت افرح فيه حتى اني افرح لما تصكر بوجهي لاني احس انها بنت ماشيه صح ..انا احبها ياساره..

ساره الي عصبت زياده منه/تحبها ..ياويل قلبي انا حمد اذا تحبها روح واخطبها من اهلها .مو تحاول تضايقها..

حمد لف على اخته وكانت عيونه مليانه دموع ساره ماتقدر تستوعب الموقف حمد بيبكي وعشان جود.ماقدرت تتحرك وتروح له...

حمد/تظنين انها بهالسهوله اروح واخطبها اذا امي رفضت انتي تروحين لناس مثل ذول على قولتها بتخليني انا ولدها الوحيد اروح واخطب وحده الناس مو راحمتها من الكلام..مستحيل امي بتوافق.بتقول شوف احنا وين وهم وين..

ساره/بس هم مب فقاره هم عندهم او بمعنى اصح ابوها عنده محلات ومحلات مشهوره بعد وابوها تاجر من التجار المعروفين بالرياض...

حمد/ واحنا وش حنا عيال حنا عيال وزير او شبه وزير ..في فرق وفرق كبير.شوفي هالبيت الي حنا عايشين فيه مثل القصر مع اننا بس انا وانتي وامي وابوي.وهي وين ساكنه بفلا عاديه ومع جدتها..ساره لاتنسين ان امي يهمها هالاشياء ..

ساره/ قول لابوي...

حمد/ لو ابوي وافق هي ماراح توافق وانا مابي اتزوج وحده امي مو راضيه عنها..

ساره/ بس البنت مافيها عيب....

حمد/ بس بنظر امي مليانه عيوب ومو هي الي كانت تخطط انها تزوجها لولدها الوحيد...

ساره/ حمد يعني انتي خلاص افهم من كلامك ماتبيها..

حمد/لاياساره انا ابيها بس ابيها وامي راضيه عنها مو بغضب امي عليها وهالشيء بالاول يكون لمصلحة جود لاني لو تزوجتها وامي مو موافقه فراح تتكر حياة الحرمان لجود الي جربتها وهي صغيره..

ساره الي حست بالضعفوقامت تصارخ بوجه حمد الي ياس حتى من قبل مايكلم امه/ مادامك مستغني عنها ومن قبل ماتدافع عن قلبك وحبك ولو لمره وحده بس خلاص ابعد عنها ولاعاد تدق عليها وانساها ويله لو سمحت اطلع انا مابي اضايق نفسي عشان انسان جبان مو قادر يدافع عن الي يحبه..واسمحلي اقول جود انت ماتستاهلها ..جود الي يستاهلها يكون انسان يحبها بكل جوارحه يحبها بكل شيء فيه يحميها ويدافع عنها قدام الكل مو واحد مايبي حتى يتناقش في موضوع زواجه منها..

طلع حمد وهموم الدنيا في قلبه واتصل على صديقه فيصل وتواعدوا وطلع ماله الاهو يقوله السالفه وياخذ براييه...

اما ساره فحست ان قلبها يعورها على الكلام الي قالته لاخوها حمد بس هو لازم مايقلل من قيمة جود ويعتبر انها اقل منه واذا كان يحبها فلازم يحاول انها تكون من نصيبه...

************************************************** ***

الفصل الثالث.......................

كان يبي يكلمها .لازم يكلمها دق عليها..

ومن شافت اسمه((حبيب الروح)).ردت عليه..

اصايل/ هلا وغلا بحبيبي..

تركي/ هلا فيك..اخبارك...

اصايل/ الحمد الله..عساك بخير يالغالي؟!.

تركي/ الحمد الله..

اصايل حست ان فيه شيء وواضح من صوته../تركي ياقلبي شفيك..

تركي/الاصيله ابي اقولك على شيء..

اصايل/ قول..

تركي/ ياحبيبتي كل الي انخطبوا بعدنا تزوجوا قبلنا وجابوا عيال والا حريمهم حوامل..وانا الى الحين..خلينا نقدم زواجنا شوي..

اصايل حست بكلامه وحست بالي في قلبه بس هي ماتبي هالشيء الحين./تركي حبيبي صدقني حاسه فيك واني نفسي ابي هالشيء ابي نكون مع عض وابي نجيب عيال مثلهم بس ياحبيبي الي صبرك الي فات يصبرك هالعشرة شهور..

تركي/ ومن قلها هالعشرة شهور..

اصايل/ ادري انها طويله بس يله ياحبيبي خلني بس اخلص جامعه هالسنه ونتزوج..

تركي/ يعني مافي امل..

اصايل/ لاتقول كذا ياقلبي..سكتوا شوي..

اصايل/ حبيبي زعلان؟!.,

تركي/ مو زعلان بس متضايق شوي...

اصايل/ لا يالغالي لا تضايق بعدين صدقني هالشهور بتمر بسرعه ومارح نحس فيها وبطولها..

تركي/ خلاص مو متضايق..

اصايل/اكيد ياتركي....

تركي/ايه اكيد ياقلب تركي انتي..

وجلسوا يسولفون شوي وبعدها صكر تركي..



شاف حنان جايتله..

تركي/ هلا بالي كارهه زوجها..

حنان/ حرام عليك مو اكرهه بس والله مادري شفيني احس بضيقه ولوعه لاشفته..بس المهم قولي جبت الشوكلت الي وصيتك فيها..

تركي/ايه يالمشفوحه خذيها شوفيها على الطاوله..والله راحم نواف الي صاير مضحكه بهالبيت هذا وانتي بالثالث وكذا مسويه اجل بعدين شبتسوين بتطردينه من البيت كله..

وهي ولاكانها تسمع شيء فتحت الكيس وبدت تاكل من هالشوكلت وتركي يضحك عليها..

************************************************** ******

رن جواله هذا نايف شيبي..

سعود/نعم يانايف...

نايف/ افا شفيك زعلت..

سعود/شتبي؟.,

نايف/ سعود ليش تكلمني كذا شفيك شصاير...

سعود/ لا والله وتسال بعد شصاير...انت ليش ماقلتلي عن محمد..انا بالاول كنت ساكت عنه صح انا كلنا ندخن بس هو الوحيد يشيش وهو الوحيد الي مخلي الشباب يلعبون بالقمار وهو الي يشرب خمر من الكل..كل ههذا وسكت لاكن انها توصل يصير يروج مخدرات ومعنا يجلس وياكل لا والف لا بعد...

نايف/سعود انت تعرف ان محمد ماله علاقه فيك وفينا وهو اساسا مو من الشله هو صديق ياسر ويجي معه وانت تدري اننا مانقدر نطرده ونقوله لايجي الشقه لان ياسر يدفع بالايجار مثله مثلنا ومن حقه يجيب الي يبيه....

سعود / اذا على الثلاث الاف الي يدفعها انا مستعد ادفعها بداله بس يطلع هو وخويه محمد..

نايف / خلاص ولايهمك انا بقوله اليوم يدق عليه وبكلمه.بس اسمع اليوم تعال الشقه..

سعود/لا اعذرني مابي اجي وهم موجودين..

نايف/ طيب لاتجي تسهر بس تعالني انا ابيك وتعال قبل لايجون الشباب عشان تروح قبل بعد مايجون انا ابيك بسالفه..

سعود/ مادام كذا خلاص بجي ..

نايف/ خلاص تعال الساعه 7ونص الشباب مايجون الا عقب العشاء. ..

سعود / اوكي يله مع السلامه...

************************************************** ******

كانت جالسه قريب المغرب هي واختها...

جود/ ايمان متى بترجعين اليوم من دوامك..

ايمان /اليوم برجع بدريي بروح الساعه 7ونص وبرجع الساعه 12ونص..

جود/ زين شرايك نروح نتمشى باي مكان المهم نطلع..

ايمان /صادقه من زمان ماطلعنا وين تبين تروحين؟!.

جود /ماتفرق معي..المهم اطلع واشوف الناس مع ان الوقت بيكون متاخر بس يله شرايك نروح المملكه منها نتسوق ومنها نتعشى هناك..؟.

ايمان الي حست ان جود بتزعل من كلامها الي بتقوله / لاصعبه شبيقولون الناس عنا بنات والساعه 1 بالليل طالعين للسوق ولحالهم شبيقولون ياجود اجليها وقت ثاني.؟.!.



جود ودموعها بعيونها / خليهم يتكلمون ويقولون الي يقولونه ماهمني كلامهم ولابيهمني ليش نحسب لكلام الناس الي مايرحمون احد..بيتكلمون عشانا بنرح للسوق وبنروح نتعشى الساعه وحده اشفيها يعني عشانا لحالنا الله كتب لنا هالشيء نعيش طول حياتنا على رحمة هالناس ماعندنا احد يعني شنسوي نروح نسوي اعلان بالشارع نبي رجال للايجار يروح معنا السوق ولا المطعم ولا السبرماركت عشان الناس ماتتكلم شنسوي ياايمان .هم يتكلمون سواء طلعنا ولا قعدنا ببيتنا اذا قعدنا قالوا عندهم شيء ببيتهم والا مسوين لهم شيء ماعندهم اهل عادي الي يبونه يسونه.وان خرجنا قالوا فالتين لان ماعندهم اهل..الناس همهم بس يتكلمون علي وعليك بس ماراحوا يتكلمون على ابوي الي مايزورنا ولاعلى امي الي ناسيتنا..بس همهم انا وانتي انتي ينقدون لانك دكتوره ويسبون ويظنون السوء بسبب رجعاتك باخر الليل وهالشيء معروف ان الدكتوره تصير دواماتها بالليل متاخره بس هم مايفكرون الا بالسيء وانا بنت صغيره ولحالها لا اب ولا اخ محد يراقبها ويشوف تصرفاتها مايندرى شحالها كل شيء يفكرون فيه سيء ويحقلهم اذا كان هالتفكير هو الي يفكر فيه اخوان واخوات ابوي الي حتى معرفه مااعرفهم...ايمان الناس ماراح تسكت لين نموت فلاتعذبين نفسك وتعذبيني بسببهم واحنا الي بالنسبه لهم اخر همومهم...

قامت جود وتركت ايمان الي اكثر وحده تعذبت من كلام الناس.وخصوصا لان عمرها يعدي وهي الى الان ماتزوجت اه ياربي مالي غيرك اشكيله الحمد الله على كل شيء..جهزت نفسها وطلعت مع السواق للمستشفى مع انه لسع الوقت عن دوامها الى انها ماتقدر تقعد بالبيت وهي تسمع كلام وصياح جود... جود اختها الي من وعت من الدنيا وهي محرومه من الام والاب ..يارب لاتخليها لحالها بهالدنيا...

************************************************** ******

دخل ولقى اخته مهمومه وسرحانه هو من ذاك اليوم الي صار بينهم النقاش الحاد ماحاول يكلمها بس هو مو هاينه عليه يشوفها والدمعه تحاول تطلع من عيونها..كانت سرحانه ومو منتبهه له..قرب منها وجلس قبالها ومسك ايدها..

حمد / شفيك ياساره..

ساره ومن دون أي مقدمات رمت نفسها بحظنه وهي تصيح..

ساره وهي الى الان بحظنه/حمد تزوج جود..جود محتاجتلك..

حمد الي انصدم من كلام اخته وتذكر نقاشه مع امه قبل امس..



حمد/يمه انا صار عمري 25و ابي اتزوج..

ام حمد/ هاذي الساعه المباركه وعروستك جاهزه...

حمد / لايمه انا ماقلت ابي اتزوج الا وانا محدد مين باخذ..

ام محمد قاطعته/ياوليدي بنت عمر صديق ابوك شحلاتها بنت اصل وفصل وعايله محترمه لها مستواها الاجتماعي وزياده عن كذا هي حلوه ودلوعه وصغيره بعد تناسبك شقلت..

حمد الي حس ان الي بيقوله لامه صار صعب بما ان امه محدده عروسته وكل الي قالته بالبنت مو عاجبه./يمه انتي شكلك ماسمعتي الي قلته..يمه انا محدد الي باخذها..

ام حمد / والله ياوليدي انا نفسي بهالبنت بس يالله عشانك نتنازل عنها بس قولي الي تبيها بنت مين ومن ابوها وش يشتغل وامها مين..

حمد وحس ان امه زادت تعقيد الموضوع/يمه انا بتزوج البنت ولا ابوها وامها..

ام حمد حست ان بالموضوع شيء/لا يعني انت تعرف مكانتنا بالمجتمع ومو من لمعقوله انك ولدي الوحيد وازوجك بنت ابوها عادي ماله اهميه تاجر ولامهندس لا..

حمد وهو خايف من الي بيجيه/انا بتزوج وحده ابوها وامها مطلقين..يوم شاف هدوء وسكوت امه كمل...هي عايشه مع جدتها وابوها تراه يعتبر من التجار المعروفين بالرياض والمشهورين وله محلات معروفه بعد..والي متزوجته امها بعد له مكانته ويعرفه ابوي..شقلتي..

ام حمد باستهتار/يمه حمد مو رايقه للعبك واستهبالك اطلع عني مو فاضيه..

حمد/بس يمه انا ماستهبل انا اتكلم من جد وانا ابي هالبنت..

ام حمد الي عصبت/ حمد ان كان هذا جدك فانا مو موافقه عليه واطلع عني وشيل هالفكره من راسك عشان ماتعشعش فيه وتتعذب انت لانها مستحيل تتحقق حتى بالاحلام فاهم ويله لو سمحت اطلع انا مشغوله..

حمد /بس يمه..

ام حمد اشرتله بيده/ولا كلمه مابي نتكلم او حتى تعيد هالنقاش مره ثانيه..

رجع للواقع .على صياح اخته الي زاد.....



حمد يحس دموعه بتنزل.../ ساره حاولت وكلمتها بس رفضت..

ساره رفعت راسها ووجهها كان محمر من كثر مابكت هي مو قادره تسوي لجود شيء وخصوصا يوم كلمتها جود قبل شوي وهي تبكي وتشكيلها ظلم الحياه..ناظرت بحمد نظرة الم وراحت تركض لغرفتها حمد كان يبي يناديها بس عجز ...

دق على فيصل صديقه وتواعدوا بكفي وطلع.......



حمد/ قولي شاسوي يافيصل...

فيصل / والله ياحمد مادري شاقولك البنت ماتستاهل نظرة الناس لها.وعلى حد قول ام غلا عنها فهي طيبه وحبوبه وحليله..وانت اختار بين اثنين...

حمد / وش.؟!.

فيصل/ يانك تستسلم لكلام امك وتنهي حلمك قبل يكبر عشان ماتتعذب..او..

حمد / او ايش؟!,

فيصل / او انك تضحي بكل شيء عشان حلمك وتواجه امك بانك ماتبي تتزوج غيرها وتحاول تقنعها بهالشيء حتى لو زعلت شوي مصيرها ترضى بس الاهم ماتبني حياتك الجديده بغضبها لازم توافق وبعدين تخطب البنيه...

حمد سرح بافكاره وتخيل كل الحالتين الي قالها فيصل....

(طبعا حمد وفيصل اصدقاء من ايام طفولتهم وكبروا وهم اصدقاء ..فيصل اول شيء ماعرف مين جود الي يقصدها ..بس لما قاله حمد بعض تفاصيل حياتها ووين ساكنه وبنت مين عرفها وقال لحمد انها تصير اخت زوجة ولد عمه )...

************************************************** ******

في مكان من الرياض..

سعد يكلم خويه../اليوم ان شاء الله بنداهم واليوم على ماوصلنا انهم بيطلعون المخدرات وبيودونها لاستراحه وهناك بيخلونها الى بكره وبكره بيصير التوزيع طبعا الي بيستلمون البضاعه حنا مسكناهم وياسر ومحمد مايدرون عن هالشيء واليوم الا الحين بنروح نراقب لانهم الاكيد بيطلعون الساعه 8 ..

مبارك / الله يوفقنا ونمسكهم هالمره.......

سعد / ان شاء الله...

************************************************** ***