[فيتامين سي]

#انتقام_عاشقة_الحلقة_14
الحلقة ماقبل الاخيره
الكاتبة_ميمي_الترهوني



_شهدكانت فايقه من البنج و تهلوس )هانيبال حبيبي هانيبال راجلي عيوني قلبي روحي عجبك ولدنا (و ناضت ترجع من تأتير البنج)
_ام شهد :بسم لله علي بنيتي بسم لله برو يا شيرين ولا سندس نادو دكتور يجي يشوفها
_سندس:هي تو نمشي
.
.
_شيماء :يعني حتي لما اختي جابت مَش ماشيه لي ليبيا نبي نشوفها ياسر مكنتش معاها في الازمه لي هيا فيها اففففففف
_طاهر :الله غالب خدمتي و قرايتي منقدرش
_شيماء:علي قولتك الله غالب كله شهرين و طلقني و نقعد معاهم (و مشت طربقت الباب كانت متعمده تتعارك معاه ديما خلي تكرها بس كل مالها تحبه اكتر و كل ما تقرب الفتره ابتع طلاق نفسيتها تتعب اكتر)
_طاهر :خيرها هادي طلاق طلاق علي يطلقك ولا يسمع كلامك يا مجنونه
.
.
بعد مرور اسبوع
_حبيبي هادي صورة ولدنا ليه اسبوع توا شوفه فيه غمازات زيك و عيونه سود زيك طالعه يشبهلك في كل شي حبيبي استاحشتك ولدك يستنا فيك تكبر في ودنه وين مشيت و خليتنا وين
.
.
بعد مرور شهرين
_ام شهد :نعيمه كان تحطي تليفون وانتي بديتي24علي24زي المراهقة عيونك فيه
_نعيمه :شن نلعب اني ماهو نتفرج علي اخبار الحرب لي معاش تمت
_ام شهد :ربك يستر و يرجع ولدنا بالسلامه
_نعيمه :يارب وين شهد اماله يا شهد شهد
_شهد:نعم عمتي كنت نرضع في محمد
_ام شهد :اسكتو يسمو في لماتو في الحرب خلي نشوفو
المديعة :وقد وردنا اليوم بأنه عدد الوفيات قد وصل لي200قتيل و جرحي300جريح
و من اهم الاسماء الي استشهدت اليوم بتاريخ(.......)
1سالم.....
2فرج........
معتز.....
هانيبال.......
_نعيمه:ووووووووووووووووووو ه عليا كبدي وووووووه عليا ووووووووه عليا ووووووه ووووووووه وووووووه (وقعدت تخبط في وجها )
_ام شهد:تبكي لالا كدب لالا الغالي عايش بيرجع بيرجع مستحيل مات بيشوف ولده حلمت بيه امس حلمت بيه يقولي منرجع قريب كدب والله كدب وووووووه عليا ووووووه يا قلبي ووووووه ووووه
_شهد:اسسسس اسسسسس هانيبال عايش يكدبو والله يكدبو راجلي عايش مستحيل يخليني اني نعرفه اني وياه زي نفس و روح ميقدرش حد فينا يعيش من غير تاني و تلفت لي ولدها اسسس حبيبي متعدلش عليهم يكدبو بابا عايش اسسسس
.
.
_سندس:هاي بنات
_البنات مصدومين :قصدك جيتي؟؟
_البنت1:عظم الله اجرك علاش جايه يعاودوه الامتحان
_سندس :شن تخرطي شن عظم لله اجرك من ماتلي الطف بعيد السو
_البنت:عمك هانيبال صورته ميت محروق قالبه النت و تلفزيون
_سندس :تبصرو؟؟؟؟؟قصدي البصارة في كل شي الا هادا الموضوع و قعدت تشوفلهم خيركم سكتو و قعدت تصيح تبصرو ولا قولو تبصرو هند بالله عليك ساره تكدبي خيركم تكدبو نعرف اني
_ساره:الإعمار في يد الله
_سندسنزلت تجري و خشت علي احمد )الغالي مشي الغالي مات الغالي بح ووووووووه عليا ووووووه الغالي يا احمد عمي مشي لي كان بوي و سندي ووووووه من بيا ووووه عليا و قعمزت علي ركابها تخبط بعدها نهارت و فقدت الوعي
_احمد:طول قامها و طار بيها لي المستشفي
_شيرين: (كانت في جامعة )نور ابعتيلي تسجيلات توا اهو فتحت نت شفره
_نور:هي افتحي
_شيرين فتحت نت جاني إشعار فتحته لقيت صورة شخص محروق مكتوب عليها هانيبال ههه مستحيل لا و معاش نندري علي روحي شن درت بعدها)حي عليا حي و نضت نجري بعدها عترت من الكعب حييي عليا حي مات يا قهرتي يا عازتي مشي الغالي مشي صقر مَش و مات وووووه وووووووه وووووووه (و قعدت نخبط في وجهي )و جامعه التمو عليا بعدها جاني محمد يجري
_محمد :شيرين حبيبتي اهدي خيرك شن في من مات
_شيرين:عزوتي مات سندي مات خوي و بوي و عمي و خالي و راجل اختي مشييي مات يا محمد هانيبال مات حييييي عليا حبيبي حي علي شهد حي وووووه علي ولده مصكرش شهرين تيتم وووووه ارفعني يا محمد ارفعني
.
.
_شهدالناس التمو و جونا و اني مقعمزه و شاده ولدي و نهز لي تجي تعزيني ندفها مستحيل هانيبال مات مستحيل لين خشت شيرين فيقتني)
_ شيرين :وووووه ووووه شفتو الغالي مشي حي علينا من بينا حي علينا ابكي يا ماما عيطي يا نعيمه ولدك بح مشي مات النشاد مشي و سيبنا ماااات محروق وووووه محروق بجراد فتفتوه فتفت الله مصارينهم حرقوه يحرق ربي قلبهم ووووووه وووه (و قعمزت تحت رجلين ماما)مشي يا ماما مشي خويا الغالي مشي
_شهد:اسكتيييييي اسسسس اسسسس مماتش عايش اسسس فاهمه معاش تعيطي عليه اس
_شيرين:مات يا وخيتي مشي و خلاك ارمله مشي و خلا ولده يتيم مشي و انتي قعده مظلومه يركبو في خيمته لوطه حي علينا بيعزونا فيه حي علينا حييي
_شهد:اسسس بلا كدب اختك اني اختك اختككك ووووووووووه ووه نار نار ركبت فيا يا ماما نار طفوها طفوها و رجعو الغالي طفوها و رجعو روحي لااااا ياربي خودني اني و هوا لا لااااااااا ياربي لا نار حي عليا نار(و قعدت تنقز و تخبط)مَش قادره ماما نوضي نوضي اه اه اه مشي سندي مشي ظهري في دنيا مشي راجلي مشي بو ولدي ووووووو ياربي منقدرش والله مانقدره فراقه ياربي نار فيا هادا الغالي(و طاحت تخبط في رجليها)
_شيرين:من بيبصر عليا منو بينشد عليا من بيقولي يا بقرا.
.
_طاهر شفت الخبر نصدمت وجعني طاهر و وجعوني شهد و ولده و قعدت حاير شن نقول لي شيماء )شيمو العسل طيب في غدي
_شيماء:تلفت شيمو و عسل هلبا هكي اختصر شن تبي
_طاهرشديت في ايديها تعالي يا غاليه و قعمزتها علي الكرسي )انتي مؤمنه بقضاء ربي
_شيماء:ونعم بالله ( و في بالها بيطلقها)
_طاهر: و عارفه انه كلنا نهايتنا الموت صح هوا يوجع بس بنكًونو عند ربي لي ارحم مني و منك و من ناس كلهم
_شيماء:في منو؟؟؟طاهر قولي
_طاهر:هانيبال عظم الله اجرك
_شيماء:من صدمه خشت تجري لي دار و غطت روحها و صكرت عيونها
_طاهر :شيماء حبيبتي خيرك نوضي ابكي عيطي
_شيماء:مصكره ودانها و تهز في جسمها
_طاهر: حبيبتي ؟؟،
_شيماء:ناضت قعمزت و قعدت تصيح ووووه مشي مشي خوي مشي سندي مشي لي يبصر معاي مشي لي يكلم فيا و يقولي شنو خلاص تجوزنا نتجكرو مشي ووووووه لين يتفكر في عيد ميلادي لي كان بو و خو لينا قبل ما يكون راجل اخت ووووه و طاحت علي طاهر و قعدت تبكي
.
.
بعد مرور 10 اشهر
_حبيبي غلاي عمري نكخ نكخ هههههه سلم ولدي سلم ولدي منو الحلو لي اليوم عيد ميلاده منو هي حمودي أوقف نصورك هي قول تشييز هههه( و طبعت صوره و فتحت مذكرتي و بديت نكتب اليوم ولدي صكر سنة و وفات حبيبي و نور عيوني 10 شهور و مرو عليا عشره سنين اخخخخ مصعب فراقه شي لوحيد لي مصبرني حميد ولدي
و بالنسبة لي سندس خطبها مديرها احمد امس مزال شهور علي عرسها احمد كفر علي غلطه معاها و وقف معاها و معانه طول وفات الغالي و بالنسبه لي شيرين خطبها محمد امس حتي هيا و عرسهم مع سندس و احمد و محمد نفس احمد راجل من يومه وقف معاها و معانه و شيماء من بعد العزي قعدت معانه و طاهر سافر يكمل في قرايته علاقتهم مَش معروفه حتي طلاق مطلقهاش و شيماء واضح عليها تموت فيه مَش قادره تعيش من غير و بالنسبه لي ماما و ام هانيبال مهون عليهم حميد زيني و علقت صوره و صكرت المدكره و طلعت )
.
.
شهد:كانو مجهزين الحوش كله روعة و صورة هانيبال و صوره لي حميد علي طورطة كأنهم صورها مع بعض كان جو ولا اروع بس الفرحه ناقصه و ناقصه هلبا ناقصه الغالي
يتبع في الحلقة الأخيرة