[فيتامين سي]

ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🌹 ﺍﻟﺒﺎﺭﺕ 50 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﺍﻟﺸﺮﻁ ﺍﻻﻭﻝ ﻫﻮ ﺍﺗﻘﺮﺑﻠﻲ ﺑﺎﻱ ﻭﻗﺖ ﻳﻌﺠﺒﻚ ﺑﺲ ﺭﺍﺡ ﺗﻠﻜﻴﻨﻲ ﺟﺴﺪ ﺑﻼ ﺭﻭﺡ
ﻳﻌﻨﻲ ﻣﺴﺘﺤﻴﻞ ﺍﺗﻘﺒﻠﻚ ﺑﺴﻬﻮﻟﻪ
ﻳﻌﻨﻲ ﺷﻨﻮ ﻗﺼﺪﺝ
ﺗﻌﺮﻑ ﻗﺼﺪﻱ ﻛﻠﺶ ﺯﻳﻦ
ﺑﺲ ﺍﻧﻲ ﻣﺎﺍﺭﻳﺪ ﺟﺴﺪﺝ
ﺍﻧﻲ ﺍﺭﻳﺪﺝ ﺍﻧﺖ ﻛﻠﺞ
ﺍﺭﻳﺪ ﺭﻭﺣﺞ ﺗﺘﻔﺎﻋﻞ ﻭﻳﺎﻱ ﻗﺒﻞ ﺟﺴﺪﺝ
ﺍﺭﻳﺪ ﺗﺤﺴﻴﻦ ﺑﻴﻪ ﻭﺍﺣﺲ ﺑﻴﺞ
ﺍﺭﻳﺪ ﺍﺗﻘﺮﺑﻠﺞ ﺑﻠﻬﻔﻪ ﻭﺍﻟﻜﻲ ﻧﻔﺲ ﺍﻟﻠﻬﻔﻪ ﻋﻨﺪﺝ
ﺍﺭﻳﺪ ﺍﺫﺍ ﻏﺒﺖ ﻋﻨﺞ ﻳﻮﻡ ﺗﺮﺍﺳﻠﻴﻨﻲ ﺗﺨﺎﺑﺮﻳﻨﻲ
ﺗﻜﻠﻴﻠﻲ ﻟﻴﺶ ﻣﺎﺍﺟﻴﺖ ﺍﺷﺘﺎﻗﻴﺘﻠﻚ
ﺍﺭﻳﺪﺝ ﺗﻜﻮﻧﻴﻦ ﺣﺒﻴﺒﻪ ﺍﻟﻲ ﻗﺒﻞ ﻟﺘﻜﻮﻧﻴﻦ ﺯﻭﺟﻪ
بيج قصص عراقيه حقيقيه من واقعنا.روعه الطائي
ﺍﻧﻲ ﺍﺣﺐ ﺍﺗﻘﺮﺑﻠﺞ ﻣﻮ ﻗﺼﺪﻱ ﺍﺭﻳﺪ ﺟﺴﺪﺝ
ﻻ ﺑﺎﻟﻌﻜﺲ ﺍﻧﻲ ﻟﻮ ﺍﺭﻳﺪ ﺟﺴﺪﺝ ﺟﺎﻥ ﻣﻦ ﺯﻣﺎﻥ ﺟﺒﺮﺗﺞ
ﺑﺲ ﺍﻧﻲ ﻋﺎﻳﻔﺞ ﻉ ﺭﺍﺣﺘﺞ ﻭﻣﺠﺎﺑﺮﺝ ﻻﻥ ﺍﺭﻳﺪ ﻣﻦ ﺭﺿﺎﺗﺞ
ﻳﻌﻨﻲ ﺍﺭﻳﺪ ﺟﺴﺪﺝ ﻭﺭﺣﺞ ﺳﻮﻳﻪ
ﺷﻨﻮ ﺍﻟﺸﺮﻁ ﺍﻟﺜﺎﻧﻲ
ﺷﺮﻃﻲ ﺍﻟﺜﺎﻧﻲ ﺗﺠﻴﺒﻠﻲ ﺣﺐ ﻣﺎﻧﻊ
ﻻﻥ ﻣﺎﺍﺭﻳﺪ ﻃﻔﻞ ﺍﺑﺪ
ﻟﻬﺎﻟﺪﺭﺟﻪ ﻛﺎﺭﻫﺘﻨﻲ ﻭﻣﺎﺗﺮﺩﻳﻦ ﻃﻔﻞ ﻣﻨﻲ
ﺗﺪﺭﻳﻦ ﺷﺮﻭﻃﺞ ﺗﻌﺠﻴﺰﻳﻪ ﻣﺴﺘﺤﻴﻞ ﺍﻭﺍﻓﻖ ﻋﻠﻴﻬﻦ ﺍﺑﺪ
ﻣﻮ ﻻﺯﻡ ﻣﺎﺍﺭﻳﺪ ﺍﺗﻘﺮﺑﻠﺞ ﺍﺑﺪ ﻻﻥ ﺛﺒﺘﻴﻠﻲ ﺍﻧﺖ ﺑﻌﺪﺝ ﻟﺤﺪ ﺍﻻﻥ ﻣﻤﺴﺎﻣﺤﺘﻨﻲ ﺍﺑﺪ
ﻋﺎﻓﻨﻲ ﻭﻃﻠﻊ
ﻣﺨﻼﻧﻲ ﺍﻛﻤﻠﻪ ﺷﻨﻮ ﺍﻟﺴﺒﺐ ﺍﻟﻲ ﻳﺨﻠﻴﻨﻲ ﺍﺷﺮﻁ ﻫﺎﻟﺸﺮﻃﻴﻦ
ﺑﻘﻴﺖ ﺻﺎﻓﻨﻪ ﻣﻌﻘﻮﻟﻪ ﺍﻟﻲ ﻳﻜﻮﻟﻪ ﺻﺤﻴﺢ
ﻓﻌﻼ ﻫﻮ ﻳﻜﺪﺭ ﻳﺠﺒﺮﻧﻲ ﺣﺘﻰ ﻟﻮ ﺷﺎﺭﻃﻪ ﻋﻠﻲ
ﻻﻥ ﺯﻭﺟﺘﻪ ﻭﻣﻦ ﺣﻘﻪ
ﺑﺲ ﻟﻠﻴﻮﻡ ﻣﺎﺟﺒﺮﻧﻲ
ﺣﻴﻞ ﺿﺠﺖ ﻣﺎﺍﻋﺮﻑ ﺷﺎﺳﻮﻱ ﻭﺷﺎﺗﺼﺮﻑ
ﻭﺍﻟﻠﻪ ﺻﻌﺒﻪ ﻋﻠﻴﻪ ﺍﺗﻘﺒﻠﻪ ﻭﻫﻮ ﺟﺎﻳﻨﻲ ﻣﻦ ﺣﻀﻦ ﺯﻭﺟﺘﻪ ﺍﻟﺜﺎﻧﻴﻪ
ﺍﻟﺼﺮﺍﺡ ﻋﻘﻠﻲ ﺭﺍﻓﺾ ﺣﻴﺪﺭ ﻻﻥ ﺍﺷﻮﻓﻬﺎ ﺻﻌﺒﻪ ﺍﺗﻘﺒﻠﻪ
ﺑﺲ ﻛﻠﺒﻲ ﻻ ﻳﺮﻳﺪﻩ ﻭﺑﻘﻮﻩ
ﻳﻮﺟﻌﻨﻲ ﻋﻠﻲ ﻣﻦ ﺍﺷﻮﻓﻪ ﺣﺰﻧﺎﻥ
ﺍﻧﻲ ﺣﺐ ﻗﺮﺑﻪ ﻭﺑﻨﻔﺲ ﺍﻟﻮﻗﺖ ﺍﺿﻮﺝ
ﻭﻫﺬﺍ ﺍﻟﺸﻲ ﺧﺒﻠﻨﻲ ﻣﺎﺍﻋﺮﻑ ﺷﻨﻮ ﺍﻻﺭﻳﺪﻩ ﺑﺎﻟﻀﺒﻂ
ﺑﺎﻟﻨﺴﺒﻪ ﻟﻠﻄﻔﻞ ﻣﺎﺍﺭﻳﺪ ﺑﻬﺎﻱ ﺍﻟﻔﺘﺮﻩ ﻻﻥ ﺍﺭﻳﺪ ﺍﻛﻤﻞ ﺩﺭﺍﺳﺘﻲ
ﻣﻮ ﻭﻛﺖ ﻃﻔﻞ ﻭﺍﺑﻬﺬﻟﻪ ﻭﻳﺎﻱ
ﺍﻛﻴﺪ ﺍﺫﺍ ﺻﺎﺭ ﻃﻔﻞ ﻭﺍﻧﻲ ﺍﺩﺭﺱ ﺍﺑﻬﺬﻟﻪ ﻟﻠﻄﻔﻞ ﻭﺍﺑﻬﺬﻝ ﻧﻔﺴﻲ ﻭﻳﺎﻩ
ﺍﻧﻲ ﺍﺗﻤﻨﻰ ﻳﺨﻠﻴﻨﻲ ﻫﻴﺞ ﻟﻤﻦ ﺍﻛﺪﺭ ﺍﺗﺎﻗﻠﻢ ﻭﻱ ﺍﻟﻮﺿﻊ ﻳﻠﻪ ﻳﺠﻮﺯ ﺍﻻﻳﺎﻡ ﺭﺍﺡ ﺗﻨﺴﻴﻨﻲ ﺟﺮﺣﻪ
ﻫﻮ ﻣﻬﺎﻣﻪ ﺷﻲ ﻭﻳﻦ ﻣﻴﻌﺠﺒﻪ ﺭﺍﺡ ﻳﻨﺎﻡ
ﻭﻣﺎﻛﻮ ﺷﻲ ﺍﻟﻲ ﻳﺨﻠﻲ ﻳﻐﺎﺭ
ﺑﺲ ﺍﻧﻲ ﻻ
ﺍﺳﻢ ﻣﺮﻭﻩ ﻳﻬﺰ ﻛﻴﺎﻧﻲ
ﻳﺮﻋﺒﻨﻲ ﺍﻛﻮ ﺧﻮﻑ ﺑﺪﺍﺧﻠﻲ
ﺍﻧﻲ ﺍﺩﺭﻱ ﺑﻬﺎﻱ ﺳﻮﺍﻳﺘﻲ ﺭﺍﺡ ﺍﻗﺮﺏ ﺍﻟﻤﺴﺎﻓﻪ ﺑﻴﻨﻪ ﻭﺑﻴﻦ ﻣﺮﻭﻩ
ﺑﺲ ﻣﻴﻬﻤﻨﻲ
ﺍﺣﺴﻬﺎ ﺻﻌﺒﻪ ﻋﻠﻴﻪ ﻭﺍﻟﻠﻪ ﺍﻣﻮﺕ ﺍﺫﺍ ﺍﺗﻘﺮﺑﻠﻲ ﻭﺑﻌﺪﻫﺎ ﺍﺗﻘﺮﺏ ﻟﻤﺮﻭﻩ
ﻛﻠﺖ ﺧﻠﻴﻨﻲ ﻫﻴﺞ ﻭﻳﻦ ﻣﺘﺼﻴﺮ ﺧﻞ ﺗﺼﻴﺮ
ﻫﻲ ﺧﺮﺑﺎﻧﻪ ﺧﺮﺑﺎﻧﻪ
ﺻﻠﻴﺖ ﻭﻧﻤﺖ
ﺛﺎﻧﻲ ﻳﻮﻡ ﻛﻌﺪﺕ
ﺳﻮﻳﺖ ﺍﻟﻐﺪﻩ ﺍﻧﻲ
ﺍﻟﺒﻴﺖ ﺣﻴﻞ ﻧﻈﻴﻒ
بيج قصص عراقيه حقيقيه من واقعنا.روعه الطائي
ﺯﻫﺮﺍﺀ ﻣﻨﻈﻔﺘﻪ
ﺍﺟﺘﻲ ﻣﺮﻭﻩ ﺳﻠﻤﺖ ﻋﻠﻴﻪ
ﺭﺩﻳﺖ ﺍﻟﺴﻼﻡ
ﺑﺲ ﺍﻧﻲ ﻭﻳﺎﻫﺎ ﺑﺎﻟﻤﻄﺒﺦ
ﻛﺎﻟﺖ ﺍﺳﺎﻋﺪﺝ
ﻻ ﺷﻜﺮﺍ ﻣﺎﻋﻨﺪﻱ ﺷﻲ ﻛﻤﻠﺖ
ﺷﻠﻮﻧﻬﺎ ﺯﻳﺎﺭﺗﻜﻢ
ﺣﻠﻮﻩ ﻭﺷﺒﻌﻨﻪ ﺯﻳﺎﺭﻩ
ﺑﺎﻟﻌﺎﻓﻴﻪ
ﺷﻜﺮﺍ
ﺍﻛﻠﺞ ﺯﻳﻨﺐ ﺣﺎﺑﻪ ﺍﻃﻠﺐ ﻣﻨﺞ ﺷﻲ ﺍﺫﺍ ﺗﻜﺪﺭﻳﻦ
ﻛﻮﻟﻲ ﺣﺒﻴﺒﺘﻲ ﺷﺘﺮﺩﻳﻦ
ﺍﺭﻳﺪ ﺗﺮﺣﻴﻦ ﻭﻳﺎﻱ ﻟﻠﺪﻛﺘﻮﺭﻩ ﺍﻟﻌﺼﺮ ﻋﻨﺪﻱ ﻣﻮﻋﺪ
ﻟﻴﺶ ﻭﺣﻴﺪﺭ
ﺣﻴﺪﺭ ﺭﺍﺡ ﻟﺒﻐﺪﺍﺩ
ﻣﻌﻘﻮﻟﻪ ﻣﺎﺗﺪﺭﻳﻦ
ﻻ ﻣﺎﺍﺩﺭﻱ
ﻗﺒﻞ ﺷﻮﻳﻪ ﺍﺟﻪ ﺑﺪﻝ ﻭﺭﺍﺡ
ﻟﻌﺪ ﻳﺠﻮﺯ ﺩﺍﻙ ﻋﻠﻴﻪ ﻭﺍﻧﻲ ﻣﺨﻠﻴﺘﻪ ﺻﺎﻣﺖ
ﻫﻮ ﻛﻠﻲ ﺭﻭﺣﻲ ﺍﻧﺖ ﻭﺯﻳﻨﺐ
ﺑﺲ ﻣﺎﺍﻧﺪﻝ ﺍﻧﻲ
ﺣﺘﻰ ﺍﻧﻲ
ﺧﻞ ﺗﺠﻲ ﺯﻫﺮﺍﺀ ﻭﻧﺸﻮﻓﻬﺎ ﺑﻠﻜﻲ ﺗﺮﻭﺡ ﻭﻳﺎﻧﻪ
ﺍﻭﻙ ﺧﻞ ﺗﺠﻲ ﻭﻧﺸﻮﻓﻬﺎ
ﺣﻴﻞ ﺿﺠﺖ ﻣﻌﻘﻮﻟﻪ ﺯﻋﻞ ﻣﻨﻲ ﺭﺍﺡ ﻟﺒﻐﺪﺍﺩ
ﺯﻳﻦ ﺷﻌﻨﺪﻩ ﻫﻨﺎﻙ
ﺭﺩﺕ ﺗﺼﻴﺮﻟﻲ ﻓﺮﺻﻪ ﺣﺘﻰ ﺍﺻﻌﺪ ﺍﺷﻮﻓﻪ ﻟﺠﻬﺎﺯﻱ
ﺑﺲ ﻋﻴﺐ ﻣﻦ ﻣﺮﻭﻩ
ﻛﺎﻟﺖ ﺣﺎﺑﻪ ﺍﺳﺎﻟﺞ ﺳﺆﺍﻝ ﺑﺲ ﺍﺧﺎﻑ ﺗﺎﺧﺬﻳﻬﺎ ﺑﻐﻴﺮ ﺷﻲ
ﻛﻮﻟﻲ ﺣﺒﻴﺒﺘﻲ ﻋﺎﺩﻱ ﻣﺎﺍﻛﻮﻝ ﺷﻲ
ﺍﺷﻮ ﺣﻴﺪﺭ ﻣﻦ ﺍﺟﻪ ﻣﻦ ﻛﺮﺑﻼﺀ ﻟﻬﺴﻪ ﻣﻌﺎﺟﺒﻨﻲ ﻭﺿﻌﻪ ﺍﺑﺪ
ﺣﻴﻞ ﻣﻬﻤﻮﻡ ﻭﺿﺎﻳﺞ
ﻭﺍﻟﻴﻮﻡ ﻓﺠﺄﻩ ﻛﺎﻝ ﺍﺭﻳﺪ ﺍﺭﻭﺡ ﻟﺒﻐﺪﺍﺩ ﻭﻱ ﺟﻤﺎﻋﺘﻲ
ﻛﻠﺖ ﺑﻜﻠﺒﻲ ﺍﻛﻴﺪ ﺭﺍﺡ ﻳﺮﻭﺡ ﻳﺴﻬﺮ ﻭﻳﺸﺮﺏ ﻭﻧﺴﻮﺍﻥ
ﺍﺑﻮ ﻃﺒﻊ ﻣﺴﺘﺤﻴﻞ ﻳﺒﺪﻝ ﻃﺒﻌﻪ
ﺧﻞ ﻳﻮﻟﻲ ﻳﻄﺒﻪ ﻣﺮﺽ
ﻛﺘﻠﻪ ﻭﺍﻟﻠﻪ ﻣﺎﺍﺩﺭﻱ ﺑﻲ
ﻟﻴﺶ ﺿﺎﻳﺞ ﺑﺲ ﻳﺠﻮﺯ ﻻﻥ ﺭﺍﺡ ﻳﻨﻘﻠﻮﻧﻪ ﻟﺴﺎﻣﺮﺍﺀ
ﺭﺍﺡ ﻳﻨﻘﻠﻮﺍ ﺍﺷﻮ ﻣﻜﻠﻲ
ﻳﺮﻳﺪ ﻟﺴﺎﻣﺮﺍﺀ
ﻟﻌﺪ ﻫﺬﺍ ﺍﻟﺴﺒﺐ ﻳﺠﻮﺯ
ﻫﻲ ﺭﺍﺣﺖ ﻟﺒﻴﺘﻬﺎ
ﻭﺍﻧﻲ ﺻﻌﺪﺕ ﺭﺩﺕ ﺍﺻﻠﻲ
ﻣﺎﻟﻜﻴﺖ ﻣﻨﻪ ﻻ ﺭﺳﺎﻟﻪ ﻭﻻ ﻣﺨﺎﺑﺮﻩ
ﺍﺣﺲ ﻧﺎﺭ ﻭﺍﺷﺘﻌﻠﺖ ﺑﺼﺪﺭﻱ
ﻛﻠﺖ ﺧﻞ ﺍﺭﺍﺳﻠﻪ ﺑﺤﺠﺔ ﻣﺮﻭﻩ
ﺗﻘﺮﻳﺒﺎ ﺍﻟﺴﺎﻋﻪ ﺏ 1 ﺩﺯﻳﺘﻠﻪ
ﺍﻟﻮﻭﻭ
ﺍﻟﻮﻭﻭﻭﻭ
ﺍﻧﺖ ﻛﺎﻳﻞ ﻟﻤﺮﻭﻩ ﺍﺭﻭﺡ ﻭﻳﺎﻫﺎ ﻟﻠﺪﻛﺘﻮﺭﻩ
بيج قصص عراقيه حقيقيه من واقعنا.روعه الطائي
ﺍﻱ ﻭﺍﻟﻠﻪ ﻳﺎﺭﻳﺖ ﻻﻥ ﻣﺎﺍﻛﺪﺭ ﺍﻧﻲ
ﻟﻴﺶ ﺧﻴﺮﻙ
ﺻﺎﺭﺕ ﺷﻐﻠﻪ ﻣﺴﺘﻌﺠﻠﻪ ﻭﺭﺣﺖ ﻟﺒﻐﺪﺍﺩ
ﻳﻌﻨﻲ ﻫﺴﻪ ﺍﻧﺖ ﺍﺑﻐﺪﺍﺩ
ﺍﻱ ﻭﺻﻠﻨﻪ ﻗﺒﻞ ﺷﻮﻳﻪ
ﺗﺒﺎﺗﻮﻥ
ﺍﻱ ﻧﺒﺎﺕ
ﻳﻠﻪ ﺑﻌﺪ ﻣﺎﺍﻛﺪﺭ ﺭﺍﺡ ﺍﻃﻔﻴﻬﺎ ﺍﻟﺸﺒﻜﻪ ﻭﻟﺤﺪ ﻳﺘﺼﻞ ﺑﻴﻪ ﺍﺑﺪ
ﻟﻤﻦ ﺍﻧﻲ ﺍﺧﺎﺑﺮﻛﻢ
ﺍﻭﻙ
ﺍﻟﻐﺴﻞ ﺍﻟﻚ ﻋﻮﺩ ﺣﻠﻔﺖ ﻭﻭﺍﻋﺪﺗﻨﻲ ﺑﻌﺪ ﻣﺘﺸﺮﺏ ﻭﻻ ﺗﻨﺎﻡ ﻭﻱ ﺍﻟﺴﺎﻗﻄﺎﺕ
ﺑﺲ ﺍﻧﺖ ﻣﺴﺘﺤﻴﻞ ﺗﻮﻓﻲ ﺑﻮﻋﺪﻙ
ﻫﺎﻱ ﻻﻥ ﺿﺠﺖ ﻣﻨﻲ ﺭﺟﻌﺖ ﻟﺤﺎﻟﺘﻚ
ﻛﻌﺪﻭﺍ ﺍﻟﺠﻬﺎﻝ
ﻧﺰﻟﺖ ﺗﻐﺪﻳﺘﻪ ﺳﻮﻳﻪ ﺣﺘﻰ ﻣﺮﻭﻩ
ﺍﺧﺬﻧﻪ ﺭﺍﻳﻲ ﺯﻫﺮﺍﺀ
ﻛﺎﻟﺖ ﺧﻞ ﺍﺷﻮﻑ ﺍﻣﻴﺮ ﺍﺫﺍ ﻗﺒﻞ ﺍﺭﻭﺡ
ﻭﺭﻩ ﺷﻮﻳﻪ ﻛﺎﻟﺖ ﻗﺒﻞ ﺍﻣﻴﺮ ﺏ 5 ﻧﺮﻭﺡ
ﻃﻠﺒﺖ ﻣﻦ ﺧﺎﻟﻪ ﺗﺨﻠﻲ ﻧﻮﺭ ﻭﻧﻈﻮﺭﻱ ﻳﻤﻬﺎ
ﺭﺣﻨﻪ ﻟﻠﺪﻛﺘﻮﺭﻩ ﺑﺲ ﺛﺎﺭ ﺍﻧﺘﺒﺎﻫﻲ ﻣﺮﻭﻩ ﻣﻘﺒﻠﺖ ﻧﺪﺧﻞ ﻭﻳﺎﻫﺎ ﺍﺑﺪ
ﺩﺧﻠﺖ ﺑﻮﺣﺪﻫﺎ
ﻛﻠﺘﻠﻲ ﻻﺯﻡ ﺍﻛﻮ ﺳﺮ ﺑﺎﻟﻤﻮﺿﻮﻉ
ﻛﺎﻟﺖ ﺯﻫﺮﺍﺀ ﻣﻦ ﺗﺠﻴﺐ ﺍﻟﻌﻼﺝ ﺍﻧﻲ ﺍﺩﺧﻞ ﻟﻠﺪﻛﺘﻮﺭﻩ ﻭﺍﺳﺘﻔﺴﺮ ﻣﻨﻬﺎ
ﻓﻌﻼ ﺩﺧﻠﺖ ﺯﻫﺮﺍﺀ ﻭﻃﻠﻌﺖ ﻭﺟﺎﻧﺖ ﻣﺼﺪﻭﻣﻪ
ﺟﺎﻥ ﺗﻜﻮﻝ ﻟﺞ ﻣﺮﻭﻩ ......
ﺗﻮﻗﻌﺎﺗﻜﻢ ﺣﺒﺎﻳﺒﻲ ﺷﺒﻴﻬﺎ ﻣﺮﻭﻩ
ﺣﻴﺪﺭ : ﺍﺟﻤﻞ ﺍﻳﺎﻡ ﻋﻤﺮﻱ ﻗﻀﻴﺘﻬﻦ ﺑﻜﺮﺑﻼﺀ
ﺣﻴﻞ ﺍﻓﺮﺣﺖ
ﺣﺴﻴﺖ ﺑﻨﻔﺴﻲ ﻣﺎﻟﻚ ﺍﻟﺪﻧﻴﻪ ﻣﻦ ﻧﺎﻳﻢ ﻳﻤﻬﻢ
ﺣﺎﻭﻟﺖ ﺍﺣﺠﻲ ﻉ ﻣﺮﻭﻩ ﺭﺩﺕ ﺍﻋﺮﻑ ﺭﺩﺓ ﻓﻌﻠﻬﺎ
ﺟﺎﻧﺖ ﺍﻟﻐﻴﺮﻩ ﻭﺍﺿﺤﻪ ﻋﻠﻴﻬﺎ
ﻭﻫﺎﻱ ﻋﻼﻣﻪ ﺯﻳﻨﻪ ﻣﻌﻨﺎﻫﺎ ﻋﻨﺪﻫﺎ ﻣﺸﺎﻋﺮ ﺍﺗﺠﺎﻫﻲ
ﺑﺲ ﻣﺴﺘﺤﻴﻞ ﺑﺴﻬﻮﻟﻪ ﺗﻌﺘﺮﻑ
ﺣﺴﻴﺘﻬﺎ ﺿﺎﺟﺖ ﺗﺮﻛﺘﻬﺎ
ﻃﺒﻌﺎ ﺟﺬﺑﺖ ﻉ ﺯﻳﻨﺐ ﻣﻦ ﻛﺘﻠﻬﺎ ﺍﺭﻳﺪ ﺭﻳﻮﻙ
ﻧﺰﻟﺖ ﺑﺎﻟﺠﺬﺏ ﺷﻮﻳﻪ ﻭﺻﻌﺪﺕ
ﻫﻮ ﺍﺻﻼ ﺍﻟﺮﻳﻮﻙ ﺟﺎﻫﺰ
ﺑﻮﺳﻪ ﻣﻦ ﺯﻳﻨﺐ ﺍﺣﺴﻬﺎ ﻣﺜﻞ ﺍﻻﻭﻛﺴﺠﻴﻦ ﺗﺮﺟﻌﻠﻲ ﺍﻟﺤﻴﺎﺓ ﻣﻦ ﺟﺪﻳﺪ
ﺑﻌﺪﻳﻦ ﺻﺪﻙ ﺟﻌﺖ ﻭﻧﺰﻟﺖ ﺟﺒﺖ ﺭﻳﻮﻙ
ﻟﻜﻴﺘﻬﺎ ﻧﺎﻳﻤﻪ ﺍﺗﺮﻳﻜﺖ ﺑﻮﺣﺪﻱ ﺑﻌﺪﻫﺎ ﺣﻀﻨﺘﻬﺎ ﻭﻧﻤﺖ
ﺭﺟﻌﻨﻪ ﻟﻠﺒﻴﺖ
ﻟﻜﻴﺖ ﻣﺮﻭﻩ ﻧﺎﻳﻤﻪ ﻣﺒﻴﻨﻪ ﺗﻌﺒﺎﻧﻪ ﺣﻴﻞ
ﺳﻠﻤﺖ ﻋﻠﻴﻬﺎ ﻭﺳﺎﻟﺘﻬﺎ ﻋﻦ ﺻﺤﺘﻬﺎ
ﻛﺎﻟﺖ ﺯﻳﻨﻪ
ﺳﺎﻟﺘﻨﻲ ﻉ ﺍﻟﺮﻭﺣﻪ ﻛﺘﻠﻬﺎ ﺣﻠﻮﻩ ﻭﺍﺗﻮﻧﺴﻨﻪ
ﻛﺎﻟﺖ ﺍﺫﺍ ﺻﺮﺕ ﺯﻳﻨﻪ ﺍﺧﺬﻧﻲ ﻟﻠﻨﺠﻒ
بيج قصص عراقيه حقيقيه من واقعنا.روعه الطائي
ﺍﻥ ﺷﺎﺀ ﺍﻟﻠﻪ
ﺍﺫﻥ ﺻﻠﻴﻨﻪ ﻭﺭﺣﻨﻪ ﻳﻢ ﺍﻫﻠﻲ ﻟﻜﻴﻨﻪ ﺯﻫﺮﺍﺀ ﻣﺠﻬﺰﻩ ﺍﻻﻛﻞ
ﺍﺗﻌﺸﻴﻨﺎ ﻭﺧﻠﺼﻨﻪ
ﺑﻘﻴﺖ ﻳﻢ ﺍﻫﻠﻲ ﻓﺘﺮﻩ ﻭﺭﺣﺖ
ﻟﻜﻴﺖ ﻣﺮﻭﻩ ﻣﺒﺪﻟﻪ ﻭﻣﺘﻤﻜﻴﺠﻪ
ﺑﻘﻴﺖ ﺻﺎﻓﻦ ﻋﻠﻴﻬﺎ
ﺍﻛﻮﻝ ﻫﻢ ﻳﺠﻲ ﻳﻮﻡ ﻭﺍﻟﻜﻲ ﺯﻧﻮﺑﻪ ﻫﻴﺞ ﻣﻨﺘﻈﺮﺗﻨﻲ
ﻣﺴﺘﻌﺪ ﺍﺩﻓﻊ ﻋﻤﺮﻱ ﻛﻠﻪ ﺑﺲ ﻛﻮﻥ ﻳﺠﻲ ﻫﺬﺍ ﺍﻟﻴﻮﻡ
ﻭﺍﻟﻠﻪ ﺍﺫﺍ ﻛﻠﻮﻟﻲ ﺭﺍﺡ ﻳﺠﻲ ﻫﺬﺍ ﺍﻟﻴﻮﻡ
ﺑﺲ ﺛﺎﻧﻲ ﻳﻮﻡ ﺗﺪﻓﻊ ﺍﻟﺜﻤﻦ ﺣﻴﺎﺗﻚ
ﻭﺍﻟﻠﻪ ﺍﻭﺍﻓﻖ
ﻧﻤﻨﻪ ﺳﻮﻳﻪ ﻭﺑﻌﺪﻫﺎ ﺳﺒﺤﺖ
ﺍﺣﺲ ﺑﺘﺎﻧﻴﺐ ﺍﻟﻀﻤﻴﺮ
ﻋﺒﺎﻟﻚ ﺧﺎﻳﻨﻬﺎ ﻟﺰﻳﻨﺐ
ﻛﻮﻩ ﺍﺗﻘﺮﺏ ﻟﻤﺮﻭﻩ
ﺑﺲ ﻣﺎﺍﻛﺪﺭ ﺍﺿﻠﻤﻬﺎ ﻭﻳﺎﻧﻪ
ﻳﻤﻜﻦ ﻣﺮﻭﻩ ﺣﺴﺖ ﺑﻴﻪ
ﻣﺮﻭﻩ ﻧﺎﻣﺖ ﺣﺎﻭﻟﺖ ﺍﻧﺎﻡ ﻣﺎﺍﻛﺪﺭ
ﺍﻟﺘﻔﻜﻴﺮ ﻣﻮﺗﻨﻲ
ﺭﺍﺳﻠﺘﻬﺎ ﻭﺟﺎﻧﺖ ﻛﺎﻋﺪﻩ ﺻﻌﺪﺕ
ﻣﻮﺗﺘﻨﻲ ﻣﻦ ﺗﺮﻓﻀﻨﻲ
ﺍﻧﻲ ﺍﺣﺐ ﻗﺮﺑﻬﺎ ﺣﺘﻰ ﺍﺭﻳﺪﻫﺎ ﺗﺤﺒﻨﻲ ﻭﺗﺘﻘﺒﻠﻨﻲ
ﺿﻮﺟﺘﻨﻲ ﻭﺿﺠﺖ ﻣﻦ ﻧﻔﺴﻲ
ﻋﻔﺘﻬﺎ ﻭﻧﺰﻟﺖ
ﺛﺎﻧﻲ ﻳﻮﻡ ﺩﺍﻭﻣﺖ ﻭﺧﺒﺮﻭﻧﻲ ﻉ ﺍﻟﺪﻭﺭﻩ
ﻭﺟﺎﻧﺖ ﻣﺪﺓ ﺷﻬﺮ ﻭﺑﺘﺮﻛﻴﺎ
ﻟﻌﺪ ﻣﻮ ﻛﻠﻮﻧﻪ ﺷﻬﺮﻳﻦ ﻭﺑﺪﺑﻲ
ﻻ ﻣﺘﻮﻫﻤﻴﻦ
ﺍﻧﻲ ﻭ 3 ﺿﺒﺎﻁ ﻭﻳﺎﻱ
ﻭﺍﻛﻮ ﺑﻌﺪ ﺿﺒﺎﻁ ﻣﻦ ﻣﺨﺘﻠﻒ ﺍﻻﻗﺴﺎﻡ ﻭﻣﻦ ﻛﻞ ﺍﻟﻤﺤﺎﻓﻈﺎﺕ
ﻛﻠﻮﻧﻪ ﺗﺮﺣﻮﻥ ﻟﺒﻐﺪﺍﺩ ﻻﺯﻡ ﻧﻜﻤﻞ ﺑﻌﺾ ﺍﻻﺟﺮﺍﺀﺍﺕ
ﻣﺎﺧﺒﺮﺕ ﺍﺣﺪ
ﺑﺲ ﺯﻳﻨﺐ ﺗﺪﺭﻱ ﺑﻴﻪ
ﺑﻘﻴﺖ 3 ﺍﻳﺎﻡ ﺍﺑﻴﺘﻲ ﺍﺑﺪ ﻣﺎﺍﺭﻭﺡ
ﺍﺗﻤﻨﻴﺘﻬﺎ ﺗﺮﺍﺳﻠﻨﻲ ﺑﺲ ﻭﻻ ﻛﺎﻧﻮ
ﺻﻌﺪﺕ ﺑﺪﻭﻥ ﺍﺫﻥ ﻣﻨﻬﺎ
ﻭﺟﻨﺖ ﻣﻘﺮﺭ ﺍﻗﻨﻌﻬﺎ ﺗﺘﻘﺒﻠﻨﻲ
ﻭﺻﻠﺖ ﻭﻳﺎﻳﻪ ﺣﺪﻫﺎ
ﺍﺭﻳﺪ ﻗﺒﻞ ﻻ ﺍﺳﺎﻓﺮ ﻛﻮﻥ ﻣﺴﺎﻣﺤﺘﻨﻲ
ﺩﺧﻠﺖ ﻭﺟﺎﻥ ﺍﺷﻮﻓﻬﺎ ﻣﺜﻞ ﺍﻟﻤﻼﻙ
ﻧﻘﻄﺔ ﺿﻌﻔﻲ ﺯﻧﻮﺑﻪ ﻣﻦ ﺍﺷﻮﻓﻬﺎ ﻻﺑﺴﻪ ﺍﺣﻤﺮ
ﺑﺲ ﻫﻲ ﻗﺎﻓﻠﻪ ﻋﻠﻴﻪ ﻗﻔﻠﻪ ﻣﻦ ﻫﺎﻱ ﺍﻟﺰﻳﻨﻪ
ﻣﻨﻄﺘﻨﻲ ﻣﺠﺎﻝ ﺍﺑﺪ
ﺑﻌﺪﻳﻦ ﻣﻦ ﻛﺘﻠﻬﺎ ﺍﺭﻳﺪ ﺣﻘﻲ ﺍﻟﺸﺮﻋﻲ ﻭﺍﺫﺍ ﺭﻓﻀﺘﻲ ﺭﺍﺡ ﺍﻏﻀﺐ ﻋﻠﻴﺞ
ﺍﻟﺼﺮﺍﺣﻪ ﻣﺴﺘﺤﻴﻞ ﺍﻏﻀﺐ ﺍﺑﺪ
ﻻﻥ ﻣﻦ ﺣﻘﻬﺎ ﻣﺘﺴﺎﻣﺤﻨﻲ
ﺑﻌﺪﻳﻦ ﺷﺮﻃﺖ ﻋﻠﻴﻪ ﺷﺮﻃﻴﻦ
بيج قصص عراقيه حقيقيه من واقعنا.روعه الطائي
ﺣﺴﻴﺘﻬﺎ ﺫﺑﺤﺘﻨﻲ ﻣﻦ ﺍﻟﻮﺭﻳﺪ ﻟﻠﻮﺭﻳﺪ
ﻳﻌﻨﻲ ﺷﻠﻮﻥ ﺍﻗﺒﻞ ﺑﻴﻬﻦ
ﻋﻔﺘﻬﺎ ﻭﻧﺰﻟﺖ ﻻﻥ ﺣﻴﻞ ﺿﺠﺖ
ﺍﻛﺒﺮ ﺍﻫﺎﻧﻪ ﺍﻟﻲ ﻣﻦ ﺗﻜﻠﻲ ﺟﺴﺪ ﺑﻼ ﺭﻭﺡ ﻭﻣﺎﺍﺭﻳﺪ ﻃﻔﻞ
ﻣﻌﻨﺎﻫﺎ ﺭﺍﻓﻀﺘﻨﻲ
ﺣﺴﻴﺖ ﺫﻟﻴﺖ ﻧﻔﺴﻲ ﺍﻛﺜﺮ ﻣﻦ ﺍﻟﻼﺯﻡ
ﺑﺲ ﻟﻬﻨﺎ ﻭﻛﺎﻓﻲ
ﺍﻧﻲ ﺍﻟﻲ ﺑﻌﺪ ﻣﺎﺍﺭﻳﺪ ﺍﺗﻘﺮﺑﻠﻬﺎ ﺍﺑﺪ
ﺛﺎﻧﻲ ﻳﻮﻡ ﺻﺎﺩﻑ ﺧﻤﻴﺲ
ﻣﺮﻭﻩ ﻛﻠﺘﻠﻲ ﻋﺪﻫﺎ ﻣﻮﻋﺪ ﻳﻢ ﺍﻟﺪﻛﺘﻮﺭﻩ
ﻭﻉ ﺍﺳﺎﺱ ﺍﺭﻭﺡ ﻭﻳﺎﻫﺎ
ﺑﺲ ﻣﻦ ﺩﺍﻭﻣﺖ ﻛﺎﻟﻮ ﺭﻭﺣﻮﺍ ﻟﺒﻐﺪﺍﺩ ﺍﻟﻴﻮﻡ ﺭﺍﻳﺪﻳﻨﻜﻢ
ﺭﺣﻨﻪ ﺍﻧﻲ ﻭﺍﻟﻀﺒﺎﻁ
ﺧﺒﺮﺕ ﺍﻣﻲ ﻭﺍﺑﻮﻳﻪ
ﺭﺟﻌﺖ ﻟﻠﺒﻴﺖ ﺑﺪﻟﺖ ﻭﺍﺧﺬﺕ ﺍﻟﺠﻮﺍﺯ
ﺧﺒﺮﺗﻬﺎ ﺭﺍﺡ ﺍﺭﻭﺡ ﻟﺒﻐﺪﺍﺩ ﻋﻨﺪﻱ ﺷﻐﻞ ﻭﺍﺣﺘﻤﺎﻝ ﻧﺒﺎﺕ ﻫﻨﺎﻙ
ﻛﺎﻟﺖ ﺧﻠﻴﻬﺎ ﻣﺎﺍﺭﻭﺡ ﻟﻠﺪﻛﺘﻮﺭﻩ ﻉ ﺑﺎﺟﺮ
ﺧﺒﺮﺗﻬﺎ ﺗﺮﻭﺡ ﻫﻲ ﻭﺯﻳﻨﺐ
ﺭﺍﺡ ﺍﺣﺎﻭﻝ ﺍﻗﺮﺑﻬﻦ ﺳﻮﻳﻪ ﺑﻠﻜﻲ ﻳﺘﻮﺍﻟﻤﻦ
ﺑﻠﻜﻲ ﺗﻘﻮﻩ ﻋﻼﻗﺘﻬﻦ ﺳﻮﻳﻪ
ﺍﺗﻌﻤﺪﺕ ﻣﺎﺍﺧﺒﺮﻫﺎ ﻟﺰﻳﻨﺐ
ﺭﺣﻨﻪ ﻟﺒﻐﺪﺍﺩ
ﻗﺪﻣﻨﻪ ﺗﻌﻬﺪﺍﺕ ﻭﻣﻠﻴﻨﻪ ﺍﺳﺘﻤﺎﺭﻩ ﺳﻠﻤﻨﻪ ﺍﻟﺠﻮﺍﺯﺍﺕ ﻭﺍﺧﺬﻭﺍ ﺍﺭﻗﺎﻣﻨﻪ ﻛﻠﻮﻟﻨﻪ ﺍﺣﻨﻪ ﻧﺨﺒﺮﻛﻢ ﺑﻤﻮﻋﺪ ﺍﻟﻄﺎﺋﺮﻩ
ﻛﻤﻠﻨﻪ ﻛﻞ ﺍﻻﺟﺮﺍﺋﺎﺕ
ﺭﺍﺳﻠﺘﻨﻲ ﺯﻳﻨﺐ ﺍﻧﻲ ﻣﺘﺎﻛﺪ ﺿﺎﻳﺠﻪ ﻻﻥ ﻣﺨﺒﺮﺗﻬﺎ
ﻛﻠﺘﻠﻲ ﺣﺒﻴﺖ ﺍﺗﺎﻛﺪ ﻣﻨﻚ ﺍﺭﻭﺡ ﻭﻱ ﻣﺮﻭﻩ
ﻛﺘﻠﻬﺎ ﺍﻱ ﺍﻧﻲ ﻛﺘﻠﻬﺎ
ﺍﺧﺬﻳﻬﺎ ﻭﺭﻭﺣﻲ
ﻛﻠﺘﻠﻬﺎ ﺭﺍﺡ ﺍﻏﻠﻘﻪ ﺟﻬﺎﺯﻱ ﺗﻌﻤﺪﺕ ﻫﻴﺞ ﺍﺣﺠﻲ
ﺑﻌﺪﻫﺎ ﺭﺣﻨﻪ ﻟﻠﻜﺎﻇﻢ ﻋﻠﻴﻪ ﺍﻟﺴﻼﻡ
ﻣﻦ ﺯﻣﺎﻥ ﻣﺰﺍﻳﺮ
ﺍﻧﻲ ﺳﺎﻣﻊ ﻋﻨﻪ ﻳﺴﻤﻮﻧﻪ ﺍﺑﻮ ﻃﻠﺒﻪ ﻳﻌﻨﻲ ﺍﻟﻚ ﻃﻠﺒﻪ ﻭﺣﺪﻩ ﺗﻄﻠﺒﻬﺎ ﻣﻨﻬﺎ
ﺳﺎﻣﻊ ﺑﺲ ﻣﻤﺠﺮﺏ ﻫﺬﺍ ﺍﻟﺸﻲ
ﺍﻭﻝ ﻣﺎﺩﺧﻠﺖ ﻃﻠﺒﺖ ﻃﻠﺒﺘﻲ ﺍﻟﻮﺣﻴﺪﻩ
ﺍﺭﻳﺪ ﺯﻳﻨﺐ ﺗﺤﺒﻨﻲ ﻭﻫﻲ ﺍﻟﻲ ﺗﺘﻤﻨﻰ ﻗﺮﺑﻲ
ﺍﻧﻲ ﻣﺘﺎﻛﺪﻩ ﻣﻌﺠﺰﻩ ﻫﺎﻱ
ﺑﺲ ﻃﻠﺒﺘﻬﺎ ﻣﻦ ﺍﺑﻮ ﺍﻟﺠﻮﺍﺩﻳﻦ
ﻛﻤﻠﻨﻪ ﺍﻟﺰﻳﺎﺭﻩ
ﺍﻧﻘﺴﻤﻨﻪ ﻧﺼﻴﻦ
ﻗﺴﻢ ﺭﺍﺩﻭﺍ ﻳﺮﺟﻌﻮﻥ ﻭﻗﺴﻢ ﻻ ﻛﺎﻟﻮ ﺧﻞ ﺗﻮﻧﺲ ﺍﻟﻴﻮﻡ
ﺍﺧﺮ ﺷﻲ ﻗﺮﺭﻧﻪ ﻧﺒﺎﺕ
ﺍﺟﺮﻧﻪ ﺑﺎﻟﻔﻨﺪﻕ ﺍﺷﺘﺮﻳﻨﻪ ﻣﻼﺑﺲ
ﺳﺒﺤﻨﻪ ﻭﺍﺭﺗﺎﺣﻴﻨﻪ
ﺍﺫﻥ ﺻﻠﻴﻨﻪ ﻭﺑﻌﺪﻫﺎ ﺑﺪﻟﻨﻪ
ﺭﺣﻨﻪ ﻟﻠﺠﺎﺩﺭﻳﻪ ﺩﺧﻠﻨﻪ ﺑﻤﻄﻌﻢ ﺍﺳﻤﻪ ﺳﻜﻮﺯﻱ ﺍﺗﻌﺸﻴﻨﺎ ﻭﻛﻤﻠﻨﻪ
بيج قصص عراقيه حقيقيه من واقعنا.روعه الطائي
ﺭﺣﻨﻪ ﻓﺮﻳﻨﻪ ﺷﻮﻳﻪ
ﻛﺎﻟﻮ ﺍﻟﻴﻮﻡ ﻫﻢ ﻧﺴﻬﺮ ﻭﺭﺍﺡ ﺗﻜﻮﻥ ﺳﻬﺮﺗﻨﻪ ﻣﻤﻴﺰﻩ
ﺍﻛﻮ ﻭﻟﺪ ﺻﺪﻳﻖ ﻭﺍﺣﺪ ﻭﻳﺎﻧﻪ
ﺧﺎﺑﺮﻭﺍ ﻭﻃﻠﺒﻮﺍ ﻣﻨﻪ ﻳﺮﺗﺐ ﺳﻬﺮﻩ
ﺍﻧﻲ ﻛﺘﻠﻬﻢ ﻣﺎﺍﻛﺪﺭ ﺍﺭﻭﺡ ﻭﻳﺎﻛﻢ
ﻻﻥ ﺍﻟﺪﻛﺘﻮﺭ ﻣﻨﻌﻨﻲ ﻣﻦ ﺍﻟﺸﺮﺏ ﺣﻴﻞ ﻣﺘﺎﺫﻳﻪ ﻣﻌﺪﺗﻲ
ﺣﺎﻭﻟﻮ ﺑﻜﻞ ﺍﻟﻄﺮﻕ ﻭﻳﺎﻱ ﺑﺲ ﻓﺸﻠﻮ
ﺭﺍﺣﻮﺍ ﻭﺍﻧﻲ ﺑﻘﻴﺖ
ﺭﺣﺖ ﻟﻤﻮﻝ ﺍﻟﻤﻨﺼﻮﺭ
ﻛﻌﺪﺕ ﺷﻮﻳﻪ ﻭﺧﺎﺑﺮﺕ ﻣﺮﻭﻩ ﺳﺎﻟﺘﻬﺎ
ﻛﺎﻟﺖ ﻣﺎﻛﻮ ﺷﻲ
ﻣﻨﻮ ﺭﺍﺡ ﻭﻳﺎﺟﻦ ﺑﺲ ﺍﻧﺖ ﻭﺯﻳﻨﺐ
ﻛﺎﻟﺖ ﻻ ﺭﺍﺣﺖ ﻭﻳﺎﻧﻪ ﺯﻫﺮﺍﺀ
ﻻﻥ ﺍﺛﻨﻴﻨﻪ ﻣﻨﻨﺪﻝ
ﺷﻠﻮﻧﻬﺎ ﺻﺤﺔ ﺍﻟﻄﻔﻞ
ﺯﻳﻨﻪ ﻭﻣﺎﻋﻨﺪﻱ ﻣﺸﻜﻠﻪ
ﻳﻠﻪ ﻟﻌﺪ ﺩﻳﺮﻱ ﺑﺎﻟﺞ ﻉ ﻧﻔﺴﺞ
ﻉ ﺍﻋﺼﺎﺑﻲ ﻣﺮﺍﺡ ﺍﺧﺎﺑﺮ ﺯﻳﻨﺐ
ﺑﻠﻜﻲ ﺗﺤﺲ ﺑﻴﻪ ﺑﻠﻜﻲ ﺗﺤﻦ
ﺑﻘﻴﺖ ﺍﻓﺘﺮ ﺑﺎﻟﻤﻮﻝ
ﻋﺠﺒﻨﻲ ﻣﻼﺑﺲ ﻟﻨﻮﺭ ﻭﻧﻈﻮﺭﻱ ﻛﻠﺶ ﺣﻠﻮﺍﺕ ﺍﺷﺘﺮﻳﺘﻬﻦ ﺍﻟﻬﻢ
ﺑﻌﺪﻳﻦ ﺍﺗﺬﻛﺮﺕ ﺭﻫﻮﻓﻪ ﻋﻴﺐ ﻣﻦ ﺍﻣﻬﺎ ﻭﺍﺑﻮﻫﺎ
ﺍﺧﺬﺗﻠﻬﺎ ﻭﻳﺎﻫﻢ ﻭﺑﻌﺪﻳﻦ ﺍﺗﺬﻛﺮﺕ ﺭﺯﺍﻥ ﻫﺎﻱ ﺍﻣﻬﺎ ﺗﻠﻌﺐ ﺟﻮﻟﻪ ﺑﻴﻪ ﻭﺍﻟﻠﻪ ﻫﻢ ﺍﺧﺬﺗﻠﻬﺎ
ﺑﻘﻴﺖ ﺍﻓﺘﺮ
ﺩﺧﻠﺖ ﻟﻤﺤﻞ ﻋﺠﺒﻨﻲ ﻣﻼﺑﺲ ﻛﺒﻞ ﺣﻠﻮﺍﺕ
ﺍﺧﺬﺕ ﺍﻟﻲ ﻭﻟﺰﻳﻨﺐ ﻭﺟﺎﻥ ﻋﻨﺪﻱ ﺍﻣﻞ ﻧﻠﺒﺴﻬﻦ ﺳﻮﻳﻪ
ﺍﺧﺬﺗﻬﻦ ﻧﻔﺲ 👇
ﺑﻌﺪﻫﺎ ﺍﺧﺬﺕ ﻟﻤﺮﻭﻩ ﻓﺴﺘﺎﻥ ﺣﻮﺍﻣﻞ ﻋﺠﺒﻨﻲ
ﺟﺒﺖ ﻻﻣﻲ ﻓﺴﺘﺎﻥ ﻫﻤﻴﻦ ﻟﻠﺪﻭﺍﻡ
ﺭﺟﻌﺖ ﻟﻠﻔﻨﺪﻕ ﺗﻘﺮﻳﺒﺎ ﺏ 2 ﻭﻧﺺ
ﺍﺗﻮﺿﻴﺖ ﻭﻗﺮﻳﺖ ﻗﺮﺍﻥ
ﻛﻤﺖ ﻳﻮﻣﻴﻪ ﺍﻗﺮﻩ ﻗﺮﺍﻥ ﺍﺣﺲ ﺑﺮﺍﺣﻪ ﻧﻔﺴﻴﻪ
ﺍﺫﻥ ﺻﻠﻴﺖ ﻭﺭﺩﺕ ﺍﻧﺎﻡ
ﺍﺟﻮﻱ ﺟﻤﺎﻋﺘﻲ ﻭﺟﺎﻧﻮﺍ ﺷﺎﺭﺑﻴﻦ ﺑﺲ ﺧﻔﻴﻒ
ﻧﻤﻨﻪ ﻭﻛﻌﺪﻧﻪ ﺏ 1
ﺳﺒﺤﻨﻪ ﻭﺑﺪﻟﻨﻪ ﻭﻃﻠﻌﻨﻪ
ﺭﺣﻨﻪ ﻟﻤﻄﻌﻢ ﺭﻭﻳﺎﻝ ﻛﻠﻜﺴﻲ ﺍﺗﻐﺪﻳﻨﻪ
بيج قصص عراقيه حقيقيه من واقعنا.روعه الطائي
ﻛﻤﻠﻨﻪ ﻭﺭﺟﻌﻨﻪ
ﻛﻠﻮﻟﻲ ﻓﺎﺗﺘﻚ ﺍﻟﺴﻬﺮﻩ ﻭﺍﻟﻠﻪ
ﺍﻟﺒﻨﺎﺕ ﻳﻤﻮﺗﻦ
ﺍﻧﻲ ﻓﺎﺻﻞ ﻭﻻ ﻛﺎﻧﻮ ﻳﺤﺠﻮﻥ
ﺑﻌﺪ ﻣﺘﻬﻤﻨﻲ ﻫﺎﻱ ﺍﻟﺴﻮﺍﻟﻒ
ﻭﺻﻠﻨﻪ ﺗﻘﺮﻳﺒﺎ ﺏ 6
ﺩﺧﻠﺖ ﻳﻢ ﺍﻫﻠﻲ
ﺟﺎﻧﺖ ﺍﻣﻲ ﻭﺯﻳﻨﺐ ﻭﺍﻟﺠﻬﺎﻝ ﺑﺎﻟﺼﺎﻟﻪ
ﺍﺟﻮﻱ ﻋﻠﻴﻪ ﻳﺮﻛﻀﻮﻥ ﺑﻮﺳﺘﻬﻢ
ﻣﺸﺘﺎﻗﻴﻠﻚ ﺑﺎﺑﺎ
ﺍﻧﻲ ﻫﻤﻴﻦ ﺣﺒﺎﻳﺒﻲ
ﺑﺴﺖ ﺭﺍﺱ ﺍﻣﻲ
ﺯﻳﻨﺐ ﺍﺗﺠﺎﻫﻠﺘﻬﺎ ﻭﻻ ﻛﺎﻧﻮ ﺷﺎﻳﻔﻬﺎ
ﺩﺭﺕ ﻭﺟﻬﻲ ﻭﺭﺣﺖ ﻟﺒﻴﺘﻲ
ﻟﻜﻴﺖ ﻣﺮﻭﻩ ﺗﺨﺎﺑﺮ ﻳﻤﻜﻦ ﺑﺎﻣﻬﺎ
ﻣﻦ ﺷﺎﻓﺘﻨﻲ ﺩﺧﻠﺖ ﻃﺒﻜﺘﻪ ﻛﺎﻟﺘﻬﺎ ﺍﺟﻪ ﺣﻴﺪﺭ ﺑﻌﺪﻳﻦ ﺍﺧﺎﺑﺮ
ﺍﺟﺘﻲ ﺣﻀﻨﺘﻨﻲ ﻛﺎﻟﺖ ﻣﺸﺘﺎﻗﺘﻠﻚ
ﺳﺎﻟﺘﻬﺎ ﻉ ﺍﻟﻨﻮﻧﻮ
ﻛﺎﻟﺖ ﺯﻳﻦ
ﺍﻟﻌﻼﻛﻪ ﻧﺴﻴﺘﻬﺎ ﺑﺴﻴﺎﺭﺓ ﺻﺪﻳﻘﻲ
ﺧﺎﺑﺮﺗﻪ ﻛﺘﻠﻪ ﺑﺎﻟﻠﻴﻞ ﺍﻣﺮﻟﻚ ﻋﻠﻴﻬﺎ
ﺳﺒﺤﺖ ﻭﺍﺭﺗﺎﺣﻴﺖ ﺷﻮﻳﻪ ﻣﻦ ﺗﻌﺐ ﺍﻟﻄﺮﻳﻖ
ﺻﻠﻴﺖ ﻭﻃﻠﻌﺖ ﻛﻠﺖ ﻟﻤﺮﻭﻩ ﺧﺒﺮﻱ ﺍﻟﺒﻨﺎﺕ ﻟﻴﺴﻮﻥ ﻋﺸﻪ
ﺭﺍﺡ ﺍﺟﻴﺒﻠﻜﻢ ﻭﻳﺎﻱ
ﺭﺣﺖ ﻟﻠﻮﻟﺪ ﺟﺒﺖ ﺍﻟﻌﻼﻛﻪ ﻭﻣﺮﻳﺖ ﺟﺒﺖ ﻋﺸﻪ ﻛﺒﺎﺏ
ﺭﺟﻌﺖ ﺍﻟﻜﻞ ﻣﺘﺠﻤﻌﻴﻦ ﻉ ﺍﻟﻌﺸﻪ ﺣﺘﻰ ﺯﻳﻨﺐ
ﺑﺲ ﻣﺎﺍﻛﻠﺖ ﻫﻮﺍﻱ
ﻛﻤﻠﺖ ﻭﺭﺣﺖ ﺟﺒﺖ ﺍﻟﻌﻼﻛﻪ
ﺑﺲ ﻣﻼﺑﺲ ﺍﻟﺠﻬﺎﻝ ﻭﺍﻣﻲ
ﺍﻧﻄﻴﺘﻬﻦ ﻟﺰﻳﻨﺐ ﻛﺘﻠﻬﺎ ﺫﻧﻲ ﻟﻨﻮﺭ ﻭﻧﻈﻮﺭﻱ
ﻭﻫﺬﺍ ﺯﻫﺮﺍﺀ ﻟﺮﻫﻮﻓﻪ ﻭﻫﺬﺍ ﻳﻮﻡ ﺧﻠﻲ ﻳﻤﺞ ﻟﺮﺯﺍﻥ
ﺍﻣﻴﺮ ﻛﺎﻡ ﻳﺤﺠﻲ ﺷﻠﻮﻥ ﺭﺍﻳﻚ ﻛﻞ ﻣﺎﺗﺠﻴﺐ ﻟﺠﻬﺎﻟﻚ ﺗﺠﻴﺐ ﻟﺮﻫﻒ
ﻟﻚ ﻫﺎﻱ ﻣﻮ ﺣﺒﺎ ﺑﻴﻬﺎ ﺑﺲ ﻉ ﺣﺴﺎﺏ ﻧﻈﻮﺭﻱ
ﻻﻥ ﻳﺤﺒﻬﺎ ﻟﺒﻨﺖ ﻋﻤﻪ
ﺍﺣﺴﺒﻮﻫﻦ ﺟﻬﺎﺯﻫﺎ
ﺍﻟﻜﻞ ﻳﻀﺤﻚ
ﺍﻣﻴﺮ ﻛﺎﻝ ﺍﺫﺍ ﻳﻮﻡ ﺍﺟﺎﻙ ﺍﺑﻨﻚ ﻣﺪﻣﻰ ﻟﺘﺤﺠﻲ
ﻟﻚ ﻫﺬﺍ ﻛﺎﺭﺛﻪ ﻣﻦ ﻫﺴﻪ ﻣﺘﺮﺑﺺ ﻟﺒﻨﺘﻲ
ﻛﻞ ﻣﺎﻳﻠﻜﻴﻬﺎ ﺑﻮﺣﺪﻫﺎ ﺍﻟﻜﻲ ﻳﺒﻮﺱ ﺑﻴﻬﺎ
ﻳﺎﺑﻪ ﺍﻟﺰﻣﻮﺍ ﺑﻨﺘﻜﻢ ﻻﺯﻡ ﻣﻨﻄﻴﺘﻪ ﻣﺠﺎﻝ
ﺍﺑﻨﻲ ﻋﺎﻗﻞ ﺑﺲ ﺑﻨﺘﻜﻢ ﻣﺒﻴﻨﻪ ﺗﺨﻮﻑ
ﻛﺎﻡ ﻳﻀﺤﻚ ﺍﻣﻴﺮ ﺍﻱ ﻋﺎﻗﻞ ﻉ ﺍﺑﻮ
ﻣﺘﺰﻭﺝ 4 ﻏﻴﺮ ﺍﻟﻤﻨﺎ ﻭﻣﻨﺎ
ﺿﺠﺖ ﻣﻦ ﺣﺠﻲ ﺍﻣﻴﺮ ﺭﻏﻢ ﻣﺎﻫﺎﻱ ﺍﻟﺤﻘﻴﻘﻪ
ﻫﻮ ﺣﺲ ﺑﻴﻪ ﺳﻜﺖ
ﻭﺍﻧﻄﻴﺖ ﻻﻣﻲ ﻋﻼﻛﺘﻬﺎ
ﻛﻠﺖ ﻋﻴﺐ ﻣﻦ ﺯﻫﺮﺍﺀ ﻧﺴﻴﺖ ﺍﺟﻴﺐ ﺍﻟﻬﺎ ﺷﻲ
بيج قصص عراقيه حقيقيه من واقعنا.روعه الطائي
ﻣﺎﺍﻃﻠﻊ ﻣﺎﻟﺖ ﻣﺮﻭﻩ ﻭﺯﻳﻨﺐ ﻛﺪﺍﻣﻬﺎ
ﺭﺣﺖ ﻟﺒﻴﺘﻲ ﺟﻨﺖ ﺗﻌﺒﺎﻥ
ﺍﻧﻄﻴﺖ ﻣﺎﻟﺖ ﻣﺮﻭﻩ
ﻛﺎﻟﺖ ﺷﻨﻮ ﺗﺮﻳﺪ ﺗﺴﺎﻓﺮ
ﺍﻱ
ﻟﻌﺪ ﻟﻴﺶ ﺍﻧﻲ ﻣﺎﺍﺩﺭﻱ
ﻫﻮ ﻣﻨﻮ ﺍﻟﻴﺪﺭﻱ ﺍﺷﻮ ﺣﺘﻰ ﺍﻫﻠﻲ ﻣﺨﺒﺮﺗﻬﻢ ﺑﻌﺪﻧﻲ
ﺍﻱ ﺑﺲ ﺯﻳﻨﺐ ﺗﺪﺭﻱ
ﻻﻥ ﻣﻦ ﺟﻨﻪ ﺑﻜﺮﺑﻼﺀ ﺧﺎﺑﺮﻭﻧﻲ ﻛﺪﺍﻣﻬﻢ
ﻭﻣﺎﺟﻨﺖ ﻣﺘﺎﻛﺪ ﻣﻦ ﺍﻟﺨﺒﺮ
ﺍﻟﺒﺎﺭﺣﻪ ﻣﻦ ﺭﺣﺖ ﺍﺗﺎﻛﺪﻧﻪ
ﻳﻌﻨﻲ ﺷﻨﻮ ﺑﻐﺪﺍﺩ ﺷﺠﺎﺑﻬﺎ ﻟﺴﺎﻣﺮﺍﺀ
ﻣﻨﻮ ﻛﻠﺞ ﻟﺴﺎﻣﺮﺍﺀ
ﺯﻳﻨﺐ ﻛﺎﻟﺖ
ﻫﺎ ﺍﺗﺬﻛﺮﺕ ﻛﻤﺖ ﺍﺿﺤﻚ
ﺍﺷﻮ ﺗﻀﺤﻚ
ﻟﺞ ﺑﺎﺑﺎ ﺳﻔﺮﺗﻲ ﻟﺘﺮﻛﻴﺎ ﻃﻠﻌﺖ
ﺑﺲ ﻟﺘﺤﺠﻴﻦ ﻛﺪﺍﻣﻬﺎ
ﻟﻴﺶ ﻋﻮﺩ
ﺣﺴﺒﻪ ﺍﺑﺎﻟﻲ ﻋﻮﺩ ﺑﻌﺪﻳﻦ ﺍﻛﻮﻟﺞ ﻋﻠﻴﻬﺎ
ﺷﻮﻛﺖ ﺗﺮﺣﻮﻥ
ﻣﻤﻌﻠﻮﻣﻪ ﺑﺲ ﻫﻢ ﻳﺘﺼﻠﻮﻥ ﺑﻴﻪ
ﺍﺭﻭﺡ ﻳﻢ ﺍﻫﻠﻲ ﺍﺑﻘﻰ ﻫﻨﺎ
ﻻ ﻭﻳﻦ ﺗﺮﺣﻴﻦ ﺍﺑﻘﻲ ﻫﻨﺎ
ﻫﺴﺘﻮﺝ ﺍﺟﻴﺘﻲ
ﻟﻌﺪ ﺿﻮﺟﻪ ﻫﻨﺎ ﺑﺪﻭﻧﻚ
ﻻ ﻋﻠﻴﻤﻦ ﺿﻮﺟﻪ ﺍﻃﻠﻌﻲ ﺍﻧﺖ ﻭﺯﻳﻨﺐ ﻭﻳﻦ ﻣﺎﺗﺮﺩﻥ
ﺭﻭﺣﻲ ﻳﻢ ﺍﻫﻠﻬﺎ ﻳﻢ ﻓﺎﻃﻤﻪ
ﺭﻭﺣﻦ ﻟﻠﻤﻮﻻﺕ
ﺍﺧﺎﻑ ﻣﺘﻘﺒﻞ
ﻻ ﺍﻧﻲ ﺍﺣﺠﻲ ﻭﻳﺎﻫﺎ
ﺯﻳﻦ ﻟﻌﺪ ﻭﺣﺒﺎﺏ ﺍﺫﺍ ﺿﺠﺖ ﺍﺧﺎﺑﺮ ﺍﺧﻮﻱ ﻳﺠﻴﻨﻲ
ﺗﺮﺣﻴﻦ ﺍﺳﺒﻮﻉ ﻭﺗﺮﺟﻌﻴﻦ
ﺍﻟﻠﻪ ﻛﺮﻳﻢ
ﺑﻌﺪ ﻟﻠﺪﻭﺍﻡ ﺍﻳﺎﻡ ﻣﻌﺪﻭﺩﻩ
ﺍﻻﺣﺪ ﺑﻠﻜﻲ ﺍﺣﺎﻭﻝ ﺍﺟﻲ ﺍﺧﺬ ﺯﻳﻨﺐ ﻉ ﻣﻮﺩ ﻧﻈﻮﺭﻱ ﻧﺴﺠﻠﻪ ﻭﻧﻨﻘﻞ ﻧﻮﺭ
ﻧﻤﻨﻪ ﻭﺛﺎﻧﻲ ﻳﻮﻡ ﺍﻟﺴﺒﺖ ﺧﺒﺮﺕ ﺍﻣﻲ ﻭﺍﺑﻮﻳﻪ ﻭﺍﻣﻴﺮ
ﻃﻠﺒﺖ ﻣﻦ ﻣﺮﻭﻩ ﺗﺴﻮﻳﻠﻲ ﻛﻠﻴﺠﻪ ﺍﺧﺬﻫﺎ ﻭﻳﺎﻱ ﻛﻠﺖ ﺑﻌﻨﺎﺩ ﺯﻳﻨﺐ ﺑﻠﻜﻲ ﺗﺤﺲ ﺑﻐﻴﺮﻩ
ﺑﻌﺪﻳﻦ ﺍﺗﺬﻛﺮﺕ ﺣﺎﻣﻞ ﺧﺎﻑ ﻣﺎﺗﻜﺪﺭ
ﻛﺘﻠﻬﺎ ﻟﺘﺴﻮﻳﻦ ﺍﺧﺎﻑ ﻣﺘﻜﺪﺭﻳﻦ
ﻛﺎﻟﺖ ﻻ ﻋﺎﺩﻱ ﺭﺍﺡ ﺍﺳﻮﻳﻠﻚ ﻛﻤﻴﻪ ﺻﻐﻴﺮ
ﺑﺎﻟﻠﻴﻞ ﺩﺯﻳﺖ ﺭﺳﺎﻟﻪ ﻟﺰﻳﻨﺐ ﻛﺘﻠﻬﺎ ﺑﺎﺟﺮ ﺍﻣﺮﻟﻜﻢ ﺏ 9 ﻭﻧﺺ
ﺣﺘﻰ ﻧﺴﺠﻞ ﻧﻈﻮﺭﻱ
ﻫﻮ ﻋﻨﺪﻩ ﺻﻮﺭ
ﻛﺎﻟﺖ ﺍﻱ ﺍﻟﺒﺎﺭﺣﻪ ﺍﺧﺬﻩ ﺟﺪﻩ
ﺯﻳﻦ ﻟﻌﺪ
ﺑﻌﺪ ﻣﻜﺘﺒﺖ ﺷﻲ
ﺧﺒﺮﻭﻧﻲ ﻣﻮﻋﺪ ﺍﻟﺴﻔﺮ ﺍﻻﺛﻨﻴﻦ
ﺛﺎﻧﻲ ﻳﻮﻡ ﺭﺟﻌﺖ ﻣﻦ ﺍﻟﺪﻭﺍﻡ ﻭﺟﺎﻧﺖ ﺟﺎﻫﺰﻩ ﻫﻲ ﻭﺍﻟﺠﻬﺎﻝ
بيج قصص عراقيه حقيقيه من واقعنا.روعه الطائي
ﺍﺑﺪ ﻣﺤﺠﻴﺖ ﻭﻳﺎﻫﺎ
ﻃﺒﻌﺎ ﻉ ﺍﻋﺼﺎﺑﻲ ﻫﻴﺞ ﺍﺗﺼﺮﻑ
ﺑﺲ ﻫﻲ ﻫﻢ ﺍﺫﺗﻨﻲ ﻫﻮﺍﻱ ﺑﺮﻓﻀﻬﺎ
ﻛﻤﻠﻨﻪ ﺏ 12 ﺣﺘﻰ ﺍﺗﻔﻘﻨﻪ ﻉ ﺍﻟﺨﻂ
ﺑﻌﺪ ﻳﻮﻣﻴﻦ ﺗﻘﺮﻳﺒﺎ ﻟﻠﺪﻭﺍﻡ
ﻛﺘﻠﻬﺎ ﺑﺎﺟﺮ ﺍﻧﻲ ﺭﺍﺡ ﺍﺳﺎﻓﺮ
ﺍﻟﺞ ﻣﻄﻠﻖ ﺍﻟﺤﺮﻳﻪ ﻭﻳﻦ ﻣﺘﺮﺣﻴﻦ ﺭﻭﺣﻲ ﺑﺲ ﻗﺒﻞ ﺍﺫﺍﻥ ﺍﻟﻤﻐﺮﺏ
ﻭﺍﺫﺍ ﺑﻌﺪ ﺍﻻﺫﺍﻥ ﻟﻮ ﺍﻣﻲ ﻭﻳﺎﺝ ﻟﻮ ﺍﻣﻴﺮ ﻟﻮ ﺍﺑﻮﻳﻪ
ﻭﻣﺮﻭﻩ ﻭﻳﻦ ﻣﺘﺮﻳﺪ ﻃﻠﻌﻴﻬﺎ ﻻﻥ ﺧﻄﻴﻪ ﺍﻫﻠﻬﺎ ﺑﻌﻴﺪﻳﻦ ﻋﻨﻬﺎ
ﺍﺗﻌﻤﺪﺕ ﻫﻴﺞ ﺍﺣﺠﻲ
ﻛﻠﺘﻠﻲ ﻟﻌﺪ ﻟﻴﺶ ﻣﺨﺒﺮﺗﻨﻲ ﺣﺘﻰ ﺍﺳﻮﻳﻠﻚ ﻛﻠﻴﺠﻪ
ﻣﺎﻛﻮ ﺩﺍﻋﻲ ﻣﺮﻭﻩ ﺳﻮﺗﻠﻲ
ﺳﻜﺘﺖ ﺑﺲ ﺣﺴﻴﺖ ﺍﻟﻐﻴﺮﻩ ﺻﻌﺪﺕ ﻓﻮﻝ ﻋﺪﻫﺎ
ﺯﻳﻨﺐ : ﺍﻧﺼﺪﻣﺖ ﻣﻦ ﻛﺎﻟﺖ ﺯﻫﺮﺍﺀ ﺗﻜﻮﻝ ﺍﻟﺪﻛﺘﻮﺭﻩ ﻫﺎﻱ ﺗﺮﻳﺪ ﺗﺴﻘﻄﻪ ﻟﻠﻄﻔﻞ
ﺑﻘﻴﻨﻪ ﺻﺎﻓﻨﻴﻦ ﻣﻌﻘﻮﻟﻪ ﻟﻴﺶ ﻭﺷﻨﻮ ﺍﻟﺴﺒﺐ
ﻛﺘﻠﻬﺎ ﺍﺧﺎﻑ ﻣﺘﻮﻫﻤﻪ
ﻻﻭﺍﻟﻠﻪ ﺍﻟﺪﻛﺘﻮﺭﻩ ﻋﺮﻑ ﻭﺧﺒﺮﺗﻨﻲ
ﻭﻃﺮﺩﺗﻬﺎ ﺍﻟﺪﻛﺘﻮﺭﻩ ﻛﺎﻟﺖ ﻣﺎﺍﺳﻘﻂ ﺭﻭﺣﻲ ﺷﻮﻓﻲ ﺩﻛﺘﻮﺭﻩ ﺛﺎﻧﻴﻪ
ﺍﺟﺘﻲ ﺟﺎﻳﺒﻪ ﺍﻟﻌﻼﺝ ﻭﺩﺧﻠﺖ ﻟﻠﺪﻛﺘﻮﺭﻩ
ﻛﻠﺖ ﻟﺰﻫﺮﺍﺀ ﺷﻠﻮﻥ ﻧﺴﺎﻟﻬﺎ ﻟﻮ ﻻ
ﻛﺎﻟﺖ ﻭﺍﻟﻠﻪ ﻣﺎﺍﺩﺭﻱ ﺧﻞ ﻧﺮﺟﻊ ﻭﻧﺸﻮﻑ
ﺭﺟﻌﻨﻪ ﻭﺟﺎﻧﺖ ﻃﺒﻴﻌﻴﻪ
ﺑﺎﻟﻠﻴﻞ ﺍﺟﺘﻲ ﻳﻤﻨﻪ ﻭﻛﺎﻟﺖ ﺍﻧﻲ ﺍﺳﻮﻭﻱ ﻋﺸﻪ
ﻃﺒﺨﻬﺎ ﻃﻴﺐ
ﺍﺗﻌﺸﻴﻨﻪ ﻭﺧﻠﺼﻨﻪ
ﺍﻧﻲ ﻏﺴﻠﺖ ﺍﻟﻤﻮﺍﻋﻴﻦ
ﺑﻘﻴﻨﻪ ﻛﺎﻋﺪﻳﻦ ﺍﻧﻲ ﻭﻫﻲ ﻭﺯﻫﺮﺍﺀ
ﺑﻌﺪﻳﻦ ﺯﻫﺮﺍﺀ ﺭﺍﺣﺖ ﻟﻐﺮﻓﺘﻬﺎ ﺑﻨﺘﻬﺎ ﻧﻌﺴﺖ
ﻧﻮﺭ ﻭﻧﻈﻮﺭﻱ ﻫﻢ ﻛﺎﻟﻮ ﺧﻞ ﻧﺼﻌﺪ
ﻛﺎﻟﺖ ﺗﺴﻤﺤﻴﻠﻲ ﺍﺻﻌﺪ ﻳﻤﺞ
ﺍﻱ ﻋﺎﺩﻱ ﺗﻌﺎﻟﻲ ﺍﺻﻌﺪﻱ
ﺑﺲ ﺍﻟﺼﺮﺍﺣﻪ ﺣﻴﻞ ﺭﺍﺡ ﺍﺧﺠﻞ ﻣﻦ ﺍﻟﻐﺮﻓﻪ ﻻﻥ ﻣﻨﻈﺮﻫﺎ ﺭﻫﻴﺐ
ﺑﺲ ﻋﻴﺐ ﻣﻨﻬﺎ ﺍﻛﻠﻬﺎ ﻟﺘﺼﻌﺪﻳﻦ
ﺻﻌﺪﻧﻪ ﻭﺟﺎﻧﺖ ﻣﺼﺪﻭﻣﻪ ﻣﻦ ﺍﻟﻐﺮﻓﻪ
ﻛﺎﻟﺖ ﻫﺎﻱ ﺍﻛﻴﺪ ﺣﻴﺪﺭ ﻫﻴﺞ ﻣﺴﻮﻱ ﺑﻴﻬﺎ
ﺿﺤﻜﺖ ﻛﺘﻠﻬﺎ ﺳﻮﻟﻔﻠﺞ ﺍﻛﻴﺪ
ﻻﻭﺍﻟﻠﻪ ﺍﺑﺪ ﻣﺤﺎﺟﻲ ﺷﻲ ﻳﺨﺼﺞ
ﺑﺲ ﺍﻧﻲ ﻣﺘﻮﻗﻌﻪ ﻫﺬﺍ ﺍﻟﺸﻲ
ﺍﺩﺭﻱ ﺑﻲ ﺣﻴﻞ ﻋﺼﺒﻲ ﻣﺒﻴﻦ ﻋﻠﻲ
ﺍﻱ ﺻﺤﻴﺢ
ﻛﻌﺪﺕ ﺟﺒﺘﻠﻬﺎ ﻣﻦ ﺍﻟﺜﻼﺟﻪ ﻋﺼﻴﺮ ﺭﺍﻧﻲ ﻭﺣﻠﻮﻳﺎﺕ
ﻭﺧﻠﻴﺖ ﻛﺮﺯﺍﺕ
ﺑﺪﺕ ﺗﺎﻛﻞ
ﻛﺎﻟﺖ ﺍﻛﻠﺞ ﺍﻧﻲ ﻛﻠﻔﻮﻧﻲ ﻉ ﺷﻐﻠﻪ ﺗﺨﺼﺞ ﻭﺭﺩﺕ ﺍﻛﻞ ﻟﺤﻴﺪﺭ ﻭﺧﻔﺖ ﻣﻨﻪ
بيج قصص عراقيه حقيقيه من واقعنا.روعه الطائي
ﺍﺧﻮﻳﻪ ﻳﺮﻳﺪ ﻳﺨﻄﺐ ﻭﺣﺪﻩ ﻣﻦ ﺍﺧﻮﺍﺗﺞ
ﻻﻥ ﺍﻟﺼﺮﺍﺣﻪ ﻣﻦ ﺷﺎﻓﺞ ﻣﺮﺗﻴﻦ ﻳﻤﻜﻦ ﻭﺻﺪﻓﻪ
ﺣﻴﻞ ﻋﺠﺒﺘﻪ ﺍﺧﻼﻗﺞ
ﻛﻠﻲ ﺍﺫﺍ ﻋﺪﻫﺎ ﺍﺧﺖ ﺣﺎﺏ ﺍﺧﻄﺒﻬﺎ
ﻻﻥ ﺍﻛﻴﺪ ﺍﺧﺘﻬﺎ ﻧﻔﺲ ﺍﺧﻼﻗﻬﺎ
ﺍﻟﺼﺮﺍﺣﻪ ﻓﺎﺟﺄﺗﻨﻲ
ﻣﻌﺮﻓﺖ ﺷﺎﺟﺎﻭﺑﻬﺎ
ﻛﺎﻟﺖ ﺍﺧﻮﻳﻪ ﺧﺮﻳﺞ ﻛﻠﻴﺔ ﺍﺩﺍﺏ
ﻭﻋﻨﺪﻩ ﻣﺤﻞ ﻣﻼﺑﺲ
ﻳﻌﻨﻲ ﺍﻣﻮﺭﻩ ﺗﻮﺏ
ﻭﺍﻧﻲ ﺍﻟﺼﺮﺍﺣﻪ ﺷﻔﺖ ﺍﺧﺘﺞ ﺗﺒﺎﺭﻙ ﻭﻋﺠﺒﺘﻨﻲ ﺣﻴﻞ
ﺍﻟﻲ ﺍﺭﻳﺪﻩ ﻣﻨﺞ ﺗﺼﺎﺭﺣﻴﻦ ﺍﻫﻠﺞ ﻭﺷﻮﻓﻴﻬﻢ
ﺣﺘﻰ ﺍﺫﺍ ﻣﺎﻋﺪﻫﻢ ﻣﺎﻧﻊ ﻳﺠﻮﻥ ﺍﻫﻠﻲ
ﻭﺍﻟﻠﻪ ﺍﻟﺼﺮﺍﺣﻪ ﻣﺎﺍﻋﺘﻘﺪ ﻳﻘﺒﻠﻮﻥ ﺍﻟﻪ ﺗﻜﻤﻞ ﺩﺭﺍﺳﻪ
ﺭﻧﺎ ﻣﺎﻣﺎ ﻣﻘﺒﻠﺖ ﺍﺑﺪ ﺑﺲ ﺍﻧﺖ ﺗﻌﺮﻓﻴﻦ ﻻﻥ ﺳﺎﻓﺮﻭﺍ ﻭﺗﻜﻤﻞ ﺩﺭﺍﺳﺘﻬﺎ ﻫﻨﺎﻙ ﻭﺍﻓﻘﻮﺍ
ﻭﺍﻧﺖ ﺷﻌﺠﺐ ﻭﺍﻓﻘﻮﺍ ﻗﺒﻞ ﻟﺘﻜﻤﻠﻴﻦ
ﺍﻧﻲ ﺟﺎﻧﺖ ﻇﺮﻭﻓﻲ ﺗﺨﺘﻠﻒ
ﺣﺎﻟﺘﻨﻪ ﺍﻟﻤﺎﺩﻳﻪ ﺑﻮﻗﺘﻬﺎ ﺣﻴﻞ ﺗﻌﺒﺎﻧﻪ ﻻﻥ ﺑﺎﺑﺎ ﺩﺧﻞ ﺑﺼﻔﻘﻪ ﺟﺒﻴﺮﻩ ﻭﺧﺴﺮ
ﺑﻮﻗﺘﻬﺎ ﺑﻄﻠﺖ ﻣﺎﺍﻛﺪﺭ ﺍﺩﺍﻭﻡ
ﻭﺧﻄﺒﻮﻧﻲ ﻭﻭﺍﻓﻘﺖ
ﺑﺲ ﻫﺴﻪ ﺍﻟﻈﺮﻭﻑ ﺍﺧﺘﻠﻔﺖ
ﺷﻮﻓﻴﻬﻢ ﻭﺍﺧﺬﻱ ﺭﺍﻳﻴﻬﻢ
ﺯﻳﻦ ﺍﺧﻮﺝ ﻣﺴﺘﻌﺪ ﻳﺘﺎﻧﻴﻬﺎ ﻟﻤﻦ ﺗﻜﻤﻞ
ﻣﺎﺍﻋﺮﻑ ﺑﺎﻟﻀﺒﻂ
ﻟﻌﺪ ﺍﻧﺖ ﺷﻮﻓﻲ ﻭﺍﻧﻲ ﺍﺷﻮﻑ ﺍﻫﻠﻲ
ﺣﺎﺑﻪ ﺍﺳﺎﻟﺞ ﺳﺆﺍﻝ
ﺍﺳﺎﻟﻲ
ﺷﻌﺠﺐ ﻣﺎﺟﺒﺘﻲ ﺑﻨﺘﺞ ﻭﻳﺎﺝ ﺗﻌﻴﺶ
ﺍﻟﺼﺮﺍﺣﻪ ﺍﻫﻞ ﺯﻭﺟﻲ ﺍﻟﻠﻪ ﻳﺮﺣﻤﻪ ﺷﺎﺭﻃﻴﻦ ﻋﻠﻴﻪ ﺷﺮﻁ ﺍﺫﺍ ﺗﺰﻭﺟﺖ ﻳﺎﺧﺬﻭﻫﺎ
ﻟﻬﺬﺍ ﺍﻟﺴﺒﺐ ﺟﻨﺖ ﺭﺍﻓﻀﻪ ﻓﻜﺮﺓ ﺍﻟﺰﻭﺍﺝ
ﺧﻠﻴﺖ ﺑﻨﺘﻲ ﺗﺘﻌﻠﻖ ﺑﻤﺎﻣﺎ ﺍﻛﺜﺮ ﺷﻲ
ﺑﺲ ﻗﺒﻞ ﻓﺘﺮﻩ ﻣﻦ ﺍﺟﻪ ﺣﻴﺪﺭ ﺧﻄﺒﻨﻲ
ﺍﻫﻠﻲ ﺟﺎﻧﻮ ﻣﻮﺍﻓﻘﻴﻦ ﺑﺲ ﺍﻧﻲ ﺭﻓﻀﺖ ﺍﺋﻲ
ﺑﺲ ﻫﻤﻪ ﻗﻨﻌﻮﻧﻲ ﺑﻌﺪﻳﻦ ﻻﻥ ﻛﺎﻟﻮ ﺍﺣﻨﻪ ﻣﺪﺍﻳﻤﻴﻦ ﺍﻟﺞ
ﺍﻧﻲ ﻣﺎﺍﺣﺐ ﺍﺧﺮﺏ ﺑﻴﻮﺕ ﺍﻟﻨﺎﺱ
ﻃﻠﺒﺖ ﻣﻬﺮ ﻏﺎﻟﻲ ﻋﺒﺎﻟﻲ ﻳﺮﻓﺾ ﺑﺲ ﻫﻮ ﻓﺎﺟﺄﻧﻲ ﻣﻦ ﻗﺒﻞ
ﺍﺿﻄﺮﻳﺖ ﺍﻭﺍﻓﻖ
ﺑﻨﺘﻲ ﻋﻔﺘﻬﺎ ﻫﻨﺎﻙ ﻻﻥ ﺑﺲ ﺍﺟﻴﺒﻬﺎ ﻳﻤﻲ ﺍﻛﻴﺪ ﺗﺘﺮﺑﻰ ﺑﻴﻦ ﺍﻟﻐﺮﺑﻪ
ﺗﻌﺘﺒﺮ ﻣﺤﺮﻣﻪ ﻉ ﺣﻴﺪﺭ ﻭﻉ ﺍﻣﻴﺮ
ﻭﺍﺧﺎﻑ ﺗﻜﺒﺮ ﺑﻨﺺ ﻧﺎﺱ ﻏﺮﺑﻪ ﻣﺤﺒﻴﺖ ﺗﺨﺘﻠﻂ ﺑﻴﻬﻢ
ﺗﻔﻜﻴﺮﺝ ﺣﻠﻮ ﻓﻌﻼ ﻣﻮ ﺣﻠﻮﻩ ﺗﺘﺮﺑﻰ ﻋﻨﺪ ﺍﻟﻨﺎﺱ ﻏﺮﺑﻪ ﺣﺘﻠﻮ ﻛﺎﻧﻮ ﺣﺒﺎﺑﻴﻦ
ﻛﺎﻟﺖ ﻫﻨﺎﻙ ﻣﺪﻟﻠﻴﻬﺎ ﺍﻫﻠﻲ ﺩﻻﻝ
ﺧﻄﻴﻪ ﻫﻢ ﺗﺸﺘﺎﻗﻠﺞ
ﻻﻭﺍﻟﻠﻪ ﻭﻻ ﺑﺤﺎﻟﻲ ﺗﻜﻮﻝ ﻣﺎﻣﺎ ﻭﻻ ﺗﺬﻛﺮﺝ
بيج قصص عراقيه حقيقيه من واقعنا.روعه الطائي
ﺍﺧﻮﻳﻪ ﻳﺮﻳﺪ ﻳﺨﻄﺐ ﻭﺣﺪﻩ ﻣﻦ ﺍﺧﻮﺍﺗﺞ
ﻻﻥ ﺍﻟﺼﺮﺍﺣﻪ ﻣﻦ ﺷﺎﻓﺞ ﻣﺮﺗﻴﻦ ﻳﻤﻜﻦ ﻭﺻﺪﻓﻪ
ﺣﻴﻞ ﻋﺠﺒﺘﻪ ﺍﺧﻼﻗﺞ
ﻛﻠﻲ ﺍﺫﺍ ﻋﺪﻫﺎ ﺍﺧﺖ ﺣﺎﺏ ﺍﺧﻄﺒﻬﺎ
ﻻﻥ ﺍﻛﻴﺪ ﺍﺧﺘﻬﺎ ﻧﻔﺲ ﺍﺧﻼﻗﻬﺎ
ﺍﻟﺼﺮﺍﺣﻪ ﻓﺎﺟﺄﺗﻨﻲ
ﻣﻌﺮﻓﺖ ﺷﺎﺟﺎﻭﺑﻬﺎ
ﻛﺎﻟﺖ ﺍﺧﻮﻳﻪ ﺧﺮﻳﺞ ﻛﻠﻴﺔ ﺍﺩﺍﺏ
ﻭﻋﻨﺪﻩ ﻣﺤﻞ ﻣﻼﺑﺲ
ﻳﻌﻨﻲ ﺍﻣﻮﺭﻩ ﺗﻮﺏ
ﻭﺍﻧﻲ ﺍﻟﺼﺮﺍﺣﻪ ﺷﻔﺖ ﺍﺧﺘﺞ ﺗﺒﺎﺭﻙ ﻭﻋﺠﺒﺘﻨﻲ ﺣﻴﻞ
ﺍﻟﻲ ﺍﺭﻳﺪﻩ ﻣﻨﺞ ﺗﺼﺎﺭﺣﻴﻦ ﺍﻫﻠﺞ ﻭﺷﻮﻓﻴﻬﻢ
ﺣﺘﻰ ﺍﺫﺍ ﻣﺎﻋﺪﻫﻢ ﻣﺎﻧﻊ ﻳﺠﻮﻥ ﺍﻫﻠﻲ
ﻭﺍﻟﻠﻪ ﺍﻟﺼﺮﺍﺣﻪ ﻣﺎﺍﻋﺘﻘﺪ ﻳﻘﺒﻠﻮﻥ ﺍﻟﻪ ﺗﻜﻤﻞ ﺩﺭﺍﺳﻪ
ﺭﻧﺎ ﻣﺎﻣﺎ ﻣﻘﺒﻠﺖ ﺍﺑﺪ ﺑﺲ ﺍﻧﺖ ﺗﻌﺮﻓﻴﻦ ﻻﻥ ﺳﺎﻓﺮﻭﺍ ﻭﺗﻜﻤﻞ ﺩﺭﺍﺳﺘﻬﺎ ﻫﻨﺎﻙ ﻭﺍﻓﻘﻮﺍ
ﻭﺍﻧﺖ ﺷﻌﺠﺐ ﻭﺍﻓﻘﻮﺍ ﻗﺒﻞ ﻟﺘﻜﻤﻠﻴﻦ
ﺍﻧﻲ ﺟﺎﻧﺖ ﻇﺮﻭﻓﻲ ﺗﺨﺘﻠﻒ
ﺣﺎﻟﺘﻨﻪ ﺍﻟﻤﺎﺩﻳﻪ ﺑﻮﻗﺘﻬﺎ ﺣﻴﻞ ﺗﻌﺒﺎﻧﻪ ﻻﻥ ﺑﺎﺑﺎ ﺩﺧﻞ ﺑﺼﻔﻘﻪ ﺟﺒﻴﺮﻩ ﻭﺧﺴﺮ
ﺑﻮﻗﺘﻬﺎ ﺑﻄﻠﺖ ﻣﺎﺍﻛﺪﺭ ﺍﺩﺍﻭﻡ
ﻭﺧﻄﺒﻮﻧﻲ ﻭﻭﺍﻓﻘﺖ
ﺑﺲ ﻫﺴﻪ ﺍﻟﻈﺮﻭﻑ ﺍﺧﺘﻠﻔﺖ
ﺷﻮﻓﻴﻬﻢ ﻭﺍﺧﺬﻱ ﺭﺍﻳﻴﻬﻢ
ﺯﻳﻦ ﺍﺧﻮﺝ ﻣﺴﺘﻌﺪ ﻳﺘﺎﻧﻴﻬﺎ ﻟﻤﻦ ﺗﻜﻤﻞ
ﻣﺎﺍﻋﺮﻑ ﺑﺎﻟﻀﺒﻂ
ﻟﻌﺪ ﺍﻧﺖ ﺷﻮﻓﻲ ﻭﺍﻧﻲ ﺍﺷﻮﻑ ﺍﻫﻠﻲ
ﺣﺎﺑﻪ ﺍﺳﺎﻟﺞ ﺳﺆﺍﻝ
ﺍﺳﺎﻟﻲ
ﺷﻌﺠﺐ ﻣﺎﺟﺒﺘﻲ ﺑﻨﺘﺞ ﻭﻳﺎﺝ ﺗﻌﻴﺶ
ﺍﻟﺼﺮﺍﺣﻪ ﺍﻫﻞ ﺯﻭﺟﻲ ﺍﻟﻠﻪ ﻳﺮﺣﻤﻪ ﺷﺎﺭﻃﻴﻦ ﻋﻠﻴﻪ ﺷﺮﻁ ﺍﺫﺍ ﺗﺰﻭﺟﺖ ﻳﺎﺧﺬﻭﻫﺎ
ﻟﻬﺬﺍ ﺍﻟﺴﺒﺐ ﺟﻨﺖ ﺭﺍﻓﻀﻪ ﻓﻜﺮﺓ ﺍﻟﺰﻭﺍﺝ
ﺧﻠﻴﺖ ﺑﻨﺘﻲ ﺗﺘﻌﻠﻖ ﺑﻤﺎﻣﺎ ﺍﻛﺜﺮ ﺷﻲ
ﺑﺲ ﻗﺒﻞ ﻓﺘﺮﻩ ﻣﻦ ﺍﺟﻪ ﺣﻴﺪﺭ ﺧﻄﺒﻨﻲ
ﺍﻫﻠﻲ ﺟﺎﻧﻮ ﻣﻮﺍﻓﻘﻴﻦ ﺑﺲ ﺍﻧﻲ ﺭﻓﻀﺖ ﺍﺋﻲ
ﺑﺲ ﻫﻤﻪ ﻗﻨﻌﻮﻧﻲ ﺑﻌﺪﻳﻦ ﻻﻥ ﻛﺎﻟﻮ ﺍﺣﻨﻪ ﻣﺪﺍﻳﻤﻴﻦ ﺍﻟﺞ
ﺍﻧﻲ ﻣﺎﺍﺣﺐ ﺍﺧﺮﺏ ﺑﻴﻮﺕ ﺍﻟﻨﺎﺱ
ﻃﻠﺒﺖ ﻣﻬﺮ ﻏﺎﻟﻲ ﻋﺒﺎﻟﻲ ﻳﺮﻓﺾ ﺑﺲ ﻫﻮ ﻓﺎﺟﺄﻧﻲ ﻣﻦ ﻗﺒﻞ
ﺍﺿﻄﺮﻳﺖ ﺍﻭﺍﻓﻖ
ﺑﻨﺘﻲ ﻋﻔﺘﻬﺎ ﻫﻨﺎﻙ ﻻﻥ ﺑﺲ ﺍﺟﻴﺒﻬﺎ ﻳﻤﻲ ﺍﻛﻴﺪ ﺗﺘﺮﺑﻰ ﺑﻴﻦ ﺍﻟﻐﺮﺑﻪ
ﺗﻌﺘﺒﺮ ﻣﺤﺮﻣﻪ ﻉ ﺣﻴﺪﺭ ﻭﻉ ﺍﻣﻴﺮ
ﻭﺍﺧﺎﻑ ﺗﻜﺒﺮ ﺑﻨﺺ ﻧﺎﺱ ﻏﺮﺑﻪ ﻣﺤﺒﻴﺖ ﺗﺨﺘﻠﻂ ﺑﻴﻬﻢ
ﺗﻔﻜﻴﺮﺝ ﺣﻠﻮ ﻓﻌﻼ ﻣﻮ ﺣﻠﻮﻩ ﺗﺘﺮﺑﻰ ﻋﻨﺪ ﺍﻟﻨﺎﺱ ﻏﺮﺑﻪ ﺣﺘﻠﻮ ﻛﺎﻧﻮ ﺣﺒﺎﺑﻴﻦ
ﻛﺎﻟﺖ ﻫﻨﺎﻙ ﻣﺪﻟﻠﻴﻬﺎ ﺍﻫﻠﻲ ﺩﻻﻝ
ﺧﻄﻴﻪ ﻫﻢ ﺗﺸﺘﺎﻗﻠﺞ
ﻻﻭﺍﻟﻠﻪ ﻭﻻ ﺑﺤﺎﻟﻲ ﺗﻜﻮﻝ ﻣﺎﻣﺎ ﻭﻻ ﺗﺬﻛﺮﺝ
بيج قصص عراقيه حقيقيه من واقعنا.روعه الطائي
ﺍﻧﻲ ﺍﺣﺎﻭﻝ ﺍﺑﺘﻌﺪ ﻋﻨﻬﺎ ﺣﺘﻰ ﻣﺘﺘﻌﻠﻖ ﺑﻴﻪ
ﺑﺲ ﺗﺮﺩﻳﻦ ﺍﻟﺼﺪﻙ ﺑﺪﺍﺧﻠﻲ ﺍﺗﻜﻄﻊ ﺗﻜﻄﻊ
ﺣﻴﻞ ﺿﺠﺖ ﻋﻠﻴﻬﺎ
ﺗﺪﺭﻳﻦ ﺷﺎﻳﻠﻪ ﻫﻢ ﺍﺫﺍ ﺩﺭﻭﺍ ﺑﻴﻪ ﻣﺘﺰﻭﺟﻪ
ﺍﻛﻴﺪ ﺭﺍﺡ ﻳﺎﺧﺬﻭﻥ ﺑﻨﺘﻲ
ﺍﺗﺬﻛﺮﺕ ﻣﻦ ﺍﺧﺬ ﻧﻈﻮﺭﻱ ﻣﻨﻲ ﻭﻣﺘﺖ ﺑﺎﻟﺪﻗﻴﻘﻪ ﺍﻟﻮﺣﺪﻩ 100 ﻣﺮﻩ
ﺷﻌﺠﺐ ﻣﺨﻄﺒﻮﺝ ﻻﺣﺪ ﻣﻦ ﺍﺧﻮﺗﻪ ﻟﺰﻭﺟﺞ ﺍﻟﻠﻪ ﻳﺮﺣﻤﻪ
ﺧﻄﺒﻮﻧﻲ ﻟﻤﻦ ﻣﻠﻮﺍ ﺍﻧﻲ ﺭﻓﻀﺖ
ﺷﻌﺠﺐ
ﺧﻄﻴﻪ ﺯﻭﺟﺘﻪ ﻟﺤﻤﺎﻳﻪ ﺻﺪﻳﻘﺘﻲ ﻣﺤﺒﻴﺖ ﺗﺨﺮﺏ ﻋﻼﻗﺘﻨﻪ ﺍﻧﻲ ﻭﻳﺎﻫﺎ
ﻭﺍﻟﻨﺒﻲ ﺟﻨﺖ ﺍﺗﻤﻨﻰ ﻣﻴﻮﺍﻓﻖ ﺣﻴﺪﺭ ﻉ ﺍﻟﻐﺎﻳﺐ
ﻭﺟﻨﺖ ﺍﺗﻤﻨﻰ ﺍﻧﺖ ﻣﺘﺠﻴﻦ ﺣﺘﻰ ﺍﺭﻓﺾ
ﻻﻥ ﺟﺎﻥ ﺷﺮﻃﻲ ﺍﻟﻮﺣﻴﺪ ﺍﻧﺖ ﺗﺠﻴﻦ ﻭﺟﺎﻧﺖ ﻫﺎﻱ ﺣﺠﻪ ﺍﻟﻲ ﻟﺤﺘﻰ ﺍﺭﻓﺾ
ﺑﻘﻴﺖ ﺻﺎﻓﻨﻪ ﻉ ﺣﺠﻴﻬﺎ
ﻣﻤﻜﻦ ﺍﺳﺎﻟﺞ
ﺍﻱ ﺍﺳﺎﻟﻲ
ﻟﻴﺶ ﻫﻴﺞ ﻋﻼﻗﺘﺞ ﻭﻱ ﺣﻴﺪﺭ ﻭﻟﻴﺶ ﻭﺍﻓﻘﺘﻲ ﻳﺘﺰﻭﺝ
ﺷﻌﺠﺐ ﻣﺎﺳﺎﻟﺘﻲ ﻋﻠﻴﻪ ﺟﺎﻥ ﺟﺎﻭﺑﺞ
ﻛﻠﻤﺎ ﺍﺳﺎﻟﻪ ﻳﺴﻜﺘﻨﻲ ﻭﻳﻜﻠﻲ ﻟﺘﺠﻴﺒﻴﻦ ﻃﺎﺭﻱ ﻫﺬﻩ ﺍﻟﺴﺎﻟﻔﻪ ﻭﺍﺳﻜﺖ
ﻭﺍﻟﻠﻪ ﻣﺎﺍﻋﺮﻑ ﺷﺎﻛﻠﺞ
ﺍﻧﻲ ﻣﻦ ﺍﻟﺒﺪﺍﻳﻪ ﻣﺘﻔﺎﻫﻤﺖ ﻭﻱ ﺣﻴﺪﺭ ﻭﻻ ﻫﻮ ﺍﺗﻔﺎﻫﻢ ﻭﻳﺎﻳﻪ
ﻭﺍﻟﻤﺸﻜﻠﻪ ﺍﻟﻲ ﺻﺎﺭﺕ ﺭﺩﺕ ﺍﺩﺍﻭﻡ ﻭﺭﻓﺾ
ﻃﻠﺒﺖ ﺍﻟﻄﻼﻙ ﻭﺍﻃﻠﻜﻨﻪ
ﺭﺣﺖ ﺩﺍﻭﻣﺖ ﻭﻧﺰﻋﺖ ﺍﻟﺒﻮﺷﻴﻪ
ﺑﺲ ﺍﺗﻘﺪﻣﻠﻲ ﺍﺑﻦ ﻋﻤﻮ ﻭﻫﻮ ﺗﺨﺒﻞ
ﺍﺧﺬ ﺍﺑﻨﻲ ﻣﻨﻲ
ﻭﻋﺒﺎﻟﻪ ﺍﻧﻲ ﻣﻮﺍﻓﻘﻪ
ﺑﺲ ﺯﻭﺟﺘﻪ ﺍﻟﺴﺎﺑﻘﻪ ﺍﺫﺗﻪ ﻻﺑﻨﻲ ﻭﺣﺘﻰ ﺑﺎﻟﺴﺠﻴﻨﻪ ﺟﺎﺭﺣﺘﻪ
ﻟﻬﺬﺍ ﺍﻟﺴﺒﺐ ﺭﺟﻌﺖ ﻉ ﺣﺴﺎﺏ ﺟﻬﺎﻟﻲ
ﺑﻌﺪﻫﺎ ﺧﻄﺒﺞ ﻭﺍﺗﺰﻭﺟﺞ ﻭﺍﻧﻲ ﻭﺍﻓﻘﺖ ﻣﻌﺘﺮﺿﺖ ﺍﺑﺪ
ﺯﻳﻦ ﻫﺴﻪ ﻋﻼﻗﺘﻜﻢ ﻣﻨﺘﻬﻴﻪ ﻟﻮ ﺷﻨﻮ
ﺍﻱ ﺑﻠﻲ ﻣﺎﺍﻟﻲ ﻋﻼﻗﻪ ﺑﻲ ﻭﻫﻮ ﻛﺬﻟﻚ
ﺑﺲ ﺗﺮﺩﻳﻦ ﺍﻟﺼﺪﻙ ﻣﺒﻴﻦ ﻋﻠﻴﻪ ﻳﺤﺒﺞ ﻭﻳﻌﺸﻘﺞ
ﺷﻤﺪﺭﻳﺞ ﺑﻲ
ﺍﻛﻮ ﻣﺮﻩ ﻣﺘﻌﺮﻑ ﺭﺟﻠﻬﺎ ﺷﻨﻮ
ﻣﺒﻴﻦ ﻟﻬﻔﺘﻪ ﻋﻠﻴﺞ ﻭﻉ ﺟﻬﺎﻟﻜﻢ
ﺍﺻﻼ ﻳﺠﻲ ﻳﻤﻲ ﻭﻳﻨﺎﻡ ﺻﺤﻴﺢ
ﺑﺲ ﺑﺎﻟﻪ ﻭﻋﻘﻠﻪ ﺍﺑﺪ ﻣﻮ ﻳﻤﻲ
ﻳﻠﻪ ﺣﺒﻴﺒﺘﻲ ﺍﺧﺬﻱ ﺭﺍﺣﺘﺞ ﻭﺍﺳﻔﻪ ﺍﺫﺍ ﺍﺯﻋﺠﺘﺞ
ﺑﺲ ﻟﺘﻨﺴﻴﻦ ﺗﺤﺠﻴﻦ ﻭﻱ ﺍﻫﻠﺞ ﺭﺍﺡ ﺍﻧﺘﻈﺮﺝ ﻻﻥ ﺍﻟﺼﺮﺍﺣﻪ ﺍﻧﻮﻛﻞ ﻛﻠﺒﻲ ﺍﻛﻞ
ﺍﻟﻠﻪ ﻛﺮﻳﻢ
ﻣﻌﻘﻮﻟﻪ ﺗﺮﻳﺪ ﺗﺴﻘﻂ ﺍﻟﻄﻔﻞ ﻻﻥ ﻣﺘﺤﺐ ﺍﻻﻃﻔﺎﻝ
ﺍﻭ ﺧﺎﻳﻔﻪ ﺧﺎﻑ ﺣﻴﺪﺭ ﻳﺘﺮﻛﻬﺎ ﻭ ﻳﺎﺧﺬ ﺍﻟﻄﻔﻞ ﻣﻨﻬﺎ ﻟﻮ ﻣﺘﻜﺪﺭ ﺗﺎﺧﺬﻩ ﻻﻫﻠﻬﺎ
بيج قصص عراقيه حقيقيه من واقعنا.روعه الطائي
ﺣﻴﻞ ﺩﺧﺖ ﻣﺎﺍﺩﺭﻱ
ﺑﻘﻴﺖ ﺍﻓﻜﺮ ﺑﺤﻴﺪﺭ
ﺣﺮﺍﻣﺎﺕ ﻳﻜﻮﻥ ﺍﺏ ﻋﺒﺎﻟﻲ ﻳﺒﻄﻞ ﺳﻮﺍﻟﻔﻪ ﺍﻟﺘﻌﺒﺎﻧﻪ ﺑﺲ ﻃﻠﻌﺖ ﻣﺘﻮﻫﻤﻪ
ﺍﺑﻮ ﻃﺒﻊ ﻣﺴﺘﺤﻴﻞ ﻳﺒﺪﻝ ﻃﺒﻌﻪ
ﺍﻛﻴﺪ ﻫﺴﻪ ﻣﺎﺧﺬ ﺭﺍﺣﺘﻪ ﻭﻱ ﺍﻟﺒﻨﺎﺕ
ﺛﺎﻧﻲ ﻳﻮﻡ ﻣﺎﺍﺟﻪ ﻟﻠﻌﺼﺮ ﺏ 6 ﻳﻠﻪ ﺭﺟﻊ
ﺟﺎﺑﻠﻨﻪ ﻋﺸﺎ ﻭﻣﻌﺒﺮﻧﻲ ﻭﻻ ﻳﺒﺎﻭﻉ ﻋﻠﻴﻪ ﺍﺑﺪ
ﻣﺎﺍﻋﺮﻑ ﻟﻴﺶ ﺍﺿﻮﺝ ﻣﻦ ﻫﻴﺞ ﻳﺴﻮﻱ
ﺛﺎﻧﻲ ﻳﻮﻡ ﻫﻢ ﻛﺬﻟﻚ ﻣﻌﺒﺮﻧﻲ ﺍﺑﺪ
ﻟﻠﻴﻞ ﻳﻠﻪ ﺭﺍﺳﻠﻨﻲ ﻭﻛﻠﻲ ﻉ ﺗﺴﺠﻴﻞ ﻧﻈﻮﺭﻱ
ﺛﺎﻧﻲ ﻳﻮﻡ ﺭﺣﻨﻪ ﻭﺟﺎﻥ ﺻﺎﻣﺖ
ﻛﻤﻠﻨﻪ ﺍﻻﺟﺮﺍﺀﺍﺕ ﻭﺭﺟﻌﻨﻪ
ﻓﺎﺟﺌﻨﻲ ﻣﻦ ﻛﻠﻲ ﺑﺎﺟﺮ ﺍﺳﺎﻓﺮ
ﺭﺩﺕ ﺍﺳﻮﻳﻠﻪ ﻛﻠﻴﺠﻪ ﻭﺭﻓﺾ ﻛﻠﻲ ﻣﺮﻭﻩ ﺳﻮﺗﻠﻲ
ﺍﺣﺲ ﻧﺎﺭ ﻭﺍﺷﺘﻌﻠﺖ ﺑﺼﺪﺭﻱ
ﻣﻌﻘﻮﻟﻪ ﻓﻀﻠﻬﺎ ﻋﻠﻴﻪ
ﺍﻱ ﻟﻴﺶ ﻻ ﻭﻫﻮ ﻛﻠﻲ ﺗﺒﺪﻝ ﻭﺗﺘﻤﻜﻴﺞ
ﻛﻠﻲ ﺍﻃﻠﻌﻲ ﻭﻳﻦ ﻣﺘﺮﺩﻳﻦ ﺍﻧﺖ ﻭﻣﺮﻭﻩ ﺑﻜﻴﻔﺞ
ﺭﺟﻌﻨﻪ
ﻟﻠﻴﻞ ﻭﺭﻩ ﺍﻟﻌﺸﻪ ﻛﻠﺖ ﺧﻄﻴﻪ ﺍﺧﺎﻑ ﺻﺪﻙ ﻳﺴﺎﻓﺮ
ﻭﻳﺼﻴﺮ ﻋﻠﻴﻪ ﺷﻲ ﻻﺳﺎﻣﺢ ﺍﻟﻠﻪ
ﺑﻘﻴﺖ ﺍﻓﻜﺮ ﻫﺎ ﺍﻭﺍﻓﻖ ﻉ ﻃﻠﺒﻪ ﺑﺲ ﻣﻌﻨﺎﻫﺎ ﺍﻫﻴﻦ ﻧﻔﺴﻲ ﺍﻛﺜﺮ
ﻣﺎﺍﻭﺍﻓﻖ ﻛﻠﺒﻲ ﻳﻮﺟﻌﻨﻲ
ﺑﺲ ﻣﻮ ﻣﻬﻢ ﺍﻟﻢ ﻛﻠﺒﻲ
ﺍﻫﻢ ﺷﻲ ﺍﺣﺎﻓﻆ ﻉ ﻛﺮﺍﻣﺘﻲ ﺍﻟﻲ ﺑﻘﺖ
ﺳﺒﺤﺖ ﻭﻟﺒﺴﺖ ﺩﺷﺪﺍﺷﻪ ﻗﺼﻴﺮﻩ
ﺧﻠﻴﺖ ﺷﻌﺮﻱ ﻉ ﻃﻮﻟﻪ
ﻭﺍﺗﻤﻜﻴﺠﺖ ﺧﻔﻴﻒ ﻣﺎﺍﺣﺐ ﺍﻟﻄﻮﺥ
ﻣﺎﺍﻋﺮﻑ ﻟﻴﺶ ﻫﻴﺞ ﺍﺳﻮﻱ ﻭﺍﻧﻲ ﺭﺍﻓﻀﺘﻪ ﺍﺻﻼ
ﺍﻟﺠﻬﺎﻝ ﻧﺎﻣﻮ
ﺑﻘﻴﺖ ﺍﻧﺘﻈﺮ ﺑﻠﻜﻲ ﻳﺠﻲ ﺑﺲ ﻣﺎﻛﻮ
ﺻﺎﺭﺕ ﺏ 3 ﻫﻢ ﻣﺎﻛﻮ
ﺭﺣﺖ ﻏﺴﻠﺖ ﻭﺍﺗﻮﺿﻴﺖ ﻭﺑﺪﻟﺖ
ﺻﻠﻴﺖ ﺻﻼﺓ ﺍﻟﻠﻴﻞ
ﻛﻤﻠﺖ ﻭﺑﻌﺪ ﻟﻼﺫﺍﻥ ﺩﻗﺎﻳﻖ ﻭﻫﻮ ﻣﺎﻛﻮ
ﺍﺫﻥ ﺻﻠﻴﺖ ﻭﺧﻠﺼﺖ ﻋﻴﻨﻲ ﻉ ﺍﻟﻤﻮﺑﺎﻳﻞ
ﻣﻌﻘﻮﻟﻪ ﺍﻧﻄﺎﻩ ﻛﻠﺒﻪ ﻳﺮﻭﺡ ﺑﺪﻭﻥ ﻣﻴﻮﺩﻋﻨﻪ
ﻟﻌﺪ ﺷﻠﻮﻥ ﻳﻜﻮﻝ ﺍﺣﺒﻜﻢ ﻭﺍﺗﻤﻨﻰ ﺍﻋﻴﺶ ﻭﻳﺎﻛﻢ
ﺣﺠﻴﻪ ﻛﻠﻪ ﺟﺬﺏ
ﻫﻮ ﻣﻦ ﻛﺴﺮ ﻭﻋﺪﻩ ﻭﺭﺍﺡ ﻟﺒﻐﺪﺍﺩ ﻳﺸﺮﺏ ﻭﻳﺘﻮﻧﺲ ﺷﺎﺗﺮﺟﻰ ﻣﻨﻪ ﺑﻌﺪ
ﺍﻛﻴﺪ ﺍﻏﺴﻞ ﺍﻳﺪﻱ ﻣﻨﻪ
ﺧﻞ ﻳﻮﻟﻲ ﻣﻴﺴﺘﺎﻫﻞ ﺣﺒﻲ ﺍﺑﺪ
ﻧﻤﺖ ﻭﻛﻌﺪﺕ ﺛﺎﻧﻲ ﻳﻮﻡ
ﺻﺎﺣﺘﻨﻲ ﺧﺎﻟﻪ ﻛﺎﻟﺖ ﻫﺎﻱ ﺍﻣﺎﻧﻪ ﺧﻼﻫﺎ ﺍﻟﺞ ﺭﺟﻠﺞ
ﺷﻮﻛﺖ ﺭﺍﺡ
ﻳﻤﻜﻦ ﺏ 3 ﻭﺻﻠﻪ ﺍﻣﻴﺮ
بيج قصص عراقيه حقيقيه من واقعنا.روعه الطائي
ﻭﻳﻦ ﻭﺻﻠﻪ
ﻟﻠﻤﻄﺎﺭ ﻏﻴﺮ
ﻳﺎ ﻣﻄﺎﺭ ﻫﻮ ﻭﻳﻦ ﺭﺍﻳﺢ ﻏﻴﺮ ﻟﺴﺎﻣﺮﺍﺀ
ﻻ ﺧﺎﻟﻪ ﺷﻌﻨﺪﻩ ﺑﻌﺪ ﺑﺴﺎﻣﺮﺍﺀ
ﻏﻴﺮ ﺭﺍﺡ ﻟﺘﺮﻛﻴﺎ ﺩﻭﺭﺗﻪ ﻫﻨﺎﻙ ﺷﻬﺮ ﻭﻳﺮﺟﻊ
ﺍﺣﺲ ﻭﺍﺣﺪ ﻭﺿﺮﺑﻨﻲ ﻉ ﺭﺍﺳﻲ
ﻳﻌﻨﻲ ﻫﻢ ﻣﻮﺩﻋﻨﻪ ﻭﻫﻢ ﺟﺬﺏ ﻋﻠﻴﻪ
ﺣﻴﻞ ﺿﺠﺖ ﻭﺍﻟﻠﻪ
ﻓﺘﺤﺖ ﺍﻟﻌﻼﻛﻪ ﻟﻜﻴﺖ ﺑﻴﻬﻦ ﻓﻠﻮﺱ ﻣﺨﻠﻴﻠﻲ 500 ﻛﺎﺗﺐ ﻭﺭﻗﻪ ﻣﺼﺮﻑ ﺍﻟﺞ ﻭﻟﻠﺠﻬﺎﻝ
ﺍﺫﺍ ﺍﺣﺘﺎﺟﻴﺘﻲ ﺍﺧﺬﻱ ﻣﻦ ﺍﻣﻲ ﻉ ﻣﺎﺍﺟﻲ
ﺣﻴﻞ ﺿﺠﺖ ﻭﻋﺼﺒﺖ ﻣﻨﻪ
ﻭﺭﻩ ﻳﻮﻣﻴﻦ ﺑﺪﻩ ﺍﻟﺪﻭﺍﻡ
ﺍﺧﺬﺗﻬﻢ ﺑﻴﺪﻱ ﻭﺍﻟﺮﺟﻌﻪ ﻫﻢ ﻛﺘﻠﻬﻢ ﺍﻧﻲ ﺍﺟﻲ ﺍﺧﺬﻫﻢ
ﻟﻤﻦ ﻳﺒﺪﻱ ﺩﻭﺍﻣﻲ ﻳﻠﻪ ﺍﻧﻄﻲ ﻋﻨﻮﺍﻥ ﺍﻫﻠﻲ
ﺑﻘﻴﺖ ﺗﻘﺮﻳﺒﺎ ﺍﺳﺒﻮﻉ
ﺍﺧﺬﻫﻢ ﻭﺍﺭﺟﻌﻬﻢ
ﻭﻫﻮ ﻻﺣﺲ ﻭﻻﺧﺒﺮ ﻋﻨﻪ
ﺭﺣﺖ ﻳﻢ ﺍﻫﻠﻲ ﺍﺧﺬﺕ ﺭﺍﻳﻲ ﺧﺎﻟﻪ ﻭﻋﻤﻮ
ﻓﺎﺗﺤﺘﻬﻢ ﻉ ﻣﻮﺿﻮﻉ ﺍﻫﻞ ﻣﺮﻭﻩ
ﺭﻓﻀﺖ ﻣﺎﻣﺎ ﻛﺎﻟﺖ ﺍﻟﻪ ﺗﻜﻤﻞ ﺩﺭﺍﺳﺘﻬﺎ ﻳﻠﻪ
ﺑﺎﺑﺎ ﻛﺎﻝ ﻳﺠﻮﺯ ﻭﺍﺣﺪ ﻣﻦ ﻭﻟﺪ ﻋﻤﻬﺎ ﻳﺮﻳﺪﻫﺎ
ﻣﺎﻣﺎ ﺗﺨﺒﻠﺖ ﻛﺎﻟﺖ ﻣﺎﺍﺭﻳﺪ ﻣﻦ ﻭﻟﺪ ﺍﺧﻮﻙ
ﺍﻧﻲ ﻭﺍﻓﻘﺖ ﻉ ﻣﺼﻄﻔﻰ ﻻﻥ ﺣﺒﺎﺏ
ﺑﺲ ﺍﻟﺒﻘﻴﻪ ﻣﺎﺍﺭﺗﺎﺡ ﺍﻟﻬﻢ
ﻛﺘﻠﻬﺎ ﺧﻞ ﻧﺸﻮﻑ ﺍﻟﻮﻟﺪ ﻭﻧﺴﺎﻝ ﻋﻨﻬﻢ
ﻭﺍﺫﺍ ﻗﺒﻞ ﺗﻜﻤﻞ ﺩﺭﺍﺳﻪ ﺧﻞ ﻧﻮﺍﻓﻖ
ﻛﺎﻟﻮ ﺍﻧﻄﻴﻨﻪ ﻣﻬﻠﻪ ﺧﻞ ﻧﻔﻜﺮ
ﻭﺧﻞ ﻧﺸﻮﻑ ﺗﺒﺎﺭﻙ
ﺑﻘﻴﺖ ﻳﻢ ﺍﻫﻠﻲ ﻟﻠﻌﺼﺮ ﻭﺭﺟﻌﺖ
ﺣﺠﻴﺖ ﻭﻱ ﻣﺮﻭﻩ ﻭﻛﺘﻠﻬﺎ ﺍﻫﻠﻲ ﺭﻓﻀﻮﺍ ﺍﻟﻪ ﺗﻜﻤﻞ ﺩﺭﺍﺳﻪ
ﻛﺎﻟﺖ ﺍﺧﻮﻳﻪ ﻛﺎﻝ ﺍﺧﻠﻴﻬﺎ ﺗﻜﻤﻞ ﻣﺎﻋﻨﺪﻱ ﻣﺎﻧﻊ
ﺍﻧﻄﻲ ﻛﻠﻤﻪ ﻛﺪﺍﻡ ﺍﻟﺮﻳﺎﺟﻴﻞ ﻭﻣﺎﺍﺧﻠﻒ ﺑﻜﻠﻤﺘﻲ
ﻭﺍﻫﻠﻲ ﺭﺍﺡ ﻳﺠﻮﻥ ﺍﻻﺳﺒﻮﻉ ﺍﻟﻴﺠﻲ ﻭﻳﺘﻔﻘﻮﻥ ﻫﻤﻪ ﻭﻱ ﺍﻫﻠﺞ
ﺧﺎﻟﻪ ﻭﻋﻤﻮﺍ ﻣﺠﺎﻥ ﻋﺪﻫﻢ ﻣﺎﻧﻊ
ﻛﺎﻝ ﻋﻤﻮ ﺍﻟﻮﻟﺪ ﺣﻴﻞ ﺣﺒﺎﺏ ﻭﻣﺆﺩﺏ
ﺳﺎﻟﺖ ﺧﺎﻟﻪ ﻋﻦ ﺣﻴﺪﺭ
ﻛﺎﻟﺖ ﺯﻳﻦ ﻭﻳﻮﻣﻴﻪ ﻳﺨﺎﺑﺮﻧﻪ
ﻣﺎﺍﻋﺮﻑ ﻟﻮﻳﺶ ﺍﺣﺲ ﻧﺎﺭ ﻭﺍﺷﺘﻌﻠﺖ ﺑﺼﺪﺭﻱ
ﻫﻮ ﺍﻧﻲ ﺍﻟﻲ ﻃﻠﺒﺖ ﻣﻨﻪ ﻫﺬﺍ ﺍﻟﺸﻲ
ﻣﺮﺩﺗﻪ ﻳﺘﻘﺮﺑﻠﻲ ﻭﺭﺩﺗﻪ ﻳﺮﻭﺡ ﻟﻤﺮﻭﻩ
ﻟﻴﺶ ﻫﺴﻪ ﻛﺎﻋﺪ ﺍﺿﻮﺝ ﻣﻦ ﻣﺘﺠﺎﻫﻠﻨﻲ ﻣﺎﺍﻋﺮﻑ
ﺑﺪﻩ ﺩﻭﺍﻣﻲ ﻭﺍﻧﻄﻴﺖ ﺍﻟﻌﻨﻮﺍﻥ ﻟﻠﻤﺪﺭﺳﻪ
ﻛﺎﻡ ﻳﺪﺯﻟﻲ ﺭﺳﺎﻟﻪ ﻭﺣﺪﻩ ﻟﻮ ﺍﺛﻨﻴﻦ ﻳﺴﺎﻝ ﻋﻦ ﻧﻮﺭ ﻭﻧﻈﻮﺭﻱ
بيج قصص عراقيه حقيقيه من واقعنا.روعه الطائي
ﺣﺘﻰ ﻣﻴﺴﺎﻝ ﻋﻨﻲ ﺍﺑﺪ
ﺩﺯﻳﺘﻠﻪ ﺭﺳﺎﻟﻪ ﺷﻠﻮﻧﻬﺎ ﺍﻻﻭﺿﺎﻉ ﺑﺴﺎﻣﺮﺍﺀ
ﻫﺎﻱ ﻳﺎﺳﻤﺮﺍﺀ ﺍﻧﻲ ﻏﻴﺮ ﺑﺘﺮﻛﻴﺎ
ﻣﻌﻘﻮﻟﻪ ﻣﺎﺗﺪﺭﻳﻦ
ﻋﻮﺩ ﻟﻮﻳﺶ ﻫﻴﺞ ﺟﺬﺑﺖ ﻋﻠﻴﻪ ﻭﺧﻠﻴﺘﻨﻲ ﻻﺍﺧﺬ ﻭﻻ ﺍﻧﻄﻲ ﻛﺪﺍﻡ ﺍﻫﻠﻚ
ﺍﻟﻜﻞ ﻳﺪﺭﻱ ﺑﻴﻚ ﺑﺘﺮﻛﻴﺎ ﻭﺍﻧﻲ ﺍﻟﻮﺣﻴﺪﻩ ﺗﻜﻠﻲ ﻟﺴﺎﻣﺮﺍﺀ
ﻋﺒﺎﻟﻲ ﺗﺤﻨﻴﻦ ﻋﻠﻴﻪ ﻭﺍﻛﺴﺮ ﺧﺎﻃﺮﺝ ﻣﻦ ﺗﻌﺮﻓﻴﻨﻲ ﺭﺍﺡ ﺍﺭﺟﻊ ﻟﻠﻤﻮﺕ
ﺑﺲ ﺍﻧﺖ ﺍﻟﻈﺎﻫﺮ ﻛﻠﺒﺞ ﺣﻴﻞ ﻗﺎﺳﻲ ﻭﻣﺎﻋﻨﺪﺝ ﺍﻱ ﻣﺸﺎﻋﺮ
ﻣﺮﺍﺳﻠﺘﻪ ﺑﻌﺪ ﻭﻫﻮ ﻛﺬﻟﻚ
ﺻﺎﺭ ﺗﻘﺮﻳﺒﺎ ﺍﺳﺒﻮﻋﻴﻦ ﻟﺴﻔﺮﻩ
ﻛﺎﻟﺖ ﻣﺮﻭﻩ ﺑﺎﺟﺮ ﻳﺠﻮﻥ ﺍﻫﻠﻲ ﺑﺲ ﻣﺎﻣﺎ ﻭﺑﺎﺑﺎ
ﺣﺘﻰ ﻳﺮﺣﻮﻥ ﻻﻫﻠﺞ
ﺧﺒﺮﺕ ﺍﻫﻠﻲ ﻭﻛﺎﻟﻮﺍ ﺑﺲ ﺍﺣﻨﻪ ﻣﻤﻨﻄﻴﻦ ﺍﻟﻤﻮﺍﻓﻘﻪ ﺑﻌﺪﻧﻪ
ﺣﺘﻰ ﻟﻮ ﺧﻞ ﻳﺠﻮﻥ ﻭﺍﺗﻔﺎﻫﻤﻮﺍ
ﺧﺎﺑﺮﺕ ﺗﺒﻮﻛﻪ ﻭﺍﺧﺬﺕ ﺭﺍﻳﻴﻬﺎ
ﻛﺎﻟﺖ ﺍﻧﻲ ﺍﻫﻢ ﺷﻲ ﻋﻨﺪﻱ ﺟﺎﻣﻌﺘﻲ ﻭﺩﺭﺍﺳﺘﻲ
ﻣﺎﺍﺭﻳﺪ ﻳﺼﻴﺮ ﺑﻴﻪ ﻣﺜﻠﻚ ﻣﻦ ﺍﻃﻠﻜﺘﻲ ﻉ ﻣﻮﺩ ﺍﻟﺪﺭﺍﺳﻪ
ﺍﻧﺖ ﺍﻫﻢ ﺷﻲ ﺷﻨﻮ ﺭﺍﻳﻴﺞ ﺑﺎﻟﻮﻟﺪ
ﻫﻮ ﺍﻧﻲ ﺷﺎﻋﺮﻑ ﻋﻨﻪ ﺣﺘﻰ ﺍﻧﻄﻲ ﺭﺍﻳﻲ ﺑﻲ
ﻫﻢ ﺍﻛﻮ ﺍﺣﺪ ﺑﺤﻴﺎﺗﺞ
ﻻ ﻭﺍﻟﻠﻪ ﺍﺑﺪ ﺑﺲ ﺍﻛﻮ ﺍﺣﺪ ﻫﻮ ﺍﻟﻲ ﻣﻌﺠﺐ ﺑﻴﻪ
ﻭﺍﻧﺖ
ﻋﺎﺩﻱ ﻣﺎﻋﻨﺪﻱ ﺭﺩﺓ ﻓﻌﻞ ﺍﺗﺠﺎﻫﺎ
ﺩﺯﻳﻠﻲ ﺻﻮﺭﻩ ﺍﻟﻪ ﻟﻠﻮﻟﺪ ﺧﻞ ﺍﺷﻮﻓﻪ
ﻋﻴﺐ ﺷﺎﻛﻞ ﻻﺧﺘﻪ ﻧﺮﻳﺪ ﺻﻮﺭﻩ
ﻣﺎﺑﻴﻬﺎ ﺷﻲ ﻟﻌﺪ ﺷﻠﻮﻥ ﺍﻓﻜﺮ ﻏﻴﺮ ﺍﺷﻮﻓﻪ
ﺧﻠﻲ ﻣﻦ ﻳﺠﻮﻥ ﺍﻫﻠﻪ ﺑﺎﺟﺮ ﻭﻧﺴﻤﻊ ﺣﺠﻴﻬﻢ ﻳﻠﻪ ﻧﺸﻮﻑ ﺍﺧﺘﻪ ﻉ ﺻﻮﺭﻩ
ﺛﺎﻧﻲ ﻳﻮﻡ ﺍﺟﻮﻱ ﻭﺭﺣﺖ ﻗﺒﻠﻬﻢ ﻻﻫﻠﻲ
ﻭﺍﺟﻮﻱ ﻭﺭﺍﻧﻪ ﻫﻤﻪ ﻭﻋﻤﻮ ﻭﺧﺎﻟﻪ
ﺣﺠﻮﺍ ﺭﺳﻤﻲ ﺑﺎﻟﺨﻄﻮﺑﻪ
ﻭﻛﺎﻟﻮﺍ ﺷﻄﻠﺒﻮﻥ ﺍﺣﻨﻪ ﺣﺎﺿﺮﻳﻦ
ﺗﺮﺩﻭﻥ ﺍﺑﻴﺖ ﺑﻮﺣﺪﻫﺎ ﻣﺴﺘﻌﺪ ﻳﻄﻠﻊ
ﺗﺮﺩﻭﻥ ﻭﻳﺎﻧﻪ ﺗﺸﻴﻠﻬﻢ ﻋﻴﻮﻧﻪ ﻗﺒﻞ ﻣﺘﺸﻴﻠﻬﻢ ﺍﻟﻜﺎﻉ
ﻭﺑﺎﻟﻨﺴﺒﻪ ﻟﻠﺪﺭﺍﺳﻪ ﻧﻨﻄﻴﻜﻢ ﺗﻌﻬﺪ ﺍﺑﺪ ﻣﻨﺒﻄﻠﻬﺎ ﻭﺭﺍﺡ ﺗﻜﻤﻞ ﻉ ﺣﺴﺐ ﺍﻻﺻﻮﻝ
ﻛﺎﻝ ﺑﺎﺑﺎ ﺧﻞ ﺍﺧﺬ ﺭﺍﻳﻲ ﺍﻟﺒﻨﻴﻪ ﻭﺍﺷﻮﻑ ﻋﻤﺎﻣﻬﺎ ﻭﺍﺭﺟﻌﻠﻜﻢ ﺧﺒﺮ
ﺭﺍﺣﻮﺍ
ﺑﺪﻩ ﺑﺎﺑﺎ ﻳﺴﺎﻝ ﻋﻠﻴﻬﻢ ﻭﻛﺎﻝ ﻧﺎﺱ ﻣﻌﺮﻭﻓﻴﻦ ﻭﺣﺒﺎﺑﻴﻦ
ﺍﺧﺬ ﺭﺍﻳﻲ ﻋﻤﺎﻣﻲ ﻣﺠﺎﻧﻮ ﻣﻌﺎﺭﺿﻴﻦ ﺍﺑﺪ
ﻛﻠﺖ ﻟﻤﺮﻭﻩ ﺩﺯﻳﻠﻲ ﺻﻮﺭﻩ ﺍﻟﻪ ﺧﻞ ﺗﺸﻮﻓﻪ ﺗﺒﺎﺭﻙ
ﻻﻥ ﺷﻠﻮﻥ ﺗﻨﻄﻲ ﺭﺍﻳﻬﺎ ﺑﺪﻭﻥ ﻣﺘﺸﻮﻓﻪ
بيج قصص عراقيه حقيقيه من واقعنا.روعه الطائي
ﻫﻮ ﻫﻢ ﻳﻠﺢ ﻋﻠﻴﻪ ﻳﺮﻳﺪ ﺻﻮﺭﺗﻬﺎ ﻳﺸﻮﻓﻬﺎ
ﺑﺴﻴﻄﻪ ﺍﺧﺬ ﺭﺍﻳﻲ ﺑﺎﺑﺎ ﻭﻣﺎﻣﺎ ﻭﺍﺩﺯﻫﺎ ﺍﻟﺼﻮﺭﻩ ﺍﻟﺞ
ﺩﺯﺗﻠﻲ ﺍﻟﺼﻮﺭﻩ ﻭﺟﺎﻥ ﻳﺸﺒﻪ 👇
ﺩﺯﻳﺘﻬﺎ ﺍﻟﻬﺎ ﻛﺎﻟﺖ ﺧﻞ ﺍﻓﻜﺮ
ﻫﻲ ﺭﺍﺣﺖ ﻭﻱ ﺍﻫﻠﻬﺎ ﻛﺎﻟﺖ ﺧﺒﺮﺕ ﺣﻴﺪﺭ
ﺑﻘﻴﺖ ﺍﻧﻲ ﻉ ﺣﻄﺘﻲ
ﺣﻴﺪﺭ ﺍﺑﺪ ﻣﺨﺎﺑﺮﻧﻲ ﻭﻻ ﻣﺮﻩ
ﺭﺟﻌﺖ ﻣﺮﻭﻩ ﺍﻟﻴﻮﻡ ﺍﻟﻌﺼﺮ
ﺍﻟﻴﻮﻡ ﺑﺎﻟﻠﻴﻞ ﻭﺟﺎﻥ ﻳﺪﻙ ﺟﻬﺎﺯﻱ ﻫﻮ ﺍﻟﻲ ﻣﺘﺼﻞ
ﺭﻓﻌﺖ ﺧﻂ
ﺍﻟﻮﻭﻭﻭ
ﺍﻟﻮﻭﻭﻭ
ﺷﻠﻮﻧﺞ ﺯﻧﻮﺑﻪ
ﺗﻤﺎﻡ ﻭﺍﻧﺖ
ﺍﻟﺤﻤﺪ ﻟﻠﻪ
ﺍﻟﺠﻬﺎﻝ ﺷﻠﻮﻧﻬﻢ
ﺯﻳﻨﻴﻦ ﺍﻟﺤﻤﺪ ﻟﻠﻪ
ﻣﺸﺘﺎﻗﻠﻬﻢ ﻫﻮﺍﻱ
ﻫﻢ ﻳﺴﺎﻟﻮﻥ ﻋﻠﻴﻪ
ﺍﻱ ﺍﻛﻴﺪ ﻳﻮﻣﻴﻪ ﻳﺴﺎﻟﻮﻧﻲ
ﺍﻓﺘﺤﻲ ﻛﺎﻡ ﺧﻠﻲ ﺍﺷﻮﻓﻬﻢ
ﻓﺘﺤﺘﻬﺎ ﺷﺎﻓﻬﻢ ﺟﺎﻧﻮ ﻧﺎﻳﻤﻴﻦ
ﺍﺗﻐﻴﺮﺕ ﻧﻮﻣﺘﻬﻢ
ﺏ 9 ﺍﻧﻴﻤﻬﻢ ﻉ ﻣﻮﺩ ﺍﻟﺪﻭﺍﻡ
ﻭﺍﻧﺖ ﻳﺎﻟﺒﺬﺍﺕ ﻣﻨﺎﻭﻳﻪ ﺗﺮﺍﻭﻳﻨﻲ ﻭﺟﻬﺞ
ﻣﻌﻘﻮﻟﻪ ﻣﺸﺘﺎﻗﻴﺘﻴﻠﻲ
ﺳﻜﺘﺖ
ﻫﺎ ﺍﺷﻮ ﺳﻜﺘﻲ
ﻓﺘﺤﺖ ﻛﺎﻡ ﺷﻔﺘﻪ ﻭﺷﺎﻓﻨﻲ
ﺷﻮﻳﻪ ﻭﺳﺪﻳﺘﻬﺎ
ﺷﻠﻮﻥ ﺍﻧﻄﺎﻙ ﻛﻠﺒﻚ ﺗﺴﺎﻓﺮ ﺑﺪﻭﻥ ﻣﺘﻮﺩﻋﻨﻪ
ﻣﻮ ﺣﺴﻴﺖ ﻭﺟﻮﺩﻱ ﻭﻋﺪﻣﻪ ﻧﻔﺲ ﺍﻟﺸﻲ ﻋﻨﺪﺝ
ﻛﻠﺖ ﺍﻛﻴﺪ ﻣﻴﻔﺮﻕ ﺍﻟﻮﺩﻋﺘﺞ ﻭﺍﻟﻤﺎﻭﺩﻋﺘﺞ
ﻭﺟﻨﺖ ﻣﺘﺎﻛﺪ ﺍﻧﺖ ﻭﺟﻮﺩﻱ ﻳﻤﺞ ﻳﺰﻋﺠﺞ
ﺳﻜﺘﺖ
ﺷﻠﻮﻧﻪ ﺩﻭﺍﻣﺞ ﻭﺷﻠﻮﻧﺞ ﺑﺎﻟﺪﺭﺍﺳﻪ
ﻣﺎﺷﻴﻪ ﺍﻣﻮﺭﻱ
ﺍﺳﻤﻌﻴﻨﻲ ﺯﻳﻦ ﻣﺎﺍﻗﺒﻞ ﺑﻐﻴﺮ ﺍﻣﺘﻴﺎﺯ
ﺍﺭﻳﺪﺝ ﺗﺸﺪﻳﻦ ﺣﻴﻠﺞ ﺑﺎﻟﺪﺭﺍﺳﻪ
بيج قصص عراقيه حقيقيه من واقعنا.روعه الطائي
ﺍﻥ ﺷﺎﺀ ﺍﻟﻠﻪ
ﻭﻳﻦ ﻣﺎﻭﻳﻦ ﻃﻠﻌﺘﻲ
ﻣﺎﻃﻠﻌﺖ ﺑﺲ ﻻﻫﻠﻲ ﻭﻟﻠﺪﻭﺍﻡ
ﻟﻴﺶ
ﻣﺎﻋﻨﺪﻱ ﺍﻱ ﻣﺠﺎﻝ ﻻﻥ ﺍﺩﺭﺱ
ﺷﻜﻮ ﻣﺎﻛﻮ ﺑﻌﺪ
ﻣﺎﻛﻮ ﺷﻲ
ﺻﺪﻙ ﻓﻬﻤﻴﻨﻲ ﺷﻨﻮ ﻓﻠﻢ ﺳﺠﺎﺩ ﺍﺧﻮ ﻣﺮﻭﻩ
ﺻﺪﻙ ﺧﺎﻃﺐ ﺗﺒﺎﺭﻙ
ﺍﻱ ﺑﺲ ﺣﺠﻲ ﺑﻌﺪﻫﻢ ﺍﻫﻠﻲ ﻣﻤﺮﺟﻌﻴﻦ ﺟﻮﺍﺏ
ﻭﻟﻴﺶ ﻳﺎﺑﻪ ﺍﻧﻲ ﻣﺎﺍﻋﺮﻑ
ﺍﺧﺮ ﻣﻦ ﻳﻌﻠﻢ
ﻟﻴﺶ ﺯﻭﺟﺘﻚ ﻣﺮﻭﻩ ﻣﺨﺒﺮﺗﻚ
ﻭﺍﻧﻲ ﺷﻌﻠﻴﻪ ﺑﻤﺮﻭﻩ
ﻋﻠﻴﻪ ﺑﺘﺒﺎﺭﻙ ﻻﻥ ﺗﺒﺎﺭﻙ ﺗﻬﻤﻨﻲ ﺍﻛﺜﺮ ﻣﻦ ﺳﺠﺎﺩ
ﺑﺲ ﺗﺮﺩﻳﻦ ﺍﻟﺼﺮﺍﺣﻪ ﺍﻟﻮﻟﺪ ﺣﺒﺎﺏ ﻭﺧﻠﻮﻕ
ﺍﻱ ﺍﺩﺭﻱ ﺑﻲ ﻻﻥ ﻫﻮ ﺍﺧﻮ ﻣﺮﻭﻩ ﺑﻌﺪ
ﺷﻨﻮ ﻣﺴﺘﻬﺰﺃﻩ ﺑﻴﻬﺎ ﻟﻤﺮﻭﻩ
ﻻ ﻭﻋﻠﻴﺶ ﻣﺴﺘﻬﺰﺃﻩ
ﺍﻟﺒﻨﻴﻪ ﺣﺒﺎﺑﻪ
ﺍﻫﺎ ﻋﺒﺎﻟﻲ
ﻫﻢ ﺍﺷﺘﺎﻗﻴﺘﻴﻠﻲ
ﻻ ﻭﻟﻮﻳﺶ ﺍﺷﺘﺎﻗﻠﻚ
ﺑﺲ ﺍﻧﻲ ﺍﺷﺘﺎﻗﻴﺘﻠﺞ ﻣﻮﺕ ﻭﺍﻟﻠﻪ
ﺍﻱ ﻛﻠﺶ ﻭﺍﺿﺢ ﻋﻠﻴﻚ
ﺍﺷﻮﻓﻚ ﺗﺨﺎﺑﺮ ﻭﺗﺴﺎﻝ ﻋﻠﻴﻪ
ﻭﺍﻟﻠﻪ ﻣﺎﻋﻨﺪﻱ ﻣﺠﺎﻝ ﺍﺑﺪ
ﺍﻱ ﺑﻬﺎﻱ ﻋﻨﺪﻙ ﺣﻖ
ﻻﻥ ﻣﺠﺎﻟﻚ ﻭﻭﻗﺘﻚ ﻛﻠﻪ ﻟﻤﺮﻭﻩ
ﺍﻱ ﻏﻴﺮ ﺯﻭﺟﺘﻲ ﻭﻣﻌﺘﻨﻴﻪ ﺑﻴﻪ ﻭﺗﺴﻮﻳﻠﻲ ﻛﻠﻴﺠﻪ
ﻭﺍﻻﻫﻢ ﻣﻦ ﻛﻠﺸﻲ ﻣﻦ ﺍﺑﻮﺳﻬﺎ ﻣﺘﺘﻤﻠﻤﻞ ﻭﺗﻔﺮﺡ
ﻭﻣﻦ ﺍﺗﻘﺮﺏ ﻋﻠﻴﻬﺎ ﺗﺠﻴﻨﻲ ﺑﻠﻬﻔﻪ
ﻣﺘﺘﺸﺮﻁ ﻋﻠﻴﻪ ﻳﻠﻪ ﺍﺗﻘﺮﺑﻠﻬﺎ
ﻣﻦ ﺍﺟﻴﻬﺎ ﺗﻨﺴﻴﻨﻲ ﻫﻤﻲ ﻣﻮ ﺗﺰﻳﺪ ﻫﻤﻲ ﻭﺍﻃﻠﻌﻨﻲ ﺯﻋﻼﻥ
ﺗﻮﺩﻋﻨﻲ ﺑﺎﺑﺘﺴﺎﻣﻪ ﻣﺘﻮﺩﻋﻨﻲ ﺑﺤﺰﻥ
ﻭﻱ ﻛﻞ ﻛﻠﻤﻪ ﻳﺤﺠﻴﻬﺎ ﺍﺣﺴﻬﺎ ﺳﺠﻴﻨﻪ ﻭﺗﺬﺑﺤﻨﻲ ﻣﻦ ﺍﻟﻮﺭﻳﺪ ﻟﻠﻮﺭﻳﺪ
ﺍﺣﺲ ﺑﻨﻔﺴﻲ ﻣﺨﺘﻨﻜﻪ ﺣﻴﻞ
ﻣﺎﺍﻋﺮﻑ ﺷﻨﻮ ﺍﻻﺭﻳﺪﻩ ﺑﺎﻟﻀﺒﻂ
ﻻﺍﺗﻘﺒﻞ ﻗﺮﺑﻪ ﺍﻟﻲ ﻭﻻ ﺍﺗﻘﺒﻞ ﺑﻌﺪﻩ ﻋﻨﻲ
ﺣﺎﻳﺮﻩ ﺷﻨﻮ ﺍﻟﻲ ﺍﺳﻮﻱ ﻣﺎﺍﻋﺮﻑ
ﺍﺧﺘﻨﻜﺖ ﺑﻌﺒﺮﺗﻲ ﺣﻴﻞ ﻭﺣﺴﻴﺖ ﺑﻨﻔﺴﻲ ﻣﺨﻨﻮﻛﻪ
ﻣﺎﻛﺪﺭﺕ ﺍﺟﺎﻭﺏ
ﺍﺣﺲ ﺣﺮﺍﺭﻩ ﺗﻨﺰﻝ ﻉ ﺧﺪﻱ
ﺍﻛﻴﺪ ﺍﻟﺪﻣﻮﻉ
ﺍﻟﻮﻭﻭﻭ
ﻃﺒﻜﺘﻪ ﻣﺎﻛﺪﺭﺕ ﺍﻛﻤﻞ ﻭﻣﺪﺍ ﺍﻛﺪﺭ ﺍﺣﺠﻲ ﺑﻌﺪ
ﺭﺣﺖ ﻏﺴﻠﺖ ﻭﺟﻬﻲ ﻭﺷﺮﺑﺖ ﻣﻲ
ﺍﺧﺬﺕ ﺍﻟﺠﻬﺎﺯ ﻟﻜﻴﺘﻪ ﻫﻮﺍﻱ ﺩﺍﻙ
ﺟﻬﺎﺯﻱ ﺻﺎﻣﺖ ﻻﻥ ﻧﺎﻳﻤﻴﻦ ﺣﺒﺎﻳﺒﻲ
بيج قصص عراقيه حقيقيه من واقعنا.روعه الطائي
ﺩﺍﺯﻟﻲ ﺭﺳﺎﻟﻪ
ﺷﻜﻮ ﺷﺼﺎﺭ
ﻓﺪﻭﻩ ﺟﺎﻭﺑﻲ ﻟﺘﺨﻠﻴﻨﻲ ﺑﻘﻠﻖ
ﻭﺍﻟﻠﻪ ﺍﺷﺎﻗﻪ ﻭﻳﺎﺝ
ﻣﻮ ﻗﺼﺪﻱ ﺍﺿﻮﺟﺞ
ﺍﺭﻓﻌﻲ ﺧﻂ ﻋﻔﻴﻪ
ﻛﻠﺖ ﻣﻼﺯﻡ ﺍﺑﻴﻦ ﺿﻌﻔﻲ ﺍﻣﺎﻣﻪ
ﺍﺗﺼﻠﺖ ﺑﻲ ﺟﺎﻭﺑﻨﻲ
ﻫﺎﻱ ﺷﺒﻴﺞ ﻟﻴﺶ ﻃﺒﻜﺘﻲ ﺍﻟﺨﻂ
ﺍﻟﺸﺒﻜﻪ ﺭﺍﺣﺖ ﻭﺍﻧﻘﻄﻊ ﺍﻟﺨﻂ ﺑﻮﺣﺪﻩ
ﻭﻟﻴﺶ ﺍﺩﻙ ﻣﺘﺠﺎﻭﺑﻴﻦ
ﺭﺣﺖ ﻟﻠﺤﻤﺎﻡ ﻭﺍﻟﺠﻬﺎﺯ ﺻﺎﻣﺖ
ﻭﺍﻟﻨﺒﻲ ﻣﻮ ﻗﺼﺪﻱ ﺍﻏﺜﺞ
ﻣﻨﻮ ﻛﻠﻚ ﺍﻧﻐﺜﻴﺖ
ﻭﺍﻟﻨﺒﻲ ﻣﺎﻋﻨﺪﻱ ﻣﺠﺎﻝ ﻻ ﻟﻤﺮﻭﻩ ﻭﻻ ﻟﻐﻴﺮﻫﺎ
ﺑﺲ ﻫﻲ ﺍﻟﻲ ﺗﺮﺍﺳﻠﻨﻲ ﻭﻋﺮﻓﺖ ﻋﻦ ﺍﺧﻮﻫﺎ
ﻋﺎﺩﻱ ﻭﻳﻦ ﺍﻟﻤﺸﻜﻠﻪ ﻏﻴﺮ ﺯﻭﺟﺘﻚ
ﺗﺮﻩ ﻣﻤﺠﺒﻮﺭ ﺗﺒﺮﺭﻟﻲ ﺍﻧﺖ ﺣﺮ ﺑﺘﺼﺮﻓﺎﺗﻚ
ﺯﻳﻨﺐ ﺍﻟﻰ ﻣﺘﻰ ﻧﺎﻭﻳﻪ ﺗﻌﺬﺑﻴﻦ ﻧﻔﺴﺞ ﻭﺗﻌﺬﺑﻴﻨﻲ ﻭﻳﺎﺝ
ﻭﺍﻟﻠﻪ ﻣﺘﻨﺪﻡ ﻉ ﻛﻠﺸﻲ ﺳﻮﻳﺘﻪ ﺑﻴﺞ
ﻳﻮﻡ ﻋﻦ ﻳﻮﻡ ﺣﺒﺞ ﻳﻜﺒﺮ ﺑﻜﻠﺒﻲ
ﻛﺎﻋﺪ ﺍﺗﻌﺬﺏ ﺑﺤﺒﺞ ﻭﺍﻟﻠﻪ
ﺷﻮﻛﺖ ﺗﺤﻨﻴﻦ ﻋﻠﻴﻪ
ﺍﺗﻤﻨﻰ ﺗﻔﺘﻬﻤﻨﻲ ﻳﻮﻡ
ﺣﻴﺪﺭ ﻣﺎﺍﺗﻘﺒﻞ ﻓﻜﺮﺓ ﺗﻨﺎﻡ ﻭﻳﺎﻳﻪ ﻭﻳﻪ ﻏﻴﺮﻱ
ﺷﻠﻮﻥ ﺭﺍﻳﺞ ﺍﻃﻠﻜﻬﺎ ﻟﻤﺮﻭﻩ
ﻻ ﻟﻴﺶ ﺍﻃﻠﻜﻬﺎ ﻫﻢ ﺧﻄﻴﻪ
ﻟﻌﺪ ﺷﻠﻮﻥ ﺷﺎﺳﻮﻱ ﻭﺷﻨﻮ ﺍﻟﺤﻞ ﺑﻨﻈﺮﺝ
ﺍﻟﺤﻞ ﺍﻟﻮﺣﻴﺪ ﺍﻧﺖ ﺷﻮﻑ ﺣﻴﺎﺗﻚ ﻭﻱ ﻣﺮﻭﻩ ﻭﺍﻧﻲ ﻋﻮﻓﻨﻲ ﺍﺷﻮﻑ ﺣﻴﺎﺗﻲ
ﻫﻴﺞ ﻳﻨﻄﻴﺞ ﻛﻠﺒﺞ ﺗﻌﺬﺑﻴﻨﻲ
ﻭﺍﻟﻠﻪ ﻣﺎﺍﺗﺤﻤﻞ ﺍﻛﺜﺮ
ﻓﺪﻭﻩ ﺍﺭﻭﺣﻠﻚ ﻟﺘﺰﻳﺪﻫﺎ ﻋﻠﻴﻪ
ﺍﻧﻲ ﺍﻟﺒﻴﻪ ﻣﻜﻔﻴﻨﻲ
ﻣﻤﻜﻦ ﺍﺳﺎﻟﺞ ﺳﺆﺍﻝ ﻭﺗﺠﺎﻭﺑﻴﻨﻲ ﻋﻠﻴﻪ ﺑﺼﺮﺍﺣﻪ
ﻣﺎﺍﺭﻳﺪ ﻟﻒ ﻭﺩﻭﺭﺍﻥ
ﺍﺫﺍ ﺟﺎﻭﺑﺘﻲ ﻋﻠﻴﻪ ﺑﻜﻞ ﺻﺮﺍﺣﻪ ﻣﺮﺍﺡ ﺍﺿﺎﻳﻘﺞ ﺍﺑﺪ
ﺍﺳﺎﻝ ﺷﻨﻮ ﺍﻟﺴﺆﺍﻝ
ﻗﺒﻞ ﻻ ﺍﺳﺎﻟﺞ ﻛﻮﻟﻲ ﻭﺩﺍﻋﺖ ﻧﻈﻮﺭﻱ ﺍﺣﺠﻲ ﺍﻟﺤﻘﻴﻘﻪ
ﺍﻱ ﻭﺩﺍﻋﺖ ﻧﻈﻮﺭﻱ ﺍﺣﺠﻲ ﺍﻟﺤﻘﻴﻘﻪ
ﺍﻧﺖ ﺗﺤﺒﻴﻨﻲ ﻟﻮ ﻻ
ﺳﻜﺘﺖ ﻣﺎﺍﻋﺮﻑ ﺷﺎﺟﺎﻭﺑﻪ
ﻫﺎ ﺍﺷﻮ ﺳﻜﺘﻲ
ﺳﺆﺍﻟﻚ ﺻﻌﺐ ﻭﺍﻻﺻﻌﺐ ﻣﻨﻪ ﺣﻠﻔﺘﻨﻲ ﺑﺎﻏﻠﻰ ﻣﺎﺍﻣﻠﻚ
ﺷﻨﻮ ﺍﻟﺼﻌﺐ ﺑﻲ
ﻫﻲ ﻛﻠﻤﻪ ﻭﺣﺪﻩ ﻟﻮ ﺍﻱ ﻟﻮ ﻻ
ﺍﺟﺬﺏ ﻋﻠﻴﻚ ﺍﺫﺍ ﺍﻛﻠﻚ ﻣﺎﺍﺣﺒﻚ
بيج قصص عراقيه حقيقيه من واقعنا.روعه الطائي
ﻭﺍﺟﺬﺏ ﻋﻠﻴﻚ ﺍﺫﺍ ﺍﻛﻠﻚ ﻣﺎﺍﻋﺸﻘﻚ
ﺍﻧﻲ ﺣﺒﻴﺘﻚ ﺭﻏﻢ ﺍﺫﻳﺘﻚ ﺍﻟﻲ
ﺣﺒﻴﺘﻚ ﺭﻏﻢ ﻏﺮﻭﺭﻙ ﻭﻛﺒﺮﻳﺎﺋﻚ
ﺣﺒﻴﺘﻚ ﺭﻏﻢ ﻣﺎﺍﺩﺭﻱ ﻃﺮﻳﻘﻨﻪ ﻣﺴﺪﻭﺩ
ﺑﺲ ﻳﺎﺣﻴﺪﺭ ﻣﻮ ﻛﻠﺸﻲ ﺑﺎﻟﺪﻧﻴﻪ ﺍﻟﺤﺐ
ﺍﻧﻲ ﺍﻏﺎﺭ ﻣﻦ ﺍﺷﻮﻓﻚ ﻭﻱ ﻭﺣﺪﻩ ﻏﻴﺮﻱ
ﻣﺎﺍﺗﺤﻤﻞ
ﺍﻧﻲ ﻣﻮ ﺍﻧﺎﻧﻴﻪ ﺑﺲ ﻣﻦ ﻫﺎﻱ ﺍﻟﻨﺎﺣﻴﻪ ﺍﻛﺒﺮ ﺍﻧﺎﻧﻴﻪ
ﻣﻌﻘﻮﻟﻪ ﺗﺤﺒﻴﻨﻲ ﺯﻳﻨﺐ
ﺍﻧﻲ ﺍﻋﺘﺒﺮ ﺣﺒﺞ ﺍﻟﻴﻪ ﻣﻌﺠﺰﻩ ﻣﻦ ﺭﺏ ﺍﻟﻌﺎﻟﻤﻴﻦ
ﻭﺑﻨﻔﺲ ﺍﻟﻮﻗﺖ ﻋﻘﺎﺏ ﺍﻟﻴﻪ
ﻻﻥ ﻛﺎﻋﺪ ﺗﻌﺘﺮﻓﻴﻦ ﺑﺤﺒﺞ ﻭﺑﻨﻔﺲ ﺍﻟﻮﻗﺖ ﺭﺍﻓﻀﺘﻨﻲ
ﺗﺪﺭﻳﻦ ﻫﺬﺍ ﺍﻛﺒﺮ ﻋﻘﺎﺏ ﺍﻟﻲ ﻉ ﺍﺧﻄﺎﺋﻲ
ﻣﺮﻭﻩ ﻣﺎﺍﻛﺪﺭ ﺍﻃﻠﻜﻬﺎ ﻻﻥ ﺗﺤﻤﻞ ﻃﻔﻠﻲ ﺑﺎﺣﺸﺎﺋﻬﺎ
ﻭﺑﻨﻔﺲ ﺍﻟﻮﻗﺖ ﻣﺎﺍﻛﺪﺭ ﺍﻃﻠﻜﻬﺎ ﺑﺪﻭﻥ ﺳﺒﺐ
ﺍﻧﻲ ﻣﺎﺍﻛﺪﺭ ﺍﻃﻠﺐ ﻣﻨﻚ ﺍﻃﻠﻜﻬﺎ
ﺧﻠﻴﻨﻪ ﻫﻴﺞ ﺍﺣﺴﻦ
ﻣﻌﻘﻮﻟﻪ ﻣﺘﺘﻌﺬﺑﻴﻦ ﻣﺜﻠﻲ
ﻫﻮ ﺍﻧﻲ ﻣﻦ ﻳﻮﻡ ﺍﻟﻌﺮﻓﺘﻚ ﻟﻠﻴﻮﻡ ﻛﺎﻋﺪ ﺍﺗﻌﺬﺏ
ﺷﻨﻮ ﺍﻟﺠﺪﻳﺪ ﺑﺎﻟﻤﻮﺿﻮﻉ
ﺍﻧﺖ ﻣﺴﺘﺤﻴﻞ ﺗﺘﻐﻴﺮ ﺣﻴﺪﺭ ﺍﻧﺖ ﺗﺒﻘﻰ ﻛﻠﻤﺎ ﺗﻀﻮﺝ ﻣﻨﻲ ﺗﺮﻭﺡ ﺗﺸﺮﺏ
ﺗﺮﻭﺡ ﺗﺼﺎﺩﻕ ﺑﻨﺎﺕ ﺗﻨﺎﻡ ﻭﻳﺎﻫﻦ
ﻭﺗﺠﺮﺣﻨﻲ ﺩﻭﻣﻚ ﻭﺗﻜﻮﻝ ﻣﻮ ﺑﻘﺼﺪﻱ
ﻳﺎﺑﻪ ﻭﺭﺑﺞ ﻭﻧﺒﻴﺞ ﻭﺍﻣﺎﻣﺞ ﻭﺍﻟﻘﺮﺍﻥ ﻭﺍﻟﺘﻮﺭﺍﺓ ﻭﺍﻻﻧﺠﻴﻞ
ﻣﻦ ﻳﻮﻡ ﺍﻟﻲ ﺯﺭﺕ ﺑﻲ ﺍﻻﻣﺎﻡ ﻋﻠﻲ ﺗﺒﺖ
ﻣﺎﺷﺮﺑﺖ ﻭﻻ ﺍﺗﻘﺮﺑﺖ ﻟﻮﺣﺪﻩ ﺍﺑﺪ
ﻭﻣﻦ ﺭﺣﺖ ﻟﺒﻐﺪﺍﺩ ﻣﻌﻘﻮﻟﻪ ﺗﻘﻨﻌﻨﻲ ﻣﺎﺷﺮﺑﺖ ﻭﻻ ﻧﻤﺖ ﻭﻱ ﻭﺣﺪﻩ
ﺍﺑﺪ ﻭﺍﻟﻠﻪ ﻭﺭﻭﺣﻪ ﻻﺧﻮﻳﻪ ﻻﺷﺮﺑﺖ ﻭﻻ ﻧﻤﺖ ﻭﻱ ﻭﺣﺪﻩ
ﻟﺞ ﺍﻧﻲ ﻣﺨﺒﻞ ﺑﻌﺪ ﺍﺭﺟﻊ ﻟﻬﺎﻱ ﺍﻟﺴﻮﺍﻟﻒ ﺍﻟﺘﻌﺒﺎﻧﻪ
ﺍﻧﻲ ﺗﺒﺖ ﻭﺗﻮﺑﺘﻲ ﺻﺎﺩﻗﻪ ﻣﺴﺘﺤﻴﻞ ﺍﺭﺟﻊ ﺑﻌﺪ
ﻭﺍﻟﻠﻪ ﺭﻏﻢ ﻣﺎﻛﻠﻬﻢ ﺍﻟﻮﻳﺎﻱ ﺭﺍﺣﻮﺍ ﻭﺳﻬﺮﻭﺍ
ﺍﻧﻲ ﻣﺎﺭﺣﺖ ﻭﻳﺎﻫﻢ ﻭﻛﻀﻴﺘﻬﺎ ﺍﻗﺮﻩ ﻗﺮﺍﻥ ﻭﺍﺻﻠﻲ
ﻛﻮﻝ ﻭﺍﻟﻠﻪ ﻭﻣﺘﺠﺬﺏ ﻋﻠﻴﻪ
ﻭﺍﻟﻠﻪ ﻭﺩﺍﻋﺘﺞ ﻭﺩﺍﻋﺖ ﺍﻣﻲ
ﻣﺴﺘﺤﻴﻞ ﺍﺭﺟﻊ ﺍﺷﺮﺏ
ﺍﻧﻲ ﺍﻣﻨﻴﺘﻲ ﺗﺘﻘﺒﻠﻴﻨﻲ
ﻭﻛﺎﻋﺪ ﺍﺗﻮﺳﻞ ﺑﺮﺑﻲ ﻟﻴﻞ ﻧﻬﺎﺭ ﻟﺤﺘﻰ ﻳﻐﻔﺮ ﺍﻟﻲ ﻭﻳﺴﺘﺠﻴﺐ ﺩﻋﺎﺋﻲ
ﺷﻠﻮﻥ ﺍﺭﻭﺡ ﺍﺭﺟﻊ ﻭﺍﻏﻀﺐ ﺭﺑﻲ
ﺍﻥ ﺷﺎﺀ ﺗﻬﻮﻥ ﺍﻫﻢ ﺷﻲ ﺍﻃﻤﺄﻧﻴﺖ ﻣﻦ ﺣﺒﺞ ﺍﻟﻴﻪ
ﻛﻠﺸﻲ ﻣﺎﺍﺭﻳﺪ ﺑﻌﺪ ﻣﻦ ﺍﻟﺪﻧﻴﻪ
ﺭﺍﺡ ﺍﺑﻘﻰ ﻉ ﺣﺎﻟﻲ ﻭﺍﻧﺖ ﺍﺑﻘﻲ ﻉ ﺣﺎﻟﺞ
ﻟﻤﻦ ﺗﺤﻨﻴﻦ ﻋﻠﻴﻪ ﻣﺮﺍﺡ ﺍﺟﺒﺮﺝ ﻉ ﺷﻲ
ﺭﺍﺡ ﺍﺑﻘﻰ ﻉ ﺍﻣﻞ ﻳﺠﻲ ﻳﻮﻡ ﻭﺗﺘﻘﺒﻠﻴﻨﻲ
ﻭﺩﻋﻨﻲ ﻭﻃﺒﻜﻪ
ﻣﻌﻘﻮﻟﻪ ﺍﻋﺘﺮﻓﺘﻠﻪ ﺑﺤﺒﻲ
ﺗﻌﺒﻨﻲ ﻫﺬﺍ ﺍﻟﺤﺐ
ﻳﻜﻮﻟﻮﻥ ﺍﻟﺤﺐ ﺷﻌﻮﺭ ﻭﺍﺣﺴﺎﺱ ﺟﻤﻴﻞ
ﻳﺎﺧﺬ ﺍﻟﺸﺨﺺ ﻟﻐﻴﺮ ﻋﺎﻟﻢ
ﻟﻌﺎﻟﻢ ﻭﺭﺩﻱ ﻣﻠﻴﺊ ﺑﺎﻟﺴﻌﺎﺩﻩ ﻭﺍﻟﻔﺮﺡ
ﻳﻜﻮﻟﻮﻥ ﺍﻟﺸﺨﺺ ﻳﺤﺲ ﺑﻨﻔﺴﻪ ﻛﺎﻧﻮ ﻃﺎﻳﺮ ﺑﺎﻟﺴﻤﺎ ﻣﻦ ﺍﻟﺴﻌﺎﺩﻩ
ﺍﺷﻮ ﺍﻧﻲ ﺣﺒﻲ ﻳﺨﺘﻠﻒ ﻋﻦ ﺍﻟﻐﻴﺮ
ﺣﺒﻲ ﻭﺩﺍﻧﻲ ﻟﻌﺎﻟﻢ ﺍﻟﺸﻚ ﻭﺍﻟﻐﻴﺮﻩ
ﺍﺧﺬﻧﻲ ﻟﻌﺎﻟﻢ ﻣﻠﻴﺊ ﺑﺎﻻﺣﺰﺍﻥ ﻭﺍﻟﻬﻤﻮﻡ
ﺧﻼﻧﻲ ﻻ ﺍﻧﻲ ﺑﺴﻤﺎ ﻭﻻ ﺍﻧﻲ ﺑﻜﺎﻉ
ﻻ ﺍﻧﻲ ﺍﻟﻲ ﺍﻛﺪﺭ ﺍﻋﻴﺶ ﺑﺪﻭﻥ ﺣﻴﺪﺭ ﻭﻻ ﺍﻧﻲ ﺍﻟﻲ ﺍﻛﺪﺭ ﺍﻋﻴﺶ ﻭﻳﺎ
ﺷﻌﻮﺭﻱ ﻣﺘﻨﺎﻗﺾ ﻭﻣﺎﺍﻋﺮﻑ ﺷﻨﻮ ﺍﻟﻲ ﺍﺭﻳﺪﻩ ﺑﺎﻟﻀﺒﻂ
ﺍﺣﺒﻪ ﻭﺍﻋﺸﻘﻪ ﻭﺍﺗﻤﻨﻰ ﺍﻧﺎﻡ ﻉ ﺻﺪﺭﻩ ﻭﺍﻧﻲ ﻣﻄﻤﺄﻧﻪ
ﻣﺸﺘﺎﻗﺘﻠﻪ ﻣﻮﺕ ﺻﻮﺭﺗﻪ ﻣﺘﺮﻭﺡ ﻣﻦ ﺑﺎﻟﻲ ﺍﺑﺪ
ﻣﺎﺍﻋﺮﻑ ﺷﻨﻮ ﺍﻟﻲ ﺧﻼﻧﻲ ﺍﺣﺒﻪ
ﺭﻏﻢ ﻣﺎﺍﺫﺍﻧﻲ ﺣﻴﻞ ﻫﺎﻧﻲ ﻫﻮﺍﻱ
ﺧﻼﻧﻲ ﺧﺪﺍﻣﻪ ﺍﺗﺰﻭﺝ ﻋﻠﻴﻪ 2
ﺍﻟﻤﻔﺮﻭﺽ ﺍﻧﻲ ﺍﻛﺮﻫﺎ ﺑﺲ ﺻﺎﺭ ﺍﻟﻌﻜﺲ
ﺭﻏﻢ ﺣﺒﻲ ﺍﻟﻪ ﻋﻘﻠﻲ ﻳﺮﻓﺾ ﻗﺮﺑﻪ ﺍﻟﻴﻪ
ﻣﻮ ﺑﻴﺪﻱ ﺍﻏﺎﺭ ﺷﻠﻮﻥ ﻳﺒﻮﺳﻨﻲ ﻭﻳﺮﺟﻊ ﻳﺒﻮﺱ ﻣﺮﻭﻩ
ﺷﻠﻮﻥ ﻳﻨﺎﻡ ﻳﻤﻲ ﻭﻳﺮﺟﻊ ﻳﻨﺎﻡ ﻳﻤﻬﺎ
ﺷﻠﻮﻥ ﻳﻜﻠﻲ ﺍﺣﺒﺞ ﻭﻳﺮﻭﺡ ﻳﻤﻬﺎ ﻭﻳﻜﻠﻪ ﺍﺣﺒﺞ
ﺑﻘﻴﺖ ﺍﻓﻜﺮ ﻣﺎﺍﻋﺮﻑ ﺷﻨﻮ ﺍﻟﻲ ﻳﺮﻳﺤﻨﻲ
ﻛﻌﺪﺕ ﺛﺎﻧﻲ ﻳﻮﻡ ﻭﺩﺍﻭﻣﺖ
ﺭﺟﻌﺖ ﻭﺟﺎﻥ ﺍﻟﻜﻲ ﺍﻟﺒﻴﺖ ﻣﺨﺒﻮﺹ ﺧﺒﺺ
ﺗﻠﻜﺘﻨﻲ ﺯﻫﺮﺍﺀ
ﻫﺎ ﺧﻴﺮ ﺷﻜﻮ ﺷﺼﺎﻳﺮ
ﺟﺎﻥ ﺗﻜﻮﻝ .........
ﺗﻮﻗﻌﺎﺗﻜﻢ ﺣﺒﺎﻳﺒﻲ ﺷﺼﺎﻳﺮ ﺑﺎﻟﺒﻴﺖ ﻭﻣﺨﺒﻮﺻﻴﻦ ؟؟؟؟؟؟؟
ﺍﻟﺼﺎﺭ ﺭﺍﺡ ﻳﺎﺛﺮ ﻉ ﺣﻴﺎﺓ ﺯﻳﻨﺐ ﻟﻮ ﻻ ؟؟؟؟؟
ﺗﺤﻴﺎﺗﻲ ﻟﻠﺠﻤﻴﻊ ﺣﺒﺎﻳﺒﻲ 😘😘