#صرخات_غير_مسموعه
بقلم أم غايب
#بارت١
ﻣﺮﺣﺒﺎﺍﺍﺍ ﺃﺣﺒﺎﺋﻲ ﻏﻴﺮﺕ ﺍﻟﻤﻮﻋﺪ ﻣﺎﻝ ﻧﺸﺮ ﻻﻥ ﺍﻭﻝ ﻳﻮﻡ ﺍﻟﻌﻴﺪ ﺭﺍﺡ ﺍﺳﺎﻓﺮ ﺑﺮﺣﻠﻪ ﻗﺼﻴﺮﻩ ﻓﻬﺎﻱ ﺍﻻﻳﺎﻡ ﺭﺍﺡ ﺍﻧﺸﺮ ﻻﻥ ﻣﺎﺍﻛﺪﺭ ﺍﻋﻮﻑ ﺍﻹﻋﻼﻥ ﻭﻗﺖ ﻃﻮﻳﻞ ﻻﻥ ﺑﻲ ﻣﺤﺘﻮﻯ ﺍﻟﻘﺼﻪ ﻛﻠﻪ ﻭﺑﻌﺪﻳﻦ ﺧﺎﻑ ﺍﻟﻜﻪ ﻭﺣﺪﻩ ﻣﺎﺧﺬﺗﻪ ﻣﺜﻞ ﻗﺼﺔ ﺍﻟﻠﻘﻴﻄﻪ .... ﻟﺬﻟﻚ ﻧﺰﻟﺘﻠﻜﻢ
ﺍﻟﻴﻮﻡ
ﺛﺎﻧﻴﺎ / ﺍﺭﻳﺪ ﺗﻔﺎﻋﻞ ﻭﺗﺼﻮﻳﺖ ﻗﻮﻱ ﺣﺘﻰ ﻣﻴﻀﻴﻊ ﺗﻌﺒﻲ ﺣﺒﺎﻳﺒﻲ
🌸🌸 ﺻﺮﺧﺎﺕ ﻏﻴﺮ ﻣﺴﻤﻮﻋﻪ 🌸🌸
🍀 ﺑﻘﻠﻤﻲ ﺍﻡ ﻏــﺎﻳﺐ .🍀 🍀
............2011
ﺟﻨﺖ ﻛﺎﻋﺪﻩ ﻋَﻞ ﻛﺮﻭﻳﺘﻪ ﺑﺎﻟﻤﻄﺒﺦ ﻭﺩﻣﻮﻋﻲ ﺗﻨﺰﻝ ﻣﺎﺍﻛﺪﺭ ﺍﺣﺒﺴﻬﻦ ...... ﺑﻜﻞ ﻟﺤﻈﻪ ﻳﻨﺰﻟﻦ ﻋﻠﻴﻬﻪ ...... ﻣﺎﺍﻛﺪﺭ ﺍﺳﺘﻮﻋﺐ ﺃﺑﺪﺍً ﺍﻟﻲ ﺻﺎﺭ ﻭﻳﺎﻫﻪ
ﺩﺧﻞ ﺟﺪﻱ
ﺑﻌﺼﺒﻴﻪ ...... ﺑﺎﻭﻭﻭﻋﻴﻠﻲ ........ ﻣﻮ ﻛﻠﺖ ﻣﺤﺪ ﻳﺒﺠﻲ ﻋﻠﻴﻬﻪ ...... ﻣﻮ ﻛﻠﺖ ﻣﻤﻨﻮﻉ ﺍﻷﺳﻮﺩ ﻳﻨﻠﺒﺲ ﻋﻠﻰ ﻫﺎﻱ ﺍﻟﺴﺎﻗﻄﻪ ..... ﻭﻳﺄﻣﻦ ﺣﺠﻴﺖ ﺍﻧﻲ
ﺍﻟﻜﻞ ﺍﺟﻪ ﻳﺮﻛﺾ ﻋﻠﻰ ﺻﻮﺕ ﺟﺪﻱ ﺍﻟﻌﺎﻟﻲ
ﻫﺎﻱ ﺍﺧﺘﻲ ..... ﺍﻟﻲ ﻛﺘﻠﺘﻮﻫﻪ ﺍﺧﺘﻲ ..... ﺍﺧﺘﻲ ﻣﻤﻮﺟﻮﺩﻩ ﺑﻌﺪ ﺑﺎﻟﺪﻧﻴﺎ ﻭﺗﻜﻠﻲ ﻟﺘﺒﺠﻴﻦ
ﻋﻴﻮﻧﻪ ﻧﻄﻦ ﻭﻟﻤﻠﻢ ﺣﻠﻜﻪ ﻣﻦ ﺍﻟﻌﺼﺒﻴﻪ ﺍﻟﺪﺭﺟﺔ ﺭﺍْﺳﻪ ﻛﺎﻡ ﻳﻬﺘﺰ
ﺍﺟﺘﻲ ﻋﻤﺘﻲ ﺧﻮﻟﻪ ﺳﺤﺒﺘﻨﻲ ﻣﻦ ﻛﺒﺎﻟﻪ
ﻳﺎﺑﻪ ﻋﻮﻓﻚ ﻣﻨﻬﻪ ﺟﺎﻫﻞ ..... ﻣﺘﻌﺮﻑ ﺗﺘﺼﺮﻑ ﻫﺴﻪ ﺍﺧﻠﻴﻬﻪ ﺗﻨﺰﻉ ﺍﻷﺳﻮﺩ ...... ﺟﺮﺗﻨﻲ ﻭﺻﻌﺪﺗﻨﻲ ﻟﻠﻐﺮﻓﻪ ﻭﺍﻣﻲ ﻭﺭﺍﻫﻪ ﻭﺍﻧﻲ ﺍﺑﺠﻲ
ﺧﻮﻟﻪ / ﺷﻠﻮﻥ ﺑﻴﺞ ﺍﺣﻨﻪ ......... ﺍﻟﻪ ﺗﺴﻮﻳﻠﻨﻪ ﻣﺼﻴﺒﻪ ﻳﻌﻨﻲ
ﺍﺧﺘﻲ ﺍﻧﺬﺑﺤﺖ ﻳﺎ ﻧﺎﺱ ﻭﺗﺮﻳﺪﻭﻧﻲ ﺣﺘﻰ ﺑﺠﻲ ﻣﺎﺍﺑﺠﻲ ....... ﺍﺑﺎﻭﻉ ﻋﻠﻰ ﺍﻣﻲ ﺗﺒﺠﻲ ..... ﺩﺧﻠﺖ ﻛﻌﺪﺕ ﻋَﻞ ﺟﺮﺑﺎﻳﻪ
ﺷﻠﻮﻥ ﺑﻴﻪ ....... ﺗﻌﺒﺘﻴﻨﻲ ﻳﺎ ﺷﻬﺪ ..... ﺍﻟﻪ ﺗﺴﻮﻳﻠﻲ ﻣﺼﻴﺒﻪ ﺛﺎﻧﻴﻪ ﻣﻨﻴﻦ ﺍﻟﻜﺎﻫﻪ
ﻭﺍﻟﻠﻪ ﺑﻌﺪ ﻣﺎﺑﻴﻪ ﺣﻴﻞ
ﺧﻮﻟﻪ / ﻛﻮﻟﻲ ﻳﺎ ﺍﻟﻠﻪ ﻳﻤﻌﻮﺩﻩ .... ﻭﻟﺞ ﻳﺎ ﻣﻌﺰﺍﻳﻪ ﺷﻬﺪ ﻛﻌﺪﻱ ﺭﺍﺣﻪ
ﺳﻤﻌﻨﻪ ﺻﻮﺕ ﻗﻴﺼﺮ ﺍﺑﻦ ﻋﻤﻮ ﻳﺼﻴﺢ ﻣﻦ ﺟﻮﻩ ﻋﻠﻰ ﺍﻣﻲ
ﻋﻤﻪ ﺭﺣﺎﺏ ...... ﻋﻤﻪ ﺭﺣﺎﺏ ﻭﻳﻨﺞ
ﻃﻠﻌﺖ ﺭﺍﺳﻬﻪ ﻣﻦ ﺍﻟﺒﺎﺏ ..... ﺟﺎﻳﻪ ﻫﺴﻪ
ﺷﻬﺪ / ﺑﻌﺼﺒﻴﻪ .... ﺭﺍﺡ ﺗﻨﺰﻟﻴﻠﻪ ..... ﺍﻧﺘﻲ ﺷﻨﻮ ﻳﻤﻪ ﻓﻬﻤﻴﻨﻲ ..... ﻣﺘﺎﺧﺬﻳﻦ ﻣﻮﻗﻒ ﻣﻨﻬﻢ ﻭﻻ ﺷﻌﺮﺍﻳﻪ ﺷﻠﻮﻥ ﺗﺤﺠﻴﻦ ﻭﻳﺎﻫﻢ .... ﻭﻫﻤﻪ ﺫﺑﺤﻮ ﺑﻨﺘﺞ . ..... ﺭﺍﺡ ﺗﺨﺒﻠﻴﻨﻲ ﻭﺍﻟﻠﻪ ..... ﺳﺎﻗﻄﻴﻦ ﺃﻧﺬﺍﻝ ﺑﺮﺍﺳﻬﻪ ﺻﺎﺭﻭ ﺯﻟﻢ
ﺿﺮﺑﺘﻨﻲ ﻋﻠﻰ ﺣﻠﻜﻲ
ﺍﺷﺸﺸﺸﺶ ﺍﻟﺼﻤﻲ ﻭﻟﺞ ...... ﻳﺎﺭﺑﻲ ﺷﻠﻮﻥ ﺑﻴﻬﻪ
ﺧﻮﻟﻪ / ﺷﻬﺪ ﻛﺎﺍﺍﺍﻓﻲ ﺍﻟﺼﻤﻲ ﺍﺫﺍ ﻳﺴﻤﻌﻮﻥ ﻳﺄﺫﻭﺝ ﻭﺍﻟﻠﻪ
- ﺷﻬﺪ / ﺧﻞ ﻳﺴﻤﻌﻮﻧﻲ ﻣﺨﺎﻳﻔﻪ ﻣﻨﻬﻢ
ﺭﺣﺎﺏ / ﺧﻮﻟﻪ ﻭﺝ ﻋﻴﻨﻲ ﺍﺑﻘﻲ ﻳﻤﻬﻪ ﺧﻞ ﺍﺭﻭﺡ ﺍﺷﻮﻑ ﻗﻴﺼﺮ ﺷﻴﺮﻳﺪ ﻫﺎﻱ ﺗﺴﻮﻳﻠﻲ ﻣﺼﻴﺒﻪ
ﺷﻬﺪ / ﺍﻱ ﺍﺳﻮﻳﻠﻬﻪ ﻣﺼﻴﺒﻪ ﻋﻔﺘﻬﻪ ﻭﺭﺣﺖ ﻋﻠﻰ ﺟﺮﺑﺎﻳﺘﻲ
ﺧﻮﻟﻪ / ﻭﻟﺞ ﺷﻬﻴﺪﻩ ﺍﻣﺞ ﻭﺍﺑﻮﺝ ﻣﻜﺪﺭﻭ ﻳﺤﺠﻮﻥ ﻭﺍﻧﺘﻲ ﺍﻟﻠﺴﺎﻧﺞ ﺷﻄﻮﻟﻪ .... ﻛﺎﻓﻲ ﺍﻟﺼﻤﻲ
ﺩﺭﺕ ﻭﺟﻬﻲ ﻋﻨﻬﻪ ﺷﻜﺪ ﺃﻛﺮﻫﻢ ﻛﻠﻬﻢ ﻟﻮ ﺑﻴﺪﻱ ﻫﺴﻪ ﺍﺣﺮﻙ ﺍﻟﺒﻴﺖ ﺑﻴﻬﻢ ﻭﺍﻟﻠﻪ
بيج قصص عراقيه حقيقيه من واقعنا.روعه الطائي
ﻛﻤﺖ ﻣﻦ ﺟﺮﺑﺎﻳﺘﻲ
ﺧﻮﻟﻪ / ﻭﻳﻦ ﻣﻮﻟﻴﻪ
ﻟﻠﺤﻤﺎﻡ ..... ﺷﻨﻮ ﺑﺴﺠﻦ ﻛﺎﻋﺪﻩ
ﻋﺎﺏ ﻫﺎﻟﻠﺴﺎﻥ ﺍﻻﻛﺸﺮ ..... ﻭﻟﻲ ﻳﻠﻠﻪ
ﻃﻠﻌﺖ ﻣﻦ ﺍﻟﻐﺮﻓﻪ ..... ﺗﺴﺤﺒﺖ ﻭﻧﺰﻟﺖ ﻣﻦ ﺍﻟﺪﺭﺝ ﻋﻠﻰ ﻛﻴﻒ ﺍﺭﻳﺪ ﺍﺳﻤﻊ ﺷﻴﺤﺠﻲ ﻗﻴﺼﺮ .... ﺟﺎﻧﻮ ﻛﺎﻋﺪﻳﻦ ﺑﺎﻻﺳﺘﻘﺒﺎﻝ ﺑﺲ ﺍﻟﺒﺎﺏ ﻣﻔﺘﻮﺡ
ﻓﺎﺭﺱ / ﻳﻌﻨﻲ ﻋﻤﻪ ﺭﺍﺡ ﺍﺗﺨﺒﻞ ﻣﻮﺑﺎﻳﻞ ﺷﻴﺮﻳﻦ ﻭﻳﻦ ﻧﺮﻳﺪ ﻧﻌﺮﻑ ﻣﻨﻮ ﻫﺬﺍ ﺍﻟﺴﺎﻗﻂ
ﻛﺘﻠﻜﻢ ﻋﻤﻪ ﻣﺎﺍﺩﺭﻱ ﻣﻦ ﺫﺍﻙ ﺍﻟﻴﻮﻡ ﺍﻟﻬﺴﻪ ﻣﺎﻛﻮ
ﻗﻴﺼﺮ / ﻭﺍﻟﻠﻪ ﺭﺍﺡ ﺍﺗﺨﺒﻞ ... ﻋﻤﻪ ﺍﻟﻤﻮﺑﺎﻳﻞ ﺍﻟﻴﻮﻡ ﻧﺮﻳﺪﻩ .... ﻣﺎﺍﻋﺮﻑ ﺩﻭﺭﻭ ﻭﻳﻦ ﻣﺘﺪﻭﺭﻭ ﺍﻫﻢ ﺷﻲ ﻳﻄﻠﻊ
ﻓﺎﺭﺱ / ﻭﻳﻦ ﺷﻬﺪ
ﺍﻧﻲ ﺳﻤﻌﺖ ﻛﺎﻝ ﻭﻳﻦ ﺷﻬﺪ ...... ﺻﻌﺪﺕ ﺍﺭﻛﺾ ﺭﺃﺳﺎً ﻭﺭﺟﻌﺖ ﻟﻠﻐﺮﻓﻪ
ﻟﻜﻴﺖ ﻋﻤﻪ ﻣﺘﻤﺪﺩﻩ ﺑﺠﺮﺑﺎﻳﺘﻲ ﻭﺻﺎﻓﻨﻪ ﻋﻠﻰ ﺟﺮﺑﺎﻳﺔ ﺷﻴﺮﻳﻦ ﻭﻣﺪﻣﻌﻪ
ﻋﻤﻪ ﺧﻮﻟﻪ .... ﺟﺪﻭ ﻳﺼﻴﺤﺞ ..... ﻛﺎﻣﺖ ﻋﻤﻪ ﺑﺴﺮﻋﻪ ﻭﺭﺍﺣﺖ ﻧﺰﻟﺖ ﺍﻧﻲ ﻛﻠﺒﻲ ﺃﺣﺴﻪ ﻳﺮﻳﺪ ﻳﻮﻛﻒ ........ ﺭﺣﺖ ﻋَﻞ ﻣﻮﺑﺎﻳﻞ ﻛﺒﻞ ﺷﻠﺘﻪ ﻣﻦ ﺟﻮﻩ ﺍﻟﻤﻴﺰ ..... ﺧﻠﻴﺘﻪ ﺑﺼﺪﺭﻱ ﻛﻠﺖ ﺧﺎﻑ ﻳﺪﻭﺭ ﺑﺎﻟﻐﺮﻓﻪ ﻣﺎﺍﺣﺲ ﺍﻟﻪ ﺍﻧﺪﻙ ﺍﻟﺒﺎﺏ
ﺻﺤﺖ ..... ﻣﻨﻮﻭﻭﻭﻭ
ﺍﻧﻲ ﻓﺎﺭﺱ
ﻓﺘﺤﺘﻪ ﺑﻨﺘﺮﻩ .... ﻫﺎ ﻓﺎﺭﺱ
ﺧﺰﺭﻧﻲ ...... ﻭﻓﺎﺕ ﻭﺃﺛﻨﺎﺀ ﻣﻴﻤﺸﻲ
ﻣﺮﻩ ﺛﺎﻧﻴﻪ ﺍﺫﺍ ﻧﺘﺮﺗﻲ ﺑﻮﺟﻪ ﺍﺣﺪ ﻣﺘﻠﻮﻣﻴﻦ ﺍﻟﻪ ﻧﻔﺴﺞ
ﻣﻄﺎﻳﻘﻪ ﺍﺑﺎﻭﻉ ﺑﻮﺟﻬﻪ ﺍﺑﺪ ..... ﻭﺑﻮﺩﻱ ﺍﻟﺰﻡ ﺳﺠﻴﻨﻪ ﻭﺍﺫﺑﺤﻪ ﺑﻴﻬﻪ ﻣﺜﻞ ﻣﺬﺑﺢ ﺷﻴﺮﻳﻦ ﻫﻮ ﻭﻗﻴﺼﺮ ﻭﺣﺴﻦ
ﺷﻬﺪ ﻭﻳﻦ ﺍﻟﻤﻮﺑﺎﻳﻞ
ﻳﺎ ﻣﻮﺑﺎﻳﻞ ﻫﺬﺍ .... ﻣﻦ ﺫﺍﻙ ﺍﻟﻴﻮﻡ ﻭﺍﻛﻠﻜﻢ ﻣﺸﺎﻳﻔﻪ ﺍﻟﻤﻮﺑﺎﻳﻞ
ﻣﺎﺍﺻﺪﻛﺞ ﺍﺑﺪ
ﻭﺍﻟﻠﻪ ﻫﺎﻱ ﻣﺸﻜﻠﺘﻚ
ﻋﺎﻁ ﺑﻴﻪ ....... ﺷﻬﺪﺩﺩﺩ ﺍﻟﻤﻮﺑﺎﻳﻞ ﻭﻳﻦ
ﻣﻮ ﻋﻨﺪﻱ ﻛﺘﻠﻚ
ﻣﺎﺷﻲ ﻳﺎ ﺷﻬﺪ ﻭﺍﻟﻠﻪ ﺍﻟﻌﻈﻴﻢ ﺍﺫﺍ ﻃﻠﻊ ﻋﻨﺪﺝ ﺍﻟﻤﻮﺑﺎﻳﻞ ﺑﻌﺪﻳﻦ ﺍﻟﻪ ﺍﺷﻮﻓﺞ ﺷﻲ ﻣﺸﺎﻳﻔﺘﻪ ﻋﻤﺮﺝ ﻛﻠﻪ
ﻣﺎﻋﻨﺪﻱ
ﺍﻟﺴﺎﻋﻪ ﺑﺎﻝ١٠ﺍﻟﻴﻮﻡ ﺑﻠﻴﻞ ﺍﺟﻲ ﺃﺩﻙ ﺑﺎﺏ ﻏﺮﻓﺘﺞ ﺗﻄﻠﻌﻴﻦ ﻭﺗﺨﻠﻲ ﺑﻴﺪﻱ ﻭﺃﻱ ﺷﻲ ﻳﻨﻤﺴﺢ ﻣﻨﻪ ﺍﻛﺪﺭ ﺃﺭﺟﻌﻪ ﻓﻬﻤﺘﻴﻨﻲ ﻳﺎ ﺷﻬﺪ ﻭﺇﺫﺍ ﻣﻨﻄﻴﺘﻴﻨﻲ ﺍﻟﻤﻮﺑﺎﻳﻞ ﺗﻠﺤﻜﻴﻦ ﺍﺧﺘﺞ
ﺑﺎﺭﻳﺖ ﻭﺍﻟﻠﻪ .... ﺗﺴﻮﻱ ﻓﻀﻞ ﻋﻠﻴﻪ
ﺍﻛﻠﺞ ﺍﻧﺘﻲ ﺷﻨﻮ ﻣﻼﻛﻴﻪ ﻭﺍﺣﺪ ﻳﺮﺩﺝ ..... ﻟﺘﺨﻠﻴﻨﻲ ﺍﺧﻠﻴﺞ ﺑﺒﺎﻟﻲ ﻭﺍﻟﻠﻪ ﺍﺧﻠﻴﺞ ﺗﻜﺮﻫﻴﻦ ﻧﻔﺴﺞ
ﻃﻠﻊ ﻭﺭﻛﻊ ﺍﻟﺒﺎﺏ
ﺣﻘﻴﺮﺭﺭﺭﺭﺭ ﺍﻟﻠﻪ ﻳﺎ ﺧﺬﻙ ﻳﺎ ﻭﺻﺦ
..................
ﺑﻘﻴﺖ ﺑﻐﺮﻓﺘﻲ ﺣﺎﻳﺮﻩ ﺑﺎﻟﻤﻮﺑﺎﻳﻞ ﻭﻳﻦ ﺃﺿﻤﻪ ﺻﺎﺣﺖ ﻋﻠﻴﻪ ﻋﻤﻪ ﺧﻮﻟﻪ ﻣﻦ ﻓﻮﻙ
ﻭﻟﺞ ﺷﻬﺪﺩﺩﺩ ﺗﻌﺎﻟﻲ
بيج قصص عراقيه حقيقيه من واقعنا.روعه الطائي
ﺻﺤﺖ ﻣﻦ ﻓﻮﻙ .... ﻫﺎ ﻋﻤﻪ
ﺗﻌﺎﻟﻲ ﻳﻤﻌﺰﺍﻳﻪ ﻧﺮﻳﺪ ﻧﺼﺐ ﻏﺪﻩ ﻓﻀﻴﻬﻪ
ﺍﻭﻭﻭﻑ .... ﺍﺟﻴﺖ .... ﺍﺳﺘﻐﻔﺮ ﺍﻟﻠﻪ
ﺍﺣﺲ ﺭﻭﺣﻲ ﻛﺎﺭﻫﻪ ﺍﻟﺪﻧﻴﺎ ﻭﻛﻠﺸﻲ ﺑﻴﻬﻪ
ﺟﻨﺖ ﻛﺎﻋﺪ ﺃﻧﻜﻞ ﺑﺎﻻﻛﻞ ﻭﺟﺪﻱ ﻛﺎﻋﺪ ﻋَﻞ ﻗﻨﻔﻪ ﻭﺧﺎﻝ ﺭﺟﻞ ﻋﻠﻰ ﺭﺟﻞ
ﺑﻜﻠﺒﻲ ..... ﺑﺮﺟﻠﻲ ﺍﻟﻤﻌﺼﻌﺼﻪ .... ﺍﻟﻠﻪ ﻳﺎﺧﺬﻙ ﺍﻥ ﺷﺎﺀ ﺍﻟﻠﻪ
ﺳﻢ ﻭﺯﻗﻨﺒﻮﺕ ﺑﺒﻄﻨﻚ ﺍﺣﺠﻲ ﻋﻠﻰ ﺍﻟﻤﺎﻋﻮﻥ ﺍﻟﻲ ﺧﻠﻴﺘﻪ ﺑﻤﻜﺎﻥ ﻛﻌﺪﺗﻪ
ﻭﺍﺳﻤﻊ ﺑﺎﺑﺎ ﻳﻜﻠﻪ
ﻳﺎﺑﻪ ﺍﻧﻲ ﻗﺮﺭﺕ ﺃﺧﺬ ﻋﺎﺋﻠﺘﻲ ﻭﺍﺳﺎﻓﺮ ﻳﻢ ﻣﺤﻤﺪ ﺑﻌﺪ ﺍﻟﻲ ﺻﺎﺭ ﻣﺎﺍﻛﺪﺭ ﺍﺑﻘﻪ ﻫﻨﺎ
ﻟﻴﺶ ﻣﻮ ﺃﻧﻐﺴﻞ ﺍﻟﻌﺎﺭ ﻟﻴﺶ ﺗﺴﺘﺤﻲ ﺑﻌﺪ .... ﺍﻛﻌﺪ ﻭﺍﺳﻜﺖ ﻭﺑﺎﻷﺳﺎﺱ ﺍﻧﻪ ﻗﺮﺭﺕ ﺍﻟﺨﻤﻴﺲ ﻫﺬﺍ ﻧﻌﻘﺪ ﺍﻝ ﺷﻬﺪ ﻟﻮ ﺗﺼﻴﺮ ﻣﻦ ﻧﺼﻴﺐ ﻗﻴﺼﺮ ﻟﻮ ﻣﻦ ﻧﺼﻴﺐ ﻓﺮﺍﺱ
ﺍﻧﻲ ﺳﻤﻌﺖ ﻫﻴﺞ .... ﺟﻨﺖ ﺍﻣﺸﻲ ﻛﺒﻞ ﻭﻛﻊ ﺍﻟﻤﺎﻋﻮﻥ ﻣﺎﻝ ﺗﻤﻦ ﻣﻦ ﺍﻳﺪﻱ
ﺍﻟﺠﺪ / ﻭﺛﻮﻭﻭﻭﻭﻝ
ﻋﻤﻪ ﺧﻮﻟﻪ ﻭﺭﺍﻳﻪ ﺟﺎﻧﺖ .... ﺩﻳﺮ ﺑﺎﻟﺞ ﺗﺤﺎﻭﻟﻴﻦ ﺷﻬﺪ ﺍﺷﺶ ﺳﻜﺘﻲ
ﺍﻧﻲ ﻫﻢ ﺑﻘﻴﺖ ﻣﺼﻄﻜﻪ ﻣﻨﺘﻈﺮﻩ ﺟﻮﺍﺏ ﺑﺎﺑﺎ
ﺳﺘﺎﺭ / ﻟﻴﺶ ﻳﺎﺑﻪ ﻣﻔﻬﻤﺖ ﻟﻮ ﻛﺎﻳﻞ ﻓﺎﺭﺱ ﺟﺎﻥ ﻛﻠﺖ ﻳﺠﻮﺯ ﻫﻮ ﻃﻠﺐ ﺍﻳﺪﻫﻪ ﺑﺲ ﻣﻦ ﺩﻣﺠﺖ ﻗﻴﺼﺮ ﻣﻌﻨﺎﻫﻪ ﺍﻛﻮ ﺍﻧﻪ
ﺍﻟﺠﺪ / ﺍﻧﺖ ﻣﺎ ﻭﺍﻋﻲ ﻟﻠﻲ ﺻﺎﺭ ﺷﺮﻓﻨﺎ ﺭﺍﺡ ﻣﻦ ﻭﺭﻩ ﺑﺘﻚ ﺍﻟﺴﺎﻗﻄﻪ ﻭﻻ ﺷﻬﺪ ﻭﻻ ﻣﺮﻳﻢ ﺑﺴﺒﺒﻬﻪ ﺭﺍﺡ ﺍﺣﺪ ﻳﺪﻙ ﺑﺎﺑﻨﺎ ﻋﻠﻴﻬﻦ ... ﻫﻢ ﻧﺴﻜﺖ ﺍﻟﻨﺎﺱ ﻭﻫﻢ ﻧﺰﻭﺟﻬﻦ ﺷﻬﺪ ﺍﻝ ﻓﺎﺭﺱ ﻻﻥ ﻗﻴﺼﺮ ﺧﺎﻃﺐ ﻭﺍﻛﻴﺪ ﻣﻴﻌﻮﻑ ﺧﻄﻴﺒﺘﻪ ﻭﻣﺮﻳﻢ ﻝ ﻣﺤﻤﺪ ﻣﻦ ﻳﺮﺟﻊ ﻣﻦ ﺍﻟﺴﻔﺮ
ﺑﻲ ﻓﺎﺭﺱ ﻫﻢ ﺑﻌﺪﻟﻪ ١٠ ﺃﻳﺎﻡ ﻭﻳﺮﺟﻊ ﻳﺴﺎﻓﺮ
ﺧﻠﻪ ﻳﺴﺎﻓﺮﺷﻨﺮﻳﺪ ﻣﻨﻪ ﻫﻮ ﺷﺒﺎﻗﻴﻠﻪ ﻏﻴﺮ ﺛﻼﺙ ﺷﻬﻮﺭ ﻭﻳﺮﺩ
ﺍﻧﻲ ﺟﻨﺖ ﻭﺍﻛﻔﻪ ﺑﺎﻟﻤﻄﺒﺦ ﻭﻋﻤﻪ ﺧﻮﻟﻪ ﻣﺘﺨﻠﻴﻨﻲ ﺍﻃﻠﻊ ﺗﺨﺎﻑ ﺍﺭﺍﺩﺩ ﺟﺪﻱ ﺳﺤﺒﺖ ﻧﻔﺴﻲ ﻣﻨﻬﻪ ﺣﻴﻞ ﻭﻃﻠﻌﺖ
ﻣﺎﺍﺗﺰﻭﺟﻪ ﻭﺍﻟﻠﻪ ﻟﻮ ﻳﺒﻘﻪ ﺍﺧﺮ ﻳﻮﻡ ﺑﻌﻤﺮﻱ ﺑﺎﺑﺎ ﺍﺣﺠﻲ ﺷﻲ ﺍﻟﻠﻪ ﻳﺨﻠﻴﻚ ﻣﻮ ﺍﻧﺖ ﺍﻟﻤﺴﺆﻝ ﻋﻠﻴﻨﻪ
ﺑﺼﻮﺕ ﺭﺝ ﺍﻟﺒﻴﺖ ﺭﺝ
ﺃﺷﺸﺶ ﻭﻻ ﻛﻠﻤﻪ ﺍﻟﻲ ﺍﺣﺠﻲ ﻫﻮ ﺃﻟﻴﻤﺸﻲ ﺍﻧﻲ ﻫﻨﺎ ﻣﺴﺆﻝ ﻋَﻞ ﻛﻞ ﻭﺍﻟﻲ ﻣﻴﻌﺠﺒﻪ ﻳﻌﺮﻑ ﺷﻨﻮ ﻣﺼﻴﺮﻩ ﻭﺍﻧﺖ ﺑﺎﻭﻋﻴﻠﻲ ﻛﻠﻤﻪ ﺛﺎﻧﻴﻪ ﺗﻠﺤﻜﻴﻦ ﺍﺧﺘﺞ ﺍﻟﺴﺎﻗﻄﻪ ﺍﻓﺘﻬﻤﺘﻲ ﻟﻮ ﻻ
ﻻ ﻣﻔﺘﻬﻤﺖ ﻭﻣﺎﺍﺗﺰﻭﺟﻪ ﻣﺎﺍﺣﺲ ﺍﻟﻪ ﺑﺎﺑﺎ ﺳﻄﺮﻧﻲ ﺑﺮﺍﺟﺪﻱ ﺑﺤﻴﺚ ﺃﺫﻧﻲ ﻛﺎﻣﺖ ﺗﺼﻮﻓﺮ ﻭﺩﻓﻌﻨﻲ ..... ﻃﺎﻳﺤﺔ ﺍﻟﺤﻆ ﺷﻠﻮﻥ ﺗﺤﺠﻴﻦ ﻭﻳﻪ ﺟﺪﺝً ﻫﻴﺞ
ﺍﻻﻭﻝ ﻣﺮﻩ ﺑﺎﺑﺎ ﻳﻀﺮﺑﻨﻲ ...... ﺍﻧﺼﺪﻣﺖ ﺑﺤﻴﺚ ﺻﻔﻨﺖ ﺑﻮﺟﻪ ﺑﺎﺑﺎ ﻭﺑﺲ ﺩﻣﺮﻋﻲ ﺗﺠﺮﻱ
ﺍﺩﺑﺴﺰ .... ﺍﻋﺘﺬﺭﻱ ﻭﺑﻮﺳﻲ ﺃﻳﺪ ﺟﺪﺝ
ﻋﻠﻪ ﺻﻮﺕ ﺑﺠﻴﺘﻲ ........ ﺍﺣﺲ ﻛﺒﺮﻳﺎﺋﻲ ﺭﺍﺡ ﻳﻨﻬﺎﻥ ....
ﺍﻧﻲ ﻣﻐﻠﻄﺎﻧﻪ
ﻣﺤﺴﻴﺖ ﻏﻴﺮ ﺭﺍﺷﺪﻱ ﺛﺎﻧﻲ ........ ﻭﺟﺪﻭ ﻭﺍﻛﻒ ﻳﺒﺎﻭﻉ ﻋﻠﻴﻪ ﻭﻓﺎﺗﺢ ﻋﻴﻨﻪ ﻭﻳﻨﺘﻈﺮ ﻣﻨﻲ ﺍﻋﺘﺬﺭ
ﻫﺎﻱ ﺻﻼﻓﻴﺘﺞ ﻣﻮ ﻭﻳﻪ ﺟﺪﺝ ﻓﻬﻤﺘﻲ ﺟﺮﻧﻲ ﻭﺩﻧﻚ ﻭﺟﻬﻲ ﻋﻠﻰ ﺃﻳﺪ ﺟﺪﻭ
بيج قصص عراقيه حقيقيه من واقعنا.روعه الطائي
ﻳﻠﻠﻪ ﺑﻮﺳﻲ ﺃﻳﺪ ﺟﺪﺝ ﻭﺍﻋﺘﺬﺭﻱ ﻃﺎﻳﺤﺔ ﺍﻟﺤﻆ
ﺑﻜﻠﺒﻲ ..... ﺷﻜﺪ ﻛﺎﺭﻫﺘﻚ ﻣﺘﺘﻮﻗﻊ ﺍﻟﻠﻲ ﺩﺭﺟﻪ ﺑﺴﺘﻬﻪ
ﻭﻛﺘﻠﻪ ﺍﺳﻔﻪ ﺑﺲ ﺷﻨﻮ ﺍﺣﺲ ﻧﻔﺴﻲ ﺿﺎﻕ ﻏﺼﺐ ﻋﻨﻲ ﻣﻮ ﺑﺮﺿﺎﺗﻲ
ﻋﻔﺘﻬﻢ ﻭﺭﺩﺕ ﺍﺻﻌﺪ
ﺍﻟﺠﺪ / ﺷﻬﺪ ﺗﻌﺎﻟﻲ ﻛﻌﺪﻱ ﺗﻐﺪﻱ ﻣﻤﻨﻮﻉ ﺗﺼﻌﺪﻳﻦ
ﺷﻬﺪ / ﻣﺎﺍﺷﺘﻬﻲ
ﺳﺘﺎﺭ / ﻣﻦ ﺟﺪﺝ ﻳﺤﺠﻲ ﻛﻠﻤﻪ ﺗﻨﻔﻴﺬﻫﺎ
ﺑﻬﺎﻟﻠﺤﻈﻪ ﻛﺮﻫﺖ ﺍﺑﻮﻳﻪ ﺣﻴﻞ ... ﻭﻟﻌﺒﺖ ﺭﻭﺣﻲ ﻣﻦ ﻛﻠﺸﻲ ﺑﺎﻟﺪﻧﻴﺎ ﺣﻴﺎﺗﻨﺎ ﻛﻠﻬﻪ ﺗﻐﻴﺮﺕ ﻣﻦ ﺫﺍﻙ ﺍﻟﻴﻮﻡ ﺍﻟﻬﺬﺍ ﺍﻟﻴﻮﻡ
ﺍﻛﻞ ﻭﺩﻣﻮﻋﻲ ﺣﺎﺑﺴﺘﻬﻦ ﺩﺧﻞ ﺣﺴﻦ ﺍﺑﻦ ﻋﻤﻮ ﺳﻌﺪ ﺑﻴﺘﻬﻢ ﺑﺼﻒ ﺑﻴﺘﻨﺎ ﺣﺎﻳﻂ ﻋﻠﻰ ﺣﺎﻳﻂ ...... ﻟﻌﺒﺖ ﺭﻭﺣﻲ ﺑﺎﻟﺰﺍﻳﺪ ﻣﻦ ﺍﺷﻮﻑ ﺍﻱ ﻭﺍﺣﺪ ﺑﻴﻬﻢ ﺗﻠﻌﺐ ﺭﻭﺣﻲ ﺍﺗﺬﻛﺮ ﺍﻟﻴﻮﻡ ﺍﻟﻲ ﺟﺮﻭ ﺑﻲ ﺷﻴﺮﻳﻦ
ﺣﺴﻦ / ﺍﻟﺴﻼﻡ ﻋﻠﻴﻜﻢ
ﺑﺼﻮﺕ ﻧﺎﺻﻲ / ﻻ ﻫﻠﻪ ﻭﻻ ﻣﺮﺣﺒﺎ
ﻛﺮﺻﺘﻨﻲ ﺍﻣﻲ ﺣﻴﻞ ...... ﺍﺧﺨﺨﺨﺦ ﻛﻠﻬﻪ ﺑﺎﻭﻋﺖ ﻋﻠﻴﻪ
ﺍﻣﻲ / ﻫﺎﻱ ﺭﺟﻠﻬﻪ ﺧﺪﺭﺕ ﻻﺯﻡ
ﺍﻱ ﺧﺪﺭﺕ .... ﻛﻤﺖ ﻣﻦ ﺍﻟﺴﻔﺮﻩ .... ﺭﺍﺡ ﺍﺻﻌﺪ ﺭﺟﻠﻲ ﺗﻮﺟﻌﻨﻲ
ﻣﺤﺪ ﺟﺎﻭﺑﻨﻲ ..... ﺻﻌﺪﺕ ﺑﺎﻟﻐﺮﻓﻪ ﺍﻟﻲ ﺗﺨﻨﻜﻨﻲ ﺑﻌﺪ ﺍﻛﺜﺮ .... ﺷﻠﻮﻥ ﺑﻴﻪ ﻳﺎ ﺷﻴﺮﻳﻦ .... ﻭﺍﻟﻠﻪ ﻣﺎﺍﻛﺪﺭ ﺃﺗﺤﻤﻞ ﺑﺪﻭﻧﺞ .... ﺳﻮﺩﻩ ﻋﻠﻴﻪ ..... ﺍﻟﻠﻪ ﻻ ﻳﻨﻄﻴﻬﻢ
ﻃﻠﻌﺖ ﺍﻟﻤﻮﺑﺎﻳﻞ ..... ﺟﺮﺑﺖ ﻛﻞ ﺷﻮﻳﻪ ﺍﺩﺧﻞ ﺭﻣﺰ ﻣﺎﻛﻮ
ﺷﻨﻮ ﻭﻣﺰﺝ ﻳﺎ ﺷﻴﺮﻳﻦ ﻓﻬﻤﻴﻨﻲ .... ﺍﺭﻳﺪ ﺍﻣﺴﺢ ﻻ ﻧﻮﺏ ﻫﻢ ﺗﺮﻭﺡ ﺑﻴﻬﻪ ﻭﺍﺧﻠﺺ ﺣﺘﻰ ﺍﻧﻄﻴﻬﻢ ﺍﻟﻤﻮﺑﺎﻳﻞ ﻟﻴﻜﻮﻥ ﻫﺬﺍ ﻋﻤﺮ ﺍﻟﻜﻠﺐ ﻭﻳﺬﺑﺤﻮ ﺍﻟﻠﻪ ﻻ ﻳﻨﻄﻲ ﺍﻟﺜﺎﻧﻲ
ﺿﻠﻴﺖ ﺍﻓﻜﺮ ﺑﺎﻟﺮﻣﺰ ﻛﻠﺖ ﻳﺠﻮﺯ ﻣﻮﺍﻟﻴﺪﻩ ﻭﻣﻮﺍﻟﻴﺪﻫﻪ ﺑﺲ ﻣﺎﺍﻋﺮﻑ ﻣﻮﺍﻟﻴﺪﻩ ﻣﺎﺍﻋﺮﻑ ﺷﻠﻮﻥ ﻏﻔﻴﺖ
ﻓﺰﻳﺖ ﻋﻠﻰ ﺻﻮﺕ ﺑﺎﺏ ﺍﻟﻐﺮﻓﻪ ﻭﺍﻟﺪﻧﻴﺎ ﻇﻠﻤﻪ ﻭﺑﺮﺩﺍﻧﻪ ﺟﺎﻳﻪ ﺍﻟﻮﻃﻨﻲ ﻭﻣﺸﺘﻐﻞ ﺍﻟﻤﻜﻴﻒ ﻭﺍﻧﻲ ﻣﻤﺘﻐﻄﺎﻳﻪ
ﻓﺘﺤﺖ ﺍﻟﺒﺎﺏ ﻭﺍﻧﺼﺪﻣﺖ ﺏ ﻓﺎﺭﺱ
ﺷﻜﻮﻭﻭ
ﻭﻭﺟﻊ ﺍﻟﻠﺴﺎﻧﺞ ﻫﻴﻮﻭﻭﻭ ..... ﻛﻮﻩ ﺗﺮﻳﺪﻳﻨﻲ ﺍﻣﺪ ﺍﻳﺪﻱ ﻋﻠﻴﺞ
ﻣﺎﻋﻨﺪﻱ ﺍﻟﻤﻮﺑﺎﻳﻞ ﻛﺘﻠﻚ
ﻭﺍﻧﻲ ﻣﻤﺼﺪﻙ ...... ﺃﺑﺪﺍً ﺍﻟﻤﻮﺑﺎﻳﻞ ﻣﻮ ﻋﻨﺪﺝ ..... ﺍﺣﺠﻲ ﺷﻌﻨﺪﺝ ﺑﺎﻟﻤﻮﺑﺎﻳﻞ ﻭﺧﺎﻳﻔﻪ ﻳﻨﺸﺎﻑ
ﻣﺎﻋﻨﺪﻱ ﺍﻱ ﺷﻲ ﺑﺎﻟﻤﻮﺑﺎﻳﻞ ﺃﺻﻼ ﺍﻧﻲ ﻣﺎﺍﻋﺮﻑ ﺍﻟﻤﻮﺑﺎﻳﻼﺕ .... ﻣﻨﻴﻠﻲ ﻣﻮﺑﺎﻳﻞ
ﺷﻬﺪﺩﺩﺩﺩ ﺍﻟﻤﻮﺑﺎﻳﻞ ﻛﺘﻠﺞ
ﻓﺎﺭﺱ ......
ﺷﻨﻮﻭﻭﻭﻭ .....
ﺍﻧﻲ ﻣﺎﺍﺭﻳﺪ ﺍﺗﺰﻭﺟﻚ
ﺷﺪﺗﺤﺠﻴﻦ ﺍﻧﺘﻲ ﺑﺎﺑﺎ
ﻣﺜﻞ ﻣﺴﻤﻌﺖ
ﻟﻴﺶ ﺍﻧﻲ ﺧﺎﻃﺒﺞ ﺣﺘﻰ ﺍﻧﺘﻲ ﻣﺘﺮﻳﺪﻳﻦ ﺗﺘﺰﻭﺟﻴﻦ
ﺷﻜﻠﻪ ﻣﻴﻌﺮﻑ ﻣﺒﻴﻦ ﻻﻥ ﺗﻔﺎﺟﺊ
ﺟﺪﻭ ﻛﺎﻝ ..... ﺍﻟﻴﻮﻡ
ﺷﻨﻮﻭﻭﻭﻩ ﻻ ﻭﺍﻟﻠﻪ ...... ﻫﻲ ﻫﺎﻱ ﺍﻟﻌﺎﻳﺰﻩ
بيج قصص عراقيه حقيقيه من واقعنا.روعه الطائي
ﺻﺪﻣﻨﻲ ﺑﺠﻮﺍﺑﻪ ....... ﺑﻜﻠﺒﻲ / ﺃﻳﺎ ﻧﺬﻝ ﺷﺒﻴﻪ ﺍﻧﻲ ﺣﻘﻴﺮ ﺃﺻﻼ ﺍﻧﻲ ﻟﻮ ﻳﺒﻘﻪ ﺍﺧﺮ ﻳﻮﻡ ﺑﻌﻤﺮﻱ ﻫﻢ ﻣﺎﺍﺗﺰﻭﺟﻚ
ﻋﻮﻓﺞ ﻣﻦ ﻫﺎﻱ ﺍﻟﺴﺎﻟﻔﻪ ﺷﻬﺪ ﺷﻠﻌﺘﻲ ﻛﻠﺒﻲ ﺍﻟﻤﻮﺑﺎﻳﻞ ﻭﻳﻦ
ﻣﺎﺍﺍﺍﺍﺍﺍ ﻋﻨﺪﺩﺩﺩﻱ ﻛﺘﻠﻚ
ﻣﺎﺷﻲ ﻳﺎ ﺷﻬﺪ ﺑﺴﻴﻄﻪ ﻭﻃﻠﻊ
ﻫﺰﻳﺖ ﺍﻳﺪﻱ ﻭﺍﻟﻠﻪ ﻳﺎ ﺭﺑﻲ ﺭﺟﺎﻝ ﺣﺒﺔ ﻓﺎﺻﻮﻟﻴﺎ ﺑﺲ ﺑﺴﻴﻄﻪ ﻫﻮ ﺑﺲ ﺻﺮﺕ ﺭﺟﺎﻝ ﻋﻠﻰ ﺍﺧﺘﻲ ....... ﺍﺧﺨﺨﺨﺨﺨﺨﺨﺨﺦ ﺍﺧﺬﺕ ﺣﺴﺮﻩ ﺟﺒﻴﺮﻩ
ﺳﻤﻌﺖ ﺻﻮﺕ ﺟﺪﻭ ﻳﺼﻴﺢ ﺭﻛﻀﺖ ﻫﺬﺍ ﺑﺲ ﻻ ﺳﻮﻩ ﺷﻲ ﺣﺠﻪ ﺷﻲ .... ﻗﺎﺑﻞ ﺍﻧﻲ ﺷﻤﺴﻮﻳﻪ ﻭﻛﻔﺖ ﻋَﻞ ﻣﺤﺠﺮ ﺍﺳﻤﻊ
ﺟﺪﻱ ﺍﻧﺖ ﺷﺘﺤﺠﻲ ﻣﺎﺍﻛﺪﺭ ﺍﻧﻲ
ﺗﻌﺎﻝ ..... ﺗﻌﺎﻝ ﺧﻞ ﺍﺗﻔﺎﻫﻢ ﻭﻳﺎﻙ ﺟﻮﻩ ﻣﻮ ﻫﻨﺎ
ﺳﻤﻌﺖ ﺑﺎﺏ ﻏﺮﻓﺔ ﺟﺪﻭ ﺍﻧﻄﺒﻚ ﺟﺎﻧﻮ ﺑﺎﻟﻬﻮﻝ ﺍﺳﻤﻊ ....... ﻫﺴﻪ ﺷﻴﺴﻤﻌﻨﻲ
ﻭﺭﻩ ﺳﺎﻋﻪ ﺗﻘﺮﻳﺒﺎً ﺩﺧﻠﺖ ﺍﻣﻲ ﺟﻨﺖ ﻣﺘﻤﺪﺩﻩ ﻋَﻞ ﺟﺮﺑﺎﻳﻪ ﻭﺍﺑﺎﻭﻉ ﻭﺍﺗﺨﺎﻳﻞ ﺷﻴﺮﻳﻦ ﻧﺎﻳﻤﻪ ﺑﺠﺮﺑﺎﻳﺘﻬﻪ ﻭﺿﺤﻜﺘﻬﻪ ﺗﺮﻥ ﺑﺤﻴﻄﺎﻥ ﺍﻟﻐﺮﻓﻪ ﺣﺴّﻴﺖ ﻋﻠﻰ ﻣﺎﻣﺎ ﻣﻦ ﺩﺧﻠﺖ ﺍﻟﻐﺮﻓﻪ ﺑﺎﻭﻋﺖ ﺑﻌﺘﺐ ﻋﻠﻴﻬﻪ ﺷﻠﻮﻥ ﺳﻜﺘﺖ ﺍﻣﻲ ﻣﺎﺍﻓﻬﻢ
ﺷﻬﺪ ..... ﻗﺮﻭ ﻓﺎﺗﺤﺘﻜﻢ ﺍﻧﺘﻲ ﻭﻓﺎﺭﺱ
ﻛﻤﺖ ﻋﻠﻰ ﺣﻴﻠﻲ ..... ﺷﻨﻮﻭﻭﻭ .... ﻳﻤﻪ ﺍﻧﺘﻲ ﺷﺘﺤﺠﻴﻦ
ﻫﺰﺕ ﺑﺮﺍﺳﻬﻪ ﻭﻋﻴﻮﻧﻬﻪ ﺑﻴﻬﻪ ﺩﻣﻮﻉ ﻛﻮﻩ ﻻﺯﻣﺘﻬﻦ
ﻳﻤﻪ ﻓﺪﻭﻭﻩ ﺍﺭﻭﺣﻠﺞ ﺍﺣﺠﻲ ﻭﻳﺎﻫﻢ ﻭﺍﻧﺘﻲ ﺷﻠﻮﻥ ﺗﻘﺒﻠﻴﻦ ﺍﺗﺰﻭﺝ ﺍﻟﻲ ﺫﺑﺢ ﺑﻨﺘﺞ ﺑﻴﺪﻩ
ﺍﺧﺨﺨﺦ ﻳﺎ ﺑﻨﻴﺘﻲ ﺍﺧﺨﺨﺦ ﻭﻣﻨﻮ ﻳﺴﻤﻌﻠﻲ ........ ﺑﻌﺪ ﺍﻟﻲ ﺳﻮﺗﻪ ﺍﺧﺘﺞ ﻣﻨﻜﺪﺭ ﻧﻄﻠﻊ ﺻﻮﺕ
ﻳﻤﻪ ﺍﻧﺘﻲ ﻫﻢ ﻣﺼﺪﻛﻪ
ﺷﻠﻮﻥ ﻣﺎﺍﺻﺪﻙ ﻭﺍﻧﻲ ﺷﻔﺖ ﺍﻟﻔﺪﻳﻮ ﺑﻌﻴﻮﻧﻲ ..... ﻳﻤﻪ ﻗﺒﻠﻲ ﻭﺳﻜﺘﻲ ﺗﺮﻩ ﺍﺑﻦ ﻋﻤﺞ ﻣﺴﻮﻱ ﻓﻀﻞ ﻋﻠﻴﻨﻪ ﻫﺴﻪ ﻣﻦ ﻳﺘﺰﻭﺟﺞ ﺑﻌﺪ ﺍﻟﻔﻀﻴﺤﻪ ﺍﻟﻲ ﺻﺎﺭﺕ
ﻳﻤﻪ ﺷﻨﻮ ﺍﻟﻔﺪﻳﻮ ﺭﺍﺡ ﺗﺨﺒﻠﻮﻧﻲ ..... ﺍﻧﻲ ﺳﻤﻌﺖ ﺍﻟﻔﺪﻳﻮ ﺧﻼﻋﻲ
ﺍﺷﺸﺸﺶ .... ﺳﺪﻱ ﺍﻟﻤﻮﺿﻮﻉ
ﻫﻮ ﺷﻨﻮ ﺍﻟﻲ ﺍﺳﺪ ﺍﻟﻤﻮﺿﻮﻉ ﻳﻤﻪ ﻣﺎﺍﺗﺰﻭﺟﻪ ﻭﺍﻟﻠﻪ ﺍﻣﻮﺕ ﺭﻭﺣﻲ ..... ﺍﻛﺮﻩ ﺣﺘﻰ ﺍﺳﻤﻊ ﺻﻮﺗﻪ ﻣﻦ ﺫﺍﻙ ﺍﻟﻴﻮﻡ ﺍﻟﻬﺎﻟﻴﻮﻡ ﺗﺮﻳﺪﻭ ﻳﺼﻴﺮ ﺯﻭﺟﻲ
ﺑﺎﺟﺮ ﺭﺍﺡ ﻳﺠﻲ ﺍﻟﺴﻴﺪ ﻳﻌﻘﺪﻟﺞ ﻭﻳﺄﺟﺮﻭﻟﺞ ﺑﺪﻟﻪ ﻭﻳﺰﻓﻮﻛﻢ
ﺷﻨﻮﻭﻭﻭ .... ﻭﻋﻤﺘﺞ ﺗﺄﺟﺮﻟﺞ ﺑﺪﻟﻪ ﻭﻳﺤﻨﻮﺝ
ﻭﺍﻟﻠﻪ ﻣﺎﺍﻟﺒﺲ ﻻ ﺑﺪﻟﻪ ﻭﻻ ﺍﺧﻠﻲ ﻳﻌﻘﺪ ﻋﻠﻴﻪ .... ﻳﻤﻪ ﻟﻴﺶ ﺗﺴﻮﻥ ﻫﻴﺞ ... ﺷﻨﻮ ﻫﻮ ﻣﻨﻮ ﺟﺪﻭ ﺣﺘﻰ ﺍﻟﻜﻞ ﻳﺴﻤﻌﻠﻪ
ﺟﺪﺝ ﻳﻔﻜﺮ ﺑﺴﻤﻌﺘﻨﺎ ﻭﺳﻤﻌﺔ ﺍﺑﻮﺝ ... ﺷﻬﺪ ﺍﺑﻮﺝ ﺗﺮﻩ ﺍﺑﻮﺝ ﻭﺿﻌﻪ ﺻﻌﺐ ﻣﻮ ﺗﺸﻮﻓﻲ ﻭﺍﻛﻒ ﻋﻠﻰ ﺣﻴﻠﻪ ﺑﺲ ﻫﻮ ﻣﺘﻔﻠﺶ ﻣﻦ ﺟﻮﻩ .... ﺍﺧﺬﺕ ﺣﺴﺮﻩ ﻭﻛﺎﻣﺖ ﻭﻋﺎﻓﺘﻨﻲ
ﻃﻠﻴﺖ ﺍﻟﻮﺏ ﺑﺎﻟﻐﺮﻓﻪ ﺍﺭﻭﺡ ﻣﻨﺎ ﻭﻣﻨﺎ ﻃﻠﻌﺖ ﺭﺣﺖ ﺍﻟﻐﺮﻓﺔ ﺑﺎﺑﺎ ﻭﻣﺎﻣﺎ ﺟﺎﻥ ﺑﺎﺑﺎ ﻣﺘﻤﺪﺩ ﻋَﻞ ﺟﺮﺑﺎﻳﻪ ﻭﻣﻐﻄﻲ ﻋﻴﻮﻧﻪ ﺑﻴﺪﻩ ﻭﺍﻣﻲ ﻧﻔﺲ ﺍﻟﺤﺮﻛﻪ ﺍﻣﻲ ﺷﺎﻟﺖ ﺍﻳﺪﻫﻪ ﺩﻣﻮﻋﻪ ﺗﺼﺐ ﻻ ﺇﺭﺍﺩﻳﺎً ﺭﺩﺕ ﺍﻭﺧﺮ ﺃﻳﺪ ﺑﺎﺑﺎ ﻣﻘﺒﻞ ﺛﺒﺘﻬﻪ ﺑﻘﻮﻩ
بيج قصص عراقيه حقيقيه من واقعنا.روعه الطائي
ﺳﺘﺎﺭ / ﺍﻻﺏ // ﺭﻭﺣﻲ ﻃﻠﻌﻲ ﺷﻬﺪ
ﺟﺎﻥ ﺻﻮﺗﻪ ﻣﺜﻞ ﺍﻟﻤﺒﺤﻮﺡ .... ﻣﺒﻴﻦ ﺟﺎﻥ ﻳﺒﺠﻲ
ﺑﺎﺑﺎ ...... ﺍﻧﺖ ﺩﺗﺒﺠﻲ ﺣﺠﻴﺘﻬﻪ ﻭﺑﺠﻴﺖ ﺫﺑﻴﺖ ﺭﻭﺣﻲ ﻋﻠﻰ ﺑﺎﺑﺎ ﻭﻛﻤﺖ ﺍﺑﺠﻲ
ﻣﻄﻠﻊ ﺻﻮﺕ ﻭﻻ ﻭﺧﺮ ﺍﻳﺪﻩ .... ﻣﺠﺎﻥ ﻳﺮﻳﺪﻧﻲ ﺍﺷﻮﻑ ﺩﻣﻮﻋﻪ
ﺑﺎﺑﺎ ﺍﺣﺠﻲ ﻭﻳﺎﻱ ﺍﻧﺖ ﺗﺒﺠﻲ
ﺍﻷﻡ / ﺍﻱ ..... ﺍﻱ ﻳﺒﻨﻴﺘﻲ ﺍﺑﻮﺝ ﺑﺘﺎﻟﻲ ﻋﻤﺮﻩ ﻧﺰﻟﺖ ﺩﻣﻌﺘﻪ ﻣﻦ ﻭﺭﻩ ﺍﺧﺘﺞ .... ﺍﺍﺍﺥ
ﺑﺴﺖ ﺃﻳﺪ ﺑﺎﺑﺎ ﻭﻃﻠﻌﺖ ﺍﺑﺠﻲ ...... ﺷﺼﺎﺭ ﻳﺎ ﺭﺑﻲ .... ﺷﺼﺎﺭ ﺭﺣﺖ ﺍﻟﺠﺮﺑﺎﻳﺘﻲ ﻭﻧﻤﺖ ﻋﻠﻰ ﺑﻄﻨﻲ ﻭﺍﺑﺠﻲ ..... ﺑﺲ ﻣﻴﻔﻴﺪ ﺍﻟﺒﺠﻲ
ﻛﻠﺸﻲ ﺗﻐﻴﺮ .... ﺍﻟﻀﺤﻜﻪ ﺍﺧﺘﻔﺖ ﺑﻬﺬﺍ ﺍﻟﺒﻴﺖ ﻋﺘﻢ ﻋﻠﻲ ﺍﻟﺤﺰﻥ ﺑﺲ ﺍﻟﺤﺰﻥ ﻣﻤﻨﻮﻉ ﻳﻈﻬﺮ .... ﺣﻜﻢ ﺟﺪﻱ ﺃﻗﻮﻯ ﻻﺯﻡ ﺑﺲ ﺑﺎﻟﻜﻠﺐ
............................
ﺑﺎﺑﺎ ...... ﻭﺍﻟﻠﻪ ﻣﻮ ﺍﻧﻲ ..... ﺑﺎﺑﺎ ﻟﺘﺨﻠﻴﻬﻢ ﻳﺄﺧﺬﻭﻧﻲ ..... ﻳﻤﻪ .... ﻳﻤﻤﻤﻤﻤﻤﻤﻤﻤﻤﻪ ﻭﺍﻟﻠﻪ ﻣﻮ ﺍﻧﻲ ﻫﺎﻳﻪ ﻓﺠﺄﻩ ﺍﺑﺎﻭﻉ ﺑﺲ ﺩﻡ ﺑﻤﻜﺎﻧﻬﻪ ﻋﻄﺖ ﺑﺎﻟﺤﻠﻢ ﻻﺍﺍﺍﺍ
ﻭﺑﺎﻟﻮﺍﻗﻊ ﻫﻢ ﻓﺰﻳﺖ ﻭﺍﻧﻲ ﺃﺻﻴﺢ ﻻ
ﻻﺍﺍﺍﺍﺍﺍﺍﺍ
ﻓﺰﻳﺖ ﺍﺭﺟﻒ ﻭﻛﻮﻩ ﺃﺧﺬ ﻧﻔﺲ ﻭﺍﻧﻬﺪ ﻧﻔﺴﻲ ﺳﺮﻳﻊ ﺷﻴﺮﻳﻦ ﺟﺎﻧﺖ ﺗﺤﺠﻲ ﻭﻣﺤﺪ ﻳﺴﻤﻌﻠﻬﻪ
ﻛﻤﺒﺼﺖ ﺑﺎﻟﻜﺎﻉ ﻭﺿﻤﻴﺖ ﺭﺍﺳﻲ ﺑﻴﻦ ﺭﺟﻠﻴﻪ ﻭﺟﺴﻤﻲ ﻳﺮﺟﻒ ﺍﺣﺲ ﻧﻔﺴﻲ ﺧﺎﻳﻔﻪ ﺣﻴﻞ
ﻓﺰﻳﺖ ﺍﻧﻲ ﻧﺎﻳﻤﻪ ﺑﺎﻟﻜﺎﻉ ﻭﻋﻤﻪ ﺗﻜﻌﺪﻧﻲ ﺑﺮﺟﻠﻬﻪ
ﻛﻮﻣﻲ ﻭﻟﺞ ﺷﻠﻌﺘﻲ ﻛﻠﺒﻲ ﺷﻨﻮ ﻣﻴﺘﻪ
ﺟﺴﻤﻲ ﻣﺘﻜﺴﺮ ﺣﻴﻞ ﻣﻦ ﺍﻟﻜﺎﺷﻲ
ﻛﻮﻣﻲ ﺗﺮﻳﻜﻲ ﺣﺘﻰ ﺍﺑﻠﺶ ﺑﻴﺞ ﺷﻴﺮﻩ .... ﺑﺴﺮﻋﻪ ﻳﻠﻠﻪ ﻭﺭﺍﻳﻪ ﺭﻭﺣﻪ ﺍﺷﻮﻓﻠﺞ ﺑﺪﻻﺕ ﻭﺍﺷﺘﺮﻳﻠﺞ ﻣﻼﺑﺲ ﺍﻧﻲ ﻭﻋﻤﺘﺞ ﺍﻡ ﻗﻴﺼﺮ
ﻣﺎﺍﺍﺭﻳﺪ .... ﻭﺧﺮﺭﺭﺭﻭ ﻋﻨﻲ
ﺧﻮﻟﻪ / ﻭﺍﻟﻠﻪ ﺍﺫﺍ ﺷﻠﻌﺘﻲ ﻛﻠﺒﻲ ﺍﺭﻭﺡ ﺍﻟﺠﺪﺝ
ﻭﻣﺘﺮﻭﺣﻴﻠﻪ
ﻛﻔﺨﺘﻨﻲ ﺑﺮﺍﺳﻲ .... ﺍﻟﻠﺴﺎﻧﺞ ﻳﻮﻝ ﺭﺍﺡ ﺍﻛﻄﻤﻪ
ﻣﻨﻴﻦ ﺟﺒﺘﻲ ﻫﺎﻱ ﺍﻝ ﻳﻮﻝ
ﻛﻔﺨﺘﻨﻲ ﻣﺮﻩ ﺛﺎﻧﻴﻪ ﻭﻟﺞ ﺭﺍﺡ ﺍﻣﻮﺗﺞ ﻭﺍﻟﻠﻪ
ﻛﻤﺖ ﺑﺪﻟﺖ ﻭﺷﺮﺑﺖ ﻛﻮﺏ ﺟﺎﻱ ﺑﺤﻠﻴﺐ ﻻﻥ ﺍﺣﺲ ﺟﺴﻤﻲ ﺑﺮﺩﺍﻥ ﺭﺩﺕ ﺷﻲ ﻳﺪﻓﻲ
ﻭﺭﺍﻫﻪ ﻛﺎﻣﺖ ﺗﺮﻛﺾ ﻭﺭﺍﻳﻪ ﻋَﻞ ﺷﻴﺮﻩ ﻭﺍﻧﻲ ﻣﺎﺍﻗﺒﻞ ﺍﻟﻰ ﺍﻥ ﺻﺎﺣﺖ ﺍﺑﻮﻳﻪ
ﺗﻌﺎﻝ ﺍﻟﺒﻨﺘﻚ ﺷﻠﻌﺖ ﻛﻠﺒﻲ
ﺷﻬﺪ ﺍﺳﻤﻌﻲ ﻛﻼﻡ ﻋﻤﺘﺞ ..... ﻣﻦ ﺣﺠﺎﻫﻪ ﻣﺎﻝ ﻭﺍﺣﺪ ﺣﺰﻳﻦ ﻭﺗﻌﺒﺎﻥ ﻛﺴﺮ ﺧﺎﻃﺮﻱ ﺍﻭﻝ ﻣﺮﻩ ﺍﺷﻮﻑ ﺑﺎﺑﺎ ﻫﻴﺞ .... ﻃﻮﻝ ﻋﻤﺮﻩ ﻫﻴﺒﻪ ﻭﻣﺴﻤﻮﻋﻪ ﻛﻠﻤﺘﻪ ﻭﻛﻠﻬﻪ ﺗﺨﺎﻑ ﻣﻨﻪ ﻫﺴﻪ ﻣﻜﺴﻮﺭ ﺳﻮﺩﻩ ﻋﻠﻴﻪ ﺣﺘﻰ ﺟﺪﻱ ﺟﺎﻥ ﻳﻮﻛﻒ ﺑﻮﺟﻬﻪ ﻫﺴﻪ ﺳﺎﻛﺖ
ﺍﺳﺘﺴﻠﻤﺖ ﺍﻝ ﻋﻤﻪ ﺧﻮﻟﻪ
ﺍﻟﻌﺼﺮﺟﺎﺑﻮ ﻭﺣﺪﻩ ﺗﻤﻜﻴﺞ ﺣﻔﺘﻠﻲ ﻭﺍﻧﻮﺏ ﻋﻤﻪ ﺟﺎﻧﺖ ﺑﺎﻟﺴﻮﻙ ﺗﺄﺧﺮﺕ ﺍﺟﺘﻲ ﻭﺟﺎﺑﺖ ﺍﻝ ﺑﺪﻟﻪ ﺑﺎﻭﻋﺖ ﻋﻠﻴﻬﻪ ﻟﻌﺒﺖ ﺭﻭﺣﻲ ... ﺑﻨﻔﺴﺠﻲ ﻓﺎﺗﺢ ﻭﻛﻠﻬﻪ ﺧﺮﺯ ﻭﻭﺭﻭﺩ ﻛﺒﺎﺭ ﻣﻦ ﺯﻣﻦ ﺟﺪﻱ
بيج قصص عراقيه حقيقيه من واقعنا.روعه الطائي
ﺍﻡ ﺍﻟﺼﺎﻟﻮﻥ / ﻳﻤﻌﻮﺩﻩ ﻫﺎﻱ ﺍﻟﺒﺪﻻﺕ ﻛﻠﻬﻪ ﺍﻟﻲ ﺑﺎﻟﺴﻮﻙ ﻣﻠﻜﻴﺘﻲ ﻏﻴﺮ ﻫﺎﻱ
ﻛﻤﺖ ﺟﺮﻳﺘﻬﻪ ﻣﻨﻪ .... ﻋﺎﺩﻱ ﺍﻱ ﺷﻲ ﺍﻟﻠﺒﺲ ﺑﺲ ﻫﻞ ﺍﺧﻠﺺ ﻻﻥ . ﺭﻭﺣﻲ ﺍﻧﻬﺎﺭﺕ
ﺧﻮﻟﻪ / ﻋﺎﺏ ﻫﺎﻟﺨﻠﻘﻪ .... ﺍﻟﻠﻪ ﻳﻌﻴﻨﻚ ﻳﺎ ﻓﺎﺭﺱ ﺍﺗﺪﺑﺲ ﺑﻴﺞ ﻳﻢ ﺍﻟﻠﺴﺎﻥ
ﺑﺼﻮﺕ ﻧﺎﺻﻲ ﺍﻟﻠﻪ ﻳﺄﺧﺬﻛﻢ ﺍﻧﺘﻲ ﻭَﻳَﺎ
ﻣﺠﻨﺖ ﻫﻴﺞ ﺑﺲ ﻣﻦ ﺳﻮﻭ ﺑﺨﺘﻲ ﻫﻴﺞ ﻛﻠﻬﻢ ﻛﺮﻫﺘﻬﻢ ﻭﺃﺣﺲ ﺍﺗﺼﺮﻑ ﺑﺎﻧﻔﻌﺎﻟﻴﻪ
ﺑﺪﻟﺖ ﺑﻐﺮﻓﺔ ﺑﺎﺑﺎ ﺣﺘﻰ ﻣﺒﺎﻭﻋﺖ ﻋﻠﻰ ﻧﻔﺴﻲ ﺑﺎﻟﻤﺮﺍﻳﻪ
ﺭﺟﻌﺖ ﻟﻜﻴﺖ ﻋﻤﻪ ﻓﺎﺗﺤﻪ ﺍﻟﻤﺠﺮ ﺍﻟﻲ ﺧﺎﻟﻪ ﺑﻲ ﺍﻟﻤﻮﺑﺎﻳﻞ ﺑﺲ ﻣﺘﺸﻮﻓﻪ ﺍﻟﻪ ﺗﺴﺤﺐ ﺍﻟﻤﺠﺮ ﻻﻥ ﺍﻛﻮ ﻓﺮﺍﻍ ﺟﻮﻩ ﺍﻟﻤﺠﺮ ﺍﻻﺧﻴﺮ ﺩﺍﺣﺴﺘﻪ ﺑﻲ ﺍﺣﺲ ﻛﻠﺒﻲ ﺭﺍﺩ ﻳﻮﻛﻒ
ﻋﻤﻤﻤﻤﻤﻤﻪ
ﻭﻭﺟﻊ
ﺟﺪﻭ ﻳﺼﻴﺤﺞ ﻣﺪﺭﻱ ﻣﻨﻮ
ﻫﺴﻪ ﺍﺭﻭﺡ
ﺑﺴﺮﻋﻪ ﻣﺤﺘﺎﺟﻴﺞ .... ﺷﺪﺗﺴﻮﻳﻦ
ﺷﺴﻮﻱ ﻳﻌﻨﻲ ﺷﻴﺮﻳﻦ ﺟﺎﻧﺖ ﻣﺎﺧﺬﻩ ﺷﺎﻟﻲ ﺍﺭﻳﺪ ﺍﻟﺒﺴﻪ ﻭﻳﻪ ﺍﻟﻤﻼﺑﺲ ﻣﺎﻛﻮ
ﺍﻧﻲ ﺍﻃﻠﻌﻪ ﺍﻟﺞ ﺑﺲ ﺭﻭﺣﻲ ﺷﻮﻓﻲ ﺷﻴﺮﻳﺪﻭﻥ
ﺍﻭﻝ ﻣﻄﻠﻌﺖ ﺭﺣﺖ ﻋَﻞ ﻣﻮﺑﺎﻳﻞ ﻃﻠﻌﺘﻪ .... ﺍًﻭﻭﻭﻑ ﺳﺎﻋﺔ ﺍﻟﺴﻮﺩﻩ ﻋَﻞ ﻫﺬﺍ ﺍﻟﻤﻮﺑﺎﻳﻞ ﻳﺎﺭﺑﻲ ﺧﻠﺼﻨﻲ
ﻇﻤﻴﺘﻪ ﺑﻤﺠﺮ ﺑﻲ ﻛﺘﺐ ﺑﻨﺼﻬﻦ ﺧﻠﻴﺘﻪ ﺑﺲ ﺑﺎﻟﻲ . ﻳﻤﻪ
ﻋﻘﺪﻭﻟﻲ ﻣﻦ ﻭﺭﻩ ﺍﻟﺒﺎﺏ ﻣﺸﻔﺖ ﻓﺎﺭﺱ ﺑﻌﺪﻳﻦ ﻛﺎﻝ ﻻﺯﻡ ﻳﺤﻨﻮﻫﻪ ﺍﺑﺎﻭﻉ ﺍﻟﻜﻞ ﻳﻀﺤﻚ ﻭﻳﺘﻤﺮﻛﺺ ﻭﻻ ﻋﺒﺎﻟﻚ ﺷﻴﺮﻳﻦ ﻣﺼﺎﺭﻟﻬﻪ ﻫﻮﺍﻱ ﻣﻦ ﻣﺎﺗﺖ ﻭﺍﻣﻲ ﻣﺎﺧﺬﻩ ﺭﻛﻦ ﻣﺒﻴﻦ ﺍﻟﺤﺰﻥ ﻋﻠﻰ ﻋﻴﻮﻧﻬﻪ
ﺩﺧﻞ ﺣﻨﺎﻧﻲ ﺑﻮﺟﻮﺩ ﺟﺪﻱ ﺍﻛﻴﺪ ﻻﺯﻡ ﻳﺸﻮﻑ ﺑﻌﻴﻨﻪ
ﻣﺒﺎﻭﻋﺖ ﺑﻮﺟﻬﻪ ﻭﻟﺒﺴﻨﻲ ﺫﻫﺐ ﺷﻮﻛﺖ ﺍﺷﺘﺮﻯ ﻛﻞ ﺫﻧﻲ ﻣﺎﺍﺩﺭﻱ
ﻣﺎﻋﻮﻟﺖ ﺧﻠﺼﺖ ﺻﻌﺪﺕ ﺍﻟﻐﺮﻓﺘﻲ ﺍﺑﺠﻲ .... ﻣﺎﻛﻮ ﻣﻬﺮﺏ ﻣﻦ ﻫﺬﺍ ﺍﻟﺰﻭﺍﺝ
ﺧﻠﺺ ﺍﻟﻴﻮﻡ ﺑﺒﺠﻲ ﺑﺲ ﻣﺤﺪ ﻳﺴﻤﻌﻠﻲ ﺣﺘﻰ ﺍﻧﻲ ﻣﺴﺘﺴﻠﻤﻪ ﻣﺎﺍﻋﺮﻑ ﻟﻴﺶ ﻳﻤﻜﻦ ﻻﻥ ﻣﺤﺪ ﺭﺍﺡ ﻳﺴﻤﻌﻠﻲ ﻭﻳﻤﻜﻦ ﻣﻦ ﺷﻔﺖ ﺑﺎﺑﺎ ﻣﻜﺴﻮﺭ ﺍﻟﺒﺎﺭﺣﻪ ﻫﻢ ﺭﺧﻴﺖ ﻣﺎﺍﺭﻳﺪ ﺃﺯﻳﺪ ﻫﻤﻪ
ﻛﻌﺪﻭﻧﻲ ﺛﺎﻧﻲ ﻳﻮﻡ ﻣﻦ ﺍﻟﺼﺒﺢ ﺍﺟﺘﻲ ﻧﻔﺲ ﺍﻟﺒﻨﻴﻪ ﺍﻟﻲ ﻣﻜﻴﺠﺘﻨﻲ
ﺑﺎﻭﻋﺖ ﻋﻠﻰ ﻧﻔﺴﻲ ﺑﺎﻟﻤﺮﺍﻳﺎ ﻋﻴﻮﻧﻲ ﻣﻮﺭﻣﻪ ﻣﻦ ﺍﻟﺒﺠﻲ ﻫﻨﻪ ﻛﺒﺎﺭ ﻭﺍﻧﻮﺏ ﻣﻮﺭﻣﺎﺕ ﺻﺎﻳﺮﻩ ﺟﻨﻲ ﻋﻜﺮﻭﻛﻪ
ﺧﺸﻤﻲ ﺻﻐﻴﺮ ﺑﺲ ﺻﺎﻳﺮ ﺍﺣﻤﺮ ﻣﻦ ﺍﻟﺒﺠﻲ ﻭﺷﻔﺘﻲ ﻣﻦ ﺍﻟﻨﻮﻉ ﺍﻟﻲ ﻣﻮ ﻣﻠﻤﻮﻣﻪ ﺑﻴﻬﻪ ﻋﺮﺽ ﺷﻮﻳﻪ ﻭﻭﺟﻬﻲ ﺩﺍﺋﺮﻱ ﻭﺍﻛﻮ ﺷﺎﻣﻪ ﺑﺨﺪﻱ ﻭﺍﺿﺤﻪ ﻭﺑﺸﺮﺗﻲ ﻟﻮﻧﻬﻪ ﺣﻨﻄﻲ
ﺟﺴﻤﻲ ﻣﺘﻮﺳﻂ ﻃﻮﻟﻲ ﻣﺮﺑﻮﻉ ﻳﻌﻨﻲ ﻭﺳﻂ ﺷﻌﺮﻱ ﻃﻮﻳﻞ ﺑﺲ ﺑﻲ ﺧﻔﻪ ﺷﻮﻳﻪ ﻭﺳﺮﺡ ﻭﺍﺳﻮﺩ ﻣﺜﻞ ﻋﻴﻮﻧﻲ
ﺍﻡ ﺍﻟﺼﺎﻟﻮﻥ / ﺷﻜﺪ ﻋﻤﺮﺝ
ﻋﻤﺮﻱ ١٧ﺳﻨﻪ
ﺍﻭﻭﻱ ﺑﻌﺪﺝ ﺻﻐﻴﺮﻩ ﻋﺎﺩ ﺑﻴﺎ ﺻﻒ
ﺑﺎﻟﺨﺎﻣﺲ ﺍﺩﺑﻲ
بيج قصص عراقيه حقيقيه من واقعنا.روعه الطائي
ﺭﺍﺡ ﺗﺘﺮﻛﻴﻦ
ﻣﺎﺍﻋﺮﻑ
ﻭﺯﻭﺟﺞ ﺷﻜﺪ ﻋﻤﺮﻩ
ﺑﺎﻭﻋﺖ ﻋﻠﻴﻬﻪ ﺻﻔﺢ .... ﺑﻨﺘﺮﻩ ﺷﻤﺪﺭﻳﻨﻲ
ﺷﻨﻮ ﻣﺠﺒﻮﺭﻩ ﻋﻠﻲ
ﺍﻱ ﻭﺍﻟﻠﻪ ﻣﺎﻋﻨﺪﺝ ﻃﺮﻳﻘﻪ ﺗﺨﻠﻴﻨﻲ ﻣﻨﻪ
ﻟﻴﺶ
ﻫﺎﺍﺍﺍ ... ﻫﻴﺞ ﻣﺎﻛﻮ ﺷﻲ ﺳﻜﺘﺖ ﻫﺎﻱ ﺗﺮﻳﺪ ﺗﺴﺤﺐ ﻛﻼﻡ ﻣﻨﻲ ﺷﻜﻠﻬﻪ ﺣﺘﻰ ﺗﻌﻄﺸﻪ ﺑﺎﻟﻤﻨﻄﻘﻪ
ﺷﻬﺪ / ﻋﻤﺮﻩ ٢٦ﺳﻨﻪ
ﻫﺎﺍﺍ ﻳﻌﻨﻲ ﺗﻌﺮﻓﻲ
ﺍﻱ ﺍﻋﺮﻑ ﺑﺲ ﻻﻥ ﺗﺤﺎﺟﻴﻨﻪ ﺿﺎﻳﺠﻪ
ﻋﺎﺩ ﺣﻠﻮ ﻟﻮ ﻻ
ﺍﻱ ﺣﻠﻮ
ﺷﻠﻮﻥ ﺷﻜﻠﻪ
ﺑﺎﻭﻋﺖ ﻋﻠﻴﻬﻪ ﻫﺎﻱ ﺷﺒﻴﻬﻪ ﻫﺴﻪ ﺍﺣﻤﺴﻬﻪ ﺑﺮﺍﺷﺪﻱ
ﺷﻨﻮ ﺗﺨﺎﻓﻴﻦ ﻋﻠﻲ ﻣﺤﺘﺠﻴﻦ
ﻻ ﻫﻮ ﻃﻮﻳﻞ ﻭﻣﺴﻠﻮﻉ ﺷﺨﺎﻑ ﻋﻠﻲ
ﺑﺎﻟﺤﻘﻴﻘﻪ ﻫﻮ ﻣﻮ ﻣﺴﻠﻮﻉ ﺣﻠﻮ ﺍﺣﻠﻰ ﺍﺛﻨﻴﻦ ﺑﻌﺸﻴﺮﺗﻨﺎ ﺑﻴﺖ ﺟﺪﻱ ﻳﻌﻨﻲ ﻫﻮ ﻭﻗﻴﺼﺮ
ﺑﺲ ﻗﻴﺼﺮ ﺍﺣﻠﻰ ﻣﻨﻪ ﺑﻌﺪ ....... ﻫﻮ ﻃﻮﻳﻞ ﻭﻋﻨﺪﻩ ﺟﺘﺎﻑ ﻋﺮﻳﻀﻪ ﻭﻋﻴﻮﻧﻪ ﺑﻴﻬﻦ ﺟﺮﻩ ﻗﻮﻳﻪ ﻭﺭﻣﻮﺷﻪ ﺣﻠﻮﻩ ﺟﻨﻬﻪ ﻣﻜﻨﺎﺳﻪ ﻫﻤﻪ ﻳﻤﺘﺎﺯﻭﻥ ﺑﺎﻟﻌﻴﻮﻥ ﻛﻠﻬﻢ ﻭﻟﻮﻧﻬﻪ ﺟﻮﺯﻱ ﻓﺎﺗﺢ ﺑﺸﺮﺗﻪ ﺣﻨﻄﻴﻪ ﻭﺷﻌﺮﻩ ﺛﺨﻴﻦ ﺑﺲ ﻫﻮ ﻳﺨﻔﻔﻪ ﺩﺍﺋﻤﺎً .....
ﺍﺧﺮ ﺳﻨﻪ ﺍﻟﻪ ﻃﺒﻴﻪ .... ﻳﺪﺭﺱ ﺑﺎﻟﺨﺎﺭﺝ ﻫﻮ ﻭﺃﺧﻮﻳﻪ ﺳﻮﻩ ﺍﺛﻨﻴﻨﻬﻢ
ﻛﻤﻠﺖ ﻣﻜﻴﺎﺝ ﻭﺟﺪﻱ ﻛﺎﻝ ﺷﻐﻠﻮ ﺍﻟﻤﺴﺠﻞ ﺑﻜﻞ ﻋﻠﻮ ﺻﻮﺗﻪ ﻋﻠﻤﻮﺩ ﻳﻮﺻﻞ ﻟﻠﻨﺎﺱ ﺍﻧﻮ ﺑﺘﻨﻪ ﺍﺧﺘﻬﻪ ﺗﺰﻭﺟﺖ ..... ﺍﻫﻢ ﺷﻲ ﺍﻟﻨﺎﺱ ﻋﻨﺪﻩ
ﺑﻴﺘﻬﻢ ﻫﻤﻪ ﺑﻤﻨﻄﻘﺘﻨﺎ ﺑﺲ ﺑﺎﻟﻔﺮﻉ ﺍﻟﻮﺭﺍﻧﻪ ﻣﻮ ﻣﺜﻞ ﺑﻴﺖ ﻋﻤﻮ ﺳﻌﺪ ﺑﺼﻔﻨﻪ
ﺯﻓﻮﻧﻪ ﻭﺻﻌﺪﻭﻧﻲ ﺑﺎﻟﻐﺮﻓﻪ ﺑﻌﺪ ﻣﻔﺮﻭﻧﻪ ﺑﺎﻟﻤﻨﻄﻘﻪ ﺑﺎﻟﺴﻴﺎﺭﺍﺕ ﺍﻭﻝ ﻣﺼﻌﺪﻭﻧﻲ
ﻛﻠﺒﺖ ﺑﺎﻟﻜﻨﺘﻮﺭ ﻛﻠﻬﻦ ﻣﻼﺑﺲ ﻧﻮﻡ ﻭﺗﺮﺍﻛﺴﻮﺩﺍﺕ ﺭﺩﺕ ﺍﺑﺪﻝ ﻗﺒﻞ ﻟﻴﺠﻲ ﺍﻧﻔﺘﺢ ﺍﻟﺒﺎﺏ
ﺷﺪﺗﺴﻮﻳﻦ
ﺍﺩﻭﺭ ﺷﻲ ﺍﻟﻠﺒﺴﻪ ﻋﻨﺪﻙ ﻣﺎﻧﻊ
ﺭﻓﻊ ﺭﺍْﺳﻪ ﺍﻟﻲ ﻓﻮﻙ .... ﺍﻟﻠﻬﻢ ﻃﻮﻟﺞ ﻳﺎ ﺭﻭﺡ
ﺧﺎﺗﻮﻧﻪ ﺣﺠﺎﻫﻪ ﻣﺜﻞ ﺍﻟﻴﺴﺘﻬﺰﺀ
ﻣﺒﺮﻭﻭﻙ
ﻣﺒﺮﺭﺭﻭﻙ
ﺑﺎﻭﻋﺖ ﻋﻠﻲ ﺑﻜﺮﻩ ﻭﺣﻘﺪ
ﻋﻠﻰ ﺷﻨﻮﻭﻭ ﻣﺒﺮﻭﻙ ..... ﻛﻮﻝ ﺍﻟﺒﻘﻴﻪ ﺑﺤﻴﺎﺗﺞ
ﻟﺰﻣﻨﻲ ﻣﻦ ﺯﻧﺪﻱ ﻭﻧﺒﺖ ﺍﺻﺎﺑﻌﻪ ﻋﻠﻲ ﺑﻘﻮﻩ
ﺑﺎﻋﻲ ﺗﺮﻩ ﻣﻮ ﻋﺒﺎﻟﺞ ﻓﺮﺣﺎﻥ ﺗﺰﻭﺟﺘﺞ ﺗﺮﻩ ﺣﺎﻟﻲ ﻣﻦ ﺣﺎﻟﺞ ﺍﻟﻲ ﺟﺒﺮﺝ ﻧﻔﺴﻪ ﺟﺒﺮﻧﻲ ﻓﺄﺣﺘﺮﻣﻲ ﻧﻔﺴﺞ ﺍﺣﺴﻦ ﺍﻟﺞ ﻭﺩﻳﺮﻱ ﺑﺎﻟﺞ ﺗﺨﻠﻴﻦ ﻋﻴﻨﺞ ﺑﻌﻴﻨﻲ ﻣﺮﻩ ﺛﺎﻧﻴﻪ
ﺷﻨﻮ ﺍﻧﺖ ﻣﻮ ﻋﻠﺴﺎﺱ ﺭﺟﺎﻝ ..... ﻭﻳﻦ ﺍﻛﻮ ﺭﺟﺎﻝ ﻳﻨﺠﺒﺮ
ﻓﺘﺢ ﻋﻴﻨﻪ ﺑﻜﻞ ﻗﻮﺗﻬﻦ ....... ﻭﺩﻓﻌﻨﻲ ﺣﻴﻞ
ﺷﻜﺪ ﺍﺣﺎﻭﻝ ﻣﺘﺎﻛﺪ ﺍﻳﺪﻱ ﻋﻠﻴﺞ ﺑﺲ ﺍﻧﺘﻲ ﻛﺎﺭﺭﺭﺭﺛﻪ ...... ﻟﺞ ﺍﻧﺘﻲ ﺷﻨﻮ ﺑﻜﺪ ﺍﻟﻨﻌﺎﻝ ﻭﻫﻴﺞ ﺍﻟﻠﺴﺎﻧﺞ ﺍﻟﺼﻤﻲ ﺍﻓﺘﻬﻤﺘﻲ
ﻻ ﻣﻔﻬﻤﺖ .... ﺍﻧﻲ ﺃﻛﺮﻫﻚ ﻣﺎﺷﻲ ﺍﻧﺖ ﻛﺎﻟﺖ ﺍﺧﺘﻲ ﻭﺗﺮﻳﺪﻧﻲ ﺍﺳﻜﺖ ﺧﻠﻪ ﺍﻳﺪﻩ ﺑﺤﻨﺠﻪ ﻭﻛﺎﻡ ﻳﻌﺼﺮ ﻗﻮﻱ
ﻳﺎﺍﺍﺍﺍﺍﺭﺑﻲ ﺷﻬﺪﺩﺩﺩﺩﺩﺩﺩ ﻛﺎﻓﻲ
ﺷﻔﺘﻪ ﻣﺸﻪ ﻋَﻞ ﺟﻬﺔ ﺍﻟﺠﺮﺑﺎﻳﻪ ﻋﻴﺒﺖ ﺑﺤﻠﻜﻲ ﺍﻧﻨﻦ ﻭﻃﻠﻌﺖ ﺍﻟﻠﺴﺎﻧﻲ
ﺑﺎﻭﻋﺖ ﻋَﻞ ﻣﺮﺍﻳﻪ ﻛﺒﺎﻟﻲ ﻭﻫﻮ ﻳﺨﺰﺭ ﺑﻴﻪ ﺛﺄﺭﻱ ﻳﺸﻮﻓﻨﻲ
ﻇﻠﻴﺖ ﺍﻧﻲ ﻫﻢ ﺍﺑﺎﻭﻋﻠﻪ
ﺩﺭﺕ ﻭﺟﻬﻲ ﻋﻠﻲ .... ﻛﻌﺪ ﻋَﻞ ﺟﺮﺑﺎﻳﻪ
ﺷﻬﺪ ﻻﺯﻡ ﻫﺴﻪ ......... ﻳﺘﺒﻊ
|