.
.
.
الجـــــــــزء الواحـــــــــد والثـــــــــلاثــــون
.
.
.
في مـآليزيـآ ،
ووين مآهو طايح على الارض ويتمتم : عططشـ..ـشت مـ..ـويه الله يخـ..ـليكـ..ـم
ورفع رآسه بضيق مكشر ويحاول يفك يدينه او يبعد الشي الي مغطي عيونه
الي يرآقبه انتبه له وابتسم بسخريه : لآتتعب نفسك ع الفاضي
سعود رفس برجله وهو يحرك يدينه بقوه : مممـ..ـننن ااننتتتـ..ـتمم ووش تـ..ـبون منني !؟
الي يراقبه تأفف : مو كانك قلت عطشان ؟
سعود بإندفاع : تتككفى اييه ،
وقف عنده بعد مااخذ علبة المويه وفتحها رشهآ بقوه على سعود الي رفع راسه و شههق بررووعه ويحآول لو انه يشرب قطره من الي انكت عليه ، تمتم بقهر :حسـ..ـبي الله عليـك
الي يراقب خلص تصوير وهو يضحك بسخريه على حاله وارسل التصوير لجراح على طول
وطلع من الغرفه وسكر البآب
_____________________
عنـد مشآري ولينـآ ،
كآنو يتمشـون في حدا الاسواق وكل شوي تاخذ شي لوحده من البنات
مشآري بتملل : وش باقي ماخذيتي ؟ خميتي السوق كله
لينا لفت له رافعه حاجب: ووشش يعني ؟ ارجع وانا ماذكرتهم بشي
مشاري ماعجبه : لالا ذكريهم كلهم وانا اقدر اقول شي ؟
لينا بضحكه : اي احسن لاتقول
بهاللحظه رن جوآل مشاري وطلعه كان رقم غريب رد بنبرة سؤال : الـو نعم ؟
المتصل : السلام عليكم .... معاي اخ مشآري .؟
مشاري ستغرب : اي نعم اخوي تفضل ؟
المتصل الي كان محمد تنهد : الحمدلله ، اخوي انا متصل عليك من طرف سعود الـ... انا معاه بنفس الدوره وعرفت من ضمن السوالف ان اخته وزوجها هنا ،،
مشآري بعد وهو يراقب لينا : اي آمر ؟
محمد : بغيتك بموضوع ضروري ومقدر اقولك تجيني او اجيك لاني اقدر اقول اني مراقب
مشاري بنبرة سؤال : مرااقب ؟؟
محمد : مع الاسف ايه .. مراح اطول بالحكي لان الموضوع ضروري وفيه حياة وممات لاازم اتكلم معك فيه
مشاري بخوف : تكلم تراك وترتني
محمد سكت فتره : ........... سعود مختفي له يومين وعلى الاغلب مخطوف ،
مشآري وبصوت عالي بشكل روع لينا : اااايييششش؟؟
لينا تركت الي بيدها وراحت لعند مشاري وتناظره بخوف
محمد : اي نعم من يومين ماندري عنه بشي وامس كنت بطريقي اقدم بلاغ ومثل ماقلت انا مراقب تعرض لي واحد الين حدني بسيارته وتعرضت لحادث عطلني اني اروح وبعدها وصلني تهديد وانا مو قادر اسوي شي ،
مشآري بلع ريقه وهو مصدوم ومشى وهو شبه ضايع : طيـ..ـب وين ! وش صار ماني فاهم ؟
محمد حس بتوتره : اول شي انت لازم تهدا ؟ تمام .. اول شي بتسويه بتروح مركز الشرطه للمنطقه الي انت فيها وتقدم بلاغ بأسمه والمنطقه الي حنا فيها ،، وبيكون الوضع اسهل لانهم مو عارفين انك بماليزيا من الاساس ولو جيت هنا احتمال يكونون عارفين كل اهله ،،
مشاري بعجله : خلاص طيب طيب وسكر الجوال منه بسرعه ولف للينا وسحبها بيدها ومشى بسرعه وهو يهرول
لينا ارتعبت : ووشش فييكك وش صاير لك ؟
مشاري بارتباك : مو الحين مو الحين خلينا نروح اول !
لينا بإندفاع : ايييي ويييينن ؟
_____________________
في السعـوديـه ،
عند فيصل الي مشى لها بخطوات هاديه بوسط صدمتهآ وانتبه تشيل اشيا من حضنها وتخبيها تحت السرير ، تنهد وراح جلس جنبهآ وهو سآكت
اما نوف تعدلت بجلستهآ بدون ماتناظره او ترفع راسها
فيصل بنبره هاديه : وش الي تسوينه بنفسك ؟
نوف صدت وهي تبلع ريقها من غير ماتنطق
فيصل وبنبره اعلى : فهميني ! وش الي تسوينه بنفسك ؟ وش غايتك من ذا كله ؟
نوف بهدوء ممزوج ببحه : مو قصدي شي .. وش جآبك ؟
فيصل ابتسم بسخريه : كلآم خالتي عنك هو الي جابني
نوف لفت له وهي رافعه راسها ومستغربه .......؟
فيصل يعدد باصابعه : انك ماتطلعين من غرفتك وماتاكلين ولاتبين تشوفين احد .. " والقى نظه على الغرفه وهو يكمل ": ومكسره كل شي بغرفتك ! ممكن افهم ليه هذا كله ؟
نوف وتحس بداخلها شي ينتفض حطت عينها بعينه بنظره تشبه التحدي : مالك شغل وش اسوي وليه اسوي اظن شي راجع لي
فيصل باستنكار : مالي شغل !!! ااووه يعني ناويه تعاندين وتتحدين
صدت بوجهها عنه
قرب من عندهآ شوي وصار وراها تماما وعيوونه على اطرف السرير بيشوف وش خبت عنه .. حط يده على كتفها وبعدها وهي مستغربه ! وعيونها على يده الي مدها لتحت السرير ويطلع قطع التيشيرت ، زفرت بتذمر وسحبتهم منه بقوه عآند ومسك يدها بقوه مع التيشيرت : ابفهـم بس انتي تحبيني ولاتكرهيني ؟؟ وش هالدوامه الي معيشتنا فيها ؟؟ وش تبين انتي علمييني بس وش تبيين
نوف بلعت ريقها بغصه وهي تحآرب دموعهآ بصعوبه
فيصل وهو يشد على يدها وبنبرة ترجي : علميني كيف اتصرف معك ؟ فهمييني على الاقل ليه ماتبين منني عيال وش انا مسوي لك ؟ اذا كان حبي لك لذي الدرجه غلط قولي !!
مآقدرت تمسك نفسها اكثرر ونزلت راسها لما انفجرت بالبكي
تنهد وهو يلتفت ويرجع يناظرها لفتره ...... رفع وجهها له : لاتبكين ، انا انتظر منك بس رد واحد والله ورب البيت وهذاني احلف اني على ردك انا بسير حياتنا احنا الاثنين
نوف هزت راسها بالايجآب وهي تناظره
فيصل بهدوء : تكملين حيآتك معي ونكون احلى ثنين ولاتطلقين وكل مننا بطريق !!
________________________
في مآليزيآ
بعد مرور ساعتين
قدر مشاري انه يقدم بلاغ وطلع حق لينا الي كانت جالسه بكراسي الانتظار واول ماشافته وقفت بسرعه : مششاري فهمني شصاير !
مشآري صد بوجهه وهو عاض شفته مو عارف شيقول ويمسح جبينه بثقل
راحت له لينا وهي تطل بوجهه مستغربه : مشآري شفيك ساكت ماتفهمني
مشآري مسك يدها وجلسها على الكرسي ويناظرها بهدوء وتمعن : اتكلم بس تكونين ماسكه اعصابك ؟!
لينا وزاد خوفها مسكت يد مشاري وحطتها على قلبها الي كان يضرب بجنون : حرام عليك تكلم شوف شلون قلبي يرقع بسرعه
مشآري تنهد وهو يبعد نظره ووجهه عنها ومو عارف كيف يتكلم ويقولها عن اخوها
لينا قربت منه وحطت يدها على خده ولفت وجهه لها : تكلم
مشآري بنبره اقرب للهمس وعينه بعينها : سعود مخطوف ،
لينا ابتسمت باستنكار وبلعت ريقها : من ! من سعود ؟ سعود اخوي ؟
هز راسه بالايجاب وهو يفرك عيونه بصبعينه ، الا دفته لينا بكتفه بقوه وققفت وهي تصرخ بشكل الفت انتباه الموجودين : تستعبط انت عليي ؟ وش سعود مخطووف ؟ بزر هو بزرر عشان يخطفونه !
حس بالانظار الموجهه عليهم وقام وقف بسرعه قبالها وسكر فمها بيده وهو يناظرها : ششش اههدي ااههدي بيكون بخير لاتحآتين اههديي صار عند الشرطه بلاغ وبتصير عملية استنفار بالمنطقه بس اههديي
وسحبها معاه لبرآ وهي مصدوومه مو عارفه تتكلم او تعطي ردة فعل
بعـد ماجلسو على الكراسي الي عند الشرطه ومر عليهم فتره ساكتين
لفت لينا وعيونها متجمعه فيها الدموع : كيف يعني خاطفينه ماني فآهمه ! وش تقول انننتت ؟ ويينه وين اخخذوه ولييهه اصلا لييه سوو كذذا ؟
قرب من عندها واخذها لحضنه وهو يمسح على راسها : ماني عارف وش ارد عليك ماني عارف ليه هم سوو كذذا بس انتي اهديي
تمسكت فيه بقوه وانفجرت بالبككي : ووش سـ..ـووا ؟ وش سووا عشان يخطفووننه ؟
مشآري وهو يهديها : ماسوآ شيي اذكري ربك بس وادعي انهم يلقونهم باسرع وقت !
____________________
في السعـوديه تحديدا المستشفى ،
الكـل طلع من عندها وبقت لحالها ومر عليهآ الوقت وهي تتصل على سعود الي صار جواله مقفل فتحت الرسآيل وكتبت " بمشي على امرك وطوعك من عيوني والله ، وكل ماتامر به بحطه على عيني وراسي من فوق مااقول لآ ، انا في المستشفى الحين مثل مابغيت وتمنتيت بس رد علي تكفى والله قلبي بدا ياكلني عليك يومين من غير ماعرف عنك شي خلاص تكفى كذا كافي علي "
حطت الجوال على الطاوله الي جنبها وانسدحت وقلبها يحاتيه وبدآ النوم يتسلل لعينهآ
______________________
عنـد فيصل ونوف ،
ظل ساكت ينتظر منها اجآبه ... وقطع صمتها وتفكيرها : صمتك مااخذ منه غير الخيار الثاني !
نوف هزت راسها وبإندفاع : لاااااا
فيصل ابتسم لآشعوري بس سرعان مااخفاها وبهدوء : معنى كذا انك فكرتي بالغلط الي سويتيه ؟
نوف بغصه : فكرت وذبحني التفكير ، غلطت ادري والله غلطت بس ننددمتت بياكلني الندم مو قادره انسى
فيصل سكت وهو يناظر يدها الي ماسكهآ ، ورفع راسه لها وبدون مقدمآت وهو مرتبك : ترجعين لي ؟ لبيتك اقصد يعني ترجعين ؟
نوف ماستوعبت وبشوي ضحكه : وشوو ؟
فيصل هز راسه بالنفي : مابي اسمع مبررات ولاابررومابي اسمع اعذار دامك قلتي كلامك ذا مستعد اعيش عمري كله معك ومتأكد ماتخيبين ظني ابد صدقيني متأكد مثل مانا الحين متأكد انك قدآمي
صنمت مكآنها ماعرفت ترد ونفسها مضطرب قلبها يضرب بقوه ماتخيلت ولا وآحد بالميه انه يقول كذا او حتى يجيها ،
قطع تفكيرهآ لما شد على يدها اكثر ونزل راسه لراسها وبترجي اكثر : ترجعييين ؟؟
ابتسمت بوسط الدموع المتجمعه بعينهآ وسحبت يدها منه وفزت وقربت منه ضمته بقوه دافنه رآسها بكتفه وصوتها مو باين عدل : ارجع اكيد انا اصلا من غيرك مآلي حيآه ،
ابتسم بحب والفرحه تشع من عيونه شد بيده عليهآ وغآمر وجهه بشعرها مغمض عينه ويسحب نفس بعمق وكأنه توه لقى الرآحه ،
_______________________
بيـت سمـر ،
سمر متسنده وتبرد اظآفرها : حتى جرآح ماهمني ! صدقيني كل واحد ماخذ الثاني طقطقه ولعب
هيآ بفهاوه : كيف يعني
سمر وهي تنفخ على اظافرها : بكره لو تتم خطته ويعطيني حقي ! اروح للشرطه واسلم كل ماعندي ضده وماهمني
هيا طيرت عيونهاا منصصدمه : ماتخافيين ؟
سمر كشرت : عععع اخاف من ذا ؟؟ يخسى الا هو بس دخل بحيآتي غصب وبقد مآيقدر يدمرني ويدمرني اكثر وبتهديده ان ابوي واخوي تحت يده وانا مثل العبده عنده عشان اهلي ... " وبحقد " حيوان نذل
وقطع عليهم جوال سمر الي رن وكان المطعم وصل الطلب
نزلت من السرير : خلك هنا بروح عند الباب عشان ارسل له اللوكيشن واجيب العشا واجي
هيآ بإندفاع : لاببتوبك وين ؟ ودي نشغل فلم وحنا نتعشى
سمر وهي طالعه وبعفويه : بدروج الي جنب التسريحه شوفيه
هيا فررحت : ططيبب ... وظلت تراقبها الين مانزلت قامت وهي تتحلطم : تحسبيني غبيه وتبين تسترين على علاقتك معه ؟ هييينن بس .. " رآحت للدرج وفتحته ، لقت اللابتوب وفيه فلاشات منثره بجنبه اخذتهم بسرعه وشغلت اللاب توب وباستعجال شبكت الفلآشات وطلعت من شنطتها فلاشات تنقل كل شي فيهم
........................
عنـد سمر الي كانت واقفه في الحوش وتوصف للسايق مكان البيت واخـذ منها وقت حول الربع ساعه الين مآدل الوصف بالضبط واخذت منه الطلب وحاسبته .. ورآحت للغرفه ودخلت وهي تسمع صوت موسيقة المقدمه حقت المسلسل ضحكت بحماس : ااوووهه امداك شغلتيه
هيآ وتحاول تخفي التوتر : شدعوه وش يبغى له ؟
_______________________
بيـت بو سعود ،
اول مادخلت سيارة السايق البيت ونزلو لين وشوق وندى الي اجبرتهم يجون معهآ رغم معارضة شوق القويه الا انهم قدرو يقنعونها
كانو يمشون وبيدهم اغراض لين مآسكه كيسة العشا الي كانو طالبين من هرفي وندى مآسكه البيبسي
اما شوق فكانت مآسكه بيدها علبة الكنآفه
لين وهي تمشي : اقول وش رايكم نجلس بررا هنا يازين الجو زيناه والله
شوق بإندفاع : لاااا تكفين احبسينا بغرفتك حين يجون اخوانك ويدخلون
لين لفت بشوي ضحكه : شدعوه ! تتغطين عن سلطان ولا تستحين من نواف ؟
شوق كشرت : ااووووفف يعني غصب اقول مابي اشوف رقعة وجهه
لين ضحكت : تعالي بس تعالي
ورآحو جلسو بالارض على العشب وحطو عشاهم والكنافه بحضن شوق
لين ضحكت لما تذكرت كلآمها في السياره : خلااص مراح اكل منها شي بس حطيها بالارض
شوق تهز راسها : تخسسين خليها هنا بحضني احس بالامان اكثر ... واخذت وجبتها وبدو يآكلون
شوي والا بصوت سيآره تدخل من الكراج لفو ثلاثتهم
شوق بوزت : وصصل ! عود المسواك المجيم
ندى ولين فقعوو ضضحك : ههههههههههههههههههههههههه
نزل نواف وابتسم لما سمع ضحكهم مشى لهم وهو يحط المفاتيح بجيبه : ضحكووني معكم ... اووهه طالبين عشا كان حسبتوني معكم صاير وحيد مالي احد
شوق تمتم : اي من يتحملك انت ؟
نواف وقف وراها ماسك ضحكته : سمي بنت عمي ؟
شوق بهمس : سم يسم عروقـ... قاطعها لما نزل على ركبته وراها : عروق العدو ان شاءالله ،
لين بنظرة تحذير : ماانصحك ابد ترى النار شوي وتجدح ،
ضحك بداخله ومد يده بياخذ بطاطس من عندها الا ضربته بقووه على يده : وكسسسرر
سحب يده بسرعه مكشر : ااحح بنت اللذين ، يدي يامال الققصص
شوق تاكل بطاطس ومن غيره ماتناظره : يقص لسآنك الي غآثني به
نواف وراكب براسه يطلع جنانيها انتبه لعلبة الكنافه بحضنها : اووهه كنآفه بعد !!
كانت تاكل بطاطس وغصصت فيها وكحت بقوه ، ضححك عليها ومد لها البيبسي : خذي خذي اشربي ،
اخذته وشربته وهي شاده بيدهآ على الكنافه
نواف سحب نفس وقدم شوي صار جنبها ، بعد يدها بشويش عن العلبه وهي تسسمرت مكانها لما شال يدها وفتح العلبه واخذ له قطعه واكلهآ وهو يتلذذ بالطعم ومتلذذ اكثر لوجهها الي انخطف لونه واعصابها الي هجدت وكأن احد كب عليها مخدر
نواف : والله لذيذه ممكن اخذ ثانيه ؟
شوق تناظره بطرف عين وودها تكفخه : على اساس صاير مؤدب !! ... وفتحت العلبه بوجهه : اخخذذ
لين شهققت : ي حيوانه الحين اناا مو راضيه لي اخذ وهذا تفتحيين له العلبه ويتخير ؟
نواف اخذ حبه ثانيه وهو طاير من الفرحه ويلف للين : عاد انا غير ! انا نواف ، ولف لشوق وغمز : صح ! علميها ماتقدرين ترديني
شوق ابتسمت لاارادي لما فهمت قصده وبنذاله ! تنهدت وسكرت العلبه رجعتها بحضنها : ايي اكييد غير لو ماعطيتك بتدبل بكبدي الين تاخذ تقول بزرر ناشب بحلق امه
نواف كشر : افااا كذا نظامك يعني ؟
شوق ماردت ورجعت تاكل بطاطس وهي رافعه حواجبها ببرائه
نواف هز رآسه بوسط ضحك لين وندى على جبهته الي طيرتها شوق ..
وقآم بيمشي ولف لهم بشويش يراقبهم وانتبه لهم اندمجو من جديد ورجع بحركه سريعه وسحب العلبه
صصرخخخت شوق بقوه وقامت لحقته : جججييييبببههااااا
ركض بسرعه ورآح هند الزاويه ووقف متسند على الجدآر
وهي تركض ورآه واول مالف لفت شافته وشهقت بعدها زفرت وهي شاده خصرها وماده اليد الثانيه : اقول عطني اياه تراك طلعت لي شيب براسي قسم بالله
نواف باستهبال : ياجعله كل راسك يشيب دام انه السبب انا
ضحكت : ماني فاضيه لك عطني اياه وخلني ارجع
نواف رفع صبعه بوجهها يشرط : اول قولي انا ماقدر ارد لك طلب
شوق تمتمت : تخسي
نواف رفع حاجب : وش ؟ وش قلتي ؟ تراني ماني اصمخ ها ! اسمع وعندي اذان بسرعه قولي يلا انا ماقدر ارد لك طلب يابعدهم كلهم
شوق رفعت حاجب : كل شوي تزيد حبه اشوف ؟
نواف ابتسم بنذاله : ولو بتعترضين بزيد شي صعب عليك بسرعه قولي
شوق سكتت وهي صاده بوجهها وتخزه بطرف عين وعآضه شفتها بضحك ،
نواف جته الضحكه بسبب شكلها : لاتضحكيين قووليي لا ترى والله ازييد وانتي حره !
شوق تكتفت وهي تناظر الجدار فوقه : مقدر ارد لك طلب يآبعدهم كلهم
نواف تشقق من الفرحه وزل لسانه : ءء بعد طواااايفي والله
ضربته على يده وهي تخزه : اااصص عطني الكنافه يلا
نواف بضحك : يعني تقولين كذا وتبين امسك لساني انسي
شوق زفرت بقوه بعد ماحست بوجهها صار حاار وتبتسم بإحراج : اخلص عطني عاد
نواف يهبل فيها : ااخخسس شوف وجهها صار احمرر
شوق ضحكت غصب عليهآ تبعد الاحراج وبحركه سريعه سحبت العلبه من يده ورجعت وهي تضحك وتسمع صوته يتكلم بصراخ : ههيييينننن انتتي في بيتناا ههيين بسس
جلست على الارض وزفرت بتعب : عععمممىى غثثنيي وججع
ندى تتمتم : كذوب
شوق سمعتها وهي تشرب بيبسي : انطمي ،
_____________________
يـوم جـديد ،
بيـت ام مشاري ،
عند نور الي كانت قايمه من نومها وطلعت من الغرفه راخت لغرفة نوف وفتحت الباب بشويش مآلقتها ، : ززيين طلعت من القفص ، ونزلت وهي تركض : نوووووفف ... نووووفف
ام مشاري سمعتها : وشهو له تصارخين نوف نوف وهي بغرفتها ؟
نور وقفت وهي ماسكه درابزين الدرج : لا مو بغرفتها توني طليت .. مانزلت اهي ؟
ام مشاري : لآ ماشفتها نزلت تأكدي يمكن بغرفة ريم او مشاري وحده منهم
نور : طيب .. وراحت دورتها بالغرفتين ومالقتها ورجعت نزلت للمطبخ وطلت فيه وهم مالقتها ، راحت للصاله وتكتفت : يمه بنتك مو بالبيت
ام مشاري قمطت : وش مو بالبيت بعد انتي .. وقامت بسرعه طلعت للحوش تدورها ومالقتها ورجعت بخوف : ييمهه ذي الخبله وين رااحت ؟
نور : اتصلي على فيصل يمكن يدري
ام مشاري راحت بسرعه وخذت جوالها ودورت على اسم فيصل واتصلت على فيصـل الي رد وبصوته ضحكه : ياهلا والله خالتي
ام مشاري بخوف : هلا فيك فيصل .. اقول يمه تدري وين نوف
فيصل التفت لنوف الي كآنت تحآول تسحب المخده من تحت يده : ااييه ! نوف هذا هي عندي لاتحاتين
ام مشاري ستغربت : عندك !
فيصل ابتسم ورفع يده يحك راسه بإحراج وبهاللحظه نوف سحبت المخده بقوه : ايه عندي جيت امس البيت لها وتفاهمنا بشوي امور والحمدلله
ام مشاري فررحت : الحممدلله يمه الحمدلله الله يسخركم لبعض قول امين
فيصل من قلب : اامييييينن
ام مشاري : يلا اجل اخليك انا الحين وسلم لي على نوف .. وسكرت
حط الجوال على الكامدينه والتفت لها
واقفه وتلعب باللفاف حقها بيدها : ماتتقدر على فرااقي ؟ " وبحركه هيمانيه " كل يووم تشمني فييه قبل لاتنام
ضحك وسحبها من اطرف بلوزتها الين ماطاحت على السرير وضربها بخدها وهو يضحك : على اساس مدري مين جات هنا وخذت التيشيرت حقي ،
نوف رفعت حاجب وضربته باللفاف : اي بس انا ماكابرت مثلك وسويت نفسي مو مهتمه لغيابك ف عادي لو اسوي اي شي بعكسك انت
فيصل سحبها لحضنه وصار حاضنها من ظهرها وشاد على بطنها ويحرك خشمه ببطئ على رقبتها وبهمس : كيفي اسوي نفسي مو مهتم بس بداخلي احترق والشوق يقطعني وصرت اصبر نفسي على ذا " وهو يأشر على لفاف الي بيدها "
ابتسمت وهي تحس بالخجل والفرح بنفس الوقت شدت بيدينها على يدينه ولفت وجهها له بآسته بنهاية خده وبصوت هامس : ربي لايذوقني مر غيابك عني لو يوم ،
_______________________
في بيـت هيآ ،
جآلسه على الارض وفارشه اغراضها بالارض وتهتز بتفكير " وش اسووي من وين اببدأ ؟؟ ابتدي بزوجته وافضحه عندهآ ولا ابتدي بسمر وافضحها عند اهلهآ ولا اروح اقوله اني ماملكت !! ولا اروح لتركي واعلمه عن الي صاير بولد عمه !!
شدت رآسها بتفكيير وهي تحاول ترتب افككارها وتحلف ماتعدي لهم العابهم على خيير
ووين ماهي تففكرر وضامه راسها بين رجولها صآرت تفكر بسمر وجراح بتركيز بتركيز ، وقآمت بسرعه ولبست عبآتها ونزلت تركض متوجهه لعند جراح ،
________________________
بعـد نص سآعه ،
عنـد جراح الي كان يتفرج على فيديوهات سعود وهو يترجى ويصرخ بس محد يرد عليه ويضضحك بشكل هستيييررريي وججنوون
وقام وقف واتصل على الي يشتغلون عنده في ماليزيا وكآن اسمه رائـد ، : اسمعنني شفت الفيديو الي ارسلته توو ؟ ابي مثله نماذج وابي منه اشكال والوان ابييه يتعذذب تعذيييبب ابي ابوه وعمه بس يشوفون ولدهم بهاالحال يستعدون يبيعون نفسسهم لي مو بس الحلال سآمع ! وارسلهم لي اليوم ضروري ابيهم بكرا ،
وسكر منه وحط الجوآل على الطاوله وهو يزفر براحه : حق المظلوم مايضييع !!
بهاللحظه كانت واقفه عند الباب وسمعت كل كلآمه ورق قلبها على سعود الي يتععذب تعذيب والكل يفكر انه لاهي بدراسته ومشغول
بعدت شوي عن الباب وتصنعت البكي بجداره ورجعت ركض لمكتبه ودفشت الباب بقووه وهي تبكي وتصارخ : وينهاا الكلبببهه وينهااااا
جراح ارتاع ووقف رايح لها : ههييي وشش فيك ؟
هيا تشهق : ويننها ؟ وينها سمرر ليه متخبييه عنني ؟ حييواااننهه حقييرررهه
جراح ستغرب ومو فاهم شي من الي تقوله مسكها من ذراعها بقوه وصرخ : تكلميي وشش صاير بينكم
هيا بقهر : خررببت الملكه ، فرركشت كل شي بآخر لححظه الملاك ووصل وراحت دمرت كل شيي مسكت تركي وابوه وسمعته عن كل الخطط وسحبو نفسهم والملكه مااتمتت ومن بعدها مااشفتها ولادرييت عنهاا ،
جراح رخى يدينه وهو متسمر مكانه من الصصدمه يحس انه انششل مو مصددق : تكذبين ؟
هيآ بحرقه رجعت تبكي : والله العظيم انها خربت المللكهه والله تركي قال بنفسه اشكري سمر انها ماخلتني املك على وحده من اششكاالكك والله هيي الي خرربببتتت والله
جرراح بععصبييه جنووونيه فاار ددمه صصرخ : سسمممـــــــــــرررر ،
______________________
مـآليزيآ ،
الشرطه بدت عملية استنفار بكل الاحياء السكنيه والمناطق البعيده والمهجوره بحثآ عن سعود
..
..
في البيـت المهجـور ،
تكور على نفسه وهو يون ويتنفس بصعوبه من وجع الضرب القآسي الي يجهل سببه حس بالدم يسيل من شفته وخشمه بس يعجز انه يداوي نفسه وهو مقيد بهالطريقه
طلع رائد من الغرفه وهو يشرب مويا بعد المجهود الي بذله في ضرب سعود بكل بشآعه لاجل يرضي جرآح ويحقق له غايته ويحصل على كل مايبيه
جلس على الكرسي وارسل التصويرات كلهم له ،
________________________
عنـد مشآري ولينآ ،
ماسك يدينها بمحاوله يهديها وهي تبكي : تكفىى خذني خلنا نروح معهمم ندوره تكفى قلبي ياكلني عللييهه
مشآري : مو بيدديي مو بيدي الشرطه منعت ان احنا نقرب من المنطقه اساسا خوفا من انهم يشوفونا ويمكن يتعرضون لنا ولاتنسين انهم عارفين شكلي هذا شي اكيد
نزلت رآسها وهي تبكي بحررقه : الله يسسلط عليهم ياآربي ويحررق قلوبهم مثل ماحرقو قلووبناا .. وفجأه بوسط بكيها : مششاري اهلي لايدرون تكفى لاتقول لاححد والله امي تنتهي تروح فيهآ لودرت باللي صار
مشآري يمسح على ذراعها : قولي يآرب الشرطه يلقونه ومايحتاج احد يدري بهالسالفه كلهآ
_______________________
في السعـوديه ،
عنـد سمر
الي جاها اتصال من طرف جراح وطلبو منها تطلع بسرعه وفعلا لبست بدقآيق وطلعت ركبت السيآره وهي مستغربه : وش فيه وش صاير ؟
خآلد لف لها : شكله عررف بالسالفه يصرخ باسمك ومنجن جنوونه
سمر قمطت : تركي ؟
خالد هز رآسه بالايجآب ورجع لف لقدام
سمر بلعت ريقها برعب وكن عروقها جفت وظلت طول الطريق سآكته واول ماوصلو
نزلت ودخلت وهي تتلافت برعب وخوف بأرجاء المكان وماشافته برآ راحت تمشي لغرفته واول مادخلت لقته واقف ومتكي على الطآوله واول ماشافها فزز : سطرها و صفعها على الارض ونزل لمستواها وشد شعرهاا بصرااخ وهو يرفع راسها ويضربه بالارض : تكذبين عليي !! تتقولين ملك وانتي بنفسك الي مفركشه كل شششييي بيييدك
وسمر تصآرخ وهي تحآول تبععد يده عنهاا قططع شعرها وكفخهاا تكفيخ الين مابلعت العافييهه
وقفهها بعصصبيه ورمااها برى الغرفه وهو يتنفس بسسرعه وقهر ويرفع صبعه بتهديد وصوته منبح من زود الصراخ : والله لاوريكك نجوم الظهر وتششوفين
سمر وقفت بعيد وهي شاده شعرهاا بألم ومع ذا كله مانزلت دمعه منها وبنبرة تهديد مثله : انتت اليي تصبرر والله لاوررييكك وتشووف من هي سمر ذاك الوققت !
وركضت لبرا بسرعه بعد ماشافت نظرات عيونه الي يتطاير منها الشرار وشوي ويهجم عليهآ ،
________________________
بيـت بو عزام الي اهو جـراح
طلعت ام عزام تفتح البآب وانتبهت لظرف مرمي من تحت الباب ستغربت وانحنت تآخذه وهي تقرا المكتوب " هام لزوجة سلمان ، فآعلة خير "
اخذت الظرف ودخلت وهي تفتحه وتطلع سي دي وتطل في الظرف وهي مستغربه وش ذا السي دي وش دخلني اشوفه ومن ذا الي جآبه !
راحت دخلت الغرفه وطلعت اللابتوب وشغلته وراحت سكرت الباب وقفلته وهي تحس بقلبها قابضها خافت حد يجي من عيالهآ
واشتغل اللابتوب وحطت السي دي فيه وانتظرت ثواني الين مآيشتغل وكان مقطع فيـديو وهي مستغربه ومو فآهمه ويقطع تفكيرها اول مآشتغل ششهههققت بصدمه واستعدلت بوقفتهاا وهي حاطه يدها على فمها مو مصصصددققه
وبقرف واشمئزاز سكرت اللابتوب بققووهه ووقفت وهي شاده خصرها بيد وباليد الثانيه شاده شعرها وهي مو مستوعبه زوجهآ الي يترجاها ترجي انها تسامحه وتغفر له ويحآول يصلح بيته وعلاقته مع زوجته وعياله يسووي هالسواة ! يخونها مع وحده ثانيه ؟؟
______________________
عنـد هيآ الي كانت فرحآنه مو مصدقه انها خطت اول خطوتين بنجاح
بس الهـم الكبير الحين عنـدها تركي كيف توصل له وتكلمه كيف بيصدقها ويسمع منهآ بعد الي عرفه عنهآ ماتظن انه بيصدقها
" بس انا بقول له وهو براحته يصدقني او لآ بس خل يجي بكرا والوعد قدآم واكون صفيت كامل حساباتي ،
_______________________
عنـد داليا الي مآقدرت تنام ساعه على بعضها من كثر ماعقلها شاغلها عليه ،
سحبت الجوال واتصلت على فيصل وكآن الوقت متأخر حول السآعه 3 الفجر
رد فيصل بصوت كله نوم : الوو
داليا انحرجت : ءء فيصل نايم ! ازعجتك
تعدل فيصل بجلسته وهو يبعد الجوال عن اذنه ويشوف الساعه كم : السآعه 3 اكيد نايم بس قولي وش فيك
داليا ورجعت لنبرة الخوف : فيصل صار لي يومين وزود اتصل على سعود مآيرد علي وارسل له رسايل وبعد مايرد وانا قايلة له انه كل يوم يطمني عليه
فيصل وهو يتذكر انه من فتره ماكلمه ضحك بسخريه : يابنت الحلال يمكن مشغول او شي ومتى مآفضى بيكلمك
داليا زفرت : اووهه فيصل والمشغول مايقدر يرسل قبل ماينام على الاقل يطمني !! واصلا جواله تقفل من اليوم ومعد فتحه
فيصل : اذكري ربك وتفاولي بالخير مافيه الا كل خير بس ماتعرفين زوجك وهو هنا ينشغل بوسط الفله كيف هناك ولحاله ! نامي بس وعيني من الله خير الصباح عمليتك ادخليها وانتي مرتاحه لاتتوترين
داليا بهدوء وهي مارتاحت : طيب ، خلاص تصبح على خير ، وسكرت الجوال منه وحطته على الطاوله وهي تراجع كلامهآ وترجع راسها على المخده " يارب تحفظه بحفظظك يارب ترجعه لي سالمٍ غانم يارب ماتوجع قلبي عليه وانا اشوف الدنيا فيه "
______________________
على الصبآح بيـت فيصل
كانو قايمين من النوم وبيروحون للمستشفى بيكونون حولها قبل ماتدخل العمليه
طلعت نوف ونزلت الدرج وهي تضبط حجابها وتنتبه لفيصل يتصل ومبين متوتر : وش فيك ؟ تتصل على من ؟
فيصل رفع راسه لهآ : البارح كلمتني دلول تقول سعود من يومين مايرد عليها وامس تقفل جواله ومعد فتحه وصدق صار لي ساعه ادق عليه مقفل مدري وش فيه
نوف مااهتمت : ااامممم عادي تلقاه منشغل ومتى مافضى بيرجع يتصل
حط فيصل الجوال بجيبه وهو يقتنع بكلام نوف وطلع وركب هو وتركي وامه بسيـآره وحده وراحو للمستشفى ،
_______________________
في المستشـفى وبآقي نص ساعه على العمليه ،
نوف جالسه على اطرف السرير ومحاوطه كتف داليا الي فرحت حيل لشوفتهآ وفهمت انها تصالحت مع فيصل
داليا بهمس : شوفي شوفي الوصخ كيف فرحآن اووهه لاتشوفينه قبل يومين ماكل هوا وساكت بس يناظرنا وحنا نتكلم
نوف ناظرت فيصل الي كآن لاهي مع الرجال ورجعت لفت لداليا وهي تبتسم : جعل عيني ماتبكيه
داليا دقتها : اقول قومي طسي بس وغازليه بعيد عنيي
نوف ضحكت : ههههههههههههههههههههه خلاص بنطم
آم سعود قربت من داليا ومسكت يدينها بحنيه وهي مبتسمه : ابيك تطلعين من العمليه بصحه وسلآمه ابيه يرجع ولدي من غربته ويشوفك متعافيه ويفرح ،،
داليا ردت الابتسامه وهي تربت على يدها : ان شاءالله
وجآو الممرضآت بالسرير المتنقل بياخذونها لغرفة العمليآت والكل بعد عنها ووقفت ممرضتين عند رجولها وممرضتين عند رآسها وهم يعدون : 1....2....3 ، ويمسكون اطراف المفرش ويشيلونها يحطونها بالسرير الثآني غطو وجهها ومسكت الممرضه المغذي وطلعو من الغرفه وسط ادعية الكـل
قبل لآتدخل قسم العمليآت نزلت الغطا عن وجهها ورفعت رآسها : تـــــرركــــــيي ،
تركي فز : سمي ، ورآح لعندها مسكت يده وهي شاده عليها قرب من عندها وهي تناظره بترجي : سـلم لي على سعـود طلبتك
تركي ماعجبته نبرتهآ : بتطلعين بالسلامه وبنفسك بتبشرينه بسلامتك
داليا شدت على يده اكثر : وان مآقدرت وماطلعت سلم لي عليـه و تركت يده ودخلو لقسم العمليآت
تركي قبضه قلبه من نبرة صوتها وطريقة كلامها واصرارها ، تعوذ من الشيطان وهو يبعد الافكار السوداويه من راسه
بهاللحــظظظهه ،
كان بو سعود يمشي مبعد عنهم شوي وهو فاتح محآدثة رقم غريب يرسـل له فيديوهآت من ساعه وهو مانتبه لهم الا تو
فتح اول فيديو وهو يمشي ، ويشوف وآحد طايح على الارض ومربطه يدينه من وراه وعيونه مغطيه ، وقف وهو معقد حوآجبه ويبغى يركز من ذا !
وشوي شوي بدا يسمعه يتكلم ويقول عطشآن عطشآن ارتجففت يده وهو يدقق اكثثرر ويشوف يرشون عليه مويه ويششهق مرتآع ويبين اكثر انه ســــعـــود ولـــده ،
وقف ممتسسمر مكآنه ويتمتم بعدم تصديق : ولـ..ـدي ،
الكل لف لما سمعو شهقته وراحو له يركضون
نواف مسكه من كتفه مستغرب : ييببه !
ححس بثقل عظآمه وخر الجوال من يده وتثاقلت وقفته
ششههققو ومسسكوه عن لآيطيح واخذوه للكرسي جلسوه وهو مرجع راسه لوراه جا نواف وفك ازارير ثوبه ويضرب وجهه بخفيف : يببه ! يبه سامعني وش فيك
فيصل الي مسك الجوال اول ماطاح على الارض وشغل الفيديو وتوسسععت عيونه ببصصددمه رفع راسه لععممه : ععممميي هذا سسععود ؟؟
تركي راح لعنده بسرعه ونزل راسه للجوال ويشوف ومعه مسك الجوال بصصدمه وهو مطير عيوونه : ذذا سسعود !! وشش فيه ؟ رفع رآسه لبو سعود الي كان جالس يكلم بو فيصل : عععممي من ذوول ؟؟
بو سعود لف لتركي وهو مختبص : مدري من ذول مدري الي شفته صدق ولا يتراوالي
فيصل بخوف : عممي ذا سعود ماغيرهه بسس وش صاير ماني فاهم شي
بو فيصل بنبرة تحذير : اهدو يآجماعه لاحد يسمعكم من الحريم كافي الي هـ... قاطعه بو سعود بنبره عاليه : ووششش ننههدداا وللدددي مخطوف هنااك ولدي يعذبونه
بو فيصل مسك كتف اخوه : هد نفسك يابو سعود عشان نعرف نتصرف
بو سعود بعجله : انا رايح للشرطه ماني ساكت ولاراح اصبر ولا دقيقه ولدي يتععذذب يابو فيصل يتععذذب ،
في الغـرفه طلعت ام سعود وهي تسمع صوت رجلها وستغربت : وش صاير لكم ؟ وش فيك بو سعود ؟
نواف راح لها وهو مرتبك : صاير شي بالشركه وهو معصب لاتشيلين هم ادخلي داخل
دخلت ام سعود دآخل
بينما الرجال بو سعود وبو فيصل وبو مشاري وفيصل ونواف رآحو للشرطه يقدمون بلآغ
وهـم في الطـريق اتصل رقم على بو سعود ورد بسرعه : الو نعم ،
المتصل بتحذير : اذا انت رايح تبلغ فأقولك ارجع مكان مآجيت
بو سعود وقف السياره بسرعه وهو يلتفت وراه : منن اانت وش تبيي ؟؟ اذا انت رجال تعال قابلنني وفهمني سالفتك يانججس
المتصل ضحك باستهتار : حبيبي والله ، راح تشوفني قريب بس احذرك ان رحت وقدمت بلاغ وصار عندهم خبر صدقني والله ولدك ماعد يرجع لك ابد ..
بو سعود صررخ بجنون : مننن ااانتت وش لك بوولدي ياننذل اتركهه وتفـ..... طوط طوط طوط ، رمى الجوال على الطبلون وهو يصصرخ : يراقبوووناا ومهددين لانبلغ علييهم وماسكين سعود عنددهم
بهاللحظه الكل لفو وراهم يدورون احد واقف
وبو فيصل مستغرب : اعوذ بالله ومن ذول الي اشغلونا وقلقونا عيشتنا !!
فيصل سكت فتره : عمي اكيد ذول عندهم مطالب عشان يتركون سعود
بو سعود تسند وهو يزفر : حسبي الله ونعم الوكيل حسبي الله ونعم الوكيل ، وش احنا مسويين لهم عشان يسوون كذا هااه ! مانعرفهم ولانعرف عنهم شي ويخطفون ولدي بغربته ويراقبونا هنا ويهددون مانشتكي
نواف ضاق خلقه على اخوه وهو يتذكر الفيديو وسحب الجوال من حضن ابوه واتصل على الرقم بسرعه
بو فيصل : وشش بتسوي تتصل على ممن
نواف اشر له يصبر وتكلم بحده اول ماوصله الرد : الوو ، اسمعني اخلص علي وش تبي ؟ او بالفصيح كمم تبي ؟؟
المتـصل ضحك : ههههههههههههههههههههههه اصغرهم فاهمهم يعني ؟
نواف قمط وتسمر مكانه وش عرفه ذا اني اصغرهم ؟؟
المتصل : اسمعني ، اول شي تاخذ الحين يوتيرن وترجع مكان مآطلعتو ، بالاحرى تتسترون على ماشفتو وعرفتو
نواف صرخ : يييااححححيييـ.... قاطعه المتصل : اوه اوه لا ماتفقنا على كذذا ! لاتتطآول ، اسمعني زين ، بكرا السآعه 10 انا بكون بالشركه ونتفاهم بالساكت وكلن يطلع منها راضي ، وسكر الجوال بوجه نواف الي متنح ويناظر الجوال مصدوم ،
بو سعود مسك ثوبه : هاا يابوك وش قاااال
نواف بهدوء : نرجع مكان ماجينا الحين وبكره الساعه 10 بيكـون عندك بالشركه
بوسعود ناظر بوفيصل وهو شبه مو فآهم وبو فيصل تكلم : يجي ونشوف كم يبي مثل ماقال نواف ونعطيه بس الحين ابيك تهدا الحريم مالازم يدرون تراه دمهم بينشف
________________________
عنـد هيآ ،
كانت جالسه بغرفتها وترسل لتركي " ابيك بموضوع ضروري ابتصل ولازم ترد صدقني الموضوع فيه حياة وممات "
عند تركي الي قرا الرساله ونفخ بتذمر ماله خلق لها ابد وماامداه يفكر الا نورت شاشة جواله ويشوف رقمهآ تتصل سحب نفس ورد ببرود : نعم
هيآ فزت وقلبها صار يضرب بقوه بشوق لهالصوت الي فقدته وفقدت كلامه : هلآ تركي شخبارك
تركي ببرود : بخير هيا بخير قولي وش عندك بسرعه ،
هيا حزنت من رده بس سرعان مارجعت لسبب اتصالها : اوكي تركي انا راح اقولك شي مهم حيل مهم بس صدقني ماينفع بالجوال
تركي بحده : هــــيــــــا !
هيا بإندفاع : ورب الكعبه مابي منك شي والموضوع مايخصك ولايخصني
تركي ستغرب : يخص منو اجل ؟
هيا سكتت فتره :........... يخص سعود ولد عمك
تركي فزز وهو مطير عيونه : وش تعرفين انتي عن سعوود اننططقيي تككلممي
هيا خافت : تركي استهدي بالله لازم اشوفك عشان اعلمك بكل شي جالس يصير وياحبذا اشوفك بشكل مستعجل
تركي مشى يركض بيطلع من المستشفى : اوقفي عند المكان الي كنت اجيك فييه دقايق وآنا عنددك ،
هيا بسخريه : طيب
_____________________
بعد ربع سآعه بالضبط
ركبت هيا سيارة تركي وهي تمنع مشاعرها لاتفضحها
تركي فز وهو لاف لها : تكلميي وش تعرفين عن سعود وش دراك عنه اصصلا
هيا رفعت يدها بوجهه : صبر انآ لازم افهمك الموضوع من بدايته عشان تستوعب
تركي زفر : ططيبب قوولي انا اسسمع !!
هيآ تعدلت بجلستهآ : في البـدايه كنت محتاجه للفلوس وسمر صديقتي الروح بالروح وكنت ادري بعلاقتها معك وادري انها مصلحه ، قالت لي سمر عن الي تشتغل لصالحه الي هو سلمـآن الـ... والي مغير لاسمه لـ.جراح ، وقالت لي اني لو اسوي مطالبه راح يعطيني مبالغ احلم فيها
تركي بتركيز : طيب ؟
هيا كملت : قالت لي سمر عنك وطلبت مني اكون علاقه معك ...."ونزلت راسها وهي تفرك يدينها" : خصوصا انك بسرعه تكون علاقه مع اي بنت بس هالمره طلبو مني اني اخليك تتزوجني بأي طريقه حتى لو اني افضحك عند اهلك وساعتها هم يجبرونك تتزوجني بعدها سلمان بيستخدمك وسيله ضد ابوك وعمك ، مرت الايام وانا اكلمك وتعلقت فيك قبل لاانت تتعلق فيني وحاولت باي طريقه اني ابتعد عن طريقهم بس ماقدرررت سمر تهددني ودايم تذكرني ان انت مستحيل تحب انسانه مثلي وبمستواي واني مااحبك احسن لي ، ماسمعت لها ولا لكلامها وانت خطبتني وبعدها قلت لها لهنا وبس وخلاص وهي ماعجبها ذا الشي بعكس سلمان الي عطاني مبلغ جامد عشان انك خطبتني ، وسمر اخفت علي انها مقهوره وجت يوم الملكه وسوت الي سوته وانت عارف مايحتاج اقول، بس الشي الي ماكنت اعرفه انها قالت لسلمان ان الملكه تمت وهو طبعا رضى عليها وانا يوم كنت رايحه وبفضحها عنده و " فركت جبينها بربكه ماعرفت وش تقول "
تركي ناظرها بتساؤل : وش صار ؟ تكلمي حرقتي اعصابي
هيا من غير ماتناظره : شفتها بوضعيه غلط معاه وو انا سويت نفسي ماشفت شي وسحبت نفسي وبعدها فكرت اني لآزم اعرف وش يخططون عليه عشان انتقم منهم كلهم ، وفعلا رحت لها وقلت لها وش صار بيوم الملكه وطبعا اهي نكرت وقالت انها كانت واقفه في المطبخ وانصدمت باللي صار وماكأنها اهي الي خربت وشوي شوي بديت اقنعها اني ابي انتقم منك واخذ بحقي بس من غير سلمان لايدري ،
وقبل كم يوم عرفت ان خاطفين ولدعمك سعود الي اظن بماليزيا هو !
تركي فز : اييه اييهه بلا خاطفيينه وش تعرفين بععد وش يبوون قووولي لييهه خاطفينه وش بينهم وبين ابوي وعميي
هيا بهدوء : مدري وش بينه وبين ابوك وعمك بس اعرف مطآلبه وجيت اقولك عشآن احذرك ! واعلمك وش تسوي
تركي بتركيز : قولي
هيا : اسـمـع ،،،،،،،،
______________________
في المستـشفـى ،
بعـد مرور 5 سآعآت ومن بين ادعية الحريم والي تقرا لها ايات من القرآن
انفتح باب قسم العمليات والكل فزز بوجه الدكتور بكلمات : بششر .... طمننا ... وش صار
نزل الدكتور الكمام من على وجهه وهو يتنهد بابتسامه : الف شكر وحمدلله العمليه عدت على خير البنت بخير بعد اطمنكم ، الحين اهي تحت الملاحظه وبتأثير المنوم بس تصحى تقدرون تشوفونها وتتكلمون معهآ
الكل همس يحمد ربـه ويشكره على هالخبر الي فرحهم ،
ام فيصل دمعت عينها من الفرحه ، سنين واهي تتمنى هاليوم سنين واهي تتمنى لو تكون بنتها سليمه ومافيها شي
______________________
.
.
بعـد ماصحت من البنج واخذوها لغرفه ثآنيه الكل دخل عندهآ وكانت تبتسم لهم بس يبان على ملامحها التعب
الحريم ملاحظين ان الرجال فيهم شي ومختبصين ،
ام فيصل معقده حواجبها : اقول ورا ماتقولون لنا وش فيكم ؟ وش فيكم متوترين ومانتو راضين تهجدون ؟
فيصل : كل خير يالغاليه
ام فيصل عطته نظره : اقول بس ! علي هالحكي والله اني شاكه وراكم بلآ
بو سعود ماتحمل وطلع من الغرفه ولحقه بو فيصل وبو مشاري
ام سعود : والله انك صادقه وراهم بلآ
تركي زل لسآنه : ء لا بس سعوـ ... داليا قاطعته : رردد ؟؟ رردد عليك ؟
فيصل زم شفته لتركي وراح لداليا وجلس عندها وبنبره هاديه : ارسل رساله من ساعتين وقال لي اطمنك وانه بخير وكان مشغول ورايح لمنطقه مافيها ابراج وماقدر يتواصل معك ومتى ماخلص وقدر يكلمك راح يكلمك على طول
داليا تنهدت بس سرعان ماحطت يدها مكان قلبها مكشره بألم ، فز فيصل بخوف وهو ماسك كتفها : وش فييك ؟
داليا مغمضه عيونها: تنهدت واحس انمصع قلبي ،
ام فيصل : بسم الله على قلبك ، ارتاحي ارتاحي
فتحت عينها بشويش وابتسمت وهي تتذكر كلامه عن سعود وانه بخير الحمدلله ،،
________________________
عنـد جرآح ، " سلمان "
كآن يكلم خالد وهو يفور من القهر : سـمر هذي شغلها عنديي بس خليني اخللص من ذول تراني وصلت للي ابيه وابي اركز معهم اما ههذذي ف هي جنت على نفسسهآ
خالد : وش بتسوي معهم بكرا وش بتقول لهم ،
جرآح وكأنه تذكر ووقف بسرعه واتصل على رائد الي بماليزيا وبعـد كم رنه وصله الرد : الـو رائد اسمعني بكرا اهم يوم بشغلكم واهم يوم بحياتكم كلهآ ابيك تشد حيلك و ترسل لي فيديوهآت اقوى من الي رسلتهآ
رائد : ضرب وضربناه والمويه مايشربها الا بالرش وش نسوي !!
جراح صرخ : لو تـضطر تكسر له عظامه ف اكسرها ، ابـي شـي قــــوووي !!
رائد بهدوء : على امرك
وسكر جراح من عنده وهو يحس بتعب ورآيح لبيته وترك خالد الي كان منتظر منه رد ولا كأن احد مكلمه اصلآ
وبعـد ربع سآعه وصل لبيته ونزل دخل البيت وكالعاده البيت مظلم ويوحي بعدم وجود اي كائن يعيش فيه ،
توجه لغرفة النوم واول مافتح الباب وشغل الانوار عقد حواجبه باستغراب وهو يشوف الدولاب مفتوح ومافيه ملآبس لزوجته وعلى التسريحه مافيه ولآشي سستغرب وجن جنونه وش صااارر !!
ترك مقبض الباب وطلع بسرعه : فاااااطمممهه ،
راح لغرفة ولده عزام وفتحها ماشاف احد وهو الي مآيترك غرفته ابد ، راح لدولابه يركض وفتحه مافيه الا كم بلوزه معلقه
بلع ريقه بصعوبه مايدري ليه تركو البيت وطلعو رجع لغرفته وهو يجرر رجوله جرر كان حيل مبسوط بكرا بيقدر يرد كل شي سلبوه منه بو فيصل وبو سعود بكرا بترجع كل امواله بكره يقدر يعيش زوجته وعياله بعز مثل مآكانو ...
قطـع تفكيره لما شاف اللاب توب مرمي على السرير وبجنبه راح وجلس بضيق على السرير وسحب الظرف ويقولب فيه ويتتتتنننح وهو يقررا " هآم لزوجة سلمان ، فاعلة خير "
عقد حاجبينه مستغرب وتربع على السرير وهو يفتح اللاب ويدخل السي دي وينتظر ثواني الين ماشتغل ويناظر بتركيز
وينصصصدددم ان الفيديوو اهو وسمرر فيه وبوضع غلط ،
توتر وصار قلبه يضرب بسرعه وصفق اللاب توب ويقوم يمشي ويرجع مكانه وهو شاد شعر راسه ويمسح جبينه بثثقلل ويزفر بملل : ااااااااففففففف كككااننيي نااققصص ،
ودف اللاب توب عنه وجلس على السرير وهو يسحب نفس : خليني اخلص بكرره وبعدها ادبر لي شي ابرأ نفسي فيه ،
________________________
يـوم جـديد في مآليزيآ
دخل رائد على سعود ومعه خوياه " مصعب ورآشد " ومصعب كان يصور
ورآح لعند سعود الي كآن شبه نايم وسحبه من ذراعه
سعود ارتعب : مممنننن !! مممنننن اننتت
رائد مكشر من ثقل سعود وهو يسحبه : قوومم قوومم وانت ساككت بنروح لمكان ثآني
سعود نفض نفسه منه وهو معصب : ااتترررركني بحااالليي اتترركوووننيي وشش تبون منييي انتووو ؟؟
راشد كآن طويل وعريض راح لسعود الي صار جسمه هزيل ومافيه حيل ضرببه بوكس على وجهه من قوته تراجع سعود على وراه وطآح على ظهره وهو يتأوه : آآهه
راح له راشد من جهه ورائد من جهه وقوموه بقوه وطلعو من البيت الي كان على مرتفع وسط غآبه وفيه بنهاية الطريق درج طويل ، مشو لعنده وفجأه تركو يده
وقف سعود بذعر وهو يتلافت يمين ويسار مو شايف شي : وينن انناا ووين رحتتو ! ، وحاول يفك يديينه بقوه الا صرخ رااشد : اانا بمشي وابيك تلحقني تعبت وانا ماسكك
سعود صرخ بعصبيه : حححمممار انت ! الحققك وانا ماششووف قداامي ؟؟
رائد صرخخ : اممشي سيدده ققددااام واذا قلنا لك يمين تلف يميين ،
سعود تنهد وهو يتحسب عليهم اما هم مشو ، راشد : الحقني سيده ،، ووقف على بداية الدرج
مشى سعود بحذر وهو منزل رآسه ويحاول لو يشوف شي قليل من الطريق قدآمه ومن غيير سابق انذاارر ماحس بروحه الا يطييح درجه ورا درجه ويضرب راسه مع كل طيحه الين ماثبت على الارض ححس براسه تفتت من شدة الاللم رجوله تنمممل بقوه ويدينه الي كانت مربطين وصايره تحتتهه ،
نزل له راشد ووقف عند نهاية الدرج : ووشش فييك اقولك الحقني تمشي باتجاه ثاني ! غبي انننتتت ؟
سعود مآفيه حيل ابد يتكلم ولاينططق
مصعب الي كان يصور وقف تصوير وارسل الفيديو لـ جرآح
ونزل مع راشد ورائد يشيلون سعود الي بدا يفقد وعيه
______________________
عنـد جراح ،
نزل من سيآرته الي وقفها بمواقف شركة بو سعود وبو فيصل
" جراح كبير في السن مهو صغير عمره 50 سنه يعني مانقدر نقول انه طايش بتصرفاته ، وكان كاسيه الشيب، قبل لايجي الشركه صبغ شعره اسود وصبغ لحيته "
دخل الشركه وهو يناظرها رافع حاجب وراح متوجه لعند مكتب بو سعود بعد ماسأل الموظفين وعلموه وين ،
واول مـافتح باب المكتب الي كانو كلهم فيه " بو سعود وبوفيصل وبو مشآري وفيصل وتركي ونواف "
فتح الباب بأكمله وهو يناظر بو سعود وعينه بعينه بنظرة تتححديي من غير مايتكلم ،
بو سعود ناظره بحيره وشك وكأن هالوجه مألوف عقد حواجبه وهو يحاول يتتذذكرر ، الا ففزز بو فيصل : سسسللممااانن !!
ططير عيوننه بو سسعوود ووقف هو الثاني معه : سلماان الـ.. ؟؟
سلمان سكر الباب وهو يبتسم بسخريه : شفتو الدنيا قد ايش صغيره !
_________________________
في المستـشفـى ،
اخذوها لغرفة الفحص بعد العمليه ،
ويسوون لها كشوفات ويتأكدون من سلامة عضلة القلب بعد العمليه وكآن معها امها
وبعد ماخلصو ،
ام فيصل تكلم الدكتوره : كل شي زين ؟
الدكتوره تبتسم : الحمدلله الف الحمدلله نتايج العمليه على احسن مايكون الحين اقدر اقول ان قلب داليا سليم معافى مافييه اي ضعف ،
ام فيصل بحذر : والعيال يادكتوره ؟ هي كانت مافي امل تحمل
الدكتوره : اااممم بالنسبه للاطفال فكانت ماتقدر تجيب عشان العلاجات الي تضطر تاخذهم ممكن تأثر على صحة الجنين امـا الحين ف بنعطيها علاجات ثانيه تستمر عليها بس مالها اياثر على موضوع الانجاب
ام فيصل غرقت عيونها بالدموع : الحمددلله لك ياارب الف الحممدلله ،
،
عند داليا الي كانت منسدحه على السرير وسرحآنه " ليتك كنت معي بهاللحظه ليتك سمعت كلام الدكتوره وهي فرحانه فيني وتقول اني ممكن احمل ، ليتك كنت جنبي اول مافتحت عيني بعد العمليه حيل محتاجتك عندي حيل ابي احس بوجوودك حولي "
______________________
في الشـركه ،
.
.
نرجـع بالزمـن 25 سنـه
وفي احد القطاعـآت الخـاصه
صارت عملية اختلاس كبيره لاموال الشركه والكل مشكوك فيه والدنيا قامت ماقعدت في الشركه
ومرت اسابيع على الشركه في حالة توتر واضطراب والعمل واقف يدواومون بس لهدف يسترجعون الاموال الي اختلسوهآ او يعرفون من المجرم
وبعد ايآم ،
قدر بو سعود انه يكشف المجرم من بعد ماكان شاك فيه وخبر اخوه بو فيصل والي على طول بلغو عليه ،
واثبتت الادله ضد سلمان وحجرو على كل امواله وانسجن لمدة 20 سنه ومن بعدها مايتوظف بأي قطآع ،
طلع سلمان من السجن والكل يتصدد عنه ومالقى اي ترحيب او اي احد مشتاق له بالعكس كانو ينفرون منه وكارهينه
اول مادخل السجن كان عمر ولده عزآم شهور ، وربى عند امه ومايعرف عن ابوه غير الحرامي المختلس المسجون
رانيا بنته بوقتها كان عمرهآ سنه ، ونفس الشي تكره ابوها كرهه فضضييع ،
قرر انه ينتقم من الي فضحوه وخسروه كل امواله الي كان مقرر يبني فيها بيوت وعمارات ويستثمرمهم
غير اسمه لـ جرآح عشان يدخل بعالم ثاني عالم كله جرايم وعصابات ومايبي احد يعرفه بأسمه الي هو سلمان "
.
.
.
نرجع لواقعنا ،
وقف فيصل مستغرب : يبه عمي ؟ تعرفونه ؟
سلمان : يعرفوووني عز المعرفه " ويلف ل بو سعود " : صح ولا انا غلطان ؟
بو فيصل : انت بأي وججهه تسوي سواك يااننذذذل انت بدل ماتططلب من الناس تغفر لك وتسسامحك تتسوي الي انتت تسوويه
بو سعود بهمس : ططول عمرك انسان وصصخ وماتحب تتعامل مع الناس بشرف وطيب نيه !
بو مشآري الي عرفه من سوالفهم القديمه : انت طالع من سجنك تنتققم وبتعيش دور المظللوم وانت ظالم ؟
سلمان صصرخ : اناا مااني ظاااللمم
بو سعود صصرخ : بس حررااميي قذذر مختلسس اموااالل
بو فيصل بححده : ووشش تببي ؟ حرامي مثلك كنت بتظن تعيش هالدنيا بمثل ماتبي ؟؟ تسرق اموال الناس وتتاجر فيها ؟ لعبه الدنيا بيدينك
بو سعود بنبرة تحذير : اتتررك ولددي ولا وو....
قاطعه سلمان لما رفع يده بوجهه يسكته : 60 مليون استلمهآ بعدها تقدر تكلم ولدك وتتطمن عليه ويرجع لك
فيصل شهق : وووووشششششوووووو
بو سعود ماقدر يتحمل وراح بيتهجمم علييه الا مسكوه بو فيصل وبو مشآري يمنعونه وهو يصصارخ : خخسسييسسسس نننذذذذللل
سلمان وبكل برود طلع جواله من جيبه وشغل اخر فيديو انرسل له وحطه على الطاوله : القرار لكم ،
راحو الثلاث الكبار وصارو يناظرون الفيديوو وههم مننفجعيين ، رفع راسه بو سعود وصصرخ : اانت من اايي طيينهه مخلووقق ، ااتترك ولدي ياجعلك ماتتنهى بييووم ولاتلقى الرآحه
سلمان سحب الجوال : 60 مليون ونكون متفقين ! ، وطلع من المكتب ومشى يطلع من الشركه
عن تركي الي كان سساكت وكان احد صاب عليه مويآ بارده وهو يطابق الي صار بكلام هيآ كله صار بالضببط جا جراح وطلب نفس المبلغ الي قالته ! يعني هيا صادقه ماتككذبب
قآم وطلع من الشركه بسسرعه وركب سيارته واتصل عليهآ
، وجاه الرد : بششر ؟
تركي بإندفاع : كل الي قلتيه صصارر الننذذل جا وطلب المبلغ الي قلتتيييهه
هيآ فزت : ححللوو .. يعنني انت وااثق بكلامي
تركي همس : واثق ،
هيآ بحماس : اسسمعني اجل ..............
_______________________
في مـآليـزيا ،
الدكتور يصصرخ : مسستحيل لازم تودونه المستشفى كسوور فضيعه بجسمه كيف تعالجونه بهالخراابه !
راشد رص على ذراع الدكتور : بتعالجه ههننا ،
الدكتور يهز راسه بالنفي : مسستحيل عنده كسر بمفصل الفخذ لازم جراحه ، وبايين ظهره متأثر من الطيحه وعلى الاغلب فيه كسر وايده مكسورره لازم ناخذه على المستشفى ونشوف اللازم هناك الوضضع هنا صصعب افهموو
راشد عض شفته خايف يهجم عليـه : يااخي قلناا لك بنوفر لك كل شي هنا بس شووف شغلك
|