مافهمت وصلك والهجران وانت مافهمت حبي وفراقه / للكاتبه أنفاس الهجر مكتملة

شمالية الهوى · 02-04-14, 02:14 AM

بسم الله الرحمن الرحيم

السلام عليكم ورحمة الله وبركاته

روايـــــــة

مَآفُهَمّتَ وصَلِكَ وَآلُهَجِرَآنّ ** وَآنِتَ مَآفُهَمِتَ حُبَيْ وَآفّرَآقَهُ

للــكاتبه / انفآس الهجر

مــدخ ــل الروايه

تهت في هذه الدنيا .. فلم اجد من يحتضنني
رحلو امي وابي !! فبقيت وحيده
فسألت اين امي وابي؟؟! فتلقيت الجواب القاتل
الذي قتلني واحرق ازهار طفولتي .. ذبلت الاوراق عندما علمت اين هما ..
بدأت رحلت الحزن .. واقبلت عاصفة العذاب
لا ادري ماهو السبب ومن السبب
امي يانبض قلبي تخليتي عني منذ صغري
ابي الحبيب لماذا لم تعد تسأل عني
طافت بي رحلة العمر .. فوجدت نفسي بين وحوش
فأردت الهروب من تلك الوحوش
ولكن قتلت احلامي
وتلاشت امالي
وانتحرت طموحاتي
فرأيت نفسي كالطير بلا جناح
لا استطيع ان افعل شيء

***

نبــــــذه عــن بــطلة روايتنـــا .
غيداء 20 سنه امها المانيه وهي عايشه عند عمها . طيبه الى ابعد الحدود طولها 150 ووزنها 50 كيلو بيضاء وشعرها اسود يوصل الى اخر ظهرها فيها شبه من امها وخشمها طويل وشفايفها ورديه وعدساتها ازرق ولها غمازه ع اليسار وهي حلوه حيييل احلى بنات الجامعه وزوجة عمها تكرهها لأن عمها مدلعها ومدللها ويحبها اكثر من عياله .

^^^

~ آلَبُآرْتَ آلَآوُلّ ~

***

في جامعة الملك سعود في زحمة الطالبات واصوتهم العاليه المعتاده في ركن خاص بلبس العبايات كانت غيداء تلبس عبايتها وجنبها صديقتها مدى
غيداء بخوف : والله تأخرت عمتي قالت الساعه 1 وانا بالبيت .
مدى بعصبيه : ومحاضرت الماث الساعه وحده وربع تخلين محاضرتك لسواد عيونها .
غيداء : عادي بس اهم شي ما اتمشكل مع زوجة عمي والله خايفه .
مدى : خلاص انا بحظر محاضرتك بس اعطيني رقمك الجامعي .
غيداء : لا لا مدى هذا يعتبر من انواع الغش .
مدى : لا انا قلت بحضر بدالك يعني بحضر .
غيداء : ياربي انتي وش تخططين عليه انا كارهه المحاضره هذي ما ابي احضرها .
ابتسمت مدى : خلاص حبيبتي انا اروح للدكتوره واقولها .
غيداء : مدى لاتعبين نفسك والله ماراح تعطيك وجه .
مدى : لا حبيبتي انا بنت اليحيى وراح تنفذ اللي اقوله لها .
خذت غيداء شنطتها : سيو ميدو .
مدى بابتسامه : سيو .
طلعت غيداء وشافت سيارة السايق كان ينتظرها ركبت ومشى السايق متوجه للبيت .
كانت غيداء متوتره وتفرك يدينها " الساعه 1 و 5 وانا ماوصلت البيت ياربي ارحمني "
وصلو البيت ونزلت غيداء وكانت رجلينها ماتشيلها من الخوف فتحت الباب ودخلت : سلام عليكم .
صبا : كان تأخرتي اكثر من وين جايه حضرتك ؟
خذت غيداء نفس عميق : جايه من الجامعه .
صبا : طيب ليش متأخره ؟
ما اعطتها غيداء وجه وراحت لغرفة الخدم اللي هي غرفتها وفتحت الباب ونزلت عبايتها وخذت لها شور ولبست بنطلون جينز وبلوزه باكمام طويله وبنص فخذها لونها ابيض وجففت شعرها وربطته بربطه بيضاء وطلعت للمطبخ ودخلت زوجة عمها وضربت الطاوله وفزت غيداء من مكانها وطالعت بسهام اللي تقول : الليله بسوي عشاء لأهلي وانتي بروحك تطبخين لي العشاء وتغسلين المواعين اذا خلصتي تنظفين الحوش والمطبخ وغرف عيالي والليله ليلة خميس اكيد بنات خواتي وبنات اخواني بيسهرون هنا ويمكن يحتاجونك بشي ياويلك وياسواد ليلك لو تنامين تسمعييين .
غيداء هزت راسها بإيه وغسلت صحون الغداء ونظفت الارضيه وهي تحس ان التعب هد حيلها من يوم صحت وهي تسوي الفطور وخلصت من الفطور وراحت للجامعه وبالجامعه ماكلت ولا شي .. مسكت غيداء راسها هي تحس انه بينفجر من الصداع " ياربي فرج همي "
دخلت صبا وطالعت بغيداء وبدلع : غيداء اممم ابيك تسوين لي حلا لأن بنات خوالي بيجون وما ابي اي حلا ابي حلا زين .
غيداء : حاضر .
صبا : وبعد ابيك تروحين وتنظفين غرفتي احتمال البنات ينامون عندنا .. وابيك تروحين للسوبر ماركت وتجيبين لي شبسات وعصيرات وشوكلا .
وقفت غيداء : اوك .. اسوي كل شي لك بس ارجوك ابي الساعه 10 انام .
صبا ضحكت : وانا وش دخلني نامي الحين ماعندي مانع .. الكلام هذا قوليه لماما .
تأففت غيداء وطلعت صبا وغيداء جلست ع الارض وبكت على كل حياتها " ليتني ميته ولا عشت هنا "
دخلت سهام وشافت غيداء حاطه يدينها على وجهها وتبكي وصرخت : هييييييه انتي .
رفعت غيداء راسها ووقفت ومسحت دموعها وبصوت باكي : هلا عمـ...
قاطعتها سهام : نسيت لأقولك انا بكره مسافره للبحرين اذا خلصتي من العشاء ومن اغراض العشاء روحي جهزي اغراضي سااااامعه .
غيداء وهي ترجف : ايه سامعه .
طلعت سهام وراحت غيداء للثلاجه وصبت لها عصير برتقال وشربته وحست ان الصداع خف شوي .

***

في افخم قصور الرياض بيت فخم يدل على ان سكان البيت اثرياء
الجوهره : وين مدى من يوم طلعت من الجامعه ماشفتها .
ساره : ماما مدى بغرفتها مقفله الباب وتبكي وتقول ماتبي تشوف احد .
وقف فهد : وش فيها ؟
ساره : i dont no .
الجوهره وهي توقف : ياويلي على بنتي وش صار فيها .
فهد : يمه انا بروح لها .
وطلع فهد لغرفته وفتح الكومدينو وطلع المفاتيح وطلع لجناح مدى وطق الباب وفتحه وشافها جالسه ع السرير وضامه المخده وتبكي بحرقه راح لها فهد وجلس ع السرير : مدى وش فيك تبكين ؟
رمت مدى نفسها على اخوها : آآآآه يافهد غيداء راحت مني صديقة عمري ماتت .
فهد : صديقتك ماتت ؟؟
مدى بين شهقاتها : اتصل عليها وماترد اكيد زوجة عمها سوت لها شي . بعدت مدى عن فهد .. هي كانت خايفه يوم طلعت من الجامعه .
فهد : ليش هي وش مسويه ؟
مدى : هي كذا زوجة عمها معذبتها تشتغل عندها خدامه وهي تضربها دايم واخف شي تطلع منه مكسوره يدها ولا احد ظلوعها .
فهد باستغراب : وعمها وينه ؟
مدى وهي تبكي : عمها مسافر .. تكفى يافهد الحق على صديقتي والله خايفه عليها .
فهد : يعني وش اسوي لها اجيبها من بيت عمها ولا اخطفها .
مدى بعصبيه : مو وقتك انت واستهبالك انا خايفه على صديقتي ماترد على الجوال .
فهد : يمكن البنت نايمه .
مدى : فهد خلاص اذا مو منقذ صديقتي وديني عندها بروح اتطمن عليها .
فهد : مدى انتي اختي وانا خايف عليك وانتي ارقى من كذا ماتدخلين بيت ناس اقل منك .
طالعته مدى باستغراب : انت يافهد تقول كذا .. انت تصير مغرور مثلهم ماتوقعتك كذا .
فهد : يحق لي اغتر بنفسي انا فهد اليحيى .
صرخت مدى : فـــهـــد بليز لاتنرفزني وتكلم مثل الناس بتروح تشوف غيداء ولا لا ؟
فهد وهو يطالع غيداء : وين اروح لها ؟
مدى : ببيت عمها اســأل عنها والله انت اذا بتسوي شي تسويه لو اقولك جيب لي غيداء والله تقدر تجيبها بليز فهد ساعدني .
فهد : مستحيل اروح لها .. وهي ببيت عمها إذا ماتت هم المسؤولين عنها وانا مو مدخل نفسي بمشاكلهم . طلع فهد من عندها .
خذت مدى جوالها واتصلت على غيداء : الوو .. كان مارديتي خوفتيني عليك حسبي الله على ابليسك .
سهام : من انتي عشان تخافين على غيداء ؟
طالعت مدى بجوالها وتأكدت من الرقم : انتي مين ؟
سهام : انا زوجة عم غيداء وهي الحين مشغوله .
مدى تنهدت براحه : طيب قولي لها تتصل علي .
سهام : ان شاء الله .

***

عبدالرحمن : كريمه حبيبتي احنا جايين هنا 6 اشهر ماشفت عيالي انا لازم ارجع للسعوديه وانتي معاي .
كريمه بدلع : اوكي ارجع معاك ع السعوديه.
عبدالرحمن ابتسم : خلاص جهزي اغراضنا بكره نرجع .
كريمه : لا عبدالرحمن مابدي بكره شو هيدا انا ماتحمل احد يعايرني وإم خالد ماحتتركني بحالي .
عبدالرحمن : لا لازم بكره نرجع .
كريمه وهي تبوس يده : من شان خاتري عبدالرحمن بدي اجلس هنا اسبوع .
عبدالرحمن : حاااضر اسبوع واذا كان تبين اسبوعين بعد .
كريمه : تكرم عينك عبدالرحمن .
سمعت صوت امها تناديها : عن ازنك ابن عمي بروح لعند ماما .
وراحت لأمها : آهلآ امي .
ام اكرم : شو الك جوزكي متى رايحه ع السعوديه ؟
ابتسمت كريمه : الت الو بجلس هون اسبوع الي خلاص اسبوع من شان خاطركي .
ابتسمت امها : كريمه انتي عارفه حالتي كل يوم بتدهور وكل يوم اسواء من التاني وانا بدي ارجع ع سوريا .
كريمه : لا ماما لا تروحي لسوريا البلاد كلها حرب ومضاهرات انا مابدي افئدكي .
مسحت امها ع ظهرها : حبيبتي انا اشتئت لأكرم بدي اروح لعندهون وكمان جوزكي متدايئ من وجودي هون .
كريمه : ياماما مافيه مكان احسن لك من هدا المكان انا مابدياك تخرجي من هنا ماما انا خايفه عليكي .
ام اكرم وهي تمسح دموعها : شو يعني اجلس هون لحالي ؟
كريمه : لا ماما بابا بكره جاي لهون وبيجلس معاكي ماما انا بحبكي كتير ومابدي افئدكي .
ام اكرم : واخوكي اللي عايش برعب عادي تفئديه ؟
كريمه : لا لا ياماما مالئت هيك بس اخوي رجال ويئدر يدبر حالو ولا انتي شو بتعملي .
ام اكرم : ربي انصر سوريا .
كريمه : اميين .
ام اكرم : يلا حبيبي مابدياك تتاخري اكتر من هيك ع جوزكي روحي لعندو اكيد يحتاجكي .
كريمه : ماما مابدياك تبكي مشان خاطري انسي اكرم لو سواني بس .
ام اكرم : شوو اكرم فلذة كبدي كيف بنساه ابني فراقو ناهش البي انا عايشه بئلب ينزف من بعد ابني عني .. يلا كريمو روحي لعند جوزكي .
مشت من عندها كريمه ودخلت بالغرفه وسكرت الباب وسندت ظهرها عليه وطالعها عبدالرحمن : كريمه وش فيك ؟
كريمه وهي تمسح دموعها : ماما بدها تروح لعند اكرم .
وقف عبدالرحمن : وانتي ليش تبكين راحت ولا ماراحت اذا ربي كاتب الموت لأكرم راح يموت .
كريمه زاد بكاها : ابن عمي انا شو اعمل بدي اخذ امي معاي للسعوديه .
عبدالرحمن بعصبيه : لااااا ماتروح معانا للسعوديه .
كريمه : عبدالرحمن شو بك انا مائلت شي شو بك عصبت هيك .
عبدالرحمن : كل اللي عصبني اني ما ابي امك تروح معاي للسعوديه انا مو مسؤول عن غيرك وبعدين وين بسكنها عند سهام عشان تعلن خيرها .
كريمه : لا عبدالرحمن تاخذ لها شئه صغيره على ادها .
عبدالرحمن : دخلي مايسمح لي اخذ شقه .
كريمه : بس انت عندك بيت هنا بابو ظبي وبيت بالرياض .

***

كانت غيداء بالمطبخ دخلت صينية حلا الرخام بالثلاجه ورجعت وشالت صينيتن من حلا المارس ودخلتهم وطلعت الكيكه من المكرويف ونزلتها ع الطاوله عشان تبرد وراحت ودخلت العصير بالثلاجه ورجعت للكيكه وحطتها بالثلاجه وخذت عجينة الفطائر وبدت تسوي الفطائر خلصت منها بعد نص ساعه دخلتها بالمكرويف وراحت تسوي الشاهي والقهوه دخلت سهام وطالعت بغيداء وهي تمسك راسها وتتأوه : غيدااااء .
فزت غيداء من مكانها وطالعت سهام : نعم .
سهام : سوي لي مكرونه بشمل بنت اخوي ماتاكل رز .
غيداء : حاضر .
سهام : وسوي صينية خضار بعد عمري اختي منى تحبها كثير .
غيداء بكل كره : اوك .
سهام : بعد نص ساعه تجيبين لي الشاهي والقهوه والحلا والفطاير سااامعه ؟
غيداء : ايه .
طلعت سهام وراحت غيداء وطلعت الفطاير ورتبتها بالصحون حست بصداع فضيع " ياربي خفف علي المي ياربي "
مرت نص ساعه وخذت غيداء صينية الشاهي والكاسات ودخلت بالصاله ونزلتهم ع الطاوله ورجعت وخذت صينية القهوه وحطتها ع الطاوله ورتبت غيداء الكاسات والفناجيل بصينيه وخذت الصينيه الثانيه وطلعت للمطبخ ونضفت الصحون اللي هي استخدمت ودخلت سهام : وين الفطاير والكيك والحلا .
طلعتهم غيداء من الثلاجه ورتبتهم وطلعت وحطتهم بالصاله .
ورجعت للطبخ وجلست على الارض وحست ان ظهرها متكسر " ياربي انا وش سويت عشان يصير لي كل العذاب هذا "
وقفت غيداء بعد استرخاء خمس دقايق ووقف خالد عند وراء الباب : ياغيداء .
غيداء بخوف وتوتر وحيا : هلا .
خالد : لاتسوين عشا .
غيداء : بس عمتي قالت لي .
خالد : انا قلت لأمي وخلاص انا بجيبه من برا .
غيداء " ياربي فرج همه مثل مافرج همي " : مشكور .
مشى خالد من عندها .
سهام وقفت قدامه : ليش ياخالد تسوي كذا انا ابيها تطبخ العشاء .
خالد : يمه هي مو آله هي عندها طاقه وهذي بنت عمي من لحمي ودمي ما ارضى عليها .
صرخت سهام : وترضى اني ازعل انا امك ياخالد .
باس خالد راسها : امي على عيني وراسي بس حتى بنت عمي غاليه علي وما ارضى انها تسوي كل هذا والله لو هي خدامه كان هربت .
سهام : انت ليش مهتم فيها ياخالد هذي بنت نصرانيه انا ما ابيك تتعلق فيها اكثر من كذا هذي نصرانيه ماعندها لامبدئ ولا اخلاق .
رن الجرس وراح خالد وفتح الباب وسلم على راس جدته : هلا بالغاليه .
ام احمد : هلا بك حبيبي .. وش اخبارك وكيف الدراسه معاك ؟
ابتسم خالد : الحمدلله بخير .. وابشرك ياجدتي نجحت بكل المواد .
منى : خلاااص كل هذا سلام .
ضحك خالد وسلم على خالته : هلا والله بمنى .
منى : هلا بك حبيبي .
وسلم على خالته سلوى .. وطلع .
ودخلو وجات سهام : ياهلا والله تو مانور البيت .
سلمت على امها وعلى خواتها وسلمت على زوجات اخوانها امل وبدور : هلا بكم ياهلا والله تو مانور البيت .
بدور : منور بأهله .
طلعت غيداء من المطبخ وهي لابسه بنطلون جينز ابيض وبلوزه اخضر ورابطه شعرها بربطه اخضر ولابسه مريله وابيض وطالعتها سهام وبابتسامه : بعد عمري غيود حلفت انه هي اللي تسوي الشاهي كل هذا من غلاة امي .
سلمت عليهم وكلهم يرحبون فيها إلا منى وسلوى طالعتها منى بحقاره : وانتي مين عشان تسوين لي الشاهي .. وانتي يا سهام ماله داعي تكذبين .
سهام : انا ماكذبت .
مشت من عندهم غيداء يوم شافت البنات دخلو ( عذاري وخلود بنات سلوى . وروئ بنت منى . وهديل بنت فوز )
نزلت صبا مع الدرج : ياهلا والله حيالله من جانا .
سلمو عليها كلهم وجلسو بالمجلس .
وغيداء سوت مكرونه بالبشمل وصينية خضار وراحت لغرفتها وجلست ع السرير " يارب فرج كل هم على خالد مثل مافرج همي ياربي اسعده ياربي وفقه وحقق كل اللي بباله "
تمددت على سريرها وهي تحس ان ظهرها بينكسر خذت جوالها " اووف 50 مكالمه لمين هذي وانا ماعندي إلا رقم العقربه و مدى "
واتصلت على مدى : الوو .
مدى : هلا غيود وينك وربي خفت عليك .
غيداء : والله من الساعه 1 ونص وانا بالمطبخ ماخصلت شغلي إلا الحين .
مدى بعد ماطالعت بساعتها : اوووه الساعه 7 ونص وانتي تو تخلصين الله يكون بعونك .
غيداء : ولد عمي خالد قالي لاتسوين عشاء بيجيب العشاء هو ولا كان لسه اطبخ .
مدى : لا يكون الاخ يحبك وطايح لك بحب وغرام وغزل وامه ماتدري انا ادري انك صديقتي وماتخبين علي .
غيداء بألم : لا انا بنت النصرانيه اشلون احد يحبني .
مدى : اممم وش رايك تسحبين على زوجة عمك وتجين عندي .
شهقت غيداء : انااا اجي عندكم بدون علم عمتي والله لو اسويها ليصير هذا اخر يوم بعمري .
مدى : غيووود والله ماراح تقتلك .
غيداء : عارفه انها ماراح تقتلني بس راح تعذبني انا يهون علي كل شي إلا ضربها وربي اني اتعذب اكثر من عذاب المساجين .
مدى : الله يفرجها .

***

دخلو نايف وعامر بالفيلا الخاصه فيهم وابتسم عامر : نايف وش رايك لو نشري مزرعة جارح اللي هنا .
طالعه نايف : وتصير تابعه للفيلا هذي بس اشلون نقنع جارح ؟
عامر بابتسامه : خله علي .. اليوم فيه احد بيجي ولا اتصل على فهد .
نايف : لا كل الناس مشغولين بالامتحانات ومافيه إلا انا وانت .
عامر : فهد شاك فينا الايام هذي خلنا نتصل عليه ويجي هنا .. واهم شي الخدم والبودي قارد نحبسهم بغرفه اخاف يصير شي وفهد موجود .
نايف : وليش نعزمه هنا طيب نطلع مكان زين ونعزمه تعرف انت ولد عمك كل شي يهمه ولازم يتفحص المكان فهد مو مغفل نضحك عليه .
عامر : تجي على فهد ويكشفنا ونغير مكاننا اهون منه انه يعرف بالسالفه ابوي ولا عمي ولا سلطان والله مانعيش ولا يوم بعدها .
نايف : خلاص اتصل عليه وقوله واعزم ابوي وعمي لازم يجون ويشوفون مكاننا بعيونهم .
عامر : اوك .. آنــا جيبي لي الجوال .
جابت له آنا الجوال واتصل على ابوه : الوو .
صالح : هلا والله بالغالي .
عامر : هلا بك يبه وينك ؟
صالح : تو طلعت من الوزاره رايح للبيت .
عامر : طيب يبه ابيك تجي تقهوى عندنا انا ونايف بنعزم سعود وفهد وابوي وسلطان وعمي ناصر .
صالح : وين مكانكم ؟
عامر : بالفيلا الجديده .
صالح : خلاص شوي وجايكم .
عامر : مع السلامه .. نايف بسرعه قول للخدم يشيلون المشروبات والشيشه ويدخلون بغرفه ويقفلون الباب وماعاد يفتحونه إلا اذا اذنا لهم .
طلع نايف .. وعامر اتصل على فهد : الووو .
فهد : هلا عامر هلا والله بولد العم .
عامر : هلا بك .. فهد انا ونايف مسوين قهوه وعزمنا العايله الكريمه كلهم ونعزمك معاهم حياك الله .
فهد : ان شاء الله بجي وبجيب ناصر وابوي معاي .
عامر : زين انك اختصرت علي ماكلمتهم .. طيب قول لسلطان مابقى إلا هو .
فهد : لا سلطان الحين بشغله مايقدر يطلع .. مع السلامه انا الحين مع الطريق بجيب نصور .
عامر : مع السلامه .
جا نايف : هاا وش قالو ؟
عامر : الحين جايين .. وين الخدم ؟
نايف : قفلت عليهم .
عامر وهو يقوم : انا بروح اجيب الطباخ من عند جارح .
نايف : بس الطباخ قاعد يسوي الخمر عند جارح وهو مايقدر يتركه دور لك على غيره .
عامر وهو يجلس : او مو مشكله نجيب عشانا من برا .
نايف : ياخوفي ان ابوي وعمي يعرفون عن حقيقتنا .
عامر : احنا ما عزمناهم هنا إلا عشان الشكوك وعشان نقطع الشك باليقين ان كل اللي عندنا جمعة شباب وعشان ننتهي من الخوف وانهم يعرفون ان ماعندنا شي باطل اتصل على الشباب وقولهم ان ابوي بيجي .
نايف : لا ياعامر انا مو واثق بالشباب خلهم كذا واذا احد سألنا بنقول لهم ان هذي جمعه عائليه .
عامر : انت عارف ان ابوي وابوك شاكين فينا من زمان احنا لازم نعزم جارح وصقر وعناد انا متأكد منهم وهذولا ثقه .
نايف : اوك اعزمهم بس ترا على مسؤوليتك .

***

لامارا · 02-04-14, 06:05 AM

رتبت غيداء صحون العشاء ع الطاوله وكانت ترتب الملاعق ودخلت امل وسكرت الباب وبابتسامه : سلام عليكم .
غيداء : عليكم السلام .
امل وهي تجلس ع الكرسي : غيداء ليش انتي تشتغلين يعني احد جابرك ع الشغل ؟
طالعتها غيداء : عمتي هي اللي تقول لي اشتغلي وانا عايشه ببيتها يعني كل اللي اقدر اقوله لها سمعن وطاعه .
امل : هذي بنت عمتي وانا اعرفها زين والله ماتخليك بحالك اطلعي من هنا اذا جا عمك قولي له انك بتعيشي عند امك .
غيداء : لا انا كذا مرتاحه وعمتي مو مقصره معاي وانا مستحيل اعيش معاها بدون اجره وهذي اجرتها مني .
امل : بس هذا بيت عمك انتي اولا به منها .
طالعتها غيداء : هذي زوجته ولا انا بنت اخوه والبيت بيتها وانا الطالعه وهي الداخله .
امل : مشكلتك ماتعرفينها على حقيقتها .
غيداء " اشلون ما اعرفها وانا ذقت السم من يدينها " : لا هذي زوجة عمي مابتضرني بشي .
امل وهي توقف : الله يعطيك على قد نيتك وصدقيني ماجيت هنا عشان استغيب سهام انا بس شفتك تخدمينها وهي مو حاسبه لك حساب قلت اصحيك شوي من غفلتك .
غيداء : يعطيك العافيه .
طلعت امل وغيداء تاففت " متى ترجع ياعمي وتشوف العنا والشقا اللي بدا من غيابك "
دخلو الحريم وطلعت غيداء وجابت الماء ونزلته ع الطاوله وطلعت ونادتها سهام : تعالي ياغيداء .
رجعت لها غيداء : هلا عمتي .
سهام : تعالي تعشي معانا وش فيك ؟
غيداء : لا ما ابي .
وراحت للمطبخ وجلست ع الكرسي وتذكرت كلام مدى " يوم السبت امك عندها افتتاح معرض الماس وانا من المدعوات واختي ساره ماتبي تحضر اعطيك بطاقة الدعوه حقتها وش رايك تحضرين معاي .. ياليت اقدر اشوفك يايمه "
دخلت صبا : غيداء .
طالعتها غيداء : نعم .
صبا : انعم الله عليك سوي لنا شاهي نعناع وشاهي زعتر وكركاديه وكابتشينو وحطيهم بالصاله .
وقفت غيداء : حاضر .
وطلعت من عندها صبا وغيداء مسحت جبينها بيدها " اووف ياربي تعدي هاليوم على خير اشتغلت اليوم عن 10 سنوات "
سوت شاهي بالزعتر والنعناع وكاركاديه وحطتهم بالصينيه ونزلت ع الطاوله ورجعت وسوت كابتشينو وصبته بـ 10 اكواب ونزلته ع الطاوله ودخلت صبا ومعاها البنات : تعالو يابنات بنجلس هنا غيدوه سوت لكم كل طلباتكم .
طالعتها غيداء ومشت للمطبخ " ياربي تاخذهم وارتاح منهم "

***

منصور : ماشاء الله مزرعتكم كبيره اذا تعشينا ان شاء الله بنتمشى فيها .
انقبض قلب نايف وبهمس لعامر : هذا اللي ماحسبنا حسابه .
عامر بهمس : بنروح نصرف العمال .
نايف : بس الخمر ريحته فايحه بالمزرعه كلها وش نسوي ؟
عامر : انا اقنعهم .. ياربي وش هالورطه ؟
جلسو بالصاله وراح نايف وجاب القهوه والشاهي ونزلهم ع الطاوله وقام عامر يصب لهم .
صالح : ليش ماعندكم عمال او خدم ؟
نايف : نخدم انفسنا بانفسنا احسن من انهم يخدمونا العمال .
منصور باستغراب : ما اشوف هنا بودي قارد ولا خدم وش سالفتكم .
ابتسم نايف : يايبه احنا صح Businessman بس التواضع واجب علينا من تواضع لله رفعه وكل اللي عندنا اقل منا بكثير .
زاد اعجاب صالح بعياله وهو مايدري انه وراهم مصايب وبلاوي : الله يكملكم بعقلكم .
كان عامر متوتر ونايف على اعصابه طالعهم فهد : انتم فيكم شي ؟
ابتسم عامر : لا مافينا شي ليش تسأل ؟
فهد : كل شوي وانتم تطالعون بعض احس انكم مخبين شي .
نايف : الله يهديك وش نخبي عنكم ؟
ابتسم فهد وهو يطالع بالفيلا اللي تصميمها ماليزي تقليدي : ماشاء الله عليكم مين الذويق اللي مختار تصميمها ؟
عامر : انا ونايف اخترنا كل شي مع بعض .
منصور : فيه عضو من اعضاء مجلس الاداره بيستقيل وانا ابي واحد يشتغل بداله .
نايف : لا يبه مانبي نشتغل .
منصور : ليش ماتبي تشتغل الشغل مو مكلفك شي وانت بشركات جدك وعمامك .
عامر : لا لا ياعمي دورو غيرنا احنا ماننفع نشتغل بالمكاتب .
ناصر : والله مكاتبكم فخمه وتليق فيكم بس انتم ليش تشوفون شغل الشركات يقلل من قيمتكم انتو تدرون ان دخلكم لو اشتغلتو بالشهر مليون ؟
نايف : اوووه احنا ناخذ بالشهر 30 مليون .
طالع منصور بنايف : والله زينه شغلتكم هذي اللي دخلها انا واعمامك باليوم ع الاقل نربح 3 مليون يعني انتو بتصيرون مثلنا .
سعود : إلا بيتكم هذا وش تستخدمونه له احس ان حتى مكانه غلط ومشبوه بين مزارع .
عامر : احنا اخترنا بين المزارع عشان نسوي مخيمات دعويه للشباب ونستضيف هنا كبار المشايخ وفيه منشدين ومسرح يعني كله شغل دعوي .
منصور مشت كذبتهم عليه : فيكم الخير والله .. الله يزيدكم بحلاله ويبعدكم عن حرامه .
نايف وعامر : امين .
صالح : متى بتسوون مخيم دعوي ؟
نايف " وش هالورطه " : ان شاء الله الاسبوع الجاي يوم الخميس .
صالح : ان شاء الله بعد اسبوع بنحضر مخيمكم الدعوي بنفتخر فيكم .
عامر بتوتر : اذا كملنا تجهيزاته نبلغكم .
فهد بابتسامه : ابوي وعمي كأنهم اول مره يشوفونكم يسألونكم ولا كأنكم عيالهم .
صالح : والله احنا مانشوفهم قلنا فرصه نسألهم ونجلس مع عيالنا .
منصور : حسبي الله على ابليسك ياسلطان شككتني بعيالي وهم يسوون ملتقيات ومخيمات دعويه ودعوتكم الى الله هذي بحد ذاتها فخر للقبيله كلها مو بس لعائلة اليحيى .
ابتسم عامر وهمس لنايف : شوف اشلون يفتخرون فينا اشلون لو عرفو مصايبنا .
نايف : دخيلك اسكت لاتذكرني ترا تو خف توتري .
صالح : وش فيكم ماكأنه بالمجلس إلا انتو ؟
عامر : يبه الله يرضى عليك احنا نتفق على المفاجئه اللي راح نسويها .

***

الجوهره : والله يا سهى ماراح القى لفهد احسن من بنت اختي وهي بنت خالته ويعرفها زين بس هو يقول لا انا ما اتزوج من بنات خوالي انا ما ادري ليش هو حاقد على خواله مع ان ابوه موافق بس هو رافض يتزوج العنود يقول انا ملياردير ولد ملياردير مايشرفني اتزوج مثل هذي .
سهى : فهد مو مغرور يالجوهره وهو المعروف بالتواضع بس اللي هو شاف من خالته وبنتها مو قليل .
الجوهره : والله عارفه ان اختي غلطت وغلطتها كبيره بس كل شي يتصلح .
سهى : تتهمه وتقول انه يكلم بنتها ويبتزها بالصور وتقولين كل شي يتصلح اوقفي مع ولدك ضد اختك .
الجوهره : زعلت عليهم بما فيه الكفايه بس خلاص كل شي انتهى والسالفه لها ثلاث سنوات ما ابي افتحها قدام فهد .
سهى : بس فهد يعرف ان العنود مثل امها ولا راح يحبها والزواج مبني على الحب .
الجوهره : ياخوفي ياسهى انه يتزوج من المانيا ترا اماني ازعجتني وهي تقول صديقتي المانيه حلوه ومسلمه وتصلح لفهد .
سهى : وش المشكله دامها مسلمه ؟
الجوهره : المشكله انها من المانيا ولدي غالي ويستاهل الغاليه ومافيه اغلى من بنات بلده .
سهى : طيب ليش ماتخطبين له وريف بنت عمه .
الجوهره : لا ماتصلح له والله مافيها ذرة حيا .
سهى : ع العموم الله يرزقه بنت الحلال اللي تسعده .
الجوهره : امين .
نزلت مدى مع الدرج تركض وامها تطالعها : شوي شوي لاتطيحين وتكسرين تراك غاليه .
باست مدى راس امها وراس زوجة عمها : ليش ماما مو متعوده على الركض .
الجوهره : اركضي بس مو مع الدرج وانتي لابسه كعب ياربي مدري اشلون تمشي البنت هذي لازم تصيرين عاقله وتمشين شوي شوي .
مدى : هههههه يمه اللي يمشون مثلك دايم يقولون عنهم الواثقين من انفسهم .
سهى بضحكه : مافيه اكبر من ثقة الجوهره بنفسها .
الجوهره بغرور مصطنع : يحق لي اثق بنفسي انا الجوهره ام فهد اليحيى اللي كل الناس تعرف عنه الرفاهيه والكرم والشجاعه وولدي مافيه احد مثله بالعالم كله .
مدى وهي تطالع صورة فهد اللي معلقه على الجدار وهو يصافح ملك المانيا : شوفي ياعمتي هورست كوهلر يبتسم لفهد وفهد مو معبره .
ضحكت سهى : الله يحفظه من كل شر .
رن الجرس ووقفت مدى : اكيد هذي عمتي فاتن .
دخلت فاتن بعد مافتحت لها الخدامه الباب وراحت لها مدى وسلمت عليها : ياهلا والله تو مانور البيت .
فاتن بابتسامه : منور بوجودك يانور عيني .
سلمو عليها سهى والجوهره : حياك الله تفصلي .
جلست فاتن واعطت عبايتها مدى : ياعمري خذي عبايتي عجزانه لا اروح هناك .
راحت مدى وعلقت عباية عمتها بالمكان المخصص لعبايات الضيوف ورجعت جلست جنب عمتها : وش اخبارك ؟
فاتن وهي تمسح على شعر مدى : بخير دامني اشوفك بخير .
الجوهره : ممكن اعرف وش سر حبك لمدى .
فاتن : ولدي الوحيد يحب ميدو اشلون ما احبها واغليها والله ان مدى وبسام حبهم متساوي لو يطلبون عيوني ماتغلى عليهم .
انحرجت مدى وباست راس عمتها : تسلمين يالغاليه .
فاتن : ربي يسلمك .
الجوهره : وينه بسام مانشوفه من شهر لاحس ولاخبر .
فاتن : بعد عمري ولدي رايح عند عيال عمه جايين من القريه وراحو للدمام وش يسوي مافيه بالبيت إلا انا وابوه .
سهى : الله يرزقه ببنت الحلال اللي تملا بيته عيال وينسى انه وحيد امه وابوه .

***

خلصو من عشاهم وطالع منصور بنايف وعامر : انا وصالح الحين عندنا شغل ضروري ومامعنا وقت نشوف بمزرعتكم بس ان شاء الله الايام الجايه .
عامر : ان شاء الله تجون مره ثانيه وتشوفونها .
رن جوال فهد : هلا سامي .
مدير اعماله سامي : هلا بك ياطويل العمر .. فيه واحد اسمه هيثم ال... بيقابلك .
فهد : ومين هذا ؟
سامي : ماادري هو يقول انك تعرفه .
فهد : خلاص قوله ساعه بالكثير وانا واصل .
سامي : تأمر على شي طال عمرك .
فهد : لا .. مع السلامه .
سامي : مع السلامه .
وطالع فهد بعمامه : انا لازم اروح للشركه فيه واحد بيقابلني .
منصور : مين اللي بيقابلك ؟
فهد : واحد اسمه هيثم ال... ما اعرفه .
شهق نايف وطالعوه وبهمس لعامر : هذا وش يبي .
طالع منصور بنايف : وش فيك يانايف ؟
نايف بابتسامه : هاا .. لا ولاشي بس انا اعرف واحد من نفس العايله .
منصور : ومن يصير هذا ؟
نايف : خوينا جارح .
فهد : انا الحين بروح مستعجل الرجال صار له ساعه ينتظرني وانا قلت له ينتظرني
مشى من عندهم فهد وطلع من الفيلا وتوجه للسياره وفتح له البودي قارد الباب وركب وركبو البودي قارد والسايق ومشو فهد : سعد ابي الساعه 11 وانا واصل اوك .
السايق الخاص بفهد السعودي سعد : حاضر طال عمرك .
ووصل فهد على الموعد ونزل وكانو البودي قارد يمشون وراه ودخل الشركه ورحبو فيه كل الموظفين ودخل عند السكرتير مدحت : سلام عليكم .
مدحت : وعليكم السلام اهلاً استاز فهد .
فهد : وين سامي ؟
مدحت : سامي داخل الاوضه تبعك .
دخل فهد مكتب المدير العام لشركة اليحيى القابضه : سلام عليكم .
وقف سامي : هلا بك ياطويل العمر .
دخل هيثم بعد ما اذن له فهد : سلام عليكم .
فهد : عليكم السلام .. الاخ هيثم .
هز راسه هيثم بإيه وكان واضح عليه الارتباك .
فهد : تفضل وش عندك ؟
هيثم : اانـ .. انا م م من رجال المافيا والسيد جونسين سيرت يقول اذا ماعوضتوه قيمة المخدرات اللي تم ضبطها قبل سنتين من قبل العقيد سلطان اليحيى راح يدمر عائلة اليحيى .
وقف فهد : قال ايش قال راح يدمر عائلة اليحيى ووينه جونسين ليش ماجاء هو بنفسه .
جاف هيثم من فهد : ي ي ياطويل ال العمر ا انا عبد مأمور مالي لاحول ولا قوه بـ بـس جاي ا اقول ل لك .
فهد : بلغ سلامي لجونسين وقوله يجي هو بنفسه ويقابلني اذا فيه خير وناوي الشر من جد هو اللي يجي بنفسه .
هيثم : خلاص راح ابلغه كلامك وانا مالي دخل باللي يصير انا عبد مأمور فقط .
فهد وهو يطالع هيثم : يله وريني عرض اكتافك ولا عاد تجي هنا اذا جونسين عنده كلام ثاني يجي هو بنفسه تسمع ؟
هثم : اوك .. ومشى من عندهم وطالع فهد بسامي : وش فيك يا سامي صرت دميه تعال اجلس .
ابتسم سامي : والله خفت من هذا من رجال المافيا .
فهد : سامي يخوفونك الاشكال هذي والله جونسين بنفسه اجبن من هذا جبان بس انه عنده رجال اقويا .
سامي : وهذا اللي مخوفني رجال جونسين .
فهد : وش اخبار الاقتصاد اليوم ؟
سامي بابتسامه : كل شي اوك .. اليوم الارباح بالشركه هذي وصلت الحد الاعلى على الشركات القابضه كلها وهي 300 مليون .
فهد بابتسامه : الاقتصاد هالايام متدنئ اول كانت الارباح باليوم 500 مليون .
سامي : 300 مليون زينه .
فهد : الله يعطينا من خيره ويكفينا شره .. سامي الله يعافيك ابي تدور لي على مدير اعمال زيك أختي مدى فتحت لها معرض الماس ولها شركات بلندن وماتقدر تدير كل هذا بنفسها .
سامي : حاضر طال عمرك من بكره وهو عندكم .

***

رتبت غيداء اغراض زوجة عمها وحطتهم بشنطة السفر اللي لونها بيج وسكرتها ودخلت سهام : هااا سويتي اللي قلت لك عليه ؟
هزت راسها بإيه : كل شي جاهز .
سهام : يله انقلعي عن وجهي .
نزلت غيداء تحت وراحت لغرفتها واستوقفها صوت صبا : غيدوه تعالي .
راحت لها غيداء : هلا صبا .
صبا وهي تعطيها كتاب الرياضيات لثالث ثانوي : حلي المسأله هذي .
حلتها لها غيداء واعطتها الكتاب : انا بروح حدي تعبانه صحوني على صلاة الفجر .
صبا وهي توقف وبغرور : انا اصحيك ولا ادخل غرفتك .. مابقى إلا هذي انا ادخل غرفة خدم دوري غيري ياست هانم واحد على قدك .
مشت من عندها غيداء ودخلت بغرفتها " يعني ضروري اواصل الى الصلاه .. ومتى اصحى اسوي لهم الفطور ؟ عمتي مو موجوده يعني ماراح يصحوني " خذت القرآن وقرأت سورة الملك وسكرت القران ورفعته ورجعت وجلست ع سريرها وخذت كتابها Headway plus وفتحته واشغلت نفسها بالمذاكره .
رن جوالها : الو .
مدى : هلا غيود الحمدلله انك صاحيه .. غريبه جالسه الساعه 3 وش عندك ؟
غيداء : هههه من اليوم اشتغل وقلت مو نايمه قبل الصلاه .
مدى : هااا العله طلعت من البيت ؟
غيداء بابتسامه : الحمدلله من نص ساعه طلعت من البيت هي بتروح اسبوع وترجع يعني هذا الاسبوع ارتاح فيه .
مدى : ليش هي ماخذه صبا معاها ؟
غيداء : لا ماخذتها بس ماراح اسمع كلامها ولا راح اشتغل لها .. ويوم السبت بروح معاك للحفله الي تقولين امي بتسويها .
مدى بفرح : اخيرآ يا غيود اقتنعتي بس انا بجيب لك لبس حلو من عندي .
غيداء بإحراج : لا لا انا عندي لبس يصلح .
مدى : غيود اعتبريني اختك وانتي لو تلبسين لبس راقي ماركه والله تطلعين كانك اميره .
ضحكت غيداء : هههههه اميره وتشتغل خدامه .
مدى : ياقلبي والله انك كشخه وحلوه ماشاء الله وتروحين معاي للمعرض وتشوفين ردود فعل المليونيرات والمليارديرات اذا شافوك .
غيداء : تحاولين تجبرين بخاطري الله يجبر بخاطر .
مدى : غيدوه ووجع انتي حلوه وغصب عنك وربي ماشفت بحلاتك .
غيداء : هههه لاتعصبين .. خلاص انا حلوه .
مدى : تعالي بكره لبيتنا الساعه 6 الصباح .
غيداء : واذا سألتني صبا ليش رايحه وش اقول لها ؟
مدى : قولي لها محاضرتي قدموها الدكتوره تعبانه او اي عذر .
غيداء : بس والله فشله اروح لبيتكم انتي تعرفين انتو مين وانا مين .
مدى : مافيه فرق بيننا خلاص انا امر عليك الصبح ونروح المشغل .
غيداء : وع مشغل على الصبح .
مدى : هو مشغل امي يعني لو فيه احد اطردهم .
غيداء : اوك بس مو لازم نمشي الساعه 6 نروح الساعه ثمانيه .. إلا حفل الافتتاح متى ؟
مدى : اكيد الساعه 10 وينتهي الساعه 1 كذا يعني الساعه 2 وانتي بالبيت .
غيداء : مادري وش فيني متحمسه مع اني بشوف امي واول مره بروح لمكان مثل كذا .
مدى : يمكن الله يفتح على قلب امك وتحن عليك وتاخذك معاها او تطالب بحقوقك .
غيداء : لا لا فال الله ولا فالك وش هالكلام ان شاء الله امي ماتاخذني .. اسكن مع نصارى ؟
مدى : وربي هي طيبه وقلبها ابيض وياكثر ما اجلس معاها .
غيداء : إلآ انتي من وين عرفتيها ؟
مدى : هي صديقة اختي اماني تعرفها عن طريق الصفقات بالالماس والاقتصاد العالمي امك مليونيره .
غيداء بمزح : بس انا ابي اصير اعلى منها اتزوج واحد من اخوانك واصير مليارديره .
مدى : الله يسمع منك ياغيود وتصيرين زوجة اخوي عاد امي راح تاخذك معاها لكل مكان انتي زوجة ولدها وحلوه واحلى بنات السعوديه تقريبا.
غيداء : انا اتوقع والله اعلم اني راح اتزوج خويلد ولد عمي .
مدى : وتصيرين طول عمرك عند العله ؟
غيداء : العله احن من امي علي .
مدى باستغراب : اقنعيني .
غيداء : امي تركتني وانا بمهدي ما اعرف شي ربتني زوجة خالي عندها بحكم انها مسلمه بعد 10 سنوات احتوتني زوجة عمي .
مدى : اسم الله عليك ماكأنه عمك اللي راح يجيبك .
غيداء : صح انه عمي اللي جابني هنا بالسعوديه وجابني من عند جدتي الله يرحمها والله يكثر خير سهام انا عايشه بخيرها .
مدى : اكره الكلمه هذي .. انتي عايشه بخير ابوك وعمامك سهام لو ماتت يصير البيت لك ولا لو مات عمك تطردك سهام من بيتها .
غيداء : ع العموم هي متحملتني .

***

نوره : وريف جهزي نفسك واكشخي بنروح لأفتتاح معرض كرستينا .
وريف : ام غيداء ؟
نوره : ايه .. ليش ؟
وريف : يمه انا اكره غيداء ما احبها من يوم شفتها والنحس يلاحقني معجباتي بالثانوي راحو لها .
نوره باستغراب : بنت الفقر لهالدرجه حلوه ؟
وريف : لااا مو حلوه وع هي مو حلوه بس الناس ماعندهم ذوق .
نوره : ياليت اشوفها .
وريف : يمكن تشوفينها رازه نفسها هناك .
نوره بضحكه : تلعبين على نفسك يا ماما هي بنت فقر حد مالها 2000 ريال وش اللي يخليها تحضر المعرض .
وريف : لاتنسين يايمه انه معرض امها .
نوره : اييه معرض امها بس امها ماتبيها هي مو عايشه عندها وكرستينا قالت لي ان بنتها مسلمه ولا تبيها تسكن عندها .
وريف : اممم ماما وش رايك وش البس ؟
نوره : مايبي لها كلام البسي لبس رسمي لآن الحفله رسميه .
وريف : اوك مامي الكوفيرات جاهزات ؟
نوره : ايه انا بناديهم لك .
وريف بابتسامه : لا لا انا بطلع لغرفتي عشان لبسي .
نوره : خلاص حتى انا بروح اجهز نفسي .. ابيك يابنتي تطلعين احلى وحده بالحفل.
وريف بثقه عميا : اكيد مافيه احلى مني انا بنت اليحيى من بيقارن نفسه فيني .
نوره بابتسامه : وربي مافيه بجمالك .
وريف : اكيد مافيه احد بجمالي .. عاد بنات عمي يعتبرون مكملين لي يعني اذا مدحوهم الناس كأنهم مادحيني احنا مكملين لبعض .
راحت وريف لغرفتها وكانو الكوفيرات بانتظارها ودخلت غرفة تبديل الملابس ولبست تنوره تحت ركبتها رسميه لونها اسود وبلوزه رسميه لونها ابيض ولبست كعب عالي وطلعت للكوفيرات وسوت شعرها كيرلي وحطو لها ميك اب خفيف وروج احمر ومسكرا اسود وتعطرت من عطرها ونزلت مع الدرج تمشي بهدوء وطالعت بامها اللي لابسه بنطلون رسمي اسود وبلوزه رسمي اسود والقميص الداخلي ابيض الكرفيتا سماوي وشعرها اللي يوصل اخر كتفها مسدول : واااو ماما طالعه كشخه .
ابتسمت امها : طول عمري كشخه .. يله حبيبتي ما نبي نتأخر .

***

لبست غيداء فستان تيفاني ضيق تحت ركبتها واكمام طويله ومن فوق مفتوح على شكل دائره وعلى خصرها حزام بلون ذهبي ولبست كعب عالي مره لونه ذهبي وطالعتها الكوفيرا : ماشاء الله شو هالجمال بصراحه ماتحتاجي ميك اب .
ابتسمت غيداء : عيونك الحلوه .
وجلست ع الكرسي واستشورت شعرها وتركته مسدول وحطت روج زهري وكحل داخل لونه اسود وخطت حواجبها وطالعت الكوفيرا : خلاص .
الكوفيرا : كذا احسن انتي جميله وناعمه والميك اب راح يخرب وشهك .
جات مدى اللي لابسه فستان احمر : وااو روعه ايه القمال دا ياقميله .
ابتسمت غيداء : والله احس حرام لابسه كذا احنا مو متعودين على اللبس هذا شوفي قد ايش ظهري مفتوح .
مدى : غيدوه والله حلوه وظهرك والله مو طالع بس شويه منه لو كان نص ظهرك مثلي اقول بعذرها .
غيداء : طيب يله امشي الساعه 9 .
مدى : اييه بنمشي بدري ابيك تشوفين امك عن قرب وربي حلوه تشبهك بس انتي احلى واحلى بكثير .
مشو غيداء ومدى وطلعو من المشغل وركبو مع سايق مدى الخاص وكانو معاهم بودي قارد ومرافقات .
وطالعت غيداء بمدى : تصدقين ميدو ماتوقعت انه فيه وحده مثلك بهالوقت متواضعه لهالدرجه .
مدى : والله انتي المتواضعه مو انا .
غيداء : انتي ليش دايم تعطيني اكبر من حجمي .
مدى : آآه بس لو اني بجمالك .
غيداء بتغير السالفه : اقول وش اخبار بسام ؟

شمالية الهوى · 04-04-14, 06:39 AM

~ اَلّبِآرْتٌ آلٌثَآنِيٌ ~

• يُآدِنّيِآ يَكّفْيُنَيٌ آلٌمً

• جُرَحّيْ عَمِيّقْ وَ مٌآيِلَتُئِمُ

مدى : وهـ فديته رايح للدمام مع عيال عمه .. ياليت انا وحيدة امي وابوي بس هو عنده اخوان .
غيداء بمزح : ولي على امتي شو عمل فيك الحب .
ضحكت مدى : والله لايقه عليك اللهجه السوريه .
غيداء : نزلت نتايج الماث .
طالعتها مدى : والله ؟
غيداء : والله .
مدى : وش جبتي ؟.
غيداء : +A .
مدى : ماشاء الله عليك انا بتصل على الدكتوره اشوف وش جبت .
غيداء : تكفين ياميدو دوري لي عذر معاك ما ابي تتراكم علي الغيابات انا غبت مرتين بالماث .
مدى : ولا يهمك يا رفيقة عمري راح ينمسحون الغيابات اللي عليك كلهم .
غيداء : فدييتك يا احلى صديقه بالكون كله .
مدى : لبئ قلبك .
وصلو المعرض وحست غيداء بخوف ونزلت مع مدى وهي ترجف : والله يا مدى خايفه مدري وش اللي صار لي .
مدى : خلي ثقتك بنفسك عاليه وامشي معاي عشان امي وزوجات عمامي والبنات يشوفونك .
مشت غيداء مع مدى ودخلو المعرض بعد مانزلو عباياتهم وكان مكتض بالحاضرات من كبار الشخصيات ومن كل الجنسيات وكانت ام غيداء جالسه ع المسرح لابسه فستان ابيض كات وضيق حيل وبنص فخذها ولابسه كعب عالي من الالماس وتشبه غيداء بس مو كثير يعني مو واضح الشبه إلا اللي يدقق : غيود بنروح نسلم على امك .. شوفي اللي جنبها اختي اماني .
غيداء : لا لا ما ابي اروح لها .
مدى : يله غيود .. شوفي كل الناس يطالعونك وربي مافيه بالمعرض احلى منك .
صعدو الى المسرح ووقفت ام غيداء واماني وصديقاتهم ليزا ونيكولا : سلام عليكم .
اماني : هلا والله .. This sister Mada . ( هذه اختي مدى )
كرستينا ( ام غيداء ) : hello . ( اهلا )
سلمت عليهم مدى وكانت غيداء واقفه وتطالع بكرستينا .
مدى وهي تطالعهم : هذي غيداء .
اماني : هلا وغلا هلا والله بصديقة اختي .
غيداء : هلا بك زود .
وسلمت على امها وكرستينا ابتسمت لها : Welcome Ghida .. The extent of the Ghida ؟
( مدى من هي غيداء )
مدى بابتسامه : This wife brother Fahd . ( هذه زوجة اخوي فهد )
استغربت كرستينا "What happened Fahd marry that girl, but beautiful, very beautiful "
( ماذا حدث فهد يتزوج من هذه الفتاه الجميله والجميله جدا وانا لا اعرف)
ضحكت اماني : والله ياليت .
انحرجت غيداء : ميدو يله بنطلع خلاص انا ما ابي اجلس هنا .
مدى : ليش ؟
غيداء : مدى والله خايفه هذي شكلها تدري اني بنتها .
مدى : طيب يله بنروح لأمي شوفيها هناك .
نزلو من المسرح وتوجهو للطاوله الكبيره اللي جالسين عليها حرم اليحيى : سلام عليكم .
الكل : عليكم السلام .
مدى بابتسامه : ماما هذي صديقتي غيود .
وقفت الجوهره وسلمت على غيداء : هلا وغلا .. وش اخبارك حبيبتي ؟
غيداء بحيا : تمام .
وسلمت على نوره وسهى ووريف كانت جالسه ومشت من عندها غيداء وسلمت على العمه فاتن ورجعت وجلست جنب مدى وطالعت سهى بغيداء : تو مانور المعرض .
وريف : عمتي ترا المعرض هذا معرض ام غيداء يعني كرستينا ام بنت الفقر هذي .
نوره : ماعليك منها يا غيود هذي لسانها متبري منها .. ليش ماجو معاك اهلك .
وريف بضحكه : هههه ما عندها اهل .
وقفت غيداء : عن اذنكم .
وطلعت من الصاله .
ونوره طالعت بوريف : وش سويتي انتي ليش تقولين لها كذا حرام عليك .
وريف : يمه من جد هي ماعندها اهل امها ماتبيها وابوها ميت .
الجوهره : بس عندها اهل وعمامها كلهم اهلها .
وريف : ياربيييه ما ادري اشلون عايشه بدون ام واب لو انا مكانها انتحر .
وقفت مدى وطالعت بوريف : لا تقولين كذا ربي بيلاك ويصير ماعندك اهل نهائيآ .
وريف : هههههههه فلوسي تكفيني عن اهلي .
طلعت مدى وشافت غيداء جالسه ع الكراسي اللي بالصاله الثانيه وراحت لها : غيوود حبيبتي وش فيك تبكين ؟
غيداء وهــي تمسح دموعها : يرحم امك يا مــدى رجعيني للبيت خلاص انا ما ابي اجلس هنا .
مدى : وريف هي كذا ماتستحي ولسانها اطول منها يله ياغيداء لاتخيلنها تفرح عليك .
وقفت غيداء : لا يامدى مكان انجرحت فيه لايمكن ارجع له ووصليني لبيت اهلي ومشكوره .
مدى : غيداء لاتزعلين علي .. الحين اوصلك لبيت اهلك بس تكفين لاتزعلين تراك غاليه .
غيداء بابتسامه : ماراح ازعل منك طول عمري وانتي صديقتي الوحيده بس يله وصليني للبيت اكيد صبا بالمدرسه .
وراحو يلبسون عباياتهم

***

رجعت غيداء للبيت ودخلت بغرفتها وخذت لها شور ولبست بيجامه ابيض وسماوي وطالعة بالساعه تشير الى 1 ونص وطلعت للمطبخ وسوت الغداء وطلعت للصاله وجلست ع الكنبه وشغلت التلفزيون وتابعت برنامج بوح البنات وكانت مستمتعه بالبرنامج سمعت باب المدخل ينفتح ووقف قلبها " لايكون خالد "
دخلت صبا ودخلت بالصاله : سويتي لي الغداء ؟
غيداء : ايه غداك جاهز .
صبا : اممم خلاص ما ابيه بس صحيني الساعه 5 العصر وسوي لي اكل خفيف سامعه ؟
غيداء : اوك .. طيب وش اسوي فيه الغداء اللي انا مسويه لك ؟
صبا وهي بطريقها بتصعد الدرج : حطيه بالزباله .
انقهرت غيداء وراحت للمطبخ وحطت لها غداء بصحن وطلعت لها ملعقه وجلست وسحبت الكرسي وجلست وتغدت وخلصت وغسلت الصحن والملعقه وطلعت لغرفتها وخذت جوالها اللي يرن وردت بـ : اهلين .
مدى : هااا غيود طمنيني وش صار معاك لي ساعه قلقانه عليك .
ابتسمت غيداء : ماصار شي عمتي مو هنا يعني ارتاح يومين .
مدى : ياربي انها ماترجع .
غيداء : حرااام عليك عندها عيال يبونها .
مدى : عيالها يبونها طيب هي معذبتك .
غيداء : بس انا ما ابي ادعي عليها .
مدى : ترا انتي عجبتي امك حيل وتقول تبي رقمك .
غيداء : وش تبي ؟
مدى : ما ادري والله بس قالت زوجة فهد الماسه وتصلح صاحبة محل الماس وطلبت رقمك وقلت لها مو معاي .
غيداء : هههههههه زوجة فهد .
مدى : هههههههههههههههه والله وريف ماتت قهر تقول فهد ماحد ياخذه غيري .
غيداء : نفسي اشوفه فهد هذا .
مدى : ارسلك صورته ؟
غيداء : ايه تكفين نفسي اشوفه شكله .. خقه ؟ .
مدى : طبعآ اخوي اشلون مايصير حلو .. يلا برسل لك صورته بالواتس .
غيداء : انتظرك .
قفلت من غيداء وجاتها رسالة واتس وفتحتها وشافت صورة فهد لابس ثوب ابيض وشماغ وماسك الحصان ويضحك " ماشاء الله عليه "

***

ناصر : فهد وش فيك احس من اليوم مو على بعضك .
طالعه فهد وابتسم : مافيني شي .
ناصر : والله شكلك مشغول بشي كل شوي وهو جايك اتصال ويزيد ارتباكك مع كل اتصال ياخي انا عمك قولي وش فيك .
ضحك فهد : هههههه عم طل .. انت اصغر مني استحي اقولك عمي .
ناصر : لا ياشيخ .. انا عمك وغصب عنك .. حتى مره يوم كنت باسبانيا سوو معاي مقابله يقولون لي شقيق اب فهد .
فهد : هههههههه شقيق ابي مو عمي .
ناصر : لاتحاول تغير السالفه انت وش فيك ؟
فهد : مافيني شي بس بشوف سلطان وش صار عليه .
ناصر : ع العموم انا راح اعرف وش فيك .. ووقف .. عن اذنك .
فهد : اذنك معك .
دخل سامي : سلام عليكم .
وقف فهد : عليكم السلام .. هاا وش صار معاكم ؟
سامي : يقولون مايعرفون عنهم اي شي .
فهد وهو يرمي القلم اللي بيده : مستحيل .. مستحيل يروح من يدي كذا انت من رحت عنده .
سامي : ياطويل العمر انا رحت لبيت هيثم اللي جا قبل يومين بس مايعرفون عنه شي .
جلس فهد وبعصبيه : ماقلت لكم راقبوه ؟
سامي : انا بلغت البودي قارد .
فهد : نادي مدحت بسرعه .
طلع سامي وفهد نزل شماغه ومسح شعره بتوتر " وين راح هيثم .. راح اطلعه لو من تحت الارض "
دخلو سامي ومدحت : اهلآ سيدي .
فهد وهو يطالع مدحت : عندك رقم هيثم ال...
هز مدحت راس بإيه : اه الرئم بتاع ملفو .
فهد : روح جيب لي رقمه بسرعه .
طلع مدحت وفهد طالع بسامي : طلع لي الجوال البوليسي .
راح سامي وفتح الخزنه وطلع الجوال وحطه ع الطاوله : تفضل ياطويل العمر .
دخل مدحت : دا الملف بتاع هيسم .
فهد : خلاص تقدر تشوف شغلك .
طلع مدحت وسجل فهد الرقم واتصل على هيثم : الوو .
هيثم بخوف : هلا .. من معاي ؟
فهد : انا فهد اليحيى اقولك تعال الحين اخذ المبلغ اللي طلب جونسين .
هيثم : خلاص مسافة الطريق وانا عندك .
قفل فهد المكالمه وطالعه سامي : يا استاذ فهد اشلون بتعطيه المبلغ هذا ويتاجر بالحرام وتصير شريك معاه .
ضحك فهد : ماراح اعطيه المبلغ انا عارف ان هيثم ماراح يجي هنا بس ابي احدد مكان المكالمه وين وابلغ سلطان يقضي على العصابه هذي .
سامي : بس هي عصابه وحده ماراح تضر المافيا ليش بتقضي عليها .
فهد : عصابه وحده والاشخاص 10 آلاف يعني بيضر جونسين شوي وهذي اكبر عصابه بالسعوديه .
دخل سلطان : مساء الخير .
سامي وفهد : مساء النور .
جلس سلطان : وش اخبارك يا سامي .
سامي : الحمدلله تمام .. وانت وش اخبارك يا طويل العمر ؟
سلطان ضحك : هههههه اول مره اسمع احد يقولي طويل العمر بالعاده سعادة العقيد .
فهد : لآنه وجهك مو وجه امير .
سلطان : خف علينا ياملك العالم .
سامي بمزح : ههههههههه ملك العالم مره وحده .
سلطان : هههههه تخيل دلوع الماما يصير ملك العالم وش بيسوي .
فهد بعصبيه مصطنعه : سلطااان ماجبتك هنا تضحك وتتطنز علي .. ورمى عليه الجوال .. حدد لي وين مكان المكالمه هذي .
طلع سلطان الجهاز : لازم احدده من التل سكوب بروح للمركز واتصل عليك واقولك وين موقع المكالمه .
فهد : بسرعه قبل لايتحرك من مكانه واذا حددت المكان رحو له لأنه عصابة مافيا ابي العصر تجيني اخبارهم .
سلطان : حااضر بس ان شاء الله نداهم الموقع قبل العصر .
فهد : يارب .
طلع سلطان وطالع فهد بسامي : بأي حي بيت هيثم ؟
سامي : بحي.....
فهد : سامي قول للسكيورتيه يراقبونه ما ابيه يروح مكان إلا هم وراه .
سامي : كم وااحد يراقبونه ؟
فهد : 15 سكيورتي .
سامي : الحين يبدو بالمراقبه ؟
فهد : لآ الين يقول لنا سلطان وين موقعه يمكن هو الحين مو بموقع العصابه .. بس اذا راقبو بيته راح نعرف مكانه وقولهم رواتبهم راح تندبل اذا حصلوه .

****

فاتن : قطييعه اليوم شفت كرستينا اذا شفتها جاتني حالة اكتئاب اكرهها .
ضحكت مدى : ليش كرستينا بالذات فيه بالمعرض اكثر من 1000 نصرانيه .
فاتن : مو عشان ديانتها بس كذا انا اكرهها .
وريف : وع ياكرهي لها ولبنتها غيدوه ياربي نزل الشلل على غيداء .
مدى بعصبيه : وريف الى متى وانتي كذا صبرنا وسكتنا بس انتي زودتيها وانا ما ارضى على غيداء .
وريف بغرور : وانا وش علي منها هذي عشان اتكلم عليها هي ماتسوى خداماتنا .
نوره : وريف خلاص يكفي .
مدى وهي تجلس جنب نوره : والله يا وريف اذا ما احترمتي نفسك وصنتي لسانك لاقول لغيداء .
ضحكت وريف : وهذي الحشره وش بتسوي لي ؟
نوره : وريف حرام تقولين عن البنت كذا والله ماشاء الله عليها واضح انها ذوق واخلاق وجمال .
وريف وهي تحط رجل على رجل : بس جمال بدون مال ولا شي .
فاتن : لا حبيبتي غلطانه .. اغلب زوجات الامراء بنات فقر بس اغتنو من بعد زواجهم .
وقفت وريف : يله انا استأذن جوي مايناسب جوكم .
طلعت وريف وطالعت فاتن بنوره : بسم الله الرحمن الرحيم وش فيها هذي ما كأنها متعوده ع العز دايم تستهزء باللي اقل منها ماديا .
نوره : والله ما ادري وش اللي غير بنتي من يوم دخلت الجامعه وهي بس تسب بغيداء .. الله العالم وش مسويه لها البنت .
دخلت الجوهره : مدى فهد يبيك برا .
وقفت مدى : عن اذنكم .
طلعت وشافت فهد واقف : هلا فهودي .
فهد : فهودي بعينك .. رجال طول وعرض وتقولين لي فهودي .
ضحكت مدى : ههههه غيود عودتني على الدلع .
فهد : ههههه وكل ماقلنا لك شي جبتي سيرة غيداء اموت واعرف وش فيها البنت هذي .. مو هذا موضوعنا بقولك اني لقيت لك مدير اعمال .
مدى بصدمه : اييش مدير اعمال ؟
فهد : ايه وش فيك ؟
مدى : لا لا يافهد انا ما ابي يشتغل معاي رجال ابي بنت .
فهد : مافيها شي .. وتتواصلين معاه عن طريق الجوال بس مقابلات مستحيل .
مدى : ياذكي اشلون اسوي اجتماعات .. اسافر معاه ؟
فهد : لا مستحيل انا ما ماتت غيرتي على محارمي .. إذا كان الشغل يحدك على السفر مع الرجال مو ضروري .
مدى : فــهد هذا شغلي وانا حره فيه .. قلت لك ابي مديرة اعمال مو مدير اعمال .
فهد : اوك لاتزعلين عائلة سامي كلها ماشاء الله يشتغلون بالمحاماه وادارة الاعمال اجيب لك وحده من بناتهم .
مدى : مشكور اخوي ربي لايحرمني منك .. فهود ممكن طلب .
فهد : ياليل الليل .. اطلبي .
مدى : اممم عارفه طلبي مستحيل يتنفذ بس عندي امل .
فهد : وش طلبك .
مدى بابتسامه : تكفى طلع غيداء من العذاب اللي هي عايشته .
فهد : طلبك على عيني وراسي بس البنت ببيت اهلها اشلون اطلعها من بيت ابوها وانا رجال غريب عنها ولا اعرفها .
مدى : هي مو ببيت ابوها هي ببيت عمها .
فهد : نفس الشي .
مدى : يعني ماتقدر ؟
فهد : اقدر واقدر على اصعب من كذا بس كرامتي تمنعني اشلون اخطف بنت من اهلها .
مدى بعصبيه : اووه يافهد وش فيك ماقلت لك اخطفها قلت لك طلعها يعني انا انا اقولها تطلع لسكن انت تجيبه لها .
فهد : مدى لاتدخلين بشي لا يعنيك البنت اكيد مرتاحه عند اهلها وان شاء الله تتزوج وتفتك .
مدى : والله انا متأكده انه مافيه احد بيتزوج غيداء عمها يرد اللي يخطبونها خطبوها 4 ورفضهم .
فهد : وش دراك يمكن البنت فيها شي .. عمها يعرفها اكثر منك .
مدى : احترم نفسك ولاتتكلم على صديقتي .
فهد بعصبيه : مو انتي اللي تكلميني كذا .
طلعت الجوهره من المجلس : خير ان شاء الله وش فيها اصواتكم واصله اخر البيت .
فهد : يمه بنتك تطول لسانها علي .
مدى : والله هو اللي يتكلم على غيداء ومايحق له يتكلم عليها .
الجوهره وهي تطالع مدى : وش فيها غيداء كل ماجيتي عند احد تهاوش معاك والسبب هي .
مدى : ناس قليلين ادب وريف وفهد سبحان الله نفس الطينه نفس الدم .
فهد " الله لايقوله ": اكيد هذي بنت عمي من لحمي ودمي .
مدى : الله يهنيك فيها .
ضحكت الجوهره : وش اللي الله يهنيه فيها .
فهد : يمه هذي والله فاضيه بس تبي تتخانق انا ما ادري هي من طالعه عليه .
الجوهره : وانت الله يهديك لازم تتناقر مع اخوانك كل يوم متى تعقل .
ضحك فهد : يمه والله انا عاقل بس ماله داعي الرسميه بالبيت .
الجوهره : هااا سلطان ما اتصل عليك ؟
فهد : لا والله الى الان ما اتصل له ساعتين ولا اتصل علي .
مدى : وش السالفه ؟
فهد : من حسن المرء تركه مالا يعنيه .

***

صحت على طق الباب المخيف لأول مره تحس برعب قامت من نومها وهي تسمع صبا تصارخ : افتحي الباب ياحيووانه .
راحت للحمام ( وانتو بكرامه ) وخذت لها شور ولبست جلابيه ابيض واسود وجففت شعرها ولفته ذيل حصان وهي مازالت تسمع طق الباب راحت وفتحت الباب : نعم .
صبا : انعم الله عليك وين العشاء ؟
طالعت غيداء بساعتها : سلامات حبيبتي لسه بدري ع العشاء الساعه 5 ونص العصر .
صبا : كيفي انا ابي العشاء الحين .. انتي فقط خدامه هنا مالك كلمه وتنفذين اللي اقولك عليه وانتي ساكته .
رن جوال غيداء وابتسمت : هلا عمي .
عبدالرحمن : هلا والله ببنيتي وش اخبارك يبه ؟
غيداء : الحمدلله بخير .. وش اخبارك عمي والله مشتاقه لك كثير .
عبدالرحمن بحب : بخير دامني اسمع صوتك .
دخلت غيداء بالغرفه وبغصه : عمي متى ترجع ؟
عبدالرحمن : فيه احد مضايقك يا غيداء ؟
غيداء بعد مابلعت ريقها : لا بس اشتقت لك وانا عايشه ببيتك معززه مكرمه .
عبدالرحمن : ان شاء الله اسبوع بالكثير وانا عندكم .
غيداء : ان شاء الله .
عبدالرحمن : مع السلامه حبيبتي الخط بينقطع الشبكه مو زينه عنــ...
وانقطعت المكالمه .
ونزلت دمعه من غيداء " آآه اشتقت لك ياعمي 6 اشهر وماتكلمني إلآ بالشهر مره والمكالمه اقل من 5 دقايق ليتك تدري بالضيم اللي عايشته "
وطلعت من الغرفه وراحت للمطبخ وسوت عشاء لصبا وبعد 15 ساعه جهزت صينية الخضار وجهزتها ع الطاوله : صبا.
جات صبا : نعم .
غيداء : عشاك جاهز .
طالعت صبا بالعشاء واخذته وحطته بالزباله : شبعت الله يكثر خيرك .
انقهرت غيداء ومسكت غيداء صبا من اعلى بلوزتها وبعصبيه : ليش تسوين كذا ياحيوانه ؟
صبا وهي تبعد يدين غيداء وتبكي : والله ما اخليك .. والله ما اخليك .
وطلعت من عند غيداء تركض وغيداء جلست ع الكرسي وحطت يدها ع راسها " ليش صبا تسوي فيني كذا "

***

سلطان : حمد .
دخل الضابط حمد بعد ماطق الباب ودق التحيه : نعم عقيد سلطان .
سلطان وهو ياخذ الطاقيه العسكريه اللي ع الطاوله : وجه الفرقه (ب) لموقع المافيا وقبل المغرب ابيها تصير المداهمه واذا ماصار الكلام هذا المغرب راح تتعاقب .
حمد : على امرك عقيد سلطان .
وطلع من عنده وسلطان ركب بسيارته الخاصه وطلع للبيت ودخل : سلام عليكم .
الجوهره ونوره وفاتن : عليكم السلام .
سلم سلطان على روؤسهم وجلس : اخباركم .
فاتن : بخير جعلك بخير .. اشلون الشغل معاك .
سلطان : زين الحمدلله .. يمه فهد ما جاء ؟
الجوهره : إلا موجود بجناحه .
طلع سلطان لجناح فهد وطق الباب ودخل : فـهد .
طلع فهد من مكتبه : هلا سلطان هاا قدرت تحدد المكالمه ؟
سلطان : ايــه والان ارسلت فرقه لمداهمة الموقع وانا بروح معاهم بس باخذ اغراض خاصه من هنا .
فهد : كفو انت الاخو اللي ينشد فيه الظهر ابي جونسين يدري اني اعلى منه .
سلطان : الحمدلله والشكر تقارن نفسك برئيس المافيا .
فهد : وانا رئيس الحق .
سلطان وهو يوقف : عن اذنك بروح مع الفرقه ضروري اكون متواجد هناك .
نزل سلطان مع الدرج بسرعه وراح لمكتبه اللي بالدور الارضي واخذ الشنطه البوليسيه وطلع .

***

دخلت سهام بيتها وراحت لها صبا تركض وهي تبكي : يمه قليلة الحيا تمد يدها علي .
حضنت سهام بنتها : جعلها للكسر ان شاء الله .
صبا : آآه يايمه عذبتني غيداء بتنتقم مني سممت غداي وماتسوي لي اكل وانا ما اعرف اطبخ وتحط لي مع العصير حبوب منومه وتضربني .
كل الكلام هذا دار على مسامع غيداء اللي واقفه بالمطبخ سكرت عيونها وهي تسمع سهام تقول : والله ما اخليك يالنصرانيه تسكنا الين تمكنا وين بتروحين من يديني يالزفت " ياربي كن لي عونآ "

شمالية الهوى · 04-04-14, 05:21 PM

~ آلُبِآرّتٌ آلُثَآلٍثَ ~

• يَ حّظِيٌ آلٍعٌآثَرْ قُوْمَ

• يُكِفّيٌ عُتٍبٌ وَلْوٌمَ

بلعت غيداء ريقها وهي تشوف سهام تتوجه للمطبخ " يارب انها تعدي الليله على خير "
صرخت سهام وهي تضرب الباب بيدها : انتي وش اللي سويتيه ببنتي .
غيداء : والله ماسويت لها شي .
راحت لها سهام : وتنكرين الشي هذا ياحقيره .. صدق انك ماتربيتي .
ودفت غيداء بقوه وطاحت غيداء ع الارض وصارت سهام تضربها بعنف وغيداء تتأوه الين ما انقطع صوتها .
مسكت صبا امها : خــلاص يايمه ماتت غيداء وافتكينا منها .
سهام : يارب تاخذها وافتك منها يارب ان هذا اخر يوم لها ببيتي .
طلعو سهام وصبا لغرفهم وغيداء طايحه ع الارض بالمطبخ وينزف من فمها وخشمها دم ( تكرمون ) محد عرف عنها .
دخل خالد وشاف غيداء وراح لها يركض : غيداء .. غيداء .
وراح يركض لغرفة امه : يمه يمه غيداء بالمطبخ كلها تنزف دم .. البنت ماتت يايمه وش اسوي لها .
سهام اللي صحت من نومتها : حسبي الله على ابليسك ياخويلد خوفتني انا اللي مسويه كذا بغيداء ولها اكثر من ساعه طايحه هناك احسن خلها تموت ونرتاح منها .
نزل خالد يركض وراح لغرفة غيداء واخذ عبايتها اللي ع الشماعه وحطتها فوق غيداء وشالها وطلع للسياره وركب غيداء وركب بالسياره ومشى للمستشفى بأقصى سرعه نزلو غيداء وحطوها بالسرير ودخلوها العنايه وخالد جالس ع الكرسي ينتظرهم وعلى اعصابه .
رن جواله : هلا يمه .
سهام : بنت عمك مو هنا شكلها هربت .
خالد : بنت عمي عندي يايمه وماتوقعت انك بتخافين عليها .
سهام : مو خايفه عليها ياجعلها للجلطه بس خايفه من كلام الناس .
سكر خالد المكالمه وامه تتكلم ووقف : هاا دكتور وش فيها غيداء ؟
الدكتور : والله مش عارف وش اقولك بس البنت بحاله حرجه هي تعرضت للعنف واحتمال فيها كسور بيدها اليمنى .. انت وش تقرب لهاا ؟
خالد بتوتر : ولد عمها .
الدكتور : ماتعرف مين اللي اعتداء عليها ؟
خالد " اقول امي او لا " : ليش بتعرف مين اللي اعتداء عليها ؟
الدكتور : اللي صار ضروري تعرف فيه المباحث لأنه احتمال واحد بيقتلها .
خالد : احنا متنازلين عن كل شي ومانبي احد يعرف اهم شي سلامتها .
الدكتور : عندها نزيف داخلي بأنفها الضرب اللي هي تعرضت له عنيف وعنيف جدآ وتحتاج عمليه ولازم يحضر ولي امرها .
مشى خالد من عند الدكتور " ياربي وش اقول لأبوي .. هو قالي غيداء امانه برقبتك الين ارجع .. مافيه إلا حل واحد "

***

رن جوال فهد : هلا سلطان .
سلطان بابتسامه : فهيدان مبروك كسبت المره هذي داهمنا الموقع وحاصرنا 8 الاف شخص وهم الان بالسجن و1000 شخص قتلناهم لأنهم اطلقو النار على رجال الامن واصابو 6 .. وتقريبآ 400 شخص بالمستشفى حالاتهم صعبه 600 شخص هربو بس بنحصلهم .
فهد بذهول : قتلتو 1000 شخص والاصابات 400 شخص بثلاث ساعات بس .
سلطان : قول ماشاء الله .
فهد : ماشاء الله ورجال الامن وش صار عليهم ؟
سلطان : 4 اصاباتهم بليغه و2 ماتو الله يرحمهم ولاتنصدم من العدد هذي عصابة مافيا وكلها ترويج مخدرات .
فهد : الله يقويكم .
سلطان : مع السلامه .
فهد : هلا بك .. قفل جواله ونزله ع المكتب : سااامي .
دخل سامي : هلا ياطويل العمر .
فهد : تفضل .
جلس سامي وطالع بفهد اللي يقول : سامي انا احرجتك مع اهلك كثير اختي تقول ماتبي اللي يشتغل معاها رجال اذا تقدر تجيب لنا بنت ياليت .
ابتسم سامي : والله اختي تدور لها على شغل وانا ماراح القى ناس احسن منكم ياطويل العمر .
فهد : وانا ماراح القى احسن منك .
رن التليفون وطالع فهد بسامي : رد ومهما كان المتصل ما ابي اكلمه .
رد سامي بـ : الوو .
الجوهره : هلا سامي فهد عندك ؟
سامي : ايه .
الجوهره : طيب ليش جواله مقفل .. والله خوفني عليه .
سامي : لا الحمدلله مافيه شي بس هو عند شغل مهم وضروري .
الجوهره : اذا خلص شغله قوله يتصل علي .
سامي : اوك .. تامرين على شي خالتي .
الجوهره : سلامتك ياولدي .
سامي : مع السلامه .. وسكر السماعه .
اخذ فهد جواله ووقف : يله ياسامي تأخرنا على الرجال .
طلع سامي مع فهد وطلعو من الشركه ووراء فهد 6 من البودي قارد وجنبه سامي والحارس الشخصي وركبو بالسياره وطلعو.

***

خالد وهو يجلس ع الكنبه اللي جنب امه : يايمه الدكتور يقول لازم حضور ولي امرها عشان العمليه وانا خايف من ابوي .
سهام بلا مباله : خلها تموت واحنا وش علينا منها .
صبا بابتسامه : اول مره احس اننا عايشين ببيتنا من 12 سنه وهي على قلبنا .
سهام : قطيعه .. جعلها تموت وارتاح منها .
خالد وهو يوقف : يمه والله ما اخلي بنت عمي تموت وانا قاعد اتفرج واذا جا ابوي بقوله عن كل عمايلك بغيداء .
سهام : طالت وشمخت تهددني انت .. والله ولدي صار ضدي من اللي بيصير معي .
صبا : يمه انا معاك وخليهم كلهم ضدك .
سهام وهو توقف : وانت سوي اللي تقدر عليه .
طلع خالد من عندهم وجلست سهام : ياويلي يا صبا اذا قال لابوك انا وش اسوي والله ليذبحني .
صبا : لا لا مستحيل خالد يقول لأبوي ترا انتي عنده اهم من غيداء .
سهام : ياليت غيداء تموت .
صبا : يااارب انها ماتطلع من المستشفى ان شاء الله طول عمرها تصير هناك .
سهام : اميـــــن يارب .
رن جوال سهام وطالعت بصبا : هذا ابوك لايكون عرف بالسالفه ؟
صبا : لا لا ان شاء الله خالد ماقال له .
رد بـ : هـ هـلا عبدالرحمن .
عبدالرحمن : سهااام غيداء وش فيها ؟
بلعت سهام ريقها وقالت وهي ترجف : ما ادري .. مادري ياعبدالرحمن .. من يوم رجعت وانا القاها طايحه بالمطبخ والمستشفى يقولون فيها فقر دم .
عبدالرحمن : اصغر عيالك انا يوم تكذبين علي .. اتصل علي الدكتور ويقول غيداء تعرضت لضرب عنيف ممكن اعرف مين اللي سوا لها كذا .
سهام : هي تطلع مع صديقاتها يمكن احد اعتداء عليهم .
عبدالرحمن : خير ان شاء الله .. الحين انا جاي للسعوديه وراح اعرف كل شي .
قفل الخط بوجهها وطالعت سهام بصبا : يــاويلي يا صبا وش اسوي الحين ؟
صبا : يمه ولا يهمك ابوي والله ماراح يسوي فيك شي .
وقفت سهام : بس هو الحين جاي وش اسوي له ؟
صبا : خلاص روحي عند خوالي واذا جاء ابوي اقوله جدتي تعبانه .
سهام بابتسامه : بذكاءك هذا طالعه على مين .
ضحكت صبا : اكيد عليك .
سهام : بس ما اقدر اروح عند خوالك وانتي هنا بروحك .
صبا : شوي ويجي ابوي وانا راح اقفل الباب والسايق هنا ماراح يدخل احد غريب .
سهام : انا خوفي من السايق .

***

مدى وهي تركض مع الدرج : يـــــمــه .. يـــــمه .
الجوهره وهي توقف وبخوف : وش فيك وش فيك ؟
مدى وهي توقف بنص الدرج وتبكي : يمه غيداء بالمستشفى عندها نزيف داخلي بانفها .
الجوهره وهي تجلس على الكنبه : خوفتيني على بالي عيالي صاير لهم شي .
مدى : يمه اقولك حالتها خطيره تكفين يايمه بروح لها .
الجوهره : وش لك فيها وليش تروحين لها ؟
مدى : صديقتي .
الجوهره : خلاص روحي لها .
مدى : طيب يمه روحي معاي .
الجوهره : هي بغيبوبه ولا صاحيه ؟
مدى وهي تمسح دموعها : لا بغيبوبه .
الجوهره : خلاص ما ابي اروح معاك هي ماراح تحس باللي حولها وليش اتعب نفسي .
راحت مدى لغرفتها وخذت عبايتها ولبستها ولبست طرحتها وخذت جوالها ونزلت تركض .
وطلعو معاها البودي قارد الخاص فيها ومرافقتين وركبو بالسياره وطلعو بسرعه جنونيه للمستشفى نزلت مدى والبودي قارد وراها وطالعت بالغرفه اللي قالها خالد (453) ودخلت وطالعت بغيداء لابسه لبس المستشفى زهري وعلى وعلى وجهها اجهزه وحبال موصل للدم والجلكوز وراحت لغيداء وهي تمشي بمهل والصدمه على وجهها ومسكت يد غيداء البارده : حسبي الله عليهم ليش يسوون فيها كذا .
دخل خالد مع الدكتور وكان النقاش حاد بينهم طلعت من عندهم مدى ورجعت للبيت ودخلت وطالعتها امه : بسم الله .. انتي مارحتي المستشفى .
مدى هزت راسها بايه : وياليتني مارحت يمه غيداء كلها اجهزه يدينها ووجهها وطالعه سمرا .
الجوهره : تعالي اجلسي .
جلست مدى : ياويلي عليك ياغيداء .
الجوهره : صلي على النبي .. ولاتقولين كذا هي لسه ماماتت .
مدى وهي تبكي : يمه انتي لو شفتيها والله تتوقعين انها ميته .
الجوهره وهي تحضن مدى : خلاص حبيبتي لاتبكين وصديقتك بتصحى ان شاء الله .

***

دخل عبدالرحمن بالبيت ووراه زوجته كريمه : سلام عليكم .
وقفت صبا وطالعت بكريمه بذهول : مين هذي ؟
عبدالرحمن وهو يجلس بعد ماسلم على صبا : هذي خالتك كريمه .
صبا : وش اللي خالتي تخلخلت عظامها ان شاء الله .
كريمه وهي ترجف : ابن عمي انا بدي اطلع ع داري منشان ارتاح .
عبدالرحمن : طلعيها على غرفتها يا صبا .
صبا : يبه مين هذي ممكن تفهمني وش السالفه وهذي ليش جايه .
عبدالرحمن : معقوله مافهمتي يا صبا .. هذي زوجتي .. وين امك غريبه مالها حس .
صبا : هــاا امي راحت عند جدتي لأن جدتي تعبانه .
عبدالرحمن وهو يوقف : انا رايح للمستشفى واذا رجعت وهي مارجعت والله مايصير لها طيب .. وانتي ياكريمه امشي معاي انتي بروحك هنا مو بامان يمكن تجي سهام وتسوي فيك اللي هي سوته بغيداء .
طلعت كريمه مع عبدالرحمن وركبو بالسياره .
كريمه : ابن عمي شو هيدآ انا شو عملت ؟
عبدالرحمن : انت ماسويتي شي بس هم ماراح يخلونك بحالك .
وصلو المستشفى ونزلو من السياره وكانت كريمه تمشي جنب عبدالرحمن وجا خالد وسلم على ابوه وباس راسه ويده : الحمدلله على سلامتك يالغالي .
عبدالرحمن : الله يسلمك .
طالع خالد بكريمه وطالع بابوه : مين هذي ؟
عبدالرحمن : هذي زوجتي كريمه .. سلم عليها ياخالد .
صافح خالد كريمه : الحمدلله على السلامه .
كريمه : ربنا يسلمك يا خالد .
عبدالرحمن : هااا وش صار على غيود ؟
خالد : هي صحت من غيبوبتها بس بعد يومين بيسوون لها عمليه .
عبدالرحمن : اســألك بالله ياخالد امك اللي معتديه عليها .
خالد نزل راسه : ايه امي .. بس طلبتك يايبه لاتسوي لها شي يمكن غيداء غلطت بشي .
عبدالرحمن : والغلطان يضربونه كذا .. انا بروح لغيداء انت اجلس عند كريمه الين ما اطلع .
دخل عبدالرحمن عند غيداء وطالعته وسالت دموعه : تأخرت ياعمي لو كنت موجود كان ماسوو فيني كذا .
باس عمها جبينها ويدها : الله لايحرمني منك .. والله ياغيداء انه مو بيدي اتأخر وحقك باخذه لك من عمتك لايهمك .
غيداء بين شهقاتها : عمي انا تعذبت كثير والله بغيابك اموت باليوم الف مره .
عبدالرحمن وهو يمسح دموعها : والله مادريت بعذابك وراح اخذ لك حقك .
دخلت كريمه : سلام عليكم .
عبدالرحمن وغيداء : عليكم السلام .
سلمت كريمه على غيداء : الف الحمدلله على سلامتك يا قمر .
غيداء : الله يسلمك .
كريمه : اكيد مابتعرفي انا مين .
غيداء هزت راسها بلا .
كريمه : انا كريمه زوجة عمك عبدالرحمن .
غيداء : تشرفنا .
كريمه : الشرف لي .. عمك بيحكي لي عنك كتير .
ابتسمت غيداء وطلعو من عندها " يارب اعني على سهام "

***

سلطان : يبه متى بتروح لألمانيا ؟
منصور : عندي صفقه بالمانيا بعد اسبوعين بس فهد يتكفل فيها .
الجوهره : الله يعينه ولدي كل شغلكم على ظهره .
منصور بابتسامه : اذا ماوافق البركه بنصور .
ناصر : انت تامر يأخوي .
الجوهره : وش معنى فهد وناصر اللي يشتغلون لكم ليل ونهار .. شوف نايف وعمار ماعندهم لاشغل ولا مشغله .
منصور : والله انا ما اثق إلا باخوي ناصر وولدي فهد وهم كفو ولا نايف وعمار مايصلحون لصفقات عالميه وشغل سنع .
سلطان : والله انا انفعك خلني اروح .. مشتاق لاماني .
ناصر : امااا تو راحة لالمانيا امداك تشتاق لها .
ابتسم سلطان : يوم جات كنت مشغول يعني ماشفتها ولا جلست معاها بس سلمت عليها وانا بروح اشوف بنتها جوانا .
منصور : لا ماينفعني إلا ناصر وفهد وهم يتفقون وواحد منهم يروح .
ابتسم ناصر وطالع بسلطان : سمعت اخوي وش يقول ماينفع إلا انا وفهد لآنا كبار عيال اكابر .
نزلت مدى مع الدرج : عــمــو ناصر هنا .
راحت له وسلمت عليه : حيوان ليش ماقلت لي انك جاي هنا .
ناصر : هههههه عدلي الفاظك يابنت انا عمك .
ابتسمت مدى : قال ايش قال عمي نسيت يوم كنا نلعب مع بعض يعني احنا مابيننا شي .
ناصر : اوووف ليش محد راضي يقولي عمي .
سلطان : انا اقولك عمي .
ناصر : كفو هذا ولد اخوي الي يحق لي افتخر فيه .
مدى وهي تجلس جنب ابوها وبغصه : يبه صديقتي بالمستشفى بين الحياة والموت تكفى يبه انقلها بمستشفى زين عشان عمليتها .
منصور : افاا بنتي الغاليه تبكي .. ليش وش فيها صديقتك ؟
مدى : زوجة عمها ضربتها وعندها نزيف داخلي بالانف .
منصور بذهول : وزوجة عمها ليش تضربها ؟
مدى : مدري هي عايشه عندها وشغلتها خدامه ويوم ملت منها ضربتها هي تبي تقتلها .
منصور : ومين صديقتك ووين اهلها ؟
مدى : هي امها كرستينا الالمانيه وماتبيها عشانها مسلمه وابوها ميت من قبل لاتجيبها امها بشهرين .
منصور وهو يوقف : يله امشي معاي تشوفين صديقتك وننقلها لمستشفى ولد عمتك بسام .
الجوهره وهي توقف : انا بروح معاكم .. بشوف غيداء .
نزلت الخدامه مع الدرج ومعاها جوال مدى اللي يرن اخذته مدى : هلا غيود .
غيداء وهي تبكي : مــدى وينك والله محتاجه لك كثير .
مدى : الحين جايه .
غيداء : مع السلامه انتظرك .
مسحت مدى دموعها وطالعت بالخدامه : جيبي لي عبايتي .
بعد ثواني جابت الخدامه العبايه لبستها مدى وطلعت مع امها وابوها واول مره تطلع مع ابوها .

***

عبدالرحمن وهو يعطي سهام كف : غيداء الداخله وانتي الطالعه وبنت اخوي ماتنظام ببيتي .
سهام وهي تحط يدها مكان الكف : تمد يدك علي عشان بنت النصرانيه .
عبدالرحمن : والله لو العشره اللي بيننا لأطلقك واخلي الناس كلهم يتشمتون فيك .
سهام بعصبيه : اصلآ انت من يوم تزوجت هذي واحنا علك بحلوق الناس .
عبدالرحمن وهو يسحبها بشعرها : لاترفعين صوتك علي .
سهام وهي تصارخ : آآآآآآه .
تركها عبدالرحمن وطاحت بالارض ومشى من عندها : انا بروح انام والله وبالله اذا طلعتي من البيت مالك رجعه .
طلعت معاه كريمه ودخل بالغرفه وسكرت كريمه الباب : ابن عمي ريح بالك شو العصبيه دي .
عبدالرحمن : انتي شفتي حالة غيداء ؟
كريمه : شفتها بس انت شو بك ؟
عبدالرحمن : كريــــمـــه اسكتي لايصير لك اللي صار لسهام .
خافت كريمه وحست انها زودتها وجلست على الاريكه وحطت رجل على رجل " شو اعمل ؟ "
طق الباب وقامت كريمه وفتحت الباب : وش دخلك هنا ؟
كريمه : هذي غرفتي وغرفة ابن عمي .
دفتها صبا وراحت عند ابوها : يبــــه يبــــــه .
صحى عبدالرحمن : وش فيك انتي محد يرتاح عندك ؟
صبا : يبه خالد يقولك فيه رجال اسمه منصور اليحيى نقل غيداء لمستشفى خاص .
عبدالرحمن وهو يجلس : منصور اليحيى ماغيره .. وهو وش عرفه بغيداء .
صبا : يبه هي اكيد طالعه على امها ويمكن مصادقه رجال .
طالعها ابوها وبعصبيه : ثاني مره اسمع الكلام هذا والله لأوريك مصايب دنياك .
صبا : يبه انا ماجبت كلام من عندي يعني من وين يعرفها الرجال هذا .
عبدالرحمن : لو تعرفين مين الرجال هذا عرفتي ان بنت عمك لها ام راح تدافع عنها .
صبا فتحت عيونها ع الاخر : وش دخل ام غيداء بمنصور اليحيى ؟
عبدالرحمن : هي سيدة اعمال كبيره ومعروفه ومنصور اليحيى رجل اعمال ومعروف .
ووقف عبدالرحمن وراح لدورة المياه واخذ له شور ولبس ثوب ابيض وغتره وطلع من عند كريمه اللي جالسه ع السرير .
وطلع وشاف سهام جالسه وتبكي طلع عبدالرحمن وركب بسيارته وطلع للمستشفى ودخل للرسبشن : لو سمحت كم رقم غرفة غيداء عبدالله ال...؟
الموظف : غيداء تم نقلها لمستشفى د. بسام الصالح .
عبدالرحمن : اشلون نقلتوها للمستشفى ومن سمح لكم ؟
الموظف : نقلناها عن طريق السيد منصور اليحيى هو جا بنفسه للمستشفى وقال طلعوها وبواسطته تم نقلها عاد انت تعرف السيد منصور .
طلع عبدالرحمن من عنده " وش عرفهم بغيداء هذولا من كبار الشخصيات منصور اليحيى والدكتور بسام الصالح ".
توجه للمستشفى وطلع جواله واتصل على خالد : الوو .
خالد : هلا يبه .
عبدالرحمن : وينك ؟
خالد : انا الحين مع الشباب بالاستراحه .
عبدالرحمن : متى نقلو غيداء لمستشفى بسام الصالح ؟
خالد : يمكن قبل ساعتين .. والله يايبه من يوم شافو منصور اليحيى وهم يوافقون الحين كل شي بالواسطه انا ولد عمها بوقع على عمليتها ويقولون لا ومنصور اليحيى من يوم دخل استقبلوه بحفاوه وماعارضوه ولا قالو لازم موافقة ولي امرها .
عبدالرحمن : والله ما اتوقع ان فيه احد بيرد طلب لمنصور .. إلا هو يوم دخل المستشفى معاه احد ولا بس هو .
خالد : لا معاه ناس كثير البودي قارد وحراس الامن ورجال وش كثرهم وحرمتين شكلهم يقربون له .
عبدالرحمن : وانت وش مجلسك بالمستشفى يوم خذو غيداء .
خالد : رايح ازور خويي اللي صار عليه حادث وشفت زحمة الناس على منصور وعرفت انهم خذو غيداء .
عبدالرحمن : مع السلامه انا وصلت المستشفى بشوف وش عندهم .
وقفل المكالمه ودخل بالمستشفى : ممكن غرفة غيداء عبدالله ال....
الموظف : room 100 .
راح عبدالرحمن لقسم الجراحه غرفة 100 ودخل : سلام عليكم .
غيداء ومدى اللي تغطت : عليكم السلام .
راح عبدالرحمن لغيداء : هااا وشلونك ياروح عمك ؟
غيداء بابتسامه : الحمدلله بخير حالتي تحسنت .
عبدالرحمن : كان قلتي لي انك بتجين هنا .
غيداء : والله ماكنت عارفه اني بجي هنا بس مدى ماقصرت وكلفتها كثير .
مدى : هذا حق وواجب ياغيداء .. استائذن بطلع البيت والساعه 10 اجيك .
غيداء : اذنك معاك حبيبتي .
عبدالرحمن وهو يجلس ع الكرسي : اشلون جابك هنا منصور اليحيى .
غيداء : مدى بنته هي اللي كلمته وقالت له وهذا مستشفى ولد عمتها .
عبدالرحمن : ماشاء الله .. وانتي وش عرفك فيها والله استغربت .
غيداء : اعرفها من الجامعه .. عمي ليش ماجبت كريمه والله حبيتها من اول ماشفتها .
عبدالرحمن تذكر كريمه : يوووه نسيتها .. الله يستر سهام لاتذبحها ترا تسويها المجرمه .

***

عامر : نايف اليوم البارتي راح يصير مميز .
نايف : وش معنى اليوم مميز ؟
غمز له عامر : اماني بتجي .
ضحك نايف : حسبي الله على ابليسك واماني تميز البارتي ؟
عامر : ههههههههه لا بس هي شايفه نفسها وتقول ابوها رجل اعمال اسمه احمد العيسى .
نايف : خلاص دامها بنت رجل اعمال بنلعب فيها .
عامر : افاا عليك لاتوصي حريص .
نايف وهو يرجع شعره وراء : والله راسي مصدع ابي حبوب .
دخل سلطان على اخر كلمه ووقفو عامر ونايف وبابتسامه : بسم الله وش فيكم ؟
عامر بعد مابلع ريقه : اول مره اشوف احد يدخل بمكان ومايطق الباب .
سلطان وهو يجلس : عارف انه مافيه احد يجلس بالديوانيه إلا انتم .. إلآ انت وش حبوبه اللي تبي .
عامر بتوتر : يـ يـعني وش حبوبه اكيد بنادول او فيفادول .
سلطان وهو يرفع حاجبه : ليش على بالك وش اقصد ؟
نايف وهو يجلس : عارفين انك تقصد حبوب الراس بس يعني هو يقولك وش اللي ابيه .
سلطان بابتسامه : ابي افهم الحين ليش اذا كلمت نايف يرد عامر واذا كلمت عامر يرد نايف ههههه لايكون غلطان بأسمائكم .
نايف : مافيها شي انا وخويي مكملين لبعض وانا عامر وهو نايف مابيننا فرق .
عامر : ايه كلامه صح .
دخل ناصر بعد ماطق الباب : ما شاء الله مجتمعين وماتقولون لي .
سلطان بمزح : وانت بكل مكان وراي وراي يكفي ان غرفتي لاصقه بغرفتك .
ضحك ناصر : هههههههه ترا اطلع لفلتي واخليك تجلس دايم بروحك .
عامر وهو يوقف : يلا نايف بنمشي تأخرنا على الشباب .
وقف نايف : عن اذنكم شباب .
وطلعو وركبو بسيارة نايف فراري 2013 مطليه بذهب وطلعو من القصر .
نايف : عامر ترا ورطتنا متى نسوي الملتقى الدعوي ؟
عامر : عادي بأي وقت لو تبي بكره .
نايف : ومتى بنجيب الشيوخ والمنشدين .
عامر : نتصل عليهم وماراح يقولون لا .
نايف : البركه فيك انت تتصل عليهم وتقول لهم .
عامر : حااضر كم نايف عندنا .
وصلو الفيلا ( المكونه من طابقين وتبعد عنها كيلو مزرعه كبـــيره مره وجنبها استراحه فخمه )
ودخلو نايف وعمار اسوار المزرعه بعد مافتح لهم الحارس الباب الخاص بالسيارات ونزلو ودخلو بالفيلا .

***

فهد وهو يسند ظهره على الكرسي الفخم اللي هو جالس عليه : I told you that you are not from my order level.
( انا قلت لك انك لست من مستواي لكي تتحداني )
جونسين بقهر : But you destroyed my life.
( ولكن انت دمرت حياتي )
فهد بابتسامة سخريه : This only for simple lesson to you, nasty.
( هذا فقط درس بسيط لك يا حقير )
جونسين بكل عصبيه : Regret Fahd and soon we will see soon is despicable.
( ستندم يافهد وسنرى قريبا من هو الحقير )
عدل فهد جلسته : In each case you are despicable and you can not tell me so, otherwise you will do what you did your gang.
( في كل حال انت الحقير ولا يمكنك ان تقول عني هكذا و إلا سوف افعل بك ما فعلت بالعصابه )
جونسين : I did not say you are despicable.
( انا لم اقل انك حقير )
فهد بضحكه : What did you say a little while ago .
( وماذا قلت قبل قليل )
جونسين استغرب من برود فهد وخاف اكثر من اسلوب فهد هذي اول مره يقابله : You explain to speak to Share Digg this Thread sir.
( انك تفسر الكلام على مبتغاك ياسيدي )
فهد وهو يوقف : Get out of here before it gets to you ill .
( اخرج من هنا قبل ان يحصل لك سوء )
طلع جونسين وسامي طالع بفهد : شكله يتكلم من جده يا طويل العمر .
فهد وهو يجلس : اذا فيه خير يسوي لي شي .
سامي : والله من العصر وانا قلقان وخايف .
فهد : سااامي خلاص ما كأنك متعود على الحالات هذي ؟
سامي : ياكثر ماتمر علينا بس هذا رئيس عصابة المافيا .. انا ما ادري اشلون يدخل السعوديه .
فهد : ومين اللي قالك انه معروف هذا محد يدري انه من عصابة المافيا خصوصآ فالسعوديه .
سامي : والله الشغل هذا يخوف اشلون يقتلون الناس ويسممونهم بالمخدرات والمشكله انه فيه ناس مسلمين معاهم .
فهد : آآه بس لو يطيحون بيدي عصابه ثانيه يمكن تنهي جونسين .
سامي : ومازلت مصر على انك اقوى منه وراح تتحداه ؟
فهد : إلى اخر يوم بعمري وانا راح اتحداه وواحد مننا بيموت على يد الثاني .
سامي : عمرك طويل ان شاء الله هو الي يموت قبلك .
فهد : اليوم انا عازمك على عشاء مع اهلي .. اول مره سلطان مايصير عنده شغل .
سامي : لا ياطويل العمر هذي لمة اهل ما ابي احرجك .
فهد : افآآ يا سامي انت واحد منا وفينا والله امي ياكثر ماتقول انك واحد منا .
سامي : لا لا ان شاء الله نعوضها بيوم ثاني .
فهد : لا انا قلت لك اليوم يعني اليوم قول تم .
سامي بابتسامه وهو منحرج من فهد : تم .

***

دخلت مدى بالمستشفى وشافت بسام يمشي مع الممر اللي هي تمشي فيه لابس بنطلون اسود وبلوزه سماوي فاتح وعلى ذراعه المعطف الابيض وطالعت مدى ببسام : مساء الخير .
بسام بابتسامته اللي تذوب مدى : مساء النور والسرور تو مانور المستشفى .
انحرجت مدى : منور بوجود اهله .
بسام : وين رايحه ؟
مدى : بروح لصديقتي غيداء .
بسام : ماتشوف شر ان شاء الله بس ماتروحين وانا ماضيفتك تعالي معاي للمكتب .
مدى : لا انا مستعجله بروح لغيداء .
بسام : لا والله ماتروحين لها إلا الين ما اضيفك ترا انتي غاليه وتستاهلين .
مشت معاه مدى وكانت تمشي جنبه ودخلو بالمكتب وكانو المرافقات اللي مع مدى واقفات عند الباب طالعتهم : ادخلو .
دخلو وجلس بسام ع الكرسي : سميـــــر .
دخل سمير : هلا بك دكتور بسام .
طالع بسام بمدى : وش تشربين ؟
مدى بحيا : اي شي .
بسام : خلاص جيب 2 ايس تي ستوربري .
طلع من عندهم سمير ومدى تلعن الساعه اللي هي وافقت انها تدخل مكتبه فيها : مدى .
مدى فز قلبها " لبيه ياروح مدى " : هلا .
بسام بابتسامه على جنب : بسألك بس تجاوبين بصراحه .
مدى " آآآه ياخقتي على ابتسامتك هذي " : راح اجاوبك بصراحه .
بسام بهمس : تحبيني ؟
سمعو الباب يطق تخيلت لو انه واحد من اخوانه " ياربي سترك "
دخل ابوها ووقفت مدى ومنصور جلس مكانها : منوره المكتب يابنتي .
مدى : منور بوجودك يالغالي .
بسام : هلا بك خالي .
منصور وهو يطالع مدى : وش جابك هنا وانتي رايحه لغيداء واقولك روحي لمكتب بسام وتقولين لا .
بسام بيرقع لها : ايه هي جايه تشوف اوراق غيداء وعملياتها اللي بنسوي لها .
منصور : ليش هي كم عمليه بتسوون لها ؟
بسام : ثنتين وحده بأنفها ووحده بكتفها عندها خلع .. لو ماقلتو لي ان اللي سوت فيها كذا زوجة عمها كان قلت لكم طايحه عليها طياره .
مدى لا شعرويا : اسم الله عليها فال الله ولا فالك .
ضحك بسام على انفعالها : شوي شوي كليتيني بقشوري .
منصور : ههههه عاد مدوي ماترضى على غيداء صديقتها وش تسوي .
بسام " عقبال ما اصير زوجها وصديقها وكل شي بحياتها "
مدى : عن اذنكم تأخرت على غيود .
وطلعت من عندهم وراحت لغيداء ودخلت بالغرفه : سلام عليكم .
غيداء بابتسامه : عليكم السلام كان ماجيتي قايله لي الساعه 10 وانتي هنا والحين الساعه 10 ونص .
جلست مدى ع الكرسي ونزلت نقابها : والله رحت لبسام .
شهقت غيداء : ياويلي وش موديك هناك ؟
مدى : والله هو اللي لزم علي اروح معاه عاد انا ما ارفض له طلب ورحت عنده بالمكتب وجا باباتي وانا هناك .
غيداء : وش سوا فيك .
مدى : دادي مايقولي شي انا والله خفت يدخلون فهد او نايف وتوقعت انهم يجون بأي وقت .
غيداء : آآه يامدى كل جسمي احس انه متكسر .
مدى : ياقلبي عليك ليته فيني ولا هو فيك .
غيداء : لا تتمنين يامدى وجعلك ماتحسين باللي احس فيه .
مدى : والله ياغيداء لو تطيح الحيوانه هذي بين يديني لامسح وجهها بالارض .
غيداء : انا مسامحتها .
مدى : ايشش مسامحتهااا ليش ياغيداء ماعندك كرامه وعزة نفس وش هذا ؟
غيداء : انا ابي الحسنات من ربي وقال تعالى (خُذْ الْعَفْوَ وَأْمُرْ بِالْعُرْفِ وَأَعْرِضْ عَنْ الْجَاهِلِينَ).
مدى : صدق الله العظيم .. بس هي ظلمتك كثير .
غيداء : ربي راح يحاسبها بس انا مسامحتها .
طق الباب وتغطت غيداء ومدى لبست نقابها ودخل بسام ومعاه منصور : سلام عليكم .
مدى : عليكم السلام .
استحت غيداء وطالعها منصور : وش اخبارك يابنتي ؟
غيداء بحيا : بخير الله يسلمك .
منصور : انا جيت اتطمن عليك واتمنى اني ماضايقتك عن اذنكم انا اترخص .
طلع منصور وطالع بسام بمدى : ممكن تجين معاي للكوفي اللي هنا .
مدى وهي تطالع غيداء : لا بجلس مع غيداء هي تعبانه شوي .
بسام : اوك مو طالعه معاي .. طيب ردي على سؤالي اللي سألتك قبل لايدخل خالي .
مدى حست بحراره بوجهها ونفسها يعلو ويهبط : بسااام مو وقت استهبالك .
راح لها بسام وصار قريب منها : يابنت خالي ارحميني واذا كان تحبيني بخطبك اليوم قبل بكره واذا كان ماتحبيني الشكوى لله .
بعدت عنه مدى : بسام ترا وربي لأقول لفهد انك تتحرش فيني .
ضحك بسام : ولد عمتك ويتحرش فيك هااا .
مدى " فديت هالضحكه " : طيب اطلع من هنا انت ضايقت غيداء .
بسام : مدى جواب بايه ولا لا انتي تبيني ولا لا ؟
مدى وهي ترجف : اذا خطبتني ذيك الساعه بجاوب على سؤالك .
بسام : اوك يعني الرد ان شاء الله قريب .
مدى : طلبتك بسام اطلع من هنا .
بسام وهو يأشر على عيونه : من عيوني .
وطلع وفتحت غيداء غطوتها : قليل ادب .
مدى وهي تطالع بغيداء : بلييييز لاتغلطين على بسام .
غيداء : ماكأنها هذي اللي قبل شوي ترجف هنا بتموت من الحيا .
مدى : والله احس بشعور غريب اذا كلمني .

***

كانو جالسين ع طاولة العشاء منصور وعلى يمينه فهد وعلى يساره ناصر وجنب فهد سامي وبعده سلطان وقدامهم سعود وبدر وصالح
وعبدالمحسن
بدر : وين عامر ونايف ؟
منصور : والله ما ادري يابدر لهم مده مايجلسون معانا ما ادري وش فيهم .
سلطان : انا اعطيك على بلاطه عيالكم يايبه وياعمي شاك فيهم من زمان والله اعلم بالنوايا .
صالح : لااا ياسلطان احنا رحنا لهم من 5 ايام ماشاء الله عليهم يسوون ملتقيات دعويه شبابيه وكل شغلهم الحمدلله زين .
سلطان : غريبه يسوون ملتقيات ليش مايخبرونا نحضر صدقوني هذي تسكيته منهم عشان محد يشك .
منصور : انت قلتها قبل يا سلطان الله اعلم بالنوايا احنا قلنا لهم اقرب ملتقى دعوي بنحضره ووافقو .
فهد : والله يا اخوي على حركات العيال شكوك بمحلها .
سعود : والله تقدر تقول انهم من الشباب حقين التفحيط والاغاني .. ياخي شوف سياراتهم .
بدر : مع احترامي للكل نايف وعامر شباب نادرين مافيه احد بعمرهم محافظ على صلاته بالمسجد .
عبدالمحسن : هذا اكبر دليل ان العيال مافيه احسن منهم .
سعود : يمكن رياء .

شمالية الهوى · 05-04-14, 04:08 AM

~ آلُبًآرْتٌ آلْرٌآبٌعً ~

• يَ دٍرْبُ آلٌعِنّآ آلٍطُوِيَلِ

• بٌدْآ لُيً مّعِكُ هٌمِنً ثَقِيّلٌ

منصور بعصبيه : سعووود حرام عليك تقول كذا العيال مايراؤن بصلاتهم ان بعض الظن اثم .
سعود : انا قلت يمكن رياء .
وقف سامي ووقف معاه فهد , سامي : اكرمكم الله .
وطلعو هو وفهد وغسلو وجلسو بالصاله الصغيره اللي جنب صالة الطعام : هااا يا سامي لقيت مديرة اعمال لأختي ؟
ابتسم سامي : ايه اختي اميره طبقت قبل سنه وهي تنتظر الوظيفه .
فهد : انت معاي من 6 سنوات ماشفت احسن منك ويكفي انك خذيت جائزة نوبل لافضل مدير اعمال .. واختك اكيد نفسك .
سامي : يعني خلاص ابشرها اني لقيت لها شغل .
فهد : بشرها .. واخذ فهد جواله واتصل على مدى .. الوو .
مدى : هلا فهود .
فهد : عندي لك خبر بمليون .
مدى : وش عندك .. خبري فيك ماتعطي وجه .
فهد بضحكه : حرام عليك .
مدى : هههههههه وش الخبر بسرعه .
فهد : لقيت لك مديرة اعمال .
مدى : واخيرآ .. اهم شرط عندي هي سعوديه ولا لا ؟
فهد : ايه سعوديه ومن الرياض .
مدى : وش اسمها ؟
فهد : تحقيق هذا مو اسأله .. اسمها اميره .
مدى : وانت اشلون عرفتها ؟
فهد : الغلطان انا اللي رايح ادور لك على مديرة اعمال .
مدى : فديت قلبك يا اخوي .
فهد : هههههههه خليك كذا لاتغلطين مره ثانيه.. مع السلامه .
مدى : مع السلامه .. بس قول لأميره بكره نتقابل الساعه 10 الصباح بالبيت .
فهد : اوك .
وقفل المكالمه ودخل منصور : سلام عليكم .
فهد وسامي : عليكم السلام .
منصور وهو يجلس ع الكنبه اللي قدامهم : اليوم جاكم جونسين رئيس المافيا .
طالع فهد بسامي وطالع بأبوه : ايه ليش ؟
منصور : هو جاني بالشركه تقريبآ الساعه 8 وهددني وقالي اول ضحيه راح تكون نايف بعدين سلطان بعدين فهد .
فهد : ايه هو هددني قبل بس انا انتقمت منه بطريقتي الخاصه .
منصور : يافهد لاتحط راسك براسه تراه رئيس عصابه وبلحظه يودونك وراء الشمس .
فهد : والله يايبه انه ماعنده إلا تهديد بسس ولا مره سمعته يتكلم جد .
منصور : حذرتك ياولدي انت اغلى ما املك لاتخليني اخسرك بعز شبابك .
وقف سامي وقال وهو يطالع فهد : انا اترخص ياطويل العمر .
وقف فهد : اذنك معاك .. بس هاا لاتنسى تقول لأميره بكره الساعه 10 الصباح مدى بتقابلها .
سامي : تامر امر ان شاء الله بكره واميره هنا .
وطلع سامي وجلس فهد : كم دخله الشهري يافهد ؟
فهد بابتسامه : على حسب شغلنا .
منصور : ايه عارف بس اقل شي تعطيه كم ؟
فهد : اممم تقريبآ 20 الف واعلى ما اعطيته 90 الف .
منصور : والله انه يستاهل اكثر مو مثل مدير اعمالي .
فهد : يبه انا اختلف عنك كثير انت مع احمد رسمي مره سامي والله اعتبره اخوي .

***

نايف وهو يسكر باب الغرفه : عامر .
طالعه عامر : نعم .
نايف : فيه سياره غريبه برا الحارس يقول هو يعرفكم يقول انه فهد .
عامر بخوف : ايـ ايـ ايش فهد هنا ؟
نايف : ما ادري الحارس يقول هو شخص غريب ويقول افتح الباب انا فهد .
عامر : لا لا مستحيل وش هالمصيبه .. يله تعال معاي بنطلع اللي هنا .
نايف : اوك .
نزلو للصاله الكبيره اللي مجتمعين فيها البنات والعيال واغلبهم سكارى ونادى عامر البودي قارد تقريبآ عشرين شخص : طلعو هذولا برا لايبقى ولا واحد .
طلعوهم خلال 5 دقايق وطلعو نايف وعامر وراحو للبوابه وهم خايفين ووقفو عند الحارس : مين اللي هنا .
الحارس : واللهي مابعرفوش بس هوا يئول انو اخوكم فهد .
طلع عامر جواله واتصل على فهد : هلا عامر .
عامر : هلا بك فهد .. وينك ؟
فهد : انا بالبيت .
عامر : انا حبيت انك اول واحد يدري بالموضوع بكره الملتقى الدعوي تقريبآ الساعه 8 ونص بالليل واتمنى تحضر .
فهد : بحضر ان شاء الله .. بس غريبه متصل علي الساعه 12 كأنه الوقت بدري عندك .
ضحك عامر : احنا عيال عم مابيننا رسميات بس انا من خلصت البـار.. جلسة الشباب بدري .
فهد استغرب : وش كنت بتقول قبل جلسة الشباب ؟
ارتبك عامر : اقول خلصت من البارتي اللي احنا سوينا لخوينا خبرك توه متخرج من الثانوي بزر لازم نفرحه .
فهد : الله يوفقكم ان شاء الله ويثبتكم على دينكم .
عامر : مع السلامه واتمنى ماتنسى الملتقى اللي بكره .
فهد : ان شاء الله راح اكون اول الحاضرين .
سكر عامر المكالمه وطالع بنايف : بغيت اجيب العيد .
نايف : الحمدلله انها مشت عليه يلا خلنا نرجع وهذا اخر بارتي بالاسبوع هذا .
عامر : ويين اخر بارتي اليوم احنا الاحد باقي ست ايام على الاسبوع .
نايف : اوك نصبر ست ايام انت عارف وضعنا الحين الكل شاك فينا بعد تهريب المخدرات اللي صار هنا واحنا بدبي .
عامر : اخخخ بس لو ادري مين اللي بلغ الشرطه والله لأقتله .
نايف : راح نعرف ومثل ماقال جارح كل شي بوقته حلو .
عامر : تظن انه جارح ؟
نايف : لالا مستحيل جارح يسويها هذا خوينا وعارفينه من 3 سنوات لايمكن يخوننا .
عامر : والله ياليت .

***

طالعت غيداء بالساعه تشير الى 1 ونص ليلآ وسالت دموعها " آآه يايدي ياربي تجعل يدين عمتي للكسر .. استدركت كلمتها .. استغفر الله يمكن يصير لها شي وانا السبب انا اللي دعيت عليها "
انفتح باب غرفتها بقوه وطالعت بالوجه اللي مو غريب عليها تعرفها زين وتخاف منها كثير راحت لها وقربت عندها صار وجهها قريب من وجه غيداء : والله اذا رجعتي للبيت لأخليك تجاره للدعاره وانتي عارفه ان اخوي سكير احطك عنده وانتهي منك .
غيداء بخوف : يعني وين تبيني اروح ؟
ضحكت سهام بهمس : قال ايش قال وين اروح .. الشوارع مكانك يانصرانيه وانا حلفت لك برب الكعبه اذا رجعتي للبيت لأسود لك حياتك اكثر من كذا تسمعين ؟
غيداء وهي تبكي : يكفي اللي صار لي بسببك تكفين ارحميني تحملتيني 12 سنه تكفين خليني اعيش عندك .
سهام : لا مستحيل عمك يضربني ويمد يده علي والسبب انتي وتبيني اسكنك ببيتي احلمي يا××××
غيداء : لاتقولين عني كذا انا اشرف منك .
اعطتها سهام كف المها كثير على مرضها تضاعف اضعافه 10 مرات وصار تبكي : خلاااص اطلعي من هنا .
سهام : انا طالعه بس والله لو دخلتي بيتي لأسود لك حياتك ولاتاخذين الكلام هذا تهديد وبس ترا انا قول وفعل وتعالي للبيت وجربي .
طلعت سهام من عن غيداء وغيداء حطت يدها على فمها اللي رجع له النزيف مره ثانيه ويألمها حييل " حسبي الله عليك "
ضغطت الجهاز ودخلو 3 دكتورات ومعاهم بسام : سلام عليكم .
غيداء بصوت قصير : عليكم السلام .
بسام : هاا غيداء وش صار لك ؟ ومين اللي عمل فيك كذا وليش النزيف رجع مثل قبل واكثر ؟
غيداء وهي تبكي : زوجة عمي جات هنا وضربتني .
بسام بعصبيه : ومين اللي مدخلها هنا .. هذي محد يقدر يوقفها عند حدها .
نظفو الدكتورات الدم واكتشفو انه فيه جرح بفمها وطالع بسام بغيداء اللي مغطيه وجهها والدكتورات يعالجون فمها : ومدى ليش ماتجلس عندك ؟
غيداء وهي تسكر عيونها وبالم : ما ادري .
بسام : قولو لسعد يحط هنا 5 حراس ولا واحد يدخل إلا مدى حتى عمها لا يدخل مفهووم ؟
هزت الموظفه راسها : مفهوم .
طلعو من عند غيداء " حسبي الله عليك يا سهام الغريب احن علي منك .. وحسبي الله عليك يا امي الله لايسامحك رميتيني بيدين ناس ماتخاف الله .. الله لايوفقك لادنيا ولا اخره والله يجعل فلوسك هذي الي تركتيني عشانه تحرق قلبك مثل ما احترق قلبي عليك "
دخلت فاتن بعد ماطقت الباب : سلام عليكم .
غيداء : عليكم السلام .
باست فاتن جبين غيداء : الحمدلله على سلامتك .
غيداء بغصه : الله يسلمك .
جلست فاتن على الكرسي : اكيد انتي ماعرفتيني وانا جيتك بوقت متأخر حيل .. انا فاتن فاتن عمة صديقتك مدى .
غيداء : ياهلا بك تو مانورت الغرفه .
فاتن وهي تمسك يد غيداء : النور نورك حبيبتي .. انتي عارفه ان ربي بالثلث الاخير من الليل ينزل للسماء الدنيا ؟
هزت غيداء راسها : ايه عارفه .
فاتن : الحين الدعاء مستجاب ادعي ان ربي يشفيك ربي قريب وقال تعالى (( ادعوني استجب لكم )) .
غيداء : جزاك الله خير ياخالتي وجعل ربي مايحرمك الاجر والله مافكرت بالساعه هذي انه الثلث الاخير من الليل كان الهم مغطي قلبي بس من يوم جلستي معاي حسيت ان الضيقه اللي فيني راحت .
فاتن : يا قلبي والله اني حبيتك من اول ماشفتك واني حزنت عليك يوم قالت لي مدى انك هنا .. ووقفت .. يله حبيبتي اخليك على راحتك .
وسكرت النور وصار الجو هادئ الاضاءه خفيفه مره لونها سماوي وغيداء سندت راسها على المخده " ياااارب اشفني وعافني .. يارب افرج همي ياربي اني القى احد اسكن عنده "

***

سهام : صباح الخير عبدالرحمن .
استغرب عبدالرحمن من زوجته لابسه بنطلون وحاطه ميك اب وشعرها كيرلي وعطرها يفوح بكل المكان : صباح النور .
جلست سهام جنب عبدالرحمن : انا مسويه لك الفطور بنفسي .
عبدالرحمن بابتسامه مصطنعه : ماتقصرين بس ياليت تختصرين وتقولين لي وش عندك .
كانت كريمه تطالع سهام : عبدالرحمن انا بدي اروح لعند غيداء بالمستشفى .
سهام : غيداء ماتعرفك امس رحت لها بعد عمري ندمت يوم ضربتها بس من غلاتها عندي هي اخطت وانا عاقبتها واي ام بالدنيا بتضرب بنتها .
كريمه بدلع : شوو عقاب دي جريمه يا سهام مش عقاب ومافيه ام بتضرب بنتها هيك .
عبدالرحمن وهو يوقف : يلا كريمه بنروح المستشفى .
وقفت كريمه : تكرم عينك ابن عمي .
عبدالرحمن : يلا حبيبتي بسرعه .
انقهرت سهام ووقفت : وين بتروح هذي ؟
عبدالرحمن : مالك دخل انتي بس خليك ساكته احسن لك .
سهام : انا اللي بروح لغيداء هذي بنتي انا اللي مربيتها وتعبانه عليها .
عبدالرحمن : غيود مربيها خالها الين جا عمرها 8 سنوات ومن بعدها رباها الزمن .
سهام بعصبيه : وتنكر فضلي عليها انا اللي اعتنيت فيها واهتميت فيها الين صارت حرمه .
عبدالرحمن : ايه ومن افضالك عليها كسرتي يدها جعلك للكسر قولي امين .. لا بعد وتشغلينها عندك خدامه لاتظنين اني جاهل كل هذا بس حسابك بعدين .
سهام : ومين اللي قالك اني مشغلتها خدامه لا وربي انا بس اعلمها السنع .
صرخ عبدالرحمن : لاتحلفين بربي وانتي تكذبين انتي اهلكتي البنت وكل شي تسوينه فيها عندي والله ما اخليك ياسهام .
سهام : وانت مين اللي كاذب عليك معقوله بس بـ 7 اشهر هذي شكيت فيني .
عبدالرحمن : غيداء مو بس من سبع اشهر وهي خدامتك من يوم كان عمرها 12 بس والله تو اعرف ووين بتروحين من عقاب ربي .
سهام : حسبي الله على من غيرك علينا .. ياعبدالرحمن غيداء مثل بنتي انتي ليش تحب تكبر الموضوع .
عبدالرحمن : انتي ماتستحين على وجهك تضربين البنت ولسه تنكرين انك تكرهينها ؟
سهام وهي تجلس : انت تزوجت علي وانا ما زعلت عليك كل هذا من غلاتك عندي .
عبدالرحمن : ما معاك حق تزعلين علي احنا شبه منفصلين .
سهام وهي تحط رجل على رجل : تطول السماء كريموه ماتجي مكاني انا صاحبة البيت وانا اول زوجه لك .
نزلت كريمه مع الدرج : من الك اني بدي البيت انا يكفيني بس ان عبدالرحمن بيحبني .
سهام : جعلك ان شاء الله للسوس اللي يدق حنكك تكلمي مثل الناس .
كريمه وهي تلبس عبايتها : ليش حكيي في شي ؟
سهام وهي تقلدها : حكيي في شي .. لا سلامتك مافيه شي .
عبدالرحمن ضحك : يلا يلا ياكريمه والله تأخرتي علي كثير .
طلعو عبدالرحمن وكريمه سهام تتحلطم : مالت على حظي .

***

نوره : بدر وين رايح ؟
بدر : بروح الشركه ابوي وعمي اليوم مسوين اجتماع .
نوره : الله يحفظك حبيبي .
طلع بدر ونزلت وريف مع الدرج : صباحو ماما .
ابتسمت نوره : صباح النوروالسرور هلا والله بالغاليه .
جلست وريف جنب امها : مامي ابي اروح ماليزيا .
نوره : ان شاء الله تروحين بس ابوك يقول السنه هذي عمامك مو رايحين تأجلت السفره عشان مدى بتجلس عند صديقتها .
وريف : وانا وش علي منهم بروح بروحي مو لازم كل العايله وش فيكم تسافرون مع بعض .
نوره : احنا عائله وحده ولازم لمة اهل بكل صيفيه حلاة الصيف بلمتنا وجمعتنا .
وريف بزعل : يمه انا ابي اروح لماليزيا وبكره ابي اروح لها .
نوره : يصير خير قولي لأبوك .. بس مين اللي بيروح معاك ؟
وريف : من غيرها ولاء .
دخل عبدالمحسن : سلام عليكم .
نوره ووريف اللي وقفت : عليكم السلام .
راحت وريف عند ابوها وبدلع : بابا ابي اروح لماليزيا .
عبدالمحسن : خلاص روحي لماليزيا .. بس مين اللي بيروح معاك انا ما راح اخليك بروحك .
وريف بابتسامه : ولاء بنت خالتي جميله .
عبدالمحسن : خلاص بس متى بتروحين ؟
وريف : اممم ابي بكره الصباح .
عبدالمحسن : مايصير بخاطرك إلا طيب واتصلي على ماهر وقولي له يحجز لك على ماليزيا وروحي بطيارتي .
وريف بابتسامه : شكرآ بابا .
ابتسم عبدالمحسن بحب لبنته : العفو حبيبتي .
وريف : سليتا سليتاا .
جات الخدامه : yas .
وريف : Go to my room and Put my clothes the bag travel.
( رتبي ملابسي في الشنطه )
سيليتا : Well do you want something else.
( حسنا اتأمريني شيء اخر )
وريف : no.
وطلعت وريف لغرفتها وخذت جوالها واتصلت على ماهر : الوو .
ماهر ( مدير اعمال ابوها ) : هلا بك يا طويلة العمر .
وريف : اهلين .. ماهر احجز لي على ماليزيا حجز مباشر امم ابي بكرا الساعه 10 الصباح .
ماهر : اوك .
وريف : اييه لاتنسى احجز لي على تذكرتين .
ماهر : حاضر .
وريف : مع السلامه .
وقفلت المكالمه واتصلت على ولاء : الوو .
ولاء : هلا وغلا .
وريف : ولاء خليك جاهزه بكرا الساعه 10 الصباح رحلتنا ع ماليزيا .
ولاء بفرحه : الله لايحرمني منك يا وريف ياقلبي ياجعلني فدوه لك والله ما ادري كيف ارد لك جزاك .
ضحكت وريف : ههههههههه وش فيك شوي شوي .
ولاء : واخيرآ بطلع من السعوديه بشوف العالم الخارجي يابعد عمري ياوريف .
وريف بمزح : صدق بنت فقر .
ولاء : وربي اتمنى اطلع من السعوديه بأي يوم والحمدلله انها جات على السنه هذي .
وريف : ههههههه خليك جاهزه وجهزي اغراضك .
ولاء : طيب اي مدينه بنروح ؟
وريف : يعني وين بروح ؟ اكيد كوالالمبور انا بنت اليحيى ما ادخل إلا عواصم .
ولاء بسخريه : ودامك بنت اليحيى ليش تروحين لماليزيا هي اقل منك .
وريف : صح انها مو من مقامي بس فيه شي عجيب يجذبني بماليزيا طبيعة ماليزيا تنسيني العالم كله .

***

غيداء : الحمدلله بخير انتي كيفك ؟
كريمه بابتسامه : منيحه .. والله ئطعتي ئلبي ياغيداء ليش انتي مابتحكي لعمكي اللي بيسير ليكي هوا ماحيخليكي .
غيداء : قلت لعمي بس ماسوى شي .. كريمه انتي ماتعرفين معزة سهام عند عمي .
كريمه : لا ياحبيبتي هو بيحبني اكتر منها .
غيداء : اييه يحبك بس مايقدر يضر زوجته بشي وانا السبب .
كريمه : يخرب بيتكي شو الحكي دا .. عمك ضرب سهام منشانك .
غيداء : كريمه حبيبتي تقدرين تجيبين لي مويا بارد .
كريمه : من عيناي .
وطلعت كريمه وغيداء سندت ظهرها ع السرير " حسبي الله عليك يا امي وحسبي الله عليك يا سهام كلكم ضيعتوني "
دخلت كريمه وهي معاها ماء بارد وحطته ع الطاوله : جبت ليكي ماء .
غيداء بابتسامه : تكرم عينك كريمه .
ابتسمت كريمه : ان شاء الله اسبوعين وحتنوري البيت .
غيداء " وين بنور البيت وانا حالفه ما عاد ادخله "
دخل عبدالرحمن : غيداء حبيبتي احنا بنمشي تبين شي ؟
غيداء : سلامتكم .
طلعو عبدالرحمن وكريمه وغيداء حست بضيقه مو طبيعيه حست انها محتاجه للبكاء " لا وربي ماتنزل دموعي لسهام هي ماتستاهل دموعي "
وخذت المصحف اللي ع الطاوله وقرأت سورة الكهف ودخلت مدى : سلام عليكم .
غيداء بعد ماسكرت القران ورفعته ع الطاوله : وعليكم السلام هلا والله بصديقتي .
مدى سلمت على غيداء وجلست ع الكرسي : هههه ياليتك ياغيداء طول عمرك بالمستشفى عشان اقدر اشوفك كل يوم .
غيداء : مدى انا متى اطلع من هنا .
حست مدى ان غيدى مو معبرتها : ان شاء الله بعد اسبوعين .
غيداء : طيب متى عمليتي ؟
مدى بحزن : آآه يا غيداء انا خايفه عليك عمليتك بكره .
غيداء شهقت : ايش بكره .
مدى : ايه .
غيداء : طيب متى اي وقت ؟
مدى : يمكن بعد العصر بس ولايهمك انا بصير جنبك .
غيداء : طيب مين اللي وافق على العمليه ؟
مدى : يعني مين بيكون اكيد عمك .
غيداء : تكفين يا مدى ادعي اني اموت وارتاح من الهم اللي انا عايشته والله حياتي كلها نكد .
مدى : بعد عمر طويل ان شاء الله .
غيداء وهي تبكي : كل سنه والعذاب اللي اعيشه يكبر .
مدى : املي وقتك بالاستغفار والله راح تتغير حياتك غيداء لاتنسين ان ربي يستجيب للدعاء ادعي .
غيداء ببكاء يقطع القلب : خلاص يا مدى انا ما عدت اتحمل لو انتي مكاني وش راح تسوين ؟
مدى : اصبري ان الله مع الصابرين ولاتنسين انه كل ضيقه لها فرج .

***

دخل بدر بمكتب فهد : صباح الخير .
فهد بعد مانزل الجريده اللي هو يتصفح وبابتسامه : هلا والله بولد العم .
بدر : هلا بك زود .. يلا يافهد بقى ع الاجتماع نص ساعه وش مجلسك هنا ؟
فهد : يوووه والله نسيت الاجتماع .. ووقف .. ساااامي .
دخل سامي : هلا ياطويل العمر .
فهد : ابيك تجلس هنا مكاني ولاتستقبل اي واحد انا عندي اجتماع مهم وعائلي ان شاء الله ساعه وانا راجع .
سامي : على امرك .
وطلعو فهد وبدر مع بعض وركبو بسيارة بدر الخاصه وطالع فهد ببدر : مجنون انت مامعاك بودي قارد ولا سايق ولا حارس شخصي ؟
بدر : هههه والله من السرعه ما اخذت البودي قارد هم هنا بالشركه عند ابوي وعمي .
فهد : والله اول مره اطلع بدون بودي قارد .
بدر : انا متعود .. امي والله تعصب علي اذا رحت بدون بودي قارد .
وصلو بدر وفهد شركة اليحيى القابضه افخم شركه بالرياض وطولها يبعد 10كيلو متر وكلها زجاج ودخلو بدر وفهد ورحبو فيهم كل الموظفين وصعدو بالاصنصير الزجاج الى الدور العاشر ودخلو بقاعة الاجتماعات الكبرى : سلام عليكم .
منصور وعبدالمحسن وصالح : عليكم السلام .
وقف ناصر : هلا والله بعيال اخواني كان تأخرتو شوي .
ضحك فهد : والله نسيت الاجتماع وبعدين بدر ماقصر والله مسرع مع الطريق .
منصور : تفضل يافهد .. تفضل يابدر .
جلسو وبدأ الاجتماع ووقف نايف : يبه انا بطلع وربي طفشت كل كلامكم عن الفلوس والxxxxات والاملاك والاسهم والصفقات وانا مو فاهم ولا شي فأحسن اني اطلع ونروح انا وعامر ونجهز ملتقانا الدعوي .
منصور وهو يطالعهم : تقدرون تمشون .
طلعو عامر ونايف وركبو بالسيارة عامر مايباخ 2013 لونها ابيض وطلعو لمقر الملتقى يبعد عن الرياض 10 كيلو مخيم كبير مره تقريبآ 100 متر وفيه مسرح ومقاعد تقريبآ 1000 مقعد .
والعمال مثل خلية النحل يشتغلون بالاكل ويركبون مايكات وسماعات وجلسو عامر ونايف ع الكراسي اللي بالمسرح : تتوقع راح يصدقون انه كل شهر نسوي ملتقى ؟
عامر : ليش لا اكيد راح يصدقون .
نايف بضحكه : طيب كل شهر بنسوي ملتقى هذي اول تجربه لنا بس الشيخ والمنشدين اللي كلمت يقولون الملتقى يعتمد نجاحه وفشله على الضيوف مو على المنظمين .
عامر : اشلون اقتنعو يجون والله مامعاي وقت اسألك عن التفاصيل الدقيقه .
نايف : الشيخ قلت له اننا شباب تو التزمنا وبنسوي ملتقى دعوي ووافق وقلت له يجيب معاه اي 4 منشدين يعرفهم وقال خلاص .
عامر : والله خايف انهم يسحبون علينا انا اول مره بالتجربه هذي .
نايف : ولا يهمك ماراح يسحبون علينا .. اووف احس بالحر .. ركبـــــو المكيفـــات بسرعه .
عامر : وش نسوي بالمخيم هذا اذا خلص الملتقى ؟
نايف : نرتكه افطار صائم .
عامر : والله جبتها اهنيك على عقلك .
نايف : كذا ابوي وعمامي بيصدقوننا اكثر اننا شباب ملتزمين .. وبصراحه مالهم دخل فينا شوفهم مايتدخلون بفهد ولا بسلطان .
عامر: لآن فهد يشتغل لهم وسلطان اتوقع محد يقدر يسأله عن شي خاص فيه احنا بس اللي معطينهم وجه .

***

مدى وهي تصافحها وبابتسامه : هلا وغلا اميره .
اميره بابتسامه وحيا : هلا بك .
مدى : تفضلي .
جلست اميره ع الكنبه ومدى جلست قدامها : اكيد سامي قالك وش شغلك عندي .
اميره : ايه قالي .
مدى : اممم مافيه شي اقوله لك بس ابيك تمشين معاي زين وانا بصراحه اول مره اتعامل مع احد ما اعرفه واتمنى انك تكونين امينه .
اميره : من عيوني يا طويلة العمر انا امينه وماراح اطلع اسرارك لأحد .
اخذت مدى القرآن واعطته اميره : احلفي انك راح تكونين معاي امينه وصادقه وماتخونيني .
حلفت لها اميره بالقران ووقفت مدى وقفت اميره وصافحتها مدى : من بكره يبدى شغلك معاي وراح اتعبك كثير بس كل شي واجره .
اميره بتردد : بـ بـس راتبي الشهري كم ؟
ابتسمت مدى : اييه نسيت لأقولك كم هو .. احتمال بالشهر 20 الف الى 50 الف عاد على حسب شغلك .. تقدرين تمشين .
طلعت اميره وجات الجوهره : هااا وش اتفقتو عليه ؟
مدى : يمه احس البنت خايفه ومتلخطبه شوي وماحبيت اسوي معاها اجتماع واتفاقات من اول يوم ع الاقل اسبوع .
الجوهره : بس هاا لاتغلطين غلطت فهد وتثقين فيها ثقه عميا وتصادقين بنت الفقر ترا انتي بنت اليحيى .
مدى : هذي مديرة اعمالي يعني وش اسوي لها .. لازم ابني معاها صداقه .
الجوهره : لا انتي وياها اللي بينكم الشغل بسس انتي شوفي اشلون فهد يعامل سامي وكأنه واحد من اخوانه انا ما ابي ولا واحد من عيالي ياخذ من ثقافة اللي اقل منه .
مدى : طيب وش معنى اميره .. غيداء فقيره وعادي مصادقتها واعتبرها اختي .
الجوهره : ع الاقل غيداء امها كرستينا سيدة اعمال لو انها اقل مننا بس معروفه .
مدى : بس يايمه مافيه احد يعرف ان غيداء بنت كرستينا .
الجوهره : بس غيداء حلوه وواضح ان فيها عرق الماني ومن شافها قال انها من اغنى بنات العالم .
مدى : يمه والله ما احب اتفاخر اني من بنات اليحيى اصلآ من وقته اذا صرت بين قادات العالم واسياد العالم اللي مثلي وقتها اتباهى واتفاخر بأصلي .
الجوهره : على مين طالعه ما ادري .. الله يصبرني عليك بس .
نزلت ساره مع الدرج : Gdmorning mama .
ابتسمت الجوهره : هلا وغلا .
ساره : ميدو جوالك يرن .
راحت مدى لغرفتها وجلست ساره ع الكنبه وبدلع : ماما وين نايف ؟
الجوهره : وش تبين فيه ؟
ساره : وربي صار لي اسبوع ماشفت خشته .
الجوهره : نايف اليوم عنده ملتقى دعوي الله يثبته هو وولد عمه والله انهم من خيرة الشباب .
ساره : لاتحلفين كثير ولايخدعونكم انا صديقتي قايله لي انهم دااشرين يسكرون مع شلة بنات .
الجوهره بعصبيه : انتي وش قاعده تقولين .. لاتتكلمين عليهم كذا وياويلك لو احد يسمعك .
ساره : مامي ماقلت شي غلط والله انا متأكده من الخبر ارياف ماتكذب علي .

***

مـــر اسبوع على عملية غيداء واليوم موعد خروجها من المستشفى .
غيداء بعد ماخذت لها شور جلست ع السرير : ميدو ممكن طلب .
مدى بابتسامه : تامرين امر .
غيداء : تسلمين ميدو .. ابي ثوب رجال وشماغ تكفين بسرعه .
مدى بصدمه ومو مستوعبه غيداء وش تقول : اشش وش تبين فيهم ؟
غيداء : ايه نسيت لأقولك سهام قالت لو دخلت بيتها راح تعذبني وتزوجني اخوها وانتي تعرفين عمي خاتم باصبعها .. وانا بسوي نفسي ولد واشوف حياتي بعيده عن الانكسار والخوف والذل اللي انا عايشته .. ومن حقي اسعد نفسي .
مدى : مستحيل اخليك ياغيداء تعالي معاي للبيت .
غيداء بعصبيه : مدى اذا مو جايبه اللي انا ابي القى غيرك .. ومو جايه معاك للبيت انا عزيزة نفس وما اعيش على منة خلق الله .
مدى : لاتنسين انك عايشه عند عمك وتعالي عندنا احسن لك .
غيداء : ميدو قفلي الموضوع .. عايشه عند عمي بحسبة ابوي فلوسه هي فلوسي .
مدى بترجي : غيود تكفين لاتضيعين نفسك انتي توك ببداية شبابك لاتضيعين .
غيداء بعصبيه : مدى بتجيبين لي ثوب ولا اشوف احد غيرك .
وقفت مدى : حاضر غيود بروح افصل لك ثوب .
وطلعت من عندها

...

في مكان اخر من المستشفى الرسبشن خلص عبدالرحمن كل الاجراءات وراح عند خالد اللي جالس ع الكرسي : بنت عمك يقولون نص ساعه وهي طالعه انتظرها هنا انا جات رحلتي ع سوريا وابو كريمه ميت لازم اوقف مع اخوها بالعزاء وهذا واجب علي .
خالد : غيداء بعيوني يايبه .
مرت مدى من عند خالد اللي وقفها : غيداء متى تطلع ؟
مدى بعد تفكير : اممم بسام يقول مايقدرون يطلعونها إلا بعد ساعه كذا .. انا اطلعها معاي .
خالد : لالا ابوي وصاني عليها ما اقدر اخليها .
مدى تحاول انه يرجع للبيت : هي راح تطول ومو معقوله تروح معاك بروحها .
خالد : وش دعوه ترا انا ولد عمها اخاف عليها اكثر من خوفها على نفسها .
مدى : كيفك .
ومشت من عنده ووراها الحرس الشخصي وطلعت للسياره : راجو اطلع لمحل خياطة الرجال بسرعه .
طلع راجو لمحل الخياطه بظرف 10 دقايق نزلت مدى ووراها اثنين من الحرس ودخلت المحل ووقفت عند الكاشير : اخوي لو سمحت ابي تفضل ثوب قبل ربع ساعه بسرعه .
.....: خلاص بس اختاري القماش واعطينا الطول والعرض وراح يكون جاهز بأقل من 10 دقايق .
مدى : مو مهم القماش اي شي يصلح بس اهم شي انه ثوب ابيض والطول 150 والعرض " لازم يصير اوسع منها " 60 .
.....: خلاص دقايق ويكون جاهز .
وطلعت مدى لمحل المستلزمات الرجاليه وهي اول مره تدخل اسواق كذا ودخلت وخذت شماغ احمر وطاقيه وطلعت وجابو لها الثوب ورجعت للمستشفى ودخلت وهي معاها الاكياس وتمشي بسرعه نادتها بنت عمها رونق بس ما اعطتها وجه دخلت غرفة غيداء وحطت الاكياس جنب غيداء : آآه مابغيت اخلص .
غيداء بابتسامه : ماشاء الله عليك باقل من عشرين دقيقه كل شي جاهز .
مدى وهي تبكي : غيود تعوذي من الشيطان لايلعب بعقلك .. ولد عمك ينتظرك هنا انا قلت له انك راح تطولين هنا .
غيداء وهي تاخذ الثوب وبطريقها لدورة المياه : ماراح اتراجع .
لبست غيداء الثوب وطالعت بنفسها بالمرآه هي نحفانه شوي ومو باين انها بنت لفت شعرها ببنسات بمساعدة مدى اللي تبكي ولبست غيداء الطاقيه والشماغ وطالعت بمدى : وش رايك ؟
مدى وهي تمسح دموعها : صح انه مو باين انك بنت يوم حطيتي اللثمه بس وربي حاسه انه بيصير لك شي .
غيداء وهي تدخل جوالها بجيبها : ( لن يصيبنا إلا ما كتب الله لنا ) خلاص لاتحاولين اني بتراجع .
وسلمت على مدى : اشوفك بالجنه ان شاء الله .
انهارت مدى : خلاص يعني مافيه امل اني اشوفك ياغيداء ؟
غيداء بابتسامه : إلا ان شاء الله نتقابل بالجنه .. سيو اخاف اتأخر اكثر ويجي احد .
وطلعت من عند مدى وكانت مستغربه من نفسها تمشي الخطاء واثقه طلعت من قسم الجراحه وكانت تمشي بهدوء شافت خالد ولد عمها .

***

سهام : جعلها ماترجع من المغرب .. خلاص غيدووه افتكيت منها بس باقي كريمه .
صبا : يمه توقعين لو ابوي عرف انه انتي اللي طارده بنت اخوه من بيته بيسكت ؟
سهام : خلاص انا بأمان تأكدت ان ابوك مو قد كلمته هو حالف اني لو امس غيداء بضرر ليوديني وراء الشمس وانا ضربتها وهو ماسوى لي ولا شي ابوك جبااان هو الحين منصاغ لشوري وتحت امري .
صبا : وش السر ؟
ابتسمت سهام : كل شي بوقته حلو .
صبا : يعني فيه سر كبير وراء كل هذا .. والله يايمه اني استغربت من ابوي والله توقعت اقل شي يقتلك .
سهام : ههههههه ماراح يقتلني وهو صاير الحين خاتم بصبعي والله لو ابيه يطلق كريمه لأخليه يطلقها بس خليها تخدمني بدال هالصايعه الضايعه اللي الحين مايندرى وين ارضها من سماها جعلها ان شاء الله للموت .
صبا : خلاص يمه يكفي لاتدعين على غيداء هي طلعت من البيت .
سهام : وربي يا صبا لو احد عرف انه انا اللي طاردتها من البيت ليصير اخر يوم بحياتك البنت هربت واحنا ماندري وين راحت .
صبا : طيب يمه ماراح اتكلم عنك .. قولي لي ام غيداء وينها ؟
سهام بعصبيه : وش هالسؤال وانا وش دراني عنها ان شاء الله بجهنم وش دخلني فيها .
صبا : اعصابك يمه ماقلت شي بس حبيت اسألك لآنه فيه امل غيداء تروح عندها .
سهام : بحريقه هي وغيداء وانا وش علي منهم الزم ماعلي بيتي وعيالي وبس والله اذا جبتي سيرة النصرانيه هذي مره ثانيه لأاربيك من جد وجديد.
صبا : يمه ترا ماقلت شي زوجة عمي وسألت عنها وين الغلط .
عصبت سهام وصرخت : عمى فعينك ان شاء الله خلاص اسكتي ياحيوانه لاعاد تتكلمين .
استغربت صبا من امها من يوم عرفتها وهم اذا جابو سيرة زوجة عمهم تعصب عليهم وماتدري وش السالفه الى الان : يمه خلاص لاتزعلين مني .
سهام : مو زعلانه بس لاتعيدين الكلام هذا مره ثانيه .

***

***
طالع خالد بغيداء وهي طالعت فيه .......

شمالية الهوى · 06-04-14, 08:48 AM

~ آلُبآرُتَ آلٍخَآمْسّ ~

• يَ غُبَآرّ آلِهٌجِيّرْ

• آنُفِضَ حُزْنَيٌ آلٌمّرْيٌرَ

ومشت من عنده بسرعه وخالد استغرب " وش هالرجال اللي متلثم "
وطلعت غيداء من طريق المستشفى وضلت تمشي وشافت عيال يلعبون كوره والتجمهر حولهم كبير وخافت ومشت من عندهم وهي تركض وطلعت من الحي هذا كله وصارت تمشي ع الرصيف بهدوء وهي منزله راسها بالارض " وينك ياخالي تشوف عذابي "
رن جوالها وكان المتصل مدى وحطت الجوال سايلنت وكانت تبكي بحرقه كملت طريقها وطالعت بالازدحام اللي قدامها ناس داخله وناس طالعه من المسجد طالعة بالساعه تشير إلى 4 ونص عصرآ وانفجعت " مشيت ساعتين " وطلعو كل اللي بالمسجد ودخلت وماكان فيه احد صلت العصر وخلصت من صلاتها واخذت مصحف وجلست وحست بإلام شديده بكتفها ورقبتها توها طالعه من المستشفى والمفروض انها ترتاح وهي مشت ساعه ونص قرأت ماتيسر لها من المصحف الشريف ورفعته بالرفوف وطلعت وكانت تمشي بمهل طلعت الجوال اللي يرن وردت على مدى : هلا مدى .
مدى وهي تبكي : وش صار عليك يا غيداء وينك ؟
غيداء تأففت : انتي وبعدين معاك الى متى وانتي بتبكين علي ياميدو لاتتعبين نفسك والله ماراح ارجع والجوال راح اقفله .
مدى وهي تبكي بقوه : لا الله يخليك ابي اتطمن عليك .
غيداء : ما اوافق واكلمك كل يوم إلا بعد ماتوعدينني .
مدى بين شقاتها : راح اوعدك .
غيداء : ماتقولين لأحد اني تنكرت واذا طلع الخبر لاحد راح اعرف انه انتي لأنه محد يعرف بالسالفه إلا اثنين انا وانتي .
مدى : والله ما اقول لأحد .

***

رجع فهد للبيت : سلام عليكم .
الجوهره : عليكم السلام .
فهد وهو يرمي نفسه ع الكنبه : ليش اليوم مدى ما اشتغلت مع اميره وهي معطيتها كلمه امس .. فشلتني مع الرجال ؟
الجوهره بحزن : والله ما ادري وش فيها اختك رجعت من المستشفى وهي تبكي ورفضت تفتح الباب .
فهد وهو يوقف : انا بروح اشوف وش سالفتها .
طلع فهد لجناح مدى وطق الباب وسمع صوت مدى وهي تنتحب : ما ابي اشوف احد .
فهد بعصبيه وحزم : اتركي الدلع وافتحي الباب لأكسره على راسك .
فتحت مدى الباب وحالتها يرثى لها تبكي بحرقه وكأنه ميت لها احد : سلامات مدى وش فيك ؟
مدى وهي تحط يدينها على وجهها : آآآه ما ابي اتكلم .
فهد وهو يبعد يدينها عن وجهها : مدى .. مدى وش فيك ؟
مدى وهي تجلس ع الارض : شفت اليوم .. وحده كبيره بالسن .. وعجزت تكمل ماتدري من كذبتها ولا من بكاءها .
فهد : ايوه كملي وش فيها .
ماردت عليه مدى وصار مايسمع إلا شهقاتها جلس قدامها : مــدى وش فيك ؟
مدى : عيالها رموها بدار المسنين وهي تبكي تبيهم .. وانهارت تبكي .
وقف فهد : الحمدلله والشكر .. خوفتيني عليك على بالي صاير فيك شي ولا خويتك ماتت واخر شي عجوز بدار المسنين وانتي بعدين وش موديك لهم صدق فضاوه وكل هالبكاء عشان الحرمه هذي صح انها يمكن تستاهل ومؤثره بس مو لهالدرجه والله اللي يشوف حالتك يقول ميت اعز اهلها .
مدى وهي توقف : فهد اطلع برا ابي ارتاح .
فهد : ايه انا بسألك اليوم ليش وعدتي اميره انها تبدأ الشغل واخلفتي الوعد ؟
مدى وهي تبكي وبعصبيه : فهد مو وقتك خلاص اطلع برا .
طلع فهد ونزل مع الدرج وجات امه : هااا فتحت لك الباب .
فهد بابتسامه : يمه بنتك مجنونه قاعده تبكي عشان عجوز هي اليوم شافتها بدار المسنين حطوها عيالها والعجوز تبكي تبيهم .
الجوهره : وكل هالضجه عشان السالفه هذي .. وش اسوي لهالبنت اللي جننتني .
فهد : ههههه والله من جد مجنونه لو شفتي شكلها وهي تبكي والله تخافين .
الجوهره : صح انها حساسه وقلبها رهيف بس عاد ماتبكي عشان موقف مثل هذا .
فهد : بصراحه سالفتها مامشت علي والله لو ايش ماتبكي كذا .. هذي صايره لها مصيبه .
الجوهره : الله العالم وش فيها .. انا بروح لها .
فهد : لا لا يمه خليك الين تهدى ونعرف منها كل شي كذا راح نزعجها .
الجوهره : انا لازم اعرف السالفه مو معقوله انها بتبكي وتقفل الباب وماتشوف احد لها ساعه بس عشان عجوز عيالها رموها بدار العجزه .
فهد : اييه يمه ترا بسام خطب مني مدى ويقول الخطوبه الرسميه اذا وافقت مبدئيآ .
الجوهره بابتسامه : ولد عمتها ومو غريب وماراح ترفضه .. انت وش رايك فيه ؟
فهد : بسام رجال والنعم فيه بس يمكن مدى ترفضه ..
الجوهره : لا لا ما اتوقع .. ومتى بيكلم ابوك ؟
فهد : قالي الليله ولا بكره .
الجوهره : الله يوفقهم ان شاء الله ويكتب اللي فيه الخير .

***

بسام بعد ماحب راس ابوه وجلس : الله لايحرمني منك يا ابوي ويخليك ذخر لنا .
فاتن بفرح : واخيرآ بفرح فيك .
ابو بسام : يابنت الحلال قولي ان شاء الله .
فاتن : ان شاء الله بفرح بولدي الغالي .
ابو بسام : منصور رجال كريم وشهم ومن خير الرجال ولي الفخر اني ازوجك بنته .. بس يوم كنت صغير اعطيناك بنت اخوي ريهام .
بسام : يبه انا ما ابي إلا مدى واذا مازوجتوني مدى والله ما اتزوج طول عمري .
فاتن : يا ابو بسام الكلام هذا يوم كانو صغار والبنت اكيد تعرف ان بسام مو متزوجه هي اقل منه بكثير .
ابو بسام : مو اقل منه ومافيها شي لو تزوج فقيره لأنه هو اللي بيصرف عليها مو هي اللي تصرف عليه .
بسام : يبه انا ما ابي إلا مدى .
ابو بسام : خلاص اذا انخطبت بنت عمك روح اخطب مدى انت الحين واقف بطريقها هم محتارين انت تبي البنت ولا لا .
بسام : اقول لعمي اني ما ابي بنته .
ابو بسام : لا انا اخاف اخوي يزعل علي .. دور لبنت عمك رجال يتزوجها واذا تزوجت روح اخطب .
فاتن بعصبيه : بسام ماله فيها دخل هو ماوقف عتبه بطريقها وقليل انه يروح لهم وريهام ماتناسبه هي مو من مستواي .
ابو بسام : ومدى هي اللي تناسبك ؟
فاتن : ايه اكيد هذي بنت اخوي واعرفها من صغرها وتقدر تقول انه انا اللي مربيتها لأنها تجي هنا كثير عشان تلعب مع بسام .
ابو بسام وهو يطالع بسام : انت تبي مدى ولا ريهام ؟
بسام وهو يوقف : يبه انا ابي اختار شريكة حياتي بنفسي وهذا من اولى حقوقي وانا قلت لكم ما اتزوج إلا مدى .
ابو بسام وهو يوقف : يله نروح لأبو فهد نخطب لك بنته .
وقفت فاتن : بس الوقت الحين الساعه 9 بالليل احس انه مو مناسب .
ابو بسام : لا مناسب وهو قريبي مافيها شي لو رحت له بالوقت هذا .

***

كانت غيداء تمشي ولا تدري وين تنام وكيف تنام دخلت ببقاله وخذت لها ماء وطلعت وشربت الماء ومشت وراحت وراء البقاله وكان الضوء خافت جدآ والهدوء يعم المكان ومافيه احد وجلست غيداء وفتحت الشماغ اللي هي حاطته لثام واعادت لفته من جديد وتلثمت وسندت براسها ع الجدار وسمعت اصوات العمال يسولفون ويضحكون وهي خافت وقامت ومشت ع الرصيف ورن جوالها وكانت زوجة عمها وحطته صامت وكملت طريقها " ياربي الحين وين اروح الدنيا كلها ناس كيف انام كذا .. مافيه إلا المسجد هذا " وراحت لامام المسجد اللي بيقفل الابواب : سلام عليكم .
...: عليكم السلام .. هلا بك ياولدي بغيت شي ؟
قالت غيداء وهي منحرجه وبصوت رجولي : ااا .. ااذا ماعندك مم مانع بنام بالمسجد .
...: وليش تنام بالمسجد ؟
غيداء : ماعندي احد هنا وبنام بالمسجد .
فتح المسجد واعطاها مفتاح واخذ معاه مفتاح : نام ياولدي هنا وانا والله لو بيتي مافيه بنات كان اخذتك معاي .
اخذت غيداء المفتاح وهي ترجف : مم مشكور ماا ماقصرت .
...: لا شكر على واجب .. بس اهلك وينهم انت شكلك صغير .. وليه ملثم وجهك ملاحظ عليك من صلاة المغرب .
غيداء ماتدري وش تقول : احنا صار علينا حادث ووجهي تشوه كثير والدكتور يقول الهوا خطره على وجهي حتى هوا المكيف .
...: الله يشفيك شفا عاجل قول امين .
غيداء : امين .
...: إلا مارديت على سؤالي وين اهلك شكله غريب عليك الحي هذا ؟
غيداء : امم اهلي صار عليهم حادث وماتو كلهم مابقى إلا انا وماحبيت اعيش ببيتنا .
...: لا تعتبر سؤالي تطفلي بس وين عمامك وخوالك ؟
غيداء : خوالي مو سعوديين ولا هم عربيين وعمامي يذكروني بأهلي كثير وما اقدر اعيش عندهم .. وبكت غيداء .
وربت على كتفها الشيخ : لاتبكي ياولدي ربي راح يكون معاك .
حست غيداء بقشعره بجسمها وبعدت عن الشيخ ودخلت المسجد وشافت الشيخ يمشي متوجه لبيته وقفلت الباب وفتحت الشماغ وقفلت الدرايش وفتحت شعرها ولفته بالبنسات ولبست الطاقيه وحطت الشماغ على راسها وتمددت بزاوية المسجد واستسلمت للنوم .

***

منصور : والله انتم رجال ونعم فيكم بس لازم نشاور البنت .
وقف نايف : انا اروح اقولها الحين .
فهد بيقهر بسام : لا مو الحين خله بعد يومين نرد لهم .
ابو بسام : وليش بعد يومين انتم تعرفون بسام ومايحتاج تسألون عنه .
فهد وهو يطالع بسام : اييه بس لازم تصلي البنت صلاة استخاره وتفكر وتاخذ راحتها مو بالسرعه هذي .
صالح : صدقت ياولدي .
منصور : والله لي الشرف ان بسام يصير زوج لبنتي بس ان شاء الله نرد لكم بعد يومين مثل ماقال فهد .. ومدى ان شاء الله مو رافضه ولد عمتها .
ابو بسام : ان شاء الله .
وقف بسام وبابتسامه : عن اذنكم ابي فهد شوي .
طلعو فهد وبسام وجلسو بالحديقه وقال بسام : ليش تقولهم كذا تدري اني ابي اخطبها اليوم قبل بكره.
فهد وهو يضحك : بس ابي ارفع ضغطك انت ماتعودت على الانتظار انتظر يومين وش وراك .
بسام : اشوف فيك يوم يافهيدان والله لأخليك تموت قهر مثل ماقهرتني .
فهد : هااا لاتهدد اقول لأبوي انك ماتصلح لمدى والله يرفضك .
بسام بمزح : يمه منك وش هالحظ الكل يسمع كلامك .
فهد بغرور مصطنع : لأنه طول عمري وانا السيد فهد اللي محد يرفض لي طلب .
بسام : فهيدان عاد اتكلم جد .. ليش رفضتو نسافر السنه هذي ؟
فهد : والله مليت من السفر كل سنه وكلهم بيسافرون بعد رمضان وانا بجلس هنا .
بسام : يعني بعد شهرين مافيه احد هنا ؟
فهد : ايه بيسافرون بالعيد ويرجعون بـ 25 /10 عشان الدوامات .
بسام : بس 25 يوم .. طيب ليش مو متعودين على اننا نسافر بشهر 10 .
فهد : انا اللي قلت لأبوي وكانو بيرحون الاسبوع اللي فات بس مدى رفضت خويتها مريضه .
بسام : آهآ الله يشفيها .
فهد : الله يشفيك انت البنت طلعت للبيت من زمان يمكن من 6 ساعات .
بسام : ايييه صح والله نسيت .. بس ليش طلعت بهالسرعه المفروض يخلونها تجلس اسبوعين ؟
فهد : انا مدير المستشفى ولا انت .. علينا يا بسام يعني تبي البنت تجلس اسبوعين عشان مدى كل يوم وهي رايحه هناك .
ضحك بسام : ما يخفى عليك شي يالساحر .

***

دخل خالد للبيت وبكل عصبيه : يـــــمـه غيداااء وينها .
وقفت سهام : يعني وينها اكيد بالمستشفى .
صرخ خالد : مو بالمستشفى وابوي وقع على ورقة خروجها من المستشفى بس هي ماطلعت ورحت لغرفتها بالمستشفى ماحصلتها .
سهام : حسبي الله عليكِ ياغيداء بس بتشمتين الناس فينا راحت مع اشكالها الدشيره والمصيبه طاحت على روسنا الله لايوفقك ياغيدوه .
خالد : يمه مو وقتك تكفين اذا تعرفين عنها اي شي قولي لي وريحيني يمه والله خايف على بنت عمي ما ادري وين راحت .
سهام : لااا وتسوي نفسك ماتعرف عنها شي ماتدري انها صاحبة شقق ودعاره خلاص ياخالد قفل الموضوع وهي ماتت خلاص .
خالد بقهر : غيداء شريفه لاتقولون عنها كذا وانا متأكد انها مخطوفه .. انا لازم ابلغ الشرطه .
سهام : لاتفضحنا خلنا كذا احسن .. والله لنصير علكه بحلوق الناس كل الناس يتكلمون فينا .
خالد : يمه انتي كل همك كلام الناس وبس وابوي اذا رجع وش بيسوي فيني غيداء امانه برقبتي يايمه .
سهام : غيداء كذا طول عمرها محد يقدر يحافظ عليها حظها شين حتى امها ماتبيها .
خالد : يمه الحين مو وقت عيوب غيداء .. تكفين امشي معاي بندور عليها لي 7 ساعات ادور عليها مالقيتها .
سهام : ان شاء الله طول عمرها مالقيناها اهم شي محد يعرف واذا ابوك رجع نقوله غيداء هربت وينتهي الموضوع او نقول واحد من خوالها اخذها جعله ياخذها الموت .
طلع خالد لغرفته وكانت مع الدرج صبا وصدمته : عمى فعينك ماتشووف .
خالد مشى ولا رد عليها وصبا نزلت للصاله وشافت امها واقفه ومبتسمه : يمه وش صار ليه خلود معصب ؟
سهام : غيداء هربت .
صبا زعردت : مبروك يمه واخيرا بناخذ راحتنا ببيتنا .
سهام : صبا خلاص لايسمعك اخوك ويدري انه لي يد في الموضوع .
صبا بفرحه : يمه والله فرحانه حييل .
سهام وهي تمسح على شعر صبا : جعل فرحك اليوم ودوم قولي امين .
صبا : امين .

***

رن جواله بصوته الحاد المزعج وصحت وطالعت بالساعه 2ونصف وقامت ودخلت دورة المياه وغسلت وجهها وفرشت اسنانها وتوضأت ورجعت للمسجد وصلت لها ركعتين وجلست ع الكرسي اللي جنب المحراب " نمت من الساعه 8 ونص الى الساعه 2 اول مره انام سبع ساعات بدون ازعاج " ورفعت يدينها للسماء " يااارب وفق صاحب المسجد هذا وارزقه من حيث لا يحتسب "
وطلعت برا وراحت للبقاله اللي مفتوحه وشرت لها فطيره بالجبن وعصير ربيع وطلعت ورجعت للمسجد وقفلت الباب وحطت المفتاح على الارض ومشت ووقفت لها تاكسي : بكم توصلني من هنا عشره كيلو .
...: بـ 15 ريال .
ركبت غيداء وراء وطلعو من الحي باكمله : اخوي وش اسم الحي هذا ؟
...: حي العليا .
غيداء : طيب ابي حي النسيم .
...: طيب .
مشو مسافه ونزلت غيداء واعطته الفلوس وكان الحي مو غريب عليها عمها كان ساكن هنا وهي صغيره ومشت وراحت لبيتهم القديم دفت الباب وانفتح وكان البيت خالي إلا من اصوات صراصير الليل ودخلت بالغرفه الخاصه بأم خالد وكان فيها السرير وفيها مكيف والغرفه مافيه احد يدخلها من شهرين تقريبآ لآنها مو غبار مثل اللي برا وجلست ع السرير بعد ماشغلت المكيف واكلت الفطيره والعصير وسمعت اذان الفجر وقامت وصلت وراحت للمطبخ وفتحت الباب وكانت خايفه ومافيه اي شي بالمطبخ حتى الماء .
" ياربي الحين وش اسوي شكله فيه احد يدخل البيت "

***

طقت ساره الباب : مييدو افتحي الباب مييييدو والله فيه شي ضروري بقوله لك .. يلا جالك يوم كامل بغرفتك ماطلعتي مييدو .
فتحت مدى الباب ولافه على راسها منشفه وبعصبيه : نعم نعم اش تبين ؟
ساره بفرح : الف مبروك يامدى بسام خطبك واخيرآ بنشوفك عروس .
مدى فرحت بس فرحتها مكسوره فرحتها يتيمه ماتدري تبكي على صديقتها ولا تفرح لخطوبتها : الله يبارك فيك .. بس ممكن تنقلعين من هنا ولا احد يقرب لغرفتي خلاص انا تعبت ابي ارتاح ابي انام .
سمعت مدى صوت فهد : ساره مدى موجوده ؟
ساره : ايه تعال شوف اختك .
دخل فهد : صباح الخير .
مدى وهي تعطيه ظهرها : صباح النور .
فهد وهو يوقف قدامها : خطبك امس بسام موافقه ولا لا ؟
مدى نزلت راسها للارض : ايه موافقه .
فهد ابتسم : ياحلوك وانتي مستحيه .. بس تعالي ميدو اش فيك امس ليش تبكين ؟
مدى بعصبيه : يعني ما قلت لك امس ولا انت تحب تنرفزني .
فهد : مدى والله لو انا طفل عمري 5 سنوات ماتمشي علي كذبتك بس قولي لي وش فيك ؟
مدى : شي خاص وما ابي اقول لاحد ولاتتطفل وتسأل ماراح اقولك وش فيني .
فهد : يعني انتي اللي صارلك امس شي كايد البكاء اللي شفته امس على شي كبير وش السالفه ؟
مدى : فهــــد قلت لك لاتتطفل .. قلت لك شي خاص وما ابي اجاوب .
فهد : مدى والله اتكلم من جد وش فيك ؟
صرخت مدى : مافيني شي خلاص .
فهد وهو يمشي من عندها : على راحتك .
جلست مدى ع سريرها وهي تبكي " حسبي الله على بليسك يافهد لازم ترجع لي الذكرى "
دخلت ساره وشافت مدى تبكي : مييدو ميدو خلاص .
مدى : لاتقولين لي ميدو وما ابي احد يناديني بالاسم هذا فاااهمه ؟
ساره باستغراب : طيب ليش هذا دلعك من يوم عرفناك .
مدى : ما اسمح لأحد يقولي ميدو إلا غيداء لآني ما ابي اسمع منكم شي من كلامها .
ساره : ليش وش فيها غيداء ؟
مدى : مااافيها شي .. بليز اطلعي وسكري الباب مابي اشوف احد خلاص خلوني ارتاح .
ساره : وش فيك يا مدى انتي من امس مو طبيعيه فيه احد مضايقك ؟
مدى : اش هالسؤال التطفلي انتم مالكم دخل فيني خلاص اطلعي برا وسكري الباب .
طلعت ساره وسكرت الباب وهي مستغربه من اختها " وش فيها هذي .. بقلعتها وانا وش دخلني فيها "
شافت سلطان يدخل ويسكر الباب : سلطاااان .
طالعها سلطان : هلا .
راحت له ساره وسلمت عليه : صباح الخير .
سلطان : صباح النور .
ساره : وه اشتقت لك يا اخوي يومين مانشوفك .
سلطان : الشغل الله يسهله علي ويجعلني من اكبر الخدم لبلدي .
ساره : امين وترفع روسنا فوق اذا صرت الرائد سلطان .
ضحك سلطان : شايفتني شايب يوم تقولين الرايد سلطان .
ضحكت ساره : لا عادي بس اتوقع انك تصير الرائد سلطان قبل لايصير عمرك 30 .. إلا اقول سلطان تعال اجلس بسولف معاك .
راحو وجلسو بالصاله الجانبيه الفخمه الكنب بني وبيج والطاولات بني والضوء خافت لونه ذهبي : تفضل عقيد سلطان .
ضحك سلطان وجلس : يلا سارونه سولفي علي .
ساره بعد ماجلست ع الكنبه اللي قدامه : اممم بسألك الحين لو واحد يقتل اخوه يصير فيه قصاص واديه ؟
سلطان : اكيد فيه قصاص بس ما اعتقد ان فيه اديه لأنه اخوه .
ساره : طيب الحين لو ابي اجاهد لسوريا كيف ؟
سلطان : الجهاد لازم بموافقة الملك مايصير احد يجاهد وهو ما اذن له الملك .. يوم كان الملك فيصل الله يرحمه هو ملك السعوديه سمح لهم بالجهاد لفلسطين وراحو مجاهدين بعدد كبير واللي غاب والى يومنا هذا مايدرون وينه واللي رجع بعد عشر سنوات وبعد سنه وكان الملك الله يرحمه هو بنفسه بيجاهد بس توفى قبل الموعد اللي هو حدد انه يجاهد فيه .
ساره : الله يرحمه .. كان من اشجع قادات العالم .
ابتسم سلطان : كل سلاله ال سعود مثل الملك فيصل والملك عبدالعزيز .
ساره : طيب لو سمح الملك عبدالله بالجهاد لسوريا انت تقدر تجاهد ؟
سلطان : اكيد اي واحد يقدر يجاهد .. وانا الحين قائد 5 كتائب عسكريه ولو وافقو ان السعوديين يجاهدون اقدر امنع الكتيبه من الجهاد .
ساره : يمه احس شغل العسكريه والحرب والمخدرات والقصاص كله على بعضه يخوف .
سلطان : وين يخوف واحنا نخدم بلدنا .. انا لو قضيت كل عمري اخدم بلدي ما راح اوفيه ربع حقه علي .
ساره : الله يوفقكم ويخليكم ذخر لبلدنا .
نزلت مدى مع الدرج وهي تطالع بسلطان وساره وبصوت باكي : وين ابوي .
وقف سلطان : ميدو وش فيك وليش تبكين ؟
صرخت مدى : كم مره اقولكم لاتنادوني ميدو خلااااص ما ابي احد يقولي ميدو .
عصب عليها سلطان : امي وابوي ماصرخو علي تجين انتي تصارخين علي .
خافت مدى وسلطان غير اذا عصب : ليش مخلوق من الماس انت ؟
سلطان وهو يروح لها : الزمي حدودك يامدى ولا ترا مابيصير لك طيب .
مدى وهي تبعده عن طريقها : سلطان انا مو رايقه لك .. ابوي وينه ؟
سلطان وهو يرجع مكانه : ابوي راح لعمي عبدالمحسن وش عندك ؟
مدى : ما ابي شي خلاص .
ورجعت لغرفتها وطالعت ساره بسلطان : وش فيها هذي صايره سامجه مره من امس .
سلطان : فهد قالي يمكن صاير لها شي مغير نفسيتها معاها اسبوع اذا ماعقلت ورجعت مثلها اول والله لأربيها من جد وجديد .
ساره : هههه ونجرب تربيتك قبل لاتربي عيالك .
ضحك سلطان : عاد تربية الكبار تختلف عن الصغار .

****

عبدالمحسن : يعني اشلون شاكين بعيالكم حرام عليكم قبل اسبوع مسوين ملتقى دعوي والشيخ الي هم مستضيفين والله يمدح فيهم كثير .
صالح : صح انهم سوو ملتقى وجابو شيخ ومنشدين ووجيه خير .. بس يمكن هذي تسكيته لنا .
عبدالمحسن : لا تشك فيهم وان بعض الظن اثم وانا على كثر ما اشوفهم مالاحظ عليهم شي يختلف عن بدر وفهد وسعود وناصر وسلطان .
منصور : إلا فيه فرق وفرق كبير بعد بينهم العيال دايم يجتمعون مع بعض وهم بروحهم بمزرعتهم اشلون ماتبيني اشك فيهم وهم مايعزمون الشباب عندهم ؟
عبدالمحسن : والله انكم ماتشبعون عزموكم قبل وكانت جلسه حلوه ومافيها شي .
صالح : ايه صح بس انا الاحظ عليهم اذا جا سلطان انحاسو وتلخبطو وحتى كلامهم مو على بعض ومو لامره ولا مرتين كل ما شافو سلطان .
منصور : ياخوفي انهم يتعاطون مخدرات من ورانا .
عبدالمحسن : لا لا اعوذبالله ماتوصل فيهم هالمواصيل ولاتنسى ان شغل سلطان مختص بالمخدرات والمشاكل هذي وما قال لك انهم يسكرون .
صالح : شوف يا بوفهد اليوم بنمسكهم عندنا مايطلعون لأي مكان ونشوف وش بيسوون اذا كان يتعاطون بيتعبون وهم جالسين عندنا .
عبدالمحسن : خلاص اليوم بسوي عشا وبعزمهم ونشوف الحق معاكم ولا مع العيال .. والله انكم ظالمينهم .
منصور : ليش انت دايم بصف نايف وعامر وانت ماتدري هم على صح ولا على خطاء .
عبدالمحسن : لأني ماشفت منهم الزله ولأني مالاحظت عليهم تصرفات غلط .
دخلو بدر وسعود : سلام عليكم .
الكل : عليكم السلام .
سلمو عليهم وجلسو وبدر طالع ابوه : وين وريف مالقيتها ؟
عبدالمحسن : سافرت لماليزيا .
بدر : اهاا .. سافرت ولا كأن عندها اخو لازم تسلم عليه وتوادعه .
ضحك منصور : يمكن البنت نست ان لها اخو .
بدر : لا عاد انا اخوها الوحيد مستحيل تنساني .
عبدالمحسن : ايه ماقلنا لكم ترا اليوم بسوي عشا هنا .
ناصر : ليش ؟
ضحك عبدالمحسن : ههههه يعني ليش لكم .
ناصر : انت كريم واحنا نستاهل .
بدر : مو كأنك قبل شوي تقول ليش .. شكلك ياعمي بخيل وبخيل حيل .
ضحك ناصر : والله اني اكرم منك .
صالح : انا اشهد ان اخوي كريم .
ناصر : احم احم شهاده اعتز فيها .
بدر بمزح : يعني انا لئيم انا بخيل .
منصور : ما عاش من قال ان بدر بخيل ولا لئيم انت اكرم رجل بعد الرسول صلى الله عليه وسلم .
الكل : اللهم صل على محمد .
بدر : سمعت يا نويصر وش يقول عمي منصور انا اكرم رجل .
ناصر : شافك بزر وقال بنرفع من معنوياته شوي .

***

طلعت غيداء من البقاله ودخلت بالبيت وراحت ع طول لغرفة ( سهام ) القديمه وفتحت الباب وجلست وسمعت صوت بالمطبخ " اكيد هذا قطو "
حست انها جوعانه مره وطلعت البطاطس من الكيس واكلت منه وطلعت فلوسها بس باقي معاها 300 ريال " ياويلي بيومين صرفت 200 اذا صار لي شهر وش بسوي وكله من المواصلات اللي باليوم 50 ريال بس خلاص ما راح اروح مع لومزين اعتمد على نفسي احسن لي "
طالعت بالجدارن اللي متكسره من المطر والهوا اللي قضت على ربع البيت وسالت دموعها وهي تتذكر جدتها اللي كانت عايشه بالبيت هذا دارت بها الذاكره الين ماوصلت عند اول يوم وصلت فيه للرياض ودخلت البيت هذا كان عمرها عشر سنوات .
سلمت عليها جدتها * هلا والله بالغاليه هلا بريحة الغالي *
غيداء وهي تبكي * فو انكل * ( اين خالي )
ام عبدالله : هي وش تقول يا سهام ؟
سهام اللي كانت واقفه وتطالع لغيداء : مدري عنها مو منا ولا نعرفها حتى كلامها مانعرفه .
ام عبدالله : انتي علامتس هذي بنت ولدي وشلون مهي منا .
سهام : ايه مو منا انا ما اعرف حتى كلامها .
ام عبدالله : يهديتس الله يابنتي .
جات صبا ووراها خالد اللي طالع بغيداء : بنت عمي صح ؟
سهام بكل عصبيتها وصراخها : يلا امشو من هنا لاتجون عند هذي .
ام عبدالله : انتي علامتس عليهم خليهم يجلسون مع بنت عمهم ويلعبون معاها .
سهام : لااا مايجلسون مع النصرانيه انا ما ابي عيالي يخسرون دينهم لسواد عيونها .
ام عبدالله : انتي وش فيتس صاير بتس شي اليوم البنت عمرها 10 سنوات توها على الفطره .
سهام : لا والله ؟ على الفطره عيالي من يوم عمرهم 5 سنوات وهم متعلمين اداب الدين ويصلون مع المسلمين ولا هذي ماندري عنها وكلامها مو مثلنا ولا تعرف تتكلم مثلنا .
كانت غيداء بحضن جدتها وتبكي وسهام تصارخ عليها : لا تبكين ازعجتيني واذا كان تبكين عشان اهلك ارجعي لهم .
غيداء : إنتشوُ لديقونق ( المعذره ) .
صحت غيداء ورجعت لوقعها وهي تسمع باب الغرفه ينفتح عدلت لثمتها زين ووقفت ودخل ..... وطالع فيها : من انت ووش جابك لبيتي .
كانت الصدمه كفيله بأن غيداء تسقط على الارض فاقده وعيها .

***

نايف : اعذرنا ياعمي اليوم عندنا شغل ولازم نخلصه بدري .
عبدالمحسن وهو يطالع بنايف وعامر : والله تتعشون عندي انا حلفت عليكم وشغل اليوم لاحقين عليه بكره .
وافقو ومشو مع عمهم لبيته القريب من بيت منصور ودخلو بالديوانيه وجلسو بعد ما سلمو عليهم .
منصور : حياكم الله .
نايف وعامر : الله يحييك .
منصور : اعوذ بالله ماتنشافون الايام هذي .
عامر : مشاغل الدنيا الله لايشغلنا إلا بطاعته .
فهد : قال ايش قال مشاغل الدنيا وين انتم ووين الشغل اتوقع لو تشتغلون الشغل بينتحر بيصير كل الناس عاطلين .
عبدالمحسن : عن الشماته يافهد قدرهم .
فهد : عمي والله يقول مشاغل الدنيا وش هالشغل اللي مايخلينا نشوفكم إلا بالسنه حسنه .
نايف : شغل خاص فينا .
ناصر : عارفين انه خاص فيكم بس وش هالشغل ترا كل شوي وانتم تطيحون من عيني مو مثل الاوادم حتى حكيكم .
عامر : بترتاحون احنا نشتغل منظمين للملتقيات الدعويه ومع الهيئه العامه للارشاد وتوعية الجاليات .
عبدالمحسن : والله وكبرتو بعيني ياعيالي جعل كل شباب المسلمين مثلكم الله يثبتكم على ما انتم عليه الحين .
منصور بابتسامه : والله نفتخر فيكم ياعيالي .
صالح : ايه والله اننا نفتخر فيكم .
نايف بهمس لعامر : ههه والله حلو بدينا نكسبهم .
عامر بهمس مماثل : ان شاء الله كلها كم شهر وانا منفذ اللي شاغلنا من زمان .

***

شالها ؟؟؟؟ وطلعها للسياره وركب بالسياره وتوجه بسرعه بديهه للمزرعه وقبل لايوصل صحت غيداء وصرخت بصوتها الطبيعي : انا وين ؟
طالعها جارح : يا بنت الشوارع يالصايعه يالضايعه اشلون تطلعين بالشارع كذا صدق انك قليلة ادب تتشبهين بالرجال وتطلعين بالشارع كذا .
غيداء وهي ترجف : انت مالك فيني دخل واش جابك لبيت عمي وليش تدخله بدون استئذان ؟
جارح : هذا بيتي ياحلوه .. انا شاريه من عمك قبل 10 سنوات .
غيداء : طيب اش تبي فيني نزلني هنا مالك فيني دخل .
جارح : انتي اللي جنيتي على نفسك ولاتتوقعين اني برحمك .
غيداء وهي تبكي : يااااحقير .
جارح بعصبيه : مو انتي اللي تتكلمين علي والله والله لأخليك تدفعين الثمن غالي وكلمة حقير ماراح تعدي على خير .
غيداء : ياحيوان يا سافل يا واطي تتحداني انا .
جارح : واتحدى عشره من اشكالك انتي ورقه اخذ منك اغلى شي وارميك بالشارع .
صرخت غيداء : والله ما تلمس مني شعره يالنذل يالحقير .
جارح : ومازلتي تتمادين بكلامك .
وقف السياره ونزل ومسك يدها وسحبها بكل قوته وهي تصارخ : اتركني وين بتوديني .
جارح : لاتخافين بوديك لمكان امن من اللي كنتي فيه .
دخل بالمزرعه ودفها بكل قوته وطاحت ع الارض واخذ الحبل اللي عند الشجره وربط يدينها وراء ظهرها وربطها بالشجره وربط رجولها ببعض وطالعها : اذا فيك خير سوي شي .. وعلى فكره كل المكان هذا اللي فيه شباب وبنات مكان يصلح لك .
صرخت غيداء : انا اشرف منك يا الواطي .
جارح وهو يضحك : طيب ليش يالشريفه تطلعين بالشارع قدام الله وخلقه بالشكل هذا ؟ اتوقع لو وراك رجال كان مارضو انك تطلعين كذا .
غيداء : انقلع من هنا يالوسخ يالحقير .. استغليت ضعفي .. انت جبان لأنك تتحدى بنت مو رجال حاله حالك .
جارح : لا والله وطلع لك لسان ؟ انتي يمكن فيك شي من الرجوله ولا ليش تطلعين بالشارع كذا .
غيداء : انت مالك فيني دخل وانت ماتعرفني عشان تقول عني كذا .

***

صبا : يمه يمه اقري الخبر هذا .
خذت سهام الايباد اللي بيد بنتها ( شرطة الرياض تعثر على فتاه في عمر الزهور في زبالة احد العوائل بعد ان قتلت في ثلاث اطلاق نار وتحدث العقيد سلطان اليحيى لصحيفة (....) .
وطالعت سهام ببنتها : يمكن غيداء .
صبا بخوف : يافضيحتنا اذا كان غيداء ياويلي من الفضيحه والعار اللي بيلاحقنا .
سهام وهي تحط يدها على فمها : ياويلي اذا كان هي والله وبيتكلمون فينا الناس وطت روسنا بالارض حسبي الله عليها اللي ماتخاف الله .
دخل خالد وهو تعبان ورمى نفسه ع الكنبه وجات عنده امه : بنت عمك انقتلت ولقوها الشرطه مرميه بالزباله .
وقف خالد وبذهول وخوف : ايـــش مين اللي قالكم ؟
صبا وهي توقف وتاخذ الايباد : قريته بالنت صحيفة (....) منزله الخبر .
اخذه خالد وقرأه كامل : يمه انتو السبب بضياعها انتو اللي طردتوها من البيت .
سهام : ومين اللي طقها على يدها قال اطلعي من بيت عمك اللي كنتي فيه مكرمه معززه .
خالد : اي كرم واي عز اللي هي عاشته هي عاشت بذل طول ماهي عايشه بالبيت هذا .
سهام : حسبي الله عليها تنكرون المعروف كذا .. بس مقيوله جزاء المحسن بالاساءه .
خالد بعصبيه : اي احسان اللي تتكلمين عنه انتي والزمن قسيتو على غيداء .. بس والله ما ارجع للبيت إلا وغيداء معي حيه ولا ميته .

شمالية الهوى · 07-04-14, 02:10 PM

~ آلُبَآرٌتْ آلّسْآدِسٌ ~

• آقَتْرّبُيً يٌآسٌعَآدِتًيَ

• حٌزْنِيّ آنٌجْلَىٌ

سهام : ياخالد لاتبيع امك عشان بنت الناس هي ماراح تنفعك انا جنتك ونارك يا خالد لاتقودك مشاعرك للهلاك انا ادري انك تحبها بس ....
قاطعها خالد : وانا ما ابي ام ظالمه ومايشرفني امي تظلم وتسيئ للناس .
اعطته امه كف : لاتتكلم علي كذا انا امك يا اهبل انا امك يامجنون وغيداء جعلها ان شاء الله مارجعت مو فاقدينها .
خالد حط يده على مكان الكف : يجي منك اكثر يايمه .. انا طالع .
ومشى من عندهم وجلست سهام وحطت يدها ع راسها : الله يسامحك ياولدي .
صبا : يمه ماكان لازم تسوين فيه كذا والله غيداء ماتسوى .
سهام : خلااااص يا صبا اللي فيني مكفيني .

***

اتصلت مدى على غيداء 10 مرات وماترد جن جنون مدى " ياويلي هذي وين راحت "
نزلت تحت تركض : يمه يمه .
الجوهره : هلا مدى .
مدى : يمه اتصل على غيداء ماترد علي اكيد صاير فيها شي .
الجوهره بعدم اهتمام : اكيد نايمه .
مدى : لالا غيداء ماتنام إلا بالليل .
الجوهره : واحنا اش علينا منها عمرها ماردت ان شاء الله .
مدى وهي تبكي : يمه هذي صديقتي اذا صار لها شي انا راح اموت .
الجوهره : اسم الله عليك بعد عمر طويل ان شاء الله .
مدى : يمه الله يخليك دوري لي حل اتطمن على غيداء وربي خايفه عليها .
الجوهره ببرود : اش دعوه عايشه عند وحوش هي .
مشت مدى من عند امها وهي تبكي وطلعت لغرفتها والجوهره جلست " يارب انك تبعد غيداء عن طريق بنتي "
رن جوال الجوهره : الوو .
ام عزام : هلا والله بالجوهره هلا باختي القاطعه .
ضحكت الجوهره : هلا بك ام عزام وش اخبارك واخبار عيالك ؟
ام عزام : الحمدلله كلنا بخير وانتم وش اخباركم ؟
الجوهره بابتسامه : الحمدلله بخير .
ام عزام : ماشفتي الخبر اللي بصحيفة (....) ؟
الجوهره : إلا شفته الله لايبلانا .
ام عزام : وش السالفه اتصلت على سلطان ولا عبرني يقول اقري الخبر وراح تعرفين كل التفاصيل ولدك مايعطي وجه .
الجوهره : هههههه هذي اخر اللقافه وش استفدتي ؟
ام عزام : انا بس ابي اعرف من بنته هذي .
الجوهره : اعوذبالله من الشيطان الرجيم ووش تبين فيها .
ام عزام : تعرفين احنا مو مثلكم ياحريم العز والثريات وزوجات الامراء احنا نتناقل اخبار الناس بيننا .
الجوهره : الله لايجعلني مثلكم .
ام عزام : ماراح تصيرين مثلنا وانتي من عايلة اليحيى .
الجوهره بمزح : قولي ماشاء الله لا اتطلق بكره .
ام عزام : ماشاء الله لا اله الا الله .

***

فاتن : والله خطبت له بنت اخوي مدى .
ام موسى : حرام عليك وبنتي ريهام اللي متعلقه فيه وش تسوي وانتي عارفه ان ريهام لبسام من صغرهم .
فاتن : والله ما فيه بنت تناسب ولدي إلا بنت اخوي .
ام موسى : ايه قولي اننا فقراء وانزل منك ومايشرفك نسبنا .
فاتن : وش هالكلام يعايشه انتو اهلنا واهل بسام .
ام موسى بزعل : يا فاتن انا عارفه انك ماتبين تجرحيني بس بنتي وش ذنبها يخطبونها عيال اخواني وترفضهم عشان ولد عمها .
دخل بسام على اخر كلمه : سلام عليكم .
ام موسى وفاتن : عليكم السلام .
ام موسى : مبروك خطوبتك لبنت خالك .
بسام وهو يجلس : الله يبارك فيك بس هي لسه ماصارت خطيبتي ننتظر ردهم بكره.
ام موسى : وفيه احد بيرفضك ؟
بسام : والله ما ادري يمكن البنت تبي احد ويمكن تكرهني يمكن تبيني كل الاحتمالات هذي وارده .
ام موسى : وليش ماخطبت ريهام اللي نسبوها لك من صغرهم ؟
بسام : عمتي ريهام مثل اختي اللي ماجابتها امي وانا احبها واعزها مثل اي اخو يحب اخته .
ام موسى : يعني اللي بينك وبين ريهام اخوه بس .
بسام : ايه .
ام موسى : والله لو تشوف حال بنتي كان ماتقول كذا بس ربي بيرزقها ان شاء الله .
بسام : وعد ياعمتي انها بكره وهي مخطوبه وانا بزوجها رجل صالح ويخاف الله .
ام موسى : وليه ما خطبت مدى للرجل هذا اللي تتكلم عنه ولا الرخيص للرخيص ؟
بسام استغرب من كلام زوجة عمه : الحين انا بقدم لكم خير وبجيب لبنت عمي رجل يناسبها وتقولين الرخيص للرخيص وش دراك لو الرجال من احد عيال خوالي اللي اغنى مني ومنك والغني رب العالمين .
ام موسى : والله ياليت اذا جاد بكلامك تجيب لبنت عمك زوج صالح تقي نقي وفلوسه مغطيته مو تجيب حافي منتف وتخطب بنت عمك له .
بسام : افا عليك ياعمتي يعني بضر بنت عمي بشي والله هي مثل اختي ولازم احب لها الخير وانا ابي اخطبها للرجال اللي اقولك لأنها عزيزه وغاليه وما ابي اجرحها وابيها تفرح بزواجها وتنساني .
ام موسى : الله يجزاك خير يا بسام والله ماتقصر .
بسام : هااا ان شاء الله رضيتي عني ؟
ام موسى : ايه راضيه عنك واصلآ مامعي حق ازعل ولو ما احب امك واحبك كان ما جيت اعاتبكم .
فاتن : والله حتى انا اني احبك يا ام رائد والله يخليك لعيالك ولايحرمك منهم .
ام موسى: امين .. والله يفرحك بولدك عريس وان شاء الله تزفين عياله .
فاتن : امين .

***

رن جوال فهد اللي كان جالس مع عمامه وعيالهم وطلع ورد بـ : هلا سامي .
سامي : هلا بك يا طويل العمر .. استاذ فهد فيه واحد من المرافقين بيقدم استقالته ياليت تجي لأنه مضطر يمشي الحين .
فهد : اوك مسافة الطريق وانا عندكم .. قفل المكالمه وطلع مع الحرس الشخصي 3 اشخاص والبودي قارد 4 وركبو بالسياره وتوجهو للشركه ونزل فهد وهم يمشون وراه ودخل وطلع بالمصعد للمكتب : سلام عليكم.
وقف سامي : عليكم السلام .
جلس فهد ع الكرسي الخاص فيه : وينه اللي بيقدم استقالته ؟
سامي : الحين يجي .. طال عمرك فيه موضوع بس اخاف انه يضايقك .
فهد بابتسامه : ما اتضايق من شي يجي منك .
سامي : تسلم الله يطول بعمرك .. اا اا ممم اا اختي اميره انتظرت يومين وطويلة العمر مدى ماردت عليها الى الان .
فهد : والله مدى نفسيتها تعبانه حيل وشكل اميره متحمسه للشغل .
سامي : اكثر من ماتتخيل .
فهد : الله يوفقها ومدى مو متأخره كلها كم يوم وهي مشغله اميره عندها .
دخل احد المرافقين لفهد ووقف : سلام عليكم .
فهد وسامي : عليكم السلام .
فهد : اش بغيت يا طلال ؟
طلال وهو منزل راسه : ياطويل العمر انا بقدم استقالتي امي ماتت من يومين وخواتي مافيه احد لهم غيري وانا مو متفرغ لهم .
وقف فهد : عظم الله اجرك والله يجعل قبر امك روض من رياض الجنه .
طلال : الله يجزاك خير .
فهد : طيب خواتك يشتغلون ولا اخوانك ؟
طلال : لا خواتي ولا وحده اشتغلت منهم واحنا على قد حالتنا .
فهد : خلاص مو لازم تداوم وراتبك مثل ماهو ماراح يتغير .
باس طلال راس فهد وكان بيبوس يده بس فهد سحبه منه : الله يطول بعمرك .
فهد : هاا بطاقتك لسه ما انتهت ؟
طلع طلال بطاقته واعطاها فهد وقرأها فهد .
الاسم / طلال هاني مفرح ال...
العمر / 26 سنه .
الجنسيه / السعوديه .
الهويه / مرافق الامير فهد بن منصور بن محمد اليحيى .
رقم الهويه / 12231***
فهد وهو يطالع بطلال : متى اخر مره سافرت معاي ؟
طلال : اخر مره 2010 طال عمرك الاستاذ علي رفض يجدد بطاقتي يقول طويل العمر مستغني عنك .
فهد : خلاص روح لعلي وقوله يجدد البطاقه الحين .
طلال : الله يخليك ذخر لنا ياطويل العمر .
ابتسم فهد وطلع طلال وجلس سامي ع الكرسي : يا طويل العمر اختك اماني اتصلت قبل ساعتين وتقول تبيك تكلمها ضروري .. وتقول لاتتصل على جوالها اتصل على تليفون الشركه .
اتصل فهد عليها وطلع سامي من عنده : الوو .
اماني : هلا والله بالقاطع اللي لاوصل ولا ذكر .
ضحك فهد : والله انتي اللي لاوصل ولا ذكر مو احنا اللي نروح لك .. انتي تعالي لأهلك .
اماني بمزح : لا وع السعوديه حر وانا اخاف على عيالي والله حتى يوم جيت بافتتاح معرض كرستينا خليت عيالي عشان الحر .
فهد : بسم الله عليهم عيالك ما كأن امهم وابوهم سعوديين ومتعودين ع الجو الحار .
اماني : بس انا من زمان ما جلست بالسعوديه شهر او شهرين خلاص تعودت ع اجواء المانيا .
فهد : كلها 5 سنوات وانتي عايشه بالسعوديه .
اماني : الله يعينني .. ايييه فهود اتصلت عليك قبل شوي وجوالك مقفل ورد علي سامي بقولك ان دانيال قالي اسوي له موعد بيقابلك .
فهد : ومين دانيال هذا ؟
اماني ضحكت : ههههه معقوله ماعرفته رئيس شركة doidasefoxet .
فهد : اوك قولي له بعد 3 اشهر اقرب موعد .
اماني : حرام عليك فهيدان لاتسوي فيه كذا هو يبي احد يعطيه وجه .
فهد : خلاص اذا انتي وياه ماتبون بعد 3 اشهر يدور على غيري انا ما اتراجع عن قراري الاول .
اماني : اوك .. مع السلامه .
فهد : مع السلامه .

***

عامر : اليوم نعزم فهد لأنه هو اكثر واحد شاك فينا .
نايف : وعمرهم ان شاء الله ما صدقو اننا مو مثل ما يتوقعون وفهد امس قايل انه بيجي .
عامر بخوف : طيب وش نسوي انا لي يومين ماشربت والله احس اني دايخ .
نايف : حتى انا ماشربت وانا ما اصبر يومين بدون بارتي ولا دانس ولا وسكي .
ضحك عامر : هههه وسكي هذي خطيره .
وقف نايف بعد ماضحك : بروح اقول لجارح يطلع من المزرعه والله طالت وشمخت شريناها منه خلاص ماله فيها دخل .
عامر : لا يستغلنا الحيوان هذا ولايكون يرمي بلاويه علينا ترا جارح يسويها .
نايف : انا راح استفيد منه كثير ويكفي اننا لعبنا عليه كثير .. بس ترا هو يعرف كل بلاوينا وهو متوعد فيني يقول لأبوي يوم طردته .
عامر : لا لا ماراح يسوي شي صدقني هذا بس تهديد .
نايف : والله ياليت بس تهديد .. بس من اللي الحين بيجيب لنا هيداي انت عارف انه صعب انا ولا انت نجيبه بوجود فهد .
عامر : والله ما ادري كيف نجيبه بس ولا يهمك مايصعب على اخوك شي راح اجيب المسكر الليله خلاص ماعاد فيني صبر .
نايف بابتسامه : كفــو والله اخوي مايصعب عليه شي بس يخاف من فهد .
ضحك عامر : ليش انت ماتخاف منه ؟
نايف : إلا اكيد هو اللي دايم شاك فينا .
رن جوال نايف ورد بـــ : هلا فهد .
فهد : هلا بك وينكم قلت لكم بتقهوى عندكم اليوم واختفيتو .
نايف : الحين انا وعامر بالمزرعه .. انت بتجي الحين ؟
فهد : ايه بعد صلاة المغرب احسبو حسابي ترا بجي عندكم .
نايف : اوك مع السلامه .
وقفل من فهد وطالع بعامر : فهد بيجي بعد المغرب يمدينا ناخذ هيروين .
طالعه عامر : مجنون انت تبي فهد يقتلنا اشلون نسكر وهو جاي .
نايف : اووه يا عامر فهد راح يتأخر ماراح يجي إلا بعد المغرب يلا خلنا نخلص الحين بقى 8 سنوات يمديها تفك الحبه وهو ماجاء .
عامر : لا يا نايف انا مو بايع نفسي إذا انت بتاخذ لك حبوب وضروري اخذ الكبتاجون ع الاقل اقل مفعول ويمكن تفك بعد 4 ساعات .
نايف وهو يسمك راسه : لا خلاص اخاف فهد مسويها لعبه فينا هو امس قال الساعه 10 الصباح اجيكم واليوم يقول المغرب .
عامر : والله يمكن .
وقف نايف وهو ماسك راسه : احس راسي بينفجر خلاص ماعدت اتحمل .
عامر : اممم طيب وش الحل ؟
نايف : مافيه إلا اني اخذ مخدر كم ساعه عشان يخف الالم .
عامر : لا لا فيه عندي حبوب منومه خذلك حبه ونام .
نايف : بس هي كم ساعه وينتهي مفعولها ؟
عامر : تقريبآ ساعتين .
نايف وهو يجلس : يلا بسرعه يا عامر احس اني بموت من الالم .

***

كان فهد جالس جنب امه ومعاه كوب كوفي : الله لايحرمني منك يا يمه بس بدري على الزواج والمسؤوليه انا توني صغير .
الجوهره : اي صغير وعمرك 27 ؟ تكفى ياولدي فرحني بشوفتك مستقر ببيتك واشوف عيالك .
فهد : يمه مو وقته وانا قلت لك زواجي ماراح يكون إلا بعد سنتين انا توي بادي بالتجاره يبي لي سنتين ع الاقل .
الجوهره : مو لازم زواجك بالسنه هذي او اللي بعدها بس اهم شي اخطب لك وافرح فيك واتأكد انك بتتزوج .
فهد : لا لا يمه انا ما ابي الزواج ؟
الجوهره : طيب ليش ما تبي تتزوج سلطان اللي اصغر منك بنخطب له قريب وانت لسه ماتبي تتزوج .
فهد : يمه انا قلت لك مو متزوج السنوات الثلاث الجايه وبعدها يصير خير .
الجوهره : خلاص على راحتك بس ترا ما راح ارضى عليك وانت بتعاندني كذا .
نزلت مدى مع الدرج وجلس جنب فهد : سلام عليكم .
فهد وامه : عليكم السلام .
مدى بحزن : يمه غيداء ماترد على جوالها اش اسوي ؟
طالع فهد بمدى : يعني من اسبوع يوم قلبتيها مناحه عشان غيداء ماترد على جوالها .
مدى : لا اش فيك مو مصدقني انه عشان العجوز اللي بدار الرعايه ليش انت مو داخله السالفه بمزاجك .
ابتسم فهد : لأنها مو معقوله بتشوفين عجوز بدار الرعايه تنهارين وتبكين بدال الدمع دم .. انت عارفه ان دار العجزه كله مثل حالتها وش موديك هناك ؟
طالعت مدى بامها : يمه فكيني من ولدك اللي اسألته ماتخلص .
الجوهره : خلاص يافهد اتركها امس سلطان يقول والله بغى يضربها ويربيها يقول لسانها صاير طويل .
ضحك فهد : آآه ياليت سلطان ضربك وحسيتي على عمرك تصارخين بوجه اي واحد يكلمك .
مدى : فيك الخير ماقصرت بس تسأل ليش تبكين ليش تبكين ؟
فهد : هذا جزاي يوم اسأل عنك وبشوف وش اللي مخليك تبكين كذا .
مدى : مشكور فهيدان لاتسأل عني .
فهد : فهيداان بعينك انا فهد .
مدى : هههههههه .
وقف فهد : عن اذنكم بروح لنايف وعامر .
وقفت الجوهره : حرام عليكم نغصوتو عليهم عيشتهم خلوهم يعيشون حياتهم مثل ما يبون مالكم فيهم دخل وليش بس مراقبينهم خلاص يكفي .
فهد : والله يايمه انا محيرني شي واحد كلكم معاهم ضدنا انا وناصر عشانا شكينا فيهم لما كنا ببلجيكا .
وقفت مدى : إلا على طاري نويصر وينه ؟
فهد : والله ما ادري اخر مره شفته مع سلطان البارح وما ادري وين راحو .
مدى : والله جالي يومين ماشفته اشتقت له .
خذت جوالها وطلعت لغرفتها واتصلت على ناصر : الوو .
ناصر : هلا والله ببنت اخوي هلا بالغاليه .. هلا بالحساسه الرهيفه اللي ماتتحمل شي .
ضحكت مدى : حرام عليك كل هذا عشان موقف واحد بس .
ناصر : هههههههه هو صح الموقف مؤثر شوي بس انتي نص بكاك دلع صح ؟
مدى " لا والله إلا ابكي على صديقتي اللي ضاعت " : هههه تعرف بنت اخوك حساسه ومو متعوده على القسوه اللي هي شافت .
ناصر : الله لايحرمني منك يابنت اخوي يا اغلى من مشى ع الارض .
مدى : اقول نصور ماودك تجي والله مشتاقه لك .
ناصر : خلاص ياروح عمك دقايق وانا عندك بس ها سوو لي غداء حلو .

***

خيم الظلام على ارجاء المزرعه وخافت غيداء نامت امس بالمزرعه جالها يومين وهي هنا وماتدري اشلون تطلع جاها جارح واعطاها مويا وشربت منه ووعدها انه مايخليها وراح يجي وياخذ حقه منها بس بيطلع مشوار ضروري وبكره بالليل الموعد .
" يارب فرج همي وفك اسري قبل يجي الليل "
سمعت غيداء صوت سياره وصارت ترجف " الله يستر"

..

في الجهه الثانيه وعند الفيلا دخل فهد وكان باستقباله عامر : هلا والله بابو منصور تو مانورت المزرعه .
ابتسم فهد : منوره بوجودكم .
عامر : تفضل تفضل .. اا بروح لنايف هو يسوي القهوه والشاهي .
فهد : ليش مافيه خدم هنا ؟
عامر : لا لا مافيه خدم هنا مكان شباب بس وين بنجيب خدامه .
فهد : هههه ياخي ليش ماتجيبون لكم طباخ وترتاحون من الهم هذا كله .
عارم : احنا دايم معتمدين على انفسنا .. يلا فهد استاذنك بروح لنايف وراح عامر لنايف اللي نايم بالغرفه اللي تحت وفتح الباب : نايف .. نايف .
وراح عنده وضربه على كتفه : ناااايف قوم فهد جا يلا قوم .
صحى نايف بثقل : اييش ؟ فهد متى جا ؟
عامر : حسبي الله على ابليسك مخليني جالس بروحي من الساعه 11الى الظهر الحين الساعه 10 إلا ربع بالليل قووم يله .
صحى نايف : خلاص باخذ لي شاور واجي .
عامر : انا قايل لفهد انك جالس تسوي القهوه والشاهي .
نايف : والله محد قالك اكذب عند فهد ترا انا عارف انه بيصيدك في يوم من الايام روح عاد عدل كذبتك عنده .
وطلع عامر وراح لفهد اللي يكلم بجواله وخلص فهد من المكالمه وضحك عامر : لقيت اخوك مخليني ونايم .
ضحك فهد : هههههههه والله يسويها نايف .
جا نايف وجلس : وش فيه نايف ؟
عامر : سلامتك بس كنت اقوله على نومتك يوم تركتني .
نايف : ههههه قلت له بسوي قهوه وشاهي وهو جلس يطقطق بجواله وسحبت عليه ونمت .
ضحك فهد : حسبي الله على ابليسكم والله انكم لايقين على بعض .. وتكلم بجديه .. فيه سؤال محيرني اذكر العزاب عندهم ربع واخويا انتو وين اخوياكم السيارات اللي برا حوالي 6 او 7 ومافيه إلا انتم .
عامر : احنا اللي نقولهم لاتجون .
فهد : لا لازم نشوف اخوياكم اتصل عليهم الحين واعزمهم .
نايف : والله مانقدر الحين الوقت متأخر والشباب اكيد عند اهلهم .. الساعه 11 اشلون اعزمهم .
جزم فهد ومليون بالميه انه كل شكوكه فيهم باطله !
شباب صالحين صوامين قوامين !
كل شي فيهم يثبت انهم صادقين في كلامهم !
فهد : اهاا والله عبالي انتم شباب سهر ولعب .
نايف : الافضل اننا نقضي وقتنا بكل مايرضي الله والسهر واللعب بياخذ من وقتنا كثير .
جا فهد اتصال مهم وطلع من الفيلا وتوجه للمزرعه وهو يكلم واثناء المكالمه ...
فترت ملامحه !
تلاشى صوته !
وهو يشوف اللي قدامه ..
" اش اللي قاعد اشوفه اكيد انا احلم .. مستحيل نايف وعامر يسوون كذا "

***

دخلت سهى ومعاها بناتها رونق وراوين : مساء الخير .
وقفت الجوهره : ياهلا وغلا .. تو مانور البيت .
ابتسمت سهى : منور بوجود اهله .
وسلمت على رونق وراوين وامها وجلسو بالانتريه ونزلو البنات مدى وساره .
وبعد دقايق دخلت نوره ومعاها بنتها وريف وسلمو عليهم وجلسو وكملت لهمة الاهل وبقت فاتن اللي بالطريق .
وريف : اوووف ماتهنيت بسفرتي كلها اربع ايام وانا راجعه .
سهى : ان شاء الله بنعوضك باحلى سفره .
رونق : هههه احلى سفره بشهر 10 يعني الحر كله بنقضيه هنا .
الجوهره بابتسامه : انا وامك وخالتك نوره كلنا يوم كنا بأعماركم عايشين ببيوت مافيها كهرباء والكهرباء كل اسبوع يشتغل مرتين او ثلاثه .
مدى : بس مو كل الناس زيكم وابوي من يومه وهو عايش بأفخم البيوت وافخم احياء الرياض .
الجوهره : ابوك ولد اليحيى ولا احنا اهلنا ناس عاديين مره .
نوره : انا ع الاقل اهلي تطورو اخوي صار مدير اعمال ولدي بدر يعني ارقى شوي من اشغال اخواني .
ساره وهي تلعب بشعرها اللي ع جنب : طيب بنروح لابها او الطايف وربي هنا حر موت مو متعودين .
سهى : والله قلت لأبو سعود بس يقول فهد عنده شغل ومو حلوه نتركه بروحه .
وريف ابتسمت : دام فهد بيجلس بالرياض انا بجلس يازين جو الرياض وفهد عايش فيها .
رونق بهمس لوريف : وجــع استحي على وجهك .
الجوهره " اش هالبنت اللي ماتستحي "
مدى : وريف وش بتوصلين له ؟
وريف : اش فيك يا مدى انا احب ولد عمي وانتم كلكم عارفين بالشي هذا ومافيها شي حب عذري .
سهى : والله صادقه وريف هي ماشفنا منها شي مو زين البنت محترمه .
نوره : الله يهديك ياوريف ماتصبرين والله حتى عند بدر تقوله انها تحب فهد هذي ماتستحي مثل بنات الناس .
وريف : والله لو الحب عيب ولا حرام كان استحيت بس مافيها شي ومافيه انسان مايحب ولا كلامي غلط ياميدو .
ابتسمت مدى : خلاص ياوريف .
وريف بتحرجها : اييه صح مبروك الله يهنيك ببسام والله انه يستاهلك .
ساره ضحكت : ههههههههه وريف لاتحرجينها ترا يوم خطبها وهي مو مهتمه له جالسه تبكي ..
قاطعتها مدى : بنات اش رايكم نلعب ؟
الجوهره : لا لا خلوكم معانا حلاة جلستنا انكم جالسين بيننا .
فتحت الخدامه الباب ودخلت فاتن وقالت وهي تنزل طرحتها وعبايتها وتعطيها الخدامه : لو انا اللي عازمتكم كان طلع لكل وحده مليون شغله .
سلمت عليها الجوهره : الله يهديك من يوم دخلتي وانتي تستلمينا سلمي اول شي واخذي اخبارنا وبعدين عاتبينا .

***

قفل المكالمه وهو مايدري سامي وش قاعد يقول ..
طالعته وهي عارفه ان هذي نهايتها شايفته قبل بس ماتدري وين .
جلس فهد وفتح الحبل اللي مربوطه فيه رجلينها .
وراح وراها وفتح الحبل المربوط بالشجره وفتح يدينها وهي تحس ان يدينها مبتوره .
طالعها فهد : وش جابك هنا ؟
كانت تبكي وماردت عليه .
طالع بالبنت اللي قدامه لابسه بنطلون جينز وثوب ولد لونه ابيض وحاطه شماغ على راسها .
فهد بلهجه امره : قومي يلا روحي معاي للبيت بستر عليك ولا اللي مثلك ماتنستر .
وقفت وهي دايخه وجات بتطيح ومسك فهد ذراعها بقرف وصار يسحبها وصل لسيارته وامر البودي قارد يركبونها بالسياره وركبوها .
وركب فهد وهو يحس انه تهور بتصرفه ولو تركها مكانها احسن : سعد بسرعه روح للبيت .
سعد : على امرك ياطويل العمر .
كانت غيداء وراء فهد وتبكي وهي تلعن الساعه اللي هي طلعت من بيت عمها فيها " ليتني تزوجت اخو سهام وانتهت حياتي من زمان ولا طحت بيدين هذا واضح من هيئته وطريقة كلامه مع البودي قارد والسايق انه كبير ومهم ويمكن يكون امير ؟ "
فهد : انتي اش اللي جابك للمزرعه ؟
كانت تبكي وماقدرت ترد عليه .
" وش اقوله ؟ "
فهد بعصبيه : انتي ماتسمعين ؟
قالت غيداء وهي ترجف : ووو..احـ..حد م م ماعرفه ج جابني هنا .
وصلو البيت وقال فهد بلهجه امره : نزلوها بسرعه .
نزلوها وصارو يمشون وراه دخل الصاله وتغطو بنات عمه ودخلو البودي قارد وبين يدينهم غيداء اللي تبكي وترجف وطلعو.
وصرخت مدى : غيدااء .
وراحت لها : غيود وش فيك ؟
طالع فهد بمدى : تعرفينها ؟
هزت مدى راسها بإيه .
وعصب فهد : اتركها ولاتقربين عندها هذي صايعه ضايعه .
صرخت مدى : فهـــد ما ارضى تقول عنها كذا .
فهد : رضيتي ولا مارضيتي القاها بالشارع بالشكل هذا وتقولين ما ارضى عليها وبعدين انتي اشرف من الاشكال هذي مليون مره .. وياويلك لو اسمع انك رايحه لهذي ولا متصله عليها والله لتشوفين شي عمرك ماشفتيه ولا توقعتيه .
وقفت الجوهره المصدومه : فهد مين هذي وشلون جايبها لبيتي كذا .
فهد : يمه هذي لقيتها بالشارع .
جات وريف اللي عبايتها فاضحه اكثر من انها ساتره : فهد ليش تجيبها معاك .
فهد : قلت لكم بستر عليها تشتغل هنا طباخه خدامه اهم شي انها ماتطلع من البيت .
فاتن : وانت اش لك فيها عشان تجيبها اخاف تخرب بناتنا .
فهد : لا ماراح تخربهم وبناتنا وين وهي وين ؟
كان الكلام مثل الصواعق على غيداء اللي واقفه بنص الصاله جنب فهد ومنزله راسها للارض .
وجات عندها مدى : غيداء اش صار لك وليش ماتردين على جوالك .
طالع فهد بمدى : قلت لك ابعدي عنها .. بس شكلك ماتفهمين .
مدى : لا افهم بس هذي صديقتي ومستحيل اتركها .
طالعت فاتن فيهم : والله خساره يا غيداء اني حبيتك دخلتي قلبي اول ماشفتك بس انتي مو كفو احد يحبك .
غيداء " ما ابي حبكم بس ابي اطلع من هنا "
دخل منصور وطالع بفهد اللي واقف وجنبه بنت غريبه لابسه ثوب رجال وطالع فيهم باستغراب : فهد مين هذي ؟
مدى وهي تروح لأبوها : يبه هذي صديقتي غيداء .
منصور : اهاا غيداء .. بس وش فيها لابسه الملابس هذي ؟
فهد : يبه البنت هذي لقيتها بالشارع .
منصور وهو يجلس ع الكنبه : خلاص انت اللي لقيتها استر عليها ياولدي وتزوجها .
غيداء حست بطعنه بصدرها " لاااا "
فهد انصدم من طلب ابوه : انا اتزوج بنت الشوارع يبه انا رخيص عندك عشان تزوجني بنت كذا .
منصور : لا والله مانت رخيص بس اذا تبي رضاي تزوجها .
فهد وهو يروح لأبوه : يبه انا مستعد اتزوج اي وحده لو الخدامه بس هذي لا والف لا .
منصور : خلاص اذا ما تزوجتها وسترت على بنت الناس ما انت ولدي ولا اعرفك تجيبها لبيتي ولا متزوجها طيب ليش جايبها ؟
صرخت وريف : لاااا عمي الله يخليك لاتزوج فــــهــد .

***

سهام : صبا ولدي صار له يوم مارجع ياخوفي انه صار له شي .
صبا : يمه خلاص ولدك ضاع وانتي اللي ضيعتيه من يدينك .
سهام بصراخ : لاعاااد اسمعك تقولين الكلام هذا .
صبا : يمه خلاص مافيه بالبيت إلا انا وانتي يعني مين بيسمعنا .
سهام : آآه ياحسرتي عليك ياولدي .. حسبي الله عليك يا غيداء انتي السبب باللي صار لولدي .
صبا : هي السبب بخراب بيتك يايمه .
سهام : الله لايسامحها .
دخل خالد وهو تعبان : مساء الخير .
سهام وهي تروح له وبلهفه : مساء النور هلا وغلا بولدي .. وين رحت يمه خوفتني عليك .
خالد : رحت عند خويي ونمت عنده .. يمه ابوي بكره جاي وانا لسه مالقيت غيداء وش تبيني اسوي ؟
ام خالد : ولا يهمك انا راح اقوله انها هربت من المستشفى .
خالد : يمه ترا ابوي قايل غيداء امانه برقبتك بس انا ما ادري وش صار لها .
ام خالد : خلاص انا اقنع ابوك .
صبا : ياويلك يا خالد والله ابوي ماراح يتركك انت نسيت غيداء وش تعني لأبوي .
ام خالد : بس انتي اسكتي ومالك دخل بالموضوع وخالد مو مسرح بغيداء .
صبا : بس غيداء وصية جدتي وابوي حاطها بعيونه وخالد ضيع الامانه .
جلس خالد ع الكنبه وبتوتر : والله مو ذنبي انها تطلع واحنا ماندري وين راحت والى اليوم جالها اسبوع ماندري وين ارضها من سماها .
ام خالد : ياولدي لاتشغل بالك والله هي ماتسوى .

***

طالع منصور بوريف ووقف : انتي وش فيك ووش قاعده تقولين ؟
وريف وهي تبكي : عمي انا ابي فهد انا بنت عمه واولى فيه من بنت الشوارع .
منصور : ياقليلة الحيا ياللي ماتستحين وقدامنا كلنا تقولين الكلام هذا صدق انه مافيك ذرة حيا .
فهد بقهر : يبه خلاص انا موافق اتزوج العله هذي بس بشرط .
منصور : هاا وش شرطك ؟
فهد : اذا تزوجتها محد له دخل بحياتي لو احرقها لو اقتلها محد يتدخل .
منصور : انت استر عليها ولو بعد زواجك بشهر تطلقها محد قايل لك شي .
وريف وهي تروح لفهد : خلاص بتتزوج .. وانا وانا يافهد انا اللي حبيتك من صغري تتزوج وتخليني ؟
فهد : ع الاقل غيداء يمكن اعقل منك ولا انتي وياها بالهوا سوا .
منصور بعصبيه : لاتقارن بنت اخوي بهذي بنت الشوارع .
مدى وهي تبكي : يبه والله حرام عليكم انتو مو عارفين ظروفها ولا كان ماقلتو كذا .
بكت غيداء كل حياتها .
" آآآه ياليتني عندك ياسهام اتعذب ولا انخطب واسمع الكلام هذا وانا ساكته "
منصور : مدى هي لها اهل نخطبها منهم ولا لا ؟
مدى وهي تمسح دموعها : ايه فيه عمها .
منصور : لها عم ومضيعها كذا صدق ان ماوراها رجال .
مدى : يبه لاتظنون فيها ظن سوء ان بعض الظن اثم لو انتو تعرفون ليش هي طالعه كذا كان مالمتوها وقلتو انها بنت شوارع .
وريف بقهر وعصبيه : لا هي سافله وواطيه مهما كانت الاسباب ماتطلع بالشارع كذا ولا تتشبه بالعيال .
راحت مدى لغيداء ومسكت يدها : امشي معاي ياغيداء .
طلعو لغرفة مدى وغيداء جلست ع السرير تبكي .
حضنتها مدى : خلاص غيود خلاص افرحي انتي طلعتي من الحزن اللي عايشته من صغرك .
غيداء بين شهقاتها : ياليتني ماطلعت من المستشفى ليتني ميته ولا شفت اللي شفته ولا سمعت الي سمعته .
طق الباب ودخل فهد : مدى تعالي ابيك .
طلعت مدى وسكرت الباب : نعم .
فهد : انا ماقلت لك الاشكال هذي لاعاد تقربين منها انا اخوك اخاف عليك يامدى .
مدى : فهد انت والله مو عارف ظروف البنت لو تعرف كان ماقلت كذا حرام عليك لاتقسون عليها هي ضعيفه والحين صارت زوجتك مالها إلا انت بعد الله .
فهد بقرف : لا لا مو زوجتي ولسه ماخطبناها وياجعل عمها مايوافق ان شاء الله .
مدى : لا مستحيل يرفض .
فهد : اتمنى يامدى انها تصير على ماقلتي .
مدى : والله يافهد الظروف القاسيه هي اللي حدتها على كذا وكل بني ادم خطائون وهي غلطت .
فهد : بس غلطتها كبيره واكبر غلطه تسويها البنت اللي هي سوتها .
مدى : اتمنى شي واحد بس انك ماتقسى عليها .
فهد : والله مو بيدي كرامتي تمنعني اكلمها عاد اشلون اذا صارت زوجتي .
مدى : ياربي انك تعرف الحقيقه عشان تعذرها .
فهد : ما ابي اعرف عنها اي شي .. وبلغيها بكره اننا بناخذها لبيت عمها وبخطبها ونملك بكره والزواج بعد اسبوعين .

شمالية الهوى · 08-04-14, 08:45 AM

~ آلْبّآرُتِ آلُسِآبٌعّ ~

• تَكِسُرْ يَ حٌلِمّي

• حَيِآتٌيّ كْلُهٍآ آوٌجْاٌعّ

مدى : بهالسرعه ؟
فهد : خلاص رمضان ما بقى عليه إلا اقل من 24 يوم مامعاي وقت .
مدى : اوك .
ونزل فهد تحت ودخلت مدى للغرفه وشافت غيداء متمدده ع السرير وتبكي بمراره : غيود خلاص والله من يوم صرتي زوجه لفهد صدقيني بتشوفين السعاده بكل الوانها واطيافها .
جلست غيداء : اي سعاده واي اطياف اللي تتكلمين عنها انا خلاص مالي من كلمة بنت شوارع مفر .. بس ميدو سالفتي لاتقولينها لفهد لو ايش .
مدى : ليش يا غيداء ؟ ليش انتي بنيتي بينك وبينه المشاكل من الحين خلي يوم يجي زواجك بعد اسبوعين وانتي متأكده انه راضي فيك .
غيداء : عمره ان شاء الله مارضى فيني انا الزم ماعلي كرامتي مو انا اللي اروح اقوله ترا انت غلطان .. خليه طول عمره كذا انا ماغلطت عليه وهو ماله فيني دخل من الاساس مو لااخته ولا بنت عمه ولا بنت خاله ولا اعرفه ولا يعرفني اش اللي حده علي هو اللي جنى على نفسه بنفسه.
مدى : هذا جزاء فهد ياغيداء جابك من الموت للعز وتقولين كذا ؟
غيداء : والله لو بمكاني احسن من اني اسمع الكلام اللي قاله قبل شوي عند امك وابوك ووريف اللي بكل طريق بحياتي القاها قدامي .
مدى : الله يعينك عليها ياغيداء والله ماراح تترك بحالك .
غيداء : طيب مدى انا قرفانه من الملابس اللي علي ابي ملابس باخذ لي شور .
مدى : من عيوني .. شوفي غرفة الملابس واختاري اللي يعجبك كلي فداك .
غيداء : تسلمين .
وراحت للغرفه وفتحت الدولاب وطلعت لها بنطلون جينز اسود وبلوزه بنص فخذها اخضر وراحت للحمام وخذت لها شور وطلعت ولبست ملابسها ورجعت لمدى اللي تكلم بجوالها وشغلت مجفف الشعر وجففت شعرها الأسود وتركته مسدول وطالعت بشكلها بالمرايه عيونها ذبلانه ووجهها اصفر وباين عليها التعب خذت الروج الزهري وحطت على شفايفها وخذت اللوشن وحطت على وجهها تحاول انه يعطيها حيويه اكثر من كذا لأن التعب باين عليها وطالعت بمدى اللي تبسمت : لو يشوفك فهد كذا اتوقع يقول لأبوي يبي زواجه اليوم .
ابتسمت غيداء : ياليت تفكير فهد نفس تفكيرك .. الرجال مو اهم شي عندهم الجمال اهم شي الشرف الاخلاق وشلون لو يدري ان امي نصرانيه .
مدى : عادي .. واذا امك نصرانيه هذي مو مشكلتك ولا هو ذنبك .
غيداء : والله يامدى اني ندمانه اني طلعت بلبس ولد .
مدى : إلا فهود وين لقاك ؟
غيداء : بالمزرعه .
شهقت مدى : لايكون بمزرعة عامر ونايف .. ياويلهم اذا هم اللي اخذينك للمزرعه .

***

عامر : نايف فهد راح من زمان يلا بنروح نجيب لنا حبوب من جارح اكيد هو هنا من اسبوع كل يوم يجي هنا .
نايف : يلا بسرعه .
وطلعو وراحو لجارح اللي جالس بالمزرعه مع صقر : جارح نبي حبوب .
جارح وهو يوقف : وين البنت اللي كانت هنا ؟
طالعو عامر ونايف ببعض : بنت ؟
جارح : نايف عامر .. لاتستهبلون قولو لي وينها البنت اللي كانت هنا ليش تعتدون على ممتلكاتي وينها البنت اللي هنا ؟
عامر : جارح هذي مزرعتنا واي شي تحطه فيها لازم يكون عندنا خبر تسمع ؟
جارح : خلاص ماراح ادخل احد مره ثانيه إلا بإذنكم بس الحبوب ماراح تاخذونها إلا اذا رجعتو البنت .
وقف صقر وبهمس لجارح : عطهم الحبوب واقصر الشر لايودونك وراء الشمس .
جارح : خلاص يا صقر روح جيب الهيروين اللي بالسياره .
نايف وهو يمسك راسه : نبي كميه كبيره .
جارح : عندي 1000 حبه هيروين اذا تبونها بخمس مية الف اهلآ وسهلآ ماتبون دورو غيري .
عامر : لو تبي بمليون بس اهم شي تعطينا كيمه كبيره بكره عندنا حفله .
اخذ جارح الكرتون اللي بيد صقر وطلع 10 اكياس كلها حبوب : كل كيس فيه 100 حبه والكيس بـ ثلاث الاف .
عامر : يله جيب الكرتون كله .
وطلع من جيب بنطلونه اللي وراء دفتر الشيكات اللي هو اخذ عشان يعطي جارح فلوسه ووقع عليه : اخذ هذي خمسمية الف .
اخذه جارح وهو يبتسم : خلاص المره الجايه اذا اخذتو مني حبوب راح تزيد قيمتهم .
مشو من عنده نايف وعامر ودخلو ببيتهم .

***

سلطان : مو معقوله تزوج بنت لاقيها بالشارع .
فهد : ليش مو معقوله انا ابي البنت طيب .
ناصر : الله يستر يافهد لايكون بتنتقم منها عشان منصور جبرك عليها .
طالعهم فهد : انا انتقم من بنت ؟
سعود : ماندري عنك اول مره نشوفك كذا موافق تتزوج .
فهد : خلاص انا كبرت وابي اتزوج عشان افرح امي وابوي بعيالي .
بدر : الله يوفقك يافهد والله مو مصدق انك بتتزوج وحده من الشارع .
فهد بعصبيه : اوووه ترا هي مالقيتها بين شباب ولا بشقق شباب لقيت البنت متستره وبالشارع .
سلطان : طيب ماخفت ان اهلها يجون يدورون عليها .
فهد : واذا جو اهلها هي بالحفظ والصون .
ناصر : والله انك غريب يافهيدان وبكره خطوبتك وش هالسرعه .
فهد : انتم وش دخلكم فيني خلاص ادعولي بالتوفيق واسكتو .
ناصر : الله يوفقك يافهد ويرزقك الذريه الصالحه .
فهد : امين .. يلا مع السلامه بروح انام بكره وراي خطوبه لازم اصحى بدري .
سلطان : فهد .. غيداء هنا ولا راحت لبيت اهلها ؟
فهد : لا هنا ليش ؟
سلطان : ارسلها لأهلها الحين مع السايق وبكره تروح تخطبها .
فهد : والله قلته بس رفضت مدى تقول زوجة عمها تقتلها وهي حالفه اذا رجعت للبيت انها راح تقتلها .
سلطان استغرب : اشلون عايشين الناس هذولا ؟
فهد : ماعلينا منهم .. ومشى فهد من عندهم .
وراح لأمه وطق الباب ودخل : مامي صاحيه ولا نايمه .
فتحت امه الابجوره : لا صاحيه تعال .
راح فهد عندها وجلس ع السرير : يمه شفتي القدر اليوم الصباح كنتي تتكلمين عن الزواج وماجاء الليل الا القدر كاتب لنا الزواج عمري ماتوقعت اني بتزوج وحده من صديقات خواتي ولا وحده سمعتها كذا .
الجوهره : خلاص يافهد انسى اللي راح ولاتتذكر ماضي غيداء وشوف حياتك .
فهد : يمه رجولتي وكرامتي تمنعني اجلس معاها او اتكلم معاها اشلون تقولين لي انسى اللي راح ؟
الجوهره : ياعمري يافهد والله البنت انا شفتها كذا مره مؤدبه ومحترمه ومثل ماقالت مدى ظروفها اللي حدتها على كذا .
فهد : لا يايمه لو انها عاقله ومحترمه كان مالقيتها بالشارع .
الجوهره : انت متأكد ان غيداء مو خايفه على نفسها .. لو كان من بنات الليل وبنات الشوارع كان مالبست لبس ولد وخافت على نفسها .
فهد : والله لو شايفها بلبس بنت وعبايه ارحم من اني اشوفها بشكلها اللي قبل شوي يمه غيداء اكيد شرفها بالارض .
الجوهره : لا لا لاتظن فيها يمكن ماصار اللي تتوقعه .. تدري ان هذي بنت كرستينا ؟
انصدم فهد : وزود على اللي شفته فيها امها كرستينا .. من وين الاقيها انا من الدنيا ولا من مصايبي هذي .
الجوهره : والله امها انه مافيه منها مع انها نصرانيه إلا انها طيبه ووفيه وامينه .
فهد : طيب اشلون ماقالت لي مدى على المصيبه هذي انها بنت كرستينا .
الجوهره : انت وش شايف بكرستينا ؟
فهد : نصراينه .. بنتها هذي اكيد نفس ديانتها .
الجوهره : لا لا غيداء مسلمه وهي ماعاشت مع كرستينا ولا يوم حتى يوم كانت بمهدها .
فهد : طيب اشلون عرفتو ان هذي بنت كرستينا ؟
الجوهره :مدى تعرفها من زمان .
فهد وقف : عن اذنك يمه .
وطلع لغرفته وتمدد على سريره وافكار تجيبه وافكار توديه .
وصل لأخر قرار ..!

***

دخل ابو خالد بالبيت وسلم عليهم وكريمه جلست جنبه : ابن عمي ام خالد بتدايئني بحكيها .
عبدالرحمن : تحملي سهام شوي .
كريمه : اوك .
جات سهام وهي معاها القهوه والشاهي ونزلتهم على الطاوله .
وقال عبدالرحمن بعد ما اخذ فنجاله منها : وين غيداء غريبه ماجات تسلم علي والله اني مشتاق لها ؟
تلعثمت سهام وبلعت ريقها : هــآآ .. غيداء ؟ ايه هي را.. راحت عند صديقتها وبكره ان شاء الله جايه .
رفع عبدالرحمن حاجبه : ومين اللي سمح لها تروح ؟
سهام : انا حسيت بالذنب يوم طلعت غيداء من المستشفى وطلبتها تسامحني ومارضت وقالت اسامحك بس بشرط انك تخليني اروح عند صديقتي اليوم هذا كله عاد الغاليه ما ارفض لها طلب .
عبدالرحمن : فيك الخير ياسهام .. اهم شي رضى غيداء والله اني مشتاق لها بالحيل .
سهام : بكره وهي جايه . " ياويلي اذا عرف الحقيقه "
دخلت صبا : يمه فيه وحده تبيك على التليفون .
طلعت سهام وسحبت صبا معاها وبهمس : اذا سألك ابوك عن غيداء قولي اليوم الصباح راحت عند صديقتها وتجي بكره .
صبا : يمه ماراح تستفيدين شي ويجي بكره ويعرف ابوي بالسالفه .
سهام بعصبيه : سوي اللي قلت لك عليه ليش انتي غبيه وماتفهمين .
صبا : يمه واذا جو الشرطه وبلغو ابوي انها هي اللي مرميه بالزباله وش نسوي .
سهام : مالنا دخل راحت عند صديقتها وماندري وين راحت وبس .. وخالد سأل عن البنت وماصارت غيداء ويلا انقلعي عند ابوك .
وراحت سهام للتليفون : الوو .
الجوهره : هلا .. انتي ام خالد ؟
سهام : ايه من معاي ؟
الجوهره : معاك الجوهره حرم منصور اليحيى .
بلعت سهام ريقها : هلا والله .. امريني .
الجوهره : بكره العصر بنجيكم .
سهام : حياكم الله .. بس وش عرفكم فينا ؟
الجوهره : من يسأل مايضيع .. مع السلامه .
سهام : مع السلامه .
وجلست على الكنب بفتور وصدمه " وش يبون ياربي وش عندها ؟ "

***

صحت غيداء من نومها وطالعت المكان اللي هي فيه وطالعت بمدى اللي نايمه جنبها وجلست وشافت الساعه تشير الى 5 فجرآ وراحت لدورة المياه وتوضأت وصلت وصحت مدى : مــدى .. مدى .
صحت مدى : هلا غيود .
غيداء : بسرعه قومي صلي الفجر تأخرتي كثير الساعه 5 .
مدى وهي تغطي نفسها باللحاف : اووه بدري الساعه 5 .
غيداء : حرام عليك قومي صلي .
مدى : مو وقتها الحين خليه الصباح والله فيني نوم .
غيداء : مدى والله حرام عليك الصلاه خير من النوم اصحي صلي .
مدى : والله بدري الفجر اذا صحيت اصليها .
غيداء : ومتى تصحين ؟
مدى : الساعه 12 .
غيداء : الساعه 12 صلاة الظهر مو الفجر .. خلاص كيفك ماتبين تصلين ؟
مدى : لا ما ابي .
غيداء : نامي الحين بس بقبرك ماراح ترتاحين .. انتي تدرين وش عقوبة تارك الصلاه ؟
مدى جلست : الله يجزاك خير غيداء والله كثير اقراء عن عقوبة تارك الصلاه بس ما اتأثر ولا اخاف ولا اصلي كل الصلاوات وش الحل ؟
غيداء : ادعي الحين اذا صليتي ان ربي يثبتك على صراطه وادعي ان ربي يثبتك على صراطه بأي وقت .
مدى : آآه لو فهد يسمع كلامك والله لتتغير وجهة نظره فيك .
غيداء وهي تجلس : قومي صلي الحين واتركي فهد وحياتي انا راضيه باللي ربي كتب لي .
مدى : اييه نسيت لأقولك بسام خطبني .
ابتسمت غيداء : مبروك حبيبتي الله يتمم لك على خير .
مدى : ويوفقك .. ويفتح على قلب فهيدان .
ضحكت غيداء : ههههههه حلوه فهيدان .. يلا بسرعه تأخرتي بصلاتك بالمره ربع ساعه وانتي تسولفين علي .
قامت مدى وغيداء سندت بظهرها ع السرير وسالت دموعها " يمه تعالي شوفي حالي اشلون صار ما اتوقع انه فيه ام ترضى لبنتها كذا "
صارت تبكي بقوه " آآآه ياعمي خذلتني ماتوقعتك كذا تفضل سهام علي .. بس مو غريبه عليك "

..

مر فهد من عند غرفة مدى مايدري هو فضول ولا اش جابه بس الاهم انه وقف قدام الغرفه وسمع شهقات غيداء ومشى من عندها " وش فيها هذي "
نزلت مدى مع الدرج : فــهد فـهد .
طالع فهد بمدى وسكر عيونه وفتحها بإستهبال : إلا والله مدى .. وش مصحيك هالوقت غريبه ؟
مدى : غيداء ماخلتني انام صحتني اصلي .
فهد ما اهتم لكلامها : طيب اش تبين ؟
مدى وهي تبتسم : ابي منك طلب .
فهد : امري .
مدى : فهــد تكفى اسمع قصة غيداء وشوف انت ظالمها ولا لا ؟
فهد : اي شي يخصها لاتكلميني فيه .
مدى : طيب ليش ابي تبرير للكلام هذا .
فهد : ما ابي اسمع عنها شي اسبوعين وهي صايره على قلبي وراح اعرف كل شي منها خلاص لاتتدخلين .
مدى : اشلون ما اتدخل والمشكله بين اغلى اثنين عندي اخوي وصديقة عمري .
فهد : انا بس ابي اسألك سؤال واحد عنها عشان ارتاح من الافكار اللي ازعجتني من امس .
مدى بخوف : اســأل .
فهد : هي مسلمه ولا نصراينه ؟
انصدمت مدى من سؤاله : لا هي مسلمه وحافظه اجزاء من القرآن وهي مشرفة مصلى الجامعه .
فهد : واللي حافظه اجزاء من القران ماتدري ان اللي هي سوت حرام ؟
مدى : فهد تكفى انسى السالفه والله البنت تقطعت من البكاء ومثل ماقالت انت وش دخلك فيها ووش جابك لها ؟
فهد " مدري ليش رحت لها " : والله من قرادتي رحت لها .
مدى : اووف فهد تكفى لاتعذبها اذا انت مو مسعدها رجعها لأهلها واقصر الشر .
فهد " وهذا اللي بيصير " : ما ادري مادري اش اللي الله يكتبه لي .. انا صليت واستخرت وارتحت بعد الاستخاره .
مدى : الله يكتب لكم اللي فيه الخير .. انا بروح لغيداء .
وراحت مدى لغيداء وفتحت الباب وشافتها طايحه بالارض وراحت لها : غيدااء .. غيدااء .
ونزلت تحت تركض : يمـــــه .
وقف فهد اللي جالس مع ابوه : وش فيك تصارخين .
مدى وهي ترجف : غيداء .. غيداء ماتت .
فهد بخوف : وش صار لها ؟
مدى : م مادري طايحه ع الارض وماتتحرك ولا تتكلم .
طلع فهد مع مدى وشاف غيداء " معقوله هذي اللي امس "
وكان كل همه انه يصحيها .
حط راسها على ذراعه وصرخ : مدى عطيني عطر .
اعطته مدى العطر ووقفت جنبه ورش عطر على يده وشممه غيداء وكحت غيداء وفتحت عيونها ببطء وطالعت بفهد وسحبت نفسها من بين يدينه وسندت ظهرها ع السرير ونزلت راسها بالارض وفهد وقف : انا بروح اجيب الدكتوره .
مدى : لا لا انا اتصل على دكتورتي خلاص .. مشكور فهد اطلع .
طلع فهد برا وطالعت غيداء بمدى : اشلون تدخيلنه عندي ؟
مدى : والله على بالي انك ميته .. بس حتى هو كان منحرج منك .
ودخلت دكتورة مدى : سلام عليكم .
مدى وغيداء : عليكم السلام .
الدكتوره : الزايكو ؟
مدى : دكتوره غيداء اغما عليها فجأه وماندري اش السبب .
رفعت الدكتوره غيداء مع مدى ومددوها ع السرير واخذت الابره وخذت عينه من دم غيداء : غيداء ماعندهاش مشكله بس سوء تغزيه .. لازم تشرب عصير فواكه .. وفواكه برتقال وتفاح اهم شي .. وكمان اديها كل يوم حلا او تمر .
مدى : وماتحتاج تروح المستشفى .
الدكتوره : ماعندهاش مشكله تروح المستشفى .
مدى : تقدرين تمشين .
طلعت الدكتوره .
واتصلت مدى ع الخدم المخصصين للاكل وبعد دقيقتين دخلو خدامتين لابسين بنطلون ابيض وبلوزه ابيض ومريله زهري ونزلو الاكل ع الطاوله وخذت مدى كوب عصير فراوله : خذي غيود اشربي العصير شكلك من زمان عن الاكل .
شربت غيداء من العصير تقريبآ النص : خلاص مدى شبعت .
مدى : حرام عليك لاتهلكين نفسك اشربي العصير وكلي الحلا .
غيداء : لا لا ما ابي إلا تمره لي ثلاث ايام ماكليت شي .
خذت مدى التمر : تفضلي .
خذت غيداء حبه وكلتها .
وجابت لها مدى الحليب : اشربي حليب يلا غيداء عشان خاطري .
غيداء : لا مدى قبل شوي شربت عصير خلاص ما اقدر اشرب شي ثاني .
مدى : خلاص خذو الاكل هذا وطلعو برا .
طلعو الخدم .
وطالعت غيداء بمدى : مدى متى اروح لبيت اهلي ؟
مدى : فهد يقول الساعه 10 اروح انا وياك عشان زوجة عمك ماتسوي لك شي .
غيداء : لا مدى بيتنا والله مو لايق فيك انتي اكبر من كذا .
مدى : عمره ماهمني اشلون شكل البيت .
غيداء : خلاص بنروح الحين والله خايفه .
مدى : لا لا بدري الساعه الحين 8 .
غيداء : طيب بروح انــا بروحي خلاص مو متحمله اجلس هنا .
مدى : مايصير بخاطرك إلا طيب .. بس انا ما اقدر اخرج عن اوامر فهد .
غيداء : اش دعوه تراه اخوك مو مديرك ولا رئيس ...
قاطعتها مدى بضحكه : عارفه انه اخوي بس والله لو اخليك تروحين ليغسل شراعي .. بس ولايهمك اروح له واقوله .. عن اذنك .
ونزلت تحت وشافت ابوها وفهد جالسين وسلمت على راس ابوها : صباح الخير يبه .
منصور : صباح النور ياهلا .
جلست مدى جنب ابوها : يبه غيداء بتروح لبيت اهلها الحين تقول مستحيه لاتجلس هنا .
منصور : خلاص روحي معاها بس لاتجلسين عندهم .
مدى : خلاص يبه بروح اقول لغيداء .
فهد : انا بوصلكم .
منصور : لا هم يروحون مع السايق لاتحرج البنت خلاص .
فهد : ومين البنت عشان ما احرجها اتوقع ماعندها حيا .
منصور بعصبيه : فـــهــد اش هالكلام عيب اللي تقوله .. وغيداء قمه في الاخلاق وانا عرفت سالفتها كامله وعرفت ظرف البنت اللي حدها على الشي هذا ولام الله من لامها .
فهد " وش سالفتها هذي " : خلاص يبه اسف ويمكن تصير قمه في الاخلاق ليش لا .. مريم عليها السلام الناس اتهموها بالزنا وهي اشرف النساء ما ابي اتهم غيداء واظلمها واشك فيها واطعن بشرفها قبل لا اعرف سالفتها .
ابتسمت مدى : واخيرآ يافهد .
وطلعت تركض مع الدرج فتحت الباب : يلا غيود .
ابتسمت غيداء : بس انا ابي عبايه لأنه ماعندي عبايه .
طلعت مدى عباياتها : اختاري اللي تبين .
خذت غيداء استر عبايه عند مدى عباية ضيقه من الصدر والباقي واسع ويدينها واسعه مره ولبست طرحه ونقاب : يله مدى بسرعه .
لبست مدى عبايتها وطرحتها ونقابها : يله امشي .
نزلو تحت ووقف منصور : صباح الخير ياغيداء .
ردت غيداء بحيا : صباح النور .
طلعو وركبو بالسياره الخاصه بمدى بنتلي 2013 لونها اسود وجا السايق والمرافقه الخاصين بمدى وركبو بالسياره وطلعو لبيت غيداء ونزلو مدى وغيداء : يلا حبيبتي انا ما اقدر ادخل اخاف اسبب احراج لأهلك .
غيداء وهي ترجف : خايفه منها يامدى وربي خايفه .
مدى : والله ماراح تسوي لك شي خلاص خذي معاك المرافقه حقتي .
غيداء : لا والله ما اقدر راح تسألني عنها .. الله يصبرني الين العصر ما ادري اش راح اسوي .
مدى : يلا حبيبتي مع السلامه اشوفك بعد اسبوعين يا احلى عروس .
غيداء : مع السلامه .
ومشت مدى وراحت غيداء بخطوات ثقيله ورنت الجرس وفتح لها خالد : نعم .
غيداء وهي ترجف : انا غيداء .
خالد وهو يبعد عن الباب وبفرحه : ياهلا والله .
مشت غيداء من عنده ودخلت بالصاله ووقف عمها : يــاهلا والله ببنتي ياهلا بالغاليه .
سلمت على عمها وسلمت على راسه : هلا بك عمي .
عبدالرحمن : والله تو مانور البيت .
غيداء : منور بوجودك .
كريمه سلمت على غيداء .
ووقفت غيداء : عن اذنك عمي بروح لغرفتي برتاح .
وراحت لغرفتها ولحقها عمها : غيداااء .
تسمرت بمكانها " ياربي اكيد يدري انه لي اسبوع مادخلت البيت "
عبدالرحمن : وين رايحه ؟
غيداء بارتباك : هاا .. ايه رايحه ل لغرفتي .
عبدالرحمن : وهذي هي غرفتك ياغيداء ؟
غيداء هزت راسها بإيه .
عبدالرحمن : لا والله مو مكانك هذا اطلعي لغرفتك فوق واغراضك بتوصلك كلها .
باست غيداء على راس عمها : بس عمتي سهام راح تزعل مني .
عبدالرحمن : لاتهمك سهام حسابي معاها عسير بس الين تصحى وتشوف عبدالرحمن الثاني .
وطلعت غيداء لغرفتها اللي جنب غرفة صبا وسكرت الباب ونزلت طرحتها وعبايتها وراحت وجلست ع سريرها " آآه اشتقت لك ياغرفتي "
انفتح الباب وبقوه : وش جابك ؟
وقفت غيداء : عـ عشان عمي جاء .
سهام بعصبيه وهي تطالع لبسها : ماشاء الله عليك رحتي من عندي حايفه ومنتفه ورجعتي كاشخه ولابسه من ارقى الماركات ممكن اعرف اش السالفه .. وليش زوجة منصور اليحيى اتصلت علي ؟

***

فاتن : والله قاهرني منصور اشلون يزوج فهد هذي .
بسام : يمه خلاص ادعي الله ان الله يوفقه الرجال خطب خلاص .
فاتن : لا فيه امل انه يتركها .
ابو بسام : وانتي وش دخلك فيه خليه يتزوج اللي هو يبي .
فاتن بعصبيه : الله يهديك يا محمد وش اللي وش دخلني فيهم هذا ولد اخوي .
محمد : طيب ليش معصبه خلاص الولد يبيها انتم وش حاشركم .
فاتن : يامحمد لو بسام جاب بنت من الشارع ترضى انه يتزوجها والله لو انك مجنون .
محمد : لا والله ما ارضى ولدي غالي ما ازوجه لوحده رخيصه .
فاتن : ومنصور زوج فهد لوحده رخيصه انا ما ادري وش بيوصله منصور وفهد وافق من اول ماقاله ابوه .. آآه ياحسرتي على ولد اخوي .
بسام : والله ماله داعي تتحسرين عليه هو بيتزوج مو رايح يقتل .
فاتن : آآه ياكبر قهري من منصور .. فهد الغالي فهد يتزوج هذي .
محمد : لا اله الا الله ياحرمه تعوذي من ابليس وادعي لفهد ان الله يتمم له على خير والله ياكثر اللي بيحسدونه .
فاتن بنص ابتسامه : يحسدونه على غيداء ولا على النحس اللي يلاحقه ؟
محمد : فهد رجال وشهم وكريم وشجاع ويكفي انه ولد منصور اللي كل الناس تشهد له بالخير هو واخوانه واكيد نص البنات عيونهم على فهد .
بسام بمزح : ويكفي فهد فخر اني ولد عمته .
فاتن : ايه والله يفتخر ان بسام ولد عمته .
محمد : والله لك الفخر يابسام ان عيال اليحيى خوالك .
فاتن : انا وين وانتو وين .. تكفون ادعو ان عم غيداء مايوافق .
بسام : الله يكتب لهم اللي فيه الخير .. وفهد يقول صلى استخاره وارتاح يمكن سعادته مع البنت هذي .. وبعدين امها خوية اماني بنت خالي .
فاتن بصدمه : يعني غيداء امها المانيه ؟
بسام : ايه على ما اظن ان امها كرستينا اللي افتتح لها معرض هنا قبل شهر .
فاتن : الله يعينك يافهد مزوجينك نصرانيه .
بسام : لا لا هي مسلمه .

***

غيداء : ما ادري ليش هي متصله عليكم ؟
راحت لها سهام : طيب انتي وين رحتي الاسبوع اللي راح ؟
غيداء : ااا .. رحت .. رحت عند زوجة خالي ويليام .
انصدمت سهام : وانتي من فين تعرفي خوالك ؟
غيداء : صديقتي مدى تعرف امي وهي اللي ودتني عند خالي بس امي ماكانت موجوده .
مسكت سهام راسها : كرستينا عايشه الى اليوم ؟
غيداء : ايه عايشه .
مسكت سهام راسه وهو تتحلطم : والله وقربت نهايتك ياسهام .
وطلعت من عند غيداء اللي استغربت منها " الحمدلله "
رن جوال غيداء : هلا مدى .
مدى بلهفه : هاا طمنيني اش صار ؟
غيداء : ماصار شي عمي كان موجود وماقدرت تسوي فيني شي .. بس جات عندي وتسألني ليش انتو بتجون قلت لها ما ادري .
مدى : يقولك فهد لو احد سألك وين كنتي الاسبوع اللي فات ؟ كنتي عند خوالك .
ضحكت غيداء : انا قلت لسهام اني كنت عند خالي ويليام .
مدى : والله تفكيركم متشابه .
غيداء : ههههه هذي بداية الخير .
مدى بهمس : ولايهمك فهد حنون وطيب والله راح يرضى عنك بس انتي لاتقصرين معاه .
غيداء : انتي عندك احد ؟
مدى وهي توقف وتمشي من عندهم : ايه عندي فهد وابوي وامي .. وترا فهد هو اللي قال اتصلي عليها وتطمني عليها .
غيداء : يمكن بيفتك مني .. مع السلامه .
مدى : مع السلامه ياعروس .
غيداء : الله يجبر بخاطرك اي عروس ؟
مدى : والله لو انا مكانك لأفرح واخلي همي بعد زواجي .
غيداء : آآآه لو تدرين عن اللي اشيله بقلبي .
مدى : يابعد عمري ياغيداء .. والله ماتستاهلين كل هذا .. بس ان شاء الله ترتاحين بالجنه .
غيداء : اميــــن .. مع السلامه .
مدى : مع السلامه .
رمت غيداء جوالها ع السرير وانطوت على نفسها وهي تبكي " ياربي فرج همي "
مرت ســاعه .
وساعتـــين .
وثلاث ســـاعات وهي تبكي .
ورفعت راسها على صوت الاذان ووقفت وخذت نفس عميق وقالت : لا اله إلا الله .
ودخلت بدورة المياه وتوضأت ورجعت للغرفه وشافت اغراضها ع الارض وخذت شرشف الصلاه وصلت صلاة الظهر .
ورتبت ملابسها بالدولاب وخذت كتبها وحطتها ع الكومدينو .
وجلست وخذت رواية السجينه اللي مع كتبها وقرأت اخر الصفحات اللي هي وقفت عندها وانتهت من الروايه الساعه وحده " ياربي متى اسير الى الحريه .. لازم اصبر مثل مليكه اوفقير ..عائلتها اللي اعتقلو عشرين سنه وكان فرج ربي منهم قريب وطلعو "
طق الباب ودخل عبدالرحمن : غيداء .
رفعت غيداء راسها : هلا عمي .
عبدالرحمن : ليش ماتجين تغدين معنا خالد ماهو فيه تعالي يابنتي والله اني مشتاق لك .
غيداء : لا يا عمي انا افطرت مع صديقتي الصبح ما ابي اكل .
عبدالرحمن : اعوذبالله من الصبح ماكليتي شي وتقولين مفطره تعالي تغدي .
غيداء " مالي خلق " : لاعمي خلاص ما ابي اكل .
عبدالرحمن : يصير خير .
ونزل تحت وبعد دقايق دخلت كريمه ومعاها كوب عصير برتقال ورز ابيض وبيض مسلوق وحطته ع الطاوله الصغيره : تعالي ياغيداء هدا الك .
غيداء بابتسامه : مشكوره .
وطلعت كريمه .
وراحت غيداء عند الاكل " الله ريحته شهيه "

***

ابتسم فهد : الله يبارك فيك يا سامي وعقبال ما اشوفك عريس ان شاء الله .
ضحك سامي : ان شاء الله .
وقف فهد واخذ شماغه اللي غالبآ ينزله ومايحب يلبس شماغ ولبس الطاقيه والشماغ ولبس العقال ونسف شماغه على عقاله : يله انا بروح البيت اليوم انا عريس لازم اتدلل .
ابتسم سامي : من حقك .
فهد : والله راح تتعب اليوم كل الشغل بتمسكه بروحك .. بس ولا يهمك راح اعوضك .
سامي : الله يكثر خيرك ويكثر من امثالك .
فهد : انتبه للشغل ولاتسوي شي إلا انت مبلغني .
سامي : على امرك .
فهد : يلا سلام .
سامي : عليكم السلام .
طلع فهد وطلع للسياره وركب بسيارته الخاصه ستروين متروبوليس وطلع للبيت انفتحت البوابه الالكترونيه ودخل السياره ونزل وفتح باب المدخل ودخل ونزل نظارته الكلاسيكيه وقال : مساء الخير .
الكل : مساء النور .
الجوهره : هلا والله بالعريس .
ابتسم فهد : هلا بك يمه .. انا بطلع انام صحوني على الصلاه .
الجوهره : لا اول تغدى وبعدين نام .
فهد : لا مالي نفس بالغداء بروح انام امس مانمت زين .
الجوهره : الله معاك حبيبي .
وطلع فهد لغرفته وطالعت الجوهره بمنصور : هاا متى يخلص جناح فهد ؟
منصور : يقول المقاول الاسبوع الجاي وهو خالص .
الجوهره : يعني قبل زواجهم باسبوع ؟
منصور : ولدك الله يهديه استعجل كان خلى زواجه بعد العيد حتى البنت مامعاها وقت اسبوعين بس .
الجوهره بابتسامه : غيداء اسم الله عليها ماتحتاج إلا اغراضها الخاصه ماتحتاج خلطات تبييض كلها ملابس وتخلصها بيومين .
منصور : ياخوفي ان فهد متزوجها بس للانتقام .
الجوهره : لا لا ولدك فيه رجوله ماينتقم من بنت .
دخلت ساره : اوووف برا حر موت تكفون بنطلع من الرياض وع وش ذا القرف .
منصور : بسم الله الرحمن الرحيم .. هذي وش فيها ؟
ساره وهي تنزل عبايتها وبدلع : يبه والله حر اول مره اعيش بحر كذا .
الجوهره : نار جهنم اشد الله يرحمنا .
ساره : يمه وش جاب هذا لهذا ؟
الجوهره : والله انتم يابنات الدلع مو متحملين شي اذا كان عليك حر لاتطلعين من البيت وش اللي حادك على الطلعه بعز الظهر .
ساره : كله من بنت اخوك رفيف .. يلا عن اذنكم بروح اخذ لي شور .. مامي فيه غداء ؟
الجوهره : ايه يلا بسرعه لاتتأخرين بنتغداء مع بعض .
ساره : اوك .
وطلعت لغرفتها بالمصعد .
ووقفت الجوهره : يلا يامنصور بنروح نتغدى .
وقف منصور ومشى مع زوجته ودخلو بصالة الطعام .

***

صبا : معقوله يا غيداء كل الاسبوع اللي راح وانتي عند صديقتك ؟
غيداء : لا انا ماكنت عند صديقتي انا عند خالي .
شهقت صبا : خوالك موجودين ؟
غيداء : لا انا ماشفت خالي بس كنت عند زوجته .
صبا : وش رجعك لنا والله لو عشتي عند خالك احسن لك .
غيداء بجرأه ولأول مره : والله ياليت اعيش عند خوالي طول عمري احسن لي واحسن لكم .
صبا وهي توقف وتحط يدها على خصرها : والله وطلع لك لسان ياغويد .
غيداء وهي تحط رجل على رجل : صبا اقصري الشر واسكتي احنا مو ناقصين مشاكل ولا ترا بروح لعمي واقوله ان امك هي اللي طردتني .
جلست صبا : طيب وش جابك للغرفه هذي؟
غيداء : عمي اللي جابني هنا ويقول مو مكاني غرفة الخدم .. بليز صبا اطلعي برا .
صبا : ليش اطلع وبأي حق تطرديني ؟
غيداء : اطلعي لأنه مالك مصلحه هنا وما ادري وش جايبك .. واطردك لأنها غرفتي .
صبا : بس هذا بيت ابوي .
غيداء : اوك بيت ابوك وكمان بيت عمي لي حق مثل مالك حق واطلعي برا .
طلعت صبا وسكرت وراها الباب بقوه .
وغيداء ردت على جوالها اللي يرن : هـلا مدى .
مدى : غيود احنا الحين جايينكم .. واحتمال فهد يشوفك اكشخي .
غيداء بخوف : لا لا ما ابي وبعدين اخاف سهام تشك اذا كشخت .
مدى : اوك مع السلامه يازوجة اخوي الغاليه .
غيداء : ميدو ترا لسه ماصار شي يمكن عمي يرفض ولا سهام ترفض .
مدى : بس انا مـتـاكده ان عمك ماراح يرفض فهد .
غيداء : ويمكن يرفضه .. مع السلامه .
مدى : هههه كل ماقلت مع السلامه خذيتيني بالسوالف .
غيداء : ههههههه سيو .
مدى : سيو .
فتحت سهام الباب ووقفت غيداء : اكشخي والبسي لبس حلو ترا بتجي زوجة منصور اليحيى ما ادري وش عندها .
غيداء : اوك .
طلعت سهام وراحت غيداء وفتحت الدولاب " ياربي وش البس ؟"
واخيرآ اختارت تنوره اسود طويله وبلوزه شفاف رمادي وعليها ورود كبيره برتقالي واسود وتحت بدي اسود ولبست كعب عالي لونه اسود وجلست ع التسريحه ولبست حلق لونه برتقالي وشعرها الناعم حطته ع جنب وحطت روج برتقالي ومسكرا اسود وخذت عطرها قوتشي ورشت منه وابسمت برضى على شكلها وجلست ع السرير " ياربي وفقني "

...

في مجلس الرجال مجلس صغير 3×4
كان فهد جالس بصدر المجس جنب ابوه وعلى يمينه عمه عبدالمحسن وعمه صالح وعبدالرحمن جالس قدامهم وخالد جنبه .
وبعد ما اخذو اخبارهم .
تكلم منصور : يا ابو خالد مالنا بالطويله احنا جايين نطلب يد بنت اخوك غيداء لولدي فهد .. اش قلت ؟

شمالية الهوى · 10-04-14, 03:38 PM

~ آلبٌآرَتِ آلّثِآمُنْ ~

• يَ عُثِرَآتٌ عُمْرّيَ

• آجُتِمْعُيَ فْيّ لِيّلُهِ

ابتسم عبدالرحمن : والله لنا الفخر بنسبكم ويكفي انكم عائلة اليحيى وانا موافق بس لازم ناخذ راي البنت .
حس خالد بطعنه بقلبه ونزل راسه للارض " خلاص يايبه يكفي يكفي "
عبدالرحمن : يا خالد روح قول لأمك تشاور البنت .
فهد : بس قبل لاتشاورونها ترا بنملك اليوم والزواج بعد اسبوعين .
عبدالرحمن : خلاص احنا موافقين .. بس البنت رايها لازم .
عبدالمحسن : اكيد الموافقه من عدمها بيد البنت وهذا ابسط حقوقكم انكم تشاورونها .

***

الجوهره وهي تطالع غيداء : انا دورت لولدي فهد عروس ومالقيت احلى من غيداء اسم الله عليها جمال ودلال واخلاق ويكفي انها بنت كرستينا .
انقهرت سهام : بس انا مو موافقه ما اوافق ازوج بنتي غيداء لواحد مانعرفه .
الجوهره بتنرفزها : مو انتي اللي تقررين القرار هذا بيد غيداء انتي عليك بس الاستقبال .
ضحكت مدى وغيداء ماسكه نفسها لاتضحك .
وقفت سهام : صدق انك قليلة حيا جايه لبيتي وتتكلمين علي وين الاصول .
الجوهره : والله انتي اللي تطفلين وتدخلين نفسك بشي مايخصك .
جلست سهام .. وسمعت صوت خالد يناديها وطلعت : هلا خالد .
خالد بقهر : يمه غيداء خطبها فهد اليحيى اسأليها اذا هي موافقه ولا لا .
سهام : ايه موافقه تو امه تكلمت بالموضوع .
تلاشى امل خالد اللي كان قدامه كبر البحر : يمه ليش حظي كذا ؟
سهام : مافيه احسن من حظك انا اللي حظي طايح .. يلا روح قول لأبوك ع الاقل العله هذي تمشي .
خالد : لا يمه اليوم بيملكون .. والزواج .. وبلع ريقه .. بعد اسبوعين .
سهام انصدمت : وش هالسرعه ؟
خالد : والله ما ادري عنه .. ولا ادري وش عرفهم ببنت عمي .
سهام : تقول ام فهد ان بنتها تعرفها وهي صديقتها بالجامعه .
خالد : اهاا .. طيب عن اذنك يمه .
ورجع خالد لمجلس الرجال ودخل : سلام عليكم .
عبدالرحمن بلهفه : هاا وش قالت ؟
خالد وهو يجلس : موافقه .
عبدالرحمن بابتسامه : على البركه .. الف الف مبروك .
وقف منصور وسلم على عبدالرحمن : الف مبروك يا ابو خالد .
عبدالرحمن : الله يبارك فيك .
فهد : هاا نملك اليوم ؟
عبدالرحمن : بس الفحص ...
قاطعه منصور : احنا خالصين من الفحص .. اتصل يا ابو سعود ع المأذون يجي يملك لنا الليله .
صالح : حاضر بس ما اعرف احد قريب من المنطقه هذي .
عبدالرحمن : خلاص احنا نجيبه .. روح ياخالد جيب ابو سالم .
خالد : على امرك .

***

وريف وهي تبكي : آآه يايمه راح مني فهد ملك عليها وخلصو .
نوره : طيب خلاص .. اللي خلق فهد خلق الف واحد غيره .
وريف : بس انا ما ابي إلا فهد ولد عمي اللي حبيته من صغري يروح لها بارده مبرده والله لأشفي غليلي فيك يا غيداء والله ما اخليك .
نوره وهي تحضن وريف : لاتصيرين انانيه وتفكرين بس بحياتك خلاص فهد تزوج .
وريف : بس فهد لي ولد عمي وانا اولى به من الغريبه .. لااا بعد واخذها من الشارع الله لايوفقهم ياجعلها تموت قبل لااشوفهم يزفونها له .
نوره : استهدي بالله يابنت وتعوذي من الشيطان وادعي لولد عمك بالتوفيق بحياته .
وريف بعصبيه : اشلون ادعي له وهو قتلني قتل احلامي وامالي وكل حياتي .
نوره : خلاص ياوريف وانتي عارفه ان فارس ولد خالتك يحبك وخطبك مرتين ورديتيه والمره هذي مالك غيره .
وريف : الله ياخذني قبل ما اخذه مابقى إلا فارس .
نوره : اسم الله عليك .
رن جوال نوره : هلا عبدالمحسن .
عبدالمحسن : نوره وش فيها وريف ؟
وقفت نوره وطلعت من غرفة وريف وسكرت الباب : تبكي عشان ولد عمها تزوج وخلاها .
عبدالمحسن : الله يهديها ويصلحها هذي مو عاقله .
نوره : والله بعد مــاسمعت كلامها عرفت ان مافيها من العقل ذره .
عبدالمحسن : انا اتصل علي بدر يقول وريف منهاره مايدري وش فيها .
نوره : لا مافيها شي بس عشان فهد .
عبدالمحسن : يلا مع السلامه .
نوره : انت وين الحين ؟
عبدالمحسن : ببيت ابو خالد .
نوره : هاا وش صار ؟
عبدالمحسن : خلاص ملكو بس يقول عمها ماعندهم نظره شريعه .. ولا يشوف زوجته إلا بيوم عرسه .
ابتسمت نوره : عادي مثلنا ماشفتني إلا بيوم زواجنا .
عبدالمحسن : بس زمنهم تغير عن زمنا .. وماتوقعت ان فيه ناس لسه بالتفكير هذا .
نوره : لا كذا اهلي وكلهم كذا عادي اللي كانو بدو كلهم كذا .
عبدالمحسن : والله اول مره اسمع فيها العاده هذي بالجيل هذا وبالوقت هذا .

***

فهد : لا ياعمي اسمح لي لازم اشوف زوجتي .
عبدالرحمن : والله يافهد العاده هذي غريبه علينا .
فهد : اوك عمي غريبه عندكم ومن اهم العادات عندنا .
عبدالرحمن : امممم خلاص تشوفها بس لازم اقول لها .
فهد : اخذ راحتك .
طلع عبدالرحمن وطالع صالح بفهد : هههه ماشاء الله عليك اقنعته .
فهد : مايصعب علي شي .
منصور : وانا اشهد انه مايصعب عليك الصعب .
صالح : ماشاء الله لانصكه بعين .
فهد : هههههههههه .
دخل عبدالرحمن : تفضل يافهد .
طلع فهد مع ابو عبدالرحمن ودخل بالمقلط وجلس ع الكنبه : انا بروح اجيب غيداء .
طالع فهد ببيتهم متواضع مره والمقلط جدرانه لونها بيج والكنب ايكيا لونه بيج وبني والفرشه بني ومقلمه ببيج .
دخل عبدالرحمن ومعاه غيداء اللي منزله راسها للارض .
طالعها فهد لابسه تنوره طويله وبلوزه اكمامها طويله ووقف وعبدالرحمن فتح الباب : اخليكم على راحتكم .
راح فهد لغيداء ورفع راسها بيده : طالعيني .
رفعت غيداء عيونها والتقت عيونهم ببعض !
نزلت عيونها بسرعه ويده مازالت تحت ذقنها : انتي بلبس البنات وشكل البنت احلى من شكلك بلبس العيال .
انجرحت غيداء وسكتت " هذا اولها "
فهد وهو ينزل يده اللي تحت ذقنها : زواجنا بعد اسبوعين عندك خبر .
هزت غيداء راسها بإيه : خلاص تقدرين تروحين .
طلعت غيداء تركض وفهد جلس على الكنبه ومسك راسه بين يدينه " كل شي فيها حلو .. وهي تستحي وواضح عليها الحيا بس اللي هي سوت مستحيل انساه "
ووقف وطلع للرجال .
وغيداء دخلت بغرفتها ونفسها يعلو ويهبط " آآه وش هالرجال اللي كل شي فيه له هيبه صوته شكله هيئته .. اشلون تعلق فيه قلبي بهالسرعه "
جلست ع السرير " ماكان قابلته ولبسي كذا تنوره هههه لو كان فستان احلى "

***

يــوم ثــاني بـعـد ملــكتهم

ناصر بابتسامه : والله شكل البنت لاعبه بحسبتك .
فهد : لا والله ماهزت مني شعره تطول السماء يدق لها قلبي .
ناصر : ياخطيير اجل ليش متزوجها وانت مارح تسعدها .
فهد : ومين اللي قال اني ماراح اسعدها ؟
ناصر : ماتحبها يعني ماراح تسعدها .
فهد : لا انا راح اسعدها بس ماراح احبها .. واسعدها عشاني ما اكرهها .
ناصر : ياخي والله انك تقهر لو انا مكان البنت اللي بتتزوجها كان انتحرت .
فهد : الله يعين بنت الحلال اللي انت بتاخذ صدقني امها داعيه عليها انه ياخذه عله مثلك او ان حظها منحوس .
ناصر : هههه لا والله إلا داعيه لها امها بليلة القدر بالزوج الصالح التقي النقي اللي يحبها ويدللها وينسيها العالم كله .
ضحك فهد : هههههههههههه اجل انت مرض الزهايمر تنسيها العالم كله .
ناصر : لا لا يعني ماتشوف إلا انا .
فهد : ايه انت هذا همك .
دخل سامي بعد ماطق الباب واذن له فهد بالدخول : سلام عليكم .
فهد وناصر : عليكم السلام .
سامي : انا اسف قطعت عليكم جلستكم بس فيه موضوع ضروري .
فهد بابتسامه : انت واحد مننا ياسامي .. هاا اش موضوعك ؟
سامي : يا طويل العمر السيده اماني وصلت السعوديه وكان بأستقبالها اهلها واعتدا عليها احد رجال المافيا واطلق عليها رصاصه والحين هي بالمستشفى .
وقف ناصر : اي مستشفى ؟
سامي : بمستشفى دله .
طلع ناصر يركض .
وفهد جامد بمكانه وفجأه استوعب ووقف : ويــ ويـنها اماني ؟
سامي خاف على فهد : بمستشفى دله .. تعال معاي اوصلك لها .
وطلع مع سامي وركبو بالسياره وقال سامي : سعد يله بسرعه روح على المستشفى .
سعد : على امرك استاذ سامي .
كان فهد جنب سامي : وش فيها اماني ماتت ولا اش صار لها ؟
سامي : لا السيد منصور يقول اصابه طفيفه بيدها .
وصلو المستشفى ونزلو فهد وسامي وكان قدام غرفة العمليات .
الجوهره اللي واقفه وجنبها منصور وكانت مدى جالسه ع الكرسي وتهز رجلها بتوتر وناصر واقف ومتسند ع الجدار وسلطان مكتف يدينه ولابس لبس الشرطه وقف فهد : وش صار ؟

***

نايف : ياخي اش علي منهم مالي فيهم دخل ان شاء الله يصير فيهم اللي يصير لاتصحني بناااام .
عامر وهو يرش المويه بوجه نايف : اصحى يله اختك بالمستشفى وانت نايم يلا تحرك يا نايف .
صحى نايف : اوووه اش الحظ هذا يوم زانت نومتي تصحوني .
عامر وهو يعطيه حبة الكبتاجون : يله اخذ هذي عشان تصحصح ونروح لهم اتصل علي سعود ويقول بسرعه تعالو .
نايف : خلاص بروح اغسل وارجع اخــذ الحبــه خلك هنا .
وطلع نايف وراح لدورة المياه وغسل وجهه وفرش اسنانه ورجع لعامر واخذ الحبه واكلها : يله بنمشي وترا مافيني حيل اسوق .
عامر : ابوي ارسل لنا سايق وبودي قارد .
نايف : لا ما نبي سايق انا ما احب انه فيه احد يسوق فينا .
عامر : حتى انا بس يله مجبورين على الشي هذا .
مشى نايف مع عامر وركبو بالسياره جاقورا xj وكان اللي يسوق عامر .
ومشى بسرعه جنونيه اعتادو عليها .

***

سلطان : والله مايستاهل كل هذا ويسوون لها عمليه جرح بسيط بيدها من الزجاج اللي هي كانت واقفه جنبه والاطلاق كانت بعيده عنها .
الجوهره : لا اش دراني لو الرصاصه دخلت بيدها .. وهي اغمى عليها وجرحها مو بسيط .
جلس فهد ع الكرسي : لايكون مافيها شي ؟
سلطان: والله مافيها شي وانت تعرف امي تكبر الموضوع لو مايستاهل .
طلع الدكتور : الحمدلله الانسه اماني مافيهاش شي وماتحتاق عمليه الاشعه اسبتت انو مايوقد إلا قرح بسيط وتم علاقه "علاجه" .
طالع سلطان بامه : اقتنعتي يايمه ؟
الجوهره : هذي بنتي وانا خايفه عليها .
سلطان : عن اذنكم برجع للدوام طلعت بدون اذن .
وطلع سلطان ومشى وراه ناصر بعد ماسلم على اماني .
وسامي كان واقف بعيد عنهم .
وسلم فهد على اماني : خوفتينا والله ع بالي صار لك شي .
اماني : آآه والله الجرح اللي بيدي كبير اول مره اعرف ان الجرح يؤلم .
الجوهره : بسم الله عليك والله خفنا عليك .
منصور : الحمدلله على سلامتك .. يله بنمشي للبيت .
طلع فهد مع سامي : هاا طمني ياطويل العمر .
ابتسم فهد : مافيها شي بس تعرف الدلع وخوف امي عليها .
سامي : والله عبالي صار لها شي يوم شفت تقارير التلفزيون والكلام اللي بمواقع التواصل الاجتماعي .
فهد : لا مافيها شي .
سامي : بس هي اُطلق عليها رصاص .
فهد : ايه بس الرصاصه جات بالزجاج اللي هي كانت عنده .
سامي : اتوقع انه جونسين بينتقم منك .
فهد : ومن غيره بيسوي كذا .
طلعو وركبو بالسياره وطلعو للشركه .

***

سهام : اش هالحظ يا بنت كرستينا ماطردتك من البيت إلآ وانخطبتي .
غيداء : ربي مايخيب اللي يدعيه .
سهام : اقول بس لايكون تدعين علي ؟
غيداء : لا لا اعوذبالله و ما اذكر اني دعيت على احد .. وبعدين من شروط الدعاء عدم الاعتداء على الاخرين .
سهام : تتصنعين الدين يالنصرانيه سبحان الله كذا المنافقين يبطنون الشرك ويظهرون الاسلام .
غيداء وهي توقف : عمتي لاتقولين عني نصرانيه ترا تطلعين من المله بسبب كلمه .
سهام : مو انتي اللي تعلميني اصول الدين والحمدلله كلها اسبوعين وانتي طالعه من هنا .
غيداء : يمكن اريح لي واريح لكم .
سهام : ايه والله صدقتي .
دخل عبدالرحمن واستغرب من زوجته جالسه جنب غيداء وتسولف عليها " اي والله متصالحه معاها ماكذبت علي " : غيداء حبيبتي زوجك اعطاني مهرك نص مليون .
شهقت سهام : كل هذا مهر .
غيداء " بسم الله الرحمن الرحيم .. اللهم لاحسد " : عمي انا ابي اروح للسوق وباخذ معاي كريمه عشان اقدر اخلص باسبوع .
عبدالرحمن : كلنا تحت خدمتك .
سهام : مايمديك تفصلين فستان .
غيداء : لا عمتي الجوهره هي اللي بتفصل لي الفستان وتقول هدية زواجي .
سهام : والله وطحتي على كنز ياغيداء .
غيداء : عمي كريمه وينها ؟
عبدالرحمن : اتوقع انها بغرفتها .. متى تبيني اوديك السوق ؟
غيداء : عادي اي وقت .
وطلعت غيداء لكريمه وطقت الباب ودخلت : سلام عليكم .
كريمه : اهلين وسهلين .
غيداء وهي تجلس ع الكرسي : كريمه انا ابي اروح للسوق ممكن تروحين معاي عشان اقدر اخلص بدري ؟
كريمه : ولك انا تحت امرك واروح معا ع السوء واخلص كليات اغراضك اذا تبغي اليوم .
غيداء : والله ياليت بيوم واحد وانا خالصه .
كريمه : شو بك غيداء مو فرحانه بزواجكي ولا صاير شي بينك وبين فهد ؟
غيداء بابتسامه : لا مابيننا شي وانا فرحانه بزواجي .
كريمه : احس انكي متدائه من شي ؟
غيداء : لا مو متضايقه .. يله يازوجة عمي تعالي معاي بنروح للسوق .
كريمه : شــو السوء الساعه 4 العصر لا حبيبتي خليه بالليل .
غيداء : لا الحين عشان اذا جاء الليل وانا خالصه .
كريمه : على امرك حبيبتي خلاص بلبس عبايتي وجايه .
غيداء وهي توقف : وانا بعد بروح البس عبايتي .

***

اماني وهي تحضن رويد : يابعد عمري مافيني شي بس جرح بسيط .
رويد : يمه والله خفت عليك ع بالي صاير لك شي .
الجوهره : وين ماريا ماشفتها ؟
رويد : ماريا عند خالتي ساره .
الجوهره : اماني متى تعقل بنتك صار عمرها 11 سنه وهي لسه حركاتها حركات عيال .
اماني بابتسامه : والله ما الومها يايمه ماعندها إلا عيال عمتها واخوها اشلون تعقل وهم بالغربه ومايعرفون احد .
رويد : آآه يازين المانيا وبس .
الجوهره : والله ياليتك تسمع كلامي وتجلس عندي لساتك صغير ولازم تتعود على جو السعوديه لأنك اذا كبرت بتجي هنا .
رويد : ههههه صغير وعمري 18 لا خلاص انا متعود ع المانيا وما اقدر اطلع منها لو مافيه زواج خالي فهد كان ماجيت .
اماني : مو انت اللي تحن على راسي بنروح السعوديه بنروح السعوديه .
رويد : إلا بس عشاني مشتاق لأمي الجوهره وجدتي فوزيه .
اماني : يله يارويد روح عند خالك نايف بجلس مع امي شوي .
وقف رويد : يمه والله خالي نايف مو معبرني .
اماني : خلاص روح عند مدى ولا اي مكان اهم شي نجلس انا وامي بروحنا .
رويد : خلاص بروح عند ماريا وساره .. انا اخر عمري اجلس مع بنات .
الجوهره : ههههه والله اللي يسمعك يقول شايب رجله على القبر اخر عمرك ؟ توك عمرك 18 هذي بداية عمرك .
ضحك رويد وطلع مع الدرج لجناح خالته ساره .
وطالعت اماني بامها : يمه اشلون خطبتو غيداء لفهد واشلون وافق ؟
الجوهره : يوووه السالفه طويله عريضه يبي لها جلسه .
اماني : قوليها لي يا يمه والله استغربت ان فهد يخطب غيداء .. والله اني فرحت .
الجوهره : الله يسلمك فهد طلع من عند نايف وعامر من مزرعتهم مدري فلتهم المهم انه من عندهم وهو راجع شاف بنت بالشارع مربطه ولابسه ملابس ولد وفتح اربطتها وجابها هنا وجا ابوك وفهد بنقاش حاد مع مدى شوي ولا يتهاوشون عشان غيداء وقال ابوك خلاص يافهد استر على البنت وتزوجها وفهد اول شي اعترض وبعدين وافق والى يومك ما ادري وش سر موافقته .
اماني بذهول : طيب من متى السالفه هذي ؟
الجوهره : من ثلاث ايام .. إلا انتي ماقالك فهد انه خطب ؟
اماني : إلا قالي وقالي زواجه بعد اسبوعين وهو اللي اصر علي اجي هنا قبل الزواج .. طيب هي ××× ولا لا ؟
الجوهره : لا لا ما اعتقد ولا احد يسمعك تقولين كذا هذي خلاص زوجة اخوك وانا ما ارضى عليها .. واسألي مدى عن ظروف غيداء اللي حدتها على الشي هذا والله تعذرينها .
اماني : والله غريب فهد .. طيب وريف وش صار عليها اللي اذكره انها متيمه بفهد وتعشقه بجنون .
الجوهره : بنت عمك ماتستحي قالت لأبوك لاتزوج فهد انا احبه .
اماني وهي تحط يدها على راسها : ووش قالها فهد والله انها قليلة حيا .
الجوهره : ماقصر فيها قال انتي وغيداء بالهوا سواء .
اماني : حرام عليه الله يكرم غيداء عن وريف انا اذكر قبل سنه شفت مصايب الدنيا بجوالها لو مو خايفه عليها كان قلت لعمي عبدالمحسن .
الجوهره : ما ادري ليش وريف تختلف عن بناتنا 081ْ .
اماني : بلاها من خوالها هي طالعه عليهم نفس خالتها رباب نسخه مصغره منها .. بس سبحان الله عمتي نوره تختلف عنهم .
الجوهره : والله اذكر نوره اول ايام زواجها كانت تكرهنا كانت جدتك الله يرحمها تقول اصبرو عليها الين تتعود عليكم وتصير احسن لكم من الاخت وفلعآ يوم تعودت علينا صارت اقرب لي من خواتي .
اماني : ويمكن بنتها نفسها .
الجوهره : والله انا ماشفت من وريف عيب إلا بس انها ماتستحي وفيه ناس عندهم الشي هذا عادي مره .
اماني : يمه احنا عائلتنا عندهم البنت اللي كذا قليلة ادب وماتستحي .
الجوهره : إلا عبدالمجيد وينه ليش ماجاء معاك ؟
اماني : سافر وهو وعبدالاله زوج الهنوف .
الجوهره : عاد اشلون الهنوف معاك ؟
ابتسمت اماني : اذا شفت الهنوف وعيالها احس اني شايفه نص السعوديه هناك بغربتي محد مسليني إلا الهنوف .
الجوهره : وانتي وش مشقيك بالغربه خلاص انفتح فرع شركتك هنا ليش ماتجين ؟
اماني : خلاص يايمه هانت مابقى إلا 5سنوات وارجع للسعوديه بس والله تعودت على المانيا احس هي بلد عيالي .
الجوهره : عايشه فيها 20 سنه ماتنلامين لو حبيتيها .
اماني : يووه يايمه لو تشوفين ماريا زعلانه عشانا جينا هنا ولد عمتها إياد بعد يومين تخرجه وتبي تحضره .
الجوهره : يابعد عمري كان خليتيها تحضره .
اماني : لا والله مو فاضيه لها انتظر يومين عشانها .. بس وعدها إياد انها اذا رجعت يسوي لها حفله .
الجوهره بابتسامه : شكلهم يحبون بعض .
اماني : لا والله رويد اللي يحب صديقته آزيال حاولت ابعده عنها بس ماقدرت .
الجوهره : طيب مافيها شي والولد مراهق طبيعي انه يحب .
اماني : بس يايمه هذي آزيال مسيحيه وانا خايفه على ولدي نقلته عن المدرسه ببعده عنها بس هي كل يوم تجيه للبيت ما ادري وش اسوي له .
الجوهره : اطرديها من البيت اهم شي ولدك مايتعلق بمسيحيه ترا مايجوز للمسلم يتزوج مسيحيه .
اماني : والله قلت لعبدالمجيد بس يقول خليه ياخذ راحته وهو ماله إلا وحده من بنات عمامه او عماته .
الجوهره : وانتي من قالك تدخلينه بمدرسه مختلطه كان دخلتيه بمدرسه اسلاميه .
اماني : لا يايمه المدرسه الاسلاميه مايستفيدون منها انا كل همي انهم يتعلمون اللغه .
الجوهره : الزم ماعليك ولدك لايضيع وتجيه الامراض وانتي تطالعين فيه وساكته كلميه .
اماني : لا يمه ما ابي ازعله .
الجوهره : خلاص خليه يموت قدام عيونك .

***

رجعت غيداء من السوق وهي معاها اكياس كثار وكريمه معاها اكثر منها تقريبآ 10 اكياس طلعو لغرفة غيداء ونزلت كريمه الاكياس : غيداء حبيبتي هلا بروح ع حجرتي بنام بكرا اكمل معاكي ترتيب اغراضك .
غيداء وهي تنزل عبايتها : اذنك معاك حبيبتي .
وطلعت كريمه وغيداء جلست ع الكرسي اللي جنب سريرها " حتى ماكلف على نفسه ياخذ رقمي ويتصل لو بس يطيب خاطري .. مو مهم كيفه "
شغلت غيداء التلفزيون من الطفش اللي فيها بتشوف اي شي يشغلها عن فهد كانت تتبابع احد القنوات وعرض على الشاشه ( خبر عاجل : السيده اماني اليحيى تتعرض لاعتداء اثناء عودتها الى السعوديه ظهيرة اليوم الاربعاء )
خافت غيداء " وش صار لها " اخذت جوالها واتصلت على مدى : الوو .
مدى : هلا غيداء .
غيداء بخوف : اماني وش فيها ؟
مدى بابتسامه : ماصار فيها شي الحمدلله جات سليمه بس الزجاج طاح على يدها وانجرحت .
غيداء : حسبي الله عليهم بالاخبار يقولون تعرضت لاعتداء .
مدى : غيود بعد اسبوعين راح تقرين خبر زواجك بكل مكان .
غيداء بحيا : ميدوو ووجع جعلني اشوفك تقرين خبرك زواجك من بسام .
مدى : امين يارب العالمين جعله اليوم قبل باكر .
غيداء : شو هالجراءه ماتستحين ؟
مدى : من مين استحي من صديقتي ؟
ضحكت غيداء : والله انا استحي مره اذا احد جاب طاري فهد .
مدى : غيود فستانك جهز بكره بجيبه لك .
غيداء : ما شاء الله جهز بالهاسرعه ؟
مدى : ايه امي قالت للخياطه تخلصه باسرع وقت وهي ماقدرت إلا بعد ثلاث ايام بس وربي روعه وبكره لازم تجين عشان البروفات .
غيداء : لا لا مايحتاج بروفات والله انا واثقه .
مدى : لا لازم ترى انتي بتنزفين لفهد والله يجيك الارتباك من يوم تشوفين خشته .
غيداء : ميدو لاتغلطين على فهد والله انه يخقق .
مدى : خــقي مالت عليك انتي وياه .. آآه بس لو تشوفين بسام وربي مافيه اخق منه .
غيداء : اييه شفته بالمستشفى والله مو احلى من فهد وهو يعني بس ملامحه ...
قاطعتها مدى : إلا بسام لحد يتكلم عليه هو بعيوني قمر 14 .
غيداء : الله يهنيك فيه .

***

كان فهد جالس وجنبه رويد : خالي اش اسم زوجتك ؟
فهد بابتسامه : غيداء .
رويد : واااو اسمها حلو .
فهد : وهي احلى من اسمها .
رويد : ان شاء الله اشوفها بعد اسبوعين واقولك حلوه ولا لا .
فهد بمزح : اذا طلبت رايك قولي حلوه ولا لا ؟
ضحك رويد : هههه والله وبديت تعطي بنص الجبهه .
فهد : ههههههههه انت اللي تدخل بشي مالك فيه دخل .
رويد : خالي وش قلت بموضوع آزيال اللي قلت لك عنه ؟
فهد : كل شي ok بس انتظر الين اروح لألمانيا ويخلص الموضوع كله .
دخل نايف : سلام عليكم .
رويد وفهد : عليكم السلام .
جلس نايف ع الكنبه وسند براسه ع الجدار : وين عامر ؟
فهد : بدورة المياه .. وش فيك ؟
نايف : مافيني شي بس بنام وانتظر عامر بنروح انا وياه .
رويد وهو يجلس عند نايف : خالي لايكون تعبان واضح على وجهك .
نايف : لا لا مافيني شي بس مرهق بنام لي يومين مانمت .
رويد : اهااا .
دخل عامر : يله نايف نمشي .
وقف نايف : يله .
فهد : وش فيكم انتم ماتمسكون ارضكم اتمنى يوم واحد بس تجلسون بالبيت يوم كامل .
نايف : طيب احنا عندنا ارتباطات ومانقدر نجلس بالبيت اكثر من 12 ساعه .
فهد : انا عندي شركه قابضه وانا المسؤول عنها بس اجلس بالبيت 18 ساعه كلنا عندنا ارتباطات وامور مهمه بس نجلس بالبيت .
عامر : خلاص بنروح الحين ووعد الاسبوع الجاي كله نجلس بالبيت انتم دايم شاكين فينا ليش ما ادري .
رويد : خلاص روحو روحو .. فيه موضوع ابي اكلم خالي فيه .
طلعو عامر ونايف وطالعه فهد برويد : وش تبي ؟
رويد : ما ابي شي بس ابيهم يطلعون .. خالي انا بقولك شي لاحظته على عامر ونايف بس لاتتهور ترا مو متأكد .

***

وصل فستان غيداء وفتحت غيداء كان فخم وفخم جدآ لونه ابيض ومن تحت مزين بالماس خفيف مره .
كريمه : الله شو هيدا ماشاء الله تبارك الله .
ابتسمت غيداء : والله عمتي ذوق ماشاء الله .
كريمه : ربنا يكرمها .
غيداء : كريمه كيف كان زواجك .
ابتسمت كريمه : شو احكي لك يا غيداء زواجي كان عادي مره عملو الزفه من بيت اهلي لبيت ابو خالد وبس هذا الزواج .
غيداء : بس ومافيه رقص ولا فرح ؟
كريمه : لا مافيه النسوان يجتمعو فبيت إمي والرجال فالحاره والرجال عندهون الدبكه الشاميه ويجيبون فرئه شاميه بتغني لهون .
غيداء : قد حضرتي زواج فالخليج ؟
كريمه : لا زواجك حيكون اول زواج احضره لعندكن .
غيداء : عاد طقوسنا وعاداتنا تختلف عندكم بالمره بالزواجات احنا لازم فيه رقص عرس بدون رقص مايصلح ولازم طقاقه او دي جي والرجال امسيه شعريه ومافيه عندهم .
دخل عبدالرحمن بعد ماطق الباب : كريمه تعالي شوي .
طلعت كريمه مع عبدالرحمن : وين خالد وامه ماشفتيهم ؟
كريمه : إلا إم خالد ئلت لصبا انها رايحه لعند إمها وخالد راح معاها .
عبدالرحمن بهمس : وغيداء كيفها الحين ما اقدر اجلس عندها تنحرج مني .
كريمه : ولك ماشاء الله متل الئمر ومبسوطه بزواجها ربي يتمم لها .
عبدالرحمن : امين .. طيب صبا وينها .
كريمه : ما ادري راحت لغرفتها وماطلعت من الصباح .
عبدالرحمن : طيب روحي سوي لنا عشا .
كريمه : شو بدك ؟
عبدالرحمن : اي شي .
كريمه : انا بدي سمك .
عبدالرحمن : سوي اللي تبين بس اهم شي انه عشا .
كريمه : لعيونك اعمل احلى عشاء .
عبدالرحمن : تكرم عينك يا كريمه .
ضحكت كريمه ونزلت تحت ودخلت المطبخ .

***

عامر : نايف الحين بنروح للـ (...) ويحقنوننا بماده تغنينا عن المسكر اسبوعين بس تراها ضاره احتمال تسبب شلل نصفي .
نايف : عادي تسبب اي شي بس اهم شي الشهر هذا كله ما ابي مسكر .
عامر : اووف تبي حقنة شهر ؟
نايف : ايه رمضان على الابواب وانا ابي اصوم مع المسلمين .
عامر : خلاص ناخذ حقنه شهرين بس تراها خطيره واخطر من حقنة الشهرين بكثير .
تنهد نايف : انا ابي اطلع من عالم المخدرات كله خلاص .
عامر : وانا والله اتمنى خلاص 4 سنوات واحنا على المخدرات لو كشفونا اش راح يصير .
نايف بخوف : والله خايف يا عامر انت تعرف رويد وخبرته بالمخدرات البلاد اللي هو عايش فيها كلها مخدرات وهو سألني قالي انت تتعاطى وقلت له لا بس اشرب شيشه وقال واضح عليك .
عامر : الله يستر لايقول لفهد .
نايف : لا ياربي مايقول لأحد والله اني خايف ومن امس وانا احلم انه ابوي يعرف عن سوالفنا واللي يقوله جارح .
عامر : ياخوفي ان جارح يقول لأبوي ترا هو من شهرين وهو متشدد علينا صاير كل كلامه تهديد .
نايف : لا ياربي استر علينا .
عامر بابتسامه : طيب اش رايك نترك المخدرات وكل شهرين ناخذ حقنه ؟
نايف : ايه والله السموم انهكتني خلاص تعبت .
عامر : خلاص ماعندنا إلا الحل هذا .. ولا نروح لمستشفى الامل .
نايف : لا مجنون انت اشلون نروح المستشفى عشان ابوي يعرف ؟
عامر : ماراح يعرف احد اذا سكت جارح ولا قال لهم .
نايف : طيب ليش حظنا كذا ليش هم شاكين فينا .
عامر : سلطان شغله فيه مخدرات يعني راح يشك فينا ابوي وعمي بعد يعرفون المتعاطي فهد اتوقع يعرف سعود وناصر شاكين فينا من زمان .
نايف : والله محد حاس فينا الا عمي عبدالمحسن .

***

فهد : رويد وش فيك ساكت قول وش فيهم ؟
رويد بخوف : خالي خله بعدين ما اقدر اقولك بالوقت هذا الوقت مو مناسب .
فهد : رويـــــد تكلم قول وش ملاحظ عليهم ؟
دخل منصور : سلام عليكم .
وقفو فهد ورويد : عليكم السلام .
جلس منصور بعد ماسلمو على راسه : وش اخبارك يا رويد ؟
رويد : الحمدلله بخير .
منصور بابتسامه : والله تو مانورت السعوديه .
ابتسم رويد : منوره بأهلها .
منصور : خلاص يارويد انت كبرت ولازم تشوف شغلك هنا عند اهلك .
رويد : لا يابوي لسه بدري ع الشغل ان شاء الله اذا صار عمري 20 اعيش هنا .
فهد : لا تصير مثل نايف وعامر اعمارهم 23 وهم لسه ما اشتغلو .
رويد وهو يطالع فهد : ظروفهم غير عن الناس .
منصور وهو يوقف : انا بروح لاماني باخذ اخبارها .
طلع منصور ووقف رويد : خالي تكفى لاتسألني خلاص تراجعت عن كلامي .
فهد : لا لازم تقولي وانت اللي تكلمت محد طقك على يدك يقول تكلم يارويد .
رويد وهو يجلس ع الكنبه ويحط رجل على رجل : اقولك بس بشرط ماتقول لأحد ؟

شمالية الهوى · 15-04-14, 04:23 PM

آلُبِآرُتَ آلِتّآسْعٌ ~

• خَلُآصٌ آقُتْلَوْنِيُ

• وَبٌكِفّنْيَ زٌفّوْنِيُ

فهد نفذ صبره وبعصبيه : قووول انطق ماراح اقول لأحد .
رويد : انا عرفت بالصدفه ان عامر ونايف يشربون شيشه .
فهد وهو رافع حاجبه : وبــس ؟
رويد : ايه بس .
فهد : رويد انا اشرب دخان عادي الموضوع ماتحول مثل موضوعهم وبعد عارف انهم مخبين شي من ورانا وش فيهم بعد ؟
رويد بخوف : صدقني هذا اللي اعرفه عنهم انتو اللي عايشين معاهم وش شايفين فيهم ؟
فهد : والله يارويد احنا نصبح واثقين فيهم ونمسي شاكين فيهم مالهم حل .
رويد : ما ادري عيالكم وانتم تعرفونهم اكثر مني .
فهد : وجيههم تدل على انهم يشربون دخان ويمكن يتعاطون وكلامهم يثبت انهم شباب صالحين .
رويد " والله وقربت للحقيقه ياخالي " : طيب ليش انت مشغل بالك خلاص اتركهم براحتهم .

***

سهام : ايه صدق الخبر .
سلوى : امااا اش هالحظ وليش خطبها هي ليش ماخطب صبا ؟
سهام بقهر : انا ما ادري اش شايفين بغيداء عاجبتهم ما ادري عاجبتهم على ثقالة دمها ولا على غباءها ولا على خوفها انا ما ادري ليش فيه ناس يفضلونها على بنتي مع انهم عايشين مع بعض .
امل : سبحان الله اللي بعيد عن امه ويتعذب بحياته دايم الناس يحبونه .. مو شفقه بس انه يصير غالي عندهم .
سهام : امل لاتقعدين تتفلسفين علي ترا غيداء مافيه احد حبها إلا الجوهره وبنتها ويمكن انتي .
امل : والله يا ام خالد ما ادري ليش انتي تكرهين غيداء صح انك تغارين منها بس مو لهالدرجه .
سهام بعصبيه : انا ما اغار منها ومن ايش اغار ؟ لو هي من يوم عرفتها وهي زوجة فهد اليحيى كان اقول ايه اغار منها لأنها ثريه .
امل : ويمكن تو اشتغلت الغيره عندك انتي ليش كذا ليش تكرهينها والله لو انها بنت ضرتك .
سهام : لو كان بنت ضرتي يمكن اشفق عليها عشان عبدالرحمن بس بنت عبدالله مستحيل ارحمها .
امل : يعني وين بتروحين من عذاب ربي وانتي دايم ظالمه غيداء ودعوة المظلوم مستجابه .
سهام وهي توقف : انتي اش اللي جابك هنا انقلعي من قدامي .
امل : هذا بيت زوجي ومو انتي اللي تطرديني منه .. انتي الطالعه وانا الداخله .
سهام بعصبيه : هذا بيت ابوي مو بيتك انتي وزوجك .
وقفت سلوى : بسم الله الرحمن الرحيم اش فيكم تعوذو من ابليس وانتي يا امل العاقله تتناقرين مع سهام عشان غيداء صدق انكم مخفه .
امل : والله هي اللي تنرفزني بكلامها وانا بس قلت لها وجهة نظري فقط واذا اختلفنا براينا مو تجين تطرديني من بيتي .
سهام : والله انتي اللي بديتي وياما حذرتك لاتدافعين عن غيداء قدامي يكفي خالد وابوه مطلعين روحي .
امل : انا ماقلت شي غلط .. وخلاص حقك علي وانا اسفه .
سهام وهي تجلس : اوووف .. متى تجي امي الجلسه عندكم ممله من يوم جلست وانتم كذا حتى انتي ياسلوى يا اختي صرتي مثل امل .
سلوى : الى متى ياسهام وانتي كذا الناس وصلو القمر وانتي لسه كل كلامك بالناس واعراضهم ترا ماراح تستفيدين شي .
سهام : الذنب علي انا .. خلاص مالكم دخل واذا كان انتو تدعون للاسلام فيه ناس غيري تحتاجكم .
سلوى بعصبيه : سهااام احنا مانرضى نشوف منكر ومانغيره احنا نأمر بالمعروف .
سهام : ودامكم تأمرون بالمعروف ليش تزعلون الناس وترفعون ضغطهم ؟
امل : خلاص يا سلوى الكلام والله ما ينفع معاها لاتتعبين نفسك .
سهام : ليش اش قالو لك ما اسمع ولا ما افهم ؟
امل : لا ذي ولا ذي بس انك ماتعبرينا اذا احد نصحك لاتخانقينه وتقومين الدنيا على راسه ولاتعصبين قولي جزاك الله خير وسمع الله لمن حمده .
دخلت ام احمد ووراها بدور وسلمو على سهام وجلسو .
بدور : الف مبروك خطوبة غيداء والله اني فرحت لها .
سهام : الله يبارك فيك .
ام احمد : حمل وانزاح عنك يابنتي كلها اسبوعين ان شاء الله والبنت ببيت رجلها .
سهام : الله لايوفقها وجعلها ان شاء الله ترجع لي مطلقه .
ام احمد : خلاص لاتدعين عليها .
سهام : يمه انا ما ادري وش اللي جابها عندي انتي تدرين لو كرستينا طلعت بأي لحظه راح تنتهي حياتي .
ام احمد : اوووه اكيد نسيت اللي صار وخلاص ماعادت تذكر .
سهام : لا يايمه قبل 7 سنوات اتصلت علي وقالت لي انه السر هذا راح يطلع بأي وقت .
ام احمد : لا مستحيل يطلع السر هذا .
سلوى : يمه فهمونا السالفه وش صاير ؟
ام احمد : ماصار شي .
سلوى : وش سالفة كرستينا مع ام خالد ؟
سهام : مافيه لاسالفه ولا هم يحزنون .
سلوى : سهام انا مو مغفله السالفه اللي قاعدين تتكلمون عنها سر وتنتهي حياتك وش السالفه قولي لي .
سهام : شي خاص فيني ماراح اتكلم فيه جعلني للصمم قبل لا انطق فيه بحرف .

***

اقترب الموعد بكره زواج فـــهــد وغــيداء .
حاولت غيداء تنام ومو قادره النوم جفاها الليله هذي .
جلست " ياربي تمم لي على خير "
قرأت اذكار النوم وجالها ساعه تتقلب بفراشها مو قادره تنام .
رن جوالها وجلست وردت بـ : الو .
مدى : هلا وغلا بعروستنا .. اش اخبارك بقى 24 ساعه فقط .
حست غيداء بثلج انسكب بمعدتها : ايـ .. ايش ؟
مدى : هههههههه اقولك بقى الحين على موعد الزفه 24 ساعه .
غيداء وهي ترجف : خايفه يامدى وربي خايفه .
مدى : تراه انسان مو وحش .. وبعدين من ايش خايفه ؟
غيداء : اا انتي ماتذكرين يوم فهد قال لعمي اذا تزوجتها لو اقتلها محد له فيني دخل .
مدى : اهااا يعني الحين انتي خايفه من القتل بس .
غيداء : لا لا مو قصدي كذا بس يعني يسوي لي اي شي .
مدى : هو زوجك وبيخاف عليك ويصونك اكثر من عمك .
غيداء : آآه ليتني ابقى خدامه عند عمي ولا ادخل نار فهد .
مدى : حرام عليك والله ان اخوي طيب وحنون .
غيداء : قلتيها اخوك يعني على خواته ولا انا اكيد بيعذبني .
مدى : انا اخته واعرفه زين هو عنده رجوله .. والرجال مايمد يده على بنت وفهد اخوي واعرفه زين .
غيداء : لا عادي الرجوله مو كذا .
مدى : غيداء والله خوفتيني معاك خلاص تكفين حسيت ان اخوي وحش .
غيداء : آآه بس لو تحسين بربع الخوف اللي فيني .
مدى : تعوذي من ابليس وهذا الشيطان بيخوفك اذكري الله واقري قرآن وسمي بالله ونامي .
غيداء : مع السلامه الحين الساعه 2 ونص وانا مافيني نوم .

***

صلى فهد صلاة العصر واخذ له شور ولبس ثوب ابيض وغتره بيضاء وعدل عقال ع المرايه وتعطر من عطره ريتشي واخذ بشته الاسود وحطه على ذراعه وابتسم " القدر اللي رماك علي ياغيداء "
دخلت ام فهد وهي معاه المبخره وبخرت فهد : اسم الله عليك احلى عريس شفته بحياتي .
ابتسم فهد : يمه اش رايك فيني ؟
الجوهره بابتسامه : اسم الله عليك .. حلم كل بنت ان فارس احلامها مثلك رجوله ودين وكرم وحنون ومزيون .
دخلت مدى : يمه يله بسرعه تأخرنا الساعه 6 واحنا لسه مارحنا .
الجوهره : الحين جايه .
ونزلت المبخره ع التسريحه : يله حبيبي لاتتأخر .
فهد : اوك الحين بروح .
نزل فهد تحت وطلع للسياره وركب مع سايقه الخاص سعد : الف مبروك ياطويل العمر .
فهد بابتسامه : الله يبارك فيك .
طلعو لفندق الريتز كارلتون اللي فيه زواج فهد .
نزل فهد وكان وراه حرس وعلى يمينه مدير اعماله سامي .
دخلو بالقاعه والكل وقف وراح فهد ووقف جنب ابوه يستقبل المهنئين .

...

بقاعة الحريم .
كانت الفنانه واقفه وتغني بإسم غيداء .
صبا : يمه شوفي الناس الهاي هاي مو مثلنا .
سهام : وع دامه زواج غيدوه كل شي فيه مو زين .
صبا : آآه مالت علي وعلى حظي المنسدح .
سهام : الله يرزقك بأحسن من فهد .
ضحكت صبا : وفيه احسن من فهد ؟
سهام بأمل : يمكن يخطبك واحد من اخوانه ولا عيال عمانه .
صبا : والله ياليت .

وقـــت الزفـــه

نزل فهد مع الدرج وهو ماسك يد غيداء ويبتسم لها وغيداء منزله راسها للارض والكل يشهد لها بالجمال بفستانها الكات الابيض وشعرها الأسود المرفوع بتسريحه حلوه وتناسب العروس وميك ابها الاسود وفضي وطقمها الالماس محليها اكثر .. والفنانه الخليجيه تغني اغنية الزفه

لاإله إلا الله ... لاإله إلا الله الف الصلاة والسلام عليك ياحبيب الله محمد

ورده وكل الورد يمشي معاها ... ويزف خطوتها وينثر شذاها

والورد الابيض من عذوبة حياها ... يحمر لونه لو يلامس في يديها

بنت وهبها الله طهر السحابه ... عفه ورقه واحتشام ومهابه

وفي قلبها هدي الاله وكتابه ... وفي قلبها النور وسنة نبيه

وصلو الكوشه وباس فهد جبين غيداء وهي ترجف " حسبي الله على ابليسك "
وبالجهه الثانيه كانت وريف تبكي تحت غطاها " الله لايهنيك ياغيداء "
شربت ماء بارد تحاول انه يطفي النار اللي تستعر بداخلها .
ووقفت وبصوت مبحوح من البكاء : سارونه تعالي معاي ما ابي اجلس هنا .
ساره بابتسامه : اعذريني ياقلبي خلينا نشوف التصوير العروس والعريس كلهم روعه ربي يسعدهم .
وريف بهمس : اذا كان تعزيني وتحبيني لاتحاولين تحتكين فيها .
ساره : بس هذي زوجة فهد يعني بتسكن معانا بنفس البيت .
انعصر قلب وريف : فهد لي وبس .
سلمو على فهد محارمه وزوجات عمامه وباركو له ولغيداء .
ومسك فهد يد غيداء وتوجهو للجناح اللي مخصص لهم بنفس الفندق .
دخلو وغيداء تتمنى انها تموت ولا تبقى مع فهد بروحهم .
سكر فهد الباب : الف مبروك يا غيداء .
كانت غيداء ترجف ومنزله راسها للارض .
فهد : ممكن اعرف الرجفه هذي ليش .. خايفه مني ولا من ايش خايفه ؟ لاتخافين مو الحين وقت الانتقام بالايام الجايه .
غيداء : ..........
فهد : الحين انا قاعد اكلم صماء ولا اش فيك ؟
غيداء بخوف ودموعها تنذر بالهطول : عـ عـن اذنك .
فهد : وين رايحه ؟
غيداء " اي مكان بس خلني اتنفس شوي "
فهد : وش فيك ياغيداء ؟
غيداء : مافيني شي بس اتركني .
نزل فهد يدها اللي بيده ودخلت بالغرفه ورمت نفسها ع السرير وبكت حظها واطلقت آآآه من اعماق قلبها .

***

اماني : الله يوفقهم ويرزقهم بالذريه الصالحه .
الجوهره : امين .
اماني : ماشاء الله على غيداء جمالها مو ببنات العالم كله حتى كرستينا تقول انها جميله وهي دايم تسب فيها .
الجوهره : إلا كرستينا تدري انها بنتها ؟
اماني : ايه وتعرف عنها كل شي .
الجوهره باستغراب : وليش ما انقذتها من زوجة عمها ؟
اماني : كرستينا ناويه تروح لبيت عم غيداء من زمان بس كل ماتبي تروح انا امنعها اخاف عليها من زوجة عبدالرحمن .
الجوهره : واضح من شكل زوجة عم غيداء انها شريره حتى يوم جات تبارك لي واضح عليها القهر .
مدى : خلااااص يكفي حش .
ضحكت اماني : اش نسوي خذتنا السوالف الين وصلنا الحش .
ماريا : هههههه خالتي مدى ملتزمه .
مدى : والله اللي يجلس مع غيداء يلتزم غصب عنه هي دايم تذكرني بالحساب والعذاب يوم القيامه .
ماريا بابتسامه : خالي فهد طاح على كنز احلى بنت شفتها هي زوجته .
الجوهره : قولي ماشاء الله لاتحسدين ولدي .
ماريا : ماشاء الله .. ماما صح فيها شبه من كرستينا ؟
اماني : ايه فيها شبه منها بس مو كبير وغيداء احلى من كرستينا .
ماريا : بس حتى كرستينا حلوه .
ساره : ممكن تطلعون لأي مكان بتابع البرنامج والله ازعجتوني مو قادره اسمع شي .
اماني : انتـــي اطلعي من امس وانتي ع البرنامج هذا روحي تابعيه بمكان ثاني .
طلعت ساره وجلست ماريا جنب امها : ماما .
اماني : هلا ياروح امك .
ابتسمت ماريا : متى نرجع لالمانيا خلاص زواج خالي حضرناه وانتهى .
اماني : ان شاء الله بعد العيد .
شهقت ماريا : اجلس هنا الى العيد ؟
اماني : ايه .
ماريا : لا لا ماما بليز بنرجع بعد يومين ماما الله يخليكي .
اماني : غاليه والطلب رخيص بعد يومين نرجع لألمانيا .
ماريا وهي تبوس خد امها : الله يخليك لي .
الجوهره : لا اماني اجلسي عندنا ماشبعنا منك اش فيك ماتجين إلا بالسنه حسنه وماتجلسين كثير اكثر شي اسبوعين .
اماني : والله يايمه عيالي مايحبون يجلسون هنا رويد يقول بيرجع لألمانيا لو بروحه .
الجوهره : طيب اش فيهم وليش مايبون يجلسون هنا ؟
اماني : عشان الجو مو متعودين عليه ولا اذا جينا بإشتاء نجلس ان شاء الله شهر .
الجوهره : الله يخليهم لك .
اماني : امين .

***

اقلعت طــائرة فـهد وغيــداء الـى المانيا .
بالطياره الخاصه لفهد .
جلس قدام غيداء : وش فيك من امس ترجفين فيك شي انتي ؟
غيداء بخوف : هـاا .. لا لا مافيني شي بـ بس خايفه م من الطياره .
فهد : اهاا خايفه من الطياره يعني والخوف هذا من امس .
غيداء " ياربي هذا اش فيه "
فهد وهو يحط رجل على رجل : انتي لسه عروس ويبيلك اسبوع على ماتتعودين علي وبعد شهر ان شاء الله حسابي معاك عسير .
سكرت غيداء عيونها : فهد وربي انك فاهم السالفه غلط .
فهد : انا شفت كل شي بعيوني ماراح اكذب عيوني وكل اللي شفته يدل على انك قليلة ادب وماتربيتي .. بنت نصرانيه اشلون بتصير اخلاقك .
غيداء بقهر : والنصرانيه هذي والله ولا مره شفتها بحياتي عشان اخذ اخلاقها او عاداتها .
فهد : طيب اش فيك عصبتي انا قاعد اكلمك بهدوء ليش كل هالعصبيه .
غيداء : اسلوبك يخليني اعصب .
مسك فهد يدها : غيداء خلي الامور هاديه بيننا احسن احنا عرسان والى 4 اشهر الجايه عرسان وقدام الناس حياتنا زينه لو احنا نعيش بجحيم تسمعين لو ميدو تسألك عن حياتك .. تقولين حلوه واحلى حياه بعد وانا مايخفى علي شي لو قلتي لها اي شي راح اعرف .
هزت غيداء راسها بإيه : حاضر .
فهد : والله ياغيداء لو تقولين لأحد انه بيننا مشاكل وانا ما ابيك لأقلب لك حياتك جحيم .
غيداء : ماراح اقول لأحد .
فهد : اللي بيننا مايطلع لغيرنا فاهمه ؟ حتى اهلك لايعرفون بأي شي .
غيداء " هذي البدايه الله يعينني عليك يافهد شكل درب العنا قدامي طويييل "
فهد وهو يترك يدها : غيداء انتي عارفه ان ابوي جابرني عليك وانا ابي افهمك اني ما ابيك عشان ماتنصدمين مني .
غيداء ودموعها متحجره بعيونها : خلاص فهد ارجوك خلاص .
فهد : لا ياغيداء انا ابي كل اوراق حياتك مكشوفه قدامك ما ابيك تنصدمين بالواقع اللي تعيشينه .
غيداء وهي تمسح دموعها : انا تعودت على العذاب والحياه هذي مو غريبه علي .. بس خلاص لاتجرحني .
فهد : اذا كلامي هذا جرحك اجل الله يعينك على الجاي وانا عارف ان حياتنا ماراح تستمر اكثر من 6 اشهر .
حست غيداء انها مو قادره تتنفس وقامت من عند فهد وهي تبكي وجلست بعيد عنه وخلت لدموعها الحريه .
فهد " ان شاء الله انه كلامي خير لها اخاف تبني احلامها وامالها معاي وانا ماراح اسعدها "
وقف فهد عند الشباك وطالع بالسحب المتراكمه " ياربي ساعدني "
صحت غيداء من نوبة البكاء المريره وقامت وغسلت وجهها ورجعت لمكانها وخذت المرايه وحطتها قدامها وحطت كحل اسود داخل عيونها وروج زهري وسكرت شنطتها وطالعة بفهد اللي واضح عليه انه متضايق .
تذكرت مدى " ياحبي لك والله اشتقت لك لي يوم ماسمعت صوتك "
رن جوال فهد : الوو .
سامي : هلا بك ياطويل العمر .. احجز لك على فندق ولا بتسكن بفيلتك ؟
فهد : لا بروح للفيلا .
سامي : خلاص انا انتظرك بالمطار .. كم بقى وتوصل ؟
فهد : تقريبآ نص ساعه .
سامي : توصلون بالسلامه ان شاء الله .. مع السلامه .
فهد : مع السلامه .
وقفل جواله لأنه المكالمات بالجو ممنوعه وخطره .
هبطت الطياره بمطار ميونخ وكان بإستقبالهم سامي وطلعو للسياره وركبو فهد وغيداء وراء والحرس قدامهم وبينهم ستائر .
فهد : الحين احنا بنروح لميونخ .. اتمنى تعجبك .
غيداء " اشلون تعجبني وانا معاك ؟"
طلع فهد زقارته وشغلها ونقث الدخان وغيداء طالعته بذهول " معقوله فهد يشرب دخان ؟؟"
وصلو للفيلا ونزلو وفهد مسك يد غيداء وسحبتها منه بقوه وصارت تمشي وراه فتح الباب .
وانذهلت غيداء من البيت اللي هي بتسكن فيه شهر حلو مرره " ولا كان في الاحلام اشوف بيت كذا اشلون وانا بسكن فيه "
فهد : ادخلي اش فيك تسمرتي .
انتبهت غيداء لنفسها ودخلت معاه .

***

كان خالد جالس مع اصدقائه بالاستراحه طلع القلم اللي بجيبه وكتب على الورقه

محبوبتي يا ناس للغير " مخطوبه ! ??"هز الحشا مركاد والخافق اتسلم!
هذا حكم ربي! .. والأقدار مكتوبه .. !! حدن يباركله وحدن له يسلم!
..
ياليتها لو كانت اليوم " مغصوبه ".. العيون وسط الناس هي لة وانا اتألم !
ياويل عين اللي فقد شوف "محبوبه" .. الكون كله من بعد شوفته " أظلم ".. !!
..
من البارحه يا ناس عايش في " غيبوبه "!!

من صدمتي لليوم موب قادر " أتكلم ".. !!

مشاري وهو يقطع الورقه : خلاص هي تزوجت مو مخطوبه وبس .
خالد بحزن : عارف بس مقهور من ابوي اشلون يزوجها وانا ابيها .
مشاري : ليه ماقلت له انك تبيها اتوقع انك ولد عمها واولى بها من الغريب .
خالد : بس ابوي وافق ولا خلاني اتكلم ولامعاي فرصه اكلمه .
مشاري : وابوك بعذره فيه احد بيرفض فهد اليحيى ؟
خالد : واللي انا مستغرب منه ابوي ما سأل عن فهد ولا قاله بيسأل وبعد فهد متأكد ان ابوي موافق ملك بنفس اليوم .
مشاري : هو متأكد انه مافيه احد بيرفضه وابوك مو سأل عنه هو يعرفه قبل لايخطب بنته مو لازم يسال .
خالد : آآآه ياقهري على بنت عمي راحت مني برمشة عين .
مشاري : انت الغلطان وتحمل غلطتك ليش ماقلت لأهلك من زمان انك تبيها ؟
خالد : كنت واثق ومتأكد ان ابوي مابيزوجها إلا لي .
مشاري : الله يهديك يا اسير الحب .. انت حظرت زواجها ؟
خالد : ايه حظرته وغصب عني.
مشاري : ياخي وش مشقيك بالحب هذي نهاية اللي يحبون اما تتزوج اللي هو يحب ولا تموت .
خالد بعصبيه : قاعد تستهبل علي انت ؟
مشاري : لا والله ما استهبل بس اخفف عنك .
خالد : مشكور نقطنا بسكاتك ماطلبت منك تخفف عني .
مشاري بمزح : الشرهه موب عليك علي انا اللي مقابلك ومخلي الشباب .
خالد : يكثر خيرك روح للشباب بجلس بروحي .
مشاري : خالد والله اتكلم جد لاتجلس تفكر فيها خلاص هي تزوجت .
خالد وهو يوقف : حتى انا ان شاء الله بتزوج الزوجه اللي تنسيني حبي لغيداء .
مشاري : ايييه فكر خلك مثل الاوادم .

***

صحى فهد من نومته وشاف غيداء نايمه ع الكنبه ودخل دورة المياه واخذ له شور ولبس بنطلون اسود ماركة كولكشن وبلوزه رمادي من نفس الماركه ونشف شعره اللي يوصل بنص رقبته ورجعه وراء وتعطر من عطره john varvatos ولبس ساعة جست كفالي لونها اسود ووقف عند غيداء : غيداء .
فتحت غيداء عيونها : هممم .
فهد : يله اصحي بنطلع نتغدى .
غيداء : كم الساعه وصلاة العصر جات ولا لسه ؟
فهد وهو يجلس على طرف الكنبه اللي غيداء نايمه عليها : لا صلاة العصر باقي عليها ساعه ونص يله قومي بنطلع الجو رهيب .
قامت غيداء وخذت لها شور ولبست بنطلون جينز ازرق من ماركة فرساتشي وبلوزه ابيض بنص فخذها وجففت شعرها الأسود الناعم ورجعته وراء ولبست سبورت ابيض وطلعت للصاله تمشي بهدوء وقف فهد وهو يتحاشى النظر لها كانت جميله بمعنى الكلمه : انتي بتطلعين بالشارع كذا ؟ ولا شكلك متعوده على الشوارع بالشكل هذا ؟
بلعت غيداء ريقها : خـ خـلاص بروح البس عبايتي عبالي الوضع هنا يختلف عن السعوديه .
فهد بعصبيه : لا مايختلف ربي موجود ويحاسبنا على كل صغيره وكبير سواءً هنا او في السعوديه .
دخلت غيداء بالغرفه وخذت عبايتها ولبستها ولفت طرحتها وخذت شنطتها وطلعت ومسك فهد يدها وهي ترجف .
فهد : خلاص مايحتاج تتغطين بس لو تحطين مكياج تتغطين اوك ؟
هزت غيداء راسها : اوكي .
طلعو من القصر اللي من افخم قصور ومبانئ المانيا واشر فهد ع البودي قارد : go .
مشو وراه من بعيد .
غيداء : وين رايحين ؟
فهد : بنروح نتمشى المطعم قريب من هنا والجو رهيب ونمشي كذا احلى من السياره .
مشت غيداء معاها وهي تتمنى انها ماعرفت فهد " متى نرجع "
فهد : شكلك متضايقه يا غيداء .. فيك شي ؟
غيداء : لا مافيني شي بس كنت بسألك امي وين ساكنه ؟
فهد : اهااا وبديتي تقربين لأمك ؟ وش بتوصلين له ياغيداء ؟
غيداء بصوت مخنوق : بس ابي اشوف امي لو من بعيد لبعيد انا شفتها طوال 20 سنه اللي عشتها يمكن نص ساعه .
فهد شفق عليها : خلاص امك ساكنه ببرلين وبكره ان شاء الله اماني بتجي وتروحين معاها وتشوفين امك .
غيداء : لا لا انا ما ابي اروح لها .
فهد : والله ماعرفنا لك مره تقولين بروح لها ومره تقولين لا انتي اتوقع تختبريني اوافق ولا لا .
غيداء : لا ماقصدي بس انا ما ابي اروح لها ببيتها اكيد هي تعرفني وانا ما ابيها تعرفني .
فهد : ليش ؟ فيه وحده مثلك قلبها من حجر ماتبي تشوف امها ؟
غيداء وهي توقف وتطالع بفهد : لاتفسر الكلام على كيفك .. وامي نصرانيه ومايشرفني اني اجلس معاها .
سحبها فهد معه : حسابي معاك اذا رجعنا للبيت ولاتنرفزيني احنا بالشارع .
مشت غيداء معاه وهي تحاول تسحب يدها اللي ماسكها فهد وبقوه وهي تألمها .
دخلو مطعم kadewe وجلسو بزاوية المطعم اللي تطل على الشارع .
نزل رذاذ المطر وغيداء تطالع القطرات اللي ع الزجاج وفهد يطالعها .
جاب الويتر الاكل ووزعه ع الطاوله .
واخذ فهد الملعقه وبدا ياكل : ماتبين تتغدين ؟
طالعته غيداء : لا .
فهد : من امس ماكليتي شي اكلي ع الاقل اشربي عصير لاتموتين وتصير المصيبه على راسي .
غيداء : مالي نفس وما ابي اكل خلاص .
فهد : انتي مافيه احد مثلك اللي اعرفه العروس تستحي ثاني يوم بعد زواجها ويمكن الى شهر وهي تستحي انتي ماتستحين نهائيآ .
غيداء : والله انت اللي تنرفزني وتخلي المؤدب يقل ادبه .
ضحك فهد : المؤدب عمره ماقل ادبه .. ولاتضنين انك مؤدبه ومحترمه وانتي طالعه بالشارع .
غيداء : اوووف .
فهد : واقعك المر مافيه منه مفر وراح اذكرك باللي سويتيه الى اخر يوم بعمرك .
غيداء : انا ماسويت شي غلط فهد بليز لاتخليني اطلع عن طوري انا لسه ماسكه اعصابي .
فهد : وليش هو انتي عندك اعصاب ؟
طالعته غيداء وهي رافعه حاجبه : اي انسان عنده اعصاب واحساس ومشاعر وكرامه .
فهد : وفيه ناس يضيعون كرامتهم على حساب سعادتهم .
غيداء وهي تسند ظهرها ع الكرسي : اش تقصد ؟
فهد : قصدي عارفته زين وانا ما اقصد بكلامي الا انتي .
غيداء : ترا محد عرف بالموضوع إلا انت وانت اللي رحت تشهر فيني عند اهلك .. عمي لسه ماعرف بشي .
فهد بينرفزها : عارف ان عمك ماعنده خبر ولاكان قتلك وافتكيت منك وعشت حياتي مثل ما ابي مو مقيد .
غيداء بقهر : عيش حياتك مثل ماتبي .. اش عليك مني .
فهد : تلعبين علي ياغيداء يعني مايهمك امري ؟
غيداء : ومن انا عشان يهمني امرك يا استاذ فهد ؟
فهد : زوجتي يعني امري يهمك واتوقع اي وحده محترمه وتصون بيتها وزوجها يهمها زوجها ولا انتي متبلدة احساس ولا الاحساس منعدم عندك ؟
غيداء : لا انا عندي احساس وعندي مشاعر وكرامتي تمنعني ما اهتم لواحد مايبيني ولا انا ابيه اش اللي يخليني اهتم لأمره .
فهد : ايه شكلك ماتعرفين الاصول صح انك زوجتي وعلى ذمتي ومن اولى اهتماماتي بس ما ابيك وانتظر اقرب وقت ارتاح منك .
غيداء : طيب انا تفكيري غير وانت غير واتوقع انه مجرد ما ادخل بيتك بصير صاحبة البيت واكيد بهتم ببيتي .
فهد : ايه عارف بيتي هو بيتك بس زوجك تهتمين فيه ولا لا ؟
غيداء : لا .. انت امرك مايهمني كم مره قلت لك .
فهد : على فكره بنات الاصول عمره ماصار تفكيرهم كذا .. وانتي مو بنت اصول امك نصرانيه وانتي طالعه بالشارع اخر الليل .
غيداء : انت لاتوهم نفسك انك لقيتني بالشارع انت لقيتني مربوطه باستراحتك .
فهد : ايه صح بس بالشارع استر لك .. ههههه وعمر اللي انخدش حياها مايتستر بس يله محد يعرف الا احنا .
غيداء : فهد ما اسمح لك تقول عني كذا .
فهد : انا ماتبليت عليك كل شي شفته بعيني ينطقه لساني .
غيداء : وانت متأكد من كل معلومه قلتها عني ؟
فهد : ايه متأكد وانا اعرفك اكثر من نفسك خلاص مهلة اسبوعين عرفت عنك كل شي .

***

وريف : هااا اش قلتي ؟
ولاء بابتسامه : والله انك موب سهله يابنت خالتي انا موافقه بس اشلون وهي الحين عروس .
وريف : ههههه عروس ؟ هي بنت شوارع وفهد ما ادري اش نزله الى هالمستوى يرفضني انا ويتزوجها .
ولاء : وريف موضوعك ووافقت عليه على صعوبته والطريق اللي بروح معاه صعب ولو واحد من اخواني عرف باللي اسويه راح يدفنوني وانا حيه واكون عبره للي بعدي .
وريف : الموضوع مو الى هالدرجه صعب واذا انتي استسلمتي من البدايه فيه مليون وحده غيرك تخدمني بس انا اخترتك لأنك بنت خالتي وماراح تقولين انه مؤامره مني .. وحقك بيجيك بس كم تبين ؟
ولاء : تقدرين تعطيني المبلغ اللي اطلب ؟
وريف : اطلبي من الالف الى المليون وانا راح اعطيك اجرك بس بشرط .
ولاء : اش شرطك ؟
وريف : تنجح الخطه .
ولاء : ولا يهمك الخطه ناجحه ميه بالميه وتأكدي اني ماراح اخونك او اميل عن الخط المستقيم اللي رسمتي لي وانا راح انفذ كل شي بالحرف والكلمه .
وريف : خلاص بداية الخير والاتفاق اعطيك ثلاث مية الف كاش وبعد ماتخلص السالفه اعطيك مليون واذا تبين اكثر اطلبي .
ولاء بفرحه : يعني انا بيوم وليله بيصير بين يديني مليون ؟
وريف : والله لو تبين اكثر انا حاضره بس بعد ماينتهي كل شي .
وقامت وريف وفتحت درج الكومدينو وطلعت دفتر الشيكات ووقعت شيك بقيمة 300,000 ريال : تفضلي ياولاء .
ولاء وهي تبوس يد وريف : يابعد عمري يابنت خالتي جعلني فدوه لك .
ابتسمت وريف : لهالدرجه تحبين الفلوس .
ولاء وهي تتأمل الشيك : وفيه احد مايحب الفلوس .
وريف : فيه ناس تعتبرها قرف ووسخ دنيا وانا من اولهم .
ولاء : انتي من مهدك من قبل لاتطلعين على الدنيا وانتي ثريه وبنت كبار الشخصيات ومتعوده ولا انا بنت فقر حدي الف ريال .
وريف : خلاص حبيبتي بكره اتصل عليك ونتفق على موعد تنفيذ الخطه .
ولاء : حاضر .. تشاو يا احلى واغلى بنت فالعالم .
وريف بسخريه : كل هذا عشان فلوس الحمدلله بس .
طلعت ولاء من عند وريف وجلست وريف ع الاريكه وابتسمت ابتسامة خبث " الايام بيننا ياغيداء "
طق باب غرفتها : ادخل .
دخلت مشرفة الخدم المغربيه : كُنِا نسيق الدار وماكاين تا واحد وآجات اراتشي وجقت مونيا .
وقفت وريف بصدمه : وين امي ؟
....: ماكاين تا واحد .
وريف نزلت تركض وشافت الشغاله الهنديه اراتشي تضرب المغربيه مونيا وصرخت وريف : خير اش فيكم ؟
راحت لها مونيا : سيدتي هي بتسيق الكوزينا حدايا واني ما اتيق بيها واقلقتها وجقتني وطلعت لي الدم براسي .
وريف بعصبيه : اراتشي يله انقلعي من هنا .. وانتي بعد روحي على شغلك ولو تكرر هذا يا جوانا راح اعاقبك .
جوانا : واخا .
ومشت من عندهم وريف ودخلت بغرفتها وسكرت الباب وخذت جوالها واتصلت على امها : الوو .
نوره : هلا والله ببنتي صح النوم يانوامه .
وريف بابتسامه : صح بدنك مامي .. وينك ؟
نوره : انا ببيت عمتك الجوهره اماني بتمشي ورحت عندهم .
وريف : يمه تعالي شوفي العله اللي عندي تهاوشو واراتشي خنقت مونيا وكبرو السالفه .
نوره : اووه يا اراتشي ماتنتهي مشاكلها هذي ما ادري وش الحل اللي ينفع معاها .
وريف : يمه مافيه إلا تسفرونها خلاص طالت وشمخت .
نوره : لا حرام هي تصرف على 4 اطفال اشلون انهي خدمتها وهي باقي لها سنه .. وهي طيبه المشكله بمونيا .
وريف : لا لا مستحيل مونيا عندنا من 6 سنوات ماشفنا منها إلا الخير .. ع العموم مالي فيهم دخل بس ابيك ترجعين تشوفين لهم حل .
نوره : خلاص ان شاء الله راجعه الحين .

***

مدى : والله راح اشتاق لك يادووب .
رويد : وانتي من متى جلستي معاي عشان تشتاقين لي اربعه وعشرين ساعه مع امي و ماريا ولا انا ع الهامش .
ضحكت مدى وهي تضربه بخفه على صدره : حرام عليك يا رويد والله اني احبك اكثر من حبي لماريا .
رويد بابتسامه : خلاص يا احلى خاله فالدنيا راح اشتاق لك بس متى تجون لالمانيا والله من زمان ماجيتو عندنا .
مدى : اممم احتمال انا اجيكم على اخر اكتوبر او بداية نوفمبر .
رويد : ياليت تجين بدري قبل اكتوبر عشان تشوفين آزيال .
مدى : رويد كم مره اقولك البنت ماتصلح لك مسيحيه لاتتعلق فيها .
رويد : اوووف كلكم كذا طيب انا ماقلت بتزوجها هذي مجرد صديقه بس .
مدى وهي تحط يدها على خصرها : يسلااام يعني عندك صديقه وحبيبه وزوجه ؟
ضحك رويد : لا عاد انا ثقافتي مو المانيه خالصه انا عندي إسلام وعقيده وحدي الصداقه وبس واتزوج وصديقتي تبقى مثل ماهي .
مدى : رويد وربي تنرفز طيب ماريا عندها صديق ؟
عقد رويد حواجبه وطالع بمدى : لااا لو هي عندها اصدقاء كان ادفنها وهي حيه .
مدى : طيب وليش انت عندك صديقه العاده هذي من وين جايبها ؟
رويد : كذا طبيعة البلد اللي انا عايش فيه ولازم أتأثر .
مدى : طيب اش الفايده من الصديقه هذي وانت ماراح تتزوجها ؟
رويد : لازم لي صديقه لو ماتزوجتها .
مدى : خلاص حتى ماريا لازم لها صديق .
رويد : يكفيها ولد عمتي إياد اللي اربعه وعشرين ساعه مع بعض .
دخلت ساره تركض وبخوف : مـــدى صــارت كارثه لعامر ونايف
.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري