عرض مشاركة واحدة
قديم 27-07-19, 07:17 AM   #20

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


البارت السابع عشر🌿

لاتجعلون الروايه تلهيكم عن طاعاتكم اللهم بلغت اللهم فشهد

سرى اليل كلهّ بين ليتِه ولو أنه .


الفجر
جت نشور تركض /جدي جدي
الجد لف لها/هلا
نشور/عادي اطلع مع خوالي
الجد/متى
نشور/الحين
الجد/وين
نشور/للبحر
الجد/لا الناس صيام ولا فيه ارتاحي
نشور/تكفىىى جدي
الجد وهو ماشي /قلت لك لا
بوزت نشور وطلعت فوق
نشور/عياا
مشاري /عندي فكره
نشور/وشي
مشاري /تعرفين تسلقين الجدران صح
نشور /ااي
مشاري/اوك لا نامو تسلقيه وانا امسك لا طبحتي وناخذك ونرجعك شرايك
نشور /ولا اطلع مع الباب الخلفي
مشاري /الباب الخلفي مو على بيت عمك
نشور/اي صح عمي خالد يحسسس اعوذبالله
مشاري/ااي خلاص تسلقي مع اي جدار ماتكون فللهم عليه فيه او لا
نشور/اخاف احد يشوفني
مشاري /ماعليييك هاه شقلتي نجي ولا لا
نشور/تماام بس اسمع ولا خلاص خلاص الساعه 6اوك
مشاري /اوكك يالله سلام
نشور /سلام
اخذت شنطه ضهر حطت عبايتها بها وحطت اغراضها
الساعه 6
لبست بنطلون وبلوزه عشان تتسلق صح وسبورت شدته مرره طلعت اول شي بدون اغراضها مع الباب الخلفي وشافت الحديقه ماشافت احد بها فرتها كامله رجعت اخذت اغراضها وطلعت وتكلمهم فيد
نشور بهمس /يالله
الكل /ياللله
ركبت الجدار بصعوبه وصارت جالسه عليه وتطالع لهم يصورون ويضحكون الكل موجود العيال والبنات وهي تتذكر يوم لؤي حلفها ماتطلع بدون عبايه قدامهم وهي تطنش "مايهتم فيني اهتم بقرارته ليش"
نشور جالسه على الجدار
مشاري /يالله نشور احذفي الشنطه علينا
نشور تطالع لشنطتها/لا مااقدر قلبييي يوجعن
مشاري/نشوووور اخلصي علينا
نشور /امانه بها عطر ب700ريال تخيل ماتمسكه وانكسر
مشاري بطولت بال/اجيب لك بداله بس اخلصي علينا لااحد يطلععع
شروق /اصبر انا اتفاهم معاها وطالعت لنشور نشورر وقسم بالله معك دقيقتين اذا مااحذفتي الشنطه وطبحتي لا نروح والله بسرعه
نشور/امسكووها زين بها جواليييي
مشاري مد يده/اسرعييي لااحد يشوفنا بسرعه
وتحذفها نشور وهي مغمضه /وصلتتتت
كلهم شهقو /طاحت
الا فتحت منخرعه وهم يضحكووون
نشور/خرعتوني
مشاري وهو يعطي الشنطه لااسيل/هاك طلعي عبايتها
وماد يده /يله نشور طبحي
نشور/يله واخد اثنين ثلاثه وهي تطبح ويمسكها مشاري وينزلها
مشاري /مابغيناااا وهي تلبس عبايتها علطول ووتحجب ويمشون
نشور/ماتوقعتها تعدي بسلام
شروق/ولا اناااا
مشاري/اهم شي قفلتي جناحك
نشور/اي اي ووصيت علا اذا احد سالها تقول نايمه
مشاري /ماتعلم عليك
نشور/لاااا وينننن علا بالقلب
مشاري /زينن
شروق/شغل لنا شييي
نشور/رمضاننننن رمضاننن وصيام بعد اهجديي
شروق/اغنيه وحده مي ضاره
نشور/شروقق سلامات
شروق/اوووه عاد نشور مسويه يعنني مطوعه
نشور سكتت ماتبي تهاوش
مشاري/شوشو الاغاني ورمضان تجرح الصيام
شروق/الله واكبر يعني الحين مااكان احد يسمع من اغانيك وتكسب اثمه ماتبي تشغل اغاني يقال اغانيك تكفي
نشور صرخت/شجايك علينا اليوم لاننا مانبي نسمع صرنا منافقين ومطاوعه ماسمعتي الايه قال الله تعالى(ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ )
خلاص حنا مانبي نسمع تبين تسمعين شغلي بجوالك والبسي سماعات
وسكت الكل
الجو مشحوون جدا مااحد يتحمل الثاني
وصلو للبحر ونزلو
نشور لشجون/وش بها؟
شجون/مدريي معصبه من امسس
نشور/اووه عاد لاعصبت تصير لا تطااق
شجون /الله يعين روحي شوفي وش بها
راحت نشور لها جالسه على البحر لحالهاوبعيد عن الكل/شروق وش بك
شروق/مافيني شييي
نشور/كل هلعصبيه ومافيك شيي
شروق صرخت/لاتسوين قافطه قلت لك مافيني شيي
نشور عصبت/هاذا جزاتي جايه اسال وش فيك
شروق/طلبت طلبت منك تساليني ماااطلبت فاانطمي
نشور/شروق لاتكلمني بهلاسلوب مااني بزر عندك
شروق/اكلمك بالطريقه الي تعجبنيييي
نشور/شروووق حدك
شروق/مالككك خص اووه عاد طفشتيني انقلعي عنيي
نشور صفقتها كف
شروق انصدمت/منووو انتي يوم تصفقيني
نشور/ومنو انتيي يوم تكلميني بهلطريقه
شروق/الله واكبر عاد من انتي حدك ورع ماطلعتي الا امس ماتدري تعيش حتى عند من
نشور طالعت فيها اخر انسان توقعتها يذلها بجرحها شروق
شروق وتتكلم وهي معميه وكان ماصدقت تلقا احد تطلع به عصبيتها/مشتته لا ام ولا ابب حتى الكل معك لانهم يعطفوننن عليك وتسوين دايم المتوجعه عشان يرحمونك ودايم تتظبطين وتتكشخين عشان تضبطين الوليد لاكنه مااعطاك وجهه وفل زينه وفل ميكب عشان تورين الناس انك احلىى وحده بين عايله ال***
عايشه تناقض مع نفسك ماتدرين كيف حتى تعيشين ماتدرين الصح من الخطأ ماتدرين وش تسوين تتضاهرين للكل بانك واو وانا بنت عز وكل ذا عشان تقولين ترا عايشه بدونك يمهه وانتي تموتين كل يوم وكل دقيقه يوم تشوفينها مكمله حياتها بدونكك يوم تشوفينها مهتمه باابراهيم ونوف اكثرر منك ولا ابوك الي مو داري عن هو دارك وكانك مو بنته وليش جيتينااا امس عشانك شفتيه طالع مع زوجته وبناته وانقهرتي وطلعتي جيتينا عشان تورينه انك مو مهتمه وانتي متقطعه من جواتككك وماتحملتي حتى فكره ان امك تسافر بدون لا تودعك او حتى ماتحضر عررسك و تدرين بعد انك كلمتي راشدد مو عشان بس تدافعين عن مشاري كان باامكانك تعطين مشاري الرقم وهو يتصرف لاكن كذاا انتي كلمتيه عشان تظهرين بعيون الكل المتمرررده وتحسسين ابوك بالذنب وخاب ضنك يوم ان لؤي ماعلم عايلتك ولا جدك وكل ذا تتضاهرين عكسه لاكنن انا اعررفك صحححح يانشور
نشور واقفه مصدومه من الكلام الي تسمعه ابددد مو صح كل ذاا موو صح واللله مو صحح هي مو كذا خبيثه والله مو خبيثه هي انسانه عاشت مع واقعها تاقلمت معاه هي صح ماتتقدر تنسا هي تحاول انها تنسا لاكن هاذا مو بكيفها هاذا بكيف قلبهاااا قلبها الي يبي يتذكر مو هييي قررت بدال ماتنسا تتعايش مع واقعها ولانها تعايشت مع واقعها طلعت المنافقه المتناقضه الخبيثه ام وجهين تتضاهر بشي وهي شي ثاننني صحح ماتنكر انها كانت تلفت انتباه الوليد لاكن بعد مااملك عليها لؤي نسته خلاص مااتنكر انها كانت تتكشخ عشان تقهر امها وتعلمها انها عايشه حياتها بدونها بس مو توصلل لدرجه النظره الي مااخذتها شروق عنها نظره الخبثث والعب نظره الكررره نظره القرررف موو كذاا هيي
انها تتضاهر بالطيبه والبراءه هي كذاا طيب ومو مثل ماقالت تلفت انتباه الناس وتتميرض عشان يرحمونها مرره لا هي انسانه تكره حتى الشفقه من احد نظره شروق لها يعني انتي خبيثه وتتضاهرين بالطيبه هي تمووت الف مرره لانها تكلم راشد وتدري بان ذاا حرررام ومعصيه لاكن تدري ان لو عطت الرقم مشاري ممكن يذبحه وهي خافت على مشاري هي تفكر بمشاري وشروق تفكر بانها المتمررده مصدومهه من شروق كثير توقعت انها تفهمها بس طلع العكس توقعت ان لو كل الناس صدوها شروق لا بتلمها توقعت انها بتداوي الامها لاكنها لا فتحت الامها لها ومو بس اكتفت بفتحهن زاادت جرححح عميققق فيهنن جررح مايداويه الف اعتذار والف موقف والف كلمهه
وقفت شروق وكانها بدت تستوعب الكلام الي قالته بدت تغمض وتفتح وترجع تغمض تبي تستوعب هي شقالت بالضبط وبدت تسترجع الكلام الي قالته
قربت من نشور وهي ندمانه ومدت يدها بااتجاه نشور بتبرر /نشور
نشور ابتسمت بخيبه /لا تبررين يقولون اصدق كلام خذه من الشخص المعصب انتي قلتي الي عندك وشكرا خليتيني اعرفك صح لا تدقين لا تعتذرين لا تكلمينن لا تحاولين تتواصلين مع انسانه منافقه ام وحهين تتضاهر بالطيبه تمام انسيننني شروق انسيني ولفت ومشت
كل يوم خيبه جديده كل يوم تنصدم بشخص جديد الى متىىى بعض الاحيان تشك انها سوت لشخص شي وذي حبووته وضعها موو طبيعي !تحس بشعور غريب ماتتالم تحس بفراغ مشاعر لا شيي تمردت مشاعرها صار الوضع جدا طبيعي الي بيروح يروح الي بيجي يجي ماتهتم برووود يكسي مشاعرها فااارغه تماما من اي شيي
فررررررراغ ....
مشاري حذف لها الشنطه وركبها على الجدر
نشور /يله مع السلامه دعواتكم لي اوصل سالمه
مشاري /انتبهيي
نشور /بااي وطبحت الا شافت سبورت قدامها رفعت راسها فهد
فهد صار على سنونه /مشاءالللله وين كنتي
قامت نشور /فهوود والله فاهم غلطط
فهد/وين كنتي
نشور /كنت مع مشاري والبنات
فهد/اجل ماابوي عيا
نشور دنقت بااحراج
فهد/جاوبيني
نشور ناظرت له /فهد والله ماكان خاطري اطلع بدون رضاه لاكن من حر الطلعه طلعت كانت الطلعه بنفسي وبقووه وقلت بعد اخر الطلعات الي اطلع معاهم فيها بعدين اخذ لؤي زين ان شفتكم
فهد/مو عذرر تدرين وش بيصير لو درا ابووي
نشور نزلت راسها بخجل ماتدري شتسوي النبره الي يكلمها فهد فيها نبره عتبب /اسفه
فهد/ادخلي بسرعه لااحد يشوفك
وراحت نشور ندمانه بقوووه ودخلت
فيه شخص كان يطالع لهم من بعيدد شخص كان يتاملها دايم وهو ماتحس يشووف الالم بيعونها لا طالعت له يشوف الارتباك لا سلمت عليه شخص مايقدر يوصف بشاعت نفسه شخص يعترررف الين اليوم ذا حب شهد مالك قلبه شخص الين اليوم مايعرف شيسوي بحياته شخص يشووف بنته قدامه مكمله حياتها يشوف كيف علاقتها مع فهد قوويه يتخيل لو انه بمكان فهد شلون بيكون كيف تضمه بقوه كيف تطالع له بحب كيف انها مجرد مايقبل عليها تبتسم من يطرون فهد تضحك يتخيل لو كان هو بمكان فهد كيف بتحبه كيف بتضحي عشانه لاكن كل ذااا خيال ومستحيل بيوم بيكون حقيقي
كل ماطالع لها تذكر يوم قال لاابوه انا بريي منها ليوم الدين تخلا عن ضناه بيوم وليله هل ممكن نشور بترجع له بيوم وليله <<لا طبعا😂
المغرب بعد الفطور
الجد /حفظتو القران ؟
نشور/قران
الجد /اي اجل ماقلت لكم امس بسمع لكم سوره مريم
نشور/اها
الجد/يله بدور بدخل المكتب ووراي واحد واحد عشان ماترتبكون
الكل/اوك
بدو يسمعون واحد واحد
الحد/نشور قرايتك حلوه وبلحركات ولا غلطه
نشور/اي جديي حفظت طول الصبح
الجد/عقبال ماتحفظين القران كامل يابنتي
نشور /اميننن يارب وطلعت "اسفه جدي مااقدر اقول لااحد اني حافظه القران مدري هو مرض او ايش لاكن مااحب اعلم احد اذا سويت عمل خير اعتبره نفاق او ان شوفوني او الفت الانظار لي وانا مااحب كذا حفظي للقران بيني وبين نفسي "
الجد/حفظك مو مثل دايم
لؤي /تعبان جدي عشان كذا
الجد/رح واحفظ واسمع لك بكره
لؤي/طيب
الجد/شبقا لك بالعرس ؟
لؤي/مابقا شي القاعه وحجزوها العيال وبزف ببيتي والباقي ضبطته امي والبنات والذبايح تكفل بها ابوي
الجد/جبت مصور يصور عرسك
لؤي/يوههه نسيته
الجد/جب مصور ولا تنسا شف نشور اذا خلصت اغراضها خلاص خذوها لبيتكم
لؤي/انشاءالله جدي ترا بنجيب فرقه
الجد/به غناء ؟
لؤي/لا لا طبل بس يحيون العرس
الجد/كيفك ياوليدي جبه
لؤي/وابي فهود يزفني
الجد/مهو ابوك؟
لؤي/امس قلت ابي فهد قال كيفك
الجد/بالتوفيق ياوليدي
لؤي باس راسه ويده وطلع
ابتسم الجد وهو يتمنى لهم التوفيق نشور ولؤي عينين براس
دخل فهد والجد يفكر وفهد القلبب
لهم الثلاثه مكانه خاصه عنده فهد رحووم عكس عياله الباقين طيب ومايحب احد يزعل ومايحب احد ياخذ بخاطره منه طيببب بقوه

بعد ماخلصو تجمعو العمام
سالم/يبه المناقصه بتودينا بستين داهيه
نواف الي صار معاهم بالشركه/صادق عمي جديي كيف نوقع على اوراق ماانعرف شريكنا من
الجد/تطمنو بانسيو ماهو جايب لنا اي احد ويمدح لي الشركه الي بنتفق معاهم
خالد/نخااطر يبه
الجد/توكلو على الله ووقعو يله
وبدو يوقعون الاوراق الي ماايدرون ايش مصيرها
راشد/متى بنقابل الشريك
الجد/بعد العيد خامس عيد يمكن
راشد /الله يكتب الخير يارب
•••••
قاعدين الحريم بالمجلس مع نشور
ام لؤي/الكوشه عليك من الحين اقول لك
رفعت حاجبها نشور /طيب ليش ماقلتو لي من قبل عشان يمديني
ام لؤي/بلا جواره يمديك ماعليك توه العرس
نشور وهي بتنفجر من القهر/طيب
سديم /ويهه ياعميمه اول مره اشوف عروس تجيب كوشتها وتضحك
ام لؤي /ااي يابنتي الدنيا مقامات انتي بعرسك على عزوز ان قالها الله اني انا اختارها بنفسي لحبيبتي
سديم/وووويه ياعمتي ياجعلني والله
نشور ابتسمت بسخريه/ترا مااهمني احسن بعد خليتوني احتار كوشتي انا بذووقي لان ذوقكم الله يستر منه لا تفشلوني قدام خوالي وخوياتي لان تعرفون عروس عيال ال *** واذا تبون اكتبو عرس فهد ال **وشوفو وش يطلع لكم انشاءاالله عرسي بنفس مقام عرسه
وقامت تمشي باانتصار يوم شافت وجيههم قلبت
كلهم نطو لرشا الي فتحت تبحث عجبها رد نشور هم ماقصرو بعد !!
وبدو يشوفون باانبهار
علا لحقت نشور
علا/غلطانه ماراح تسكت عنك وراح تعلم لؤي
نشوور/خليها تعلم همتني هي وولدها بقلعه تقلعهم
وراحت لغرفه فهد طقت الباب
فهد/تعالي
ودخلت نشور /فهوود اكتشفت ان الكوشه علي مااحد حجزها فبعطيك رقم واحد مصمم كوش وكذا تكلمه ابي اقدم طلب عنده عاد هو فل مشاءالله بس ابيك تحاول
فهد /عطيني رقمه
وجت نشور وبدت تمليه الرقم
•••
استغفرالله

شيلا/غبيه غبيييه كيف تقولين هلكلام لنشوررر كيف طاوعك قلبك لا تقولين لي معصبه ومدري ككيف لان مو اذا عصبتي تروحين تحطين حرتك بالناس اذا عصبتي تقعدين لحالك الين مااتهدين الناس مو مجبوره تتحمل زعلك وعصبيتك <<فعلا اشوف اغلب الناس اذا زعلو يروحون يحطون حرتهم بالناس ويهاوشون ويصارحون ومايبقا احد مايفتك من شرهم ليش حبي هو مو مجبور يتحملك المفروض الي تعصب او تنفس تترك الجوالات تترك العالم وتقعد لحالها الين ماتروق لان ممكن تقولين كلام يجرح يزعل ممكن ينهي العلاقات ....
شروق وهي تبكي /شيلا والله ماادري كيف طلع مني والله
شيلا/حلي مشكلتك بنفسك تستاهلين ومشت الا تسمع شروق زاد صياحها وهي ترجع تضمها
شيلا/خلاص ياالبي اسمعي طبيعي بتسامحك انتي حبيبتها تعتذرين وراح تسماحك
شروق/هلمررره غيرر غير حتى مااهاوشت عاتبت بس ماابكت بالعكس كانت تطالع وكان مافيه شي صاير صار عندها تبلد وعلى حظيي ورجعت تبكي
شيلا/اسمعيي خلي مشاري يكلمها راح يقنعها والله صدقيني
شروق /لا ماابي احد يتدخل اذا بتسامحني تسامحني عشاني اناا مو عشان احد ثاني
شيلا/قومي ندق عليها
شروق/دقيتت ماترد
شيلا/ادق من جوالي ودقت
نشور وهي عند فهد/ياليل وردت هلا
شيلا/اهلا نوشه اخبارك
نشور /ابد والله وانتي
شيلا/تمام اسمعي امسكي شروق بتكلمك
نشور /شيلا مشغووله والله بس اخلص اناا اكلمها
شيلا/وعد
نشور/وعد
شيلا/اوك يله باي
نشور /باي
شيلا لشروق/تقول مشغوله بس تخلص تكلمك ووعدتني بعد
شروق /اوك بروح اتسبح وقامت وهي مخنوقه
عند نشور
نشور تحس انها انخنقت وهي تسمع شهقات شروق يوم تكلمها شيلا عورها قلبها مااتنكرر
فهد صرخ/يااهوه
نشور فزت/هاه هاههه
فهد/وجعاااه وجعاااه
ضحكت نشور/لبيييييه ياعمي لبييييه
فهد/دقيت عليه وقال خلاص لاني زودته فلوس ارسلي لي التصميم الي تبين والالوان وكلشيي وانا اضبط الباقي
نشور /فهوود ممكن طلب
فهد/اي
نشور/ابي ادفع انا
فهد عصب/نشووور
نشور/تكفىى فهد ذا عررسي لو ماحطيت به فلوسي احطها على وش تكفىىى فهد لو حاجه بسيطه ابي اشرك بعا طلبتك
فهد/اووك اسال لؤي واقول لك
نشور/لاااا لا قل هديه مني وانا ابي ادفع ماراح يرضا فهووود
فهد/طيب طيب لا تبلشينن
قامت نشور باست راسه /الله يخليك ليي
فهد ابتسم /يله اررسلي التصميم
نشور بفخرر /انا رسمته لي يمكن سنتين وقلت بهديه لااول شخص يعز علي يتزوج وطلعت انا اولكم وضحكت
فهد ابتسم /وريني
نشور بدت توريه وين يحط الورد والالوان وكل شيي
فهد /بطططل
نشور/حبيبي عمممي
فهد /يله عاد ارسلت له وبفهمه عشان بنام وراي طلعه
نشور /ويييين
فهد/وهو ينسدح /بنطلع نتسحر بالبر وبعدها بروح لدوامي
نشور /اهاا وقامت يله نوم العوافي ياعمي والله يعينك
فهد/الله يعافيك يابنتي
ضحكت نشور وطلعت
راحت دقت على شروق
شروق من اول رنه ردت/نشورررررر وقامت تبكي
نشور وهي تدخل جناحها /شروق لا تبكييين
شروق /نشور انا اسفه والله اسفه الكلام ماادري كيف طلع مني والله مو مني والله مااقصده والله نشور تكفينن
نشور ودمعاتها تطيح والكلام يتكرر ببالها 'مشتته لا ام ولا اب ' 'تتضاهرين للكل باانك واو'
شروق قامت تبكي يوم سمعت بكاء نشور /نشوور
نشور /ياعيون نشور
شروق زاد بكاءها /هاوشيني عاتبيني صاررخي علي لا تتعاملين معي كاانه عادي وهو جارحك لا تتعاملين معي بااسلوب حلو تكفينن
نشور /واذا قلت لك انه عادي عندي ماجرحني
شروق/تكذبييييين نشور انا اعرفكك والله جارحك بس انتي ماتبين تتذكرينه ماتبين تبكين تكفين نشور صارخي علي راضيه ولا اتكلم بس لا تعامليني كذا
نشور /شرووق ياقلبييي ماازعلت منك واعرف الي بخاطرك ليي زين وانك قلتيه وقت غضب
شروق/صوتك ماايقول كذا صوتك يقول فيه لك عتاااب كبيرر مني بس ماني قادره كيف اطلعه طلعييييه بالله
نشور وهي تقعد /وش اقول لكك هاه وش اقوول اقول جرحتيني اقول صدمتيني اقوول كذببب الي قاعده اسمعه كذببب انتي مو انتيي انتي وحده ثانيه شرووق كلامك للحين يطن بااذني للحين ببالي ابي انساه عجززت شروق انا بي مررض تدرين ووش لا انجرحت ماانسا ماانسا بسررعه احاول اقول الشخص لي سنين معه كيف ماانسا عشان غلطه لاكن مااقدر وقامت تبكي واللله مااقدر ابي انسا كلامه كيف الطريقه الي جرحني بها لاكن مااقدر شرووق انا جروحي ماتصير اي جرح جروحي توصل لااعمق نقطه بقلبي وصعب اني اوصل لهنقطه عشان امحيها صعبب حاولت وحاولت وحاولت لاكن مافييي فايدهه عطينني وقت تكفييين شروق محتاجه وقتت عشان احاول اتنسا
شروق جتها ضيقه خنقتها العبره ماندري شتقول
نشور/حبيبي شرووق تراك شروق توامي وحبيبتي انا ازعلك وانتي تزعليني مكانتك للحين كبيره وبقلبيي ومستحيل يغيرها اي شي لاكن احتاج ووقت ممكن
شروق /تمام تصبحين على خير
نشور /تلاقين خير يارب وقفلت وهي تمسح دموعها وقامت بدت ترسم لان لازم تودي اكثر من خمسين رسمه للمعرض لانه فضاا رسمت يمكن 40
وبترسم بعد
بدت ترسم لوحه تعبر عنه يقولون ان الرسام يعبر عن حالته برسمه ياما تجي الرسمه حزينه او سعيده بها مشاعر او فارغه على حسبب حالتها لما يرسمها وهي رسمت رسمه خاليه من اي شي فراغغغغغ عظيم بها
دق مشاري /الرسمات جاهزه
نشور /اي بغلفها وانزلها
مشاري /طيب
وبدت تغلفهم ونادت الخدم وبدو يشلون معاها
ركبهم مشاري السياره
نشور /عاد شفهن وعطني رايك
مشاري /اكيد حلوات
نشور ابتسمت /اي صحح ميشو الي تغلفيها اصفر لك ترا
مشاري /اللله رسمه جديده
نشور /وبتعجبك بعد
مشاري باسها مع راسها/حبيبتي نشووور اي صح ترا خلاص خلصت زفتك بصوتيي الجميل
نشور بفرحه /صدققق خلنيي اسمعها
مشاري /سبرايززززز يله مع السلامه وباس خدها ومشا
ودخلت الا جاء لؤي معصب /نشووور
نشور لفت /هلا
لؤي قرب لها ومسك يدها بقوه /منوو انتي يوم تسبين امي
نشور /ماسبيتها
لؤي صرخ/بتكذب يعننني
نشور/الله اعلم
لؤي ضغط على يدها /امييي تاج راسك تحترمينها غصب عنك فاهمه
نشور /يديي
لؤي/خليني اسمعها تشتكي منك او خواتيي اقص لسانك قص
نشور وهي مغمضه/لؤي يدييي
لؤي/خليها تنكسر عشان تعرفين ترفعين صوتك على امي وتهينينها
صوت من وراه /شل يدك لااكسره لك
لفو بصدمه

تمت ✔

لا اله الا الله وحده لاشريك له له الملك وله الحمد وهو على كل شي قدير
ان اصبت فهو من الله وان اخطئت فهو من نفسي والشيطان

توقاعتكم تسعدني
اعذروني على البارت الصغير لاني انشغلت وتو اكتبه الحين وعلطول بنزله
اتمنى يعجبكم
لا تحرموني من ردودكم من من عتابكم علي اذا فيه شي مو زين او خطأ وانا اختكم الصغيره تعلموني على اخطائي عشان اتعلم وكااول روايه ليي طبيعي مااتقنه فا لاتحرموني من ردودكم

لا تنسوني انا ووالديني من دعائكم في ضهر الغيب
لا تنسون صلاوتكم والوتر
لا تنسون الصلاه على النبي
عن ابن مسْعُودٍ أنَّ رسُول اللَّهِ ﷺ قَالَ: أَوْلى النَّاسِ بِي يوْمَ الْقِيامةِ أَكْثَرُهُم عَليَّ صَلاَةً ''
اللهم صل وسلم على نبينا محمد

تحياتي :-صمت غرور🎻

...




لامارا غير متواجد حالياً