[فيتامين سي]

_انتقام_عاشقة
_الحلقة_12
الكاتبة ميمي الترهوني


_طاهرمَش عارف لما شفت الولد معاها و لما حكالي علي شن قال حسّيت حاجه تحرق فيا و انفجرت فيها و معاش حسّيت بروحي الا واني مقرب منها و نبوس فيها )
_شيماء(كان طول طريق اعصاب ولما و صلنا زاد و فجاءه قرب مني و باسني في البدايه تجاوبت معاها بعدها دكرت كلامه دفيته و مشيت نجري لي دار و صكرتها علي روحي)
_طاهر:حمار حمار شن قربني منها اني (و حدفت روحي علي الكنبه)
_شيماء:زعما غار ايه غار مافيش تفسير تاني لي تصرفاته الا هكي (و رقدت علي سرير و حطت اَيدها علي فمها نتخايل قبل شويه شن صار)
.
.
(تاني يوم روحو العائلتين علي خاطر القرايه)
هانيبال :سندوسه واتيه اني طالع خلي نوصلك
سندس:اَي عمو هي
هانيبال :هاك المفتاح سخني سياره (و ناض لي شهد في الكوجينه )
_شهد(كانت واقفه علي الغاز و دير في الغدي جي حضنها هانيبال من تالي تلفتتله بساته من خده و قتله )يا مجنون شن دير
_هانيبال:نحبك و سكتت بعدين قلها ووووه نحبك خاطري نحطك في قلبي و نصكر عليك و نحطك في عيوني و نغمضهم خاطري ناخدك و نهرب بيك
_شهد: شفت بعيونك سبع سماوات و قافلة أنبياء و قيامة و ع غفلة شفت الجنة بعيونك و شفت بقلبك جنة أني نموت فيك
_هانيبال :شن الكلام الحلو هادا شكلي منفوت سندس و متقعد معاك !
_شهد :هههههههههه لألا متفوتهاش لانه حتي أني منطلع
_هانيبال:وين يا غاليه
_شهد:لي صاحبتي
_هانيبال:تمام يا نور عيوني و باسها و طلع
(أما شهد قعمزت علي الكرسي حطت راسها علي طاولة و تنهدت)
.
.
_شيرين :نعم حميدا
_محمد : وينك كيف نزلت من المحاضرة
_شيرين:بحدا المصور تلقاني
_محمد :اهو جاي و صكر
.
.
_سندس(كانت في الفصل عندهم حصة فاضيه و تهدرز مع صاحباتها و جو)
صحبتها1:بنات كساد ننزلو لي الخصائيات؟
_صحبتها 2:ايه ايه نحصلو جو عليهم و منها نهربو من الحصه جايه هيا شنو سندس
_سندس :والله ماعندي نيه لا ننزل لا نركب
_صحبتها2:تي غر هيا بلا جو بالله عليك
_سندس:وووه باهي يا همي
(و نزلو قعدو يهدرزو مع الخصائيات و فجاءه يخش شخص سندس قعدت مش مستعده انها تشوفه )
.
.
هانيبال :كان في سياره و فجاءه جاته مكالمه خلاته يجري زي المجنون خلي يوصل بسرعه
.
.
_شهد:تفضل هادو الفلوس وين تليفون لي فيه صوري؟؟؟
_الولد:اوووه نسيته في حوشنا
_شهد:تتسهوك أنت صح شن نلعبو احني ولا كيف
_الولد:تي خيرك أعصابك اهو الحوش قدام الكافي اوقفي قدام الباب و نمدلك تليفون و بري
_شهد:تمام هي نوض بسرعه
.
.
_(شيماء نضت صبح لقيت طاهر مش قاعد دوشة و لبست قفطان اخضر قصير و قمت شعري فوق و بديت في ضمان الحوش و الحمامات نضفتهم و كانو سهلات لانه دارين و حمامين و مطبخ و صالة و شكله في حد جي نضفها قبل ما نجو و نوضت علي فطرته و دوشتله و لبسته و فتحتله الكرتون و خشيت المطبخ ضميته بعدها معاش نندري علي روحي الا راقده علي الكنبه جنب علي)
.
.
_محمد :شن جو يا غاليه
_شيرين :الحمد لله و مقايله و أنت لانه اكيده جوك حلو معاي ولا
_محمد:واااتقه الأخت لا هي
_شيرين:لا صار ولا( و طرمت شواربها )
_محمد:هههههههه يا حليلي من شوارب اخخخ تي نبصر جوي فوق ريح معاك
_شيرين(الخدود ولو زي طماطم و قلبها قريب محمد يسمع الدق ابتعه و كيف بتدوي قص عليها معتز)
_معتز:أهلا أهلا شن وليتي صحبه أنتي و محمد
_شيرين:باي محمد تخليك مع ولد خالتك (و مشت كانت حاسه بتقزز من معتز )
_محمد:مريض أنت خيرك؟
_معتز:والله أنت المريض و شيرين متحلمش بيها
_محمد:ننصحك تمشي تعالج و مشي و خلاه
(محمد م93 اخر سيم هندسه و معتز م94اداره يحضر في مشروع
تخرج)
.
.
(عند سندس و صاحباتها كانو مقعمزين مع الخصائية و يهدرزو)
الخصائية:أهلا أهلا بالمدير كيف حالك
_احمد:و عيونه علي سندس أهلين الحمد لله و أنتي
_الخصائية:في نعمه
_البنات الا سندس:كيف حالك أستاذ احمد الحمد لله علي سلامه
_احمد:الله يسلمكم
_الخصائية:مبكري نهدرز مع أمك قتلي خطبتلك مبروك مبروك
_(سندس طول عيونها جو في عيون احمد تستنا فيه يقول لا كدب ولا مصارش لكن خدلها زي كل مرا)
_احمد:ايه والله خلاص خشينا لي32
_الخصائية و البنات:مبروك أستاذ احمد
_سندس(عيونها تعبو دموع و شبحت لي احمد شبحه مهما شرحتها ميقدرش حد يفهمها الا هوا)
_الخصائيه:هي سندس نبو نسمعو الخاطره ابتاعك قوليها اهو خلي يسمع موديرك
_صحبتها1:ايه اسمعها إستاد احمد مشاء لله عليها
_احمد:والله مشاء لله عندي طالبه تكتب في مدرستي ترا ورينا (كان متعمد يبيها تتكلم استاحش صوتها )
_سندسشبحتله من فوق لي لوطه و تلفتت هي) ماعرفت أبدلك غبت و أخذت جزء مني قصدي خديتني كليي
توقعت هالغياب كم يوم ويعدي!
توقعت انو بعرف ناس جديده وبينسوني بس ما توقعت انو كل هالبشر ماينسوني ياك متخيل انو أنا من ضمن المدمنين ههه لا يروح بالك بعيد أنا مدمنك تعاطيتك الين ماوصلت لمرحلة انو ما عاد فيا أمل للعلاج أنا صرت مصاب بمرض اسمه أنت تدري ليش لأني بالدنيا ماتعودت أني أجامل مني قادره اجاملهم مو قادره أتقبل غيرك يحسبوني أني شايف نفسي هه يحسبون أني مغرور و مو شايفه احد مايدرون أني مريضتك و مني قادره احس الا لك و كان قلبي حالف يمين ما يحس بعدك (و سكتت و صوتها واضح شهقة العبرا فيه) يا اخي تعال مو عشان ترجعلي تعال علمني كيف ابدلك تم غيب
_الخصائيه:تبارك الرحمان بعيدا علي انه الكلام مش مكانه اهني و اكبر من عمرك بس روعة
_سندس:هههههه شكرا (و تلفتت لي احمد و كانت متعمده تستفزه) شن رايك أستاذ احمد ؟
_احمدبصوت مخنوق )مشاء لله و هي يا طالبات فصلكم و ناض طلع
.
._طاهرخش و كانت صنة الحوش بخور تريح نفس و لقي شيماء راقده و كان شكلها زي الحورية و علي جنبها يتفرج علي تلفزيون مشاله طاهر باسه علي راسه)كم ليها راقده؟
_علي:هلبا
_طاهر: اممم (و مشي جابلها شرشاف غطاها و طبس عليها باسها من راسها و قعمز علي ركابه و قعد قريب نص ساعه يتأمل فيها و يلعب بشعرها بعدين صورها و ناض)
.
.
_محمد:ايوا شيرين وينك
_شيرينبصوت مخنوق )روحت
_محمد:ضايقتي ياشفشفه
_شيرين:لالا
_محمد باهي نص ساعه و انزلي القراج ابتعكم تلقي كيسه فوق سيارتك انزلي خوديها
_شيرين :كيسة شنو
_محمد :بلا أسئلة باي(و صكر)
.
.
_شيماء(ناضت لقت علي فاتح الايباد و يلعب)عليوه من عطاك الايباد
_علي :بابا
_شيماء:علاش جي هوا
_علي:ايه من بكري
_شيماءشافت لي الغطا )من غطاني عليوه
_علي:بابا و قعد يلعب بشعرك و باسك و صورك
_شيماء:وجها الوان الوان و ناضت تجري لي دار و قعدت تنقز فوق سرير
.
.
_شهدواقفه في العماره قدام حوش الولد تستنا فيه بعدين قتله بصوت عالي )مزال معطل انت؟؟؟
_الولد(كان متبص من روشن شاف لي كان يستنا فيه وصل مشالها) لالا و قعد يشوفلها بخبت
_شهد: (بعصبيه) وين تليفون؟؟؟؟؟
_الولد:تبيه (و مشي يجري قامها و خلا الباب مردود و حطها فوق الكنبه و طبس يبوس فيها )
_هانيبال :شهدددددددددددددددد و (طول طلع المسدس ضرب بيه الولد علي ضهرا و مشالها يجري)
_شهد(من صدمه كيف قامها و تهجم عليها فمها تبكش والي زاد بكشها خشوش هانيبال عليها )
_هانيبال:تخونيييييي فيا تخوني فيااااااااااا (و جبدها من شعرها لي سياره )اطلعي ياااا فاجره تو نربيك
.
.
(في المرواح عند سندس)
زميل سندس :باهي و الامتحان شن خاش فيه
_سندس:ص66لي ص100(بعدين شافت احمد جايهم و متعفلق )
_احمد:مرواح ولا انت ياها (و شبح لي الولد) اطلع روح قدامي و انت يا طالبه تعالي نبيك في مكتبي
_البنت:هيا سندس خوها وصلت مَش بتروحي معانه
_احمدبصوت واطي)لا زياده بتروحي مع خو البنت
_سندس:ايه نوقف و نروح مع ولاد و نحب و ندير لي نبيه انت مدخلكش يااا استاد (بصوت هزوه)و مشت بعدين (شبحتله بستحقار)
و قتله مبروووك (و طلعت)
_احمد قعد يشوفلها و هيا طالعه و صكر اَيده بالقوه لين عروقه طلعو
.
.
_طاهريطقق علي شيماء بعدين خش و اول ما خش فجاءه طلعت شيماء بروب الحمام كانت دوش)
_شيماءبتوتر و شاده روب كويس )نعم تبي حاجه
_طاهر:كان سرحان فيها و في جسمها
_شيماء:طاهر ؟؟؟
_طاهر:ااااا ايه منقولك وتي روحك نطلعو نتعشو(و جي بيطلع بعدين رجع)علي لبسته نستنو فيك(و قعد يشوفلها)
_شيماء:به تمام تقدر تطلع!
_طاهر:اااا به
.
.
_قصدي مكنتش نسحابه بيضربه بسلاح كنهادا مخشيناش في الموضوع
_لمياء:تو مَش وقت الكلام هادا المهم تمشي تسحب الفلوس حطيتهم في حسابك و تاخده و تعالجه برا و معاش تكلمني الفتره هادي باي(و كصرت شفره و ضحكت)و اخيرا
(عرفتو من لمياء ايه نفسها لي تجوزها هانيبال و طلقها و قررت تنتقم من شهد و اخترقت سناب و خدت صورها و تهدد فيها من غير ما تعرفها شهد و طبعا شهد خافت تقول لي هانيبال و ميصدقهاش تسحابه موضوعهم فلوس و خلاص )_محمد:انزلي هي
_شيرين قاعد انت؟(و لبست شبشب و نزلت)
محمد :طلعت حتي من شارعكم هههه وصلتي سيارتك
_شيرين: ايه خليك لحظه علي الخط (و فتحت الكيسه لقت بوكس صغير مكتوب عليه اخاف عليك من الاكتئاب و فيه شكلاطه هلباا )شيرين و عيونها دموع لي امتا بتقعد معاي حلو و كويس هكي و تحرج فيا ديما هلبا هكي ره
_محمد:مافيش شي هلبا عليك يا غاليه و صكري فمك مَش بينا و هي اركبي
_شيرين:ربي يخليك ليا هههههه ركبت و وصلت و كليت حتي من شكلاطه
_محمد:صحه صحه يا غاليه
_شيرين: محمد لحظه بس صوت صياح في العماره منطلع نشوف
_محمد :ان شاء لله خير
_شيرين:ان شاء لله سلام(و طلعت تجري)
.
.
_(سندس كانت مروحه من المدرسه تعبانه فجاءه وصلها مسج كان من احمد فتحاته كان مكتوب فيه و أغار عليك و انتي لستي لي و جنبه قلب مكسور و كيف بترد شيرين سمعت صياح في العماره طلعت تجري )
.
.
(عند طاهر كان مقعمز يستنا في شيماء لين طلعت و صدماته كانت لابسه قفطان قصير مخطط و صندل بيج)
_شيماء: هي واتيه
_طاهر:بعقلك انتي بتطلعي هكي بالقفطان هادا شن تشوفي في ديوت؟؟ولا سافرتي و هبلتي ماليزيا لي علمك كلها ليبين و خصوصا لمنطقه لي فيها احني شن شكلي مطلع مرتي هكي خشي بدلي بسرعه
_شيرين:مَش بدله كان منطلع هكي باهي كنهادا مَش طالعه
_طاهر:جعلك لا طلعتي (و شدها من ايدها و دفها و خدي علي و طلع يجيب في عشي)
_(اما شيماء خشت بدلت و قعمزت تبكي وجعتها أيدها )
.
.
(هانيبال وصل دور حوش شهد لقي شيرين و ام شهد كيف فتحو الباب دفهم و دخل شهد و طيحها لوطه و طاح فيها ضرب و مافيش في لسانه الا كلمة خاينه خاينه)
(و من صدمه لا شرين ولا ام شهد ولا نعيمه ولا سندس قدرو يتحركو )
_هانيبال:علاااش علااااااش و طاح علي رجليه و قعد يبكي و يخبط علي راسه كسرتيني كسرتينييي
_(اهني شهد فاقت علي روحها و مشتله تجري و هيا تبكي)مظلومه والله مظلومه و جابتله تليفون شوف ها شوف
_هانيبال:مانبيش نشوف شي و حدفه لانه لي شفته ساد شفتك في حوش راجل تاني و مقرب منك ( و لما دكر رجع يضرب فيها و كلهم مصدومين من لي يسمعو فيه و الي قاله هانيبال و شهد مافيش في لسانها الا مظلومه مظلومه )
_هانيبال :طاااااااالق انتي طااااالق طااااالق مَش ح نسامحك علي خيانتك و طلع يجري
_شهد:لاااااااااااااااااااا اا لااااااااااا(و قعدت تخبط في وجها و تشرك في حوايجها )حي حي قولوله مظلومه حيييي طلقني وووووووووووه وووووه(خشت في هستيريا من صدمه )
.
.
_طاهرخش لي شيماء) تعالي تعشي
_شيماءراقده و عاطيه بظهر ) منبيش
_(جي طاهر قدامها )علاش تبكي
_شيماء:واللله؟
_طاهر:والله مفروض تفرحي لانه هادي غيره و مَش اَي غيره (و غمزلها و باسها)هي نستنو فيك اني و عليوه
_(اما شيماء قريب طارت من الفرحه)
.
.
_شهد :مظلومه والله مظلومه متشبحوش هكي حتي انتم مَش مصدقيني (و فقدت الوعي)
يتبع