[فيتامين سي]

#انتقام_عاشقة_
الحلقة_10


(شهد لابسه بيجاما موف و فوقها طرف لانه كان جو صقع شويه قدام المسبح و طبعا المسبح كان كيييير و حواليه كله معشب و فيه طاوله في نص يعني جنب الايمين و جنب ايسار و في نص فاصل في وسط المسبح في طاوله و كان هانيبال مجهز فطور ولا اروع )
_شهد :مَش هلبا عليا الدلع هادا كله؟
_هانيبال مافيش شي هلبا علي شوشتي
_شهد:اممممم(و جت حطت أيديها ورا رقبته و قتله ) خلاص لو تعودت مدخليش فيك
_هانيبال :انتي تستاهلي نحطك في عيوني و نصكر عليك و نحطك في وسط قلبي منداخل تي اني نمووووت فيك (و قعد يشوفلها)
_شهد:و انت تستاهل نحطك تاج فوق راسي و نصونك عمري كله و نحافظ عليك هي نفطرو ؟
_هانيبال :هيا يا غاليه
.
.
(عند سندس و شيرين كانو مقعمزين يهدرزو)
_سندس :مازال اسبوع و العطله تم
_شيرين :تبيه يموت شوفيله و كأنك متعرفيشي حسسيه كأنه معمركش عرفتيه
_سندس:زعما؟؟
_شيرين:ايييه و اني هكي مندير لي معتز تصوري كرهته اععع بديت نتقزز منه
_سندس:طبيعي بتكريه عقبالي (و سكتت شويه بعدين قتلها )معاش كلمك محمد ؟
_شيرين شافت لي تليفون) لااا من امس معاش كلمني مع انه قبل يتصل كل ساعه بيا
_سندس:تستاهلي حتي هوا عنده كرامه الولد
_شيرين:يطربق هوا و كرامته و (ناضت خشت الحمام )
.
.
_شيماء:سماح؟؟؟؟؟؟؟؟؟؟
_طاهرفاق لي روحه )اسف كان واخدني نوم (و ناض خش الحمام و خلا شيماء مقعمزه خاتقتها العبره)
_شيماء:سماح سماح؟؟؟ و قعدت تبكي
.
.
عند عصافيرنا
(كان مقعمز هانيبال علي العشب و شهد راقده و راسها علي رجلين هانيبال)
_شهد :ياريته زمان يوقف علي لحظه هادي و نقعدو ديما هكي
_هانيبال:ههههه ياريت
_شهد:نبي نقعد معاك طول عمري لانه اني مندونك ولا شي و خنقتها العبره
_هانيبالنزل باسها علي راسها و قلها) حبيبتي ، لديَّ شيءٌ كثيرْ أقولُهُ ، لديَّ شيءٌ كثيرْ .. من أينَ ؟ يا غاليتي أَبتدي و كلُّ ما فيكِ.. أميرٌ.. أميرْ يا أنتِ يا جاعلةً أَحْرُفي ممّا بها شَرَانِقاً للحريرْ هذي أغانيَّ و هذا أنا يَضُمُّنا هذا الكِتابُ الصغيرْ غداً .. إذا قَلَّبْتِ أوراقَهُ و اشتاقَ مِصباحٌ و غنّى سرير.. واخْضَوْضَرَتْ من شوقها، أحرفٌ و أوشكتْ فواصلٌ أن تطيرْ فلا تقولي : يا لهذا الفتى أخْبرَ عَنّي المنحنى و الغديرْ و اللّوزَ .. و التوليبَ حتى أنا تسيرُ بِيَ الدنيا إذا ما أسيرْ و قالَ ما قالَ فلا نجمةٌ إلاّ عليها مِنْ عَبيري عَبيرْ غداً .. يراني الناسُ في شِعْرِهِ فَمَاً نَبيذِيّاً، و شَعْراً قَصيرْ دعي حَكايا الناسِ.. لَنْ تُصْبِحِي كَبيرَةً .. إلاّ بِحُبِّي الكَبيرْ ماذا تصيرُ الأرضُ لو لم نكنْ لو لَمْ تكنْ عَيناكِ... ماذا تصيرْ ؟
_شهد:جحيم و حياتك حياتي من بعدك جحيم
_هانيبال:ربي يخليك ليا يا احلا حاجه في حياتي
_شهد:يااارب
.
.
_سندس :ايوا خيرك سنه خلي تردي
_صحبتها :كنت في الحمام يا هم
_سندس:باهي قوليلي شن صار فيك
_صحبتها:مشي بابا ردلي ملفي
_سندس:الحمد لله و اخيرا سمعتي كلامي
_صحبتها :لكن حطوه في القجر ما قجر قالو لين المدير يطلع من المستشفي
_سندس:كيييف؟؟(و محستش الا بدموعها ينزلو)
_صحبتها :تعرفي قالو مداير حادت و رجله نكصرت و جت خبطه في راسه دخلاته غيبوبه
_سندس:و مقالوش اما مستشفي
_صحبتها :في .... لانه بابا يعرفه مَش زاره
(سندس صكرت علي صحبتها و لبست ماليه فوق لبستها كانت لابسه سروال ابيض و بلوزه صفرا و نزلت تجري طقطق علي شيرين)
_شيرين فتحت الباب )خيرك خيرك شن في
_سندس:مفتاح سيارتك بسرعه
_شيرين:علاش خيرك شن صاير
_سندس:صاحبتي مدايره حادت بسرعه
_شيرين :به تبي نمشي معاك ؟
_سندس:لا هاتي المفتاح بسرعه
_شيرين :به
.
._طاهر طلع من الحمام لقي شيماء مقعمزه في نفس مكانها )شنو شكله مافيش فطور؟؟
_شيماءوقفت و تلفتت كانت وجها واضح انها تبكي و قتله )لا فيه و كيف بتطلع وقفها طاهر علي الحيط و حط أيد من الأمين و أيد من الايسار و قلها
_طاهر :من تو دلع الفرخات منحباش و كان غلط و قلت اسم المرحومه شن فيها يعني انتي تجوزتيني و عارفه كنت متجوز و عارفه انه كنت نموت فيها و سكت شويه و لي توا قاعد نحبها و مَش حنحب غيرها واضح و سبب جوازي بيك واضح نبيك تربي علي فقد لا غير و الي صار امس مَش معني انه تقبلتك لا هادا حقي !تمام و تلقي حبوب في القجر خوديهم منبيش صغار لانه و ياريت جو دموع تماسيح تفوتيهم لانه منصدقش فيه و منحبش نكد
_شيماءفي البدايه كنت متوتره من قربه و نسحابه بيدير زي الروايات و الأفلام بس صدمني كلامه كان كل كلمه يقولها تخش موس في قلبي معقوله عروسه يوم صباحيه تسمع كلام هكي بس كرامتي نجرحت و مقدرتش نسكتله و قتله) تعرف لو مَش علي خاطر علي و كلام ناس مكنتش قعدت معاك و مشيت حوشنا بس الله غالب و حبها مرتك من طلب منك تحبني حسستني منموت من دون حبك و بعدين بعد كلامك مستحيل مازال تحلم تقرب مني و الحبوب خودهم انت حرام دفعت عليهم فلوس (و نزلت أيديه و مشت الحمام و نهارت بعدها )
_طاهرنصدمت من كلامها متوقعتش شيماء تقوله !و اصلا متوقعتش انها تكون قويه هكي)
.
.
_شهد:حبيبي شن رايك نجيبو ماما نعيمه و ماما و سندوسه و شيري يغيرو جو معانه قبل ماتم العطله
_هانيبال:اييييه عادي اصلا حسيتهم الفرخات جوهم مَش حلو خيرهم ؟
_شهد :مدورهمش هرمونات هههههه خلاص تو بعدين نكلمهم يجونا بعد يومين
_هانيبال :تمام يا عمري كله
.
.
(في المستشفي خشت سندس الاستعلامات و سألت علي غرفة احمد تجري لقت مرا كبيره و زوز بنات قدامها )
_سندس:السلام عليكم اهني غرفة احمد؟
_ام احمد :و عليكم السلام تفضلي يا بنتي ايه اني امه
_سندسجت سلمت عليها و علي خواته كانو في عمر سندس )ربي ينوضه بالسلامه اني طالبه عنده كيف حاله توا
_ام احمد:الحمد لله اهو يا بنتي ربي يشوف فيه ادعيله
_سندس:ربي ينوضه بالسلامه عادي نشوفه؟
_ام احمد:تفضلي يا بنتي خشي
_اخت احمد:طالبه صار شكله ولدك كان ناوي يتجوز
_ام احمد :غر ينوض ان شاء لله والله ناخدلها و نديرله عرس مصارش لا قبله ولا بعده
_خواته :ان شاء لله
.
.
_سندس:ااا احمد(كان راقد علي سرير و وجه كدمات و الأجهزة حواليه في كل مكان مشت قعمزت علي الكرسي قدّامه و شدت ايده و قعدت تبكي)حبيبي احمد اسفه انه دعيت عليك لكن والله من ورا قلبي اني مسامحاتك اصلا منقدرش نزعل منك ولا نشيل علي خاطري منك حتي لو نحبك من طرف واحد احمد نوض نوض بالله عليك منقدرش بلاك ضروري تعيش حتي لو مَش معاي يكفي نشوفك عايش حتي لو بعيد عليا احمددددد(و شدت ايده و تبوس فيها و نهارت من جديد
يتبع