عرض مشاركة واحدة
قديم 26-04-09, 11:45 PM   #17

ندىk.s.a

كاتبة في قسم قصص من وحي الأعضاء

 
الصورة الرمزية ندىk.s.a

? العضوٌ?ھہ » 88500
?  التسِجيلٌ » Apr 2009
? مشَارَ?اتْي » 56
?  نُقآطِيْ » ندىk.s.a is on a distinguished road
افتراضي

((الجزء السادس))

مــااصعب أن تبتسم ودموعك على وشك الانهمار

مــااصعب أن تضحك وداخلك جرح يصرخ

مــااصعب أن تحب شخص لا يعلم بحبك

مــااصعب أن تشتـاق لشخص وهوا يخونك في غيابك

مــااصعب أن تحب شخص رغم كل مافعله بك

مــااصعب أن تحـاول نسيان من أحببته منذ الصغر

مــااصعب أن تندم وقد فات الأوان

مــااصعب أن تبني الأمل على شيء مجهول

مــااصعب أن يقســى عليـك القدر

مــااصعب أن تحب شخص ويأتي القدر بكل سهوله ويفرق بينكم

مــااصعب أن ترى كل أحلامك تتحطم أمام عينك

مــااصعب أن تفقد شخص كـان هو كل أحلامك

مــااصعب أن تتمنـى المــوت من شدة ماتحس به من ألم

مــااصعب أن يأتيك خبر مـوت من هو حياتك

مــااصعب أن يجبرك الزمن علـى شيء لم تكن تتصور فعلــه في حياتك..


دقت سارا على سلطان عشان نشوف وينه واول مامسك الخط واحد من الولدين اللي كانوا قدامهم هو اللي مسك جواله بيرد سارا اول ماشافته انصعقت ماتخيلت سلطان بهذا الجمال تقدمت سارا خطوتين الين صارت قبال العيال وابتسمت ابتسامه خلتها تصير ملكة جمال
سارا:هاي
سلطان:هايات(شهق سلطان)لا لاتقولين انتي سارا وهذي ندى
ندى:وش رايك غير اللي كنت تتوقعهم
سلطان:تماما ماكنت متوقعكم كذا ابدا نسينا نسلم على بعض
مد يده سلطان عشان يصافح سارا وندى بس فهد كان متوتر
سلطان:فهد وش فيك ساكت سلم على البنات
فهد:سوري نسيت هاي ومد يده يسلم عليهم
سارا:تصدق ماتخيلتك كذا مملوح وستايل وتلبس سلاسل بعد
سلطان:يعني انا اللي تخيلتك كذا ولا انا ووجهي اسأل تتحجبين طلعتي ماتدرين الحجاب وين بس والله ماشاالله جسمك حلو نحيفه بس الصراحه ندى احلى جسم يمكن لانها اطول
سارا:احد قالك اننا محجبين بس ترانا مسلمين العنود محجبه بس انا وندى الله يهدينا بتخلينا واقفين كذا ماراح تعزمنا على شئ نشربه بهالحر متنه عطش
فهد:يلا امشوا نشرب شئ وعلى حسابي بعد
سلطان:اووه كرم حاتم الطائي اشتغل اليوم امشوا لايهون ترى الفرصه ماتتعوض
مشوا الين وصلوا الكوفي ولقوا طاوله فاضيه وقعدوا وطلبوا اللي يبون وكملوا سواليفهم
فهد:ها ندى كيف شفتي اسبانيا
ندى:والله حلوا بس لسى توني اطلع ما أمداني اشوفها كويس
سارا:ماقدر استوعب اني قاعده اسولف معاكم وجهاً لوجه
سلطان:ههههههه ولا انا بس مع الوقت نتعود لسى قدامنا اسبوعين
سارا:امشوا نمشي على البحر حلوا المنظر بوقت الغروب
ندى:اي والله يلا نمشي
سلطان:يلا مشينا بس شرط راح تقعدون معانا طول اليوم
فهد:سارا لاتنسين الوعد اللي وعدتينا اياه
سارا:يوووووه انت مانسيت بس مو اليوم بكرا
ناظرها فهد نظرة تحدي وبعدها طلعوا من الكوفي وقعدوا يتمشون على البحر والجو كان ولا أروع.....


نرجع للبلاد الطاهر المملكه العربيه السعوديه......
في بيت ابوعمر الساعه9بالليل...
ديمه:هههههههههههههه حلوا عجبتني
وليد:لا والله احلفي عاد خلاص زعلت
ديمه:وليد حبيبي انت لاتزعل
وليد:___
ديمه:وليد ولودي حياتي انت عمري روحي
وليد:الله كل هالكلام اجل كل يوم بزعل عشان اسمع مثل هالكلام
ديمه:خلاص استحيت اسكت خف شوي
وليد:متى ناويه تسوين الزواج حياتي
ديمه:اول اسبوع بعد الصيف ان شالله
وليد:يووووه لسى باقي شهرين كثير حرام عليك
ديمه:لا مو كثير عشان تشتاقلي
وليد:والله انا بظل مشتاقلك طول عمري
ديمه:طيب انا بطلع الحين باي
وليد:باي انتبهي لنفسك حياتي

اسبانيا _ماربيا....
الساعه12ونص بالليل على احد شواطئها الهاديه كان فيصل قاعد وشايل هموم الدنيا على راسه مو قادر ينسى اللي صار وكأن قدامه قاعد يصير من جديد ضحكتها نظراتها وهي ماسكه يده يعني كل شئ كانت تسوي معاي كانت تسوي مع عشره غيري انا اللي حبيتها باخلاص تسوي كذا الحقيره الوقحه انا وراك والزمن طويل ياجوجو<<بعد هالاكلام اللي دار بمخيلة فيصل قام من مكانه واتوجه للفندق عشان ينام لانه بيحاول بينه وبين نفسه انه ينسى جوجو....

انتهت الليله على خير لكن مع اشراقة الشمس ماذا سيحصل من تغيرات في ابطال القصة....

اسبانيا_ماربيا الساعه11صباحاً
في سوق(مارينا بانوس)كانت سارا وندى يتمشون عشان يشترون ملابس(عشق كل البنات الخليجيين الدواره بالاسواق)من محل لمحل الين دار راسهم ومابقى شئ بالسوق ماشروه وكأنهم بكرا بيسافرون يمكن معاهم فوق العشر اكياس ودخلوا اخر محل وبعدها بيروحون يقعدون بأي كوفي يشوفونها...
بالمحل سارا كانت ماسكه فستان احمر وفي شوية ذهبي على الاطراف وقصير فوق الركبه
سارا:ها دودي وش رايك مررا يجنن
ندى:مرا حلو بس احسه قصير
سارا:الله واكبر ومن متى اهتم اذا قصير ولا طويل اهم شئ عاجبني
وجا صوت رجالي من ورا خوفهم:وانتي ماتعرفين تلبسين إلا اشياء قصيره عندك حساسيه من الاشياء الطويله
سارا:بسم الله الرحمن الرحيم سلطانوه وجع خوفتني
فهد:هههههههههههههههههه من أول مادخلتوا المحل واحنا وراكم وسمعنا كل اللي قلتوه
سارا:عناد فيكم انتهم الثلاثه بشتريه
سلطان:اشتريه كيفك بس مرا قصير بزياده
ندى:علمها مو ****ه تقول انا ماهتم اهم شئ عاجبني
سارا:ماراح ارد عليكم وانزل مستواي لكم<<راحت شرت الفستان وهم وقفوا يستننونها برا المحل ولما طلعت لقتهم واقفين ويسولفون بحماس وقطعت عليهم النقاش:يلا شباب امشوا نروح كوفي انا تعبت وعطشت والعزيمه على حسابي
سلطان:يلا انا ماوراي شئ دام على حسابك
ندى+فهد:يلا مشينا
مشوا كلهم باتجاه الكوفي وقعدوا وكل واحد قال طلبه وقعدوا يسولفون قطع عليهم السواليف صوت جوال ندى اللي كان المتصل فيصل
ندى:الوو
فيصل:ندى وينك؟
ندى:بالسوق مع سارا بغيت شئ ؟
فيصل:لا سلامتك بس بسأل
ندى:انت وينك؟
فيصل:توي صاحي وبعد نص ساعه بنزل اذا نزلت دقيت عليك تشاو
ندى:طيب تشاوات
فهد وهو يغمز:تكلمين حبيب القلب
ندى:هههههههههههه عجبتني حبيب القلب
سارا:انت وش دراك لتكون قريت الاسم على شاشة الجوال
سلطان:يعني في حبيب قلب اعترفي مين احنا اخوانك
ندى:لا استحي خجوله بطبعي
فهد ضربها خفيف لانها قاعده جمبه:باين الخجل بيسوي فيضان عندك عطيني شوي
سارا:ههههههههههههههههههههههههههههههههههههههههههه
ندى:اي حبيب انا حتى قرد ماعندي لا تطمن هذا فيصل اخوي
سارا:اكيد توه صاحي
ندى:بالضبط وبعد نص ساعه بينزل
سلطان:اخاف يسوي مشكله اذا شافكم معانا
سارا:لا عادي فيصل مو متخلف هذا اذا ماقعد معانا وقام يسولف
فهد:والله اخوك وناسه
وقعدوا يسولفون يمكن ساعه بعدين جاهم فيصل واول ماشاف سارا وندى واللي قاعدين معاهم انصدم ماتوقع انهم يسوون كذا وبمكان عام بعد
فيصل:السلام عليكم
سارا:وعليكم السلام اقعد فيصل ليش واقف
ندى:تعال نعرفكم على بعض هذا فهد وتأشر عليه وهذا سلطان وتأشر عليه ماشالله خاطب
فيصل ابتسم:ندى انا جيت بقولك تعالي انتي وسارا ماما وخالتي سعاد يبغونكم
سارا:ماما تبيني ليش؟
فيصل:وانا وش يدريني وش تبي يلا قموا الحين انا اللي بنزف مو انتم
ندى:طيب يلا قوموا
سلطان قرب من سارا:ليكون فيصل عصب
سارا:ماعليك منه
فهد:طيب والليله موعدنا وش صار فيه
سارا:لاتخاف محد يقدر يقول لأ باي
مشوا سارا وندى وفيصل اللي كان معصب وساكت وبعد فتره تكلم
فيصل:انتم شلون تعرفونهم
سارا:عادي بالماسنجر تعرفنا وبعدين لايروح فكرك لبعيد سلطان خاطب وفهد زي اخونا
فيصل:وانتم كيف تسمحون لنفسكم تقعدون معاهم بمكان عام زي كذا وكله خليجيين
ندى:عادي مافيها شئ
سارا:ولا تبينا نتقابل بشقه عشان ترتاح ومانكون بمكان عام
فيصل اللي عصب من كلام سارا:انتم عارفين انك بنات اكبر عوائل السعوديه وتسون كذا
سارا اللي ماقدرت تستحمل وطلعت كل اللي بقلبها:وانت ياللي ابوك من اكبر تجار الرياض مافكرت وش بيقولن الناس عنك وانت كل يوم طالع مع جوجو من مطعم لمطعم ولا حلال عليك وحرام علينا ولا لتكون زوجتك واحنا ماندري ها رد ليش ساكت
ندى ماعطت مجال لفيصل يجاوب وكملت:وبعدين انت مالك دخل فيني انا حرا ابوي عايش لسى ما مات عشان تمشيني على كيفك انت لما طلعت مع جوجو ماسألت احد وطنشتنا الحين يوم طلعت انا مع عيال بالنسبه لي زي اخواني جاي تهاوشني لا حبيبي هذا حلمك ولعلمك الليله بنطلع معاهم بعد واذا كنت شاطر انطق بحرف
فيصل من صدمته بالكلام اللي قالوه ماكان قادر يتكلم وكل اللي سواه انه مشا قدامهم وهو ساكت من غير مايقول اي شئ معقوله كل هذا شايلنه علي بقلبهم وش سويت عشان كذا يقولون اجل لو يدرون باللي سوته جوجو كان ماتوا ضحك علي.....

في جهة اخرى من العالم جهة مليئه بالحزن والمأساة في تلك الغرفة الصغيره وقف وهو حزين يمسك القلم ويكتب معاناته ليخفف مابداخله ليصف مابقلبه من احزان وآلام من حبيب قد خانه بعد حب قد ولد ليتوج بالزواج ولكن خيانتها قد جعلت هذا الحب بريئ يموت مسك قلبه وبدأ يكتب

شلون تنرسم البسمة وبداخلي آهـــــــــات
علمني شلون أنسى التــــــعب والأحــــــزان
شلون أنسى ألم تمركز وسط الذكريـــــات
شلون أضحك وقلبي من الوله حـــيل تعبان

***

النوم مجافيني والحياة ماتزيدني إلا صدمات
آخر صدمة تلقاها قلبي صدمته بحبيبه اللي خان
علمني يا جريحي شلون أطوي صفحة الماضيات
علمني شلون أنسى الجرح والعذاب اللي كــــان

***

تحملت أنا وقلبي جروح الحب والحين الخيانات
وش ذنبي لجل أبقى بدنيا قلبــــــي فيها يتهــــان
ودي أخفي الجرح والألم وأرسم بشفتي الإبتسامات
ودي أحب شخص بالفعل يحبني ويكون لي ولهــان

***

وإن دنياي شافت الفرح أكيد إنها من المعجــــزات
شلون دنيا ماتت بتعيش وتحــيا باقي الأزمـــــان
والحين باأحاول أخفف من ذكراه وأطوي اللي فات
عساني أنسى وأطلبها من اللي يعطي ولا هو بمنان

دخلت هند على سعود اللي كان يكتب والدموع تنزل من عيونه بهدوء والغرفه ظلمه مافيها إلا نور الشموع اللي كان سعود مولعها وحاطه حواليه وموسيقى هاديه يعني الجو كان قمة بالكآبه قعدت هند على السرير وهي ساكته تنتظر سعود ينتبهلها بعد5دقايق انتبهلها وعلطول مسح دموعه وابتسم:هلا هند من متى وانتي هنا
هند:من زمان وش قاعد تسوي
سعود:ولاشئ اكتب امري تبين شئ
هند:لا سلامتك بس ودي اقول شئ بس لاتاخذه بحساسيه
سعود:لا عادي ماعاد فيني احساس
هند:سعود ليش جو الغرفه كذا يجيب الكأبه ظلمه وموسيقى هادئه والستاير مقفله حرام اللي تسويه بنفسك افتح الستاير شوف الدنيا
سعود:خليني عايش بالظلمه هذي حياتي بعد ديمه بعدين انا كل يوم اروح الجامعه واشوف الناس
هند وهي تفتح الستاير:لا هذا مايكفي قوم معاي نروح نشتري اشياء للبيبي راشد تعبان
سعود وهو مغمض عيونه من النور القوي:لامايحتاج روحي لحالك او خذي سوزان معاك
هند:مافي بتروح معاي يعني بتروح وسوزان كمان بتروح معانا اهون عليك اختك تعبانه واروح لحالي مع سوزان انت عارف ان لو صارلي شئ ماتقدر سوزان تساعدني لان ماعندها سالفه
سعود:ياكثر ماتتكلمين خلاص بروح بس بشرط ساعتين ونرجع سامعه الله يعين راشد عليك
هند:طيب ساعتين بس يلا قوم علبال ما البس وادق على سوزان عشان تجي ونروح

في اسبانيا الساعه 7الليل في غرفة سارا كانت ندى معاها ويتكلمون...
ندى:سارا وين بنروح اليوم بالليل مع فهد وسلطان
سارا:اذا وصلنا بتعرفين
ندى:طيب قولي عشان اعرف وش بلبس
سارا:شوفي انا وش بلبس والبسي زي مستوى اللبس حقي
ندى:افف من عنادك طيب وش بتلبسين
سارا:بلبس الفستان احمر
ندى:الفستان الأحمر ليش وين رايحين
سارا:ماعليك وانتي البسي الفستان الابيض حقك مع صندل كعب ذهبي
ندى:سوسو الله يعافيك قوليلي
سارا:لأ روحي جيبي فستانك والصندل وتعالي البسي عندي انا بخليك قمر اليوم
ندى:افف طيب ربع ساعه وراجعه
راحت ندى تجيب فستانها وراحت سارا للدولاب حق الملابس وطلعت فستان احمر قصير تحت الركبه بشووي وعلى الخصر فيه شريطه سودا مربوطه بشكل مرتب وطلعت صندل اسود كعب عالي كان الفستان بسيط بس مرتب يعني مناسب للمكان اللي بيرحونه,بعد ربع ساعه دخلت ندى وهي شايله فستان ابيض قصير الين نص الساق واكمام طويله بس من ورا مفتوح فتحه كبيره وحزام ذهبي من(ديور)وصندل ذهبي كعبه عالي لبست سارا وخلصت وحطت كحل اسود وقلوس احمر زي لو الفستان وسشورت شعرها(يعني صار ناعم مفرود)وحطت شريطه سودا وبعد ماخلصت لبست ندى وحطتلها كحل ذهبي تحت عيونها وقلوس برتقالي وتركت شعرها طايح على كتوفها وهو كيرلي(مجعد) كانت اشكالهم تجنن كل وحد تقول الزين عندي ماكان مرا فخم عادي بس مرتب...

من جهة ثانيه كان فهد وسلطان يستعدون كمان للطلعه سلطان لبس قميص اسود وبنطلون جينز وحزام من(ارماني)شعر سلطان طويل شوي حلوا وكيرلي(افرو)وفهد لبس بنطلون جينز وقميص ابيض وعليه كتابات بالاسود وحزام من(قوتشي)بس شعر فهد قصير حط جل وخلاه واقف(سبايكي) كمان هما كانت اشكالهم تجنن<<وبعد مانتهوا من اللبس دق سلطان على سارا وقالها يروحون عند نفس الكوفي اللي تقابلوا فيها اول مرا ....
الساعه 12بالليل كانت واقفه سارا وندى يستنون سلطان وفهد يوصلون لانهم تأخروا واشكالهم كانت غلط وهو واقفين بس بعد10دقايق وصلوا سلطان وفهد..
سارا:اخيرا مابغيتوا توصلون مابقى احد مارمى علينا كلمه
سلطان:____
سارا:سلطان وينك انا اكلمك
سلطان:لا اله إلا الله الله لايضركم طالعين ملكات جمال
فهد:عيني عليكم بارده قمرين بالارض
ندى:سلطان فهد خلاص استحينا شيلوا عيونكم
سلطان:انتم وين كنتم مخبين هالجمال
سارا:خلاص انت وياه يلا امشوا نروح ترانا استحينا مانستهبل
سلطان بعد ماصحى من الغيبوبه:يلا مشينا
وهم يمشون كانوا ساكتين لان كل واحد مو مصدق الجمال اللي طلع اليوم ندى وسارا مو مصدقين ان فهد وسلطان كذا حلوين وفهد وسلطان منجنين من الحوريتين اللي ماشين معاهم وصلوا المكان اللي كان عباره عن طابقين الاول مطعم والثاني اللي هو تحت الارض دسكو بس راقي ومرتب راحوا نزلوا تحت عشان ينهبلون بعدين يطلعون يتعشون ....
ندى:الحين هذا المكان اللي جايتنا له
سارا وهو تصرخ:ايش ما اسمع
ندى تصرخ:اقولك هذا المكان اللي جابتنا له
سارا:اي ليش مو عاجبك
ندى:بالعكس وناسه واهم شئ مافي خليجيين
سارا:اي والله صادقه
فهد:سارا يلا قومي ورينا رقصك
سارا:افا عليك يلا امش والله لوريهم الرقص الحقيقي
وقاموا سارا وفهد وسلطان وندى يرقصون على اخر اغنيه لشاكيرا وبيونسي ويرقصون من اغنيه لأغنيه وبين الرقص في سواليف تدور بينهم
سارا:ها فهد وش رايك اعرف ارقص
فهد:يعني مو مرا
سارا:لا والله يعني اقعد
فهد:لا لا امزح يعني انا اللي اعرف ارقص
ندى:اقول انت وياه وش رايكم نقولوهم يحطون اغاني عريبه
فهد:تتوقعون عندهم
سلطان:والله مدري بس ماتوقع
ندى:فهد بلييز روح اسألهم
راح فهد سألهم ولقى عندهم شريط واحد مكس مصري وخليجي اعطوه اياه عيال خليجيين
حطوا اغنية راشد الفارس عزاه اللي ماتوقعوا يلا قونها الناس اول ماسعوا الاغنيه وقفوا رقص وقعدوا يتفرجون على الرقص الخليجي حق ندى وسارا وسلطان وفهد واتعجبوا من الرقص الغريب بعد دقيقتين دخلوا شله عيال سعوديين واول ماسعوا الاغاني العريبه انبسطوا وقاموا يرقصون من غير لاينتبهون للبنات اللي يرقصون وبعد ماخلصت الاغنيه صفقوا الناس بقوه على هذا الرقص راحوا قعدوا ندى وفهد وسلطان وسارا ندى لمحت الشباب الخليجيين وشهقت بصوت عالي:سارا سارا شوفي مين هناك
سارا:وين ماشوف؟
ندى:يالحوله هناك العيال
سارا وهي تشهق:هذولي حقين السوق

معاذ:شف شف هذي البنت اللي ضربتني
سلمان:اي والله هي
مشعل:وانت وش عليك خليهم براحتهم
معاذ:لا والله ماراح ارتكها وان معاذ

راح معاذ متوجه لسارا وندى وهو يناظرهم نظرات وقحه
معاذ:هلا والله بالقويه اللي تعطي كفوف
سلطان:عفوا انت تكلم مين
معاذ:اكلم اللي جمبك اللي ماتربت
سارا:اذا انا ماتربيت فانت واحد حقير وماعرف طعم التربيه
معاذ:ههههههههههه انا ماتربيت تبين اوريك كيف ماتربيت وقرب منها
سلطان:هي انت تكلم معاي مو معاها انت وش تبي
معاذ:ولا هذي اللي لابسه ابيض مسويه نفسها البنت المؤدبه
فهد:احترم نفسك لاسوي بوجهك خريطه
معاذ:صح نسيت اسأل انتم وش تقربون لهم اكيد اخوياهم
سلطان:هذولي اشرف منك ومن اللي جابوك
معاذ:بالهداوه لا تعصب بس جاوبوا على سؤالي
فهد:اللي لابسه ابيض خطيبتي واللي لابسه احمر زوجته عندك مانع
معاذ وهو يكلم سلطان:انت تعرف ان زوجتك ضربتني كف قدام الناس
سلطان:انت قليل عليك الكف يبيلك مين يوريك خريطة السعوديه على وجهك,يكلم فهد:يلا قوم خلينا نمشي ونترك المحل لهل الحثاله
فهد:يكون احسن
سلطان يكلم سارا:يلا حياتي خلينا نمشي
جت سارا تقوم مسك سلطان يدها وقال:شوي شوي على الطفل تعرفين حامل لازم تمشين بهدوء
فهد:دودي حبيبتي يلا نروح
قاموا كلهم ولما جو يطلعون الدرج خطرت فكرة فبال سلطان وسحب سارا معاه وراح لمعاذ وقف قدامه وناظره بنظره سخريه:حياتي تبين تضريبنه مرا ثانيه
سارا:اي والله متوحمه اني اضربه
وعطته كف اقوى من ذيك المرا وطلعوا من المحل وكان الساعه2بالفجر رجعوا سلطان وفهد الفندق بعد ماوصلوا ندى وسارا لان الوقت صار متأخر ومايصير يرجعون لحالهم.....

صباح جديد مع اشراقه جديد هل ستحمل الخير لابطال القصه ام ستكون بشرى سيئه الله اعلم...
لندن الساعه11الصبح...
هند:رااشد الحقني ماقدر
راشد:هند بسم الله عليك وش فيك
سعود دخل وهو يركض لانه كان نايم وصحى على صوت الصراخ:وش فيكم وش صاير
هند:الم الم مو قادره احس بموت
راشد:لتكونين بتولدين
سعود:يالغبي شلون تولد وهي بالخامس
هند:ودوني المستشفى بموت اااااااااااااااي
سعود:قومي قومي البسي
راشد:روح انت البس عشان تمسكها علبال ما انا البس
سعود راح يركض ولبس ورجع ولقى هند وراشد لبسوا وعلطول طيران للمستشفى
وبالمستشفى راشد رايح راجع رايح راجع بغرفة الانتظار ويدعي ربه وسعود ماقصر يسوي مثله واكثر الين ظهرلهم الدكتور وكان يبتسم
Where,s my waif is she okراشد:
yes she okالدكتور:
راشد يكلم سعود:الحمدالله هند طيبه
الدكتور:انتو بتحكوا عربي
راشد:اي احنا سعوديين كيف هند وش فيها
الدكتور:ماتعتل هم زوجتك حامل بتوأم باسم الله عليهم
راشد:احلف يادكتور هند حامل بتوأم
الدكتور:اي حامل توأم ليش مو مصدق
راشد:بس يادكتور هند سقطت ثلاث مرات يعني مافي ضرر عليها
الدكتور:ماتخاف مدام هند بخير وحتى البيبي بخير بس بدي منك انك تحافظ على صحتها وماتتعب حالها
راشد:ان شالله من عيوني طيب اقدر اشوفها
الدكتور:اكيد تقدر
راشد:تسلم يادكتور تعبناك معانا
الدكتور:ولو هيدا واجبنا ماعملت شئ
راح الدكتور ودخل راشد على هند وهي منسدحه ومغمضه عيونها راح راشد وجلس جمبها وباس راسها :مبروك حياتي انتي حامل بتوأم
هند وهي تبتسم:يعني فرحان
راشد:اكيد فرحان إلا بطير من الفرح
سعود وهو يزغرط:لولولولولوليش مبروك يام سعود
هند:الله يبارك فيك
سعود:شوفو اذا جو بنتين انا بسمي وحده وانتم وحد واذا ولدين الاول سعود والثاني انا بسميه واذا جو بيت وولد الولد سعود والبنت انا بختار اسمها
راشد:ليكونون عيالك وانا مدري
سعود:وانت وش عليك انا خالهم صح هند
هند:صح ونص انت اختار الاسماء على كيفك
راشد:احلفي عاد ترا انا الابو مو هو
سعود:اسكت بس انا بروح الجامعه لان عندي محاضره
هند:طيب انتبه لنفسك الله يحفظك
سعود:وانت يأشر على راشد انتبه لهند وحطها بعيونك
راشد:اقول انقلع لا اذبحك الحين
طلع سعود وهو يضحك على راشد وهند وراح للجامعه وكانت المحاضره توها بدايه وقعدت ساعتين ولما خلصت قعدوا سعود وخليفه وسوزان يسولفون...
خليفه:وينهم هند وسعود ليش ما يو؟
سعود:هند بالمستشفى
سوزان:شو عم تحكي هند بالمشفى ليش شبها
سعود:مافيها شئ بس هند طلعت حامل بتوأم
خليفه:بالمبارك
سعود:الله يبارك بعمرك عقبالك انت وسوزان
سوزان:لأ انا مابدي توين مرا وحده بدي صبي وبعد سنيتين بدي بنت
خليفه:اللي تبيه سوزان يصير ياعمري انتي
سعود:وانتم ماتملون اقعد مع راشد وهند يتغزلون فبعض اقعد معاك انت وسوزان تتغزلون فبعض
خليفه:وانت وش اللي خصك روح دق على ديمه واتغزل فيها على راحتك
خليفه وباقي الشله مايدرون ان سعود ترك ديمه ماجت مناسبه علشان يقولهم...
سعود وهو يبتسم:انا وديمه تركنا بعض
خليفه:شنووووووووووو
سوزان:لأ اكيد عم تمزح مش معقول
سعود:لا مامزح هذا اللي صار
خليفه:طيب ليش شلون صار
سعود:ابد سلامتك بس ديمه تقدملها واحد ووافقت وقالت انا ماقدر استناك
سوزان:بهي البساطه بتقول مابقدر استناك وين الحب اللي كنت عم تحكي عنو
سعود:عادي تبخر مع الهوا
خليفه:خليها تولي اللي مايبنا مانبيه نبيعه
سعود:وهذا اللي انا بسويه اللي يبيعنا برخيص نبيعه بتراب...


وشو الاعتراف اللي بتقوله سار لسلطان اللي حتى ندى ماتعرفه؟
فهد وش بيقول لندى وشو السؤال اللي بيسأله لها وكانت ماتتوقع انها ممكن نتسأل هذا السؤال؟

اعترافات لم تكن على البال بنعرفها بالجزء القادم....


ندىk.s.a غير متواجد حالياً   رد مع اقتباس