.
.
.
الجـــــــــــزء الثــــــــــلاثــــــون
.
.
.
يـوم جـديد ، في السعـوديه
عند نوف الي كآنت واقفه في المطبخ وتشرب مويه ، حست بأحد يدخل المطبخ فكرته داليا لانها كانت جآلسه : وويييـ.. بلعت ريقها لمآ شافت فيصل يمشي لناحية الثلاجه ويفتحها وياخذ له عصير ،
صنمت مكانها ماعرفت وش تسوي صدت بسرعه وكملت تشرب
اما هو تجاهل وجودها واخذ عصيره ومشى بيطلع من المطبخ ماحس الا تسحبه من ايده : ففيييصصل !
لف لها ببرود ويشيل يدها عنه : وشو ؟
راحت لقدامه وسكرت الباب وقفلته بوسط استغرابه : وش تبين ؟
قابلته وهي ترجع شعرها ورا اذنها : لمتى عقابك لي بيدوم ؟؟ غلطت واستاهل العقاب بس متى ناوي تسامحني متى ناوي تضحك بوجهي او حتى تلتفت لي ، تشوفني وتصد عني ! ومطنش وجودي حتى ! مااهتميت ان كاني حيه ولاميته صرت احسن ولا ماصرت ؟ انتظر اتصال منك او حتى رساله وماالقى ولاشي منه ليي متى؟
ببرود ذبحهآ : ماتهميني نوف ، بعدي خليني اطلع
بهتت ملامحهآ بصدمه : تكذب ، " صرخت وهي تضربه بكتفه بقبضة يدها " : لييهه تتككذذبب
كشر بإنزعاج منها ومسك يدها بقوه وسكر عليها بيده وهو يضغط عليها بغضب : ااه فـ..ـيصـ.ل
فيصل بحده وبهدوء ماسك عصبيته : لو اشوفك تتصرفين مره ثانيه معي بهالطريقه ادفنك بأرضك ، ودفهآ بقوه عن طريقه وفتح الباب وطلع بيمشي الا وقف ورجع لها مسكها من كتفها : تعـودي على ذا الوضع طيب !
بلعت ريقها بخوف : ليه ؟ ليه ليه اتعود على وضعنا ذا
طلع من المطبخ لحقته بسرعه : ففيييصصلل
لف بسرعه وصرخ : ااارررججععععييي ددااخخخل
ووقفت بسرعه منصرعه من صراخه ، اما هو مشى عنها رايح لعند الرجال ،
_______________________
في الليـل
وقف التكسي عند قصر جراح ونزلت وشياطين الدنيا كلهم براسها رفست البااب بقوه ودخلت متوجهه لمكتب جراح فتحته مالقت احد ستغربت وتوقعت بتلقاه مقوم الدنيآ عشان الملكه ماتمت ، راحت لواحد من الحراس واقفين : وين ريسكم ؟
عرفها انها من تبعهم وماستغرب : داخل القصر تلقينه
التفتت للقصر الكبير ودخلت برهبه من كبر المكان وفخآمته وبنفس الوقت هدوءه الي كأنه مهجور ومايجيه احد ابد وصارت تدور بالغرف وين يكون ، وفجأه تسمع صوت ضحك ناعم ومو غريب على اذنها وقفت عاقده حواجبها من هالصوت ، التفتت لباب الغرفه الي ماكان مسكر تمام وتتتنننصصصصصددددممم من الي اتششوفه قدامها وبهالوضعيه الغلط والي تجلب الشبهه ، اختبصت ماعرفت وش تسوي غير انها تركض للدرج بسرعه وهي تحاول تنسى الي شافته وتمحيه من عقلها ، وبوسط تفكيرها وقفت فجأه لما تذكرت هي ليه جايه ؟ وكأن الانتقام جا لها على طبق من فضه ، لفت راسها لجهة الغرفه وابتسمت بخبث ورجعت تصعد الدرج بهدوء
_______________________
في الشاليه،
جالسين برا كلهم وصايرين مجموعات وبوسطهم الشاهي والقهوه والحلا ،
بو فيصل : الحيين مابقى الا نواف تدورون له بنت الحلال كل الي حوله ياعرسو ولابيعرسون
نواف نطط : اااناا افدداا راسسك يااعم والله انك قلت الي بخاطري
بو سعود بضحكه : لاا انا نواف شارط عليه شرط مافيه زواج الحين
نواف رجع هجد مكانه مو عاجبه : ولييه بعد وش ذا الشرط ماذكر انا
بو سعود قدم راسه له : مو قايلك تتوظف رسمي حالك حالهم بعدين تفكر بالعرس
شوق بصوت عالي : ولانااوي تجلس على كبد بنت الناس لاشغله ولاعمله
نواف لف لها وهو مطنقر : انتي اسكتي لااقوم عليك الحين
بو سعود عقد حواجبه : وتبي تعرس بعد ؟؟
نواف تنهد : انالله حين ماسمعتها وش تقول
بو سعود تسند : اذا توظفت وثم عقلت ذيك الساعه عرستك
نواف ضرب جبهته : لاعزة الله يمديه شاب شعر راسي ولااعرست
_______________________
عنـد هيا
نزلت جوالها بعد ماصورتهم وهم مو حاسين وطلعت بسرعه من القصر وبتطلع للتكسي الا استوقفها واحد من الحراس " محمد" : ههييااا
لفت بخوف : هاه ،
جا وقف لعندها : الريس جراح قال يبيك اليوم او بكرا عشان يكافئك ويعطيك حقك
عقدت حواجبها مستغربه : يكافئني على وشو ؟
ابتسم بتعجب : على انك ملكتي على ذاك الي اسمه تركي !
هيا فتحت فمها بصدمه : وووشش ومن قال
محمد : يعني ناويه تملكين ومحد من هنا يدري ! سمر ياعمي هي الي قالت
رفعت حاجب مستنكره وطلعت ركبت التكسي وهي مصنمه تبي تستوعب الكلام الي سمعته او المنظر الي شافته !! وش الي قاعد يصيييرررر !!!!!
_______________________
يـوم جـديد في مـآليزيـآ ،
ووين ماهم جالسين في مطعم على البحـر وبجو رآيق وهادي يعكس ازعاج ولخبطة افكارهم ومشآعرهم
مشآري بهدوء : انتظر ردك
حطت الشوكه بهدوء وصبعها على ذقنها : ااامم تقدر تقول اني مابي اعكر هالسفره وبقد مااقدر انسى سالفتنا الطويله الممله ، بستانس وبضحك وافرح واذا رجعنا يحلها الف حلآل
فز وهو مبتسم : آآ يعني تبين تروقين هنا ومن نرجع السعوديه بترجع اطباعك الشينه ؟
قولبت عيونها بتفكير : اااممم اطباعي الطبيعيه مو شرط تكون الشينه
مشاري بتأكيد : كان قصدك اطباعك الشينه معي ! ،.. " تسند وهو يتنهد " ..: اساسا انا اشتقت لاطباعك ماتعودت عليك كذا ... الا اقول
لينا : قل
مشآري : ودي نركب البرشوت اليـ.. قاطعته لينا بإندفاع : لاااااا مسستتتححييلل
مشاري وسع عيونه : بسسم الله شفيك ليه ؟
لينا بضحكة استنكار : انهبلت انت الظاهر وقضيت وش يركبنا اياه لا يآعمري اخاف
مشاري طير عيونه : من !! انتي تخافين ؟ ماصدق
لينا بتأفف : لا صدق صدق وذا الي قلته ماني راكبته لو شيصير
مشآري بضحك : طيب طيب نأجل هالموضوع الحين وقومي يلآ
لينا استغربت : وويين ؟
مشاري وقف سحبها : انتي قومي وبعدين تشوفين
______________________
عنـد سعـود ،
فتح بآب السويت حقه ودخل وهو يكلم بالجوآل وفصخ جزمته ورمى نفسه بتعب على السرير : اااااخخ والله منهد حيلي 8 ساعات واقف واهذر
دآليا بهدوء : يابعد عمري الله يعطيك العافيه ، نام لك الحين ساعه ساعتين عشان ترتاح
سعود ابتسم : صوتك رآحتي مابي انام
داليا زمت شفايفها موسعه عيونها : سسععوود !
سعود ضحك : ههههههههههه كلك على بعضك راحتي وش تبين بعد
داليا واحمر وجهها : ترى بسكر !
سعود بضحك : برجع اتصل ،
سكتت وهي تمسح وجهها الي تحس به صار حار من الخجل
غمض عيونه وحط ذراعه على عينه وصوته خدران بينام : ليتني جنبك الحين امتع عيوني بوجهك بذا اللحظه بالذات
داليا بهدوء : مافيه شي وجهي
سعود ببحة نوم : وجهك احمر وبالذات خدودك وردو ، ارتبكتي وتدورين اي شي تحوسين به عشان تخففين على نفسك
_______________________
في السعـوديه
وتحديدا بيت هيـآ ،
كانت منسدحه على جنب بعد ماحكت كل السالفه لاختها منيره من بداية ماتعرفت على تركي بالسبب الين وش شافت اليوم
منيره بقرف : قلت لك ذا الانسانه ماحبيتها ابد وماسمعتي مني
هيا بهدوء : مو مهم يامنيره الحين كلامك ذا ، مثل مادمرتني وخربت سعادتي والله لاخليها تندم على الساعه الي جت فيها على ذا الدنيا هي والوصخ حقها
منيره قآمت عندها : سمر مقدور عليها دام التصوير معك بس جراح وش بتسوين معه
هيا : اول ماخطبوني اهل تركي رسل لي كيس فيه هديه ومعاه حبوب وبعدين فهمت من سمر ان اذا ملكت على تركي بيخلوني اعطيه ايآهم بالتدريج الين مايدمن عليهم وبكذا يكون دمر واحد من عيال بو فيصل ،
منيره بنظرات شك : ااييهه ؟؟
هيآ : سمر مثل ماعندها ادله ضدي محتفظه فيهم اكيد عندها شي ضده ومحتفظه فيه وانا لازم اخذهم وساعتها بلعب لعبتي ،
_______________________
عنـد مشآري ولينـآ
طلعو من المطعم ومشو الين مآوصلو لمكان اشبه بالغآبه يتوسطها كوخ من دورين مغمور مابين الاشجار والمزروعات ، مسك ايدها وفتح البآب وكان فيه كنب صغير مودرن اسود جلد ومقابله طآوله نازله وعليها تلفزيون وبجهه ثانيه مطبخ بسيط وبالدور الثاني كانت مفتوح كله سرير دائري اسود مودرن وقدآمه طاوله بكرسين وعلى جنب فيه دورة مياه
وقفت وهي ماسكه الدرج وتطل على الدور الارضي الي ماكان نازل كثير : الحين لو اطب من هنا اموت ؟
مشآري ضحك : ههههههههههه جربي وشوفي وش يطلع معك
ضحكت ولفت له : المكان ييههببلل لو اننا نبقى هنا بدل الفندق احسسن
مسك يدها وراح فتح الدولاب ششهققت بقوووه صصرختت لما شافت ملابسها مصفوفه نططت عليه ضمته بقوه وهو يضحك ولف يدينه حول ظهرهاا : هههههههههه وشش فيك ؟
لينا بعدت عنه وبحماس مآسكه ايده وشاده عليها : اوول مره اتمنى شي ويجيني بهالسرعه
مشآري بهدوء عاقد حواجبه : انبسطتي !
لينا بضحكه : حيلل اققوللك ححيييلل ... ودي اجلس هنا ماطلع المكان يرووق
مشآري : وانا مجهز لنا جو رآيق بس انتي غيري ملابسك وانزلي
لينا شهقت : تتكذب !!
مشاري ابتسم : والله
لينا بحمااس مسكت وجهه وباست خده بقووه ، غمض عيونه مصصننم مكاااننه ويناظرها مو مستوعب
حست على نفسها وبعدت شوي وهي تحك راسها بصبعها وبضحكة استنكار : هههه ءء بغير ملابسي وبنزل
مشاري رافع حواجبه وهو يمشي : انتظرك ، ونزل
ضربت جبينها بقوه و زمت شفايفها بقوه لدرجة انشدت عروق رقبتها : مشفوحه !!
______________________
في السعـوديـه ،
نوف منسدحه على رجل داليا ومغمضه عيونها وتفكر بكلام داليا : مو حلو عليك انك تكونين ضعيفه ابد ، طول عمرك قويه وحتى لو بان له خوفك منه وضعفك الا ان قوتك غالبه وش صار الحين وش فيك ؟ انا معه ان انتي غلطانه بس مو لدرجة يطنشك وتلحقينه !! ااببدد نوف مانتي كذذا اببد وشش صاار
نوف : ماقدرت اشوف تطنيشه وحقرانه يحررقني والله يحرقني ماقدرت ماحسيت بنفسي الا رحت له وكلمته
داليا زمت شفتها وضربتها بخفه على راسها : بدل ماكان قلبه يحترق رحتي بردتي له قلبه
نوف ستغربت : وش يعني !
داليا : يعنني مثل ماانتي الحين مقهوره انه طنشك ف اكيد اهو منقهر ويبي منك لو كلمه ورحتي بردتي قلبه وهو تغلى عليك " ورفعتها من كتفها جلستها قبالها " مو كنتي تنقهرين مني لاني ضعيفه !! مو كنتي تصارخين علي وتلعبين بحسبتي لعب على افعالي ؟؟ انا شخصيتي ضعيفه مع الكل بسس انتي لااا انتي غيرر ووش صار الحين عشان تضعفين كذا وينهد حيلك لهالدرجه ! انتي غلطتي غلطه وماكنتي متحكمه بتفكيرك وتصرفك تندمتي وتحسفتي واذا الله بعظمة جلاله يغفر ويسامح فيصل من يكون ؟؟ من يكون عشان مايسامحك ! وبعدين لو بولادتك لهالطفل خيره كان ولدتيه ومااثر فيه اي شي من الي سويتيه ... بس عااد خفي على نفسك شوي من جهه فيصل يعاقبك ومن جهه تعاقبين نفسك وشو يعني ؟؟ بتموتين نفسك بالبطيئ ؟؟ ارجعي نووف القويه المغروره المتحكمه الي مايهمها اححد وشوفي سآعتها هو وش بيسوي
نوف ناظرتها بتردد وخوف وهي تمسح جبينها
داليا شدت على يدها : طيعيني وشوفي وش بيصير ،
_______________________
مـآليزيآ ،
محطوطه خداديات على الارض اربع مصفوفين بجنب بعض وفيه كوبين قهوه وصحنين حلا ، وبأنوار خافته بس بإضاءه وحده
مر عليهـم حول السآعـه وهم يشوفون فلم ، حس بهدوئها لف عليها شافها متكيه بكوعها على المخده ومميله راسهآ بطريقه تتعب ومضيقه عيونها بنعاس ، ابتسم على جنب وهو عاقد حواجبه : لينا !!
لينا ناظرته : ههمم
قصر على صوت التلفزيون وراح لعندها وبهدوء : جاك النوم ؟
فركت عيونها وهي تضحك : شوويي
ابتسم وسحب الكوب من يدهآ ومسك يدها : قومي نامي يلآ
مسكت يده وهي داييخخهه ومضيقه عيوننها بتعب ونعاس وصعدو الدرج الخشبي وهو محاوطها بذراعه وماسك يدها ووصل لعند السرير بعد اللحاف وعدل المخده لهآ وسدحهآ وغطاها زين ، غمضت عيونها بتنآم ، حست بأنفاسه قريبه منها فتحت عيونها الا بآسها بجبينها ، : تصبحين على خير ،
لينا بصوت كله نوم : وانت من اهله
تركها تنام ونزل طلع من الكوخ وسكر الباب وجلس على العتبه ( الدرجه الي قبل الباب ) ويتنهد بتعب من حاله وجلس يفكـر ويفكـر خوفه هالسعاده الي هو فيها الحين ماهي الا ايام معدوده ومن يرجع للسعوديه ترجع حياته مثل ماكانت ! امه ولينا ومشاكلهم وهو الي ضايع بينهم ،
وبوسـط تفكيـره ارعدت السمآ بكثافه وابرقت ، رفع راسه للسما وهو مبتسم للمطر الي بدا يطـيح بكثآفه وجلس يدعي ربه
..............................
فتحت عيونهآ بقوه وهي تسمع صوت الرعد وتلتفت للنافذه الي كانت من غير ستاره وتشوف السما كيف تبررق رفست اللحاف بخوف وقامت بسسرعه نزلت ترككض على الدرج الا ويططلع صووت ررعدد جاامد رككضت بأسررع و صصررخخختت : آآآآآآآآآآآآ
..............................
سمع صرختهاا ووقف بسرعه فتح البآب وماامداه ينطق وماحس فيها الا رمت نفسها عليه بقوه تراجع لوراه خطوتين تمسك بالباب ولف يده حول ظهرها وباليد الثانيه بعد وجهها عنه عاقد حواجبه : وشش فيكك ؟
غمضت عيونها وهي رافعه حواجبها وتزفر بقوه تهدي نفسها ،
ابتسم بسخريه : خفتي من صوت الرعد ؟
فتحت عيونهآ بشويش : لآ ءء شفت كآبوس
ماقدر يمسك نفسه الا وضحك بقوه : ههههههههههههههههههههههههه ههههه نصاآبه متى امداك تحلمين ؟ توك مغفيه
لينا دفته بقوه وهي مبوزه : امددااني حتى شفتك قدامي وارتعت وقمت من النوم
مشآري ضحك : ههههههههههههههههه يابختك لو اجيك بنومك
لينا كشرت : ياشين الثقه بسس !
ابتسم وهو يهز راسه وراح سحب لحاف صغير من على الكنب وحطه على راسه وسحبها معه لبرا ، وقفت بسرعه وسحبت يدها : لاااا الحين ترعد
لف لها وهو رافع حاجب ويقرب من عندها : مو توك تقولين ماتخافين ؟
لينا بلعت ريقها متنحه : هاااهه
_______________________
في السعـوديـه ،
عنـد البنات ،
شوق بملل رافعه رجلينها على الطاوله : والله حامت كبدي من وجيهكم ودي اشوف لي ناس غيركم بالله
ريم رفست رجولها لين طاحو من الطاوله : قوومي انقلعي دوري غيرنا
شوق كشرت وهي تهمز رجلها : اااححح كسسرتي عظامي وش ذا الدفاشه الي فيك
لين وهي تاكل حب وترمي بوجهها : تستاهلين
شوق صرخت وهي تنفض وجهها : ووععمىىى ، وقامت ضربتها بكوها على ساقهآ : يالوصصخه
لين صارت تضرب بيدها على فخذها من قوة الضربه ومن القهر رمت عليها حب زياده
وتوهآ شوق بتهجم عليهآ الا بمخده جات عليها بقوه طاحت على الكنب ،
بصدمه حطت يدها على راسها وهي مطيره عيونها : منو الحيــ... وتلف راسها تشوف نواف واقف : بعد ناويه تضربين اختي قدآمي ! مو شآيفه احد قدامك الظاهر
انتبهت لعلبة السفن اب الكبيره قدامها وقامت بسرعه فتحتها وكتتها عليه : مالت علييك انت وااختتتتكك فوقك ، وطلعت بسرعه تدور تركي تحتمي فيه تدري مراح يتركها بحالها
..
عند تركي ونور جآلسين مع بعض على الارض ويسـولفون بهـدوء ماحسو الا باللي جات تركض بسرعه وطبت بوسططهم فزو مرتاعين : تتررركي تكفى شف ولد عمك ذااا فكني منه
ضربها براسها بخفه : ووجع يوجع العدو ، متى تهجدين انتي بزرر؟
شوق بعجله : تركي محاضرتك خلها بعدين تكفى بس شف شف ذا الي ورااك قله يفك عنني لاعت كبدي مننهه
تركي لف لما سمع شهقة نواف : صصدددق نصصابه !! مين الي رشتني بالسفن توها !! عشان الحقها ؟
تركي غمض عيونه يسحب نفس : شوق قومي انقلعي عن وسطنا وصرفي نفسك معه
شوق طيرت عيونها : تتررككييي !
تركي : والا اقولك !! نور قومي قومي ذول مراح نخلص منهم اليوم
نور قامت الا مسكتها شوق بتجي معهم : فككييني وعمى ناشبه ببلعومي
شوق طنقرت : الله ياخذكم من اخو ومرته
سحب تركي نور ومشو بعدو عنهم ، ووين ماهي واقفه تدور طريقه تهرب منهآ
فججاإه صصررختت بقوه ونقززت : ووووجججاااااااااااعععع
_________________________
نـرجع لمآليزيآ ،
بعدو عن الكوخ وتوسطو الاشجآر الطويله والعريضه والمطر يطيح عليهم بغزاره
لينا وهي شاده الغطا بيدها : مشآري ترى صارت حالتي عدم سببحت !
مشاري ينفض شعر راسه بقوه وهو يضحك : عطيني الشامبو بس ،
لينا مسكت ضحكتها وضربته بيده بخفه : هههيي ترى ماسستهببـ.... قطع عليها صوت الرععد وابرقت السما بكثافه لدرجة بلحظتها السما صارت كانهم بعز النهار وهم بالليل ، ششهقت وضمته بقوه متمسكه فيه بكل ماعطاها ربي من قوه : خلل نررججعع تككفى
مشآري جايز له الوضع : والله انا ودي نتمشى بعد خصوصا مافي احد حولنا يعني الواحد ياخذ راحته
لينا ضربت الارض برجلها : اوووههووو يابن الحلال الررععد هنا يخووف وانت تبي تتمشى
مشاري رفع حاجبه : ااه يعني تعترفين
لينا بطرف عين : ايه ايه اخااف بموت بعدد ، جلست على الارض وتربعت وهي مغطيه نفسها وحتى وجهها باللحاف ومايبين منها شي
مشآري ماقدر يمسك نفسه وفقع ضحك : ههههههههههههههههههههههه يالخبله وش تسوين وش فيك تربعتي كذا
لينا من تحت اللحاف : مابي اشوف السما وهي تبرق قسم بالله نشف دم عروقي !
وبهاللحظظه ارععدددت السسما مره ثانيه ، صررخت لينا : خــلل ننررجعع
جلس على ركبته وهو يضحك ومميل راسه وصار شعره يقطر مويه ، ورفع اطرف اللحاف بيكشف وجهها الا ششدته : مااابببيييي
مشاري بهدوء : شوفي وش الي بيدي
رفعت اللحاف بهدوء ورفعت راسه لوين يده مرفوعه وكأنه بيعرض شي قدآمها : ووش ؟
ابتسم بخبث كان يكذب عليهآ ويشيل الغطا كله عنهآ ويرميه بعيد ، شهقت بصصدمه : ليييـ.... قطع كلآمها لما قرب منها وبحركه سريعه يمسك جانب رقبتهآ يشدها له ويقطع عنها النفس ويبوس شفايفهآ ، مآقدر يمنع نفسه بهالجو وهالمطر وشكلها الي صار يفتن اكثر ،
انــصدمت من حركتتهه ، حطت يدها على صدره بعدته عنهآ وهي منححرجه وجهها صار يعطي الوان قآمت وقفت وهي تفرك جبينها بتوتر : ءء برجع داخل
مشاري ابتسم : رجعي لحالك اذا تقدرين
لينا بهدوء : اقدر ، وراحت تركض خذت الغطا حقهآ ومشت بترجع للكوخ ، الا وقفت فجأه وهي تبلع ريقها بخوف لما حست ببعد المسافه الي قدامها ورجعت لفت له : قوم معي نرجع
مشآري اشر لها بمعنى تعالي
تأففت بطفش وراحت لعنده : هااه قل
مشاري : انا هنا مراح امشي معك الا بشروط واسوي لك الي تبين
لينا بحده : وخل شروططك بأدب
مشاري بضحكه : بيني وبينك تنسين شي اسمه الادب ،
لينا بعدت : اجل انسسى
مشاري رفع اكتافه : اجل ارجعي لحالك
سكتت فتره وهي كل شوي تلتفت وترجع تناظره ، تأففت بضجر : ططييب قلل وشش تبي
مشآري لف وجهه وصار خده مقابلها : اظن عارفه المطلوب من غير مااقوله ،
لينا غمضت عيونها بقوه وهي تسحب نفس ، وارتفعت على اطراف اصابعهآ وباسته بخده بخفه وبعدت عنه : ممكن نرجع
مشاري ماجازت له : بمشيها لك هالمره بس المره الثانيه ابيها بنفس ، وسحبها ولف يده حول خصرها ومشى معها الين مارجعو الكوخ
_____________________
عنـد شوق ،
وقفت مففججووععهه وهي تبعد المويه عن وجهها وفاتحه فمهاا بصددمهه
ونواف الي واقف وخرطوم المويه بيده ( ذا الي يطلع مويه ويغسلون به الحوش ) وموجهه عليها والمويه تطلع بإندفاع وقوه
تناظره بفهاوه : حمار انت ؟
نواف وهو يلعب بالرشاش بوجهها : حمير ونفهم على بعض
صرخت وهي رافعه يدها تصد المويه : خخلللااااااصص طططفففههه
طفى المويه ونزل الرشاش على الارض وهي تناظر نفسها وتتحلطم : حماااارر وربي حتى لو اقول لبكره ماوفيت بحقك
حط يده بجيبه وتنهد : عشان تعرفين كيف تبهذليني قدام البنات فكري بالشي قبل لاتسوينه ويجيك اضعافه
مشت وهي منقهره وفاير دمها وتتعيب على كلامه : ااانننن اانننن اذلف بس اذلف ، ودخلت داخل واول ماشافوها البنات شهقوو
داليا مطيره عيونها : وووششش ذااا طايحه بالبرككهه ،؟
شوق تخز لين الي خافت : بسم الله وش فيك تبحلقين فيني كذا
شوق خذت الخداديات حقين الكنب وصارت ترميهم عليها بقوه وهي منقههرره : ااخخووك اخووكك الووصصخ البززررر ان شاءالله
لين وهي متكوره على نفسها وتضحك : وععمممىىى عاااادد
وقفت وهي تتنفس بغيض وتنفض شعرها بيدها
نوف : روحي روحي غيري ملابسك لاتمرضين علينا جايه بوجه المكيف كذا مو زين
زفرت بقوه وراحت عشان تغير ملآبسها
_______________________
بعـد سبـوع ،
وبقـى على عملية داليا 4 ايآم
في بيـت بو فيصـل .. تحديدا مكتبه
منزله راسها وتهز رجلها بتوتر وضاغطه بيدها على جبينها وتحاول تقتنع بكلام ابوهآ
بو فيصل بهدوء ونبره اقرب للترجي : والله يابنتي مراح اقول عشاني ابوك ولاتكسرين بخاطري .. بقول عشان الي مسافر الحين وموصيني عليك وخايف عليك ويحاتيك اكثر من روحه
داليا ومر في بالها يوم الي خذها المستشفى من كم شهر وسوو لها تحاليل والملف الي منعها تقرا مافيه ، تترجم كل شي بعقلها واستوعبت ورتبت الاحداث ! غمضت عيونها بقوه وهي تزفر : ابي افهم ليه كل شي يصير من دون ماحد ياخذ رايي ! ليه سعود يتصرف معي بهالطريقه وانت تسمح له ليييهه
قآم ابوها عن مكتبه وراح جلس بالكرسي الي مقابلها وبهدوء : يابنتي سعود شآريك بعيونه وماهو مستعد انه يخسرك بيوم من الايآم ، هذي الغلطه الي ارتكبناها حنا وخليناك تمشين السنين بدون ماتتعالجين حنا الغلطانين مو اهو حنا الي بفعلتنا هذي وكأننا نقول لو صار فيك شي لاقدر الله عآدي اما هو ومن اول ماعرف وهو ماهدى له بال يابنتي انا في البدايه رافض وماتركني يوم لابالشركه ولابرا الشركه من غير مايحاول يغير فكرتي وحتى قبل مايسافر حط الملف على مكتبي وقبل مايمشي حرص علي وذكرني بيوم العمليه واليوم مرسل لي يعلمني ان لازم تروحين المستشفى قبلها بيومين على الاقل
تنهدت وهي ضامه راسها بكفوفها محتاره ومتشتته افكآرها
بو فيصل بضيق : خليني انا وخاطري على جنب وفكري بحياتك بعد ماتتزوجون .. فكري بالذريه الي بهالحال هذا انتي محرومه منها .. وقبل لاتفكرين حتى بنفسك فكري بزوجك وخاطره .. روحي غرفتك الحين وفكري بهدوء واعتبري اخر مره ينطرح عليك ذا الموضوع ومن بعدها انتي حره بنفسك
داليا بهدوء : ان شاءالله .. وقامت راحت لغرفتها واول مادخلت طلعت الجوال من جيبهآ واتصلت على سعود وانتظرت يرد الين مافصل الخط رمت الجوال بعصبيه على السرير : لاتررردد لاتترردد بس اخرتي بعرف كيف اتفآهم معك
_______________________
في الليل
بيـت بو مشآري
نزلت بعد ماكشخت وتضبطت ولبست عباتها
ام مشآري شافتها وستغربت : هااه ! على وين
نوف ابتسمت : بروح اجيب كم غرض لي في بيتي للحين
ام مشاري بضيق : ومتى ناويه ترجعين لبيتك ؟
نوف جمدت ملامحها : عسآني مارجعت ولبست نقابها وطلعت وركبت السياره وقالت للسايق يوديها بيت بو فيصل
.
.
واول مآوصلت ودخلت البيت فصخت عبآتها ورمتها على الكنب ومشت وهي تتفقد البييت بعيونهآ وواضح مكانها وغيابها كيف له اثر واضح ،
صعدت الدرج وراحت لغرفتهم الي اول مافتحتها كششرت : ححسبي الله على العدو معبي الغرفه بذا الدخان ، وراحت فتحت النافذه كلها وشغلت التكييف
وفتحت دولابها طلعت شنطه صغيره وصارت تحط فيها اغراضها
............................
عن فيصـل الي كآن طالع مع تركي ونواف تعشو مع بعض وقررو يروحـون بيت بو فيصل يسهرون هنآك
واول ماوقف سيآرته ونزل ، : بروح ابدل وجايكم
نواف : زين زين ، ودخلو هم المجلس ، وراح هو لبيته واول مافتح الباب حس بالانوار الزايده وانتبه للعباه الي على الكنب بلع ريقه وهو يناظر بجهة الدرج وارتسمت على شفته ابتسامه لاارادي ويركض لعند الدرج وهو يصعد الدرجه ويخطر الي بعدها ،
ويروح لغرفتهم ووقف وهو يلقط انفاسه ، فتح الباب بشويش ويشوفها جالسه على ركبها ومقابلها الشنطه وملابس ترتبهم عقد حواجبه مستغرب " وش تسوي ذي "
سحب نفس بخفيف وفتح الباب اكثر وبصوت متفاجئ ممزوج بسخريه : انتي هنا !
لفت بسسرعه لما سمعت صوته اختبصصت ورجعت نزلت راسها لشنطتها وببرود : اي هنا ،، وبسرعه حطتهم اي كلام وسكرت الشنطه ووقفت وراحت تمشي وهو واقف متكتف عند الباب : ممكن امر ؟
فيصل ببرود : ليه ماخذه هالاغراض
تنهدت وهي ترجع شعرها لورا وببرود : قلت لي تعودي على ذا الوضع يعني اني اكون بيت اهلي والصراحه فيه هنا ملابس اشتقت البسهم جيت اخذهم
فيصل بلع ريقه وهو يناظرها كيف تتكلم ويقرب من اذنها : ليتك مكبره الشنطه اجل
توسسعت عيونها بصدمه ولفت له حاقده لقته يبتسم على جنب بسخريه ، مسكت شنطتها ومرت من جنبه ونزلت الدرج تركض
اما هو وقف ويعض شفته : طنش يافيصل طنشش
_______________________
عنـد هيـآ ،
الي كآنت ببيت سمر وهذي خآمس زياره لها من بعد الي صآر
وببرائه حكت لها كيف تركي سحب بيوم الملكه وتراجع
وسمر الي قالت انها كانت موجوده بالمطبخ ساعتهآ وشافت كل شي وماعرفت كيف تتصرف ،
وبعد محاولات ترجي من هيا انها تنتقم من تركي بمساعدة سمر وافقت سمر على طلبهآ ، وللحين ماقدرت تاخذ اي تسجيل ضد جراح عشان يكون دليل ثآبت يخيس بسببه في الحبـوس ،
وباتفاق بين سمر وهيا ان جراح مايدري انهم ماملكو ولايدري ان هيا طلبت من سمر تساعدها في انتقامها
.
.
رن جوال سمر وردت : ايوآ هلا والله .... " فزت بحماس " احححللللفففف .... ككيف سويتو كذا وش صار ويينه الحين ؟؟
هيا عقدت حواجبها بتركيز تبغى تفهم
سمر تعدلت بجلستها : طيب متى خوفك يفقدونه ويبدأون يبحثون عنه قبل لاتسوي الي انت تبيه .... ااامممم " وابتسمت على جنب ..: ياعيني عليك والله اوكي تمام ... سلام ، وسكرت
هيا : وشوو وش صار ؟
سمر زفرت بتوتر وحماس : خـطفـوه ،
________________________
يـوم جديـد في مـآليزيا تحديدا
وبمقر التدريب الي فيه سعـود
محمد صديق سعود واقف عند الباب وينتظر انه يجي
جا المدير : مآجا
محمد بتوتر : لا ولايرد حـتى لازم اروح الفندق اشوفه يمكن فيه شي
وطلع بسرعه ركب سيآرته وراح للفندق وسأل الرسبشن عن اسمه وقالو انه مو موجود من امس ،
ضرب الطاوله : ووين رااح !! ورجع يتصل عليه ويلقى جواله مقفل
________________________
في مكـآن ثآني
بيت خشبي قديم ومهجور ومليان بالغبآر
مرمي على الارض ايدينه مربطين من ورآه وعيونه مغطيه وشفته تنـزف جسمه مليان ضرب ورضوض واشبـه بالغايب عن الوعي ، حاول انه يرفع نفسه او حتى يحرك يدينه وعجز من قوة الضرب الي انهال عليه يحس بلسانه انشل ومابقى فيه عظم صاحي
_________________________
في السعـوديـه
بيت بو فيصل
نزلت للصاله ولقت امها جالسه : يمه وين ابوي
ام فيصل : جالس بمكتبه ليه ؟
داليا بهدوء وضايق خاطرها : يمه تعالي اذا تبين تعرفين
وراحت تمشي للمكتب وقامت امها لحقتهآ فتحت الباب بشويش ودخلت راسها : يبه فاضي ولامشغول
انتبه لها بو فيصل : ادخلي ادخلي
فتحت الباب ودخلت هي وامها وجلسو
بو فيصل يناظرها بتمعن : فكرتي زين ؟
داليا بهدوء : فكرت وموافقه ومتى ماتبوني اروح بروح
ام فيصل الي كانت على علم بالموضوع سحبت بنتها لحضنها بفررح : الله يبششرك بالخير على قد مافرحتيني
بو فيصل وهو طاير من فرحته : الحمدلله يارب الله يفرح قلبك ويريحك قولي آمين
ابتسمت لهم وسحبت نفسها وطلعت من المكتب وراحت برا في الحديقه وطلعت جوالها حطته على الطاوله واتكت بيدها وهي تفتح المكالمات وتشوف اخر 20 مكالمه ومارد عليهآ ،
_________________________
عنـد هيآ
الي طلعت بسرعه من عند سمر وركبت التكسي وراحت لعند قصـر جرآح وانتظرت حول الساعتين الين مآطلع ولحقوه من غير مايحس الين دخل لواحد من الاحياء المتوسطة المعيشه وركن عند واحد من البيوت ونزل من سيارته ودخل
ضيقت عيونها بتفكير : الحين هذا متزوج ولا هذا بيت ابوه واهله ؟؟؟؟؟؟؟
.............................
عن جراح الي دخـل بيتـه واول ماشافته زوجته الي هي
" ام عــــــزآم "
طآح الكاس من يدها وانكسر
لف لها وشافها بتلمه : لاا لاتحركيينه لايجرحك ، وراح لها بيساعدها الا فزت بسرعه وبعدت عنه : خخللك بعيد
بو عزام صد : انالله
مرت من جنبه تركض وراحت لغرفة بنتها ودخلت وسكرت الباب وهي تسترجع المكالمه الي سمعتهآ
.
.
ووين ماكان واقف في الحديقه : ابغى تحشرونه بمكان بعيد محد يجيه وتضربونه الين ماينسى حليب امه مابغى اسمع بعظم منه صآحي ابي اذا اهله لقوه يرجع لهم مكسور محرول تسمعون ولالا
.
.
راحت لسرير بنتها وانسدحت وهي تغطي نفسها وتمتم : الله يخلصني منك بأقرب قريب
_______________________
مـاليـزيآ ،
عنـد مشآري ولينآ
دخلو البيت مع بعض وبيدهم اغراض للطبخ
مشآري يتنهد : اسمعي اذا ماتعرفين تطبخين من الحين قولي ماله داعي اتسمم وحاله ومستشفى
لينا تكتفت وهي تضحك : اقول ابدل ماتتسمم تعال ساعدني شوي
مشاري رفع يدينه : هاهاها لااا انا هنا اسحب نفسي سوي طبختك بيدك وخليني اذوق واحكم
لينا بوزت : ططيب طيب " وقربت منه وبنبرة تحدي " والله لتندم على انك قلت بتتسمم وتشوف
قرب بحركه سريعه وباسها بخدها : ننتظر ونشوف
ورآح جلس بالصاله وهو مبتسم وشغل التلفزيون وطلع فلم وحطه
اما لينا ف بدت تقطع الفليفله والجزر والكوسآ والزهره وحطت معهم زيتون وطلعت قدر وحطت فيه مويآ وشغلت عليه النار وطلعت قدر ثاني وحطت الخضار بشوي مويا وملح
_________________________
بيـت بو فيصـل
عنـد شوق
توها صحت من النوم بعد ماقضتها سهره للظهر على افلام وغيره ،
قامت وجسمها متكسر دخلت الحمام وتروشت عشان تصحصح ولما طلعت لبست بجامه قطنيه ورفعت شعرها ذيل حصان وطلعت من غرفتها
................
كانت الصاله فيها ندى بس اما داليا فهي بغرفتها وامها راحت تنام وفيصل وتركي مع نواف بالمجلس
انتبهت لها : اوووهه صح النوم !
شوق ابتسمت وهي مضيقه عيونها : صح بدنك ، وراحت رمت نفسها على الكنب وهي مآسكه بطنها بجوع : جوعااانه
ندى وهي تفرفر التلفزيون : قومي المطبخ حطي لك اكل العشا باقي منه
شوق بملل : لآ مابي ، وفزت بحماس : بطلب لي من ماك تبين ؟
ندى حطت يدها على بطنها : لا شبعانه عليك بالعافيه
شوق : كيفك ، وقآمت اتصلت على المطعم وطلبت لها
ورجعت للصاله : وينهم محد هنا ؟
ندى : فيصل وتركي بلا موجودين مع نواف بالمجلس
شوق ومن سمعت اسم نواف كشرت وميلت فمها من آخر موقف ولما سبحها بالمويه وهي لو تشوفه قدآمها عجنته ، قامت وقفت عند البآب ونادت بصوت عالي : تتترررررككككييييييي
تركي سمعهآ وقام طلع لها مستغرب : هااهه وش ذا الصراخ وش فيك
شوق وهي تأشر للباب : طلبت لي عشا وشوي وبيوصل اذا جا حاسبه زين
تركي : زين زين ، ورجع دخل للمجلس
ولما سألوه وش تبي جآوبهم ، وهنا لمعت فكرة خبث بعقل نواف ولاشعوري ابتسم
______________________
مـاليزيـآ ،
طفت الفرن وفرغت الباستا بصحنين ورشت عليها اوريقانو وابتسمت بإعجاب على الشكل
وراحت لعند مشآري الي اول ماشافها تعدل بجلسته وحطت الصحون قدآمه وراحت جابت الاشواك وكآسين عصير وحطتهم عند بعض
مشآري الي كان يعششق الباستا بس بتمثيل ميل فمه : وش ذا ؟
لينا بضحكة استنكار : باستا ماتعرفها ؟ ذوقها بتعجبك متأكده
مشاري اخذ الشوكه بتردد واخذ له شوي من الباستا وحطها بفمه وبنظرات ترقب من لينآ وهي معقده حواجبها
بدآ ياكل والطعم عجببه حيل وانتبه لملامحها الا ويكشر بفهمه : آآآآآععع ووشش ذذاا
لينا وكأن احد صفقها بوجهها : مو حـلوه ؟
مشآري مسكر عين ومفتح الثانيه : اببــــد
وقفت لينا وشوي وتبكي وتوها بتلم الصحون ماحست الا يسحبهاا بقوه الين ماطاحت بحضنه ويمسك ذقنها وهو يضحك وهو يبوس خدها : ححييل ححلوه ححيل عجبتني
لاشعوري ضربته بيده وهي مقهوره : صصرعتنني فكرتها ماعجببتكك
مشآري واخذ الشوكه ورجع يآكل وهو متلذذ ولينا تناظره بطرف عين ،
انتبه لها وضحك وعدل جلسته وثبتها بحضنه واخذ لها لقمه وتوه بيحطها بفمها الا صدتها : بزر انا بزر
مشآري الي كان مجلسها على رجلها ومحاوط بطنها بيده ووجهه كان ورا وجهها بالضبط همس عند اذنهآ : احلى بزر بعد كلي يلا كلي
ابتسمت وهي تناظر بنص عين وكلت اللقمه من يده واخذت صحنها حطته بحضنها وكملو اكلهم ،
________________________
في السعـوديـه ،
وببيت بو فيصـل ، وبعد مامرت سآعه
صعدو الغرفه يسولفون براحتـهم وحكت شوق لندى عن كل الي صار بينها وبين نواف
ندى غمزت : تحبينه يالوصخه هاه
شوق فزت وهي كاتمه ضحكتها : يعني شوفي اناا مااقول اني احبه احبه بس استانس اذا كنت معه وانبسط على ثقالة دمه بعد
ندى ضحكت وضربت فخذها : اقول بلا هالمبررات تحبينه يابنيه
شوق فجأه كشرت : اسكتي بس تراه منزفزني توه
ندى : محد قالك تكبين علبة السفن بوجهه
شوق ضربتها بقبضة يدهآ : انا ولين ننجاز هو وش دخله يجي يعني بيفزع
ندى ضيقت عيونها : بس مهما كان تراه رجال ومنتي بقده
شوق كشرت : ياكل تبن اي والله ماني قده
ندى هزت راسها بأسف : مشكله تحبينه وياكل تبن ومدري وش تخربطين به
شوق انتبهت وهي تطقطق بجوالها للسآعه وصصرخت : صصااااررت حدعش وهالمطعم ماوصل
ندى حطت يدها على قلبها بروعه : روعتيني تراك
شوق سفهتها ونزلت ركض تسال الخدامه
.
.
نرجع لورآ نص سآعه
في المجلس بوسط سوالفهم الا رن الجرس وقآم تركي حاسب المطعم ورجع بيدخل داخل الا ستوقفه نواف : تتررككي
تركي لف له : هاا
نواف بترجي : تكفى طالبك جاايع بطني ماغصني من الجوع عطني هاللي بيدك
تركي طير عيونه : اقوول وخر مناك بس ذي شويق طالبتها تبيها تقوم مناحه هنا
نواف بإندفاع : لالا ماعليك نتفاهم حنا بعدين
تركي تنح : خير !
نواف : اقصصد لاتحاتي يعني مراح تعصب وبعدين المطبخ عندها تدخل تسوي لها اي شي
وبعد محآولات من نواف قدر يقنع تركي الي عطاه الوجبه واكلها وهو مستانس ويضحك
.
.
شوق فتحت باب الصاله وصرخت : تتررركككيييي
تركي لف بسرعه لنواف : شفت شفت هذا هي طلعت وش اقول الحين يامال العافيه
نواف : ههههههههههههههههههههههههه ههههههههههه قل لها اكرمك الله على حسن الضيافه
تركي اخذ علبة المناديل ورماها بوجهه وقام وقف عند الباب : هلاا قولي
شوق متخصره : ووجججععع الخدامه تقوول من سنة جدي المطعم جابو الططلب وينه ؟ اكيد الحين برد الا صار ثلج وش تنتظر يعني
تركي ارتبك ويناظر نواف بوعيد : هاه ... اي بلا جابوها
شوق بترجي : ووشش تنتظظرر !! عطني اياها يلاا جيعااااااننه
تركي صار يحك جبينه بالسبآبه : والله مدري وش اقولك بس !
شوق استعدلت بوقفتها وبنبرة شك : بس وشو؟
تركي : نواف اكلها ويقول اكرمك الله على حسن الضيافه
شووق جمدت مكانها من الصدمه وصارت تخز بعيون يتطاير منها الشرار وصصرخت : يااجعلهااااا مااتحدررر يااجعلللككك بمغصص يلوي بطننكك .. " وصرخت بوجهه تركي " وانتت معهه .. ورجعت دخلت الصاله وصفقت الباب بقوه وراحت ركض لغرفتها و صفعت الباب بطريقه روعت ندى وقامت بسرعه تشوف وش فيها ... فتحت الباب بعجله : بسسم الله وش فيك ؟
شوق وهي متربعه على السرير وتعض اطراف شفتها وترمش بحركه سريعه وتهز رجلها بتوتر
راحت جنبها ندى : اعوذ بالله وش فيك تنافخين كذا ؟
شوق بققهرر : حضررة جنابه ولد عمكك تخيلي يجي المطعم وياخذ الوجبه وياكلها اييي لييهه ياخخي وش ذا الحركاات الماصخهه اوووففف جعلها ماتحدر " وصفعت المخده بالارض " ينرفززز
ندى صدت وهي كاتمه ضحكتها ورجعت لفت لها : طيب قومي الحين طلبي مره ثانيه وهالمره بطلب معك بعد
شوق قامت مكشره : ععووووعع هووونتت هووونتت مابي شي خلاص .. ونزلت المطبخ تصلح لها شي تاكله وهي تهدد وتتوعد
___________________
عنـد هيـآ ،
الي كآنت واقفه وتنتظر جراح يطلع من بيتهم واول مآطلع ومشى نزلت بسرعه ورنت الجرس وماهي الا دقايق وطلعت ام عـزام وفتحت الباب وعقدت حواجبها لما شافتها : آمري اختي
هيا بارتباك : عفوا بس مو هذا بيت جراح
ام عزام : لاا غلطانه مو هذا بيته
هيا استغربت : بس انا متأكده انه هذا بيته وحتى سألت اهل الحي عن واحد اسمه جراح ووصفو لي هنآ
ام عزام ابتسمت بإحراج : ياختي هذا بيت زوجي واسمه ســــلـــــمـــــــــان الـ.. من وين طلعتي لي بجراح ومن موصف لك ؟
هيا رفعت حاجب : اووهه سلمان !! اجل اعتذر شكلي بجد غلطانه .. سلآم
ام عزام : حياك الله ،
وراحت هيا ركبت التكسي وهي تضرب فخذها بحماس : حتتى اسمك مغيره يالوصخ ! ومتزوج وعندك بيت وعيله وتلعب بذذييلك مع الحيوانه ذيك ؟؟ ههيييين صبرك علي والله بسس صببركك انت وهالعقربه ذي الي معك
___________________
بيـت بو مشآري
كانت قبال شنطتها وتفضي الملابس بعصبيه وماسكه دموعهآ ماتبي تصيح ابد عشانه ويدها ترجف من شدة قهرها
ووين ماهي ترتب انتبهت للتيشيرت حقه الي اخذته لما راحت اخر مره كان موجود بوسط ملابسها سحبته بقوه وطاحو الملابس على الارض وبكل قهر قامت وفتحت درج التسريحه وطلعت مقص وصارت تقص التيشيرت بعشوآئيه الي ماتمزع وصار قطع متفرقه رمته بقوه وهي تصارخ : حيوااااانننن ، الله ياااخذذكك
...
نور الي كانت ماره عند الغرفه وسمعت صرآخها فتحت البآب ، الا تراجععت بسرعه وهي تشوف رمت شي على المرايه وصوت قوي انصفق وتناثثر القزاز ككله على التسريحه والارض
نوف رمت نفسها على السرير وهي مغطيه وجهها بيدها وتبكي بنحيب
راحت لها نور وهي تمشي وتتعثر بملابسها المرميه على الارض وتناظر القزاز بخوف ، مسكتها من كتفها : نوف وش فيك ؟
نوف بصراخ نفرت منها : مااافيييننييي شششييي
نور بخوف بعدت عنهآ اما نوف صدت بظهرها ورجعت تبكي
الا بجية ام مشآري وريم الي انفجعو بمنظر الغرفه وراحو بسرعه عند نوف الي رمت نفسها بحضن امهآ وتشد على ملابسها : بسم الله الرحمن والرحيم وش قلب حالك كذا توك امس شززيينك
نوف من غير ماترد ويزيد صوت بكيهآ وتدفن نفسها اكثر بحضن امها
ريم بهمس وخوف تكلم نور : وش فيها
نور لفت لها : مدري
ولفو لأختهم الي خف صوت بكيهآ بس بين ثانيه وثانيه تشهق وعيونها على دولآبها
ام مشآري وهي تمسح على راس بنتها : يمه قولي وش صار لك وش فيك كذا ، شفتي فيصل امس ؟ وش قالك
نوف بصوت مبحوح ومن غير ماتناظر امهآ : مآشفته ، وغمضت عيونهآ لما ارتجف فكها بقهرر والغصه نشبت ببلعومهآ وهي تسترجع الكلام الي قاله لها امس بكل برود والي مافهمت منه غير انه بيطلقهآ وهذا الي ذبحها
______________________
بيـت بو فيصل ،
تأففت وهي ترمي الجوال جنبها وتمسح وجهها بيدينها : ااافففففف مممننن هالعنااااد ااااففف
الا بدخلة تركي الي سمعها : وش فيك تتأففيـن كذا
قآمت نطت عنده بسرعه وحطت يدها على جيبه : تكفىى
تركي عقد حواجبه : وش ؟
داليا بترجي : جوالك بس ثواني والله ثواني
تركي طلع جواله وحطه بيدها : يسلم راسك ، بس وش تبين فيه
داليا وهي تدور اسم سعود : الحين تعرف ، واتصلت عليه وهي عاضه شفتها بتوتر ورايحه جايه واخر شي مآرد ، سحب نفسس عميق وحطت الجوال بيد تركي : مآيرد ،
تركي بشك : سعود ؟
داليا ضيقت عيونها : وفي غيره يعني ،، اخ بس وراحت لغرفتهآ وارسلت له رسآله : ماني بمعصبه ولا ماخذه بخاطري وكل الي تبيه بيصير بس رد وريح بآلي
.............
عن تركي الي راح طل بغرفة شوق ومآشافها وراح فتح باب غرفة ندى وكانو ثنتينهم فيها واول ماشافته شوق صدت معطيته ظهرهآ وبيدها المبرد وتبرد اظآفرها
ضحك على شكلها الطفولي وراح واتكى على التسريحه : اقول ندى
ندى ماسكه ضحكتها : قل
تركي وياخذ المنديل الي على التسريحه ويرميه براس شوق : تدررين ان في ناس مايلوق لهم الزعل ابد
شوق مسكت المنديل الي جا براسها ورمت عليه بأقوى وهي تفور من القهر : وتددرييين ياندى ان في ناس هنا الحين بيندبغون
تركي شهق : اافااا وممنن ذول بالله الي امهم داعيه عليهم
شوق رفعت صبعها بتهديد : اسمع لسانك لايطب بلساني لاني جد متنرفزه منك هاا
تركي راح ودفها بكتفها : وش دعووه عاد كلها وجبه تزعلين وتاخذين بخاطرك علي كذا عشان وجبه !!
شوق ضيقت عيونها : هالوجبه هذي تسوواك وتسوى عود المسواك الي كان موجود هنا امس
تركي فقع ضحك على المسمى الجديد : ههههههههههههههههههههههههه هههه
شوق بطرف عين : اطلع برا لاعاد اشوفك بوجهي
تركي : انزين متى بترضين ؟
شوق من غير نفس : اشاور نفسي ارضى ماارضى كييفييي انت مالك شغل برااا بسرعه
تركي رفع يده باستسلام : تمام تمام انا طالع وانتي شاوري نفسك بس لاتشاورين نفسك واجد
وطلع من الغرفه وشوق مكشره بوجهها وتعيد كلامه : ااانننن اننن ماقول الا مالت ثم مالت
ندى سحبتها لعندها ورجعت فتحت الايباد : تعاااااللي بسسس خليه عنك
_______________________
في مآليزيآ ،
وبالمستشفى تحديدآ
بعد ماصار الحادث امس لمحمد وبقى ساعات واقف بمكانه انتبه له ...
اخيرا مرت سيآره وانتبهو له وبلغو الاسعاف الي على طول جاو وشالوه للمستشفى ...
كانو الشرطه متواجدين بياخذون سبب الحادث وكآن رد محمد : طلعت من الدوام تعبآن ودايخ وماحسيت بنفسي
سجل الشرطي كلامه وطلع من الغرفه
اما محمد مسح وجهه بثقل وياخذ جواله من تحت المخده ويقرا اخر رساله وصلته والي كانت تهديد وبالصريح ،
" حمدالله على سلامتك اخ محمد ، بدون مقدمات نبيك تعتبر الي صار لك قرصه خفيفه تحذرك من الي كنت بتسويه ، اقوالك بتكون انك تعبآن وحسيت بدوخه غير هالكلام صدقني ترجع ماتشوف اهلك بسلآم "
قبضه قلبه بخوف وهو يقرا هالمحتوى وعقد حاجبينه : بسم الله الرحمن الرحيم وش ذاا!!!
______________________
في السعـوديه السآعه 9 الليل
وتحديدا بيـت بو مشآري ،
وبغرفة نور الي كانت تتجهز برواق
ولبست لقينز سمآوي فاتح وبلوزه وآسعه ومن فوق نازله عن كتف ومغطيه الكتف الثاني ولونها وردي فآتح
ضبطت شعرها وكثفت المسكرا برموشهآ وحطت روج وردي لحمي وشوية بلاشر ..
تراجعت شوي عن المرايه وهي تبتسم برضا عن شكلها وبحركه سريعه نكست شعرها وهي تهز راسها وترجع تعدله عشان يعطيه حيويه وكثآفه اكثر وتروح للتسريحه وتفتح عطرها وتررش منه بكثآفه
بهاللحظه وصلت رساله بجوالهآ فتحتها بسرعه وكان تركي مرسل لها " انـآ جيت ودخلت المجلس " سكرت الجوال بسرعه ورمته وهي تلقي اخر نظره على نفسهآ وفتحت الباب بسرعه بتركض على الدرج الا وكان بوجهها ريم على الدرج الي من شافتها تكتفت وتغمز : ااوووووه شهالكشخه من له ؟
ضحكت نور ونزلت بشويش ووقفت بوجهها : بلا استعباط مو حزتك والله
ريم تسحب نور من بلوزتها وتشم العطر : بقى من العطر والا خلص تسبحتي فيه ؟
نور ضربتها براسها : لحول وخري عادي تركي في المجلس ينتظر
ريم بوزت : وانا وش اسوي بالله وحده عند رجلها والثانيه منفسه وين اروح
نور بعدتها عن قدآمها : روحي روحي نزلت حلقة مسلسلك اليوم .. ، وطلعت تمشي بناحية المجلس
......................
عنـد تـركي الي كان جالس في المجلس وماسك جواله يطقطق عليه الين مآتجي ،
حس بالباب ينفتح رفع راسه بسرعه ولآشعوري ابتسم لما شافها تدخل وتسكر الباب ، قآم لعندها وهي مدت يدها تسلم عليه طنش يدهآ وسحبها من خصرها وضمها لعنده ، وباليد الثانيه قفل باب المجلس
شهقت نور ولفت للباب : وش له تقفل الباب
تركي ابتسم ولف وجهها له : حمايه من المتطفلين
نور بعدت عنه : عليك الله وش متطفلينه ، ولفت بتفتح البآب ماحست الآ بتركي مشبك يدنيه حول بطنهآ وحنكه على كتفهآ وبصوت هامس قريب من اذنها : اتركيه مقفول
اقششعر جسمها من صوته بهالنبره ولفت وجهها بشويش له : طيب طيب .. ولفت قابلته ويدينها على يدينه الي صارت بظهرهآ وانتبهت لنظراته وبتوتر تحآول تهرب : بنبقى واقفين كذا يعني ؟
تركي ابتسم لما حس بملامح وجهها الي تغيرت للخوف رفع يده يرجع شعرهآ ورا اذنهآ ويقرب بشويش : انآ ماعندي مشكله
غمضت عيونها وشاده بعروق رقبتهآ لما حست بقربه ومايفصل بينهم شي ، الا وبحركه سريعه فتحت عينها وبعدت راسها بشهقه روعته : الققههوووووهه !!
وفتحت الباب بسرعه وطلعت بوسط صدمته وبشويش بدا يستوعب : هين مصير الحي يتلآقى ،
__________________________
بعـد يوم ،
في المستشـفى الكل كآنو متواجدين بعد مادخلو داليا استعدادا للعمليه الي بعد يومين
كلهم موجودين عدآ نوف
ووين ماهم جالسين وينتظرون ويسولفون الا طلعو بالسرير الي فيه داليا وبعد مااخذو منها كامل التحاليل اللازمه واخذوها للغرفه الي بتتنوم فيها والكل قآم عندها
ام فيصل بتفقد : نوف وين ؟
ام مشاري : تعبآنه ماقدرت انها تطلع
فز قلب فيصل بهاللحظه وهو الي كان واقف وراهم رآح شوي جنبهم وهو مركز بالسمع
ام فيصل : بسم الله عليها وش فيها ؟
ام مشاري بصوت خافت : حالها مو حال وانا اختك من لما اجهضت
ام فيصل بضيق : انالله , وش فيها ماهي اول وحده عاد لاتضر بنفسها
ام مشاري تنهدت : وش اقولك بس ! جبتها عندي تتغير نفسيتها ومالقيت الا حالها كل ماله ويصير اردى ماتطلع من غرفتها ابد والاكل بالغصب تآكله اعصابها تعبانه ياختي ومن كم يوم كسرت كل شي بغرفتها وش فيك من كلمك ابد ماترد ولاتكلم أحد يانايمه ياجالسه تصيح وتاكل بنفسها
ام فيصل ربتت على يدها : الله يعدي الامور على خير
سحب نفسه بهدوء من بينهم وطلع يهرول ويبي يوصل بأسرع وقت ممكن نسى كل شي ،
نسى عقآبه ونسى وعده ونسى عصبيته نسى انه معاهد نفسه مايعدي الي سوته على خير ، نسى ونسى
ركب سيآرته رايح لبيت بو مشآري
___________________
عنـد نوف
بوسط ظلام الغرفه والي يتوسطه نور الابجوره الهادي
جآلسه على الارض مقابله النافذه ومتسنده على سريرهآ مرخيه راسها على اطرف السرير ولامه رجولها لعندها وبحضنها اشلاء تيشيرت فيصل الي قطعته ونتفته !
بس ماطاعها قلبها وترميه بالزباله الا ورجعت خذته تحتفظ فيه ،
وبملآمحهآ الي يبان عليها الحزن والاكتئآب وجهها الي بهت من كثر ماصاحت وتوجعت والندم يحررقها ويذبحهآ صآرت تحس بحلقها تجرح من كثر مابكت وحتى عيونها تعبت وجسمها انهد حيله
................
دخـل فيصل البيت وهو يتلافت بتفقد يدورهآ .. مشى بهدوء وبوسط ظلام البيت الي يوحي انه مافي احد بالبيت توجه للدور الثآني وفتح اول غرفه صآدفته ولقاها فآضيه رجع سكرها وراح للغرفه الثآنيه الي كانت غرفة نوف ومن حسن الحظ ام مشآري شآلت المفاتيح خوفا من نوف تسوي بنفسها شي والباب مقفل ،
فتح الباب بهدوء وهو مدخل رآسه وعاقد حاجبينه لما انتبه لها
...........................
عن نوف الي حست بحركه عند الباب وكأن احد دخل
من غير ماتلف وبصوت مبحوح وباين عليه التعب : قلتي لهآ الي وصيتك عليه !!
سكر الباب ومشى لعندهآ بخطوات بطيئه
جا ببالها انها طلعت لما سمعت صوت الباب يتسكر ! لفت لوراهآ : ريـ... شهقت لماا شافته ورااها وعلق لسسآنهآ وكن الحكي انربط ومو راضي يطللعع ،،
|