مسا الفل عليكو
طبعا متابعه النقاش من يومين بس مكنتش عارفه اجي اقول رائي الموضوع محتاج تركيز
اوﻻ نتفق ان كل انسان عندو عيوب فيه عيوب ظاهرة زي عيب خديجة و عيوب مخفيه مش بتتعرف اﻻ بالعشرة زي البخل العصبية و كده
طول ما الموضوع بعيد بنكون حيادين لكن لما يجي الموضوع لحدنا نقلب منحازين بلحظة دي طبيعه البشر
يعني ام عندها ابن و بنت لو الابن عايز يتجوز واحدة مطلقة مثلا هترفض وو تقول ليه تاخد واحدة مطلبة او حتي ارمله في حين لو بنتها بقت ارمله هتقول ده قدر ربنا و بنتي مفيهاش عيب
اقولكو علي تجربة شخصية جدا اخويا مهندس و يعتبر كعريس ظاهريا لقطة لما جه يتجوز اختار واحده فيها احد العيوب الظاهرة طبعا امي زي اي ام مصريه اصيله رفضت و قالت و مالها بنت اختي زي الفل و فيهاش عيب هو اعترض و اصر انا طبعا شايفه اخويا اجسن واحد في الدنيا بس عارفة انو عصبي خنيق قليل الكلام لدرجه الزهق بس برضو اخويا و زي الفل هههههههه
المهم الملخص عشان تلقيكو قلتو ايه البت الرغايه دي
قلت لماما يا ستي هي عجباه و هو اللي هيعيش معاها و متقبلها و مش مضايق من المشكله بتاعتها مالنا احنا و بعد ضغط مني و من اخويا وافق ابويا و امي
و دلوقتي برغم ان ماما مش مقتنعه اوي بيها لحد دلوقتي بس دايما تقولي محدش كان هيستحمل اخوكي بعصبيتو و خلقو الضيق غيرها
الكل فيه عيوب و محدش خالي منها بس للاسف احنا دايما بنبص و نهتم بالشكل اول حاجة و انا اولكو طبعا بس عشان عبدالله قرب من خديجه و عرفها كويس قدر يعرف معدنها لكن لو جاتلو خديجه بجواز صالونات كانت اكيد اكيد اكيد هيرفض لان المظاهر بتحكم
اسفة للرغي و الاطاله بس حبيت اوضح وجهة نظري كامله
|