[فيتامين سي]

#انتقام_عاشقة

_الحلقة_13


الكاتبة ميمي الترهوني

اول حاجه سامحوني علي تأخير لكن عارفين العيد و الضي يهرب و قراية ادعولي بالنجاح و طبعا رواية معا
ش مزال فيها الا تلاته حلقات يعني نبيكم تتفاعلو و تعلقو و تعطوني رايكم في الحلقات و الرواية لانه هادي اول رواية ليا و رايكم يهمني❤️
.
.
شهد(بعد مافقدت الوعي رفعوها المستشفي و كانو معاها امها و
سندس)
_دكتور:الحمد لله جبتوها في الوقت المناسب مَش معقوله لانه حامل في شهر تاني و دمك 8 مَش كويس علي العيل
_شهد:حامل حي حامل ( و قعدت تضحك و تبكي لانه حست بالخبر هادا يمكن هانيبال يرجع و يسامحها و اهم حاجه طلاق هانيبال ليها باطل) ماما سمعتي اني حامل
_ماما:سمعت سمعت يا بنتي (وجت خدتها في حضنها و قعدو يبكو)
_سندس:باهي يمكن يا دكتور تعطيني الأدوية و المقويات ابتع الحمل لي مفروض تاخدها و امتا تطلع ؟
_دكتور:تم تغدية بعد ربع ساعة و تقدر تطلع و نعطيك الروشيته
.
.
_شيرين:كييييف يا خالتي نعيمة لي درجة هيا معنداش تقه فيها و هوا مَش قال معاش منخش فيها المواضيع ابتع الحرب تي كيف يمشي الجبهة (و قعمزت تبكي )
_نعيمةتبكي و تخبط و خلاص عارفه انه طول ماولدها في جبهة طول ما هوا حياته في خطر و في اَي لحظه تسمع خبره )
.
.
(لبست شيماء بيجاما خفيفه ابتع حوش و طلعت لقتهم يستنو فيها)
_شيماء :جعانه (و قعمزت)
_طاهر:جبتلك مشاوي عارف تحبيهم
_شيماء :باهي كويس عرفت حاجه عليا (و تلفتت تاكل كانت مقرره تستخدم اُسلوب تاني مع طاهر تخليه يحبها بيه)
شيماء :حبيبي عليوه شن تبيني نحطلك دجاج ولا لحم
_علي :نبي لحمة
_طاهر:عليوه بس حبيبك
_شيماء:؟؟؟؟؟
_طاهرعرف روحه بيخرط غير الموضوع )غدوا معزومين عند صاحبي عنده فيلا قدام البحر عازم قروبنا كله
_شيماء:منباتو ولا منروحو
_طاهر :منباتو
_شيماء :اممممم باهي
.
.
_شهد :خالتي نعيمة شيرين خيركم تبكو متخافوش طلاق هانيبال ليا باطل ههههههه باطل لانه حامل و اصلا هوا اول مايعرف بحملي بيرجعلي و بيعرف اني مظلومة
_نعيمة:حامل و طاحت تبكي تاني وووه علي ولدي وووه حتي خبر حمل مرته لا سمعه ولا فرح بيه ووووووووه وووووه
_ام شهد:خيرك الطف تو نكلموه و تنحل الأمور بهداوة ان شاء لله
_شيرين:هانيبال قبل ساعه كلم امه مشي جبهة و صكر تليفوناته
(سندس من صدمة قعمزت وحطت ايديها علي وجها و قعدت تبكي اما ام شهد طول تلفتت لي بنتها قليلة البخت )
_شهد:جبهة ؟؟؟؟؟؟؟؟؟؟
بس هوا قالي معاش بيدخل روحه في المواضيع هادي معاش يبي قالي منسافرو منكونو حياتنا بعيد علي كلام القتل و العفن هادا معقوله لي درجة هادي معنداش تقه فيا (و قعدت تضحك من صدمة و خشت صكرت علي روحها الدار )
_سندس:ماما نعيمة نبي نكلمه متاكدين صكر رقمه منقدرش نخليه ماشي الموت و منتصرفش هانيبال هادا عيوني لي نشوف بيهم نموت لو صارتله حاجه نموووت
.
.
(تسريع الأحداث تاني يوم الصبح)
_شيماء:يااا طااااهر وآتين اني و عليوه راهو
_طاهر:اهو نزلت حتي الشناطي (و قعد يشوفلها )
_شيماء:شنووو لبستي محترمه عاد(كانت لابسه سروال جينز لي فوق كعبة رجل و سبيدرو بودري و سورية قصيره بودريه و قايمه شعرها قرن فوق و لابسه نضرات و شنطة بودري في الأبيض كتفين و خدودها حمر هلبا و مدايره روج وردي بس و واقي كان شكلها كيوت هلبا )
(و طاهر لابس شورط جينز و تيشيرت اسود و سبيدرو اسود هوا و عليوه زي بعض يهبلو كانو )
_طاهر :لا شي (و قعد يقرب منها لين لصقت علي الحيط و باسها ) كل مابديري روج منمسحه بطريقه هيا و هي نستنا فيك لوطه انتي و عليوه و نزل
_شيماءقعدت قريب ربع ساعه واقفه تستوعب في الموقف بعدين خدت عليوه و نزلت)
.
.
.
_الابله :خيرك يا سندس تبكي معقوله مَش قاريه مستحيل نصدق
_سندس:عفوا ابلة مَش قادره نبي نروح ولا نطلع من الفصل
_الابلة :شوية بس (مشت نادت الابلة معاها توقف علي الفصل و خدت سندس لي حجرة الخصائيات و نزلت )
_الابلة:احكيلي خيرك بنتي والله يشهد عليا ربي قداش مانحبك و الامتحان متفكريش فيه بنيتي نضربلك امتحانك الاول في 2 مصكره درجتك فيه
_سندسكانت منهاره خاطرها تبكي و ملقتش روحها الا حادفه روحها علي الابله تبكي و تشهق)
.
.
_شيرين:محمد واجعتني اختي منهبل عليها و في نفس الوقت خايفه علي هانيبال قصدي خوي هادا تعرف شن معني خوي اني معاه لي صارله مَش شويه بس جبهة لي توا معروفه شنو90‎%‎من لي مشو روحو ميتين و نهارت تبكي
_محمد :حبيبتي خلاص هدي نفسك و مايصير الا خير و ربي يرجعه بالسلامه اسكتي و هدي أعصابك انتي توا ساعدي اختك و اوقفي معاها
_شيرين:الحمل كبير عليا شيماء مانبوش نقولوها لانه كنهادا بتسيب
راجلها و تروح و سندس لي فيها سادها هانيبال بوها مَش عمها
_محمد:و اني واتق فيك تقدري توقفي معاهم كلهم و صدقيني مَش ح يصير الا كل خير( و شدلها أيدها كانو مقعمزي في كافي)
.
.
(و لما كانت سندس مع الابلة في حجرة الخصائيات كان احمد جاي يبي الخصائيه في موضوع يخص المدرسه و نصدم في سندس المنهارة)
_احمد :ان شاء لله خير خيرك سندس شن في
_سندس شافت احمد زادت انهارت لانه كانت اكتر شخص محتاجته اكتر شخص محتاجه ترمي نفسها عليه و تبكي)
_الابله :بسم لله بسم لله خيرك يابنتي
_احمد :عفوا ممكن تخليني معاها شويه و تقدري تركبي فصلك انتي
_الابله: تمام ( و طلعت )
_احمد : (قرب قعمز بحدا سندس)حبيبي خيرك شن في شن صاير
_سندس: (بدون مقدمات و صوتها الي يقطع القلب من شهقات قتلت )عادي تحضني؟
_احمدخدها في حضنه قريب ربع ساعه بعدين نحاها ) سندس اني مَش ح نخليك اليوم لي نعرف خيرك اركبي جيبي شنطك و انزلي ( و خدي ورقه كتب فيها علي اساس امها تستنا في برا )تلقيني نستنا فيك في زنقه
_سندس:هزت راسها و مشت.
.
_(نمشو لي العرسان و نشوفو شن صار معاهم بعد ماوصلو شيماء و طاهر نزلو و خشو رتبو حاجتهم في دارهم و خلو عليوه لوطه يلعب بعدين نزلو لقو صحاب طاهر و طبعا كانو اتنين بس و معاهم زوجاتهم
امجد و مرته اسمها نصيب و معندهمش صغار
اسامة و مرته أحلام و عندهم تؤام ولد و بنت فادي و فرح عمرهم زي علي6سنين )
(بعدها قعمزو في ليل كلهم مع بعض و يهدرزو)
_نصيب:قداش مواليدك شيماء؟
_شيماءطبعا كانت خاشه في روحها لانه مقعمزين رجالة و نساوين و كلهم واخدين علي بعض الا هيا حاسه روحها غريبه)98
_نصيب :اوووو صغيره هلبا اني 88 و أحلام 90
_شيماء :بطول عمركم ان شاءالله
_نصيب:سلمها سلمك يا حلوه
أحلام:حتي المرحومه مرت طاهر كانت 90 زيني
_نصيب:لا يقيس عليك بسو
_شيماء توترت و اكتفت بالابتسامة
_امجد :باهي احكيلينا يا طاهر شن جو زواج تاني بعد خمس سنين عزوبية اكيده مليح
_طاهر:لا مليح لا سو كانت عليا مانبيش نتجوز جوازي الاول لا يجي زيه زواج ولا المرحومه تجي زيها مرا ولا نقدر نحبها بعدها (و سكتت شويه و فاق لي روحه خرط في الكلام شاف لي شيماء لقي وجها احمررررر و عيونها يلمعو من دموع و لقاهم كلهم مصدومين )
_امجد حب يغير الموضوع) حلومه نبو قهوة
_احلام : (فهمت عليه) مرتك مقعمزه عاد علاش تحب تنوضني
_شيماء(حسّيت روحي اعععع اخييي جيت في مكان مَش ليا و شفت نضرات شفقه منهم كيف طاهر يحكي علي المرحومه و شفت نضرات شوق في عيونه سكتت
شويه بعدين معاش قدرت )نستأذن نبي نتمشي و ناضت
_اسامة:يا حمار يا زفت باهي
_طاهر :تعرف تسكت من عليا و ناض قربع الكرسي
_احلام :كله مني اني و امجد بكشه ان شاء لله
_نصيب:وجعتني حرام شن ذنبها
.
.
_سندس:وين رافعني
_احمد :لي مكان هادي تقدري تحكيلي فيه خيرك
_سندس:سكتت و تلفتت لي روشن
.
.
_ام شهد : كولي بالله عليك يا بنيتي علي خاطر ولدك و علي خاطر هانيبال يروح يلقاك محافظه علي ولده
_شهد:هانيبال!!!و بعد ما سمعت اسمه قررت تاكل
.
.
_(بين أصوات القصف و الضرب كانو شباب في عمر الورد يجرو و يقدمو و يوخرو و ينضربو و يطيحو والي تجيه ضربه علي رجله و الي ايده و الي تجي ماكنه و يموت و الي يلقو جته ابتعه و الي صاروخ معاش يخلي فيه شي كان هانيبال يحارب بينهم مَش عارف شن بتكون نهايته و مَش مهم عنده لانه كان محروق من داخل و معاش عنده علاش يعيش بعد ماشاف خيانة شهد ليه )
(_الكاتبة:عمرك ماتتسرعو و تشوفو الموقف بنضرتكم بس لانه حتي لو كنت علي صح تسرع يخليكم تندمو)
.
.
شيماءمقعمزه قدام البحر و تبكي ليها قريب ساعتين كانت تعرف انه طاهر قاعد يحب مرته بس وجعها كلامه كان مفروض يحترم مشاعرها و يقدرها)
.
.
_محمد:هي حبيبتي نوضي روحي توا و رد بالك و ديري زي ما قتلك
_شيرين :تمام و ناضت
_محمد:في حفظ الله
_شيرين:في حفظ الله
(و ناضت طلعت و مَشْي هوا يخلص)
.
.
_احمد :انزلي
_سندسقامت راسها لقت روحها قدام البحر علي طول ادكرت كيف حكت مرا لي احمد أنها اكتر مكان ترتاح فيه البحر نزلت تجري بكت بكت بكت )
.
.
_شيماء حست المكان بدّي فاضي و حست في حركه وراها تلفتت لقت شخص واضح عليه اجنبي و في ايده شيشة شرب قعدت ترعش مع بعضها و كيف جت بتمشي هجم عليها و هيا قعدت تعيط فجاءه حست بواحد طاح في ضرب و لما ناضت لقاته طاهر)
.
.
(بعد ساعة نزل احمد من سياره و قعمز بحدا سندس توت احكيلي خيرك )
_سندسشافتله و عيونها معبيات دموع وبدت تحكيله )
.
.
_طاهر بعد ماضرب لي كان بيعتدي علي شيماء لين فقد الوعي تلفتلها)عااااجبك هكي اه عااااجبك بسبب أفلامك الهندية قريب مشيتي قيها لو اني رقدت شن صار فيك اه شن صااااار
_شيماء:أفلامي الهندية صاااار ولا بسبب وقاحتك ياسيدي مطلبتش منك حب احترام بس طلبت منك لكن مع الاسف عرفت انك مستحيل تقدر تحترمني ارجووووك احني توا صكرنا شهر مزال 11شهر و منرجع لي ليبيا و طلقني فاهم يا ولد عمي يا سندي و منقعد معاك الفتره هيا علي خاطر عيلتنا بس و لو سمحت خليني في حالي من اليوم مليكش دخل فيا و مشت تجري لي الفيلا
.
.
_احمد:حبيبتي هدي نفسك و بأدن لله هانيبال بيكون قد روحه صدقيني كله شهر يراجع نفسه و يعرف روحه غالط و يرجع صدقيني
_سندس:زعما ؟؟
_احمد :صدقيني يا حبيبتي و خداها في حضنه
.
.
بعد مرور شهرين(شهد في شهر رابع )
خدت صورت روحها و صورت بطنها و سحبت صور و حطتهم في المذكره و حطت معاهم صورت الأيكو و كتبت حبيبي اني في شهر رابع اليوم مشيت شفت جنس الجنين ولد هههه ولد خليني يشاركني فيك و تغار منه حبيبي تمنيتك اليوم معاش تسمع نبضات قلبه و تشوف اليوم خاطري في كرز اَي كرز و مافيش من يمشي ياخدلي أمي و امك الحمل كبير عليهم و سندس و شيرين امتحانات قداش منهم حبيبي هيا وينك طولت الغيبة و صكرت المذكره
.
.
بعدين مرور شهرين
(شهد في شهر سادس)
صورت روحها و صورت مكان اليبرا في ايدها و كتبت حبيبي وينك اليوم احتجتك معاي دكتور قالي عندي سكر الحمل و ضروري راجلك يدير باله عليك وينك حبيبي محتاجتلك
.
.
(بعد مرور شهرين )
شهد في شهر تاسع
كتبت هانيبال وينك طولت الغيبة و وقفت صورت روحها و كتبت شفتني كيف ضعفت شفت عيوني الإرهاق و السواد شفت بطني كيف صغيره ولدنا صغير بيجي لانه مناكلش مافيش من يهتم بيا و يوكلني مافيش من يدير باله عليا مافيش من يجيب لي خاطري فيه اني فترة حملي كلها نتوحم عليك محتاجتلك نبيك معقوله لي درجة هادي معندكش تقه فيها هانيبال اني ليا من اول ماخشيت تاسع يجيني الوجع مافيش من ينوض يرفعني نشوف نقعد نبكي و نتحمل لي صبح عارف معنديش
سند غيرك علاش خليتني
.
.
هانيبال وينك في الوجع منجيب موعدي خلاص و صورت وجها بسيف شوفني معاش قادره نتحمل اليوم منمشي نجيب ولدنا وينك مفروض توا تكون شاد فيا و ساندني علاش هكي صار معانه علاش
.
.
(في غرفة الولادة )
_شهد: كانت تجيب طبيعي كانتً طول الوقت تدعي يااااااارب احفظ هانيبال و يرجعلي يارب هانيبال يارب هانيبال يااارب يرجعلي يارب بين الحق يارب يارب حسبي الله فلي كان سبب كانت تدعي في دعي يقطع القلب لي درجة دكاتره و الممرضات قعدو يبكو و فجاءه طلع البيبي و صوته يعيط هز شهد و بعدها فقدت الوعي
.
.
_بين أصوات الضرب الي ليل نهار
كان راكب فوق جراد يضرب و فجاءه تجي ضرب مسحت المكان لي فيه
زعما يعيش ولا ربي ياخد امانته قبل ما يشوف ولده و يعرف الحق غدوا نعرفو في الحلقة القبل الاخيره
يتبع

اسفه علي التاخير بس كان عندي شوي ظروف💔


مساء الفل والورد جميعا ..كيف حالكم.
أول شي ؛-
صدقا وأمانه أستاحشتكم كلكم وأستاحشت كلامكم الحلو ودعمكم وأفكاركم وتوقعاتكم .
.
.
ثاني شي :-
نبي رايكم ومساعدتكم ..عندي روايه قاعده أفكار يعني مش مكتوبه لسه .
فكره الروايه هيا شاب جامعي حالته الماديه بسيطه يحب بنوته زميلته وعايشين قصه حب رائعه وبيوم ينصدم برساله منها تنهي كل شي بيناتهم ومن غير ذكر السبب والتوضيح ..كيف رح تكون ردت فعله وشن أسباب النوته اللي خلتها إدير هكي ..وياتري شن رح يصير وهل بيوم رح يتصلح كل شي بيناتهم وينتصر عشقهم من جديد والا رح تبدأ قصه الانتقام منها .
أنا أخترت إسم الروايه ورح يكون #إنتقام_عاشق .
الشخصيات الاساسيه والفرعيه ماخترتلها أسماء لسه .
.
.
الاهم ضروري نوضح كم نقطه:-
١/لهجتي ومصطلحاتي واسلوب كتابتي اكيد تعودتو عليه من رواياتي السابقه.
٢/المواعيد نحاول وهذا وعد مانقصر معاكم ..وبالمقابل تكونو صبورين معاي كلنا صحاب وخوات وخوت ونعرفو الظروف بالبيت والشغل والعلاقات الاجتماعيه وماالى ذالك .
٣/بالله عليكم أرجوكم رجاء خاص تعليقات متع هذه روايه خليجيه ومترجمتها روايه تشاديه هذه مش طريقه كلامنا وماإلي ذلك أرجوكم رجاء خاص نبيش نشوفها ف الكومنت وضحت من قبل ومازال نوضح عندي متابعات ربي يحفظهم من العراق وسوريا وتونس وغيرها وشهاده لله تجيني منهم رسائل ع الخاص وانا هذا أسلوبي لأن ننشر ف صحف خارجيه واللي يعرفني كويس يعرف هالشي عليا.
أخيرا وليس أخرا حبيت نقوللكم وهالشي ع طول نقول فيه حتي مع نفسي نحبكم هلبا لأنكم داعمي الاول والاخير وسر تألق قلمي وكتابته ومن جد نفرح بتشجيعكم وكلامكم وتعليقاتكم اللي تعطي فيا ف حافز عشان نستمر .
صديقتكم وأختكم.
#zezo_a_saad🌹.
سوري سوري نسيت ملاحظه مهمه /
الصوره تمثل أبطالنا الاتنين ورح ندير تصويت ع الاسماء اللي رح تختاروها واللي رح تكون أكثر رح نختارها يلا حبايبي رايكم وتعليقاتكم .
#بااي😚😍