صباح الخيرات سامراء
ده فى مناقشة حامية و انا ما مش واخدة بالى المهم انا متفقة مع ام سوسو فى أن اختلاف الرأي لايفسد للود قضيه و عموماً لسه رد فعل ام عبد الله ما نعرفهوش .
فى حكاية لقريبة لى يا سامراء هى ابنة لرجل صعيدى لا زال مصمم على العادات و التقاليد القديمة و بنته انسانة اقدر اقول انها كانت فخر ابوها كانت جميلة ، معروف عنها الهدوء والاتزان و التفوق العلمى و لما جت تتجوز ابوها كان فخور انه ناسب رجل معروف و سمعته طيبة بس للاسف ابنه كان مدلل جداً و غير متحمل لأى قدر من المسئولية و كانت النتيجة انهيار العلاقة الزوجية بينهم و طلبت الانفصال و وقتها ابوها رفض طلبها و كان منطقه أن المرأة المطلقة من وجهة نظر المجتمع عنها حتكون مش كويسة وان العيب اكيد منها و لازم تتحمل علشان اولادها و المهم ابوها مرض وطبعاً قريبتى فضلت السكوت و سلمت امرها لله و اعتبرت نفسها فى حكم الارملة و بتربى اولادها و خلاص ، انا بحكى الحكاية دى لأن للاسف المجتمع حوالينا له تأثير على افراده و مش كل واحد عنده الوعى او التفكير المتحضر انه يهتم بالجوهر مش بالمظهر و يرمى كلام الناس ورا ظهره و دى صورة من الصور الموجودة فى مجتمعنا و فى غيرها كتير .
والله انا بشكرك سامراء انك بتطرحى مشاكل ممكن من الظاهر بسيطة بس مؤثرة جداً |