[um soso]

المشاركة الأصلية كتبت بواسطة butter fly

اسفة كتيييييى يا ام سوسو والله مبدخلش المنتدى غير تخاطيف عشان الامتحانات 😭 اول ما شفت الرسالة قلت لازم ادخل و احط التاتش بتاعى😂 هبتدى بريفيو الفصل التالت
ابتدى بيمين بالثلاثى المرح سندس و ايناس و اميرة عسلات اوى دول خرجونى انا نفسى من المود😂😂😂
عيلة شهد عيلة محترمة دول اقل واجب انهم يشردوه كدا فى الشوارع على اللى عمله فى بنتهم بس هما ولاد اصول و ملهمش فى قلة الادب زى الاستاذ كمال😍
كمال دا 😬😬😬😬😬 لا بجد هى عشان عايزة تعمل كل حاجة باصولهت نبقى بتخفى حاجة تانية ايه المنطق المريض دا دا يبقى كل شخص عارف دينه بقى منحرف و مخبى انحرافه شخص لا تعليق عليه بجد
شهدوتى الحلوة مهيضة الجناح الحتة دى فطستنى ضحك لما كانت هى و اخواتها عايزين يسافرو😂😂😂 اخواتها مسخرة
عيلة كمال هوا كدا خلاص مفيش اكشن و اطلع بره بيتى عشان الفضيحة و كدا خلاص هيسبوه يطلع ينام نامت عليه حيطة
فصل فظريف اوى يا ام سوسو هجرى اقرى الى بعده و ارجع بتعليق❤

المشاركة الأصلية كتبت بواسطة butter fly

ريفيو الفصل الرابع
عائلة شهد دى عائلة دافية اوى😍 حبيتهم كلهم على بعض و مشهد تسللهم واحد واحد ليطمنو عليها والله لو عائلتى زى دى مش هتجوز😂😂
اوووووه وائل يا وائل حبيتك يا وائل و هشجعك واضح انك محترم واخللق و رجولة يا وائولتى😍
ايه اللى ما بين محمد و بسمة ليه فى فتوور شنيع و جفاء فى العلاقة كدا دول 5 سنين جواز بس امال لو 10 هبضربها بالنار ليه محمد واخد جمب هل عشان اتفرضت عليه و هو صغير و اتورط فى جواز و خلفة كله هيبان

فصل دافى اوى يا ام سوسو هروح للى بعده و ارجع بريفيو❤

المشاركة الأصلية كتبت بواسطة butter fly

تعليق الفصل الخامس
كمال وقف كلمسوع تلسعك حية يا بعيد و زوجتك مين انت فقدت الذاكرة ولا ايه انت نسيت الطلاق و لا نسيت ان مفيش عدة يلا معلش هعملك معاملة شخص ذكاءه محدود و عدا كل الحدود😏😏
والله ابو شهد دا ابو الرجولة كلها من غير مشاكل اثبت للكل انهم احسن من الملسوع و عائلته و ان شاء الله ربنا يتمم بخير كمان اصل وائل دا حبيتشه اوى😂
فقرة المطبخ دى مسخرة 😂😂😂😂
واه صحيح يعنى ايه كاهى و قمرة دا
هجرى على الفصل اللى بعده❤

المشاركة الأصلية كتبت بواسطة butter fly

ريفيو الفصل السادس
وائل لا لا لا امجد الجزء الثانى😂😂😂
اختلف مع شهد فى نقطة و هو الجواز بسرعة فى الموضوع الجواز بالذات مينفعش انى احكم على حد من نظرة اهلى ليه ممكن يكون شخص فيه كل المواصفات اللى تخلى اى واحدة توافق لكن ما بمجرد ما يتقعد معاها تتقفلى مش لعيب فيه بس مفيش قبول عشان كدا بحب تكون فيه فترة خطبة معقولة لا هى صغيرة ميلحقوش يتعرفو ولا هى طويلة و ممكن ياخدو على بعض من باب العشرة بس عموما هى وجهات نظر مختلفة
كمال دا والله يتقال فيه قصايد شتايم و متكفهوش لا بيحترم لا صغير و لا كبير صغر عائلته و اهان نفسه و حاجة صعبة 😬😬😬
انتقل للفصل الاخير بقى ❤

المشاركة الأصلية كتبت بواسطة butter fly

واخيرااات الختام احلى ختام والله قصة او رواية قصيرة دافية و دمها خفيف و قصتها قوية حبيتها جدا يا ام سوسو😍😍
تفاصيل الحمة عجبتنى جدا ❤
مش عارفة اقولك ايه فى ختام الىحلة دى غير انى اطالب بجزء للاستاذ احمد و زوجته بسمة لمعرفة سبب هذه العلاقة الغربية و وضع حلول لاصلاحها😂😂😂😂

الف شكر لتواجدك وتعليقاتك على كل فصل لوحده
ان شاء الله يارب اسمع دائما اخبارك الحلوه والنجاح الباهر

القيمر هو القشطه البلدي
والكاهي
العجينه المورقه مثل الفطير المشلتت