[فيتامين سي]

الفصل الثاني
...




" جميلة أنتِ..
يحدوكِ الجمال كما
يحدو اللهيبُ فراشا
نحوه يفدُ
جميلة أنتِ ..عيناكِ الزمرد ..لا
يخبو في شفتيكِ الكرمُ والشهدُ
جميلة أنتِ ..في أحراش
مأسدةٍ
وهل يعفُ وأنتِ الظبيةُ الأسد؟ "


****

الساعة الرابعة فجراً ..
دخل بخطوات هادئة يحمل بيده حقيبة سوداء متوسطه الحجم اشبه بتلك الحقائب التي يحملها رجال الأعمال المليئةُ بالأوراق..
فتح الغرفه ذات الباب الأسود تحت الدرج تماماً رماها بقوة تدل على غضبه واغلق الباب واقفله عدة مرات..
وضع المفتاح بجيبه ثم توقف قليلاً يستعيد نفسه تنفس بعمق شديد ..تحت انظارها..تقدم بخطوات هادئه متجهاً لها كانت تحمل بين يديها كوب بهِ شوكلاته ساخنه ..
قبل خدها وألقى عليها تحية الصباح كعادته جلوي :صباح الخير حبيبتي
وضع رأسه في حجرها وتمدد على الأريكه السوداء الطويلة تنهد بتعب شديد
حنين بهدوء:تبي اقولك كم شنطه حطيتها بالغرفه هذي من سكنا هِنا؟
جلوي بعد أن رفع نظره إليها ثم أخذ بعض من خصلاتها التي بقربه و شم عبيرها ..
همس بعد صمت لم يطول جلوي:أوراق تخص العمل لاتدققين على الموضوع كثير
حنين بإستهزاء:كم شهر وماتلقى مكان لباقي اوراقك..!!
جلوي بعد أن سمع صوت الأذان :بروح اصلي وقفلي على هالموضوع والعصر بنطلع مثل ماوعدتك
حنين بعد مغادرته:هين والله أن اعرف وش وراك ياولد سعد..
نهضت بعد أن اغلق باب القصر خارجاً للجامع القريب ..
اتجهت للغرفة وصلت الفجر وبعد أن راجعت سورة يونس قرأت اذكارها ثم نزلت للأسفل
توجهت للمطبخ لتجد مريم ترتب بعض الأطباق في أماكنها
حنين:صباح الخير
مريم:ياصباح الفل والياسمين ياحبيبتي ..عاوزة حاقه احضر الفطار؟
حنين بأبتسامه:ارتاحي أنا بحضره بنفسي بس الله يعافيك جهزي طاوله في الحديقة
مريم بصدمه:يالهوووي دنتي عاوزه تمرضي مرة تانية
حنين:ههههههه عادي بروح ألبس ثقيل خاطري افطر في الثلوج
مريم:ده ابو سعد ماراح يرضى
حنين:الله اكبر قلتي جليوي ماراح يرضى ..!!! يرضى غصباً عنه وبيفطر معي بعد
مريم:احفضي صوتك يابنتي دنتي عارفه أنه مايحبش هالكلام
حنين:أي ماعليه خليني ابرد كبدي دامه مو هنا
مريم:هههههههههههههه يالهوي دنتي مصيبه طيب انا ارتب ليكي الطاولة دلوأتي
حنين:ياحلوك يامريم أحبك لما تتكلمي مصري خلاص خليك كذا عطول
مريم:ربنا يسعدك ويحفظك

..
رتبت فطور خفيف مع عصير برتقال اضطرت أن تضع له أخر لأنه أن لم تضع له سيأخذ عصيرها حتى وأن لم يتبقى إلا القليل ..
صعدت للأعلى
وارتدت لباس يحميها من برد عمان القارص ..
بنطال كحلي اللون وتيشيرت أحمر اللون عليه معطف اسود من الفرو يصل لتحت الركبة بقليل..
وايشارب قد قامت بلفه حول عنقها ليخفي اذنيها من البرد..
ثم نزلت بعد ان رتبت شعرها ووضعت بعض الكحل الأسود بعينيها الواسعة ذات اللون الأخضر الرائع
وضعت بعض المسكرا بالرغم من أن رمشيها لاتحتاج لذلك..
رشت قليل من عطرها المفضل وختمت بأحمر شفاه ذا لون أحمر قاني..
وجدت مريم قد أعدت طاولة الأفطار كما ارادت
جلست تستمتع بلحظات الصباح الجميلة ..

دخل للتو يحمل بيده أخبار اليوم ليقرأها كعادته
توقف في المنتصف لينظر لها تجلس هناك بين الثلوج وكأنها ملكة الثلج..
اتجه نحوها ليتوقف عند الباب الزجاجي الكبير الذي يطل عليها كان ظهرها بأتجاهه بحيث أنه لايرى وجهها..
تحدث عندما سمعها تعطس جلوي:يامال البرد ياقلبي
حنين :المسلم يقول يرحمك الله

جلوي بعد أن جلس :يرحمك الله
حنين:يهديك الله ياجوجو
جلوي وعلامات الأستفهاام على رأسه:جوجو؟؟؟
حنين:يس ندلعك وش تبي بعد
جلوي بغمزة عين :الشيب مالي راسي مايناسبني هالدلع فيه دلع احسن
حنين:لاتبالغ كلها سبع شيبات واللي تبيه مو حاصل تدري اني اكرهك وعمرك ماراح تكون حبيبي
جلوي وهو يتجاوز عصيره ليأخذ عصيرها:خلينا نقول انك تكرهيني ثمانية وتسعين بالمية
حنين بحنق:اولاً ليش حاطه لك عصير عشان ماتاخذ حقي ثانياً اذا رجعت لأهلي نشوف قد ايش اكرهك
جلوي وهذا الكلام يضايقه كثيراً رفع عصيرها لفمه وشرب من حيث كانت تشرب يغير الموضوع:اهه وتقولين ليش اخذ حقك له طعم خاص
قام مسح شفتيه بعد أن طبع عليها بقايا احمر الشفاة الذي التصق بالكأس مما جعلها تخجل لتأخذ عصيره بإرتباك..
ليهمس بمرح جلوي:وين وين على كيفك تاخذين حقي
حنين بعناد قامت بشربه كله دفعةً واحدة ولم تبقي إلا القليل وضعته على الطاولة ونهضت:اهه باقي تبيه خذه
جلوي ينظر لها بإبتسامة واسعة وعندما مرت بجانبه مسك يدها ليجلسها بقربه :اييه يابنت نايف طلعي العلم اللي ببطنك وش خاطرك فيه
حنين زمة شفتيها:وش عرفك أنه بخاطري حاجه
جلوي :حافظ ادق تفاصيلك ياقلبي
حنين بعد صمت :مابي اصير من مكفرات العشير أنت ماعمرك رديتني من شي ولاقصرت بحقي
وكنت سبب في حفظي للقرآن الحمدلله حرمتني من أهلي لأسباب أنا ما اعرفها ورافض تقولي وتريحني صح اتطمن على اخبارهم بس شوقي لهم بيذبحني
وضع يده على كتفيها لا إرادياً وهمس:مافي احد يموت من الشوق صح انه يوجع حيل بس الشكوى لله
حنين بعد أن اخذت نفس عميق:لنا سنتين وشهر متزوجين وأنت تأجل سالفة العيال جلوي انا ودي بطفل يسليني في وحدتي
وبتردد: بترك الموانع..!!
جلوي بتنهيدة:لا وبعدين ليش مستعجلة عليهم الحياة قدامنا
حنين :مين قال اساساً؟ اذا رجعت اهلي بنتطلق
جلوي :وتضيعين هالطفل بينا ..لاعاد تجيبين سيرة الطلاق ولا اسمعها
حنين:هذا اللي بيصير يابوسعد
جلوي لم يتمالك نفسه شد على عضدها بقوة ألمتها:زمرد لاتجننيني ولاتخليني اقسى عليك
حنين تحاول ابعاد يده عنها:انا حنين بنت نايف مو زمردك واترك يدي عورتني
جلوي دفعها عنه حتى سقطت على الثلج:دائماً تخربين اللحظات الجميلة بيننا
تركها وذهب كي ينام ..
بينما هي كعادتها تبكي عندما ينتهي نقاشهم اللطيف بقسوة منه..
***



في مكان أخر في أحدى أحياء الرياض الهادئة الساعة الآن الثامنة صباحاً..
منذ أن انهت الجامعة العام الفائت ولم تجد وظيفه كرست حياتها لمنزلهم المتواضع كل فترة تعمل به ركن جميل وأخر ماعملتهُ ركن قهوة في الصالة جميل جداً يدل على ذوقها الراقي..
أنهت ترتيب المنزل كعادتها كل صباح
ذهبت المطبخ باحثة عن ماتعد به الأفطار ..فتحت الثلاجة ولم تجد به سوى ماتعد به السلطه وقليل من اللبن ..
صرخت بصوتها المرح فيض:فيااااااااااااااااااا� �اض هييييييييه ياولد تعااال بسسرعه
اتى راكضاً عندما سمع صوتها الذي افزعه كان يرتدي قميص ابيض مقلم بأسود وشعره القصير منكوش وعيناه محمرة من النوم فياض:هاه ايش فيك ايش صاير؟
فيض عندما رأت حالته رحمته:بسم الله عليك ياقلبي خرشتك
فياض تركها وذهب وجلس على الأريكة:يازين من يلفك كف تصفر اذنك منه ياحماره احد يصحي النايمين كذا
فيض:من وقت وأنا اصحي فيكم ماقمتوا وبعدين الثلاجه تصفر ياروحي روح جب لنا اغراض
فياض بصراخ:عجووز أنتي ياحماره وش يقومك من الصباح
فيض:بوركت الأمم في بكورها
من خلفها مرام:وترويع المسلم بعد مايجوز
فيض:شسوي فيكم من فجر وانا لحالي والحين جوعانه فياض روح جب لنا اغراض يرحم والديك
فياض بعد أن هدئ:مطفر ياروح اخوك ماعندي إلا ميه وخمسين وحقت البنزين راتبي بينزل بكرة
فيض بلكاعة :حبيبي اللي سيارته لكزس كم عشرة تفلفلها والباقي قووم يالله
فياض:اففف اروح واجيب وتجلسين تسوين متى يخلص فطورك الظهر انا رجال وراي دوام ماني فاضي اروح مشاوير تجهزوا نروح نفطر برا وادج بكم بـذا الستين اللي ماكله قلبك
فيض:ايووه الحين بديت اروق ثواني بس
مرام:ماعليك منها مو لازم ..تاكل من الموجود
فياض بإبتسامة حُب :كيف ماعلي منها تراها مثل بنتي يعتبر أني مربيها والله ما ارد شي في خاطرها وانا اعرفها ماسوت هالبلبله إلا انها تبي تطلع
مرام:عندي فلوس اذا محتاج ماتغلى عليك والله
فياض بغير رضا:فلوسك خليها لك ولأختك انا اخوكم وملزوم اصرف على البيت وعليكم بتتيسر الأمور إن شاءالله روحي تجهزي لين ألبس ثوبي
بعد دقائق كانوا بجانب آلة الصراف
بعد ماخرجت المئة والخمسون قالت فيض بمرح:كحي جعل مايكح غيرك
فياض: هههههههههههههههههههههه استغفرالله العلي العظيم هذا وكلها ميه وخمسين ريال لو خمسة ألاف وش بتسوين
فيض :اسحب المبلغ وأنا أقبل عيناها
مرام التي بالمقعد الأمامي:الله يرزقك هالوظيفه اللي ماحصلت..
فيض:امييييييييين وتكح لي عشره
فياض:ليه الأخت ناويه على الوزارة مره وحده
فيض بلكاعه:والله أن نغزت خويك هالبطران يتوسط لي كان صارت
فياض:هههههه يازيني وأنا اروح ارز وجهي عنده واقول دور لأختي وظيفه
اللي يشوف شكلك يقول سيدة مجتمع والجيب مليان مايدري انك كحيانه
اقول بس انزلوا وصلنا
فيض تضربه على كتفه:شدخل المظهر الأنيقه أنيقه حتى لو طفرانه
فياض:ايي والدليل هالماركة التقليد اللي بيدك هههههههههههه
فيض تضربه بالشنطة:يالخايس هين يجي اليوم اللي اشتري فيه الأصليه واضربها على راسك قليل ادب
فياض وهو يفتح باب المطعم لهما:ههههههههههههههههه يجيب الله مطر تفضلي ياسنيوره
فيض:وتاج راسك
فياض ضحك :هههههههههههههه الله يرجك من بنت

الساعة أحد عشر صباحاً وبعد أن تناولوا الأفطار وترفيه على طريقة فياض ..
عادوا إلى المنزل فيض بعد أن خلعت عبائتها بشكل مهذب لا يليق إلا بها قبلت جبين فياض برقه:شكراً ياأحلى اخ بالدنيا
فياض وضع أحدى يديه على كتفها وقبل جبينها كذلك وهمس بأذنها:اذا بخاطرك نتمشى مره ثانيه لاتسوين زلزال بالبيت قولي مباشره
فيض:ههههههههههههههههههههه� �ههههه يمه منك
فياض ذاهب لغرفته:تراني مربيك على يديني تبيني ما اعرف وش بخاطرك؟بروح أنام وصحوني للصلاة ..
جلست فيض على الأريكه:ياربي لاتحرمنا منه وارزقه على قد نيته
مرام:امييين يارب والله أن الاخ عزوة وسند
فيض بمشاعر مضروبة:حبيب قلبي فياض والله لو يطلب كليتي ماذخرتها
فياض من خلفها يضرب رأسها بخفه:وععع الناس يقولون عيوني روحي كلييتي.!! اخيييه منك
فيض:بسم الله من وين طلعت انت بعدين أحمد ربك عندك احد يفداك بإعضائه
فياض:ههههههههههه امحق علم مرام تعالي شوي ابيك
فيض ترفع حواجبها:لايتناجى اثنان دون الثالث!!.
مرام ترميها بالخدادية الصغيره:يمكن فيه خاطب لك ويبيني اعلمك انا عشان مايحرجك
فيض هاربة لغرفتها:ماهازا كلام ؟؟ أنا قد هربت
فياض:هههههههههههههههه الله يبلغني فيكم
مرام:امر ياقلبي وش بغيت؟
فياض يمدها ببطاقة الصراف الخاصه به:مايامر عليك عدو الليلة عندي مهمه اخاف اتأخر هذي صرافتي ان تأخرت اشتروا اغراض البيت واي شيء تحتاجونه
مرام وقبض قلبها:هالمهمه فيها خطر عليك؟
فياض بعكس الرياح التي تعصف بداخله:لا إن شاء الله سهالات بعد الظهر فيه اجتماع عشانها
مرام:طيب بس طمنا عنك لاتخلينا نقلق عليك
هز فياض رأسه وذهب كي ينام وقبل أن يغلق باب غرفته صرخ بصوت عالي بعد أن رمى الزي الخاص بعمله:فيــــــــــــــض اغسلي بدلتي واكويها
فيض من غرفتها:طيــــــــــــــــ� �ـــــــــــــــــب
فياض:اذني الله يسندر راس العدو تراني اسمعك


****

استيقظت للتو وبقيت في سريرها لوقت كعادتها عندما تستيقظ من النوم انقلبت لجانبها الأيمن لتلتقط هاتفها الذي يرن على الكوميدينه القريبه منها
فتحت الخط سندس:اهلين سارونه
سارة:صباح الفل والياسمين
سندس:صباح الكسل والله
سارة:قومي يالله اتركي عنك الكسل وتعالي خلصي بحثك وسلميه
سندس:وش يقومني من سريري
سارة:بيقومك العلم اللي معي يالله انتظرك اذا تأخرتي ماراح اقول لك
سندس بتساؤل:ايش فيه قولي
سارة:ماراح تسمعينه الا بمكتبة الجامعة ياروحي
سندس: يااه سامجه قولي خلاص صحصحت
سارة :تعالي واقولك
سندس تخمن: انخطبتي ؟
سارة:ويييه لا إن شاء الله انا قايله ماراح اتزوج إلا خالك ياقلبي
سندس:هههههههههه ياسماجتك وبعدين لاتنتظرين لزيم بيمتلي راس شيب ماتزوج
سارة:افااا عليك خليني مره اطلع بوجه وانا كاشخه عشان ينعجب فيني
سندس:هههههههههههههههههههه ياااع حركات الفين وخمسه ياقلبي يل ايلا بقفل
سارة:لاتتاخرين وجيبيي لنا معك كراميل ماكياتو من ستاربكس على طريقك
سندس:لاياشيخه وش بعد تبين
سارة بأبتسامه صافية:سلامتك ياروحي
سندس: الله يسلمك يلا باي مسافة الطريق وجايتك
..
نهضت واخذت شور على السريع وارتدت بنطال جنز وتيشيرت كركمي وضعت القليل من الماسكرا وروج وردي باهت رتبت حاجبيها..
نشفت شعرها القصير ورتبته ..ارتدت عبائتها ووضعت الطرح على أكتافها ثم اخذت بعض الكتب وحقيبتها وخرجت من غرفتها واتجهت لجناح والديها..
طرقت الباب بهدوء سمعت والدتها تطلب منها الدخول
فتحته وتقدمت نحوها وقد كانت مضطجعه على سريرها سندس تقبل خدها :صباح الخير ماما كيف اصبحتي
ام حنين :صباح النور ياروحي الحمدلله هاه بتروحين الجامعة الحين
سندس:أي ابغى اشتغل على بحثي واخلصه
ام حنين : الله ينور دربك اكلي شيء قبل تطلعين
سندس تقبل يدها:الله لايحرمني منك
كانت تريد سؤال والدتها مابها شاحبة اللون ولكن ما أن لمحت صورة حنين تحت طرف المخدة صمتت لاتريد تقليب المواجع..
مسحت دمعتها التي سقطت على خدها
نزلت الدرج بسرعه لتتصادف مع والدها ألقت تحية الصباح عليه
سندس:بابا الله يخليك اهتم من ماما جيتها قبل شوي تعبانه نفسيتها
أبو حنين احتضنها:الأسبوعين الجاية عندك شيء؟
سندس:لا كلها مو مهمه
ابو حنين:اجل بنروح مكه ونجلس فيها كم يوم عسى روحها تهدأ
سندس تقبل رأسه:على خير ان شاءالله
..
دخل الجناح وخلع شماغه ووضعه على الأريكة جلس أمامها على السرير مما جعلها تثني قدميها احتراماً له
لاإرادياً خبأت الصورة تحت المخدة ..
ابو حنين : يا غاليه بنيتنا بخير وجلوي يداريها مثل مايداري الصغير لكن الله العالم وش اللي جرى وخلاهم يسافرون بـ ذا الشكل
ام حنين بشهقة لم تستطع كتمانها:قلبي بيتقطع عليها يانايف
ابو حنين:استودعتها عند اللي ماتنام عينه والله يردها لنا سالمة غانمة ولله في أمره حكمه
المؤمن مُبتلى ياغاليه الأنبياء وهم أنبياء ابتلاهم الله في عيالهم وصحتهم
ماتدرين يمكن يكتب الله لنا لقى قريب وتجيك شايلة ولدها في يدها
ام حنين بضحكه وعينيها ممتلئه بالدموع:ياالله ياكريم
ابو حنين:نبي نروح لمكه بكرة ولابعده ونجلس بها كم يوم بها لعل الهم ينجلي
ام حنين:كنت بطلب منك نروح قبل تقوله
ابو حنين يمسح دمعها ويقبل جبينها:القلوب شواهد يام الحنين الحين قومي وصلي لك ركعتين ووكلي امرك لله وحده
ام حنين :ونعم بالله ..الله يمدك بالصحة والعافية ويخليك لنا ذخر
مسك يديها وشد عليها ثم ابتسم لها ابتسامه حُب لم تتغير على مر الأعوام:ويخليكم لي ويحفظكم


***



الساعة الثانية ظهراً..
في قاعة أجتماع عناصر مكافحة المخدرات ..
تحدث العقيد بعمليه بحته ورسمية ساير بن منصور: وصلتنا استخبارات عن وجود شبكه من تجار المخدرات في شمال الرياض
سنحاصر الموقع من جميع الجهات بمساعدة أحدى القوى الخاصه..
طبعاً عددهم كبير ومسلحين وبهم عدد من القناصه
لذلك أتمنى منكم توخي الحذر واتباع التعليمات اللازمه وخاصةً أنتم يا فياض ولزام.. عُلم
فياض :عُلم طال عمرك
لزام:الله يقدرنا على فعل الواجب
العقيد:يالله توكلوا على الله وتجهزوا بنباشر المهمه بعد صلاة العصر
انصرفوا الأفراد ماعدا فياض ولزام بأمر من ساير
العقيد ساير بوعيد:لاتقولون ماقلت لكم انتبهوا تخالفون التعليمات ترى هذي المرة مو مثل كل مره
لزام:ابشرر
فياض:اييه إن شاءالله
ساير:فياااااض اسمع الكلام ..تراك متهور دايماً
فياض:ياخي حسيتك ابوي
ساير:وانا مقام ابوك
فياض:هههههههه ترى الفرق بيني بينك خمس سنوات
ساير بضحكه: لاتنسى أني عقيد يا الملازم
فياض :نترقى ان شاء الله وناخذ محلك وانت تتقاعد يالشايب
لزام يفرد ذراعيه:سوالفكم ماتخلص يالله خلونا نتجهز
فياض:أنا جاهز ومستعد لو تبون الحين اروح واحصدهم لكم رحت
لزام:قول وفعل يابو عبدالله
ساير:الله ييسرها واذا انتهت المهمه على خير ترى السهرة عندي
لزام:على القوة
فياض:والله مااطبخ لكم
ساير:هههههههههههههههههههه� �هههه لابد ذا المره علي الطبخ بسوي لكم مرقوقه
فياض:اخييه كأنك عجوز ويحوسك الطحين
لزام:هههههههههههههههههههه� �ههههههههههه وش فيهم العجايز بركة الحياة
ساير:ماعليك منه ظاهرةٍ كبده يمكن يبلاه الله بعجوز يتزوجها
فياض بصدمه نهض:اعوذ بالله من فالكم انا ما ابي الا شمحوطةٍ مزيونه وشعرها كما سواد الليل ورمشها...
ساير:بس بس الحين تهل علينا قصيدة اهجد بس
فياض:الشرهه علي اللي جالسٍ معكم .. بروح لمكتبي ابرك لي
ساير :انتبه لاتنام وتحلم في الشمحوطة وتنسى المهمه
لزام:والله توقع منه ينام مو اول مرة يسويها
فياض: لا مصحصح ماعليكم

****
فتح الخزانة الخاصة به أو لنقول خزانة اسراره
اخذ قطعة قماش سوداء ذات طراز معين ..
يعتبر من التراث القديم يعرف في مامضى وخاصة في نجد العذية بـ (البرقع) وهو ماترتديه السيدات الكبيرات في السن وربما يرتدينه الفتيات ..
اشتم رائحة والدته به فقد احتفظ به طيلة الثمانية الأعوام الاخيرة من بعد الحادث الذي وقع عليهم وهو يحتفظ بما يخصها..
احمرت عيناه من القهر تمنى أن دموعه تنزل وتريحه ولكن مستعصيه ..رفع هاتفه الذي رن
اجاب المتصل وكأن أحد الحراس يخبره بأن هناك ماوصل له..
خرج واخذه وكان عبارة عن ثوبين احدها اسود وكان زي سعودي بحت وشماغ ابيض وكذلك عقال والاخر ثوب نسائي تراثي قد اشتراه لحنين .. صعد للأعلى ووضعهما على الأريكة وخرج لصلاة العصر بعد أن ايقظ حنين..التي قامت وتوضت وصلت وبقية في مصلاها ساعةً كاملة قرأت وردها وراجعة السورة التي عليها مراجعتها اليوم وقرأت اذكارها ..
تسمع حركته في الغرفه فقد عاد من المسجد منذُ عشر دقائق ..
خلعت شرشف الصلاة ثم التفتت له ليبهرها شكله همست بعدم تصديق وهي تراه يعدل من شماغه امام المرآة حنين: الله ثوب وشماغ
جلوي نظرلها وبأبتسامه:لايق علي
حنين اقتربت لا إرادياً واخذت تمسح على كتفه:كثيير حلو ابوي يحب الثوب الأسود
احتضنها ثم همس لها جلوي:شوفي هناك ..واشار للأريكه
حنين ابتسمت ابتسامه واسعة: فيك الخير مانسيتني
جلوي بحب:افاا عليك انسى نفسي ولا أنساك
حنين: ايش عندك ايش السالفه؟
جلوي: ألبسيه عشان نطلع مثل ماوعدتك
حنين:لايكون ناوي على كشته؟
جلوي:هههههههههه لابنزور ناس اعرفهم بس أنهم عايشين بالبر
حنين:من جدك!!قلت الاماكن عشان توديني البر
جلوي:وبعد بشب لك ضو واتغزل فيك
حنين:هههههههههههههه شارب شي؟؟
جلوي:لاوالله بس ام جلوي عاوزه كدا
حنين:مينن ذي بعد
جلوي :مادري اسألي عبير

(هههههههههههههههههههههههه� �ههههه اعتذر لخروجي من النص دعابة لـ أم جلوي)

..
جلوي:لااا بسرعة عندي شيء ثاني
حنين:اذا تذكر ترانا متهاوشين الصباح
جلوي:ياليل الليل اعتبريه حرب عيال عم
حنين أخذت الثوب التراثي وارتدته..كان مقاسها بالضبط أحببته عليها جميل جداً لائق بها ..

كان ينتظرها وعندما خرجت استقبلها بحُب ..قبل جبينها قبله عميقه ثم أخرج من جيبه الجانبي قلادة ذهب ألبسها إياها ..
همس بإذنها قبل أن يخرج جلوي:هذي عشان زعل الصباح ماتليق على مبسمك الضيقة..
نظرت للمرآة وأحبت شكلها بالثوب تذكرت جدتها حصه كانت ترتدي هكذا ثياب ..
زادت من كحل عينيها لمت شعرها واخذت عبائتها والطرحه ليلفت نظرها شيء معلق بجانب الطرحه
ضحكت بعدم تصديق حنين:ههههههههه لا امو من جده برقع..
لن تتركه في خاطره سترتديه..
لفت الطرحه بأحكام على رأسها ثم قام بربط البرقع ..
يالهذا البرقع رائحته جميلة لم اشتم عطراً كهذا من قبل هُنا من اين اتى ..سـ اسأله عنه
اخذت حقيبتها ونزلت لتتوجه لسيارته ..
فتحت الباب وركبت بجانبه ليهمس بشاعرية جلوي:"ماهقيت أن البراقع يفتنني"
حنين بغرور:فاتنينك بالبرقع ومن غيره
انحنى عليها ليقبل خدها جلوي ثم قال: جعل زولهم عن عيني مايغيب ..
حنين: المكان اللي بنروح له بعيد؟
جلوي:مشوار ساعتين ..
اخرج سيارته من مزرعته متوكلاً على الله الفرد الصمد..
ما أن سار بعض مترات حتى لاحظ سيارة تتعقبه همس بهدوء بعد أن وضع يده خلف عنقها جلوي:زمرد انحني شوي
حنين:ليشش
جلوي :انحني شوي بس.
حاول تجاوز صاحب السيارة البيضاء ولكن لم يستطع فذاك ماهر بالقيادة..
قاد بسرعة جنونية حتى اقبل على حاجز امني(نقطة تفتيش)
توقف بقرب أحد رجال الشرطة واخبره بأن هذه السيارة تتعقبه ..
تم ايقاف السيارة بينما جلوي اكمل مسيره
تحدثت حنين بخوف:وش السيارة اللي تلاحقنا؟وش يبون منا
جلوي:ماعليك خلاص محد ملاحقنا بعد
حنين:أنت وراك بلا متورط مع أحد قاتل لك أحد ومنحاش؟
جلوي :هههههههههههه اعوذ بالله من فالك يابنت الحلال مافيه شيء تطمني
حنين:الله يستر من اللي وراك
ألتفت لها وابتسم وشد على يدها وكأنه يقول ..
لاتخافي مادمت بجانبكِ.

بعد أن وصلوا وجهتهم اوقف السيارة بقرب سور كبير بقربه حارسين.. وماكان هذا السور سوى إسطبل خاص به ..
قال لها أن تنتظره في السيارة حتى يعود..
سلم على الحارسين ثم دخل وخرج بحصان أسود يقوده بيده
اقترب من نافذتها وقال بمرح جلوي:الحين نكمل مسيرنا على الخيل
حنين:جلوي بلاش هبال
جلوي وهو يعتلي ظهر حصانة:والله مو بعيد خلينا نتمشى عليها
اشار لبعض الأشجار واخبرها أنهم هناك
حنين:طيب وين فرسي؟
جلوي:مادريت أنك خياله
حنين بغرور:عشان تعرف أنك ماتعرفني للحين!ياللي حافظ ادق تفاصيلي
جلوي:هههههههههههههههههههه� �ه لاتدقين بالحكي
عاد للأسطبل وجلب لها فرس بيضاء هادئة الطباع بعكس حصانه
ركبت حنين الفرس بمهاره بينما جلوي يناظرها فقط..
حنين:يالله نروح
جلوي أخرج هاتفه وألتقط لها صورة جميله جداً وأخرى هو يظهر بالصورة..
جلوي:والله انك فتنه
حنين:قول ماشاءالله لاتذبحني بعينك
جلوي:لاتخافين استودعك ربي كل يوم
قاد حصانه وهي خلفه أخبرها أن الناس الذين سيضيفونهم الليلة مسنه وحفيدها الذي يبلغ من العمر عشرة اعوام..
همست حنين وهي تتقدمه بمسافة قليله:لايوسوس لك الشيطان وتقول بننام عندهم تراني خوافه؟
جلوي:قلت لك لاتخافين وأنا موجود ..صرخ بأسم حصانه كي يركض فأبتعد عنها كثيراً
لتهمس حنين:يعنني خيال محد قدي..
لتصرخ هي كذلك وتتجاوزه لينفجر ضحك جلوي:ههههههههههههههههه والله طلعتي خياله صدق
حنين:وش على بالك اجل أنا بنت نايف مو حي الله
جلوي:والسبعة انعام والله منك ومن ابوك..


***
وابلٌ من الرصاص بين الطرفين ..توقف قليلاً عن الرمي عندما رأى جزاءً من الحائط الخلفي مُتهدم..
تقدم خطوات بسيطه كي يدخل لهم من الخلف ليصرخ به العقيد ساير:فيااااض ارجع والله لو ماترجع ان اجازيك.
فياض:
حنا هل العوجا ولابه مراوات
شرب المصايب مثل شرب الفناجيل

قفز ليختفي عن انظارهم ..ليلحق به لزام كذلك معتزياً بأسم والده:ابوو محمد والله ماتروح من دوني

ليصرخ بهم العقيد بعد أن لحق بهم ولم يتركهم:والله لا اجازيكم جزاء ماتنسونه طول عمركم.



***
نهاية الفصل
ولي بكم لقاء إن شاءالله
سبحانك اللهم وبحمدك أشهد أن لاإله إلا أنت أستغفرك وأتوب إليك.