عرض مشاركة واحدة
قديم 30-12-16, 08:50 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


البارن الأول


كانت كل عائله ببيتها جالسه بهدؤ على قناة السعوديه الأولى ينتظرون الخبر هل رح يثبتو الشهر الفضيل ولا لأ لأنها من أحلى الأشهر بهل عائله وفجاءه خرج المذيع بنبرته الحاده
المذيع \ جائنا البيان التالي من مجلس الشورى وهو أن غدا هو أول أيام شهر رمضان المبارك أعاده الله علينا بلخيرات

هيييييييييييييييييييييييي ييييي فرح قامت تنط
أمها\ نعن أبو أبليسك وجع فجعتيني بشويش يلخبله بهل عمر ولسه خبله

مرح بشماته \ فرحانه يمه عبير الطفله ماسوت سوهااا
فرح \أقول أنطمي بس يمه أسفه بروح أبشر أبوي وأقله يرسل سلايطين ياخذنا عند جدتي
الأم\أيه يمه روحي كلميه

أما عبير ببرائتها راحت تتصل على خالد علشان تهنيه وتبشره لأنه أهم شخص عندها
فرح \الو هلا يبه
أبو خالد \هلا ببنيتي ها بشري ثبتوه
فرح \أي يبه كل عام وأنت بخير وأمي تقولك أرسل لنا أحد ياخذنا
عند جدتي
أبو خالد \وأنت بألف صحه وكلنا سالمين والحين أرسل لكم سلطان وأنا وخالد نلحقكم بس نخلص الشغل
خلاص يبه وأحنا جاهزين مع السلامه وقفلت فرح وراحت تتجهز مع أخوتها
وجاء سلطان وأخذهم
أوصف لكم بيت الجده لأنو رح يمر علينا دايم كانت فله مره كبيره أول ماتدخلي تلاقي نافوره وبعدها الفله وعلى اليمين الحديقه وعلى ليسار مجلس الرجال وبلملحق غرفة بلياردو وتنس ومن ورى الفله في مسبح وملعب كورة قدم وسله طبعا هذه كله تفنن نايف لأنو عايش مع أمه

دخلت عبير تجري بحضن جدتها وسلمت عليها وهنتها برمضان ودخلو البنات وسلطان وسلم على الجده
الجده \سلطان يمه وين أبوك وأخوك
سلطان \مو كافيكي أنا يمه
الجده\لا تكفي ونص بس وينهم
سلطان \بلدوام يخلصو ويلحقونا
وأستأذن سلطان وراح مجلس الرجال لأنو شوي وبيوصل الجميع
أم خالد\يمه عن أذنك بقوم أصنع القهوه وأجهز الحلى الي مسوينه فرح ومرح
الجده\خليك يمه الشغاله تسوي كل شي الا وين البنات
أم خالد\ البنات خرجو الحديقه وأنا بسوي القهوه لأنو الشغاله ماتعرف تسنعها عدل
الجده \الله يوفقك يايمه ويعينك قومي

بعدها بعشر دقايق وصلو بيت أبو فيصل
أم فيصل \هلا والله ببنياتي
فرح ومرح بصوت واحد\هلا عمتي وين هنادي
أم فيصل \ياقليلات الخاتمه قولو تفضلي قولو كل عام وأنتي بخير مو فين هنادي على طول
وفرح وجهها بلأرض \هلا عمتي تفضلي
ودخلو البنات ولميس دخلت مع أمها جوااا

عبدالله\سلايطن
سلطان\وجع يلخايس أسمي سلطان لأنزل ببطنك وطي
عبدالله \وش فيك حامي علي
سلطان \أقول تعال أجلس نسولف ولا تعال ننزل الملحق نلعب تنس
عبدالله كان فاهم سلطان \تنزل الملحق ولا مشتاق لحبيبة القلب منار
سلطان\يازينك ساكت تعال ننزل ولاتجيب طاريها مو ناقص مشاكل مع أخوها فهد

ومامضى ساعه الا كلهم متجمعين

وقضو اليله ضحك ووناسه والبنات بره بلحوش يلعبو ويجرو ماعدا ثنتين لميس وساره الي كانو جالسين بلغرفه فوق
لميس\وأخرتها معك ياساره
ساره مدري يلميس أحبه وربي أحبه وضميري يأنبني أنا السبب بلي فيه ليتني موت ولا صار الي صار
لميس\بس أنتي تشوفيه جامد وماعنده هل حركات وهو رجال وما أعتقد أنو شايل عليك من هل سالفه
ساره \بس أنا أحس أنو يكرهني هو وأهله شوفي الكره بعيون خواته
لميس\أنتي قصدك أماني طنشيها ماعندها سالفه
ساره أكيد أذا منار بتكرهني هو بعد يكرهني وماتستبعدي يكون سبب كره منار لي هو يمكن يكرها فيني أنتي تدري أنا ليه دخلت طب وقعدت تبكي
لميس \أدري حبيبتي وأفهمي أنو الي صار مالك يد فيه الي صار قسمه ونصيب بس هو على يدك قومي أغسلي وجهك وخلنا ننزل تحت الحين جدتي تزعل علينا
وقومت لميس ساره ونزلو تحت

بمكان ثاني بلفله تحديدا بلحوش

هند\أماني قومي معي أبغاكي بسالفه
أماني \طيب
هند\وش صار معاكي بسالفتك
أماني \ناويه عليها ناويه عليها وأن ما أدفعها ثمن الي سوته غالي ما أكون بنت أبوي
هند\بس ياأماني حرام عليكي ساره ماتستاهل الي بتسويه فيها
أماني قاطعتها بعصبيه \وأخوي يستاهل الي فيه حرام علي أنا وهي مو حرام
هند\صدقيني الي صار قسمه ونصيب وسيبك من الي في راسك لو فهد درى بيذبحك
أماني\ماعندي شي أخسره وبجرب وش دراك يمكن بكذا أساعد فهد
هند بعد مامشو فتره طويله\أماني تعالي نرجع للبنات ترانا بعدنا عنهم
أماني \مشينا
وفجاءه صوت أحد يطيح بلمسبح وصوت صراخ أماني بلمكان وصوت كلب

وش الي بيصير ومنو الي طاح بلمسبح

وشو قصة فهد وساره أبطال قصتي

وهل أماني بتسوي الي براسها ووشو ناويه عليه مع ساره

كل هذه بلبارت القادم



لامارا غير متواجد حالياً   رد مع اقتباس