.
.
.
الجــــــزء الثـــــــامـــــن والعـــشـرون
.
.
.
عند سعود الي عطته امه خبر انه يدخل طلع من المجلس وراح للكراج وفتح سيآرته وطلع باقة ورد مجهزها يدخل بها ، وسحب عطره تعطر " تسبح بالعطر " وعدل نسفة شمآغه ورجع لداخل
وانتبه للبنات راجعين بسرعه وكلهم متغطين عدا خواته
مسك لين وهو يضحك : انزين هم رايحين يتغطون انتو لاحقينهم ليه !
لين وهي تاشر لتحت : مو مرتك چكتنا قالت انتو ليه ماتغطيتو وش نسوي غير نهج معهم
ابتسم وترك يدها بعد شوي بخطوات لوراه وهو يعدل الشماغ : كذا زين ؟ مرتب شكلي
لينا تغمز : اويل حالي ويلااه
بضحكه رد عليها : انطمي ! ماقلت غازليني قلت شكلي عدل ولا
لينا بوزت : ، الحين بدل ماتفرح تجعم فيني
سحبها لقريب منه : ريحتي عطر
بتمثيل كحت : ووججع بتحشر البنت وش دعوه هالكثر
ضربها براسها : انا حيوان اسالك .." ويلف للين الي تضحك عليهم ..: تعالي انتي العاقله قولي لي زين ولالا ....." وبنفاذ صبر " ياحمييرر قدرو وضعي والله مختبص والله مانتو خوات
لينا بضحك قربت منه وارتفعت لخده باسته : بسم الله عليك تهبل والله تهبل بشويش على قلب البنيه تحت
لين جات لعنده ومسكت يده : يلا ؟
حس برعشه تجري بجسمه وكأن خلاياه انتفضت : يلا
.
.
_________________________
متجمعين عليها امها ونوف وشوق وندى يعطرونهآ ويضبطون الروج
عن داليا متوتره وعاقده حواجبها بخوف شوي وتطق معها البكيه
ام فيصل تطبطب على خدها : اقري لك شوي من الايات تهدي اعصابك لاتتوترين
مسكت يد امها وترص عليها : يمه خلك عندي ها ! لاتباعدين
ام فيصل طيرت عيونها بضحك : عسى ماتبيني اجلس بوسطكم بعد
داليا وخلاص وصلت معها : ييمممهه والله ماسستـ...
الا وصوت الزغارريطط من على الددررج وشتغلت زفة تناسب دخلة رجآل
بسرعه ام فيصل رفعت الطرحه من على راسها وغطت وجهها وبعدو كلهم عنهآ
غمضت عيونهآ وهي ترجف وماهي قادره حتى تقرا اذكارها زين ، بقت واقفه وماتدري اذا وصل عندها ، دخل او مادخل حتى
.
.
كانت قدامه امه ويمينه ويساره خواته ، يمشي مرتبك ومتوتر وكأنه اول مره بيشوفهآ ، عينه عليهآ وهي مغطيه وجهها مايبين منه شي وانتبه لايدينها الي ماسكه الطرحه ومقربتهم لبعض
لين سحبته من ذراعه ، نزل براسه لمستواها وقرب اذنه منها وهي تتكلم بصوت عالي : عارف وش تسوي ولا اعلمك !
عطاها نظره بمعنى اني اعرف ،
وصل لعندها وقف ثوآني وهو يناظر امه الي تأشر له يرفع الطرحه
مسك باقة الورد بيده اليسار سمى بالرحمن ورفع طرحتها بهدوء ، طاحت على اكتافها
مارفعت راسها ابد ، زادت رجفة يدينها حتى صدرها يرتفع وينزل وكأن ضلوعها ترجف بداخلها حركت شعرها بتوتر ترجعه ورا اذنهآ
ابتسم وذكر ربه بداخله لما شافها ، حط يده ورا راسهآ وقربها له باسها بمقدمة جبينهآ وابتعد ،
من لما قرب وريحة عطره طغت عليها ! ، حست بالكون ضاق فيهآ وبأطرافها رعشه ورجفه ، زاد نفسها من سرعته ، وقلبها صار يدق بقوه
صحت من عالمها لما مد لها باقة الورد ، مدت يدها بتاخذها حست بإيده تحت الورد ومن لامسته مسك يدها على طول رفعت راسها له لآشعوري لما مسكهآ
انــــــــــــــصــــــــ دمـــــــــــــــــــتت
عقددت حواجبها مكذبه عيونهآ مكذبه الي قدامها !!
التفتت مستغربه لقت ام سعود قريبه ! لين ولينا ماهم متغططين !! يعني هوو ؟؟ سعود !! سسسعععوووددد !!!!!
حست بشي يشل حتى رجولها جممد كل مافيها ماعرفت حتى تتحرك ولا حتى ترمش ، ماهي قادره تعبر لو بحركه !!
ابتسم بهدوء ممزوج بربكه على ملامحهآ وتعابير وجهها ، مسك يدهآ ولقاها راخيه بين يدينه ولاكأن فيها اعصاب تشدها او حتى فيها روح ،
جلس وجلسها معه وهي بوسط صدمتها ، شبك يدينهم ببعض وشد عليهآ
الا لفت ليدينهم عاقده حواجبها ومستغربه شاكه ! حست وكأنها مجنونه والله وطق عقلها ، انتفضت يدها بحركه سريعه وكأنها خافت وبتسحبها الا شد عليهآ بأقوى يمنعها تشيل يدهآ
جآت ام سعود وام فيصل ومعهم طقم الشبكه والدبل والكيك والعصير وقربوهم لعندهم
ام سعود : يلا قم عشان تلبسون بعض وتأكلون ،
قام وقف ووقفها معه وصآرو متقابلين،
اخذ الدبله من يد لين وبتردد مامدت يدها ! مد يده لها ومسك يدها البارده مدها له ولبسها الدبله ، رفع يدها لشفايفه وباسها على صبعها مكان الدبله ، سحبت يدها بسرعه من يده
وضحك بداخله عليها ،
وقفت ثواني مصنمه ومنزله راسها الا جت لينا من وراها وحطت يدها على كتفها : مانتي ناويه تلبسين اخوي دبلته
لفت لها رافعه حواجبها : ههممم
ناظرت اخوها الي متسعه ابتسامته ورجعت لفت لها : اقول مانتي تلبسين اخوي دبلته !
داليا متنحه : منو
لينا فقعت ضحك : هههههههههههههههههههه يووهه ! بسم الله عليك .." ومسكتها من ذقنها ولفتها لتناظر سعود " ...: اخوي اخوي سعود مانتي ناويه تلبسينه
ناظرته بجمـود مفهيه ، ماهي مستوعبه ان ذا سعود الي قدامها
تنهدت لينا واخذت الدبله حطتها بيدينها : يلااا
مدت يدها وهي ماسكه الدبله بأطرف اصابعها ومد يده لها ، ولبسته وهو يحس برجفت يدها
عقدت حواجبها وهي تحس بثقل بأنفاسها وراسها يدور ، رفعت راسها تدور امها بعيونها الي من اول مانتبهت لوجهها اختفت ابتسامتها وجت تركض لعندهآ مسكتها من اكتافها : وش فيك
كشرت ملامحهآ وهي ترص على يد امها : يمه عطيني مويه تكفين
لفت بسرعه للطاوله وبصوت عالي : ششووووق جييبيي موويه بسسرعه ، وش تحسين به قولي
تكلمت ببحه والغصه ناشبه ببلعومها : ذا سـ..ـعـ..ـود يـ..ـمـ..ـهه ؟
امها بخوف مسكت وجهها بكفوفها : داليا يمه ، صحصحي وش فيك كذا ؟
الا جابت شوق المويه وفتحتها بسرعه وساعدتهآ تشربها
قرب منهم وثبت الطرحه على اكتآفهآ ومسكهم : يامرت عمي شوفي لنا طريق وخلينا نروح مكان لوحدنا ،
لين : يييوه والعصييرر !
سعود عطاها نظره بمعنى انطمي
ام فيصل : شوق خذيهم فوق للمجلس بسرعه
شوق بخوف تناظر داليا : طيب .. ومشت وسعود لحقها وهو يمشي داليا معها محاوط كتفها بيده
لما وصلو لعند الدرج ، سرحانه مانتبهت ، الا وتعثرت بأول درجه وكانت بتطيح ، كآن اسرع ومسكها بسرعه لا تطيح وبدون تردد منه وبحركه سريعها حملها
شهقت بروعه وهي تحس انها مو على الارض ومافتحت عينها الا وترتكز على وجهه الي كان قريب منها ، غمضت عيونها بسرعه ماتدري تهرب من واقعها ولاتهرب من حلمها !!
فتحت لهم شوق باب المجلس ودخل وهي سكرته وتخصرت مطنقره : قليل ادب من اول يوم حملها ، ههفف بس ، تذكرت كلام ريم وراحت لغرفتها
.
.
حطها على الكنب بهدوء جلسها وجلس على الارض على ركبه مقابلها رفع وجهها من ذقنها حط عينه في عينها : دلول ! آبوي انتي انطقي بحرف على الاقل !
تناظره بشوي ضياع : الحين انا بحلم ! ولا صدق ؟ ،
سعود مبتسم : انتي وش تحسين نفسك فيه ؟
داليا تهز راسها بالنفي : مدري احـ..ـس مو صدق
سحب نفس وفز اكثر قرب لعند وجهها وبآسها بخدها بهدوء ، وصار مقابل وجهها : من اليوم ورآيح ، بحلمك وواقعك مابتلقين الا انا ، مبروك علي انتي ومبروك عليك انا
________________________
في غرفـة شوق ،
بتوتر ولخبطه مو عارف يمسك القلـم زين خطته صارت محيوسه وماينفهم منها الا القليـل
جالس على الارض بجنب السرير وقدامه دفتر وماسك الاسواره بيـده
وبين ماهو يكتب بسرعه ، الا ينفتح الباب شهق ولف مفجوع
صصررخت برعب لما شافت احد بغرفتها ماميزت بسبب الاضاءه الخافته : ييييييممماااااااااهه
قام بسرعه وسحبها لداخل الغرفه قفل الباب ويتسند عليه ويحط يده على فمه : صصص اسكتي بتفضحينا !
مو مستوعبه ابد تنحت : وش تسوي بغرفتي
نواف بقهر : جيت اكحلها وشكلي عميتها
شوق ستغربت : وش تخربط به !! تكحل ايش " لفت لوين ماكان جالس انتبهت لورقه " .. : وش تكتب ؟
عض شفته السفليه منقهر ... ماحسب حساب انها بتجي
راحت لعند الورقه وهي مستغربه الا وتلمح الاسواره على الارض بجنب القلم ششهقت بصصدمه وراحت ركض وجلست خذته تقولب فيه : سسوااررتتيييي ... ولفت لنواف وهي طايره من الفرح ..: اااننتت لقيييتتهاا ؟
نواف بلعثمه وهو يحك جبينه مو عارفه : ء ب بصـراحه يعنـ...... ماامداه يكمل الا وتقوم بسرعه توقف قباله عيونها تجمعت فيها الدموع : قل لي كيف ارد لك ذا الجميل ، ابد ماتوقعت اني بشوفه بيوم فقدت الامل اني القاه ، ححييل مشكووررر
تنح منصصدم ماتوقع ردة فعلها ذي ابد : هاه
شوق ضحكت : ادري متعود على السب والمطاقق معـ..
قاطعها ..: كان عندي
________________________
عنـد سعـود وداليا
نزلت راسهآ بربكه ويدها ترجف من قربه منهآ ، : بعد شوي !
تنهد وقام جلس جنبها لف وجهها له خلاها تناظره : ناظريني ولاتنزلين راسك ابد
بهدوء اقرب للهمس : ليه سويت فيني كذا ! ليه حرمتني فرحة قربك! ليه بيومي ذا خليتني ابكي بدل ماافرح
نزل راسه ومسك يدها وهو يتنهد : تعرفين اني مااسوي شي يضرك ويكون بيدي ؟
حاولت تسحب يدها منه : اجل بوشو ابرر افعالك وكلامك القاسي معي قل لي بوووششووو
حط صبعه على شفايفها يسكتها : ااوووشش ، كل شي وله تفسير ، معقول انا اضر بإنسانه عشقتها بكل حواسي بليلي ونهآري اهوجس وافكر بها ! معقول !
قابلته وحطت صبعها على قلبها : تعشقني وتضرني ! ماخفت علي يصير فيني شي ! كنت بموت بتركيا بسبب افعالـ..... قاطعها : ششش لاا الي صار بتركيا كان بسببك انتي مو انا
عقدت حواجبها مستغربه ، ابتسم على جنب وكمل : الي صار بتركيا لانك تركتي علاجك فتره وتبين تموتين بنفسك ، ابدا ماكان مني
بهدوء بعكس قلبها يرقع بقوه انفضحت : بس كان كله بسببك انت
رفع وجها بالضبط مقابله وجهه وحط عينه بعينها : بعد ماقمتي من اخر نوبه جتك ! انا وقفت عن الي اسويه ؟؟ لا بالعكس استمريت ولاكان فيك شي ! ليه ماصار فيك شي عقبها ؟؟ اسمعك جاوبيني وانتي تناظريني يلا
________________________
عنـد نواف وشوق
شوق بهدوء : وش قلت ؟!
صد بوجهه عن لايناظر عينها وهو ساكت ،
بعصبيه لفت وجهه لعندها : يعنني انتت الي اخذته ؟ .. " صرخت بوجهه " من سمــحح لكك
نواف سحب نفس : لاتصارخين لاتفضحيناا
دقته بكتفه بقوه اوجعته : وش تكلمم هاااا ، حيواان انت والله حيواانن حررقت قلبييي وفي الاخيير بكل بروود تقول كااانن عنددك وش قلبك انت قل من ايش مخلوق !! تتاااففهه وسخييفف ، " ظل ساكت وهو يناظرها بهدوء ، بعدت عنه بضحكة سخريه " طبعا ماعندك شي تقوله قلت لك انسان تافه انت " بصراخ ازعجه ونرفزه " تتاااااااااافهه
انتظرها تخلص كل مافي قلبها وبكــل هدوء : أخذته لأني أعشــقك
________________________
عنـد سعـود وداليا
بلعت ريقها بصعوبه : مدري !
سعود تنهد ومسك يدها ويناظرها بهدوء : باللي سويته ! قويت قلبك ، صرتي قويه وماتبكين على اي شي ، تكرهين الضعف نفسه ، قبل كم شهر خيرتك بيني وبين مرضك ، واخترتي انك تبقين مريضه ، في البدايه كنت اعشق ضعفك وخوفك ، تأسرني نظرة الخوف بعينك بس عرفت بهالخوف راح تتدمرين ولاراح تعيشين يوم بسعاده ، تدرين دلول ! من سمعتك بالشاليه تبكين عشاني مدري وش جاني كذا شي بداخلي احس به قلب موازيني ، والله اني صرت افكر بك اكثر مما افكر بنفسي ، بس لما عرفت بسالفة قلبك حلفت يمين بالله انك ماتبقين كذا ،
قاطعتـه والغصه ناشبه ببلعومها : وقررت تعذبني صح !
تنهد بيأس : يمكن عذبتك ، بس بنفس الوقت نزعت الضعف منك قويت قلبك حتى علي انا ، لو ماسويتي الي سويتيه بتركيا وتركتي علاجك كان ماساءت حالتك وصار لك كل الي صآر ، " رفع يدها لشفايفه وبآسها بهدوء وهو يناظرها " واكبر دليل للقوه الي علمتك اياها صدك عني لما تشوفيني
ناظرته بنص عين : تستاهل اكثر بعد
سعود ضحك بخفيف وشبك اصابعه بأصابعهآ وحطها على خده : آسف ، ادري مهما تكلمت يبقى قلبك مقهور بسببي
ابتسمت وهي تناظره : شش لاتعتذر ، " تنهدت" ..: تصدق !مع كل الي سويته حاولت اكرهك بس عجزت ، كل ماقلت اكرهك القى نفسي اتعلق فيك اكثر
تنهـد بعمق ويسحبها بقوه لحضنه ويضمهآ بأقوى مافيه ، دفن راسه بشعرها وهو مغمض عيونه ويتمنى الزمن يوقف بهاللحظه ،
بتردد رفعت يدها لظهره ضمته لعندها وهي مبتسمه ،
بعد عنها وقآبل وجهها : ليت الزمن يوقف هنا ، ابيك قربي حولي وحوالي ، ابيك لي ، ولايملي عيني احد غيرك ،
بهدوء وهي تناظره : وانا ابي يكـون ،
قلبـك انـاني وتمتلـكـني لحـــالـك ،
قرب لعندهآ ومسك وجهها بيده ويبوس خدهآ ، : صدقيني اني بعشقك صرت اناني ،
________________________
عنـد نواف وشـوق
ظلت واقفه تناظره مصدومه ومرخيه يدينها
زفر بضيق وصد شوي بوجهه ورجع يناظها وبسخريه : انصدمتي !!
صدت و بلعت ريقها بصعوبه وهي تناظره بنص عين
بقهر رجع قرب شوي : بكل مره موقف يجمعني فيك كنت اشوف الدنيا وكانها تضحك لي ، مابي احد غيرك يتكلم ولاابي احد يضحك ، انرفزك وامقلبك عشان تعصبين وتتنرفزين وتردينه لي ، ابي اشغل تفكيرك فيني ، حتى لو كان بطريقة انتقام ! ابي اشغلك تفكيرك وانتي تدورين بطريقه تنتقمين فيها منيي !!! مننننيييي ااانناااا ووبسسس ، لاتلتهين باحد غيري ! لاتعصبين على احد غيري ،
،
وبكل كلمه يقولها قلبها يدق بأسرع واسرع ! يمه نفس احساسها ، نفس تفكيرها ، تبيه ينشغل فيها تبي تهبل فيه وينشغل فيها من بد غيرها
،
كمل كلآمه : اخذته وماكنت ادري باهميته لهالدرجه بالنسبه لك ، كنت اشوفك فيه بكل مره امسكه وبكل مره اطلعه من تحت مخدتي قبل لاانام ، ، عشان ماابيك تطلعين من عقلي ولا لحظه اخذته عشان كل مااشوفه ابتسم وينشرح صدري !
.
.
غمضت عيونها بقوه عصرتهم وهي تسمع كلامه الي يهاجم قلبها بقوه ، ماهي ناقصه وكفايه عليها تفكيرها فيه !
تنهد بضيق : ولو اني ماودي ارجعه بس لما سمعتك بالاستراحه ماهان قلبي اخليه عندي وانتي حالك مو حال ،، ويلتفت يناظر الغرفه ..: وماودي اخذ شي من عندك صراحه خفت من اهمية كل شي بالنسبه لك
ردت بهمس : بس هذا مهم ، وكل شي حلالك وفداك
بعد بسرعه مطير عيونه منفجع : وشش قلتي عيدييي ععيددددييييي
بضحكه نزلت راسها وفكت عقدها وسحبت يدها حطته بوسطهآ : بسرعه يلا برا
نواف تتتنتننحح حتى ماسكر يده : هاااا !
دفته على وراه لين ماوصل للباب فتحته : برا ،
رفع حاجبه مستغرب وطلع من الغرفه من غير مايتكلم ، سكرت الباب وهو نزل بسرعه وطلع من البيت وهو لسا ماستوعب حركتها
.
.
اما هي راحت وانسدحت بقوه على ظهرها : بيهبلني زوود ذا !! غمضت عيونها بقوه وتسحب نفس : يييممممهه قال اعشقك !!
______________________
السـآعه 2
عنـد مشآري ولينا ،
فتح الباب بهدوء ودخل الغرفه لقاها منسدحه ، دخل وسكر الباب وراح جلس على السرير بالجهه الثانيه
فزت بسرعه خافت منه : وش فيك
فتح درج الكمدينه وطلع تذاكر السفر : على وعدي وانتظرت ملكة سعود وبعدها نسآفر
لينا : متى ؟
مشاري : بعد بكره
شهقت : مممعع سععوود ؟
مشاري بضحكه : والصدفه بنروح لنفس المكان الي بيروحه
تسندت وهي تتنهد : اي الحمدلله على الاقل شي يسليني
رفع حاجب : بنروح شهر عسل عشان تقضينه مع اخوك ؟
لينا ببرود : كيفي ، لاتحسـ...... جرها من بجامتها لعنده : لاتقولين كيفي ولااسمعك تنطقين بها لااسحب لسانك من عرجه واقصه لك تسمعين !
كشرت بنرفزه وتحاول تشيل يده : مدري متى تفهم اني مااخاف منك !
فر يدها بقوه لوراها : ابغاك تقولين ذي الكلمه بعد شهر من اليوم زين ؟
لينا بعناد : بتسمعها صدقني لو بعد سنه ، وتشوف
مع انه يعشق عنادها بس نرفزته ، بحركه سريعه بآسها بشفايفها بقوه ، كشرت ودفته بقوه تمسح شفتها بظهر يدها : عمى !
حط يده على رجلها وغرز اصابعه بقوه اوجعتها : تعرفين اني محسوب زوجك ، والملائكه تلعنك اذا رفضتيني وانتي فاهمه شأقصد
جمدت ملآمحهآ بخوف ماعرفت ترد
ضحك بخفيف وغمز لها : بس الوقت لسا بدري على هالكلام ، صبرك علي بس !
وقام من على السرير وطلع من الغرفه تركها تناظر مفهيه وقلبها يدق بجنون انسدحت وهي قامطه من خوفها هالنقطه بالذات ترعبها لمجرد تفكير !
__________________
يـوم جـديد ،
صحت من النوم على وجه الظهر وهي شاده على نهاية بطنها بألم يذبحهآ ، قآمت بصعوبه للحمام وغسلت وجهها وتوضت وطلعت صلت ،
لما خلصت حآولت تفتح الباب لقته مقفول ، سحبت نفس واتكت على الباب بيدهآ مافيها حيل حتى تنطق بحرف او تنادي عليه كشرت وهي تحس بالالم يزداد وكأن جسمها يفقد قوته ، صدت بترجع لسريرها ،
الا بفيصل فتح البآب ، لفت له عاقده حواجبها وصدت
انتبه لشحوب وجهها مسكها بسرعه من زندها ولفها : وش فيك !! وش فيه وجهك كذذا ؟
صدت وصوتها بالكاد ينسمع : مـ..ـافيني شـ..ـي
مسك وجهها يتفحصه بخوف : ووشش فيك انططقي وش تحسيين ببهه
دفته من صدره بقوه بشوي عصبيه : لاتسسوي نفسك خايف
كشر ورجع مسكها : ماني رايق لهرجك الفاضي ، قولي وش تبين وش تحسين به ؟
حقرته وراحت انسدحت بتعب وغمضت عيونها وهي راصه على بطنها
تنهد وراح جلس وراها : بترك الباب مفتوح ، وبروح للدوام اذا حتجتي شي اتصلي علي
ماردت عليه
ضل جالس ينتظرها ترد وبعدها زفر بضيق وقام طلع من الغرفه ، وبتردد طلع جواله وارسل لابوه " يبه اعتذر اليوم ماني بمداوم "
وراح فصخ غترته وثوبه ولبس بجامته ونزل طلع للحديقه وصآر يدخن بجنون وكانه يفرغ قهره ،
__________________
بيـت بو فيصـل ،
تروشت ولبست بجآمه بلون ازرق كحلي يبرز بياضها وتركت شعرها مفتوح ونزلت ، لقتهم كلهم جالسين
انتبه لها بو فيصل : صباح الوجه المنور والمورد
ام فيصل ضحكت : اي والله الوجه منور
مشت لناحيتهم وباستهم بروسهم وجلست
ندى : عبرينا ! بكلمه ، حتى لو ابتسامه
فزت بجلستها : انتووو اسالكم بصراحه ، متى عرفتو ان سعود هو الي خاطبني
تركي : ماكان احد يعرف الا امي وابوي وفيصل حنا درينا بوقت الحدث الي هو امس
داليا قامت وقرصته بكتفه : دريت قبل لااوقع وليه ماقلت لي على الاقل مانفجعت لذي الدرجه
تركي ضيق عيونه : ماشوفك الحين منفجعه ! الا تتكلمين وخدودك حمر والابتسامه من هالشق لي هالشق !
ضربته بخفيف وهي تضحك : انطم ، وش تبيني اسوي يعني
تركي ضحك : لاتسوين شي ، ايييهه الله يهني سعيد بسعيده
جلست بينهم وتوها بتنطق الا تركي همس : على فكره اختك فيها بلى من نزلت وهي وجهها مصفوق !
داليا لفت مستغربه لقت شوق متربعه ع الكنب وضامه المخده لحضنها ويدها عند فمها ماسكه الجوال بسرحان مو لم احد
ندى سمعتهم : من امس ، من لما رجعت من عندكم ووجهها منصفق كذا وكل شوي سرحت !
داليا : شوفي وش صاير لها اكيد فيه شي
بو فيصل لف لتركي : ياتركي هذا انا اقولك قدام الكل ، تجهز لملكتك على البنت الي خترتها بنفسك ولاتفشلنا قدام الجماعه
تنهد وهو مميل فمه منقهر ويناظر داليا بنص عين وماتكلم بشي
_______________________
بيـت بو مشـآري
وقبل مايوصلون مشاري وابوه بدقايق ، جالسين ام مشاري ولينا في الصاله ،
وام مشآري تسولف عن الملكه وتذم في لينا ولين وحتى بأمها بكل وقآحه ،
حطت المخده على جنب بعصبيه : انتي وش مشكلتك مععي !! وش مسوية لك انا عشان تكرهيني بذا الطريقه ، وبعدين دامك كارهتني تخطبيني لولدك ليييه ، ابيي اففهههمم بسس ليييه !
.......................
كآن بيدخل وحتى ايده على مقبض الباب الا ويسمع صراخ زوجته ، وقف متسمر وهو يسمع ،
.
.........................
ام مشاري صرخت : خطبتك عشان ولدي الي متعلق فيك ومايبي غيرك وانا صراحه مدري وش فيك زود ! وبعدين السالفه الي سويتيها لاتفكرين نسيتها او سكرتها !
طيرت عيونها بصدمه : اي سالفه !
ام مشاري بسخريه : تستهبلين على عقلي انتي ولامفكرتني عجيز مدري وين الله قاطني !
،
نزلو نور وريم على صوت صراخهم ووقفو على الدرج مصدومين ،
لينا بصدمه : وش تخربطين به انا بريئه من كل الي قالوه عني وانتي للحين حاطتها ببالك ؟؟
ام مشاري عصصبت : ههيييهه تسنعي وانتي تكلميني انا تقولين لي اخرربطط ؟؟ لاا الظاهر امك ماربتك زين وشكلي انا الي بربيك
لينا طقت معها وبصراخ وزل لسآنها : امي مربيتني احسن تربيه وحتى قبل لااشوفك ولااتـ..... قاطعتها بكف قووي على خدهآ ، وتقرب من عندها تمسكها من ياقة بلوزتها وتدفها بقرف : وهذي بداية تربيتي لك
ركضت للدرج ودفت الي واقفين من قدامها ودخلت جناحها صفقت الباب بقووه وتروح غرفتها رمت نفسها على السرير وانفجرت بالبكي
.......................
حط يده على خاصرته عاض شفته وهو مغمض عيونه ويسحب نفس ، ترك مقبض الباب ورجع لبرا وقف شوي متسند على سيارته ويناظر البيت وهو مضيق عيونه محتار وش يسوي ! سمع كل شي بإذنه ومايحتاج يسمع تبرير منهم
بعد تفكير ، قام مشى بيدخل ومسوي نفسه توه واصل ، فتح الباب ودخل شاف امه جالسه بالصاله وتهز رجلها بتوتر ، راح لعندها وباس راسها : السلام عليكم ،
ام مشاري ببرود : وعليكم السلام
رفع حاجبه : وش فيك ، متوتره ؟
ام مشاري : مشاري روح عن وجهي ترى مالي خلقك
التفت لنور وريم الا قامو على طول ورجعو غرفهم ، قام من عندها وراح لجناحه ،
من سمعت صوت الباب ينفتح قاامت بسرعه ودخلت الحمام بتتروش
دخل للغرفه ماشافها ولف للحمام لما سمع صوت المويه ، غير ملابسه وراح جلس بالصاله شغل التلفزيون وينتظرها تطلع بيشوف ردة فعلها !
_______________________
عنـد نور وريم
ريم تطقطق على الجوال ونور جالسه بملل ممدده رجولها : ريموه ، ترى امي حاطه على لينا حطه
ريم رفعت راسها : اي والله حيل
نور تعدلت بجلستها : ماعمري شفتها كذا هي ماعمرها ضربتنا تروح تضرب مرت اخوي
ريم : القهررر انها للحين حاطه ببالها السالفه الي صارت
نور : اسمعي لازم يوم نجلس معها ونقول لها ان كل الي قالوه عنها وصوروه كذب ويبون يخربون سمعتها
ريم : طيب
رجعت نور تسندت وسحبت جوالها فتحت على محادثة تركي لقته متصل ، زفرت بضيق وسكرت الجوال بسرعه ورمته وانسدحت الا رن جوالها بنغمة الواتس
مدت يدها وخذته لقت تركي يكلمها ، قفلت الجوال ورمته والتفتت على الجهه الثانيه ،
_______________________
ولمكآن من زمآن مارحناه
فتحت البآب بهدوء ودخلت ،
كان معطيها ظهره ويكلم بالجوال ، مشت على اصابع رجولها بهدوء ووصلت لعنده ضمته من ظهره وسندت راسهت عليه
التفت بسسرعه لها وضحك بخفيف وضمها وهو يكلم الين مآسكر
رفعت راسها بملل : متى بنخلص من ذا كله ؟؟ متى تخلص من سالفتك مع ذا العايله ؟
تنهد وهو يلعب بشعرها وابتسامة خبث مرسومه على شفايفه : اتمنى اني اخلص عن قريب
بوزت وبعدت يده : تتمنى ! يعني مو اكيد
ضحك بخباثه : اسمعي احسبي سبوع بالكثر اسبوعين من اليوم وبكون ضربتهم اقوى ضربه وبمسكهم من الايد الي توجعهم صدقيني ، وبيندمون على سنيني الي ضيعوها علي بالسجن والله بيندمون
ناظرته بشك : وبعد ماتاخذ كل الي تبيه ؟؟
عرف قصدها : ابترك كل شي ورآي وابتدي حياه جديده معك انتي
ضيقت عيونها بشك : زوجتك ؟؟ وبنتك وولدك ؟
تنهد بنزفزه : يييوووهه منك! خلاص كل مره اعيد الاسطوانه قلت لك بترك كل شي ورا ظهري واببتدي معك انتي خلصنا عاد
تنهدت بارتياح وضمته : لاتتنرفز ابوي انت بس اتطمن على مستقبلي
ضحك بخفه عليهآ وفكره مشغول باللي يصير قريب !
_____________________
شقـة مشآري
طلعت من الحمام وهي تمسح وجهها بأكمامها ، دخلت الغرفه ولبست ملابسها
قام وراح الغرفه وقف عند الباب : فيك شي !
ناظرته ببرود : ليه شايف شي انت ؟
مشاري : لا بس كأن تحت الجو متوتر ،
لينا وهي تحط اللوشن بيدها : توني صاحيه اساسا مدري عنهم ولاادري شفيهم
انصصدم من ردة فعلها ابد مابيينت شي ، رفع حاجب : اها ، طيب يلا انزلي عشان الغدا
لينا بهدوء : معليش توني صاحيه ونفسيتي ابد مو لاكل ، اذا جعت اكلت
مشاري بهدوء : براحتك ، وطلع من الغرفه وهو يفكر ليه ماقالت امك ضربتني ؟ ليه قالت توني صاحيه !! ليه مابينت لي شي اببدد ليييهه ؟
رمت اللوشن بعصبيه وجلست وهي تفرك وجهها بتعب وترجع راسها لورا : وش بعيش اكثر من كذا ياربي وش بعيش ؟
_______________________
على السـآعه 4 العصر
بيت فيصل
حس بخاطره يتطمن عليها قآم من بينهم وراح لبيته ،دخل وراح غرفتهآ وقبل لآيفتح الباب سمع صوت انين ،
فتح الباب بسرعه ودخل لعندها يركض وشال اللحاف لقاها متكوره وشاده على بطنهآ بالم وجهها احمر ومعرق
رفعها وجلسها بخوف : نووف ووشش فييك ؟؟
بألم وتحس بأحشائها شي يتقطع ويحترق : الـ..ـم الـ..ـم ذابحـني
اختبص قآم راح بيطلع بسرعه الا رجع يركض وهو مرتبك : وش اسوي !! مدري ، نوف ! اوديك المستشفى ؟
بصوت متقطـع : ايـ..ـه تكفـى ،
من غير مايتكلم قام بسرعه وجاب عباتها لبسها وساعدها تقوم الا انحنت على نفسها وصرخت بألم انفجع زود من خوفه وجلس لعندها يناظرها بخوف : نووف بسم الله عليك شصارر لكك
تمسكت فيه واتكت عليه وهي تبكي بألم وماردت عليه ،
بلع ريقه بخوف وقام حملها وطلع معها بسرعه واول ماركبها السياره كلم امه ويقول لها انه بيروح المستشفى
،
بعد مآوصلو المستشفى ، نزل يركض وراح لجهتها نزلها ومشى معهآ الين مادخلو وطلب مساعده من الممرضات الي على طول دخولها للطوارئ ،
طلع جواله بسرعه واتصل على امه وعلى سعود وطلب منهم يجون بسرعه مو عارف شيسوي
،
_____________________
بيـت بو مشآري
وبعد ماتصل فيصل على خالته وخبرها ، طار قلبها من الخوف وقآمت رككضض لبست عباتها وطلعت حتى من غير ماتخبر احد
____________________
بعـد سآعه في المستشفى
طلعت الدكتوره
وقف فيصل بسرعه في وجهها : هااه طمنيني ! لاتقولين الجنين طآح
ابتسمت بضيق : مع الاسف والله ، الله يعوضك بأحسن منه ..... ومشت عنهم
عض شفتته بققووهه وهو شاد شعره بيقطعه مشى شوي رفس الكرسي برجله وصرخ : لييييييييهه
تنهد وهو يهز راسه وراح له : ستغفر ربك وش فيك كذا
لف له معصب : تععرررف وش معنى اوكلها دواها بيددي ؟؟ تاكل اكلها قدامي ؟؟ وررببببككك الدرج ماتنززلهه ، سسعود كنت ابيه البزررر ذا ابيييه
بهدوء يطمنه : فيصل ! الطفل يتعوض وياخوي طير من طيور الجنه ، واساسا حالته حرجه حتى على مرتك اذا ولدته ! انت سألت عن حال مرتك الحين انت ؟؟
صد بوجهه متضضايق غمض عيونه بقوه وزفرر ، ومشى بسرعه طلع من المستشفى بكبرها
لحقه سعود وهو يهز راسه متضايق ، ويزفر بضيق
.
.
بعد مآمرت نص سآعه
ام فيصل وام مشاري جالسين حوالين نوف كل وحده بجهه
ام فيصل بهدوء : خيره يانوف والله يعوضك بغيره
نوف مرجعه راسها لورا وبهدوء : الله كريم
ام مشاري فزت : صرتي احسن يمه ! تحسين بشي انادي لك الدكتوره تشوفك
مسكت يد امها بتعب وضيق : يايمه اجلسي والله مآفيني شي
مسحت على راسها وجلست جنبها ومقدره وضعها
.
......................
عنـد فيصل وسعود
سعود : حتى لو هي السبب ! خلاص حط في بالك انه خيره وانه حملها هذا لو تم ، ممكن انك تفقدها بعيد الشر ربك مايسوي الا العدل خلصنا عاد
فيصل يصد وهو يسحب نفس بعمق يمسك اعصآبه : على قد مالدكاتره بصمو لي بالعشر انه بيطيح ! بس تمسكت فيه تمسكت فيه بعقلي وقلبي ونسيت كلامهم حتى " ويتأفف " بسس الواحد وش يقول
سعود بهدوء : يقول الحمدلله على كل حال
نزل راسه وكرر جملة سعود
سعود : رح لمرتك وشفها تطمن عليها وانا انتظرك هنآ ،
فيصل تعدل بوقفته وبدون مايتكلم مشى ورجع دخل ، اما سعود مشى شوي وطلع جواله واتصل عليهآ ،
ردت بصوت هادي ابتسم رغم ضيقته : اهلين ،
سعود رفع حاجبه مبتسم على جنب ومارد
ستغربت : الوو ، تسمعني ؟
ظل ساكت ومارد
بلعت ريقها بخوف : سعود ! اكلمك انا تسمعني ؟
سعود بهدوء وهو مبتسم : اسمعك ياروح سعود وكل هله ، سامعك بس منتظر تناديني باسمي واحس بحلاوته وانتي تقولينه
زمت شفتها موسعه عيونها بقوه ماعرفت ترد
سعود وللحظه تخيل وجهها وكيف خدودها وردت من كلامه تنهد وهمس : دلول
داليا بهمس : ههمم
سعود : خليك جاهزه على الساعه 8 بمرك نطلع مع بعض تمام !
______________________
في غـرفة نـوف
بعد مآدخل وتطمن عليها ماناظرها ولابين لها خوفه ، التفت لخالته : خالتي بخليها عندكم فتره ترتاح وتعاود صحتهآ
ام مشاري مسكت يد بنتها : اكييد بعد هذي مافيها كلام لازم تكون عندي كم يوم
فيصل وقف والتفت لامه : يلا يمه انا بمشي تقومين معي
وقفت امه وهي تضبط نقابها : اي بعد وش يجلسني
راح وباس راس ام مشآري وطلع من الغرفه من غير مايلتفت لنوف
بعد ماطلعو انسدحت وهي لافه وجهها للجهه الثآنيه وفكهآ يرتجف بتبكي ، حز بخاطرها ماعبرها ولاحتى بكلمه ولاكانه جاي يشوفها
،
في السيآره
فيصل وهو يناظر قدامه : يمه يعني عادي الحين انها تسقط مايضر بصحتها
كتمت ضحكتها عليه : وشهو له يضر بصحتها ! كم يوم وتزين ان شاءالله
ستغرب ولف لها : تضحكين ؟
ضحكت وهي تهز راسهآ وماردت عليه
رفع حاجبه مطنقر ورجع منتبه لطريقه ، الا رجع لف بسرعه : ترى كانت تتألم حيل حتى ماعرفت تمشي عادي ؟
ام فيصل وسعت عيونها : فييصصصل !! البنت مسقطه تعرف وش معنى مسقطه ، لاتخاف سوو لها الي يلزمها مافيها الا العافيه صدقني
ميل فمه وانتبه لسواقته وهو يقولب فكرة سعود براسه وكنها جازت له !!
_______________________
بيـت مشآري
جالسه بهدوئها في الصاله تناظر التلفزيون بملل وممدده رجولها ، سمعت صوت الباب يندق قامت وراحت فتحت الباب لقت نور وريم واقفين
تنهدت وفسحت لهم المجال يدخلون
،
و بعد ماجلسو بفتره
نور وهي تناظر ريم : لينا بكلمك بخصوص الي صار اليوم
لينا كان بيدها كاس عصير ، حطته على الطاوله ولفت لنور : قولي
نور : ترى امي للحين ماتدري عن البنت الحيوانه الي سوت فيك كل ذا وماتدري انها جت للشاليه واعترفت بكل شي،
لينا بغصه : وتضربني !
زمت شفتها ماعرفت ترد
لينا : اسمعي ، الحق مثل مابين حق اهلي اخرته يبين قدامها وتعرف غلطها ، ودامها ماتبين لمشاري ذا الشي انا بعد مراح ابين له ابد ان علاقتنا متوتره وبحاول اني اصلح علاقتنا
ريم بهدوء : امي راسها يابس
لينا : الينه
نور : طيب ليه ماتمسكين مشاري وتقولين له عن كل شي
لينا بإندفاع : لااا مستحيل ، لو قلت له بيروح يتفاهم معها وتكذبني ! والله العالم بعدها كيف يعآملني
ريم وهي تحك راسها : معك حق والله
خذت عصيرها وتسندت وهي تتحسب على فجر والي سوته فيهآ
______________________
في الليل
وين ما سعود واقف بسيارته قدام بيت بو فيصل ، انتبه لها تطلع من البيت وتمشي لناحيته وتركب السياره : السلام عليكم
سحب يدها ورفعها لشفايفه بآسها : وعليكم السلام
حاولت تسحب يدها بقوه : بالسياره حنا تجلس تبوس بيدي
رفع حاجبه وكأن جازت له الفكره : يعني قصدك داخل البيت اخذ راحتي
سحبت يدها بسرعه مطيره عيونهآ : وين بنروح ؟ لاتطول بوقفتك بسرعه امش
ضحك بقوه عليهآ ومشى ، اخذهآ لواحد من الكافيهات الرآيقه
_______________________
بيـت بو سعود
دخل بسيآرته للكراج ونزل ، وهو بيدخل سمع صوت ابوه يتكلم من الجهه الخلفيه بجهة البركه ،
غير طريقه وراح له ولقاه مع ام سعود ولين وسلطان جآلسين ويسولفون : ااوووووهه جوكم رايق
بو سعود : تعال حيآك
راح لعندهم وجلس على الكرسي
لين انتبهت لشي فضي طالع من جيبه مدت يدها سحبت منه شوي .... الا بسرعه وضربها على يدها : وكسسرر
سحبت يدها وهي تهمزها ومكشره : يكسر عظامك ، حيوان وش سويت عاد انا
دخل يده وهو يدعس العقد اكثر : ماسويتي شي بس تليقفتي
لين بلعانه : يييببباااااا
بو سعـود لف لهم : سمي يابوي
لين : يبه نواف يلبس سلاسل بنات
طير عيونه وشهق : اناااا
لين مضيقه عيونهآ : الفضي اجل ذا وشش ؟ هااه ترى شفته وعرفته
ناظرها بصدمه شوي ويقوم يصفقهآ
بو سعود بنبرة شك : نواف ؟؟
نواف بإندفاع : واقسم برب البيت كذابه ماعليك منها لاتصدقهآ ، رجال بطولي وعرضي البس سلاسل بنات
عطاه ابوه نظره والتفت لام سعود وجلس يسولف معها
نواف وهو راص على اسنانه : قومي ابيك بشغله
لين بضحكه : ماعندي شغل معك للاسف
غمز لسلطآن وفهم له
وبثوآني قامو ورفعوها بسرعه من على الكرسي وهي تررافسس وتصارخ : يييااااااااححمممـ....... وتتتتررررشششش ، رموها في البركه وهم يضحكون
ام سعود خافت : الله يقطع شرك كذا تسوي بأختك
نواف يطلع جواله ويصورها : قطو بسبع ارواح يمه ماعليك الحين تطلع ،
طلعت راسها وهي تنفض وجهها وتمسحه من المويه وتلف لهم تضحك وتصارخ : والله اووررييكككممممم صببررر بسسس ،" وتصارخ على سلطان " واانتتتت تسمع له هااااهه ههييين بسس
سلطان بضحك : عبد مأمور ياخيه ،
بنص عين تناظرهم : طيب ممكن فوطه اطلع فيها ؟
راح سلطان يجيب لهآ ، اما نواف طلع العقد من جيبه ورفعه يعرضه لها
راحت بسرعه لجهته : ووشش ؟ منن وين ذا من ححققهه ؟؟
نواف بضحك : مووووتتتي لقافه !
ضيقت عيونها وهي تحك ذقنها : خلنني اتذذكررر
رجعه بسرعه لجيبه : والله ماخليك تعرفين من له ، ومشى عنها
صرخت وهي متمسكه :ببعررفف وتششوووفف
_____________________
في المستـشفى ،
وبندم ، يحرق قلبهآ وتانيب الضمير الي يقطعها تقطيع ، مررت يدها تتحسس بطنها ، اليوم الصبح كان موجود بداخلها روح يشاركها وحدتها همها وضيقتها ، تمسك فيها لآخر لحظه ، حاولت وحاولت انها تنزله وظل متمسك وكأنه يبي يطلع لذي الدنيا ، ويوم انها استسلمت ورضت حرق قلبهآ ومآت ، شهقت بحرقه تبكي ،
قامت امها لها بسرعه : بسسم الله عليك يمه وش فيك
قامت جلست وضمت امها بقوه : ييمممه قلبي محروووق ، يمه ضناي ظل يبيني وانا مابيييه ويوم اني بغيتهه مات يمممهه مااااتت
مسحت على راس بنتها بقوه : اهدي بسم الله عليك ، كتبة رب العالمين
دفنت وجهها بصدر امها ومتمسكه فيها وتبكي بنحيب : ييممه فيصل حتى ماحط عيينه بعيينيي مقهوور مننني ، ييمممهه انا غلططت وربي عاقبنييي قلبي يتقططعع والله يتتققططعع
صارت تمسح على ظهرها وتهديها : صصص فيصل اخرته بيهدا ويعرف ان الي صار خيره لكم اذكري ربك بس
شهقت بقوه : اخاف يكرهني يمه والله اموووتت ، امموووتت لاييصد ويكرهني
قآمت امها وقفت وسدحتها وهي تمسح دموعها وتقرا عليها : اذكري ربك بس وش ذا الكلام الله يهديك
غطت يدها بظهر فمهآ تكتم شهقتهآ ، تنهدت امها وجلست جنبها رفعت راسها وحطته على فخذهآ صارت تمسح عليه وتقرا عليها عشان تهدأ
______________________
بيـت بو مشآري
دخل البيت وماشاف احد بوجهه راح للدور الثالث لشقته وفتح البآب الا ويسمع ضحكهم ،
دخل للصاله ووقف متكتف : عسآ دوم
شررقت ريم بعصيرها : بسم الله متى جيت!
رآح وجلس عند لينا حآوطها من خصرها وسحبها لحضنه ، بلعت ريقها وطالعته بدم رضا ، انتبه لها وطنش : ابد توني من دقآيق ، اقول دريتو ؟
نور : وش
مشآري مميل فمه : نوف اجهضت اليوم
لفت له بسرعه مصدومه وبإندفاع : لاااتتتققوووولل
ناظرها رافع حاجبه ومروق لردات فعلها الطبيعيه: ، والله هذا الي صار
كشرت بضيق : يوه والله حرام مسكينه ياعمري
ريم حزنت : ييوووه مسكينه اختي
نور تنهدت : الله يعوضها بأحسن منه
الكـل : آمين
ريم مسكت نور ووقفت : يلا حنا بننزل اجل
لينا ابتسمت : لاتقطعون !
نور قربت وقرصتها بخدها : والله لنبسط عندك هنا ليل نهار
دفها بيده : وخرري مناك هذا وجهي بس قالت بتبسط قالت
لينا ضحكت : هههههههههههت حياك العين اوسع لك من المكان
وطلعـو نور وريم من الشقه وسكرو الباب
شد عليها بخصرها : عسى يطلع منك كلآم حلو
ببرود : للي احب اقولهم كلآم حلو ،، حطت يدها على يده بتشيلهآ : وخر شوي عني خلني اقوم
بعناد رص عليها : ابيك جنبي
لفت له : مابي ياخي خلني اقوم
طنشهآ وهو يناظر الطآوله ويسحب الكيندر الحلاو الصغير ويفتح وياكله وهو حاضنها
صرخت : مششاااااااري وووخخرر
فك يده عنهآ وقامت الا رج سحبها بقوه ويجلسها بحضنه ويسكر عليها بيده ، ويفتح كيندر ثآني ويرفع يده لخدودها ضغط عليهم بقوه فتحت فمها ويرمي الحلاو داخل فمها ، طييررت عيونها مععصببه ولفت له بتتسسبه ، الآ باسها بشفتها بسرعه وخفه ويغمز لها : عافيه ،
صآرت تاكل الكيندر ببطئ وهي تناظره مصدومه وودها تكفخه على فمه ،
انتبه لنظراتها وابتسم لها : تبين ثآنيه ؟
لفت بسرعه معطيته ظهرها وهو ضحك بداخله عليهآ وظل حاضنها له ويحلف يمين بالله لايجيب رآسهآ ،
_____________________
السآعه 12 الليل
بيـت بو فيصل عند الباب ووين ماهو واقف بيسلم عليها وبيمشي ، وهي متضايقه عشان بعثته
: مرره كثييير 8 شهور والله كثير
بنبره هاديه تطمنها : ان شاءالله اني اقدر انزل لكم بين فتره وفتره
تأففت : اااففف وربي مدري كذا مو حابه هالبعثه ياخي
مسك يدهآ ومشى لعند الطاوله وجلسو على الكراسي : هالبعثه حيل مهمه ياروحي خصوصا اني مدرب مو طالب يعني بتفيدني كثير
صدت بوجهها متضايقه ، ابتسم وقرب كرسيه لكرسيها ولف وجهها له : اذا ماتبين نفترق مده طويله اروح شهر وارجع نسوي عرسنا واخذك معي هناك
طيرت عيونها : بالله!!!
سعود ببراءه : اي والله ماعجبتك الفكره ؟
داليا : لاطبعا وش شهر توني بسم الله مملكه اعرس الشهر الجاي
سعود رفع كتوفه بقل حيله : اجل اسمحي لي اروح
شالت يده عنها : سمحت او ماسمحت انت بكره مسافر مسافر
سعود يرفع صبعه : يمين بالله وهذاني احلف ! ماسافر من هنا وانتي ضايق خلقك علي ، ولو اضطريت والله لاكنسلها ، انتي آمري بس
ناظرته بنص عين شاكه بكلامه
بضحكه بعد عنها : ححلفت يابنت الحلال
نزلت رآسها بحيره تلعب بأضافرها ماتعرف وش تقول
سكتو لفتره حول العشر دقآيق
مسك يدها بترجي : دلالي ، اسمعك انا قولي
رفعت عيونها له : ليه مو قادره اقولك لا ابيك تروح ومابيك تروح بنفس الوقت
ضحك عليها : ههههههههههههههه ، خلاص حطي ببالك ان مستقبلي بهالسفره واسمحي لي اروح
شدت على يده بقوه : اول ماتصحى تكلمني ، تطلع من دوامك تكلمني ، وحتى اذا جيت تنام تكلمني !! ابي اتطمن عليك بكل ساعه من يومك
ناظرها بهدوء وتنهد : عيوني لك والله لاطفشك مني ومن صوتي وعد
وقف وهو مآسكهآ : اسمعي بكره الكل بيكون موجود ببيتنا خلك اول الموجودين
وقفت معه وهي منزله راسها تتأفف : ااافف اجي عشـ... حط صبعه على شفايفها يسكتها : تجين عشان امشي وقلبي مرتاح ومتطمن عليك ويروق بالي طول الطريق
ابتسمت بهدوء وضمته بقوه دافنه رآسها بصدره مغمضه عيونها وتستكن بعالمها وهي بحضنه ، تعاصر دموعها ماتبي تبكي وتوتر له جوه تبي تتركه متطمن ومرتاح باله
دنق راسه لها : بتتمسكين فيني كذا ! تحملي مايجيك بعدها ،
ماردت عليه وضلت حاضنته بهدوء ، تنهد وبإيده اليمين يحآوط ظهرها ويضمها له بآس راسها بخفه ، وهو موجوع قلبه بيتركها كل ذي المـده ،
______________________
يــوم جـديد
بيت بو مشآري
دخلو نوف وامها البيت ، وراحت نوف غرفتها على طول وقفلت الباب وانسدحت بتعب على السرير
رفعت راسها للباب لما سمعت احد يطقه : ممكن انااام ؟؟ ، ورجعت انسدحت وهي مغمضه عيونهآ ، وهي تتذكر الي صار قبل شوي
،
،
بعد مااخذهم فيصل من المستشفى ونزل اغراضها ونزلو ، حط الشناط عند الباب وصد بيمشي الا نادته : فيصل ،
لف لها ببرود : نعم
عضت شفتها بتوتر وراحت له وهي مضيقه عيونها من الشمس : ماتبي تقول حتى انتبهي على نفسك ؟
ابتسم على جنب : انتي ادرى بمصلحتك انتبهتي او مانتبهتي هذا شي راجع لك ، مع السلامه .... ماعطاها فرصه تتكلم لبس نظارته وطلع من البيت
،
،
________________________
على السآعه 3 العصر
بيـت بو سـعود
الكل موجود عشان يودعون الي بيسآفرون " لينا ومشاري وسعود "
بو فيصل وهو واقف : بتسافرون ولانتو حاضرين ملكة تركي
سعود الي كآن واقف وحامل شنطته الصغيره على كتفه : بعرسه نكون موجودين ان شاءالله
ام سعود : ان شاءالله يآرب
سعود بهدوء همس لعمه : حطيت الاوراق على مكتبك العمليه بعد 10 ايآم
بو فيصل ربت على كتفه : ماقصرت يآولدي
.
.............
في غرفة لين
شوق : حرام عليك ترى واقف عند الباب بيمشي قومي سلمي عليه
داليا والغصه ناشبه ببلعومهآ : ماابي والله لو اشوفه لااطقها بكيه
ريم طيرت عيونها : اببككي جعله محد بكى غيرك ، بسس قومي سلمي عليه يعني وشو يسافر من غير مايشوفك
تأففت وهي تمسح وجهها بتوتر وواقفه عند النافذه وعيونها على سيآرته ،
.
.
________________________
في الصآله
تسحبت من بينهـم بهدوء وطلعت ركض وتنادي على الشغاله الي جت بسرعه بكيس فيه ملآبسها ، وتروح معها لسيارة مشآري ويطلعون شنطة لينا وتشيل الملابس الي لينا حطتهم لها وتستبدلهم بملابس الشغاله وتركت كذا شي لها ، ولما خلصت رجعت لداخل وجلست وهي تبتسم بعفويه ،
_________________________
بعـد سآعه تقريبآ
نزل تركي وهمس لسعود : فضيت لك الجو
ابتسم على جنب وراح يركض للدرج ويوقف عند غرفة لين ويسحب نفس و
.
...............
عند داليا الي تركوها البنات بحجة انهم بينزلون يسلمون على سعود ، ظلت متكيه بيدها على النافذه ودموعها تنزل بغزاره
سمعت الباب ينفتح طنشت ومالتفتت وفي بالها انه وحده منهم رجعت
فجأه ،،
ششهقت وهي تتحسس فيه يلف يده على بطنهآ وباليد الثانيه يبعد شعرها ويبوسهآ بكتفها قريب رقبتهآ
لفت له بسرعه عيونها طايره : وش وش جاابك
بهدوء وهو مبتسم : جيت اسلم عليك دامك تتغلين
صدت بعيونهآ الي تجمعت فيها الدموع من جاب طاري السلام : ماتـ..ـغلى
مسكها من ذقنها ولف وجهها له : شش ليه البكي لييه
رفعت عيونها له تناظره وهي تبلع ريقها بصعوبه ، وبحركه سريعه ارتفعت لمستواه وضمته بقووه دفنت راسها بكتفه وششهقت بقوه
بخوف شد عليهآ وهو عاقد حواجبه : لاتسوين فيني كذا ، كيف اتركك وانتي بهالحال قولي
بعدت عنه وهي صاده وتمسح دموعهآ ، مسك يدها ونزلها ومسح دموعهآ وبهدوء : خلااص ،
رفعت عيونها له : غصب عني والله مو بيدي
ابتسم وهو ماسك يدها ويرفع يده ويقرص خدها بخفه : ابتسمي طيب
ابتسمت له بهدوء : كذا زين ؟
سعود بضحكه: زين ، وشد يدها وسحبها معه ، انفجعت وحاولت تسحب يدها : ههههيي وين !؟
لف لها عاقد حواجبه : بتنزلين معي لين امشي ،، اااصصص مابي اسمع ولا حرف ! بتنزلين يعني بتنزلين ، ومن غير مايسمع منها كلمه اخذها معه وطلعو من الغرفه
.
.
......................
في الصآله
مشآري ولينا سلمو على الكل و طلعو وركبو سيآرتهم
ام سعود باستغراب : سعود وينه ؟
الا بصوته من على الدرج : هذاني هنا
لفو كلهم له ، لوين ماهو ينزل الدرج ومحتضن داليا بذراعه
شوق بهمس : الله يالدنيااا
ريم سمعتها : شففييك ؟
شوق بضحكه : صاير خيخه ! وجليل حيا بعد ؟
لين سمعتها ورفستها بخفيف : مرته كيفه
نزلو ، ومشى سعود لهم سلم عليهم كلهم وهو يضحك ومبتسم بعكس امه واخته والكككللل ! الي دموعهم غلبتهم وداليا الي واقفه الدرج ضامه يدها لها وماسكه دموعها
بعد عنهم شوي ورفع يده : يلا يا جمآعه استودعتكم الله ، اشوفكم على خير ، حطو بالكم على نفسكم زين
ام سعود بغصه : انتبه على نفسك يمه هاه ! اول ماتوصل كلمنا وطمننا
اشر على عيونه : من عيوني يالغاليه ، ومشى شوي بيطلع
الا لف لها انتبه لوجهها الاحمر بتبكي ! ، تنهد وراح لها بسرعه بآسها بخدها ، ويلف لاهله : هذي امانتي عندكم هالله هالله فيهآ
ام فيصل ابتسمت وسط دموعها : بعيوننا
رد لها الابتسامه ومشى وطلع من البيت ، واول ماسكر الباب تغيرت ملامح وجهه البشوشه المبتسمه لضيقه ، تنهـد وراح ركب سيآرته وحركو
.
________________________
بعـد 7 سآعآت ،
وصلو مشآري ولينا وسلمو على سعود الي كان بيروح لمدينه غير الي هم فيها ،
طلعو من المطار وتوجهو للفندق الي كان حاجزه مشآري وكانو تعبانين لأقصى درجه
وصلو الفندق ودخلو واخذو رقم السويت حقهم وراحو له
دخلت بتعب فيها النوم وجلست على الكنب بقوه رمت نفسها،
جا وجلس عندها : تعبانه قومي ارتاحي بالغرفه
عدلت جلستها بتعب : لا بقوم اتروش قبل وبعدها بريح
، وقامت خذت شنطتها للغرفه وفتحتها الا بهتت ملامحها فججأه وهي تشوف محتوى الشنطه وبحركه سريعه تطلع الملابس وتدور اغراضها !! مافيه الا بجامتين للنوم بس ، بلعت ريقها وتربعت وهي تضرب الشنطه بقهرر : الله ياخذك يابلوه ابتليت فيها وشش اسوي الحين بملابس الخددم ياربي ماخلت لي شي البسسه حتى ، " وبصراخ وهي ترفس الشنطه " ااوووففف اووووووفففففف
...................
كان على الكنب ومتكي بيده شبه مغفي الا سمع صوتها فرك عيونه بصبعينه وقآم لها
....................
رجعت الملابس بعصبيه وحطتهم بالشنطه ورفستها على جنب من غير ماتسكرها وقامت وبيدها ملابسها الي بتلبسهم بعد ماتتروش ،
الا بمشاري فتح الباب ودخل : وش فيك تصارخين !
تنهدت بتوتر : نسيت شغله ضروريه وعصبت ،،، ومشت دخلت الحمام ،
راح بتعب واخذ المخده وحطها بجهة الرجول " عكس اتجاه النوم " وانسدح على بطنه متكي على يده والنعاس غلب عليه
________________________
عنـد سعـود
نزل من سيارته مقابل الفندق ودخل اخذ رقم السويت حقه وراح له
،
بجهه قريبه منه ، وبعيون تراقبه من اول ماطلع من المطار ، رفع جواله واتصل وبعد ماجاه الرد ،: سعود الـ... وصل وحاليا بالفندق
......... : شغلكم محسوب من ذي اللحظه ، وسكر الخط بوجهه
|