[لامارا]

البارت الثاني عشر🌿

لاتجعلون الروايه تلهيكم عن طاعاتكم اللهم بلغت اللهم فشهد

يقُول أشتقت ومايسأل ياغافر الذنبّ أغفر كذبته.♥

جهز كل شخص شنطه صغيره له وطلعو برا
نشور قبل لاتركب/جددي ابي جوالي
الجد /يله ياعيال تعالو خوذو جوالاتكم واروني شحنتهن امس تقدم الكل ياخذه الا لؤي واقف ينتظرهم يخلصون ويروح ياخذ جواله
فهد/يعنننني مايهمني الجوال يااي
لؤي/اي شدخلك وصد بغرور
فهد وهو ماشي/انت لو الله يفكك من الغرور والثقل انت بخير
لؤي صد وهو يفكر بالموضوع بكل عمق محتار وبنفس الوقت يخاف تروح عليه هلفرصه ويندم
الجد مد جوال لؤي /امسك فهد
اخذه فهد وراح ل لؤي/امسك
اخذه لؤي وابتسم
وبعدها ركبو السيارات
العيال تقسمو ب 4سيارات
والعمام كل واحد بسياره مع زوجته وبناته
والجد والجده ونشور ورشا وساره ولمى
نشور قاعده بهدوء وعلى جوالها ونفس الحكايه لمى ورشا اما ساره تسولف مع ابوها وامها
لمى /يووووووه
لفت لها رشا/وش بك
لمى/ولا شي بس علق الواتس من كثر الرسايل
ولفت لنشور الا على طلعت نشور من الانستا وصارت الصفحه الرئسيه الا شافت رسايل السناب 400000وقالت بصدمه /اوللللله رسايل السناب اربع ميه الف
لفت لها نشور وابتسمت وصدت
الجد/من وينن كل هرسايل يانشور
نشور تنهدت/جديييي كم مره اقول لك انا مشهوره مشهوره طبيعي بتوصل كذا رسايلي تبيها 50مثل
الجد/وتردين
نشور/الي الحق عليهم ارد بس مو دايم لاني مااقدر كثار
سكت الجد والوضع مو عاجبه
وصلو للاستراحه تفرقو الحريم لقسم الحريم والرجال لقسم الرجال
قاعده على جوالها بينما كل البنات جالسات مع بعض ومسويات دائره وماتسمع الا ضحكهم
اماا هيي الوضع فله عندها جوالها معاها وشروق ومشاري يتناقرون وتحب مناقرهم مرررره
شووي الا تسمع صراخ العيال استانست لانهم قبل يدخلون عطت فهد 4مسدسات مااء
/اسمعني تكفىىى عبهم تعبيهه ابيهم كذا يمشون كنهم تو متسبحين وقربت منه وبهمس/خصوصا لؤي
رفع حاجبه فهد وقال/شمعنى لؤي
نشور/قاهرني غروره
فهد/اوك
نطت من عند الشباك وتشوف مع فهد 2ومع عساف 2ومتجمعين على العيال ويرشون ومركزين على لؤي الي يصارخ
لؤي/يازلايب بعدوو انقلعو عني
فهد ضحك اكثر وقرب الا جاء لؤي يركض واخذهن منه بخفه ولف عليه وروشه ترويششش الا خلص الماء الي به
لؤي بعصبيه /كلببب من مرسلك عللي منت مركز الا علي فيه هنا20واحد
فهد مات ضحك/وش بك معصب ياحُب الوضع فله
لؤي عصب اكثر /فله تروشني كذاا انا اوريك وصار يركض وفهد يركض اكثر على طلعت نشور الجد نادها الا فهد صار ورا نشور
/بوجهه نشور
لؤي انقهر مايقدر يقرب له عشان نشور/تخبى ورااا حريم يالخواف اطلععع اشوف
فهد ضحك بقوه ونشور ماتدري وش تسوي /باللله تحسب انك بتطلعني كذاا ماراح اطلع ماني فاضي اندق صراحه
نشور/خلاص لؤي دخل بوجهيي اتركه
لؤي /لا بالللله عباني مااء واتركه
نشور/حتى انت عبيته
صرخ فهد/كلاااااام سليم
لؤي/فهيدان اطلع احسن لك ترا ماراح تندس اكثر من كذاا مردك بتجي لي
فهد/ايااااااااام سوررري ماني طالع
نشور/تكفى لؤي خلاص فكه هلمره سامحه
صد لؤي
نشور/بس هلمررره ان سو شي اذبحه لو تبي
الا ضربها فهد وهمس/بالللله من قايل لي اكثر شي ركز عليه لؤي
ضربته مع بطنه /انطم
وقالت/هاه لؤي شقلت
لؤي وهو ماشي/هلمره بعديها بمزاجي
كشرت نشور/يععع مايقدر يقول خلاص بس هلمره وهو يبتسم او على الاقل يقولها وهو يطالع
فهد/لاشوفي صراحه غريبه مررره غير كلامه معروف مايغير كلمته بس تلقين عشانك اول مره تطلبينه وافق والحين تلقينه متندم اوو كبريائه انكسر
نشور/اووووووله اوله كل هاذا عشانه فكك
فهد ضحك/هو كذا عاد
نشور/يله برروح جدي دق علي يبيني
فهد باسها مع خدها/شكررا على الفزعه
نشور/ولووو بس بدل ملابسك عشان مايجيك برد
وراحت لجدها
راحو العيال يسبحون ماعدا لؤي الي طلع يكلم
لؤي /اووك وينكم تمام تمام شفتكم قربو
نزلو من السياره /هااااااي
لؤي راح لهم وضمهم وسلم على عمته ولف لعلا/كيفك علا
علا /اهلا تمام وانت
لؤي /بخير حياكم
ودخلو
العمه /واخبارك واخبار ابوك
لؤي/ابد والله حياكم عند الحريم
عُدي/تقول للي شعنده جدي مطلعكم بالاختبارات
لؤي/مدرري شعنده المهم اخبارك زين جيتوو
عُدي/اي واللله
اعرفكم العمه /طيببببه بقوه وحنونه عندها ولد وبنت
علا وعُدي
علا عمرها 16
عُدي 22
لؤي /سبرايزززززززز
الكل/اوووووووه وراحو يسلمون على عُدي
فهد/زين جيتووو
عُدي/ياخيي تعرف اختباراتنا قبلكم ومن خلصنا قالت اميي رايحين رايحين
نواف/لبىىىى قلبها عمتيي وينها هيي
عُدي/راحت لجدي
فهد/اجل امشووو نسلم
تسبحو على السريعع وراحو لام عُدي سلمو عليها وبعدها دخلت للحريم
الكل سلم عليها ورحب بها وبقوووه بعد محبوبه عند الجميع
العمه لنشور/مشاءالله كبرتي واحلويتي
نشور/حبيبي عمتيي من ذوقك
علا نطت وجلست بجنبها/اناااا حبيتك
ابتسمت نشور
علا كملت/لا جددد جد حبيتك وكملت وهي تنسدح على نشور/عاد انا لاحبيت مشكله
العمه/علاااا اتركي بنت خالك مي متعوده على هبالك
نشور ابتسمت/لا عااادي عميمه خليها ولعلا وانازبعد حبيتك
علا صرخت/الللللللله ياحظي هلمزه ذي حبتني لا ذييي يبي لها تصويره ورفعت جوالها /عادي اصور معك؟
نشور/اييي اكيد
علا /واااااااااي حبيي واللله وصورت معاها
الشي الي لاحضته نشور ان علا سلمت على البنات ببرود مرره ولا اختلطت معاهم مررره والواضح انها فله ولا مهتمه لكلام الجده مره سكتت مع الوقت بتعرف كل شيء
علا/اقوللل جده
الجده/قولي
علا/للحين على خبري ماتغيرتي جديده مشاءالله عليك ماتكبرين بنت بنت تف تف لا اله الا الللله
الجده بغرور ووناسه/ادرييي
علا قامت من عند نشور وراحت لها تحب تسولف مع جدتها كذا يعجبها ردت فعلها وتسليكها لنفسها وغرورها /لا جدههههه اقول لك مرره مرررره حليانه
الجده/طالعه عليك
علا/وه وه فديتها ياناسسس وبهمس لامها /مايجيب راسها الا الكلام الحلو
قرصتها امها وضحكت علا بمرح

عُدي /اووك بروح اسلم فهيد قم شف لي طريجج
فهد/اخص نتكلم كويتي شعندنا
عُدي ضحك
فهد/يله قم
وراحو مع بعض فهد دخل
/بناااات عُدي بيدخل تغطن
تغطا الكل ودخل عُدي /هااااااااااااااي
الكل /وعليكم السلام
نشور/اهلا
لف لها عُدي /اشكرك صراحههه الوحيده الي ماكسحتني
ابتسمت نشور
وبدا عُدي يسلم عليهم وبعدها طلع
عزوز/اوووووك نبداا
فهد جاء/شسالفه؟
لؤي/انقسمنا فريقين وراح نلعب كوره الفريق الي يفوز يحكم على الفريق الي يخسر
فهد/والتقسيمه
عساف/انا وانت ولؤي ومساعد وراكان وعُدي ومازن
عزوز/وانا ويزن وفيصل وسعد ونواف ومحمد ويوسف
فهد/حلو حلو وضحك
عُدي/هلااااابي يالتقسيمه ال بطللللللله
لؤي تنحنح بغرور /ادري 😌
فهد/وعععع طلعت انت الي مقسمها عبالي عسااف
عساف/لا وضحك
لؤي/مشكله يااخي وراكم ماتعترفون انييي انا الي مضبطكم دايم
نواف/قالللل ايش قال انا الي مضبطكم مع نفسك يابوي
لؤي صد بغرور/غيررره ياربي
عساف/لو ظل بيتكلم ذا راح اموووت دقيقه من الحكم دام عيسى تعبان
خالد عمهم من وراهم/اناااا
لفو كلهم مع بعض/اوووووووووووووه
خالد/اضبطكم وغمز لهم
ضحكو
خالد مسك الصفيره /يلههه تفرقو
وتفرقو كلهم وبدو يضبطون المكان وتوزعو
صفر خالد وطش الكوره عليهم وبدو يلعبون
الفريق 1فريق عساف &الفريق 2فريق عزوز
بداا الكل متحمس ويتهاوشون ومر وقت ولا احد سجل وبعدها سجل الفريق1
عساااف الي سجله تجمعو عليه وبدو ينقازون بها ويصارخونن
طلعو الرجال والحريم من الخرعه وتحمسو معاهم وبدو يطالعون بحماس وخالد مررره متحمس
علا لنشور/اخصص طلع عمي خالد فله
نشور ضحكت/صدمههه
خالد صفرر/اوووه مخالفه للفريق واحد لؤي مسك يزن
لؤي بدون نقاش ولا اعترف عادي ولا كان همه /وش العقاب
نشور/يارررربي ياغروره يقهرني
علا/لا تراااه طيب مرره بس مغرور
نشور/شلفايده ؟
علا سككتت
خالد/تطلع من الفريق
فهد نط/لا لا لا مستحيلللللل وش ذا خالد من اول مره طرد
خالد /هووو النظام كذا عشان ترجعونه تحيبون قول
لؤي بقهر لاكن يتصنع الامبالاه /اوكك وطلع
عساف/ابشر واللله بالقول يالعضيد
فهد/بترجع ماعليك
وصفر خالد وبدوو يلعبون
صرخ فهد /وهاذا لعيون لؤي ودخل القول وبدو يصاارخون بوناسه
ورجع دخل لؤي
وغفلو الا سجل عزوز قول /اوووووووووووووه وصارخخ
وتجمعو عليه ويصارخون
خالد/باقي 20دقيقه
وبدو يلعبون الا دخل سعد قول وبدو يناقزون
راكان /اححح تعادل
لؤي /انت تشوف وضحك
صفر خالد ولعبو الا جاء نواف وضرب الكوره ودخل قول
وانتهت المباراه على اخر ثواني سجل الفريق2قول
وصار3&2
عزوز بوناسه/لاتستهينون مره ثانيه انت وياه
فهد/واللله ماني مصدق اووخص واللله ماتوقعت
نواف بغرور/ليشششش وش شايفنا
فيصل/المهم حكمنا
الجد /يله وش حكمكم
عزوز بنذاله/طبعا مع مشاورات الفريق نحكم على فريق 1 انهم يطبخون العشاء اليوم وبشررررط بدون مساعده ابدد ابد من الخدامات او من امهاتنا او من اي احد هن يسونهههه
علا صفرت/اللللللللله عليكم وش هلحكم الحلو ذا
فهد طير عيونه/سلاماتتت نعاررررض على حكمهم
الجد/هووو على كيفك تسونه غصب
لؤي/طيب نجيب لكم من برا
يوسف/لاااا لا لا انتم تطبخونه عمايل يدكم ياحق
الجد/يلههه اشوف على المطبخ
عُدي/جدييي انا توي ضيف
خالد/ماااعندنا ضيافه وانت اول واحد داخل المطبخ
مساعد/اناا بطني تعورني
الجد/ياسبحان اللله توها عورتك لك ساعه تناقز مابك الا العافيه
خالد صفر/بدونننننن اي اعتراض يله على المطبخ نبي عشاء عشاااء مو اي كلام
لؤي/يله شباب حنا قدها وغمز لهم
عساف/مشينا
وراحو للمطبخ والفريق2جابو سماعه وحطوها قدام المطبخ وبدو يرقصون ويصارخون
لؤي بعصبيه/واللله لو مايتقلعون ذولا لااقوم عليهم
يزن ضحك/لو حنا بمكانهم سوينا ازود من كذا وغمز له
فهد/اههههخ يالقهر ماتوقعت واللله يفوزون
مساعد/ولا واحد بالميه حتى
عُدي /مالت عليكم وراكم ماحطيتوني معاهم
الا ضربه عساف مع بطنه
عُدي بضحك/ايييييييي ياشررررررير
لؤي/عععععععععُدي اعقل لااقوم عليك
عُدي ضحك /اوك اوك
فهد/يله نقسم لؤي بيبي انت راح تغسل الحم
لؤي/اوك
فهد/ويزن انت راح تحمس الخضار طبعا شارين مقطع وكل شي بس احمسه
يزن/تم
فهد/عساف عليك الايدام وعُدي السلطه ومساعد تغسل الرز وانا الي اركبه وراكان مساعد وبكذا خلصنا
الكل /اوك وبدا كل واحد يخلص شغله وراكان بينهم يساعد اي واحد يطلبه المساعده وبدو يشتغلون وفهد حط الفلفل واليمون وورق الغار والبهارات وكل شيي وسو تتبيله اللحم وركبوه وعساف خلص الايدام ايدام الخضروات وانهو السلطه سو 3انواع سلطه عاديه وسلطه زبادي وسلطه ذره
والكميه جدا جدا جدا كبيره وذا الي تعبهم لانها لحريم ورجال
لؤي/طلعنا بنعمه ياشباب
فهد/انتتتت تشوف يمههه الله يعين الحريم صدق
يزن/الحمددلله اني ولدد
وطلعو يصلون وتسبحو بسررعه وبدو يغرفون جت علا ونشور والعمه
نشور/اوووووووه حركات فهيدان طباخ من ورانا
فهد/احم احم لاداعي لاداعي للمدح اعرف نفسي
عساف لنشور/سلاماتتت وايدامي مايستاهل مدح
لف لؤي لعساف وعطاه نظره استغرباها عساف
نشور راحت لايدام عساف وذاقته/لذيذذذذ تسلم يدينك
عساف ابتسم/الله يسلمك
علا/يلههه اشتهيت
ضحك فهد/اصبري شويي
ام عُدي/طلعت تعرف تسوي سلطه ياعديااان وبالبيت الشاهي ماتسويه
ضحكو كلهم
عُدي/يمهههه استري استري
فهدد /يله وين تبون عشاكم
ام عُدي/بالحديقه احسن
فهد/اوك
وحطه لهم بالحوش ودخل عشاء الرجال للمقلط
وتعشو والكل يثني على طبخهم
بعد العشاء
الجد/يله خلونا نمشي
خالد يتثاوب/ااي علي بكره دوام
بدو يتجهزون
الجد/يافهدد تعال
جاءه فهد يركض
الجد بهمس/خذ نشورر معك وعلمها لو ماجابت نسبه والله ماتروح لسفره الي مع خوالها وقلها وش سويت بك من هك السنين تراها مستهينه وتحسبني بخليها تروح حتى لو ماجابت نسبه
فهد /ابشررر على هل خشم
بدو يتوزعون
فهد/نشور انتي معييي ولف للعيال /عساف تجي معيي
عساف/لا امي تقول تبيني بموضوع مدري وش فابركب معاهم خل لؤي يروح معك
لؤي/اوكك انا اجي معك
فهد/اوكك لؤي وعيسى ومحمد بما انكم اخوان نشور انتم معي ورا والباقي بسلامته
عسااف/اهههه اكره اروح مع امي وابوي الحين يمسكوني محاضرات ياررربي
فيصل/هههههههههاااي عاد امي من امس توعد بك
لؤي ابتسم/شمسوي
راكان/وش ماسوووو
عساف/انطموووو لو بكم خير واحد جاء معييي ماتخلوني لحالي
راكان/اسف ياحُب وبالتوفيق بالسفره العائليه ههههههههههههااااي ومشا
ناظر عساف لفيصل
فيصل رفع ايدينه مثل حركه الاستسلام /بالتوفيق وغمز له ومشا
عساف/ماالت عليكم من اخوان
فهد/مسوي لك بلوه تستاهل
عساف/واللله ماسويت شي بس رقمت بنت الخاله
ضحكووو كلهم
لؤي وهو ماشي/اتقييي اللله بنفسك ياخيي كل ذا ولا سويت شييي وطقه مع كتفه وركب السياره
عساف وهو ماشي /واللله انكم مهولين
الكل/اوكي
ومشوو
نشور نطت راسه قدام صار قريب من كتف لؤي وفهد
نشور/هاااه فهيدانن ماجبتني معك الا عندك شيي ووشو
فهد/تدرين قبل ثلاث سنوات العيال سافرو بدوني
نشور/ليشش لو انا اتعلق بهم
فهد/ابوي عيا
نشور/جدددي غريبه
فهد/لاني مانجحت بماده عقاب
نشور ضحكت
فهد /واللله اني صادق لو ماقعد عندي العضيد ودق رجل لؤي وكمل/لاني رسبت ابوي ماخلاني اسافر وطبعا الحب لؤي مارضا اني اجلس لحالي وقعد عندي ماسافر مع العيال وتوقعنا ان يوم قعد لؤي ابوي يوافق لاكن لا والله ولا سافرت فااقول لك الاستهتار ذا مو نافعك وترا ابوي لا حلف حلف ومايتراجع لو ايش مايكون كلمته وحده مايغيرها فاحلف انك ماتروحين الا اذا جبتي نسبه تراك ماراح تروحين الا اذا جبتي نسبه وانتي بكيفك عاد انا بس بقول لك
رجعت نشور بهدوء وتفكر بكلام فهد الي دخل مزاجها دام جدها عيا على فهد راح يعيي عليها رجعت نطت
/بس انا مااعرف اذاكر ولا احب المذاكره ابد ابد
فهد/وكيف تذاكرين دايم
نشور/مااذاكر
فهد/وكيف تنجحين
نشور/بالواسطه
فهد/كم نسبتك
نشور/بس وعد مااتعلمون
فهد/مااحد معلم كم
نشور وهي مغمضه/72
الكل/هاااااااه
نشور ضحكت /واللله اني شاطره وضحكت مره ثانيه بقوووه ومرح
لف لؤي وابتسم على ضحكتها العفويه بدون تصنع وتخلي الي ماله خلق يضحك
فهد مصدوم/من جدك
نشور/لا من عمي ورجعت تضحك
فهد/نشووووور
نشور/هاااااه
فهد/هويتتتي ببير كم مره اعلمك كمم وش تردين
نشور تلقائيا/فيه شي اسمه هلا اهلا اهلا سم لبيه مو هااااه هلا اهلا اهلا سم امر تدلل لبيه عيوووني لك رضيت
فهد/ااي الزبده من جدك تتكلمين
نشور وهي تطقطق بالجوال/اي واللله
فهد شهق/ابوووي مااخذه
ضحكت نشور/نساه ياااااس وتضحك
عيسى/انا اعلمه اوريك
نشور/انت مصدق من ندخل البيت يجي يقول نشوررر وين الجوال وبعدين اسوي نفسييي حزينه واعطيه
فهد/اييي احسن عشان تذاكرين
نشور/نوووويه ماراح اذاكر
فهد/والسفره
نشور/احسن اسااسا ماابي اسافر
فهد/شعندنا غريبببه
نشور بعفويه نست نفسها/بيروح معاهم السنه ذي النشبه عزاممم الكريي وسكتت بعد ماحست على نفسها
الا طالع لها لؤي فتره ورجع طالع قدام
فهد/كملييي
نشور/ولا شيييي انشاءاللله بذاكر وبجيب نسبه ولا بالاحلاااام وراح اسافر
فهد/بالللله
نشور رجعت ورا /ااي
فهد قعد يطالع لها شوي وصد
نشور "اوووف بغيت اجيب ام العيد الحمدللله اني مسكت نفسي ولا واللله حتى الروحه لخوالي مايخلوني اروح "
لؤي"منننن عزام "
فهد"وراها بلا ه البنت ولازم اعرفهه"
وصلو للبيت
ونام الكل بعد روحه كانت خفيفه وحلوه الا علا ونشور
بالصاله الي تحت
نشور بصراخ /فطوووم وراك انتبهي
علا/احد يجي يعطيني دممم بسرعه وليكم احتضررر ساعدوننن
نشوور/شريق سرريع ساعدي علا
شروق/تمام تمام بشوف وينها ماادري وين
الا دخل فهد ولؤي وعساف وبسرعه كتمن الصوت علا ونشور
فهد /ببجي؟
نشور بدون لا تطالعه/ااي
الا تكلمت شروق
/علا ياحُب ساعدتكك اخلصي اطلعي من البيت لايروح دمي على الفاضي
الا شغلت علا الصوت/اوووك طلعت
الا صرخت نشور/فطووووم يالخبله الزومبي وراكك
فااطمه/ياوويلي ويننه
علا/مالت عليك لا عاد تلعبين
فاطمه/اوووه ماني مركزه ولا اسالي نشور عن لعبي دايم اطلع الاولى
نشور/مااقول الا مالت لو مدخلين اسيل فازت انقلعي خلينا نكمل
فاطمه/طيب متت بس بشوووف
شروق/بناااات ساعدوننني
نشور فزت /وينك
نشور قامت تمشي /اللله ياخذك من شبكه علقت علااا ساعديها
علا /عللللقت عندي
الا لفو المودم مع لؤي ومطفي الشبكه
نشور طلعت عيونها/ليششششش
لؤي بعصبيه/ماعندنا بنات يلعبن ببجي وبعدين جوالك معك ليش مااخذه جدي
نشور عصبت/وانتتتت شعليككككك مسؤل عني على غفله او اخوووي ولا عمي ولا خالي ولا جدييي ولا منننن من
لؤي /ولددد عمك والصح اقوله
نشور/لا والللله شايفنا نلعب مع عيال ولا قليلات حياا ترانا نلعب بنات وكلنا نعرف بعض ولا ببجي بس للعيال
فهد صرخ/بسسس بسس سلامات احسن تضاربو ماافي احترام ولا شي لؤي رجع الشبكه وانتي نشور اطلعي من العبه وخلاص انتهى الموضوع والعبه تنحذف ولا اشوفك تلعبينها
نشورر لفت له/ماراح احذفها ماراح احذفها ماراح احذفها وراح العبها وش تسون مالكم دخل بييي ماانتم مسؤلين عني انا مسؤله عن نفسي انا الي ربيت نفسييي وانا الي اعلم نفسي الصح من الغلط ولاتسون انكم مسؤلين عنيي او تعلموني الصح من الغلط او تتدخلون بحياتي لانها حياتتي انا تربيت على كذاا ليش اسالكم ليش لاني ماعشت معاكم ماني رشا ولا ساره ولا مي ولا ولا ولا ذولا الي تربو معاكم لااا انا تربيت مع عايله غير وعادات غير وكل شي غير فتجون تقولون تسوين ذا ماتسوين ذا لااا مااسمح لكم لانكم بااختصار مالكم شغل ومشت ل لؤي سحبت الشبكه منه ومشت وهي تقول/بطلو حركات عيب وهاذي للعيال وهاذي مدري شبلاها تراي كبيره واعرف الحرام من الحلال ماني كاافره علا امشي نكمل فوق وطلعت
علا/اللله لايبلانا بس وطلعت فوق
عساف /اناا في صدمه بروح لبيتنا واستوعبها واجيكم وطلع
لؤي لفهد/عاجبك كلامها
فهد وهو ماشي/لا بس صادقه وطلع ولحقه لؤي مطرطع من القهر وده يكون له سلطه عليها يعلمها صح بس مايدري ليش انقهرر كذا على نشور عكس علا عادي عنده صح مايبيها تلعب لاكن عادي معقوله

تمت🛑
لا اله الا الله وحده لاشريك له له الملك وله الحمد وهو على كل شي قدير
ان اصبت فهو من الله وان اخطئت فهو من نفسي والشيطان

بخصوص متى البارت
راح اخليه ثابت عكس قبل انزل بعشوائيه كل سبت ينزل بارت الوقت مو محدد
لاكن ممكن انزل غير يوم السبت يعني يصير بارتين بالاسبوع لاكن مااوعدكم فيه يعني اذا فضيت وكتبت وخلص قبل يوم السبت انزله وانزل يوم السبت فيصير 2 لاكن مو اكيد يعني يوم السبت فيه بارت غير يوم سبت يمكن فيه ويمكن لا على حسب ف يعني ادخلو وشيكو كل بعد فتره وشوفو وانا بخبركم قبلها اكيد
مدري فهمتو ولا لا شرحي 💔

اعتذر عن الاخطاء الاملائيه انا ارجع واعدل فيها لاكن اكتشف بعدين ان فيه اخطاء 😭

توقعاتكم تسعدني
لاتنسون اذكاركم و الوتر 🙏🏻
ولاتنسوني من دعائكم انا ووالديني
استودعتكم الله حتى القائكم السبت المقبل باذن الله

انستقرامي/shroog.42
سناب/shroog.42

دمتم بخير
تحياتي /صمت غرور🍪🖤
...