[princess sara]

انا جيييييييت

في البدايه كده ... انا على اخري يا ايمو
من كل الابطال الصراحه ... يعني لحد الان دعد هي اللي طلعت بيها من الروايه دي ... ربنا يستر ومتتحولش هي التانيه وتدخل البلاك ليست

نبدأ بالثلاثي الغبي الاحمق المجنووووون

مكنتش متوقعه ان مهاب هيطلق لين بسهوله كده
يظهر كده ان اللي سمعه منها واللي عرفه عن الحياه اللي كانت فيها والخسائر الكتير اللي خسرتها خليته يتعاطف معاها
بس ياترى هو ده السبب اللي خلاها يرضخ ليها ويطلقها ؟؟
والاهم الطلاق ده للابد ولا فيه رجعه
هو منقسم لجزئين ... جزء متعلق ومجنون بيها ... وجزء كارهها ومش طايقها
ياترى هو علاقته بيها في الاول كانت متعلقه بيها وبرغبته فيها بس عشان مكنش يعرف عنها اي حاجه ومش فاهمها ولا فاهم تصرفاتها
ياترى بعد ما عرف كل حاجه قدر يفهم ويقدر تصرفاتها ؟!
مش فاهمه مهاب خااااالص ... مش معنى كده اني بحبه ولا اتعاطفت
لالالا بالعكس انا لسه ضده ... مش هابقى معاه غير لما يتصرف صح ويحدد هو عايز ايه بالظبط

علاء مجنون ... مش هقول غير كده
ربنا يسامح زياد جننه وخلاها متهوووووور ومجنووووون زيه
مكنتش متوقعه ان دماغه متكلفه بالطريقه دي
طلع حاسب كل حاجه بدقه وواضع سبب لكل حاجه بتحصل وهتحصل
محامي خطير من الاخر
انا مقدره الحاله اللي هو فيها ... بس مش مقدره كل الجنان اللي هو عمله
من حقه انه ينتقم لشرف صديقه المقرب اللي ممكن نقول انه شرفه هو شخصيا نظرا انه اتربي في بيت الصانع واهل البيت بقوا اهله
طبيعي انه يتجنن لما يعرف ان لين الصغيره كانت ماشيه في الحرام شهر بحاله ثم اتزوجت في السر
الحمدلله انه متجننش خالص وقتلها
كان في طرق كتير ممكن ينتقم منها من الاتنين
عمل كل حاجه عشان مهاب ميفلتش من العقاب
جازف بحياته عشان خاطر يكمل خطته ويحقق اللي هو عايزه
واهو كل حاجه مشيت زي ما هو عايز
مهاب اتمسك بتهمه قتل ... ولو خرج منها
مش هيخرج من تهمه سياسيه خطيره
بكره مهاب ... الا اني مش مع كل اللي حصله ده
علاء لو كان عايز ينتقم ويلعب صح ... كان واجهه رجل لرجل
على الاقل كان يلعب بشرف
الا ان في لحظه جنان ورغبه في الانتقام الاسود كل حاجه بتتقفل قدام الواحد الا حاجه واحده الا هي يشوف غريمه رايح في 60 داهيه
مش عارفه اتوقع اللي هيحصل بعد كده الصراحه

لين الغبيه المتخلفه
لسه بكرهها يا ناااااااااااااااااااااااا ااس
الاحسن انها ترجع المستشفى ولا تدخل مصح مادام هي مازالت مجنونه وغير مسئوله عن اللي بتعمله ده
انا شايفه ان مفيش اي تقدم في حالتها ... رغم كل اللي حصلها زمان
ثم اللي حصلها بعد كده الا انها زي ما هي
مش شايفه انها خدت قرار صح ولا فكرت بطريقه صح
ولا حتى فكرة في كل اللي حواليها
انانيه غبيه بائسه حماره جزمه قديمه
مش عارفه هي عايزة ايه بالظبط ؟!!
شايفه انها بتضيع وهي مع مهاب .... الا انها شايفه انها فقدت جزء مهم منها لما بعدت عنه
شايفه انها محتقره وكارهه نفسها بسبب نظره علاء ليها وسقوطها من نظره ... الا انها شايفه انها عايزة تنتقم منه بسبب اللي عمله في مهاب

وحياه خالتك انا افهم ايه من كل اللي بيحصلك ده >_<
كل اللي اقدر اقوله انك مريضه ... ومش جاهزة انك تاخدي قرار صح وسليم لمرة في حياتك بقى
واحده جبانه مش قادره تقف وتعلن للكل انها عملت كذا وكذا وكذا وجاهزة انها تتحاسب على اللي عملته
ورغم كل اللي عملته وسعت اليه
الا انها بتدور على المصايب من تاني
عارفه نقطه ضعف علاء الا هي صديقه واخوها زياد
الاتنين عارفين جنونه وتهوره لما تحصل اي مصيبه
عشان كده لعبت على الحته دي كويس اووووي
دي مستعده توقع بين اخوها وصديقه المقرب عشان توصل للي هي عايزاه ؟!!
يع عليكي بجد
مش عارفه علاء هيوافق على اللي قالته ولا هيجهز خطه تاني بديله
ولا ايه اللي هيحصل
بس انا بكرههاااااااااااااااااااا ااااااااااااااااااااااا

زياد ودعد

زياد يطلق عليه لقب الغبي بكل جداره
مش عارفه هو سايب نفسه يجري ورا حقد اسود قديم ليه
حقد خلاه يصدق ان كل النساء واحد ؟!!
حضرتك صوابعك مش زي بعض ... مفيش حد شبه التاني ابداااااااااااااااااااااا
بس هقول ايه ... اللي شوفته خلاك تتاكد ان الكل سواء
وطبعا انت عندك دليل واتنين وتلاته في نظرك دليل ادانه على انها حقيره تستحق القتل
رغم ان كل حاجه بتخليك تفكر ان تفكيرك غلط في غلط
الا انك مش عايز تسلم عشان متتلسعش وتنجرح من تاني
واديك بتجهز لفرصه الانتقام على سبيل انك ترتاح
الا اني بقولك انك مش هترتاح وبكرة تقول ساره قالت
كل حاجه بتشوفها من دعد بتخليك تتاكد انك قدام انسانه برئيه ساذجه واقعه في الحب بتقول للاعمي حبني
الا انك بتقفل ودنك وعيونك وقلبك وكل حاجه عشان متسمعش ولا تستقبل منها اي حاجه
الا انك متقدرش تنكر انك بتتعلق بكل تفاصيلها وبكل ما فيها يوم عن يوم
ياترى امتى هتقدر تفتح قلبك وتسيب ليها فرصه للشرح
هي طلبت منك الفرصه دي مرة واتنين الا انك رفضت بكل قوه
شكلك خايف تقول الحقيقه وتطلع برئيه وتطلع انت الغبي
بس خد بالك انت باللي بتعمله ده بتبعدها عنك كل يوم وبتخليها تكرهك اكتر
اكيد بعد اللي هيعمله ده ومش هتفضل على حبه

صعبت عليا جدااا وهي في انتظار قبلتها الاولى من حبيبها الوحيد ... تقوم تسمع منه بدل كلام الحب تسمع كلام كره وحقد

"أكرهك..."

ياترى انت واثق من اللي بتقوله ؟!!
اااااااااه يا مجنون انا في انتظار ندمك ومعرفتك انك مجرد احمق غبي


"دعد... هل أنت حامل؟؟!!"

مش بقول مجنووووووووووون
دعد ولا في احلامها تخيلت انها تسمع كده ومن مين من زياد
اتمنى رد فعلها بعد اللي هتسمعه يكون صفعه ليه
ياترى كده هتفهمم سبب غضبه وكل اللي بيعمله معاها ؟!
هتربط كلامه بمهاب ؟!! بس هي مش هتفكر في انه يقصد انها على علاقه بمهاب
دي حاولت كتييييييييير انها تثبتله انه اخوها
للاسف متعرفش ان ده سبب الليله كلها
ياعيني عليكي يا دعد
لما نشوف يا زياد بيه لما تعرف ان كنت بتدور على الست اللي على علاقه بمهاب وفي الاخر هتطلع اختك المحترمه
يوم لما تعرف انك حمار كبير وتعرف انك بوظت الدنيا
هفرح فرح واعمل لولولولولولولي
عشان انا مش بحب الغباء يا غبي >_<

ايمو حبيبتي الفصل رووووعه جداااا ... شرير اه بس رووووعه
تسلم ايديكي حبيبي ... متشوقه جداااا للقادم
صحيح يا ايمو هي الروايه لسه مطوله ولا قربنا للنهايه ؟
كل التقييم ليكي وفي انتظارك بشووووق