------------------------------------البارت الثالث-------------------------
كان الكل فرحان بردة الغالي طول عليهم في غيابه مو مصدقين رجوععه
الجده0000هلا بعيالي هلا والله فيكم نورتو بيتي
ابوفهد0000هلا فيج يالغاليه الله لايحرمنا منج اشوفج شاقه الحلج من الوناسبي
الجده0000شلون ماافرح ظناي اللي قطعه مني بيرجعلي ويعيش عندي منفارقني 30 سنه ماذقت طعم الراحه
خديجه0000كله من بنت ابليس اللي اخذت اخوي الله لايوفقها
ابوفهد0000خلاص ياخديجه راحت في حال سبيلها اهي وبنتها لا عاد تطرينهم في خير ولا شر المهم اخونا يرجع لنا ملينا من غيابه عن
الجده0000اي والله يمك مابي فراقكم عني ابي المكم حواليني مثل ماكنتو صغار ابيكم بحظني انتو وعيالكم الله لايخليني منكم
ابوفهد000راجعه هالايام يما ان شاءالله وكلنا بنلتم حوالينك ولا نفارقك لا شيخه وينها ماشوفها
الجده0000مستانسه بردة اخوها راحت ترتب غرفته ماتدري شتسوي من الفرحه
ابوفهد الله يديم فرحنا يالغاليه
اسمعو صوت جرس الباب يدق طلع ابو فهد يبي يشوف منو لا بزوج اخته خديجه عايد
ابو فهد 000هلا والله بالنسيب اقلط وانا خوك بالدوانيه
ابو راشد0000الله محي اصلك هلا فيك انت يابو النسب بس اسمحلي ابي اسلم علي عجوزك اللي هي ام زوجتي قبل لا يجون خواتك وماتخليني ادش لها
ابوفهد0000اجل انطرني خلني اخذلك درب دخل داخل الصاله وكلم امه ترى ابو راشد بيدخل يسلم عليج
الجده000خله يجي البيت بيته وانتي ياام راشد جيبي القهوه لرجلك وبلغي شيخه انه رجلك في الصاله
ام راشد \0000ابشري يمه
راح ابو فهد للدوانيه وندا ابو راشد يدخل داخل البيت عشان يسلم على امه حياك تفضل خالتك تنتظرك اسهمك مرتفعه
ابوراشد0000هههههههه لا تضحك علي والله ان عبيد اللي اسهمه مرتفعه وانا وانت اسهمنا نازله
ابو فهد00000ههههههههه والله انك صادق اليوم ماراح تسال عنا ولا تدري عن هوا دارنا بس خلها على ربك
ابو راشد00000الله يفرح قلبها من مزمان مافرحت من راح وهي نست طعم الضحك
وصلو عند باب الصاله وصوت ابو فهد بصوته اللي يهز البيت هز درب درب النسيب وصل
الجده0000حياك الله يابو راشد البيت بيتك يمه
ابوراشد0000الله يحيك يالغاليه ويديمج فوق روسنا
دخلت عليهم ام راشد وهي شايله القهوى سلمت على رجلها
علق عليها ابوفهد0000ام راشد جايبه القهوى والحلا بنفسك ولي قلتلك ابي قهوى طرشتي شيخه عشان حبيب القلب قمتي
ام راشد0000ماتت على نفسها من الحيا انا جبته لجية اخوي مولرجلي
ابوراشد000يعني بعتيني عشان اخوج
ام راشد000والله مابيعك انت ابوعيالي وخواني في قلبي بختصار كلكم غالين
ابوراشد000انتي راس المال يالغاليه وماعليج من كلام العذال يقصد ابو فهد
ابوفهد000الله يخليكم لبعض ولا يفرقكم ويحنن قلب ام فهد علي
الجده 0000من كل قلبها اميييييييين
في اللحظه هذي دخل عليهم فهد ومشعل وحمد اتجهو صوب جدتهم حبو راسها وسلمو على عمته ورجلها وقعدو يتقهون
الجده000شلونك يافهد وينك ماتبين عسى المانع خير
فهد000العذر والسموحه منك والله اني مقصر بحقك بس من سويت هالشركه والله اني بتلشت بلشه
الجده0000مواحسلك لو انك مشتغل باحد هالوزارت كان مرتاح الحين
ابو فهد0000والله اني قايله بس اللي مايطيع يظيع ولدي هذا عنيد من بد عيالي
فهد000افا يبا كل هذا في قلبك وانا اقول ابوي يحبني بس طلعت انت وجدتي تحاربني قعد يقلب وعيونه كنه بريء
ابو فهد0000 تدري انت وخوانك غلاكم بقلبي محد يزايدني عليه وقول خل عنك هالسوالف امك وينها
فهد0000دخلت هي وهديل داخل الا شلونك عمي ابوراشد عسى مريم مو مجننتكم اختي وعرفها علمني وبشر باللي يسرك
ابوراشد000لا والله شلون تطلع عوبه وانت اخوها وبوها هادي والنعم في تربيتكم
الجده0000وانا شهدنها تربية ابوها ماتطلع العيبه منها
ام راشد000اي والله يمه ومها ونعم فيها نعم الام الصالحه
حمد000اشوفكم تمدحون بفهد ومريم والباقي مالهم رب
الكل ضحك على كلام حمد
ام راشد000ونعم في عيال ابو فهد ماعليكم قصور كلكم زينين رن تلفون ام راشد طلعة بالحوش تبي تكلم بنتها
ام راشد000هلا شواقه
شوق0000هلا فيج يمه انتي وينج حنا داخل عند عمتي شيخه مالقيناج
ام راشد 000عند جدتج بصالة الضيوف خالج وعياله وبوج هناك
شوق0000خالي وعياله وفهد جا معاهم
ام راشد000اي فهد هنيه شعندك تسالين عنه
شوق000عادي استال عنه له اسبوع ماجه شعنده جاي
ام راشد 000مالها داعي الاسئله سكري التلفون وبلا كلام فاضي
شوق000اوكي باي ماما
ام راشد000الحمدلله تلويلي حلجها باي وسكرت التلفون بوجهها
قامت تطالع شوق التلفون من صدمه من حركة امها اشفيها امي كلتني وانا شقلت وقعدت تضحك على نفسها وطرا على بالها اللي شغل قلبها اللي ملكه وماعاد احد ينازعه فيه بس ماتدري عنه اهو هل صادق معها ولا يتلاعب فيها تذكرت الموقف اللي جمعهم وشعل شرارة الحب بينهم كانت عايلة ابو فهد وخوانه كاشتين للبر وكل الاهل طالعين معاهم حتى نسباهم اليوم كان زام شوق ونوف وناديه بطبخ العشا للعايله قاعده شوق تقشر البطاط للمرق كلمتها نوف00000اقول شواقه تكفين جيبي تلفوني بالخيمه اخاف رفيجاتي يتصلون علي والله اني اشتقتلهم
شوق000اشتقتيلهم اللي يقول كنك سنه مو شايفتهم اللي غبتي عنهم سبوع يابابا
نوف0000والله لو اغيب عنهم يوم اشتاقلهم هذول صديقاتي تكفين جيبيه
شوق000مالي خلق قومي انتي جيبيه ماتشوفيني اقشر البطاط
نوف000شواقه انا قاعده ارق العجين لازم اقسل اليدي وروح انتي جيبيه
شوق000زين زين صدق حنانه الله يعين رجلك مقرود
ناديه0000الا هديلو بنت خالي وينها ليش ماتساعدنا
شوق000هي زامها باجر مع اختها مريم ومرت اخوي حنين اللي صحبتهم زايده هالايام
نوف000والله هديل حليوه لكن من مرت اخوي هي اللي فاره مخها وشايفه نفسها علينا
شوق000عيب هذي مرت اخوج اذا تكلمتي عنها كنك تكلمين عن اخوي اقول خليني اجيب تلفونك وكمل شغلي
قامت شوق بسرعه مشت اول خطوه لاكن بالخطوه الثانيه ازلقت شوق جان تطيح على ظهرها وايدها طاحت في جدر الماي الحار قامت تصارخ وتبكي ونوف تقعدها وهي تبكي وطلعت ناديه صوب خيمت الرجال تنادي ابو راشد مالقت الا فهد وابوشوق جو يركضون بسرعه يشوفون شوق تشوف ايدها المشوهه وتبكي دخل ابوها وشالها وركبها السياره صعد السياره ابوراشد يلبي يودي بنته لاكن عارضه فهد قال انا اللي بوديهم خل اختها تجي معها راحت نوف تجيب عبايتها وعبايت اختها وصعدن السياره طول ماهي بالسياره قاعده تون شوق من العوار لاكن في وسط المها انتبهت للي يسترق النظرات ويطالعها وهي قامت تسترق النظرات تطالعه شخص كانت تسمع عنه ماعمرهاشافته بس يوم شافته انصدمت من جماله الغير طبيعي وهذي اول شرارة حب بينهم كانت تاخذ اخباره منة مريم بحكم انها رفيجتها ونوف معاهم مثل الاطرش بالزفه رجعة لواقعها على صوت المسج اللي وصلها من فهد
مرحبا يالي عن عيوني بعيد
مرحبا والكذاب الله يلعنه
مرحبا وان قلت نبدي من جديد
قلت هاك القلب دشه وسكنه
طارت من الفرحه بهالمسج وشدراه اني جيت بيت جدتي طرشتله مسج حلو
ليت الخلايق تنقلب كلها000انت0000
واصير اشوفك كل ماشفت غيرك
لو هانو الناس انت ماهنت
الله من صدوف الليالي يجيرك
فتح عيونه على المسج وهو يبتسم
مشعل0000ضحكنا معاك من زمان ماضحكنا
فهد0000طالعه مصدوم اضحكك
مشعل000اشوفك من فتحت المسج وانت تضحك قلت يمكن نكته
فهد0000شايفني خفيف استقبل نكت والله ماحبها
مشعل0000ادري فيك اخوي تعلمني الذبانه وهي الذبانه ماتوقف عند خشمك
فهد000هههههههههه الله يلعن بليسك مو لهدرجه انا والله حبيب
مشعل0000اصحك معاك يابو راكان انت والله فله واردى من الفله هههههههه
فهد0000انت شفيك علي ياتخليني اقشر ولا تخليني خالص يبا فكني ههههههههههههه
ضحك كل من في الدوانيه على سوالف فهد ومشعل0000000000ابعطيكم نبذه عن عايلة الجده وعن اول عيالها
هادي هو اكبر عيالها67وينقاله ابوفهد متزوج من عيده ام فهد وعمرها50 والله رزقهمبفهد واخوانه
فهد عمره32 اعزب طويل جميل جماله يوسفي عريض المنكبين ابيض طويل القامه شديد على خوانهوكلمته مسموعه لاكن عند والدينه مطيع عنده شركة اسديراد وتصدير هوورفيجه تركي راقض الزواج لين يكون عمره
مريم عمرها 30 سنه تعمل معلمت دين متزوجه من ولد عمتها خديجه عندها طيف 15 سنه بدر10 وعايض 4 سنين حلوه وجذابه ومحترمه تزوجت زواج تقليدي وبعد الزواج حبت زوجها واخلصتله
مشعل25سنه اعزب يعمل في شركة النفط شاب ينظرب فيه المثل وشخصيته مرحه ولا يحب يزعل احد
هديل 20 سنه طالبه في كلية التربيه اول سنه بنت مغروره وملسونه وثقيلة دم فوق هذا حلوه مثل فهد
حمد 16 سنه اخر العنقود المدلل اللي طلباته اوامر بس يخاف من فهد خوف شديد اكثر من خوفه لابوه
---------------------------------------------------------------------------------------------------------
خديجه40سنه متزوجه من عايد ابو راشد عمره 40 سنه ويملك شركه ومرتاح مادين
راشد31سنه متزوج من مريم بنت خاله وعندهم عيال يعمل في السلك العسكري وزوج يحب عايلته
ناصر28متزوج من حنين بنت جارهم عمرها 25 سنه وعندهم توم بنات غزل وغزلان وهي ربت منزل وهو يشتغل في شركة ابوه
شوق25سنه تعمل معلمة رسم صفاتها حلوه وطولها حلولون عيونها عسلي بشرتها بيضه وجهها بيبي فيس شعرها قصير قاصته قصت فراوله يوصل لي كتوفها بس فيها عيب انها مغروره والناس عندها ولا شي
نوف23سنه اخر العنقود طالبه في كلية التربيه مع بنت خالها هديل بنت حبوبه وحلوه وكل الناس تحبها لطيبتها
------------------------------------------------------------------------------------------------------------
شيخهى 38 سنه مطلقه بسبب قشارتها ونقلها للحكي عندها بنت لا تقل عنها 25 سنه ساكنين عند جدتهم
----------------------------------------------------------------------------------------------------------
عبيدابوالورد وانتو تعرفونه مع بنته
---------------------------------------------------------------------------------------------
ام هادي هي الجده اللي عمرها80 سنه مشاء الله قويه وفي صحتها وكلمتها مسموعه وكل عيالها يسمعون كلمتها وشديده في الغلط لاكنها حنونه-------------------------هذي عايلة ابو الورد
------------------------------------------------------------
في بلد اخر وزمان غير زمانهم صحت من النوم على صوت المنبه كانت الساعه تشيؤ الى الساعه التاسعه صباحن قامت من سريرها وطلعتلها ملابس من جنطتها واخذت روبها معها دخلت الحمام وانتو---بكرامه----تسبح تبي تتنشط عشان تستعد للمواجهه للي شايله همها
---------------------------الى هنا اخذ استراحت محارب لاني فعلن تعبت وانا اكتب وتعبت مخي معي وسامحوني على القصور وقراءه ممتعه للجميع واكملكم باقي البارت بالليل تحياتي لكم اختكم---------عبير الورد والشوق