شبكة روايتي الثقافية - عرض مشاركة واحدة - اصحى يا نايم،، وحّد الدايم.... رمضان كريـــــــــم ♥

بسم الله الرحمن الرحيم
السلام عليكم ورحمة الله وبركاته

يا ليلة العيد آنستيــــــــــنا وجددتِ الأمل فينــــــــا يا ليلة العيد

بتقولوا إيه؟؟ مش العيد!!!!!!!!!!
خلاص يا جدعاااااااااااان، والله من الحماس بس مش أكتر... متحمسين بس للمّة الحلوة والصحبة اللي متتعوضش

<< ناس طيبين أوي يا خال

بلاش العيد، احنا نركز في رمضان

رمضان جانااااااااا وفرحنا بُــــــــــه بعد غيابُـــــــــه وبقاله زمان
غنّوا وقولوا، شهـــــر بطــــــــــــــوله... غنّوا وقولوا: أهلاً رمضان!!

يلا يا جدعان كل واحد ومعاه فانوسه بقى وحاللو يا حاللووووووو

رمضان كريــــــــــــم وكل سنة وأنتم طيبين يا شعب روايتي
ربنا ينعم علينا كلنا بالبركة بحق الشهر الفضيل وينعاد عليكم بالصحة والسعادة والسلام
يلا كل المتخاصمين يتصالحوا واللي مقصّر في حق ربه يبدأ يلتزم، واللي مفتقد حد يقوله إنه مشتاقله وبيحبه... واللي لسه مقاليش وحشتيني وأخدني بالحضن:

قلبي وصوابعي غضبانين عليك

خلاص من غير زقّ، ولا زقّوا.. عادي أنا ولا بيهمني

جايين نقدملكم النهاردة فعاليات قسمنا لرمضان السنة دي
طبعاً عارفين إن كل رواياتنا بتتوقف طوال الشهر... لكن ده لا يمنع أبداً إننا نستمتع بيه ونحتفل بيه بطريقتنا فيما لا يشغلنا عن آداء واجباتنا تجاهه
وأكيد كلكم عارفين برضه شعار قلوب أحلام في رمضان، في ظلّ الظروف اللي بتمرّ فيها الدول العربية خلال السنوات الماضية، ولأننا نقدّر حجم المشاعر التي يعيشها كل واحد منّا همّاً وحزناً لأي سبب كان

شعارنا هو هاكونا ماتاتا

يعني لو أنتم عايشين هموم الدنيا وشايلينها فوق دماغكم، افتكروا وأنتم داخلين من باب القسم تسيبوها برا

فعالياتنا كلها كما عوّدناكم خفيفة كوميدية لا تخلو من بعض النصائح بس الأكيد إنكم لما بتتابعوها دايماً بتضحكوا، والسنة دي لا تختلف كثيراً في هدفها عن السنوات الماضية لكن أكثر بكثيييييير يعني ضعف الحجم، ضعف الطعم، ضعف التأثير

إن شاء الله ربنا يقدرنا ونقدملكم حاجة تسعدكم وتضحككم لحد ما نَفَسكم يروح

فعاليات قسم قلوب أحلام لسنة 1437 هـ
وطبعاً من البداية نشكر كل المدققين والمصممين وكل من ساهم في خروج الفعاليات دي ^^

[1]
// قصاقيص حب //
فكرة وتنفيذ الرائعة: اسفة

الرابط // https://www.rewity.com/forum/t346311.html

وأخيراً آن أوان نزول الحلقات التي لطالما انتظرناها نحن قبلكم، وصاحبة الأفكار الجهنمية كالعادة.. بعدما استلمنا الكثيييييير من إبداعاتكم سيتم بإذن الله نزول القصاقيص تباعاً
** كل يوم من شهر رمضان في تمام الساعة الواحدة ظهراً بتوقيت مصر**

[2]
// ثورة رسمية في النسائية //
للرائعة: Just Faith

الرابط // https://www.rewity.com/forum/t350859.html

بعدما أبهرتنا وفطستنا من الضحك في [هيام في برج الحمام]، تعود إلينا بثورة جديدة من نوعها، وهي ثورة الكوميديا حيث سنشاهد جنون (رسمية) وثورتها في قسم النساء والتوليد!
** كل يوم جمعة في تمام الساعة الثالثة بتوقيت مصر**

[3]
// زبيدتي //
للرائعة: حكايا شهرزاد

الرابط // https://www.rewity.com/forum/t350854.html

وتأخذنا الجميلة حكايا شهرزاد في رحلة تتعدى حدود الزمان والمكان لنعيش معها قصة حب من زمن لم نعشه قبلاً لكننا دوماً كنا نتحرق شوقاً متخيلين أدق تفاصيله وكيفية الحياة به
** كل سبت واثنين وأربعاء في تمام الساعة الخامسة بتوقيت مصر**

[4]
// أم أربعة وأربعيـــــ44ــــن //

الرابط // https://www.rewity.com/forum/t350706.html

متحاولوش تفكروا فيها كتير لأنه محدش هيوصل لفكرة الفعالية

عموماً هي فكرتها سهلة جداً، كوميدية لأقصى حد وطبعاً Just Faith هي صاحبة الفكرة بكل ما فيها، ولهذا أتركها تقدمها لكم ولا يسعني سوى أن أتمنى لكم رحلة سعيدة وضحكة حلوة

** كل أحد وثلاثاء وخميس في تمام الساعة الخامسة بتوقيت مصر (أو حسب الحلقات)**

[5]
// سلسلة قصصية //
للرائعة: noor1984

وتعود نور وتتحفنا بإحدى إبداعاتها في بضعة قصص، أكدب لو قلتلكم أعرف محتواها، لكن أكيد أعدكم إنه هتقروا حاجة روووووووووعة لأنه أصلاً مش بيخرج من تحت إيدين نور غير الحاجات التحفة اللي مفيش زيها

[6]
ويبقى أنا!
إيه يا جدعان؟ مش لازم أشارك أنا كمان ولا إيه؟؟ بلاش اضطهاد بقى ههههههههههههههه
أحب أقولكم افتتحنا ركن جديد في فعالياتنا وهو ركن الألعاب، مين منكم نفسها تروح الملاهي ومفكرة إنها كبرت عالجنان بتاع الملاهي؟؟ مين نفسها تنزل الشارع تلعب الأولى وصلح واستغماية لكن نقول إيه بقى عالزمن اللي بيسرقها المتعة دي!!!

ولا يهمك، حلّك عندنا.... كريم أسمنتيكو لعلاج..... << أوباااااا قلبت مني فاصل إعلاني صح؟؟

نرجع لموضوعنا، فكرت وقلت في وسط كل النكد اللي الواحد بيحسّ بيه، لازم حاجة تفرفشه وتزقططه كده.... عيييييييييييب يعني تروحوا لحد يزقططكم غيري؟! مستحيــــــــــــل!!!!

من غير ما تروحو ولا تتعبوا نفسكم، قلنا نجيب لكم إحنا الملاهي لحد عندكم ونبدأ إحنا ألعاب دورة رمضانية خاصة بينا (مالناش دعوة ببتوع الكورة الشراب

) ونفتح إحنا سايبر على قدّنا كده نلعب فيه زي ما احنا عايزين

ولهذا..... تاتاتاتاااااااااااااااااا ااام، أقدملكم ألعابنا دورتنا الرمضانية هذه السنة وسلسلة ألعابنا هتسير على النحو التالي، كل أسبوع لعبة جديدة وفي نهاية كل لعبة يتم حساب النقاط حتى تنتهي الألعاب ونعرف مَنْ الفائز

الأسبوع 1 // لعبة الكلمات المتقاطعة

الرابط // https://www.rewity.com/forum/t350969.html

حيــــــــلك حيلك، أنتِ يا بنتي ياللي خارجة!!
أنتِ مفكرة بجد هنلعب الكلمات المتقاطعة اللي في الجرايد دي، ده أنا أقتل نفسي قبل ما واحدة فيكم تتهور وتعملها

متقلقوش يا جدعان، الكلمات المتقاطعة بتاعتنا غيييييير وإن شاء الله تعجبكم

الأسبوع 2 // الشاويش رمضان
(بس بيننا وبين بعض قولوله عمّ رمضان.. هو مسامح

)
وبس!
مش هأقول عنه كلمة، وقتها تبقوا تعرفوا بقى

الأسبوع 3 // استغماية

هأفسر فيها إيه دي؟!
برضه لما يبقى ييجي آوانها نبقى نشوف هتستمتعوا بيها ولا إيييييييييه؟ ولا حاجة.. عندك شك!

الأسبوع 4 // هتكون اللعبة مفاجأة، مش بس ليكم وإنما لينا احنا كمان...
أيوااااا ما هو أصلكم مش فاهمين، إحنا هنجمع النقاط من الـ3 ألعاب اللي فاتوا والفائز من بينهم كلهم هيكون عليه يختار اللعبة اللي هنلعبها الأسبوع الرابع، لعبة بقى من خياله.. لعبة قديمة وإحنا نعيد تقديمها... اللي يعجبه وقبل ما أي حد فيكم يهرب، والله هنستمتع جداااااااااااااا ونلعب ونزقطط وهيبقى رمضان كوميديا غير شكل يعني لا هروب!! هأجيبكم من تحت سرايركم واحد واحد

فنستسلم من أولها ونرفع الــ

وبس كده، هأجيب أسابيع تانية منين هههههههههههههه
وطبعاً هنباشر بأول لعبة من بكرة، كل يوم بعد الإفطار مباشرة تكونوا خلاص فطرتوا ومفيش حد فيكم مجهد ويكون فيكم حيل تلعبوا هههههههههههههه
*****
كده انتهينا أخيراً من سرد فعالياتنا، نتمنى من كل قلوبنا تعجبكم وتتفاعلوا معاها بالشكل اللي تستحقه ونرجع ونقول أهم حاجة ضحكتكم وفرحتكم

كل سنة وأنتم طيبين مرة تانية يا بنات وياااااااااا رب كل عام وروايتي يجمعنا بمودة وأواصر ثقة ومحبة لا تنفصم

مع تحيات مشرفات القسم
[Andalus, Just Faith, Noor1984]