آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-12-13, 07:22 AM
| #11 | ||||||||
| مراقبة عامة ومشرفة منتدى الروايات المنقولة  
|  ((الجزء الثامن)) بيوم الاربعاء وقبل امتحانات الجامعه بيومين .اجتمعت العائله ببيت فوزيه ...هم متعودين يزورونها قبل ماينشغل عيال وبنات المدارس بالمذاكره استعداد للامتحانات النهائيه ..والشي الحلو واللي نادر مايحصل ان ام جروح وبنتها حاضرين مرتهم هدى مع زوجها بعد الحاح منهم .. ام جروح اخذت الاذن من ابو جروح ولا اعترض .. كانت رحلته بنفس اليوم لاكن متأخره.. يعني الوقت لسا بدري وفيه وقت ترجع ام جروح للبيت وتستعد لأستقبال زوجها.؟؟؟ اكيد استغربتوا ؟؟؟ ((الحـــــقيــقه)).. ابوجروح متعود وبعد كل سفره يجي لبيته الاول ...((((حتى يلقى احد ينتظره ويستقبله يعني بالعربي احد يعطيه وجه))))) ؟؟ وانتم عارفين ان زوجته الثانيه ماتهتم بهالموضوع ولا تلقي له بااااااال.. وجوده وغيابه.. رجعته او روحته ماتفرق عندها!!.. اهم شي انه يتم شغلها اللي ترسله علشانه وبس وهو كم مره راح لهم بعد سفريه له وماكان يلقى اي اهتمام ..!!!اما تكون هي وبناتها برا البيت او يدخل عليهم وهم يتفرجون على فلم او يتابعون مسلسل واذا شافوه يكون سلامهم بارد ومافيه شوق.. ومن الجانب الثاني كانت ام جروح على الرغم من نفور زوجها عنها الا ان واجبها اللي بينها وبين ربها تقوم به على اتم وجه.. يعني مثلا..دايم تحرص انها ترتب غرفته وتنظفها وتبخرها بعد ماتغير مفارشها ..تجهز له القهوه والشاهي او ترتب له الوجبه اللي تكون على وقت وصوله .. الخلاصه كان فيه اهتمام وهذا اللي جذب ابو بنتها لبيتها ... هدى طايره عيونها وحاطه يدها فوق راسها..لا والله احلفي عاد .. نوال.. والله .. حتى انا مثلك انصدمت يوم كلمتني ام ياسر تعلمني بالخبر .. تقول اهلها بينهبلون وأمها المسكينه ماطلعت من العنايه بعد ماطاحت عليهم .. غير البنات اللي اعتفسوا يوم دروا عن سوايا اختهم الله لا يخزينا.. هدى بانت علامات التأثر بوجهها .. ياالله وابوها اللي معروف بالحاره انه طيب وفي حاله وش صار عليه؟؟؟.. نوال.. ماعاد يحضر صلاة مع الجماعه من الفشله.. ويقولون على ماسمعت انه عارض بيتهم للبيع .. هدى .. ياقليبي .. والله انعفست احوال العايله كلها .. نوال ...ايه والله اما روان حابسينها ..لا تطلع ولا تدخل ومانعين عنها الاتصالات وساحبين جوالاتها كلها عنها .. فوزيه كانت تتكلم بصعوبه علشان الاكسجين اللي بحلقها.. لاحول ولا قوة الا بالله من متى اخواتي فيهم هالطبع ماخبرتكم من النوع اللي ينقل الكلام ويمشي بعيوب الناس الله الهادي ..**وقعدت تكح بصعوبه** نوال حست بالغلط وانها تجاوزت الحد بكلامها حست بالاحراج من اللي حواليها فما قدرت تبرر الخطأ.. استغفر الله .. والله انك صادقه ماادري وش جاني يمكن الفراغ بحياتي السبب لا شغل ومشغله!!!.مالي الا اني اتتبع اخبار هالناس ؟؟ ام جروح .. صدقتي... والله ماعاد ننشغل الا بالكلام عن فلانه وعلنتانه او نكون قدام هالتلفزيون نتابع مسلسل ونضيق لافاتتنا حلقه ..الله المستعان!! رجعت فوزيه تكح مره ثانيه بصوره اشد علشان كذا قطعوا سالفتهم وقاموا ينقلونها لغرفتها ترتاح.. بالجـــــــــــــــانب الثاني كانوا البنات مبسوطات فالينها سوالف وضحك وهيصه ..وجروح كانت مبسوطه على الجمعه وماكان يضيق خاطرها الا اذا تذكرت الامتحانات.. كانت علاقتها ببنات عمتها فوزيه ......علياء وعبير وعهود ..علاقه مانقول عميقه الا انها كانت على الرغم من سطحيتها الا ان الاحترام بينهم كبيروخصوصا عهود اللي كانت متقاربه بالعمر مع جروح .. عهود ..عساك بس مستعده للامتحانات... على خبري تموتين بالدراسه او تغيرتي؟؟ جروح .. ومن شر حاسد اذا حسد ,,,قولي ما شاء الله اعرفك نضوووووووووول هههههههههههههههه عهود..ههههههههه مشاء الله عليك يابنت خالي انتي احسن وحده في العايله محد وصل اللي وصلتيه بالدراسه ؟؟ حتى داخله قسم يخزي العين محد دخله... جروح .. الحمد لله والشكر بس ماعاد بقى الا سنه وحده وارتااااااااااااااااااااا ااااا اااااااااااااح من الهم اللي كابس على قلبي .. عهود .. دراستكم هالدرجه صعبه ..؟؟ جروح ..ماتتصورين ياعهود الدراسه مرررره متعبه محومه كبدي ومقرفتني حياتي.. اقول خلينا تكفين نغير السالفه ماعاد بقى الاهاليوم استانس فيه وانسى الكتب .. تكلمي لي عنك ياعروس؟؟ عساك تأقلمتي مع اللي حولك وحواليك بالدمام وكيفك مع ابو الشباب عساك متوفقه؟؟ عهود ..الحمد لله خالد انسان مافيه مثله متفهم ومحترم .. صحيح الزواج تم بسرعه علشان ظروف عمله لاكن الوضع معاه مستقر وماشي تمام.. جروح .. وش بسرعه وبس ماامدانا نحضر ملكتك الا قالوا ان عهود جا رجلها واخذها وسافرت معاه .. عهود.. حتى انا مثلك ماكنت ادري اذكر اليوم اللي دخل علي اخوي عمر يقول اجهزي ترا عرسك بعد خمس ايام... بغى شعر راسي يشيب من الروعه بس اشوى اني كنت منتهيه من الجهاز وماكان باقي الا اشياء بسيطه.. جروح .. طيب عقب ماعشتي بالدمام وش تحسين مرتاحه ولا لا ؟؟ عهود....... اااااااااااااااااااه لاتذكريني تكفيييييييييييييييييييييي ين والله اني بضيق اكثر من اللي فيك من جد ماقدرت اتاقلم على الجو هناك.. جروح..تقصدين الرطوبه ؟؟ عهود..ههههههههه لا مااقصد الرطوبه ياحليلك بس ..اقصد الاجواء الاجتماعيه .. لا جيران لا اقارب ولا شي .. كل اللي اسويه هذا طبعا اذا لقى ابو الشباب وقت فاضي يطلعني .. يانطلع للبحر او نتمشى في الشوارع وبالعطل نروح الخبر ..تخيلي لحالنا لا معانا احد ولا نعرف احد هناك.. جروح .. طيب زملاءه بالعمل ماعرضوا عليه يتعرفون اهلهم عليك .. عهود بحزن .. لا ..شفتي النحاسه ؟؟؟ حتى الجيران مالي علاقه فيهم ابدا . خالد منعني عنهم يقول ماارتحت لهم كل بيتهم شباب .. جروح ..ياحرام عاد دايما مااسمع الناس يروحون للشرقيه يصيفون فيها ومايصدقون الاجازه تجي يروحون لها يقولون فله ووناسه ؟؟ عهود .. ايه مثل ماقلتي يروحون بالاجازات ويرجعون مو استقرار زي حالتي ولا اقارب ولا احد .. جروح .. خلااص روحي زوري خوالي هناك بيفرحون بك .. عهود.. صعبه ياجروح خالد مو من النوع السهل اللي يرضى على اي شي ..دقيق بكل حركاتي الحين اهلي بالحسره يجيبني وشلون لو اقول له باروح لخوالك ..؟؟ جروح قامت لانها سمعت امها تناديها .. والله احترت بك انتي ورجلك الله يعينك على مابلاك.. ههههههه بأروح اشوف امي اكيد بتقول يلله بنطلع تعرفينها من النوع اللي تشتق قيس بيجي اليوم .. تبي ترجع بدري ورحلته بنص الليل شفتي زي كذا حب وتضحيه ..ههههههههههههههه عهود الله يرجك يالهبله خالي صار قيس هههههههههههههههه يالله بأروح تعالي نطلع عندهم .. خلاص روحي انتي انا جوالي يدق خالد يتصل بأكلمه وبعدها بأجي لكم .. الله الله اموت انا على اللي يشتاقون ههههههههه شوفي انا اعرف امي مهب صابره بتخبنا لين نطلع ,,,,, انتي خليك مع حبيب قلبك وانا من الحين اقولك مع السلامه نشوفك ان شاء الله وكرشتك متر قدامك خخخخخخخخخخ يالمرجوجه حشا باص مهب بطن باي وسلمي على امك مااقدر اسلم عليها .. ان شاء الله.. طلعت جروح وامها مع خالتها هدى للبيت وجا ابوها من السفر .. كان استقبال جروح لابوها بارد وابوها لاحظ هالشي لاكنه بالوقت نفسه ماقدر يتكلم او يقول شي .. اكيد جروح ماتنلام على تصرفها ..لاكن الى متى يستمر هالوضع ؟؟؟ القاكم بخير وعافيه متمنيه ان هالجزء ينال على اعجاب الجميع وسامحوني على القصور اختكم | ||||||||
|  |
|
17-12-13, 07:31 AM
| #12 | ||||||||
| مراقبة عامة ومشرفة منتدى الروايات المنقولة
| .هنااااااا ااااااااااااااااااا الجزء الثامن تتمه.... اصبح الجميع وام جروح قعدت تجهز الفطور بالمطبخ اما جروح مازالت بالغرفه ترتبها وتجهز كتبها للمذاكره.. جروح .. والله وابتدى الهم والغم الله بس يعين.. الحين وين كتاب اللغويات اذكر اني كنت حاطته فوق الرف ... رجعت تكمل البحث عن كتابها اللي نست وين حطته فيه ..دخلت عليها امها وكان بيدها صحن الفطور .. جروح.. الله يعطيك العافيه يايمه ليش جبتيه هنا كان انتظرتيني لين اجيك تحت.. ام جروح .. انتظرتك .. ويوم تأخرتي قلت اكيدمهيب نازله .. جروح.. الا كنت بأنزل بس كتابي ادور عليه مااادري وين حاطته .. ام جروح.. عساه الاخضر .؟؟؟ جروح .. ايه هو وينه.؟؟ ام جروح .. كنت تذاكرين فيه امس العصر قبل مانروح لعمتك فوزيه .. ويوم قمتي تتجهزين نسيتيه على طاولة التيلفزيون.. روحي شوفيه بمكانه.. جروح.. يووووووووووووووووووه صح تذكرت والله مافيني عقل يجمع ههههههههههههههههه ام جروح.. انتبهي يايمه لاغراضك ثاني مره هذي كتبك والامتحانات يوم السبت. طلعت جروح من باب غرفتها وكانت بتنزل مع درج الصاله وفجأه صرخت صرخه عااااااااليه ,,يمه الحقي علي تعالي بسرعه.. ام جروح رمت اللقمه اللي بيدها بعد ماجمد الدم بعروقها من صوت بنتهالانها استغربت وش اللي جاها .. اول ماطلعت شافت جروح ماسكه ابوها اللي كان طايح على وجهه في بداية الدرج وجالسه تنفض فيه وهو فاقد وعيه ام جروح..الحقي يايمه جيبي كاس مويه ابوك شكله فاقد الوعي .. ركضت جروح للمطبخ تجيب كاس المويه ..ومرت على غرفة امها وجابت غرشة عطر .. خذي يمه رشي على وجهه .. بس اول تأكدي يتنفس .. ولا لا .؟؟ ام جروح والعرق يتصبب من جبينها ..ايه يتنفس وقلبه اشوى ينبض .. الحقي دقي على عمك سلطان خليه يجي .. نطت جروح بسرعه وراحت تدق على عمها سلطان .. كان جسمها ينتفض ومن الخوف عجزت تمسك السماعه منظر ابوها يوم شافته طايح بالدرج اثر عليها .. حاولت تتذكر الرقم .. كانت تدق وتسكر وتدق وتسكر لحد مااستجمعت قوتها..حاولت تنشط ذاكرتها من جديد بعد ماوقفت كل خلايا مخها من الموقف ..ايه صح تذكرته ودقت على الرقم بسرعه.. كانت نوال في المطبخ ونواف يقرأ جريده بعد الفطور وسلطان يقلب بالقنوات لحد مارن التيلفون اللي قلب موازينهم.. نواف .. الو .. جروح ..الو هلا عمي سلطان .. نواف عرف انها جروح دق قلبه على صوتها .. هلا جروح انا نواف وشفيك ؟؟ التفت سلطان يوم سمع نبرة نواف فقام بسرعه واخذ السماعه ... هلا جروح وشفيك وانا عمك..؟؟ اول ماسمعت جروح صوت عمها سلطان قعدت تبكي وكأنه عطاهاالاشاره تطلع كل للي فيها .. عمي سلطان ابوي طاح علينا وهو فاقد الوعي .. سلطان اول ماسمع اللي قالت ماحب يطول بالحكي.. قالها شوي وجايكم .. رقى بسرعه لغرفته وجاب مفتاحه بدون مايغير ملابس البيت ونزل .. نوال طلعت من المطبخ لانها حست ان سلطان فيه شي .. نوال ..سلطان وشفيك ..؟؟ نواف .. جروح فيها شي ؟؟ سلطان وهو بوجهه للباب ..محمد طاح عليهم وهو فاقد الوعي .. انهبلت نوال يوم سمعت سلطان وبغى يوقف قلبها .. نواف .. خالي انا جاي معاك انتظرني .. نوال .. وانا بعد بأروح معكم وش بيقعدني هنا .. مانيب مرتاحه هنا وانتم معاه .. سلطان ..طيب بسرعه لا نتأخر الرجال فاقد الوعي عسانا نلحق عليه الله يستر .. أخذت نوال عبايتها ولحقتهم للسياره ؟؟ وصل سلطان لبيت محمد بلمح البصر لانه كان مسرع و الشوارع ماكان فيها زحمة سيارات .. دخلوا البيت وشالوا محمد اللي ماكان داري باللي حوله .. كانت حدود عيونه سودا واطراف يدينه ورجوله جامده ..بس اللي طمنهم ان قلبه يدق وتنفسه على الرغم من ضعفه الا انه مازال موجود.. الحق يانواف خلنا نلحق نوديه لاقرب اسعاف لا يروح علينا الرجال شكله مايطمن.. كانت جروح وامها يبكون بحراره رغم ماكان يسويه فيهم ..لانهم تناسوا كل اللي سواه يوم شافوه بهالحال.. صحيح ان ابن اادم ضعيف.. سلطان ونواف وصلوا للاسعاف ..استقبلوا حالته بسرعه ..واجروا معاه كل الاجراءات من قياس حراره وضغط ..سحبوا منه دم وحطوا له قسطرة البول اكرمكم الله وسووا له اشعه لقلبه.. ..حضر بعدها الدكتور المناوب علشان يشوف سبب فقدانه الوعي .. كشف عليه وعلى نبضه ..وعرف من الاشعه اللي سووها له ان عنده تضخم في شريان القلب وان فقدان الوعي ناتج الاجهاد مع ارتفاع الكوليسترول والضغط في الدم..لدرجة اوقفت عنده الادراك ..قرر بسرعه يدخلونه غرفة العمليات بعد مااخذ توقيع المرافق له .. جروح ماهدا لها بال بكل خمس دقايق تدق على عمها تسأل عن حالة ابوها و سلطان يحاول يطمنها .. استمرت العمليه اكثر من اربع عشر ساعه لان عمليه ضخ الدم في الشريان .. تحتاج جهد وتركيز وهي عمليه مهيب بسيطه ..جروح وامها اصروا يجون المستشفى علشان يكونون قريبين منه ..سلطان ماقدر يطلع لانه خاف ان احد الدكاتره يطلبه بأي وقت علشان كذا ارسل نواف يجيبهم من البيت .. في الســــياره ... نوال .. هاااااه يانواف عساه طلع من غرفة العمليات ؟؟ نواف .. لا والله يوم اطلع من المستشفى كان مازال فيها بس الدكتور.. طلع وطمنا.. جروح كانت تسمع نواف اللي كبر بعينها بوقفته معاهم بهالمحنه رغم الجرح اللي سببه ابوها له .. لان رفضه له فجأه بدون سبب او سابق انذار جرحته في كرامته واللي نزفها اكبر وألمها اشد من الجرح العادي.. ام جروح .. الله يوفقك يانواف اتعبناك معنا اليوم ,,معليش شقينا بك.. نواف .. لاتقولين كذا .. لاتنسين هذا خالي وواللي اسويه حق وواجب والظفر مايطلع من اللحم مهما صار.. ام جروح .. اصيل والله يانواف..الله يخليك لشبابك .عز الله انك رجال ينشد بك الظهر .. نواف .. تسلمين ياعمه .. وصلوا للمستشفى ونواف يراقب جروح بكل تصرفاتها..هي ماحست فيه لان بالها منشغل بابوها تنتظره يطلع من غرفة العمليات وطول الوقت كان الكل يدعي انه يقوم بالسلامه.. بعد ساعتين من الانتظار طلع من غرفة العمليات ونقلوه للعنايه المشدده حتى تستقر حالته وهولازم يكون تحت المراقبه طول الاربع وعشرين ساعه الجايه .. راح سلطان ونواف للدكتور يسألون عن حالته بعد العمليه.. الدكتور .. مااخبي عليكم المريض محتاج لراحه شديده ولازم تبعدو عنه كل اللي يضايقه.. نواف .. طيب يادكتور متى بيرجع له وعيه ثاني يعني فيه امل ان شاء الله ؟؟؟ .. الدكتور .. لا تخاف الاغماء عارض وان شاء الله بعد مايخف تأثير المخدر بيرجع له وعيه ثاني ..بس ارجع واقول بليز لا يتعرض لاي شي يضايقه .. سلطان .. ان شاء الله يادكتور بنحاول قد مانقدر .. طيب الشريان كيف وضعه ؟؟ مامنه خطر على حياته؟؟ الدكتور .. ان شاء الله ان شاء الله واحنا تحت رحمة ربنا ..دعواتكم له.. سلطان .. والنعم بالله واحنا بندعي له من غير ماتوصي .. يعطيك العافيه يادكتور ماقصرت.. الدكتور .. هذاواجبي ...ههههههههه عن اذنكم.. راح الدكتور بعد ماتطمن الكل على حالته وعرفوا أنها مسألة وقت وان شاء الله يقوم بالعافيه .. كانت جروح وامها والعمه نوال عند باب العنايه لان الممرضات منعوهم يدخلون نهائيا هالشي زاد من خوف جروح وامها اكثر ..اول ماشافت جروح عمها سلطان ونواف جايين راحت لهم بسرعه .. بشر ياعمي وش قالك الدكتور هالسريلانكيات الله يعميهم منعونا ندخل .. هههههههههههههههههه الله بس يهديك انتي عارفه ان العنايه المشدده مكان ممنوع الدخول فيه لان الحالات فيه صعبه وتحتاج الهدوء ارتاعت جروح من رد عمها اللي ماانتبه لكلمته الا بالآخر .. يعني ابوي حالته صعبه ؟؟ سلطان حاول يتدارك كلامه .. لا ان شاء الله حالته مستقره وتوني جاي من الدكتور يقول انه بيصحى بس يخف البنج منه ..حتى اسألي نواف هذاه عندك .. نزلت جروح راسها من الخجل ..ورجعت لامها وعمتها ضحك سلطان وهو يشوف وجه نواف اللي ضاع في خرايطها ... ام جروح بلهفه .. هااااه وش قال عمك ؟؟ جروح.. يقول الحمد لله حالته تطمن وان شاء الله يصحى بعد مايخف البنج عنه... ام جروح ونوال .. الحمد لله .. نوال ..الله يقر عينكم بقومته سالم .. ام جروح .. اللهم اامين والله مدري وش جاء الرجال امس مستقبلينه مافيه مايغيره دخل غرفته ولا عاد ادري عنه الا بصرخة جروح تقول الحقي على ابوي .. نوال .. يعني ماحسيتوا به يوم طلع من غرفته .. ام جروح وبنتها .. لا .. ام جروح .. انا رقيت بالفطور لغرفة جروح وانا بطريقي ماشفت احد .. دخلت للغرفه وجروح كانت تدور كتاب لها ضايع ...قلت تلقينه تحت وهي بتنزل لقت ابوها طايح بالدرج.. نوال ..لااله الاالله... يمكن كان تعبان بغرفته وهو طالع يبي احد يساعده ومن كثر تعبه طاح غشيان .. ام جروح .. والله مااادري هو بغرفته ماندري عنه تعبان ولا صاحي تعرفين اللي بيننا .. الله يهديه قاطع العلاقه معنا ولا يبي احد يتدخل به .. نوال .. الله الهادي وعسى اللي جاه ينور بصيرته ويرجعه مثل اول واحسن.. ام جروح واللي كان املها بهالشي مفقود .. الله كريم .. سلطان جاء عندهم .. اقول يا مرت اخوي ترا قعدتكم بالمستشفى مالها داعي الرجال يبي له وقت علشان يصحى .. وغرفة العنايه محد يدخلها .لحيان الساعه ثلاث الفجر. اقول لو ترجعون للبيت ترتاحون و لو قام بالسلامه ان شاء الله اجيبكم تشوفونه.. وافق الكل يرجعون للبيت بعد السهر لانهم اطمأنوا ان محمد استقرت حالته بعد العمليه وانها بتكون مسألة وقت .. اول مارجعوا للبيت انهلت الاتصالات عليهم من كل اللي يعرفونهم بعد مااانتشر الخبر .. غير اللي زارهم واللي راح للمستشفى علشان يطمئن اكثر ..من اصدقاء وأقارب ومعارف .. .................................................. .................................................. .............................. بعدها بيومين استقرت صحة ابوجروح وصارت حالته افضل بشوي..سمحوا بالزياره بشروط ....علشان كذا انهل عليه الزوار بغرفة العنايه يهنونه على سلامته .. وكان من الزوار زوجته الثانيه ليلى وولدها الوليد وبنتينها عهود والعنود.. وفي بيت ليلى تحديدا.... ليلى تنادي بناتها بعد ماارتفع ضغطها على تأخيرهم ...العنود ...عهود.... يله يمه اخوك ينتظرنا بالسياره تاخرنا على موعد الزياره .. يوووووووووووووه يايمه ليه مستعجله اخرتها بنلاقي العوجا والمنكسره .. ليلى..اقول نادي اختك والحقيني ع السياره تراني ماني رايقه الحين .. نزلت الثنتين ونفسهم براس خشمهم .. وركبوا السياره الوليد..كان تأخرتوا بعد على بالكم انا كومار لكم ياشينتين الحلايا .. عهود ..كل تبن بس ماالشين الا انت يالهيس.. ليلى .. لاحول ولا قوة الا بالله العلي العظيم نفسي يوم نجتمع ونفترق ماصار بينكم مناقر .. حشا تقولون عيال ضراير مو من رحم واحد... العنود.. انتي سمعتيه يامامي يقول علينا شيون .. الوليد .. ياشين اللي يغترون بانفسهم انتم ماشفتوا وجيهكم بالمرايه .. عهود بكل دلع .. ماااااااااااااااااااااااا ااماااااااااااااااا .. ليلى .. خلااااااااااااااااااااااا اص انتم اطفال!! يكفي بلا ازعاج تراكم حومتوا كبدي .. سكت الكل ورفع الوليد مسجل السياره على الاخر وجلس يغني بكل استهتار والبنات تصفق وليلى وصلت معاها للاخر من تصرفاتهم الصبيانيه... وصلوا للمستشفى وكانت الام متقدمه وعيالها وراها .. كانت جروح وامها واقفات مع هدى وعبدالعزيز ونواف .. طبعا العايلتين مايعرفون بعض نهائيا ولا حصل واجتمعوا بأي مناسبه تذكر .. وعلى قولت ليلى مو من مستواها علشان تكلف نفسها تزورهم..ومحمد مال كلمه عليها .. العنود.. شوفي شوفي اللي واقف هناك شكله يهوس وجذاااب ...شوفي اللي عليه وااااااااااااااااااو ..... سووووو كيوووووت .. عهود..او ماي جاااااااااااااااااااد وش هاللي قدامي .. العنود .. اتركيه لي يكفيك اللي عندك انا حجزته .. عهود.. تركناه لك تهني فيه.. الحمد لله عندي اللي يكفيني... ليلى ..يابنات اركدوا خلاااااااااص .. العنود ... الحين وين قسم العنايه .؟؟ دار بي راسي من الدوران بالكوريدورااااااااات.. الوليد ..شوفي هذي جروح وامها اللي جنبها .. عهود ..وشلون دريت ياابو العريف؟؟ الوليد .. اقول انتي اسكتي شب ولا كلمه .. ليلى ..رجعناااااا؟؟ عهود..هواللي مايستحي شفيه يطول لسانه علي كاني اصغر عياله ؟؟ ليلى .. لاحول ولا قوة الا بالله ... الله يعدي ها اليوم على خير.. العنود.. يع هذي اللي يسمونها اختنا ..شوفي شكلها مبين انها قرويه حيل وعبايتها اللي لابستها اووووووووووووو قرف.. عهود.. ايه والله شوفي شكل اللي جنبها صدق اقلي .. تفشل بشكلها ..مدري وش معجب فاذر فيها .. العنود.. كل الحلا فيك ياماماااااااااااتي احسن لك علشان ماتلقط الاضواء عنك.. ليلى تحمست مع بناتها .. هي تلقط الاضواء عني انا ليلى بنت الحسب والنسب .. بعيده ياماااااااااما عنها.. الوليد.. الحين وراكم وقفتوا تحركوا .. ليلى .. وين تبينا نروح لهم ان شاء الله !!!!.. الوليد .. ماقلت روحوا لهم بس على الاقل لا توقفون بهالمكان .. شوفوا الكل طايره عيونه فيكم صايرين فرجه.. عهود..اكيد ماينظرون الا الجذاب و لا لو اننا شيون مثل اللي هناك ماطالعونا... وبالجــــــــــــــــانب الثاني ... جروح .. شفتي الحريم اللي هناك ...ماادري وشفيهم يطالعون فينا .. هدى .. خليهم في حالهم.. المستشفى فيه اشكال والوان.. ببتعبين وانتي تشوفين.. جروح .. بس الاحظهم يبحلقون في نواف ماتركوه في حاله ..شوفي وشلون يناظرونه بنظرات غريبه .. هدى .. ايه والله صادقه الحمد لله والشكر .. قليلات ادب صدق .. ومن جهة نواف كان حاس بالنظرات المتكرره منهم بس حاول يطنشهم ..ولا يلقي لهم بال .. كانت غرفة العنايه تسمح لكل اثنين او ثلاث كحد اعلى للدخول على المريض.. طلع سلطان من غرفة العنايه وتكلم بصوت مسموع .. رجـــــــــــــاء اللي بيدخل على اخوي محمد ممنوع يكثر معاه الكلام او يطول عنده وارجوكم تحاولون ماتذكرون له اي شي يضايقه على حسب اوامر الدكتور والحين من بيدخل عليه ... >>>>>>>>>>>>>>>>انا طبعا .. الكل التفت على صوت هالأنسانه الغريبه اللي اندفعت من بينهم من دون حيا وكان معاها بنتينها .. سلطان .. ومن تكونين ..؟؟ انا من اكون .. انا كل شي!!! انا زوجه محمد انا ام الولد ........ انا ام الوليد اسمح لي بأدخل... سلطان ماقدر يحكي كلمه لان الموضوع فاجأه وهو على الرغم من انه عم البنات الا انه قليل ماكان يشوفهم ..علشان كذا ماعرف يميزهم .. العنود وعهود كملوا ولا فكروا يسلمون على عمهم اللي وقف مصدوم من موقفهم البايخ معاه واللي زاد الطين بله نظراتهم المريبه لنواف .. دخلوا عليه وكان تعبان مره ويئن بعد العمليه والاسلاك تملا جسمه ..انبوب الاكسجين كان يمنع محمد من الكلام .كان يكتفي بالنظر بس.. اول مادخلت عليه زوجته وعيالها سلموا عليه وهو اكتفى انه يناظر فيهم واحد ورا الثاني ثم غمض عينه .. العنود تهمس لامها.. هذا جزاتنا ..اشوفه تضايق من جيتنا .. عهود تتكلم بصوت واطي..اقول يله ماااااااااااااااامي يله نطلع اختنقت من ريحة الغرفه كلها خياس وع .. العنود.. ليه ماينقلونه لغرفه خاصه يمكن يزيد مرضه مع هالكتمه..؟؟ ليلى ..انا وش دراني؟؟؟يله يالوليد خلنا نطلع قعادنا عنده ماله فايده .؟؟اهم شي درى اننا جايينه لا يطلع ويصك راسي ويقول مهمليني ؟؟ الوليد كان ماخذ موقف المتفرج ومتسند على جدار الغرفه بدون مايبرم حرف.. كل اللي قاله ..انا بأسبقكم برا بسأل عمي سلطان عن ابوي .. طلعوا بعد ماسلموا على ابوهم .. الوليد ..اقول ياعمي سلطان وش قال الدكتور بحال ابوي ؟؟ سلطان .. رجال بطول وعرض ماتعرف تسلم وانا عمك ماهقيتها منك ..؟؟ مهب من سلوم الرجال يالوليد..؟؟ استحى الوليد من كلام عمه وسلم عليه وعلى عبد العزيز ونواف ..معليش ياعمي بس تعرف .. سلطان .. وش اعرف احنا اهل والواجب يفرض عليك تسلم وتسأل انت رجال الحين ولك كلمتك وهيبتك ** .. كان سلطان يدق بالحكي على ليلى وهي تسمع من بعيد ومنقهره مره ... طيب ابوي وش فيه؟؟ تعرف انه ماجاء من السفر الا البارح .. دخل ونام بغرفته ويوم اصبح طاح عليهم غشيان ... الوليد..والعمليه اللي سواها .؟؟ سلطان ..عمليته كانت صعبه لانهم شقو صدره ووسعوا الشريان .. حتى انها تأخرت لانهم ماقدروا يبنجونه لحد ماتأكدوا ان ضغطه استقر.. الوليد ..ضغط بعد؟؟ سلطان .....ايه شكل ابوك كان مجهد وتعبان كل الايام الاخيره من دون مايبين للي حواليه .. الوليد ناظر في امه اللي كانت تأشر من بعيد .. الوليد.. يله استاذن الحين وان شاء الله امر عليه بوقت ثاني .. سلطان ببرود.. خير ان شاء الله .. راح الوليد واهله وبقت جروح وامها واالباقي اللي كانوا بموقف المتفرج من اللي شافوه من ليلى وعيالها .. سلطان .. جروح يله ادخلي انتي وامك سلمي على ابوك علشان نمشي بينتهي وقت الزياره بعد شوي.. جروح.. سم ياعمي ودخلت هي وامها عليه... اول ماشافت جروح ابوها بهالحال جلست تبكي على حاله وماقدرت تملك نفسها حتى امها تأثرت يوم شافته وضاق صدرها .. ابو جروح ..جلس يناظر في بنته وعيونه غرقانه دموع رفع يده لها واللي تثقلها الاسلاك وكأنه يقول لها اقربي لي .. جروح ومن دون انتظار راحت لابوها ومسكت يده وحبت راسه وزاد بكاها .لانها المره الوحيده اللي يسمح لها تقرب له وتاخذ من حنانه.. ام جروح.تاثرت من الموقف. كفايه يابنتي تراك تزيدين عليه وانتي سامعه عمك سلطان يقول حاولوا ماتخلونه يتضايق .. مسكت جروح نفسها وحاولت تهدى ........جلست تدلك رجلين ابوها وهومبسوط ويبتسم .. بعدها جت الممرضه تذكرهم ان موعد الزياره انتهى.. .سلمت جروح على ابوها وطلعت مع امها ورجعوا للبيت...لاكن خوفها عليه لازمها وسيطر على كل خليه من خلايا جسمها.. ياليييييييييييييييييييييي يييييييييييت هالجزء يلقى جزء بسيط من استحسانكم ..((((((((( يكون البارت حلو... احداثه شيقه... وشخصياته ممتعه... وردودكم ثريه ورائعه)))))))))) تقبلوا خااااااااااااااااااااص التحايا اختكم رجـــــــــــــــــــــــ ـــــــــاوي | ||||||||
|
| |
|
17-12-13, 07:39 AM
| #13 | ||||||||
| مراقبة عامة ومشرفة منتدى الروايات المنقولة
| ((الجزء التاسع)) .............................. .............................. .................. نرجع لبيت ليلى شوي.. العنود رمت عبايتها على الكنبه وهي مكشره.. زين اني قدرت امسك نفسي قال ايش هذي اختنا وععععععععععععععع والله مالي الشرف اكون اخت لهاذي الاشكال.. ليلى وقفت عند المدخل ترتب شعرها بالمرايه..ماعليك منهم يامامي انتم بناتي انا ومافيه مجال تتقارنون فيهم.. اصلا وش جاب الصين للطين... عهود تعطي الشغاله عبايتها ..هههههههه ياماما عليك بعض الاحيان حكم مدري من وين..؟؟ههههههه ليلى تحاول تغير الموضوع ..اقول الحين صديقاتي اليوم مجتمعين بمطعم ماريز بعد العشاء بتروحون معاي ولا لا .. ترا السياره بتكون معاي كل الوقت خليها ببالك **وتأشر للعنود** مو كل دقيقه داقه علي.. عهود بكل دلع وهي بطريقها للدرج..انا ياماما بتمر علي جودي مع امها بنطلع نتمشى بحياة مول نازله بضاعه جديده في بيرشكا بنروح نشوفها وبنتعشى وبعدها يرجعوني.. اخذت ليلي الريموت وفتحت التلفزيون وبكل برود..خلاص ياماما روحي معاهم وابيك تمرين على المحل اللي رحناله الاسبوع اللي راح تشوفين اذا نزلت الشنط ولا لا..؟؟ عهود ردت بعجله وهي تنطط..اكيد مامي بس ايدك >>>>>على كم الف مابي اشوف شي يعجبني ولا ااخذه؟؟ العنود رافعه راسها لفوق وتتكلم بكل استهتار..مادام جودي معاك اكيد بتاخذين السوق كله.. عهود معصبه:...انتي كلي تبن مالك دخل بيني وبين امي .. العنود..ماما شوفي كلامها علي هالحيوانه.. ليلى .....خلاااااااااااااااااااا� �اا ااااااااااص تقولون جارات حشا... وانتي مامي عهود روحي لشنطتي اخبر فيها الفين وسبع ميه خذيها وفكونا تكفون تراي واصله من مشاكلكم... عهود وهي حاطه يدها على خصرها وكأن الكلام ماعجبها..الفين وسبع ميه بس... هذا اللي معاي الحين خذي اللي يكفي فلوسك وانا بعدين اطلع انا وياك ناخذ اللي يعجبك ... شكرا يامامي .. وطلعت لغرفتها جري وهي مبسوووووطه وبيدها الجوال.. كانت العنود تناظرها بكل حقد وضغينه .. طيب وبنت الشغاله مالها شي؟؟؟ ليلى وهي تهز راسها ..يحوووووووووووووووووووول وانتي طلبتي وقلت لك لا ؟؟؟؟؟؟ العنود وهي ماده البوز شبرين ....لا بس مايصير المفروض اللي تعطينها تعطيني مثله.. التفتت ليلى وهي معصبه حيل .....وش هالكلام؟؟؟ الحين مادفعت لك على عشاء صديقاتك والحفله قبل يومين ثلاث الاف واربع ميه ولا قلت شي .. انا ماقصرت معاك كل اللي تبين يجيك واختك مثلك مثلها واللي تاخذينه باعطيها.. :طبعا الكلام ماعجبها قامت العنود وراحت للمطبخ ولاعطت امها فرصه تكمل كلامها .راحت للشغاله وهي تصرخ... داني سوي لي موكا فرابي وجيبيه لي الغرفه صدع راسي من كثر الحكي .. >>>>>>>>>>>>>>>>> (((((((((العنود شخصيه يطغى عليها التعقيد والانانيه .ماتحترم اللي قدامها خصوصا امها وابوها والكثير يتحاشونها بسبب سوءالفاظها ..مالها صداقات كثير علشان كذا كانت تغار من اختها واللي كان الكثير يميلون لها بعد مايتركونها .تحب مظهرها يكون على سنقت عشره على مايقولون ..كل شي تبغاه لها وموتها اي شي يكون مع الناس.((.خصوصا اختها ))ولا يكون عندها ..انسانه مبذره درجه اولى ومالها ميول تعليمي او اي شي غير متابعة القنوات والانترنت والاكل . <<<<<<<<<<<<<<<<<<. من الجانب الثاني عهود.... واللي مانقول عكس اختها الا انها كانت افضل بشوي وارحم ..شخصيه على الرغم من دلعها الكبير الا ان اللي حولها وحواليها يفضلونها بسبب بسمتها اللي ماتفارق وجهها غير كذا وعلى الرغم من دلعها :الا انها تخفي قلب رقيق وحنون لابعد حد.تحب الغزل والدلع والجوال مايطيح من اذنها.ملامح وجهها طفولي بعكس اختها اللي كانت ملامحها حاده..)) .............................. .............................. .............................. .............................. .......... ومن الجانب الاخر .. اهليييييييييييييييييييييي ييييي ين يالقاطعه وينك كأن مافي الكون الا انتي اللي بتعرس!!!حتى اليوم ماشفتك بالقاعه الا شوي بعدها اختفيتي ولا عاد ادري وينك...!! سارا واللي بان عليها الحرج لان مو من عادتها تقطع فيها .لاكن ظروف العرس والتجهيز هي اللي اجبرتها غير المذاكره ورهبة الامتحانات واللي كان اليوم اولها ..هههههههههههههههههههههههه :unh appy: والله اني مشتاقه لك يالعنز .. جروح بكل غيظ. .شف شف شف عااااااااااااااد غلطانه وبعد تقول علي عنز ..ايا الهيسه الشينه... سارا ..ترانا بنطول نسب في بعض ههههههههههه اقول وش اخبار ابوك عساه احسن .. جروح تذكرت حال ابوهاا بالعنايه وكيف ان الاجهزه لافه عليه ومو مخليه منه لو جزء بسيط ..الحمد لله ان شاء الله احسن بس انتي ادعي له الله يقومه بالسلامه.. سارا ..والله اني ادعي له وامي وابوي يسألون عنه بعد.. جروح ..سألت عنك العافيه انتي واياهم.. سارا..اامين ..وان شاء الله يقوم بالعافيه وتفرحون به .. جروح ..الله يعافيك ياقلبي المهم وش اخبار امتحان اللغويات اليوم عساك فلحتي ولا جبتي العيد؟؟ لا ان شاء الله والله اني مذاكره امس لين طلع مع خشمي واشوى الاسئله ماكانت بذاك الصعوبه .. جروح.. صادقه الله يعافيه الدكتور صلاح ماقصر معانا من بداية السنه وهو متعاون .. الله يستر من بكره والله اني خايفه منه وانا عجزت اركز بالمذاكره غير اني احتمال ازور ابوي والله مدري وش الدبره جايتني الهموم من كل جهه.... سارا ..ياحبي لك والله انك في موقف ماتنحسدين عليه .. بس ان شاء الله الله بيستر عليك ويوفقك دامك تبين رضى الله ثم رضى والديك.. ان شاء الله .. الا ماقلتي لي وش صار على جهازك عساك شطبتي ..؟؟ سارا.. ويييييييييين اشطب كل يوم طالعه لي شغله جديده..كلما قلت انتهيت تذكرت لي شغله ..والله زهقت من الدوجان بالاسواق.. جروح ..موهذا اللي تحبين ..من اول تقولين انا مثل السمكه هي ماتستغني عن البحر..وانا مااستغني عن السوق!!!! ذوقي... ههههههههه... طيب والفستان الابيض لقيتي شي حلو .. سارا..وانا مابلاني الا هالفستان!!!! ايه لقيت .. بس والله كلما تذكرت اليوم اللي بالبسه فيه ماادري وش يجيني اختبص واقلب بالحكي واللي حولي يضحكون علي وعلى شكلي.. جروح.. والله من رداك ..الله يرجك يالخبله الا هو كم بقى على عرسك.. سارا ..ماعاد بقى الااسبوعين ..اااااااااااااااااااااه والله اني من جد مرتعبه .. جروح ..يابنت الحلال هونيها تهون ..هذا شي عادي ولما تمر الايام وتتذكرينها .. اكيد بتقعدين تضحكين وتقولين ياليت اللي جرا ماكان وياليتني ماعطيت الموضوع اكبر من حجمه .. سارا..ان شاء الله ...الله بس يصبرني لذاك اليوم..اقول جروح يله عاد اقلبي وجهك هذا جوالي يرن ...ملوكي تاج راسي يتصل ... جروح ..اعصابك... اعصابك .. الله واكبر من متصل الحين مالت عليك انتي واياه ... من شوي خايفه منه والحين طايره به والله مافهمت لك. سارا .. اصصصص ..يسواك يالبقره طسي يالله ..وذاكري زين.. جروح..طيب طيب... مردك لي بعدين..واوريك شغلك.بعدين علمي نفسك وذاكري انتي.. يله مع السلامه .. سكرت جروح سماعة التيلفون وجلست تضحك على زميلتها وخفة دمها لاكنها مابرحت الا دمعت عينها ورفعت بعدها يدها تدعوا لابوها ان الله يشافيه ويبعد عنه كل مكرووووووووه.. .............................. .............................. .............................. .............................. .......... وبيوم الاحد ...الساعه وحده الظهر ..في بيت سلطان.. سلطان ..معقوله لا مااصدق اكيد بالموضوع لبس ..انتم تأكدتوا زين انه اخوي . . الجانب الثاني وعلى التيلفون..اخوي لازم تجي ونشوف ..اذا يصير لك ولا لا ..ومنها نتأكد... سلطان ضاقت به الوسيعه كان حاس ان غياب عبدالله اخوه فيه ريبه لاكنه ماحب يبين لرجل المباحث بشكه حتى يتأكد ان اللي ما سكينه يصير اخوه عبدالله مو احد ثاني .. خلاص ولا يهمك اليوم العصر امركم .. يله مع السلامه.. سكر سلطان الخط وهو متضايق من اللي سمعه ..اخوي عبدالله ..معقوله انا بحلم ولا بعلم ..لاحول ولا قوة الا بالله وش هالمصيبه اللي انا فيها ؟؟؟ اعوذبالله من الشيطان الرجيم . الله يسامحك ياعبدالله .. .مطلوب امنيا ..ويننا ووين هالسوالف ..بعمرنا ماعرفنا حبوس وجرايم..ولا ندري بهاالعلوم الا من الجرايد ولا الاخبار...ياالله دارت بي الدنيا واحس راسي بينفجر . نوال .. وش فيك وانا اختك تحاكي نفسك انا لي ساعه ماده لك الفنجال اناديك ولا انت معاي ..عسى ماشر يااخوي عسى ماهنا شي بس ؟؟.... وجهك قلب من بعد المكالمه ..نواف فيه شي هدى صاير لها شي ..وراك ساكت علمني ..؟؟؟؟ سلطان واللي حاول يستجمع قوته ويظهر بصوره طبيعيه قدام نوال لانه ماحب يتكلم حتى يتاكد بنفسه من الموضوع ويتأكد من صحته .. لا ياوخيتي مافيني الا العافيه بس اليوم صارت مشكله بالمصنع بغت تروح على بضاعه بالاف الريالات بس ربك ستر!! نوال ...الحمد لله طمنتني والله لايجيب الخساير دامك بالحلال وانا اختك لاتخاف .. سلطان شرد بفكره بعيد بعيد عن نوال واللي حست بكذا لاكنها ماحبت تتدخل بما ان الموضوع مايخصها او يخص احد من اهلها علشان كذا قامت لغرفتها تتمدد .. >>>>>>>>>>>>>>>>>>>>>>>>>>>> >> رن جوال سلطان >>>> مشعل يتصل .. سلطان لما شاف رقم قال في نفسه >>> مادام مشعل دخل بالسالفه يعني خلاص الموضوع صار جد.. رد سلطان بارتباك ..الو .. مشعل ..هلا سلطان وش اخبارك واخبار الاهل عساك بخير ومرتاح ؟؟ سلطان ..بخير يالله لك الحمد والشكر الله يعيننا على شكره ..وانت وش اخبار الوالده بعد العمره عسى ماتعبت عليك .. مشعل .. الا والله تعبت علينا شوي بعد الخط والسفر لاكنها الحين اشوى من اول الحمد لله ..اقول سلطان ابيك بموضوع مهم اذا فاضي اليوم .. سلطان ..موضوع اخوي عبدالله صح .. مشعل ماتوقع ان الموضوع وصله وهو كان في خاطره وده يمهد له الموضوع بحكم الصداقه اللي بينهم ... بصراحه .. وسكت شوي ..الموضوع يخص اخوك عبدالله للاسف لقوه مع الخليه اللي مسكوها قبل كم يوم وانا بحثت في موضوعه بطرقي الخاصه وعرفت انه الى الان ماعليه شي وانه تورط معاهم من دون مايكون له علم بنواياهم .. ومن خلال المراقبه السريه من رجال البحث والتحري قالوا انه ماحصل من قبل وشافوه الا بيوم يسبق مداهمة الموقع .. سلطان واللي حس من كلامه شوي راحه واللي شالت من كتوفه هم عظيم يوازي ثقل الجبال ..الله يطمنك يامشعل اشهد انك ماقصرت الله يريحك ويطمن بالك .. مشعل ..وانت كيف وصل الخبر .. سلطان.. اليوم قبل ااذان الظهر بشوي دق رقم غريب على البيت قامت اختي ومدته لي تقول رقم اول مره تشوفه عطتني السماعه وقامت من المجلس ..والله ياخوك الله ستر وماردت عليه ولا كان الحين بيتنا فوق تحت .. مشعل .. ايه واالله الحمد لله ..عاد انت اليوم تعال وانا باكون معاك ..من معارفي راح نحاول نشوف موضوعه وان شاء الله مايكون الا خير .. سلطان .. الله يعطيك العافيه ويسعدك يامشعل والله ماقصرت رايتك بيضاء .. الله يقدرني وارد لك جزء من جميلك .. مشعل .. مابين الاخوان جمايل .. اليوم العصر تمرني بالبيت ونطلع سوا .. سلطان كان حاس من نبرة مشعل شوية برود لاكنه ماحب يدقق.. صار ان شاء الله بعد صلاة العصر مباشره .. مشعل ..انتظرك.. يله سلام . . سلطان .. سلام.. تنهد بعدها سلطان تنهيده كبيره ورد الدم شوي بوجهه عقب مااسودت الدنيا حواليه ..علشان كذا رقى لغرفته ياخذ دش ويتجهز للصلاه وبعدها يروح للمشوار اللي فيه يتحدد مصير اخوه. >>>>>>>>>>>>>>>>>>>>>>> قبل اذان العصر طلع سلطان من بيته وكل همه يعرف قصة اخوه عبدالله لانه يعرف انه ماراح يهدى له بال الا اذا عرف بالحقيقه ..اما تكون حلوه ويرتاح او تكون حقيقه مره تشقى بنتيجتها هو و كل العائله من الناحية الاجتماعيه من سمعه وخلافه ...والى مايعرف بالحل راح تكون اعصابه مشدوده وباله مو مرتاح .. الو هلا مشعل انا برا انتظرك .. مشعل وهو يحاول يبلع اللي بحلقه ..هلا سلطان كأنك مبكر شوي وانا اخوك ..الحين انا اتغدى بأرسل لك اخوي يفتح لك الباب اقلط بالمجلس الين اكمل غداي واغير لبسي .. لا انا ماابي ادخل خلاص بأسبقك للمسجد وانت اذا خلصت الحقني هناك .. مشعل ..صار ان شاء الله .. في امان الله ... سلطان سبقه للمسجد وصلى ركعتين تحية المسجد وبعدها قام يدعي ربه بخشوع وخضوع وانكسار وهو يبكي ببكاء خار ودموعه تنهمر بشكل كبير..كان مهموم مره لدرجه انه ماحس بدخول المصلين ومن ضمنهم زميله مشعل .. مشعل ..وش فيك وانا اخوك..انت لازم تكون متماسك واقوى من كذا .. سلطان ..ان شاء الله ياخوي والله غصب علي الموضوع مفاجئني ومطير من عقلي الراحه ..الله يعين وبس >> الحين خلنا نصلي ونروح نشوف وش الموضوع وربك يعين .. سلطان ..اامين يارب .. صلى الجميع صلاة العصر وطلع سلطان ومشعل لمركز المباحث .. الضابط خالد ابراهيم ..بصراحه ماادري كيف ابدى الموضوع يااخوان بس بصراحه المدعو عبدالله لقيناه مع الجماعه اللي تم القبض عليها قبل كم يوم .. سلطان .. مو على اساس تتاكدون قبل هل هو متورط معهم او لا .. هل كانت له زيارات متكرره لهم ..يعني ماتحريتوا عن الموضوع ؟؟؟ مشعل ..صح ياحضره الضابط يعني ماحصل وتأكدتوا ؟؟ الضابط خالد ابراهيم واللي كان متعاطف معاهم وعارف اثر هالموضوع عليهم ..كلامكم مضبوط ميه بالميه ..المدعو عبدالله ماكان له اي اتصال بالجماعه اللي تم القبض عليها من قبل ..لاكن وللاسف كان في زياره للشقه اللي كبسنا عليها وبذاك اليوم بالتحديد ..وبما انه كان هناك معناه وللاسف انه متورط معاهم .... بدت علامات الغيظ والغضب على سلطان........زياره وحده لهم تضيعه وتضيع مستقبله وين العقل اللي يقبل بكذا ؟؟وين العدل والمنطق . مشعل ..هدي ياسلطان خلنا نفهم من حضرة الضابط الموضوع زين .. سلطان وين اهدي ..لاحول ولا قوة الا بالله العلي الظيم .. اعوذ بالله من الشيطان الرجيم .. مشعل ..يعني ياحضرة الضابط مافيه امل من خروجه ابدا .. الضابط ..هو بصراحه ماعليه ممسك الى الان ولا عليه شي ..بس خل املك بالله كبير ان شاء الله مايكون الا الخير.. سلطان بعد ماكظم غيظه وهدا نفسه.. يعني ..؟؟ الضابط ..الصبر.. سلطان ..طيب ممكن نشوفه .. الضابط..اليوم مااقدر بس ممكن بعد كم يوم ...واحنا راح نبلغكم باقرب فرصه. سلطان ..يعني بنصبر الى ماتتصلون .. الضابط ..للاسف هي شروط وقوانين ومستحيل نتجاوزها ..الصبر الصبر ..وان شاء الله كل شي بيكون زين .. سلطان..اللهم اامين والله يعطينا طول البال .. مشعل ..شد حيلك وانا اخوك ..انت رجال قدها وقدود وان شاء الله هي ازمه وتعدي سلطان ..وين قدها الله بس يعين يله نطلع والله يعطيك العافيه تعبتك معاي .. مشعل... وانا وش سويت بس انت لا تكدر عمرك ولا تضيق صدرك والمكتوب بنشوفه مهما كان !!! ناظر سلطان بصديقه والدنيا ضايقه به بس ماله حيله غير السكوت والصبر لان الالم يعتصر قلبه وهو في قلبه يقول ..لو تدري عن اللي فيني يامشعل ,,,هم على هم وحزن على حزن ..طلع سلطان ورفيقه مشعل وراحوا تعشوا بعدها رجع كل منهم لبيته... .............. تسولف لي عن آلـــضيقه وأنـا كلي ألم وأحـــــزآآن وأنا من وين مـآنــآظر بعيني شفت ضيقـآتي تسولف لي عن آلــضيقه وأنــآ عنوآن للــحـــرمــآآن دخيلك لآ دخيل آلــجـرح لآ تكشف مـعـــآنـآتـي رفيقي لآ تشجعني أسولف وأكسر آلـكــتمآن تعبت من آلسكوت آللي تعود يسكن بذآتي عليم الله مـــآآفيني شبر يضحك فرح وآشـجـــآآن وأنـآ لو جيت آبضحك لكـ أجيك أضحك بدمـعــآتي حـــيآتي شـِعر وشـآعر وجمهوري بـقــآيآ آنـسآآن ونـّقآآدي زمن قـآآسي ولآيفهم كتـآبـآتـي أنـآظر للبشر حولي أحد يضحك أحد طربـــآن وأنـآآ صعب علي أضحك أسـآيرهم بضحكـآآتي عجزت أكذب على نفسي بفرحـــه مـآ بهـآ ألوآن وحزني مـآآ عجز عني بدآ يرسم نـــهـآيــآتي طريقي صعب وجروحــي كثير ودآآخـــلي ضميـآآن أبي لو يوم وآحد أحـــآول أجمع شتــآآتي أنــآآ قصه تبعثرت وتطــآآيرت بزمن خوآآن تعلمت أخسر آلبـسـمه وأدآري عضة شفــآآتي أبكتب لك وبـآلـخـــط آلـعــريض وريشـة آلفـــنـآآن أنـآآ آلـخــسرآآن توقيعي وآنـآ آلـخــسرآآن بصمـآآتي أكمل لك عن آلضيقه آكمل لكـ عن آلأحـــزآآن تــأكد لو بكمل لكـ تصيح وتطلب سكـآآآآتي وش تتوقعون يكون مصيرعبدالله بعد كل اللي شفناه ؟؟؟وهل راح يرتاح بال سلطان الى ان يجي الموعدالمنتظر ... ................. ام جروح..جرووووووووووووووح وينك يمه..؟؟ جروح من فوق الدرج..هلا يمه بغيتي شي ..قاعده اذاكر.. الماده دسمه ويبي لها تعب.. ام جروح..الله يسهل عليك يابنيتي ويوفقك..مادقيتي على عمك سلطان تشوفين بيمرنا نروح لابوك جروح.. لايمه مانسيت...... دقيت عليه من تلفون الصاله اللي فوق ..يقول بعد صلاة المغرب لان الزياره صارت من اربع لثمان.... وابوي ابشرك نقلوه من غرفة العنايه لان حالته استقرت .. ام جروح ..الحمد لله .. عاد ورى ماجيتي تقولين لي من اول مادريتي .. جروح .. والله يمه يوم تناديني وانا اسكر السماعه ..وانا قد غبيت عليك شي يالغاليه.. ام جروح .. الله يعافيك .. اجل انزلي انشري الملابس بالحوش ..توني مغسله كل الملابس مابقى منها شي .. جروح ...الله يهديك يايمه ماتصبرين انا قايله لك خلي كل شي علي والله ماعاد فيك حيل على الشغل .. الله يعافيك يايمه انتي خليك بدراستك والله يقضي هالسنه ان شاء الله على خير ويرزقك ولد الحلال اللي يستر عليك .. جروح وكأن الموضوع اخذ من نفسيتها مأخذ..الله يكتب اللي فيه الخير والصالح يايمه انا بأروح انشر الملابس وبأرجع اذاكر والله انها ماده متعبه من جد.. روحي وانا بأصلح القهوه علشان تصحصين وباشوف اذا باقي من حلا امس في الثلاجه باطلعه ناكله معها.. وبطريق جروح للحوش رن التيلفون.. توجهت ام جروح للتلفون .. الو..وعليكم السلام..من معاي .. هلا سلوى ماعرفتي صوتي او متغير عليك.. سلوى واللي ماكانت مصدقه من اللي يكلمها هلا ابو جروح الحمد لله على سلامتك عساك بخير الحين..؟؟ ابوجروح..الحمد لله انا بخير والحمد لله كل الدكاتره اللي مرو علي اليوم يقولون حالتك افضل علشان كذا نقلوني لغرفه عاديه.. ام جروح ..الحمد لله ابوجروح.. جروح وش اخبارها ..؟؟ ام جروح واللي ماكانت مستوعبه المكالمه كلها ..وزاد عليها سؤاله عن بنته ؟؟ بخير شاده حيلها علشان الامتحانات ....اليوم امتحنت الماده الاولى وباقي لها اسبوع وشوي. . واليوم تقول ان امتحانها بسيط.. الله يساعدها ان شاء الله ..ماجيتوا اليوم عندي؟؟ ام جروح..نحتري اخوك سلطان وان شاء الله نجيك تامر على شي اجيبه معاي ابوجروح.. الله يسلمك بس الدكاتره مانعيني ااكل اي شي....................... ؟؟سلوى ؟؟؟ ام جروح جمد الدم بعروقها ..ونغزها قلبها لانها حست بالموضوع شي ..اامر ابيك بموضوع يخص جروح؟؟ جروح؟؟ وش فيها ؟؟ مافيها شي بس جايها خاطب ويبي مني الرد ؟؟ خاطب ؟؟؟***ام جروح كانت تظن ان ابو جروح بدأ يحن على بنته ..فكرت انه بعد مرضه ووقفت الكل معاه وافق على نواف**ابتسمت ابتسامة الراحه**ومن يكون..................؟؟؟؟ ابو جروح..واحد من زملائي.. ام جروح ماعرفت تتكلم وانصدمت من كلامه................. الو ..انا اتكلم مع من؟؟ ام جروح بضيق كتم على انفاسها ..معاك ..بس الموضوع فاجئني ؟؟ ابو جروح..رزقها وجاها نرده ...؟؟؟؟؟ ام جروح هنا تعجبت من كلامه ..وقالت في نفسها رزقها !! رزقها جاها من قبل وانت وقفت بوجهها وكسرت بخاطرها واليوم جايب لها خاطب كبر ابوها الله واكبر عليك بكل حالاتك اناني وماتحب الا نفسك ..كنت مريض او متعافي .. سكتت ام جروح ولا علقت .. ابو جروح ..انتي عطي البنت خبر واهله بيجون يشوفونها الاثنين يعني بعد بكره .. ام جروح..على طول وانا ماشفت راي البنت .. ابو جروح..انا ادرى بمصلحتها خلاص يله بلغيها وقولي لي ..مع السلامه ام جروح .. يله مع السلامه دخلت جروح مبسوطه لانه لقت لها عصفور صغير طايح بحوشهم ..شالته وجابته لامها توريه اياه ..يمه شوفي وش لقيت ياحرام يكسر الخاطر ام جروح بنفسها ..**انتي اللي تكسرين الخاطر ** ناظرت جروح بوجه امها وعرفت من وجهها ان فيها شي لان امها يبان عليها اذا متضايقه .. جروح..وش فيك يمه عسى ماشر وش فيه وجهك منعفس ..صاير شي ..او ابوي صار له شي ؟؟ ام جروح ..لا ابوك مافيه الا العافيه وتوه مسكر مني .. جروح اندهشت لانه ماقد صار قبل ان ابوها يتصل عليهم وزياده على كذا هو بالمستشفى طايح مريض..ابوي متصل ؟؟ ام جروح..ايه جروح..غريبه ..وش يبي ..؟؟ ام جروح.. وش يبي؟؟ ...ااه وبس وش اقول ؟؟ جروح ..يمه والله خرعتيني وش اللي صاير .؟؟ ام جروح.. ابوك..يقول فيه واحد جاء يخطبك .. جروح..يخطبني هههههههههههههههه ربي مااسرع واستجاب دعاك ..هههههههههههههه ام جروح..بس الخاطب مو على اللي نبي !! جروح..من ..؟؟ ام جروح بمراره..واحد من زملاء ابوك جروح.. من زملاءه ؟؟ صادقه ؟؟؟ قولي واحد من عيال زملاءه يمكن تنهضم شوي ..؟؟ ام جروح بغت تنجر من الصياح لاكنها تمالكت نفسها ..لا يمه من زملاءه .. جروح حز بخاطرها وحست بغصه بقلبها ..ابوي ..؟؟يبي يزوجني واحد من زملاءه وليه ؟؟بعدين الوقت مو مناسب ابدا يفتح هالموضوع نحاتي صحته وهو يفكر يخطب ويعدل ويبدل... يالله يابوي انا ماصدقت ان القلوب بدت تلين والاوضاع بدت تتعدل .يجي بموقفه ويخليها تبعد اكثر من اول .. ام جروح عرفت حرة الموضوع لبنتها فحاولت تخفف شوي عنها ..يابنتي ياحبيبتي القدر والنصيب مكتوب وبينشاف جابه ابوك او جابه غيره ولو كان لك نصيب يايمه مع هالرجال بتاخذينه ..بس نقول ان شاء الله ربك كريم ويعطيك على قد نيتك.. جروح..يايمه حظي مستحيل يتعدل ..ماادري كل ما قلت حظي بدا يتعدل ويزين يرجع ويخرب .. ام جروح..الاقدار يابنتي بيد رب العالمين ..لا بيد ابوك ولا بيدك ..وكلي امرك لربك وبس .. جروح .. الله كريم ان شاء الله .. نزلت جروح راسها وبراسها الف فكره وموال رجعت لكتابها .. وهي ودها من الهم تصيح وتسمع الناس بكاها... مالهاحيله الا السكوت وترضى باللي يجيها غصب او طيب... .............................. .............................. .............................. .............................. ........ اتمنى هالجزء يحوز على جزء من رضاكم تحياتي وعطوني تكهناتكم اللي تتوقعونها تصير | ||||||||
|
| |
|
17-12-13, 07:56 AM
| #14 | ||||||||
| مراقبة عامة ومشرفة منتدى الروايات المنقولة
| ((الجزء العاشر)) من الجانب الثاني كان سلطان في زياره لاخوه بغرفته ..اما جروح من الضيقه دقت على عمها سلطان واعتذرت منه وقالت له انها ماراح تروح اليوم لابوها وكان عذرها ان امها شوي تعبانه وهي ماتقدر تتركها بالبيت لحالها ..غير ان مادة الامتحان صعبه تحتاج تركيز... سلطان ..السلام عليكم .. محمد ..هلا بسلطان .. سلطان ..بشر عنك اليوم عساك ان شاء الله احسن .. محمد..لا الحمد لله بخير وصحه وعافيه ..حتى الدكاتره يقولون ان احتمال اطلع هاليومين سلطان ..لاتستعجل وانا اخوك اهم شي على الواحد صحته ..انتبه بس لعمرك والطلعه لاحق عليها ..ماجاك احد اليوم محمد..لا والله غير اثنين من الحاره سلموا وراحوا على طول .. سلطان .الله يجزاهم خير ..اصب لك قهوه >>>> ام جروح من وفاها وطيب اصلها ماتنازلت عن امر القهوه وتكفلت انها تجيب معها او ترسل له قهوه وتمر كل يوم للمستشفى لوحصل و زاره احد .. ما اشوف جروح وامها جو معاك ..انا متصل عليهم العصر وقالوا انهم يحترونك تمر عليهم سلطان ..صحيح انا مريتهم قبل لا اجيك بس شكل حرمتك تعبانه شوي وجروح قالت صعبه اترك امي واجي محمد..ايه احسن انها ماجت انا احتري لي واحد الحين.. سلطان ..من بيجيك ؟؟ وقبل مايكمل سلطان سؤاله طق باب الغرفه واحد طول بعرض اربعيني ..بين عليه الثراء و مبين انه يحب المظاهر..سلطان اول مره يشوفه ولا حصل وتقابلوا من قبل!!!!!!!!!!! السلام عليكم .. محمد.. هلا والله هلا وسهلا حيالله عبدالاله **سلطان كان موقف بينهم موقف المتفرج** .. **عبد الاله مد يده وسلم على سلطان واللي هو بدوره رد له التحيه بمثلها ** محمد..اعرفك ياسلطان هذا زميلي العزيز والغالي عبدالاله عشرة عمر من ايام دراستنا بالمعهد سلطان ماكان مرتاح له بس ماحب يبين له... بما انها فتره بسيطه وبيفترقون .. محمد تفضل وانا اخوك ..والتفت على سلطان ..قرب له وانا اخو الكرسي جنبي هنا **ويأشر على المكان ** سلطان تعجب موقف اخوه ...........من هذا اللي معطيه اكبر من حجمه؟؟؟؟؟ ..واستغرب اكثر انه يخدمه بهالشكل..!!!!!!! عبدالاله..الله يعافيك ويبقيك... بشرنا عن صحتك عساك اليوم احسن .. محمد ..الحمد لله بخير وبصحه وعافيه يالله لك الحمد انت وش اخبارك عساك بخير ....؟؟ عبدالاله..بخير عساك سالم ..ماعاد للجلسه طعم بعدك محمد ..لا تبالغ عاد .. البركه بباقي الشله قعد الاثنين يتكلمون بكلام مافيه فايده ..وسلطان بينهم يصب القهوه وكأنه قهوجي ..سلطان يعرف ويميز الشخص من طريقة كلامه ..وهو ماارتاح ابدا للي قدامه وكان بينه وبين نفسه.... يدعي ان الله يصبره .. اسـتأذن عبدالاله بعد ماكلم محمد بكلمه على انفراد ..متناسي ان تناجي اثنين دون ثالث مايجوز..لاكنه كان اكبر من تفاهة تفكير عبدالاله لذلك طلع من الغرفه وجلس بالاستراحه الخارجيه لحد ماطلع سلطان اول مادخل على اخوه كان مغتاض مرررره لانه يكره هالاسلوب في التعامل .. سلطان .. السلام.. محمد .. وعليكم .. سلطان .. طلع ؟؟ محمد .. ايه .. وراك تقولها من دون نفس.؟؟ سلطان.. لانه بصراحه من دون زعل ماعجبني واحس انه رجال مو مضبوط محمد اثر فيه الكلام لاكنه مكابر لانه الوحيد اللي يعرف عبدالاله زيييييييييييييييين ..واللي زاده ضيق يوم ذكر انه يبي يناسبه..؟؟ محمد.. الرجال مايعيبه شي .. سلطان .. مايعيبه ايه طيب .. محمد ..خطب بنتي وانا وافقت وملكتها بعد مااطلع من المستشفى انصدم سلطان من كلام اخوه..وطارت عيونه.. بنتك .. لهذاك!!!!!!!!!! .. انت صاحي او المرض اثر بمخك.. طلعت شخصية محمد المخفيه طول فترة مرضه..جعلك للمرض انت ..ايه لبنتي وانا صاحي اكثر منك....؟؟؟ثمن كلامك ياسلطان ولا تغلط معاي بالكلام؟؟ سلطان قام من الكرسي معصب ..وين صاحي ..هذا اللي يسمى جنون بعينه .. تحرم بنتك تاخذ ولد عمتها ..وتزوجها من واحد كبرك مانعرف اصله من فصله محمد..اقول اسكت شب ولا كلمه الظاهر عطيتك وجه اكثر من اللازم .. اقول اقلب وجهك عني ولا اشوف مره ثانيه الله الغني عنك وعن زيارتك.. سلطان اكتفى بالسكوت .........ناظر في اخوه وبعدها سلم وطلع محمد.. الله ينشف ريقك .. وين الواحد يرتاح وله مثل هالاجناس..؟؟البنت متزوجه متزوجه وياويل من يعترض ويوقف بطريقي .. >>>>>>>>>>>>>>>>>>> اما سلطان ماعرف وش يسوي بحاله الدنيا ضاقت به ولا عاد يدري وين يروح ويولي .. مشكلة عبدالله اللي طحت فيها والحين جروح ونواف ..عبدالله ماندري وش مصيره وجروح نفس الشي ..ياربييييييييييه وين اطير ..كل هاللي حولي معتمدين على الله ثم علي ..وانا مالي لاحول ولا قوه ..المشاكل زادت علي حتى اني نسيت نفسي ..**جلس يناظر وجهه بالمرايه**حتى ماحلقت من زمان ..نسيت نفسي ولا عاد فيني فكر ..الله يفرجها وبس.. سمع صوت الاذان لصلاة العشاء علشان كذا وقف بسيارته جنب المسجد توضأ وصلى ودعا ان الله يفرج همه ويحل كل اموره.. .............................. .............................. .............................. .............................. ........... مرت اسابيع الامتحانات على خير .. جروح ماشاء الله عليها في كل يوم من الايام تبدع وتجاوب احسن الاجابات حتى ان وحده من اساتذة الجامعه .. اثنت عليها في قاعة الامتحانات قدام باقي البنات وقالت انها ومن خلال مطالعتها لاجاباتها في المواد الثانيه... انها من الطالبات المثاليات ..اجاباتها من افضل الاجابات على مستوى الدفعه..يعني نجاحها مضمون وعلى مرتبة الشرف... اما على الصعيد الاقليمي العائلي...!! ابو جروح طلع من المستشفى على بيت زوجته الثانيه >>>>>>على قولته يبي يعتزل عن الكل واولهم سلطان لانه مايبيه يحاول يغيره عن رايه بأمر زواج جروح من عبدالاله..وهو عارف ان الكل متجنب زيارة بيت سلوى لانها ماتفكر تستقبلهم بالاصل نهائيا.. اما بالنسبه لزيارة اهل عبدالاله لجروح في بيتها علشان يشوفونها(((( الغيت ))).. لان عبدالاله بعد مااستشعر رفض جروح له تنازل عنها.. واكتفى بالملكه على طووووووووووووول بعد الامتحانات بيومين...منها يرضي غروره ومنها يرضي ابوها واللي حسسه بانه مايحب يشغلها عن الامتحانات وانه شاري البنت شروه>>>>>> طبعا بدين ابوها..وهو بيقبلها بكل حالاتها.حتى من دون مايشوفها... جروح.. والله النذل اللي مايستحي يقول متنازل يشوفني..قلة حيا ..شفت ياعمي سلطان موقف ابوي معانا بعد ماوقفنا معاه بمحنته وتعبه.. ام جروح *** كانت جالسه بالمجلس معاهم متغطيه وساتره عمرها*** ..الله يهديك يايمه هذا ابوك واللي سويتيه واجب عليك ..لاتمنين ..وهذا عمك وعماتك فيهم الخير والبركه واكيد بيوقفون بوجهه ويمنعون العرس.. سلطان..والله اني ماخليت اي طريقه الا وسويتها ادق جواله مسكر ..اروح واعني له ببيته الثاني يصرفني سواقه يقول نايم ...ثلاث مرات نايم ..!!!والله اني تعبت معاه ..يبي يحطنا عند الامر الواقع .. جروح **كانت متنرفزه مرررررررررررررررره.**...والل ه مااردعلى المملك واذا غصبوني بأقول ماني موافقه .....الزواج مهب بالغصب ؟؟ سلطان ..الله يستر من ابوك لايكون يملكك وانتي ماتدرين.. ***جروح وامها مع بعض واللي مبين عليهم الخوف والمفاجأه***..يصير .. سلطان ..ايه يصير مادام انه ولي امرها يقدر .. ام جروح..حسبي الله ونعم الوكيل اللي مايخافون الله ..واحنا وش بيدنا نسوي يعني نحتريه لين يسوي اللي بخاطره واحنا نتفرج... سلطان ..والله يااختي ام جروح ماباليد حيله انتي تعرفين زين موقفي مع اخوي هاليومين ..لايبي يشوفني ولا يسمع مني وكله قاعد عند زوجته الثانيه علشان يتجنبنا حتى يومك قطعه.. ام جروح..بصراحه الموضوع مسخ وانا اختك وانا مقدر احط يدي على خدي لين تروح البنت مني ..لازم اشوف حل والظاهر اني خلاص بأرجع لاهلي في الشرقيه انا وبنتي واللي يصير يصير .. سلطان ..يعني هروب ..تراك بدل ماتحلين المشكله تزيدين تعقيدها ..زوجك وانتي اكثر وحده عارفته اذا لزم على شي يسويه ولو احد عانده ينقلب مثل الشيطان ويخرب الاول والتالي..يجيب بنته عنده وانتي تبقين ببيت اهلك وتنحرمون من بعض ... مواقفه تراها كثيره وهو مايحترم راي احد الله يهديه وبس.. **جروح وهي سرحانه دمعت عينها من دون ماتحس**...يعني خلاص ابوي بيدفني بالحيا ..بيزوجني واحد مااعرف شي عنه لاشافني ولا شفته ولا اعرف عنه الا انه صديق ابوي حتى اسمه ماادري عنه..وش هالاجرام ..؟؟والله حرام اللي يصير وين العدل ..ابوي اللي بغيت اموت من الخوف علشانه يوم مرض ..وقفنا معاه ..ودعينا له كذا يسوي ..واخواتي وزجته اللي جو خطوه قلبوا فيها موازين المستشفى ذاك اليوم لهم الحب والتقدير ..طيب يزوج وحده من بناته لصديقه ويريحني ولا بس يقدر علي انا وامي وبس ..**وقفت عن الحكي وجلست تبكي بحراره من اللي فيها ** ..**ضاقت ام جروح وقامت من المجلس وهي تبكي على حال بنتها اللي مايرضي احد** .***اما سلطان حس انه بموقف العاجز قدام مشكله يصعب عليه حلها ..*** سلطان بنبرة العطف والرحمه والحنان ..ياجروح يابنت اخوي استهدي بالله وانا عمك ..الصياح ماراح يفيد وماتدرين يمكن يكون لك في هالزواج خيره وسعاده احنا ماندري عنها .. ***جروح ناظرت في عمها نظرات الكسيره ***..انت ياعمي اللي تقول كذا ..ليه نلعب على انفسنا ؟؟واحنا ندري وش بيصيرلي من هالزواج.. سلطان **حس بانه غلط بكلامه** ..والله ياجروح الواحد مايدري وش يقول !!! جروح بانفعال ..اللي تقوله انك تحجز لي انا وامي على الشرقيه بأقرب وقت الجامعه وانتهت والاجازه بتبدأ..واناماعندي استعداد اخسر نفسي واخسر امي علشان تهور ابوي واللي ماادري وين بيوصلنا... سلطان..انتي تتكلمين جد؟؟ جروح ..وجد الجد ..الله يعافيك ياعمي تحجز لنا على اقرب طياره نروح لاهلي هناك وعساه ان شاء الله تكون لنا مفتاح لحلولنا من هالمشاكل .. سلطان..مااظن وانا عمك.... ابوك علاقته جدا سيئه مع خوالك ... من سنين وهو مقاطعهم ولا يبي سيرتهم اخاف بتصرفك هذا تدخلينهم في متاهات ومشاكل هم في غنى عنها .. جروح.. للاسف مالي غير هالحل ..واهلي اول مره انخاهم واكيد ماراح يوقفون بوجهي .. سلطان واللي كان متردد جدا بجوابه ماله حيله الا انه يوافقها على هالحل لانه تعب من التفكير والمشاكل ولا له قدره انه يفكر او يعطي اكثر... خلاص انا اشوف ان شاء الله الحجوزات تعرفين الناس كلها الحين طالعه للسفر واكيد بتكون المقاعد فل .. جروح..ارجوك ياعمي حاول ...وانا بكره ودي اطلع لزواج وحده من صاحباتي المقربات مرررررررره ... قلت للوالده وماقالت شي ... ودي اروح أادي الواجب ساعة زمان وارجع اذا ماعندك مانع ..والله من غلاها ماودي افوت اني اشاركهااغلى لحظه بحياتها.. سلطان..طيب بس اخاف تصير من وراها مشاكل ... جروح..ياعمي المشاكل واصلتنا واصلتنا ..انا بأروح انا وامي بس شوي نأدي الواجب ..الواحد مايدري وش بيصير له بهالدنيا ..يمكن ماعاد اقدر اشوفها مره ثانيه !! ارجوك ياعمي اذا ماعليك كلافه.. سلطان ..لاكلافه ولا شي انتي تامرين ....خلاص بكره امر عليكم... بس بأي وقت؟؟ جروح..الساعه تسع راح اكون جاهزه انا وامي ..ودي اقعد مع العروس قبل لاتنزف لزوجها... سلطان..خلاص اجهزي ولا يكون خاطرك الا طيب .. قامت جروح وحبت راس عمها ..الله لايخلينا منك والله انا مدري وين اطلع من جزاتك الله يجزاك خير ويخليك لنا..تحملت مني كثير سلطان قام من مكانه بيتجه للباب..ماسويت شي انتي بنتنا ..واللي يضرك يضرنا ..انتي بس ادخلي على الوالده وهديها وان شاء الله مايكون الا كل خير وقبل مايطلع رن جواله>>>>> مشعل يتصل نظر في جواله وقال في خاطره الله يستر وش اللي بعد بيصير ..؟؟؟ سلطان مستعجل وعينه عالجوال ..يله جروح في امان الله .. جروح ..مع السلامه ياعمي .. .............................. .............................. ....................... وهو في الشارع قبال سيارته.. سلطان ..الو مشعل ..الو ..السلام عليكم ورحمة الله وبركاته .. سلطان بتردد..وعليكم السلام ورحمة الله هلا اخوي مشعل حياك ..وش اخبارك عساك مرتاح .. مشعل ..الحمد لله نسأل عنك ..المهم وش تعطيني .. سلطان..اعطيك .. ايه تعطيني ...هذا غير العشاء في افخم مطعم بالرياض .. سلطان ..انت تستاهل يابو نايف بس وش المناسبه.. مشعل... بشاره تستاهل مليون بس انا متنازل عنه لاني ادري انه مامعك نصه.. واكتفي بالعشاء .. سلطان ..وبصيص الامل بدأ يدب في ارجاء جسمه..هههههههههه بشر والله اني في حاجه للبشارات همومي ثقلت علي وابي شي غير ... مشعل..اخوك عبدالله.. سلطان.. وش فيه..... طلع براءه..؟؟ مشعل ..شف وانا اخوك انا باقولك على كل الموضوع بس خلنا نلتقي لنا في اي مكان وانا اعلمك..... انت فاضي الحين ..!!!!!! سلطان ..ايه فاضي ربع ساعه بس واكون في المقهى اللي ورا بيتك تعرفه؟؟؟ خلاص ان شاء الله ربع ساعه واكون هناك ..حتى من حظك اليوم ماعندي اي شغله الا انت هههههههههههههههه .............................. .............................. .......................... نرجع شوي ورا لبيت جروح ونخلي فرصة ربع ساعه لسلطان علشان يوصل للمقهى ههههههههههههههههههه ... ......... جروح ..ايه خلاص هذا القرار النهائي ولا رجعه فيه ..يمه يكفينا تعب يكفينا ظلم يكفينا تحملنا وتحملنا وشوفي وش جزاتنا ؟؟ ام جروح ...واللي كانت سانده راسها على المخده وعاصبه راسها من شدة الصداع..والله يايمه ماعاد ادري وش اسوي كل هذيك الايام كنت صابره علشانك الضيم والظلايم والحين انتي تقدرين تشيلين نفسك كبرتي وصارت معاك شهاده والكلمه لك .. جروح..يمه يابعد راسي انا مالي كلمه من بعدك انتي الاساس في كل شي واذا ماتبين تروحين لخوالي انا مستعده اغير رايي.. ام جروح..لا يايمه مصلحتك فوق كل اعتبار.. سوي اللي تشوفينه وانا معاك ... جروح حبت تغير شوي من المود وجو الحزن اللي مخيم على بيتهم من سنين..صح يايمه ماقلت لك ........ قلت لعمي سلطان عن عرس سارا بكره ولا قال شي يقول انا مستعد اوديكم .. ام جروح.. الله يجزاه خير بس نبهتي عليه عن ابوك لايدري ويسوي لنا سالفه... جروح..هههههههههههه عمي سلطان ...!!!مايبي له وصاة هو عارف البير وغطاه يعني مستحييييييييييييييييل يعلمه... ام جروح وهي تضغط على راسها ... انا ادري ان فيه الخير بس الواحد يخاف انه يغلط يوم ويقول... جروح.. لاتخافين عمي سلطان مافيه مثله .. المهم يمه باروح اشوف فساتيني اقوسهم من زمان مالبستهم بأشوف اللي يصلح واغسله واكويه.. ام جروح قامت من فراشها وهي مبسوطه من حال بنتها اللي تغير ..خلاص انا بأروح اسوي شوي مكرونه على العشاء اشوف فيه قطيعات لحم باكشنها ثم اكب عليها المكرونه... جروح.. يم يم والله وناسه من زمااااااااااااان عن المكرونه الحمراء لا بعد مع اللحم اتقطع انا ههههههههههههههههههه.. ام جروح ....ههههههههههههه اجل لو دريتي اني مسويه العصر كريم كراميل... وش بتسوين .. جروح ..لا يايمه مااتحمل وش الوناسه اليوم ...!! مأدبه مافيه مثلها ههههههه ام جروح..طيب بتكلمين على سارا تقولين لها انك بتحضرين عرسها جروح....لالالالالالالا بأخليها مفاجأه ....انا الحين اتحراها تدق علي هي قايله لي قبل امس بأدق عليك اذا رجعت من السوق .. يعني بيمديني اغسل الفستان فوق قبل .. خلاص انا رايحه للمطبخ الحين.. خلاص وانا طالعه لغرفة الغسيل..بس يمه لاتجهدين بنفسك وان شاء الله يخف عليك الصداع بسرعه... ام جروح ..ان شاء الله انا اكلت من شوي حبتين اسبرين وان شاء الله شوي ويخف علي.. خلاص يمه انا طالعه تبين اسوي شي قبل ؟؟ لا يمه البصل والطماط وكل شي مجهزته من العصر .. حلو اجل يله .. ترفقي يابنيتي لا تخبطين بس .. ههههههههههههههههه ماتخافيش ماما دا انا جدعه ... ام جروح .....هههههههههه طيب يالجدعه .............................. .............................. ......................... >>>>((( في المقهى ))) اجتمع مشعل وسلطان في الكوفي شوب وسووا لهم اوردر اثنين كابتشينو.. كان مشعل يناظر في سلطان وردة فعله ..لانه كان متحمس ووده يعرف وش الخبر اللي يبي يبشره فيه .. مشعل ..وهو مبتسم..ودك تعرف بالبشاره وتوديني للمطعم اللي قلت لك... سلطان ..ان تلعب باعصابي ..علمني وش عندك ارجوووووووك تراني مرررررررررررره متوتر مشعل ...ههههههههههههه اخيرا جتني الفرصه اوترك هههههههههههههه .. سلطان ,..يالله يامشعل لاتكون انت والزمن علي .. مشعل ..لاحوووووووووووووووول ولا قوة الابالله ..لا ان شاء الله ماراح اكون ضدك الا بأكون في صفك ولايهمك... سلطان ..الله لا يخليني ..**قام وشال كرسيه وقربه لمشعل** مشعل..ههههههههه والله انك من جد تستحق الشفقه!! اسمع وانا اخوك ..الموضوع بشأن اخوك عبدالله .. سلطان ...لااله الا الله... مااظن على كذا انها بشاره .. مشعل ..الابشاره واحسن بشاره ..شف وانا اخوك الموضوع هذا وللاسف ادري عنه من فتره بس بحكم عملي اللي يتطلب السريه فكان علي اني اكتم الموضوع واظهر بصورة الصديق المشفق ..والحين وبحكم الاخوه والصداقه بأعلمك بالموضوع بس اللي ابيه الكتمان لاني بأكون مخالف للقانون .. سلطان ..مخالف للقانون..؟؟؟مافهمت عليك ..ارجوك وضح مافيني عقل ..تعبت التفكير.... مشعل ..ماعاش من يتعبك يالغالي ..اخوك ياطويل العمر متعاون.. سلطان..نعم؟؟؟وش قلت؟؟؟ مشعل ...اللي سمعته..انا بأقولك على كل شي .. من البداية للنهايه وحبه حبه **وهو يبتسم**لان شكلك مايوحي انك مستوعب ابدا... سلطان.. واللي جانا شوي ..يله اسمعك.. مشعل ..تذكر اليوم اللي اجتمعت انا وياك في بيتي قبل تسع شهور ..يوم انك تجي وتقول ان اخوك عبدالله تفكيره مستنكر وانه دخل عليك الغرفه بعد العزيمه اللي جمع فيها العايله وقال لك كلام غريب ماينفهم ..عن الجهاد ووووو سلطان ..ايه اذكر وهذا الشي اقدر انساه ..طيب وبعدين .؟؟ مشعل ..بصراحه كل شي كان مخطط له زييييييييييييييييين من قبل رجال المباحث حتى يكون اخوك ثغره نقدر من خلالها ندخل في الخليه ونعرف مخططاتها ونحاول نحبطها ..؟؟ سلطان وهو بين الابتسامه والبكاء ..وكأن حمل الجبال اللي كان على صدره انزاح وصار بعدها اخف من الريشه..من جدك..؟؟ مشعل ..ايه لانه وقبل ماتجي تحاكيني عنه ...اتصل علي وطرح الموضوع وقال انه يحب يكون متعاون معانا حتى نصد هالفساد الفكري اللي جانا سلطان ..عبدالله !!! مشعل ..ايه اخوك عبدالله ؟؟اكيد مستغرب ..؟؟هذا اللي كنا نبي نوصل له ...حفاظا على سلامة اخوك وحفاظا على حياته سلطان ..فهمني وشلون متعاون معاكم احس اني ماني معاك بأي شي مشعل ..انا ماالومك الموضوع شوي فيه غموض وترتيبات واعدادات وخطط سبق ترتيبها ..ماراح اشرحها لك لاكن اللي بأقوله لك بحكم الصداقه اللي بيننا ان اخوك في ايدي امينه وهو بخير ويسلم عليك وقريب ان شاء الله راح يظهر مره ثانيه لاكن قبل مانتأكد من سلامته سلطان..ليه هو عليه خطوره.. مشعل ..اكيييييييييييييد.. اذاتسرب موضوع تعاونه.. راح تكون حياته في خطر سلطان ..خطر ؟؟ مشعل ..ايه لانه بحكمهم اكيد بيكون خاين ..بس اللي يريح شوي انه ماسبق والتقى معاهم الا مره وحده وبمكان عااااااااااااااااام والمده اللي جلسها كانت قليله يعني ان شاء الله مايشكون انه ورا تسرب الاخبار.. سلطان ..معليش هو كيف ياخذ اخبارهم..؟؟ مشعل ..الى هنا مااقدر اقول شي ..بس بأقولك نقطه بسيطه ..اخوك برا البلاد مسافر وكأنه مبتعث للدراسه وبتكون له شهاده وكل شي ... سلطان ..الله يطمنك والله هم جبااااااااااااااااااااااا اال راح عني و العشا اللي طلبته مايوفيك حقك يالغالي .. مشعل ..ايه اهم شي يكون مطعم اكله زين ..؟؟ سلطان ..انت بس اشر والله انك تستاهلها ..حدد اليوم والوقت وانا جاهز مشعل ..هههههههههههههههه الله يخليك انا هالاسبوع مشغول الى راسي حتى اني **ويناظر في ساعته** مضطر استأذنك عندي شغله لازم انهيها قبل الساعه تسع ونص ..يله **ويقوم من مكانه**سلام سلطان .توك تقول ماعندي اليوم شغله الا انت والحين تروح وتقول مشغول صحيح لاني وبعدما سكرت منك دقوا علي وكلفوني بمهمه ..شغلتنا هذي مافيها راحه ... سلطان..الله يعينكم والله!!!! اجل دربك اخضر مع السلامه وبينا اتصال ... مشعل ..ان شاء الله تامر على شي .. سلطان ..تسلم والله.. طلع مشعل اما سلطان قعد في مكانه يفكر وهو مبسووووووووووووووووووووط بالحيل وهو يقول في نفسه ((راح همك ياعبدالله وبقى هم جروح الله يفرج لها مثل مافرج لعبدالله وتصير الفرحه فرحتين)) .............................. .............................. .............................. ..................... وفي مكان ثاني .. فوزيه ..بخير الله يسلمك الحمد لله صحتي احسن بواجد نوال ..الحمد لله ..وشلون البنات كلهم عساهم مرتاحين .. فوزيه ..الحمد لله الله بس يوفقهم ..هاه ماقلتي لي رد عليك ولا لا .؟؟ نوال ..لا والله مابعد لاني اشوفه هاليومين مكتوم وماله خلق شي حتى والله ماعاد يقعد بالبيت زي اول ...حده ياكل لقمته ويطلع واذا جاء صار دايخ يدخل وينام بسرعه.. فوزيه..حاولي قبل ماتطير البنت علينا ونتحسف ..ترا البنت واهلها ينشرون شروه ..اخلاق ودين وجمال وعلم ..وش بعد..؟؟ نوال ..انا اعرف البنت زين ..ماشاء الله والله من حظ اخوي لو تصير من نصيبه.. فوزيه..علشان كذا اقول لك حاولي تكلمينه بسرعه نوال ..صار ان شاء الله احاول وارد عليك .. فوزيه ..خلاص انا انتظر..... مع السلامه....وسلمي على نواف هالقطوع وقولي له تراني شرهه عليه ..ياكافي ماسأل ولا شفته من بعد ملكة بنتي.. نوال..والله اني قايله له يمر عليكم وحده وحده ويسلم عليكم بس تعرفين هالشباب ماينحكمون ابد... فوزيه ..وانتي صادقه الله بس يصلحهم ويهديهم ..خلاص اجل يله السلام عليكم .. نوال.. وعليكم السلام.. في امان الله.. بعدها وبربع ساعه دخل سلطان على نوال وهي بالمطبخ تسوي عشاء وبيده كيكه كبيره.. سلطان ..السلام عليكم .. نوال ..وعليكم السلام والرحمه ..هلا هلا هلا سلطان ..الله يحييك ويبقيك .. نوال ..وين الناس في بيت واحد ولا عاد نشوفك الا خطوه... وقت الغدا ثم تغطس لا حس ولا خبر .. وبعدين وش هالحركااااااااااااااااااا ااااا ااااااااااااااااااااااات اللي جايبها معاك**وهي تفتش غطا الكرتون حق الكيكه**وش المناسبه ؟؟ سلطان..مشكله جتني في الشركه والحمد لله انفرجت وانحلت على شان كذا جايب هالكيكه نحتفل .. نوال لقتها فرصه تتكلم معاه.. بما انه مبسوط وغير كذا جاب طاري الاحتفالات .. ياليت والله نحتفل بك صح وانا مستعده اجيب لك كيكه ام اربع ادوار .. سلطان... ههههههههههههههه اربع ادوار عسانا ناكل ام دور واحد ههههههههههههه نوال ..انت بس وافق وتشوف.. سلطان ..وش عليه ... نوال ..تعرس سلطان ..اعرس؟؟ نوال ..ايه عاجبك حالك ..انت مو صغير ...غيرك اصغر منك عندهم عيال... سلطان وكأن الفكره خشت مزاجه..الله يكتب اللي فيه الخير ..بس القى لي بنت الحلال .. نوال ..موجوده بس تحتريك تأشر وتراها منننننننننننننننننننننننن ننوه ..جمال واخلاق ودين وعلم .. سلطان..اثرك مرتبتها وقاضيه هههههههههههههههههه نوال ..ايه.. سلطان ..خلاص اللي تشوفينه؟.. نوال ..مقتنع .؟؟ سلطان ..اكيد هذا زواج مو بيتزا باطلبها من مطعم .. نوال ..هههههههههههههه الله يهديك مااتترك تريقتك ... سلطان ...هههههههه يمكن لانك كلمتيني بهاليوم اللي نفسيتي حلوه ... عساها دوم مو يوم ..يعني نكلم الناس .. سلطان ..اي ناس من يقالهم .. نوال ..تعرفهم عز المعرفه,.هديل بنت خالي محمد .. سلطان ..هديل ذيك الصغينونه ... نوال..ايه... رح شفها الحين ماشاء الله الله لا يظرها .. سلطان ..شوقتيني .. نوال ..استح عاد .. سلطان ..زوجتي ... نوال..ههههههههههههه مابعد كلمنا اهلها ..وتقول زوجتي ... سلطان ..وين بيلقون ازين مني كلي ملح وقبله... دخل نواف عليهم .. السلام عليكم ... نوال ..هلا والله يمه ..حياك زين اجتمعتوا سلطان .. وعليكم السلام ... نواف ..وينك بنفس البيت ولا اشوفك سلامات ياخال... سلطان ..اشغال اشغال ..وشلونك انت الحين عساك احسن ... نواف .. الحمد لله بخير ماودك نطلع للصاله نوال ..الا والله انا شوي اقطع الكيكه واجيكم .. نواف ...الله الله الله ...كيكه!! اجل اليوم البيت فرحه وهيصه... نوال ..ايه والله خالك سلطان جاي مسفهل وجايب معاه هالكيكه ولا بعد بنخطب له وبيعرس... نواف ..الف مبروك ماعاد اقوى انا........... والله خالي سلطان اليوم شي .. سلطان..كل يوم انا شي....ههههههههه بس احيانا احب اختفي عن الانظار علشان الجميع يشتاق لي مثل هالممثلين هههههههههههه نواف ...هههههههههههههه نوال..خلاص روحوا للصاله وراكم وقفتوا يله انا جايه وراكم ... اجتمع الثلاثه بالصاله وجلسوا يسولفون وياكلون هالكيكه ....وهم مبسوطين والكل باله منشرح ..قعدوا حتى الساعه احدى عشر الا ربع ..بعدها الكل توجه لغرفته ينام بعد ماقضوا ليله لا تنسى ... .............................. .............................. .............................. .............................. ..... وعلى النقيييييييييييييض ... وفي بيت محمد الثاني واللي كانت الفرحه فيه واللمه مهجوره.. ابو جروح ..يالعنود... ياعهود احد منكم يجي...يجيب لي مويه بااكل الدوا....!!!!لابارك الله بكم جميع..!!! دخلت عليه ليلى ..وش تبي انت تراك ازعجتنا ..البنات طالعات مع السواق ابوجروح محمد..طالعات ..عساهم البلا ومن بأذنه يطلعون .. ليلى ..بأذني طبعا ولا عندك مانع .. محمد..وش شايفتني طرطور مالي كلمه ..البنات ماخذين راحتهم على الاخر لاحسيب ولا رقيب حتى السلام علي مايجون ..ولا يمرون الا اذا ناديتهم .وكل وحده نفسها براس خشمها .. ليلى ..والله بناتي على راحتهم بعدين هم ماينلامون ..انت ماتشم هالريحه اللي بالغرفه حشا زريبه مو غرفه ** وراحت تفتح الستاير وتبخ من المعطر حتى انحشر محمد وجلس يكحكح لحد مابغت تطلع روحه من مكانها ** محمد..روحي لابارك الله فيك اشرقتيني باللي معاك .. ليلى ..تراني متحملتك ومتحمله خياسك ..لاتحدني انادي الشغالات يرمونك في الشارع مثل الكلاب ..احترم نفسك والمكان اللي انت فيه... ولا عاد تتدخل فيني انا وبناتي ابدا ....تسمع ..... محمد ماعرف يرد عليها لانها ماعطته فرصه اصلا ..طلعت وصقعت بالباب بأقوى ماعندها .. جلس بعدها يلعن ويسب... حتى دخلت عليه الشغاله بالمويه علشان ياكل علاجه.. محمد..الشغاله ..!! حتى المويه بعد ؟؟اقول حطيه وانقلعي عن وجههي لا احط حرتي فيك.. طلعت الشغاله وهي تحلطم عليه وهو معصب لاخر درجه.. .............................. .............................. ............................ راح اليوم وجا يوم ثاني ومن الصباح الباكر ... اصبحت جروح متحمسه..نظفت مع امها البيت وغسلت الصحون وكنست ومسحت الاثاث... وانهت شغل البيت كله بعد ماصلت العشاء... تمكيجت ولبست وتعطرت..وطلعت مثل القمر,, حتى جاء وقت عمها..طلعت من غرفتها .. والفرحه والانبساط يملا قلبها وروحها ووجهها .. نزلت تحت ونادت امها.. يله يمه عمي سلطان عند الباب ينتظر ..**جلست تناظر امها وهي طالعه من غرفتها**... الله الله وش هالحلا كله ..؟؟وش هالكشخه ...؟؟وش هالزين ...؟؟وانا اقول كل هالحلا اللي فيني من وين وارثته.... ام جروح..هههههههههههههه الله يغربل بليسك والله لي فتره ماحطيت مكياج احس عيوني تاكلني من الكحل السايل .. جروح ..بسم الله عليك طالعه جنااااااان اخاف احد ينظلك ام جروح ..اها بس لا تبالغين ..والله يايمه ماابالغ ..صح عمي سلطان برا من حلاك يالغاليه نسيته ههههههههه..والله اني متشوقه اروح اشوف شكل هالخبله سارا ... كيف راح تكون ردة فعلها لما ادخل عليها خصوصا انها يائسه من جيتي ههههههههههه.. ام جروح ..والله اني احب هالبنيه والله يشهد ..اخلاق وطيبه ماشاء الله عليها ... جروح..احم احم نحن هنا... ام جروح..اقول امشي بس على هالغيره اللي مالها سنع ...خلنا نطلع لعمك تأخرنا عليه..ههههههههه طلعت جروح وام جروح لبيت العرس ... كان الكل من اهل سارا مشغول يروح ويجي ينزل ويرقى ويستقبل المعازيم فماكان فيه فرصه انها تبلغهم بحضورها لذلك فضلت انها تجلس بأحد هالطاولات مع امها لحد مايركدون شوي لانها ماحبت تضايقهم .. اقول يمه ..شوفي هذي ام سارا وهذي اختها اللي اصغر منها اللي لابسه الفستان الفضي واعتقد ان كنت مو واهمه هذي جدتها ام ابوها ... ام جروح..ايه اشوف ماشاء الله عليهم كلهم على قلب واحد ومتعاونين مع بعض .. جروح..ايه ماشاء الله عليهم كلهم مع بعض من عرفتهم الله يخلف علينا الكل له عالمه الخاص ... ام جروح ...قولي الحمد لله هذا عمك وعماتك مثل العسل.... وقفوا معاك وساعدوك وماقصروا ....حتى انهم وقفوا بوجه ابوك كم مره ...لاكن العيب في ابوك اللي مايحب الوصل ... جروح..الله يهديه وبس ..حتى من بعد ماراح لبيته الثاني ماعاد اتصل ولا جانا ولا شي... ام جروح..الله يسهل عليه بكيفه احنا اللي علينا سويناه وبس... جروح ..شوفي هذي ام سارا وش رايك نقوم نسلم عليها .. ام جروح ..يله قومي احس انها تناظرنا من فتره وكأنها مشبهه.. جروح ..يله... راحت ام جروح وبنتها وسلموا على قرايب سارا واللي رحبوا فيها بشكل مايتصور لانهم يعرفون انها الصديقه المخلصه والوحيده لبنتهم .. .............................. .............................. .............................. ............ اتمنى ان الجزء اعجبكم والى لقاء قريب في الجزء الجديد ودمتم في رعاية الله وحفظه اختكم رجاوي | ||||||||
|
| |
|
17-12-13, 08:01 AM
| #15 | ||||||||
| مراقبة عامة ومشرفة منتدى الروايات المنقولة
| ((الجزء الحادي عشر)) في بيت العرس .... ام سارا ..الله يحييكم والله هذي الساعه المباركه ..تو ما انور الحفل ..ياهلا ومسهلا .. ام جروح..الله يبارك بعمرك ان شاء الله... عاد سارا صديقة بنتي واعز وحده لها .....وجروح مررررررررره حريصه انها تجي عرسها ..الله يوفقها ان شاء الله .. ام سارا ..والله فيها الخير ..عقبال مانحضر عرسها ان شاء الله انا وساراههههههههههه جروح حست بالاحراج.ونزلت راسها......ان شاء الله ...اقول خاله ممكن اروح اسلم على سارا بغرفة العروس لاني مااقدر اطول بالحفل ..اذا مو مشغوله بشي او عندها احد... ام سارا..لا الحين ماعندها احد ابد..تو المصوره طالعه منها ماقدرت تكمل التصوير,,,, سارا مرتبكه مره وماعرفت تهدأ,,,,,علشان كذا المصوره قالت بتخليها ترتاح شوي..ارقي لها وحاولي تغصبينها تشرب العصير.... لانها ماذاقت شي من امس .. جروح ..الله ...من امس خلاص انا بأروح لها وان شاء الله احاول معها ...انا اعرف اقنعها ..لاتحاتين ام سارا .ههههههههههه تسلمين. تكفين ياجروح ادخلي عليها وسكري الباب زين علشان مايدخل احد... وذكريها تقرأ الاذكار لاني اخاف انشغل عنها مع هالضيوف .. جروح..ان شاء الله .. رقت جروح لسارامبسوطه وهي تحاكي نفسها ...والله مدري وش بيكون ردة فعل هالخبله اخاف تنجلط علي من الفرحه وابلش بها ههههههههههههه .. اما امها رجعت للطاوله ..وام سارا راحت تكمل استقبال الضيوف .. حاولت جروح انها تخفف من خطواتها علشان سارا ماتسمعها خصوصا ان المكان كان هادي جدا ومافيه صوت ابدا .. قربت من باب الغرفه واللي كان مفتوح شوي بس... الانوار كانت خافته علشان سارا تريح اعصابها ..المصوره لما شافتها من الغرفه الثانيه فزت واقبلت عليها ..لاكن جروح سكتتها واشرت لها انها ترجع بدون صوت..ابتسمت المصوره لها لانها عرفت انها تحاول تفاجىء العروس .. مسكت جروح الباب ودفته بشوي شوي .. ابتسمت لما شافت سارا بفستانها الابيض معطيتها ظهرها ورافعه راسها .. قربت منها وقربت وقربت اول ماوصلت عندها .. قالت بصوت عالي ..بووووووووووووووو..انا جيييييييييييييييييييييييي ييييي ييييت؟؟ اول مالمست جروح سارا ..طاح جسمها على الارض من فوق الكرسي ..بدون حركه او صوت... جسمها كان بارد... عيونها كانت بارزه ... سارا وبفستانها الابيض ..وبكاااااااااااااااااامل زينتها ..وبيوم عرسها .. وقبل ماتدخل على حبيب قلبها ..ملوكي وباليوم اللي كانت خايفه منه .. الفستان اللي كانت تحاتي من لبسه .. راااااااااااااااااااااااا ااااا اااااااااحت وتركت كل شي ... ودعت الدنيا قبل ماتكمل فرحتها .. .............................. .............................. جروح وقفت وماعرفت تتحرك ..جمد الدم بعروقها .. حاولت تتمالك اعصابها وتشوف وش اللي جاها ..قعدت تناديها .. سارا سارا سارا ردي علي سارا تكفين جاوبيني بعدها ماحست بنفسها الا تصرخ وتبكي بأعلى صوتها وهي تضم زميلتها ورفيقة دربها .. سمعت المصوره الصوت وركضت عندها .............يوم شافت المنظر انهبلت وراحت تركض لتحت عند اهل العروس واللي كانوا مشغولين بالاستقبال والفرحه غامرتهم .. كان بعضهم يرقص على اصوات الطيران والثاني يضحك ويسولف ولا هو داري عن اللي بيصير .. نزلت وهي تصارخ .. مدام مدااااااااااااام مدااااااااااااااااااام ..ام سارا.. ام سارا انتبهت لها بسرعه وراحت تركض من بين الناس.. نعم وش فيك سارا فيها شي قولي ..؟؟؟؟؟؟؟؟ ام جروح انتبهت للوضع وقامت بسرعه لها وراحت هي وياها واخت العروس وخالتها لفوق... والمصوره بقت بمكانها تبكي وتصارخ ..والكل كان مصدوم ولا هو عارف وش سبب هالصراخ .. اول مارقوا للغرفه انهبلوا يوم شافوا جروح ضامه سارا وهي تبكي بصوت يقطع القلب وكأن روحها بتطلع.. الجميع انهبل من الخبر وام سارا اغمى عليها في الحال واختها طاحت بعد غشيانه ...وانقلب فرح ذاك اليوم الى حزن عظيم واسى كبير ..واللي حملت جروح اكبر جزء منه .. نزل الخبر مثل الصاعقه على عبدالملك والحضور ..كان مصدوم حيل لدرجة انه انهار عليهم في القاعه من البكاء والحزن لحد ماودوه للمستشفى وعطوه ابره مهديه .. انفتحت ايام العزاء على سارا واللي حضره الكثييييييييييييييييييييي ر من الناس بعد ماصلوا عليها وقبروها بمثواها الاخير ... ((((((بدل ماتنزف لزوجها بالثوب الابيض ..حملوها للقبر بالاكفان البيض ..انقلب الفرح حزن ..وتحول الضحك والفرح الى بكاء ..))))))) ام سارا واختها طلعوا من المستشفى واستقبلوا المعزين ..رغم ان حالتهم كانت مره صعبه... اما جروح واللي كان عليها الامر اكبر من العادي خصوصا انها هي اللي اكتشفت وفاتها ..عزلت نفسها بغرفتها تبكي وتنوح وتتذكر ايامها والايام اللي قضتها مع رفيقة دربها .. كانت تفتح الهديه اللي عطتها وتشوفها وتقرأ الكلام اللي كتبته فيه::: .............................. .............................. ..................... (((((((((((( ’’ الى دبدوبتي العزيزه مع التحيه ..اتمنى ان ينال ذوقي على اعجابك وان يكون بمثابة ذكرى تتذكرينني به دوما ’’ محبتك سارونه الحلوه’’....))))))))))))) كلمات غاليه من انسانه غاليه..... واللي تركتها في عالم الظلم والحرمان وراحت.. .............................. .............................. .......................... ام جروح وبكل لحظه تدخل على بنتها بغرفتها بعد ماانعزلت عن الكل ...لدرجة انها صارت تنام معها بالليل من شدة خوفها تقرأ عليها وتسمي ... ام جروح..يابنيتي والله اللي تسوينه مايصير ..من توفت سارا الله يرحمها وانتي ماذقتي شي ..ترا اللي تسوينه حرام والله مايرضى فيه ...الله سبحانه وتعالى قال (((ولا تلقوا بأيديكم للتهلكه)))..... احنا كلنا على هالطريق ..والمفروض بدل مانبكي عليها ونعذبها بقبرها ..ندعي لها ان الله يغفر لها ويرحمها.. اللي تسوينه يعتبر سخط واعتراض على حكم الله ..وهذا شي حرااااام.. جروح مانطقت بكلمه لان الحزن لابسها والهم راكبها ..مالها خلق تاكل اوتشرب اوتتحرك اوتتكلم .. ام جروح كان يعتصرقلبها لانها تشوف بنتها بهاالحال وهي ماتقدر تسوي لها شي.. استمر الحال على هذا الوضع الاسبوع الاول والثاني,,وجروح منغلقه على نفسها ..نفسيتها تغيرت ..والضحكه فارقتها ..والهم طاويها ...ووصلت لحد اشبه مايكون بالاكتئاب.... .............................. .............................. .............................. .................... ((((((((((((وبمكان قرييييييييييييييييييييييي ييييي يييييييييييييب)))))))))))) ام جروح..انا ااقول ياليتك تاجل الموضوع شوي البنت مالها خلق لها المواضيع .. ابو جروح.. انا ساكت كل ذاك الوقت علشان ماانلام ....لاكن الوضع مسخ والرجال يبيني احدد يوم الملكه والعرس وانا بصراحه مااقدر أأجل اكثر من كذا .. ام جروح ..يابوجروح والله هالشي مايصير ..حرام ترمي بنتك كذا.. تبي تزوجها وهي بهالنفسيه ..حتى الجهازماجهزت نفسها .. ***عصب ابو جروح من كلامها ***... انا كلمتي مااثنيها والله لو تروح بالخلاقين اللي عليها ..انا معطي الرجال كلمه والله يكثر خيره اللي صابر لها الوقت لانه محترم نفسيتها .. ام جروح..كل شي ينغصب عليه الا العرس والبنت ماتبي ..!!!!! ابو جروح ..ومن متى ناخذ كلام البنات ؟؟؟؟؟؟ **ام جروح تغيرت نبرة صوتها حست ان الكلام نشب بحلقها..ذا عرس يامحمد عرس !! ابوجروح..معصب حده..الملكه الخميس الجاي والجهاز يكفيها تقضيه باسبوعين والعرس بعده ولا ابي نقاش بهالموضوع ابدا انتي ..بلغي البنت وانا خلال هاليومين بارجع للبيت علشان ارتب لملكتها ... ام جروح سكرت الخط بدون ماتهمس بكلمه لانها يئست كل اليأس انه يقتنع.. وهي متضايقه بالحيل على حال بنتها بعد ماسبقتها العبره ونزلت منها الدموع.. .............................. .............................. .............................. .............................. ....... انتشر خبر وفاة سارا والكل تعاطف مع جروح لانهم عارفين معزتها بقلبها .. فوزيه ..الله يرحمها كانت صديقة بنت اخوي مرررره وهي تحبها موت ..اذكرهم من يومهم صغار بعمرهم ماتفارقوا.. نوال..اللهم اامين ..البنت على كلام امها نفسيتها تعبانه ولا تاكل ولا تشرب ..الله يستر لا يصير عليها شي بس من هالحاله.. فوزيه..ايه والله........ الله يستر على هالبنيه ......مسكينه جتها الغرابيل والهموم من كل جهه.. والله اللي يسويه بهم اخوي محمد مايرضي الله ولا رسوله .......الله بس يهديه ....عجزت وانا اقوله واعلمه وانصحه بس مايأخذ مني والحين قطع فيني من شهور لا سأل ولا كلم ....ولا جا لبيتي اللهم ياكافي,, نوال .. وهي جديده على محمد االله يهديه !!!!!.. تذكرينه من يومه صغير وهو اقشر ويأذي بهالخلق والحين صارت كل اذيته بالضعيفه جروح وامها... فوزيه..انا كلمته امس وهاوشته ..اجل بيزوج بنته واحد لا نعرف له اصل ولا فصل !!!!!!!..يرفض نواف علشانه؟؟؟؟ نوال انصدمت من الكلام.... حست بضيقه لانها بنفس الوقت تفكر بولدها اللي الى الحين متعشم انه ياخذها ....... بيزوجها ؟؟؟ فوزيه..شفتي عاد ..لا ويكلمني بنفس شينه واخرتها يقول ذي بنتي وانا حر ان شاء الله ازوجها لواحد من الشارع ......والله انه يوم قالها دارت بي الدنيا وحسيت ان روحي بتطلع من مكانها..... نوال ..بسم الله عليك ياوخيتي...علشان واحد مايسوى ...!!!!!!؟؟؟؟؟؟ فوزيه ..والله ان القصد كله الضعيفه بنته اللي مالها حول ولا قوه .... نوال..وسلطان اخوي وش سوى ..؟؟؟؟انا من زمان ماشفته ماكأننا ببيت واحد...!!!ماعاد اشوفه مثل اول علشان اسأله...؟؟؟ فوزيه ..لا تواخذينه شايل همه وهم غيره ...هذاه مقوم الدنيا ومقعدها لا نه يعرف معادن الرجال زين ...يقول اني من شفته بالمستشفى ذاك اليوم وانا ماارتحت له... نوال..لاحول ولا قوة الابالله... فوزيه ..لا وبعد يقول............... شكلي باِشيل البنت وامها واوديهم للشرقيه عند خوالهم.لاكني قلت له لا يستعجل ويكلم محمد مره ومرتين وثلاث ..عسى ربي يفتح على قلبه.......... لاكنه رفض يتكلم معه او يناقشه نهائيا.... نوال بحيره....والله المشكله كل يوم تزيد وتزيد ..وبالاخير كل شي بيصير براس جروح المسكينه ..ولله انها تقطع قلبي .. رغم انها بحالها وكلها ادب واخلاق الا ان مالها من هالدنيا نصيب... فوزيه ..استغفري ربك هالشي كاتبه ربها (((ومنكم شقي وسعيد)))) ..اللي بنقدر عليه ياوخيتي بنسويه ولا احنا مقصرين بشي هي بنتنا ولا نرضى عليها .. نوال ...ومحمد ذا الظالم وش الدبره معاه .. فوزيه ..تخيلي راح له امس عبدالعزيز رجل هدى وسلطان طقوا باب بيته الثاني بيكلمونه لاكنه رفض يقابلهم وااخرتها يقول للحارس اذا جوك مره ثانيه اطردهم .. نوال** ثارت وانقهرت** ..لا محمد ذا مسخها ..والله ماالومهم الحين لو يروحون لخوالهم ويتركونه ..والله انه ماعاد يستحي ..قهرني والله.. فوزيه ..الله يفرجها ياوخيتي من عنده ..الواحد ماله الا الدعاء .. فوزيه من كثر الحكي انكتمت وقعدت تكح بصعوبه ... نوال خافت عليها لان الدكتور منبه انها ماتكثر كلام ..ولا تتضايق ..وكل هذا اجتمع عليها علشان كذا ثارت عليها الكحه ... وتعبت .. معليش ياووخيتي طولت عليك بهالسالفه اللي تضيق الصدر ..روحي ريحي وحطي الاكسجين لا يزيد عليك ... فوزيه ماقدرت ترد ..الا انها اكتفت بالسكوت وبعدها سكرت السماعه .. نوال دارت بها الدنيا وضاق صدرها حيل لانها متصوره ان محمد لان قلبه بعد ماوقف نواف معه في مرضه ..لاكنها انصدمت بهالموقف ....علشان كذاهلت منها الدموع .. بعد خمس دقايق دخل نواف البيت لانه كان برا البيت يصور له اوراق خاصه بالعمل ..اول ماشاف امه بهالوضع طاحت منه الاوراق واسرع لها .. يمه ..وش فيك طيحتي قلبي ؟؟؟ليش تصيحين...؟؟فيك شي؟؟؟ نوال ..ماعرفت وش تقول لانها ماودها تضيق صدر ولها ...وهي تخاف يضيع منها مثل المره اللي راحت ...لاكنها بنفس الوقت ماتقدر تخبي عليه..... لانه ان ماعرف منها بيعرف من غيرها وبتكون الصدمه عليه اكبر ثم بيرجع ويلومها انها ماعلمته .. خالك محمد .. نواف والخوف ملاء قلبه...وش فيه عسى ماجاه شي ..؟؟؟؟ ****نوال تناظر في عين ولدها ..وهي تبكي ...*** نواف ....يمه وش فيك علميني قلبي صار ببطني .. نوال ..بسم الله عليك ياوليدي ..خالك محمد مافيه الا العافيه !! نواف ..اجل ..؟؟ نوال بحزن...بيزوج بنته ؟؟ انصدم نواف حيييييييييييييييييييييييي يل وطارت عيونه.. يزوجها ...؟؟ ايه ..جاه واحد من زملاءه ووافق عليه وحددوا الملكه والعرس ... ***نواف نزل راسه من الضيق ..لاكنه بنفس الوقت ماحب يزيد المواجع على امه ..رفع راسه وقال*** ..يايمه هذا نصيب ومكتوب ,,واللي نسويه مايصلح ..اذا كان لي نصيب فيها باخذها باخذها غصب عن خالي محمد وكل هالعالم ..وان كان لها نصيب مع غيري فالله يوفقها .. ***ابتسمت نوال لانها ارتاحت لرده ***..الله يكملك بعقلك ياوليدي ..بس انت لا يضيق صدرك ... ***نواف فهم قصد امه*** ....هههههههههههههههههه لا هالمره بسافر لمكان ثاني .... نوال خافت ونغزها قلبها ..بتسافر ...؟؟؟وين بتروح يايمه بعد....؟؟؟؟ نواف ..لاتخافين يمه ,,انا هالمره بروح وياك لمكه ناخذ عمره ... فرحت نوال وتبدلت دموعها لفرح اشرق وجهها..رح الله يوفقك ويسخر لك ويرزقك من احسن الرزق ..الله يفرح قليبك ياوليدي مثل مافرحتني ... نواف هههههههههههههه ..اهم شي علي انك تنبسطين .. ابيك يالغاليه تجهزين اغراضنا لاننا بعد بكره العصر ماشين للمطار ..رحلتنا الساعه خمس لجده نحط اغراضنا بشقة واحد من زملاي بالعمل .....عطاني اياها اسبوع ,,نروح نعتمر ونرجع بعدها لجده نغير جو.. الله يجزاه خير ماقصر.... بس ياوليدي ودي اصلي في الحرم كم فرض ماودي اعتمر وارجع لجده ... نواف ..لا تستعجلين يايمه هههههههههههههه اكيد احنا مارحنا الا للحرم نصلي فيه وندعي ..ناخذ لنا اغراض يومين لمكه والباقي نخليه بالشقه لاني حاجز في فندق قبال الحرم مباشره.اعتمري يايمه وتغسلي من زمزم على راحتك ..واذا تبين تقعدين اكثر قعدنا .. الله يجزاك الجنه ياوليدي ويعوض عليك ماقصرت .. نواف ..ماسويت شي يايمه ..يله باطلع لغرفتي اغير واريح شوي . نوال ..على راحتك ..تبي شي اسويه لك نواف ...تسلمين يالغاليه بس ابي تحطين لي احرامي وثيابي في كيس اوديهم المغسله .. نوال ..لا مغسله ولا شي انا اغسلهم لك !!! نواف..... ولا تلمسين شي ..راس مالها خمسه ريال ....ماتسوى عند راحتك .....بس انتي حطيها لي عند الباب اذا طلعت اخذتها معاي نوال ..ابشر .. تغيرت نفسية نوال جذريا لانها انبسطت من حال ولدها وردة فعله هذا غير العمره اللي كانت تحلم بها من سنين .. هذا الحال كان على نقيض ماكان عليه نواف واللي كان عليه الخبر مثل الصاعقه لاكنه ماحب يأثر على امه ويضيق صدرها ..كان يتعشم انه ياخذ بنت خاله ويعيشون حياه حلوه لاكن(((( ماكل مايتمناه المرء يدركه ..تجري الرياح بما لاتشتهي السفن ..)))) .............................. .............................. .............................. ....................... بعد صلاة العشاء ...اتجه سلطان لبيت اخوه محمد..لان ام جروح كلمته بقرار اخوه محمد..بتحديد وقت العرس ...علشان كذاجا لبنت اخوه يحاكيها .. جروح.. ياعمي سلطان انا الحين ماعاد افكر بشي ابدا ..ابوي يبي يزوجني يزوجني ماراح اتكلم او اوقف بوجهه ..انا يئست وكرهت كل شي بهالحياه ...وبعدين تزوجت او ماتزوجت الهم طايلني والشر واصلني ..انا بصراحه خايفه ابوي يسوي لي شي انا وامي ويحرمني منها وانت تعرف امي ماتتحمل واخاف يصير لها شي .. سلطان ..يعني افهم انه استسلام بعد كل اللي سويناه جروح..ااااااه ياعمي ..وفاة زميلتي اثر فيني بشكل كبير ..ماعاد فيني حيل لاي شي ولا فيني على فراق امي لحظه ماعاد لي احد غيرها ..تكفى ياعمي ابي ارتاح ..انا مليت ((وبدت تبكي بصوت اسمع امها اللي كانت بالصاله الداخليه ))) **دخلت عليها امها وبكل خوف** ..وش فيك يابنيتي ؟؟؟ ***جروح ومن دون تفكير وكأن الهموم اللي اثقلت عليها حجبت على تفكيرها ركضت لها وضمتها ومسكت فيها بأقوى مافيها*** ..بأتزوجه بس يجيب امي معاي ماابيهاتبعد عني لحظه . امها تأثرت من حالها وجلست تبكي معاها ..حتى سلطان تأثرمن وضعها ..ودمعت عينه ... سلطان..جروح يابنت اخوي ..ماراح احد يقدر يحرمك من امك لو على جثتي لا تخافين مادام اني حي .انا راح اكلم ابوك واحاول معاه محاوله اخيره ....واذا شفته تطاول بلسانه ..جيت وشلتك وامك ووديتك لخوالك بالشرقيه....الموضوع طال ومسخ.. جروح..ماقصرت ياعمي والله اني تعبتك معاي ...**نزلت راسها استسلام ويأس ** سلطان..ارفعي راسك يالغاليه...اللي تبينه راح يكون انا كان ودي انهي الوضوع نهائي لاكن اذا كانت هذي رغبتك فأنا مااقدر اجبرك على شي جروح..ارجوك ياعمي لا تفهم قصدي غلط ..انا اكره اليوم اللي راح ارتبط فيه بعبدالاله!!! ..لاكن لما يكون ارتباطي به يخليني مع امي راح اوافق مهما كان الامر مر.. سلطان ..اللي تشوفينه . ... .خلاص انا طالع اللحين ..تبون شي مني .. ام جروح ..ياليتك ياسلطان قعد تتعشى مع بنت اخوك يمكن تنفتح نفسيتها وتاكل .. سلطان باستغراب ..وليه ماتاكل ...؟؟ جروح..ومن له نفس ياكل ..؟؟ سلطان ..انتي بتموتين نفسك...؟؟؟؟اجل انا قاعد وبأشوف!!!!! .ام جروح انتي وش طابخه لنا؟؟ **ام جروح فرحت لما سمعت هالكلام*** ..مسويه كشري يحبه قلبك ..لحظات واجيبه لكم ..**طلعت بسرعه للمطبخ تجيب الاكل ** سلطان ..ماشاء الله على امك ..طبخها لا يعلى عليه ..حتى ابوك رغم اللي بينهم مايقدر ينكر هالشي .. جروح ..ابوي ..اااه وبس ..الابوه معنى احساس وحنان ..وانا مالقيت هالشي منه كيف انا مجبوره اسميه ابوي .. سلطان وسعي صدرك يابنت الحلال هذا نصيبك واحمدي ربك ان لك ام تنحط على الجرح يبرى .. جروح..وانا وش مصبرني ياعمي الا الجوهره اللي ماحد قدرها وعطاها حقها .. دخلت ام جروح وبيدها العشاء حطته لهم وطلعت وكلها امل ان سلطان يقدر يأثر فيها وتاكل ...وفعلا قدر سلطان يسايسها حتى اكلت معاه.. .............................. .............................. ....................... ومن جهة ابوجروح... طبعا هو ماصدق انه انهى الموضوع علشان كذا دق على عبدالاله يبشره ومنها يتفق معاه على الشيك اللي عليه... الله يبارك بك ..مابغى يجي هاليوم... ابوجروح ...المهم انه جا . ....اهم شي الشيكات اللي كاتبها علي ابيها اليوم ابي ارتاح ... اكيد يالغالي ..بعد كم يوم الملكه وبعد مانتملك مستعد اعطيك اياه لاكن اليوم اسمح لي اليوم مااظن اقدر اعطيك .. ***ابوجروح حس بالغيظ والقهر من كلامه*** ..يعني مافيه ثقه ؟؟ عبدالاله بابتسامة الخبث ..الثقه موجوده طال عمرك بس انا بعد ابي اضمن حقي صح ولا لا ..؟؟ ابوجروح ..والخطبه اللي اعلناها والكلمه اللي عطيتك اياها ... عبدالاله ..ممكن تتراجع عنها بأي وقت..؟؟ **ابوجروح معصب**...معناها ماوثقت ..؟؟ عبدالاله ..الحق ماينزعل منه . !!!!!.مايفرق اليوم اوبكره المهم اتملك وانت تاخذ شيكك وفوقها حبة مسك .. ابوجروح يبي ينهي المكالمه ..صار... الله يمضي هالوضوع على خير .... عبدالاله ..زعلت من نسيبك ههههههههههههههههههه... ابو جروح وصلت معاه ..اقول في امان الله..** سكر الجوال بسرعه **الله ياخذك قل اامين ..لابارك الله فيك ولا بالساعه اللي عرفتك فيها .... دخلت ليلى وهي لابسه عبايتها ..من ذا اللي تدعي عليه .؟؟؟؟ محمد..وانتي وش دخلك ..؟؟بعدين اشوفك لابسه العبايه طالعه على وين ان شاء الله ..؟؟ ليلى..اعصابك اعصابك لايطق بك عرق تموت وابتلش بك .....انا اطلع ولا اقعد مو شغلك ؟؟؟ اسماعيل المصري مدير المكتب بيمر يعطيك اوراق لمشروعنا ...افهم منه الجدوى الاقتصاديه والتكلفه الفعليه للمشرع وبعدها اكتب لي وبالتفصيل كل شي .. الدفتر والاقلام فوق المكتبه هناك **وتأشر على مكانها**واذا رجعت القاها جاهزه.......... يله سلام ... طلعت من الباب لا احم ولا دستور ولحقوها بناتها واللي كانوا بكامل زينتهم.. حتى ومن دون مايسلمون او يسـتأذنون من ابوهم .. كان محمد ماخذ دور المتفرج وكله غيض وقهر..بدايته من موضوع عبدالاله اولا ثم وقاحة زوجته وسوء معاملة بناته له ..علشان كذا قعد يسب ويشتم بصوت عالي ومن دون مايسمعه او يهتم له احد!!!! ***دخلت عليه الشغاله الضعيفه وبالصدفه*** ..سيييييرملابس انته جاهز ان يور بيد روم ...!! محمد ..**انفجر عليها بصوته العالي **.. اقوووووووووول ..من قال اني بأغير لبسي اصلا ..حتى في هذي مالي شور .....اقول طيري عن وجهي لا اقوم واحط حراتي كلها فيك ..انقلعي بسرعه اشوف.... طلعت الشغاله كالعاده >>>>>>>وهي حاااااااااااااااااااااااا ااااا اااااااااقده وتحلطم عليه... .............................. .............................. .............................. .................... نلتقي قريبا ومع بارت جديد وكلي امل ان يعجبكم ماكتبت تحياتي العطره واشواقي المبطنه بكل محبه واحترام اختكم ... رجـــــــــــــــــــــــ ـــــ ـــــــــــــــــــ ام راكان ـــــــــــــــــــــــــ ـــــــــــــــــــــــــ اوي | ||||||||
|
| |
|
17-12-13, 08:10 AM
| #16 | ||||||||
| مراقبة عامة ومشرفة منتدى الروايات المنقولة
| ااااااالجزء الثاني عشر........................<<< < رجع سلطان للبيت بعد ماتعشى مع جروح..وتفاجأ بسيارة زميله مشعل واقفه عند الباب وداخل السياره.... كان فيها مشعل ومعاه واحد والواضح انه كانوا ينتظرونه من فتره لان السياره كانت واقفه وماتشتغل .. نزل سلطان من سيارته واتجه لسيارة زميله ..طق الشباك عليه ..اول ماشافه مشعل نزل منها وهو مبتسم .. حيالله سلطان وينك الله يهديك لي فتره انتظرك قلت كالعاده مثل الدجاجه بيكون بالبيت من بدري علشان ينام ..اثرك طلعت راعي سهر !! ***سلطان موفاهم اللي يصير*** ..سلامات وش عندك جاي هالوقت وبعدين بالعاده تدق علي قبل وتقول بتجي وش معنى اليوم الوضع مختلف ..؟؟ مشعل ..ههههههههههههههه دايم مستعجل وانا اخوك ... سلطان ..تضحك ..والله انك رايق ياشيخ ..بالله وش عندك جاي بدون موعد خرعتني..!!! مشعل ..اخس يالقوي اللحين اذا بغيت اجيك لازم موعد.. سلطان ..مشعلوووووووووه اقول اترك عنك ..اكثر واحد يعرفك بالدنيا انا .. مشعل ..مااظن ..!!!مااحد يعرفني كثر امي..ههههههههه ***سلطان وكأنها بدت تطق معاه*** ..مشعل !!! مشعل ..بسم الله علي وعلى من يعز علي ياساتر عليك ...ابد بس جايب لك امانه بأسلمها وبأروح.. ***سلطان مستغرب حيل*** ..امانه!! وش امانته ..؟؟ مشعل ..ايه امانه ..شفها بالسياره .. سلطان وبسرعه راح للشباك الثاني ..تفاجأ بأخوه عبدالله اللي نزل اول ماشافه وضمه ضمه قويه وهو يبكي . . سلطان جلس يبكي وهو مو مصدق اللي بين يدينه وبكل لحظه يناظر في وجهه..معقوله اخوي عبدالله رجعت لنا ماني مصدق ,,, عبدالله ..ايه اخوك ,,شفت عاد وشلون الدنيا .. كان عبدالله متغير مرررررررررره ..كان وجهه ذبلان ومبين عليه تعب شهور وسنين ... سلطان..الف مليون الحمد لله على السلامه انور بيتك يالغالي ..والله فقدناك وانا اخوك ..الله يخليك لنا عبدالله ..الله يسلمك وشلونك وشلون اخوي محمد واخواتي والباقين ودي اشوفهم كلهم واحد واحد ماتتصور وشلون انا مشتاق لهم ... سلطان ..اشتاقت لك العافيه ..كلهم يسألون عنك .. عبدالله نزل راسه ..يسألون عني ؟؟؟؟وش كنت ترد عليهم .. ***سلطان واللي بان الحرج على وجهه***..ماكنت اقول لهم شي ..لان فعلا ماادري وين كنت فيه ..!!! ***مشعل دخل بينهم فجأه***..اقول ماكنكم نسيتوني ..؟؟ سلطان ..هلا مشعل ..والله مانسيتك بس تعرف الوضع ..!! مشعل ..قرت عينك برجوع اخوك .. سلطان ..الله يسلمك والله يشهد انك ماقصرت .. مشعل ..اخوان وغالين علي..بس ابي انبهكم لشغله مهمه ..عبدالله كان في دوره دراسيه ..حاولوا تقنعون الكل بكذا والشهادات كلها معك ياعبدالله ..حاول تظهر بصورة الواثق ...وانتبه تزل بلسانك لاي من كان ..واياك تثق بأحد مهما يكون ..واحنا بنكون معاك على تواصل ..وتاكد انك بحمايتنا الى ان نتأكد من سلامتك ..غير كذا حاول تخفف من طلعاتك خصوصا من الصبح الى المغرب ..والسياره اللي قلت لك عنها بكره ان شاء الله توصلك لحد بابك.. سلطان ..ماقصرتوا والله عبدالله ..الله يجزاك خير وجعله بموازين اعمالك .. مشعل ..يله اللحين استأذن اترككم تشبعون من بعض ..يله تصبحون على خير سهرتوني هههههههههههه ركب مشعل سيارته وراح ...اما سلطان شال اغراض عبدالله ودخله للبيت .. حياك ياعبدالله ببيتك تفضل .. كانت نوال بطريقها لدورة المياه لاكنها يوم سمعت كلام سلطان نزلت بسرعه وكانت مفاجأتها كبيره وعظيمه يوم شافت عبدالله قدامها ...حست بان رجولها خدرت ماعاد قدرت تكمل حركتها .....عبدالله معقوله ..؟؟ عبدالله اول ماشافها انتفض قلبه ...واقشعر شعر جسمه ..اخته نوال!!!!!!!! ..راح لها بسرعه وسلم عليها وحب راسها .. هلا والله يالغالي ...هلا والله بعبدالله ..والله نسيت اشباهك ..وينك ماعاد ندري عنك حي ولا ميت .. ***سلطان تدخل بسرعه*** ..باركي له ماشاء الله عليه ...درس وجاب احسن الشهادات .. ***نوال كانت مستغربه لانه وعلى خبرها عبدالله ماكان يحب الدراسه ذيك الدرجه ,,,,,لدرجة انه وبالحسره قدر ياخذ شهادة الثانويه العامه ..لاكنها ومن فرحتها ماحبت تدقق بالكلام ومشتها ..*** الله يحييك ياوخيي ..والله فرحتنا برجوعك ماتوصف.. سلطان ..هذي يبيلها ذبايح .. نوال ..حتى الذبايح ماتكفي ..والله ان فرحتنا بك ماتقد الدنيا بكبرها ... عبدالله حس بالحرج لان علاقاته بأهله كانت دايم متوتره ..خصوصا مع نوال واللي كان دايم يحسسها انها هم عليهم بالبيت ..رغم كل اللي تسويه ..كان دايم يدقق عليها بشغلها ويعيب بأكلها ..وياكثر المشاكل اللي سببها لولدها نواف داخل وبرا البيت ..كل هذا نسته نوال لاكنه ومن حرجه منها ماعرف يحط عينه بعينها .. نوال ..الله يحييك نور البيت يالغالي ..رح الحين ريح بغرفتك ..تراها دايما نظيفه ..مدري كأني حاسه انك بترجع هههههههههههه..اشوى احساسي ماخاب هالمره هههههههههه سلطان وعبدالله ..ماتقصرين يام نواف عبدالله... الله يخليكم لي كلكم ..يله الحين استأذن بأروح ارتااح شوي قبل الفجر .. نوال وسلطان ..تصبح على خير عبدالله ..وانتم من اهله .. نوال مازالت مذهوله وفرحانه ..مزيج من مشاعر ماقدرت تترجمها الا بالحمد لله والشكر له ..ناظرت في سلطان وفي بالها مليون سؤال وسؤال لاكنها فضلت انها تأجل كل شي لوقته لانها حست ان اخوها سلطان مهدود حيله ويغالبه النوم .. تبي شي اخوي قبل لاتنام .. سلامتك ماابي شي بس رجاء اذا اذن الفجر حاولي تصحيني اخاف تروح علي نومه.. ابشر ..بس انت رح ونم تصبح على خير . ياااخوي... نسيت أقولك تراني انا ونواف ماشين لمكه بعد بكره ..!!! سلطان ..ماشاء الله ... لمكه ..زين مااخترتوا لا والوقت مناسب اكيد بتلقونها خفيفه.. نوال ..ودي نعزم اللي نعرف بكره على العشاء بمناسبة رجوع عبدالله... سلطان ..لا يانوال انتوا روحوا واذا رجعتوا بالسلامه نشوف... نوال ..طيب لو اقول له يخاوينا... سلطان ..لا خليها بعدين تعرفين توه راجع من سفر صعب نقول له سافر ثانيه!!!!..يله الحين تصبحين على خير .. نوال اقتنعت برده..وانت من اهله .. راح الكل لغرفته ينام....... وعم البيت هدوء وسكينه.........اما نوال فكانت متعجبه من الموضوع كله بس ماحبت تحرجهم بالاسئله وضت هالليله على خير.. .............................. .............................. ............... >>>>>>>>>>>>>>>>>>>>>>>>> من جهه ثانيه كان الحزن غالب على بيت جروح ... ام جروح قاعده على سجادتها تبكي وتدعي وتسأل الله الفرج من الهم اللي هي فيه وبنتها .. اما جروح,,, تحاول تنام بكل الطرق لاكن النوم محاربها ..شغل تفكيرها الشي اللي سوته ..وافقت على عبدالاله بدون اقتناع ..كيف راح تدخل على رجال وهي بقرارة نفسها تكرهه وتكره سيرته ..كيف راح تعيش معاه ..ياربيييييييييييه وش الحل الحين وش اسوي ..فات الوقت اني ارفض ..وحتى لو رفضت من راح يسمع لي..؟؟؟؟؟ كانت بقرارة نفسها تتسائل ..ابوها واللي كانت بتموت علشانه لما تعب ... تهون عليه ويزوجها هالزواج....؟؟؟ ..طيب ليه مازوجها لبناته الثانيات؟؟؟؟ ليه هي بالذات..؟؟؟؟؟ ..هل لانها بعمرها ماغلطت بحقه او اهانته مثل مايسوون بناته له ؟؟ قعدت تبكي وتبكي لحد ماملت وامتلت مخدتها دموع ...فكرت وفكرت تقلبت فوق سريرها ..غلبها النوم ونامت... نوم القلقان.. نوم الخايف ..نوم المتوتر ..لحد مادخلت عليها امها تصحيها لصلاة الفجر ... ا م جروح..يله يمه قومي صلي الفجر .. قامت جروح بكسل وعيونها تحددت بالسواد.. هلا يمه ان شاء الله ...هذاني قمت روحي نامي خلاص ..***كانت تحاول تبعد بوجهها عن امها علشان ماتحس فيها,,لاكن قلب الام دليلها .****. ام جروح..يمه وش في وجهك متنفخ انتي مانمتي زين ..!!!! جروح ,,ههههههه لا لا نايمه... يمكن عيوني متنفخه من كثر النوم ... ***ام جروح كانت تعرف بنتها زين*** ..اقول علي ياجروح تخبين ..ادعي ربك بسجودك ان الله يفرجها.. حاولي تتناسين الموضوع شوي علشان يهدى بالك... جروح ,,ان شاء الله يمه ... ***راحت جروح تصلي وقعدت تدعي ربها ان الله يفرج لها ولجميع المسلمين ..موضوع زواجها من عبدالاله على الرغم من موافقتها الا انها كارهته بشكل مايوصف..كان حلم حياتها نواف ..واللي صار حلم يستحيل عليها تحقيقه والوصول له ..*** ****************************** ****************************** ********************* لمت الزمان ولايم الوقت غلطان .....حوادث الايام من فعل اهلها كل يغني مع زمانه على شان .....هذا يميلها وهذا يعدلها وانا نديمة الوجد في ليل الاشجان ......اجاذب نجوم الليالي غزلها ياما جرحت بونتي ليل الاحزان ......ياما سمع مني وياما حملها وياما رقص مع نغمة الحب نشوان .......ينفض عن النجمات وحشة مللها ****************************** ****************************** ********************* ****حزن بدد كل معنى حلو بقلب جروح ..اهااااات حطمت كل معاني الجمال بعيونها ...**** ****الليل يطويه الحزن والضيق ..والنهار ينهيه القلق والخوف ...***** الى متى يستمر بك الحاااااااااااااااااااااا ااااا اااااااااااال... على هالمنواااااال ...!!!! .............................. .............................. .............................. .............................. .............. ومع الصباح الباكر... اصبح الجميع في بيت سلطان والكل مبسوط برجعة عبدالله للبيت ...حتى نواف الي كانت علاقته متوتره معاه لاقصى حد ..فرح برجوعه وهلل به ورحب !!!!! اجتمع الجميع ولاول مره بعد طول الغياب والمشاكل اللي ماتنتهي ...اجتمعوا وبينهم الروح الاسريه الرائعه .. نوال ومن صباح الله مستعده بالفطور ..من كل شكل وصنف ....مدت السفره وجملتها بأشهى واحلى اطباق الفطور ... سلطان وهو يناظر السفره..الله الله وش هالحركااااااااااااااااااا ت... نوال ..وش حركات الله يهديك...وهو عبدالله هوين عندي ..انا ماصدقت يجي . واحس اني مقصره بعد ... عبدالله ..لا بالله ماقصرتي .... كان ماتعبتي روحك علشاني... نوال ..اترك عنك وانا اختك ,,,يالله ابدوا بسم الله ..***قعدت تصب الحليب بالاكواب وتوزعها عليهم واحد واحد*** افطر الكل وهم مبسوطين ويتجاذبون اطراف الحديث ... الا ماقلت لك ياعبدالله ..خطبنا لسلطان وبعد كم يوم بنشبك عليها ان شاء الله ... سلطان تفاجئ ان الموضوع صار بهالسرعه....جد والله انتم كلمتوهم ..؟؟ عبدالله ..ليه ماكنت تدري!!! نواف ...اول مره اشوف عريس مايدري عن الطبخه ... سلطان ..اص انت ...خلنا نشوف الموضوع!!! نوال ..وراكم اكلتوني ؟؟فوزيه كلمتهم عن الموضوع وهم رحبوا فيه مره ..ومن الفرحه فوزيه حددت الشبكه الخميس الجاي ... سلطان ..من الفرحه او من الورطه هههههههههههههههه... الله يهديها فوزيه ..صدق ورطتني ... نوال ...وش ورطته ..احمد ربك بس ولا تنعفق ..هذي تسمى نعمه يالخبل .. نواف ..احلى يالخبل ..هههههههههههههه عبدالله ..مادام انهم ينشرون ..اتكل على الله وتمم الموضوع والله يوفقك ... نوال ..هذولا بيت خالي محمد تعرفهم ..؟؟؟ عبدالله ..والنعم وسبعة انعام ..احسن مااخترت ..الله يوفقك يااخوي تستاهل... سلطان ..اخجلتوني ..اجل ابي العرس بعد اسبوع... نواف ههههههههههههه هذا وانت خجلان تبيه بعد اسبوع ...هههههههههههههههه ضحك الجميع على تعليق نواف... نوال ..يله شد حيلك بعد انت وخلنا نزوجكم بيوم واحد.. عبدالله ..لا انا اصبروا علي شوي وان شاء الله مايصير الا اللي يسركم نوال ..ببالك احد ..؟؟؟ عبدالله ..لا والله الحين مافي بالي احد ..بس انا الحين مرتبط بشغل واذا انهيته افكر بموضوع العرس نوال ...اللي تشوفه بس لاتطول علينا خلنا نفرح بك ....***وبعد فتره بسيطه تذكرت نوال شي*** ....صح نسيت اقول لكم ..ابيك ياسلطان تكلم اهلها وتحدد يوم تروحون انتوا الرجال وتخطبونها رسمي..لاني بأسافر لمكه بكره واخاف مااشوفكم.. سلطان ..ان شاء الله اكلمهم اليوم واحدد معهم على بكره اوبعده ..وانتي لاتاكلين هم روحي واعتمري وادعي لنا وادعي لجروح الله يفرج لها نوال ..وين مااكل هم ..احنا كنا ناوين نقعد كم يوم بمكه وبعدها ننزل لجده ..لاكني باخذ عمره ونصلي كم فرض ونرجع...وش رايك يانواف؟؟ ***نواف واللي سرح بعيد لما جابوا طاري جروح ومشكلتها***اللي تشوفينه يمه خلاص نعتمر ونرجع... نوال ..الله يوفقك ياوليدي والقى لك بنت الحلال اللي تعرف قدرك .. مارد عليها نواف واكتفى بالنظر.. عبدالله..جروح بنت اخوي محمد وش فيها ؟؟؟بعدين انا اخبرها لنواف ولا انا غلطان.. نوال ..هو اخوك محمد خلانا نفرح بهم ..هذاه بيزوجها بعد كم يوم لواحد شايب ماندري عن فصله واصله .. عبدالله ..معقوله..؟؟ نوال..وليه ياعبدالله مستغرب ..هي جديده عليه ,,,,البنيه ياعلي ياعليها في هم وغم مايعلمه الا اللي خلقها... عبدالله..وليه ماكلمتوه .؟؟ نوال ...كل شي سويناه ..عندك سلطان اسأله.. سلطان ماحب يعلق ...الله يهديه وبس هذا اللي اقوله.. عبدالله ..بصراحه الموضوع يحط العقل بالكف,,يزوجها من واحد لانعرف اصله وفصله ..وشايب ولبنته الوحيده ..؟؟؟ سلطان ..بنته الوحيده.!!!!!!!.الله يرحم حالها.. ..يله انا باطلع تبون شي؟؟؟ نوال... سلامتك.. نواف ..حتى انا عندي موعد بأطلع تبين شي يمه... نوال ..سلامتكم جميع.. اتفق سلطان مع اهل العروسه هديل وحددوا موعد للخطبه .... وبعدها بيوم راح هو واخوه عبدالله وخطبوا البنت رسمي..بعد ماشرح لهم ظروف غياب اخوه محمد .. اهل العروس فرحوا به لان سمعته العطره سبقته .. لانها كانت وسام على صدره والكل يشهد له به ..بعد الخطبه اتفقوا مع بعض على ان الشبكه يوم الخميس.مثل ماسبق وحددته فوزيه معاهم.. اما نوال وولدها ....اعتمروا وقعدوا بمكه ... صلوا فروض يوم كامل و رجعوا يوم الاربعاء العصر علشان يحظرون شبكة سلطان... ****************************** ****************************** ************************** بيوم الخميس شبك سلطان على هديل بحفله بسيطه جمعت اهل العروسه واخوات العريس((( فوزيه نوال وهدى ))) قدموا لها طقم الشبكه الفخم مع هديه لام العروس ... تملك سلطان بعدها بأٍسبوعين والكل كان فرحان علشانه ..حتى هو كان طاير من الفرحه ومبسوط لاخر درجه... جروح وعلى النقيض تماما ايضا تحدد يوم ملكتها .... بنفس اليوم .. كانت حزينه وضايقه بس ماله حيله الا توافق علشان تبقى مع امها.. ****************************** ****************************** ******************** اسير الدرب....والماضي ورايه.................وما للدرب في عيني نهايه.. مسافات الطريق ..اطول مسافه................وهي لي مولد احزان ..وبدايه.. اعاني في ظلام الحب جرحي ..................وانا امشي تايهه ومن دون غايه.. اكن الحزن في نفسي ونفسي ...................تقول الصمت هوقمة عزايه.. وهو صوت غريب ماعرفته ...................يقول اني وصلت اردى منايه.. حصل لي شي ..ماقبله حصل لي ..............شقى العالم ..نسيته مع شقايه.. واقول اني غريبه في زمان ....................قليل البخت ..مقتول هنايه.. ****************************** ****************************** *********************** >>>>>>>>>>>>>>>>>>>>>>>>>>>> > تملكت جروح على عبدالاله بدون اي نوع من انواع الاحتفال ..لان الملكه اقتصرت على ابوها وامها وعبدالاله واثنين من اخوانه ..وشاهدين... قبل هذا سلطان وعبدالله ثارت ثورتهم لانهم الأحق يشهدون على ملكة بنت اخوهم لاكنهم وقفوا عاجزين قدام جبروت محمد وسيطرته... هذا بخلاف ان توقيت شبكة سلطان على هديل خفف من حدة التوتر لحد ما.. كانت بطلتنا جروح في عالم من الحزن والاسى ..دموعها تنزل بشكل خيالي ماكانت مستوعبه الموضوع تحس نفسها ضايعه وتايهه في عالم الظلم عالم ابوها المتسلط ..... ,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,,,,,,,,,,, ام جروح...يابنيتي وكلي امرك لربك الملكه وتملكتي ماعاد لنا حيله وهذا ابوك يقول خليها تجهز بتدخلين عليه... جروح ماكانت ترد عليها ,,ماكان لها نفس تحاكي احد ابدا واولهم ابوها واللي من توتره في كل خمس دقايق يدخل عليها ..لانه يخاف ترفض تدخل عليه ويروح هو فيها .. اما ام جروح فكانت تبكي بكا الام المشفق اللي يعز عليها الوضع المأساوي اللي تعيشه بنتها ..بنتها تتملك لواحد كبر ابوها ..بعد ماانحرمت من اللي اختاره قلبها .. ام جروح.. يابنيتي لاتقطعين قلبي اشربي لو هالعصير يرد ماء وجهك .....ياليتني مت قبل هاليوم اللي اشوفك كذا... حسبي الله ونعم الوكيل على الظالم .. جروح والعبره تسبقها ..يمه تكفين لاتزيدين علي ..الله يخليك لي ولا يحرمني منك وان شاء الله يومي قبل يومك.... ام جروح ...هذا نصيبك ولازم نرضى فيه احنا الحين في الامر الواقع .. دخل محمد ابوجروح عليهم وهي ضامه بنتها وتبكي .. انتي الى الحين ماخلصتي الرجال ينتظرك بالمجلس..النظره الشرعيه تنازل عنها وكثر الله خيره..الحين صرتي حليله له ولويبي يجرك من شعرك وياخذك معاه ماقلت له لا... وقف قلب جروح وجمد الدم بعروقها ..لما سمعت بالطاري ..صدق فات الفوت وماعاد ينفع الصوت.. ام جروح ..عطنا عشر دقايق بس وان شاء الله تجهز .. ابوجروح خمس دقايق ماتزيد... طلع بسرعه ...وامها ساعدتها بترتيب شعرها وتجهيز لبسها... يله يمه استعجلي لا يقلبها علينا ابوك... جروح بحزن..حتى بملكتي ماسألني موافقه او لا..وبعدين المملكين ليش ماياخذون العلم من العروس نفسها مو من اهلها لا نها يمكن تكون مغصوبه مثلي.................ويقولون ليه تكثر حالات الطلاق عندنا.... ام جروح ..يابنيتي خليك بهمك واتركي هم غيرك الحين اخلصي علينا لا يجينا ابوك... وقبل ماتكمل كلامها دخل محمد بعدما سمع كلامها.. محمد وهو معصب....جا ابوها؟؟؟؟؟..ايه جا !!!!! خلصينا..الرجال ينتظر... راحت جروح معاه مثل الاسيره المكبله بالسلاسل ..انربطت كلمتها اللي تقول لا ..مثل ماانربطت رجل الاسير عن المشي ...راحت تجر خطاها ودخلت على عبدالاله..وامها وراها تبكي وتدعي ان الامر يعدي على خير.... .............................. .............................. .............................. .. تحياتي واشواقي رجـــــــــــــــــــــــ ـــــــــــــــــــــــــ ـاوي ام راكــــــــــــــــــــــ ـ ـــــــــــــان | ||||||||
|
| |
|
17-12-13, 08:23 AM
| #17 | ||||||||
| مراقبة عامة ومشرفة منتدى الروايات المنقولة
| الجزء الثاني عشر ...تتمه <<<<<<<<<<<<<<<<<<<<<<<<<<< < جروح..السلام عليكم.. اول ماشافها عبدالاله..انبهر على نعومتها واناقتها ..غير كذا شعرها اللي لفته امها لها بطريقه فاتنه فتنت عيون عبد الاله لها.. ابوجروح.. مدي يدك وصافحيه هذا زوجك.. جروح كانت منزله راسها لاكن من بعد ماقال لها ابوها هالكلمه ارتفع نظرها اللي طاحت على عيون عبدالاله وشافت فيه نظرة الانتصار...ثم رجعت ونزلت راسها بدون اي كلام... ابوجروح يحاول يغطي حركة بنته..معليش البنت تستحي .**بعدها التفت على بنته**..اقول مدي يدك خلصينا... عبدالاله باستهتار..معليش ياخال .....خلها على راحتها... جلست جروح على الكنبه المقابله لعبدالاله على حسب توجيه ابوها... عبدالاله ..الف مبروك ياقمر... وش هالزين كله ..وش هالحلا؟؟!! طبعا جروح ماردت ...لاكن ابوها رد بسرعه..الله يبارك فيك وان شاء الله تعيشون حياه سعيده.. **جروح تهمس بصوت سمعه ابوها بس.**.امي ابيها تعيش معاي... ابوجروح...سكري على الموضوع الحين ماينفع.. عبدالاله..وش بغت ياخال ماسمعتها..؟؟؟ ابوجروح..لا لا مابغت شي.. جروح..الا بغيت ..امي ابيها تعيش معاي.. تفاجأ الجميع على جرأتها بالحكي حتى ان ابوها بغى يقوم عليها يضربها.. عبدالاله مسكه بسرعه..وقف وقف لاتنسى تراها زوجتي ولا ارضى عليها.. قامت جروح بتطلع لاكن عبدالاله ناداها.. جروح حبيبتي.. طالعته جروح بكل استغراب على وقاحته اللي مالها مثيل..حتى ان ابوها استغرب وجلس يناظر فيه؟؟ عبدالاله..وشفيكم متعجبين؟؟؟جروح صارت زوجتي..وانا احب انادي زوجاتي باحلى الالفاظ..!!!! .شوفي يالغاليه..ادري ان اعمارنا انا وياك متباعده شوي..لاكن وللذمه والضمير بأقولك ان ابوك بايعك علي بيع بقيمة شيك كان بيكلفه حياته لوقضاها بالسجن.. جروح طارت عيونها ونست الحياء والتفتت على ابوها.. وش قال يبه ...بايعني بشيك ..؟؟ عبدالاله مستهتر..ايه.... بقيمة اربعين الف..متسلفها مني وكل ماقلت له قال اصبرعلي شوي الين جيتي ببالي.. جروح باستغراب وهي تناظر ابوها ولا فكرت تلتفت على عبدالاله..صرت صفقه بيدك ياابوي ..؟؟؟؟؟ ابوجروح ماقدر يتكلم..نزل راسه لانه ماكان متوقع ان عبدالاله يغدر به ويفضحه.. يبه ارجوك فهمني ..؟؟؟؟ ابوجروح..ادخلي عند امك وانتي ساكته.. دخلت جروح وهي منبهره ..مصدومه..متعجبه ...حزينه... ضايقه... والدمعه بعينها وبراسها الف سؤال وسؤال .. استقبلتها امها... ولما شافت وجهها متغير واسود انهبلت.... وقالت..جروح وش فيك وجهك اسود..بعدين ليه كل هالدموع..؟؟ جروح ماجاوبتها وهو اللي زاد من توتر امها .. يمه ردي علي..تراني ماعاد اتحمل ..**مسكت راسها لان الدنيا لفت بها وقعدت على الكنبه ** **راحت لها جروح بسرعه وجلستها على الكنبه**يمه بسم الله عليك معليش لاتواخذيني اللي فيني شي ما يتصدق...شفتي ابوي ..صار مزوجني لعبدالاله علشان يسدد دينه تخيلي .. ***ام جروح ماااستوعبت الكلام لانه اكبر من ان الواحد يستوعبه.***.وش قلتي ؟؟دين ... جروح ..شفتي عاد يمه ..وش اقول وش احكي ..ابوي يبيعني ..!!! ام جروح شوي وتنهار..وصلت معاه المواصيل لهالدرجه ..طيب انتي وشلون عرفتي؟؟؟؟ جروح..من اللي مايتسمى ..بكل وقاحه وقلة ادب ..وكأنه يقول انك مثل اي بضاعه تباع وتشترى ..يعني افهميها مالك قدر عند اهلك .. ام جروح..وشلون بيعرف قدرك وبيحترمك ,,اذا رحتي عنده مادام ذي اولها.....؟؟؟ جروح..يالله... عقلي بيطيرمن راسي وش السواة الحين ..ياربي وش اسوي وش الدبره يايمه ..؟؟؟ ام جروح ماتدري وش تقول..يدبرها اللي ماتنام عينه ..الكريم .. جروح..طيب وش رايك اكلم عمي سلطان واقول له..!! ام جروح..ياذا العم اللي ماتهنى ..كل ماغاب شوي رجع لنا بمشكله جديده.. جروح..مالنا الا الله ثم هو ..وش اسوي ؟؟ ام جروح..ومتى بتكلمينه..؟؟ابوك اربع وعشرين ساعه بيكون بالبيت ..واكيد ماراح يرضى يستقبله بالبيت.. جروح..اكيد بينام ..وبوقت نومه ادق عليه.. ام جروح..وان رفع السماعه وسمع الحكي ..وسوى لنا سالفه...!!!!!! جروح..يسوي اللي يسوي ..ماعاد بقى شي اعظم من اللي سواه بي.. ام جروح..يابنيتي سوي اللي تبينه ....انا خلااااااااااااااااااااااا اااص مخي انشل من كثر التفكير..!!!الحين عبدالاله ماراح.. جروح..مااادري عنه ..بعدماطلعني ابوي ماعاد ادري عنه.. ام جروح..طيب وش حسيتي به يوم دخلتي عليه؟؟؟ جروح..اكذب عليك يايمه ان قلت اني حسيت بشي ..ماحسيت الا بالخوف اني قدام رجال غريب ... بس ابدا ماحسيت اني زوجته..بالعكس الا كارهته مره ..وزاد كرهي وحقدي عليه بعد ماقال لي الكلام اللي ماينقال عن ابوي ..والله حسيت باستهتاره وانتقاصه لي ..شي بحياتي ماسمعت ولاشفت مثله ... ام جروح ماعلقت على الموضوع.. بعد خمس دقايق دخل ابو جروح عليهم وبيده صينية العصير..وهو يناظر بجروح نظرة القهر اقسم بالله لو انه ماحلف علي وقال ماالمسك كان مردغتك بالارض وخليتك تنسين اسمك ياقليلة الحيا.. ام جروح وصلت حدها وماقدرت تسكت ..اقول يامحمد طفح كيلي منك ومن تصرفاتك معانا ....انت ماتخاف ربك ..خاف الله فينا..انت ماتحس ولا ترحم ..ماتخاف الله يبلاك ويرجع مرضك .. ابوجروح كان معصب من الاساس..هو كان ناوي على جروح ..لاكن كل غضبه وحقده حطه على ام جروح ..اولها عطاها كف بأقوى ماعنده لف منها وجهها ..طاحت منها على الارض وكمل عليها برجله رجف وضرب .. جروح ومن الصدمه وقفت تناظر وهي تصرخ..حراااااااام عليك يالظالم حرااام ماحست بنفسها الا وهي تدف ابوها بأقوى ماعندها وكأن كل القوى اجتمعت معها علشان امها .. ام جروح من شدة الضرب ومن الصدمه اللي جتها غير الهموم اللي تكالبت عليها ..ماوعت بنفسها الا بغرفة العنايه المشدده وجنبها بنتها تبكي وتنادي عليها ..وبجنبها نوال تحاول تهديها ..وسلطان اللي كان واقف بعيد يتهدد ويتوعد .. .............................. .............................. .............................. ....................... سلطان ..حسبي الله ونعم الوكيل عليه..وصلت فيه المواصيل يوصل الضعيفه للعنايه ..اقسم بالله ان سألوني الشرطه لاعلمهم باللي صاير بالتفصيل وخلهم يسوون اللازم .. نوال ..استهد بالله ياسلطان ..انت عارف محمد اطول مننا نفس ..وترى اللي بيروح فيها جروح وامها ..فلا تتعجل وانا اختك .. سلطان معصب واصله حده..يوم سكتنا ..وين صرنا عليه !!! ..البنت تملكت والام بالعنايه !!!..والله لو اننا مدخلينه السجن يوم يضرب بنته ذاك المره كان تعدل ..!!هذا ماينفع معاه الا الشده ..هو شافنا ساكتين عنه قال هذولا خايفين مني .. نوال ماعاد عرفت تتكلم ..اقول هذا ام جروح احس انها وعت . .دخلت عليها نوال اما سلطان فانسحب وطلع من الغرفه عند نواف .. >>>>>>>>>>>>>>>>>>>>>> نواف ..هااه بشر ياخال عساها صحت .. سلطان وكأنه هدأ شوي .. ااااه وبس والله العظيم ان هالحرمه ماتستاهل اللي يجيها ..والله انه مايستاهلها..بس وش نقول ..؟؟ نواف ..القدر والنصيب .. سلطان ..على قولتك ..امك قبل مااطلع من عندهم تقول ..انها شافتها بدت تصحصح الحمد لله نواف.. الحمد لله هواللي جاها شوي .. سلطان ..والله يوم اننا ننقلها قلت الحرمه ميته ..بس ربك اللي ستر .. نواف ..انا ماسمعت التليفون يدق!!! وانا كل ذاك الوقت بالبيت.. سلطان ..لاهي دقت على جوالي ورديت عليها بسرعه ..والله يانواف اني انهبلت يوم سمعتها تقول الحق على امي ماتت.. نواف ..طار عقلها الضعيفه.. سلطان..الله يخلف عليها يوم ملكتها يكون اسوأ يوم في حياتها .. نواف ماعلق لانه حس ان الوضع شوي حساس خصوصا من طرفه.. سلطان ..اقول وش رايك ننزل للبقاله احس اني عطشان وودي اشرب لي عصير .. نواف مشينا .. .............................. ............. في غرفة العنايه ..صحت ام جروح ودمعتها على عينها واللي تقطع منه قلب نوال وجروح.. جروح..الحمد لله على سلامتك يايمه ..ياليت اللي جاك كان فيني ... نوال ..لا فيك ولا فيها .. جروح..فيني ياعمه ولا في امي ..***وجلست تبكي لانها طول الوقت كانت كاتمه وماطلعت اللي بخاطرها *** ضمتها نوال وهي تحاول تهديها .. نوال ..جروح اذكري الله ولا تزودينها على امك ترا اللي فيها كافيها .. جروح..انا دقيت على خوالي وهم جايين ان شاء الله اليوم ...خليهم يتفاهمون معاه ..لاني ماعاد اتحمل اخبي عنهم اكثر .. نوال ..ليه ياجروح..؟؟؟الحين بيصير كل الحمل عليك والله انه راح يحرمك من امك .........هو من سنين وهو حالف على امك انها ماتدخل اهلها في حياتها .. جروح..محرجها هي مو انا ..ياعمتي نوال ..الى متى وانا صابره وساكته ؟؟..الى متى واحنا نقول بكره بكره ؟؟..خلاص ياعمتي لكل شي له حد على مايقولون ..!!! نوال..والله انك صادقه .. جروح..شوفي ياعمه ابوي الظالم وش مسوي بأمي الضعيفه..**وهي تأشر على وجهها ويدها اليسرى ..ورجلينها *** نوال تأثرت من المنظر ..اعوذ بالله كل ذا !!!!طيب وش الداعي اللي خلاه يسوي كل ذا ..؟؟ تخيلي ياعمتي نوال ..وبعد ماتملكت على عبدالاله ..اكتشف ان زواجي تسديد دين !!! تفاجات نوال من هالكلام لان ااخر شي تتخيله من اخوها ان توصل فيه المواصيل يبيع بنته!!! نوال ..صدق والله ؟؟؟؟لا مااصدق ...مستحيل...!!!! جروح..وش الداعي اني اكذب ياعمه..؟؟ نوال ..انا ماقلت يابنت اخوي انك تكذبين حاشاك والله ..بس هالشي ماينتصدق ..اعوذ بالله ولا في الافلام ؟؟ جروح..اصلا حياتنا مع ابوي صايره زي الفلم الله يخلف علينا !!! دخلت الممرضه عليهم واخذت قياس الضغط والحراره من ام جروح وطلبت من جروح وعمتها يطلعون لان وقت الزياره انتهى .. ام جروح كانت ساكته وماخذه دور المتفرج لان الصدمه والضربه منعتها من الكلام ..وعلى حسب كلام الدكتور اللي سألته جروح ......ان الحاله اللي فيها مؤقته وراح تزول بعد ايام .. جروح ماقدرت تنام ذيك الليله من البكا والخوف ..كانت تبكي على الحال اللي هي وامها فيها ..غير كذا كانت خايفه ان ابوها يدخل عليها بأي لحظه ويسوي اللي سواه بأمها .. عمتها ماخلتها لحالها وباتت عندها ذيك الليله... ابوجروح ومن بعد ماضرب ام جروح طلع من البيت وراح لبيته الثاني بدون ماتاخذه الرحمه او الشفقه ..كان قلبه قاسي مثل الحجر ..كله ظلم وطغيان وسيطره ...هذا غير ضعف الوازع الديني اللي يجي في المرتبه الاولى.. طبعا اخوال جروح اللي في الشرقيه ثارت ثورتهم من الوضع اللي كانت عليه اختهم وبنت اختهم حتى انهم توعدوا محمد وقالو انهم لازم يحطون للامر حد..لان اللي سواه فيهم اكبر من ان يسكت الواحد عنه.. الخبر وصل محمد واللي بدوره حجز على اقرب رحله لدبي وسافر بحجة انه بيغير جو وبياخذها فترة نقاهه.. طبعا ليلي زوجته مامشت عليها هذي الحركه لاكنها مشتها هالمره بدون اي سؤال ..لان زوجها مايهمها ...غير كذا طلبت منه الطلاق ..وان صح التعبير نقول انها اجبرته يطلقها ..وطردته من بيتها شر طرده. من جهه ثانيه ... طلعت ام جروح من العنايه وبقت بالغرفه اسبوع ..جا بعدها اخوانها واخذوها هي وبنتها للشرقيه حتى يحافظون ولو على جزء بسيط من كرامتهم الضايعه.. كانت جروح مبسوطه حيل لانها تشوف نفسية امها تعدلت بشكل ملحوظ...كانت تشعر بالامان لانها بين اهلها وسندها غير بعدها عن مصادر شقاها وحزنها .. .............................. .............................. .............................. . وبمكان ثاني.. نوال حكت لولدها وسلطان عن سالفة الدين اللي كان على محمد..وكانت ردة فعلهم قويه تجاه هالوضوع..لان المسأله تعدت انه كبير بالسن الى بيع كرامته لواحد مايستاهلها.... سلطان ..ايا الجبان ..يبيع بنته ويملكها على الرجال وينحاش .. نواف ..انحاش ؟؟ سلطان ..اجل وش تفسر سفرته بهالوقت بعد ماخرب الدنيا .. نوال ..واهل سلوى اللي قالبين عليه الدنيا؟؟؟ سلطان ..يالله ..الى متى واحنا بالمشاكل والله الواحد زهق من حياته.. نوال..اللي عرفته من جروح انها وامها راحوا للشرقيه .. سلطان ..والله انا مااقدر اتصرف بأي شي ..محمد حطنا بموقف مع الناس لايحسد عليه ..حتى والله اني ناوي اضيفهم ببيتي واسوي اللازم بس مالي وجه.. نوال ..انت مالك دخل ياوخيي ورايتك بيضاء نواف ..طيب خالتي ام جروح وش صار عليها ؟ نوال ..لا يقولون الحمد لله صحتها بالعلالي .. سلطان ..وجروح ماعلمت الشرطه عن السبب!! نوال ..لا ماعلمتهم..والله البنت فيها الخير اكثر من ابوها ...بصراحه التربيه لها دور .. سلطان ...ماشاء الله خلق وفرق..يجي يشوف ويقارن ..بينها وبين بناته الثانيات اللي مافيهم خير .. كان لهالسالفه اثر كبير في نفسية نواف اللي قرر منها ياخذ دور الفارس المنقذ.. ........................... بعد السالفه ذيك بثلاث ايام .. كان سلطان يفطر مع اخته وولد اخته وهم يسولفون رن جواله فجأه.. قطع سلطان كلامه وهو يشوف الرقم !! كان الرقم غريب عليه ..وماحصل انه شافه من قبل ..لاكنه فضل انه يشوف لمين عن الانتظار والتفكير؟؟؟ الو .. الو السلام عليكم .. وعليكم السلام من معاي؟؟ هلا سلطان وش اخبارك ..؟؟ سلطان كان مستغرب من الصوت...ولا رد..من معاي ..؟؟ اكيد ماراح تعرفني هذا اول مره اكلمك.. على الرغم اننا اهل ونسايب .. من هالكلمه عرف سلطان من يكون ...علشان كذا قام من مكانه حتى ان نوال ونواف خافوا من المكالمه ..لان وجه سلطان تغير تغيير جذري .. دخل سلطان المجلس وسكر عليه الباب .. نعم وش تبي ؟؟البنت واخذتها بدون علمنا وبدون موافقتها ..واخر شي يصير تسديد دين ..انت ماتخاف الله..واحد كبر ابوها او جدها وياخذ بنت توها بعمر احفاده .. عبدالاله حب يعلق ..لاكن سلطان ماعطاه فرصه.. انت ماتخاف الله ... ..البنيه ضعيفه مالها حول ولا قوه ..استغليت دين ابوها علشان تاخذها وتلعب بها وترميها .. عبدالاله هنا ثارت ثورته ..شف اقول لك انا مااحب اطول مع اجناس زيك .. سلطان ..اجناس ..الله الله الله ..اذا احنا اجناس ماتجوز لك اجل انت وش تصير .. عبدالاله ..يالله ..شف هي كلمه ورد غطاها ..ترا البنت طلقتها وورقتها بتوصلها .. سلطان انصدم ..سكت وماعرف يعلق .. عبدالاله ..البنت عندكم وانا في محلي ..خلاص اللي بيننا انتهى .. سلطان مايدري يفرح على انها انعتقت منه او انه يزعل انه بينزل سمعتها بالارض من كلام الناس عنها .. سلطان ..طيب ممكن اعرف وش السبب ..؟؟ عبدالاله ..نصيب .. سلطان ..نصيب ..ليه وبنات الناس لعبه لك ..تتزوج وتطلق بيوم .. عبدالاله ..الكلام وصلك وانا ماعندي كلام اكثر .. سكر عبدالاله السماعه من دون حتى ماينتظر منه رد .. سلطان ماوسعته الدنيا فرح لبنت اخوه ..دخل بسرعه على نوال .. نوال ..نوال ..نوال نوال جمد الدم بعروقها وتوقعت ان سلوى صار فيها شي ..وش فيك عسى ماشر ..سلوى فيها شي ..؟؟ سلطان ..لا وين انا ووين سلوى تعرفين اني مااخذ اخبارها الا منك ؟؟ نوال ..قلت يمكن هالرقم الغريب اللي جاك من احد اهلها .!!!! سلطان ..وين نواف..؟؟ وش تبي بنواف ..علمني تراك اكلت قلبي ..بسرعه تراني بديت اتنافض .. سلطان ..جروح .. نوال ..وش فيها ..؟؟بعدين وش دخل نواف بها ؟؟؟ سلطان .وشلون وش دخله ...!!!!.بنزوجها له !! نوال ..انت صاحي ..سلطان فهمني ..؟؟؟ سلطان ..والجهاز مني ولا ابي من ولدك يدفع ولا ريال ..؟؟ نوال ..لا انت اكيد فيوزك ضربت .. سلطان ..لا والله الا فرحان ومتشقق ومستااااااااااااااااااااا اااان س نوال ..طيب اقعد الحين وفهمني حبه حبه ...!! سلطان ..ابشري وجلس يعلمها باللي صار .. نوال ماعرفت تعبر عن فرحتها الا انها جلست تبكي .. سلطان ..الحين دقي على سلوى وبلغيها عن كل شي ..وقولي لها اننا جايينهم خطاب.. نوال جلست تحمد ربها ان الله فرج لجروح وولدها فرج من دون مايعرفون به ..لاكنه الله سبحانه فارج كل هم وضيق .. نواف لما دخل البيت كان جايب معها كيكه كبيره وبيده الثاني عصيرات من كل شكل .. اول ماشافوها سلطان ونوال تعجبوا .. نواف ..مرحبا .. نوال ...مرحبتين ..وش هالدنيا كلها .. نواف ..انسان مبسوط ماعرف يعبر عن اللي بداخله الا بهالكيكه !! سلطان استغرب لان الخبريه مااحد يعرف بها الا هو وامه حتى امه ماوصلت له الخبر .. نوال ..بسم الله من شوي كنت معنا ..بعدها اختفيت ..ورجعت محمل بهالكيكه ....وش السالفه ..؟؟ نواف ..وش سالفته ..؟؟الكيكه يبيلها مناسبه ..؟؟وشفيكم قلبتوا علي ..ماتبونهاعادي ارجعها وانتهى الموضوع ..؟؟ سلطان ..امش معاي ... نواف ..على وين ..؟؟ سلطان ..ابيك بكلمة راس .. نواف ..والكيكه ..؟؟ سلطان ..نواف ..عن الاستهبال وامش معاي .. نواف ..سم دخل نواف وسلطان المقلط وجلسوا يتكلمون بأمر جروح ..سلطان كان عنده احساس بان شي صاير وظنه ماخاب والله ان قلبي دليلي ..بس ليه سويت كذا ..؟؟ يوم علمتني امي ماقدرت اصبر ..قلت يمكن يكون هذا لي ااخر امل .. وكيف عرفت مكانه .. نواف ..اللي يسأل مايضيع ..انا لي معارف بكل مكان ..وهم اللي دلوني عليه.. سلطان ..وكيف قابلته.. نواف ..لاتذكرني .. سلطان ..ليه غلط عليك ..؟؟ نواف ..لو ماااني شاري جروح والله مااذل نفسي له ..عطاني من الكلام اللي يسم البدن ..بس تحملت وسكت علشان اوصل معاه لنتيجه.. سلطان انقهر من الكلام...وش تكلم عليك ..؟؟ نواف ماحب يتكلم.... كلام راح وبس ..وارجوك ياخالي سلطان لا تضغط علي اهم شي النتيجه .. سلطان..كم اخذ منك .. نواف ..فدا جروح.. سلطان ..يعني استغلك ..؟؟ نواف يحاول يتهرب من الجواب..اهم شي النتيجه!! سلطان ..عنيد...ههههههههههههه يالله تستاهلها ..وترى جهازها علي ..وعرسي وعرسك بيوم واحد.. انحرج نواف من الكلام ..ونزل راسه وهو مبتسم سلطان..ارفع راسك ..اشهد انك رجال ينشد الظهر بك .. نواف ..الله يخليك ياخالي .. سلطان ..اجل يله نروح لامك علشان تكلم سلوى وبنتها.. يله... دخلوا الصاله ولقوا نوال تكلم سلوى ومنهمكه بالسالفه ..ضحكوا على حالها وجلسوا جنبها ينتظرونها تسكر.. لما سكرت ..سألها سلطان عن اللي صار .. نوال .. ماتتصور وشلون كانت فرحتهم ..تخيلوا بالبدايه ماصدقوني حتى حلفت لهم ...قعدت سلوى المسكينه تبكي وتزغرط وتصرخ وتنادي بنتها ..والله اني سميت عليها .. سلطان ..يحق لها واللي جاها شوي .. نواف ..والبنت .. نوال ...يووووووووووه ماتتصور كيف فرحت ...الحمد لله اللي فرج لها هم مايحتمل... نواف انبسط من الكلام ..لاكنه انحرج يوم شاف الكل يطالعه وحب يصرف الموضوع...اقول كيكتي قطعوها ..!! ضحك الكل وامضوا ليله سعيده لاتنسى ..حتى عبدالله شاركهم فرحتهم بجو عائلي يملئه الحب والموده... .............................. .............................. .............................. .............................. ..........>>>>>>>>>> بالشرقيه وتحديدا الخبر الف الف الف مبروك يابنيتي قلت الصبر زين ومن صبر ظفر ...يالله لك الحمد ... جروح..الحمد لله يايمه احس نفسي مو مصدقه اللي صار ..كذا بلمحة بصر يتركني ..يمه احس اني احلم ام جروح ..يابعد عمري يابنيتي .. دخلت عليهم جدة جروح واللي كانت تتكي على العصا ..وتمشي حبه حبه على البركه وانا امك ..تستاهلين كل خير .. **قامت جروح وباست راس جدتها ..بعدها قربت لها الكرسي وساعدتها بالجلوس ** الجده ..الله يرضى عليك يابنتي ..ربيتي واحسنتي ياسلوى .. **ابتسمت سلوى من كلام امها ..** مشكوره يايمه هذي جروحه الغاليه..جروح حبيبتي روحي جيبي القهوه من تحت ونادي خالك سعد ..وخالك عمر تلقينهم بغرفهم (((عمر وسعد اخوان سلوى الصغار ..عزابيه ....سعد يشتغل مدرس مرحلة متوسط انسان جنتل وذوق وحنون لابعد حد...وعمر يشتغل بتجارة العود انسان موهوب وذكي بس عيبه ان نومه ثقيل.. اكثر ما يميزهم برهم العظيم لابوهم وامهم ..واحترامهم لاخواتهم واخوانهم والكل يشهد لهم بكذا ..حتى ان الله بارك لهم في دنياهم وصار الخير يجيهم من كل مكان ...))) راحت جروح لخالها سعد ولقته نايم ..حاولت تصحيه لاكن ماسمعها.. طلعت من الغرفه لاكنه ناداها قبل ماتطلع.. جروح تبين شي .. جروح..معليش ياخالي ازعجتك ..بس جدتي وامي بيتقهوون بغرفتنا انا وامي لان جدتي فيها ....قالوا لي اقومكم انت وخالي عمر علشان تتقهون معاهم.. سعد ..خلاص انا جايكم الحين.. طلعت جروح وراحت لغرفة خالها عمر لاكن لقت غرفته مقفله..حاوله تطق الباب بكل الطرق لاكن وكالعاده بدون فايده .. رجعت تبي تنزل للمطبخ لاكن خالها سعد ناداها .. تعالي ياجروح ابيك شوي .. راحت جروح له في غرفته .. سعد .. اسمحي لي شوي جروحه... بادخل اغسل وجهي وطالع لك .. **جلست جروح تتامل ترتيب غرفته وتنظيمه هذا غير الديكور والتناسق واللي ابرز الذوق وحسن الأختيار اللي اكتشفته في خالها** سعد وهو يمسح وجهه..اشوفك تتأملين بالغرفه عجبتك..؟؟ جروح..ايه والله ياخالي ..ماشاء الله عليك مافيه جزء من الغرفه الا وابرزت فيه شي حلو وجميل .. سعد ...لا مااقدر على الكلام الحلو ..ههههههههههه شكرا ياجروح بس يمكن تبالغين شوي هههههههههه جروح..لا والله ياخال ماابالغ ..بصراحه غرفتك مرررررررررره حلوه .. قام سعد وفتح الدرج المقابل وطلع منه ملف وكله اوراق ..طيب وبما انك عطيتيني رايك بغرفتي ابيك بعد تعطيني رايك بهذا .. ** مد لها الملف ..وجروح اخذته منه ** وش هذا يالخالي ..؟؟ سعد..افتحيه واقريه .. فتحته جروح وقرت ورقه ورقه ..كانت متعجبه ومذهوله من اللي كان مكتوب فيها ..معقوله ..كل هذا طيب وشلون ؟؟؟ سعد..احسن من ديكور الغرفه او لا ..؟؟؟هههههههههههههه جروح..خالي سعد انا موفاهمه شي .. سعد ..كل شي واضح ياجروح ومايحتاج شرح.. جروح ..بس وشلون ومن وين ..؟؟ ......................... وش تتوقعون يكون بهالاوراق ؟؟؟؟ طيب خمنوا شوي قبل ماتكملون واذا مستعجلين ... كملوا وفالكم طيب ههههههههههههههههههه .............................. ..............عدنا............ ................. سعد هههههههههههههههه ياحليلك ياجروح ..الموضوع ومافيه ان والدتك كان لها ارض كبيره بالخبر... شراها لها ابوي يوم كنا صغار ..كانت هذي الارض مع الاراضي اللي شراها لنا رخيييييييصه مره بذاك الوقت وموقعها حلو ومساحتها كبيره ...بما ان ابوي واللي هو جدك خبير بالاراضي وال**** حب انه ياخذها لنا واحد واحد.. وبعد مامرت الايام والشهور والسنين .. ولما زاد العمران ومخططات الاراضي.. بحثت البلديه عن اصحاب الاراضي حتى لقتنا ..الاراضي الحين تساوي اضعاف اضعاف اضعاف سعرها ..انا واخوي وباقي اخواتي بعنا اراضينا قبل كم سنه واخذنا نصيبنا ..اما امك سلوى هي الوحيده اللي رفضت بيعتها وقالت لي اكتبها بأسمك من دون مايدري ابوك بالموضوع.. جروح ..لي انا ؟؟بس امي ماعطتني خبر ..؟؟ سعد ..هي طلبت مني اتكتم على الموضوع الين يجي اليوم المناسب اللي اعلمك فيه ..وانا احس ان اليوم انسب وافضل يوم اقدر اكلمك عنها .. جروح..الارض انباعت الحين .. سعد ..ههههههههه ايه ...والارقام اللي قريتيها من شوي هو سعرها ..لان البلديه اجبرتنا نبيعها لانها اعاقت المد السكاني بحكم مساحتها الكبيره....و بما ان امك موكلتني على امرها فانا تصرفت فيها بموجب التوكيل حتى من دون ماااخذ رايها.. جروح بدهشه ؟؟اربع ملايين وسبع مية الف ...؟؟ سعد .وكسور بعد هههههه.. حلال زلال لك ولحالك !!! ***جروح ماقدرت تصدق وتستوعب الخبر*** ..اربع ملايين لي... سعد**يضحك على شكلها وهي مندهشه** ..ههههههههههههه وسبع مية الف ..بس ابيك توقعين على استلام المبلغ .. جروح..وامي عندها خبر .. سعد ..ايه وهي اللي بلغتني اعطيك اياها .. جروح ..احس اني احلم ..هذا ثاني خبر اليوم يجيني ..وكل واحد اكبر واغرب من الثاني .. سعد وهو يقرب لها الاوراق..الحمد لله ياجروح هذي نعمه من الله ..الحين انتي وقعي هنا **وأشر لها على المكان ** وخلينا ننزل تحت بيقولون تأخروا علينا .. جروح ..ان شاء الله ..***وقعت جروح الاوراق وهي بين تصديق وتكذيب ..بين رغبه بالضحك ورغبه بالبكاء ** نزلت جروح وراحت للمطبخ تجيب القهوه وهي شوي وتطير اما سعد..راح يقوم اخوه لان عنده مفتاح احتياط ..هم حاطينه لان نوم عمر ثقيل واحيانا تجي ظروف يحتاجونه فيه ...او احيانا يستدعي الوضع انهم يبون يتطمنون عليه بحكم الساعات الطويله اللي يقضيها بالنوم. >>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>> >>>>>>>> عمر ..عمر ..عمر ..يله قم الحين ... يوووووووووووووووووه وش تبي انت ليه فاتح علي الباب ؟؟؟ اقول قم خلصنا امنا واختي سلوى ينتظرونا ..**ويرمي عليه مخده كبيره كانت بالارض** لاحوووووووووووووووووووووو وووول اقول انت شكلك رايق ..سعد اطلع وانا الحقك .. لو بانتظرك والله ماتقوم ... والله بأقوم والله انا احلف ..بس شوي اطلع وبألحقك .. سعد..يعني طرده .. عمر ...ايه طرده بس اطلع ... طلع سعد وبعدها بشوي قام عمر واجتمع الكل في غرفة سلوى وبنتها وجلسوا يتقهوون ... الف مبروك ياجروح .على انك انعتقتي وعلى .الارض اللي جابت لها سعر خيالي .. الله يبارك فيك ياخالي والله الموضوعين فاجئوني ولا كنت بيوم احلم يصير لي كذا.. عمر ...احلى يالمليونيره ..والله ماحد قدك ههههههههههههههههه جروح...هههههههههههههه والله احس كل شعر جسمي طلع ..احس اني احلم .. ام جروح ...لا يايمه ماتحلمين ..جا الوقت اللي تستمتعين بحياتك وتودعين ايام الحرمان... جدة جروح ..الله يهنينك ببركتهم يابنيتي ..بس انتبهي لهم ..ولا تصرفين اي قرش الا بالحلال .. جروح ..اكيد ياجده ان شاء الله ..خالي عمر وخالي سعد اكيد ماراح يتركوني وبيساعدوني في استثمارها سعد ..ياقويه ..استثمار مره وحده ام جروح ..ههههههههههه وانتم تحسبون جروح سهله عمر ...هههههههههههه اقول مالك الا العود تعالي معاي بس سعد ..ماعليك منه شوفي اللي ودك فيه واحنا معاك .. ام جروح ..ماتقصرون والله ...ماقلت لكم ان سلطان عم جروح واخته وولدها بيجون بكره .. جروح انبسطت حيل لما سمعت بطاري اهلها وابتسمت ..شافها خالها عمر وعلق عليها شف البنات ...؟؟؟شف وشلون البنت فرحت لما سمعت طاري الحبايب **جروح استحت مره وماقدرت تقعد ..** عمر ..ياهووووووووووه يالخجل .. جدة جروح..اترك البنت بحالها لا تحرجها .. سعد ...ههههههههههههههه ياحليلها جروح تستحي ا جروح ..اكيد بتستحي مادام انكم استلمتوها ..المهم ..اقول لكم اهل جروح بيجون بكره يخطبون عاد ابيكم تستقبلونهم .. عمر ..اكيد ان شاء الله ..انتي بتنادين اخواني الباقين سالم وسليمان .. ا جروح ..انا دقيت عليهم وعطيتهم خبر وان شاء الله بيجون .. الجده ...الله يوفقها ان شاء الله ويسعدها .. ام جروح ..اللهم اامين .. تمت مراسم الخطبه واتحدد يوم الملكه بعدها بأسبوع ..جروح ونواف كانوا في قمة سعادتهم ..طبعا العائله اخذتها فرصه يطلعون مع بعض لشاطي الشرقيه ويستمتعون بالجو الساحر ليلا ..كانت العايلتين فرحانه ...حتى انهم ماحسوا بمرور الاسبوع ... طبعا جروح ونواف كانوا في عالمهم الثاني ..الكل منهم كانت الدنيا ماتوسعه فرح وسعاده ..الكل منهم ينتظر اليوم اللي يجتمعون فيه ببيت واحد.. حب صمد رغم كل الظروف ..حب جابه كل العقبات .. الحب الصادق ..الحب العفيف .. جا يوم الملكه..كان سلطان وعبدالله..وسعد وعمر الشهود على زواجها .. دخل عمر عليها علشان تتجهز بسرعه ..وتدخل على نواف.. ام جروح ..استنى شوي البنت ماسكتها نفاظه من قالوا لها انك تملكتي عليه ههههههههههههههههههه عمر ..هههههههههههههه ياحليلك ياجروح .. جروح ..تكفى ياخالي لا تقول شي ..احس ان خط ميتين وعشرين شابك على ظهري عمر وام جروح ..هههههههههههههههههههههههه عمر ..وش رايك اقول له يدخل هو..؟؟ جروح ..لالا لايجي .. عمر ..احلى يالدلع كل ذا ماتبين تتعبينه هههههههه **دخلت الجده وبيدها كاس مويه** بسم الله عليك يابنيتي الله يحرسك وش هالزين كله ..**ومدت لها كاس المويه ** جروح..كان ماتعبتي نفسك ياامي نوره الجده..اشربي هذي قرايه علشان تهدين شوي ..كلام الله يطمن القلب .. جروح ..ياحبي لك ياامي نوره **وقامت وحبت راسها** الجده ..تحبين الكعبه ..يله اذكري الله وادخلي بشوي شوي والله بيحرسك ان شاء الله ..بس انتي اذكري الله وماعليك خوف .. جروح حست انها هدت شوي علشان كذا قامت ومشت مع خالها للمجلس .. عمانها وخوالها كانوا مجتمعين لاكنهم راحوا للمجلس الثاني مع المملك علشان يعطون العريسين الحريه والخصوصيه .. فتح عمر الباب وتقدم ..كانت جروح وراه منزله راسها .. اول مارفعت راسها ..كانت عيون نواف بعيونها ..انبهر بالقمر اللي داخل عليه .. ياحبني لك دون كل المخاليق................ياللي تساوي كل شي بحياتي لاشفت زولك ينجلي عني الضيق................وان غبت عن عيني تزيد عبراتي دايم عيوني من فراقك غواريق ..................وطلعتك ترسم بسمتي في شفاتي الحب مفتاح القفول المغاليق...................... .وحبك دواي وفرحتي ياغناتي وقفت ..ماعرفت وش تسوي ..حست ان النفاضه رجعت لها من جديد ..نزلت راسها وجلست عند اقرب كرسي .. عمر ..ماودك تسلمين قبل ...؟؟؟ انحرجت جروح وماعرفت وش ترد عليه ....!!! نواف ..خلها على راحتها انا جايها .. اول ماسمعت جروح هالكلمه ..ارتعش كل جسمها ..وحست ان الدم جمد بعروقها .. عمر ..اجل اترككم الحين ..الف مبروك لكم جميع والله يوفقكم .. طلع عمر ..ونوااف قرب لها .. حست جروح ان قلبها بيطلع من مكانه .. نواف بكل هدوء وحنيه..مبروك علينا يالغاليه... جروح ماعرفت ترد..حاولت ان الكلمات تطلع بس مارضت.. نواف ..خايفه؟؟؟ جروح...**رفعت راسها والتقت العينين مره ثانيه لاكن هالمره غير..هالمره شافت حلمها ..حبها ..شوقها ..حنينها ..شوق الليالي ..والايام .. نواف حلم حياتها قدامها ..صار الحين زوجها ,,صار لها ولحالها ..ماهي مستوعبه الفرحه ..ماعرفت كيف تعبر ..الا بدمعه نزلت على خدها .. نواف ..ليه الدموع ياجروح ..؟؟ان ماغالطني احساسي اقول ان هذي دموع الفرح .. **نزلت جروح راسها وغمضت عينها شوي ..وتنهدت تنهيده قويه ..بعدها فتحت عينها ** نواف ..تبيني اطلع عنك ..؟؟اشوفك متوتره!! ماردت عليه وكان بنفسها ودها تصرخ وتقول اني اموت بقربك ..واني اسعد انسانه بهالوجود ..لاكن لسانها خانها ..والكلمات بعدت عنها .. **قام نواف ..وحب انه يطلع لان ماوده يحرجها اكثر ..هو يعرف بقرارة نفسه انها مبسوطه والدنيا مو واسعتها لاكنه بنفس الوقت لازم يحترم وضعها ..هو عارف انها ومن يومهم صغار أنها انسانه خجوله ..علشان كذا قام وراح للباب .. الف مبروك ياجروح ..انا بأكلم خالتي سلوى اسألها عنك ..انتي انتبهي لنفسك والف مبروك مره ثانيه .. **فتح نواف الباب وكان ناوي يطلع ..لاكنه سمع اندى واجمل واعذب صوت لقلبه,,,صوت حبه الاول والاخير يناديه** نواف ...نواف ..لاتروح.. ***التفت نواف لها بسرعه مو مستوعب ولا مصدق ** هلا يالغلا .. **كانت جروح مبتسمه وواقفه ...مدت يدينها ** ماسلمت عليك ..؟؟ ***نواف من فرحته ..اسرع لها ومسك يدينها وضمها ضمه قويه .. حتى هي ضمته ضم الشوق والحنين ..حتى انها بكت وبكا حتى نواف فرح وسعاده..التقت فيها الارواح قبل الاجساد.. ***.. ضويتي بخاطري شمعه..نسيت اني بوسط الناس.....................عيون ك هلت الدمعه..دلايل رهفة الاحساس.. صمتك حديث عيونك..وهمس الحكي بشفاتك ......................شفت الحياء من دونك...مخلوق في همساتك.. عيني على ماتنظره..فيك اشغلتني نظرتك ............................شو قي ترى مااقدره ..ساقني في طاعتك.. وقت مضى لايهمك..انتهى مع ناسه .............................. .واللي جذبني يمك ...يصعب علي قياسه.. تذكري بكره وبعد...للقاء وش ننتظر......................... ......ننتظر حلو الوعد...وبسعاده نستمر.. الف الف الف مبروك ياجروح.. جروح تمسح دموعها ... الله يبارك فيك يانواف .. نواف ..اخيرا اجتمعنا ولا فيه احد بالدنيا يقدر يفرقنا الا الموت .. جروح...بسم الله عليك يانواف .. نواف..تخافين علي ؟؟؟ جروح نزلت راسها..اكيد اخاف عليك !! بنفس الوقت كان عمر ينادي نواف من ورا الباب.. عمر ..يله يابو الشباب خالك سلطان وعبدالله ينتظرونك .. نواف بصوت عالي ..ان شاء الله جاي ثواني .. التفت على جروح..عاد ابيك تنتبهين لنفسك الحين انتي حلالي ولا ابي اي شي يجيك ..انا ماشي الليله للرياض مضطر لان اجازتي بتنتهي بكره ..قبل ما اروح بامر عليك اعطيك شريحة جوال وجهاز جوال جديد علشان نبقى متواصلين .. جروح ..مشكور ماتقصر.. نواف ..العفو.. انتي تستاهلين الدنيا كلها .. جروح ...مشكور يانواف يعطيك العافيه .. نواف ..الله يعافيك ..انتبهي علي لاني ماتحمل هالكلام الحلو ... **ضحكت جروح على كلامه** طيب ..انتبه لنفسك من الطريق.. نواف ..من عيوني ..يله استأذن الحين .. طلع نواف وجروح ماطاحت عينها عنه كانت مبسوطه والبسمه مافارقتها .. بعد ماطلع دخلت على امها وجدتها بشكل ثاني غير عن اللي تركتهم عليه ..ام جروح والجده لاحظوا هالشي وانبسطوا مره ان بنتهم سعيده مع اللي اختاره قلبها .. ومثل ماوعد نواف ..مرعليها وعطاها الجهاز وفيها شريحة جوال ..بقوا من بعدها على اتصال بالليل وبالنهار ..اول مايصحى وقبل ماينام .. حتى جروح تعودت عليه ..لانه وبأسلوبه قدر يقربها له ويكسر كل الحوجز اللي بينهم .. جروح كانت تحس معاه بالامان ..كانت لما تسمع صوته تنسى الدنيا باللي فيها ..كانت تتنتظر اتصاله وكل مره يزيد شوقها عن اليوم اللي قبله كان يستشيرها بكل شي ..من ديكور البيت ..للون غرفة النوم ..وكل صغيره وكبيره ببيتهم الصغير .. هالشي رجع لجروح ثقتها بنفسها اللي فقدتهاعلى مر السنين .. حست فيه انها صارت انسانه لها اهميتها ولها كيانها .. .............................. .............................. .............................. .............................. .................... عسى الجزء اعجبكم ... ان شاءالله يارب تحياتي يالغاليات اختكم رجـــــــــــــــــــــــ ـاوي | ||||||||
|
| |
|
17-12-13, 08:29 AM
| #18 | ||||||||
| مراقبة عامة ومشرفة منتدى الروايات المنقولة
| الجزء الثاني عشر ...تتمه <<<<<<<<<<<<<<<<<<<<<<<<<<<<<<<<<<<<<<<<<<<<<<<< < جروح..السلام عليكم.. اول ماشافها عبدالاله..انبهر على نعومتها واناقتها ..غير كذا شعرها اللي لفته امها لها بطريقه فاتنه فتنت عيون عبد الاله لها.. ابوجروح.. مدي يدك وصافحيه هذا زوجك.. جروح كانت منزله راسها لاكن من بعد ماقال لها ابوها هالكلمه ارتفع نظرها اللي طاحت على عيون عبدالاله وشافت فيه نظرة الانتصار...ثم رجعت ونزلت راسها بدون اي كلام... ابوجروح يحاول يغطي حركة بنته..معليش البنت تستحي .**بعدها التفت على بنته**..اقول مدي يدك خلصينا... عبدالاله باستهتار..معليش ياخال .....خلها على راحتها... جلست جروح على الكنبه المقابله لعبدالاله على حسب توجيه ابوها... عبدالاله ..الف مبروك ياقمر... وش هالزين كله ..وش هالحلا؟؟!! طبعا جروح ماردت ...لاكن ابوها رد بسرعه..الله يبارك فيك وان شاء الله تعيشون حياه سعيده.. **جروح تهمس بصوت سمعه ابوها بس.**.امي ابيها تعيش معاي... ابوجروح...سكري على الموضوع الحين ماينفع.. عبدالاله..وش بغت ياخال ماسمعتها..؟؟؟ ابوجروح..لا لا مابغت شي.. جروح..الا بغيت ..امي ابيها تعيش معاي.. تفاجأ الجميع على جرأتها بالحكي حتى ان ابوها بغى يقوم عليها يضربها.. عبدالاله مسكه بسرعه..وقف وقف لاتنسى تراها زوجتي ولا ارضى عليها.. قامت جروح بتطلع لاكن عبدالاله ناداها.. جروح حبيبتي.. طالعته جروح بكل استغراب على وقاحته اللي مالها مثيل..حتى ان ابوها استغرب وجلس يناظر فيه؟؟ عبدالاله..وشفيكم متعجبين؟؟؟جروح صارت زوجتي..وانا احب انادي زوجاتي باحلى الالفاظ..!!!! .شوفي يالغاليه..ادري ان اعمارنا انا وياك متباعده شوي..لاكن وللذمه والضمير بأقولك ان ابوك بايعك علي بيع بقيمة شيك كان بيكلفه حياته لوقضاها بالسجن.. جروح طارت عيونها ونست الحياء والتفتت على ابوها.. وش قال يبه ...بايعني بشيك ..؟؟ عبدالاله مستهتر..ايه.... بقيمة اربعين الف..متسلفها مني وكل ماقلت له قال اصبرعلي شوي الين جيتي ببالي.. جروح باستغراب وهي تناظر ابوها ولا فكرت تلتفت على عبدالاله..صرت صفقه بيدك ياابوي ..؟؟؟؟؟ ابوجروح ماقدر يتكلم..نزل راسه لانه ماكان متوقع ان عبدالاله يغدر به ويفضحه.. يبه ارجوك فهمني ..؟؟؟؟ ابوجروح..ادخلي عند امك وانتي ساكته.. دخلت جروح وهي منبهره ..مصدومه..متعجبه ...حزينه... ضايقه... والدمعه بعينها وبراسها الف سؤال وسؤال .. استقبلتها امها... ولما شافت وجهها متغير واسود انهبلت.... وقالت..جروح وش فيك وجهك اسود..بعدين ليه كل هالدموع..؟؟ جروح ماجاوبتها وهو اللي زاد من توتر امها .. يمه ردي علي..تراني ماعاد اتحمل ..**مسكت راسها لان الدنيا لفت بها وقعدت على الكنبه ** **راحت لها جروح بسرعه وجلستها على الكنبه**يمه بسم الله عليك معليش لاتواخذيني اللي فيني شي ما يتصدق...شفتي ابوي ..صار مزوجني لعبدالاله علشان يسدد دينه تخيلي .. ***ام جروح ماااستوعبت الكلام لانه اكبر من ان الواحد يستوعبه.***.وش قلتي ؟؟دين ... جروح ..شفتي عاد يمه ..وش اقول وش احكي ..ابوي يبيعني ..!!! ام جروح شوي وتنهار..وصلت معاه المواصيل لهالدرجه ..طيب انتي وشلون عرفتي؟؟؟؟ جروح..من اللي مايتسمى ..بكل وقاحه وقلة ادب ..وكأنه يقول انك مثل اي بضاعه تباع وتشترى ..يعني افهميها مالك قدر عند اهلك .. ام جروح..وشلون بيعرف قدرك وبيحترمك ,,اذا رحتي عنده مادام ذي اولها.....؟؟؟ جروح..يالله... عقلي بيطيرمن راسي وش السواة الحين ..ياربي وش اسوي وش الدبره يايمه ..؟؟؟ ام جروح ماتدري وش تقول..يدبرها اللي ماتنام عينه ..الكريم .. جروح..طيب وش رايك اكلم عمي سلطان واقول له..!! ام جروح..ياذا العم اللي ماتهنى ..كل ماغاب شوي رجع لنا بمشكله جديده.. جروح..مالنا الا الله ثم هو ..وش اسوي ؟؟ ام جروح..ومتى بتكلمينه..؟؟ابوك اربع وعشرين ساعه بيكون بالبيت ..واكيد ماراح يرضى يستقبله بالبيت.. جروح..اكيد بينام ..وبوقت نومه ادق عليه.. ام جروح..وان رفع السماعه وسمع الحكي ..وسوى لنا سالفه...!!!!!! جروح..يسوي اللي يسوي ..ماعاد بقى شي اعظم من اللي سواه بي.. ام جروح..يابنيتي سوي اللي تبينه ....انا خلااااااااااااااااااااااا اااص مخي انشل من كثر التفكير..!!!الحين عبدالاله ماراح.. جروح..مااادري عنه ..بعدماطلعني ابوي ماعاد ادري عنه.. ام جروح..طيب وش حسيتي به يوم دخلتي عليه؟؟؟ جروح..اكذب عليك يايمه ان قلت اني حسيت بشي ..ماحسيت الا بالخوف اني قدام رجال غريب ... بس ابدا ماحسيت اني زوجته..بالعكس الا كارهته مره ..وزاد كرهي وحقدي عليه بعد ماقال لي الكلام اللي ماينقال عن ابوي ..والله حسيت باستهتاره وانتقاصه لي ..شي بحياتي ماسمعت ولاشفت مثله ... ام جروح ماعلقت على الموضوع.. بعد خمس دقايق دخل ابو جروح عليهم وبيده صينية العصير..وهو يناظر بجروح نظرة القهر اقسم بالله لو انه ماحلف علي وقال ماالمسك كان مردغتك بالارض وخليتك تنسين اسمك ياقليلة الحيا.. ام جروح وصلت حدها وماقدرت تسكت ..اقول يامحمد طفح كيلي منك ومن تصرفاتك معانا ....انت ماتخاف ربك ..خاف الله فينا..انت ماتحس ولا ترحم ..ماتخاف الله يبلاك ويرجع مرضك .. ابوجروح كان معصب من الاساس..هو كان ناوي على جروح ..لاكن كل غضبه وحقده حطه على ام جروح ..اولها عطاها كف بأقوى ماعنده لف منها وجهها ..طاحت منها على الارض وكمل عليها برجله رجف وضرب .. جروح ومن الصدمه وقفت تناظر وهي تصرخ..حراااااااام عليك يالظالم حرااام ماحست بنفسها الا وهي تدف ابوها بأقوى ماعندها وكأن كل القوى اجتمعت معها علشان امها .. ام جروح من شدة الضرب ومن الصدمه اللي جتها غير الهموم اللي تكالبت عليها ..ماوعت بنفسها الا بغرفة العنايه المشدده وجنبها بنتها تبكي وتنادي عليها ..وبجنبها نوال تحاول تهديها ..وسلطان اللي كان واقف بعيد يتهدد ويتوعد .. .............................. .............................. .............................. ....................... سلطان ..حسبي الله ونعم الوكيل عليه..وصلت فيه المواصيل يوصل الضعيفه للعنايه ..اقسم بالله ان سألوني الشرطه لاعلمهم باللي صاير بالتفصيل وخلهم يسوون اللازم .. نوال ..استهد بالله ياسلطان ..انت عارف محمد اطول مننا نفس ..وترى اللي بيروح فيها جروح وامها ..فلا تتعجل وانا اختك .. سلطان معصب واصله حده..يوم سكتنا ..وين صرنا عليه !!! ..البنت تملكت والام بالعنايه !!!..والله لو اننا مدخلينه السجن يوم يضرب بنته ذاك المره كان تعدل ..!!هذا ماينفع معاه الا الشده ..هو شافنا ساكتين عنه قال هذولا خايفين مني .. نوال ماعاد عرفت تتكلم ..اقول هذا ام جروح احس انها وعت . .دخلت عليها نوال اما سلطان فانسحب وطلع من الغرفه عند نواف .. >>>>>>>>>>>>>>>>>>>>>> نواف ..هااه بشر ياخال عساها صحت .. سلطان وكأنه هدأ شوي .. ااااه وبس والله العظيم ان هالحرمه ماتستاهل اللي يجيها ..والله انه مايستاهلها..بس وش نقول ..؟؟ نواف ..القدر والنصيب .. سلطان ..على قولتك ..امك قبل مااطلع من عندهم تقول ..انها شافتها بدت تصحصح الحمد لله نواف.. الحمد لله هواللي جاها شوي .. سلطان ..والله يوم اننا ننقلها قلت الحرمه ميته ..بس ربك اللي ستر .. نواف ..انا ماسمعت التليفون يدق!!! وانا كل ذاك الوقت بالبيت.. سلطان ..لاهي دقت على جوالي ورديت عليها بسرعه ..والله يانواف اني انهبلت يوم سمعتها تقول الحق على امي ماتت.. نواف ..طار عقلها الضعيفه.. سلطان..الله يخلف عليها يوم ملكتها يكون اسوأ يوم في حياتها .. نواف ماعلق لانه حس ان الوضع شوي حساس خصوصا من طرفه.. سلطان ..اقول وش رايك ننزل للبقاله احس اني عطشان وودي اشرب لي عصير .. نواف مشينا .. .............................. ............. في غرفة العنايه ..صحت ام جروح ودمعتها على عينها واللي تقطع منه قلب نوال وجروح.. جروح..الحمد لله على سلامتك يايمه ..ياليت اللي جاك كان فيني ... نوال ..لا فيك ولا فيها .. جروح..فيني ياعمه ولا في امي ..***وجلست تبكي لانها طول الوقت كانت كاتمه وماطلعت اللي بخاطرها *** ضمتها نوال وهي تحاول تهديها .. نوال ..جروح اذكري الله ولا تزودينها على امك ترا اللي فيها كافيها .. جروح..انا دقيت على خوالي وهم جايين ان شاء الله اليوم ...خليهم يتفاهمون معاه ..لاني ماعاد اتحمل اخبي عنهم اكثر .. نوال ..ليه ياجروح..؟؟؟الحين بيصير كل الحمل عليك والله انه راح يحرمك من امك .........هو من سنين وهو حالف على امك انها ماتدخل اهلها في حياتها .. جروح..محرجها هي مو انا ..ياعمتي نوال ..الى متى وانا صابره وساكته ؟؟..الى متى واحنا نقول بكره بكره ؟؟..خلاص ياعمتي لكل شي له حد على مايقولون ..!!! نوال..والله انك صادقه .. جروح..شوفي ياعمه ابوي الظالم وش مسوي بأمي الضعيفه..**وهي تأشر على وجهها ويدها اليسرى ..ورجلينها *** نوال تأثرت من المنظر ..اعوذ بالله كل ذا !!!!طيب وش الداعي اللي خلاه يسوي كل ذا ..؟؟ تخيلي ياعمتي نوال ..وبعد ماتملكت على عبدالاله ..اكتشف ان زواجي تسديد دين !!! تفاجات نوال من هالكلام لان ااخر شي تتخيله من اخوها ان توصل فيه المواصيل يبيع بنته!!! نوال ..صدق والله ؟؟؟؟لا مااصدق ...مستحيل...!!!! جروح..وش الداعي اني اكذب ياعمه..؟؟ نوال ..انا ماقلت يابنت اخوي انك تكذبين حاشاك والله ..بس هالشي ماينتصدق ..اعوذ بالله ولا في الافلام ؟؟ جروح..اصلا حياتنا مع ابوي صايره زي الفلم الله يخلف علينا !!! دخلت الممرضه عليهم واخذت قياس الضغط والحراره من ام جروح وطلبت من جروح وعمتها يطلعون لان وقت الزياره انتهى .. ام جروح كانت ساكته وماخذه دور المتفرج لان الصدمه والضربه منعتها من الكلام ..وعلى حسب كلام الدكتور اللي سألته جروح ......ان الحاله اللي فيها مؤقته وراح تزول بعد ايام .. جروح ماقدرت تنام ذيك الليله من البكا والخوف ..كانت تبكي على الحال اللي هي وامها فيها ..غير كذا كانت خايفه ان ابوها يدخل عليها بأي لحظه ويسوي اللي سواه بأمها .. عمتها ماخلتها لحالها وباتت عندها ذيك الليله... ابوجروح ومن بعد ماضرب ام جروح طلع من البيت وراح لبيته الثاني بدون ماتاخذه الرحمه او الشفقه ..كان قلبه قاسي مثل الحجر ..كله ظلم وطغيان وسيطره ...هذا غير ضعف الوازع الديني اللي يجي في المرتبه الاولى.. طبعا اخوال جروح اللي في الشرقيه ثارت ثورتهم من الوضع اللي كانت عليه اختهم وبنت اختهم حتى انهم توعدوا محمد وقالو انهم لازم يحطون للامر حد..لان اللي سواه فيهم اكبر من ان يسكت الواحد عنه.. الخبر وصل محمد واللي بدوره حجز على اقرب رحله لدبي وسافر بحجة انه بيغير جو وبياخذها فترة نقاهه.. طبعا ليلي زوجته مامشت عليها هذي الحركه لاكنها مشتها هالمره بدون اي سؤال ..لان زوجها مايهمها ...غير كذا طلبت منه الطلاق ..وان صح التعبير نقول انها اجبرته يطلقها ..وطردته من بيتها شر طرده. من جهه ثانيه ... طلعت ام جروح من العنايه وبقت بالغرفه اسبوع ..جا بعدها اخوانها واخذوها هي وبنتها للشرقيه حتى يحافظون ولو على جزء بسيط من كرامتهم الضايعه.. كانت جروح مبسوطه حيل لانها تشوف نفسية امها تعدلت بشكل ملحوظ...كانت تشعر بالامان لانها بين اهلها وسندها غير بعدها عن مصادر شقاها وحزنها .. .............................. .............................. .............................. . وبمكان ثاني.. نوال حكت لولدها وسلطان عن سالفة الدين اللي كان على محمد..وكانت ردة فعلهم قويه تجاه هالوضوع..لان المسأله تعدت انه كبير بالسن الى بيع كرامته لواحد مايستاهلها.... سلطان ..ايا الجبان ..يبيع بنته ويملكها على الرجال وينحاش .. نواف ..انحاش ؟؟ سلطان ..اجل وش تفسر سفرته بهالوقت بعد ماخرب الدنيا .. نوال ..واهل سلوى اللي قالبين عليه الدنيا؟؟؟ سلطان ..يالله ..الى متى واحنا بالمشاكل والله الواحد زهق من حياته.. نوال..اللي عرفته من جروح انها وامها راحوا للشرقيه .. سلطان ..والله انا مااقدر اتصرف بأي شي ..محمد حطنا بموقف مع الناس لايحسد عليه ..حتى والله اني ناوي اضيفهم ببيتي واسوي اللازم بس مالي وجه.. نوال ..انت مالك دخل ياوخيي ورايتك بيضاء نواف ..طيب خالتي ام جروح وش صار عليها ؟ نوال ..لا يقولون الحمد لله صحتها بالعلالي .. سلطان ..وجروح ماعلمت الشرطه عن السبب!! نوال ..لا ماعلمتهم..والله البنت فيها الخير اكثر من ابوها ...بصراحه التربيه لها دور .. سلطان ...ماشاء الله خلق وفرق..يجي يشوف ويقارن ..بينها وبين بناته الثانيات اللي مافيهم خير .. كان لهالسالفه اثر كبير في نفسية نواف اللي قرر منها ياخذ دور الفارس المنقذ.. ........................... بعد السالفه ذيك بثلاث ايام .. كان سلطان يفطر مع اخته وولد اخته وهم يسولفون رن جواله فجأه.. قطع سلطان كلامه وهو يشوف الرقم !! كان الرقم غريب عليه ..وماحصل انه شافه من قبل ..لاكنه فضل انه يشوف لمين عن الانتظار والتفكير؟؟؟ الو .. الو السلام عليكم .. وعليكم السلام من معاي؟؟ هلا سلطان وش اخبارك ..؟؟ سلطان كان مستغرب من الصوت...ولا رد..من معاي ..؟؟ اكيد ماراح تعرفني هذا اول مره اكلمك.. على الرغم اننا اهل ونسايب .. من هالكلمه عرف سلطان من يكون ...علشان كذا قام من مكانه حتى ان نوال ونواف خافوا من المكالمه ..لان وجه سلطان تغير تغيير جذري .. دخل سلطان المجلس وسكر عليه الباب .. نعم وش تبي ؟؟البنت واخذتها بدون علمنا وبدون موافقتها ..واخر شي يصير تسديد دين ..انت ماتخاف الله..واحد كبر ابوها او جدها وياخذ بنت توها بعمر احفاده .. عبدالاله حب يعلق ..لاكن سلطان ماعطاه فرصه.. انت ماتخاف الله ... ..البنيه ضعيفه مالها حول ولا قوه ..استغليت دين ابوها علشان تاخذها وتلعب بها وترميها .. عبدالاله هنا ثارت ثورته ..شف اقول لك انا مااحب اطول مع اجناس زيك .. سلطان ..اجناس ..الله الله الله ..اذا احنا اجناس ماتجوز لك اجل انت وش تصير .. عبدالاله ..يالله ..شف هي كلمه ورد غطاها ..ترا البنت طلقتها وورقتها بتوصلها .. سلطان انصدم ..سكت وماعرف يعلق .. عبدالاله ..البنت عندكم وانا في محلي ..خلاص اللي بيننا انتهى .. سلطان مايدري يفرح على انها انعتقت منه او انه يزعل انه بينزل سمعتها بالارض من كلام الناس عنها .. سلطان ..طيب ممكن اعرف وش السبب ..؟؟ عبدالاله ..نصيب .. سلطان ..نصيب ..ليه وبنات الناس لعبه لك ..تتزوج وتطلق بيوم .. عبدالاله ..الكلام وصلك وانا ماعندي كلام اكثر .. سكر عبدالاله السماعه من دون حتى ماينتظر منه رد .. سلطان ماوسعته الدنيا فرح لبنت اخوه ..دخل بسرعه على نوال .. نوال ..نوال ..نوال نوال جمد الدم بعروقها وتوقعت ان سلوى صار فيها شي ..وش فيك عسى ماشر ..سلوى فيها شي ..؟؟ سلطان ..لا وين انا ووين سلوى تعرفين اني مااخذ اخبارها الا منك ؟؟ نوال ..قلت يمكن هالرقم الغريب اللي جاك من احد اهلها .!!!! سلطان ..وين نواف..؟؟ وش تبي بنواف ..علمني تراك اكلت قلبي ..بسرعه تراني بديت اتنافض .. سلطان ..جروح .. نوال ..وش فيها ..؟؟بعدين وش دخل نواف بها ؟؟؟ سلطان .وشلون وش دخله ...!!!!.بنزوجها له !! نوال ..انت صاحي ..سلطان فهمني ..؟؟؟ سلطان ..والجهاز مني ولا ابي من ولدك يدفع ولا ريال ..؟؟ نوال ..لا انت اكيد فيوزك ضربت .. سلطان ..لا والله الا فرحان ومتشقق ومستااااااااااااااااااااا اااان س نوال ..طيب اقعد الحين وفهمني حبه حبه ...!! سلطان ..ابشري وجلس يعلمها باللي صار .. نوال ماعرفت تعبر عن فرحتها الا انها جلست تبكي .. سلطان ..الحين دقي على سلوى وبلغيها عن كل شي ..وقولي لها اننا جايينهم خطاب.. نوال جلست تحمد ربها ان الله فرج لجروح وولدها فرج من دون مايعرفون به ..لاكنه الله سبحانه فارج كل هم وضيق .. نواف لما دخل البيت كان جايب معها كيكه كبيره وبيده الثاني عصيرات من كل شكل .. اول ماشافوها سلطان ونوال تعجبوا .. نواف ..مرحبا .. نوال ...مرحبتين ..وش هالدنيا كلها .. نواف ..انسان مبسوط ماعرف يعبر عن اللي بداخله الا بهالكيكه !! سلطان استغرب لان الخبريه مااحد يعرف بها الا هو وامه حتى امه ماوصلت له الخبر .. نوال ..بسم الله من شوي كنت معنا ..بعدها اختفيت ..ورجعت محمل بهالكيكه ....وش السالفه ..؟؟ نواف ..وش سالفته ..؟؟الكيكه يبيلها مناسبه ..؟؟وشفيكم قلبتوا علي ..ماتبونهاعادي ارجعها وانتهى الموضوع ..؟؟ سلطان ..امش معاي ... نواف ..على وين ..؟؟ سلطان ..ابيك بكلمة راس .. نواف ..والكيكه ..؟؟ سلطان ..نواف ..عن الاستهبال وامش معاي .. نواف ..سم دخل نواف وسلطان المقلط وجلسوا يتكلمون بأمر جروح ..سلطان كان عنده احساس بان شي صاير وظنه ماخاب والله ان قلبي دليلي ..بس ليه سويت كذا ..؟؟ يوم علمتني امي ماقدرت اصبر ..قلت يمكن يكون هذا لي ااخر امل .. وكيف عرفت مكانه .. نواف ..اللي يسأل مايضيع ..انا لي معارف بكل مكان ..وهم اللي دلوني عليه.. سلطان ..وكيف قابلته.. نواف ..لاتذكرني .. سلطان ..ليه غلط عليك ..؟؟ نواف ..لو ماااني شاري جروح والله مااذل نفسي له ..عطاني من الكلام اللي يسم البدن ..بس تحملت وسكت علشان اوصل معاه لنتيجه.. سلطان انقهر من الكلام...وش تكلم عليك ..؟؟ نواف ماحب يتكلم.... كلام راح وبس ..وارجوك ياخالي سلطان لا تضغط علي اهم شي النتيجه .. سلطان..كم اخذ منك .. نواف ..فدا جروح.. سلطان ..يعني استغلك ..؟؟ نواف يحاول يتهرب من الجواب..اهم شي النتيجه!! سلطان ..عنيد...ههههههههههههه يالله تستاهلها ..وترى جهازها علي ..وعرسي وعرسك بيوم واحد.. انحرج نواف من الكلام ..ونزل راسه وهو مبتسم سلطان..ارفع راسك ..اشهد انك رجال ينشد الظهر بك .. نواف ..الله يخليك ياخالي .. سلطان ..اجل يله نروح لامك علشان تكلم سلوى وبنتها.. يله... دخلوا الصاله ولقوا نوال تكلم سلوى ومنهمكه بالسالفه ..ضحكوا على حالها وجلسوا جنبها ينتظرونها تسكر.. لما سكرت ..سألها سلطان عن اللي صار .. نوال .. ماتتصور وشلون كانت فرحتهم ..تخيلوا بالبدايه ماصدقوني حتى حلفت لهم ...قعدت سلوى المسكينه تبكي وتزغرط وتصرخ وتنادي بنتها ..والله اني سميت عليها .. سلطان ..يحق لها واللي جاها شوي .. نواف ..والبنت .. نوال ...يووووووووووه ماتتصور كيف فرحت ...الحمد لله اللي فرج لها هم مايحتمل... نواف انبسط من الكلام ..لاكنه انحرج يوم شاف الكل يطالعه وحب يصرف الموضوع...اقول كيكتي قطعوها ..!! ضحك الكل وامضوا ليله سعيده لاتنسى ..حتى عبدالله شاركهم فرحتهم بجو عائلي يملئه الحب والموده... .............................. .............................. .............................. .............................. ..........>>>>>>>>>> بالشرقيه وتحديدا الخبر الف الف الف مبروك يابنيتي قلت الصبر زين ومن صبر ظفر ...يالله لك الحمد ... جروح..الحمد لله يايمه احس نفسي مو مصدقه اللي صار ..كذا بلمحة بصر يتركني ..يمه احس اني احلم ام جروح ..يابعد عمري يابنيتي .. دخلت عليهم جدة جروح واللي كانت تتكي على العصا ..وتمشي حبه حبه على البركه وانا امك ..تستاهلين كل خير .. **قامت جروح وباست راس جدتها ..بعدها قربت لها الكرسي وساعدتها بالجلوس ** الجده ..الله يرضى عليك يابنتي ..ربيتي واحسنتي ياسلوى .. **ابتسمت سلوى من كلام امها ..** مشكوره يايمه هذي جروحه الغاليه..جروح حبيبتي روحي جيبي القهوه من تحت ونادي خالك سعد ..وخالك عمر تلقينهم بغرفهم (((عمر وسعد اخوان سلوى الصغار ..عزابيه ....سعد يشتغل مدرس مرحلة متوسط انسان جنتل وذوق وحنون لابعد حد...وعمر يشتغل بتجارة العود انسان موهوب وذكي بس عيبه ان نومه ثقيل.. اكثر ما يميزهم برهم العظيم لابوهم وامهم ..واحترامهم لاخواتهم واخوانهم والكل يشهد لهم بكذا ..حتى ان الله بارك لهم في دنياهم وصار الخير يجيهم من كل مكان ...))) راحت جروح لخالها سعد ولقته نايم ..حاولت تصحيه لاكن ماسمعها.. طلعت من الغرفه لاكنه ناداها قبل ماتطلع.. جروح تبين شي .. جروح..معليش ياخالي ازعجتك ..بس جدتي وامي بيتقهوون بغرفتنا انا وامي لان جدتي فيها ....قالوا لي اقومكم انت وخالي عمر علشان تتقهون معاهم.. سعد ..خلاص انا جايكم الحين.. طلعت جروح وراحت لغرفة خالها عمر لاكن لقت غرفته مقفله..حاوله تطق الباب بكل الطرق لاكن وكالعاده بدون فايده .. رجعت تبي تنزل للمطبخ لاكن خالها سعد ناداها .. تعالي ياجروح ابيك شوي .. راحت جروح له في غرفته .. سعد .. اسمحي لي شوي جروحه... بادخل اغسل وجهي وطالع لك .. **جلست جروح تتامل ترتيب غرفته وتنظيمه هذا غير الديكور والتناسق واللي ابرز الذوق وحسن الأختيار اللي اكتشفته في خالها** سعد وهو يمسح وجهه..اشوفك تتأملين بالغرفه عجبتك..؟؟ جروح..ايه والله ياخالي ..ماشاء الله عليك مافيه جزء من الغرفه الا وابرزت فيه شي حلو وجميل .. سعد ...لا مااقدر على الكلام الحلو ..ههههههههههه شكرا ياجروح بس يمكن تبالغين شوي هههههههههه جروح..لا والله ياخال ماابالغ ..بصراحه غرفتك مرررررررررره حلوه .. قام سعد وفتح الدرج المقابل وطلع منه ملف وكله اوراق ..طيب وبما انك عطيتيني رايك بغرفتي ابيك بعد تعطيني رايك بهذا .. ** مد لها الملف ..وجروح اخذته منه ** وش هذا يالخالي ..؟؟ سعد..افتحيه واقريه .. فتحته جروح وقرت ورقه ورقه ..كانت متعجبه ومذهوله من اللي كان مكتوب فيها ..معقوله ..كل هذا طيب وشلون ؟؟؟ سعد..احسن من ديكور الغرفه او لا ..؟؟؟هههههههههههههه جروح..خالي سعد انا موفاهمه شي .. سعد ..كل شي واضح ياجروح ومايحتاج شرح.. جروح ..بس وشلون ومن وين ..؟؟ ......................... وش تتوقعون يكون بهالاوراق ؟؟؟؟ طيب خمنوا شوي قبل ماتكملون واذا مستعجلين ... كملوا وفالكم طيب ههههههههههههههههههه .............................. ..............عدنا............ ................. سعد هههههههههههههههه ياحليلك ياجروح ..الموضوع ومافيه ان والدتك كان لها ارض كبيره بالخبر... شراها لها ابوي يوم كنا صغار ..كانت هذي الارض مع الاراضي اللي شراها لنا رخيييييييصه مره بذاك الوقت وموقعها حلو ومساحتها كبيره ...بما ان ابوي واللي هو جدك خبير بالاراضي وال**** حب انه ياخذها لنا واحد واحد.. وبعد مامرت الايام والشهور والسنين .. ولما زاد العمران ومخططات الاراضي.. بحثت البلديه عن اصحاب الاراضي حتى لقتنا ..الاراضي الحين تساوي اضعاف اضعاف اضعاف سعرها ..انا واخوي وباقي اخواتي بعنا اراضينا قبل كم سنه واخذنا نصيبنا ..اما امك سلوى هي الوحيده اللي رفضت بيعتها وقالت لي اكتبها بأسمك من دون مايدري ابوك بالموضوع.. جروح ..لي انا ؟؟بس امي ماعطتني خبر ..؟؟ سعد ..هي طلبت مني اتكتم على الموضوع الين يجي اليوم المناسب اللي اعلمك فيه ..وانا احس ان اليوم انسب وافضل يوم اقدر اكلمك عنها .. جروح..الارض انباعت الحين .. سعد ..ههههههههه ايه ...والارقام اللي قريتيها من شوي هو سعرها ..لان البلديه اجبرتنا نبيعها لانها اعاقت المد السكاني بحكم مساحتها الكبيره....و بما ان امك موكلتني على امرها فانا تصرفت فيها بموجب التوكيل حتى من دون ماااخذ رايها.. جروح بدهشه ؟؟اربع ملايين وسبع مية الف ...؟؟ سعد .وكسور بعد هههههه.. حلال زلال لك ولحالك !!! ***جروح ماقدرت تصدق وتستوعب الخبر*** ..اربع ملايين لي... سعد**يضحك على شكلها وهي مندهشه** ..ههههههههههههه وسبع مية الف ..بس ابيك توقعين على استلام المبلغ .. جروح..وامي عندها خبر .. سعد ..ايه وهي اللي بلغتني اعطيك اياها .. جروح ..احس اني احلم ..هذا ثاني خبر اليوم يجيني ..وكل واحد اكبر واغرب من الثاني .. سعد وهو يقرب لها الاوراق..الحمد لله ياجروح هذي نعمه من الله ..الحين انتي وقعي هنا **وأشر لها على المكان ** وخلينا ننزل تحت بيقولون تأخروا علينا .. جروح ..ان شاء الله ..***وقعت جروح الاوراق وهي بين تصديق وتكذيب ..بين رغبه بالضحك ورغبه بالبكاء ** نزلت جروح وراحت للمطبخ تجيب القهوه وهي شوي وتطير اما سعد..راح يقوم اخوه لان عنده مفتاح احتياط ..هم حاطينه لان نوم عمر ثقيل واحيانا تجي ظروف يحتاجونه فيه ...او احيانا يستدعي الوضع انهم يبون يتطمنون عليه بحكم الساعات الطويله اللي يقضيها بالنوم. >>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>> >>>>>>>> عمر ..عمر ..عمر ..يله قم الحين ... يوووووووووووووووووه وش تبي انت ليه فاتح علي الباب ؟؟؟ اقول قم خلصنا امنا واختي سلوى ينتظرونا ..**ويرمي عليه مخده كبيره كانت بالارض** لاحوووووووووووووووووووووو وووول اقول انت شكلك رايق ..سعد اطلع وانا الحقك .. لو بانتظرك والله ماتقوم ... والله بأقوم والله انا احلف ..بس شوي اطلع وبألحقك .. سعد..يعني طرده .. عمر ...ايه طرده بس اطلع ... طلع سعد وبعدها بشوي قام عمر واجتمع الكل في غرفة سلوى وبنتها وجلسوا يتقهوون ... الف مبروك ياجروح .على انك انعتقتي وعلى .الارض اللي جابت لها سعر خيالي .. الله يبارك فيك ياخالي والله الموضوعين فاجئوني ولا كنت بيوم احلم يصير لي كذا.. عمر ...احلى يالمليونيره ..والله ماحد قدك ههههههههههههههههه جروح...هههههههههههههه والله احس كل شعر جسمي طلع ..احس اني احلم .. ام جروح ...لا يايمه ماتحلمين ..جا الوقت اللي تستمتعين بحياتك وتودعين ايام الحرمان... جدة جروح ..الله يهنينك ببركتهم يابنيتي ..بس انتبهي لهم ..ولا تصرفين اي قرش الا بالحلال .. جروح ..اكيد ياجده ان شاء الله ..خالي عمر وخالي سعد اكيد ماراح يتركوني وبيساعدوني في استثمارها سعد ..ياقويه ..استثمار مره وحده ام جروح ..ههههههههههه وانتم تحسبون جروح سهله عمر ...هههههههههههه اقول مالك الا العود تعالي معاي بس سعد ..ماعليك منه شوفي اللي ودك فيه واحنا معاك .. ام جروح ..ماتقصرون والله ...ماقلت لكم ان سلطان عم جروح واخته وولدها بيجون بكره .. جروح انبسطت حيل لما سمعت بطاري اهلها وابتسمت ..شافها خالها عمر وعلق عليها شف البنات ...؟؟؟شف وشلون البنت فرحت لما سمعت طاري الحبايب **جروح استحت مره وماقدرت تقعد ..** عمر ..ياهووووووووووه يالخجل .. جدة جروح..اترك البنت بحالها لا تحرجها .. سعد ...ههههههههههههههه ياحليلها جروح تستحي ا جروح ..اكيد بتستحي مادام انكم استلمتوها ..المهم ..اقول لكم اهل جروح بيجون بكره يخطبون عاد ابيكم تستقبلونهم .. عمر ..اكيد ان شاء الله ..انتي بتنادين اخواني الباقين سالم وسليمان .. ا جروح ..انا دقيت عليهم وعطيتهم خبر وان شاء الله بيجون .. الجده ...الله يوفقها ان شاء الله ويسعدها .. ام جروح ..اللهم اامين .. تمت مراسم الخطبه واتحدد يوم الملكه بعدها بأسبوع ..جروح ونواف كانوا في قمة سعادتهم ..طبعا العائله اخذتها فرصه يطلعون مع بعض لشاطي الشرقيه ويستمتعون بالجو الساحر ليلا ..كانت العايلتين فرحانه ...حتى انهم ماحسوا بمرور الاسبوع ... طبعا جروح ونواف كانوا في عالمهم الثاني ..الكل منهم كانت الدنيا ماتوسعه فرح وسعاده ..الكل منهم ينتظر اليوم اللي يجتمعون فيه ببيت واحد.. حب صمد رغم كل الظروف ..حب جابه كل العقبات .. الحب الصادق ..الحب العفيف .. جا يوم الملكه..كان سلطان وعبدالله..وسعد وعمر الشهود على زواجها .. دخل عمر عليها علشان تتجهز بسرعه ..وتدخل على نواف.. ام جروح ..استنى شوي البنت ماسكتها نفاظه من قالوا لها انك تملكتي عليه ههههههههههههههههههه عمر ..هههههههههههههه ياحليلك ياجروح .. جروح ..تكفى ياخالي لا تقول شي ..احس ان خط ميتين وعشرين شابك على ظهري عمر وام جروح ..هههههههههههههههههههههههه عمر ..وش رايك اقول له يدخل هو..؟؟ جروح ..لالا لايجي .. عمر ..احلى يالدلع كل ذا ماتبين تتعبينه هههههههه **دخلت الجده وبيدها كاس مويه** بسم الله عليك يابنيتي الله يحرسك وش هالزين كله ..**ومدت لها كاس المويه ** جروح..كان ماتعبتي نفسك ياامي نوره الجده..اشربي هذي قرايه علشان تهدين شوي ..كلام الله يطمن القلب .. جروح ..ياحبي لك ياامي نوره **وقامت وحبت راسها** الجده ..تحبين الكعبه ..يله اذكري الله وادخلي بشوي شوي والله بيحرسك ان شاء الله ..بس انتي اذكري الله وماعليك خوف .. جروح حست انها هدت شوي علشان كذا قامت ومشت مع خالها للمجلس .. عمانها وخوالها كانوا مجتمعين لاكنهم راحوا للمجلس الثاني مع المملك علشان يعطون العريسين الحريه والخصوصيه .. فتح عمر الباب وتقدم ..كانت جروح وراه منزله راسها .. اول مارفعت راسها ..كانت عيون نواف بعيونها ..انبهر بالقمر اللي داخل عليه .. ياحبني لك دون كل المخاليق................ياللي تساوي كل شي بحياتي لاشفت زولك ينجلي عني الضيق................وان غبت عن عيني تزيد عبراتي دايم عيوني من فراقك غواريق ..................وطلعتك ترسم بسمتي في شفاتي الحب مفتاح القفول المغاليق...................... .وحبك دواي وفرحتي ياغناتي وقفت ..ماعرفت وش تسوي ..حست ان النفاضه رجعت لها من جديد ..نزلت راسها وجلست عند اقرب كرسي .. عمر ..ماودك تسلمين قبل ...؟؟؟ انحرجت جروح وماعرفت وش ترد عليه ....!!! نواف ..خلها على راحتها انا جايها .. اول ماسمعت جروح هالكلمه ..ارتعش كل جسمها ..وحست ان الدم جمد بعروقها .. عمر ..اجل اترككم الحين ..الف مبروك لكم جميع والله يوفقكم .. طلع عمر ..ونوااف قرب لها .. حست جروح ان قلبها بيطلع من مكانه .. نواف بكل هدوء وحنيه..مبروك علينا يالغاليه... جروح ماعرفت ترد..حاولت ان الكلمات تطلع بس مارضت.. نواف ..خايفه؟؟؟ جروح...**رفعت راسها والتقت العينين مره ثانيه لاكن هالمره غير..هالمره شافت حلمها ..حبها ..شوقها ..حنينها ..شوق الليالي ..والايام .. نواف حلم حياتها قدامها ..صار الحين زوجها ,,صار لها ولحالها ..ماهي مستوعبه الفرحه ..ماعرفت كيف تعبر ..الا بدمعه نزلت على خدها .. نواف ..ليه الدموع ياجروح ..؟؟ان ماغالطني احساسي اقول ان هذي دموع الفرح .. **نزلت جروح راسها وغمضت عينها شوي ..وتنهدت تنهيده قويه ..بعدها فتحت عينها ** نواف ..تبيني اطلع عنك ..؟؟اشوفك متوتره!! ماردت عليه وكان بنفسها ودها تصرخ وتقول اني اموت بقربك ..واني اسعد انسانه بهالوجود ..لاكن لسانها خانها ..والكلمات بعدت عنها .. **قام نواف ..وحب انه يطلع لان ماوده يحرجها اكثر ..هو يعرف بقرارة نفسه انها مبسوطه والدنيا مو واسعتها لاكنه بنفس الوقت لازم يحترم وضعها ..هو عارف انها ومن يومهم صغار أنها انسانه خجوله ..علشان كذا قام وراح للباب .. الف مبروك ياجروح ..انا بأكلم خالتي سلوى اسألها عنك ..انتي انتبهي لنفسك والف مبروك مره ثانيه .. **فتح نواف الباب وكان ناوي يطلع ..لاكنه سمع اندى واجمل واعذب صوت لقلبه,,,صوت حبه الاول والاخير يناديه** نواف ...نواف ..لاتروح.. ***التفت نواف لها بسرعه مو مستوعب ولا مصدق ** هلا يالغلا .. **كانت جروح مبتسمه وواقفه ...مدت يدينها ** ماسلمت عليك ..؟؟ ***نواف من فرحته ..اسرع لها ومسك يدينها وضمها ضمه قويه .. حتى هي ضمته ضم الشوق والحنين ..حتى انها بكت وبكا حتى نواف فرح وسعاده..التقت فيها الارواح قبل الاجساد.. ***.. ضويتي بخاطري شمعه..نسيت اني بوسط الناس.....................عيون ك هلت الدمعه..دلايل رهفة الاحساس.. صمتك حديث عيونك..وهمس الحكي بشفاتك ......................شفت الحياء من دونك...مخلوق في همساتك.. عيني على ماتنظره..فيك اشغلتني نظرتك ............................شو قي ترى مااقدره ..ساقني في طاعتك.. وقت مضى لايهمك..انتهى مع ناسه .............................. .واللي جذبني يمك ...يصعب علي قياسه.. تذكري بكره وبعد...للقاء وش ننتظر......................... ......ننتظر حلو الوعد...وبسعاده نستمر.. الف الف الف مبروك ياجروح.. جروح تمسح دموعها ... الله يبارك فيك يانواف .. نواف ..اخيرا اجتمعنا ولا فيه احد بالدنيا يقدر يفرقنا الا الموت .. جروح...بسم الله عليك يانواف .. نواف..تخافين علي ؟؟؟ جروح نزلت راسها..اكيد اخاف عليك !! بنفس الوقت كان عمر ينادي نواف من ورا الباب.. عمر ..يله يابو الشباب خالك سلطان وعبدالله ينتظرونك .. نواف بصوت عالي ..ان شاء الله جاي ثواني .. التفت على جروح..عاد ابيك تنتبهين لنفسك الحين انتي حلالي ولا ابي اي شي يجيك ..انا ماشي الليله للرياض مضطر لان اجازتي بتنتهي بكره ..قبل ما اروح بامر عليك اعطيك شريحة جوال وجهاز جوال جديد علشان نبقى متواصلين .. جروح ..مشكور ماتقصر.. نواف ..العفو.. انتي تستاهلين الدنيا كلها .. جروح ...مشكور يانواف يعطيك العافيه .. نواف ..الله يعافيك ..انتبهي علي لاني ماتحمل هالكلام الحلو ... **ضحكت جروح على كلامه** طيب ..انتبه لنفسك من الطريق.. نواف ..من عيوني ..يله استأذن الحين .. طلع نواف وجروح ماطاحت عينها عنه كانت مبسوطه والبسمه مافارقتها .. بعد ماطلع دخلت على امها وجدتها بشكل ثاني غير عن اللي تركتهم عليه ..ام جروح والجده لاحظوا هالشي وانبسطوا مره ان بنتهم سعيده مع اللي اختاره قلبها .. ومثل ماوعد نواف ..مرعليها وعطاها الجهاز وفيها شريحة جوال ..بقوا من بعدها على اتصال بالليل وبالنهار ..اول مايصحى وقبل ماينام .. حتى جروح تعودت عليه ..لانه وبأسلوبه قدر يقربها له ويكسر كل الحوجز اللي بينهم .. جروح كانت تحس معاه بالامان ..كانت لما تسمع صوته تنسى الدنيا باللي فيها ..كانت تتنتظر اتصاله وكل مره يزيد شوقها عن اليوم اللي قبله كان يستشيرها بكل شي ..من ديكور البيت ..للون غرفة النوم ..وكل صغيره وكبيره ببيتهم الصغير .. هالشي رجع لجروح ثقتها بنفسها اللي فقدتهاعلى مر السنين .. حست فيه انها صارت انسانه لها اهميتها ولها كيانها .. .............................. .............................. .............................. .............................. .................... عسى الجزء اعجبكم ... ان شاءالله يارب تحياتي يالغاليات اختكم رجـــــــــــــــــــــــ ـاوي | ||||||||
|
| |
|
17-12-13, 08:41 AM
| #19 | ||||||||
| مراقبة عامة ومشرفة منتدى الروايات المنقولة
| الجزء الاخييييييييييييييييييييي ييرررر .............................. .............................. ... اما بالنسبه لسلطان اتفق مع مع نواف ان زواجه يكونون بيوم واحد .. سلطان ..مبروك يانواف والله صبرت ونلت .. نواف ..الله يبارك فيك ان شاء الله ..الحمد لله ..مابغت تصير ..!! سلطان ...تستاهل كل خير يانواف بلحظه دق جوال سلطان وكان الرقم دولي وما مر عليه ابدا .. سلطان ..رقم دولي ؟؟؟ نواف ...تعرف احد مسافر برا ..؟؟ سلطان ..لا والله ..بأرد عليه وبأشوف .. الو .. المتصل ..السلام عليك اخوي اش حالك ..؟؟ سلطان ..وعليكم السلام انا بخير ..من معاي..؟؟ المتصل ..اخوك عبد السلام من الامارات ..انا صاحب اخوك محمد ..اعطاني رقمك ووصاني اتلفن لك .. سلطان **مستغرب**اخوي محمد المتصل ..ايه اخوك محمد صار له بالغيبوبه اكثر من شهر ولا احنا عارفين له احد وامس لما صحى دلنا عليك ..؟؟؟ سلطان ..غيبوبه ..؟؟ انتبه نواف للكلمه وفز من مكانه وقرب لخاله سلطان يأشر له علشان يجاوبه .. سلطان يجاوب نواف ..محمد ورجع للمتصل..طيب الحين وشلون حالته ..؟؟ المتصل ..والله مااقدر اخبي عليك هو مره تعبان ..جات له ازمه قلبيه بس الحمد لله ربك ستر ...والحين راح ننقله عن طريق الاخلاء الطبي ..نسقنا احنا مع المستشفى التخصصي وهم راح يكملون اجراءاته.. سلطان .يعطيكم العافيه.ومتى بتنقلونه..؟؟ المتصل ..بكره من بعد الساعه ثمان .. خلاص راح اكون هناك انتظره ..ماقصرتوا . قفل سلطان الخط ..ورجع لنواف.. شفت وشلون يانواف .محمد الحين في قمة ضعفه ..الله يستر لا يكون اللي فيه حوبة بنته جروح وامها ..اللي سواه فيهم مو قليل ... نواف ..لاحول ولا قوة الا بالله ..ليه هو وش فيه ..؟؟؟ سلطان ..يقول ازمه قلبيه وهو تعبان مره وبينقلونه للمستشفى التخصصي بكره بعد المغرب .. نواف ..وبتقول لاهله ..؟؟ سلطان ..لا ارجوك يانواف لايوصلهم الخبر..بعد ماننقله ونطمئن على حاله نعلمهم علشان ما ينخضون عليه .. نواف ..تتوقع يخافون على خالي محمد بعد كل اللي صار .. سلطان..جروح وامها مافيه مثلهم ..راح تشوف منهم شي ماتتوقعه ...!! نواف ..جروح هذي كل يوم تكبر بعيني سلطان ..احلى يالحب ..من الحين ..؟؟ نواف **انحرج وماعرف يجاوب **احم احم ترانا عرسان خلنا نتهنى شوي هههههههههه سلطان ..اتهنى ياقلبي تهنى..احد ماسكك.. نواف والله فيهم خير بصراحه ..الواحد مع كذا زوجه يضمن له حياه مريحه.. سلطان ..الله الله .. يالحياة المريحه..صارت جروح مخده وانا مدري هههههههههههههههه نواف.ههههههههههههههه .............................. .............................. .............................. ......... نقلوا محمدواللي كان بحال مايعلم بها الا الله لمستشفى الرياض عن طريق الاخلاءالطبي .. كان في استقباله اخوانه سلطان وعبدالله امانواف ..ففضل انه يروح للشرقيه ويجيب جروح وامها بعد مايقولهم على حالته بطريقه ماتفجعهم.. ,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,,,,,,,,,,,,,,, ^^**^^في الـــــــــــــــــــــــ ـــــ ـــشرقيه^^**^^... نواف ..وشلون القمر جروح ..؟؟عساك مرتاحه ..ترى الرياض ما عاد لها طعم من دونك .. **انحرجت جروح وماعاد قدرت ترد** اقول والله جد مانتم راجعين للرياض تراني اشتاق اشوفك بكل لحظه .. جروح..اشتاقت لك العافيه نواف ...تسلمين يالغاليه اقول وين خالتي بأسلم عليها .. جروح..الله يسلمك ...الحين بتجي ..قالت بعدشوي بتجيب القهوه.. نواف..ايه والله القهوه جت بوقتها... جروح..تحب القهوه...؟؟ نواف ...مووووووووووت وماااستغني عنها بس فيه شي اغلى واحسن والذ واطعم من القهوه... جروح بفضول ..وش هو ...؟؟؟ نواف..انتي يالعسل .. جروح حست ان حرارتها وصلت اقصاها حست بالدنيا ضيقه ودها تهرب وتدخل عند امها لاكن حظها كان حلو بدخول امها عليهم ومعها القهوه.. قام نواف وبكل احترام سلم عليها وسأل عن حالها وبعد ماتطمن عليها طلب من جروح تدخل وتجيب له كاس مويه.. دخلت جروح لداخل البيت... ونواف استغل الفرصه وعلم خالته بكل اللي صار..طبعا ام جروح ضاق صدرها يوم سمعت بحالته وقالت .. لاحول ولا قوة الابالله ...وش اللي جاه؟؟ نواف..على حسب مافهمت ان خالي محمد كان بدبي وخلال اقامته هناك جته ازمه صحيه ..ودخل بغيبوبه فتره ولما صحى علم اللي بالمستشفى عن رقم سلطان ..وهم قاموا باللازم.. كانت جروح داخله للمجلس وسمعت طاري المستشفى ..قدمت المويه لنواف وجلست.. ام جروح..ابوك ياجروح تعبان وهو الحين بالمستشفى جروح قامت من مكانها..ابوي..؟؟وش فيه ابوي..؟؟ ام جروح قامت ومسكتها ..بسم الله عليك يابنيتي ابوك مافيه الا العافيه .تعب شوي والحين هو مرقد بالمستشفى والحمد لله وعلى حسب مافهمت من نواف ان حالته مستقره .. جروح بلهفه..صدق يانواف ابوي مافيه شي...!!! نواف حن عليها يوم شاف لهفتها على ابوها رغم اللي سواه فيها ورد عليها ..لا الحمدلله حالته مستقره ..واذا تبين تتأكدين انا بكره طالع للرياض..تروحون معاي تشوفونه جروح وامها ماقدروا يردون واكتفوا بالنظرات لانهم ماكانوا متخيلين بيوم انهم بيرجعون لبيتهم مره ثانيه.. نواف شاف نظرات الحيره بوجيههم علشان كذافضل انه ينسحب ...على العموم انا الحين استأذن واذا قررتوا دقي علي ياجروح لاني ماشي للرياض العصر باذن الله ام جروح..يعطيك العافيه يانواف يكفي انك ضربت هالمشوار علشان تبلغنا .. نواف ..والله ياخالتي انا وخالي سلطان ماحبينا نفجعكم ..قلت اجيكم واعلمكم باللي حصل واشوف اذا بتروحون له..؟؟ ام جروح..خلاص ترد لك جروح الليله ..انا لازم اشاور اهلي واخواني قبل مااتخذ اي قرار.. نواف ..اللي تشوفينه ياخالتي.. طلع نواف من عندهم ..وام جروح استشارت اهلها ... بالبدايه وكنوع من الحميه ..رفض اخوانها انها تروح له بعد اللي سواه فيهم..لاكن رد ام جروح عليهم غيررايهم حتى انهم عرضوا عليها انهم يرافقونها للرياض.. ام جروح وبدوبلوماسية الحوار اللي كانت تتمتع فيها ..اقنعت اخوانها الواجب المفروض عليها كزوجه تجاه زوجها مادام انها باقيه بعصمته ..غير كذا هي ماحبت تبادل الاساءه باالاساءه وكانت تبي الاجر من الله وبس.. جروح كانت نفسها مو مقتنعه انهاتزور ابوها بعد كل اللي سواه فيها..لاكن امها وجهتها وذكرتها ان هذا ابوها ..وعليها ان تطيعه بكل حاله الا في معصية الخالق.. راحت جروح وامها لاكن مع خالهم عمر عن طريق الخطوط السعوديه وزاروا ابوهم واللي ماكان متوقع زيارتهم له.. جروح..الحمد لله على السلامه يايبه قدامك العافيه .. عمر..الحمد لله على يامحمد ماتشوف شر .. اما ام جروح واللي كانت على الرغم من اقناعها للجميع رافضه في داخلها انها تسامحه حتى انها ماقدرت تتحمد له بالسلامه واكتفت بالسلام ابو جروح الوحيد اللي كان حاس فيها واللي كان ندمان اشد الندم على كل مافات .. ابو جروح والدمع يهل من عينه بشكل كبيربان فيه ندمه وحزنه ..ياليتكم تسامحوني كلكم واولهم انتي ياام جروح انا اخطيت بحقك كثير وتحملتي ..حرمتك من اهلك وغربتك عنهم ..ذقتي مني الضيم والظلايم ورغم كذا سامحتي وعفيتي ..ارجوك يالغاليه سامحيني .. ام جروح ماقدرت ترد لانها كانت مصدومه من مشاعره واللي جت بوقت متأخر كثير كثير ..الله اللي يسامح يابو جروح اهم شي صحتك لاترهق نفسك بالكلام ابو جروح كان يتمنى منها انها تسامحه لانه وخلال هالوعكه اللي مرت عليه حس انه دنا اجله*** وهو يبكي بشده** ..ارجوك ياام جروح سامحيني ارجوك ام جروح..الله يسامحك انا مافي قلبي لك شي جروح كانت واقفه مذهوله هذي اول مره في حياتها تشوف ابوها بحالة الضعف وامها بحالة القوه ..كان دايم مايكون العكس..ابوها القوي وامها بحالة الضعف لاكن دوام الحال محال والظلم لابد وينتهي ....والظالم لابد وتروح قوته.. التفت ابوجروح وبعد ماارتاح من رد ام جروح وهو مازال يبكي ..جروح يابنيتي سامحيني على اللي سويته فيك انتي وامك ..والله اني ظلمتكم معاي ..رغم اللي سويته فيكم الا انكم انتم اللي وقفتم معاي ..سامحوني ارجوكم سامحوني **واجهش بالبكا** الممرضه لما شافته بها الحاله استدعت الدكتور اللي فضل انه تمنع عنه الزيارات لمدة ثلاث ايام حتى تستقر حالته.. جروح وامها وعمر طلعوا لبيت خالهم سلطان وسلموا على الجميع ..حتى انهم مروا على خالتهم فوزيه وسلموا عليها رجعوا بعدها لبيتهم اللي تركوه من فتره ..بيتهم اللي كان يحمل كل ذكرى اليمه او جميله ,,كان البيت اشبه بالمهجور ..اعتلت الغبره كل جزء من اثاثه ..عم فيه سكون مخيف..واتشح بالظلمه بعد ماراحوا عنه اهله..كان المكان اشبه بالقبرالمظلم اللي حوى مشاعر وذكريات ميته ماتت برحيل اصحابها .. حست جروح وامها بالخوف النسبي من المكان لاكن وبعد مافتحوا كل انواره خف الخوف عندهم شوي ودخلوا فيه ..بسم الله .. اجتمعت جروح وامها بمجلس الحريم ..اما خالهم عمر اتجه لمجلس الرجال بعد ماانظفوها تنظيف سطحي... اصبح الجميع ..واولهم ام جروح اللي مااهدرت ثانيه من وقتها او قليل من جهدها علشان ترجع البيت احسن مما كان عليه .. قامت جروح وخالها عمر وهم في ذهول من حال البيت اللي انقلب راس على عقب واللي كانت احلى الروائح تنتشر فيه...جهزت الفطور ورتبت السفره وكان كل شي على اتم حال .. جروح..الله يهديك يايمه كان قومتيني اساعدك .. عمر ..ايه ولله كان قومتيها ..والله انك قلبتي البيت فوق تحت ..امس كان يروع واليوم ماودك تطلعين منه من نظافته وريحته اللي توسع الصدر..بس تدرون انا جتني فكره.. جروح وامها متحمسات..وش هي؟؟ عمر ..انا اقول تجيبون لكم خدامه وطباخه تساعدكم ؟؟ ام جروح ..وش هو ؟؟ جروح ..صح ليه لا ..؟؟ الظروف الماديه الحمد لله تمام .. وابوي احس انه ماراح يكون مثل اول واكيد بيوافق عليها مادامك صرتي له الغاليه الحين ههههههههههههههههههههه ام جروح ..والله مدري.. جروح ..ماعليك ياخالي عمر ..نبي بس تعرف احد عنده متوفره عمر ..لو مااعرف ماتكلمت ..لا ومدربات وعندهم خبرة عمل بدول الخليج.. جروح..احلى شي طيب ومن متى نقدر نجيبها ؟؟؟ عمر ..من بكره ..ندفع وكل شي يجي..مايعزك يابن اادم الا فلوسك جروح ..وانت صادق ياخالي ..صدق الفلوس تسوي الهوايل ههههههههه تغيرت حياة جروح وامها لشي ماكانوايحلمون به ابدا ..جتهم الخادمه والطباخه ..طلع ابوهم من المستشفى ومشاعره تجاه زوجته وبنته جروح متغيره للأفضل او لأفضل من الافضل... عاشوا حياة اسريه هاديه ومستقره .. بقى نروح لباقي شخصيات الروايه.. سلطان واللي ماقصر معانا هههههههههههههههه راعي فزعات ..تعب وماقصر ..وقف مع جروح بأشد الظروف وكان لها افضل عون.. تزوج سلطان من هدى وكانت حياتهم مستقره وهاديه جابوا لهم ولدين وثلاث بنات واخلى مافي الموضوع انه سمى احد من عياله نواف وحده من بناته جروح..كانت هدى تقدس وتحترم الحياه الزوجيه هذا بخلاف سلطان اللي كان يحترم زوجته ويقدرها ولا يرضى عليها ..انسان يحب عياله وهم يسوون عنده حباب عيونه .. اما عبدالله شخصيتنا الثانيه تزوج من شخص اتوقع انكم ماراح تتخيلونه ابدا .. من تتوقعون ..؟؟؟ انسانه كانت من شخصياتنا اللي بداية الروايه ..شخصيه تغيرت تغيير جذري بعد ماصار لها اللي صار .. تذكرتوها ..؟؟ ايه (((روان))) روان وبعد ماحلت عليها الظروف اقساها ...فقدت امها بسبب جلطه جتها من عقب فضيحتها ..وابوها اللي انصاب بالشلل بعد صدمته ببنته ووفا زوجته .. حتى انه ماعاد يطلع من البيت ...وصارت بنته هي اللي تواليه وتهتم بشؤنه..حتى ان اخواتها تجنبوها وتركوها لحالها .. البنت صارت تخاف الله وتهتم بالصلاة والذكر حتى انها صارت تروح لحلقات تحفيظ القران....ومن بعد ماسمعت عنها فوزيه ونوال ..عرضوا الموضوع على عبدالله اللي وافق من دون تردد..وعاش معها عيشه حلوه وهاديه ..حتى انهاجابت ابوها عندها يعيش معاها ببيتهالاكن المنيه حالت بينهم بعد فتره بسيطه .. جابت من عبدالله بنتين مثل القمر ..ربتهم على الفضائل ومكارم الاخلاق.. اما بالنسبه لبلطتنا جروح ..كانت من اسعد البشر ..كيف لا وهي تعيش مع اللي اختاره قلبها تحت سقف واحد ..انسان يحبها ويقدرها ويحترمها ..جابت منهولد واحد يسوى عندهم الدنياوافيها وسموه (((هتان))) طفل يجمع جاذبية الاب وملامح الام الناعمه ..طفل كييوت ولذيذ لابعد درجه... دخلت جروح بالتجاره وكانت ناجحه لابعد المقاييس ..حتى ان نواف تولى جزء من تجارتها وانعشها .. اما باالنسبه لابو جروح ...حالته الصحيه تحسنت اكثر من الاول لاكن النطق عنده صعب ويده اليمنى ماتساعده .. ام جروح..تبذل جهدها الليل والنهار علشان تريحه ..الامر اللي جعل ابو جروح يحس بالذنب على كل اللي سواه فيها ... خلاصة الكلام ونهايته ..ان الاسره استقرت والكل عايشه حياه حلوه وسعيده وبطلتنا جروح نالت جزا صبرها وبرها بأمها ..وابو جروح ذاق من الدنيا شوي من اللي سواه بالكل ..وكما تدين تدااااااااااااااااااااااا ااااا اان ومن كذا نعرف: 1.. ان الدنيا مهما ضاقت بالانسان لابد ويجي الفرج بيوم ما .. ((((ضاقت فلما استحكمت حلقاتها فرجت وكنت اظنها لاتفرج))))).. 2..ان الاب او الام لابد ان يقووا اواصر الالفه والمحبه بينهم وبين عيالهم لانهم ومهما استغنوا عنهم لابد وتجيهم حال ضعف يكونون بأشد الحاجه لهم.. كما يجب على الابناء مهما شافوا من قسوة الاباء انهم يبرون فيهم ويلتمسون من وراهم الاجر العظيم من الله واللي قرن برهم بعبادته.. 3..اتمنى اني اكون قد نلت على جزء ولو بسيط من رضاكم وان تخرجون منها ولو بفائده بسيطه .. ولكم مني جزيل الشكر والامتنان النهـــــــــــــــــــــ ـــــــايـــــــــــة | ||||||||
|
| |
|
01-01-14, 03:14 AM
| #20 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|
| |||||||||||||
|
| |
|
| الكلمات الدلالية (Tags) |
| (مكتملة, للكاتبه, لاتروح, جروح, رجاوي, واهات, كلها |
| أدوات الموضوع | |
| انواع عرض الموضوع | |
|
|
.png)
العرض العادي
