 روايه اتلعثم بالحكي اذا باستني شفتك
البارت السادس (6)
.
.
نزلت من السيارة ودخلت البيت ودموعها تنزل دخلت غرفة ابوها وانسدحت بسريرة وتبكي بهدوء لحد مانامت .
.
بعد شهر
بسيارة السواق واقفة قبال بيتة جالسة بهدوء تفكر شاللي ابوها يبي يقولها عنة؟؟ قال اسمة قبل مايموت ، تنهدت بضيق دقت كتف السواق اللي غفى من الانتظار : خلاص بتشان روح بعدين اتصل عليك انا
نزلت من السيارة وصارت تمشي بأتجاة الفيلا
حست بشي ضربها بقوة طاحت بالارض مغمى عليها
نزل اهو واختة مستغرب كيف طلعت بوجهه
ركضت شوق ناحيتها ورفعتها وصارت تضرب خدها بشويش:بنت يابنت ، التفتت لاخوها وشفيك واقف تعال شوف البنت
خزها بقوة كيف تكلمة كذا
بلعت ريقها: اقصصد تعاال شوف البنت يمكن ماتت
قال بجمود: دبري نفسك
شهقت شوق: مو انت اللي دعمتها؟ طيب تكفى دخلها البيت خلينا نشوف وشفيها
تأفف وقرب وشالها بتردد هبت ريحة عطرها القوية صد بوجهه ودخل البيت
الام جالسة بالصالة شافتة دخل شايل بنت وشوق وراة شهقت بقووة وحطت ايدها على صدرها بخوف
ركضت شوق لامها وحضنتها وهي تبكي: يممة البنت ماتت اخوي ذبحها
سدحها على الكنب وراح باس راس امة وضرب راس شوق بخفة:ماعليك منها يمة تحب تكبر الموضوع ، الدعمة خفيفة والبنت اغمى عليها من الخوف
راح ناحية الدرج بيصعد جناحة
ام عزام: بتترك البنت طايحة كذا صحها سو شي تصرف
عزام بهدوء: يمة مالي شغل صحوها انتو
ام عزام: عززام
تنهد ورجع بأتجاها: شوق هاتي عطر ، طلعت عطر من شنطتها عطتة ورجعت لامها
ناظر امة وشوق ولف ناظرها وقرب بهدوء ومد يدة وفتح لثمتها
ناظرها لفترة جماالها طاغي ، عقد حواجبة وجلس يصحيها
فتحت عيونها بشويش وهي عاقدة حواجبها ، طلع برا البيت بسرعة
ركضت شوق ناحيتها ولمتها: انتيي عاايشة مامتي الحمدلله ، بعدت عنها وشهقت ، ماشاء الله وشهالزين وشهالزين ، انتي سعودية؟؟
ضحكت برقة غزل: يب سعودية
شوق ضربت نفسها: يبووي اروح فدوة وشالزين وشهالصوت كييكة وقسم كيكة
ام عزام: لااله الا الله تو البنت صاحية اذكري ربك ، الا صدق ي بنتي سعودية؟؟
غزل:سعودية وامي تركية
ام عزام: ماشاء الله الله يخليك لها
نزلت راسها: امي ميتة
ام عزام: اسفة ي يمة موقصدي
شوق بترقع: الله يخليك لابوك
مسحت دمعتها بسرعة: ابوي بعد ميت
ام عزام تضرب صدرها: اويلي على على حالك يمة ، لمتها
ابتسمت غزل ووقفت بتعب: عن اذنكم
ام عزام مسكت يدها: والله ماتمشين حلفت تتغدين معنا اليوم
غزل: فشلة خالتي انا...
قاطعتها ام عزام:انا حلفت ، راحت ناحية المطبخ
ابتسمت شوق: خلاص امي حلفت ، محد يقدر على امي وعزام لاحلفو ، الا ماقلتيلي وشسمك
ابتسمت:غزل
شوق:ماشاء الله جميل اسمك
.
.
روايات لوليا ❤
حساب الروايه انستقرام (rwayat_aaa)
|