عرض مشاركة واحدة
قديم 11-11-15, 05:43 PM   #26203

mona mohamed

نجم روايتي و كاتبة في قسم قصص من وحي الأعضاء وفراشة متالقة بعالم الازياء الاناقة

 
الصورة الرمزية mona mohamed

? العضوٌ??? » 162860
?  التسِجيلٌ » Mar 2011
? مشَارَ?اتْي » 3,165
? دولتي » دولتي Egypt
?  نُقآطِيْ » mona mohamed has a reputation beyond reputemona mohamed has a reputation beyond reputemona mohamed has a reputation beyond reputemona mohamed has a reputation beyond reputemona mohamed has a reputation beyond reputemona mohamed has a reputation beyond reputemona mohamed has a reputation beyond reputemona mohamed has a reputation beyond reputemona mohamed has a reputation beyond reputemona mohamed has a reputation beyond reputemona mohamed has a reputation beyond repute
افتراضي

حتومي فتى الاحلام
راجل بمعنى الكلمة ... كنت الاول مش بحبه لأن حسيت كانه بيسرق حاجة مش من حقه لكن بعد لما اتجوز كرمة وشوفت معاملته ليها وصبره عليها قدرته واحترمته وحبيت مراعاته لكرمة وخوفه عليها او بمعنى اصح خوفه من فقدانها
لكن غصب عنه غيرته من محمد او من حب كرمة لمحمد خلاه يعاملها بحرص شديد وكأنه خايف تفكر في التاني فاحتل مشاعرها وخلاها تعمل كل حاجة نفسها فيها من غير قيود لحد لما جت على دماغه
اما المشاهد الرومانسية بينهم بجد وهم اكتر ثنائي بحب استنى مواقفهم بتحسسني كدة بحاجات الواحد مفتقدها يلا الحمد لله هههههههههه
نيجي لوليد وبشرى الثنائي المحطم
بشرى بنت ظروفها كانت مأساوية بداية من نشأتها كلقيطة ورؤيتها لأمها من بعيد وازاي كان شكلها شمال خلاها تحس انها حقيرة واقل من اي بني ادمة والي زود احساسها ده انها كانت بتتعرض لشيء اسوأ من الاغتصاب وهو التحرش بيها على مدار سنين طويلة من واحد عديم الضمير استغل بنت صغيرة وضعيفة ولقيطة عشان نذواته القذرة
طبيعي بنت بالنشأة دي هتكون مختلة مش اهانة ليها لكن الاختلال في التصرفات وفي التعامل ... بشرى لجأت للزواج عشان تثبت لنفسها قبل العالم انها محترمة فاتجوزت بدل المرة تلاتة واستحملت المر وشافت كتير اوي اول حاجة اجهاض طفلها من غير علمها وجه زوجها التاني عاملها زي بنته لكن رماها من غير ميفكر فيها لانه حس انه خسر ام اولاده وزوجها الثالث كان سادي حقير استمتع بتعذيبها لحد لما ظهر وليد في حياتها وقلب الموازين
خلاها تكتشف نفسها وتقيم تصرفاتها وافعالها الى كانت من وجهه نظرها صح
بشرى شافت انها سبب في عذاب وليد مش هو عذابها وايقنت في النهاية انها لازم تتغير لأن الرابط بينها وبين وليد اصبح قوي بعد حملها الغير متوقع فقررت تحاول تبقا ام كويسة لابنها وتبدا حياتها من الصفر واحترمت فيها كدة وحسيت ان معدنها اصيل بالرغم من شكلها الى يوحي بعكس كدة وبجد كانت صعبانة عليا جدا طول الفصول ومقدرتش اكرهها لان عمري مهتخيل بنت بنشاتها هتكون عاملة ازاي
وليد
حسيت انه اناني جدا سواء مع بشرى او مع لجين لكن في نفس الوقت حسيت انه راجل جدا لأنه بعد لما حب بشرى واكتشف حقيقتها مقدرش يسيبها في القذارة الي هي فيها واخدها البيت بتاعه واتجوزها عشان تكون قدام عينه وعشان يبعدها عن الحياة الي كانت عيشاها وفي نفس الوقت عشان ينتقم لكرامته بعد لما اهانتها بخداعها ليه وكذبها من اول مرة شافها فيها
وليد عاملها في البداية بحقارة شديدة وكان بضربه ليها كأنه بيفرغ شحنات الغضب جواه لحد لما الغضب بدا يقل شوية بشوية وبعدين اتحول لنفور شديد وبعدها اتحول لحنين ... حنين للبنت المجنونة الي حبها وزاد حنينه بعد اكتشافه لمرضها واهتمامه الزايد بيها الي جرحها ووجعها فحست انها ظلمته وانها متستحقش منه كل ده ... النهاية برأيي كانت مقنعة جدا انها بدأت مشوار التغيير وانها تكون انسانة قوية ومحترمة بعملها في معرض وعد واهتمامها بدراستها وفي نفس الوقت ابتعادها عن وليد خلاه يحس قد ايه هو مفتقدها وبيحبها وميقدرش يستغنى عنها بالرغم من ماضيها الاسود
لجين بنت جميلة ورقيقة وعاقلة ... قدرت بنظرتها انها تشوف ان بشرى انسانة كويسة وتصارحها بمشاعرها وبسرها الكبير... حبيت علاقتها بطارق وحبهم البريء وفرحت انهم اتخطبوا في النهاية
ملك ورائف
ملك او رابونزل حبيبتي ... حبيت جدا رقتها وشجاعتها ... حبيت حبها الرقيق للغريب الي وقف جنبها في اكتر وقت كانت وحيدة فيه ومجروحة وبتحارب لوحدها لقت قدامها فارس من زمن قديم او من كوكب تاني مفيش في رجولته وشهامته حتى مع زوجته الاولانية الى كان عارف انها مش بتحبه بالرغم من كدة حبها وفضل جنبها لحد اخر نفس في حياتها ... ملك كانت بقلبها الصغير فاكرة انها اذنبت في حق شادي عشان كدة زعلت عليه جدا وكأنه معملش فيها حاجة ... قدرت تلاقيله مبرر لأفعاله معاها ... واصرت تاخد ميراثها عشان فاكرة انها بكدة هتحارب الي دمروها ... ملك حبت رائف لأنه كان لأخر لحظة جنبها قالها ثقي فيا فوثقت فيه ثقة عمياء ومخذلهاش ابدا ... رائف حبها بالرغم من انه عارف الي حصلها لكن اتقبلها مش بسبب انها جميلة لكن عشان حس انها طفلة صغيرة تايهة ومحتاجة حد يراعي رقتها وعذوبتها فحاول يعيشها عيشة اميرات ... حياة وردية من غير حزن ولا دموع عشان كدة اتصدم من الوجه الاخر للبراءة لما اتهمته بانه كان جزء من خدعة كريم فحس وقتها انها مش بتحبه وموهومة بشهامته معاها وبس فاختبرها بسفره فاذا راحت وراه تبقا بتحبه بجد مع ان المفروض واحد عليه قضية يتمنع من السفر بس يلا رائف العسل مفيش حاجة توقفه
يوسف وورد بجد كنت هزعل جدا لو سافرمن غير لما يتجوز ورد بجد مواقفهم زي العسل وحسيتهم لايقين جدا على بعض ده غير موقف دخوله بيتهم عشان يخطب وعد خرج منه خاطب ورد كان موقف فظيع فضلت اضحك شبه المجنونة دع غير يوم الخطوبة والفستان البرتقاني كان هاين عليا انطلها من الشاشة واقولها اقلعيه بس يوسف فاهمها فلبس زيها كرافت بورتقاني هههههههههههه
ميساء حقيرة جدا ... مش مبرر عشان حاسة بكبت واهمال تعمل كدة وتستخدم الطرق القذرة دي سواء مع كريم قبل كدة او مع سامر انا من نظري ميساء مش محترمة ومش ضحية وخسارة تكون اخت رائف
عاطف راجل زي العسل ... صعب عليا جدا بسبب وحدته بعد موت بنته لكن ملك الجميلة جددت حياته زي معملت مع رائف وياريت يسكن مع رائف وملك ويسيبه من ميساء الحقيرة
وفي النهاية
احلى حاجة في شخصياتك يا تيمو انك حكيتي معاناة اربع بنات وولد
تربية ملاجيء وصورتي ايه الي ممكن الايتام يتعرضوله في الحياة
وعد نشأت تحت ايد اب ظالم علمها القسوة لكن قدرت تخرج معدنها الاصيل من جواها وتساعد كتير غيرها
ملك حاربت عشان تعيش في حياة وردية صنعتها لنفسها وكانت فاكرة ان العالم جميل وسط الروايات والورود الجميلة لكن اتصدمت صدمة عمرها مع حب طفولتها لكن عوضت تجربتها بحب رائف
كرمة لولا وجود محمد في حياتها يمكن كانت ضاعت عشان كدة طول عمرها هتفضل مديوناله بده ووجدت السعادة اخيرا مع حاتم وطفلها ودراستها
بشرى حياتها كانت تشبه حياة فتيات الليل لكن تحت اطار شرعي فكانت تبيع جسمها لمن يدفع اكتر لحد لما لقت وليد الي حطم كل شيء قذر جواها وخلاها تتغير عشان تكون انسانة محترمة
واخيرا كريم الي كان ضحية يمكن هو كان مختل لكن شيء اكيد انه كان بيحب ملك بطريقته لكن احساسه ان الاسم الاسم الي عمره مكان يحلم بيه هيضيع منه خلاه يتحول لندل لكن في النهاية كريم ضحية مجتمع فاسد ورجل كل همه الفلوس مش مهم ان في طفل صغير يكون لعبة في ايده
واخيرا شكرا تيمو على الرواية الواقعية جدا والجميلة جدا واتمنى ترجعلينا برائعة اخري زي دي وتبهرينا كعادتك
شكرا بجد وتقبلي تعليقي المتأخر


mona mohamed غير متواجد حالياً  
التوقيع
رواية جراح الماضي
الفصل الاخير
رد مع اقتباس