عن أبي هريرة رضي الله عنه أن رسول الله صل الله عليه وسلم - قال : ( من دعا الى هدى كان له من الأجر مثل أجور من تبعه لا ينقص ذلك من أجورهم شيئ" ومن دعا الى ضلالة كان عليه من الأثم مثل آثام من تبعه لا ينقص ذلك من آثامهم شيئا" ) . رواه مسلم
---------
​الورقة الثانية والستون
​في داخلي وجع مؤذي وحنين اخرس وهناك خيبه والكثير من اليأس ممزوج بتبلد....
لقد افقدوني لذة الحياة..
بعد أربعه أيام
الرياض، السابعة والنصف مساءً
أتوسعت عيونها بصدمه وهي تقرأ رسالته!!
الحقير ماكفاه إنه اتجرأ وجاء يخطبها رسمي من جدها وأبوها مع إنه متأكد من رفضها اللي سبق وبلغته ياه والحين وصلت فيه إنه يرسل لها رسايل حب وغرام!
من وين جاب رقمها!
وكيف يتجرأ يتصرف معاها بهالشكل بعد مارفضته للمره الثانيه وهالمره بشكل علني وعن طريق أهلها..
ومن بعد مارفضته صارت ماتفارق عيادتها إلا مع أمل علشان تتجنبه قدر الإمكان لإنها متأكده إنه مارح يفوت فرصه إلا وبيحاول ينفرد فيها مثل آخر مره ويذكرها باللي إنقال عليها وظل يتردد بين الناس لفتره من الزمن " مو بكفايه إني ماهتميت لا بماضيكي ولابحكي الناس عنك و--
ثريا ووجع شفيكي ماتردين
إلتفتت لمها اللي قطعت ذكرياتها وريحتها من صوت وليد الكريه وكلامه اللي مثل السكاكين.. مسحت دموعها من تحت نقابها وأخذت نفس عميق وردت بهدوء/هلا شردت شوي.
مها بشك/ثريا أنتي كنتي تبكين!
هزت رأسها بنفي/وش بيبكيني وحنا بالسوق.
شبكت جوري يدها في ذراع ثريا وبمرح/ أنا لو مكانك أبكي بصراحه.. أختك ذي أيش تحس فيه وهيا طايره من محل للثاني من ساعة ماوصلنا!
مها بضحكه/يحقلها عروس ووراها جهاز.
جوري بملل/يختي ماصار دبش ذا اللي بتشتري فيه من يوم ملكتها لليوم.. أيش بتدبش ليها ولعرايس الرياض!
مها بجديه/جوري الحين من جد ماتحبين السوق.
ثريا بإبتسامه /تحبه ساعات وساعات .
شدت جوري على يدها بحب/حبيبة ألبي اللي فاهمتني..
ردت رؤى بلكاعه /أقول أنتي وياها مافي حرمه ماتحب السوق فلا تقعدين تتفلسفين علينا يالجميله النائمه.
جوري بمرح/حبيبتي أنا عاذرتكم لإن السوق ذا الظاهر والله أعلم إنه شي في جينات الحريم وبيسري في الدم يعني موبيدكم.
مها بإستغراب / وأنتي مو حرمه حالك حالنا!
ردت بضحكه/حرمه بس مو مره و--
قاطعتها بتول وبدر اللي أتكلم بإندفاع/خالتي خالتي تعالي بسرعه.
وثريا بتساؤل/خير شصاير!
مسكت بتول يد جوري وبرجاء/ في لعبه نبيها من خالتي جوري و--
رؤى بتمثيل/ واخزيااااه تبونها تشتريلكم بفلوسها .. خلاص فلستوا ياعيال سند!
ثريا بإستنكار/بدر بتول وش هالكلام إذا تبون شي كلموني أنا مو--
قاطعتها جوري بعتاب/أفااا وأنا وأنتي مو واحد ياثريا ولا هيا توصل للفلوس وكل شي يتغير.
ردت بشرح/جوري مو بقصدي اللي فهمتيه بس إذا خاطرهم في شي و--
قاطعتها بتول بإحراج/عمه مانبيها تشتري لنا .. أنا وبدر نبيها لإنها الوحيده اللي بتقدر تجيب لنا هالشي.
طالعها الكل بعدم فهم قبل ماتتابع بغموض/تعالوا معاي وأنتوا تفهمون.
سحبت جوري معاها ولحقوهم البنات بإستغراب.
،
،
كان جالس في الكافيه مع عبدالرحمن وعيال أعمامه وهو بيتظاهر بإنه منتبه لكلامهم ومكتفي بهز رأسه من وقت للثاني وهو مو سامع ولا حرف وعقله في مكان ثاني..
من وقت مارجع عالرياض مع أبوه وأهله وعبدالرحمن وجوري معاهم وهو موقادر يستوعب إنها في بيته !
يومها كله بتقضيه مع أبوه وأولاده وأهله!
ولما جده طلب منهم يروحوا المزرعه علشان جوري تغير جو رفض الفكره فوراً وإتعذر بوجود تصليحات وصيانه فيها لإنه إذا راحوا المزرعه فأكيد رح تزور الأدهم وذا معناته إنه بيقابلها وذا الشيئ اللي خايف منه!
يدري إنه إذا لقي فرصه علشان يسمع صوتها أو يلمحها مارح يقدر يمنع نفسه عنها وذا الشيئ ماناسبه!
ماكان حاب يكرر غلطته في المستشفى ..
إحساسه بالخجل والندم من اللي سواه في لحظة ضعفه للحين ملازمه وماكان حاب يخون ثقتها أو يعاملها بذا الشكل مره ثانيه.
ماكان حاب يتطفل عليها وعلى خصوصياتها رغم إنه صار يعرف عنها الشيئ الكثير بفضل المرات اللي جمعتهم سوا بدون علمها ..
أتعبته مشاعره المتناقضه مابين قلبه اللي يبي قربها وعقله اللي شايف إن البعد عنها أسلم!
وفعلاً ومن يوم ماوصلت وهو بيقضي أغلب وقته برا البيت علشان يبتعد عنها.. شغل نفسه قد مايقدر وحاول يتناسى شوقه لها وحقيقة وجودها اللي غمره بالراحه والسكينه وإن كان موبشايفها ..
يكفي يطل على جده عشر دقايق قبل مايروح الشغل وقبل ماينام وهو يدري إنها كانت مع جده ويمكن يكون جالس في نفس المكان اللي جلست فيه ..
يكفي إنه يسمع عنها ويشوفها بعيون الكل من وين ماإلتفت..
واليوم من وقت اللي طلع الصباح مارجع عالبيت حتى للغداء ولولا إتصال وضاح وإصراره عليه إنه يطلع مع الشباب وتذكيره بإن عبدالرحمن معهم ومو حلوه يتجاهل وجوده ماكان وافق يطلع معاهم بس بعد وصوله بربع ساعه ولما سمع إن البنات معاهم في المول ندم إنه وافق وجاء..
دار بعيونه في المكان وهو بيسأل نفسه" ياترى رح تمرين وأشوفك اليوم حقيقه ولا بتظلين حلم مثل كل ليله !
ياترى ---
إنقطعت أفكاره لما رن جواله بأسم بتول ورد بسرعه/وعليكم السلام ورحمة الله وبركاته هلا حبيبتي .
إنتبه للصمت اللي ساد فجأه وللعيون اللي طالعته بصدمه من كلمته اللي شدتهم وحب يلعب عليهم وتابع بإبتسامه /الحمدلله بخير دامك بخير ياعمري..... أبد أشرب قهوه مع الشباب..... الله يسلمك من كل شر.....بس كذا الحين أجيكي ليش لا أنتا تأمرين أمر...... شلون ماأعرفك وهل يخفى القمر أنتي بس خلك مكانك في أمان الله..
قفل ووقف بإبتسامه/مضطر أخليكم وإحتمال اتأخر..
أتبادلوا نظرات محتاره وكل واحد بيدور في رأسه نفس السؤال بس محد فيهم اتجرأ يسأله ، إنتبه لغياب عبدالرحمن المفاجئ وبإستغراب/ وين عبدالرحمن!
ناصر /عنده مكالمه وشوي وبيجي.
وضاح بضحكه/على وين ياعمري .
سند بإبتسامه/بروح لبتول وترى تسلم عليكم .
قاطعه مشعل بإندفاع/هي اللي كنت تكلمها!
رد بإبتسامه/وش رأيك ياعريس الغفله.. سلام.
تركهم وراح وكل واحد فيهم يتنهد براحه، سيف بغيض/للحظه بس صدقت إنه يكلم وحده.
وضاح بسخريه/وبتول وش تكون ثنتين!
ناصر /أنت فاهم قصدنا لا تغشم حالك.
وضاح بعدم تصديق/مالقيتوا غير سند يالمهبل! إستحي على وجهك أنت وياه.
مشعل بفشله /أنت ماشفته شلون كان يحكي معها أول مره أسمعه يحكي بهالشكل.
ناصر بإبتسامه/ بصراحه سند حيل تغير والتعامل معه صار مريح وأكثر سلاسه من قبل.
سيف بتنهيده/الحمدلله اللي تغير وكل شي بدأ يرد طبيعي.
هزوا رأسهم بموافقه وبدأ كل واحد فيهم يحكي عن التغيير اللي طرأ على سند وغير حياته للأفضل.
،
،
،