عرض مشاركة واحدة
قديم 23-12-18, 08:12 PM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 83,214
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



البارت الثالث


مساء الحب…

لاتجعلون الروايه تلهيكم عن عبادتكم اللهم بلغت اللهم فاشهد

‏ي اجمل قصيده في عروقي سكنتي
يافرحة ايامي .. وصادق حناني

لف الكل بدهشه من الجمال الي قدامهم والكل يذكر الله على جمالها
كانت انوثه طاغيه على صغر سنها الى انها جميله
لؤي فتح فمه يطالع حواجبها مخطوطه عيونها كبار وناعسه، لونها الازرق الغامق خشمه الي لايق لوجهها وشفايفها الصغيره وبياضها يجنن
نشور بربكه / السلام عليكم
الكل / وعليكم السلام
نشور انتبهت لعيون تخرقها لفت تشوف طلع اكثر انسان وجعها وكسرها قاعد يطالع بوله وشوق ولهفه
سالم." صح اشتقت لها لاكن ودي اقوم اطقها اقهرتني كاشفه ولا تتغطى والعبايه كتف ومفتوحه وباين ساقها لان الجنز موطويل وعيال عمها كلهم شوي وياكلونها بنضراتهم
قطع عليهم رشا الي دخلت / سلام
لفت نشور تحس مي غريبه عليها
رشا / نشورر وسلمت عليها
رشا./ كانك ماعرفتيني
نشور./ مو غريبه بس اتذكرك
رشا/ افا نسيتيني انا عمتك رشا
نشور / ماعاش من ينساك بس تعرفين من زمان عنكم طبيعي مااتذكركم
رشا سحبتها/ ماعليه يله تعالي اعرفك على العايله وتسلمين
تقدمت نشور للجد والجده سلمت عليهم
رشا بدت تعرفها عليهم
رشا / ذا عمك فيصل سلمت عليه نشور
رشا/وذولا عياله مؤيد ولؤي وعزوز وبناته بنعرفهن بعدين
الشباب / هلا يابنت العم اخبارك
نشور /تمام
رشا/وذا عمك راشد وعياله نواف ويزن ومازن سلمت عليهم
رشا /وذا عمك خالد
كشرت نشور تعررفه سلمت عليه ببرود
رشا /وعياله احمد ويوسف
تذكرت يوسف ولد خالها وابتسمت
وهذاك / اخوانك محمد وعيسى سلمت عليهم
رشا/ وانا رشا وذاك فهد وذيك ساره وعمتك رويدا مسافره مع زوجها وعيالها
سلمت على البنات
وراحت لجهه ابوها وهي ترجف والرجفه باينه عليها سلمت بسرعه تبي تبعد بسرعه وبغت تطيح الى مسكها سالم وقال /انتبهي
وخرت بسرعه وقعدت وهي تهز رجلها "ياربي اللحين المباراه بقا لها نص ساعه وتبدا اف مالقوا الى اليوم ياخذوني "^_^ ← يابرودك 😂💔
وقفت
الجد / وين
نشور /تعبانه وبرتاح
الجده كشرت / شوي وروحي حسستيني جايه من سفر
كانت راح ترد لاكن تذكرت وصيه جدتها وعيال خالها وبناتهم
قعدت وهي تهز رجلها
جاء فهد وقعد / وشبك مرتبكه
نشور /لا عادي متعوده على هلجلسات
فهد /اجل وشبك
قربت منه وهمست / فيه مباراه وبقى عنها اقل من نص ساعه وتبدا تكفى طلعني من هنا
ضحك فهد بصوت عالي الكل التفت لهم قرصت نشور فهد مع خصره وهمست /الخبل الي يقول لك
صرخ بقوه من قرصتها
الجد /فهيدان وشبك
فهد وهو يتوعد بنشور بعيونه /لا لا مابي شي بس باخذ نشور اوريها الجنااح حقها
الجد / شوي
فهد /لا لا يبه لازم اللحين وقام وهو يسحب نشور
طلع معاها
ولحقوهم العيال كلهم
نشور /طيب وين شناطي عشان ابدل
على جيت الشباب فهد /شباب قولو للخدم ينزلون شناط نشور
يوسف / كم شنطه
فهد ضحك / 8
الكل / هاه
فهد / وجعاه
محمد / خلاص حنا ننزلهن
نشور./اهم شي الكموني والكحلي شوي شوي لانهن قزاز
الكل /اوكيه
طلع فهد معاها للجناح كان صاله كبيره ومجلس وغرفه ومطبخ تحضيري وحمام تكرمون مرتب الجناح ومنظف ومبخر رمت العبايه والشيله واتجهت لتلفزيون فتحته قنوات قليله تدور الرياضيه مالقت بصدمه /ليش القنوات كذا قليله مرره ومافي شي لا ام بي سي ولا القنوات الخليجيه
فهد ضحك / هاذا بيتنا كله كذا نفس القنوات
نشور /ماتبعون افلام مسلسلات
فهد / الى بالاستراحه بس بلبيت لا
نشور/ اها
وطلعت تركض بعد مالبست عبايتها ولفت الحجاب بااهمال وطلعت لبرا ووراها فهد الي يناديها وصل عندها وهو يلهث
فهد / وشبك ماتردين خرعتيني
نشور./ قاعده ادور الاب عشان المباراه
الكل انصدم مباراه
محمد /اقول نشور انتبهي ابوي يسمعك والله ياويلك مباره ولاب بعد واللةلايكسره فوق راسك
نشور وهي تفتح الشنطه.وبدون اهتمام /ماله دخل فيني ولاهو مسؤل عني المسؤل الوحيد عني هو نفسي
وصارت تدور الاب
الى صقعت جبينها وصرحت / يوه مع فواز ياليل نسيت اخذه
فهد / تبيني اجيب لك لابي
نشور./ياحبني لك تكفى اسرع على مااجيب الرابط
راح فهد.ومشت شوي بعيد ومي معطيه الشباب وجود ودقت على الكل مايرد دقت على مشاري
مشاري /الو هلا نوشه اخبارك
نشور /تمام اسمع الاب حقي نسيته مع فوفو
مشاري ضحك/ لايسمعك فوفو يذبحك خلاص اللحين اجيبه لك
نشور / لا لا لانجيبه تابع المباراه بس جبه بكره باالطلعه
مشاري/ اوك
نشور/ طيب بالله ابي رابط المباراه
مشاري /من عيوني ياعيوني
نشور بااحراج / تسلم عيونك ارسله اللحين سناب او انستقرام
مشاري /زين وقفل ودخلت داخل
يزن./اقول شباب البنت راعيه سناب وانستا ومباراه وجوال وحنا خواتنا تاخذ الجوال لاجاء عمرها 18وماتحمل الى الواتس
نواف بقهر / حبيبي هاذي عيشه عايله ال... معروفه مو مثل عايلتنا
مازن بواقعيه /انا صارحه ماالومها على تصرفتها انطشت ثمان سنين كيف تبيها تطلع تطلع مثل بناتنا لا طبيعي بتطلع نفس اطباع الي عاشت معاهم وعائلتهم كلها كذا
لؤي /انا من شفتها مي متغطيه وانا غاسل يدي
عزوز./ خلاص شيلو الشناط وانتم ساكتين
شالو الشناط ودخلوها وطلعو للجناح طقو الباب نشور مانزلت عبابتها حطت الحجاب وفتحت على جيه فهد الي عطاها الاب توب
نزلو الشناط وطلعو
نشور / يسلمو
دق الجوال
الو
مشاري/ نشور مع الاسف مالقيت الرابط وانا اتابعه بالتلفزيون
نشور / يوه طيب وشروق ماعندها
مشاري / لا مااتوقع لان هي تتابع بالتلفزيون
نشور /طيب مشكور
مشاري / ولو يله باي وانتبهي لنفسك
نشور /باي وانت بعد
تشور / اف
محمد / وش بك
نشور / مالقيت الرابط حق المباراه والمباراه بدت
محمد / بس اللحين اجيبه
وراح شوي الى مرسلته شجون بالسناب قايل لها مشاري الى نزلت تحت لقت الكل ومعاهم محمد الي يحوس بجواله
نشور./ خلاص محمد لقيته تسلم
محمد. كيف
نشور/انا نشور مايصعب علي شي
لؤي رفع حاجبه /اي شي متاكده
نشور /اي شي
لؤي /اجل اسمعي تعرفيين مسلسل ال..
نشور /ياقدمي من يتابعه ذا
لؤي /ماعلينا المهم لنا فتره ندوره جيبي لنا الرابط حقه
نشور /بس اعتبره وصلكم بس بكره مو اليوم عشان لابي
نواف / عندك لاب فهد
نشور / لا لا لازم لابي وطارت فوق مثل البرق
الساعه 10 على العشاء ارسل الجد رشا لنشور تناديها طلعت رشا ودخلت الجناح لقت الشناط كلها بالصاله دخلت الغرفه لقت نشور وحولها شبسات وببسي وفصفص وفوق السرير وحاطه السماعات والصوت عالي بقوه ونشور متحمسه مرهتقدمت شافت نشور تتابع مباراه دقت كتفها
نشور /هلا
رشا /انتبهي ابوي يشوفه
نشور /لا ماعليك
رشا /كيفك المهم تعالي تعشي
نشور /ماابغى
رشا /صعبه العشاء لك يله قومي
تففت نشور وقامت واخذت جوالاتها والشبكه ولبست عبايتها والشيله وطلعت مع رشا نزلو تحت لقت الكل على طاوله العشاء ناضرت للعشاء كل الاشياء الوجوده ماتاكلها لا لحم ولا دجاج بس سمك اخذت سلطه واكلت منها شوي ناضر لها سالم عرف انها ماتحب الامل ذا نفس شهد نفس ماتحب الامل ذا نفس نضراتها كل شي فيها شهد نفس صوتها نفس طريقه كلامها نفس بحتها نفس شفايفها وحواجبها نفس عيونه الفرق بس ان نشور ناعسه وشهد حاده نفس طولها الشي الي ماخذته من يالم الخشم والشعر
عند نشور قامت /بالعافيه اخذت جوالاتها وطلعت تحت انضار الكل الي مستغرب بنت بهلعمر ومعاها جوال
☜ يمكن البعض يستغرب ان خير اللحين بهلزمن الكل معه جوال لاكن اقول لا انا اعرف ناس كثار معرفه شخصيه بناتهم مايخذون الجوال الى بثالث ثنوي وتحت انضار اهله
طلعت نشورتحت انضار الكلب بعدالعشاء جت الخدامه معاها كيس
الجد/وش هاذا
الخدامه/هاذا لمدام نشور
على نزلت نشور
نشور/جابه
واخذت الكيس
الجد/وش هاذا يانشور
نشور/ اغراض لي نسيتها ببيت جدي وجابها خالي ماقالت مشاري عشان المشاكل
هز راسه الجد وطلعت نشور وكملت المباراه الي كانت من حظ الاتحاد وخسر النصر
زعلت وقامت تحط الحره بترتيب غرفتها رتبت الاغراض على التسريحه المكياجات والعطور والكسسورات رتبت غرفه الملابس وطلعت الفواحه حقتها وحطتها زينت الصاله بصور الي رسمتهن وباقي الصوره الكبيره توصل بكره تقريبا راح تكون بوسط الجدار لانها مره كبيره زينت بقيه الصاله بشموع وفازات
ودخلت لغرفتها وضبطتها وطلع مرره كيوت الجناح وراحت للمطبخ ضبطته بورد والحمام تكرمون زينته بشموع ومعطرات وحطت روبها والمنشفه واغراضهاا وراحت للمجلس اضافت لمساتها وتسبحت بعدها ولبست بجامه وانسدحت ترتاح بعد مجهود مره كبير وحطت الاب بحضنها وبدت تحوس عشان رابط المسلسل اليي يبونه العيال الين مالقته وطارت من الفرحه وراحت تدور لها فلم الى طقن البنات الباب
نشور/ادخلو
دخلوالبنات هاي
نشور/هلا
سديم/ ذا لابك
نشور/ ايي
كان لابها مرره كبير وعليه تلبيسه ريش اصفر وبلوسط شعار النصر وبه ميدليه شعار النصر وبوسطها صوره نشور مصنوعه خاصه لها من مشاري
اعرفكم على البنات طبعا مارراح يكون لهم ضهور مره
سديم ساره رشا مي سما الاء وحلا
نشور/ترا انا ماعرفكن
الكل عرفت عن نفسها وسكتت
ضحكت نشور/ انتم دايم ساكتين
سما /لا
نشور/ اجل اعتبروني ماني موجوده وسولفو
مي/ ذي الوحات من رسمه
نشور/ رسمي
حلا/ مشاءالله رسامه
نشور/ لا عاد مو رسامه بس ارسم ببيت جدي عندي مرسم
الاء/ ليش منتي عايشه مع امك
نشور/ لا الاحفاد يعيشون مع الجد حتى بنات خوالي والعيال
الكل/اها
رشا/ مشاءالله حلو ترتيبك للجناح
نشور/ ايي حبيت اضيف لمساتي وهنا تاشر على فراغ كبيرر./راح يكون فيه صورتي كبيره وانشاءالله برهومي يجيبها بكره
مي/ من برهومي
نشور / اخوي
ساره / وليش برهومي عاد
نشور / عادي
رشا / هاه بشري من فاز
نشور / هاردلك لنا هلمره اخذوها الاتحاد
حلا / ليش شتشجعين
مي /ياخبله باين شوفي الجراب النصر والاب النصر والرسومات النصر اكيد النصر صح
نشور/صح لدرجه حتى غرفتي اناا وشروقي النصر
رشا/ليش مالك غرفه لحالك
نشور / لا حنا البنات جناح به ست غرف وكل غرفه بها ثنتين
سما / فله صح
نشور / ايي
سديم / مو حنا ياحضي
نشور / ليش
سديم / كل وحده عايشه بغرفها لحالها وممنوع انام عند مثلا سمسم عيب العيال فيه حتى بيت جدي بعض الاحيان ينامون هنا عند فهيدان
نشور / الله يعينكم حنا لا عادي ننام مع بعض نلعب مع بعض نسهر مع بعض الى امس لاعبين كوره
سما/ وانتم متغطيات
نشور / لا حنا اذا طلعنا عبايات وحجاب وبلبيت مانلبس
الاء شهقت /يمه فشله
نشور / لانكن متعودات
ساره./ اجل الله يعينك ترا حنا ماعندنا البنت تلعب مع الولد او تسولف معه وتتغطى وهي عمره 12 وعبايه راس
نشور / خير البس عبايه راس ولا اتغطى
رشا/لازم
نشور /لا محد له دخل فيني
الاء / طيب كم عندك خال
نشور / كثار مشاءالله وواحد فرنسي اخو ماما من امها
الكل /اها
نشور / الى وين لؤي
رشا / ليش
قالت لهم السالفه
مي / يوه عاد لؤي يحب التحديات
قطع عليهم جوال نشور قامت بعيد وردت
شروق / ياحماره وحشتيني وبكت
نشور / وانا والله خلاص شوشو لاتبكين انا وعدتك اجيكم
شجون اخذت الجوال / نوشتي احبك
نشور / وانا
نجلا / وانا ماتحبيني
نشور ضحكت /وانتي
اماني/متى تجين تعالي
نشور / امون حبي خلاص اشوفكم بكره بالمدرسه
اسيل تغني
وينك حبيبي ماوحشناك طولت ماشافتك عيني
طولت يالغالي بفرقاك واتعبتني وانت ضنيني
مادام قلبي حيل غلاك لاتستمع للمبغضيني
والله احبك موت وافداك ولاتقول قلبك مايبيني
والله لحضه مانسيناك والله عقبك ضايقيني
كمل مشاري
تحلالي الدنيا بلقياك لاصار كفك بيديني
لاني احبك حيل واهواك يافرحه ايامي وسنيني
العمر دام العمر يفداك وش بقى للباقيني
نشور / ياخي اصواتكم كل مالها تزيد حلاوة مثل حلاوتكم
مشاري }/ ياروحي الى ليش ماطلعتي اليوم
نشور/ سوري كنت بطلع بس كنت فوق على مانزلت الى انت ماشي
مشاري/ يلله عوافي المرات الجايه
سولفت شوي وقفلت
رجعت البنات مو موجودات ماارتاحت لهم مره
نامت
الصباح
صحت على صوت ساره تصحيها للمدرسة صحت تسبحت وصلت وجدلت شعرها قرنين من البدايه الشعار لنهايه .{ جدايل او ضفاير او عمل}
لبس اكسسوراتها وحطت مكياج صباحي ولبست الاسبورات حطت اغراضهاابالشنطه واخذت جوالها ونزلت وهي تسكر العبايه
فهد/ صباح الخير
نشور/ صباح الورد
فهد/ وش هلزين
نشور/ تسلم
فهد/ يلله خلينا نطلع برا الكل موجود وعشان اوديكم للمدرسه
نشور/ اوك
طلعوا
نشور/ صباح الخير
الكل/ صباح النور
قعدوا يفطرون
الجد/ بي مدرسة يانشور
نشور/مدرسه ال..
الجد/ الي بحيكم
نشور/ اي
الجد/ وكيف مستواك
نشور تورطت وانحرجت/ مستواي اي اي حلو
الجد بعدم تصديق/ اي طيب بنقلك للمدرسه الي فيها بنات عمك
نشور/ لا
خالدكشر/ وجعاه جدك يامر مايشاور
نشور بكره / ماابي اغيرر مدرستي غصب هو احبها
خالد بسخرية/ ليش انشاءالله وش فرقها عن المدارس الثانيه
نشور/ يكفي بنات خالي فيها
خالد/ بنات خالك ذولا انسيهم خوالك كلهم انسيهم هلفاسدين
نشور وقفت / والله لو تنطبق السماء على الارض مانساهم ولا راح تحرموني منهم
لفت لفهد/ انتضرك بسياره ومشت ووقفت بصدمه ولفت




تمت


اعذروني البارت قصير بس كتبت الضهر طويل مره وطار بالغلط لما جيت انزله وزعلت ونمت ولما صحيت كتبت ذا عشاني وعدتكم ومو قدركم
اعذروني على الاخطاء الاملائيه
الله يوفقك جميع الي عندهم اختبارات
اذا مانزلت هلفتره اعرفو ان ماعندي شبكه
توقعاتكم تسعدني❤
لا اله الا الله وحده لاشريك له له الملك وله الحمد وهو على كل شي قدير
استغفرالله العظيم والحمدلله سبحان الله وبحمده
انستقرامي shr.11k2018
تصبحون على من تحبون❤
تحياتي / صمت غرور





لامارا غير متواجد حالياً   رد مع اقتباس