.
.
.
الجـــــــــزء الســــــابع والعشــــرون
.
.
.
عنـد قصـر جـراح
سمر : الي سمعته البنت حتى ماتبي تكلمني وتقول ابتعدي عن طريقي انتي وشلتك
جـراح بسخريه : خليها تتهنى
سمر مقهوره : لاماتتهنى مو اتفاقنا كذا
جراح : كل شي بيبقى هادئ وبنختفي لحين مايسافر سعود ويملك تركي على خويتك ... ويلف على احمد ...: شف جماعتك الي هناك وخلك متوآصل معاهم يوم بيوم وساعه بساعه اقسم بالله لو تخترب ذي الخطه لاحرقكم كلكم واحد ورا الثآني
احمد : الي تشوفه
_______________________
بيـت بو سعـود
جالسين يرتبون اغراض لينا بالشناط وكلهم يضحكون الا هي سآكته مطنقره وخانقتها العبره
نواف : الله يالدنيا لينا تتزوج قبلي انا ؟
ام سعود ضحكت : هذي قسمة ربك وكتبته الله يوفقها ويبلغني فيك قل امين
نواف تنهد : آآمييينن
لين بنص عين : يمه تراه الثاني شكله طاح ومحد سمى عليه
ام سعود بضحكه : لامآظنتي ولاشرايك انت
نواف انفجر ضحك : هههههههههههههههههههه لا يمه مو الحين اصبري
لينا وهي ترتب اغراضها وتسمع ضحكهم نزلت راسها وهي ماسكه دموعهاا عشانها بتفقدهم
سعود قام وهو يضحك وراح جنبها وجلس عندها ورفع راسها : تراك مانتي رايحه لآخر الدنيا ولاانتي الي بتعرسين وماعآد تشوفينآ تراك بتسكنين معنا بنفس الحي كلها عشر دقايق الا وحتى خمس وانتي عندنآ وش له البكي والدموع
لفت له وارتمت بحضنه شدته بقوه : والله بفقد ضحككم وسوالفكم ودلعي عليكم ودلآلي والله توني صغيره على الزواج توني صغيره عشان تخلوني ابتعد عنكم
سعود تنهد وهو يناظر امه الي حزنت وضمها له اكثر : ششش لينا وش ذا الكلام الله يهديك الكبر مو بالعمر الكبر بالعقل وانا اخوك وهذي كتبة ربي انك تعرسين وانتي عمرك 18 سنه قومي اضحكي وافرحي كلها كم يوم ويجي اهم يوم بحيآتك خليه ذكرى جميله لك اضحكي وعيشي احلى ايامك الحين بتجهيزاتك واستعداداتك ولاابي اشوف الدموع ذي بعينك مقدر فيها انا
لين رمت عليها شنطه وهي مخنوقه بتبكي : حيوآنه لاتبكيني معك خلاص اسكتي
بضحكه بعدت عن سعود وهي تمسح دموعهآ وتلف للين : بفقدك والله
لين رمشت : ياامي انا تعاليي ، وتسحبها لحضنها وتضمها بقوه وهنآ ثنتينهم دمعت عيونهم خصوصا انهم خوات مالهم غير بعض وحتى وان كانت علاقتهم بعض مو قويه بس احساس الاخت لما تفآرق اختها وخلاص ماعد تعيش معهآ شعور يعور القلب
_____________________
بيـت فيـصل
ترك مقبض الباب وهو يعيد جملته : وش الي انا سمعته
داليا ونوف انصرعو وعيونهم على الي برا ، دآليا ووقفت بوجه فيصل معطيه نوف ظهرها : خلني انا افهمك الموضوع
فيصل يخزها : وش تفهميني قولي وش تفهميني ؟؟
ام فيصل دخلت بسرعه ومسكت فيصل من ذراعه : يمه فيصل تعال برا شوي
فيصل مآسك اعصابه : انتو الي اطلعو برا وخلونا انا معها
نوف برعب : لا خالتي لا مابقى معه لحالنا
ام فيصل من بين اسنانها : انتتتي تسكتين ولااسمع لك صوت
داليا بترجي : يممهه
ام فيصل : وانتي معهااا انططـ... قاطعها فيصل : خذي بنتك من قدامي واطلعو برا بسرعه
ام فيصل : لآ يمه هدـ
فيصل صرخ : بسسسسررررررعععه
ام فيصل خافت وسحبت بنتها وطلعو برا بسرعه
ونوف ترفع يدينها بترجي : خلني افهمك كل شي
فيصل يمشي لها : وانا اسمعك
نوف ماهي عارفه تتكلم بتموت من خوفهآ : اي صح انا حامـ..... قآطعها بكف بجهة ففمها من قوته طآحت على الارض : اااهه
نزل لمستواها ورفعها من شعرها : ابي افهم بس ليييهه " "ويصرخ " : لييييييييييييهه ..ويعطيها كف ثاني يرميها على السرييرر
بو فيصل يطق الباب : ياافيصل اذكر رببكك وافتح البااببب لاتموت البنت بين يدينكك افتح
البنات كلهم صارو يبكون بخوف من صراخ فيصل المجنون بعصبيته ونوف ببكيها وهي تترجآه يرحمها شوي
....
رمآهآ بعنف على الارض وينزل على ركبته ويعطيهآ كف يلف وجهها للجهه الثانيه وتغغطي وججههاا بيدهاا تترجاه يوقف وهو مآيسمعها يعطيها كف ثآني وثالث ورابع ويصرخ : ووشش ممسسووي لك انناااا عشان تحرمينيي منن وولدديي وووش مممسووويي
لللففتت للجهه الثانيه مغطيه وجهها بذراعها : مااااطااااح مااطاااااااحح
شدهآ من شعرهآ ووقف ورفعهآ وهي متمسكه بذرراعععه وتبكي بألم : آآآآهه ففففيييصصصلل ذذببحتتتنننييي
صصررخ : ععسسسااااااي اذذبحححكك وافتتتكك ممننن هههممكك .. كآنت لابسه عباتهآ ... سحبها من شعرها وفتح الباب وطلع مر من بينهم ولحقوه ككلهم
وامه تصارخ : اتترررككهااا فييصصلل مو ككذذا
مآرد عليها وطلع من البيت ويفتح سيارته ويرميهآ بقوه داخل السياره ويسكر الباب بقوه ويروح للجهه الثانيه ويركب
تركي بعجله ووبصوت عالي وهو على الدرج : البسي عبااتتك دالليياا بسسررععهه
داليا رجعت بسرعه لغرفة نوف وتلبس من عندها عباة وتنزل تركب مع تركي الي ماامداها تسكر الباب الا هو مشى ورا فيصل الي كآن يسرع بسرعه جنونيه
_______________________
بعـد سآعه ونص
في المستشفـى
الدكتوره : حالة الجنين جدآ سيئه واحتمالية ولادته نسبتها 20 % بالكثير مع الاسف اني اقولكم هالكلام
فيصل بعجله متخربط : طيب مافي شي نسويه يحسن حالتها وحالة الجنين وترتفع نسبة ولادته
الدكتوره : مع الاسف
سحب نفس مقهووورر وطلع من الغرفه يدورها بعيونه وشياطين الدنيا كلهم بعيونه
لقآهآ جالسه على الكراسي وبجنبها داليا وتركي
راح لهم يسرع بخطواته ومن غير مايتكلم مسكها من يدها بعنف وسحبها بقوه قومهآ وطلع من المستشفى وتركي وداليا لحقوه
مسكه تركي بسرعه : فيصل لاتحل المشكله بمشكله ثآنيه لاتسوي شي ممكن انك تتحسف عليه
فيصل : اطمنك مافي شي متحسف عليه كثر اني تزوجت
ويسحبها معه يركبها السيـآره ويمشي يرجع لبيتـه
واول ماوصل دخلها الغرفه وقفل عليهآ الباب ومنعها من الطلعه ومن اي احد يدخل عليها خصوصآ داليا
اكلها وشربهآ هو الي يشرف عليه ادويتهآ يأكلها ايآهم بنفسه ، حتى ماتكذب عليه وتقول اخذتهم وهي مااخذتهم
_______________________
ام فيصل تصآرخ على داليا الي كانت تبكي بخوف : ييممه والله شدخلني انا مارضت اتكلم ماارررضتت
ندى : عشان كذا لما كنا بتركيا صارخت عليك
داليا هزت راسها بالايجاب
ام فيصل بصوت عالي : وان كااانن مرت اخوك جالسه تضر نفسسها مو بس تضر جنينها وانتي ساكته لها
داليا : خذتهم من غير ماادري توني اليوى عرفت انها خذت ادويتي توووننيي
سحبها تركي لوراه وهو متنرفز : وهذا انتي يمه بس كل شي براس هالمسكينه !! روحي لعبي بحسبة بنت اختك تراها هي الي خذت ادويتها مو داليا عطتها وماهي صغيره عشان تمشين لها فعلتها وتسكتين وتجين تحطينها براس بنتك الي مالها دخل بشي
ام فيصل تنرفزت : اي اي شاطر دافع عنها وقوها علي زين تسوي
تركي لف لداليا : غرفتك بسرعه ! .. ركضت بسرعه على الدرج تسرع بخطواتها وتدخل الغرفه وتسكر الباب وتقفله وترمي نفسها على السرير تلقط نفسها بتعب من هاليوم
............
عنـد تركي الي كان معصب : الحين بنت اختك اهي الي تغلط وتجين تهزأين بنتك !! من كل عقلك يمه
ام فيصل : اهزأها لانها كانت تدري على الاقل انها حامل وماجات قالت لنا
شوق : يممهه نوف بغت تذبحها ذاك اليوم بس لانها لمحت لفيصل
تركي يأشر على شوق وهو يناظر امه : سمعتي !! يعني ماتعرفين بنتك !! خوافه وينها وين نوف قالت لها لاتقولين لاحد خلاص هي سكتت وهذا هي الي كلتها منك الحين .. الله يهديك بسس
...................................
فيصل منزل راسه متضايق ومهموم
: انت الي جبرتني عليهآ وانا رضيت بكل شي سويته لي وهذا قدامك اليوم شفت انها عيال ماتبي مني
بو فيصل بهدوء : بزر يابوك بزر ماتفهم اجلس معها وفهمها بس لاتضربها ترى الضرب عمره ماكان حل
فيصل رفع رآسه لابوه : يبه
بو فيصل : سم يابوك
فيصل بهدوء : بـطــلقهــآ
_______________________
في اللـيل وبوقت متأخر
بيت بو سعود
سحبهآ نواف غصب عنهآ ودخلها المجلس ولوين ماكان مشآري جالس ينتظرها
سكر الباب عليهم وهو يضحك ودخل داخل
مشاري ببرود : وش دعوه يجرونك جر عشان تجين ؟
لينا تلعثمت : مفروض اني ماشوفك زواجنا مآبقى عليه شي وش كآن عندك
مشاري كشر : وش ذا الخرابيط ماشوفك الا بيوم زواجنا تعالي اجلسي بس
سحبت نفس بملل وراحت جلست قريب منه
مشآري بهدوء : خلصتي تجهيزآتك ولاباقي اشياء تسوينها
هزت راسها بالنفي : مآبقى شي ، بكره بروح اسوي حمام مغربي وذا الاشياء يعنـ... الا رن جوآلها بنغمة الواتس اب
خذته من جنبهآ وابتسمت لاشعوري لما لقته ضاري مرسل لها
رفع حاجب مستنكر : وش فيك
طنشته وهي ترد على ضاري وحطت الجوال على جنب : صديقتي مراسلتني وضحكت ،، ووقفت ..: بروح اجيب القهوه وبجي
مشاري ابتسم : خذي راحتك ... وبمجرد مآطلعت و نست جوالها الا يرن برسآلة واتس اب ويمد يده بسرعه ويسحب الجوآل ومن حسن الحظ انها ماقفلته ففتحه على طول على اخر اسم مكلمه الي هو كآن مريم دخـل المحادثه الا وكـآننت الصـــــدمه لما قرا جملـتهآ " ضاري بقولك شي مهم بعدين "
_______________________
عنـد هيـآ
وبعد مآرجعت من السوق وشرت لها فستـآن لحمي ممزوج بالوردي لبسته وانجنت عليه هي واختهآ منيره
مسكت جوآلها واتصلت على تركي ، الي رد عليهآ ببرود
: هلا هيآ
هيا بوناسه : هلا بك ياروح وقلب وكل هيآ
تركي رفع حاجب : مبسوطه
هيا : اي يحق لي انبسط رحت اليوم وشريت لي فستآن وقايسته وطلع يهبل يهبل
تركي : عندكم مناسبه قريبه !
هيا بوزت : يووووهه تركي زواج مشاري بعد كم يوم ولا منت ناوي تخليني اجي !!
تركي طيييرر عيونه بصدمه : مشششااري ؟؟
هيا : وفي غيره عندكم بيعرس ؟؟ ايه مشاري ماغيره
تركي بلع ريقه : شريتي فستان لزواج مشاري
هيا خلاص وصلت معها وطنقرت : يوووهه ايه تركي بجي زواج مشاري ليكون ماتبيني احضر ؟
تركي توهق وماعرف كيف يتصرف : لالا حياك تنورين المكان
هيآ ارتاحت : ايه كذا زين خوفتني فكرت مابتخليني اجي والله
تركي شد شعرره مكشر وش ذا الوهقه الي طآح فيهآ
_____________________
عند مشـآري ولينـآ
رجعت المجلس بسرعه بعد ماتذكرت انها نست جوالها ولما دخلت لقته مآسك الجوال ووجهه احمرر مممنن العععصبيه
نششف الدم بعروقهآ وحطت الصينيه بخوف جنب طبق الفاكهه وقلبها يرتجف من خوفهآ لسانها انبلع ماهي عارفه تنطق
اما مشآري وبعد ماقرا كل المحادثه وعرف انها تكلمه من وهم بتركيآ من صدمته وكأنه بدنيا مو بدنياه حط الجوال على الكنب ويده ترجف ووقف : من ذآ
ترآجعت برعب : مم مشاري صص صبر
صرخ بجنون هز البيت : ممممنننن ذذذااااااااا
شهقت بخوف ولفت بتهرب من المجلس الاا ويسحبهاا من شعررهاا طاحت على الارض من قوة سحبته صرخت ببكاا تناادي ااحد يجي يننقذها من يدينه : سعووووددددد نوووواااااا..... قطع عليها مشاري لما قـآم ويفصصخ عقاله وينهال عليها ضضرب مثل المجنون المعمي الي مآيشوف قدامه
ببكي وصراخ هستيري تكورت على نفسها تحتمي من ضربه : اااااااهه ااااااهه خخ خ خلاااصصص اااااااااااهه
رمى العقال مثل المجنون ويرفعها من شعرهااا ويهزهاا بين ايدينه مثل اللعبه : ووصخخخهه ووحققييررررهه ساااففلللهه ماترربييتتييييي ، ويدففهآ بقوه على الجدار ضربت بوجههآ اسنانها ضربت بشفتها بقوه وانجررحتت خششمهآ صآر يننززفف حسست بالدنيا تشوش بعينهآ ورآسها يثقل جلست بهدوء وهي تحاول تقوي نفسهآ ، ماستوعبت الا باللي يسحب يددهاا اليمين ويتكلم بعصبييه : هذي اليدد الي تمسكين بهااا الجواال صحح .. ويميل دلة القهوه على يدهآ وتنصب القهوه تحرق يدهآ وينسلخ جلدها
انتفضت يدها وفكهآ ارتجف : ااااااممممممممم آآآآآآآآهه... وتتررصص على اسنانها و بعروق رقبتها المششدوده : آآآآآآآآآآآآآآآآآآآآآآآآآ آآآ
سحببت يدها بقوه وضمتهاا لعندهآ وتببكي بقوهه بتموت من الالم انسدحت على الارض وههي تنتفضض تتنفس بسسرعه وعيونهآ شاخصه وكأنها بتموت
اما هو قام يروح ويجي مثل المجنون ويصصرخ بهستيريا وكانه فقد عققله : ووش ااسويي فييكك قوووليييي وش ااسسسوووي
ويررفس طبق الفاكهه بقوه وتتطاير الفاكهه كل شي بجهه وتبقى السكيين على الطآوله تعكس الاضاءه ومن غغير تفكيير اخذ السكينه ويروح لعندهاا ولويين مآهي تناظرر بعجز مالها حيل تقووم او حتى تسسحب نفسسهااا
حط يده على رقبتهآ يخنقهآ وباليد الثآننيهه يضضربهاا بقووه ببطنهآ
فزت لآشعوري موسعهه عييونها لما حسست بالشي الحاد الي ينغرس ببطنها : ااااااااااببب آاآآآههه
وتتششدد عللى ييدده بققووهه لمما ططلع السسكين ويضربهاا بأقوى بمكاان ثاني
: آآآهه ب بمـ... ثوآني مرت الا ورخت يدها الي مآسكته وترخي براسها وطاح على الارض
بضحكه هستيريه اتكى بيده على بطنها ووقفف ويدينه مليانه ددمم ويقوم وهو يترنح بمشيته ويضحك : ذبـ..حـتـهـ ..ـآ ذ ........ ذبحتـ..ـهـا ، ويمشي حآفي وازارير ثوبه مفتوحه وعند بطنه وركبته واكمامه طابع دم
مشى برا ووصل باب الشآرع الا وينفتح الباب ويدخل سعود الي انفجع : ووش صااااايرر
مشاري وهو مو بوعيه دفه بقوه عن قدآمه : ذ ذ بحـتـ..ـهآ ويطلع الشارع يكمل مشي على رجوله وهو يتمايل
عن سعود الي انتاب الخوف والرعب قلبه واقشعر جسسمه بررععبب لف بعيونه على المججلس لينتبه في الفاكهه المنثره على الارض
مشى وهو يتنفس ببخخووففف ويوصل لعند المجلس ويشوف ااخته طآيحه والدم حولهآ والسكينه مرزوزه ببطنهآ
خرت رجوله على الارض وهو مآسك الباب ويصصرخ : للليييييينننننننااااااااا اااااااااااااااا
_______________
بيـت فيصـل
فتح الباب عليهآ وسمح للشغاله تدخل بصينية الأكل وتحطه قدآمها وبعد ماطلعت سكر الباب وراح جلس مقابلها وبجفآف : كلي يلآ
كآنت لابسه بجامه وآسعه وتآركه شعرها مفتوح بإهمال ، وجهها احمر من كثر البكي عيونهآ منفخين ، ومن غير ماترد او حتى ترفع عيونهآ له قربت من الصينيه وبدت تاكل بهدوء وتحت نظراته الي تحرقهآ
قآم وجلس بقريب منها وتهب ريحة عطره ، ويأشر على الاطباق : ماابي يبقـ.... الا تقاطعه وتقوم بسسرعه حآطه يدهآ على فمها وتدخل دورة المياه بعجله وتستفررغ
قام بسرعه لحقهآ بخوف ومميل راسه شوي يرآقبها
غسلت فمها ووجهها بتعب وطلعت لقته واقف قبالها : وش صار توك شزينك ؟
ردت بهدوء : قلبت كبدي لما شميت عطرك
فيصل استغرب ويسحب طرف ياقته لخشمه ويشمه : عطري انآ؟ زين حلوه ريحته مافيها شي
نوف مشت ومرت من جنبه وجلست على طرف السرير من غير ماتتكلم
اما هو تنهد وراح اخذ حبه من كل ادويتها ومعه كاس المويه ويجلس مقابلها ويمسك اول حبه بصبعينه ويقرب لفمها : افتحي فمك يلا
فتحت فمها وحط الحبه لها وبلعتهآ وساعدها تشرب المويه واكلها الحبوب كلهآ
وقآم اخذ صينية العشا ومشى طلع من الغرفه حط الصينيه على الارض ووقف يناظرها جالسه على السرير ومعطته ظهرها مميله راسها على الجدار .. سحب نفس وسكر الباب وقفله حطه بجيبه ونزل للمطبخ
وطـلع جلس في الحديقه ، ويطلع بآكيت الزقاير من جيبه ويشغلها بالولآعه ويبدأ يدخن بعنف وقهر ومايكتفي بوحده لما خلصت شغل الثآنيه والثالثه
شوي وينتبه بداليا طلعت من بيتهم جآيه له ، طفى الزقاره بسرعه
وصلت وهي مكشره : عكرت الجو بدخنتك !!
فيصل ببرود : وش عندك
ماعجبتها نبرته : وش دخلني انا عشان تعاملوني بهالطريقه انت وامي
فيصل تنرفز ويرص على اسنانه : سألتك بنفسي وشفتي حالتي كنت متضايق ومافكرتي تقولين الصدق
داليا تنهدت وجلست على الكرسي : نوف محلفتني مااتكلم ليه مو راضيين تفهمون مصره ماتبي احد يعرف تفكيرها مشوش مو عارفه وش تسوي وتحس حملت بوقت غلط
فيصل من غير نفس : وانتي معها طبعا !
ردت بإندفاع : لاااا والله لااا اقسم بالله ماكنت راضيه ابد وكل فتره اكلمهاا انصحها احاول اهديها واقول ذي نعمه من ربي بس عجززتت اقنعهااا عجزززت انا اساسا دريت صدفه هي ماقالت لي كنت ادور شي ولقيت بشنطتها اوراق تحاليل حملها ومن لحظتها وهي بكل ساعه تهددني ياويلي ياويلي ان تكلمت وهذاني ماتكلمت وجالسه اكلها طفشتوني ترى !
بققهرر من الي سمعه ويسحب زقاره بسرعه ويحطها بفمه ويمسك الولاعه وبيشغلها الا سحبتها بسرعه من فمه ورمتها بعيد معصبه : ببسس ععااد بتموت نفسك بذا التبن ! لاتجلس كذا ساكت تكلم قول فضفض وش بتسوي
فيصل وهو سرحان : انا مقرر وش بسوي وكلمت ابوي
داليا خافت وناظرته بشك : وش بتسوي
سحـب نفس عميق وزفره بقوه : بطـلقهآآ
شهقت بققوه وفزت : علييكك الله فيصل لاتقول كذا
فيصل من غير نفس : خلاص اسكتي مالي خلق نقآش بذا الموضوع الي فيني كافيني ... ويرجع الكرسي ويقوم يرجع بيته ويدخل الصاله يرمي نفسه على الكنب يحآول انه مايفكر وينآم
___________________
في بيـت بو سعـود
ففززت من نومهآ وجبينهآ مععررقق يدينها ترجف تتحسس بطنها وتناظر يدينها بخوف وتتحسس فمها وخشمها وتتلافت حولها تبي تستوعب انه كابوس ، رفعت اللحاف عنها بقوه وقامت بسرعه تشرب لها مويه وتجلس على السرير وهي تررججفف : اعوذ بالله وش ذا الكابوس استغفر الله طعني هالمجرم
وترجع ترمي براسهآ على السرير وهي مغمضه وتحمد ربهآ انه كان حلم وتجلس تفكر لو مشاري درى وش بتكون ردة فعله ؟؟ الحلم ذا تنبيه للي تسويه والله لو درى ليقطعها ويرمي لحمهآ للكلآب
وبخوف قامت بسرعه وتفتح جوالها وترسل لضآري " السلام عليكم ، بدخل في الموضوع على طول من هاللحظه ذي انا بمسح رقمك من عندي لاتسألني ليه ولاتفكر حتى مجرد تفكيير انك تدق علي او حتى تراسلني بشي اححذرك احذرك من انك تدق او ترسل وبالاخير اتصالك علي هو نهايتي انا ومشكور على كل شي وحبيت اقولك ان حتى رقمي بغيره ف لاتحاول انك تتواصل معي مراح تلقى لي اثر "
وتمسح رقمه بسرعه وتمسح محادثته وكل شي يخصه وترمي الجوال بخوف وتدعس راسها تحت المخده لما فكرت بالحلم من جديد : يمماااهه حمدالله حمدالله اني حذفته قبل العررس حمدالله
___________________
يـوم جـديد
في الكـويت تحديدا
فهد بهدوء : يابن الحلال ماتدري وش هي ظروفها ماتدري شاللي صار لها واضطرت ترسل لك هالرسآله
ضاري بصراخ ويضرب نافذة السياره بقوه : ايي ظررووف توها كانت تكلمني ومافيها الا العافيه فجأه حتى ماتبيني ادز لها رساله على الاقل .." ويلف لفهد " ..: على الاقل تقول لي شنو السبب الي ماتبي تتواصل معاي يعني انا مو مستوعب كنت محترم معاها وعمري ماتعديت حدودي ليش لييشش
فهد : شرط يعني يكون السبب منك ؟ يمكن احد من اهلها سمعها يوم تكلمك وصارت لها سالفه
ضاري تأفف بعصبيه : ااوووفففف اااووووففف شهالحظ الي مثل ويهي اننااا
فهد : ماتدري شالخيره فيه روق بس واذكر ربك
ضاري مارد عليه ومسك جوآله وارسل لها : " مايحتاج تغيرين رقمج ولا غيره دام هذا الي تبينه حاظر على امرج وهذي اخر رساله ارسلها لج ، سلام " .. وقفل جواله صفعه على الطبلون قدامه ورفع رجله متكي بيده على ركبته وهو ماله خلق حتى يتكلم
____________________
في مركز العنايه بالبشره
ووين ماكانو البنات ماعدا نوف جايين عشان لينا تسوي تنظيف بشره ووو الشغلات هذي " خبر حمل نوف انتشر بين الاهل "
لينا منسدحه ومغمضه عيونهآ والخبيره تمسح بوجهها بالكريمات والمرطبآت الا رن جوالها برساله
: ليين قومي جيبي جوالي
نور قامت : انا اجيبه .. وراحت فتحه شنطتها وطلعت الجوال وقرت بداية الرساله ورفعت حاجب وراحت جنب لينا وهمست : قايله حق منو بتغيرين رقمك ؟
فتحت عيونها بسسرعه منصدمه وفزت سحبت الجوال من يدها وتفتح الرساله وتقراها وتتأفف مسحت الرسآله بسرعه ورجعت انسدحت : انهيت كل شي وقلت حتى بغير رقمي
نور بجفاف : زين ماسويتي ، وفزت بتقوم الا رجعت جلست ...: مشاري مايستاهل الي تسوينه فيه عاشقك من كل قلبه ... وقامت عنها
اما لينا تنهددت بحيره من امرهآ صحيح ابعدت ضاري عن حيآتها بس مو معناته انه حبت مشاري او حتى حن قلبها عليه ! حذفته خوف من انها تنذبح بيوم من الايام
عند البنات
ريم مطنقره : فيصل مو من جده مايخلي نوف تحضر الزواج
داليا بهدوء وهي تلعب بجوالها : نوف تعبانه والدكتور محذرها تتحرك كثير او تتعب وفي الزواج بتتعب اكيد
لين : ايي طيب تجي بس تصير جالسه ماتتحرك
داليا : تعالي اقنعي فيصل بذا الحكي ابد ميبس راسه امي عجزت معه بس ان شاءالله ليوم الزواج يرضى
________________________
بيـت بو مشآري
وفي الدور الثالث المخصص لمشـاري ولينا
ام مشاري تصفف ملابس مشاري وترتبهم معه
مشاري جالس على الكرسي ومعطي التسريحه ظهره : اقول يمه
ام مشاري : نعم
مشاري : للحين كارهه لينا وماتبينها زوجه لي ؟
ام مشآري كانت معطيته ظهرها وبانت نظرة الكرهه بعينها وبتصنع : لآ ، ماله داعي اكرهها وهي بتكون ام احفادي ان شاءالله ولو انا كارهتها ماكان قلت لك اسكن معنا بالبيت وكان قلت لك شف لك مكان مستقل فيكم صح ولا
مشاري تنهد : والله مدري يمه الين ماتزوج واشوف كيف العيشه بتصير بعدها اتأكد اذا غيرتي فكرتك عنها او لا
ام مشاري انصدمت ولفت له : يعني مو مصدق كلامي
مشاري بضحكة استنكار : والله الي خبري فيه انك مو طايقه حتى شوفتها كيف تغيرت فكرتك كذا فجأه
ام مشاري عطته ظهرها : ايه زين تسوي كذب امك كذبها وصر بصف مرتك من الحين
مشآري تأفف : اوهووو بدينا !! من الحين كذب امك وصدق مرتك !؟ لاعزة الله تغيرتي صصدق تغيرتي ، وقام متنرفز ويطلع من شقته
ام مشاري تضرب صدرها : ان ماطلقتها !! ماكون امك
_______________________
عنـد سعـود وفيصـل
فيصل مصدوم : ككل ذاا من وراي !! اجل شلون تركي يقول بتاخذ اخت احمد مو فاهم شي تراي
سعود : ايه ايه عند تركي ونواف وخواتك بخور السوق انا باخذ اخت احمد بس عند الحريم وعند ابوي وعمي لآ انا خاطب داليا
فيصل : ااييي شلووون شلووونن بتاخذ اختي وهي ماتدري !! ثور انت ثور !! وبعدين شلون ابوي يرضى لك بهالفعله ذي
سعود بنص عين : لو ادري صفيتك مع نواف وتركي تصدق !
فيصل ضحك : ههههههههههههههه شف عاد ترى ورب الكعبه لانشر غسيلك بينهم واعلمك كيف تصفني معهم بسرعه فهمني وش له بتسوي كذا وش قصدك انت !!
سعود : ليه وش قصدي ؟ هذي اسباب مقدر اشرحها لاحد ياانك تسوي الي بنقوله عليك او خلك ساكت حتى لاتنطق بحرف
فيصل : مجنون انت داليا توافق على احد ماتعرف من هو شلون بقول لها يعني والله ماني فاهم لك
سعود : بتوافق ! مو بكيفها ياعمي غصبا عليها !
فيصل شهق : ننعمم
_________________________
قبـل الزواج بيـوم
في بيت بو فيصـل بعد الغدآ
وفي مكتب بو فيصل
داليا تناظرهم بعدم تصديق : ك ك ككيف يعني وافقتو !
بو فيصل بهدوء : الرجال من عايله محترمه ودارس بره وجا على طول توظف بوظيفه الكل يتمناها وانا تقابلت معه وشفته شفت اسلوبه وتفكيره والله ياهو رجال والنعم فيه ونعم بمن رباه
ام فيصل مبتسمه : ححتى امه وخواته ياعيني عليهم والله ناس محبوبيين محترمين تصدقين ! يقولون خواته معك بالجامعه وشافوك تخيلي بزواج فيصل ومن يومها امه مابغت غيرك لولدها
داليا قآمت عن الكرسي وهي منفجعه وتأشر على نفسها : انا ماشفت امه وماشفت خواته معرفهم ولاعرف هو من يكون ! ع عـلى اي اساس توافقـون ؟
بو فيصل : وش فيك يابنتي ساعه نتكلم لك نقول لك الرجال مامنه ثنين وشهو له نرده هاه ؟
داليا راحت بسرعه جلست عند ركبه وهي مخنوقه بتبكي : يبـ..ـه لا مـ..ـابيه
بو فيصل طير عيونه : انا معطي الرجاجيل كلمه تبيني اردهاااا ؟ عيب وانا ابووك عيب علي اسوي كذذا
مسكت يدينه بقوه وهي تبكي من قلب : يبهه حرااام ماابيه ااقوولكم مااابيييه ككييف يطاوعك قلبببكك تزوجني لواحد ماعرفه يببه
ام فيصل كشرت : اها بس تحرمين وتحللين على كيفك يابنت !! ابوك ادرى بمصلحتك ولو ماالرجال زين ماوافقنا بعدين حتى فيصل شافه وجلس معه البارح وقال والنعم فيه
داليا لففت لفيصل مصصدومه : ففيصصلل
فيصل حك جبينه متوهق ماعرف يتكلم ، جات عنده تسرع : يعني انت راضي على اللي يسوونه ؟؟ راضي اتزوج واحد انا ماعرفته ولا حتى سمعت عنه ،،، ولفت لابوها بسرعه لما تذكرت : بعدين انا معي القلب كيف اتزوج هااهه وانا مايصير احمل واولد ككيف !!
فيصل : هو يدري وبالعكس راضي ومتمسك فييك
داليا نفرت بقوه ععصبتت : ايي مو على كيفهه اناا ماابيهه مااابيي ااتتزوج
بو فيصل بحده : خلاص عاد !! عطينا الرجال كلمه ارضي بنصيبك
داليا لفت لفيصل ومسكت يده بقوه ششدت عليها بترجي : فييصصل علييك الله قل لهم مابي اتزوج اقنعهم
فيصل عوره قلبه ويسب سعود بداخله ويهمس : شش دلول فكري زين وانا اخوك صلي واستخيري والله حرام ينرد هالرجال
رمت يده بقوه ووقفت معصبه ويدها ترجف تفرك جبينها وتبكي بصمت
امهآ عورها قلبها على بنتهآ وقامت لها نزلت يدهآ من على جبينها ومسحت دموعهآ وبتضمهآ الا داليا بعدت بسرعه بتطلع من المكتب الا ستوقفهاا ابوها : تجهززي يابنتي الملكه بعد زواج مشآري بثلآث ايام
لوهله و بخلاياها تشننججتت ووقففت مصدومه لثوآني وتلف لهم بشويش وتهمس وهي تنآظر ابوها بأمل الي سمعته كذب : ء ايـ..ـش
بو فيصل وهو يناظر ام فيصل وولده : الجماعه مستعجلين يابنيتي اخوه الثاني خاطب من فتره ويبون يعرسونهم جميع
عطتهم ظهرهآ وفتحت الباب الا بتركي وندى وشوق بوجهها وسمعو كل الي دآر داخل المكتب وباين الضيقه بعيونهم عليهآ
نزلت رآسها وتشهق بقوه وتمر من بينهم بسرعه وهي تبكي بصوت مسموع وتصعد الدرج رايحه لغرفتهآ
تركي متنرفز دخل المكتب : من جدكم انتووو
بو فيصل : اسـ... قآطعه فيصل بسرعه : الرجال مابه شي يعيبه وراضي حتى بمرض داليا
تركي صرخ : ييااااعععممييي ومنن يكون رضاا ولا بالطقاااااااقق ، على اي اساس تعطونه كلمه بدون ماتاخذون راي الببنتت وين حناا فيييهه
شوق : والله حرام عليكم الي تسوونه
ام فيصل : حرام ؟ ماتقولين من الي بيرضى يتزوج وحده مريضه بالقلب ومعنده تبقى بدون علاج ؟ ولاناويه اختك تعنس
شوق انصدمت : يييمممماااااا
ام فيصل صرخت : ووصصصمممهه اقول بس تحمد ربها جا من يرضى ومتمسك فيهآ حتى بدون العيال
ندى من بين اسنانها : ذا شي بيد رب العالمين لااحنا ولاالدكاتره الي نحدد ذا الشي والي تسوونه ترى لاالله ولارسوله يرضوون فييه
تركي بحده : الزواج ذا مراح يتمم تتسمع يببه مراح يتم
بو فيصل وقف بعصبيه ويصرخ بوجه ولده : ااققول بسس اههججد ممكانك هذا الي باقي بععدد واحد من عييالي يثني كللمتتي
تركي يتنهد يحاول يمسك اعصابه و يروح لابوه : يببه ببنتتك ذيي داليا الي عمرك ماقسيت عليها تجي وتسوي بهها كذا
بو فيصل : وانا اسوي كذا لمصلحتهاا
شوق تجي وتوقف جنب تركي : مصلحتهااا ؟؟ مصلحتها انك تزوجها بالغصب ؟ اي مصلحه ذيييي ..." وتلف لامها" ..: ييمه ترى الي تسسونه غلط والله غغلط من يزوج بناته بالغصب الحين من يزوجهم
ام فيصل ضربت راسها بخفيف . ولو يجي لك واحد مثل الي جاها ماينرد ورفضتيه بنوافق غصبا عليك
شوق قمططت وهمست : وجع !
ام فيصل طيرت عيونها : وشووووو
شوق بإندفاع : هااهه لا اقولك الله يتمم على خيير .. وتهرب بسرعه من المكتب وتلحقها ندى
________________
عنـد نوف
كانت جآلسه في الغرفه متكيه بيدها على خدها بملل وتطقطق بالجوال
الا فجأه نقزت مرتاعه لما يندق الباب بقووه وبسرعه
صرخت بروعه : مننوو
شوق بسرعه : ننوووف الحققيييي
قامت من سريرها بسرعه وراحت عند الباب : ووشششوو وش فيك كذذاا ا
ندى : تخيليي بيزوجون داليا غصب ! حتى من غير ماتدري اليوم خبروها ان ملكتها بعد اربع ايام
نوف صصرخت : ووشوووو وومنننن ذذاا
شوق : ماندري ماجابو طاريه
نوف خافت : وداليا وش سوت شقالت ؟؟
شوق : عارضت وقالت مابييه بس ابوي بعد مارضى يرد بكلمته وقال لها الرجال بن حلال وماينرد
نوف تروح بسرعه لجوالها وتدق على داليا مره ومرتين بس ماترد صفعت جوالها ورجعت عند الباب : ههيي وينها فيه الححين ؟ ادق ماترد علي
ندى : في غرفتها اكيد مابترد عليك وحالها مايعلم فيه الا الله
نوف ضربت الباب برجلها بقهرر
شوق ففززت لوراها بروعه : وعمى روعتيني ناقصين بعد حنا
نوف طنشتها وبترجي : تكفون ناادو فيصل يفتح لي الباب اروح اشوفها اكلمها شوي واجلس معها عليكم الله
ندى : هه تبين يذبحنا
نوف صرخت : ححااووولييي فيييهه عشان داليااا مو عششااني
الا بفيصل يدقهم من وراهم : وخرو مناك اشوف !
بعدو ثنتينهم بخوف وفتح الباب الا نوف قربت منه بتمسك يده صدها بيده يمنعها تمسكه وبجفاف : روحي لها
صصنمت مكانها من حركته وحز بخاطرها ظلت واقفه تناظره مصدومه الا قرب منها : بتروحييين ولالا
نوف همست : ب بروح .. وراحت بهدوء خذت عباتها لبستها وطلعت لقته واقف مكانه نزلت راسها ومرت من جنبه الا ستوقفها : سآعة زمان وانتي هنا تسمعين ؟
نوف غمضت عيونها وتسحب نفس : ان شاءالله
ومشت عنه طلعت من الغرفه ويلحقونها شوق وندى الي توترو من التعامل بين فيصل ونوف
_______________________
بعـد ربع سآعه
بسيارة سعود
فيصل مو عاجبه : اجل خل يصير فيها شي وشوف وش بسوي فيك
سعود : مراح يصير شي تطمن عاد
فيصل يتحلطم وهو يناظر السيارات من النافذه : لوح لوح مايعرف حتى يخطب مثل الناس
سعود فقع ضحك عليه : ههههههههههههههههههههههه ياخي وش فيك تتحلطم مثل الشياب انت
فيصل : والي مثلك يخلي الواحد مايشيب ماقول الا الله يعين اختي عليك
سعود على طول ابتسم من جآ طاريها : وش سوت لما قلتو لها
فيصل يتمصخر : فررححتت قالت موافقه باللي تقولونه
سعود : انالله ، تكلم عدل عاد
فيصل متنرفز : بكت الين قالت امين وقالت مابيه بس ابووي ماشي على الي قلته له اموت واعرف بس ليه امي وابوي رضو باللي قلته وبعدين ياخي اساسا انت ليه مسوي كذا
سعود : سالفه مقدر اني اتكلم بها يعني تقدر تقول خصوصيات
فيصل عطاه نظره بنص عين وصد للجهه الثانيه ماله خلق يتكلم معه
_________________________
اما عند نـوف وداليـا وشوق وندى
عن شوق وندى الي كانو مصدومين من الكلام الي يسمعونه !!
اما نوف الي تحاول تمسكها لاتفضح نفسها اكثر من كذا
ودآليا الي ماهتمت لوجودهم ابد وتبكي بححررققه : ك ككييف اتـ..ـزوجج وانا عقلي وقلبي معه قولووو ككييف اتززوج
نوف بهدوء وهي تمسح على يدها : ياعمري انتي ، الخيره فيما اختاره الله ، الله مو رايد لك سعاده مع سعود ولا كتب لكم حياه مع بعض .. كتب لك انسان ثاني تتزوجينه وتعيشين معه وتكملين حيـ...
صرخت بوجهها تقاطعها : مااابيييهه لاااتجننيننيي ماااابييييهه
نوف قامت وقربت منها اكثر وضمتها وهي تمسح على شعرها : بسم الله عليك الرحمن الرحيم اهدي واذكري الله لاتسوين بنفسك شي عشان واحد مافكر فيك حتى ولاشال همك
اخذت يد نوف وحطتها على قلبها وتبكي بحرقه : هـ..ـذا يم يمموتت والله يمووت عليكم الله لاتزوجوني ماابي ماابيي
نوف بإندفاع : ششش بعيد الشرر ، لاتقولين كذا .. خلاص لاتفكرين فيه مايستاهل والله مايستاهل
نزلت رآسها على فخذ نوف وهي تشهق ببكي مو مصدقه الي يصير فيهآ
شوق بهمس : داليا تحب سعود !
ندى سرحانه : شكله كذا ! وكل واحد بيروح بنصيبه
شوق كشرت : ااخخ ياقلبي ، وش ذا الحاله الي حنا فيها
______________________
يــوم الـزواج
في العصـر
الكل محيوس رايحين القاعه وراجعين البيت وكل شوي ناسيين غرض
البنات بعضهم في القاعه مع الكوافيره والبعض لسا ماراح
بيـت بو سعـود
ام سعود تراكض في المطبخ تدور البخور والعود والمبخر وهي تتحلطم : قايله لهم لايننسون شي قايله بس مايسمعون
الشغاله جت وبيدها الاغراض : مدام ! انتي جهزتي بخور من امس
ام سعود التفتت لها وضربت فخذها : لاحول الله وش صاير فيني بعد انا اجهزه وانساه ،، وتروح تاخذه من الشغاله : كل شي جاهز ؟
الشغاله هزت راسها بأيه : ان شاءالله مدام
وتتركها ام سعود وتروح تحط الاغراض بالشنطه عشان تطلع وتروح القـاعه
______________________
بيت فيـصل
بعد ماعطاها علاجها وقام بيطلع الا مسكته من يده بسرعه : تكففىى فيصصل تتكفى خلني اروووح
فيصل ببرود : مكانك هنا الين ماتزين حالة الي ببطنك
نوف بترجي : عليك الله تخليني اروح كل شي جاهز كيف بتخليني هنا بين اربع جدران والكل هناك مبسوط
فيصل مطنش ترجيها : نوف فكي يدي خليني اطلع تراي مستعجل
نوف وتشد على يده اكثر : ابوس رجلك فييصل خخلني اطلع بموت حابسني هنا من كم يوم
فيصل : اي خلك موتي وفكيني من همك .. روحه الزواج مافيه انسي .. ويفك يدها منه ومشى الا لحقته بسرعه ووقفت بوجهه : وعد مني ماتحرك ماقوم من الكرسي اقسم بالله العظيم وهذاني احلف لك مابتحرك بس خلني اروح
فيصل تنرفز : ننوووووووفف
وصلت معها خلاص بتبكي : اخوي الوحيد بيعرس وماحضر عرسه والله حرام لاتسوي كذا
.......: عشاني خلها تروح
لفو ثنينهم لمصدر الصوت كآنت ام فيصل بتجي تتطمن على نوف ، تركت يده ووقفت بهدوء منزله راسها منحرجه
فيصل تنحنح وبعد عنها راح لامه وباس راسها : عشانك قلتي ومابكسر كلمتك ، بس يمه هناك بتكونين عيني الثانيه لاتقوم ولاتتحرك لايمين ولاشمال خلي عينك عليهآ
ام فيصل ابتسمت : من عيوني تامر امر ... ولفت لنوف : يلا اجهزي
نوف بحماس : دقايق ... وتركض بسرعه تروح تجهز اغراضها
الا صرخ : قلناااا بششووويشش من الحين تراكضين !!
ام فيصل ضحكت على خوفه : ههههههههه شوي شوي الخوف بياكلك اكل
فيصل ناظرها وتنهد وفجأه تذكر ودخل بسرعه لنوف : صندل عالي لاتلبسين
نوف طيرت عيونها ولفت : مراح اتحرك وش بيضرني فيه
فيصل يعيد : صندل عالي ماتلبسين ولااجلسي مكانك
نوف بوزت : ان شاءالله
صد عنها ولف لقا امه متكتفه ومبتسمه وكأنها مبسوطه عليه : وش فيك تبتسمين
ام فيصل وهي تناظر نوف الي لاهيه بتجهيز الاغراض : متأكد انك تبي تطلقهآ
فيصل وتغيرت ملامح وجهه لحظة ماسمع هالطاري ، تنهد وقرب لامه باس راسها : خليني اليوم بس استانس وهالموضوع نأجله لبعدين ، يلا انا انتظركم تحت لاتبطون
ام فيصل : ان شاءالله
وتركهآ نزل ينتظرهم في السياره وبعد ربع ساعه ركبو معه ومشى يوصلهم للقآعه
______________________
بعد صلاة المغرب
ندى جات تركض : شوفو الروج ذا حلو ولااغيره يناسب
لين بتركيز : فاتح شوي غمقيه
ندى بحماس : زين .. وتقوم بسرعه وتمسحه عشان تغيره
لينآ دخلت عليهم بعد ماخلصت ميك اب وتسريحه ولبست الطرحه ، متوترره ومرتبكه لابعد درجه : ه هاه حلوه؟
نور وريم ولينا وشوق وندى صارخو بحماس وصفقوو منعجبين فيها
لينا تمسح جبينها بتوتر : ياحمير لاتصارخون ترى بروحي انتفض ، قولو شكلي زين !!
ريم : حرام عليك اخوي بينجلط ،هو من غير شي يهوجس من البارح
نور بحماس : ورربي تهببللييييينن عين الله تعرسك !! تعرسك ؟؟
الكل ضحك على كلمتها : ههههههههههههههههههههههههه ههههههه
نور بوزت : يااحمير كان قصدي تحرسك بس من زود الحماس
لينا ضحكت عليها : هههههههههههههه اذا على تعرسك فهذاني بعرس الليله
الا انفتح الباب وتدخل نوف : تتتيييررررررراااارررررراا ااااااا
صرخوو بحمااس فرحو لجيتهاا
قامت داليا بسرعه وضمتهاا : عمررررريي كنت احاتتتيييكك
نوف تزفر : لوما خالتي والله ماجيت
شوق كشرت : وش ذا كل ذا خوف مايبيك تجين وبزواج اخوك بعد
نوف تتنهد : يلا الحمدلله انه رضا ..." وباعجاب لما شافت لينا " اااووووووهه وش ذا الززين وش ذا الحلااا بشويش على مشاري يابنت
لينا بلعت ريقها وابتسمت بتوتر وبنفس الوقت فرحت بنوف لما كلمتها بذا الطريقه ، وقفت : بروح البس الفستان وحده تجي تساعدني يلااا
ندى قامت بحماس : جيتكك
نوف بخوف : لاتقولون الكوافيره مشت ابشنق نفسي ترى
داليا ضحكت : ههههههههههه لا تزين مرت عمي بالغرفه الثانيه الحقي يلا
________________________
على الساعه 9 ونص
امتلت القآعه بالمعازيم والكل يجي يسلم ويبارك
،
دخلت القاعه بتوتر وهي تمشي وقلبها يدق بقوه اول مره تحضر مكانه بفخامة هالمكان الورد موزع بكل جهه الانوار فوق المسرح مايله على الموف بشكل يفتن الطاولات المزينه بكل فخآمه
وبمقدمة القآعه صوره مكبره لمشاري ولينـآ بخطوبتهم همست : اويل حالي وش ذا الجمال !!
مشت بحيره ماتدري وين تروح ماتعرف احـد
________________________
عنـد البنات كآنو واقفين على جنب مكونين دائره ويسولفون مع بعض عن ملكة داليا وبعدها ملكة سعود
ريم : ماصدق تونا قبل كم يوم نهرج عن سعود تجين انتي وتسبقينه
داليا ابتسمت تجاملها : النصيب لعب دور
نور تغمز لها : مز ؟ ولا مو ذاك الزود
داليا بضحكه : ههه مآشفته للحين
تقدمت لهم بتوتر : ء آسفه قآطعتكم
لفو لهم كلهم مستغربين من تكون ؟
...........: عذرا على الازعاج بس ء ء وين خوات تركي الــ............
شوق عقدت حواجبها واشرت على ندى وداليا : حنا ، آمري !!
كانت اقرب وحده لها داليا مدت يدها لها بتسلم : أنا هيـا خطيبة اخوك تركي ،
_________________________
عنـد الرجال
واقف برا ويحاول يتصل عـليها اكثر من مره بس ماترد
عاض شفته بخوف وعاقد حواجبه ويتحلطم : لاعزة الله فضحتني ... ررددييي وجع رررددييي
ويرجع يحاول يتصل يمشي رايح جاي وهو يفرك جبينه متوترر حتى عرق جبينه وبهتت ملامح وجهه
الا رفع رآسه لما سمع الصفق والشباب يغنون رفع راسه شافهم ملتمين حول مشآري وبيزفونه لداخل القاعه
مشى لهم وهو مآسك الجوال ويحاول يتصل بس مآردت فتح الرسايل بسرعه وارسل لها " ادخلي واجلسي من غير ماتتعرفين على احد احذرك "
حط الجوال بجيـبه ودخل بوسطهم ويصفق معهم بس عقله وقلبه ابد بجهه ثانيه خآيف وبالع العافيه
_________________________
لحـظــات مرت بالصمت !
صـــــدمـــــه للكـــــــل
هيا ارتبكت من نظراتهم : هه يمكن اول مره تشوفوني لما جات خالتي تشوفني كنتو مسآفرين
عن نـور تناظرها وتحس بـرجـولهـا خـرت قلبها يرقع بقوه تناظر هيا بعدم تصديق
شوق متنحه : وش ؟
نور بهمس ولعثمه : د داليا و وش تـ..ـقـ..ـول ذي
لين : تقصدين تركي منن ؟؟؟ وش اسم ابوه يمكن تشابه اسماء
هيا ابتسمت : تركـي عبـد العـزيـز الـ.... ولد خالة العريس
تمتمت بثقل لسآنها : م مـ..ـسـ..ـتـ..ـحـ..ـيل ،
تمسكت بندى الي كانت جنبها وهي ترجف وانعكفت رجلهآ لمآ حست بالدنيا تدور فيهآ طاحت بوسطهم مغمى عليها
الكل صصرخخ وانففججعع لحظظتتهاا
حملوها البنات بسسرعه ودخلو لأقرب غرفه
بوسط صدمة هيا الي انتابها الخوف والرعب : وش صار !
_______________________
في الغرفه
اخذت نوف المنديل ورشت عليه عطر قربته من خشم نور وهي تضرب خدها : نوورر
ريم شوي وتبكي ماسكه يد نور وتضربها بخفيف : ققوووممي ققوووممميي صححصححيي
جات داليا تركض وبيدها علبة مويه تفتحها وتميلها ليدها بشويش وترش بوجه نور وتمسح خدودهآ وجبينها ورقبتهآ
رفعو راسها بشويش ويهزونه بقوه ويضربون خدها
الا فتحت عيونها بتثاقل عاقده حواجبها بانزعاج
ندى قربت ومسكتها من فكها تهز وجهها : نووورر ننوووررر صصححصصححييي
الا بدخلة ام مشاري تركض بخوف : بسسم الله عليها الرحمن الرحيم وش فيها وش صار
ردت داليا بتوتر : يمكن تعبانه مااكلت من امس
ام مشاري مسكت يد بنتها وفزت بها تصحصها : قومي قومي انزلي تحت الاكل ياكثره ، بسم الله الرحمن الرحيم عليك .." وتلف للبنات " اقرو المعوذات كل وحده تتعوذ وتنفخ على نفسها ..." وتلف لبنتها "... هاه يمه نور بسم الله عليك صرتي احسن
نور تتنفس ببطيئ وترمش بسرعه فكها يرجف : خـ..ـليني شوي يـ..ـمه
جلستها امها بهدوء : بروح اجيب لك عصير ووشي تاكلينه لوقت العشا
وراحت بسرعه تجيبهم
نزلت رآسها عيونها ترمش بسرعه لاارادي الدموع تنزل بحركه سريعه فكهآ يرتجف ماسكه شهقتهآ
لين قربت منها : نور عمري وش فيك ! وش صار اليوم عرس اخوك الوحيد وش له البكي ؟
ماردت عليهآ ومستمره ببكيهآ
دخلت ام مشاري وبيدها عصير وصحن فطاير وجلست عند بنتها : يلا امسكي اشربي
نور تصدها : مابي يمه
ام مشاري طيرت عيونها : ووش فيييكك اكلي عشان تصحين شوي وجهك اصفر .. وبعدين المصوره تبي لينا تنزل الناس كلها جت بسرعه خذي يلا
تنهدت بقل حيله واخذت العصير شربت منه شوي واكلت الفطاير
ندى مكشره : الحين هالجحش ذا يخطب وتجي مرته لهنا وحنا مثل البهم !! ماندري بشي
ام مشاري : عن من تتكلمون
شوق : عن تركي اخوي جت وحده قالت انا هيا خطيبة اخوكم تركي وانا اول مره اشوفها ماعرفها بسم الله كيف صار كذا
ام مشاري كشرت : اااييه خطيبة تركي عرفتها
شوق تتحلطم : زين بعد ماملك من غير ماندري حمدالله والشكر
ام مشاري : ماتدرون يعني ؟
ندى طيرت عيونها : ممللللككك ؟؟
ام مشاري بضحكه : لا ههههههههههههه بس ملكته الجمعه الجاي
شهقت بصدمه ، و طاح كاس العصير من يدهآ انكسر
ام مشاري بإندفاع : بسم الله ! وووشش فيك يمه نور مانتي على بعضك
نور تجلس على الكنب وهي شاده جبينها : زينه يمه زينه
ريم صرخت : خلاص لابوها سيره سكروهاا .." وتلف للين " متى بتنزف لينا ؟
لين بربكه : م مدري بشوف بنزل .. يوه بطلع بشوف الاوضاع وبرجع اقولكم
وطلعت من الغرفه
وشوي شوي طلعو كلهم بقت نور في الجناح
بعد تفكير قامت بسرعه اخذت جوالها وعباتها
نور طلعت من الجناح وراحت جهة صالة العشا وطلعت
_____________________
عند الرجال
وبوسط ازعاجهم وصفقهم حس بشي يهتز بجيبه ، طلع من وسطهم بسرعه ويطع جواله يلقآها نور همس بترجي : لآ ياربي لا
ويطلع لبرا الشارع ويرد متوتر : نور
بصوت حآد ومن غير مقدمات : تعال عند البوابه الرابعه ، وتسكر في وجهه
ضرب الارض برجله ويمشي وهو يتحلطم : باين خلاص انفضحنا... الله يقطع وجهك ياهيا الله يقطع وجهك
______________________
وين ماهي واقفه تنتظره مكتفه يدينها وتدعي بداخلها لو يكون كذب الي سمعته او .... ماحست الا باللي تسحبها بقوه وتسكر الباب بقوه
: وشش تسوين واقفه هنا انهبلتي
دفتها بصراخ : خايفه لاينكشف هااه خايفه عليه !! خليني ابي اساله بنفسي ويجاوب لااصير انا ظالمه وماسمعته واسوي سواته
داليا تلتفت لجهة القاعه لما ظلمت الانوار واشتغلت الموسيقى الهاديه بيزفون العروس : اسمعي نور حنا بزواج تمام ! مو وقت انك تتفاهمين بذا الامور ، الموضوع كله عندي تبين اشرح لك كل شي مستعده بس خلينا باللي حنا فيه الحين
نور معنده : تبين تروحين روحي انتي انا واقفه هنـا
رفعت جوالها وتتصل على تركي الي قرب من البوابه وبعد ثواني : تركي ارجع مكان ماجيت
نور طيرت عيونها وصرخت : وووش تسسوين انهبلتييي !!
تركي وقف وهو يسمع صراخ نور : هيا جت صح ؟ وعرفت نور بالموضوع
داليا تطنش كلامه : تركي ارجع لعند الرجال والموضوع اجلوه لبعدين ، وتسكر بوجهه ...: يلا امشي قدامي
نور خنقتها العبره : ليه تسوين كذا ؟؟ ليه ماخليتني اسمع الكلام من فمه هو
تنهدت بضيق : ياعمري انا ، انتي شايفه المكان الي حنا فيه ، عارفه المناسبه الي حنا فيها ؟؟ زواج اخوك !! حرام حرام تضيعينه بموضوع مثل ذا .. لان صدقيني لو عرفتي السالفه كلها دموعك ذي مراح يبقى منها شي ... امسحي دموعك يلا وامشي قدامي لينا بيزفونها !!
___________________
وقفت ببداية الدرج مضيقه عيونهآ من الاضاءه البيضا الموجهه عليهآ ، سمت بالرحمن وسحبت نفس ونزلت الدرج بخطوات ثابته وهاديه ، مبتسمه بهدوء وبشكل رايق ومريح
تقدمت لها امهآ وساعدتها تنزل اخر درجتين وبادلتها الابتسامه
تعدلت بوقفتهآ ومشت بهـدوء شوي تنزل رآسها وشوي ترفعه لامها واختهآ وباقي البنآت
كملت مشي طول الجسر وصعدت ووقفت عند كرسيهآ
واشتغلت كل الانوار والكل يززغغرررطط بفررحهه ابتسمت غصب عنهآ وهي تناظرهم بهالشكل
وبوسـط الصفق والوناسه
تنزل شاشـة البروجكتر الكبيـره ويشتـغل بث عنـد قـاعة الرجـال
الكل بهاللحظه لف ع الشاشه
التصوير على مشآري وهو يضحك والي حوله يغنون ويصفقون
يدخل نواف بينهم وبيده المآيك وبطريقته الاستهباليه : معرسنا الغالي مشـاري وماصرت غالي الا لانك معرس على اختي
ضحكو لحظتها على جملته
مشآري ابتسم : اخلص شعندك
نواف ضحك عليه وغمز : مرتبك ؟
مشاري التفت حوله وعدل بشته : حيل والله
نواف يتنحنح وكانه بمقابلة تلفزيون : زين قل لي وش شعورك بذي اللحظه ، تنصحني اتزوج ولا
مشاري : مابعد اجربه عشان انصحك او لا ، بس وانا واقف هالوقفه وبعد شوي بدخل واشوف الانسانه الي تمنيتها من بين غيرها تكون زوجه لي صراحه سعاده عاجز اوصفها
البنات هنـآ صفقو بحماس ويلفون على لينا الي نزلت راسها من الاحراج وقلبها يرقع بشكل فضيع
وكان صفق الشباب اقـوى ويصفرون بحماس
نواف مشى يتنهد ويتحلطم من غير مايحس وبصوت سمعه الكل : اييهه الله يرزقنا ناخذ الي نبيها
فقعـو ضضحك على شكله يتحلطم وناسي المآيك الي بيده
شوق مكشره : حمار
ندى دفتها بكتفها : حرام والله كككيييووووعععطط
شوق وهي تمشي : قال كيوت ! الا نعول والله ، وصخ
________________________
وقضت 3 سآعات
بتصوير العروس وتصوير البنات معهآ ورقص البنات
ولحظات مرت بهدوء
عن هيآ الي كانت جالسه بآخر القاعه مطنقره وواصله معها
.
.
بعد مااخذو نور لما اغمى عليها نزلت ريم تركض وبعيونها شر وتدور هيآ ولما لقتها راحت بها معصبه وتدفها بكتفها : من انتتي هااااهه وش جابك هنا وش تبين
هيا بإنزعاج : وشوو مين انا قلت لكم خطيبة تركي
ريم : وبلعنه انتي معه....." وترفع صبعها بتهديد " شوفي يابنت الناس ياتاخذين قشك وتطلعين من هنا او انك تنثبرين بآخر القاعه ولااشوفك متحركه تفهمين ولالا
.
.
ومن بعدها خافت وراحت جلست بعيد واهي مبوزه
________________________
ع السـآعه 12:30
اشتغلت زفة الرجـآل ويدخل بو سعود وسعود ونواف وسلطان وبو مشآري ومشآري
بالمقدمه
ابو سعود وابو مشآري واوسطهم مشآري
ويمشون الباقي وراهم
وصلـو المنصه ويوقفون ويبتدون يصورون مع بعض
،
دقآيق بس وظلمت انوار الصآله
بهاللحظه وتشتغل الموسيقى رفع راسه مرتبك وقلبه يدق بقوه، شد بيده على بشته وهو يشوفهآ تنزل الدرج من غير ماترفع راسها لهم ويبتسم لاشعوري ،
تقدم بو سعود والفرحه غامرته وهو يشوف واحد من عياله بهالمكان
وصلت لعندهم تمشي بكل هدوئها وثبآتها واخيرا لمآ وصلت لابوها ابتسمت له بخفيف وتحس بالعبره تخنقهآ ضمته بخفيف وبآست راسه وبارك لها
ويمسك يدهآ ويلف لمشاري الي مانزل عينه لو ثآنيه ومن شافهم مقبلين عليه مشى لهم ،
حط بو سعود يد بنته بيد مشآري وشبكهم ببعض ورفعهم له وبآسهم : الف مبروك وعسى الله يهنيكم
نزلت راسها بخجل اما عنه ابتسم : الله يبارك فيك
ويلتفت لهآ منزله راسها قرب منها اكثر ويرفع الطرحه عن وجههآ رفعه من ذقنها وقرب منها باس جبينها بهدوء وبهدوء : الف مبروك
بربكه نزلت راسها متوتره ونفسها انحبس ، مسك يدهآ ومشى لعند الكرسي
سلمو عليهآ اخوانها وبو مشاري وباركو لها
وبعد ماطلعو بقو وقت قصير تصورو مع بعـض
وبعدهآ مشاري اخذ لينآ وطلع من القاعه متوجه للفندق ،
.
.
نرجع بالزمن سآعه
واول ماشافتهم دخلو كلهم واول ماطاحت عينهآ عليه حست بتوترررر مو طبيعي ماتقدر تناظره او تجلس بمكان هو فيه
سحبت نفسهآ بهدوء وطلعت راحت وقفت جهة البوآبه
وجلست على وحده من الكنبات فكت لثمتها بعصبيه وتهز رجلها بتوتر واضطراب بشكل سريع
،،
بعد مآخلصو تصوير الرجال
طلعو سعود ونواف وسلطان اول شي
انتبه لها جالسه ومتكتفه تناظر بالجهه الثانيه ابتسم : اوووهه جنيتنا وش تسوين هنا لحالك
فززتت بسسرعه وتعدلت بجلستها : ء انكتمت بهاللثمه دآخل
نواف ربت على كتفه بخفيف : انتظركم برا انا .. وطلع بسرعه من غير ماينتظر رده
شوق مكشره : ياثقل دمك والله
سعود طير عيونه : اناا
شوق : لا وش فيك اقصد السلق ... وتأشر على رقبتها ..: مايمر مايمر لي من هنا ... وتمشي عنهم تاركتهم مفهيين
وبعد ماطلعو
سعود : شفيك مع الادميه
نواف بهدوء وهو يفصخ شماغه ويرميه داخل السياره : مافينا شي متطاقين
سعود رفع حاجب بضحكه ومشى عنه رايح لداخل قاعة الرجال
اما عنه ركب سيارته مطنقر ويمرر يده بشعره ويتحلطم : مدري اخطفها !! ولاشسوي معها ؟ ويضرب الدركسون ..: اااافففففف
|