[Just Faith]

مش هابدأ بالحب

بجد بقى هناك شيء بيأرقني السخرية

شيء مقيت وبقى عادي كده الناس تسخر من بعضها

كنت كتبت دي من فترة

لو تنفع نكمل

السخرية

وتسخر ليه يا عم من حد زي الفل
ماشي معرش بين الناس
طول وعرض وهيبة
تقوم من الصبح تقول هاعاديه
واشاكله وكمان يمكن أأذية
وشيطانك يهمس لك عليك بيه
ده شايف حاله على اية
ويبدء نسيج العنكبوت يشدك ليه
تقف قدامه وتحبس غيظك
وتبدء تسفه فيه.. في كلامه
ولبسه وشكله المخلوق بيه
لو تقدر يا بني أدم تغير شعرة فيه
اعملها وحاج بيها المولى وقول خلقت
ده احنا من البداية عباد ضعاف
والمولى بس تارك عباده ليوم الدين
وقتها هاتقول اية سخرت من شكل انت خلقته ياربي
ام هتقول انا عنصري سبت القلوب ونقاءها
وسفهت الوشوش والشكل
بس لأني حاسد ..اتفه اني اوصل ليه
خلينا نتفق يا عرب
اللي يقدر يهد جدار اكيد يقدر يبنيه
خلينا نبني مش نهد لنكون بين البشر حجة
ويحاج بيكم ابراهيم الخليل ابو العرب
ترامب وميركل وكل اللي يواليه
فاكرينهم حبايب هأهأ افلح ان صدق
دول غير للمصالح ما يقولوا لبيك وسعديك
والشر كله موجة ليك
شوفتوا السخرية والبعد عن خلق الرحمة
وصلتنا لأية
البداية صغيرة لكن جبل الثلج المستخبي تحتيه
نشر اخلاق التنمر والسوء ليهدوا أصول تربية
سيد الخلق جاهد لزرعها في امته
خلونا نقف ونحط نقطة
ومن أول سطر نعيد فيه
أخلاقنا زينة للروح
مش للشكل الزايل لما العمر يمر بيه
ونقول ياريتنا وأزاي نقدر نعدل فيه
ايوة عرفني هتعدل في كتابك أزي يوم ما يفنى العمر وتلاقيه
التعديل ده حق الحي
اما الميت مالوش فيه
ابدأ دلوقتي
ولا تسخر ولا تهمز ولا تنم يا بن والدي
الدنيا شالها التور بين قرنيه
وهيجي يوم وتقع منه ووقتها لا تعديل ولا مبدل لكلمة خطتها بيه
وكتابك لازم يكون ناصع وابيض لتشوف حسان الجنة وتتمشى فيها
لو عايز أما ان كانت لا تفرق معك
خلاص خليك وابعد يا بابا عن طريقنا
أحنا لسه بنداري لندور كيف ننور فيه بالكلمة الطيبة والصدقة
وكفانا ربنا شر قتال احنا في غنى عنيه
شوفوا بداية السلسلة بدت بالسخرية وجرت وراها أية
يعني بدايتنا الفضائل لنكون أمة وكيان لا يقدر عليه
لا انس ولا جان ولا أبليس نفسيه
خلونا نقول يا محمد جينا لك
شفيعنا ولن نخزيك
ليقول بصوت جهوري أمتي أمتي
مش يخجل من أننا أمة كان كبيرها بيوم
ما هى الصغائر اللي بنعملها كمان تأذيه
اللهم بدل سيئاتنا حسنات
وأكتب لنا توبة لتكون دربنا قبل الممات
ونلقاك ربي وكتابنا شايلينه بيمين ثابت
ويقول لنا رضوان فروا على الصراط وادخلوها دار قوم مؤمنين