الجزء التاسع والعشرون .....

وقف خالد عن المحطة .. ونزل من السيارة وجا عند الباب من جهة هتون
هتون نزلت القزاز: اشبك
خالد: ايش تبغين أجيبلك .. آمري تدللي
هتون: مايامر عليك ظالم .. عادي جيب أي شيء
خالد: أوكي
وغاب خالد عن هتون ربع ساعه ,, وبعدين جا وحط الأغراض وراء وكملوا طريقهم للمزرعه وكان خالد اغلب الوقت يناقر بهتون ويحرجها وهي المسكينه حالتها حاله

وصلوا المزرعه .. بالبدايه جلسوا بالحديقه يضحكون ويتكلمون وخالد يحكي هتون عن ذكرياته هنا
خالد اخذ عصير هتون وشرب منه
هتون: حقي هذا يالطفس وحطت يدها على فمها وسكتت .. ماتدري لسه حست نفسها تتصرف ولا كأنها هتون الأوليه .. تحس براحه غريبه اول مره تشعر فيها .. احساس بالأمن وشعور بالحب هو اللي سيطر عليها
خالد: ههههههههههههههههه ياحبي لك وبعدين انتي ملك ليه
هتون: لاياشيخ
خالد: ههههههههه
هتون أتذكرت اللي كانت جايه عشانه و شبكت يدينها ببعض وطالعت بخالد بخجل: أقول خالد
خالد بحب: عيونه
هتون:قوم نتمشى
خالد وقف : أوكي يلا قومي
وقامت هتون ومشيت جنب خالد اللي على طول حط يده بيدها
هتون حست برعشه بجسمها وحاولت تشيل يدها بس خالد كان ضاغط عليها
خالد حس فيها: لاتخافين ماباكلك
هتون انحرجت وسكتت
مشوا في كل ارجاء الحديقه لمن وصلوا للغرفه اللي دخلتها هتون من قبل مع مرام
هتون: خالد خلينا ندخل هنا
خالد استغرب: بس هذي غرفه قديمه وتلاقيها كلها غبار لأنه من مده محد دخلها
هتون راحت وقفت عند باب الغرفه: طيب أنا بشوفها
خالد اتعجب من اصرارها وجا لعندها : طيب ندخل.. بس بقولك شيء
هتون: ايش
خالد: هالغرفه بالذات ليه ذكريات فيها كثير
هتون: اها شيء حلو .. وانا أبغى اعرف ذكرياتك"وابتسمت" ممكن؟؟
خالد ردلها الابتسامه: ممكن ياعمري
هتون ابتسمت وطالعت بخالد اللي كان يفتح الباب
دخلوا وولع خالد النور وعلى طول لمح صورة امه وابوه وطالع بهتون اللي ابتسمت
هتون: هذي عمتي وابوك
خالد: ايوه
هتون ماكانت بتبين له انها تدري انه يرسم: وااااااااااو من جد رسمه روعه .. مين رسمها؟
خالد يحك دقنه: امممممممم أنا
هتون سوت نفسها مندهشه: لاااااا انت رسام
خالد: يعني ليه محاولات
هتون: حرام عليك تسمي هذي محاولات
خالد مسك يد هتون وجلسها على الكنبه وجلس جنبها: تصدقي هتون هذي آخر لوحه رسمتها
هتون: طيب ليه توقفت
خالد: يعني من بعد وفاة ابويه الله يرحمه
هتون: الله يرحمه
خالد كمل: انا تأثرت كثير بوفاته ومن حزني عليه كنت دايما أجي المزرعه جلست فترة أحب الوحدة وماكنت أبغى أشوف أحد لكن بعدين اتذكرت أمي وأخواني وانهم بحاجه ليه وحاولت اعدل من حالت الكآبه اللي كنت عايشها ومن بعدها وانا صرت مشغول باأهلي وتركت الرسم طبعا لأنه ماعندي وقت أرسم "وطالع بهتون" ويمكن لأنه ماعاد فيه شيء حلو بحياتي يستاهل أني ارسمه " وبعدين ابتسم" بس أجزم بهذي اللحظة انه صار فيه
هتون: ايش هو
خالد مسك يدها ورفعها لشفايفه وباسها: أنتي ياقلبي " وكمل يبوس يدها أكثر من بوسه
هتون حست من بوساته انها خلاص ذابت .. قد ايش كان حنون ورومانسي
هتون بعد ماانتبهت على نفسها سحبت يدها وقامت : اقول خالد
خالد قام وراها: عيونه وقلبه وروحه
هتون: تأخرنا خلينا نروح
خالد جا ووقف قبالها: لاهتون والله تونا مالنا الا ساعه
هتون تبغى تتهرب منه ومن الاحساس اللي تحسه من قربه لها: لا اتأخرنا ولاتنسى عبال مانوصل كم يبغالنا وقت
خالد عرف انه هتون خايفه منه وضحك بقلبه وحب يزيدها خوف: طيب حبيبتي أنا ابغى ارسمك "ويتكلم وهو كل ماله يقرب منها"
هتون اتلخبطت خلاص: خليها وقت ثاني
خالد يقرب اكثر وهي تمشي لوراء: لا أنا ببالي أرسمك دحين
هتون: خالد الله يخليك
خالد قرب منها وصار لاصق فيها: انتي الله يخليك
هتون رجعت لوراء ولصقت بالجدار
خالد ابتسم بخبث: وين بتروحين مني برسمك يعني برسمك
هتون تبعده عنها: خالد بعد عني
خالد: أنا زوجك
هتون: خالد الله يخليك
خالد طنشها وباسها مع خدها ومسك وجهها بيده وصارت ماتشوف الا وجه خالد وتحس با أنفاسه الحارة .. حست هتون انها خلاص ذايبه من نظراته ومن ريحه عطره وكل خليه بجسمها ذابت ..
سمعت خالد يهمس لها: أحبك أحبك أموت فيك وأعشقك .. ماأنسى ذاك اليوم لمن طحتي بحضني كنتي كأنك ملاك نازل من السما عيوننننننك ااااااه ياعيونك ذوبتني وجننتني وعذبتني كل مانام وأصحى الاقيها قدامي .. هتون أحبك أحبك أحبك أبحك أحبك .. نعومتك ورقتك أموت فيها.. هتون نظراتك تدوخني ااااه أحبك
هتون خلاص ماعادت تتحمل اكثر .. كلام خالد هزها قلبها من كثر ماينبض حسته بيطلع من محله وهتون من الناس اللي مايعبرون عن حالتهم الا بالدمع ولاشعوريا نزلت دموعها وصارت تبكي
خالد حضنها بقوة: هتون حبي خلاص لاتبكين أنا آسف
هتون تعلقت فيه أكثر وأتذكرت حبها الوهمي لمحمد وكيف كانت تبني عليه آمال كلها كانت بخيالها ومن تأليفها هي ودحين بحضن خالد رجعت لها نفس الأحاسيس
هتون: خالد لاتتركني
خالد وهو يحرك شعرها: مستحيل أتركك ..انا ماحسبت لقيتك
هتون: توعدني
خالد رفعها من حضنه وباسها على خدها: وعد وربي وعد
هتون ابتسمت من بين دموعها: الله لايحرمني منك
خالد: ولامنك
وحط يده بيدها وجلسها على الكنبه وجاب صندوق الصور وجلس جنبها
خالد: طيب ممكن ياجمليتي نجلس بس نص ساعه
هتون ابتسمتله بحب: ممكن
فتح خالد الصندوق و وراها الصور وكان يحكيها عن كل صورة
وبعد نص ساعه غادروا المزرعه تاركين فيها أحلى ذكرى جمعتهم

مرت الأيام كئيبة على البعض وحلوة على البعض الآخر والباقي مرت حياتهم هاديه
هدى كانت حالتها النفسيه كل يوم تزداد سوء هن اللي قبله وماجد محتار من حالتها وكل مايكلمها تعتذرله بشيء ..حتى خرجات معاه ماتخرج ولاتروح لأهلها ..فهد وماضيه منكد عليها عيشتها .. واتصالاته تزيدها سوء احيانا ترد عليه واحيانا تطنشه
اما خالد وهتون عايشين أجمل ايامهم وكذلك هاني ورغد
تركي وهنوف علاقتهم شبه بارده .. تركي يحاول يتأقلم بس برضو هنوف بعيده عن قبله
هيفا حبها لفهد يزداد وخصوصا انها صارت تروح لبيت عمتها كثير وكم مره تشوفه والمرات اللي تشوفه فيها كان يبتسم لها كأنه حاس بالي بقلبها له
0
0

منيرة انصدمت وحطت يدها على صدرها: انت متأكد انه تبغى هيفا
عمر: والله انا زيك اتفاجأت بس هي أكدت ليه
منيرة: لا مو معقول مالقت الاهيفا وبعدين هيفا صغيرة عليه
عمر: والله مدري انا متلخبط
منيرة: وايش قولت لها
عمر: قوتلها خير ان شاء الله
منيرة: وي وي ايش المصيبه هذي
عمر طالع بمنيرة: منيرة ايش هذا الكلام ولد اختي صار مصيبه
منيرة ارتبكت: لا مااقصد بس انت عارف الماضي
عمر: هذاك قولتيها ماضي
منيرة: بس
عمر: لابس ولاشيء احنا نأخذ رأي هيفا
منيرة: بس هيفا صغيرة وبعدين هدى .. وسكتت
عمر: اشبها هدى
منيرة: اخاف تزعل
عمر: منيرة ايش فيك تلخبطين بالكلام هدى اكيد نسيت فهد ومو حلو تفكرين ببنتك كذا
منيرة: والله ماأقصد اكيد هدى نسيته بس .. مدري مدري انت وبناتك بكيفكم
وحطت راسها على المخده والافكار تعصف بعقلها

الصباح كانت هدى نايمه وجوالها ماوقف دق وهدى خلاص وصلت معاها اعصابها خلاص مو متحمله أكثر وكانت كل شوي تقفل بوجهه وبالأخير جاتها رساله منه
"هدى ردي عليه بقولك شيء مهم"
هدى: اوفففف ياربي متى بخلص من الحاله هذي انا
وردت عليه: الو
فهد: اخيرااااااااا
هدى: خير احد يدق دحين من صباح الله
فهد واحلى صباح يوم انك تسمعين صوتي
هدى: كثر منها .. مصدق عمرك انت
فهد: ههههههههههههه
هدى بقلبها اوفففففف سخيف
فهد: هدى ماقالولك
هدى: على ايش
فهد: امك ماكلمتك
هدى اتذكرت اللي قاله عن هيفا واتوترت: فهد اتكلم عدل
فهد: اممممممممممممم
هدى خلاص وصلت معها: اتكلم اوفففففففففف
فهد: خطبت أختك هيفا
هدى قفلت الجوال ورمته بقوة وطاحت على مخدتها تبكي وتبكي
فهد يدق عليها ويعطيه مغلق ابتسم ابتسامه نصر: شكلها نجحت خطتي
طيب ياهدى بوريكي مين يكون فهد ههههههههههههه

هيفا قالتلها مها انها سمعت امها وفهد يتكلمون وانها لقطت منهم انهم بيخطبونها
طبعا هيفا من قالتلها مها هذا الكلام وهي مانامت طول الليل صاحيه تفكر بفهد وانه خلاص حلمها اتحقق ولانها مانامت طول الليل قررت انها تغيب لانه على الصباح كبس عليها النوم

هدى بعد ماانتهت من المناحه قامت ورفعت جوالها وفتحته واتصلت على ماجد وحاولت تكون طبيعيه
ماجد: هلا بروحي
هدى: هلابك
ماجد: خير حبيبتي فيك شيء
هدى: لالا مافيني شيء بس طفشانه ومافيني نوم فقررت أروح عند امي اتونس معاها
ماجد: والله حبيبتي انا دحين مره مشغول مااقدر اجيكي
هدى: لا لاتشيل هم انا أخلي سواق أهلي يجي
ماجد: طيب روحي بس انتبهي على نفسك
هدى: طيب.. مع السلامه حبيبي
ماجد: مع السلامه
وقفلت منه واتصلت على امها وطلبتها السواق
ونص ساعه وهيي ببيت اهلها
دخلت لقيت منيرة جالسه بالصاله تتقهوى
سلمت عليها هدى وجلست جنبها
رهف جلست جنبهم وجلست تدور بعيونها هيثم
رهف: ماما وين هيمم
هدى دفتها: ماني ناقصتك انا روحي عني
منيرة: وي اشبك على البنت
هدى: طفشوني بعمري
رهف دمعت عيونها
منيرة تاشر لها: تعالي ياروح جدتك
وراحت رهف ورمت نفسها على منيرة
منيرة: وينك انتي ماصرتي تنشافين
هدى: لا بس مشغوله مع العيال
منيرة: هدى اشفيك يابنتي ايش اللي صاير لك مني هدى الأوليه
هدى: صدقيني مافيني شيء
كانت هيفا ماره من الصاله بتروح المطبخ وانتبهت لهم
هيفا: صباح الخير
منيرة وهدى: صباح النور
منيرة: تقولي تعبانه ومدري ايش ماشوف فيك شيء
هيفا: والله امي تعبانه فيني نوم بس دحين عطشت وقمت بشرب مويه وراجعه بنام
وسلمت على هدى: كيفك هدى
هدى: بخير.. انتي كيفك؟
هيفا: نحمدووو
منيرة بقلبها دامهم مجتمعين خليني أفتحلهم الموضوع
منيرة: اسمعوني دامكم الثنتين موجودات بقولكم شيء
هيفا ابتسمت وبقلبها: اتكلمي ياامي وفرحي قلبي اااااااه اخيرا بتتحقق منيتي
أما هدى فكشرت وبقلبها: الله يعين شكله فهد صادق باللي قاله
منيرة طالعت بهدى وبعدين بهيفا: امس أبوكم قالي انه فيه خطيب جا لهيفا
هدى ارتبكت ,, اما هيفا نزلت راسها بخجل
منيرة: و اللي خطبها "واترددت" فــــــهـــــد
هدى طاح قلبها
هيفا حمرت خدودها من الخجل وهدى تطالعها بقهر
منيرة: أبوكم مارد على عمتكم بيشوف رأيك أول ياهيفا
هيفا: اللي تشوفونه
منيرة: لا اللي تشوفينه انتي
هدى بعصبيه: بس فهد كبير على هيفا فهد كانه ابوها
هيفا انصدمت من رد هدى
هدى نزلت رأسها وسكتت
منيرة: لا عاد كبرتيه مره انتي .. بس القرار الأول والاخير لهيفا
هيفا ابتسمت وقامت: أفكر
وراحت لغرفتها هيمانه وذايبه من اللي سمعته ,, دخلت غرفتها ووقفت قدام المرايه وفتحت شعرها وباست نفسها بالمرايه: امووووووووه وأخيرا اتحقق اللي تبغيه ياهيفا
وبعدين راحت انسدحت على سريرها وافكارها كلها عند فهد

قامت مفجوعه من قفلت الباب وشافت هدى قدامها والشرر بعيونها: انتي بتوافقي عليه
هيفا نزلت رأسها: مدري لسه بفكر
هدى: ماله داعي تفكري أرفضيه
هيفا انصدمت: ليييييه
هدى: من غير ليه فهد مو مناسب لك
هيفا انقهرت منها: أنا اللي اقرر مو انتي
هدى: أنا أختك وأكبر منك وأدرى بمصلحتك
هيفا: لا والله ابويه وهو ابويه مارفض تجين انتي ترفضين
هدى صرخت: ترفضينه يعني ترفضينه
هيفا: مو بكيفك
هدى راحت عندها ومسكتها من كتوفها بقوة: الا بكيفك وغصب عنك ترفضينه انتي ماتستحي تاخذي واحد كبير قد ابوك
هيفا ابتسمت بسخريه: لا ياشيخه انا اللي ماأستحي ولا انتي اللي متزوجه ولسه تفكر بحبيب الطفوله والــ... هيفا ماخلصت كلامها الا وتحس بيد هدى على خدها
طاحت هيفا على السرير ودموعها بعينها: انتي مالك فيني اكرهك اكرهك اطلعي من بيتنا اكرهك
هدى طلعت بره الغرفه وقابلت منيرة اللي سمعت اصواتهم وجات
منيرة: خير ايش فيكم
هدى طنشتها وراحت مسكت يد بنتها اللي عاندت انها تروح فضربتها هدى وشالتها بالقوة وطلعت من البيت
منيرة دخلت على هيفا اللي كانت تبكي بحراره وحضنتها
هيفا: مالها شغل فيني
منيرة: خلاص هدي ماعليك منها
هيفا قامت: مالها فيني مالها فيني .. أكرهها اكرهها
منيرة مسكتها ثاني وحضنتها وجلست تقرأ قرآن عليها لمن هدت ونامت

انتشر خبر خطبه فهد لهيفا والاغلبيه مو مصدقين الخبر .. اما هيفا اغلب وقتها تقضيه بغرفتها وكل فرحتها ولهفتها على فهد اتبخرت من بعد كلام هدى

اما هدى كانت سائت حالتها النفسيه اكثر واكثر وفوق كذا ندمانه على عصبيتها وكلامها لهيفا .. واغلب الوقت تقضيه بغرفتها وزوجها وعيالها ماصارت تقعد معاهم وتهتم فيهم .. وماجد حاول فيها يبغى يعرف ايش اللي صار لها لكنها ماكنت ترد عليه ومايلاقي رد منها الا دموعها

منيرة: ياهنادي والله كل شيء صار بسرعه وتعرفين عمتك وتفكيرها
هنادي: والله ياامي بغض النظر عن موضوع فهد وهدى .. فهد مو مناسب لهيفا
منيرة: والله انا ليند دحين وانا مو مصدقه بس أبوك مايبغى يرد عمتك
هنادي: بس حرام يظلم هيفا وهما مو مناسبين لبعض
هيفا جات من وراهم: وليه ان شاء الله مو مناسب ليه
منيرة وهنادي اتفاجأو بوجودها
منيرة: هيفا مالها داعي العصبيه
هيفا: ايش فيكم انتوا أرحموني تطالعون فيني كأني مسويه جريمه "وبكيت" حرام عليكم والله حرام .. تقدرون مشاعر هدى وناسيني أنا .. انا ايش ذنبي ..خلاص لو تشوفونه انه مو مناسب ليه سوو اللي يريحكم وريحوني من كلامكم وتلميحاتكم.. وجريت على غرفتها
منيرة: لاحول لله من وين طلعتلنا هذي السالفه
هنادي تطبطب على امها: أمي لاتكدري نفسك واللي الله رايده ربنا بيصير
منيرة: والنعم بالله .. الله يعيننا بس "ومسكت يد هنادي: الله يعافيك يابنتي زوري أختك وأطمني عليها والله خرجت من عندنا وهي متنكده
هنادي: ان شاء الله ولايهمك دحين بروح لها
منيرة اتنهدت: اااه ربي يحلها من عنده وانتي كيفك مع الحمل
هنادي: الحمدلله بس تعب متى أولد وارتاح
منيرة: ربي يسهلها عليك
هنادي: آمين

هتون وهنوف يهدون بهيفا اللي دخلت عليهم منهارة بالبكي
هتون: خلاص حبيبتي ماعليكي منهم لو انتي تبغيه مايهمك أحد
هنوف: كمان هدى هذي ماتستحي يعني متزوجه ولسه تفكر فيه .. الرجال نساها ايش تبغى فيه
هتون طالعتها: هنوف خلاص ماله داعي هذا الكلام
هيفا: سيبوني لحالي الله يخليكم
تركوها هتون وهنوف وخرجوا بره الغرفه

فهد يكلم أمه:طيب خالي مارد عليكي
فوزيه: على ايش مستعجل اصبر
خالد: ايوه اصبر زي
مها: هههههههههه هو في أحد زيك يارومانسي
خالد طالعها بنص عين: ايش تقصدي
مها: مااقصد شيء ياحلو
خالد: أحسب
نهى: والله وطيحوا روؤسكم بنات خالي
مها: أي والله .. ساحرات
فوزيه: عيب يابنت
خالد: عن الغلط عاد
مها: وي وي أكلتوني أمزح اوففففف
محمد: مابقي ليه منهم وحده
فوزيه: ليه حلاوات هما
مها: ههههههههه حلوة منك مامتي .. وبعدين تعال انت وحده مين ومرام نسيتها
محمد: خليها تفارق ايش دخلها دحين
نهى: حرااااام والله مرام تحبك
مها: من قرادت حظها يوم حبته
محمد: هيه هييه بااااااايخه وبعدين من زينها عاد
نهى: لا وربي عسل مرام
فوزيه: مين يشهد للعروسه
نهى انحرجت
فهد قام: طيب انا استأذنكم عندي مشوار
فوزيه: الله يحفظك
محمد: أمي مالي ابغى أتزوج
فوزيه: خلاص أكلم خالك واخطبلك مرام
مها: واااااااااااو
محمد: ومن قال اني أبغى مرام
فوزيه: لا تناسبك مرام
محمد: بس دلوعه ودلعها ماصخ
فوزيه: تتزوجها وتمشيها على كيفك
مها: وي لعبه هي
محمد: مو شغلك زوجتي وحر فيها
مها: خليها تصير زوجتك بالأول
فوزيه: ان شاء الله
محمد: ملقووووووفه
مها: صديقتي
محمد: فارقي .. بتصير زوجتي وماعاد بخليها تصادقك
مها قامت: واااااااي بااااااايخ اروح أذاكرلي كم كلمه احسن
محمد: أحسن
خالد: تريحينا من صجتك
مها: طيب ماعليه يالرومانسي
خالد: الاتعالي ايش قصتك اليوم انتي وعلى ايش تلمحي؟
مها: ماالمح على شيء يالرومانسي ههههههههههههههه وشردت قبل مايجيها شيء
فوزيه: الله يهديها
خالد: تكبر وتعقل
فوزيه: الا خالد كيف هتون معاك
خالد: الحمدلله مرتااااح ومبسوووووط
فوزيه: ان شاء الله دايما
نهى: خلاص تتزوجون الثلاثه مع بعض
محمد: ايوه ايوه احسن
خالد: بس أنا ابغى أتزوج بدري لاتأخرونا
محمد ونهى: ههههههههههههههه
محمد: الاخ مستعجل
خالد: مرررررررررره
فوزيه ابتسمت: ربك يسهلها .. وعسى ربي يوفقكم ويفرحني فيكم
الكل: آمين

هنادي بعد ماطلعت من بيتهم مرت على هدى وانصدمت من الحاله اللي وصلت عليها والكآبه اللي عايشتها
هنادي: هدى من جدك انتي معقوله لهدرجه وصلت معاكي من جد ماتوقعتك كذا لهدرجه ضعيفه ماقلت لك تطنشيه والله مايستاهل اللي قاعده تسويه حرام بحقك وبحق زوجك وعيالك
هدى من بين دموعها: وربي مو بيدي بس هو بكلامه يقهرني
هنادي: هذا اللي هو يبغاه خليكي ثقيله
هدى: وربي أحاول واحاول بس من اكلمه اضعفه
هنادي: ياربي هذا انسان ولا ايش ماكأنه قريب لنا من جد وقح
هدى: وحقيييييير
هنادي: والمشكله انو اختك تبغاه المكسينه ماتدري انها بتكون ضحيه وانه فهد يستخدمها كسلاح ضدك والمشكله برضو انو لو هيفا وافقت ابويه وامي بيوافقوا عشان عمتي .. بس احنا لازم نتدخل ونقنعها قبل ماتندم بعدين
هدى: انا ماليه شغل لما اتدخلت فهمتوني غلط
هنادي: الله يفرجها من عنده ونرتاح .. وانا كلمت هتون وان شاء الله تقدر تقنع هيفا
هدى: قولتيلها على فهد؟؟
هنادي: ايوه هتون تقدر تقنعها ان شاء الله أكثر مننا
هدى: ان شاء الله
ودق جوالها
هنادي: الو هلا حبيبي خلاص طيب .. لا انا خلصت طيب
هنادي وقفت: طيب حبيبتي هدى زي ماقلت لكي طنشيه وريحي نفسك والله مايستاهل اللي تسويه عشانه صدقيني انتي الخسرانه بتخربي بيتك بيدك
هدى: ياحياتي ياماجد مهملته هو وعياله ولاأشتكى وتاركني على راحتي
هنادي: هيا انتبهي .. وبعدين هدى الله يخليك زوري امي والله قلقانه عليكي
هدى: ياحياتي ياامي .. ان شاء الله بزورهم
هنادي: طيب حبيبتي ان بروح تامريني شيء
هدى: سلامتك .. بس بدري اقعدي ماضيفتك
هنادي: خليها بيوم ثاني ان شاء الله .. يلا مع السلامه
ووصلتها هدى وبعدين راحت تجهز نفسها تبغى ماجد يجي ويشوفها غير
0
0
هتون تفكر بالكلام اللي قالته هنادي عن تخطيطات فهد واذيته لهدى
طالعت بهيفا النايمه : يالله معقول فهد يسوي كذا وهيفا المسكينه تحبه ..يالله كيف بترفضه وهي ماصدقت انه خطبها .. ااااه الله يعينك ياهيفا لو تدري
ودق جوالها ..وطالعت فيه يالله يخالد لو تدري على ايش ناوي أخوك
هتون: الوو
خالد: هلا حبيبتي.. كيفك؟
هتون: بخير
خالد: حبيبتي ايش فيك
هتون: مافيني شيء
خالد: الا فيك
هتون: مافيني شيء صدقني
خالد: من اول ماسمعت صوتك حسيت انه فيك شيء
هتون: عادي
خالد: هتونه على ايش اتفقنا انا وانتي؟
هتون: .........ساكته
خالد: على ايش؟
هتون: انه مانخبي شيء على بعض
خالد: هذاك قولتيها يلا حبيبتي قوليلي ايش اللي مضايقك
هتون: خالد بسالك فهد يبغى يتزوج هيفا من جد
خالد استغرب: كيف يعني ,, مافهمتك؟
هتون اخذت نفس: يعني يبغى هيفا ولا يقصد شيء ثاني
خالد: لا يبغى هيفا
هتون: متأكد
خالد يفكر: امممم شوفي هو صح خطوه كانت مستغربه من فهد لكن يمكن يكون جاد
هتون: بس انا سمعت انه فهد يبغى يتزوج هيفا نكايه لهدى
خالد: اييش ايييييييييش هتون ايش هذا الكلام
هتون: والله اكلمك جد
خالد: وانتي ايش دراك
هتون حكته بكل اللي يسويه فهد ومكالماته مع هدى
خالد يسمع لهتون وهو منصدم ومتفشل من الكلام اللي سمعه عن فهد
خالد: من جد انه مايستحي يسوي ببنات خاله زي كذا .. تصدقي هتون
هتون: ايش؟
خالد: من اول احس انه فهد معاه حاله نفسيه
هتون بكيت: اكيد ولا في احد يسوي كذا ياحرام ياهيفا
خالد سمع شهقات: هتون حبيبتي لاتبكي
هتون: مو هاينه عليه اختي
خالد: ولابتهون علينا وأوعدك اني بحل الموضوع
هتون: ايش بتسوي
خالد: بسوي اللي بيريحكم
هتون: ان شاء الله
خالد: بس انتي دحين لاتزعلي نفسك والله اتعذب لمن تبكي حرام عليكي
هتون مسحت دموعها: طيب حبيبي
خالد: أحبك
هتون: وانا احبك
خالد: مووووووت؟؟
هتون: موووت موووووت
خالد: الله لايحرمني منك وموضوع فهد انا بحله طيب حبيبتي
هتون: طيب
واتكلم خالد مع هتون شويه و بعدين قفل
حط خالد رأسه على المخده والافكار توديه وتجيبه مو مصدق انه فهد يوصل تفكيره لهدرجه
خالد اتنهد: الله يهديك يافهد عمرك مابتريحنا كل مره تطلعلنا بسالفه .. ربي يساعدك على نفسك ويساعدنا عليك وطفى الانوار ونام على أمل انه يقدر يسوي شيء زي ماوعد هتون

000000000000000000

انـــــتهى الجـزء

********

في الصباح و بغرفه فهد كانوا فهد وخالد يتكلمون

فهد: خالد أنا مو بزر عندك
خالد عصب: والله اللي تسويه انت حتى الطفل مايسويه
فهد: لاحوووووووول ياشيخ فكنا
خالد: فهد حرام عليك اللي تسويه فيهم هذول بنات خالك
فهد: يوووووو تراك رجيتنا عارف إنهم بنات خالي وأنا ماضريتهم بشيء بالعكس أنا خطبت منهم
خالد: لاياشيخ خطبت هيفا عشان تقهر هدى ,, بالله هيفا ايش ذنبها حرام عليك البنت صغيرة
خالد: ياابن الحلال ايش فيك انت وبعدين يكون في علمك هيفا تتمناني
خالد: ومين قالك ؟
فهد: مو شغلك وبعدين أنا بحقق لها أمنيتها
خالد: والله بتعذبها وانت الصادق ,, فهد استغفر ربك
فهد: يااااربي انت ايشبك والله انك تضحك لاعبين بمخك لعب
خالد عصب: محد لاعب بمخي .. عليك كلام وربي ,, أنا أقول الشيء الصحيح
فهد: خالد أنا حرررررررر فاهم ورجاء لاتدخل بحياتي
خالد: على العموم أنا بتركك تفكر وتصحي ضميرك وياليت يافهد تعدل من حالك وعلى فكره ترى هدى قالت لأخواتها على اللي سويته وما أظن إنها تفكر فيك زي ماانت متصور
وراح خالد وترك فهد مع أفكاره

فتحت عيونها وعلى شفايفها شبه ابتسامه ,, ااااااااااه يجنن ياليت اللي شوفته يصير حقيقة
ياربي لاحقني حتى بالحلم والله أحبببببببببه ومستحيل ارفضه وهذا الحلم أحسه هو اللي بيساعدني على اتخاذ القرار
قامت هيفا من سريرها وتحس إنها فرحانه وآثار الحلم باقية على ملامحها ..

هتون تطالع من تحت اللحاف بهيفا اللي قامت ولمحت ابتسامه على شفايفها
هتون تكلم نفسها: غريبة حالها اليوم غير عن أمس وقبله

وأثناء تفكير هتون دخلت هيفا وفرشت سجادتها وصلت الفجر وقررت بعدها بتصلي استخارة حتى تقرر نهائي

000000000000000
فهد مو مصدق اللي تقوله أمه: من جدك وافقت
فوزيه تحضنه وتبكي: توه أخويه دق عليه وبلغني موافقة هيفا ,, اااه يافهد أخيرا بتفرح قلب أمك
فهد كان منصدم ودحين حس بمدى استعجاله ودمعت عيونه على الفرحة اللي شافها بعيون أمه
مها: كلوووووووووويش وربي إنكم مناسبين لبعض
نهى: والله وصبرت ونلت يافهد
خالد كان واقف بعيد ويفكر
فوزيه تناديه: خالد تعال بارك لأخوك
خالد ماحب يكسر أمه وخصوصا لمن شاف فرحتها الكبيرة
وجاء لعندهم
خالد: مبروك فهد وأتمنى انك تكون قد الزواجه هذي
فوزيه: خالد,, فهد كبير وان شاء الله بيكون قد المسئولية
فهد حاول يبتسم: إن شاء الله .. ربي يسهلها
أما في بيت عمر كانوا كلهم فرحانين ماعدا هتون وهنوف بس حاولوا مايبينوا شيء لهيفا ويفسدون فرحتها
هنوف تهمس لهتون: والله إنها هالبنت مجنونه
هتون: طول عمرها هيفا تحب المغامرة ,, يلا يمكن يكون خير لها ,, أنا انصدمت بالبداية بس لمن كلمتها وشوفت الإصرار في كلامها والأكثر إحساسها إنها بتكون سعيدة مع فهد سكتت يمكن تكون صادقه بإحساسها .. مابعد أنا اللي كنت ماأحب اسمع سيرة خالد
هنوف ابتسمت: ودحين
هتون: أمووووووووووت فيه
هنوف استغربت من جراءتها: واااااااااااو فيه تطور
هتون: هههههههههه
هنوف: الله يسعدنا كلنا ويوفقنا بحياتنا
هتون: آميييييين

مرت الأيام والأسابيع والشهور وعلاقة العوائل صارت أكثر ترابط وحتى لطيفه هديت وخصوصا بعد ماصابها مرض السكر وخلاها تهدأ شويه وصارت حالها بحالها

اليوم آخر يوم لهتون في بيت أهلها

كانوا هتون وهنوف وهيفا جالسين بغرفتهم ,, أما الباقي كانوا معزومين في بيت فوزيه اللي مسويه عزومه بمناسبة زواج خالد

هنوف : هتون كيف شعورك دحين
هتون: أسكتي والله خايفه
هيفا: خايفه من خالد؟
هتون: لالا خالد بالعكس لمن أكون معاه أحس بالأمان بس الزواج له رهبه
هنوف تحضن هتون: والله بنفقدك ياهتونه
هتون: وأنا كمان
هيفا: على الأقل انتي كلها أسبوعين وبتلحقيها ,, أنا اللي بفقدكم
ودمعت عيونهم كلهم
هيفا تمسح دموعها: بس شوي ونقلبها مناحه قوموا خلونا نشوف لنا فيلم نتسلى شويه
هتون: أي والله نسوني دخيلكم
هنوف وهيفا: ههههههههههههههه
وقومتهم هيفا وطلعوا وهم ماسكين بعض
0
0

ثاني يوم العصر خالد كان ببيته الجديد يتفقد لو ناقص شيء ,,بهذي اللحظة كان بغرفه النوم وقاعد يتخيل هتون معاه .. الدوبا أسبوع ماتكلمني يعنني مسويه فيها بس دحين بدق عليها واللي يصير يصير ..وطلع جواله من جيبه ودق عليها

هتون كانت عند الكوفيرا وكانت تنتظر دورها
دق جوالها وابتسمت لمن شافت المتصل .. وحشها صوته
هتون: هلا والله
خالد بصوت كل حب: هلا حبيبتي ,,السلام عليكم
هتون: وعليكم السلام
خالد: غريبة رديتي
هتون: ههههه بصراحه كسرت خاطري
خالد: لاياشيخه أوريك اليوم كلها كم ساعة وبتصيرين عندي وأوريك كيف نتيجة كسر الخواطر
هتون استحت: هههههه "وحبت تغير الكلام" وينك انت دحين مااسمع رجه شكلك لوحدك
خالد: حزري
هتون: اممممم في غرفتك
خالد: في بيتنا وتحديدا بغرفه النوم
هتون ارتبكت وااااي أنا أقفلها م هنا تجي من هنا ايش يسكته هذا
خالد حس بحرجها: وحشتيني والله وحشتيييييييييييييييييييين ي
هتون: وانت كمان
خالد: لالا لو وحشتك كان ماغبتي عني أسبوع كامل
هتون: بالنسبة لي انت ماغبت عني لأنك موجود بقلبي
خالد ذاب: ااااااااااه خلاص بس مااتحمل أنا
هتون: هههههههه "وانتبهت للي تأشر لها " .. اوكي حبيبي أنا بروح اتجهز تبغى شيء
خالد: طيب حبيبتي.. وأشوفك بالليل ,, مع السلامة
هتون: مع السلامة .. وقفلت وراحت تتجهز
0
0
كانت هتون لابسه وجالسه على أعصابها ,, الوقت يمر وكل ثانيه تزيد نبضات قلبها .. دخلوا عليها هنوف وهيفا وعلى وجيههم ابتسامه
هيفا: كلوووووووويش قمر ماشاء الله ,, لو انك مو أختي بقول مين هذي
هتون: يابكاشه مو مره متغيرة عاد
هنوف: لا والله متغيرة الله يعينك على خالد
هتون خجلت
هيفا ماتت ضحك : ياربي على اللي يخجلون
هتون: أشوف فيكم يوم
هنوف اتذكرت اللي بره: وي وي هيفا نسينا اللي جايين عشانه
هيفا: وي .. على فكره هتون بره فيه مفاجأة لك
هتون: الله يستر من مفاجأتكم
هيفا وهي طالعه: لا بتعجبك
وخرجت وشويه ودخلت ومعاها رغد
هتون من شافت رغد صرخت وراحت لها تحضنها
هتون تحضنها بقوة: وحشتيني وحشتيني ,, كويس هاني فكك والله لو ماكنتي جيتي بذبحكم
رغد: هههههههههه ليه مجنونه أنا ماأجي زواجك
هتون: احسب,, الا كيف هاني معاك
رغد: عسل يجنن أخوكم
هيفا: احم احم ارحمونا ياهو لساتنا عزابيه
الكل ضحكوا
هنوف مسكت يد هيفا: تعالي ننزل تحت وخليهم يمكن عندهم أسرار
هيفا: على قولتك
بعد ماراحوا مسكت هتون يد رغد وجلستها جنبها: متى جيتوا من السفر؟
رغد: والله جينا أمس بالليل بس قلت لهاني مايقولكم بسويها مفاجأة
هتون: وأحلى مفاجأة .. ها كيف الزواج حلو ولالا؟
رغد: لو كان الزوج زي هاني بيكون حلو
هتون: الله الله ذايبه الأخت
رغد: مرررررره هههههههههه
هتون: الله يوفقكم ويسعدكم
رغد: آمين وياك. الا تعالي كيف النفسية
هتون اتذكرت انها عروسة: وي ذكرتيني وربي خايفه
رغد ابتسمت: معليه بالبداية بس .. وكيف خالد ؟؟
هتون:بخير ..المسكين أسبوع ماكلمته عاد اليوم حنيت عليه وكلمته
رغد: هههههههههههه
0
0
مها: وي هيفا وين بتوديني
هيفا: ياربي منك أمشي وأنتي ساكتة
مها:لاقولي وين بتوديني
هيفا: أوففففف منك بعرفك على جدتي
ووقفتها عند أم عبدالله
هيفا:جدتي شوفي مها بنت عمتي فوزية :وهمست لها: اللي كلمتك عنها أول
وأم عبدالله فهمتها على طول وقامت وحضنت مها: هلا والله كيفك يابنتي
مها حاسه انه فيه شيء: ,,كيفك انتي ياخاله
أم عبدالله:
وجلسوا شويه عندها وبعدين مها نادتها أمها وراحت
هيفا التفتت على جدتها: ها ايش رأيك؟؟
أم عبدالله: حليوة ماعليها
هيفا: والله انها مناسبة لعبودي
أم عبدالله: اكلمه وأشوف رأيه أخاف يفشلنا زي أول
هيفا بخبث: لالا هالمره ابصملك انه بيوافق
أم عبدالله :الله يسمع منك ,, والله ودي أفرح فيه ,, والله يفرحني فيكم انتوا كمان
هيفا باستها: آمين يارب

منيرة شافت رغد:وين كنتي أدورك لي ساعة
رغد ابتسمت: كنت عند هتون ولمن جاء خالد نزلت
منيرة: وكيفك يابنتي وكيف هاني معاك
رغد: الحمدلله .. وهاني مافي مثله
منيرة: الله يسعدكم .. وكيف هتون
رغد: شكلها مرتاحة
منيرة: الحمدلله
هيفا جاتهم: رغد نزلتي
رغد: ايوه جات نهى وقالت خالد بيدخل فطلعت
هيفا: تلاقي هتون بتموت دحين هههههههه
منيرة: بسم الله على بنتي وجججججع اتكلمي زين
هيفا: اقصد بتموت من الخوف وي ماما اشفيك عليه
منيرة: من كلامك اللي زي وجهك
هيفا: واااااو والله اني قمر
منيرة تكش عليها: مالت عليك
هيفا حضنت أمها: اموووووت فيك وانتي معصبه ومسكت يد رغد تعالي يامره أخويه أعرفك على صحباتي
رغد:لحظة ماسلمت على هدى وهنادي
هيفا: اها حماواتك ههههههههه
وراحوا عند هدى وهنادي اللي جالسين مع خالتهم نورة وسلمت عليهم رغد
نورة: ياهلا والله كيفك رغد وكيف هاني؟
رغد: الحمدلله بخير ,انتي كيفك ياخاله
نورة: الحمدلله بخير بس لازم تزوروني انتي وهاني
رغد: إن شاء الله
هنادي: كيفك رغوده
رغد: الحمدلله .. انتي كيفك وكيف الحمل معاك
هنادي مسكت بطنها: الحمدلله بس انتظر الولادة والله خلاص تعبت
رغد: الله يسهل عليك
أما هيفا كانت تطالع بهدى اللي كانت مسرحه وفي قلبها تقول: اااااااااه ياهدى والله اني أحبك .. مصيرك مع الأيام بتسامحيني والله ياهدى قلبي يتمناه وما قدرت ارفضه

أما هتون فكانت تنتظر دخول خالد عشان بيتصوروا ولحظات وتدخل فوزية ومعاها نهى ومها ووراهم خالد اللي كاشخ وطالع روعه
هتون لمن شافتهم نزلت عيونها في الأرض وحمرت خدودها
نهى حضنتها بقوة: فديتك قمر وربي
وجات فوزيه وسلمت عليها وباركت لها ..ومن وراها كان واقف خالد اللي كان مبهور بجمال هتون وقرب منها وباسها مع خدها "وهمس لها" مبروك ياملاكي"
هتون بخجل: الله يبارك فيك
مها:وخر بس وحضنت هتون وباستها بقوة
خالد: وي بشويش عليها
مها تغمز له: ودك تسوي زي
هتون خجلت من كلمتها وخصوصا انو عمتها موجودة
خالد يضربها مع رأسها: يازينك ساكتة
وجلسوا شويه وبعدين راحوا أما خالد وهتون فكانوا يتصوروا

بعد ساعة كانوا الكل ينتظرون دخول هتون وخالد
وماهي الا دقايق واشتغلت الموسيقى وطلعوا خالد وهتون من البلكونه على أغنيه مبروك والبنات يصفقوا ويصرخوا وهتون من شافت الناس حست بدوخة بس خالد كان ماسكها واللي ريحها شوي وجوده جنبها وفضلوا ماشيين وهتون تطالع بالناس وتحاول تبتسم زي ماوصتها هيفا والكل انعجب من شكل خالد وهتون وإنهم مناسبين لبعض وباين الحب من عيون خالد اللي بكل خطوه يمسك هتون ويداري عليها لحد ماوصلوا الكوشة وقعدوا على الكرسي
هتون تهمس لخالد: أخيرا
خالد: تعبتي حبيبتي
هتون: وربي حسيت بدوخة
خالد: ههههههههه ياعمري انتي
هتون ابتسمت له وفي قلبها : ياربي يجنن
جاتهم نهى ومعاها مها
نهى: ماشاء الله لا اله الا الله قماري وربي
مها: واااااااااااو هتونه تجنني لمن خدودك تحمر
خالد: بس انتي وهي لاتحرجون قلبي
نهى ومها مع بعض: حركاااااااااااااااااااااا اااات
وضحكوا كلهم
وبعد ماتصوروا راح خالد بعد ماقال لهتون نص ساعة بس وتطلعي
ولمن راح خالد جو صحبات هتون وكل البنات
مها حضنت هتون: مبرووووك ياقلبي وماشاء الله طالعه جنان
هتون: الله يبارك فيك .. كيفك وكيف زوجك؟
مها: الحمدلله تمام
وهتون ارتاحت شويه بعد ماخفت الزحمة ونسيت إنها عروسة للحظات واندمجت مع البنات ولكن بعد نص ساعة جاتها نهى وقالتلها خالد بره وينتظرها وودعوها البنات وراحت هتون وهي كلها شوق لخالد

0
0
كانوا خالد وهتون جالسين وكل واحد فيهم ساكت
وبعد فتره اتكلم خالد: هتون
هتون رفعت رأسها: هلا
خالد: اشفيك ياقلبي
هتون: ولاشيء
خالد: فرحانة
هتون ابتسمت: ايوه وانت؟
خالد: طبعا مبسوط وأخيرا أتحقق حلمي
وقام ومسك يد هتون: تعال بوريك شيء
ومشيت هتون مع خالد لمن وقف عند الباب وفتح الغرفة
دخلت هتون وهي مبهورة من جو الغرفة البارد والشموع المنورة بالغرفة ..كل شيء كان بالغرفة وردي ولمحت شيء مغطى .. خالد انتبه لنظراتها وراح لعند اللي تطالع فيه هتون خالد: غمضي عينك
هتون زي المسحورة بروعه المكان وبروعه خالد غمضت عينها
أما خالد فشال الغطاء وبانت لوحه كبيرة
خالد جاء لعند هتون وباسها على خدها وهمس لها " هتون"
هتون حست بنشوة وفتحت عينها وشهقت وهي تشوف صورتها المرسومة بلوحه كبيرة والتفتت على خالد
خالد: ايش رأيك
هتون مسحورة: رووووووووعه
خالد: وانتي أروع وبالحقيقة أحلى وأروع بمليون مره من الصورة
ومسك يدها وحطها على قلبه: قوليلي أحبك
هتون نزلت عيونها .. ورفع خالد رأسها وقرب وجهه منها: قوليلي !
هتون تحس بأنفاس خالد على وجهها: أحبك
خالد حضنها: وأنا أمووووووووت فيك
وشال خالد هتون وسكر باب الغرفة
0
0
0

بعد مرور 3 سنوات
هنوف تأكل بنتها "جوري" والتفتت على هتون: أقول هتون .. وسكتت لمن شافت دموع هتون
هنوف جات عندها: وي أشبك هتونه
هتون مسحت دموعها: ولاشيء ..وشالت منها جوري اللي عمرها سنه و3 شهور وحضنتها بقوة وباستها
هنوف: هتون خالد مزعلك
هتون: بالعكس خالد مو مقصر عليه بشيء ,, الله لايحرمني منه مو مخليني محتاجه شيء
هنوف: طيب ليه هالدموع ؟
هتون: هنوف أنا خايفه
هنوف: من ايش
هتون: إني ماأجيب عيال
هنوف: لا إن شاء الله لاتقولي كذا وبعدين على ايش مستعجلة لسه الحياة قدامكم إن شاء الله
هتون: أنا أبغى أسعد خالد
هنوف: ليه هو كلمك بالموضوع
هتون: والله كل ماكلمته هو ينهيه ويقولي انتي أهم من كل شيء
هنوف: وي الله يهديك بس ..خلاص مدامه راضي ليش تكدري نفسك دحين
هتون تطالع بجوري: الله كريم ,, الا كيفك مع تركي
هنوف: الحمدلله وبعدين شوفي حالي كيف كان مع تركي والله بالبداية ياهتون عانيت بس الحمدلله كسبته وخصوصا بعد ماجبت جوري
هتون: الحمدلله أهم شيء مبسوطه معاه
هنوف: الحمدلله مو مقصر عليه بشيء
ودخلت عليهم هيفا:السلام عليكم
هنوف وهتون: وعليكم السلام
وسلمت عليهم هيفا وجلست
هيفا: كيفكم ياحلوات
هتون وهنوف: الحمدلله
هتون: كيفك مع الحمل
هيفا: والله قرف استغفر الله .. اوف مكرهني بفهد
هنوف: هههه أول كنتي تموتي عليه
هيفا: وااااااااي ولين دحين أموت فيه .. بس الوحام جاي عليه هههههههه
هتون: يلا كلها كم شهر وترتاحي
هيفا: اااه بس .. ربك كريم
منيرة جات ومعاها القهوة.. هتون قامت وأخذتها منها
منيرة وهي تسلم على هيفا: هلا بالعروسة
هيفا: هههههه أمي وين عروسه وكرشتي قدامي
منيرة: قولي ماشاء الله ..عاد هذي قدرة الله
هيفا: والنعم بالله
وجلسوا يتكلمون ومنيرة كل شوي تسأل وحده فيهم وشويه جوا هدى وعيالها وهنادي ومعاها ولدينها "محمد وثامر" و وهاني و رغد وبنتهم "حنان"

هدى كانت جالسه مع هيفا: ها هيفا كيف امورك
هيفا: الحمدلله ..
هدى: بس تدري محلوة مره مع الحمل
هيفا: هههههه تصدقي هدى لمن أشوف نفسي بالمرايه ماأصدق اني حامل
هدى: ههههههههه إن شاء الله تولدي بالسلامه
هيفا: ياااااااارب
وبعد فترة سكوت تكلمت هيفا: هدى بسألك سؤال
هدى: اسألي
هيفا: لساتك زعلانه مني ولا تجامليني
هدى: هيفا إحنا أخوات وأنا معارضتي على فهد أول مو لأني أبغاه أنا أحب ماجد زوجي وفهد ماضي وانتهى ولا تحطي ببالك اني أكرهك وأجاملك بالعكس يشهد الله اني أتمنى لكي ولفهد كل الخير من قلبي
هيفا حضنتها: الله يخليك لي يارب
هدى: آمين يارب .. طيب ابغاك تكلميني كيف فهد معاك؟
هيفا: والله الشهرين الأولى حسيت انه عايش معايا كذا بس بعد ماحملت تغير مرررررره وبعدين لاتخافي على أختك بأسلوبي معاه خليته يحبني هههههه والله ياهدى دحين مايستغنى عني "ودق جوال هيفا" هههه هذا هو شوفتي كيف
هدى ابتسمت: الله يسعدكم
هيفا: وياك يارب ..
وقامت هدى لمن هيفا كلمت فهد
فهد: ها حبيبتي أجي أخذك
هيفا: وي فهودي ماليه ساعتين بس
فهد: وحشتيني ايش أسوي يعني
هيفا: أمووووووووووواه خلاص تعال وأنا أقدر أرفضلك طلب
فهد: خلاص بخليكي ساعة وأجي أخذك أوكي أكثر من كذا مافيه
هيفا ابتسمت: أوكي حبيبي
فهد: يلا انتبهي على نفسك سلام
هيفا: مع السلامة ..

فهد بعد ماقفل حضن مخده هيفا: اااااه يالشيطونه خليتيني أحبك وما أقدر استغنى عنك دقيقه
هيفا بالنسبة لفهد صارت كل حياته .. صحيح انه ندم بالبداية على الزواجه اللي ورط نفسه فيها بس هيفا بأسلوبها وحبها له ومحاولاتها لرضاه خلته يحبها وينسى هدى

بعد مرور أسبوع وقبل فرح محمد ومرام بيوم كانوا الكل متجمعين بالمزرعة ويحتفلون بهذي المناسبة
مها تكلم مرام اللي كانت جالسه على جنب
مها: أخيرا حنيتي على أخويه
مرام: ههههههههههههه
مها: ياويلك منه
مرام: تعرفين الظروف انتي .. كيف بتزوج وأمي كانت تعبانه
مها: الله يشفيها يارب ويخليها لكم
مرام: آمين والله يا مها خايفه عليها
مها: الله يخليها لكم والحمدلله صحتها دحين صارت أحسن
مرام: الحمدلله
مها: والمقرود أخوك كيفه
مرام: اسكتي هالولد مو راضي يتعدل مطفش بدور والله بس المسكينه تحبه ومتحملته
مها في قلبها : وااااي الحمدلله انو ربي رزقني بعبدالله مايرضى عليه الزعله فديته حبيبي
وجات نهى: مها زوجك يناديك
وقامت مها وراحت عن الباب وشافت عبدالله واقف ومعاه ولدهم "ريان" ..
مها من شافت ولدها شهقت: عبدالله حرام عليك
عبدالله يضحك: ها خذيه وغيري له
مها شالته وحضنته: يااااربي منك كم مره قلتلك لاتسبحه دحين يأخذ هوى ويزكم
عبدالله: مو جايه شيء إن شاء الله ..
جاهم خالد: السلام عليكم .. وسلم على مها
خالد: كيفك أم ريان
مها: الحمدلله كيفك انت
خالد: الحمدلله
مها: عاش من شافك ولاتقول عندي أخت وتجي تزورني
خالد: إن شاء الله أجيك بس ها أبغاكم تذبحولي ذبيحة أنا وهتون بنجيكم وإحنا مو أي ناس
عبدالله: من زينك انت وهتون عاد
هتون سمعت كلامه: أفا ياخال ماتوقعتها منك
خالد ابتسم: هلا بعصفورتي .. وباسها
عبدالله يطالع فيهم ويكلم مها: اكتملوا عصافير الحب خلاص حياكم الله وبتلاقون اللي يسعدكم
مها: هيا خليكم ماتجوني
خالد: إن شاء الله بنجيكم
وكان خالد ماسك يد هتون ويطالع فيها
عبدالله: ياحول كأنهم عرسان وربي ..أقول مهاوي حبيبتي روحي غيري للولد احسنلك لايجيك اكتئاب من بعض المناظر وأنا بروح خلينا نترك عصافير الحب لوحدهم
مها: ههههههههههههههه
خالد: ياربي على الغيرة وبالعكس إحنا نسعد اللي يشوفنا مو نجيبله كآبه مثل بعض الناس
مها: ايش تقصد يعني؟؟
خالد يأشر على عبدالله وولدهم
مها: حدك عاد والله إنهم أحلى زوج وولد بالدنيا
عبدالله: يابعد قلبي والله .. تعالي حبيبتي خلي العذال لوحدهم
خالد مطنشهم ويطالع بحب بهتون
عبدالله: الحمدلله والشكر بس .. تعالي حبيبتي الحمدلله ماكأنه شاف خير
وراحوا وتركوا خالد وهتون لوحدهم وكأنهم بالفعل بعالم لوحدهم
خالد: أحبك
هتون: وأنا أحبك
خالد: تعالي نتمشى شويه
ومسك يدها واتحركوا من مكانهم
ووقفوا عند شجرة كبيرة وتحتها كرسي وجلسوا عليه
هتون: خالد خليك ثقيل شويه والله استحي
خالد: ماعليك منهم خالك أكبر فلات بالعالم بكل هرجه قال مها ومها
هتون: ههههههههههههههه
وشويه انتبهوا لأصوات أطفال وشافوا هيثم يلعب مع "ملاك" بنت نهى
خالد: تصدقي
هتون: ايش
خالد: حاس انه بيكون بينهم حب
هتون ابتسمت: الله واعلم .. عاد بنت أختك بتسعد لو اتزوجت هيثم
خالد: ايوه مين يشهد للعريس
هتون: هههه طبعا هذا هيثم تربيتي
خالد: والنعم والله .. أصلا كفايه انه أخوك
هتون: ياعمري انت
خالد : ياعمري انتي والله
هتون:امممم أقولك خالد
خالد: عيونه
هتون: امممم ماودك أحمل
خالد بزعل: ياربي ياهتون هالموضوع كم مره اتكلمنا فيه
هتون: بس أنا أبغى
خالد: الله كريم وبعدين هذا الشيء مو بيدي ولابيدك
هتون ابتسمت: ياحبي لك
خالد: أنا والله اللي ذايب فيك ومسك وجهها وباسها
هتون: وي وي خالد إحنا مو بالبيت
خالد: ماعليه بأحد زوجتي وحر فيها
هتون: ياربي منك عنيد... المهم أنا عندي مفاجأة لك
خالد يبوس يدها: ايش هي
هتون مسكت يد خالد وحطتها عل بطنها: أنا حامل
خالد فتح عيونه وهز رأسه بيستوعب كلامها
هتون: هههههههه اشبك
خالد: من جدك انتي
هتون: يعني تتوقعها مني امزح بشيء زي كذا
خالد: يادوبا ومن متى تعرفي ؟؟
هتون: والله اليوم الصبح رحت مع هيفا المستشفى .. أنا كنت شاكه بس قلت لازم أتأكد وأسويها لك مفاجأة
خالد: وااااااو ياهتون أحلى مفاجأة وربي ,, شوفتي كيف ربي عوض صبرنا خير
هتون: الحمدلله
ونزل خالد رأسه عند بطن هتون وباسها: ياويلي عليه متى يجي
هتون: إن شاء الله يجي ويشوف أحلى أبو بالدنيا
مسك خالد يدها: وأحلى أم كمان
حضنته هتون وفي قلبها تقول: ااااااااه وأخيرا ابتسمت ليه الأيام "وابتسم قلبي" .........

تمــــت