عرض مشاركة واحدة
قديم 28-10-16, 05:52 PM   #916

خياله والخيل عشقي

كاتبة في منتدى الروايات والقصص المنقولة

 
الصورة الرمزية خياله والخيل عشقي

? العضوٌ??? » 366047
?  التسِجيلٌ » Feb 2016
? مشَارَ?اتْي » 142
?  نُقآطِيْ » خياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond reputeخياله والخيل عشقي has a reputation beyond repute
افتراضي

،
،
،

طالع في جواله للثواني قبل مايستئذن ويطلع من المجلس وفي داخله" الله يستر " رد بهدوء/وعليكم السلام والرحمة خير إن شاء الله.......

حس بصداع مفاجئ وضغط على جبينه بقوه وهو يسمع الطرف الثاني لفتره قبل مايكلمه بأمر/ معلومات صاحب السياره تكون عندي الحين وعينك لاتغفل عنها ولا ثانيه وبلغني كل شي يصير معها أول بأول سلام .

قفل الجوال وطالع السماء بتنهيده/وبعدين معاكي وش هالحركات اللي تسوينها! وش ناويه عليه هالمره ياطفلتي الغامضه!

قطع الحديقه بالطول والعرض وهو يفكر بجديه " لمتى ياسند بتظل تراقبها وتأخذ أخبارها من حارسها الشخصي !

لمتى بتظل تسمع عن اللي يصير معها وأنت واقف مكانك عاجز ومابيدك شي! ​

لمتى بتظل غرقان ومتخبط في حيرتك وعدم فهمك لكل الغموض اللي حولها وهي كل يوم تتصرف بغرابه أكبر من اليوم اللي قبله!

زفر بضيق وحس برأسه هينفجر من كثر الأسئله اللي دارت في باله..

لمتى بظل أشوفها طيف في أحلامي !

ولمتى بتحمل بعدها عني !

موبكفايه إني ضيعت كل هالوقت وأنا متجاهل مشاعري وبقمعها بدون فايده!

ضاعت من عمري وعمرها حول السنتين من أول مره سمعت صوتها وعرفتها !

كم سنه باقي من عمري لأجل أضيعها بدونها!

لمتى بظل أتطمن عليها وأتابع أخبارها من اللي حولي وهي قدامي!

كل اللي كان بيحول بيني وبينها أختفى!

زواجها إنتهى..

ومشاعري المشتته والرافضه لها خلص صارت واضحه وضوح الشمس والحين الساحه قدامي خاليه وكل المطلوب مني إني إتحرك وبسرعه..

لازم أحول الحلم لحقيقه وتكون معاي وبين إيديني دايماً لإن ذا هو مكانها الطبيعي والوحيد..
وبدل ماأظل عايش على ذكرى لحظات مسروقه في لحظة ضعف وبدون وعي مني ومنها لازم نعيش كل سنينا الجايه سوا وأنا واثق إني موبغلطان ولامسوي شي يغضب الله..

طفلتي تستحق معامله تليق فيها وفي مكانتها عندي.

طفلتي تستحق أعوضها عن كل شي شيئ سيئ مر عليها وشافته في حياتها..

أمي كان معها حق لما قالت إني لو بنتظرها لين تتحسن نفسيتها وتغير رأيها فالأفضل إني أتخلى عن هالفكره وأدق الحديد وهو حامي حتى لو كنت متأكد إنها بتنصدم وبعد بترفضني..

لازم أتحرك وأطلع من الدوامه اللي أنا عايش فيها..

لازم أحط النقط عالحروف وأدخل حياتها بأسرع وقت وبعدها الله يصلح الحال"

إبتسمت بثقه وغمره إحساسه عميق بالهدوء وراحة البال ورجع المجلس وهو بيضبط تفاصيل خطوته الجايه بكل إهتمام.



،

،

،

،

،


جده، السادسة مساءً


سلام يازعلانه..

رفعت رأسها عن الكتاب اللي بين إيديها وشافت ريم اللي دخلت وقفلت باب غرفتها، وقفت وبهدوء/وعليكم السلام ورحمة الله وبركاته أهلين .

سلمت عليها وجلست جنبها بصمت قطعته ريم بتردد/لمتى هتقاطعيني ياخلود وأنتي عارفه إن مالي غيرك.

خلود بتنهيده/أنتي اللي أخترتي ياريم فلا تجي تلوميني دحين.

وقفت وبإستنكار/أنا أخترتها! أنا اللي زعلت وصرت أرد عليكي بدون نفس! أنا اللي ماعد جيت بيتك وزرتك ! ولا أنا اللي صرت أتحجج علشان حتى مانتقابل في أي مكان!

خلود بإستغراب/وأنتي أيش متوقعه مني بعد اللي عملتيه! تبغيني أتعامل معاكي بأي طريقه قوليلي!

ردت بغيض/ وأنتي مالك باللي عملته هوا كان فيكي ولاحد داسلك على طرف علشان ت--

قاطعتها خلود بحده/والله أنا مارح أستنى لما تعمليها ياريم وتطعنيني في ظهري ونا بصراحه ماعدت أوثق فيكي ولا أئمنك على نفسي.

طالعتها بصدمه/أخص عليكي ياخلود أنا أعمل فيكي كدا برضه.. أنتي أختي وصحبتي الوحيده كيف تفكري إني ممكن أخونك بالشكل دا!

خلود بعصبيه/أنا ماهكون أعز وأغلى من أمك اللي رسلتي صورها للحيوان اللي متعرفه عليه و---

قاطعتها برجاء/بس أنا قلتلك ليه رسلتها، خلود أفهميني أنا أحب زياد ولما طلب مني نتقابل رفضت وزعل مني لفتره حسيت إني هموت فيها وأضطريت أرسله الصور.

ردت بقهر/ياريتك رسلتي صورتك وأختلصتي منك ليه لكن تورطي أمك وتوزعي صورها أمك ياريم .

ردت ببكاء/أنا كذبت عليه وفهمته إني حلوه وفي الجامعه ولما شفت صورها فكرفإنه مارح يجرا شي لو رسلتها على أساس إنها أنا..

خلود بلوم/عذر أقبح من ذنب ياريم وم--

قاطعتها ببكاء/أنا عارفه إنه غلط بس.. ماكان قدامي غير الحل دا.. خلود أنا محد داري عني.. بابا على طول مسافر.. وماما موفاضيتلي.. وعادل الوحيد اللي أهتم بيا وحبني .. وأنا أحبه ومابغى أخسره.

حست خلود بالذنب من منظر ريم وكلامها لإنها أكثر وحده حاسه بإحساسها وفاهمتها .. كيف لا وهي كانت بتعاني من نفس مشكلتها واللي خلتها زمان تغلط نفس غلط ريم وإن كانت التفاصيل مختلفه.

جلست جنب ريم وضمتها بحنان/خلاص حبيبتي لاتبكي أنا أسفه .. لاتبكي وكل شي ليه حل.

إتعلقت فيها ريم بقوه وزاد بكاها وهي تسمع كلام خلود الهادي.


،

،

،

،

،


الرياض، الثامنه والنصف مساءً


أتوسعت عيونه بصدمه وهو يشوف الفيديو اللي وصله عالجوال وعاده مره وأثنين وهو بيحاول يكذب عيونه وبيدعي إنه يكون غلطان..

بس كيف يكذب عيونه اللي حافظتها وتقدر تميزها من بين ألف وحده!

وإذا كذب عيونه شلون بيكذب أنفاسه اللي إتسارعت بشوفتها وقلبه اللي مافز وزادت نبضاته إلا لها

دق بسرعه على حارسها الشخصي اللي مارد عليه ونفس الشيئ صار مع حراس أخواته وذا الشيئ أكد له إن المصيبه فعلاً صارت وإنتهت..

صرخ بغضب وبحركه وحده إتناثرت كل أغراضه اللي عالتسريحه عالأرض وصوت تحطمها بيتردد صداه في الغرفه بصوت عالي قبل ماتنتشر ريحة عطوره المكسوره وتملئ الجو بريحتها المركزه..

حس بالإختناق وفك إزار ثوبه العلويه وأخذ أنفاسه بصعوبه لفتره وهو ذكر الله ويصلى عالنبي داخلها لين قدر يتمالك نفسه وسيطر على دقات قلبه اللي أوشك على الإنفجار بسبب سرعة ضخ الدم الجنونيه اللي مر فيها ..

وأخيراً قدر يأخذ نفس عميق محمل بأكبر قدر ممكن من الهدوء ودق على سامر وطلب منه يجمع الحرس وينتظره على بوابة القصر ونفس الشيئ طلبه من ريان وعبدالرحمن..

قفل جواله وأخذ شماغه ونزل بسرعه وكل تفكيره في عبدالرحمن اللي مايدري بأي وجهه هيقابله!

مايدري شلون بيبلغه باللي صار !

مشي للبوابه وهو بيسأل نفسه ..


وش الطريقه المناسبه اللي ممكن يقول فيها لشخص إن أخته إنخطفت بدون مايصير فيه شيئ!!











إنتهى البارت




اللهم اغفر لي خطيئتي وجهلي وإسرافي في أمري وما أنت أعلم به مني ، اللهم اغفر لي جِدّي وهزلي ، وخطئي وعمدي ، وكل ذلك عندي ، اللهم اغفر لي ما قدّمتُ وما أخّرتُ وما أسررتُ وما أعلنتُ وما أنت أعلم به مني ، أنت المقدم وأنت المؤخر وأنت على كل شيء قدير ..

سورة الكهف نورٌ مابين الجمعتين" اللهم صل وسلم وبارك على سيدنا وحبيبنا محمد وعلى آله وصحبه أجمعين ومن تبعهم بإحساناٍ إلى يوم الدين عدد خلقك ورضا نفسك وزنة عرشك"



،،،،،،،،،،،،،،



السلام عليكم ورحمة الله وبركاته ..

مسائكم رضى وغفران من الرحمن ياأحلى متابعين..

وحشتوني برشا برشا ويارب تكونوا جميعاً بخير وعافيه ومن يعز عليكم..

جميلاتي الغاليات اللي طلبوا مني مواعيد محدده لنزول البارت لإنهم تعبوا وملوا وهم يشيكوا عالروايه كل يوم بقلهم أسفه وسامحوني عالقصور بس أنا سبق وقلت إن النت عندي مفصول وماأقدر أحدد لكم يوم وأنا عارفه إني مارح إلتزم فيه والله يعلم أنا أيش بسوي عشان أقدر أنزل البارت كل مره والحمدلله بنزل بارت كل أسبوع أو عشره أيام زي ماوعدتكم..

وبالنسبه للجميلات اللي أشتكوا من المده الطويله اللي أستغرقتها الروايه فحابه أنبهكم إن روايتي بتحكي عن فتره زمنيه طويله في حياة بطلتنا وعاصرت مراحل مختلفه من عمرها فطبيعي تكون فصولها طويله وأنا أساساً نزلتها في قسم الروايات الطويله لذا السبب..

لذلك اللي قالت إنها ملت وفقدت حماسها أحب أقلها إختلاف الرأس لايفسد للود قضيه ياعزيزتي ومشكوره إنك تابعتي من البدايه ودعمتيني لحد هذه اللحظه ولك مطلق الحريه في متابعتها أو تركها والإنتظار لحين إكتمالها ..

جميلاتي الغاليات سامحوني عالقصور وأستروا ماواجهتم وطبتم وطابت جمعتكم بكل خير ودمتم لي ولإحبتكم بخير.

أختكم /خياله


خياله والخيل عشقي غير متواجد حالياً