[ام زياد محمود]

المشاركة الأصلية كتبت بواسطة نغم

" فصل واقعى ولكن ينقصه الجانب الأخر يانغومه " أكيد أكيد أكيد
و الجانب الآخر هتكلم عنه حبيبتي لكن باختصار شديد ، ليه ؟
لأني هنا بتكلم عن الرجال لا عن الذكور !!!
بصراحه النوع الي ذكرتيه " الزوج الندل معدوم الأصل اللى مهما زوجته عملت وتحملت مسئولية بيته وأولاده بيفضل يهينها " أترفع بقلمي عن التكلم عنه أصلا ، أنا هنا اتكلمت عن ناس كلهم كويسين ، كلهم نيتهم حسنه ، كلهم اولاد اصول لكن خانهم حسن التقدير ، أحمد و يوسف و حتى خالد كانوا رجاله بجد و خالد رغم أخطاؤه إلا انه اتحمل مسؤوليته لكن مراته و الظروف ما سابولوش فرصه انه يستمر
بالمقابل أحمد و يوسف كان ينقصهم شويه ايجابيه و فهم للجنس الآخر
جيهان و ميساء بنات عائلات و من أسر محترمه لكن كل واحده كانت ليها خلفيه منعتها من انجاح جوازها
لهذا النوفيلا دي هي محاوله لحل مشكله الناس الي اختاروا اساس طيب لكن للاسف ما عرفوش يبنوا حاجه فوق هذا الأساس
انما الموكوسين و الموكوسات الي اختيارهم بعيد عن الدين و الاصل الطيب فلا حل لهم عندي
يعني واحده مثلا تتجوز " راجل " خامورجي و بعدين تيجي تشتكي انه بيضربها ؟!! دي يتقالها ايه ؟
لمزيد التوضيح انا هطرح مشكله واقعيه و قابلتني اكتر من مره
كان لينا جاره اتجوزت زميلها في الكليه و اختارته و اختارها على اساس سليم ، الاحترام و الاتزام و الأصل الطيب
و جوزها ده و باعتراف كل الجيران كا راجل محترم جدا ، في حاله جدا و بيساعدها في شغل البيت و العيال و بيفرح باهلها لما تضيفهم عندهم في الشقه
و كان ما شاء الله عليه رجل شاطر في كل حاجه تقريبا ، بيفهم في كل حاجه تقريبا ، نقاش ، نجار ، سباك و حتى بيصطاد سمك و الأهم الأهم ما بيشربش سجاير و ما يقعدش عالقهاوي
عريس لقطه مش كده ؟
و لكن و لكن و لكن
نفس الراجل ده كان ليه عيب كبير جدا جدا جدا
مش هقولكوا عنه دلوقتي ، هسيبكوا تفكروا في مميزاته الاول عشان تقدروا توازنوا بين كل المميزات الي فاتت و العيب الي هذكره قبل الفصل الجاي على طول
طبعا تعليقك مش محتاج لتعليق ، انتي حطيتي صوابعك على كل مواضع العلل
تسلمي على مرورك القيم

(انما الموكوسين و الموكوسات الي اختيارهم بعيد عن الدين و الاصل الطيب فلا حل لهم عندي
يعني واحده مثلا تتجوز " راجل " خامورجي و بعدين تيجي تشتكي انه بيضربها ؟!! دي يتقالها ايه ؟)
يتقالها انها يا اما أسأت الاختيار من الأول وفضلت تسكت عشان متكونش فى عين الناس مطلقه ودى اكبر فزاعه فى المجتمع دلوقتى ... او يكون هو خدعها بواجهة محترمه وبعدين اكتشفت صفاته السيئة اللى لا يمكن السكوت عنها

(
كان لينا جاره اتجوزت زميلها في الكليه و اختارته و اختارها على اساس سليم ، الاحترام و الاتزام و الأصل الطيب
و جوزها ده و باعتراف كل الجيران كا راجل محترم جدا ، في حاله جدا و بيساعدها في شغل البيت و العيال و بيفرح باهلها لما تضيفهم عندهم في الشقه
و كان ما شاء الله عليه رجل شاطر في كل حاجه تقريبا ، بيفهم في كل حاجه تقريبا ، نقاش ، نجار ، سباك و حتى بيصطاد سمك و الأهم الأهم ما بيشربش سجاير و ما يقعدش عالقهاوي
عريس لقطه مش كده ؟
و لكن و لكن و لكن
نفس الراجل ده كان ليه عيب كبير جدا جدا جدا)
بصراحه مميزاته اكتر ولو عيب يمكن التغاضى عنه يبقى تعيش حياتها وتحاول تغيره ... رجل بالصفات دى دلوقتى حاجه نادرة بصراحه

شكرا لردك ياقمر وفى انتظارك ان شاء الله