[اسفة]

صباح المواضيع الجميلة أكيد هعاتب وايتدى بالصلح بس مش كتير هو أنا نانسى عجرم هطبطب وادلع ولو ان ده هيتوفر برده فى البداية ههههههههههههه
فى مقطع للشاعر عبد الوهاب محمد فى أغنية لأم كلثوم بيقول فيها

أنا وانت نسينا حتى نتعاتب ونتصالح"، إنه غياب اللوم والعتب، يقولون "يبقى الحب ما بقي العتاب"مش شرط يكون الحب بمعناه الشائع اللى حُصر فيه فاللحب ألوان عديدة حب الأهل حب الأصدقاء ، كل علاقة أنسانية اساس بقائها الحب والعتاب عندما يغيب فلا وجود للحب، لأن انتهاء الرغبة فى العتاب اللى هو دوا الأحباب يساوى خسارة الطرفين لبعضهما
تكمل وتقول
"وعز عليك تسيب العند وتسامح، وعز عليا أكون البادي وأتصالح"، كيف نجني على الحب؟ كيف يموت منا ببطء؟، تجيب "الست" أن هذا يحدث عندما نمشي وراء صوت عقلنا المحرض ونتجاهل صوت قلبنا، عندما يضع الطرفان حدودا ويبدأ التفكير في من يبدأ أولا.”
الحاله دي فيها جزء مهم اوي وواقعي جدا من حياتنا
حالة “ العتاب ” / ؛ عتاب المحبين و يشمل كل العلاقات ( أخ أو أخت أو ابن أو بنت أو أي قريب أو أي صديق أو أي حبيب )
العتاب اللي بيفضي مساحات الضيق جوانا، ويقلل مساحات الأذى لأرواحنا
مش كل العتاب وجع ولا صوت عالي و توبيخ
مش كل العتاب قرف و زهق و نكد و ملل
العتاب دليل التمسك…
دليل أننا فارقين في حياة بعض
،و انك مهم عندي و اني مهمه عندك..
عاتبوا ب محبه مش ب عناد
عاتبوا ب القرب مش ب البعد ولا ب تجاهل
عاتبوا دلوقت مش بعدين، لما فلان يهدى
لان وقتها هيهدى فعلا بس قلبه هيتقفل
وقتها ولا عتاب الدنيا كلها هيفتحه تاني
مهما كان روحه فيك