[Rewayt_dalia]

.
.
.
الجــــــــــزء التاســـــــع والعـــــشــرون
.
.
.
يـوم جـديد ،
بـيت بو مشآري
ام مشآري بالصاله وتكلم بالتلفون : الله يتمم لهم على خير ياربي وعقبال شوق وندى تفرحين فيهم ، يييوووهه وش فيهم اولادك ياختي مطفوقين ومطقوقين على راسهم ؟؟ بيفشلنا مع خلق الله ........ شكلك راضيه ؟؟ .......... الي فيه الخير بيصير ان شاءالله
كانت واقف ومتسنده على بآب المطبخ ورافعه رجلها متكيه على الجدار وتشرب عصير وباليد الثانيه تطقطق في الجوال
ريم جت عندها بعد ماعصرت لها برتقال : وش يتكلمون عنه
نور بتطنيش : مدري ، مانتبهت
ام مشاري : الحيينن هو مختارها وش فيه زار عقله ذا ؟؟
ام فيصل بتنهيده : البارح بالليل تشادد مع ابوه وقال له مانيب حاضر وتعرفين ابوه بعد انتي
ام مشاري : لاحول ولاقوة الا بالله وش فيه ؟ شايفن له شوفه ثانيه
ام فيصل بضيق : مدري عنه والله ياختي ماسألت بس ماهون عن ذي الا كارهها
،
ريم عقدت حواجبها وبنبرة سؤال : تركي مايبي خطيبته ؟
نور ناظرتها بنص عين : يبيها ولامايبيها ابوه مراح يمشي كلآمه وملكته بعد بكرا ، موضوع خالصين منه
ريم تنزل الكاس من فمها : شحقه مسويه نفسك مطنشه ؟
نور سكرت جوالها ولفت لها : احرق اعصابي يعني !! ولا اروح اجلس عند رجول امي واصيح واقولها احبه ويحبني ؟؟
ريم بهدوء تناظرها : اذا ملك على البنت واعرس ! مراح يكون كلامك كذا بتنوحين ليل ونهار ،
بعصصبييه ماتحملت رمت الكاس على الجدار وتناثر القزاز والعصير على الارض ، تراجعت ريم بخوف مكشره
ام مشاري بعصبيه نزلت السماعه : ووججعع انتي معها ! وش فييكم تتهاوشون ؟ روحوو مناك خلوني اكلم وجع عندي بزران مو كبار
نور بتوتر مسكت الجوال ورجعت تطقطق فيه وتعض بأظافرها ورفعت راسها لريم الي تناظرها مطنقره : لو جبتي سيرته بيوم من الايام بشوه معالم وجهك
ريم تتمتم : طلعت الاثيوبيه الي داخلك
نور صرخت : سسممممععتتتتككك
ريم فزت بروعه : وعععمممىىىى لااتصااررخيين وجع صكيتـ...... ماحست الا بنعله جايتها وضربتها بيدها ...: ااااححححح
ام مشاري تخزهم : ياتندسون بالمطبخ او برا بسررععه
ريم مكشره : يمممهه قولي روحو ، مو بالنعال
انحنت ام مشاري بتفصخ الثانيه الا صرخت ريم : بننننررووووحح
نور مشت بتطلع وقفت ولفت لريم : ان لحقتيني دفنتك ،
ريم بضحك : اونسك !
نور رفعت حاجبها : شكررا مابي ، وطلعت من الصاله وجلست برا ، اما ريم راحت تصعد الدرج وبتدخل غرفتها ، لفت لغرفة نوف ، سحبت نفس وراحت لهآ وتتحلطم : خوات منفسين !! ، وقفت عند الباب وضربته بخفيف
............
عنـد نوف الي كآنت جالسه على الكرسي بجنب النافذه وماسكه جوالهآ ، هذا حالها من امس على امل يتصل او على الاقل يرسل ، مرجعه راسها على الكرسي ومميلته وتناظر قدامها بجمود وماسمعت صوت الباب وماردت
...............
ميلت ريم مقبض الباب لقته مقفول ، تأففت بملل ورجعت غرفتهآ
_______________________
عنـد مشاري ولينآ
ووين ماكانو يتمشون في المـول ويشترون حق لينا ملابس بدل الي استبدلتهم ام مشآري
.
.
نرجع بالزمن ليوم امس
طلعت من الحمام بعد مالبست والمنشفه على راسها لقته نآيم ، استغلت الفرصه وبسرعه راحت تدور كيس زباله ولما لقت رجعت الغرفه وصارت تحط الملابس في الكيس ، وبصوت خرخشه وازعاج فتح عيونه بشويش عقد حواجبه مستغرب مافهم وش تسوي ،
رفع راسه شوي وماامداه يستوعب الا قامت ربطت الكيس وفتحت باب الجناح وحطتها جنب الباب وسكرته بسرعه
وبعد مارجعت انتبهت له جلس وقفت بسرعه مصدومه : ج جلست ؟
مشاري بشك وهو مضيق عيونه : فتحتي باب الجناح تو ؟
راحت بتوتر تبلع ريقها وجلست على الكرسي : ايه
قام وجلس : ليه احد جآ ؟
لينا : لآ ... وسكتت فتره .... ك كنت بشوف الوضع لان قبل شوي سمعت ازعاج
رفع حاجبه : لييناا ! بالله كانو رجال وانتي طالعه كذا بدون حجاب !!
لينا حطت يدها على المنشفه الي فوق راسها : هذي فوق راسي تكفي
مشاري بحده : ماتكفي ! بتطلعين مره ثانيه تحجبي ، تسسمعين ؟؟
لينا بهدوء : ان شاءالله
.
.
نرجع للوآقع
مشاري وهو يتسوق : احد يسافر وماياخخذ معه شي يكفيه ؟ شنطتك ذي اجل ليه جايبتها معك
لينا بدون ماتناظره : جبتها عشان الملابس اليي باخذها من هنا احطهم فيها بعدين
مشآري زفر وكملو يتسوقون
_______________________
عنـد سعـود
واقف قبال التسريحه ويضبط شعره ، خلص واخذ العطر تعططر واخذ جواله وراح بيطلع ، لفت انتباهه كرت مدخلينه من تحت الباب عقد حواجبه مستغرب وراح له اخذه وفتحه ويقرا " حمدالله على السلآمه سعود ، نورت البلد "
رفع راسه عاقد حواجبه مستغرب : من ذاا ؟ لسا ماتعرفت على احد ! " حط الورقه على الطآوله وطلع يتجول
_______________________
بعـد يوميـن وبنهآر يوم ملكة تركـي
الكـل مستعد بيتوجهون للشآليـه وبيسوون الحفله هنآك
في بيـت بو فيصل
بو فيصل بصراخ : ياممررررهه وش ناويين عليه عيالك هااهه وش ناويين يسسوون بي واحد بيطلق مرته والثاني بيفشلنا وموب جاي الليله
ام فيصل خايفه عليه : الله يهديك بس اهدا لاتسوي بنفسك كذا مايسوى عليك
بو فيصل فك ازرار ياقة ثوبه : بيجلطوني عيالك بيجلطوني
ندى نطت عنده : بعيد الشر عنك يبه اذكر ربك
جلس على الكرسي وحاوطوه مرته وبنآته وهو يذكر ربه ويحاول يهدي من نفسه
......................
بـرا في الحديقه ،
عاض شفته السفليه وماله خلق ابد : انا اخترتها بنفسي وانا هونت مسوي ذي القروشه ليه !
فيصل بسخريه : ماعرفت ابوك للحين ! اهم شي كلمته عند الرجال غير كذا مآهمه
قـطـع عليهـم كلامهم ابوهم لما فتح الباب ورايح لهم ويمسك تركي من ياقته ويقومه وبعصبيه : حااط عييينك على مننن ؟ تتكللمم
برهبه ناظر امه وخواتـه الي واقفين عند الباب ومآعرف ينطق
بو فيصل صصرخ : ااااننننطططققق
سحـب نفس بتوتر وهو يناظر فيصل : نــور بنـت بـو مشآري
ام فيصل شهقت : ووووششوو !
شوق وندى وفيصل صارو يناظرون مستغربين ومصدومين بنفس الوقت
اما ابوه شد بقبضته على ياقته وبنفس عصبيته : وبنات الناس عندك لعـبه ؟
تركي على صوته : ماقلللت لعبه ! بس البنت ماتصلح يبه ماتتصصللح ليي مابي اوهق نفسي معها
بو فيصل ظل يخزه مده : بتملك على البنت الي خترتها اليوم كلمتي مانيب مغيرها ! ووتترك عنك بنت بو مشـآري وغيرها ، .. وتركه ورجع يمشي لداخل ووقف عند ام فيصل الي حاطه يدها على قلبها وتناظره بخوف : انا وش قايل ؟ عييالك بيجلطوني ، ودخل لداخل البيت
ام فيصل ركضت عند ولدها وضربته بكتفه : حسبي الله على بليسك يوم انك تبي بنت خالتك وشهو له تقول اخطبي ذا البنت
سحب جواله من على الطاوله ومشى وهو يتحلطم : والله لو اهرج للصبح بكرا محد فهمني
______________________
بيـت هيا
تروشت وطلعت تستشور شعرهآ وسمر ومنيره عندهآ
طفت الاستشوار ولفت لسمر : اسسمعي سمر ، حطي لي ناعم لاتسوين لي اوفر !
سمر ببرود : اي ان شاءالله بس انتي خلصي من شعرك
هيا قامت : خلصصت ،
وراحت جلست عندها وبدت تحط لها ميك اب وهي تتوعد بداخلهآ
_______________________
عنـد مشآري ولينـآ
لينآ بحـده : لو اتقطططع مادخلت
مشاري بسخريه : هاا ! ماتعرفين ؟
لينا : اي اي ماعرف واخاف اطيح وش فيها يعني " وبنص عين " على اساس انت الي تعرف
ضحك بقوه : ههههههههههههههههههههههههه هههه لو ماعرف بفشل نفسي معك ! لا حبيبتي اعرف ونص
لينا تكتفت : خلاص اجل ادخل وخلني انا اتفرج
مشآري سحبها بعناد : لا يابوي بتدخلين وتتزلجين معي
مشت معه وهي تتحلطم : مععرررف والله شفيك انهبلت
وقف وهو شاد على يدها وبيدخلون يلبسون القفازات وذا الاشياء الي للحمايه ،
لينا ترص على اسنانها : والله لو طحت قدام الملأ لارجع السعوديه الليله
ابتسم على جنب : بنشوف !
______________________
عنـد سعـود
طلع من المعهد الخـاص بالتدريب وكان معه واحد من المدربين تعرف عليـه اسمه محمـد
طلعو مع بعض وراحو يتمشون في المدينه وبعدهآ راحو واحد من المطاعم يتغدون ، وماحسو ابد باللي يلاحقهم خطوه بخطوه من غير مايضيعهم
،
في المطعـم ، فتح جواله واتصل على داليا الي ردت بصوت هآدي : مرحبتين
ابتسم وهو يلعب بالملعقه على الصحن الفاضي قدامه : مرحبتين وثلاث والله ، شخبارك ؟
داليا سحبت نفس وابتسمت : اخباري مثل اول ماكلمتني الصبح مابه شي جديد
ضحك بخفه ؛ فهمت فهمت قصدك ، طيب جهزتو للملكه ولا لسآ
داليا : لسا هذا حنا نجهز وبنروح الشاليه بس مدري متى
وظلو يسولفون وابد مابينت له عن الي صاير لتركي خوفا من انها تكدر خاطره وتزعجه الين ماوصل غداه وسكر من عندها وبدا يتغدآ
_______________________
عنـد مشآري ولينآ
وقف متسند على الجدار بعد ماخلاها ثابته مقابلته وفيه مسافه تفصل بينهم وطلب منها تمشي له
لينا بخوف ورجولها تنفض : حرام عليك والله مقدر اتحرك احس اني بطيح وبتتكسر سنوني
مشآري ماقدر يمسك نفسه : ههههههههههههههههههههههه اثاريك جبانه
لينا وبنبرة خوف : وحيل بعد ! تعال اخذني يلا مقدر امشي والله مقدر
مشآري رفع حواجبه وهز راسه بالنفي ومد يدينه لها : امشي لك خطوتين وانا بمسكك وبمشي معك
غمضت عيونها بخوف واهي تضغط على بطنها وتسمي بسم الله وتبلع ريقها وتحرك رجلها بشويش الا وحست نفسها بتطيح صرخت بققوووه : يييييمممماااااهه ، ظل يناظرها وواقف وعارف مراح تطيح اصلا ماخطت الا خطوه !
فتحت عيونها بشويش وتهمس : ماطحت ؟
مشاري بضحك : لا بس صآرختي للحين ماطحتي
لينا بترجي : تعال ،
مشآري تنهد : طحنتي كبدي ! امشي يلا لا وربي امشي واخليك كذا واقفه معلقه بالنص وخليهم يجون يراكضون عندك وعساك تهبدين صدق وتتكسر سنونك
بحقد رصت على اسنانها : وصخ ، ومشت شوي وهي ماده يدينها وتحاول تمسك يدينه الي مادهم لهآ وصار يمشي لوراه و يبعد عنهآ شوي
صرخت مطيره عيونهآ : مممششاااااررررييي
مشآري بضحكه وروآق : عيونـه قلبـه وروحـه آمري !
وقفت تنآظره بطرف عينها : وقتك ؟؟ " وبصراخ " لااتتممششييييي
مشآري مآرد عليهآ وضل يأشر لها تلحقه وتسند على الجدار ينتظرها تجيه
واهي صآرت تحرك رجولهآ ببطيئ وتمشي بالدقيقه خطوه وبوسط اندمآجها يسمعون صصررااخخ قوي زلزل سـآحة التزلج بكبررهآآآ ، شهقت بروعه ولفت لمصدر الصوت بحركه سريعه فقدت توازنهآ وصآرت تحرك رجولها بعشوائيه ، وهي تصصارخ برعب وتبكي خوف من انها تططيح ومشآري فاقع ضحك عليها ويمد يده سحبهآ بقوه له تمسكت فيه وضمته بقوه وهي لافه يدينها حول ظهره وتشهق ضرب راسها بخفيف : خلاص يالبزر ! ماطحتي هذا انتي ناشبه فيني
ضلت ماسكته وبعدت وجهها عن صدره وصآرت تضربه بقوه على كتفه وصدره : ككنتتت بططييح وانتت تضحك علي
كشر بألم ومسك يدينها بقوه : آه وجع كسرتي ضلوعي ! وش اسوي مقدر امسك نفسي طلعت جايب معي بزر والله
لينا بقهر : مااننييي بززرر يالششااايب
قرب وجهه منهآ وهو يضحك قرص خدها : احلى بزر بععد ،
ضربت يده بقوه وحمرت خدودها : احلى بزر بعينك ، اقول بس مشينا مالي قعده هنا انا
سحب نفس وسحبها لجنبه وحاوط خصرهآ ومشى بهدوء وهي خآيفه تطيح ومغمضه عيونهآ : شوي شوي لااطيح وش له ماسكني ككذذا ففكك شوي
مشاري مبتسم وبهدوء : شآيب ، خوفك امشي بلحالي واطيح !
لينا بنص عين : عسى
_______________________
في السعـوديـه بعـد صلاة المغرب ،'
في الشاليه ،
هيآ كانت لابسه ومستعده وجالسه بغرفتها تنتظر
امهآ واختها رايحين جايين ويستقبلون الضيوف بكامل فرحتهـم
ام فيصل وام سعود وام مشآري كآنو يشرفون على كامل التجهيزآت
نـوف ماحضـرت ،
عن شوق وندى ولين جالسين بالقاعه ويسولفون
امـآ فـي وحـده من الغـرف عند داليا ونور وريم
ريم بهدوء : اسمعي قومي ارجعي البيت مع السايق لاتسوين بنفسك كذا
نور بعنآد وهي صاده : وش دخلكم انتو ! كيفي ابغى احضر الملكه
داليا : قلبك يحترق ، لاتهلكين نفسك !
نور ببرود : مآلكم شغل فيني وقومو طلعو جلستكم هنا مآلها داعي
ريم : نووووورر !!
نور صرخت : ماني طالعه ولاني متحركه وش بيغير في الموضوع بقيت ولامشيت مت حييت خلاص هو بيملك على البنت اي خللوووني اششوف فرحتته
داليا طيرت عيونها بصدمه : وش فرحته ! نور ترى حال تركي ماهو احسن منك ابد هاا ؟
ابتسمت نور بسخريه وهي صاده بوجهها
تنرفزت داليا : هههيي انتي اكلمك انا ، تررككي لليوم وهو يحاول مع ابوي وللحييينن كانك ماتدرين تراه بالبيييت مو ناوي يحضر وابوي الي راح يجيييببه ، قالت فرحته قالت !
______________________
بعـد صـلآة العشآ
وعنـد بوآبـة الشاليه
ووين مآهي واقفه صار لها حول النص سآعه تنتظرهم يوصلون
وكل شوي تتلافت لدآخل بخوف ان احد ينتبه لهآ
_______________________
بسيـآرة بو فيصل الي كآن يمشي بسرعه جنونيه
وتركي يناظر بجهته وسآكت يسمع لحلطمة ابوه وصراخه بعد مااجبره يجي معه وحلفه ان ماجا ونزل راسه بين الرجاجيل بيتبرى منه ليوم الدين
واول مآوصـلو لعند بآب الاستراحه
بو فيصل بتهديد : ولو تسوي لي فلم هنـدي وماتنطق وماترد جواب للملاك يآويلك
تركي طفش : خلااصص ماني بزر طول الطريق تهدد وصـ....... قطع كلآمهم الي فتحت الباب الخلفي وركبت بسرعه
لفو ثنيينهم مفجوعين
تركي : هههيي من انتتي !
نزلت الغطا عن وجهها بابتسامة خبث
ششهقق بقوه وفز : سسممرر !!
_______________________
بداخـل المنتجع
ام فيصل رايحه جايه بتوتر : تأخروو تأخروو الله العالم وش صار بينهم
ام مشآري : خلااص تطمني ان شاءالله ماصاير الا الخير
ام فيصل تضرب فخذها : كل يوم هواش وصراخ بهالبيت على ذي السالفه الله يستر بس الله يستر
.
________________________
في غـرفة هيـآ
نادت اختها منيره الي جات بسرعه : هااهه
هيا بطفش : وين سمرر ؟ قالت بتروح تضبط نفسها صار لها ساعه وماجات
منيره عقدت حواجبها : مدري عنها فكرتها عندك لانها مو تحت
هيآ زفرت : ااافففف مدري وين ذلفت تكفين روحي دوريها خليها تجيني بسرعه
منيره : طيب ، وطلعت وسكرت الباب
_________________________
في سيـآرة بو فيصل
بو فيصل : ومن ذي ؟ من انتي ؟
سمر بخبث : صحيح انك تكرهني ولو وحده مكاني سكتت عاللي بيصير بس تبي الصراحه ماهنت علي
تركي بحده : وش تبييينن وش تخربطيين به انتتي انزلي من السياره بسسرعه اصصلا وش جابك
سمر غمزت : ملكة صديقتي الروح بالروح مااحضرها ! عيب علي صح ولا ؟
تركي قمط ويناظر ابوه : صديقتك ؟
سمر فزت : اسمعني ماني جايه اسولف ولااضيع وقت جيت اصحيك وانبهك عالمصيبه الي راح ترتكبها بعد شوي
بو فيصل صرخ : وووششش تههرررججيين به انتتتي اخخللصصيي علينااا
سمر ببرود وبابتسامه طلعت فلاش من شنطتها ومدته لتركي الي اخذه منها وهو مستغرب : مدة الي بتسمعه حول النص ساعه على م الملاك يجي يمديك انت تحدد تملك او لا !!! " وتغمز " صراحه شي يشوق وقد ماسمعته الا اني بسمعه الحين معكم
_______________________
بيـت فيصـل
نزلت من السيآره ومشت للبيت ودخلت وهي تلف بعيونها كل انحاء الصآله الي امتلت بريحة الزقاير
نزلت الغطا على كتوفهآ وهي تمشي للمطبخ ودخلت وقفت عند الباب وهي تشوف صحن فيه بقايا اكل وعلى الطآوله كاس العصير الي باقي منه شوي ، تنهدت ولفت راحت تصعد الدرج وتروح لغرفتهـم الي من فتحتها استنشقت ريحة عطره الرجـآليه الفخمه الي تآرسه الغرفه
ابتسمت بوسط الدموع المتجمعه بعينها وراحت للتسريحه وخذت العطر وفتحته وترش على معصم يدهآ وتششمه بعمق وهي مغمضه عيونهآ ونبضات قلبهآ تسرع اكثر ، لفت على السرير المحيوس والملابس المرميه بإهمال عليه راحت بهدوء وجلست على السرير وهي تصآرع دموعهآ الي تنزل بهدوء غصب عنهآ وسحبت ملابسه كلهم بجهتهآ وضمتهم لها انسدحت على ظهرها وهي مغمضه وضامتهم ، ولآ شعوري منها انفجرت بالبكي ياانها اشتاقت له واشتاقت لكل شي هنآ ، تكورت على نفسها وتدفن وجهها بالملابس وتغمر نفسها بريحته ،
ويمـر عليهآ الوقت من غير مآتحس الا ويرن منبه جوالها الي ضبطته عشان ماتنسى نفسهآ
قامت بسرعه بتطلع الا وقفت فجأه وبتردد راحت اخذت تيشيرته عطرته بقوه بعطره المفضل وطلعت سكرت الباب بسرعه ونزلت ركض وتركب السياره ترجع بيتهم ،
________________________
في سيـآرة بو فيصـل
وبصـدمه وفجعه نزلت على روسـهم وهم يسمعون مكالمات سمر وهيآ الي تدل ان تركي مجرد لعبه وهيا وسيله عشان يجرونه في مصيدتهم وان كل شي تخطيط من جـراح وهيآ عشان الفلوس سوت كذا
واخـر شي ، ( سمر وجـرآح )
جراح : ابغى اعرف بالضبط متى بيملك على صديقتك تسمعين ولا
سمر : تامر امر انتظرني كم يوم واجيب لك هالخبر
جراح بضحكه : وخبري خويتك لها هديه مني ماحلمت فيهآ
سمر : وانااا
جراح : انتي لك الخييرر كلله لو تبين
.
.
بو فيصل فك ازرار ثوبه ويحس بضغطه انخفض ويتنفس ببطئ
سمر بخبث : الفلاش حلالك ياحلوو ، ونزلت بسرعه وتركب التكسي وترجع لبيتهآ
تركي فز بسرعه ويمسك ابوه بخوف : يييببببهه يببببهه تتكللم ييبببببهه
بو فيصل بصعوبه : مـ..ـويـ..ـهه
نزل بسسرعه حاط يده فوق غترته ويركض لداخل الشاليه وييصصصااررخ : ففيييصصصل
طلعو الششباب كلهم مفزوعين من صوته : ووش فيييكك
تركي بعجله : ججيببووو مووويه وبسرعه تعالو لببررراا ابووويي ااببووويي، وطلع بسرعه رجع لابـوهه الي رجع راسه لورا ومغمض عيونه
وبدقآيق الكل تجمعو عنـده وعطوه يشرب مويه وبدا يستعيد قوته شوي شوي
بو سعود : ووش فييكم وش صاير ؟
بو فيصل يزفر : حسبي الله ونعم الوكيل حسبي الله ونععم الوكيل
بو مشآري : ياجماعه الرجال منتظرين والملاك بعد ينتظر
تركي بإندفاع : الملكه ذي مرااح تصصيير كل شي مللغغيي
نواف شهق : ووشش !
بو فيصل فتح الباب ونزل : يابو سعود وبو مشآري تعالو بسرعه
راحو له وهم مستغربين وتكلم لهم عنن ككل الي سمعه وان هيآ ذي تعتبر وسيله بتسحب العيله ليد ذيك العصابه
بو سعود : الله ستر وخلا البنت تلحق وتخبركم بكل شي
بو مشآري : وش بتسوي مع الجمآعه الي داخل ينتظرون ؟؟
________________________
في مجـلس الرجال
وبدا الملل والضجر يبان على ملامحهم ومن منهم توتر
ابـو هيا واخوها الي سود وجههم من هالموقف الي هم فيه قدام المعازيم
الملآك الي عطاهم مهله ربع ساعه لو ماحضر العريس بيمشي
.
.
دخـلو بو سعود وبو فيصل وبو مشآري ووراهم الشبآب
بو فيصل بجمود : نعتذر على التعطيل بس باين ان مابه نصيب بين العيلتين
وقف ابو هيا واخوها والكككلل مصدومين
ابو هيا بعصبيه : وووش مافي نصيب نلععببب حننناا ؟
بو فيصل : لاتععصب ولاتصارخ خلني ساكت ععلى مادريت احسن لنا ولكـم
اخو هيآ : تووكم تستوعبون ان انتو بطبقه وحنا بطبقه ومابيننا نصيب
بو سعود صد ولده نواف الي كان بيرد : يابن الحلال خذ اهلك من هنا وتوكلوو حنا ناس نبي الستر لبنتكم ومالنا بالمشـآكل
________________________
عنـد الحـريم
وام فيصل الي حست برجولها معد تشيلها وجلست وهي تقرا الايات وخايفه على بو فيصل وتركي لايصير بينهم شي الي للحين ماوصـلو
ووبين ماهم ينتظرون
مـآوعـو الا على صراخ عند الرجـال وباين هووشه
فزعوو الحريم بخوف وتجمعو عند البوآبه ويشوفون تركي واخو هيآ يتهآوشـون والجماعه يحاولون يفاككون بينهم
وبو هيآ يتوجه لعند الحريم ويصصرخ : ياام هههياااااا لمي عفشك وبناتك ومشينا مالنا جلسه هنا بععد
ام هيآ قمطت وتناظر الحريم بخوف وتلف للباب : لييه وش صار ؟
صصرخخ بقوه وضررب الباب : ااسسسررررععييي
بخوف راحت تركض لغرفة هيا وفتحت الباب بقوه : بسرعه قومو مشينااا
هيا شهقت : ووشش ؟؟
ام هيا سحبتها من يدها تقومها وتحط العباه بيدها : اخللصيي مدري شصاير عند الرجال هووشه ومطاقق
_________________________
عنـد الرجال
طاح على ظهره وهو يمسح طرف شفته من الدم الي فيهآ
وتركي يمسكونه نواف وفيصل ويبعدونه : خخخللااااصصص
تركي بصراخ : تححممد رببك بستر عليكم ومااوديكم ورا الشمس بعد الي صاارر
اخو هيا " ناصر "وقف وهو يتمصخر : محتمي باللي ماسكينك !! جبباانن
بو سعود بصراخ : بببسسسس انت مععهه ، انتوو ادخلو لدااخخل يلا وانت اخذذ اههللك وبدررب السلامه
ناصر تقدم ودف بو سعود بكتفه : الله لايسسلمكك
انتبه نوواف ورجع يرككض وهو يصارخ : ككسسسر بايدديييننكك ... ويعطيه بوكس عللى خده ويمسكه بياقة بلوزته ويرفس ببطنه بأقوى ماعنده : كلبببب سفلللهه
دفه ناصر بقووه لوراه وصقع بوحده من السيآرات وهرب يركض لبررا
نواف تعدل بوقفته : هالبزر الحيوان القذر
وطلعـو ام هيا وهيآ ومنيره ، وباين صوت شهقات هيآ الي تبكي بصوت عالي وبوضوح
ومنيره ضامتها لها وتمشي : خخلاص اهدي ماصار الا الخيرر
رفع رآسه لما سمع صوت بكي وانتبه لهم يمشون لجهة الباب رجل نزل راسه ويشد شعر راسه وفز قام يسرع لحقهم : ههههيييييااااااااا
لفت بسرعه ووجهها مليان دموع وبحقد وقهر : خخخيييررر
ناصر طير عيونه : لك وجه تنادي اختتتي قدامنا بعد !
تركي طنشه ورفع راسه لهيا : تشكري خويتك سمر على الي سوته اليوم لولاهآ كان الحين انا مملك على انسانه مثلك ، وتركهم ودخل ، نزلت راسها وشهقت بقوه وحرقه وركبت السياره ومشو ،
بعـد مآمرت نص سآعه والكل يحآول يهدي اعصابه ويضبط الوضع
وقف الملاك بيمشي الا ستوقفه بو فيصل : لاحد يمشي ياجمآعه الليله ماخلصت لحد هنآ
الكل لف له مستغربين من كلآمه
بو فيصل لف لبو مشآري الي كان يشرب قهوه : يابو مشآري طالبك طلب بين هالرجآجيل ،
تتركي طير عيونه وقلبه خخفق لما عرف مقصصد ابوهه ، وطاحت عينه بعين فيصل الي اتسعت ابتسامه وتكتف بحماس وهو عاض شفته ويضحك
بو مشآري : عطيتك يابو فيصـل
بو فيصل يلف لتركي : انا الليله ابي اخطب بنتك نـور لولـدي تـركي
_______________________
عنـد الحريـم
واقفه تشرب العصير البارد الي يسرسح على القلب الا وجات ريم تركض وتضرب كتفها : نوويررر الحقي
نور مبتسمه : وش الحق عليه بععدد ! اكثر من الي صار
داليا جات تركض وتصارخ : نننننووووووررررر
نور خافت : ومغص ! شفيكم مطافيق
الا وشوق وندى جايين يصفقون للمطبخ وشوق تصارخ : نننووووررررر ننننووووررر
صصرخت : شففييييييككككمم !
جات ام مشاري بسرعه والفرحه بعيوونها وتسحب نور من يدها : تعااليييي بسسرعه
نوور هنا صدق خافت : يييممهه ششصاير !!
شوق بصصوت عالي : تركيي خطبببككك
ششهقت بقوه ووقفت مصدومه : ووووشششوووو
الآ ابوها بوجهها واقف : نور جيت اخذ شورك ،
نور وتحس بمغص لوا بطنها : ب وش يبه ؟
بو مشآري بعجله : بو فيصل خطبك لتركي ولد خالتك ويبي جوابه الحين وقدام الرجال ، وانا جيت اخذ رايك
نور تنحت : هااا !!!!
بو مشآري : بو فيصل خطبك لتركي ولده ، وابي اشورك الحين
نور كشرت ولفت لامها وهي ترص بطنها بيدهآ : يمه بطنييي اخ بططني ،
البنات فقعو ضضحك عليها : ههههههههههههههههههههههههه هه
بو مشاري : يابنتي الرجال ينتظرون والملاك يبي يمشي
نور بخوف : مدري يببببهه " ولفت لامها " ييمممههه شقول ماعرف
ام مشآري سحبتها من اذنها : موافقه ولاا لا
نور كشرت وهي تحاول تفك يد امها : اااحح ييييمممه اي خلاص موافقه موافقهه
بو مشاري ابتسم ورجع بسرعه للمجلس
بو فيصل : ها يابو مشآري
بو مشآري مبتسم ويجلس : لك ماطلبت يابو فيصل ،
بو فيصل بفرح لف للملاك : اععقد ياااشيخ ،
الملاك : على بركة الله ، وقآم تركي جنبه وبدا يعقد
______________________
عنـد الحريم
نور للحين ترمش مصدومه : اعنببووكم اهجدو خلوني استوعب شششوووي ،
شوق بصراخ : ياحححييوووانه كيف بتدخلين الزفه بفستاانك ذاا !!!
نور شهقت : يييوووهه صصصحح لاتكفون اجلوها تكفون والله ماني جاهزه ابد
داليا بعد تفكير وهي تناظر فستانهآ البنفسجي الطويل وقفت : اقول نور وش رايك بفستآني ؟
نور لفت مستغربه : داليوووهه ذا وقتك بالله ؟ صدق متفيقه
داليا زفرت : قوولييي حلووو حيل ولا ؟
نور تأففت : حلو حلو ويهبل بعد بس اخلصو علي وش اسوي الحيييينن
داليا سحبتها من يدها : الحل عندي ولايحتتاج تأجيل ولآشي
_________________________
عنـد الرجـآل
بعـد مـآوقـع تركي قام بو مشاري واخذ الدفتر وراح وقف عند باب الحريم وضرب الباب وهو ينآدي : يـاام مشآري
جت له ام مشآري تركض : سم ،
بو مشآري : سم الله عدوك وين بنتك خليها تجي عشان توقـع ،
ام مشاري : اي ان شاءالله ثواني بس
.
_______________________
بغـرفة البنـآت
واقفه مقابله المرايه وتناظر جوانب الفستان بتوتر : تحسون لآيق علي
ندى : لايق لايق يابعععدد اهلي
لين صرخت : ههيي لحظظه الرووج وش دخله !!
ريم نطت : ايييه صح صح وسحبت روج موف فآتح ومدته لنور : ححطي ذاا بسرعه
الاا انفتح الباب ودخلت ام مشاري : نورر. بسرعه يلا تعالي ابوك يبيك توقعين تحتت بسسرعه ،
نور شهقت : يييمممه صبري بغير لون الروج
ام مشاري سحبتها من يدهآ : خلي الروج بعدين وتعالي
مشت معها نور وهي تركض ،
داليآ : ياربي فقدت نووف ليتها معنا وتحضر ملكة اختها
ريم بتردد : اتصل عليها تهقين تجي !!
لين بإندفاع : ااايي ايي تكفين حتى لوتلحق على الاخير بس تجي !
ريم خذت جوالها واتصلـت على نـوف الي كانت طالعه من الحمام بعد ماتروشت وجالسه تجفف شعرهآ بالاستشوار ، اخذت جوالها وشافتها ريم وردت : هلا ريم
ريم بعجله : ننوووووفف الححقيي
نوف فزت : وش فييك وش صايرر !
ريم : تررككي ملك على نوررر اختتك ،
نوف شهققت : وش وش وششش تقووليييننن !!
ريم ضحكت : ههههههههههههههههههه صار اكششنن فاتتك ويلا الحيين اجهزي ع السريع وتعالي مع السايق بسرععه
نوف انخرشت : رييمووو تستهبليين انتي
ريم : ماستهبل والله نوير برا عند ابوي تووقع وشوي بيزفونهاا
نوف قامت بسرعه : يلا يلا بجهز وبجيي ، وسكررت بسرعه وطلعت الاستشوار وشغلته وبدت تجهز بسررعه وبعجله ،
______________________
عنـد الرجـآل ،
بعد مارجع بو مشآري ومعه الدفتر ووقعت نور عليه بارك الملاك لتركي وقآم تركي باس راس ابوه والفرحه تششع بعيونه ، والكل صار يبارك ويهني ،
______________________
بعـد مآمرت سآعه
عنـد الحـريم ،
دخلت نور للقآعه وبزفه هاديه وبوسـط تساؤلات المعازيم كيف قالو العروس من العايله الفلانيه والي يشوفونها انها بنت ام مشآري
وقفت قدآم الكرسي وعيونهآ على الارض قلبها يضضرب بقووه للحين مو مستوعبه كيف بغمضة عين تغير كل ششيي وصارت حلاله! جات تبي تشوفه وهو ملك لغيرها وبلحظه صارت هي بهالمكآن ،
ندى جت وجلست عندهآ : حي الله مرت اخووي
نور بضحكه ناظرتها بطرف عينها : انكتمي ،
ندى : هههههههههههههههه اففااااا الحين انا حمآتك مفروض تحترميني ،
داليا جت عندهم وهي تبتسم وتغمز لهم وقربت اذن من نور وهمست : لك هنيالووو الحلوو هنياللووو
نور ابتسمت لها وبدور دآليا فهمت قد الفرحه الي بعيونهآ : ياخخي ابي اشوف وجهيكم ثنينكم وقت مايشوفك ، "وتلف لامهاا " يممممااااا تركي متى بيدخخل
نور ضربتها بكووع : جععللك السسكني اصبري شووي
داليا برواق : ياخخي اموت بلقى العششاق انا ، وضربتها بخفه بفخذها وقآمت عنهآ
_______________________
عنـد بوابة المنتجع ،
واقفين كلهم مع بعض " فيصل وتركي ونواف وسلطان " فيصل رافع جواله ويكلم سعود تآنقو ويصورهم
ونواف مشغل جواله ويكلم مشآري ،
مشاري : يالطعسس تملك على اختي وانا موب عندهاا
تركي : اصلا حلاتها اخوها مهو بهننا لان الصراحه يكون نششبه
مشاري بمزح صرخ : يالييينناا افتحي جوالك واحجزي اقرب رحله للسعـوديييه بسسرعه ،
تركي : يابووي راحت عليك خخللاااااص جيت ولاماجيت
مشاري ضحك : ههههههههههههههه الله يقلع ذا الخشه ياشيخ ،
.............................
سعود مطنقر : وجع والله وثم ووجع كل هالسوالف تصير بغيابييي ! لييه عاد
فيصل بضحك : والله طلع تركي فيه حسس منك ولاناسي وش انت مسوي بملكتك
سعود : مع الاسف ماصار طق ومطاقق ولااكشن كذا عند الرجال
نواف بصوت عالي : اايي اكششن ياعمي شوي وتصير مذبحه هنا لولا رحمة الله عدت على خير
.
فجأه الا وبأنوار سياره داخله لفو كلهم والا هي بسيارة سايق بيت بو مشآري
نزل فيصل جواله بهدوء وهو مركز بنظره على السياره
توترت من وجودهم عند البوابه : محمد امشي قدام اكثر
سمع السايق لهآ وقدم السياره اكثر ، فتحت الباب ونزلت من غير ماتلف لهم ومشت لداخل بسرعه
عرف انها نوف من هيأة عباتها سحب نفس بتوتر ورجع رفع جواله وكمل سوالف مع سعود ، متجاهل الي دخلت تو
_________________________
عنـد البنات ،
الي اول ماشافو نوف صررخو بحماس وقامو سلمو عليها بحراره ، وبعد ماتركتهم راحت لعند نور وضمتهااا بقووه : ييمممه منها مرت حمااايي مقدر عليها ياناس
نور ضحكت بخجل : شفتي كيف بس ! يعني مافي فكه منك
نوف ضربتها بخدها بخفيف : انطمي هذا بدل مآتفرحين انتي ووجهك ، ورجعت ضمتها بقوه : ييمممه ماني مصصدقه اوول ماقالت لي ريم فززييت بسرعه ابي بس الحقق
شوق جت وفكت نوف بقوه : اوووههاا بسس خنقتي مرت اخوي لسا تركي متذابح اليوم عشآنها وانتي بتخنقينها
نوف تخصرت مطيره عيونها : اناا وشش اججل !
شوق طلعت طرف لسانها : اوووهه انتي قديمه صرتي خلاص طاح كرتك يااختي
________________________
فـي ماليـزيا
بعد ماسكر مشاري منهم حط الجوال وهو مبتسم : ملكت نور اليوم
لينا بضحك : والله للحين ماستوعبت ووش ملكت كيف كذا فجأه
مشآري : اذا رجعنا نفهم السالفه كلها
لينا بحماس تتكلم بسرعه وبشوي عصبيه : هاهاها على جثتتي والله لاسهر اليوم واعرف كل السالفه منهم بس خلي يخلصون من حوستهم وانا لهم كذذا اجل السالفه هاا يصير اكشن وفله وحركات وملكه وانا مو عندهم ، على الاقل انت ذكروك واتصلو عليك عيشوك جوهم مو انا ناسيني ولاذكروني ياجلعهم للمغصص من يشمون ريحة عرس نسو كل الي حولهم والمشكله باختتي ليننوو ماقالت اكلم اختي واخبرها ، بسس هيين هييـ....... الا انكتمت انفآسها لما مسكها من ورا رقبتها يسحبها لعنده ، ويبوسهآ بشفتها يقطع كلامهآ وحمآسها
صنمت مكانهآ مصدوومه وترمش مو مستوعبـه ،
بعد عنها شوي وهو مبتسم بانتصار على تأثيره عليها الي شبه تخدرت ، وبهمس وهو مقرب جبينه بجبينها : مانتي راضيه تسكتين وتاخذين نفس حتى !
دفته بكتفه مرتفع ضغطها : قليل ادب ، وتركته بسرعه وطلعت من الغرفه وبقى هو واقف يضحك عليهآ
_________________________
الـسعـوديـه
وبوسـط زغاريط ام مشآري وام فيصل وام سعود ، وتصوير ريم ،
نور الي واقفه منزله راسها وتتنفس بسرعه وتوتر ،
كان يمشي تركي متوسط خواته الثلاث وبكآمل هيبته اناقته وطـوله وبرزته الي تشلع القلب
وقف مقآبل نور وبتوتر مد يده لذقنها رفع راسها وباسها بجبينهآ ، مسك يدهآ الي ترجف ورغم توتره وترته معها زود ، بقت هي منزله رآسها وهو بس يوزع ابتسامات وتتسع ابتسامته كل مالف عليها ولقاها تهز رجلها بتوتر
_________________________
السآعه 5 الفجر وقبل مآتشرق الشمس بشوي
في الشاليه محد مشى
الكـل نام ماعدا شوق الي ماقدرت تنام ومعسكره عند الغرفه الي فيها تركي ونور
: مااصصدق ماطفششتو من بعض ؟ مامليتو ؟
تركي يزفر بطفش : شووق !! ماتروحين تنامين ؟ صجييتي راسي
شوق رفست الباب : خل نوير تطلع ، " وبصراخ " ههههيييي نننوووييرررر ماسمع لك حس لييه شكله عاجبك الوضع
نزلت نور راسها وتضحك على شوق ، اما تركي قام بضحك وفتح الباب الي كانت متسنده عليها وترافس، ومن فتح الباب طاحت على الارض وصرخت : ااااااااههه وووججعع !
تركي فقع ضحك عليهآ :حماره انتي ؟ وش تسوين عند الباب
شوق مكشره وتمد يدها : قومني اول وبعدين اكلمك
مد يده لها وسحبها وهي تنفض نفسها : وشش اسوي بعد ؟ مالي الا انتم الكل نام وسحب علي
تركي بهدوء : روحي نامي واعتقينا يابنت الحلال ، عكرتي جوي من اول ليله
شوق تخصرت : ولي متى ناوي تجلس معها " وتمد يدها لنور " شوف شوف البنت قاعده تنعس اصلا بتنام وانت لاصق فيها تقول بتكس !
نور طيرت عيونها منففجعه " الله ياخذ عدويينننككك "
اما تركي ناظر نور ولف لشوق : واذا فيها النوم وش فيها يعني ؟ انومها بحضني عادي
شهقت نور وضربت جبينها بقوه اما شوق دقته بكتفه : استح على وجهك بسس هذا الي باقي ، مسك يدها بقوه وعكفها : حبيت اذكرك بس ترى زوجتي ها ! يلا انقلعي برا وان سمعت حسك عند الباب ياويلك ، ودفها بقوه وسكر الباب وقفله ، ضربت الباب بقوه مطنقره ومشت عنهم ،
نور بطرف عين : وش قلت قبل شوي ، وين بنام ؟؟
تركي ضحك وعرف انها عصبت : هههههههههههه بحضني بعد وين ؟ ولا مو عاجبك ست نور
خزته بقوه وصدت عنه
تركي يرفع ضغطها : اذا تبين تنامين عادي قولي لاتستحين
شهقت ولفت له بسرعه : تتررررككييي
ابتسم بطريقه اربكتها : ععييوووننهه
ارتبكت لدرجة تحس بقلبها تنسمع دقاته ماعرفت ترد ، وتناظره بطرف عينها وودها تقوم تعجنه
ضحك وقرب من عندها اكثر رفع يدها وبآسها : خلاص اسف اسف مراح اعيدها بس لاتخزين كذا تروعين !
________________________
عنـد البـركـه ،
متربعه بملل ولآبسه السماعات ومشغله مسلسل تركي تتابعه ومرفعه الصوت ماتسمع الي حولهآ ،
.....................
عن نوآف الي كان شبه نآيم يعني مغفي وبسبب ازعاجها قآم وهو يتوعد فيها
،
،
بعد مالحقها وعرف انها عند البركه راح طل عليهآ وهو يفكر كيف يروح لها ويروعها ، وبعد تفكير رجع بسرعه وهو يبتسم بخبث
_________________________
مآليـزيـآ ،
عند مشآري ولينا ..
بترجي واقفه قباله : عللييييكك الله قل ايي
مشاري مطير عيونه : خبله انتي ؟ وش تسوين تركبين سيكل وتهجولين به في الشوآرع
لينا ضربت الارض برجلها : امس خليتني اتزلج غصبا علي وش فيها اليوم لو ركبت سيكل اهااا عاااااد قل ااي وش فيها يعني
مشاري بطرف عين : لآ قلت لآ
بترجي شدت على يده : تتتكككفففىىىى
ابتسم على جنب راق له شكلها وبعناد يبيها تترجاه اكثر : مراح اغير رايي لاتحآولين ،
لينا بوزت : اترجاك صار لي ساعه ولاحرك فيك ساكن ؟
مشاري لف لها وسكت فتره يفكر : اوافق بس بشرط !
لينا بإندفاع : مواافقققهه موواافققه
مشاري طير عيونه : بس ماعرفتي وش ابي !
لينا بعجله مسكت يده : مو لازم اعرف خلاص راضيه باللي تقوله
مشاري سحبها وهو يناظرها مضيق عيونه : باللي ابييه !
لينا : مششااري خلاص اي قلت اي يلا عااد قوم نركب
ابتسم على جنب وراحو يركبون اهي واحد واهو واحد وصارو يمشون بجنب بعض ومشاري مستغرب انها تعرف : ماشاءالله تعرفين تسوقينه وكانك كل يوم بعد !!
لينا مبتسمه بفرح وهي تمشي : ااامممم تقدر تقول بالبيت عندي واحد بس من زمان ماركبته ... " ولفت بحماس " بس انا ماتعجبني السواقه العاقله
مشاري شهق : ههههيييي بنت !!! خلك عاقله لاوربي ياويلك
لينا بتحدي : الحقني اجل ، وصارت تسوق بسرعه وسبقت مشآري الي صار يلحقها بسرعه ويكتشف انها تسوقه بمهاره بدون ماتخاف ويرف لها جفن " وبصراخ " : وووجعع ووقفي لاااتطيححييينن
لينا تضحك بوناسه ومطنشته وتسوق بسرعه ، الا وبلحظتهآ طلعو من المحل الي قدامهم عيال صغار يراكضون قدآمها " ششهقت بققووه وفزت بخوف ، لفت بسسرعه انعككف الكففر طاح السيكل وطاحت معه بقووه على الارض
ششهق بخوف ووقف سيكله على جنب ونزل يركض : ليننااااااا
_______________________
السعـوديه
وبين ماهي متكيه بيدها على فخذها ومندمجه مع المسلسل ، ماحست الا بشي يسحب بلوزتها من ورا ، لفت بسرعه وتلقى قطوتين عاضين بلوزتها ويسحبونها ، رمت الجوال بقوه وصرخت : ييييممممااااااااااااا ، وصارت تضرب بعشوائيه على بلوزتها عشان يبعدون عنها وتقوم بسرعه بتنحاش الا وتذكر جوالها وترجع وهم حوله وقفت بعيد وتصارخ : وووخخرررووو ،
.
.
ونواف واقف بعيد ويراقب وميت ضحك مسكر فمه بيده عشان مايفضحه صوته
،
فصخت نعالها ورمت وحده بقريب منهم عشان يبعدون وبصراخ اقرب للبكي : ججووااااللييييي وخرووووو عععننننهه
القطوه بانزعاج : ممميييووووو مميييووو
شوق عضت طرف لسانها : ااانننن اانننن " وترمي نعلتها بقوه في البركه طشر الماي بقوه : ووخخخررررووووو
هنا ماقدر يمسك نفسه ويضحك بقوه طلع صوت شهقة ضحكته نزل يده وهو يضضحك : ههههههههههههههههههههههههه ههههههههههههه ههههههههههههههههههه
طيرت عيونها بصدمه وهي تسمع الصوت وعرفته لفت بسرعه ولقته واقف بعيد ويضحك مو منتبه لها ضيقت عيونها بوعيد ، : كذا يعني ؟؟؟ انا اعلمك ياتبن
________________________
مـآليـزيـآ ،
رفعها من ظهرها وهو قامط : يعورك شي ؟؟ تحسين بكتفك !
بضحك بعدت يده : ششففييك ! ماصار شي يابن الحلال طيحه عاديه
مشاري طير عيونه بصدمه : طايحه متشلخه بالارض وتقولين عآدي ؟
اتكت بيدها على الارض وحاولت تقوم وهي مكشره : اااخخ ساعدني بس سآعدني
لف يده حول خصرها وقومها وهو ينفض الغبار عن جاكيتها : انا الغلطان الي خليتك تركبين
لينا : وش فييكك ! متعوده على ذا الطيحات ياما طحت وتكسرت وعادي
مشآري يخزها : حنا بشهر عسل مو بوقت تكسرك وطيحاتك ، واخر مره تركبين ذا التبن
شهقت : لالالا خخللاااص توووبه ماعيدهآ
ناظرها بطرف عينه ومسك يدهآ : قومي للفندق بس غيري لبسك توصخ ،
.
.
وبعد مآرجعو الفندق وتروشت وغيرت ملآبسها ولبست برمودا رصاصي فآتح وبلوزه علاق اخضر زيتي، شافته جالس على الكنب وبصبعه يحك ذقنه بتفكير راحت وجلست على اطرف الكنب : ياهوو ، وين وصلت
انتبه لها وابتسم وهو يناظرها : وصلت للوعد الي وعدتيني اياه
لينا عقدت حواجبها باستغراب : اي وعد ؟
مشآري ضيق عيونه : ركبتي السيكل على اي اساس ؟
لينا تذكرت : اااييي صح ذكرت ، طيب انا عند وعدي قل وش تبي
مشاري رفع حاجب بشك : قد الي بقوله !!
لينا بحماس : ققدده وننص بس انت قل
ابتسم بخبث على جنب : !!!!!
_________________________
في السعـوديـه ،
فجأه وهو وآقف الا ويسمع صوت صرراخ : ااااااهه لااتعضيين ووخررري ،
شهق بقوه وراح يرككض : ششووووق ،، ووقف يتلافت مستغرب ماشافها ، صار يمشي بهدوء وبنبرة شك وخوف : شوق ؟
واقفه ومتسنده على الجدار وراه مايشوفها وتناظره بنظرات وعيد
نواف وبخوف اقشعر جسمه منه ماشافها لاهي ولا القطاوه : شووق يابنت ويينننكك ؟
مشت وراه على اطراف اصابعها وتتدفه من ظهره بقوه ، تووه بيلف بيصارخ ، الا دفته بقووه ...... وترررررششششش ، دفته الين طآح في البركه ووقفت على جنب وهي تضرب الارض بحماس ،
طلع راسه وهو يبعد الماي عن وجهه وبضحك : تعالي اذا فيك خخير واعلمك شغلك
اتكت بيدها على الكرسي وهي تبتسم : تحمل نتيجة هبآلك
رآح لاطرف البركه واتكى متكتف ويأشر بعيونه على جوالها : شوفي جوالك سبح مويه ،
توسعت عيونهآ وششهقت راحت تركض ونزلت على ركبها بتمسك جوالها الا سحبها بقوه تمسكت في الارض بصراخ : ووععمممىىى اااتتترررركك
نواف بضحك : صارخي صارخي خلي الحين يجي احد ويشوفك كذا ناويه تطبين معي
طيرت عيونها منفجعه : انا ابي اطب معكك ؟؟
نواف ابتسم ببرائه : اجل وش تسوين جايه عندي وانا اسبح واصلا بيقولون بعدها هالاثنين لازم نعرسهم على بعض
رصت على اسنانها وضربته برآسه بقوه : صدق حيوواان ، ودفعته بقوه لداخل البركه واخذت جوالها ووقفت وهي تنفضه من المويه الي جته
طلع راسه وهو يضحك بقوه : ههههههههههههههههه " وياشر بيده لها " تعالي بقولك شي
شوق حقرته ومشت بترجع : اذلف ،
نواف بصراخ : تعالي وربي بقولك شي مااكذب
وقفت ولفت له وهي تناظره بطرف عين وهو اشر لها مره ثانيه تروح له ، سحبت نفس وراحت وهي تتوعد : والله لو سويت فيني دقه لااحرقك
هز راسه بالنفي واول ماجات عنده مسكها بيدها ونزلها لمستواه تكلمت بحده : هههييي بتسحبني لعندك اشوف
نواف : عطيني اذنك
شوق ناظرته بشك وخوف : نواااف !!
عض شفته وهو يرص يدها ويسحبها بحيث وجهها يكوت قريب منه : ااااااااهه وووجججعععع ،
طنش صراخها: والله اني اموت فيك شوفي لك حل خلاااااص
رمشت بعيونها بحركه سريعه جتها الضحكه وكتمتها لفت له تناظره وبحركه لااراديه ضربته على جبهته : قليل حيا ، وسحبت يدها منه بسرعه وقامت تمشي لداخل بسرعه تبتعد عنه
اما هو غطس نفسه بالبركه برضا تام عن الي قآله
________________________
مـآليزيـآ ،
وبابتسامه على جنب : اليوم مافي احد بينام على الكنب هنا بالصاله
طيرت عيونها قآمطه : وش يعني ؟
مشاري سحبها بيدها بقوه لعنده لما صارت ترجع بخطواتها : يعنني بنام بالسرير وانتي بتنامين معي
لينا بإندفاع وحده : لااا
مشاري رفع حاجبه وهو ماسك ايدها ويلفها لورا ظهرها ويقربها منه : مو بكيفك ، واظنك قلتي انك قد وعدك وبتقبلين بأي شي اقوله
حطت يدها على كتفه بتبعد : شي غيره وانا راضيه بس انام معك مسستحيل اننسىى
مشآري بهدوء : ركبتي شي ماودي تركبينه وهم طحتي وانا ساكت ، مآفيها شي لو سويتي شي ماتبينه
لينا بتوتر : لا هـ... قآطعها وهو يسكر فمها بيده : اااصصصص مو زينه كثرت الكلام ، وسحبها معه غصبا عليهآ ويروح للغرفه وينسدح على السرير ويسحبها لحضنه ويضمها من ظهرها بوسط رجفتها وخوفهآ ،
مسك يدها وشد عليها بقوه يهدي خوفها : شش اهدي ترى بس هذا الي ابيه ! مراح اسوي لك شي ماتبينه ارتاحي
غمضت عيونهها بقوه تعصرهم وهي تدعي ربها يكون صادق بكلآمه ،