[لامارا]

) : ونبدأ

البارت 38

أسفه على الأخطاء الإملائية .^-^

بسم الّٰله الرحمن الرحيم

السلام عليكم ورحمة الله

مدخل ) :-

قدرت احبك الأول و أنا الاخير,
‏من الناس اللي تضحي بـ أشياها
‏,
‏قدرت اطير فيك , وماقدرت اطير !
‏رضى ربي على ضحكتكّ و ارضاها
‏,
‏ياليت ان الليالي عاد فيها خير
‏كثر ضحكاتنا اللي قد ضحكناها ,

منصور بن جعشة







~~~~~~~~~~~~~~~~~~~~~~~~~~~~~~~~~~~~~

في بيت ذياب.

الساعة 10:15


ذياب بقهر /تضحكين ها وش قلت عن مدة اليد يدك ليش طويلة

رفعت يدها الثانية تبي تضربة بس مسكها بسرعة /توتتتو وش قلت انا

قرب من اذنها وهمس/ لازم عقاب هه

اسيل خافت قلبها قام يدق بقوة وتذكرت ذيك الليلة / وش عقاب ابعد عني

ذياب /مراح ابعد....وصار يقرب منها أكثر حس فيها ترتخي ويميل جسماها لاين طاحت بين يده

جلس في الأرض وهي في حضنه بخوف وصار يضرب خدها بشويش / اسيل اسيل اصحي مراح اسوي شي كنت ابي اخوفك.

وقف وشالها من على الأرض وسدها على الكنب وحطها في حضنه وهي غمضت عيونها بقوة لانها كانت تكذب

اسيل في قلبها / يارب كيف أخذ عيالي واطلع

ذياب شافها وعي تغمض بقوة وابتسم و تركها منسدحه و قرب منها يطالع في وجها بدون صوت

تم خمس دقايق يطالع وبدون صوت ولا حس

اسيل في قلبها / وش فيه ذا راح يمكن

وبشويش فتحت عيونها وأول مافتحت عيونها طاحت عينها ب عين ذياب اللي يبتسم ب خبث غمضت عيونها بقوة ورجعت فتحت وصارت تناظر في عيونه بنظارات غريبة ك حب او أعجاب تصنعتها > يمكن

وهو بذا الحظة معاد رمش في عيونه صار يناظر في عيونها وكأنه في عالم ثاني كان نظراته كلها حب وعشق لها وتملك بدون يحس صار يقرب منها

هي كانت تناظر في عيونه وتسال نفسها وش في عيونه كذا صارت يحب ؟! اقصد يحبني لا ي اسيل اصحى غمضت بسرعة وياليتها ماغمضت بذا الحظة

قرب من وجها اكثر وشافها تطالع بشرود وتفكير وقرب من شفايفها ويوم غمضت باسها بسرعة وبقوة ك عقاب لها

فتحت عيونها بسرعة وهي مفجوعة ماكانت تتوقع ولا حسبت حساب ان النظارات اللي تصنعتها راح تكون ردة فعل ذياب حست ب الم وحاولات تدفه عنها وتحاول تبعد عنه / ذ. يـ...ا بــــب

بعد عنها و ثبت يدها وهمس لها / مراح اتركك لا تحاولين ذا المره حتى لو غنى عليك صدق .... ورجع يبي يبوسها وبحركة سريعة من اسيل دفته وطاح في الأرض وبسرعة نزلت من على الكنب توها بتهرب الا مسك رجولها وطاحت على الأرض صرخت ب الم / اااءءءه اترك رجلي

رفع نفسه من على الأرض وبسرعة رفسته ب رجاله و وقفت تركض بسرعة شافت الدرج وبسرعة صعدت وهي تركض ويدها على قلبها

وقف يناظر فيها وهي تركض يوم وصلت نهائية الدرج صارت تناظر فيه بحقد / تموت ولا تلمسني مره ثانية ل هنا وبس

قرب من الدرج وضغط زر وسكرو البابين اللي يودون داخل الغرف

>في باب يسار يدخل على الغرف و في باب يمين يدخل على غرف عند نهائية الدرج و في النص جدار مزين في حروف عربية في الون الذهبي >

يعني اسيل مالها مكان ترهب له الا انها تنزل

صارت تناظر فيه بخوف يوم شافت الأبواب تسكرت عمرها ماخافت ذا الكثر ترجعت على ورا لين لصقت في الجدار

وش ذا البيت سجن ولا قله وهو اللي يحكمها ؟؟
ويقول ذا بيتنا وبيت عيالي مريض مريض وش اسوي ي رب اعترف اني صرت ضعيفة عنده وصار اكبر مخاوفي .,


صار يمشي لدرج ويصعد لها ببطئ مخيف وهو يناظر فيها
كيف رجعت من الخوف بس مصر انه مايخليها اليوم تعب من رفضها لها وهروبها وتمردها


وكأنه يقرا اللي تفكر فيه وهو يناظر فيها

هذا بيتنا ي اسيل مصمم ل تمردك بس لين بتغير حالنا !!
اي ذا بيتنا بنعيش فيه انا وانتي وعيالنا اي مريض ب حبك
صرت اشوف الخوف في عيونك بس مني ويرضيني لين تبطلين تمرد وترضين في حياتك معي


...
..
.
.
.
.
.
.
.
.
.
‏انا احبك واشوف انك من اغراضي
‏وانا اغراضي ابيها لو مافيها احساس
#منصور_بن_جعشة


~~~~~~~~~~~~~~~~~~~~~~~~~~~~~~


بعد سبوع


في بيت العالي.

على طاولة العشاء

الكل مجتمع ويأكلون بهدوء قطع الهدوء والصمت الجد

الجد / وين ذياب له سبوع مو باين؟

بو ذياب / اتصلت عليه قبل كم ساعة قال مشغول عنده شغل

الجد / امممم

و رجعو يأكلون ب صمت

دقايق و رن جوال صقر ب رقم غريب

رفع حواجبه ب ستغراب مين اللي يعرف رقمه ذا مستحيل تجيه اي مكالمة الا الأرقام المسجلة حتى رقم غريب ماجي ابد

رد ب ستغرب / الو السلام مين ؟!!

بدون مقدمات...../ وينهم وين اخذتوهم

وقف ب سرعة عرف الصوت ميزه غمض وفتح عيونه و الكل يطالع فيه ب ستغراب

ام عبد الله / وش فيك ي صقر

صقر جلس و تكلم بتعجب كيف عرفت رقمه وكيف جاتها الجرئه تتصل / خلود ؟

خلود وهي تأخذ نفس / اي خلود بنتي و احفدائي وين ؟!!

صقر متعجب كيف وين وهم عندها وقف وطلع الصاله يكلمها / خلود وش جالسه تقولين ؟!

خلود بعصبية / اول شي لا تنطق اسمي وبعدين لا تسوي نفسك ماتعرف سلطت علينا ولد اخوك بعدك وش تبي مني وش تبي اكثر ليش مارتاح منك اطلع من حياتي وحياة بنتي خلاص

صقر بهمس / لا تنسين انها بنتي والشئ اللي يربطني فيك ويربطه فيني

خلود ب عصبة / مايربطني فيك شي بعد الطلاق ابددد فاهم بنتي ذي انا وبس لاتنسى ومستحيل اصلا في يوم ترضا فيك فهمت ..... وهمست / خل يرجعهم بنتي معاد هي نفس قبل قوية معاد قوية رجعهم لي اول مره اطلب منك شي. ........ وقفلت

غمض عيونه بقوة وش كثير اشتقاق ل صوته بس متغير شوي صايرة قوية من بنتها اكيد / انتي تامرين مو بس تطلبين

ورجع مره ثانية غرفة الأكل

صقر بعصبة / ذياب وين بسرعة

الجد وقف وهو يناظر ولده مشتعل من العصبية / وش فيك صقر وش صاير في الشركة شي ولا

بو ذياب وقف وهو يسال بتعجب ماقد عصب صقر على ذياب حتى لو شي عن الشركة اكيد مسوي شي بعيد عن الشركة / وش صاير ي صقر وش مشوي ذياب

صقر وهو يناظر فيهم كلهم ويتكلم / لا بس الجميل ذياب ولدك أخذ بنتي و عيالها من وسط بيتهم كيف مادري

الكل شهق و ريم شرقت في الأكل وصارت تكح وصار يناظر فيه صقر فترة وشال عيونه عنها

طبعن البنات كلهم يتحجبون بس من عيال عمهم

وقف عبد الله وهو معصب حده من ذياب / ذا مايفهم قلنا له اختي ماتبيك وش يفهم ذا انا الحين رايح له

وقف نايف و سعود / بنروح معك

صرخ الجد بعصبية / بدون مشاكل وش تروحون لا تنسون أنكم عيال عم .. لف على صقر / صقر من قال لك ان اسيل وعيالها مع ذياب

صقر جلس / أمها وطلبت مني ارجع بنتها وعيالها ... وحط يده على وجهه

الجد ناظر في مقرن / تعرف مكان اخوك ؟!!

مقرن هز رأسه ب لا / هو قال عنده شغل في الشركة

عبد الله بعصبية / لا لا عنده شغل مع اختي اللي مو تاركه ب حالها الحقير

الجد بعصبية / عبد الله اسكت بنحل الموضوع كله وبنشوف حل

عبد الله صار يتكلم ب سرعة / وش الحل ها قبلية وتدخلت وطلق وطلبت وهو الا غصب طيب يبيها انا اروح اشوف وين ... وطلع من غرفة الطاعم والصاله وبرا البيت كله

جلسو كلهم في الصاله وبعد مده صقر صار يناظر في ريم اللي مرتبكه

صقر / يلا ي ريم زي الشاطره علميني وين هو فيه

الكل صار يناظر في ريم اللي انصفق وجهه / ما اا ع ر عرف

صقر / عمي ريم باين تعرفين وانا عارف بسرعة قولي لي وين

بو ذياب وقف وراح عند بنته / تعرفين وينهم فيه ي بابا

ريم نزلت رأسه / وعدته ماقول والله بعصب علي .. وكملت وترا بس شفت البزران عنده اسيل ماهي موجوده

نايف صرخ / الا موجوده مخبيها

صقر/ نايف اسكت

نايف قلب عيونه وسكت

صقر وقف وطلع المفتاح من جيبه حق السيارة / يلا البسي نقابك و تعالي معي

بو ذياب وقف ومسك يدها / يلا قومي عشان نحل المشكلة ذي ي بابا

ريم وقفت بتردد / بابا ذياب ب

الجد بحده /خل يعصب خلاص اتفقنا على الطلاق ولازم تنتهي ذا السالفة ويخلص الخلاف اللي بين اسيل وصقر.

تنهد صقر بحزن من جد وده بنته تقول له ابوي بابا بس انحرم من ذا الشي بس حبه لنفسه


.
.
.
.
.
.
.

.
.
.
~~~~~~~~~~~~~~~~~~~~~~~~~~~~~~~~~~~


في بيت العب الله بعد ماسكرت خلود من صقر صارت تبكي بحسره على ذا الحال / اخخخ ليتني مارجعت السعودية


مشعل كان واقف برا وسمع كل المكالمة فرح على قوة اخته البسيطة اللي خذتها من بنتها وحزن يوم طلبت من صقر يجيب بنتها كانت تقدر اطلب منه

همس بقهر / لو اعرف مكانك ي حقير اخخخ لو اعرف

بعد عن الغرفة ونزل تحت شاف ابوه جالس بحزن و ريان جالس جنبه / يبه انا طالع تبي شي

صلاح / لا يبوك انته لنفسك وشوف وش صار على اسيل ماهي حاله أختك بترجع ل حالتها القديمة مر سبوع ولا تدري كم بيمر بعد

مشعل غمض عيونه بقوة فكرة ان اسيل تختفي ذبحته

طلع من البيت وصار يمشي لين وصل كراج السيارات دقايق وجاه اتصال / السلام طال عمرك

مشعل / وعليكم السلام وين

.../ في حي #*#* شارع *٪٪# طريق *^*# فله وسط الحي كبيرة

مشعل قفل وركب السيارة بسرعة / جايك جايك


،
..
.
.
.
.
.
.
.
.
.
:
؛


~~~~~~~~~~~~~~~~~~~~~~~~~~

الساعة 10 الليل



بعد نص ساعة وقفت سيارتين حلو الفله

نزل عبد الله اللي عرف انهم عرفو ورجع البيت بسرعة ولحقهم و صقر و عبد العزيز و ريم

ومن السيارة الثانية مشعل

صار يقز فيهم واحد واحد وجات عينه على ريم اللي بسرعة راحت ورا ابوها همس /خوفه

عبد الله بسخرية / انتبه على عيونك بس

مشعل صار يناظر فيه من فوق ل تحت / بنت اختي وينها بسرعة خل تطلع مستعجل

صقر في قلبه هذا اذا تركها

عبد الله رفع يده واشر على الفله وهو يلوي فمه/ هنا


قربو من بوابة الفله اللي لونها ذهبي غامق و وقفو ريم شافت الزر اللي ضغطه ذياب وراحت له تبي تضغطه بس ماطالته

ريم بهمس/ هنا تفتح البوابة بابا

صار يناظر فيها مشعل وقرب من المكان عشان هو كان اقرب شي وهي بعدت بسرعة ورجعت عند ابوها ضغط الزر وانفتحت البوابة

وكانت مثل الحديقة انبهرو من جمالها ورد احمر و ورد اصفر ونفوره و قدام سيده على طول باب كبير اللي هو المدخل حق الصاله

عبد العزيز /مشاءالله هذا بيت ذياب

ريم /اي حلو صح

عبد الله / اقول وينه ذا ... وصار يمشي يبي يدخل بس فجاه طلعو قدامة خمس حراس لابسين اسود

مشعل / هذا اللي كان ناقصني ...وقرب منهم /وخرو من طريقي بسرعة

الحارس / ممنوع احد يدخل الا لما يوافق طويل العمر

مشعل ب قلبه يدعي /جعل عمره قصير يارب مالو اسيل تدعي عليه ... وبسرعة دف الحارس وعبد الله معه

صرخ واحد لو سمحتو وقفو دقايق وانفتح الباب يوم قربو منه مشعل وعبدالله

فتح ذياب الباب وطلع / وش ذا الإزعاج

الحارس وقفو جنب بعض /طال عمرك في ضيوف يبون يدخلون غصب

ذياب /تقدرون تروحون ...قفل الباب من وراه وترك عبدالله ومشعل اللي صارو يحاولون يفتحون الباب

قرب من عند ابوه وعمه باس رأسهم /هلا تو مانور المكان ...ولف على ريم وابتسم نص ابتسامه / ماتعرفين تقفلينه هههه

ريم بسرعة مسكت ثوب ابوها وهي تقول /ماقدر ارد ابوي

صقر / ذياب كلمة ولأحد ولا أعيدها بنتي وينها لها سبوع مختفيه وتو اعرف كافي المده او السنوات اللي اختفت فيها وينها ي ذياب ؟!

ذياب ببرود/ مو عندي

وبسرعة هجم عليه مشعل اللي كان وراه ومعه عبد الله وطاح ف الارض / وينها وين بنت اختي بسرعة

عبد الله رفع يده بكل قوة ولكم ذياب على وجهه والضربة الثانية جات من مشعل


قرب عبد العزيز بسرعة عند ولده وذياب و الحرس تجمعو وبعد دقايق فككو بينهم

صرخ مشعل وهو يحاول يفك نفسه من كثر ماستفزه ذياب وهو يبتسم / أعصابك وش فيك مضغوط ؟! هههه

عبد العزيز ب عصبية / ي ذياب خلاص وقول لنا وين بنت عمك ترا جدك معصب وفكنا من المشاكل

ذياب ببرود / مو عندي بنام الوقت متاخر اذا تبون حياكم داخل .. ولف على مشعل / وحتى انت حياك بيت بنت أختك تنور المكان هه ... ومشى متوجه للباب وعمه وابوه وراه فتحت الباب ببصمة صبعه وانفتح الباب

الكل صار يذكر الله من اول مادخلو البيت

ريم تهمس ل ابوها / بابا شوف بيت ذياب حلوووووو مرررره

ابتسم نص ابتسامه وهو يفكر ب شي واحد بس !

دخلو البيت و وقفو ب نص الصاله

و مشعل معهم بطوله بال / ذياب اسيل و البزران وين ولا وربي تندم

ذياب لف على ابوه وعمه وعبد الله \ تفضلو جلسو

ذياب / تفضل اجلس مشعل

وجلسو كلهم الا مشعل غمض عيونه بقوة وصرخ / انا مو جاي اجلس ااااااااسيللللللللللللللل ااااااااسيللللللللللللللل بنت اختي وين ويينننننننننن وينهااااااا
.
.
.
.
.
.
.


~~~~~~~~~~~~~~~~~~~~~~~~~~~~~~




في غرفة في الدور الثاني كبيرة مره ب الون الذهبي و العنابي و ب النص سرير كبير متوسط الغرفة منسدحه على السرير و نايمه ب تعب ومنثور شعرها على السرير و ملفوف راسها ب شاش و يدها مكسوره

كانت الممرضه فوق راسه تبي تعطيها منوم بعد ماصحت لانها كانت نايمه يوم تقريبا من الالم اللي يجبه تاخذ مسكن ب منوم بس صحت من صوت الصراخ

اسيل وهي تحاول ترفع راسه وبهمس / مشعل والله هو

قربت منها الممرضه اسيل فتحت عيونها بسرعة ورفعت راسها وب نظرات شر رفعت يدها للممرضه انها ماتقرب رجعت الممرضه بسرعة على ورا وقفت وشالت الابرا من يدها و وقفت ب تعب
| كانت لابسه بجامعه طويله وعليها روب >شال< |

الممرضه /سيدتي ارجوك وعدي اللى السرير انتي متعبه جدا

اسيل وهي تغمض عيونها / اين هم الاطفال

الممرضه وهي تحاول تقري منها بس اسيل رفعت يدها انها ترجع /انهم مع المربيات

اسيل خذت نفس وهي تحاول تذكر وش صار فيها فتحت عيونها وهي تسمع صراخ مشعل يرتفع اكثر / والله هو اوريك ي ذياب اوريك الحين

طلعت من الغرفة ب خطوات متمايله وصارت تمشي ب المرر الطويل اللي يوصل للدرج من الجهه اليمين صارت تمشي وهي تتمايل وصوت مشعل يصير اقرب لين وصلت عند الدرج رفعت يده تنادي بس من التعب انحنت بتعب وغمضت عيونها ومال جسمها شوي بس وقفت وقاومت التعب صرخت ب صوت متقطع من التعب /مممممشـــــــــــــعـــــ ـــــــ. ........ــــــــــــل

رفع راسه لها وصار يناظر فيها ب شكلها راسها الملفوف يدها الملفوفة راح يركض لها وعيونها فيها خوف مو طبيعي وصل عندها الدرج و رفع راسها من على الارض و حطه في حضنه /اسيل ابوي امي انتي من سوا فيك كذا

فتحت عيونها تناظر فيه ب تعب لفت تناظر في ذياب اللي واقف تحت و تشوف عبد الله و ريم و صقر وعمها جاين عندها الا ذياب واقف ابتسمت له ب خبث ولفت تناظر في مشعل رفعت صبعها ب حزن وخوف وبراءه وهي تاشر على ذياب / ذ ذ ياااب هذا هذا .... وبتمثيل صارت تبكي

ذياب في قلبه / حتى وانتي تعبانه تتخابثين وتقولين مانصلح ل بعض ...ابتسم اكثر يوم شاف صقر يقرب لها / اكيد الحين بتنتقم زين

اسيل ب تمثيل رفعت يدها ل ابوها هي صدق تعبانه بس تبي تنتقم من ذياب ب اي طريقة.

صقر ماصدق انها ترفع يده قرب منها اكثر ومسكت يده / ذياب ضربني و .....بصياح / يرضيك اءءءءااه

صقرترك يدها ولف على ذياب وكان معصب كثير ونزل له وعبد الله معه و و عبد العزيزوسحب ذياب الصاله الثاني ابتسم ذياب ل اسيل كانه يتوعد فها وعي ابتسمت ب خبث له وانتصار.

وغمضت عيونها ب تعب ومسكت مشعل اللي وقف وكان ناوي يهجم على ذياب وهمست / ودني الغرفة اللي تحت عند عيال وخل نروح من هنا خل ياكلون بعض هم

مشعل خذ نفس من العصبية اللي شبت فيه من حال اسيل / طيب اللي تشوفين وين الغرفة خل نطلع من هنا

لفت على ريم اللي ترجف من الخوف وهي تسمع صراخ عمها وابوها اللي اول مره يصرخ كذا في الصاله الثانية / روحي الغرفة وراح نلحقك ناخذ البزران

ريم حزة راسها ب اي بسرعة وراحت صوب الغرفة ومشعل وراها شايل اسيل اللي التعب لعب فيها بس مصره تنتقم

دخلو الغرفة وسدحها على السرير و راح عند البزران كانو نايمن

اسيل ببجه وتعب / كيفهم

مشعل / نايمن ... لف على المربيات وقال لهم يلا بنروح من هنا

اسيل / هيا كل واحد تحمل واحد سنذهب من هنا ... وافت علم ريم / ريم شفتي عباتي هنا

ريم هزت راسها ب و غباء / تبين عباتي ... وكانت ب تفصخها لف مشعل يناظر فيها وفي قلبه ذي اختك الخبيث ذيابو !

فتحت عيونها ب فجعه من الغباء واسيل ضحكت / خلاص بجيب لك انتظر وطلعت من الغرفة بسرعة

اسيل ضحكت وهي تحاول تجلس ولمت شعرها / حد من يصدق انها اخت الخبيث ذيبو

مشعل ابتسم وجلس جنبها دقايق وجات ريم مع العباية وطلعو من البيت و خذت الزران وهي عارفة ان ذياب مراح يخليها بذا السهوله



.
.
.
.
.
.
.
.
.


مذاق الحب من طرف واحد مذاق عجيب حلو. مرّ. مدمّر. منعش. كل المتناقضات في شعور واحد. لا تستطيع أن تبقى. ولا تستطيع أن ترحل. لا تستطيع أن تنسى. ولا تريد أن تتذكر. لا تريد أن تفرض نفسك. وتعجز عن إنكار ما في نفسك"

المرحوم باذن الله غازي القصيبي .


~~~~~~~~~~~~~~~~~~~~~~~~~~~~


في الصاله عند ذياب اللي نص وقته جالس وهو يسمع كلام ابوه اللي اول مره معصب عليه عشان انه ضرب بنت عمه

صقر / ذياب انا زوجتك بنتي عشان تصير بين عيوني بس وش صار خطفتها مره وهربت من سنين وترجع وعندها بزران وترجع تاخذها ب القوة عندك وش الحل قول وفوق كذا ضارب البنت

ذياب وقف / عمي صدقني ماضربتها تعرفني زين مستحيل اضرب كذا ولا استقوي على بنتك

عبد الله / وربي لا تطلقها وحلفت انا

ذياب لف عيله ببرود / لو وش يصير زوجتي وكيفي انا بنام بتباتون هنا حياكم ...باس راس ابوه وصعد فوق عارف ان اسيل مو موجوده وراحت وخذة البزران


دخل نفس الغرفك اللي كانت فيها اسيل وانسدح على السرير وهو يشم ريحتها / فوق ذا كله احبك وش اسوي فذا القلب اللي مو راضي يخليك لا طيب راضية ولا غصب

غمض عيونه وهمس /

ولغيرك أنا ما أملك أي شعور
‏ياكبر حظك حتى بغيابك أحبك

.
.
.
.
.
.
.

~~~~~~~~~~~~~~~~~~~~~~~~~~~~


انسدحت في غرفتها وهي تناظر ب السقف بعد ماطلعت من عندها وخذت البزران عشان ترتاح


غمضت عيونها وهي تسال نفسه / ل متى وش راح يسوي بعد عشان ياخذني


غمضت عيونها وهي تذكر وش صار قبل سبوع وليش حالتها كذا


نرجع الاحداث قبل سبوع


قرب من الدرج وضغط زر وسكرو البابين اللي يودون داخل الغرف

>في باب يسار يدخل على الغرف و في باب يمين يدخل على غرف عند نهائية الدرج و في النص جدار مزين في حروف عربية في الون الذهبي >

يعني اسيل مالها مكان ترهب له الا انها تنزل

صارت تناظر فيه بخوف يوم شافت الأبواب تسكرت عمرها ماخافت ذا الكثر ترجعت على ورا لين لصقت في الجدار

اسيل بخوف / ارجع ورا احسن لك

ذياب بهمس / توك القوية وش صار لك الحين

اسيل صار جسمها يرجف يوم خلاص حاصرها و قرب وجهه منها ضمها ب قوة وصار يغضط عليها وهي بخوف تبي تدفه

صارت تتحرك بقوة بقوة لين افلتت ورجعت على ورا وهي تقول لها لا تقرب

ذياب يبي يقرب او يوقفها / انتبهي طيب

اسيل لفت شافت الدرج ورجعت على وراء متعمده / لازم انتبه منك انت ...وغمضت عيونها ورمت نفسها من الدرج

فتح عيونه منفجع من جنونها مكان يتوقع انها ماتخاف على روحها لدرجة وبسرعة صار ينزل من الدرج يبي يمسكها بس للاسف الدرج اسرع وجسم اسيل اسرع طاحت لين اخر درجة وقف ب نص الدرج يناظر فيها ب خوف منصدم

تخيل انها تموت بس انجننن نزل بسرعة تحت وجلس عندها رفع راسها من الارض وحطه بحضنه شوي وحس ب شي حار حط يده تحت راسها ورفعها وشاف دم / اسيللل اصحي بس كنت ابي اخوفك مراح يصير لك شي

طلع جواله من مخبه بس مو عارف وش يسوي / تيناااااااا


جات الخدامه تركض بعد دقايق وانفجعت من المنظر اسيل في حضن ذياب و دم في ثوبه ورسها ينزف / نعم سيدي

ذياب / اتصلي ب الطبيب الان

شالها بين يده ودخلها اقرب غرفها دقايق وجا الدكتور وكشف عليها


ذياب جلس ب راحه بعد ماطمنه الدكتور ان مافيها شي

الدكتور / انا خيطت الجرح اللي براسها و الممرضه راح تلف راسها الحين والجرح لازم يتعقم ل حسن الحظ انك لحقت عليها بسرعة ولا طاحت طيحه قوية بس جرح شوي عميق في الرس وكسر بسيط في اليد اليميمن ولازمها راحه ل مدة خمس او ست ايام

ذياب / شكرا يعطيك العافية دكتور ....قرب من عندها بعد ماطلعو الكل ومسك يدها وباس راسها وهمس في اذنها / احبك


الواقع

فتحت عيونها وهي تذكر همسته / يمكن صدق .... غمضت عيونها وهي تكرر كذب كذب كذب اءءءءههه كذب اطلعي من راسي ي كلمه






.
.
.
.
.
.
..
.
.
هب لي طيفٌ بين الوردي يطوقني
‏بالعشق أمضي والأشواق غفرانِ



~~~~~~~~~~~~~~~~~~~~~~~~~~~~~

في بيت العبد الله


في غرفة اسيل


صباح يوم جديد صحت ب نشاط وهي تتمقط وشافت امها واقفه عند النافذه وهي تبتسم لها / صباح النور ي قلبي امها

وقفت وهي ترجع شعرها ورا وضمت امها / صباح الخير ب احلى امزفي الحياة صباحك نور و ورد وكل شي حلو يمه

خلود وهي تضمها / اوه كبرنا على ماما صرنا نقول يمه

اسيل ضحكت / يمه خلاص كبرت صرت ماما حق اربع بزران هههههههههههههههههه

خلود ضحكت معاها / اي صح ههههههههه ..: وباستها واسيل باست راس امها ويدها

دقايق وسمعو صراخ ريان و مشعل

/ يبهههه

ريان / جدي وش فيك

خلود ب خوف / وش صاير تحت تو مافيهم شي

وطلعو من الغرفة بسرعة يركضون ونزلو ولقو الجد منسدحه على الكنب و مفتوحه ازرار ثوبه و يتنفس بصعوبه ويده على قلبه

راحت تركض هي وامها

خلود بخوف / يبه وش فيك وش صاير وش يوجعك

اسيل مسكت يد جدها بخوف و البزران خايفين من الصراخ وماسكين بعض وريان جنبهم

صلاح ب كلام متقطع وهو يحاول يتنفس زين بعد ماهدء شوي / افلس..نا تعب كل ..اذا السنين راح افلس

انصدم الكل

مشعل / كيف انا اتابع الشغل اول يبه صدقني

صلاح وهو يكح و يتنفس / وانا كنت ارجع وراك

جلس مشعل ب تعب عند ابوه ويده على راسه من ذا المصيبه و خلود ضمة ابوها / يبه كل شي ينحل لا تشيل هم ولا تتعب نفسك

ثواني وجات تركض الخدامه وفي يدها جوال اسيل / سيدة اسيل هاتفك لا يتوقف عن الرنين

خذت الجوال وردت وهي عارفة مين / انتي جنيتي عليهم الحل بيدك انتي ...وقفل

صرخت ب تعب / ذياببببببب

وجلست ب الارض ب تعب هذا اللي محسبت حسابه

.
.
.
.
.

:
.

.

وعدت من المعارك لستُ أدري
‏علامَ أضعتُ عُمري في النِّزال .
‏غازي القصيبي

__________________________________________________ _________________________



أيـا رفـيقةَ دربـي!.. لو لديّ سوى عمري..
لقلتُ: فدى عينيكِ أعماري أحـبـبتني..
وشـبابي فـي فـتوّتهِ ومـا تـغيّرتِ..
والأوجـاعُ سُمّاري مـنحتني مـن كـنوز الحُبّ.
أَنفَسها وكـنتُ لـولا نـداكِ الجائعَ العاري مـاذا أقـولُ؟
وددتُ الـبحرَ قـافيتي والـغيم مـحبرتي والأفقَ أشعاري
إن سألوك فقولي كان يعشقني
‏بكل مافيه من عُنفٍ وإصراري
‏وكان يأوي إلى قلبي ويسكنهُ
‏وكان يحملُ في أضلاعهِ داري

المرحوم بإذن الله غازي القصيبي


أنهى❄

__________________________________________________ _________________________

اتمنى انه نال اعجابكم

حسابي في wattpab

‏https://my.w.tt/UiNb/rL68WWJvlH

اتمنى يكون في تفاعل كبير و تعلايقتكم هي سبب لانتهاء الرواية

للامبالاة هي آخر فصول الوجع

مع حبي ❤

‏