[لامارا]

وهذه البارت الخامس لعيونكم خلصتو بدري قلت أنزله لكم

البااااارت الخامس

طلبت الجده من خالد وفيصل وفهد يجو جمبها
الجده \مشاء الله عليكم عيالي والله كبرتو وصرتو رجاجيل ومو ناقصكم شي غير الحرمه الي تزين بيوتكم
فهد ماعجبه الموضوع أما خالد فرح وقال لجدته \وش ناويه عليه جدتي لتكوني ناويه أتزوجينا
الجده\أيه ياوليدي الزواج نص الدين وأنا قررت أزوجكم
فيصل بكل جديه\ومنو سيدات الحظ الي ناويه أتزوجينا هم شكلك مخططه لكل شي جدتي منتب هينه
ضحكت الجده وشافت فهد الي مسرح \هاه فهد وش رأيك
فهد\بوشو جده أذا على الزواج شيليني من بالك مو وقته قبل لأزوج سعود ومنار وأماني مني متزوج
الجده\شوف ياوليدي يافهد الأغبيه ذولاك وتأشر على فيصل وخالد مو هاميني بس أنت من ريحة الغالي خليني أفرح فيك يايمه وأشوف عيالك قبل لأموت
فهد\بسم الله عليك يمه الله يطول بعمرك بس الحين
الجده تقطعه\لابس ولا شي الحين بخطب لك ولاتردني ياوليدي وخلني أفرح فيك قبل لأجابل وجه ربك الكريم وأتطمن عليك
فهد\يخسى من يردك ياجده وخلاص أذا على الزواج بكلم أمي تدور لي على وحده ولايهمك أهم شي رضاكي
الجده \وليه تدور البنت موجوده
فهد\ومنو البنت الي ناويه تخطبيها لي
الجده\ أبو ناصر
أبو ناصر\هلا يمه
الجده\أنا بخطب بنتك ساره لوليدي فهد وش رأيك
أبو ناصر \والله فهد رجال وينشرى ومبم ناقصه شي وأنا موافق والحين قومو جيبو مملك ونملك لهم
فهد\لا ياعمي لازم نعرف رأي ساره هي صاحبة القرار هذه الشرع ويحق لها توافق أو ترفض
أبو ناصر\والله أشهد أنك رجال وولد رجال الله يرحمه أبوك عرف يربي ومايسير خاطرك الا طيب بس بعد العيد
الجده\ فهد ياوليدي
فهد\هلا يمه
الجده\أنا بخطب أختك منار لوليدي فيصل بعد أذن أبو فيصل
أبوفيصل\لا يمه هذه ولدك سوي فيه الي تبغي فيه
فهد ساكت\جدتي فيصل رجال وماينعاب بس منار لها الرأي الأول والأخير
الجده\على خير وأنت يأبو فيصل ترى لميس لوليدي خالد
أبو فيصل \ونعم يمه بس يمه رأي البنت أول شي

الجده\شوفو ياأولادي ترى يوم خطبت لكم البنات مو ترخيص فيهم أشهد الله أنهم غالين علي ومن غلاتهم ماحبيت أحد ياخذهم غيركم علشان تصونهم وتراهم أمانه في رقبتكم بنياتي
سعود\طيب جدتي خطبتي لهم كلهم ماعدا ذا ويأشر بأصبعه على نايف
نايف \أصغر عيالك أنا علشان تقول ذا تحشم ولا وربي أوطي ببطنك
فهد\تستاهل علشان تحترم عمك صح قريب من عمرنا بس تراه عمك
الجده\والله ياوليدي أنبرى لساني منه وهو مو راضي فرميت طوبته وخليت أمره لأخوانه هم وياه حرين
أبو خالد\أنا أسترخص يمه أشوفك بكره أنشاء الله بعد صلاة العيد في أستراحة أبو فيصل
الجده\بدري يايمه خلنا نسهر مع بعض
أبو خالد\أنت تدري يايمه أنو مالي خلق السهر
الجده\على راحتك يمه
أبو خالد\خالد أتصل على أمك وأنتم يلا
خالد \يبه أنا بوديكم على البيت وبرد أسهر مع الشباب هني يبغو يسهرو
أبو خالد\سلطان هات مفتاح سيارتك وأنت رد البيت مع أخوك وخلك ياخالد مالو داعي توصلنا
سلطان \يبه يمكن نقضي اليله عند عمي نايف
نايف \الحين صرت عمكم مو قبل شوي كنت ذا
أبو خالد \سوى الي تبغوه بس لو تبغو تنامو بلملحق لأنو البنات بيقضو الليله عند جدتكم
نايف\ينامو وين مايبغو أنا مابنام الا بغرفتي
سعود\بدينا النذاله شكلو فيها طرده
نايف \لاطرده ولا غيره بس أنا ما أرتاح الا على فرشتي
وردو كل الرجال بيوتهم وجلسو الشباب بلملحق مع نايف الي يلعب كورة سله والي يسبح والي يلعب كورة طاوله والي يلعب فرفيره
أما عند البنات كانو مشغلين المسجل ورقص وفله وكل أنواع الفله والأنبساط
الجده\يلا يبنايتي تصبحون على خير مابتنامو
البنات \وأنتي من أهله يمه أحنا بنسهر اليوم
الجده\ساره تعالي طلعيني غرفتي يايمه
ساره \تامري جدتي
والبنت كانو جالسين وفجاءه صوت الأستريو يعلى على أغنية نسونجي لفارس كرم وقامت هنادي شدت فرح ومرح وأماني وكل البنات يرقصو ويستهبلو
عم تطلع بلنسوان شو بدك منهم قلي
والله الي مابيحب النسوان الله يبعتلو عله
الي مايحب النسوان الله يبعتلو منه عله

ومع الرقص يغنو بصوت عالي ودخل عليهم نايف وقام يرقص ويأشر على عمره يوم يقول فارس كرم
قلي مين بيسترجي الي بيبعد عن حوا درجه أنا شخصيا نسونجي ويرقص أول ماشوفوه البنات صنمو وهو قام يرقص ولاشي عنده عادي شد يد فرح ترقص معاها وبعد ماخلصت الأغنيه جلسو البنات ويا عمهم
مرح\والله ياعمو يابخت الي بتتزوجك بدلعها دلع
نايف بكل غرور\أكيد و ماخذه نايف من قدها
في غرفه أخرى بنفس المنزل
ساره\نعم جدتي خطبتيني لفهد لا يايمه قولي غير هل كلام
الجده\يابنتي وش فيه فهد
ساره \مافيه شي بس أنتي كذه رخصتيني ياجدتي أنتي أكثر وحده تدري الي بقلبي لفهد
الجده\ولأني أدري قمت وأتخذت أول خطوه وخطبتك له ولو أيوك سألك بتوافقي سامعه
ساره\لايايمه لاتغصبيه علي يمكن في خاطره بنت ثانيه أنا برفضه
الجده\لو رفضتيه أنسي أنو لكي جده فاهمه ياساره

وفي مكان أخر بنفس المنزل فهد جالس مع فيصل
فيصل\الحين يافهد أنت وش الي مضيق خلقكك البنت الي طول عمرك تحلم فيها وخطبوها لك
فهد\بس أنا مابغيتها تنغصب علي بغيتها تحبني توافق هي أنا خايفه تاخذني شفقه أو أحساس بلذنب بسبب الي فيه
فيصل\بس أنا حاسس أونو ساره تحبك مدري ليه والدليل رفضها للزواج الى الأن قوم ياولد العم وصلي ركعتين أستخاره والي فيه الخير ربك ييسره ولاتشيل بخاطرك
سعود \فيصل ترى بنلعب كوره قدم تجي أنت وفهد
فيصل \أكيد بنجي وبعد فهد جاي
فهد\لا أنسى ما أبغا
فيصل \مو بكيفك بتلعب ومعي بنفس الفريق
سعود\طيب أنا بروح أنادي نايف من عند البنات
فيصل\طيب روح أحنا شويه وجاين
راح سعود عند البنات لقى صوت المسجل عالي على أغنية الشاكي وهو ينادي نايف ومافي أمل أنا نايف فرحان على عمره يرقص ومكشخ لأنو الشب الوحيد بين البنات وقوم معاه ساره وساره ترقص مع عمها بحيا مو قادره حتى تطالع بوجهه هذه وهو عمها أجل وش بتسوي مع فهد
سعود\عمي ناااااااااااااااايف بأعلى صوته
نايف طلع له \وجع منت شايفني مشغول
سعود\حبيت أقولك أنو بنلعب كوره بره تبغا تيجي تعال
نايف \الحين جاي ودخل وكلم البنات أنو طالع يلعب بره كوره وقامو البنات يجرو على البلكونه الي بصاله ويطالعو الشباب وهم يلعبوو ويشجعو بعد
كان فهد وفيصل وعمر وسعود ووليد بفريق
ونايف وخالد وسلطان وعبد الله وهتان بفريق

ولعبو الكوره والبنات يشجعو ماعدا وحده عينها كانت بس عليه طبعا عرفتوها ساره أكيد عينها على فهد وجاء نايف وكسر فهد وطاح فهد بلأرض أول ماطاح قامت ساره وقفت ومسكت قلبها ماتدري أنو عين فهد كانت تراقبها بس قال يمكن صدفه مو علشان شي وضحك ووناسه وطاحت الكوره بلمسبح وقام خلع قميصه قدام البنات خالد ونزل المسبح جاب الكوره وطلع والبنات يصفرووو
فرح \فديته أخوي سبيح وتصفر له وكانت ليله غير وبعد سهره طويله دخلو كل واحد غرفته ينام كلهم كانو نايمين ماعدا القلبين الي بلفله ساره كانت مسويه عمرها نايمه وتبكي بين على مخدتها لأنها حست أنو جدتها رخصت فيها قدام فهد
أما فهد كان خايف أنو ساره توافق عليه شفقه أو مغصوبه وهل بيتزوجها وكيف حياتهم رح تكون مع بعض ماصحي على روحه الا وهو يسمع صوت أذان الفجر قام وأخذ له دش وحاول يصحي الشباب بس بدون أمل ونزل وصلى الفجر بلجامع
~*¤ô§ô¤*~
تعبت ياقلبي
~*¤ô§ô¤*~
تعبت ياقلب العنا بس ماشفت

يكفيك من جور الليالي عناها

يكفيك من دنيا الشقا ما تعلمت

دنيا سقتك المر وياشقاها

منها امتليت جروح ومنها تالمت

ومنها شربت بكاس حظك غثاها

تعبت ياقلبي من الهم مانمت

صعبة جروحك والزمن مابراها

حسبي على الدنيا شكيت وتكلمت

دنيا الظلايم ماسقتني هناها

بقلم سجينة الهوى


ورجع بعد الصلاه وقوم الشباب غصب عنهم علشان صلاة العيد وقامو كل واحد أخذ شور وتعود وتعطر مشاء الله عليهم شباب تفتح النفس

أما نايف قام بعد ما أخذ له دش ونزل لقى أمه تبخر البيت سلم عليها وباس راسها
نايف\صبحك الله بلخير يالغاليه
الجده\صبحك الله بلنور يانور عيني
نايف\وش فيهم البنات لسه نايمين
الجده\أيه يايمه شكلهم طولو بلسهره أمس
نايف\طيب يلغاليه جاهزه تروحي صلاة العيد
الجده\أيه يايمه وبتروح معي ساره ولميس
نايف\طيب يلا يايمه أطلعو تعالو أوديكم معي بس بروح أشوف الشباب جهزو ولا لأ
الجده\يمه أبغاك تاخذ الشباب الحين وتروح كلهم وماتخلي غير فهد سامع يايمه
نايف\ليه يايمه
الجده\سوي الي أقولك وبس
نايف\أمري يايمه
وطلع نايف وطلب من فهد ياخذ جدته وأخذ كل الشباب معه
ونزلت لميس وساره بعد مالبسو العبي والطرح وتجهزو وقامت الجده أول ماطلعو وقفت ساره مكانها لأنها أنصدمت من السياره الواقفه كانت سيارة فهد كانت رح تبكي بس لميس شدتها من يدها وحتى فهد أنصدم وأنو الموضوع جدته السبب فيه
ودخلو السياره وسلمت لميس وساره ورد عليهم السلام
الجده\ها يايمه ياساره جبتي معك الحلى
ساره\أيه يايمه هذه هو معي
الجده \الله يرضى عليكي يابنيتي
أما فهد طول الوقت عينه بلمرايه يطالع بحسن وجمال العيون الي وراه وساره عينها بلأرض خايفه ترفع راسها تلتقي عينها بعينه وتحكي العيون كلام القلوب
فهد\كيفك ساره كل عام وأنتي بخير
ساره\........
الجده\يمه ولد عمك يكلمك ردي عليه
ساره\بخير وأنت من أهل الخير
قام فهد ضحك على ترتيب الكلمات أما ساره غاصت بنص ملابسها وتمنت الأرض تنشق وتبلعها
ووصلو المصلى وصولو العيد ورجعو مع نايف البنات والجده
أما الشباب راحو على بيت جدتهم يحيبو البنات ماعدا فهد راح يجيب أمه من بيتهم لأنهم معزومين بأستراحة أبو فيصل وكان أول الواصلين الجده ولميس وساره الي لقو أبو فيصل بأستقبالهم
في سيارة فهد
فهد\يمه حبيت أقولك أنو جدتي خطبت لي ساره بنت عمي أبو ناصر
أم فهد\من جدك ياوليدي والله ساره بنت ماتثقل بلذهب وأنا كنت ريدتها لك والحمد الله وأنشاء الله بتكون من نصيبك
فهد\يعني يايمه راضيه عني
أم فهد\أنا دايم راضيه عليك ياوليدي ربي يوفقك ويرضيك مثل مارضيتني بدنيتي
فهد\يمه وفي شي ثاني ترى فيصل خطب منار فأبغاكي تاخذي رأيها
أم فهد\الساعه لمباركه ياوليدي وجلست تبكي
فهد\يمه ليه البكى الحين
أم فهد\من فرحتي يايمه تمنيت أبوك يكون معنا أنت وأختك بتتزوج مع بعض وش أبغا غير أني أستر أختك وأزوجك وأفرح بعيالك قبل لأموت وألحق أبوك
فهد\الله يخليك لنا يمه وتفرحي بعيال عيالنا بعد
أما في أستراحه أبو فيصل نادى أبو فيصل لميس
لميس\أمر يايبه
أبو فيصل \أنتي كبرتي يابنيتي وصرتي على وجه زواج ومشاء الله عليك حرمه سنعه (هنا لميس ولع وجهها) يبه ترى خالد خطبك وأنا وافقت وشو رأيك
لميس\خالد ولد عمي
أبو فيصل \أيه يايبه وش رأيك
لميس\يبه أنا بستخير ويصير خير وطلعت تجري من غرفتها
أما أبو فيصل يضحك على هبال بنته
((مامرت ساعه الا كانو كلهم مجتمعين بلأستراحه ))
وشو بصير بلأستراحه
وفهد بطلنا والبطله ساره وش بيصير فيها
في واحد من الشباب رح يترفض من هوه توقعاتكم معي