اتأخرت يا ملوكة
بما اني عرفت انك مغربية و الابطال مغربيين فرايحة نحكي بالجزايرية،يخي نفهمو بعضانا ؟ 😂😂😂
الفصلين روعة كالعادة
مرح وجع الرواية
وجعتلي قلبي بزااااف لما تخيلت ان الدكتور عماد رايح يعتدي عليها
بصح بدات تحكي علي معاناتها و احلامها البسيطة اللي تهدمت
برغم ان الطبيبة لبني النقيضة تاعها و برغم تحررها بصح يظهرلي انها اللي رايحة تخرجها من القوقعة و بدات تخرجها
بصح لوكان قعدت تتواصل مع مني رايحة تقعد تخبي و تحاول تداوي جرحها بحنان الامومة اللي حستو مع منى، صح هادي حاجة بزااف مليحة بصح هي محتاجة تخرج من حالة الجمود و تخرج انفعالاتها علي خاطر ماشي مليح يقعدو في قلبها
يوسف ببساطة طفل مشتت حايب يرضي المجتمع، من جيهة احساسه بانه مسلم و فطرته النقية اللي تأنبو على أفعالو
و من جهة خلاف انفتاحه و تحرره اللي اداه من عند الغرب بحكم ترعرعه لتم بلا قيود
مشتت بين هادي و هادي و ماشي عارف الطريق بصح حايب يتخلص من السواد و المستنقع اللي عايش فيه علاجال بنتو علي الأقل
مصطفى و جميلة
دايما تخرجو علي عقلو و تخليه يدير ردود افعال جامي يتخيل انه رايح يديرهم
و الغيرة كواتو اليوم و متاكدة انو رايح يتصدم في روحو 😂😂😂😂😂
بصح هل طريقة امو في دفع جميلة في طريقو صح؟
يعطيك الصحة يا ملوكة 😍😍😘
|