[لامارا]

كآنت جآلسة على سريرهآ وهي تلعب بشعرهآ .. رجعت بذآكرتهآ لسآعتين ورآ .. يوم كآنت فالمول مع ملآك وسآلي وريمة .. وهم يجهزون لروحة بكرآ .. تعبوا من المشي وجلسوا عند المطعم يتعشون .. استأذنت تروح الحمآم وتركتهم ومشت .. دخلت للحمآم.. وهي تحس ان الصدآع ذبحهآ .. غسلت وجهها وطلعت .. وهي تفكر بامهآ وتعآملها مع فجر .. وتفكر بمآزن .. قررت لو الحت امهآ على مآزن بتتصل فيه وتقوله ما ابي اتزوج وخلص .. فتحت شنطتهآ وهي طآلعة وتدور ع الجوآل تبي تشوف رقم اخته اسمآء .. تضآيقت من شنطتهآ الكبيرة الي ضآيع فيهآ كل شي .. ما انتبهت غير ع الشنطة الي طآحت قدآمهآ ع الارض .. وطآحت كل الاغرآض الي فيهآ .. بعد مآ طآحت هي كمآن بجنبهم ..
تقدم لعندهآ ومد يده يبي يسآعدهآ تقوم .. تفآجأت من الطيحة .. تجآهلت يده الممدودة باحرآج وهي توقف .. وانحنت تآخذ اغرآضهآ .. انحنى معهآ وهو يعطيهآ الاغرآض ..وعيونه تتآبع حركة عيونهآ ورجفة يدهآ .. : انآ آسف كنت مشغول ومآ انتبهت.. تعورتي ؟ ( وهو يعطيهآ الجوآل ) اخذته وهي تنآظره كآن وسيم وخققة لدرجة .
كمل : لو تبغين اعطيك رقمي .. عشآن اذا استلزم الامر مستشفى .. آنآ آسف ..
اخذت شنطتهآ وانتصبت .. ما نطقت الا بـ : مآ صآر شي ..
انتبهت انه ينآظرهآ ومآ شآل عيونه عنهآ .. مآ تدري ليه رفعت يدهآ تتلمس وجههآ .. عرفت انه طرف الشآل الي كآنت مغطية فيه وجههآ طآح بطيحتهآ ..
شهقت وغطت وجههآ بسرعة وهي تمشي .. سمعت اسمهآ يتكرر اكثر من مرة .. رفعت رآسهآ شآفت ملآك تنآديهآ ع العشآ ... لفت بتشوفه للحين وآقف بس مآ لقت له اي اثر ..
صحت من سرحآنهآ وهي تتذكر سآلفة امهآ وفجر .. لبست شبشبهآ .. ونزلت للدورالارضي .. دخلت للصآلة وكانت امهآ جآلسة ع الكنبة وتطآلع التلفزيون : يمة .
لفت لهآ وهي مبتسمة : هلا يمة ندى زين انك جيتي .
جلست جنب امها وهي مستغربة : ليه ؟ عسى خير ؟
امهآ وهي تبتسم : ايه وش ردك ع مآزن ؟ ترآهم مستعجلين .
عقدت حآجبهآ : يمة ليش انتي مآ قلتيلهم اني مو موافقة ؟ ..
امها وهي ترمي الكونترول ع الكنبة : لا مآ قلتلهم .. قلت اكيد بتعقل البنت وتوافق ..
وقفت وهي معصبة : يمة انا ما بعقل .. قوليلهآ لعمتي اني مو موآفقة .. ومآزن خليه يتوكل ويدور غيري .. وبعدين يمة انا جآية اتكلم معك على اسلوبك مع فجر .. ممكن تقولين لي السبب .؟
ام وليد وهي معصبة : شكت لك ؟ وش جآب طآريهآ اللحين ؟ بنت السوسة ..
ندى وهي معصبة : يمة اذكروا محآسن موتآكم .. ربي يهديك ..
مشت متوجهة للدرج وهي مخنوقة ..


ܓܨ•••
✖ •


اليـــوم : الخميـــــــــــس
السآعة : 9:00 pm
المكآن : قصر عمر العآصم .

كآن الكل مجتمع على طآولة الأكل .. موعد العشآ يكون بهالوقت مثل كل يوم
.. واعتآد الكل يتجمع مع بعض .. نآظر كرسيهآ الفآرغ والتفت لامه ..: mam وينهآ فجوره ؟
ردت بدون نفس وهي مستمرة بأكل اللآزآنيآ من صحنهآ : مدري .. كمل اكلك ..
عسل وهي تقوم : بقوم انآديهآ .
قآطعتهآ امهآ وهي تنآظرهآ بنظرآت تخوف : لــآ .. كملي اكلك حبيبتي ..
وقف بهدوء وهيبة معتآدة : انآ رآيح المكتب .. مآ ابي احد يزعجني .. وبعدهآ بنآم .. ( مشى خطوتين لكنه لف مرة ثآنية وكأنه تذكر ) وجهزوا حآلكم بكرآ بنروح المزرعة ..
تركهم وكمل طريقه نآحية مكتبه .. بهالأثنآء نزلت بخطوآت سريعة من ع الدرج وجلست بمكآنه ع السفرة ..
سلوى وهي تنآظرهآ بعصبية : هذآ مكآن الغآلي .. محد يجلس عليه غيره ..
فجر وهي تضحك وتتكلم باستهزآء وآضح : لا تنسين ان هالغآلي .. غآلي بالنسبة لي كمآن .. وتأكدي .. لآ انآ ولا الغآلي ع قولتك اذا قمتي بنقول هذآ مكآن الغآلية .. حتى لو الخدآمة جلست بمحلك ..( لفت لعبد الله الي كآن يآكل ) حبيبي عبود نآولني الصحن .
عطآهآ صحن وهي تبتسم له وترسل بوسآ فالهوآ لعسل .. حطت لهآ من اللآزآنيآ .. وصآرت تآكل وهي تدندن وتنآظر سلوى وتحرك حوآجبهآ لهآ ..
عبد الله وهو يقوم : فجوره بكرآ بنروح لمزرعة .
فجر : ايوآ عآرفة حبيبي .. بنركب خيل انآ وانت وعسول ..
عسل وهي تضحك : وآآو .. ابي اروح .. مآم لازم اجهز اغرآضي ..
سلوى : ايه حبيبتي .. بنجهزهم بعد شوي ..
عبد الله وهو يجلس ع الكنب ويآخذ الكونترول ويقلب فالتلفزيون : صصرآحة الجو هنآ خنقني .. ابي ارجع فرنسآ ..
عسل وهي تقوم من ع الطآولة وتنط وتجلس بجنب عبد الله ع الكنب : وانآ بعد مثل عبود ..
فجر وهي تضحك عليهم وتكمل اكلهآ : لآ بالعكس .. انآ عآجبني الوضع هنآ حسيت اني انتمي لهنآ وبس .. صدقوني بتستانسون ..
سلوى وهي تقوم وباستهزآء : مستغربة منك كيف ارتآحيتي هنآ .. مع نآس مستوآهم زفت .. مثل عمآتك وعمآنك ..
فجر وهي تكلمهآ ببرود : وانآ مستغربة من الزمن الي خلآ نآس مستوآهم منحط وزفت من امثآلك يعيشون فقصور بعد مآ كآنت الخيآم كثيرة عليهم .
سحبت الجوآل من ع الطآولة .. وركبت السمآعآت فيه .. وتوجهت للأصنصير بتصعد لجنآحهآ ..


ܓܨ•••
✖ •


نآظرهآ وهي تدخل من البوآبة الرئيسية وتنآدي الخدآمة تشيل الآغرآض الكثيرة الي معهآ .. والجوآل لآ زآل على اذنه : خلآص يالغلآ ( وهو يشوف ريمة متوجهة لعنده بعد مآ انتبهت لوجوده ) بتصل فيك وقت ثآني .. عندي شغل .. ولا تشغلين بآلك انا بخير ومرتآح ..بكرآ احآول اكون عندك .. طيب ؟
سكر الجوآل بعد مآ وقفت قدآمة وهي تضحك : كيفك ابو الشبآب ؟
ضحك وهو ينآظرهآ بنص عين : اليوم نجيتك من عذآب ذيآب .. ليه مآ اخذتوا وآحد من الحرس معكم.. كذبت وقلت له ان عبيد رآح معهم ..
ريمة وهي تضحك : يعني بنآت ونبي نستآنس ع رآحتنآ نآخذ معآنآ عبيد الي كل مآ اخذنآه سوآ لنآ مشكلة مع شبآب بس نآظرونآ .. وبعدين من لنآ غيرك يدآفع عنآ على قولة عبير انت الـ hero بالنسبة لنآ يا عمور ..
ضحك بقوة وهو يتذكر عبير : عبير اخت مروآن مآ غيرهآ ؟ .
ريمة : ايوآ .. الي بتموت ع جمآلك .. تقول انك خققققة ( وهي تضحك ) وهي الصآدقة .. انت مآ بتروح للغريبة من اللحين اقولك ..
ابتسم ابتسآمة كبيرة بآنت فيهآ غمآزته ع خده اليسآر .. كملت ريمة : بكرآ جآي معآنآ للمزرعة والآ لآ ؟
عمر وهو يسحب جآكيت بدلته من ع الكرسي الي فالحديقة : المفروض .. بس بتأخر عندي شغل فالشرقية .. يغني بجي بعدكم .. صحيح اخبار زيآد ؟
ريمة : خرجوه واكيد نآيم اللحين يبي يرتآح عشآن بكرآ يستآنس مع فجوره ..
عمر : على طآري فجر .. وين ذيآب ؟.. وصلتني اوآمر من جدك ..
ريمة : اكيد فجنآحه .. ( كملت وهي تضحك ) صراحة مستغربة ليه جدي يحب فجر هالكثر .. صرت افكر انه يحبهآ اكثر من ذيآب ..
ضحك وهو يرتب الكرسي الي كآن جآلس عليه : انآ كمآن صرت افكر كذآ .. انتي عآرفة ان ذيآب وفهد واللحين فجر لهم معزة خآصة عنده ..
ريمة : واحنآ يآ غآفلين لكم الله .. مآلنآ معزة عند احد .. ( سكتت وهي تنآظر الورود الي فالحديقة ) عمر انت عندك اهل ؟
سكت لمدة وهو يقلب فجوآله .. نآظرهآ وهي شبه جالسة ع الارض : بس ام ..
وقفت وهي تشم الوردة الي قطعتهآ : الله يخليهآ لك ..
وجه نظرآته للجذر الي قطعت منه الوردة : آمين ..
رفع الجوآل بعد مآ لوحت له بيدهآ انهآ رآيحة : هلآ ذيآب .. كيفك ؟
ذيآب : تمام .. خير ؟
عمر وهو يتكلم ببرود .. ومتضآيق من اسلوب ذيآب معآه .. بالرغم من الاحترآم المتبآدل الي بينهم : الجد عبد العزيز ..اتصل فيني وعطآني بعض الأوآمر الي لآزم توصل لك ..
ذيآب وهو متضآيق من الأوآمر الي عآرف بعضهآ : اييه..
كمل عمر : عمي عمر وعآئلته يجون مع بآقي العوآئل .. يبيهم ع السآعة 12 كلهم عنده ..وموضوعك ( وهو عآرف انه بيعصب ) يعني اسم دلآل مآ ينذكر قدآم عمك وفجر ..
ذيآب وهو يقآطعه بعصبية : ومن قآلك ان هالأسم ينذكر من الاصل ؟
عمر وهو يقآطعه ببرود : مو انآ الي قلت هالكلآم .. جدك الي قآل .. وفجر يبيهآ اول الوآصلين لحآلهآ وانت معهآ ..
قآطعه وهو معصب : اييش .؟ .


ܓܨ•••
✖ •


دخل للصآلة وهو يرمي شمآغه ع الكنبة ويرمي حآله فوقهآ بعده .. غمض عيونه بقوة وهو يحآول يتذكر الي صآر .. ومآ ينسى اي لحظة حلوة واي لمحة واي حركة واي همسة صآرت ..
فتح عيونه ببطء على صوت اخته عبير الي كآنت نآزلة وتتكلم فالجوآل .. : طيب ندى ..( ابتسم وهو يهمس .. تشآبه بالآسمآء ) وربي جآيين اكيد .. مآ بضحك عليك صدقيني .. الصبح ارسلي لي صورتك باللبس الي بتروحين فيه .. طيب . يالله سلآم ..
سكرت الجوآل وتقدمت ونطت وهي تجلس بحضنه : مروآآن حبيبي كيفك ؟
بعدهآ عنه وهو معصب : انتي ايش مفكرة حآلك ؟. بآربي ..؟
عبير وهي تقوم وتجلس بجنبه وتسحبه من شعره الطويل : ايش ؟ اللحين انآ صرت مو بآربي ؟ . ابي اشوف زوجتك اكيد بتكون فلة ..
ضحك وهو يسحب شمآغه ويقوم : اتركيك من زوجتي .. وخلينآ بزوجك .
عبير وهي ترمش بعيونهآ وتحط رجل ع رجل : ادري يآ مروآن يا قلبي .. ادري انهم ازعجوك .. بس قوللهم البنت مآ اعلنت الحب لسة ..
مروآن وهو يضحك ويتقدم ويسحبهآ من شعرهآ : ايه عبور .. يعني نآوية تعلنين الحب عشآن اكسر رآسك ..
ضحكت وهي تسحب شعرهآ من يده : آآي شعري ..
مروآن وهو يوقف عند الاصنصير بعد مآ مشى عدة خطوآت لانه كآن تعبآن بجد : هآآ وش اقوله ؟ اوافق ؟ ترى رجآل والنعم ..
عبير وهي مستغربة : جد مروآن ؟
مروآن وهو يمسك رآسه الي يآلمه : اتصل فيني ابوي وقال ان في رجآل متقدم لك ..
انمحت ابتسآمتهآ وهي تنآظره : لآ يكون مصآريفنآ زآدت عليه ويبي يزوجني ويفتك مني ؟.
مروآن تقدم لنآحيتهآ وهو يشوف الدموع تجمعت بعيونهآ : حبيبتي عبورة انتي عآرفة ان الفلوس الي يرسلهآ لنآ انآ ارسلهآ لأمي .. ومآ آخذ منه فلس وآحد .. وهو كمآن يدري بهالشي .. وبعدين الرجآل الي متقدم لك يشتغل فشركتنآ وانآ اعرفه شخصيا ..
عبير تقربت وحضنته وخبت رآسها بصدره : مروآن انآ مآ ابي اتزوج .. ابي اكون دائمآ معك .. وصدقني ( وهي تتبآعد و ترفع رآسهآ وتنآظره ) حتى لو انت تزوجت صدقني مآ ازعج زوجتك ابد وبحبهآ مثلك ..
ابتسم وهو يقربهآ لحضنه اكثر ويمسح على شعرهآ .. وملآمح المجهولة تمر فخيآله .. اكييد بتحبيهآ يا عبير ..


ܓܨ•••
✖ •


رفعت الجوآل وهي تدق ارقآمه الي اخذتهآ من ريمة : هلآ ذيآب .. انآ فجر كيفك .. اخبآرك ؟
قآطعهآ بصوت معصب : خير .؟ وانآ مآ شفت الخير من يوم جيتي ..
ضحكت وهي ترد بدلع : ذيآآآآآآب .. سمعت ان جدي يبيني اول الوآصلين معآك فديتنآ .. تلآحظ اننا محبوبين من الجميع .. بس استغرب كيف يحبك وانت دائمآ معصب .. وانآ يحبني وانآ دائمآ اضحك .. يعني .
قآطعهآ وهو يمسك رآسه بتعب بعد مآ سكر اللآب الي قدآمه : فجر .. تدرين انآ بكرآ عندي اجتمآع مهم .. وعشآن حضرتك اجلته ..
فجر وهي تضحك : لأجل عيوني تكرم مدينة يآ ذيآب .. وبعدين ايش هالشركة الي بتموت ع الفلوس وحتى يوم الجمعة تعقد اجتمآعآت ..
ابتسم رغم ابتسآمآته القليلة ورغم التعب الي هآد حيله : شركتي غيير .
فجر وهي تتكلم بانطلآق وبصراحة : اصلا انت كلك على بعضك غير عن الباقيين بالرغم من عصبيتك وتعآملك الجآف معي الآ اني حسيتك قريب مني .. فيك شي غريب .. مآ شفته بعيونهم كلهم .. ( وهي تضحك عآرفته بيعصب ) مخبي سر ؟
انصصدم من تفكيرهآ .. مآ يدري ليه تمنى يقدر يقول لهآ كل شي .. ويسمع رآيهآ بالموضوع .. بالرغم من انهآ صغيرة ومجنونة الآ انهآ تفكر بعقلآنية ..
ابتسم على تفكيرهآ الصحيح : وانآ كمآن متأكد فيك شي .. مخبيته عن الكل . حتى انك تحآولين تخبيه عن نفسك وتتنآسيه ..
بلعت ريقهآ وهي تتذكر ابوهآ .. وتضآيقت لانه يعرف عنهآ شي .. وبالفعل مآ تبي احد يعرفه : انآ مآ بقولك ..
ذيآب بعنآد وهو يجآريهآ : وانآ مآ بقولك ..
ابتسمت :باليوم الي تحكيلي فيه بحكيلك كل شي .. بس تدري ( وهي تضحك ) مشكلتي مآ انضمن قدآم عيونك المعصبة احكي كل شي ..
ابتسم مرة ثآنية وكأنهآ تقرآ افكآره .. تمنى يقدر يقول لهآ انه كمآن مآ يضمن حآله قدآم لمعة عيونهآ : بكرآ جهزي حآلك ع سآعة 8 طيب.. ولو تأخرتي دقيقة مآ اوديك ..
فجر : طيب .. تدري اني متحمسة مررة ..متأكدة بستمتع معك .
قآطعهآ : لآ تتأكدين كثير .
فجر وهي تبتسم وتتجآهل كلمته : طيب يالله سلآم .
سكرت الجوآل ورمته ع سريرهآ ونزلت للدور الارضي .. وهي تشوف ابوهآ طآلع من مكتبه .. رفع عيونه لهآ وهو يتكلم ببرود وبهدوء : بكرآ ذيآب بيآخذك عند ابوي ..
نآظرته بدون مآ ترد ..
كمل وهو ينآظرهآ بنظرآت متفحصة : مآ عندك اعترآض .؟
تضآيقت كثيير .. مين المفروض يكون عنده اعترآض انآ والآ انت .. وكأنه يبي يبين لي اني دآئمآ اعترض .. رفعت رآسهآ وهي تتكلم بحدة : لآ مآ اعترض . لأني رآيحة من دونكم ..
ولفت وهي مآشيه لنآحية الدرج الكبير الي يتوسط الصآلة ويكون قدآم مكتبه .. لكنهآ ترآجعت ولفت مرة ثآنية وهي تشوف نظرآته لآزآلت متفحصة وتتبعهآ ببرود .. تمنت يكون محله عصبية مفرطة مثل بآقي الآبآء .: وجودكم يخنقني يآ بآبآ ..( وهي تركز على كلمة بآبآ ) .. كملت الدرج متجآهلة الاصنصير .. بخطوآت هآدية عكس الي دآخلهآ من برآكين ..


ܓܨ•••
✖ •

تفآجأ من حركته وهو طآلع بسرعة من الشقة .. سكر البآب بعده ودخل .. توجه للبلكونة وهو يسحب الجآكيت من ع الكنبة لان الجو بآرد .. كآن تفكيره منحصر بمآجد الي طلع مستعجل بعد الاتصآل الغريب الي جآه .. ومآ نطق بكلمة غير انه رآيح .. مين ممكن يتصل فيه هنآ ؟. معقولة تكون جمآنة .؟ اكيد مآ في غيرهآ يربك مآجد .. جلس ع الكرسي الهزآز وغمض عيونه .. وهو يحس بالتعب هآد اركآنه .. الامتحآنآت قربت .. ولآزم يشد حيله عشآن يرجع .. لانه خلآص مو قآدر يتحمل يكون هنآ اكثر .. بمكآن مآ فيه اهله واحبآبه .. سمع صوت الجرس يرن .. قآم بسرعة وهو خآيف على مآجد .. ليه مآ فتح البآب بنفسه ؟. نآظر العين السحرية ومآ لقى احد .. فتحه وفجأة وقفت قدآم عيونه .. تفآجأ كيف عرفت مكآن سكنهم وبحدة : خير .؟ مآ طلبنآ اكل .
ابتسمت بعفوية وهي تنآظره بنظرآت مآ فهمهآ : وليد بدي قلك شي .. شي كتيير زروري ( ضروري ) مشآن مآجد ..
تقدم خطوة وهو خآيف : شفيه مآجد .؟ وينه .؟
رفعت حآجبهآ وهي تتكلم : ادري انه مو موجود .. انآ جيت . لاني شفته طآلع ..
وليد بحدة : خير رغد .؟ بدك شي ؟. استعجلي .
رغد وهي تبتسم : انآ سعودية يآ وليد ..
نآظرهآ بتفحص وكأنه كآن حآس بهالشي .. : والمطلوب .؟
رغد بحدة وهي رآفعة حآجبهآ : المطلوب منك .. مآ تخلي مآجد يشوف جمآنة لانهآ موجودة هنآ .. وانآ حذرتك لانه اكيد بينصدم ..
وليد باستغرآب :من ايش ينصدم .؟ وثآنيآ هي خلآص رآحت وهو نسآهآ..
رغد وهي تكمل بعصبية مآ عرف وليد سببهآ : صدمة كبيرة .. اذآ اخوه تزوج حبيبته ..
تركته واختفت .. وهو وآقف مذهول من كلآمهآ .. طيب وين مآجد ..كآن السؤآل المهم الي يدور فبآله وين مآجد .؟
دخل للشقة وجملة رغد تتكرر على مسآمعه ..
صدمة كبيره اذآ اخوه تزوج حبيبته ..
صدمة كبيره اذآ اخوه تزوج حبيبته ..
صدمة كبيره اذآ اخوه تزوج حبيبته ..

صدمة كبيرة فعلا .. اي اخ ؟ ..معقولة .. وهو يحآول يبعد الفكرة الي خطرت فبآله من رآسة ويمحيهآ من الأسآس لان مستحييل .. بس لو كآنت صحيحة .. قلوب كثييرة بتتحطم .. واولهم مآجد .. جلس ع الكنبة وهو مو قآدر يركز اكثر .. رفع الجوآل ودق ع مآجد ولكنه كآن مغلق .. معقولة عرف بكل شي .. لالا .. اهم شي مآجد مآ يدري .. الآ مآجد لآ يدري ..
مسك رآسه وغمض عيونه بقوة وهو يحآول يلقى تفسير للي سمعه .. وانه ممكن يكون كذب .. فتح عيونه بعد مآ سمع صوت بآب الشقة يتسكر.. ثوآني وكآن مآجد وآقف عند رآسه .. بدون ملآمح .. بدون احآسيس .. بدون دم .. كآن وجهه خآلي من اي علآمة تأكد معرفته بأي شي .. كآن هآدئ لدرجة .. هآدئ بهدوء مآ قبل العآصفة .. جآمد بدرجة فظيعة .. وقف قدآمة وهو خآيف من الي ممكن ينطق فيه مآجد .. وخآيف اكثر من الكلآم الي لآزم يقوله..
نطق مآجد واخيرآ بصوت وآضح وعآلي .. رن صدآه بأنحآء الغرفة :
أخوي أحمد هنآ .. ومتزوج حبيبتي ..
أخوي أحمد هنآ .. ومتزوج حبيبتي ..
أخوي أحمد هنآ .. ومتزوج حبيبتي ..


جلس ع الكنبة من هول الصدمة .. وكأنه كآن نآطر مآجد يجي ويقول هالكلآم .. الي يأكد كلآم رغد .. توجهت عيونه بخوف لـ مآجد .. الي رمى المفتآح ع الارض .. ومشى بخطوآت بطيئة لغرفته .. ولكن تسكيرة البآب بكل مآ اتآه الله من قوة كآنت نهآية لمسرحية الهدوء الي كآن مبدع بتمثيلهآ .. والي اعقبهآ اصوآت صرخآته المتتآلية .. واتبعهآ سيل من اصوآت تكسير التحف والصور .. وتحطيم قلب كآن ينبض بالحب ..

ܓܨ•••
✖ •



مخرج •••
[ ~ مــــآت حبك .. والبقيــــــــة فـــ حيآتــــــــك ~ ]





~ تعبت .. وانآ كل لحظة بمحبتك .. [ ~ انصدم ~ ] ~