الحلقه ال 10
رجع ادهم لتدريبه تاني ولحبيته تاني ..وهو رايح عند حبيبته يقابلها
افتكر كلام والدته وهو ماشي
وفاء: انا عارفه يا ادهم انك بتحب وان الحب جميل قوي..بس انا عايزاك توعدني بحاجه؟؟
ادهم: اوعدك بأيه؟
وفاء: توعدني في كل لحظه وانت معاها تفتكر أيه اختك؟
ادهم: افتكر ايه؟؟ليه بقي؟
وفاء: علشان ما تتعداش حدودك معاها...انا عارفه انا مربياك ازاي.وعارفه اخلاقك كويس..بس ساعات الحب بيخلي الواحد ينسي كل حاجه وما يفتركش غير حبيبته في حضنه..فعايزاك كل ما تكون حبيبتك في حضنك تفتكر ايه اختك...واللي انت ترضي بيه يتعمل لاختك اعمله مع حبيبتك..
ادهم: ايه اللي انتي بتقوليه ده؟؟انا مش هسمح حد يلمس اختي
وفاء: يعني انت بتلمس حبيبتك؟
ادهم: مش قصدي كده...انا فعلا بخاف عليها
وفاء: خلاص يبقي هتعاملها زي ما تحب اختك تتعامل..لحد ما تبقي علاقه في النور ..علاقه انت مستعد تتكلم عنها معانا
ادهم: مش معني اني متكلمتش معاكم عنها اني مش جاد في علاقتي
وفاء: عارفه يا حبيبي..انا بس مش عايزاك تعمل حاجه تندم عليها في يوم من الايام..مش اكتر ..خد بالك منها ومن نفسك
ادهم: حاضر يا امي اوعدك اني هفتكر ايه وانا معاها
وكانت مقابلتهم فوق الخيال كأنهم غايبين عن بعض سنين مش 3 ايام
ادهم: وحشتيني قوي قوي ..اخيرا شفتك من تاني
ليلي: وانت كمان واحشني قوي ..مع اني مش كنت بشوفك كل يوم وممكن يعدي اكتر من كده من غير ما اشوفك بس احساس انك
مش معايا في نفس البلد بيفرق كتير..كنت حاسه اني محرومه من روحي
ادهم: عارف يا ليلي لان كان عندي الاحساس ده..اول مره احس اني وحيد في بيتي ..مع ان اخواتي كانوا حواليا وامي وابويا بس عدم وجودك فرق كتير قوي..
ليلي: وهما عاملين ايه؟؟انت عندك اخت في سني صح؟
ادهم: اممم فعلا في نفس سنك ...المهم سيبك من الكلام عني وقوليلي انتي اخبارك ايه؟
ليلي:طيب ما تسيبني من الكلام خالص وقولي وحشتك قد ايه
ادهم قرب من ليلي ويدوب هيقرب اكتر افتكر ايه اخته فبعد علي طول عنها
ليلي: في ايه يا ادهم مالك؟
ادهم: لا يا حبيبتي مافيش..المهم قبل ما انسي انا جايبلك هديه بسيطه
ليلي: بجد ..؟وانا كمان جايبالك هديه
ادهم: طيب وريني هديتك الاول
ليلي: لا طبعا انت الاول
ادهم خرج علبه صغيره وفيها السلسله واول ما فتحها
ليلي: واو ..دي ليا انا؟ودي هلبسها ازاي بقي ؟
ادهم: هتلبسيها عادي
ليلي: ولما يسألوني جيبتها منين والحرف ده ايه؟
ادهم: هتقولي انها اكسسوري عادي وان الحرف ده لحبيب قلبك
ليلي: حبيب قلبي ؟؟
ادهم: جدك احمد مش حبيب قلبك
ليلي: جدو؟؟انت مفكر في كل حاجه بقي..بس قولي هيا فعلا اكسسوري؟
ادهم: تفرق معاكي؟
ليلي: لا طبعا مش تفرق بس عايزه اعرف يعني لو هلبسها علي طول ولا اقلعها
ادهم: وتفرق في ايه بقي تلبسيها ولا تقلعيها؟
ليلي: لو هيا اكسسوري يبقي لو لبستها علي طول مع الوقت لونها هيغير ولو اتبلت كذا مره هتبقي مش حلوه ده قصدي
ادهم: لا من الناحيه دي ما تقلقيش..ما تقلعيهاش من رقبتك ابدا مفهوم؟
ليلي: علم وينفذ..لبسهالي بقي
لفت ليلي وعطيته ظهرها ورفعت شعرها وهو لبسها السلسه وقفلها ..لفيت هيا وشها ليه وحطت راسها علي صدره ..مسكت السلسه في رقبتها وبصتلها من قريب
ليلي: ايه ده؟؟؟
ادهم: ايه في ايه؟
ليلي: دي عليها اسمي واسمك؟
ادهم: وده مضايقك؟
ليلي: لا مش مضايقني..بس ممكن حد يشوفه
ادهم: طول ما انتي لابسها هيكون الوش هو اللي باين مش الظهر فمتخليش حد يشوف ظهرها ..وما تقلعيهاش فحد يشوفها وبعدين
محدش هيعرف يقراهم الا لو ركز من قريب لكن من بعيد مش هيبانوا
ليلي: خلاص ماشي هخليها ديما فوق قلبي كده
ادهم: هو انتي مش قلتي جايبالي هديه؟ولا غيرتي رأيك
ليلي: لا طبعا مش غيرت..بس توعدني انك تلبسها ديما
ادهم: البسها؟؟؟؟؟؟وهيا تتلبس؟
ليلي: اه تتلبس..اوعدني
ادهم: طيب قبل ما اوعدك انتي عارفه اني ظابط ومش هينفع البس حاجه كده ولا كده
ليلي بتضحك: انت خايف من ايه بالظبط؟هجيبلك فستان مثلا واقولك البسه؟
ادهم: مجنونه وتعمليها..وبعدين طول ما بوعد بوفي يا ليلي ولو مش هقدر اوفي مش بوعد اصلا
ليلي: طيب اوعدك انا انها مش حاجه مجنونه,,هيا زي هديتك بالظبط..كده اتطمنت
ادهم: سلسله يعني؟؟ماشي يا ليلي اوعدك اني مش هقلعها الا لو غصب عني
ليلي: انا مش حابه الا دي؟
ادهم: طبيعه شغلي ..ما تنسيش...هلبسها علي طول الا لو كنت في مهمه او حاجه تتطلب مني اقلعها بس مش اكتر ..كفايه الوعد ده؟
ليلي: كفايه ماشي
طلعت ليلي السلسله كانت زي التميمه ومكتوب عليها حرف L كبير وجوي الحرف مكتوب فيه et ove ive ong
كانوا مكتوبين تحت بعض وحرف ال L ضاممهم كلهم كعامل مشترك في كل الكلمات يعني مكتوب
LET LOVE LIVE LONGمعناها "دع الحب يعيش طويلا"
وعلي الناحيه التانيه مكتوب اسمها LAILA
ادهم: انتي بجد عايزاني البس دي؟سلسه عليها دع الحب يعيش طويلا والناحيه التانيه اسمك
ليلي: وفيها ايه؟ما انت جايبلي سلسله عليها اسمك؟
ادهم: حبيبه قلبي انتي بنت والبنات عادي يلبسوا سلاسل ..لكن انا راجل وظابط وبقلع هدومي كتير سواء قدام زميلي او في التدريب فهيكون منظري ايه وانا لابس سلسله عليها اسمك؟
ليلي: هقولك زي ما قلتلي ...ما تقلعهاش ومتخليش حد يشوف ظهرها ؟؟؟
ادهم: انتي بتقتليني يا ليلي؟
ليلي: خلاص يا ادهم لو مش عجباك ما تلبسهاش ...سلام
ولسه هتقوم تمشي
ادهم: استني هنا مش موضوع مش عاجباني..
ليلي: موضوع انك كبير وانك ظابط واني عيله خلاص فهمت
ادهم: انا مقلتش انك عيله
ليلي: مش لازم تقولها صريحه يا ادهم
ادهم: خلاص يا ستي ..ليلي انا مش عايزك تزعلي مني ..بجد مش بستحمل زعلك او انك تروحي زعلانه وتقعدي ولو لحظه متضايقه...حقك عليا مكانش المفروض اهتم برأي حد..هلبسها واللي مش عاجبه ما يبصش ولا ايه؟واوعدك مش هقلعها ابدا..الا لو شغل بس ..غير كده هتفضل ديما في رقبتي ..اتفقنا
ليلي: اتفقنا يا حبيبي
رجع ادهم للمعسكر ..كانوا خلاص قربوا يخلصوا مده تدريبهم
ويروحوا القاهره يستلموا شغلهم بجد
احمد لسه عايز يعرف من ادهم هو لسه علي علاقه بليلي ولا لأ
وادهم مش راضي يريحه..واول ما شاف السلسله
احمد: سلسله ؟ويا تري مين صاحبتها؟ومن امتي ادهم بيلبس سلسله وعليها دع الحب يعش طويلا؟؟
ادهم: انا مش عارف يا احمد انت ليه الفتره دي شاغل نفسك بيا قوي كده؟
احمد: يمكن علشان انت بطلت تتكلم معايا او تعتبرني صاحبك من اصله
ادهم: انت طول عمرك صاحب واكتر كمان وانا عمري في لحظه ما فكرت فيك غير كده..بس حتي الاخوات او الاصحاب ساعات بتخبي حاجه عنهم ..يمكن لاني مش مستعد اصارح؟معلش سيبني علي راحتي شويه ..وبعدين انا مش عارف انت ليه كل شويه
مصر اني بطلت احبك؟
احمد: لانك عمرك ما كنت بتخبي عني قبل كده...عمرك ما كنت مش مستعد تتكلم معايا
ادهم: معلش يا احمد...سيبني براحتي
جاء سيف عليهم
سيف: ازيكم...حمدلله علي السلامه يا احمد...
احمد بغيظ: الله يسلمك
سيف: ادهم باشا رحت فين كده بسرعه وجيت..ايه اللي في رقبتك
ده مكتوب ايه؟let love live long
وده من ايه ده؟
ادهم بابتسامه: وانت مالك ده من ايه؟
سيف: انا متخيل رأفت لما يقراها ويقولك ايه ده يا سياده الملازم اللي في رقبتك ده؟
كان بيقلد رأفت بالظبط..فضحكوا جامد
ادهم: هقوله زي ما هقولك بالظبط..
سيف: هتقوله ايه؟
ادهم: هقوله مالكش فيه.....
سيف: وانا منتظر بفارغ الصبر رده عليك هيكون ايه؟لاني مش قادر حتي اتخيل هو ممكن يعمل ايه؟
ضحك ادهم: هيعمل ايه يعني؟؟؟ ميقدرش يعمل حاجه اصلا...وبعدين مش انا اللي اخاف من رأفت اصلا
:::افندم يا سياده الملازم حضرتك بتقول ايه؟؟؟
وده طبعا كان رأفت فوقفوا كلهم انتباه
رأفت: ملازم ادهم حضرتك كنت بتقول ايه؟
ادهم: انا مش بقول اي حاجه انا اصلا ما اتكلمتش..(بص لسيف)
انا كنت بقول حاجه؟
سيف: لا يا افندم محدش فينا اتكلم
رأفت: اه باحسب
احمد: لا يا فندم كانو بيقولو ..سيف كان بيبارك لادهم علي سلسلته الجديده
ادهم وسيف بصوا لاحمد باستغراب ورأفت قرب يشوف السلسله وقري اللي عليها
رأفت: انت شايف ان دي مناسبه انك تلبسها هنا؟
ادهم: اعتقد يا فندم ان دي حريه شخصيه وبعدين مفيش اي قانون يمنعها ولا ايه؟
رأفت: لا يا سياده الملازم مافيش قانون يمنعها....
مشي رأفت وسابهم واول ما مشي
ادهم: انت كان قصدك ايه يا احمد مش فاهم؟
احمد: قصدي:؟؟؟ولا حاجه طبعا بس كنت عايز اشوف رد فعلك
لو رأفت طلب منك تقلعها ...كنت عايز اشوفك وانت بتقوله مالكش فيه مش اكتر..انت زعلت ولا ايه؟
ادهم: لا يا احمد ما زعلتش
سابهم احمد ومشي
سيف: هو احمد ده مش المفروض الانتيم بتاعك؟
ادهم: فعلا هو كده..بس بقاله فتره متغير مش عارف ماله؟
اخر الليل رأفت طلب ادهم وفضل يتكلم معاه
رأفت: افهم من السلسله اللي في رقبتك انك اتصالحت مع حبيبتك؟
ادهم: كل الحكايه ان سمعت نصيحه من واحد قالي طالما بأيدك متسيبش حبيبتك
رأفت: اتمنالك السعاده معاها وان ربنا يكملهالكم علي خير ..بس مش شايف ان السلسله مبالغ فيها شويه
ادهم: واعمل ايه ؟حكم القوي
ضحكوا هما الاتنين
رأفت: ده الوش امال الظهر مكتوب عليه ايه بقي؟
ادهم: الظهر مصيبه كبري
رأفت: لازم اشوفه وريني
مسك ادهم السلسله وطلعها من القميص ووراله الظهر
رأفت: والله وطلعت مجنون ليلي ..انت مجنون تلبس سلسله عليها اسمها؟؟؟طيب بلاش لو حد شافها ..شغلك بعد كده..في مهام
بتتطلب منك تخفي اي ملامح لشخصيتك او تتنكر في شخصيه تانيه ..السلسله دي هتكون اكبر علامه ضدك
ادهم: عارف وعلشان كده عرفتها ان في شغلي ممكن اقلعها
رأفت: كويس طيب..بس برضه مش متخيلك كده ظابط وليه وزنه ولابس سلسله عليها دع الحب يعيش طويلا والناحيه التانيه اسم
حبيبتك..طيب مفكرتش في شكلك قدام الناس اللي هتقبض عليهم
ادهم: ارجوك كفايه لحد كده.....انا عارف قد ايه الموضوع غبي بس ما باليد حيله
عدي كام يوم وفي يوم ادهم بيلبس وخارج يقابل ليلي لانه اتفق
معاها يقابلها بره القريه بتاعتهم
احمد: انت رايح فين؟
ادهم: مشوار كده
احمد: اجي معاك نتمشي شويه مع بعض
ادهم: خليها وقت تاني
احمد: وراك ايه يعني مهم؟
ادهم: مشوار يا احمد في اييه؟
خرج ادهم والمره دي قرر احمد انه لازم يعرف هو رايح فين
ويتأكد اذا كان لسه علي علاقه بليلي ولا لأ؟
اتقابل ادهم وليلي وهيا ركبت وراه الموتسيكل ولبسها الخوذه
ليلي: مش عايزه البسها
ادهم: ده غير انها وسيله حمايه ..بس برضه علشان لو حد شافك
ميعرفكيش البسيها وانتي ساكته
اخدها وراحوا لمكان بعيد وسط جناين مفيهوش حد نهائي غير طبعا احمد اللي مراقبهم من بعيد..وطبعا ادهم وهو مع ليلي بينسي الدنيا وما فيها
ليلي: المكان جميل قوي ..انت عرفته ازاي؟
ادهم: اعرف صاحب المزرعه وقالي في اي وقت احب اريح اعصابي اجي هنا
ليلي: وهو ممكن يجي دلوقتي؟
ادهم: لا ما تقلقيش...وحتي لو جي متخافيش ...عامله ايه في مذاكرتك؟
ليلي: الحمد لله تمام ولما بمسك الكتاب بعمل زي ما انت قلتلي بعتبره الوسيله اللي هتقربنا لبعض
ادهم: طيب كويس
ليلي: ادهم هو لما انت تسافر هنشوف بعض ازاي؟
ادهم: اولا انا لسه فاضلي شهر كمان ..وبعدين انا ممكن اجيلك في اي وقت وهيا فتره وهتيجي انتي عندي القاهره في الكليه والقصر العيني قريب مني
ليلي: ولو ما دخلتش ..
ادهم: ما تكمليش...انتي هتذاكري كويس
ليلي: قصدي لو مدخلتش طب القاهره؟
ادهم: ذاكري بس يا ليلي واعملي اللي عليكي وسيبي الباقي لبعدين..بس في اي مكان هتكوني فيه هعرف اجيلك ما تخافيش
ليلي: وامتي هنعلن علاقتنا
ادهم: حبيبتي انا ممكن اعلنها من دلوقتي بس المشكله ان الكل هيرفض محدش هيكون في صفنا نهائي...فهنستني سنتين او تلاته
بالكتير ونعمل خطوبه وبعدها بسنه كمان نتجوز
ليلي: واتجوز وانا في الكليه؟
ادهم: وايه يعني ؟الظباط بيبقي تلات اربع الوقت مشغولين ..يعني هيكون عندك وقت براحتك لكليتك ومذاكرتك والحمد لله حالتي
الماديه كويسه يعني هيكون عندك اللي هيخدمك ومش هتشيلي هم شغل البيت يعني مش هيكون وراكي غير انا ومذاكرتك..وانا مش عايز اكتر من انك في اخر الليل تكوني في حضني
ليلي: وهتشجعني ادخل جراحه؟؟؟؟مش هتقولي دي هتاخد وقت ولا هتتطلب منك تباتي بره البيت او كلام من ده؟
ادهم: لا ياقلبي هساعدك علي قد ما اقدر ..ولو هتباتي بره هجيلك انا ابات معاكي..المهم بس تحطي رجلك علي اول الطريق...واوعي تنسيني ولا تحبي غيري في كليتك
ليلي: هو انا ممكن اصلا احب غيرك؟؟؟
ادهم سكت ومسك ايديها وبيحاول يحفظ كل تقاطيع ايديها وبيفكر لو هيا حبت غيره فعلا
ادهم: انتي حاليا يا ليلي لسه مراهقه,,وساعات الحاجات اللي بنحبها واحنا مراهقين بتختلف لما نكبر ونوصل للعشرين..في سن العشرين نظرتك للامور بتتغير
ليلي: لو انا حبيت حد تاني هتعمل ايه؟
بصلها في عنيها
ادهم: هعمل ايه يعني؟؟؟؟هتمنالك السعاده مع اللي قلبك يختاره
ليلي: بجد يا ادهم وهيبقي من قلبك؟
ادهم: بجد يا ليلي...اللي بيحب حد بيتمناله السعاده حتي لو مش معاه..كل اللي بيهم ان حبيبه يكون سعيد
ليلي: انا بحبك بس عمري ما هتمنالك السعاده ابدا مع حد غيري ..ده انا اموت لو شوفتك مع حد غيري
ادهم: ما تخافيش انا خلاص عديت العشرين من بدري ومشاعري ثابته وعمرها ما هتتغير ..هفضل احبك,,المشكله في مشاعرك انتي....
ليلي: ادهم هو انت امتي اتمنيت تبقي ظابط مخابرات
ادهم: تقريبا وانا في ابتدائي ..كان في ظابط مخابرات كان زميل ابويا وكان كل شويه يسافر بلد وديما حياته كده غامضه وكان مثلي الاعلي ومن ساعتها اتمنيت ابقي زيه..وعلشان كده خليت ابويا من صغري يدخلني مدارس عسكريه ومعرفش ولا هو ولا امي يغيرولي رأيي
ليلي: يعني انتي من صغرك عرفت عايز تبقي ايه ومغيرتش رأيك ولا لحظه انك تكون ظابط
ادهم: لا يا ليلي مفيش لحظه غيرت رأيي فيها
ليلي: يعني مشاعرك كانت ثابته وعرفت انت عايز ايه من صغرك ..مغيرتكش المراهقه ولا سن العشرين ولا كل الكلام ده ولا رفض
ابوك وامك
ادهم بابتسامه: انتي عايزه توصلي لايه بالظبط؟
ليلي: عايزه اوصل انك كنت اصغر مني بكتييير قوي لما قررت مستقبلك شكله ايه وعرفت انت عايز ايه؟ليه بقي شاكك فيا؟
ادهم: مش شك يا ليلي..خوف,,,,خوف انه يجي يوم الاقيكي مع حد تاني وبتقوليلي اسفه,,,السناريو ده بتخيله كل شويه,,وعمري
ماعرفت هعمل ايه ساعتها او هكمل ازاي
ليلي مسكت وشه باديها الاتنين
ليلي: ادهم بصلي في عنيا...اوعدك ان عمر اللحظه دي ما هتيجي ابدا ..عمري ما حطك في الموقف ده ابدا..وكفايه تتخيله لانك عمرك ما هتعيشه,,,انا بحبك ومشاعري ثابته وعارفه انا عايزه ايه..وانا عايزاك انت وبس
ادهم: مستعده تثبتيلي حبك يا ليلي لو انتي متأكده كده مشاعرك؟؟
ليلي: انت عايز دليلي لحبي
ادهم:انا مش عايز دليل انا متأكد من حبك ليا بس دلوقتي...انا خوفي كله من بكره
ليلي: وانا مستعده يا ادهم لاي شيئ يطمنك
ادهم: مش بقولك مجنونه
ليلي: ايوه مجنونه بحبك انت
ادهم: طيب يالا علشان كده هتتأخري ..علشان توصلي قبل الليل
ليلي: هشوفك امتي؟؟بس بلاش المكان ده انا قلقانه منه
ادهم: ايه رأيك لو حجزت اوضه في الفندق السياحي واتقابلنا فيها وهو مفيهوش غير سياح
ليلي: اوضه؟؟؟
ادهم: ايه خايفه؟؟؟بلاش
ليلي: لا مش خايفه ..خلاص بس هدخل ازاي من بره؟
ادهم: انا هدخلك ما تقلقيش
اخدها وروحها وبعدها روح هو علي المعسكر وطبعا كان احمد في انتظاره
احمد: كنت فين؟؟؟
ادهم: انت عارف انت بقيت عامل زي الزوجه الحشريه اللي جوزها كل شويه يهرب منها
احمد: طيب ما تريحني وقول
ادهم: شيلني من دماغك شويه يا احمد...انا مش ناقص حاليا
احمد: مش ناقص ليه هيا حبيبه القلب مزعلاك ولا ايه؟؟
ادهم بصله ومردش عليه
احمد: ما تقولها يا ادهم ما تقول انك كنت مع ليلي
ادهم: ولما انت عارف اني كنت مع ليلي بتسأل كتير ليه؟؟؟
احمد: انت عارف ان علاقتك دي غلط؟؟وان كل اللي بتعمله ده غلط في غلط؟؟؟انت لازم تقطع علاقتك بيها فورا
ادهم: افندم؟؟؟وانت مين ادالك الحق انك تقرر عني اعمل ايه؟
احمد: انا صاحبك وعايز مصلحتك
ادهم: وانا عارف مصلحتي كويس
احمد: ولو حد عرف بالعلاقه دي؟
ادهم: ساعتها هتصرف
احمد: العلاقه دي مش هيجي من وراها خير يا ادهم انهيها
ادهم: ما تشغلش بالك انت بس
احمد: انا صاحبك يا ادهم
ادهم بصوت عالي: يبقي اتصرف علي الاساس ده وبطل تتدخل في اللي ما يخصكش
احمد: وانت ما تخصينيش
ادهم: علاقاتي ما تخصكش ايوه وياريت ما تشغلش بالك بيا للدرجه دي..ممكن؟
احمد: ممكن
خرج ادهم وراح لصاله الجيم ..كان فيها سيف علي جهاز الجري
ادهم وقف علي جهاز جنبه وشغله..كان بيجري بغل وغيظ لانه كان بيفكر في كلام احمد..لو فعلا حد عرف هيتصرف ازاي؟؟وكان بيفكر برضه في ليلي اللي طلب منها انها تقدمله دليل لحبها وايه هو الدليل اللي عايزه؟؟ ..ازاي يطلب منها كده؟؟؟
سيف: علي فكره لو زودت السرعه كمان الجهاز هيولع
ادهم: ايه بتقول ايه؟
سيف نزل من جهازه ووقف جهاز ادهم
سيف: بقولك اهدي الجهاز معمول للجري مش لتفجير الغيظ...مالك؟؟؟
احمد حس انه زودها شويه مع ادهم وراح وراه علشان يتأسفله وسمعه بيتكلم مع سيف
ادهم: مخنوق..مخنوق من كل حاجه...مش عارف ايه الصح وايه الغلط؟
سيف: ليه ده كله بس؟؟؟
ادهم: مش عارف علاقتي مع ليلي صح ولا غلط؟
سيف: انت بتحبها وهيا بتحبك فين الغلط؟؟؟متهتمش برأي حد
ادهم: ده حتي احمد اقرب الناس ليا مش معترف بالعلاقه دي
سيف: وانت ليه يهمك رأي احمد اصلا؟
ادهم: لانه صاحب عمري
سيف: بس انت قلت انه كان معجب بيها وكان عايز يكلمها ,,مش يمكن بيغير منك وعايز يفرقكم وخلاص
ادهم: لا طبعا مش احمد
سيف: وليه لأ..الغيره بتعمل كتير
ادهم: تفتكر فعلا انه رافض العلاقه لمجرد الغيره؟؟؟ هو فعلا بقي لحوح قوي الفتره دي وبيدخل في كل حاجه
سيف: مش بقولك
طبعا احمد كان سامع الحوار كله
احمد لنفسه: بقي كده يا ادهم طيب انا هوريلك الغيره بجد تعمل ايه؟؟؟
راح احمد علي رأفت وطلب منه اجازه يوم وقاله انه عنده حاله طارئه في البيت ولازم يروح وطلب منه محدش يعرف بالاجازه
علشان محدش فيهم يقلق ,,رأفت وافقله علي الاجازه وقاله انه هيقول لاصحابه انه بعته مأموريه تبع الشغل
وسافر احمد للقاهره وراح علي شركه كبيره
السكرتيريه: افندم؟
احمد: انا عايز اقابل عبد العزيز بيه لو سمحتي؟؟؟
السكرتيره: حضرتك عندك معاد؟
احمد: لا بس قولي لحضرته ملازم احمد زميل ادهم ابن حضرته وعايزه في موضوع يخص ابنه ادهم ضروري وهو هيدخلني
السكرتيره: لحظه من فضلك
احمد: اتفضلي خدي راحتك خالص
اترسمت ابتسامه خبيثه علي وش احمد وهو بيفكر في خطته اللي هيدمر بيها علاقه ليلي وادهم وهيدفع ادهم تمن صداقته لسيف وهيدفع ليلي تمن تفضيلها لادهم عليه..
يا تري احمد هيقول ايه لابو ادهم؟؟؟
ابو ادهم هيكون رد فعله ايه علي علاقه ابنه؟
ادهم هيعرف باللي عمله احمد؟
ShimoOo
|