آخر 10 مشاركات
فوق رُبى الحب *مميزة ومكتملة* (الكاتـب : AyahAhmed - )           »          طوق نجاة (4) .. سلسلة حكايا القلوب (الكاتـب : سلافه الشرقاوي - )           »          لتتوقف الثلوج.....فانظري لعيناي و قولي أحبك "مكتملة" (الكاتـب : smile rania - )           »          جدران دافئة (2) .. سلسلة مشاعر صادقة (الكاتـب : كلبهار - )           »          زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          المز الغامض بسلامته - قلوب أحلام زائرة - للكاتبة Nor BLack *كاملة&الروابط* (الكاتـب : Nor BLack - )           »          مابين الحب والعقاب (6)للرائعة: مورا أسامة *إعادة تنزيل من المقدمة إلى ف5* (الكاتـب : قلوب أحلام - )           »          واثق الخطى ملكاً فى قلبي *مميزة و مكتملة * (الكاتـب : حياتى هى خواتى - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          رغبات حائرة (168) للكاتبة Heidi Rice .. كاملة مع الروابط (الكاتـب : nagwa_ahmed5 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 15-12-13, 10:09 AM   #1

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
Rewitysmile25 عليك قلبي من حرقة الشوق خفاق للكاتبه /عيونك دنــــــــــــــياي (مكتملة )







بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

أعضاء روايتي الغالين يسعدني أن أنقل لكم رواية

( عليك قلبي من حرقة الشوق خفاق.. )

للكاتبه /عيونك دنــــــــــــــياي





قراءه ممتعه للجميع ...



ندى تدى likes this.

فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-12-13, 10:12 AM   #2

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


عليك قلبي من حرقة الشوق خفاق..

للكاتبه عيونك دنــــــــــــــياي



هذي أول رواية اكتبها أتمنى أنها تعجبكم.كتبتها من أحساس بقلبي للحب وللمشاعر إلي قبله ..والمشاعر إلي تخالطه . وهم المشاعر إلي تتبعه من شوق وعذاب ولقاء وفراق وحزن وفرح المشاعر كثيرة في الحب ..لكن من إلي يصفى له هالحب بمباركة الدنيا له .ومن إلي راح يتحداها عشان يكمل حبه سواء بمباركتها أو لا ..الحب شي عظيم يخلد في النفس ..يتكون بالقلب ..تهب له المشاعر بفزعه مع القلب إلي مو محتمل هالشي لحاله.. تتفق الأفكار باتفاقية عدم التفكير في سواه ..وترسل العيون كلام اللسان إلي يتردد باسم الحب لكل إلي حوليها ..إحساس لايوصف وأمنيات في الخيال!!!!!!!

هــــــــــــــــــــــــ ل جربتم الحب؟؟؟؟؟؟؟؟؟؟؟؟؟؟؟؟؟؟؟؟؟

هـــــل جربتم الإحساس إلي نعيش فيه مع كل لحظه من هالحب ؟؟؟

هل جربتم الـــــــــــــــــــــــ ـــــــــــشـــــــــــــ ـــــــــــــــــــــــــ ـــــــــــــــوق؟؟وحرقته ؟؟؟؟؟؟

حرقة شوق القلب هي عنوان هالروايه ..............إلي أتمنى تقرونها وتردون علي فيها برأيكم




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-12-13, 10:14 AM   #3

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




..عليك قلبي من حرقة الـــشوق خفاق..


(عايلة محمد بن عبدالله الله يرحمه)

أم نواف : بدريه عانت بحياتها كثير طيبه وحبوبه

بعد وفاة أبوها جابت أخوها تركي وأختها هنادي

يعيشون معها بالبيت..

نواف26سنه:الاخو الكبير إنسان طيب وسيم بجنان شخصيته

متوازنة الكل يحبه بس للأسف صار له حادث قبل سنتين

ونجى منه بس باعاقه مؤقتة مايقدر يمشي فتحطمت

أماله وانعزل عن الناس ..

سعود24 سنه:إنسان مرح متهور شوي خفيف دم يحب

حركات نص الكم ومع ذلك فهو أخلاق والكل يمدحه..

البندري20سنه: إنسانه حساسة راضعه مع خالتها هنادي

مرحه ومرحها ماخذتها من اصايل صديقتها إلي بنذكرها بعد شوي..

************************************************



(عايلة بدريه ومريم حريم الأخوان)

أم نواف بدريه :ذكرنها...

أم راكان مريم :لها ولدين بس بينهم اختلاف كبير بالاعمار بسب أنها

جابت الأول وتعبت وما كان في أمل تحمل وبعد 9 سنوات من الله عليها

وحملت وجابت بنت .

تركي23سنه:مع انه تحمل الهم من هو صغير إلا إن هالشي مااثر على شخصيته المرحه إنسان خفيف دم ومرح لأبعد الحدود حلو وجذاب كلامه حلو وما ينمل ..هنادي21سنه:راضعه مع البندري بنت أختها أم نواف إنسانه هاديه

ماتحب الشر والاذيه وتسمع كلام أختها أم نواف بأي قرار تبي تتخذه

***********************************************



(عايلة راشد بن عبدالله )

راشد:الأب بعد وفاة أخوانه محمد وعبدالعزيز كانت المسؤليه عليه

كبيره تولى الشغل الين ماسوى الشركة واهتم بعيال أخوانه وخصوصا

البندري وحنان.

أم فيصل:نوره ماعندها إلا خلود وفيصل خلود رضعتها مع اصايل بسبب

سفر أم اصايل للعمرة وتركت بنتها عند أم فيصل...

فيصل25 سنه:صديق تركي الروح بالروح ونفس صفات تركي له

يطبق مقولة (قولي من صديقك أقول لك من أنت)هه

خلود20سنه :إنسانه منعزلة شوي عن البنات إلي بسنها بالعايله مو غرور

لكن طبع ..

امه حصه: هذي الجده للعايله وكاي جده ضو للبيت وراحه تتنقل بين بيوت

عيالها الثلاثه تحب تنغز شوي ومع كل هذا فمثل ماقلت ضو للبيت ووناسه ولها

فقده ..(الله لايحرمكم من جداتكم)..



***************



(عايلة عبد العزيز بن عبدالله الله يرحمه)

أم راكان:مريم تكلمنا عنها ....

راكان28سنه:اكبر الشباب متزوج وحده اسمها دلال شافها لما كانت رايحه

مع اختها ايمان لمؤتمر طبي وكان هو في دوره تتطلب منه بحث في هذا المؤتمر اعجبته فسال عنها وعرف اهلها واول ماخلص دورته رد وخطبها....

.طبعا هو يدرس بأمريكا من هو بالثانوي فاثر هالشي على أفكاره شوي...

حنان19سنه:إنسانه تفوق الوصف هاديه حساسة ناعمة تتميز بجمال أخاذ

طبعا في فرق كبير بينها وبين أخوها فعلاقتها مو ذاك الزود لأنها من كبرت

وهي ماتشوفه بسب سفره للدراسة وهو مايطيق الدلع إلي محوطتها أمها

فيه بسب أنها الوحيدة إلي معها بالبيت ووصيت زوجها...



************************************************



( عايلة عبدالرحمن ولد عم الأخوان المذكورين)

عبدالرحمن: أب مثالي مايحب يتدخل بالخصوصيات إلي تخص عياله

كأي أب يحب عياله بس يخص اصايل بالغلاة وبتعرفون مع الروايه أنها

تستاهل هالغلاة...

أم طلال :عايشه إنسانه رائعة ربت بناتها أحسن تربيه وحلمها إلي مو

قادرة تتنازل عنه الحين هو تزويج ولدها...(وهذي سالفة كل أم )

طلال27 سنه:إنسان حنون يحن على أخته اصايل كثير وجالس

يستنى الفرج من حلم أمه بتزويجه...

نوره26 سنه:متزوجة من ولد خالتها خالد وعندها ولد اسمه مشعل ساكنه

بالشرقية وتجي كل فتره تزور أمها وأهلها حبوبه وطيبه

اصايل20 سنه: ملح هالعايله وحلاوتها إنسانه تجمع بشخصيتها الحب

والحساسية وخفة الدم والفرح ماينمل منها تجيب السعادة معها أخلاق

بالغصب تحببك فيها يدلعونها الأصيل والاصيله أكثر من أنهم ينادونها

باسمها ماعندها حدود في الحياة غريبة بعض الأحيان ومافي بقاموسها

كلمة لا أو كلمة صعب..(تعجبني هالشخصيه)...



***********************************************

@هاذي أخر عايله وهي مكونه من 3 أشخاص أو بمعنى اصح 3 بنات

تحملوا العذاب والشتات بسبب انفصال أبوهم عن أمهم هالانفصال إلي عقدهم

واثر على شخصياتهم وتصرفاتهم @..

إيمان 26 سنه:الأخت الكبيرة إنسانه كان لها حلم وتحطم فقررت دراسة الطب

والابتعاد عن هالحلم إلي نسته تشتغل بالطوارئ طبيبه عامه أبدعت بالشغل

فصارت تشتغل بمستشفيين واحد طبيبة طوارئ أطفال والثاني طبيبه عامه

للطوارئ وكانت تشاركها صديقتها إلي كانت بنفس الإبداع ومعها بنفس

المستشفيين ومعها بنفس سفرات المؤتمرات..

دلال22سنه :متزوجة راكان بنت دلوعة شوي اثر فيها الطلاق بين أبوها

وأمها وخلى فيها فكرة الخوف من الطلاق وإنها لازم ماتتطلق فعشان كذا

لازم تبعده عن أهله عشان يفضالها وما يفكر يروح لغيرها...$لاتلومونها $

جود 17 سنه:اصغر بنات العايله لأنها أكثر وحده اثر فيها هالطلاق

ماتعترف بوجود أم لها وأب وكل من سألها قالت مــــــاتــــــوا جرحها وحاجتها

لام ولأب كبيره بس تحاول تتجاوزها ..(كاسره خاطري)


^^هاذول الأبطال إلي راح يكونون معكم بهالروايه والباقين راح تعرفونهم بعدين^^^وراح يكون في بداية كل جزء رسالة من احد هالا فراد انتظروها..



************************************************** *





..عليك قلبي من حرقة الـــشوق خفاق..



#%$&الجزء الاول &$%#
**عندما يشاء القدر لنلتقي ببعض الأشخاص ولأول مره نراهم ونحس بعدها بشعور غريب يقتحم قلوبنا يبدأ بإعجاب وتفكير طويل وينتهي نهاية رائعة كيف لا أقول ذلك ونهايته.........؟؟

((فيصل))

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^



أم نواف تكلم أختها أم راكان إلي جايتها ..

بدريه/ طمنيني على راكان من زمان عنه يامريم إن شاء الله مبسوط مع مرته؟

أم راكان/ الحمدلله اليوم مكلمني هو وزوجته بخير.

بدريه/ ومتى بيرجع له الحين شهر وشوي.؟

أم راكان/ الظاهر مو راجع..

أم نواف مستغربه/ ليش؟؟؟

أم راكان /هو عنده دوره بعد 10 أيام في هولندا ويقول مو محرزه هالايام انه يجي وبعدين يرد لدورته ..

أم نواف/ غريبة دلال ماحنت لهلها وحنت عليه يرجعون تشوف اهلها..

ام راكان بحسره/ أي اهل امها وابوها كل واحد مشغول بدنيته هم مع جدتهم موضي هي واخواتها

هي ماصدقت تطلع لحياتها تقوليلها ارجعي!!

ام نواف/ اييه بس والله ماشاء الله عليها ايمان اخلاق وادب وجمال بس الحق ينقال دلال احلى

ام راكان/ اذا تبين الصدق ياختي هي صدق حلوه بس فيها شوية صفات ماعجبتني بس هذا ذوق

راكان وانا مالي خص ..

ام نواف/ اهم شي ادعيلهم ان الله يوفقهم بس متى تنتهي دورته؟

ام راكان/ والله مادري

ام نواف/ الله يرجعهم بالسلامه ويفرح عيونك فيه وفي حنان بعد..

ام راكان بابتسامه حلوه/ امييييييييييييين الله يسمع منك..



************************************************** *******



في غرفته كان جالس لحاله كالعاده يناظر من الشباك الكبير الي بغرفته يشوف الحديقه الي تحت نفسه يخرج ويروح ويجي مثل قبل بس مايقدر انحكم عليه يتم مشلول بعد الحادث الي سواه قبل سنتين ومن

ذاك الوقت وهو جالس بهالجناح بسبب اعاقته ........اندق الباب وانفتح وكان الي جاي تركي(خاله)



نواف/ هلا تركي حياك تفضل

تركي إلي كان واقف عند الباب/أولا قول خالي تركي وإلا ماتعرف تقولها؟؟؟

نواف بتطنيش/الشيخ أستريح بس ولا يكثر اصغر مني وتبيني أقولك ياخال

تركي/ بنمشها لك هالمره بس عشاني أبيك بشغله ..

نواف بحزن واضح/ تبي مني أساعدك . شتبي من واحد مشلول مايقدر....

قاطعه تركي/نواف الشلل مو معناة أن الحياة انتهت كثير مشلولين مارسوا حياتهم عادي وسووا أشياء ماسووها الطبيعيين .بعدين احمد ربك إن إعاقتك برجلك بس ..مو بالعامود الفقري ولا بالجسم كله..

نواف يناظر بالأرض وبحرقه/ تركي أنت ماتعرف إحساس انك تفقد قدرتك على المشي!.



تركي جلس عند رجول نواف ورفع رأس نواف/ اعرف انه إحساس صعب بس تقدر تتغلب عليه وأنا أبيك تساعدني وإلا بخلان ؟؟؟.......

نواف بابتسامه هاديه/ أمر وش بغيت؟

تركي/ أبيك تخرج معي نشم هوى ياخوي ...

نواف صد عن تركي وهو يمشي بالكرسي بيروح للشباك/ أسف بس أنت عارف رأيي بهالموضوع..

تركي وهو معصب شوي/ ياخي لك سنتين وأنت جالس بهالغرفه مامليت؟

ماحسيت بأمك إلي مناها تشوفك راجع نواف الأولي ؟؟

نواف / نواف الأولي راح لما صار له الحادث وصار معاق مشلول



تركي/ردينا على طير يالي ورجع يقولي مشلول ومعاق ياخي هالأعاقه إلي مسببه لك هالازمه مؤقته مو دائمة وأنت من دريت بإعاقتك مارضيت تروح ولاجلسه إلا الجلسة الأولى ومن تعبت فيها ماعد رحت لازم تتعب عشان تقدر تمشي

نواف/ تركي أنا ادري إني ماراح امشي مره ثانيه ولا ادري سبب إصرارك إني أتعالج لكن أنا بطلع عك هالمره لأني أحس إني مختنق..

تركي والابتسامة ماليه وجهه/ تتكلم من جد ؟ (هز نواف راسه ) يله اجل أنا بطلع غير ملابسك وبأخذك على أحلى طلعه طلعتها بحياتك.. وطلع



نواف ناظر بالمرايه يمكن هو تسرع انه وافق انه يطلع مع تركي لأنه إذا بيطلع لازم يتحمل كلام الناس إلي فيه شفقه له وهو مايحب هالشيء بس ليش يفكر بتشاؤم هو بيطلع وبيتحمل كلام الناس لأنه تعب من هالحكره طلع له ملابس وغير ملابسه وتكشخ وتعطر حس انه إنسان جديد ابتسم لنفسه بعد ماشاف نفسه بالمرايه وطلع من غرفته وطلع من جناحه واستغرب من إلي شافه

لقى أمه وخالته مريم وهنادي وتركي والبندري

ومن شافته أمه بكت أما البندري فركضت له تضمه



قربت أمه منه ..

نواف/ يمه ليش هالدموع؟؟

أم نواف/ ياوليدي لي سنتين ماشفتك تطلع من هالباب والحمد الله ان تركي قدر يقنعك هالمره..

البندري/ من جد يالغالي فرحت لك انك قررت تطلع من عزلتك.

هنادي /الحمدالله يالغالي تسلم شوف كيف فرحت قلوبنا بهالطلعه

تركي يبتسم بغرور/ اقناعي واسلوبي هو الي خلاه يطلع اشكروني ...



نواف يناظر تركي بابتسامة غرور كبيره/ لاتمدح نفسك ويله ننزل لا اغير رايي

تركي بخوف/ تسويها عاد انت يله بسرعه

جلس نواف يضحك عليه ونزلو ولاول مره راح يطلع نواف من البيت..



************************************************** ************

في بيت عبد العزيز بن عبد الله



حنان/ صدق يمه قولي والله ان نواف طلع.

ام راكان/ ايه يابنتي طلع خالك مانزل الا وياه ولو شفتي فرحت خالتك فيه الحمدالله على كل شي..

حنان/ ياه يايمه من صارله الحادث ما شفناه .

ام راكان/ مو من السهل الواحد يصير مايقدرانه يمشي

حنان/ الله يرحمه عمي هو وابوي من كان نواف صغير وهو يقول ان نواف مافي مثله من هو صغير وهو رجال يحترم الي حوله ويقدرهم كان امنيته عمي يشوفه رجال بس الله ماراد توفى حتى قبل ماتولد خالتي بدريه بالبندري..

ام راكان / الله يرحمه حتى ابوك مات وهو نفسه يشوفك كبيره وبيوم عرسك.له 8 سنين متوفي وللحين قلبي بينفطر من حزني عليه ..بس انت يشدراك بنواف وهوصغير؟؟

حنان / راكان معلمني..من قهره ان حتى ابوي يفضل نواف عليه مع انه اصغر منه

ام راكان/ على طاري راكان تراه دق يقول انه ماراح يرجع بيكمل دورته مره وحده.

حنان / كنت متوقعه بس انتي يايمه لاتكدرين على روحك لاني انا مستانسه اليوم مررررره

ام راكان /عساه دوم هالوناسه يالغاليه خلني اروح انام لي شوي تعبانه انا ساعه وصحييني

حنان/ان شاء الله ودخلت غرفتها وحطت راسها على السرير وبدت تسرح في عالم احلامها الي بدت تحس انها راح تتحقق



اخيــــــــــــــــــــــ ـــــــرا ققرت دنياي

تفرح قلبي المغرم.

سنين مرت اتعذب..

وجاني الفرح هذا اليــــــــــــــــــــــ ـــوم..



************************************************** ***********

في بيت عبد الرحمن .. الساعه 9 ونص





طلال/ يبه ترى الشباب بيجوني الليله ويسهرون عندي

ابوطلال/ حياهم بس مين الي بيجيك

طلال/ تركي وفيصل ولد عمي راشد ومعهم نواف

ابو طلال / نواف ولد محمد..

طلال/ ايه

نوره/ ماشاء الله من زمان عنه اول كل خميس يجي يسهر معك وبعدين انقطع طلال/ المهم هو بيجي اليوم ابيك يانوره انتي وامي تسون لنا ذاك العشى السنع الي ماينشبع منه

نوره/ ابشر من عيوني ..

طلال/ تسلمين لي والله.. وطلع وقابل اصايل بالطريق ابتسم لها ابتسامه حنونه وردت له بنفس الابتسامه ودخلت الصاله على طلعت ابوها ..

اصايل/ شعندك عشى ومن عيوني سمعتكم وانا نازله من الدرج شفيه؟؟؟

نوره/ شدخلك يالملقوفه سالفه بيني وبين اخوي.

اصايل/ لا والله من بيجي ..

نوره تستهبل تبي تقهرها/ محد جاي لاتلقفين اخوي يبيني اسويله عشى صدق القافه عرق فيك

اصايل / اف منك متى تروحين لرجلك وتفكينا

نوره تضحك على شكل اختها/ خلني اقوم عنك مالت عليك وعلى سوالفك اروح اسوي العشى ابرك وطلعت ..



فتحت اصايل جوالها بتدق على البندري لقت مكالمتين من البندري فقررت تصلي العشى وبعدين تكلمها وتطلع للحديقه زي العاده..دقت وشوي وردت البندري عليها..

البندري/ هلا يالبطه وينك ادق من اليوم وماتردين نايمه

اصايل / يمه منك يالبندوره الحين دقيتي مرتين وقلتي ادق من اليوم اجل لو خمس مرات شقلتي اكيد بتقولين لي شهر وانا ادق عليك..

البندري/ ههه عن السخافه شكلك مروقه اليوم

اصايل/ والله انا دوم مروقه مو مثلك وبعدين الجو خيال تعالي اليوم اسهري عندي بنجلس بالحديقه.

البندري/ الله وناسه حمستيني بكره خميس بجي واسهر عنك واتعشى بعد بس مو هذا الي داقه عشانه

اصايل/ ليش داقه شالجديد؟

البندري/ مادريتي؟؟؟؟؟

اصايل/ لا بس على ايدك بادري..

البندري قالتلها ان اخوها نواف طلع اليوم مع تركي من العصر وللحين مارجعوا

اصايل/ الحمد الله الله مايخلي حد بهالدنيا بس اما هالتركي خالكم شي

البندري بثقه/ اكيد مو خالي لازم يكون شي مهم

اصايل / مالت عليك انتي وخالك



(((عند الشباب الي ببيت طلال)))

دق جوال تركي .............



تركي/ عن إذنكم بكلم وارجع طلال تسمحلي

طلال/ البيت بيتك تفضل

طلع تركي يكلم صاحبه ابراهيم

تركي / هلا ابراهيم هاشسويت بالي قلتلك عليه..

ابراهيم/ والله شفته وعرفت اسامي الي معه وسالت عنهم

تركي/ وها كيفهم؟وعيال من؟؟؟

ابراهيم/ والله ياتركي الي يماشيهم ناس عاديين مامنهم خوف لكن في كم واحد كذا مخوفيني ما ارتحتلهم احس وراهم مصايب وبلاوي كبيره وانت تعرف احساسي مايخيب فحاول تبعده عن هالشله يكون احسن له ..

تركي كان يبي يطلع من البيت حس انه اختنق شوي ..

تركي/ طيب مشكور ياابراهيم ماتقصر يالغالي تعبناك

ابراهيم؟ لاتعب ولاشي يالغالي ويله اشوفك علا خير .....



صكر تركي من إبراهيم وكان معصب شوي وخايف على سعود من هالشله مالقى يصاحب الاهم قرر يطلع لسيارته يهدي شوي ويرجع للشباب وهو مار من عند الباب سمع احد يضحك في الحديقه ضحكه من قلب التفت لمصدر الصوت.. كانت اصايل تقول للبندري سالفه وميته ضحك وصوتها عالي شوي.....................تركي انغاض بحكم قرابته لهم هو مايدري هذي نوره ولااصايل بس شكلها صغيره اكيد اصايل ..مقهور تضحك وهي تدري ان المجلس فيه رجال صحيح الحديقه بعيده شوي والي بالمجلس مايشوف الي بالحديقه بس الحديقه قريبه من الباب والي طالع بيشوف الي بالحديقه لازم ينبها تدخل تجرىء شوي لف عليها ..



تركي تنحنح لين التفتت له / الشيخه قصري صوتك المجلس مليان رجــال وادخلي عن الفضايح جالسه عند باب الشارع...

اصايل بغت تموت من الفشله مانتبهت له الالما تنحنح نست البندري على الجوال بعد ماستوعبت دخلت البيت من الباب الي يودي المطبخ الي في الحديقه لقت اختها والشغاله في المطبخ صارخت على نوره/ انتي ليش ماقلتيلي ان بيجون رجال؟؟

نوره/ عساك قابلتيهم..

اصايل تحاول تهدي نفسها/ لا بس سمعت صوت احد يتكلم بيطلع برى للشارع ومره ثانيه قولولي عشان ماارز وجهي تقل بقره بالحديقه ..

نوره بشك وبنظرات مكر/ الاصيل متاكده ماقابلتي احد؟!

اصايل تحاول تبري نفسها/ ايه ليش مو مصدقه.....

وطلعت غرفتها وتذكرت البندري دقت عليها وعلمتها بالي صار لها وكانت امنيتها تعرف هذا مين تركي ولاسعود اويمكن واحد من زملا اخوها

البندري عرفت انه خالها تركي لان نواف اكيد بتعرفه وفيصل يصير اخوها ومستحيل يكون من زملاء طلال لانه ماراح يتجرا ويكلمها اكيد تركي بس ماراح تقولها..



طلع تركي لسيارته وهو ندمان انا مالي خص فيها ليش قلتلها هالكلام ..هذي اكيد اصايل بس انا كنت معصب من الاساس وشفتها اكملت ياربي صورتها ما راحت من عيوني حلوها وماشاء الله شعرها طويل وبصراحه تفتن ..هي هي انا شقاعد اخربط هذي اخت طلال عيب الي اسويه.. ضحك من خاطره لما تذكر كيف كان شكل اصايل لما كلمها ...



هدت أعصابه فرجع للرجال بالمجلس وتعشى هو ونواف وطلعوا وهم بالسياره كان لازم يكلم نواف .بموضوع سعود.......

تركي/ هالغالي استانست؟..

نواف/ من زمان ياتركي ماطلعت واليوم احس اني انسان مثلي مثلهم ..

تركي/هههههههههههههههه ليش بالاول كنت حيوان ولانبات..

نواف /هههه لا والله من جد بالاول كنت احس انه مالي حق اطلع من البيت لاني مشلول بس اليوم حسيت انه لازم اطله واشم هوى واستانس بحياتي..

تركي بجديه/نواف اهلك محتاجينك ومو معناة انك ماتمشي فهم مستغنين عنك او انك ماتقدر تفيدهم لا..

نواف باستغراب/ ليش فيه شي ماعرفه وانت تعرفه عن البندري؟؟؟

تركي/ لا الغالي البندري ماينخاف عليها وبعدين ليش انت شاك فيها؟؟

نواف/ لا مو شاك ومستحيل اشك فيها لاكن انت تعرف ان البندري حساسه واكثر وحده فاقده للحنان لانها بنت ام حنى رجال نستحمل فقلت يمكن شاكيتلك ؟

تركي / لا لا مو البندري سعود!!!

نواف/ سعود.....شفيه؟

تركي/ تعرف يانواف ان اخوك متهور ومع ذلك عل نياته هو مصاحبله شله مو فاسده لا الحمدالله كلهم طيبين بس في كم واحد كذا ينخاف منهم ومايندرى وش وراهم واخاف سعود يتاثرمنهم

نواف/ والمطلوب مني امنعه يطلع مع هالشله..ماراح يسمعلي لاني مادري شاقولك

تركي/ مو تمنعه يانواف انت بمقام ابوه الله يرحمه كلمه بهدوء وحذره من انه يماشيهم بالهداوه بيقتنع

نواف/ يصير خير يله منت نازل للبيت.

تركي/ لا الغالي بروح ابيلي كمن غرض بجيبه واجي

نواف/ خلاص فمان الله

تركي/ فمان الكريم..



************************************************** ************************************************** ************************

في بيت راشد بن عبدالله





الجده حصه جالسه كالعاده في الصاله تقلب بالراديو حقها دخل عليها فيصل..

فيصل الي يعرف طبع جدته انها تحب الي يسلم يسلم سلام كامل والا ماراح ينجى من لسانها/ السلام عليكم ورحمة الله وبركاته يايمه حصه..

الجده تبتسم له/ وعليكم السلام ورحمة الله وبركاته

فيصل/ ليش يالغاليه جالسه لحالك؟

الجده/ كلن مشغول بحاله وحتى انا مشغوله قاعده اسمع اخبارالعالم الي من حولنا..

فيصل/ههههههههههه حلوه ياقميل مثقف بعد ماقدر انا..

دخلت خلود وراحت لجدتها تسلم على راسها/ سلام .

فيصل في نفسه(هين مستحيل تعديها العجوز ياخلود)

الجده/ وانتي يهوديه ماتعرفين تسلمين؟

خلود/ سامحيني يمه حصه ولايهمك معد اعيدها بس هذا اختصار..

الجده/اختصار لعنبوا ابليسك حتى في السلام اختصار..مره ثانيه سلمي زين وبعدين وينك ليش ماشفتك اليوم..

خلود بابتسامه قلق من الي بيجيها/ كنت نايمه يايمه حصه

الجده/ لا اله الا الله انت عكس البشر كلهم يايمه الليل للنوم والنهار للقعده والشغل بس الشرهه

مو عليك على امك هالخبله..

هنا فيصل فطس ضحك جدته اليوم مروقه بزياده وعادتها لمن تروق تناقر خلود وتنتقل لامه

خلود تناظر فيصل وتتوعده وطلعت ودخل عليهم ابو فيصل وبعد ماسلم السلام الكامل

راح يحب راس امه هو ومرته ..

راشد/ شلونك يايمه

الجده: الحمدالله اسمع انا بكره بروح بيت محمد اخوك

راشد/ افا الغاليه ليش مو مرتاحه هنا

الجده تناظر مرة راشد/لا الي يقابلكم يرتاح

راشد/ مين زعلك اكيد فيصلوه ..

الجده/ خل عنك فيصل ماحد زعلني بس اناهنا دوم اجلس لحالي واحس ان البيت فاضي اما هناك ماشاء الله البيت مليان ..

نوره تناظر ام زوجها وباستهبال/ الا قولي انك تحبين وبدريه وتبينها

الجده تحارقها/ والله كلهم احبهم تناظر فيها تغايضها بدريه ومريم وهنادي وتركي وتناظر خلود الي دخلت حتى البندري ياحبيلها الجده حست انها تعبت لفت عليهم/ اقول تعبت وانا احارقكم لاتزعلين يام فيصل تراك غاليه بس اني احب اغايضك

فيصل جلس يضحك على جدته والكل ضحك معه

راشد/خلاص بكره الصبح يوديك فيصل لهم وانتي يانوره دقي وعلميهم

نوره ابشر الحين ادق.



************************************************** ************بيت محمد بن عبدالله



ام نواف تكلم شغالتها ميلينيا / روحي طلعي من البخور الجديد الي شريته قبل يومين وبخري غرفة امي حصه وتاكدي انها نظيفه..

ميلينيا/ حاضر ماما.

ام نواف/ ايه يمه روحي بعد للبندري وخذي من عندها المسجل الي شرته لامي حصه وخلها تحطه على اذاعة القراءن وشغلي التلفزيون على قناة المجد للقراءن خلاص يمه فهمتي تعبناك بس شنسوي هذي الغاليه امنا من ريحة الغالي..مع اني حاسه انك مو فاهمه شي

ميلينيا/ نو ماما انا م تعبانه هدي ريحة غالين انا في روه الحين اسوي الي قلتي عليه..وطلعت



البندري وهي تنزل من الدرج / مايحتاج انا شغلت التلفزيون وحطيت الراديوا على اذاعة القرءان وخليته جمب السرير ..

ام نواف/ هلا ببنيتي صاحيه بدري توها الساعه سبع.ونص

البندري/ يمه لازم اصحى بدري امي حصه اليوم بتجي ..

ام نواف/ شرايك بريحة هالعودالي ابخر فيها..

البندري/ جنان اذاخلصتي هاتي احطها فوق بغرفتي..

ام نواف/ خذيها خلصت باقي البخور الي تحبه امي حصه بتجيبه ميلينيا ببخر غرفتها فيه روحي حطيه بغرفتك..

وبعد ماحطت المبخره في غرفتها فتحت شعرها وجلست تمشطه بالفرشه وتعدله شعرها طويل لونه بني غامق وهي جالسه تدور على شباصه زينه في الدرج سمعت السياره تضرب بوري لفت على الساعه لقتها 8 بالظبط ناظرت من شباك غرفتها لقت سيارة بتدخل اكيد جدتها هاذا وقتها الي دايم تجي فيه مع عمها راشد ..

ركضت للدرج ونزلت عند الباب مشتاقه لجدتها الي لها اسبوعين ماجات بيتهم صحيح تشوفها وتقابلها لكن غير لما تكون في بيتهم ..جلست تناظر بالسياره الي كانت معطيتها العكس لان فيصل يبي يسلم عل العيال وبيروح وماكان باين للبندري الي يسوق وهي مافكرت انه فيصل لانها مو هاذي سيارته هذي السياره العاديه الي دايما يعطونها السواق ومستحيل امها حصه تركب معاه وقفت السياره ونزلت الجده حصه ومن شافتها البندري ركضت لجدتها تسلم عليها..



البندري/ شلونك يايمه عساك بخير..

الجده/ الحمدالله يالغاليه

البندري/ ولهت عليك يايمه كل هذا مابغيتي تجين..

الجده/ يمه ممداك تولهين امس انتي الليل مكلمتني

البندري/ بس اني اشوفك غير من دريت انك بتجين صحيت عشانك بدري وعشان اكون اول من سلم

تعالي معي داخل يالغاليه

دخلت الجده معها للصاله وهي طلعت تصحي سعود وتركي وهنادي كانت صاحيه ونواف قابلته يبي ينزل من اللفت الي مخصص له..

نزلت خذت المبخره وراحت للمجلس هي تحب عمها راشد كثير وهو ماقصر معا اعتبرها بنته من انولدت فحبت ترحب فيه وتهلي وهو دوم يستانس على طريقتها لما تهلي وترحب..

البندري وهي بتدخل للمجلس/ هلا والله بعمي وحبيبي هلاوالله ببوفيصل سندي بهالد.....



الي بالمجلس مو عمها راشد هذا فيصل استحت هي تقريبا بنص المجلس لا وببجامه وهالشعر مفلول فشله من جد



اما فيصل ماعرف شيسوي نزل راسه تحت وتم يناظر بالارض اماهي فحطت المبخره الي معها على الطاوله الي بالوسط ومثل الريح طلعت

قابلت نواف في الطريق

نواف/ شفيك تركضين

البندري/ لا الغالي مافيني شي

نواف/ امي اليوم بتسوي عزيمه غدا عشان امي حصه دقي على بيت عبداللرحمن وانا بقول للفيصل

وهي بدق على خالتي مريم..

البندري/ ان شاء الله ترى فيصل بالمجلس

وركضت طلعت فوق ودقت على اصايل وعلمتها الي صار عاد اصايل ماصدقت خبر وجلست تضحك عليها وتقولها أحسن عشانك ظحكتي علي لما هالطعس كلمني وعلمتها عن العزومه وصكرت

راحت فتحت دولابها وجلست نص ساعه بالعدد تدور شي تلبسه من كثر الملابس مو لاقيه طفشت ودخلت تتسبح وبعد مانتهت لبست الروب ورجعت للدولاب.. اندق باب غرفتها عرفت انها اصايل كانت لابسه جلابيه سودا وفيها من تحت نقش بالفوشي الصارخ وعلى الاكمام ومن ورى على الظهر وكانت فاتحه شعرها الاسود الطويل كان شكلها روعه دخلتها .وسلمت عليها

البندري / اصايل مو عارفه وش البس..

اصايل/ وخري خلني أشوف

وجلست تقلب بالملابس وطلعت لها جلابيه عودي واطراف اكمامها منقوش بذهبي وكانت مخصره من فوق على الجسم ومن تحت واسعه ..

البندري/ اوكي أنا بلبس هذي ممكن تطلعين وتروحين أي غرفه عشان البس ..



طلعت اصايل بعد ماقالت للبندري انها ماتتاخر كانت غرفة خال البندري قبال غرفتها اما سعود بعدها بشوي ونواف جناحه بالزاويه والزاويه الثانيه غرفة ام نواف وجمبها غرفة هنادي دخلت اصايل غرفة تركي لان مافي احد من العيال ..



الغرفه كانت حوسه شوي والمفرش نصه طايح على الارض شكله توه صاحي ..

ولفت على الكمبيوتر جلست على الكرسي شافت صوره صغيره لتركي وانصدمت........



تركي حلو مره بس موهذا الي صدمها هي الي صدمها انه هذا الي امس كلمها يالفشله....

لفت بالكرسي تحاول تستوعب شافت له صوره كبيره على الجدار لاف فيها الشماغ بالطريقه الاماراتيه اسمر شوي بس يخبل ..



جلست مفتشله من عمرها وتكلم روحها بصوت عالي تلومها المفروض تسال في احد بالمجلس ولا لا؟ جلست على السرير تغني وتناظر الصوره..

دخلت عليها البندري عرفت انها موجوده فيها لان بابها مفتوح ..

البندري/ اصايل شتسوين..

اصايل لفت على البندري وشافتها / واووو طالعه حلوه ماشاء الله لو عندي ولد كان زوجتك اياها بس ياحسره..

البندري /ههههههههههههههههه

اصايل / تدرين خالك مره حلو ..

البندري/ وانتي جالسه تناظرينه وتتاملين فيه بس لعلمك نواف اخوي احلى بكثير

اصايل/ من زمان عنه نسيت ملامحه بس بقزه اليوم وانا طالعه..

البندري/ههههههههه ماتتركين طبعك

اصايل باحراج/ ابد ابو طبيع مايترك طبعه بس تدرين من جد خالك مره رزه ويافشلتي طلع هو الي مكلمني امس..

البندري بخوف/ ادري...............

اصايل بعصبيه/ نعم نعم نعم تدرين انه هو ولا تقوليلي وانا امس اموت واعرف من هو ؟؟

البندري/ سوري بس قلت مصيرك بتعرفين ويله بس تاخرنا عليهم امشي ننزل لهم.

طلعوا من الغرفه بس الي ماكانوا يعرفونه ان تركي كان يتسبح بالحمام وكان يبي يطلع بس لما فتحت اصايل باب الغرفه وسمعها تتكلم وتغني ماحب يحرجها ويطلع وانتظر لين ماطلعوا بس طبعا سمع كلامهم وجلس يضحك على اصايل..



(((((((هذا الجزء الاول الفصل الاول))))))

[/color]


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-12-13, 10:17 AM   #4

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


الفصل الثاني..............

في الصاله....





البنات جالسين لحالهم على زاويه والحريم في الجهه الثانيه ..البنات كانوا البندري وخلود واصايل ونوره وحنان وهنادي ..

جات ام نواف عندهم

ام نواف/ البندري حبيبتي قومي روحي شوفي الخدامات جهزوا السفر ولا لا؟ واذا خلصوا قولي لنواف وتركي ييدخلونهم هم في المجلس الي برى ..

البندري/ من عيوني

اصايل/ روحي وبلحقك الحين ...

دخلت البندري للمجلس وجلست تعلم الشغالات كيف ووين يحطون الاغراض..شالت سلة الفواكه من على الطاوله بتحطها على السفره بس علقت جلابيتها برجولها فبغت تطيح وطاحت منها سلة الفواكه.. وجلست تلم الفواكه الي طاحت...



اما عند الرجال فكان فيصل يدور جواله مالقاه تذكر انه كان جالس بالمجلس يوم طلعه اخر مره

فقال لسعود يروح يجيبه له..

سعود/ ياخي روح مافي احد ادخل مع الباب الخارجي للمجلس فيصل / سعود عفيه روح

سعود/ اقول سالفه مهمه ابي اسمعها روح انت وبلى ازعاج

طلع فيصل وراح للمجلس دخل وشاف واحده تلم الفواكه شكلها مثل اصايل اخته

فيصل/ اصايل يالبطه..

رفعت راسها تبي تعرف مين وشافته هو انحرج وهي استحت بزياده لا هذي ثاني مره اشوفه وبسرعه طلعت من المجلس وتركت الفواكه..

البندري قابلت اصايل واستحت تقولها عشان ماتمسك عليها شي..فقالتلها سمعت صوت اخوك بيدخل المجلس وطلعت..

دخلت اصايل وشافت فيصل جالس يجمع الفواكه الطايحه ويحطها بالسله

اصايل من شافت شكله طلعتها من الخاطر/ههههههههههههههههههههههههه ههههههه شلونك اخت فيصل من زمان عنكي..

فيصل رفع راسه/ لا والله تطنزين انت ووجهك ويقلدها بصوتها: شلونك اخت فيصل:

اصايل قربت تسلم عليه وهي تضحك /شجايبك هنا؟؟

فيصل/ جاي اباخذ جوالي نسيته .. و واعتذريلي من البنت الي كانت هنا

اصايل بنظرة شك وخبث/ قصدك البندري يعنني ماتعرفها ليش شمسوي وتناظر فيه ؟

فيصل/ هيه هيه وش هالنظرات انتي يعني شبسويلها يله بس انا بطلع ولايكثر هرجك اعتذريلها

بعد ماطلع فيصل نادت اصايل البندري

اصايل/ لا والله الاخت تحب ولاتقول

البندري / احب مين حبتك القراده

اصايل/ يعني مين تحبين اخوي ياحظي لا وتترصدين حركاته عشان تشوفينه مرتيين يالظالمه ماكفتك الاولى وبالبجامه ولا لازم تورينه كشختك

البندري شوي وتصيح/ حرااااام عليك لا تقولين كذا وبعدين لحد يسمعك

اصايل/هههههه امزح عليك بس حبيت اجس النبض

البندري/ أي نبض انتي ووجهك يله بس خلني ادق على تركي اقوله الغدى جاهز وطلعوا وراحوا للصاله...



بعد ماتغدى الكل طلب راشد كالعاده يشوف بنات اخوانه البندري وحنان وبنته اصايل وسلم عليهم وسالهم اذا محتاجين شي ولا لا وسولف معهم وطلعهم وهالمره خلاهم يجون ماعادا البندري طلب يشوفها لحالها وطلب منهم ينادونها لانه يبيها يوم جات البندري...

ابو فيصل/ هلا ببنتي هلا يابنت الغالي تعالي اجلسي بحظني..

البندري وهي تجلس في حظنه/ يهليبك ياعمي طمني عليك؟

ابو فيصل/ الحمدالله بس اناعندي شي واحد يالغاليه لو صار الله بكون مرتاح ومستانس

البندري بابتسامه حنونه/ وشو ياعمي علمني عليه الشي مادام فيه راحتك لازم يصير ؟؟؟

ابو فيصل/ يابنتي انا رجال كبير وابي افرح قليبي ابي ازوج ولدي فيصل واشوف عياله قبل لاموت..

البندري بخوف وحنان/ بعد الشر عنك يالغالي ان شاء الله تشوف عياله وعيال عياله وان شاء الله تشوف عيالي انا بعد وتراني حالفه على نفسي اول ولد بجيبه بسميه على اسمك..

ابو فيصل/ بعد قلبي والله بس انا اذا تبين الصراحه ابيك انتي حق ولدي ...

البندري انصدمت يمكن ماتوقعت هالشي وبهاليوم انها تنخطب ..ماتدري شتقول

ابو فيصل/ يبه البندري اسمعيني هذي حياتك انتي وانتي قرري الي تبينه فيها صحيح امنيتي تكونين لفيصل وتكونين في بيتي بس اذا رفضت ماراح ازعل لان هذا من حقك فكري بكلامي والي انتي تبينه بيصير وانا بمر عليك بعد يومين واسمع ردك ..

طلع عنها وماحبت تقول لاي احد عن هالموضوع لازم تفكر واذا قررت تعلمهم..



************************************************** *******



في بيت راشد بن عبالله



ابو فيصل/ هاه شقلت؟

فيصل/ والله يبه البنت ماتنعاب و الكل يمدح فيها والي تبيه بيصير هي خلها تفكر وترد وان شاء الله خير..

طلع فيصل وهو مستانس هو طول مايكلمه ابوه مسوي نفسه عاقل وهي جاته من الله وابوه كان خايف انه يرفض فجلس يحليله البنت في عينه وهو مايدري ان فيصل من شافها انخبل عليها واعجبته وابوه وفر عليه المشوار بس خوف فيصل كان في انها ترفضه؟؟؟؟





************************************************** **************بعديوميـــــــــــ ــــــــــــــــــ ـــــــــــــن********************** ************** ************************************************** ******



وافقت البندري على فيصل الي كان بيطير من فرحته وانتشر خبر الخطبه وكان اليوم ابو فيصل وفيصل جايين يتكلمون في هالموضوع



طبعا البندري كانت تبي تعرف وش يقولون بس ماتقدر تروح عند باب المجلس لانه مفتوح فجلست في الصاله تستنى اصايل الي قايلتلها انها بالطريق..

شوي وجات اصايل ودخلت / السلام عليكم

البندري / وعليكم السلام

اصايل/ ترى ياقلبي البنات بيجون اليوم حنان وخلود بس وين هنادي ؟؟

البندري/ هنادي فوق على النت

اصايل/ ياربي من هالبنت دومها على هالمنتديات ماشاء الله ماتمل بس خلينا منها انت ليش جالسه على اعصابك شجالسه تسوين

البندري/ قلقانه وابي اعرف شيقولون

اصايل/ اهاااااااااا

دخل تركي الي ماكان يدري ان في احد لانه قبل شوي كان مع البندري وشاف اصايل رجع

البندري/ تركي صبر شوي عندي الاصيل ..

اصايل انقهرت من تركي داخل من المجلس المفروض يسال في احد لفت على البندري

اصايل/ مالت عليه خالك هذا مره ثانيه خليه يتنحنح قبل مايدخل..

تركي سمعها ورد عليها/ ان شاء الله الشيخه اصايل اوامر ثانيه بي ابي اكلم البندري شوي روحي المطبخ

اصايل استحت وقلب وجهها احمر معقوله سمعها وبعدين شلون يسمح لعمره انه يكلمها بهالاسلوب

لاويناديها باسمها من هو وزياده على كذا يامرها تروح للمطبخ اش شايفني قدامه ..

اصايل من قلبها تكلم البندري وهي حاقده عليه/ ياثقل دمه انابروح المطبخ ولاراح علميني مالت عليه وتعلي صوتها

دخل تركي عليها وهو ميت ضحك

البندري/ يانك رفعت ظغطها

تركي بصوت عالي/ تستاهل الي تحط راسها من راسي

البندري/ تراها حتى هي قويه وماعندها شي يصعب عليها بس خلنا منكم علمني شجايبك

تركي /ايه نستني هالبنيه يله قومي بسرعه معي اوديك لزوج المستقبل

البندري بلمت/ نعم..

تركي وهويناظرها/ الاخ يبي يشوفك ومهذا من حقه يبي يتاكد يخاف فيك فيك شي ولاعيب

البندري/ لا ..احلى منك ومنه وانا اوريه

تركي/ طيب يله تعالي معي..

البندري/ لا بروح اعدل شعري واحط لي شي بوجهي عشر دقايق بالظبط واطلع من المجلس بتلقاني استناك..

راح للمجلس واخذت البندري اصايل من المطبخ الي كانت محترقه على تركي وودها لو تعطيه كف .. جلست تعدل بالبندري ويوم خلصت نزلت البندري وجلست اصايل بغرفتها..



طلع تركي من المجلس ولقى البندري موجوده ابتسم لها ودخل وهي وراه..

دخلت ومعها صينية العصير الي امها مجهزتها وسلمت بهدوء ورد عليها فيصل السلام ورفع راسه

يشوفها وتخبل كانت لابسه جلابه منقوشه بالوان كثيره اخضر ووردي فاتح واصفر وبني بس اللون الغالبندري للجلابيه الاخضر كانت فاتحه شعرها البني الي ل ظهرها وماسوت بوجهها شي بس حطت كحل اخضر وقلاس خفيف بلمعه ..بس كانت قمة الانوثه..

حطت صينية العصير على الطاوله وجلست جمب تركي..

فيصل جلس يحمد ربه على انه اعطاه هالانسانه..

اما البندري فما قدرت ترفع راسها تشوفه لكنها لمحته يوم دخلت ولو ماشافته في البدايه كان ماقدرت تشوفه كان اسمر سمار خفيف وكانت ملامحه حلوه هو وهالعوارض الي محليته ...

فيصل قطع تفكيرها/ شلونك البندري؟

البندري/ الحمدالله..

فيصل حب يحرجها / منتي ساله عن اخباري؟؟

البندري استحت وباحراج واضح / شخبارك؟؟

فيصل/ تمام لله الحمد ..

تركي كان يناظر بالبندري نظرات تضحك وهي يوم التفتت له قرب من عند اذنها وقالها بهدوء بس تعرفون انتوا هدوء الرجال كيف يسمع الجيران هاذا وهو هدوء اجل كيف لو كان بصوت عالي حشى جرس انذار .....قرب منهاوقال/ يعيني يالهدوء والركاده ماكنك قبل شوي بس خلني ساكت ياناعمه انتي..

البندري ناظرت فيه بعصبيه ولفت عل فيصل الي شافها وجلس يضحك لانه سمع كلام تركي هي انحرجت وعصبت وطلعت بسرعه ..راحت غرفتها لقت امها واصايل وهنادي يستنونها علمتهم وش صار وبعدها طلع تركي يعلمها ان الملكه تحددت الاسبوع الجاي وان الزواج بعد شهر من موعد الملكه..(الاخ مستعجل) .





اما البنات على موعدهم جوا وباركولها ..

كانت المده قليله والعرس قريب فساعدوها البنات..

فقسموا الاشياء الي بيشترونها على البنات..

اصايل//// للفساتين ..

البندري//// للملابس..

حنان//// للمكياج ولان ذوقها حلو خلوها تشتري الهدايا والشموع

خلود//// للعطورات والكريمات والبخور والعوده (لانها تعرف ذوق اخوها وتعرف ذوق البندري)

هنادي//// مسكوها الاكسسوارات واشياء الشعر ..

نوره//// خلوها تشتري لهم الشنط والجزم والايشاربات..يعني الكماليات..

اما الذهب فهو بين ام راكان وام نواف



طبعا قسموا كل شي عشان يخلصون بدري وكلهم منقهرين من فيصل الي رفض تاجيل الزواج شوي ((حتى هو بدى ياثث جناحه الي في بيت ابوه للزواج..)) حتى خلود منقهره منه خلود الي كانت منعزله والحين بهالفتره الي مالها الا5 ايام باديه صارت تحس ان البنات شي اساسي بحياتها من بعد الوحده الي عاشت فيها..بالول ماكانت تجي الابالعزايم لكن الحين كثرت جمعاتها معهم ..

كانت الليله هذي كل البنات مجتمعين عند البندري لان بكره الملكه..فكانوا يطلعون معها اغراضها

اصايل/ هاناقصك شيء لبكره..

لبندري/ لا كل شي تمام جهزت فستاني والاغراض هنا بغرفت الجلوس الي بجناحي بس اكدي حجز الكوفيره بكره..

اصايل/ لاتشيلين هم ..

خلود / يله بنات خلونا نروح الحين ونجي بكره الصباح ..

البندري/ لا خليكم...

حنان/ لاياشيخه يله مع السلامه قوموا بنات خلوها تنام ..

البندري/ مافيـ..

اصايل قاطعتها/ لايكثر بس تصبحين على خير ياعروصصصصصه..وصكرت الباب بعد ماطفت اللمبه على البندري..



***********************************************



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-12-13, 10:19 AM   #5

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



الفصل الثالث.....................



بكـــــــــــــــــــــــ ـــــره الصباح..



كانت جالسه على السرير قايمه من بدري وماتدري وش بتسوي دقت عليها امها الباب ودخلت..

البندري/ هلا يمه صباح الخير وقامت تسلم عليها..

ام نواف/ هلا يالغاليه صباح الورد قلت اجي اشوف اذا صاحيه عشان تنزلين تفطرين معي تحت ...

البندري/ ان شاء الله يله مشينا

نزلت تحت وتفاجات ان البنات كلهم موجودين وجالسين على طاولة الطعام..



البندري/ شجايبكم........

حنان/ الناس تقول السلام عليكم تصبح اما انتي تبين الفكه ماعندك وقت..

اصايل/ على الاقل جاملي..

خلود / بديتي من الحين شغل مرة الولد اجل بعدين شبتسوين فينا انا وامي...

البندري/ حرام عليكم شفيكم علي ماقصد السلام عليكم ورحمة الله وبركاته صباحكم ورد وريحان شلونكم ارتحتوا الحين ؟؟؟

البنات ضحكوا عيها وبدوا يفطرون.

البندري/ لاوالله من جد شجايبكم بدري امس كنتوا سهرانين معي واليوم قايمين بدري..

اصايل/ اول ملكه في العايله وماتبينا نراقب الحدث عن كثب..

البندري / لاوالله تصلحين تروحين العربيه ولا الجزيره وشو(وتقلد طريقة اصايل) نراقب الحدث عن كثب ........

حنان/هههههه ايه وهي صادقه ..وبعدين ترى الكوفيره بتجي الساعه 3 وماراح تخلصنا الا على 7 او 8.... وحبينا نجي نساعدك ولاتخافين ترى بنام الظهر هنا ..

ام نواف/ حياك يالغاليه انتي وهم البيت بيتكم..

حنان استحت/ تسلمين والله..

خلود/ هامرة اخوي اغراضك حقت الليل جاهزه..

البندري/ وشو مرة اخوي بدري عليها ..

اصايل/ ططططططططاط لا صادقه خلود لازم تتعودين على الاوضاع الي قاعده تعشينها وبتدخلين فيها بعد فتره اقصر من القصيره..

البندري/ اما انتي يالاصيل عليك كلمات حربيه وقتاليه بصراحه شجايك وش متحلمه فيه ..

اصايل/ لايكثر بس الحمد الله وقامت وجلست على الكنب القريب من الطاوله,,



ام نواف/ معليش يالبندري لكن الخدامات مشغولات اليوم بالتنظيف عشان الرجال بيجون على الساعه 4 يركبون الكوشه الي مهديها لك عمك في الصاله فابيك ترتبين انتي غرفة تركي وغرفة نواف ..

البندري/ ابشري يمه..

اصايل/ لاياخالتي البندري ماتلمس شي انا وحنان بنقوم نرتبها والغرف الي باقيه ماتبينا نرتبها..

ام نواف/ لا سعود للحين نايم اذا قام هنادي ترتب غرفته.. بس تعبتكم يالغاليات..

حنان لا يالغاليه لاتعب ولاشي..

ام نواف/ عاد تدرين ياحنان نواف مايحب أي احد يرتب غرفته مع انه دوم يقربع الا انه يحب الي يرتب يرجع كل شي بمكانه احنا مانرتب الا غرفته بس الحمام الشغاله تنظفه بس الغرفه الثانيه ولا احد يلمسها..

حنان/ ليش؟؟؟

ام نواف/ هو مايحب احد يدخلها انا ماعرف شفيها حتى ماعرف شكلها من جوى هو غير اثاثها من داخل بعد ماسوى الحادث بس ماخلى احد يدخلها غير امك..

حنان/ امي...

ام نواف/ هو وامك علاقتهم قويه وهي الوحيده الي دخلت الغرفه غيره هو انا ماحاولت ادخلها مع انها مو مقفله بس هذا شي خاص فيه..

حنان/ لاتخافين ماراح المسها..

قامو االبنات وهو بيطلعون فوق مرو على غرفة الجده حصه وسلموا عليها

اصايل/ كيف اصبحتي يايمه حصه..

الجده / الحمد لله طيبه ولازم اكون طيبه لاننا اليوم بنفرح بالغاليه بنت الغالي..

البندري بالاول كانت تحزن لما يجيبون طاري ابوها وتتمنى وجوده بس الحين صار عندها شيء عادي وتقبلت هالشي / الله يرحمه ويدخله الجنه..

الكل/ امين..

جلسوا شوي عندها واستاذنوا وطلعوا البندري وخلود راحوا يقومون هنادي على انها نايمه بس هي كانت صاحيه وكالعاده تتابع المنتدى الي هي فيه عضوة شرف.. جلسوا سولفوا معها شوي ويوم شافوا انها ماعطتهم وجه طلعوا لغرفة البندري يجهزون اغراضها..

اصايل على طلب من حنان اخذت غرفة تركي بالترتيبمع انها دخلت غرفة نواف على انها بترتبها بس طلعتها حنان وراحت لغرفة تركي مجبوره يفشلها ذاك اليوم وترتب له غرفتها خلصت ترتيب بسرعه وبخرتها وطلعت وقبل ماتطلع لفت بوجهها للصوره الكبيره ابتسمت وطلعت بتودي المبخره لغرفة نواف,,,,,,,,,,,,,,,,,,,,,,,,,



************************************************** ************



اما حنان من دخلت صكرت الباب كان الجناح فيه حمام واسع يناسب حالته وكان قباله الغرفه الي قالت عنها خالتها وبعدين غرفة النوم وهي كبيره ويمكن تكون اكبر غرفه بالبيت وفيها شباك طويل اى الارض يودي على جلسه بره تظهر كل الفله من ورى.. هذي الجلسه قد شافت نواف فيها قبل الحادث يمكن بسنتين لما ماكانت تتغطى عنه لما ناداها ودخلت له فوق وجلس يسولف معها ياه ايام حلوه ماكانت هذي غرفه هذي كانت صاله فوق بس تغير كل شي لما كان نواف بالمستشفى بعد الحادث..لفت على الغرفه شافت الاثاث كان يوحي بالراحه هاديه الغرفه بطريقه كلاسيكيه كل شي فيها يوحي بهدوء صاحبها ورومنسيته...



تاملت في الغرفه فيها تلفزيون كبير واستريوا على طاوله بعيد شوي عن التلفزيون وعلى الكومدينه لابتوب باين عليه انه ماستعمل من زمان مغبر...

جلست تفكر معقوله هذي هي الغرفه الي كان حابس نفسه فيها سنتين كيف ماحس بالطفش والوحده لا اكيد كان في شيء ثاني يسليه نفسي اعرف وش الي بالغرفه الثانيه وليش مو مخلي احد يدخلها غير امي معقوله امي بالنسبه له شي ثاني.. الكل يقدره ويحترم رايه والدليل محد حاول انه يشوف هالغرفه شفيها..مع ان الباب مو مقفل .......

راحت للاستريو كان على طاوله كلها رفوف الرف الي تحته كان مفتوح وموجود فيه اشرطه بالهبل مكتوب عليها التاريخ واليوم..شغلت الاستريوا سمعت صوت رجال يتكلم صكرته عرفت انه نواف بس ليش يسجل بالاشرطه معقوله كل مذكراته تتسجل عشان كذا هذي الاشرطه

...نفسها تعرف أي شي عنه عن هالشخصيه المجهوله والغامضه بس هذا شي خاص فيه ياربي حتى وهو مو موجود يفرض على الواحد مايتدخل بخصوصياته لفت انتباهاا شريط مكتوب عليه ((يوم الحادث)).....كان نفسها تسمعه بس لا ...... بدت ترفع الاشياء الطايحه الاغنيه وشافت درج صغير فيه صور فجلست تناظرها كانت الصور الي معها لنواف قبل الحادث مع زملائه واعجبتها صوره له كانت مع طلال اخو اصايل لما سافروا ماليزيا ضمتها لصدرها وبدت الدموع تسيل كيف الحين يانواف تغيرت ولا انت مثل مانت ماعاد الكرسي الي تجلس عليه..

وشغلت الجهه الثانيه من الاستريو كانت موجوده فيه اغنيه عرفتها من موسيقتها اغنية علي بن محمد الروعه (عيال حارتنا).. وبدت تتامل الصور وبدت الاغنيه الي حست انها جات بوقتها ....





الا ليت الزمن يرجع ورى والا اليالي تدور..

ويرجع وقتنا الاول وننعم في بساطتنا ..

زمان اول احس انه زمن مافيه نفاق وزور..

ياليته بس لو يرجع ونسترجع طفولتنا..

صغار قلوبنا بيضا نعيش بعالم محصور ..



وكملت الاغنيه الى المقطع الي هيج كل مشاعرها (((((هالمقطع عذاااب بالنسبه لي)))))ولاكن دارت الايام وبان الخافي المستور ..

وصار الهم متعلي على قمة سعادتنا..

وكبرنا وصارت الدنيا تصف احزاننا بالدور..

وتهدينا الالم والهم غصب عن عين غربتنا..

تعبنا من بلاوينا احد ضيق واحد مقهور..

وكلن غارق بهمه وبالاخر تشتتنا..

وانا ماقول غير الا الا ليت الزمان يدور..

ويرجع للورى فتره نعدل وضع عيشتنا..

اه يانواف ..
شافتها تبكي بحرقه./ حنان شفيك تبكين؟؟؟

خافت لاتكون خالتها ولفت لقت اصايل الي موجوده..

اصايل/ شفيك حنون ليش هالدموع ؟؟ وطاحت عينها على الصوره الي بيدها..

اصايل التفت لحنان/ تبكين عشان نواف هذا الي مقدر له الحمد الله الحين هو احسن بكثير طلع من عزلته وصار يروح ويجي وصار يكمل علاج عشان يقدر يمشي..



في هالوقت كان نواف بيروح لغرفته يبي يغير ملابسه ويكمل اغراضه من حلاقه وتسبح ..مر من عند البندري لقى الغرفه مصكره توقعها نايمه فمر بيروح لغرفته وشاف بابها مفتوح توقع ان امه الي فيها فقرب للغرفه لكن وقف والي وقفه صراخ حنان الي هو مايدري من هاذي قرب من باب غرفته وسمع الشي الي صدمه...............



حنان/ لا انتوا ليش ماتحسون فيني وبعذابي.. انا مابكي عشان نواف معاق ومايقدر يمشي بعكس ماكان عليه قبل الحادث..لا انا ابكي عليه لانيمشتاقتله من زمان ماشفته انا احبه..

اصايل انصدمت بس مو مثل صدمة نواف .....

انتي شقاعده تقولين من جدك تحبين نواف ماقصد الاهانه له بس ابي اعرف انتي تحبينه لانه ولد خالتك ولا..



حنان بابتسامه مره../ لا احبه احبه واتمنى يحس فيني ..فرحت لما طلع بعد عزلته اكثر من أي احد اكثر حتى من خالتي وحاولت اشوفه وجه لوجه بس ماقدرت بس جاتني فرصه وهاذا انا بغرفته وحاظنه صورته احس اني لاقيته من بعد فراق..

اصايل / والله البنت تحب من قلب طيب يالرومانسيه لو يدري نواف كان يموت من سعادته ..

حنان/ ليش؟؟؟؟؟

اصايل/ في واحد يكون له وحده توفيله وتحبه حتى وهو في اضعف الاوقات وراح تتحدى الكل عشانه ومايفرح..

حنان/ يله عاد لاتبالغين...

اصايل/ انا ماابالغ بشي انا اقولك الحق ياحظك يانواف بس ياحنان انتي لازم تحافظين عليه وماتفرطين فيه ابد مهما صار لان هذا حبك وحب قلبك.....



مايدري ليش حس انه فرحان ....بس مامداها الابتسامه تنرسم على وجهه الا وتروح وصار حزنان اكثر من قبل..

لانه تذكر او هو مانسى بس تناسى عشان يفرح قلبه انه مشلول وانه ماراح يسعدها ماراح يقدر يفرح قلب حنان .. امنيته يشوفها.اذا كان حسابه صحيح فهي لما صارله الحادث كانت عمرها16 أو 17 وهي تغطت عنه من كان عمرها 14 ..والحين هي بتدخل العشرين ......................................

...................... لحظه لحظه لحظه انا ليش افكر بهالاشياء كلها مو مهمه المهم اني اوصلها انها مستحيل تلقى سعادتها عندي كلها احلام مراهقه.. وبتروح....(هل تتوقعون صدق ان مشاعر حنان مشاعر مراهقه فتره وتروح))



نزل ورجع جلس مع تركي وطلال الي كان جايب اخته وعزموه على الغدا ووافق ..

طلال/ الاماعندك اخبار عن ولد اختك..

تركي/ راكان كلمته وقالي انه عنده دوره وبتبدى بعد بكره وماراح تخلص الا بعد وقت زواج فيصل بكثير فقال عادي هو ماراح يقدر يحضر.

طلا/ اها كل واحد ومشاغله اولى..

وجلسوا يسولفون شوي وتغدوا وبعد الغدى دق طلال على اصايل وكان تركي توه داخل المجلس بس ماشافه طلال فجلس يتسمع تركي للمكالمه..

طلال/ هلا الاصيل .....ايه تغديت يالغاليه بس يله ماكفاك.....وتخلين اخوك يرجع للبيت ويقعد لحاله...... مايقصرون بس انتي غير انتي الاصيله.......طيب خلاص بكيفك ارد للبيت واجلس لحالي من دونك.......لامو زعلان.........والله هاه والله مو زعلان ......ادري خلكعندها البنت محتاجه لك....

طيب تبين شيء ........لا يالغاليه بس انتبهي لنفسك.........فديت الاصيل انا......يله باي....

لف طلال لقى تركي يبتسم له سلم عليه وطلع وترك تركي يفكر ..شكثر طلال واصايل علاقتهم قويه مع بعض وهو باين انه يغليها كثير ..تستاهل الصراحه.....هيه شقاعد اخربط كثرت هالايام خرابيطي خلني بس اروح اشوف بدريه اوخيتي..



************************************************** *****



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-12-13, 10:20 AM   #6

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


الفصل الرابع...........

البنات بعد ماتغدوا راحوا لغرفة البندري بينامون بس ماكفتهم فالحل انهم ينامون النص بغرفة هنادي وهم خلود وحنان وهي مافيها نوم كانت جالسه على المنتدى ..

واصايل مع البندري..



وأول ماأذن العصر بدوا يتسبحون البنات اصايل تتسبح بحمام البندري الي اخر وحده بتتسبح وحنان في حمام الخاله ام نواف وخلود في حمام هنادي..جات الكوفيره ودقوا على نوره تجي عندهم بسرعه

كانت الكوفيره الي بدت تطلع اغراضها في غرفة البندري..

الكوفيره/ بمين بدكم ابدى ياصبايا..

نوره/ لا انا الحين باكل مشعل ولدي مااقدر..

حنان/ خلاص ابدي فيني..

الكوفيره / اوكي بس كل وحده بدى تجيب ازا تكرمت الفستان تبعها حتى شوف الالوان والدرجات..

راحت حنان تجيب فستانها الي كان لونه فوشي فاقع .. طلبت من الكوفيره الي تبيه تسوي لها وبدت الكوفيرى بهدوء تشتغل بعد ماخلصت حنان ناظرت بالمرايه وشافت نفسها.. ابتسمت لانها اعجبت نفسها .. قامت بتنادي البنات يجون عشان تصلحهم ودخلت نوره الغرفه وشافتها..

نوره تكلم حنان/ الاخت اعرفها؟؟؟؟؟

حنان/ نورررررررررره تستهبلين..

نوره/ وربي ماستهبل ملاك نازلي من السماء ماشاء الله ..

حنان / والله حلوه..

نوره / لوكان عندي ولد زوجتك ايه بس متى يكبر هالمشعل...

حنان تضحك عليها.. البنات دخلو الغرفه وتفاجائو من جد كانت حنان بقمة الانوثه هي دومها حلوه بس يمكن للون الي لابسته اليوم اثر كان فستانها مخصر على جسمها ومكياجها كان فوشي بدرجة الفستان مبين وساع عيونها صحيح مو كثير المكياج بس روعه شعرها كان طويل وهي انعم شعر من البنات هو شعرها هو طويل ومخصلته بني غزالي فلفت اطرافه فاعطاه كثره وحلاوه باختصار كانت ملاك على وصف البندري..

نوره/ يله حنون مكافاة على جمالك روحي دوري مشعل ولدي الي بزوجك اياه صحيح عمره 3 سنوات بس لاشافك الحين على طول 30 سنه عشان ياخذك .. جلست حنان تضحك من خاطر عليها



وجلست تدور مشعل شافت غرفة نواف مفتوحه اكيد دخلها هالمشاغب سمعت صوت مشعل فيها نادته ماطلع ونواف من سمع صوتها فز ماقدر يقولها انه بالغرفه لسانه انربط..

هي يوم مارد عليها مشعل الي كان مختبي بحظن نواف عنها دخلت لان العيال تحت بس هي ماتدري ان خالها تركي ونواف طلعوا بيحلقون ويتسبحون ويخلصون اشغالهم .. فقررت تدخل وتسحب مشعل وتضمه مشعل الي ماكان يحب انه احد يضمه..

نواف لف بيقولها انه بالغرفه لكن فات الاوان وقدر الله انهم يلتقون وجه لوجه......................

حنان/ مشعـ.....



شافها انبهر بجمالها واول ماجى في باله ان معقوله هالصغيره الحلوه تفكر تحب واحد مشلول..

حنان وقفت مكانها هذا هو هذا حبيبها اه يانواف لو تدري شكثر مشتاقه لك..تحس رجولها خانتها تبي تلف وتطلع بس مو قادره..

حس بعجزها وتضارب المشاعر بداخلها صد بوجهه ودنق على الارض..

اماهي فيوم شافته نست الدنيا كلها لا ليش يانواف تصد عني انا ماصدقت اشوفك ارفع راســ هيه انتي يالخبله كيف واقفه للحين لا وتناظرينه بكل جراءه وهو مايحلك وعت لنفسها من بعد غفوة الحب الي لقتها وبسرعه طلعت.. مازالت صورته محفوره مو راضيه تروح ....((ياحلوا هالاحساس))..



على المغرب كانوا كل البنات جاهزين ماعادى البندري الي بتبدى فيها الحين..

نواف حالته النفسيه كانت مليــــــــــــــــــــــ ـــــــــــــــــــــــــ تار بالمئه عشان الي صار..

تركي بعد ماخلص لبس وتكشخ وتعطر وهو بيخرج نسى جواله كان حاطه عند الطاوله الي عند الشماعه الي ورى الباب كان يبي يتصل على هنادي تشوفله طريق يروح تحت وهوبيدق..

انفتح الباب .. هو من شافها عرفها بس ماحب يتكلم ويحرجها كفايه الي صار بينهم من مواقف تحرج..

دخلت اصايل الغرفه عشان تبي تاخذ كميرة الفيديوا..

اصايل شمت ريحة عطر تركي/ الله ياحلو هذي الريحه بسال بعدين البندري تسال هالواثق شسمه عشان اعطيه طلال هديه.. اصايل ماكانت فاضيه تفتح الانوار الي كان تركي مطفيها عشان كان بيطلع..

دخلت وفتحت الدرج الي قالتلها البندري ان الكميرى فيه ولقتها خذتها جلست على السرير وجلست تركب الفيلم .

خلود مرت من عند الباب ونادتها,

اصايل/ الحين جايه وقامت بتطلع بس لفتها الصوره ابتسمت للصوره وجلست تتكلم/ مادري ليش لما اشوف صورتك ابتسم لك صحيح تستاهل حلو وجذاب ووسيم ورزه بس انا ابتسم وفيني مشاعر غريبه تتوقع احبك ماظن .. بس يمكن هذا تاثير جمالك بس لاتشوف نفسك تراني احلى منك بكثير ولو شفتني الحين بتخبل ويطير عقلك لاني احلى منك ومافي مقارنه ابتسمت وطلعت..

ضحك تركي على خبال هالبنت ومن جد انخبل عليها يوم حس بهدوء بالمكان نزل من الدرج الجانبي وراح للمجلس..



بدوا المعازيم يجون الملكه كانت شبه عائليه الاخوان اثلاثه وولد عمهم وبعض الجيران واخوات دلال

وبعض اصدقاء فيصل ..

البنات بعد ماخلصوا كلهم حتى البندري جلسوا بغرفة هنادي..



كانت اصايل لابسه تركواز وذهبي,... وكان جنان لانها بيضا ومعطيها جسم حلو..

اما خلود فكانت لابسه فستان بحري فاتح وكان مبين ملامحها زين ومبرز جمال وجهها ..

اما هنادي فكانت لابسه فستان موف مخصر ..عجبت الكل لانهم اول مره يشوفونها حاطه مكياج كامل لانها ماتحط الا نادرا..

نوره كانت لابسه فستان واسع شوي لانها حامل بالشهر الثالث وبتدخل بالرابع بس ماشاء الله كريشتها بارزه من الحين..

اما العروسه فكان فستانها درجات البرتقالي والليموني والتفاحي منفوش شوي بس كان لايق عليها ومخليها جنان (طبعا الفستان ذوق الاصيل) ومع المكياج كانت قمة الروعه والتميز..



راحوا البنات ونزلوا تحت وسلموا على الموجودين وعلى ايمان الي كانت لابسه اود ومكياج خفيف وعلى كثر بساطة المكياج والفستان الي يحسونه يتناسب مع شخصيتها الا انه مبينه ملامح الحمال فيها فكانت رووووع (عني انا احب الاسود)..

وجود الي كانت لابسه تفاحي فاقع بس مخليها كيوووووت..

بدى الطق وحركات البنات الي متفقين مع راعية الديجيه على الاشرطه الي تحطها ..

الكل كان فرحان وام فيصل نوره الي كانت تبي اللكه تكون بقاعه فخمه عشان تعزم الكل لانه ولدها الوحيد بس البندري قالتلها وبترجي ان الملكه تبيها عائليه وبالبيت لاكن الزواج على كيف ام فيصل واقتنعت ام فيصل بكلامها لانها حست انها لو بفندق ماكانت مثل هالفرحه والوناسه موجودين..



نزلت البندري من فوق وجلست معم كانت من الخاطر فرحانه سلموا عيها وباركولها ..

دق نواف على هنادي وقالها ان فيصل بيدخل يلبس البندري الشبكه وبيدخلون معه سعود وتركي وعمه راشد وهو طبعا الصاله كانت مقسومه قسمين راحو الحريم القسم الثاني وما بقى الا اصايل وخلود خوات فيصل وحنان وهنادي ومريم وبدريه الخوات تلثموا طبعا البنات ولبسوا عباياتهم ودخل

فيصل وبدت اصايل تصور بالكاميرا..



أبو فيصل سلم وباركلها وطلع للمجلس الي برى للرجال وبعد ماسلم فيصل على البندري سلموا عليها اخوانها الي وقفوا على جمب شوي يكلمون امهم وخالتهم ويسلمون عليهم ولبسها فيصل الشبكه اما الدبله اجلها لما يروحون للمجلس لحالهم.

فيصل/ مبروك

البندري/ الله يبارك فيك..



فيصل جا بيتكلم لكن شاف اصايل الي كانت متلثمه اعطت الي معها الكميرا وجات تسلم عليه وباركتله..

فيصل يصطنع العصبيه/ اف شتبين ياهادم اللذات؟؟؟

هنا تركي الي كان يكلم هنادي فقص من الضحك كانبعيد بس سمع فيصل.. شافته اصايل ناظرت فيه وعلى طول لفت على اخوها../ اسمع بسكت عن الي قلته بس عشانك بتاخذ خويتي وعشان ماخرب هالليله عليك وعشان ماافقد اعصابي خلني اروح اكمل تصوير عن حنان وبقرب التصوير عشان اسمع شتقولون..

راحت وخذت الكميرا من حنان وجلست تصورهم حنان قربت من تركي وسلمت عليه عرفها نواف من طرف فستانها وشاف تركي كيف يسلم عليها بحب ابتسم وتخيل لو هو مكان تركي ...لا يانواف لا لاتفكر بهالبنت وصد عنها..



اما فيصل لف على البندري حب يحرجها/ البندري ترى تغير موعد الزواج ..ابتسمت البندري وجلست تقول بنفسها الحمدالله فكه اخيرا اقتنع عرف فيصل انها فهمت انه اجل الزواج بس هو مااجله بالعكس قدمه ..جات الجده حصه وسلمت على البندري وباركتلها ووقفت تناظر في فيصل..

فيصل/ افا يالغاليه ليش ماتسلمين علي وتباركين لي..

الجده/ لا والله المفروض انت تسلم على راسي بس اه منك ومن امك .. البندري ظحكت

فيصل/ حتى الحين ماخلصتي من امي ها ولاتزعلين وقام وسلم عليها..

الجده/ مبروك يافيصلووه وقبل مايرد فيصل جلست بين البندري وبينه يعنني تبي تتصور فيصل بقهر/ الله يبارك فيك يايـــــــــــــمه حصه وكل ماناظر بالبندري لفت امه حصه عليه وابتسمت بمعنى لاتناظر وشوي وققرت الجده تقوم حرام احرقت دمه بما فيه الكفايه لفت عليه/ كل هذا عشان ماتنساني وتعرف اني موجوده..

فيصل/ واحد ينساك ياقميل انت ..



الجده ماعبرته وراحت وجلس يضحك من خاطره عليها هو والبندري وتذكر الي كان بيقوله..قرب منها/ ايه عن العرس ترى صار بعد اسبوعين ونص يعني تقدم ..

البندري شهقت/ فيصل مره بدري الوقت مايمديني..

فيصل/ مو لازم كل شي قبل الزواج لاتزوجنا شرينا الناقص عشان كل شي يكون على ذوقي وغمزلها غمزه استحت منه ونزلت راسها مع انها مستغربه ومنقهره هو على ايش مستعجل بس هي عارفه انه ماراح يغير راييه فما حبت تناقشه بشي



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-12-13, 10:22 AM   #7

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



الفصل الخامس والاخير من هذا الجزء...............



دخلوهم المجلس بعد مصورتهم المصوره كم صوره ..عشان يكونون لحالهم..ويوم جلسوا

فيصل/ مبروك يالغاليه مره ثانيه..

البندري/الله يبارك فيك يافيصل..

سكتوا شوي ..

البندري كان في خاطرها كلام تقوله من زمان في بالها وهي عهد بينها وبين نفسها انها تقوله للانسان الي بيشاركها بحياتها الي ماكانت تتوقع انه يكون فيصل بس بما انها اليوم صارت زوجته فلازم تنفذ وعدها وتقول الي بخاطرها....

البندري/ فيصل...

فيصل / عيون فيصل..



البندري استحت بس كملت كلامها..فيصل انا كنت حاطه في بالي ان في كلام لازم اقوله للي بيتزوجني فاول ليله لنا مع بعض وانت الحين زوجي ولازم اقوله لك.......

فيصل ماتكلم بس ناظرها نظره تحثها انها تكمل كلام..

البندري/ انت تعرف يافيصل اني انولدت من دون ابو ابوي مات قبل مايشوفني قبل مايدري اذا الي في بطن امي بنت او ولد.. ومن انولدت فقدت حنان الاب كبرت وانا ناقصني حنان كنت ادور هالحنان من خالي واخواني .. نواف ماقصر معي وبرغم حنانه الي انه كان ينقصني الامان الي تدوره أي بنت بهالدنيا امان غير يعيشها براحه كبيره.. نواف من صار له الحادث انعزل عن الكل تخلى عني ..فقدت الحنان وفقدت نواف ..سعود ماكان يعرف كيف يعبر عن الي بقلبه وماكان يقدر يعرف الي ابيه لاني مستحيل اقول لاحد اني ابي حنان ..

خالي تركي ماقصر معي بس حتى هو راح يروح ويتزوج ويشوف حياته.. انا كنت ادور حنان الرجال الي مايتخلى عني يافيصل وابي امان يلمني من كل جهه يحسسني انه مافي شي يبعدني عنه مابي الدلع والكلام الحلو ابي انسان يعاملني بحنان احس انه مايقدر يعيش من دوني مثل مانا ماقدر اعيش مندونه ابي القى فيه الاب والاخ والزوج والحبيب ابي القى الحظن الدافي والصدر الحنون ابي القى فيه المشاعر المحبه والكلمه لحلو باختصار ابي انسان يعوضني يافيصل عن الي فقدته.....



كان فيصل يسمع لها حس بالي بقلبها ولما خلصت لف عليها ومسكها من كتفها ولفها عليه..

فيصل وبكل حنان/ البندري يشهد الله علي وانا اكلمك الحين اني احبك حبيتك من اول مره شفتك فيها وحسيت الحين وانتي تكلميني ان بداخلك انسانه حلوة المشاعر..

البندري اوعدك يالغاليه اني احطك بعيوني واكون معك دوم احسسك بالامان الي فقدتيه وصدقيني وثقي فيني اني ماراح اتخلى عنك وراح اكون لك الحبيب قبل الزوج ..وهذا وعد يالغاليه..مسك ايدها ولبسها الدبله وسلم على ايدها وبكل حب وحنان..الحمد الله انك صرتي من نصيبي..

ابتسمت البندري والدموع في عينها حست ان قلبها بدت فيه مشاعر غريبه تعلمها انها بدت تحب هالشخص الي جالس قدامها...

************************************************** ***********

لما دخل فيصل والبندري المجلس ...طلعوا الشباب برى اما تركي تشجع بزياده على الي نواي يسويه مع ان فيه قص ارقاب لو دروا عنه..



راح عند اصايل الي كانت سرحانها تتفرج على الي صورته بكميرا الفيديوا وحست بالي قرب منها لفت لقته تركي يبتسم انصدمت هاذا شيبي جاي لي لفت تناظر حولها لقت سعود ونواف راحوا بس هذا ليش قاعد ياربي... ياقواة عينه..

طيح بوكه تركي ودنق بياخذه وهي اعطته ظهرها زقالها بصوت واطي بس هي سمعته..

((((((((((((ترى بتلحقينها))))))))))))))))) ..



طلع وهو مايدري أي جرأه الي جاته يقولها هالشي بس هذا الي هو معزم عليه..

اما اصايل كانت منصدمه شيقصد وليش قال هالكلام ومن كثر تفكيرها وانشغالها مانتبهت لام نواف الي لها ساعه تناديها ..ويوم قربت ام نواف توقعت اصايل انه تركي الي رجع لها بس هي لازم تهزئه على الي صار ..

اصايل بعصبيه ولفت على الي وراها/ انت شقصد..... بس المفاجاه ام نواف الي كانت وراها..

اصايل/ سامحيني خالتي بس توقعت فيصل طلع وبغيت اهزئه على الكلمه الي قالها لي ..

ام نواف/هههههه لا يابنيتي ماصار الا الخير بس يمه ابيك تودين العشى لفيصل والبندري..

اصايل/ يله طيب ودخلت العشى لهم وهي بالها مشغول وماهتمت لتعليقات فيصل عليها لان ماكان في بالها الا شيقصد تركي بكلامه...



مرت الليله وكانت من احلى الليالي على الكل وخصوصا العرسان فيصل والبندري ..

************************************************** ***********

بعد اسبوع من حوسة البنات في السوق عشان يكملون اغراض البندري الي بعد ماتفاجأو بخبر تقديم الزواج من البندري.. في الليله الي بعد الملكه الي كانوا يتفرجون على شريط الفيديو وشافوا شهقتها ويوم سالوها عن السبب قالت لهم ومن ذاك اليوم وهم يروحون من بعد صلاة العصر ومايرجعون الا الساعه عشر واحدعش ومن سوق لسوق احيانا يروحون كذا سوق باليوم وبعدها البندري توصل كل وحده لبيتها وترجع هي للبيت مع هنادي..وبدوا يخلصون بعض بعض الاغراض..



كان سعود جالس في الحوش تحت توه صاحي من النوم على العصر وشاف السواق يوقف السياره ونزلت الخدامه ميلينيا ومعها ظرف ابيض..........وبدا عرق اللقافه يشتغل عند سعود.

شاف ميلينيا بتدخل البيت..فنادها/ ميلينيا تعالي ..تعالي بسرعه ويوم جات سالها شالي معك..

ميلينيا / هذا سور ماما هق ملكه..

سعود/ وانتي ليش جايبتها..

ميلينيا/ ماما بندري ودتني للمشغل معها بعد مانزلت البنات للسوق واخذزتها واعطتني ايها قالت وديها للبيت وخلي السواق يرجع..

سعود/ خلاص هاتيها انا لارجعت البندري اعطيها اياها ..

ميلينيا/ بابا انا اعرف انت تبغا تشوف سور مال بنات بس مافي انا في ودي السورلماما بدريه

سعود/ هاتي يله بس وبلى بربره روحي داخل سوي لي غدا جوعان..

اعطته الظرف وراحت شافت تركي توه نازل وقالتله عشان البندري موصيتها ماتعطيها احدعلى طول توديها لامها وتخاف لاشافت الصور مع سعود تهاوشها..

اما سعود فتح الظرف فيه البوم كان احمر وفيه ورد هذا كانت كل الصور للبندري وفيصل اما الثاني لونه ابيض ووردي ..هذا اكيد صور البنات الي كانوا متفقين ان كل صوره تكتب اسم صاحبتها عليها..حركه يعني..اول صوره كانت لخالته هنادي يعيني ياخاله كل هذا الحلا والصوره الثانيه كانت صاحبتها حلوه قرى الاسم هذي خلود وكبرتي والله يابنت العم واحلويتي وعلى فتحته للصوره الثالث طلع تركي..

تركي/ سعودوووه خس الله ابليسك شتسوييالي ماتستحي..

كان في هالوقت فاتح على صورة اصايل سحب تركي الابوم وصكره وجلس يهزء سعود وخلاه يدخ للبيت ويوم دخل فتح الالبوم وشاف اصايل ابتسم وصكر وراح يكمل تهزيء لسعود على انه قاعد يتفرج بصور بنات عمانه..اعطى تركي الظرف لام نواف وراح لغرفته



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-12-13, 11:21 AM   #8

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


#%$&الجزء الثاني &$%#

**عندما نحب شيء بطريقة غريبه ولانريد اظهار هذه المشاعر فنبدا باختلاق الاعذار لنكون

قريبين منه ونضع صفة نتاعمل بها معه كحب النقد (للتطفيش) ونكابر في كل شي لكي لانفضح هذه المشاعر؟؟؟ولكي لانترك لقلبنا الفرصه لتقويه احاسيسه واظهارها هل جربتم هذا الاحساس..

سأوافق لانني ساتحداك ولست لانني اهواك (( اصايل))


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^

الفصل الاول........................

بعد اسبوع.............

فيصل وطلال/هاه شقلتي..

اصايل/ تركي يخطبني انا.............

فيصل / ايه وليش مايخطبك..

اصايل/ وش تبوني اقول..

طلال / ههههههههههههههه حلوه وش تبوني اقول .. قولي رايك ..بس اذا تبين شوري لا تردينه وان اخوك تركي ماشاء الله عليه اخلاق وتعامل حلو وحبوب وخفيف دم وبصراحه ماينرد..

فيصل قرب من اصايل وبنظرات مكر شوي/ وزياده على كذا تراه حلووووووووووو

اصايل بنفسها وهذا بلى ابوك ياعقاب ..

طلال/ هايالغاليه شقلتي؟؟؟

اصايل صدت شوي عنهم تركي مواقف جمعتنا كثير بس كلها تجيب المرض وكلها تبين ان صفاتنا مشتركه بس هل بنتاقلم من بعض انت خطبتني ومعناة هالشي انك تحديتني باني املك قلبك وانا بقبل التحدي وراح اترك نفسي لمشاعري معك وهي الي بتقرر ..

اصايل/ الي تشوفونه ..ونزلت راسها لما شافتهم يناظرونها الاثنين بخبث..

فيصل يستهبل/ خلاص اجل انا اشوف انه مايصلح بنرده وييغمز لطلال..

اصايل وبسرعه وبعصبيه/ وليش تردونه انا موافقه..

طلال /ههههههههههههههههههههههههه هههههههههههه ايه كذا باني على حقيقتك مو مستحيه

فيصل/ ههههههههههههههههههههه مابقى الا تجي وتغني لنا هلي لا تحرموني منه..

وجلسوا المخبل الاثنين يغنونها .. طلعت عنهم لانها من جد استحت على حركتها..

ردت لهم وصرخت عليهم لين ماسكتوا..............

اصايل/ هييييييييييييه يالمخبل انتم انا لي شرطين اذا قبلهم وافقت..

طلال بجديه / الي هي ..

اصايل/ الاول اني انا الحين بثاني جامعه وانا مابي اتزوج الالما اخلص ثالث يعني هالسنه والسنه الثانيه وبعدها الزواج..

طلال / بس بعيده سنتين..

اصايل/ هذا شرطي...

فيصل/ مو مشكله والثاني ..

اصايل/ الثاني مايصير شي رسمي بيننا لا خطبه ولاملكه الابعد زواج الاخ فيصل وعلموه الشرطين رضي فيهم يحيا الله مارضى الله يوفقه مع غيري.. وطلعت ودق فيصل على تركي وعلمه..

************************************************** ***********

في بيت محمد..



تركي دخل الصاله ولقاهم مجتمعين زي ماطلب منهم................

تركي/ السلام عليكم...........

الجميع/ وعليكم السلام......

عم الهدوء على الكل بنتظار الموضوع المهم الي يبيهم تركي فيه ويبي رايهم..

تركي/ احم اه اااه بصراحه ومن دون مقدمات انا قرر.......ت.قررت........ قررت اتزوج...

سعود/هههههه ليش غرت من فيصلووووه الطعس..

البندري/ احم احم تسب برجلي.. وانا موجوده مالطعس الا انت..

تركي/ لا من جد انا رجال وابي اتزوج مو مسالة غيره..

ام نواف الي كانها توها جاها الارسال/كلللللللللووووووووووششششش ش هذي الساعه المباركه ياحبيبي الي بفرح فيك يالغالي..

البندري بنظرات مكر وخبث / ومن سعيدة الحظ..

نواف يغمزلها/ الاقولي تعيسة الحظ....

تركي/ تعيسة حظ بعينكم الاحظها موصلها للسماء السابعه الي بيخليها تاخذني..

ام راكان/ يعني محدد ولاتبينا نختارلك ..

تركي/ لا محدد وخليت اخوانها يشاورونها وابيكم انتم تروحون تخطبونها من اهلها خطبة رسمية.

البندري/ ماشاء الله مخطط لها من زمان سوي كل شيء اش باقي غير العرس..

تركي/ لاهي شارطه ان العرس بعد سنتين.. اما الملكه فعادي باي وقت يرضاه ابوها اهم شي مايصير لاخطبه ولاكلام الا بعد اسبوعين..

البندري/ يعني بعد زواجي انا وفيصل باسبوع حلو..

سعود/ تركي مين؟؟؟(سعود مايدري شالسبب في انه خايف تكون الي في باله )

تركي سكت شوي جلس يشوفهم اللهفه بعيونهم يبون يعرفون مين......

تركي / اصايل.....



سعود تنهد تنهيدت راحه..

ام نواف بابتسامه ريحة تركي/ والله وعرفت تختارماشاء الله عليها جمال واخلاق وتناسبك خفيفة دم ولسانها ماعليه يشبه لسانك..

البندري/ وناسه اصايل بتصير مرة خالي فله..

تركي/هاشقلتي يام راكان..

ام راكان/ الاسبوع الجاي بننشغل بزواج البندري وبعده ان شاء الله نروح نخطبها ونحدد الملكه والله يتمم لك على خير..

تركي/ وانتوا يالمخابيل الثلاث عطني ارائكم الخبله هذي(ياشر على البندري) عطتني رايها باقي انتم..

سعود/ الله يسامحك بنسكت بس عشانك بتتزوج والله يوفقك..

نواف بابتسامته الحنونه المعتاده/ الله يسعدك انت وياها

تركي راح وجلس عند اخته هنادي الي كانت ساكته وسرحانه..

تركي/ علامها الحلوه ماتتكلم

هنادي بابتسامة سرحان/ ها ايه والله البنت ماشاء الله لايقه لك الله يسعدكم ويهنيك..

تركي ابتسم لها..

ام نواف/ يمه تركي علمت امي حصه..

تركي/ ايه هي اول وحده درت لاني شاورتها بالعروسه وهي الي قالتلي شاسوي..

ام نواف/ قومي يامريم خلنا نروح نتقهوى عند امي حصه وقامت مريم معها..

تركي استاذن يبي يروح مشواروهنادي طلعت تبي تكمل الموضوع الي كانت تقرى فيه والبندري نقزت تكلم اصايل مابقى الانوف وسعود ..

نواف/ سعود..

سعود/ سم..

نواف/ سم الله عدوك بغيت اكلمك في سالفه وابيك تسمع الي بقوله وتفكر فيه زين..

سعود هز راسه بمعنى كمل كلامك..

نواف بصوت هادي/ ياسعود انت تعرف ان الواحد مايقدر يعيش من دون صاحب الواحد في هالدنيا لازم ينقي الصحبه الزينه الي ماراح يلقى الشر والمشاكل بصحبتهم..

سعود باستغراب/ انت ليش تقولي هالكلام .. ربعي مو عاجبينك..

نواف/ المساله مو مسالة عاجبيني ولا لا هذا رايك انت وانا مايحقلي امنعك منهم .. لاكن ياخوي الصديق الفاسد يجر الي معه للخطى الي هو يسويه مهما كان الثاني حريص على انه مايتاثر منه..

وانت ياسعود الي تمشي معهم مو كلهم بس في منهم ومايحتاج اقولك لانك يمكن انت حاس وعارف بهالشيء..

بس حط في بالك ان انت لك ام ربتك وكبرتك وماقصرت معك فقبل كل شيء تبي تسويه تذكر هالشي اذا يفرحها او يزعلها وحط ان لك اخت بعد فلو فكرت تلعب ببنات الناس الله بيعاقبك باختك..

وصدقني لو استمريت معهم راح تتاثر بالي يسوونه وتراهم وقت الشده راح يتخلون عنك .. انا اثق فيك انك ماراح تقلدهم صحيح ان بعض الظن اثم بس في كم واحد لهم في حركات ممنوعه وباين من اشكالهم انتبه ياخوي منهم وترى ماراح يجيبون الا المشاكل..

سعود/ تامر ون شاء الله مايصير الا الي تبيه..

نواف/ كفو والله وهذا عشمي فيك ياسعود..

جلسوا يسولفون وبعدها كل واحد راح يشوف اشغاله...



دخل نواف جناحه وجلس شوي في غرفة نومه وبعدها دخل غرفته الي يرتاح فيها .. وبدى يفكر في الكلام الي سمعه قبل اسبوع .... ((( انا احبه))) هالكلمه الي هزته اثرت فيه حسسته بضعفه وعجزه عن اسعادها وهوعارف ان سعادتها بيدينه بس هو لازم يقولها انها تتوقف عن حبه بس كيف حرام يجرحها هو بدى يحس بقيمته منها دخلت بقلبه الفرح والثقه بنفسه ..... محتار لازم يلقى من يساعده..

مافي الا تركي بس تركي خالها هو ماراح يقوله اسمها بس بيقوله انها وحده عشان يساعده واستقر على هالشي..



الكل كان ملتهي بزواج فيصل والبندري بهذي الفتره الحريم والرجال..

طبعا لان البنات كانوا يطلعون يوميا ومقسمين الاشياء بينهم خلصوا ثلاثة ارباع الاغراض والباقي خلاص بعد الزواج تشتريه البندري وقبل الزواج ب5 ايام.. راحوا يرتبونها بجناح البندري وفيصل الي في بيت ابوفيصل ..الي كان الاثاث الجديد ماله الا يومين مكتمل بالغرفه....

************************************************** **********


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-12-13, 11:23 AM   #9

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


الفصل الثاني.......................

يوم الزواج....

********

أصايل وهي مغمضه عيونها ماتبي النوم يطير/ انتي شتبين داقه علي في هالوقت قلنا عروس تدلع بس مو من صباح الله داقه كم الساعه؟؟؟

البندري / كليتيني الساعه 6 ونص..

اصايل / حرام عليك اليوم يوم عرسك وصاحيتلي من بدري نامي يابنت الحلال ..

البندري / مو جايني نوم تعاليني..

اصايل/ شقالولك انا متى ما بغيتك جيتك طلل مايرضالي اطلع من البيت بهالوقت ولا اخر الليل هالاوقات اوقات محظوره عنده اني اطلع فيها مع السواق..

البندري/ طيب متى تجيني..

اصايل / انا بجيك بعد الظهر بتغدى معك ونروح للقصر والبنات كل وحده بتروح من بيتها..

البندري / اف قلقانه..

اصايل / شي طبيعي بس الحين خليني اكمل نوم لاني تعبت وانا مغمضه عيوني عشان مايطير النوم..

مع السلامه يامرة اوي ويابنت اخت زوج المستقبل..

البندري / ههههههههههه يله مع السلامه ..

نزلت البندري تحت مافي احد في البيت الكل نايم امها حصه الوحيده الي تكون بهالوقت صاحيه..

دقت الباب ولقت جدتها وسلمت عليها..

البندري/ بشريني عن صحتك اليوم..

الجده حصه / الحمدالله زينه جالسه من الحين اجهز عشان ارقص في عرسك الليله..

البندري جلست تضحك من خاطرها على جدتها..

الجده حصه / سمعيني يابنيتي ابي اقولك اشياء حطيها في بالك اذا تبين تكون حياتك سعيده وتحافظين على زوجك..

البندري / قولي يمه..

الجده حصه / الرجال يابنتي الله ميزه بالقوه والقوامه على المره وهذا شي تدوره المره.. لاكن هي الله ميزها بالحنان والنعومه والحظن الدافي الي يدوره الرجال.. لازم تعتبرينه طفلك الي تحبينه وتعشقينه تحنين عليه واذا غلط تعاتبينه وتسامحينه واذا شفتيه معصب تحاولين تهدينه مو تزيدين عصبيته.. اسمعي كلامه وسوالفه مهما كانت ماتهمك فهالشي يسعده........

واهم شيء لاتخلين عينه تطيح على شي وصخ سواء فيك او بالبيت.. خلي بيتك منظف دوم ومبخر حسسيه ان في فرق بين حياته الحين وحياته قبل وان مافي مقارنه بينهم ..عشان لاحس بهالنعمه ماراح يفكر يتخلى عنها ..

اما عن مشاكلكم الي لابد انها تكون في أي حياة زوجيه مهما كانت شدة العلاقه. لان مافي حياة خاليه من المشاكل .ففكري فيها بعقلك كيف تحلين المشكله من دون ماتحصل حزازيات بينكم هذا هو المهم وان شاء الله لله يوفقكم ويهنيكم ولا يفرقكم عن بعض..

البن والدموع ملت عيونها ضمت جدتها وشكرتها بخاطرها من جد هالكلام حست انها لو بتسويه ماراح تخسر فيصل وبتزيد من حبه لها..

طلعوا يسون لهم فطور ...



بعد الظهر جات أصايل عندها وتغدت بالغرفه معها ماتبي تركي يدري انها موجوده.. وبعد ماتغدوا نامت عندها لانهم بيتاخرون عن روحة القصر شوي عشان نفسية البندري ..

اما البنات فراحوا للقصر من بدري عشان الكوفيرى..

وفيصل مستانس محد قده عريس راح وحلق ورد البيت تبح وتكشخ بيرتاح شوي وبيروح بعدها للقصر..



وبعد المغرب كان الكل بالقصر وخلصوا البنات وينتظرون العشاء ياذن وتبدى الكوفيره في البندري ..

كانت أصايل لابسه فستان اسود وفوشي.. وكان جنان عليها..

وحن كانت لابسه فستان مموج بالوان اصفر وتفاحي واورنج..بس خيال..

هنادي لبست فستان اورنج..

ونوره الحامل الي دخلت الرابع كانت لابسه شيال زهري فاتح..

وخلود لبست عودي اعطاها اناقه ورزه..

وبعد ماصلوا العشاء طلعوا البنات لصالة الاستقبال عشان الكوفيره تاخذ راحتها..

كانوا الحاضرين كثير ومر الوقت عليهم بسرعه ماحسوا فيه من وناستهم من زمان ماحظروا عرس احد من قرايبهم اخر عرس عرس نوره الي كان قبل 5 سنين..

راحت أصايل عند البندري لان الكوفيره دقت تقول خلصت كانت البندري تبي تروح للمرايه تشوف نفسها يوم دخلت عليها اصل..

اصايل / واو بسم الله عليك من العين يالغاليه ماشاء الله عليك بتعذبين اخوي الليله..

البندري / والله حلوه ماشفت نفسي..

أصايل / تعالي اوريك نفسك ومسكتها ووقفتها قبال المرايه..

البندري جلست تناظر نفسها مومصدقه انها لابسه هذا الفستان واليوم وانها خلاص راح تكون زوجه لفص..

البندري كان فستانها ابيض وفيه ورد ناعم فوشي منفوش ومن فوق حاطه الحبال كذا حبل مو واحد وشرعتها كان فيها نفس الشيء ورد فوشي صغير..

مكياجها كان فوشي كانت ناعمه وحلوه مرررررره تسكت..

البندري / خايفـــــــــــــــــــــ ـــــــــــــــــــــه..

اصايل / ليش؟؟

البندري / اخاف مايعجب فص..و

أصايل قاطعتها/ الا بيعجبه ونص وبعدين هذا شي طبيعي انك تخافين وتقلقين..اذي ليلة عمرك على مايقولون وبعدين جهزي حالك نص ساعه كذا ويجي وقت زفتك بس عطيني الشريط عشان اخليهم يشغلونه لاجات وقت الزفه..اخذت الشريط وابتسمت لها وطلعت ..

جاء وقت الزفه..



حد منكم شاف بالدنيا بدر..

مقبل يمشي ومن حوله بشر..

من حلاه يزيد للناظر ضياه

ان ظهر للناس ولا ماظهر..

هذا ماهو بدر ليل يختفي..

مع طلوع الشمس وبزوغ القمر ..

اوبدر يصبح بعد مده هلال..

هذا بدر مكتمل طول الشهر..

ولا ايلاه الا الله..

عالنبي محمد يله صلوا عليه..


وعلى اغنية البدر الي عمت بصوتها القاعه انزفت البندري وهي مستحيه وقلبها يرجف من الخوف بس مع ذلك كانت فرحانه..

وصلت للكوشه ووقفت شوي وجوا الكل وسلم عيها وباركلها كانت تحس انها بتبكي وماتدري ليش يمكن لانها تمنت ابوها معها يشوفها بهاللحظه بس الله ماكتب ويمكن خلاص لانها بتطلع من بيتها الي عاشت فيه ايام طفولتها .. ويمكن لانها راح تبدى حياتها الجديده مع انسان غريب عنها قطع تفكيرها صوت امها وهي جايه لها..

ام نواف/ الحمد الله ياربي انك خليتني اشوف بنيتي عروس مبروك يالغاليه..

البندري / الله يبارك فيك يايمه..

اصايل/ واو فله متى اتزوج انا ويقلون لي هالكلام

البندري / قريب وتغمزلها...



نص ساعه وطلعوا الناس للعشاء ..

وراحت البندري لغرفتها الي بالقصر عشان اشوي وبتسري مع زوجها..

ودخل فيصل عليها وكان وده يركض بسرعه للمكان الي هي جالسه فيه بس مسك نفسه..

يوم وصل عندها سلم على راسها وابتسم كانت جنان واحلى من كل مره

فيصل/الف مبروك يالغاليه..

البندري وهي مستحيه/ الله يبارك فيك..

فيصل/ بس الله يبارك فيك مابعدها شيء..

البندري قلب وجهها لالوان الطماطم..

ظحك فيصل من قلبه عليها (حسها لايقه له وهي نفس الشي)....

ودخلوا اخوانها يبون يسلمون عليها بعد ماسلموا عليها ووصوا فيصل عليها طلعوا ماعادا تركي كان جالس لانه هو بيوصلهم للبيت راح وركب في السياره سلمت البندري على اهلها وطلعت هي وزوجها وراحوا لبيتهم..

الكل دعالهم بالسعاده اما ام نواف من راحوا جلست تبكي وتحمد ربها ان باقي لها بالبيت هنادي وانه ماراح يفضى..بس حتى هي بيجيها نصيبها..

فضى القصر والكل راح لبيته..



************************************************** *********

دخلت البندري الجناح وجلس فيصل بالصاله الخارجيه الي فوق عشان يخليها تاخذ راحتها فصخت عبايتها وعلقتها بالشماعه شمت ريحة العطر والعوده هذي العوده الي قالت للخلود تبخر فيها قبل ماتروح القصر...

شافت الغرفه وشافت التسريحه كيف البنات مرتبين اغراضها عليها..جلست على السرير يوم سمعت صوت الباب ..

دخل فيصل الجناح وجلس جمب البندري ..

فيصل / ها اعجبتك الغرفه...

البندري لفت حولها الغرفه جنان كانت بالاثاث / حلوه ..

فيصل /اكيد حلوه مو على ذوقي...

ابتسمت ابتسامه خفيفه..

فيصل / البندري حبيبتي الحياة الي بتجمعنا مع بعض طويله ان شاء الله وانا ابي هالحياه تكون مبنيه على الصراحه والحب وزياده على كذا ابي التفاهم بيننا هو يكون الشيء الي بينتج عن أي حوار بيننا ..

البندري يالغاليه هذا وعد مني بهالليله لك اني ماراح اقصر عليك بشيء واني بحطك بهالعيون(وياشر على عيونه) وبفضل احبك دوم وابي منك نفس الشي..

البندري /الله لايحرمني منك ياحبيبي.........ااااااا(انتبهت البندري لكلمتها الي قالتها ياربي يكون فيصل مانتبه هي منحرجه)..

فيصل شاف احراجها وسكت وهو سمع الكلمه وبغى يموت من السعاده..

فيصل /انا بدخل الحين الحمام باخذ لي دش وبنزل اجيب عشانا وبعدي دورك انتي روحي الحمام اذا ماقدرتي تستحملين من الجوع تراني اليوم الصبح جايب حركات شوفيها بالثلاجه الي جمبك شوي شوكلت وشوي غازيات وفي بعد سلة فواكه تغذي وخذي راحتك ترى هالجناح جناحك من الليله هذي.. ادريبك جوعانه..

البندري استحت وضحكت بهدوء على طريقة يصل بالكلام وهو يوم دخل الحمام طلع بسرعه ناظر فيها وبخبث..

فيصل / حلوه كلمة ياحبيبي مرررره حلوه اب اسمعها كثير ياحبيبتي ودخل الحمام وترك البندري بالوان الطمام الي بدت بوجهها.. يوم سمعت صوت المويه راحت لدولابها الملابس بتفتحه بس تذكرت ان البنات حطولها ملابسها بدرج الحمام فغيرت فستانها حق العرس وحطته على السرير ولبست بجامه سكري لين مايطلع هو من الحمام وتدخل تتسبح وتلبس ملابسهها الي بالحمام..يوم سمعت صوته يغني ابتسمت ورفعت يدها للسماء تدعي الله انه يحفظ لها اياه...



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-12-13, 11:25 AM   #10

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


الفصل الثالث.......................



بعد يومين خطبوا اصايل من اهلها ووافقت عشان تتحدى تركي الي بدى معها بالتحدي واليوم جاي تركي عشان يشوفها وجايب معه العريس فيصل الي خلى زوجته عند اهلها وجاى مع رفيق دربه اما هي فناويه عليه نيه ..

طلال/ يله ادخلي شوفي زوجك زوج المستقبل..

أصايل / لابتخلينيى بروحي..

طلال / ليش ياقلبي هو بياكلك ..

أصايل / ماتدري يمكن يستهرش..

طلال/هههههههه لا والله روحي بس ابوي وهو وفيصل بعد معه..

أصايل / لا والله جايب معه هالتنح فيصلووه الي ماجا يسلم علي من تزوج.. صدق تناحه..طلال ادخل معي ابوي اكيد بيروح وخصوصا دام هالتنح فيصل موجود ادخل معي لاتخليهم يلعبون فيني..

طلال /ههههههه ليش كوره يابنت الحلال ادخلي ووريهم قوتك انا بروح اصلي..

أصايل / الله يالطواعه بتروح تصلي ولسه مااذن..

طلال / يله ياعمري انتي ادخلي وبعدين وين العصير..

أصايل / مايحتاج هو بيروح يصلي وبعدين بيتنا مو كفتريا

طلال من خاطره /ههههههههههههههههههههههههه ههههههههههه الله يعينه جاك الموت ياتارك الصلاه ..

دخلت المجلس وسلمت ورد ابوها وتركي وفيصل السلام قم فيصل بيسلم عليها لاكن هي ماعطته وجه وراحت جلست عند ابوها..

تركي / شخبارك أصايل ؟؟؟

أصايل / الحمد الله وسكتت..

تركي /مع انك ماسالتي بس انا الحمد الله..

انقهرت شهالجراه فيه ..

ابو طلال / انا بروح اتوضا وارجع اذن المغرب ونروح المسجد مع بعض يا تركي انت متوضي؟؟

تركي / ايه ايه ياعمي انت بس روح توضى ياعمي عشان نروح بدري..

ظحك ابو طلال من خاطره على تركي والله ياصايل ولقيتي من ينافسك باللسان..وطلع يتوضا..

تركي / ماشاء الله اول مادخلتي ياله ياله سمعت صوتك وذاك اليوم صوتك يسمع جيران جيرانكم..

أصايل انقهرت/هاهاها تضحك..

فيصل / أي يوم تقابل اختي وماتقولي يالي ماتستحي..

تركي / بعدين اقولك الحين انا من حقي اشوف زوجت المستقبل واتاملها واسمع صوتها اسكت انت..

جلس يناظر فيها واستحت هي من نظراته..

اصايل بقهر واضح/ بعد عيونك..

تركي /الظاهر انا قلت هالشي قبل من حقي اشوف العيوب اذا في..

اصايل/ لا والله الحين انا فيني عيوب

ظحك تركي وفيصل عليها عليها شكل يوم تكلمت كانها بزر..

مر ابو طلال من المجلس ونادى تركي و فيصل..

تركي / جاي يله ياعم وبصوت واطي تو مامرت الا3 دقايق..

وهو طالع لف عليها وبخبث رما القنبله عليها / الملكه الخميس هذا..

أصايل جلست تناظر فيه مبلمه طلعت عيونها من مكانها..

تركي /جهزي حالك ابيك تلبسي احمر وطلع وهو يظحك على شكلها ه وفيصل الي توقع ان تركي يستهبل عليها بس لقوا في اوجييهم ابو طلال..

ابو طلال / ماشاء الله ياولدي قلنا شوفها مو تسولف وتظحك معها..

تركي استخى /هي الي كانت تسولف..

ابو طلال / هي اه منك بس وانت يافيصلوووه حسابك عندي وعند الاصيل بس خلنا نرجع من الصلاه ترى هذا حبيبة ابوها ومارضى بزعلها..

فيصل / هي زعلانه لاني لي يومين ماجيتها حتى يوم خطبتها كنت مشغول ولاتلومني معرس جديد وابشر بالي يراضيها لك بس بعد الصلاه..

تركي الي ماقدر يستحمل اكثر معقوله هالنسانه الي قبل شوي تكون بهالحساسيه وتزعل من اخوها لان لها يومين ماشافته اه من هالبنت الي كلت عقلي وخلتني بزر..

تركي /عمي طلبتك اول طلبه وقول تم..

ابو طلال/ تم ..

تركي / الملكه ابيها يوم الخميس هذا..

ابو طلال/ بس مافي وقت اليوم الاحد والخميس مايمدي..

تركي /الا يمدي كل شيء بيكون تمام والملكه بتكون باستراحه هديه مني انا لها ..

فيصل / والذبايح نصها علي انا وابوي هديه لها تستاهل الاصيل..

ابو طلال/ خلاص والنص الثاني علي الي فيه الخير الله يقدمه ان شاء الله بس خلنا نصلي الحين..

تركي/ بروح اتوضى..

ابو طلال / اه ياللعاب هذا كبرك وتكذب علي اقولك متوضي تقولي ايه طيب مافي ملكه..

تركي حب راس عبد الرحمن وقاله لافيه ان شاء الله بس هو يخبر أصايل اول مايرجع للبيت والزواج بيكون بعد سنتين على شرط اصل..



بعد الصلاه..................................

رجع ابو طلال ونادى عايشه مرته وخلها تنادي معها اصل..

أصايل / خير يبه بغيت وش؟؟

ابو طلال/ تعالي هنا بحظن ابوك يالغاليه..

أصايل كانها ماصدقت هالشيء ركضت لحظن ابوها وجلست فيه..

عايشه / بشويش على ابوك..

ابو طلال وكانه خايف من القنبله الي بيقولها/ خليها عروستنا الي بتملك هالخميس..

أصايل انقزت من حظن ابوها ولفت عليه /نعم املك هذا الخميس..

ابو طلال / معليش يابنتي انا عطيت الرجال كلمه ومع ذلك الي تبينه انتي بيصير حتى لو قلتيلي ارجع بكلمتك واعتذر من تركي ..

أصايل /لايبه ماعاش ولاكان من ثنى كلمتك والي تبيه بيصير..

ابو طلال / كفو والله ببنيتي الملكه صح انها بدري بس الزواج بيكون نفس الوقت الي حددتيه..

ولعلمك ترى الملكه بتكون باستراحه وهذي هدية تركي لك والذبايح بيني وبين عمك راشد جهزي حالك يالغاليه ومابيك تزعلين مني..

أصايل / لامو زعلانه صدقني ..

ابو طلال / الله يوفقك يابنتي ويسعدك في حياتك وانتي يام أصايل ماقلتي رايك.

ام طلال / راي هو رايك يابو طلال..

طلعت أصايل من الغرفه وهي منقهره من تركي سوى الي يبيه وخلى ابوي يعطيه كلمه عارف اني ماراح ارد ابوي لكن هين يا تركي وطلعت غرفتها بتطلع حرتها في البندري وبعدها بتشوف حنان عشان يروحون السوق..

************************************************** *******

انحجزت الاستراحه وتحدد يوم الملكه ودقوا البنات يباركون لاصايل بهالمناسبه..

راحت أصايل مع حنان عشان يشترون فستان لاصايل..

لفوا السوق وكل المحلات ولا لقوا شي مناسب ودخلوا محل اعجبهم فيه فستان تخبلوا عليه لونه وردي وقررت اصايل تاخذه بس للاسف هاللون مافيه مقاس أصايل صغير دوروا على مقاسها مالقوا من هاللون ... والطامه الكبرى ان المقاس الوحيد من هالفستان الي اعجب أصايل بالمره كان لونه.....................احمر....

أصايل / ماراح اشتريه..

حنان / يابنتي بلا عناد اشتريه مره حلو..

أصايل / بنلقى غيره..

حنان/ ماعليك بخالي اقهريه واشتري هالفستان..

أصايل / بيحسبني ميته عليه اخذ الفستان الي عاجبه لا يعني لا..

حنان/ اقول ترى اليوم يوم ثلثاء والملكه الخميس خلنا نشتريه ونشتري له اكسسوار وجزمه وبعدين ندور واحد ثاني اذا لقينا كان بها مالقينا تلبسين هذا..

أصايل / اف يله امرنا لله..اشتريه..

**********************************


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

الكلمات الدلالية (Tags)
(مكتملة, /عيونك, للكاتبه, الشوق, يرقة, خفاق, دنــــــــــــــياي, عليك, قلبي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:32 PM



Powered by vBulletin®
Copyright ©2000 - 2024, vBulletin Solutions, Inc.