[لامارا]

♥ البارت السادس ♥

راكان : مبروك ياخوي
بندر ما رد عليه
الجد : بندر
بندر : سم
الجد : العرس بصير بعد اسبوعين
بندر : بس يا جدي اتفقنا يكون بعد شهر عشان يمدون يسوون التجهيزات
الجد : بندر قلت اسبوعين يعني اسبوعين
بندر الي فقد اخر حبل من اعصابه وقال:انت لي تسوي فينا كذا ااه ليش انت عندك قلب لا لا ما عندك انت ما عندك قلب ابدا حرمتني من حبي وزوجتني وحدة ما ابغاها وحرمتني من السعادة حرمتني طعم السعادة حرام عليك ليش تسوي فينا كذا حنا عيالك عيالك موب اعدائك ترسم حياتنا باللون الاسود تخطط كل شي مثل ما تبي ليش ليش عمرك شفت عروسه تلبس اسود لا ما قد شفت بعمري وحدة تلبس اسود بيوم ملكتها بس زوجتي المستقبليه لبست وكانت كانها جسد بدون روح كانت مثل الريشه طول عمري وانا وجوري نكره بعض والحين بتجمعنا تحت سقف واحد تبي الزواج يصير بسرعه زين ما عليه الزواج بعد اسبوعين من اليوم بس يا جدي انا اقولك موب مسؤول عن حياة جوري معاي سعادتها وحزنها ما يهموني وجاكم العلم
راكان وسعود وعبدالرحمن وابو راشد وابو سعود وكل الي كانو بلمجلس مصدومين من بندر وشلون تجرأ يتكلم مع جدهم كذا
الجد بهيبة وجبروت : سمعتو الزواج بعد اسبوعين جهزو كل شي
بندر وقف مكانه مصدوم وموب مستوعب ان كلامه ما اثر فجدة حتى لو شعره
جوري دخلت عليهم : صدق ما في احساس وراحت عند جدها وطاحت عند رجوله يوم ولدت امي توفت وابوي ما اذكر متى قعد معاي اخوان ما عندي قاعدة لحالي حبيت انسان واحد بحياتي وبسبب جبروتك وقسوتك بتضيعه مني ليش يا جدي ليش حرام عليك الي تسوي فينا والله حرام
الجد مسك جوري ووقفها : بجي يوم وبتحبين ع راسي يا بنيتي
راكان مسح دموعه بغترته : بروح الحين طيارتي بعد ساعه
بندر الي فوق صدمته نزلت عليه صدمه ثانية سفر راكان
الجد : وين بتروح يا راكان
راكان وهو يخفي حزنه : عندي شغل يا جدي ولازم انهي
الجد طالع في : معاك اسبوعين تنهي وتجي
راكان : جدي يمكن سنتين ثلاث عشر لين اموت ما ادري
الجد ببرود ويشد عكلامه : معاك بس اسبوعين
راكان نزل راسه وبعدين طالع جده : ان شاء الله
الجد : سلطان
سلطان : سم يبه
الجد : اتصل بسعد اخوك واحمد وسعد ولد اخوك يكونون هنا قبل الزواج
سلطان : يبه سعد واحمد بخلصون دراسه ويجون بعد اسبوعين بس سعد اخوي <ونزل راسه >
الجد : لاحقين علموضوع ذااك الحين يجي قبل زواج بنته
جت ابرار وشوق وخذن جوري الي مقطعه نفسها من الصياح
________________________________
ابو راشد : طلعي نادي جوري
ابرار : حاضر
طلعت ابرار تنادي جوري : جووري جووري
جوري : نعم
ابرار تحاول تمسك نفسها : يلا نزلي عشان توقعين
جوري وقفت وهي معصبه ومسكت ابرار من كتوفها : قولي لي انتي شلون قادرة تتحملين شلون عطيني شوي من قوتك تكفين مو قادرة اتحمل والله مو قادرة تعبت يا ابرار تعبت خلاااص كل شي راح من يديني كل شي راكان وحبي وكل شي وبتزوج بتزوج بندر ليش جدي سوا كذا فينا ليش ليش
ابرار حضنت جوري : جوري حبيبتي خلاص هدي ولا ما يصلح الي تسوي قومي خلينا ننزل
جوري طالعتها ونزلت راسها وما تكلمت وابرار مسكتها من يدينها ونزلت وجوري مستسلمه لانها تحس خلاص روحها طلعت وكانها جسد بدون روح
ابو راشد : وين رحتي يا بنيتي تعالي وقعي هنا
جوري الي دموعها متجمعة بعيونها اخذت القلم وطالعت ابرار الي تبكي ووقعت
ام راشد : مبااارك مبااارك يا بنيتي منه المال ومنك العيال
ام سعود : كللللللللووووووووش الف الف الف مبروووك يا بنيتي
ابرار مسحت دموعها بسرعه : بروح اجيب العصاير
غلا وحلا : وحنا بنروح نجيب الحلا
طلعت ابرار ووصلت المطبخ وانهارت هناك قامت تبكي بحرقه كانها لها سنوات ما بكت تبكي وتبكي وتبكي تبي تصرخ باعلى صوت قعدت علارض وضمت نفسها وقامت تصيح بكل ما عندها من قوة
جت شوق بسرعه وعرفت ان هالشي رح يصير : برو برو حبيبتي تكفين تكفين خلاص ما يصير تسوين كذا بنفسك وربي تعذبين قلبك علفاضي ما رح يتغير شي
ابرار وهي تشاهق وتصيح : صار حق غيري خلاص ما بقا لي شي انا خلاص راح من بين يديني خلاص تزوج تزووج خلاص خلاص بندر وابرار انتهت قصتهم وصارو من الماضي كل شي راح حبنا شقاوتنا طفولتنا خلاص كل شي انتهى
شوق الي ماسكه نفسها بلعافية ما تبي تصيح وتحاول تهدي ابرار : خلاص يا قلبي خلاص قومي مسحي دموعك وروحي قعدي جمب جوري شوفيها كيف قاعدة كانها تمثال الدموع بعينها متحجرة قاعدة كانها بلا احساس روحي اعطيها القوة تتحمل وتبدا حياتها من جديد قوومي يا قلبي قومي
ابرار مسحت دموعها : معااكي حق صح كلامكي لازم اكون مع جوري الحين لازم اساعدها ووقف جنبها هي الحين محتاجتني اكثر
شوق : هذه هي بروو السنعه يلا روحي بسرعه وانا بجيب العصاير
ابرار ابتسمت : مشكورة
شوق : احم احم يلا
راحت ابرار وهي تبي تخفف عن صديقتها وتوأمها جوري
وشوق ماسكه نفسها ما تبي تصيح .
________________________________
ابرار : خلاص يا قلبي خلاص اهدي اهدي
جوري : محتاجه امي جيبوها ابيها الحين برو تكفين ابي امي تكفين
ابرار ضمت جوري بقوة : انا امك واختك وابوك وكل شي خلاص تكفين
شوق : جوري جوي
جوري طالعتها
شوق : تعزيني
جوري هزت براسها بلموافقه
شوق : قومي صلي ركعتين واقري قرآن وان شاء الله كل شي بصير بخير
جوري مسحت دموعها وقامت دخلت الحمام < اكرمكم الله > وتوضت وقامت تصلي ومسكت القرآن وظلت تقرا في
ام راشد : يممه مها شوق يلا بنروح
مها : يممه تكفين خلينا هنا مع جوري
شوق : يما ما بروح انا ببقى هنا
ام راشد : بس يممه
شوق حبت راس امها : تكفين يلغاليه خلينا
ابو راشد : شصاير
شوق : يبه طلبتك ببقا هنا مع جوري
ابو راشد : لا حول ولا قوة الا بالله انزين يا بنيتي خليكم بس انتبهو ع نفسكم
شوق ومها : ان شاء الله
ابو راشد : امشي يا حرمه نروح احنا
ام راشد : ان شاء الله
* كل واحد راح بيته وعايش بهمه *
بندر : تكفى لا تأخر ما اتحمل اقعد بدونك
راكان : لا تخاف برجع سمعت جدي
بندر : انتبه لنفسك
راكان : لا تخاف يا رجال
دحوم : ركان اسمعني وانا ابوك الي تسوي بعمرك حرام موب زين لك
سعود : عبدالرحمن يتكلم صدق انت تعذب عمرك
راكان : لازم اروح
بندر حضنه
راكان همس باذنه : انتبه لها وكون معها موب عليها
وخلا وراح بدون ما يلتفت وراه
بندر : الله معاك ياخوي
سعود : خلونا نرجع تراني ميت من التعب
دحووم : يلا مشينا
* رجعو ابطالنا وكل واحد راح غرفته كل من شاغل بهمه كل من يفكر بمستقبله كل واحد وقصته كل واحد وخسارته الي خسر حبيب والي خسر اب والي خسر ولد والي خسر اخ كله بسبب الطمع كل من يدور على راحته بس للاسف الراحه بعيدة عنهم ما يعرفون وش ناطرهم في الصباح ما يعرفون محكمة من وش العقوبة الي بياخذها كل واحد يبي يغير شي بحياته بس للأسف ما قدر *
________________________________
صباح جديد اشرق يحمل اسرار ومشقات لبعض ويحمل فرح وسرور للبعض الآخر
عند جوري حابسه نفسها بلغرفه كانها مسجونه موب عروسه تذكرت شي شي راح عن بالها تذكرت وش قال لها يوم ما شافها
< بندر : شلونك
جوري ودموعها بعينها : الحمد الله .....وسكتت
بندر : جوري انا ....يعني شسمة
جوري قاطعته : اسمعني يا بندر من يوم كنا صغار وحنا نكره بعض وما نواطن بعض كبرنا وزاد الكره بينا بس يعلم ربي كرهي فقلبي وما عمري تمنيت لك غير الخير اكييد بتقول شلون تكرهني وتتمنالي الخير كرهي لك كره طفوله كره اطفال ما يعرفون شي بس كرهي لك الحين مو كره اعداء لا والله كرهي لك الحين كره شخص لشي معين مو اكثر شي ما يحب يشوفه انت رجال والنعم فيك وسمعتك بالطيب سابقتك بس انك تكون زوجي ذي ما تحملتها عمري ما تخيلت اكون حرم غير راكان بندر قاطعها بسرعه : خلاص الحين دوري انا جوري انتي بحسبة اختي وبنت عمي وعمري ما فكرت فيك غير كذا اعرف حبك انتي وراكان حب طفوله اذكر كيف راكان كان يضرب كل العيال عشان كانو يزعلونك اذكر كيف كان يخزن مصروفه ويجب لك من الحلاوة لي تحبيها اذكر كل شي الكل كانو يقولو لكم روميو وجولييت لان الكل يدري بحبكم بس الي صار للحين فوق طاقتنا وما نتحمله عشان كذا الي بقوله لك يمكن يجرحكي
جوري طالعت في تبي تعرف شنو هشي
بندر كمل كلامه : اسفه ما رح اعتبركي زوجتي بتكونين بحسبة اختي وبس وما اقدر اعطيكي اكثر من كذا
جوري : وانا مو طالبه غير كذا اهم شي الاحترام يكون بينا ومابي شي ثاني
بندر ابتسم لها : الله يقدرني واكرهك بزيادة
جوري طالعت في وابتسمت : والله يقدرني اكرهك حياتك
بندر : بطلع الحين انتبهي ع نفسك
جوري : وانت بعد >
قطعت عليها ابرار
ابرار : جوجو جووجو جوووووري
جوري : بسم الله الرحمن الرحيم شصاير ليش تصارخين
ابرار : يلا تعالي بنفطر
جوري : ان شاء الله
________________________________
في مكان اخر حيث الفساد يعم .....

نوف : اقوولك صار حقي الحين موب مصدقه
افنان ( صديقة نوف ) : شلون وجوري
نوف : ههههه جدي زوجها بندرو قطيعه تقطعه هي واياه
افنان : اماااا وراكان شسوى ??
نوف : ما يقدر حبيبتي جدي ما احد يعارضه
افنان : وانتي واثقه انك تتزوجينه
نوف : بتزووجه هو حقي انا وبس
افنان : اقوول نوف
نوف : نعم
افنان : سلمان الغبي جنني يبي يكلمك
نوف : وييع شيبي هذا فيني
افنان : مدري والله كل يوم يتصل ويقول ابي اشوفها ابي اشوفها
نوف : سمعي قوليله سافرت وبترجع بعد شهرين
افنان : بس....
قاطعتها نوف : سوي الي اقوولك عليه والحين روحي بنام
افنان : تييب سلام
نوف : سلام
________________________________
عند فيصل :
ام فيصل : يممه سلام
سلام : آمري يلغاليه
ام فيصل : امشي قومي اخوك يفطر وينزل للشغل
سلام : ان شاء الله يمما
ام فيصل : وسلمى وينهي
سلام : يمكن للحين نايمه
ام فيصل : صحيها معاك
سلام : امرررك يا قمر
طلعت سلام وراحت جناح فيصل طقت الباب بس ما رد وعرفت ان نايم ودخلت
سلام : فيصل ....فيصل قوم
فيصل وهو نايم : هممممم
سلام راحت وصارت تضرب عكتفه : فيصل فيصل يلا قوووم فيصل
فيصل فتح عيونه بشويش : شتبين
سلام : امي تقول قم افطر وانزل للشركة
فيصل : قايم طلعي انتي
سلام : اوكي
طلعت سلام وراحت عند سلمى
سلام دخلت بدون ما طق الباب :سلمى
سلمى كان معاها صورة وبسرعه حطتها تحت المخدة
سلام : شفيك اختبصتي يوم دخلت
سلمى : هاا لا لا ولا شي ش...شتبين
سلام : شلي حطيتي تحت المخدة
سلمى : وش عليكي انتي طلعي يلا
سلام : ليكووون ....
سلمى بعصبية : سلاااام طلعي بررررا ما تفهميين انتي
فيصل قاطعهم : لييييش تصارخون
سلام : مدري عنها يوم دخلت الغرفه اختبصت وحطت شي تحت المخدة
فيصل طالع فيها :شصااير
سلمى اختبصت : م..مافي شي
سلام : الا في شوف شلون مختبصه
فيصل راح عند المخدة وشالها
سلمى بسرعه مسكت الصورة وحطتها ورا ظهرها : فييصل بلييييز خصوصيات
فيصل سحبها ومسك يدها وحطها ورا ظهرها واخذ الصورة منها
سلمى بصوت باكي : فيصل فيصل دخيلك وخر فيصل عطني الصورة فيصل
فيصل اجنان الانس والجن بوجهه صارن ودفها عسرير وبصراخ : للحين محتفظه فيها للحين ما تفهمين انتي ما تفهمين هذا قاتل قاتل هذا الي قتل ابونا
سلمى وهي تصيح : هو ما سوا شي ما سوا
فيصل مسكها من شعرها : اذا سمعت اسمه بتندمين
سلام راحت عند فيصل ومسكت يده وهي تصيح : تكفى يا فيصل تكفى فكها
فيصل بعصبية : وخررررري
سلمى : انت ما تقدر تمنعني عنه وانا متأكده ان برئ بريء
فيصل بصراخ : شلووون بريء شلووون لر مثل ما تقوولين ما شرد ما خلانا
سلمى وهي تصيح وبقوة : ليش خليتو يبرر خليتو يقول الي عنده اتهمتو بدون دليل وجبتو الشرطه والله وربي ما حيسامحكم
فيصل ما تحمل وعطاها كف
سلام راحت بسرعه ونادت امها
فيصل جا بيضربها الا وامه تمسك يده
ام فيصل : فيييييصل هذه اختك
فيصل بعصبية : يممما هذه ادافع عن قاتل ابوي وتبيني اسكت
ام فيصل : وانا مع بنيتي بلي تقوله
فيصل بصدمة : يعني مصدقه ان راشد برئ
ام فيصل وبثقة : اي متأكدة وكملت انا الي ربيته انا الي مربيته على يدي وهو مستحيل يسوي كذا مستحيل
فيصل مو مستوعب الي امه تقوله
سلمى وهي تصيح : والله ما سوا شي والله
فيصل : والله ان شفته لاذبحه واشرب من دمه
وطلع من البيت بكبره
_______________________________________________
انتظروني بلبارت الي جاي 😊