عرض مشاركة واحدة
قديم 28-10-16, 05:48 PM   #913

خياله والخيل عشقي

كاتبة في منتدى الروايات والقصص المنقولة

 
الصورة الرمزية خياله والخيل عشقي

? العضوٌ??? » 366047
?  التسِجيلٌ » Feb 2016
? مشَارَ?اتْي » 142
?  نُقآطِيْ » خياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond repute
افتراضي

جده، التاسعه مساءً


يعني خلاص يامازن مارح ترجع البيت!

رد بضيق/أمي أنا ماقلت كذا بس ماقدر أرجع ذحين موطايق أشوفه ولا أسمع صوته .

أم خالد بمسايره/معليش يامازن مهما كان أخوك الكبير ولازم تتحمله.

مازن بإستنكار/هوا خلى فيها كبير بهرجه ذاك! مين ذا اللي يقدر يتحمله قوليلي بس!

ردت بتعب/ترى جننتوني مابينكم من جهه أنتا وخالد ومن جهه ندى اللي حالتها حاله من بعد اللي صار .

رد بعصبيه/هوا وندى ينحرقوا مالي فيهم أنا اللي تهمني جوري وبس.

ردت بضيق/لوتهمك ماطنشتها وكنت رديت على إتصالاتها هيا مالها دخل باللي سواه أخوك وأنتا بنفسك قلت إنها هزئته وطردته ليه بتعاقبها على جنانه!

مازن بقهر/أنا مابعاقبها بس كل ماأفتكر كلام ولدك الحيوان رأسي ينشرخ وكل ماأفتكر إنه قلها نفس الكلام أموت.. أمي أفهميني أنا ماعد لي عين حتى أرد عليها مالي وجه أسمع صوتها أو حتى أعتذر لها.

أم خالد بإقناع/بس هيا عارفه إنك مو موافق على جنان أخوك زي ماهيا كمان مو موافقه.. هيا قلبها مأكلها عليك وتبغى تتطمن عليك بس.. طيب عالأقل رد على رسايلها وريحها بكلمه الله برضى عليك .. أختك ماتستاهل منك ذا الجفا.. ذي جوري يامازن جوري.

رد بقهر/لإنها جوري موقادر أكلمها أو أرد عليها..كله من ولدك الغبي هوا اللي خرب كل شي بينا وأنا مارح أسامحه وقوليله لو أتصل عليا أو حاول يقابلني مره ثانيه ماهيحصله طيب.. مع السلامه.

قفل قبل ماترد عليه ورمت الجوال جنبها وهي تمسح دموعها اللي ماوقفت من وقت ماعرفت باللي صار.. وصلها صوت صراخهم من المجلس الخارجي وجريت هيا وندى وهم متوقعين مصيبه وفعلاً كانت مصيبه.. مازن وخالد ماسكين في بعض وكل واحد نازل ضرب في الثاني زي مايكون بينهم ثأر ومهما صرخت أو أتكلمت هيا وندى محد فيهم كان يسمع أو يوقف اللي بيعمله وبالعافيه قدرت هي وقصي يمسكوا مازن اللي طرد قصي من المجلس وحكى لها من بين أنفاسه المقطوعه على اللي سواه خالد في بيت جوري وعاللي طلبه منه ..

ماتنسى كيف جمدت مكانها مع ندى بصدمه وخالد بيسألهم هما ليش مكبرين الموضوع!

ولدها كان بيتكلم وكإن الله سواه وطلبه مجرد نكته!! مزحه!! شيئ عادي المفروض مايستغربوه ويهولوه زي ماقال..

وقتها رجولها ماعاد حملتها وجلست عالأرض تراقب خروج مازن الغاضب وشرح وبتبرير خالد لها ولندى بصمت .. ماكان عندها أي رد وبالأصح صوتها وعقلها ماأسعفوها علشان ترد أو تناقش أو حتى توقف صراخ ندى وتهون عليها وكل اللي قدرت عليه هو إنها ضغطت على نفسها علشان توقف وتروح غرفتها وتركت خالد بيعيد ويزيد لندى وبيحاول يقنعها بفكرته المجنونه ..


،

،

،

،

،


الرياض، الحادية عشره والنصف مساءً

طالعت في الجوال لماقفل في وجهها وكلمت نفسها بلوم/ لازم يعني تنسحبي من لسانك وتسدي نفسه قبل ماينام أنتي متى هتبطلي غبائك ذا!

إتنهدت وهي بتتذكر تفاصيل الأيام اللي فاتت وإتذكرت كيف أبوها وثريا مصرين يمشوها كل يوم وصار أغلب وقتها بتقضيه مع البنات برا مابين سوق ومطاعم .. مولات الرياض كانت أكبر وأفخم من اللي في جده بكثير واليوم ديما ماخلت محل ولا ركن إلا وعدت عليه في المول وعالساعه عشره رجعوا وحيلهم مهدود وطلعت غرفتها على طول مع بتول اللي بتنام معاها من يوم ماوصلت .

باست بتول وغطتها وإتصلت على جدها/السلام عليكم ورحمة الله وبركاته كيفك ياجدي .

الجد/ وعليكم السلام والرحمة.. نحمد الله ونشكره .

سألته بإحراج/يستاهل الحمد جدي أنزل ولا بتنام!

رد بحب/ تدرين ماأقدر أنام قبل لا أشوفك.

ردت بتنهيده/الله يجبر بخاطرك ياجدي يلا أنا نازله السلام عليكم.

قفلت ولبست عبايتها ونزلت بسرعه وهي تعدل نقابها، دقت الباب ودخلت /السلام عليكم ورحمة الله وبركاته..

ردوا السلام وجلست جنب جدتها وباست رأسها/كيفك ياجده وحشتيني.

ردت بزعل/صادقه شفتك يوم وصلتي تدوريني.

ردت بمرح/مال غنى عنك ياجده بس موحلوه أكبس على نفس عيالكم وأستفرد بيكم لنفسي.

رد أبوسند بحب/أنتي الداخله وهم الطالعين ياقلب أبوك.

الجد بإهتمام/ماهيب عوايدك تصعدين غرفتك قبل لاتقعدين معنا.. تونسي بشي يالجوري.

ردت وهي بتتلفت حولها بحيره /سلامتك ياجدي بس بتول كانت تعبانه شويه.. وطلعت معاها وبعدها كلمت ..ياسمين وقصي ومر الوقت بدون ماأنتبه.. معليش سامحوني.

أبوسند بهدوء/شلون عيالك!

ردت بشرود /الحمدلله بخير وبيسلموا عليكم ويبوسوا الأيادي.

الجده بإبتسامه/بتول ماقمنا نشوف--

ماكانت سامعه ولا كلمه من اللي قالتها جدتها وكل تركيزها مع الريحه اللي شدت إنتباهها وآسرت حواسها من أول ماجلست وفي داخلها

الريحه ذي.. الريحه ذي موغريبه عليا!

غمضت عيونها وأخذت نفس عميق وحبسته داخلها لفتره قبل ماتهمس بعدم إستيعاب/ فارس !! والله ريحة فارس !!

غرقت في بقايا ريحته اللي علقت في ثيابها وذاكرتها وعززتها

بسم الله عليكي شفيكي يمه!

سمعت صوت جدتها واصلها من بعييييد وفتحت عيونها وقفلتها كذا مره وهي بتحاول تجمع شتات نفسها وتركز مع أصواتهم اللي أتعالت بخوف وقلق

طالع الجد في ولده مساعد بأمر/أتصل بثريا خلها تجي تشوفها.

ضغطت على رأسها بقوه وردت بأرتباك/أنا .. أنا بخير .. ثريا لا.

أبوسند بخوف/صدرك يوجعك ! موبقادره تتنفسين! وش تحسي فيه!

ردت بمكابره /لاتخاف مافيا شي.. ضغطي نزل شويه.

كانت عن جد حاسه بثقل في أطرافها ودوخه غريبه مسيطره عليها وبذلت مجهود علشان تتعدل وتجلس بثبات قدامهم، الجده بعتاب/كله من هاللف في الأسواق وأنتي بلا أكل.

الجد بتفكير/عيالك فيهم شي أحكي!

هزت رأسها بنفي وأخذت كأسة المويا من يد أبوها وشربتها على مهل وأبوها يكلمها بعصبيه/قلت لك خليني أتصرف مع هالكلب أبوهم وأخذ العيال غصباً عليه بس أنتي ماطعتيني و---

قاطعته بتعب/يبه والله مافيهم شي، أنا بس تعبت من السوق زي ماقالت جده.

إلتفت الجد للجده /خل يحطون لها لقمه تأكلها وتصلب طولها.

وقفت بثبات عكس اللي حاسه فيه وبتنهيده/مالي نفس ياجدي بس أسمحوا لي بروح أنام وإن شاء الله لما أصحى هكون كويسه.

مسكها أبوسند وبإصرار/بتصل بثريا تجي تكشف عليكي وتطمنا.

ربتت على يده وبثقه / يبه صدقني مافيا شي وبس تصحى بتلقاني في وجهك بإذن الله.. يلا تصبحوا على خير ..

أبوسند بضيق /إنزين بوصلك لغرفتك عالأقل

ردت بحب/الله لايحرمني منك يبه أنت أرتاح وأنا بس أوصل غرفتي برنلك علشان تطمن أتفقنا! يلا السلام عليكم.

راحت بسرعه قبل مايرد عليها وبمجرد مادخلت غرفتها دقت عليه وطمنته .

فسخت عبايتها وغسلت وجهها وأخذت شالها وفرشتها وطلعت جلست في البلكونه وحطت شالها عالطاوله وبدأت تمشط شعرها وهي تطالعه بحيره/ ياربي كإنها نفس الريحه! طيب أيش جاب ريحة فارس لمجلس جدي!

ماقدرت تجلس وصارت تدور في البلكونه بإرتباك وهي تمشط وتكلم نفسها بأمر/ لا توهمي نفسك بأشياء موجوده في خيالك أنتي وبس .. فارس ذا مجرد حلم يقظه .. عابر سبيل مرك صدفه ومارح يرجع مره ثانيه.. مجرد صوره بدون ملامح أنتي أعقل من إنك تتعلقي بيها أكثر من لولد..

هزت رأسها بموافقه على اللي قالته وظلت تمشط شعرها لين حست ببالها يهدى ويرتاح وبعدها لمت شعرها وراحت أتوضت وصلت ركعتين ودعت من قلبها " اللهم لاتعلقني بماليس لي ولاتجمعني بمن لا خيرة لي معه لا صدفه ولاحلم"


خياله والخيل عشقي غير متواجد حالياً