الف الف مبروك الختام ...وختامها مسك
يمكن احلى قعدة ليلة عرس قريتها هههههه
حقيقي استمتعت بالعاطفة بينهم الراقية وكمية الاحتواء
كمية الانسانية والمحبة والحكم بالنوفيلا رائعة
ذكرتيني بعرس اختي الصغيرة من ظلينا ندور حلويات لونها ابيض ومالقينا وكان المفروض نحط بصينيه الحنه ههههههههه ازمة والوقت داهمنا ومن سوق للثاني
تقاليد عقد القرآن بيها اختلافات من منطقة للثانية بسيطة وهذا جذبني جدا
قبل فترة حضرت عرس لصديقة ..العروسة من البصرة والعريس من الشمال
فمن الشيخ يسألها عن موافقتها صارت ازمة واحنه متابعين
اول شئ قعدت على كرسي ونقعت رجلها بطاسة مي وفوق راسها قرآن كريم وبعدين صينيه بيها اشياء ما شفتها ..وبعدين شموع ..وبعدين نثروا اشياء فوق راسها ماقدرت المحها لبعد المسافة
منتظرين جديدك بسرعة على الابداع هذا عاشت الايادي ياوردة ..تعليق سريع مستعجل لان اخويه رجع هسه وما بطل تذمر من الجوع هههههه
|