...............................................
فتحت نور المطبخ وهيا تمشي بلكاعة صارت هادية اختفت الضحكة من على وجهها شافته يدخل المطبخ تكلمت ببرود وهيا تطلع الخضرة من الثلاجة وتغسلها : ثواني بحضر العشا
ما عجبه اسلوبها ف الفترة الاخيرة صارت متغيرة كل شئ تسويه بدون نفس كأنها مجبورة الله لا يسامحك يا منى انتي السبب ف كل شئ ما صدقت حياتي تستقر ناظر شجون كانت لابسة برمودا بيضا وفوقها بلوزة فيروزي نص كم شكلها كان جميل : شجون
شجون وهيا تمنع دموعها قلبها ناره مو باردة وهيا تفكر ف منى وايش ممكن يكون صارلها فواز شيطان وهيا ضحيته صح هيا خطت ف حقها بس هيا اختها ضميرها يأنبها شايلة ذنب اختها برغم انه مو ذنبها قالت وهيا العبرة خانقتها طاحت دمعتين وهيا تقطع الخضرة ف الطبق حسته واقف وراها : محمد خبرتك بجهز العشا
ما حست الا وهوا يلفها ليثبتها قدامها رفع وجهها : تبكين يا شجون
شجون مسحت دمعتين اللي على خدها بسرعة رجعت تناظر للارض : لا وين بس عشان البصل
محمد رفع حاجب : بصل بس انتي ما تقطعين بصل ؟؟
شجون سكتت
اما هوا تنهد : ناظريني يا عمري
شجون رفعت نظرها له وطاحت دموعها من جديد مسح دموعها وسحبها لحضنه شجون تمسكت فيه وانفجرت : منى يا محمـــــــــــد حيـــــــــــــــــــــــ ـل اوجعتنــــي بس هيا ختـــــــي لما لقيتها تذكرت البيت شميت حضن امي وانفاس ابوي فيها بس تذكرت فواز بوجودها
ما عدت اتحمل كل اللي صارلي اشتقت لأهلي بالحيل مشتاقة لامي ما عاد لي احد صرت احس اني يتيمة
محمد ضمها له اكثر : افا يتمتي نفسك وانا يا شجون
شجون : انت سندي يا محمد انت اللي سترتني تزوجتني برغم انك تدري اني م م مو بب بنـ
محمد قاطعها ما يبي يتذكر اللي صار : شششششششش ولا كلمة اهدي بس انسي كل شئ
صارت تبكي على صدره
محمد ابتسم وهوا يهديها : انتي دنيتي كلها والله اني ما ندمت لحظة من زواجي منك ولو رجع الزمن ف كل مرة كان اخترت اتزوجك انتي نصيبي وحلالي انتي الشرف كله والعفة والطهارة اللي صار ماضي ابيك تطمسيه ولا تتذكريه ابدا انا نسيته يا شجون لاني صرت اعشق التراب اللي تمشين عليه
شجون ابتسمت بحيا ووجهها حمر : احم مو ناوي تتعشا
محمد : لا هذا عشاي انا مرتاح كذا
شجون حاولت تبعده بس محمد تمسك فيها اكثر : خليك شوي من زمان عنك مشتاق لك واليوم زايد حلاك
دق جرس الباب كم مرة
شجون وهيا تبعده وهوا لاصق : محمد الباب محمد بعد روح شوف مين ؟
محمد وهوا متمسك فيها : ترا مالنا احد يزورنا مو مهم وبعدين ما راح اتركك لين اكتفي منك
شجون كتمت ضحكتها بس ضحكت على خفيف : اجل ماراح نخلص اليوم لانك ما تكتفي محمد ما يصير شف من بالباب اول
محمد ذاب من ضحكتها ابتعد بقهر: اعوذ بالله من جاي الحين
يعني ما يصير اتهنى شوي
شجون وهيا تدفه بره المطبخ : وبعديــــــــــــــــــن معك اخلص
وقف على باب المطبخ والتفت لها وانحنى بسرعة ليطبع بوسة خفيفة على شفاتها : راجعلك ومشى بسرعة متوجه للباب
ابتسمت بخفة محمد متحملها بكل حالاتها
مشى بملل وهوا مو طايق اللي على الباب ويتوعد فيه مهما كان
فتح الباب وهوا راح يسب بس فتح عيونه بصــــــــدمة كبيرة : حضرة الرائد
كان واقف قدامه بزي الشرطة الضابط اللي كان مسؤول عن قضية طلال ابتسم : ياخي بلا رسميات وبعدين ناوي تخليني واقف على الباب
محمد ضحك وناظر ساعته : ف احد يجي بذا الوقت يا مقرن
مقرن ابتسم : افا طردة من قبل ادخل وهذا وانا اول مرة اجيك
محمد سحبه وهوا يضمه ويسلم عليه : ما عاش من يطردك وانا موجود البيت بيتك ارحب نورت والله
مقرن دخل معه وصلوا للمجلس جلس وهوا يناظر المكان ابتسم : طمني عن احوالك
محمد : مثل ما انت شايف الحمد لله على كل حال
مقرن : عاد ياخي قطعت فينا كلنا مرة واحدة
محمد تنهد : لا تذكرني بذيك الايام يا مقرن المهم ايش سويت ف طلبي
مقرن سكت وهوا يتذكر اللي صار كيف كل ربعه قاطعوه عشان اللي سواه وزواجه من شجون وتضحيته بكل شئ تذكر الطلقة اللي اخذها بسببها وفواز الزفت تنهد : الموضوع صعب فواز معه حصانة من مسؤولين
محمد فتح عيونه : عرفتوا مكانه ؟؟
مقرن : لا يا محمد تعتقد لو اعرف مكانه كنت بخليه عايش للحين بس جيت ابي اخذ معلومات عن منى بالتفصيل ابي اعرف يمكن حكت لزوجتك اي شئ ممكن يدلنا على مكانها
محمد : ما تركت غير الرسالة اللي عطتك اياها مقرن انا ما بي ادخل شجون ف ذي السالفة ابدا
مقرن : اجل اسألها انت يا محمد انا ما عندي ولا دليل ممكن يوصلني لمنى او لفواز لانه اخذ احتياطاته بقوة ولو كنت مخبرني قبل ما تروح من عندكم كان قدرت اجيبه وقتها
محمد : مادري كيف راح عقلي وقتها
مقرن : صار خير المهم بشرني عنك انت كم عندك ولد
محمد ضحك : ما خبرتك اني عندي بنت اسمها نور
مقرن تذكر وقت زاره محمد بقسم الشرطة : اي صح بس عاد انت جيتني بأخر الدوام وصدمتي بشوفتك نستني كل شئ
محمد : ههههههههههههه عاد اذكر وجهك انقلب الوان من الصدمة
مقرن : اخر واحد كنت اتوقع اشوفه بعدين اعذرني ما شفتك من سنتين يالظالم
محمد تنهد : سنتين ما حسيت فيهم
مقرن : محمد ادري فيك كريم لا تكون تغيرت لما تزوجت وين الضيافة تراني اول مرة ازورك ببيتك محمد لسة بيرد عليه اندق باب المجلس محمد قام : استأذن خذ راحتك ها
فتح الباب شوي وطلع شافها متحجبة وماسكة صينية القهوة والحالي ابتسم
شجون : خذ ضيفه اي شئ شوي دقيقة وبحط العشا
محمد باس جبهتها : فديت زوجتي السنعة بس لحظة ناظرها بنص عين : كيف عرفتي انه واحد ها لا يكون تقطين ؟
شجون : لا بس سمعت صوت رجال واحد ولو كانو كثرة كان صوتكم اعلى من كذا
محمد : تتصنتين يا شجون
شجون كتمت ضحكتها : مو ناوي تدخل لربيعك ولا مطول هنا
سحب الصينية : اوك نتحاسب بعدين
شجون باست خده بسرعة : اوك ادخل
دخل لمقرن وهوا يضحك بقوة
مقرن : شفيك شاق الحلق كذا
محمد صحى : لما تتزوج راح تعرف يالعانس صدق مو ناوي تتزوج كل الربع تزوجوا ما عداك
مقرن ابتسم : لا ياخوي انا كذا مرتاح الزواج مسؤولية
شوف معاذ حاله مقلوب من تزوج وانت
محمد قاطعه : وانا شفيني
مقرن ناظره : يعني مو ندمان زواجك ما اشتقت للعزوبية
محمد ابتسم : ابدا الزواج رااااااااحة حلو انصحك فيه بس بشرط محتاج تصبر وتفهم زوجتك اذا فهمتها راح ترتاح وراح تلاقي بيتك مثل الجنة
مقرن : سبحان الله حالك مختلف عن حال الربع كلهم يحسدوني على راحتي الله يهنيك
حط الصينية قدامه وهوا يمقرن وهوا يلتقط قطعة حالي ويصب له قهوة : من وين جايب ذا الحلا ؟؟
محمد ابتسم : عجبك خذ بالهنا والشفا
مقرن : ايه والله يجنن من وين جايبه
محمد : شجون ما ترضى اشتري حالي هيا اللي تسويه بيدها
مقرن برجاء وهو قرب يخلص الطبق : اجل وانا اخوك ابي منه وانا طالع
محمد ضحك عليه : ابشر
.................................................. ........
ف الشرقية بالمدرسة
وخصوصا بالفصل
كانت جالسة بضيقة وهيا تناظر ساعتها تبي الحصة تخلص بأي طريقة ذيك المدرسة ما تفهم منها شئ عقدتها بالمادة لمحت ورقة انرمت عليها التقطتها بسرعة وهيا تفتحها عقدت حواجبها باستغراب ( آسفــــــــــــــــة ) لفت وجهها ليطيح وجهها على ذيك البنت اللي تضاربت معها ثاني يوم وتسببت برفدها ظلت تناظرها فترة وصحت على صوت الاستاذة : رغد ترا السبورة هنا مو بوجه دينا كل البنات ناظروا رغد بهدوء
رغد لفت على الاستاذة وهيا تبتسم ببرود : سوري استاذة فاطمة
الاستاذة : مو مهم عاد حنا وين كنا اي وكملت شرح على السبورة المعادلة الرياضية
نوف همست بأذنها : شفيكي ؟؟
رغــــد بنفس الهمس : البنت شكلها انهبلت والله فصلتها وتعتذر مني ؟
نوف كتمت ضحكتها : تعتقدين خاقة عليك
رغد : اقول انطمي لوعتي كبدي انا بس ستايلي بوي بس مو حياتي
التفتت عليهم الاستاذة : وبعدييين معكم يعني ما راح تسكتون وناظرت رغد
رغد وقف وهيا تشمر اكمامها : قبل تطرديني انا طالعة
استاذة رفعت حاجب : اقول اجلسي بلا هذرة وكملي باقي الحصة على خير
رغد جلست بطفش
انا الاستاذة تنهدت ما تقدر تتكلم رغد ابوها اغلب اسهم هالمدارس هوا ممتلكها
كلها دقايق وصفر الجرس على بداية البريك رغد صارت تطبل على الطاولة بسعادة
ونوف تغني
: اغنية انت معلم لسعد المجرد
انت معلم واحنا منك نتعلم نسكت وانت موجود ما نرضى نتكلم
انت معلم وصار الطقاقة وسالين وزينب كانو يرقصون وهما يضحكوا
نوف نكزت رغد وهيا تاشر بعيونها على دينا اللي متوجه نحوهم
رغد فهمتها بس سفهت وظلت تطبل
دينا وقفت قدام رغد بهدوء : رغد
وقف الكل هما يناظروها
رغد : هلا ؟
دينا ابتسمت بخفة بس هذا زاد من حيرة رغد اكثر يعني صراحة لو هيا صار فيها اللي سوته ف دينا ما راح تسكت ابدا : بس حابة اعتذرلك عن اللي قلته عن راشد والباقي انا بس كررت كلام البنات
انا ما احب احد يكرهني او اسوي عداوة مدت يدها : اصدقاء
رغد ناظرت نوف اللي عوجت فمها بعدم فهم والكل يناظرها
رغد رجعت تناظر دينا ومدت يدها بخفة : اصدقاء
مشت دينا وهيا تطلع من الفصل وبدوا البنات يغنوا ثاني بس رغد حست بضيقة او خجل من حالها يمكن عشان هيا خطت ف حقها وبرغم كذا البنت هيا اللي اعتذرت
نوف همست لرغد : نايف خبرني انه بالشرقية وانه راح يتقدملي قريب بس مستني ابوي يرجع من السفر
رغد : طيب
.................................................. ...
كانت متمددة على الكنبة وتقرأ كتاب ومنسجمة فيه اعجبتها المقولة وصارت ترددها مرتين وهيا تتذكر بعض الروايات اللي كانت تبكيها لانها لمست جزء من حالها
يحدث أحيانا أن تقرأ شيئًا يشبهك كثيرًا, حد الألم، أن تكون الكلمات بمثابة ذاكرة إضافية تندمج مع ذاكرتك، لتُنجِب لك الماضي كأنه واقع يمر أمام عينيك من جديد !! قطع عليها تركيزها
وهيا تشوفه طالع من غرفة التبديل
وهوا يضبط بدلته الارماني البيضا والقميص الاسود
وقف قدام التسريحة وهوا يسحب عطره ويتعطر
كانت تراقبه بهدوء وهيا تشوف يتعطر بأناقة عمرها ما شافت احد يتعطر بنظام مثله كان يرش العطر على مناطق النبض بالتساوي والترتيب لف شافها سرحانة فيه رفع حاجبه وهوا يناظرها
انتبهت كيف يناظرها ابتسمت بهدوء بنغمة رقيقة تقريبا كانت متعمدة تنطق حروف اسمه بهالاسلوب : ريـــــآاآان
ريان عطاها ظهره وهوا يلبس ساعته وهوا مستغرب من هالرقة المفاجئة : ايش تبين يا جوري مو لايق عليك هالاسلوب معي
جوري اتسعت ابتسامتها وتنهدت : زين لاني مو متحملة الصراحة المهم ابي اطلع السوق اليوم وانت حابسني
ريان كتم ضحكته على اسلوبها جد فعلا هيا تكرهه بس يبيها تتوسله : واذا قلت لا
جوري فتحت عيونها وسكتت بقهر : يعني لمتى تظل حابسني
ريان ببرود : لين تتعلمي كيف تحترميني وتفكري بدل المرة مليون قبل تسوي اي شئ
جوريوهيا تتذكر ان اليوم مرة مهم لها تنهدت امرها لله خلها تعتذر الحين لتسوي اللي براسها وتنتقم بعدين : بلييييييييييييييييز ريان وافق والله اسفة وربي مو متعودة اجلس كذا راح اموت بلييييييييييييييز وااااااااافق
ريان تمنى انه يصورها بهاالحالة وهيا تترجاه كتم ضحكته جوري اليوم مو طبيعية لطيفة ؟؟ الله يستر مو مطمن لها
ابتسم : اوك موافق بس بحراستي وتدرين يا جوري اذا لعبتي بذيلك
جوري نقزت بفرحة وبطفولة كانها ربحت جائزة : ييييييييييس واخيرا
سكتت وهيا تشوفه يضحك ثاني عليها تكره ضحكته لانها تأثر عليها تحس انها راح تذوب من جمالها ضحكته تعطي الواحد امل بالحياة
مفروض اذا ضحك تصوره هاذي لحظات نادرة ركضت تلبس لتطلع اما هوا شغل الهيد فون (سماعة البلوتوث ) : هلا جاسر تغيرت ملامحه : كيف ما تحسن والدكتور قال ان العملية نجحت
كيف راشــــد ما يستجيب للعلاج ............. خلاص خلاص انا بروح الحين وانت خبر فهد يحضر الاجتماع بدالي
سكر الا ويرن الجوال ثاني رد بعجلة وهوا يطلع : ايش تبي ثاني يا وجه البومة ..........حسام ......متى طلب الاذن لا عطله لاقصى وقت لين يرجع راشد للمصحة تنهد بضيق وهوا يسكر
تذكر كلام اسراء له وهيا تحكيله كل السالفة بعد ما تم القبض على مشاري يوم تهجمه على الجوري طلع برة جناحه وهوا متوجه للمستشفى
.................................................. ......
وقفت لتناظر الشقة جلست على الكنب والذكريات تلف حولها تذكرت كل اللي صار امس
: انتي متزوجة ؟؟؟ كذااااااااااااااااااابة كيف متزوجة مين راح يقبل يتزوجك كذا
رهف ناظرته كلمته جرحتها اكثر قالت ببرود : اي متزوجة ما صارلي كم يوم هوا ما يبي مني شئ بس يساعدني عشان كلام الناس
طلال عصب اكثر وطرا على باله تركي : تركي ؟؟؟ مستحيييييييييييييل بلا كذب لا اكيد هذا الكلام ما يخش الراس ابد
حاول يتمالك اعصابه : اسمعي يا رهف انتي لي فارس ونور ما احد مسؤوول عنهم غيري ما يهمني اللي راح لو متزوجة بتطلقي انتي مو لحد غيري فاهمة تحسبيها انانية تملك اي شئ مو همني غير انك بتقومين وتمشين معي الحين ولي حساب مع تركي
دوري كذبة اصدقها عيونك كاشفتك
رهف تراجعت لورى شوي وهيا ساكتة حتى ف الكذب فاشلة : انا ما اكذب
طلال : الا تكذبي مشى باتجاهها : انتي مو متزوجة
رهف : الا متزوجة
طلال صرخ وهوا يناظرها : تكــــــــــلمي متزوجة
رهف هزت راسها بالنفي وهيا خايفة من شكله خافت ليضربها للحظة وهيا مو متحملة اي ضرب ثاني نست انه طلال اللي ف حالتها واللي صارلها فاقد الثقة حتى ف نفسه : لا مو متزوجة
طلال بعصبية :اجل امشي معي بالذوق لا تخليني استخدم القوة مو مستعد اضيع مستقبل طفلين بسبب غباءك تحرررركي
رهف دخلت بسرعة وكلها دقايق كانت ف السيارة معه مع نور وفارس وهيا داخلها سعادة على الاقل بفرحة الطفلين
هالانسان تعشقه
صحت من ذكرياتها على صوت دق الباب
عدلت جلالها وهيا تلبسه قامت وهيا تناظر من العين السحرية شافت طلال فتحت الباب بهدوء ما تكلم معها : تفضلي دكتورة لمى دخلت لمى وهيا مبتسمة
رهف ناظرته باستغراب
لمى : كيفك رهف
رهف ابتسمت : الحمد لله بخير
طلال همسلها : نور وفارس نايمين
رهف هزت راسها بايه
طلال : من بكرة راح يرجعون للمدرسة
الحين دكتورة لمى آمانة حافظي على زوجتي وطلع
رهف فتحت فمها بصدمة وهيا تناظره يغمزلها ويمشي مجنوووون لا مو معقول كذا ببساطة حتى ما سألها
لا ما راح تقبل يتزوجها كذا هيا ما تستاهله ابدا ابدا
ناظرت ف عيون لمى غيرة هيا تقرأ العيون زين لمى : رهف تجهزي راح اخذك للعيادة
.................................................
كان جالس ف المكتب رفع الجوال فتح عيونه بصدمة وهوا يسمع الخبر : كيف يعني السيارة مو متوجهة للسوق يعني وين راحت اقلبوا الدنيا ولاقوها
......................كيف اختفت منكم
.......................تلاقوها يلا ولاد######## اجل ليش موظفكم
..................................................
واقفة ف المجلس بملابس المدرسة وهيا رافعة حاجب وعلى وجهها علامات الصدمة يعني مو كافي الدراسة اللي تلوع الكبد وعلمي وقرف الحين جا ابوها ليصدمها
: كيف ملكتي على حسام بعد اسبوع ؟
ابوها وهوا واقف ببرود : مثل ما سمعتي
رغد : بس
ابوها بحدة قاطعها : من حقه الرجال يطلب ذاك الطلب وانا عطيته كلمة واحمدي ربك اني ما خليته يملك اليوم وتراني للآن يا رغد
ساكت على تصرفاتك وعاذرك لاننا اللي خطينا بحقك من الاول
رغد ناظرت امها شوي و طلعت ركض لغرفتها
دخلتها وهيا تغالب دموعها مسكت الجوال وصارت تدق على اسراء مرة ثنتين ثلاث لا مجيب
رمت جسمها على السرير مسكت ترن على ريان ما رد عليها
صارت واقفة مذهولة ما تدري ايش تسوي لالالا ما راح تكمل لازم تكشف الحقيقة بأقرب وقت
........................................
ابتسم بخبث وهوا يمشي من بكرة راح يبدأ تنفيذ خطته من بكرة راح يمسح اسم البدر من الوجود
: شاطرة يا شوق فعلا شاطرة
غبية يا لين ما تعرفين ايش جايك
نهاية الفصل الرابع والعشرون
ف البارت الجاي راح يبدأ تغيير لكل الاحداث من اول كريم حتى راشد راح يبدأ يظهر حسام رغد نوف نايف
حتى عهود فتون وحياة رهف كلها تولين وتركي اتمنى هذا البارت يعجبكم بس الصراحة هوا احداثه مو كثيرة لا احد ينصدم بس