[فيتامين سي]

ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ
ﺑﺎﺭﺕ ﻃﻮﻳﻞ ﻭﻣﻠﻴﺊ ﺑﺎﻟﻤﻔﺎﺟﺌﺎﺕ ﺗﻌﻮﻳﺾ ﺍﻟﺒﺎﺭﺣﻪ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ


🌹 ﺍﻟﺒﺎﺭﺕ 51 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋


ﺟﺎﻥ ﺗﻜﻮﻝ ﻣﺮﻭﻩ ﻣﺘﺨﺮﺑﻄﻪ ﻭﺩﺍﺧﻠﻪ ﻣﺴﺘﺸﻔﻰ
ﻟﻴﺶ ﺷﺒﻴﻬﺎ ﺧﻴﺮﻫﺎ
ﺗﻜﻮﻝ ﺧﺎﻟﻪ ﻭﺍﻛﻌﻪ ﻣﻦ ﺍﻟﺪﺭﺝ ﻭﺍﻟﻄﻔﻞ ﻣﺴﻘﻄﺘﻪ ﻭﻛﺎﻋﺪ ﺗﻨﺰﻑ ﻭﺣﺎﻟﺘﻬﺎ ﻣﻤﺴﺘﻘﺮﻩ ﺍﺑﺪ
ﻫﻲ ﺗﻜﻮﻝ ﻭﻛﻌﺖ ﺻﺪﻓﻬﺰﻣﻦ ﺍﻟﺪﺭﺝ ﻣﺘﺪﺭﻱ ﺍﺣﻨﻪ ﻋﺪﻧﻪ ﻋﻠﻢ
ﺑﺲ ﺍﻟﺪﻛﺘﻮﺭﻩ ﺍﻋﺮﻓﻬﺎ ﻛﺎﻟﺖ ﺍﻋﺘﺮﻓﺖ ﻛﺎﻟﺖ ﻣﺎﺧﺬﻩ ﻋﻼﺟﺎﺕ ﻭﻣﺴﻘﻄﺘﻪ ﻟﻠﻄﻔﻞ
ﺧﺎﻟﻪ ﻭﻋﻤﻮ ﻣﺘﺨﺒﻠﻴﻦ
ﺍﻟﻤﺸﻜﻠﻪ ﻣﺎﺛﺮ ﻋﻠﻴﻬﺎ ﺍﻟﻌﻼﺝ
ﺧﺎﺑﺮﻭﺍ ﺍﻫﻠﻬﺎ ﻭﻫﺴﻪ ﺟﺎﻳﻴﻦ ﺑﺎﻟﻄﺮﻳﻖ
ﺍﻟﺪﻛﺘﻮﺭﻩ ﻣﺘﺨﺒﻠﻪ ﺗﻜﻮﻝ ﻣﺎﺧﺬﻩ ﺍﻧﻮﺍﻉ ﺍﻟﻌﻼﺟﺎﺕ ﻭﺣﺘﻰ ﺍﻋﺸﺎﺏ ﻟﺤﺪ ﻣﺎﺳﺎﻗﻂ
ﻭﺍﻟﻠﻪ ﺩﻭﺧﺘﻨﻲ ﻟﻴﺶ ﻫﻴﺞ ﺗﺴﻮﻱ ﻭﺷﻠﻮﻥ ﻳﻨﻄﻴﻬﺎ ﻛﻠﺒﻬﺎ ﺗﻘﺘﻞ ﻧﻔﺲ ﺑﺮﻳﺌﻪ
ﺍﻧﻲ ﻣﻦ ﺻﺎﺭ ﻧﻈﻮﺭﻱ ﻣﺴﺘﻌﺪﻩ ﻛﻠﺸﻲ ﺍﺳﻮﻱ ﻓﻲ ﺳﺒﻴﻞ ﻣﺎﺍﺳﻘﻄﻪ
ﺫﻟﻴﺖ ﻧﻔﺴﻲ ﻭﺍﺗﻮﺳﻠﺖ ﺑﺤﻴﺪﺭ ﻭﺍﺩﺭﻱ ﺑﻲ ﺭﺍﺡ ﻳﺬﻟﻨﻲ
ﺑﺲ ﻭﺍﻓﻘﺖ ﻻﺟﻞ ﺍﺑﻨﻲ
ﺭﺣﺖ ﺑﺪﻟﺖ ﺍﻧﻲ ﻭﺍﻟﺠﻬﺎﻝ ﻣﺒﺪﻟﻴﻦ ﻳﻢ ﺍﻫﻠﻲ
ﺣﺘﻰ ﻏﺪﻩ ﻫﻨﺎﻙ ﻧﺘﻐﺪﻩ ﻳﻮﻣﻴﻪ
ﻏﺴﻠﺖ ﺍﻟﻤﻼﺑﺲ ﻭﺟﻔﻔﺘﻬﻦ
ﻧﺰﻟﺖ ﺟﻮﻩ ﻭﺭﻩ ﺷﻮﻳﻪ ﻛﺎﻟﻮﺍ ﺍﺟﻮﻱ ﺍﻫﻠﻬﺎ
ﺍﻣﻬﺎ ﻭﺍﺑﻮﻫﺎ ﻭﺍﺧﻮﻫﺎ ﺩﺧﻠﺖ ﺳﻠﻤﺖ
ﻫﺎﻟﻤﺮﻩ ﻟﺒﺴﺖ ﺻﺎﻳﻪ ﻭﺣﺠﺎﺏ ﻛﻠﺖ ﻋﻴﺐ ﻛﻞ ﻣﺮﻩ ﺍﺗﻬﺮﺏ
ﺧﺎﻟﻪ ﺑﺎﻗﻴﻪ ﻳﻤﻬﺎ
ﺍﻣﻴﺮ ﻭﻋﻤﻮ ﻳﻤﻬﻢ
ﺳﻮﻳﻨﺎﻟﻬﻢ ﺟﺎﻱ ﻛﺎﻝ ﻋﻤﻮ ﺍﻧﻲ ﺍﺭﻭﺡ ﻭﻳﺎﻛﻢ ﻧﺰﻭﺭﻫﺎ
ﺧﺎﺑﺮﺗﻨﻲ ﺧﺎﻟﻪ ﻛﺎﻟﺖ ﺩﺯﻳﻨﻪ ﻣﻼﺑﺲ ﺍﻟﻬﺎ
ﺭﺣﺖ ﺍﻧﻲ ﻭﺍﻣﻬﺎ ﺟﻬﺰﺕ ﺟﻨﻄﻪ ﻭﺍﻧﻄﻴﺘﻬﻴﺎ
ﺭﺍﺣﻮﺍ ﻟﻠﻴﻞ ﺍﺟﻮﻱ
ﺧﺎﻟﻪ ﺭﺍﺟﻌﻪ ﻻﻥ ﻋﺪﻫﺎ ﺩﻭﺍﻡ ﺛﺎﻧﻲ ﻳﻮﻡ
ﺑﺎﻗﻴﻪ ﺍﻣﻬﺎ
بيج قصص عراقيه حقيقيه من واقعنا.روعه الطائي
ﺍﺑﻮﻫﺎ ﻭﺍﺧﻮﻫﺎ ﺗﻌﻄﻠﻮﺍ
ﻧﺎﻣﻮﺍ ﻫﻤﻪ ﻭﻋﻤﻮ ﺍﺑﻴﺖ ﺣﻴﺪﺭ
ﺧﺎﻟﻪ ﻣﺘﺨﺒﻠﻪ ﺗﻜﻮﻝ ﺍﺫﺍ ﻋﺮﻑ ﺣﻴﺪﺭ ﻫﻲ ﺍﻟﻲ ﻣﺴﻘﻄﺘﻪ ﻟﻠﻄﻔﻞ ﻳﺘﺨﺒﻞ
ﻛﻌﺪﺕ ﺍﻟﺼﺒﺢ ﺟﻬﺰﺗﻠﻬﻢ ﺭﻳﻮﻙ
ﺍﻟﻜﻞ ﻋﻨﺪﻩ ﺩﻭﺍﻡ ﺯﻫﺮﺍﺀ ﺍﺩﺯ ﺑﻨﺘﻬﺎ ﻻﻫﻠﻬﺎ
ﻋﻤﻮﺍ ﻛﺎﻝ ﻣﺎﺍﺩﺍﻭﻡ ﻉ ﺣﺴﺎﺑﻬﻢ ﻋﻴﺐ
ﺍﻧﻲ ﻗﺮﺭﺕ ﺑﺲ ﺍﻭﻝ ﻣﺤﺎﻇﺮﻩ ﻣﻬﻤﻪ ﻭﺍﺭﺟﻊ
ﺣﺘﻰ ﺍﺳﻮﻱ ﻏﺪﻩ ﻋﻴﺐ ﻣﻨﻬﻢ
ﻓﻌﻼ ﺭﺟﻌﺖ ﻭﺧﺒﺮﺕ ﻣﺎﻣﺎ ﺗﺨﻠﻲ ﺍﻻﻃﻔﺎﻝ ﻳﻤﻬﻢ
ﺳﻮﻳﺖ ﺍﻟﻐﺪﻩ ﻭﺻﺒﻴﺖ ﺍﻟﻬﻢ
ﻛﺎﻟﻮﺍ ﻧﺮﻳﺪ ﻧﺮﻭﺡ ﻟﻠﻤﺴﺸﻔﻰ ﻭﻣﻨﺎﻙ ﻧﺮﺟﻊ ﺑﺲ ﺍﻣﻬﺎ ﺭﺍﺡ ﺗﺒﻘﻰ
ﻭﺭﻩ ﺍﻟﻐﺪﻩ ﺭﺍﺣﻮﺍ ﺣﺘﻰ ﻋﻤﻮ
ﺍﺟﺖ ﺧﺎﻟﻪ ﻣﻦ ﺍﻟﺪﻭﺍﻡ
ﻛﺎﻟﺖ ﺧﻞ ﻧﺮﻭﺡ ﺍﻧﻲ ﻭﻳﺎﺝ ﻟﻠﻤﺴﺘﺸﻔﻰ
ﺟﻬﺰﻧﻪ ﺍﻟﻐﺪﻩ ﻧﺎﺧﺬﻩ ﻭﻳﺎﻧﻪ
ﺭﺣﻨﻪ ﺍﻧﻲ ﻭﺧﺎﻟﻪ
ﻟﻜﻴﻨﺎﻫﺎ ﻧﺎﻳﻤﻪ
ﻭﺭﻩ ﺷﻮﻳﻪ ﻛﻌﺪﺕ ﺑﺲ ﺗﺒﺠﻲ
ﻛﺎﻟﻮ ﺍﻟﻴﻮﻡ ﻫﻢ ﺗﺒﻘﻰ ﻳﻤﻨﻪ ﻻﻥ ﺍﻟﻨﺰﻳﻒ ﻣﻴﺘﻮﻗﻒ
ﻭﻫﺬﺍ ﺍﻟﺸﻲ ﺧﻄﺮ ﻉ ﺣﻴﺎﺗﻬﺎ
ﻣﺤﺘﺎﺟﻴﻦ ﺩﻡ ﻭﻣﺘﺒﺮﻋﻴﻠﻬﺎ ﺍﺧﻮﻫﺎ ﻭﺍﻣﻴﺮ ﻣﺤﺼﻞ ﺷﺨﺺ ﻫﻢ ﻣﺘﺒﺮﻉ ﺍﻟﻬﺎ
ﻣﺤﺘﺎﺟﻪ 3 ﺍﺑﻄﺎﻟﻪ ﺩﻡ ﺩﺍﻳﺮﻳﻠﻬﺎ ﻭﺑﻌﺪﻫﻲ ﺗﺤﺘﺎﺝ ﻭﺍﺣﺪ
ﺍﺗﻐﺪﺕ ﻛﻮﻩ ﻫﻲ ﻭﺍﻣﻬﺎ
ﻟﻜﻴﻨﻪ ﺍﺑﻮﻫﺎ ﻭﺍﺧﻮﻫﺎ
ﺍﺑﻮﻫﺎ ﺳﺎﻝ ﺧﺎﻟﻪ ﻣﻨﻮ ﺟﺎﺑﻜﻢ ﻟﻴﺶ ﻣﺎﺍﺟﻴﺘﻮ ﻭﻳﺎﻧﻪ
ﻛﻠﺘﻠﻪ ﺯﻳﻨﺐ ﻋﺪﻫﺎ ﺳﻴﺎﺭﻩ ﻭﺍﺟﻴﻨﻪ ﺑﻴﻬﺎ
ﻭﺭﻩ ﻓﺘﺮﻩ ﺍﺗﺮﺧﺼﻮ ﻭﺭﺍﺣﻮﺍ
ﻛﺎﻟﺖ ﺧﺎﻟﻪ ﺭﺍﺡ ﺍﺑﻘﻰ ﺍﻧﻲ ﻫﻨﺎ
ﺍﺧﺬﻱ ﺍﻡ ﻣﺮﻭﻩ ﺧﻞ ﺗﺮﺗﺎﺡ ﻭﻟﻠﻴﻞ ﻳﻠﻪ ﻳﺠﻴﺒﻬﺎ ﺍﻣﻴﺮ
ﺑﺎﺟﺮ ﺟﻤﻌﻪ ﻫﻤﺰﻳﻦ ﻣﺎﻛﻮ ﺩﻭﺍﻡ
ﺍﺧﺬﺗﻬﺎ ﻛﺘﻠﻬﺎ ﺧﺎﻟﻪ ﺭﺍﺡ ﺍﻣﺮ ﺑﺎﻫﻠﻲ ﺑﺲ ﺍﺟﻴﺐ ﺍﻟﺠﻬﺎﻝ
ﻛﺎﻟﺖ ﻋﺎﺩﻱ ﺣﺘﻰ ﺍﺳﻠﻢ ﻋﻠﻴﻬﻢ ﺑﻄﺮﻳﻘﻲ
ﻓﻌﻼ ﻣﺮﻳﻨﻪ ﺷﻮﻳﻪ ﻣﺘﺎﺧﺮﻧﻪ
ﺭﺟﻌﻨﻪ ﻭﺑﻘﺖ ﻭﺭﻩ ﺍﻟﻌﺸﻪ ﺍﺧﺬﻫﺎ ﺍﻣﻴﺮ
ﺭﺟﻌﺖ ﺧﺎﻟﻪ ﻛﺎﻟﺖ ﻟﺤﺪ ﻳﺤﺠﻲ ﺷﻲ ﻛﺪﺍﻡ ﺣﻴﺪﺭ ﺍﺑﺪ
ﻣﺨﺒﻞ ﻫﺬﺍ ﻳﺮﻭﺡ ﻳﻌﻮﻑ ﺍﻟﺪﻭﺭﻩ ﻭﻳﺠﻲ
ﻛﺎﻟﺖ ﺗﻜﻮﻝ ﺍﻧﻲ ﻣﻤﺴﻘﻄﺘﻪ ﻟﻠﻄﻔﻞ
ﺍﺧﺬﺕ ﻋﻼﺝ ﺑﺎﻟﻐﻠﻂ ﺍﺗﻮﻫﻤﺖ ﺑﻲ
ﻛﺎﻟﺖ ﺯﻫﺮﺍﺀ ﻟﻮ ﻣﺎﻛﺎﻟﺘﻠﻲ ﺍﻟﺪﻛﺘﻮﺭﻩ ﺫﺍﻙ ﺍﻟﻴﻮﻡ ﺟﺎﻥ ﺻﺪﻛﺘﻬﺎ
ﺛﺎﻧﻲ ﻳﻮﻡ ﻃﻠﻌﺖ ﻭﺍﻣﻬﺎ ﻭﻳﺎﻫﺎ ﻣﺴﺘﻘﺮﻩ ﺣﺎﻟﺘﻬﺎ
ﺍﻧﻲ ﻣﺠﻬﺰﻩ ﺍﻟﻐﺪﻩ
ﺩﺯﻳﺘﻪ ﺍﻟﻬﻦ
ﻟﻠﻴﻞ ﺯﻫﺮﺍﺀ ﺳﻮﺕ ﺍﻟﻌﺸﻪ ﻭﻫﻢ ﺩﺯﺗﻪ ﺍﻟﻬﻦ
ﺑﺲ ﺗﺒﺠﻲ ﻭﺍﻣﻬﺎ ﻣﺎﻛﻠﻪ ﺭﺍﺳﻬﺎ
بيج قصص عراقيه حقيقيه من واقعنا.روعه الطائي
ﺍﺑﻮﻫﺎ ﻻﻋﺐ ﺑﻴﻬﺎ ﺟﻮﻟﻪ
ﻣﺤﺪ ﻋﺮﻑ ﺍﻟﺴﺒﺐ ﺍﻟﻲ ﺧﻼﻫﺎ ﻫﻴﺞ ﺗﺴﻮﻱ
ﻛﻠﺘﻠﻲ ﺍﺑﻘﻲ ﻳﻤﻲ ﻫﻨﺎ ﺍﺭﻳﺪ ﺍﺣﺎﻳﺞ
ﺍﻣﻬﺎ ﺭﺍﺣﺖ ﻳﻢ ﺧﺎﻟﻪ
ﻛﺎﻟﺖ ﻋﻔﻴﻪ ﻟﺘﺨﺒﺮﻳﻦ ﺣﻴﺪﺭ ﻫﺴﻪ ﺍﺑﺪ
ﻻﻭﺍﻟﻠﻪ ﻣﺎﻋﻠﻴﻪ ﻻ ﻫﺴﻪ ﻭﻻ ﺑﻌﺪﻳﻦ
ﺍﻧﺖ ﻭﻳﺎ ﺍﺗﻔﺎﻫﻤﻮﺍ ﻣﺎﺍﺩﺧﻞ ﺍﺑﻴﻨﻜﻢ ﺍﺑﺪ
ﺑﺲ ﻟﻴﺶ ﻫﻴﺞ ﺳﻮﻳﺘﻲ
ﻭﺍﻟﻠﻪ ﻉ ﻣﻮﺩﺝ ﺍﻧﺖ ﻭﺟﻬﺎﻟﺞ
ﺑﻘﻴﺖ ﺻﺎﻓﻨﻪ ﺍﻧﻲ ﺷﻌﻠﻴﻪ
ﻭﺍﻟﻠﻪ ﺣﻴﺪﺭ ﺑﺎﻟﻪ ﻣﻮ ﻳﻤﻲ
ﻋﻘﻠﻪ ﻣﻮ ﻳﻤﻲ
ﻭﻛﻠﺒﻪ ﻣﻮ ﻳﻤﻲ
ﺣﺘﻰ ﻣﺎﺷﻔﺖ ﺍﻟﻔﺮﺣﻪ ﺑﻌﻴﻮﻧﻪ ﻣﻦ ﻛﺘﻠﻪ ﺣﺎﻣﻞ
ﺍﻟﻲ ﺍﻋﺮﻓﻪ ﺍﻻﺏ ﻳﻔﺮﺡ ﺑﻬﻴﺞ ﺧﺒﺮ ﺑﺲ ﺣﻴﺪﺭ ﻻ
ﺣﻴﻞ ﺍﺳﺘﺤﻘﺮﺕ ﻧﻔﺴﻲ
ﺍﻧﻲ ﺩﻣﺮﺗﻜﻢ ﻭﺍﻟﻠﻪ
ﻫﻮ ﻳﺤﺒﺞ ﺍﻧﺖ
ﺍﻧﻲ ﻣﺘﺎﻛﺪﻩ ﺍﻭﻝ ﻭﺗﺎﻟﻲ ﺭﺍﺡ ﻳﻄﻠﻜﻨﻲ
ﻛﻠﺖ ﺍﻭﻝ ﺷﻲ ﺍﺗﺨﻠﺺ ﻣﻦ ﺍﻟﻄﻔﻞ ﻻﻥ ﻣﺘﺎﻛﺪﻩ ﻣﻴﻄﻠﻜﻨﻲ ﻻﻥ ﺣﺎﻣﻞ ﺑﺎﺑﻨﻪ
ﻭﺍﺫﺍ ﻃﻠﻜﻨﻲ ﺍﻛﻴﺪ ﺍﻟﻄﻔﻞ ﺭﺍﺡ ﻳﺘﻌﺬﺏ ﺑﻴﻨﻲ ﻭﺑﻴﻦ ﺍﺑﻮ
ﺍﻧﻲ ﻫﺴﻪ ﺭﺍﺡ ﺍﻃﻠﺐ ﺍﻟﻄﻼﻙ ﻣﻨﻪ
ﺍﻧﻲ ﺟﺎﻥ ﻫﺪﻓﻲ ﺍﺳﻜﺖ ﺍﻫﻠﻲ ﻣﻦ ﻭﺍﻓﻘﺖ
ﻻﻥ ﺍﺫﻭﻧﻲ ﺣﻴﻞ ﺍﺗﺰﻭﺟﻲ ﻭﺍﺗﺰﻭﺟﻲ
ﻫﺴﻪ ﺍﺫﺍ ﺍﻃﻠﻜﺖ ﺑﻌﺪ ﻣﺤﺪ ﻳﺤﺠﻲ ﻭﻳﺎﻱ
ﻭﺣﺘﻰ ﺍﺫﺍ ﺣﺠﻮﺍ ﻣﻦ ﻳﻘﺒﻞ ﻳﺘﺰﻭﺝ ﻭﺣﺪﻩ ﺍﺭﻣﻠﻪ ﻭﻣﻄﻠﻘﻪ
ﻣﺎﺍﻋﺮﻑ ﺷﺎﺣﺠﻲ ﻭﻳﺎﻫﺎ
ﻟﺴﺎﻧﻲ ﺍﻧﻌﻘﺪ
ﻛﺎﻟﺖ ﺍﺭﻳﺪ ﺍﺭﺟﻊ ﻟﺒﻨﺘﻲ
ﺍﻧﻲ ﻋﺎﻳﺸﻪ ﺑﻘﻠﻖ
ﻫﺎ ﺍﺧﺎﻑ ﻳﺪﺭﻭﻥ ﺑﻴﻪ ﺍﻫﻠﻬﺎ ﺑﺎﻟﻠﺤﻀﻪ ﻳﺎﺧﺬﻭﻫﺎ ﻣﻨﻲ
ﺑﺲ ﻣﺮﻭﻩ ﻭﺍﻟﻠﻪ ﺍﻧﻲ ﻣﺎﻋﻨﺪﻱ ﺍﻋﺘﺮﺍﺽ ﺑﻌﻼﻗﺘﺞ ﻭﻱ ﺣﻴﺪﺭ
ﻻﻥ ﺍﺳﺎﺳﺎ ﻣﺎﻛﻮ ﻋﻼﻗﻪ ﺗﺠﻤﻌﻨﻲ ﺑﻲ
ﺍﻟﺸﻲ ﺍﻟﻲ ﻳﺮﺑﻄﻨﻲ ﺑﻲ ﻫﻮ ﻧﻮﺭ ﻭﻧﻈﻮﺭﻱ
ﺍﻧﻲ ﺑﺎﻗﻴﻪ ﺑﺲ ﻟﺨﺎﻃﺮﻫﻢ
ﻣﻮ ﻣﻬﻢ ﺍﻫﻢ ﺷﻲ ﺍﻃﻠﻊ ﻣﻦ ﺣﻴﺎﺗﻜﻢ
ﺗﺪﺭﻳﻦ ﻟﻴﺶ ﺭﻓﻀﺖ ﺍﻟﺰﻭﺍﺝ ﺭﻏﻢ ﻫﻮﺍﻱ ﺗﻘﺪﻣﻮﻟﻲ
ﻻﻥ ﺯﻭﺟﻲ ﺍﻟﺸﻬﻴﺪ ﺍﻟﻠﻪ ﻳﺮﺣﻤﻪ
ﺍﺣﺒﻪ ﺣﺐ ﺟﻨﻮﻧﻲ
ﻋﺸﻘﻨﻲ ﻭﺍﻧﻲ ﺑﺎﻭﻝ ﻣﺘﻮﺳﻂ
ﺟﺎﺏ 5 ﻣﺸﻴﺎﺕ ﻳﻠﻪ ﻭﺍﻓﻖ ﺍﺑﻮﻳﻪ
ﺍﻧﺘﻈﺮﻧﻲ 6 ﺳﻨﻮﺍﺕ
ﺟﺎﺏ ﺳﺎﺩﻩ ﻭﻣﻌﻤﻤﻴﻦ
ﺣﺒﻴﺘﻪ ﻭﺣﺒﻨﻲ ﻭﺑﺠﻨﻮﻥ
ﻋﺸﺖ ﺍﺟﻤﻞ ﺍﻳﺎﻡ ﺣﻴﺎﺗﻲ ﻭﻳﺎﻩ
ﻗﺒﻞ ﻟﻴﻤﻮﺕ ﺑﻴﻮﻡ
ﺧﺎﺑﺮﻧﻲ ﻛﻠﻲ ﺍﻣﺎﻧﻪ ﻋﻠﻴﺞ ﺍﺫﺍ ﺻﺎﺭ ﻋﻠﻴﻪ ﺷﻲ ﺍﻣﺎﻧﻪ ﻋﻠﻴﺞ ﻟﻴﻮﻡ ﺍﻟﺪﻳﻦ ﺷﻮﻓﻲ ﺣﻴﺎﺗﺞ
بيج قصص عراقيه حقيقيه من واقعنا.روعه الطائي
ﺑﻌﺪﺝ ﺻﻐﻴﺮﻩ ﻭﺍﻻﻳﺎﻡ ﻛﺪﺍﻣﺞ ﻣﺎﻋﻠﻴﻪ ﺑﻴﺞ
ﺑﺲ ﺑﻨﺘﻲ ﻟﺘﺨﻠﻴﻦ ﺍﻟﻐﺮﺑﻪ ﻳﺮﺑﻮﻧﻬﺎ ﻭﻟﺘﻔﻜﺮﻳﻦ ﺗﻨﺴﻴﻨﻲ
ﻫﺎﻱ ﻭﺻﻴﺘﻲ ﺍﻟﺞ
ﺗﺤﺠﻲ ﻭﺗﺒﺠﻲ
ﻭﺍﻧﻲ ﺍﺑﺠﻲ ﻭﻳﺎﻫﺎ
ﺧﻠﻴﺖ ﺑﻨﺘﻲ ﺗﺒﺘﻌﺪ ﻋﻨﻲ
ﺧﻠﻴﺘﻬﺎ ﺗﺘﻌﻠﻖ ﺑﺎﻣﻲ
ﺍﻧﻲ ﻣﻮ ﻫﻴﻨﻪ ﻋﻠﻴﻪ ﺍﺑﺘﻌﺪ ﻋﻦ ﺑﻨﺘﻲ
ﺍﻧﻲ ﻋﺒﺎﻟﻲ ﺍﻧﺴﻰ ﺣﺒﻲ ﺑﺰﻭﺍﺟﻲ ﻣﻦ ﺣﻴﺪﺭ
ﺣﺎﻭﻟﺖ ﺍﺗﻘﺮﺑﻠﻪ ﻭﺍﻧﺴﻲ
ﻃﻠﻊ ﺣﺒﻪ ﺍﻟﻲ ﺑﻜﻠﺒﻪ ﺍﺻﻠﻲ ﻣﻮ ﺗﻘﻠﻴﺪ ﻣﺜﻠﻲ
ﻣﻜﺪﺭ ﻳﺘﺠﺎﻭﺏ ﻭﻳﺎﻱ ﻣﺮﻩ
ﺍﻟﻤﺮﻩ ﺍﻟﻮﺣﻴﺪﻩ ﺍﻟﻲ ﺗﻘﺮﺑﻠﻲ ﺑﻠﻬﻔﻪ ﻳﻮﻡ ﺯﻭﺍﺟﻨﻪ ﻭﺑﺲ
ﻛﻤﺖ ﻣﺎﺍﻋﻨﻴﻠﻪ ﺷﻲ
ﺣﺴﻴﺖ ﺑﻨﻔﺴﻲ ﻋﺒﺊ ﻋﻠﻴﻪ
ﻗﺮﺭﺕ ﺍﻻﻓﻀﻞ ﻧﻨﻔﺼﻞ
ﺑﺲ ﺍﻛﻴﺪ ﻣﺮﺍﺡ ﻳﻮﺍﻓﻖ ﺍﻟﻪ ﻳﻤﻮﺕ ﺍﻟﻄﻔﻞ
ﺍﻧﻲ ﻣﻮ ﻫﻴﻨﻪ ﻋﻠﻴﻪ ﺍﻗﺘﻞ ﺍﺑﻨﻲ ﺑﻴﺪﻱ
ﺑﺲ ﺍﺫﺍ ﺑﻘﻪ ﻋﺎﻳﺶ ﺍﻧﻲ ﻣﺘﺎﻛﺪﻩ ﺭﺍﺡ ﻧﺘﻌﺬﺏ ﻛﻠﻨﻪ
ﻫﻮ ﻭﺍﻧﻲ ﻭﺣﻴﺪﺭ ﻭﺣﺘﻰ ﺍﻧﺖ
ﻫﺴﻪ ﻳﺠﻴﻨﻲ ﺍﺣﺪ ﻭﻳﻜﻠﻲ ﻟﻴﺶ ﻣﺎﺣﺴﺒﺘﻲ ﺣﺴﺎﺑﺞ ﻣﻦ ﺍﻟﺒﺪﺍﻳﻪ
ﺍﻧﻲ ﺍﻛﻠﺞ ﻋﺒﺎﻟﻲ ﺍﺗﺤﻤﻞ ﻓﺮﺍﻙ ﺑﻨﺘﻲ ﻭﻋﺒﺎﻟﻲ ﺍﻧﺴﻰ
ﻋﺒﺎﻟﻲ ﺭﺍﺡ ﻳﺤﺒﻨﻲ ﻭﻳﻨﺴﻴﻨﻲ ﺣﺒﻲ
ﺷﻔﺖ ﻣﻌﺎﻣﻠﺘﻪ ﺍﻟﻲ ﻛﺮﻫﺖ ﻧﻔﺴﻲ ﻭﺍﻟﻠﻪ
ﺍﻟﻤﻔﺮﻭﺽ ﺍﻧﻲ ﻣﺎﺍﻭﺍﻓﻖ ﻉ ﻭﺍﺣﺪ ﻣﺘﺰﻭﺝ ﻭﻋﻨﺪﻩ ﺍﻃﻔﺎﻝ
ﺍﻛﻴﺪ ﺭﺍﺡ ﺍﺩﻣﺮﻫﻢ
ﺑﻌﺪ ﻣﺎﺍﻛﺪﺭ ﻣﺎﺍﺗﺤﻤﻞ ﺍﺑﺘﻌﺪ ﻋﻦ ﺑﻨﺘﻲ
ﻭﻻ ﺍﺗﺤﻤﻞ ﺍﻫﺠﻢ ﻋﺎﺋﻠﻪ
ﻛﻞ ﺍﻟﻲ ﺍﻋﺮﻓﻪ ﺍﺭﻳﺪ ﺍﻃﻠﻊ ﻣﻦ ﺣﻴﺎﺗﻜﻢ
ﺍﻫﻠﺞ ﺷﺮﺍﺡ ﻳﻜﻮﻥ ﻣﻮﻗﻔﻬﻢ
ﺧﺒﺮﺗﻬﻢ ﻛﺘﻠﻬﻢ ﺍﺭﻳﺪ ﺍﻃﻠﺐ ﺍﻟﻄﻼﻙ
ﻭﺍﺗﺨﺒﻠﻮﺍ
ﻟﻌﺒﻮﺍ ﺑﻴﻪ ﺟﻮﻟﻪ
ﻛﺘﻠﻬﻢ ﻭﺍﻟﻠﻪ ﺍﻛﺘﻞ ﺭﻭﺣﻲ
ﺍﺭﻳﺪ ﺑﻨﺘﻲ ﻣﺎﺍﺗﺤﻤﻞ ﻉ ﻓﺮﺍﻛﻬﺎ
ﻭﺧﺒﺮﺗﻬﻢ ﺑﺲ ﺍﺣﺪ ﻳﺤﺲ ﺑﻴﻪ ﻳﺎﺧﺬﻭﻫﺎ ﻭﺍﻟﻠﻪ
ﺍﻫﻠﻲ ﺣﺴﻮﺍ ﺑﺎﻟﺨﻄﺊ ﺍﻧﻲ ﻣﺘﺎﻛﺪﻩ
ﻫﻢ ﺳﺒﺐ ﺩﻣﺎﺭﻱ ﻭﺍﻟﻠﻪ
ﻗﺒﻞ ﻟﻴﺠﻲ ﺣﻴﺪﺭ ﺍﺟﺎﻧﻲ ﻭﺍﺣﺪ ﻣﺪﺭﺱ ﻭﺯﻭﺟﺘﻪ ﻣﺘﻮﻓﻴﻪ
ﻭﻭﻟﺪﻩ ﺑﻜﺪﻱ
ﻭﻫﻤﻪ ﺍﺗﺨﺒﻠﻮﺍ ﻋﻠﻴﻪ
ﺳﻮﻟﻲ ﺳﺎﻟﻔﻪ ﺍﻟﻪ ﺗﻮﺍﻓﻘﻴﻦ
ﺍﺣﻨﻪ ﻣﺪﺍﻳﻤﻴﻦ ﺍﻟﺞ
ﻭﺍﺧﻮﺗﺞ ﻣﻨﻮ ﻳﻜﻮﻝ ﻳﺘﺤﻤﻠﻮﻧﺞ
ﻛﺘﻠﻬﻢ ﺍﺫﺍ ﺍﻻﺧﻮ ﻣﻴﺘﺤﻤﻞ ﺍﺧﺘﻪ ﻣﻨﻮ ﻟﻌﺪ ﻳﺘﺤﻤﻠﻬﺎ
بيج قصص عراقيه حقيقيه من واقعنا.روعه الطائي
ﻛﺎﻟﻮ ﺍﻟﻤﺮﻩ ﻣﺎﻳﺴﺘﺮﻫﺎ ﻭﻣﺎ ﻳﺤﻤﻴﻬﺎ ﻭﻣﺎﻳﺘﺤﻤﻠﻬﺎ ﻏﻴﺮ ﺭﺟﻠﻬﺎ
ﺭﻓﻀﺖ ﺭﻓﺾ ﻧﻬﺎﺋﻲ
ﻫﺬﺍ ﺟﺎﻥ ﺍﻛﺒﺮ ﺧﻄﺄﺀ ﺍﺭﺗﻜﺒﺘﻪ
ﻣﻦ ﺍﺟﻪ ﺣﻴﺪﺭﻋﺒﺎﻟﻲ ﺭﺍﺡ ﻳﻨﻘﺬﻧﻲ ﻣﻦ ﻫﻮﺍﻱ ﺍﺷﻴﺎﺀ
ﺍﻭﻝ ﺷﻲ ﻛﻠﺖ ﺍﻃﻠﺐ ﻣﻬﺮ ﻋﺎﻟﻲ ﺑﻠﻜﻲ ﻳﺮﻓﺾ
ﻭﺛﺎﻧﻲ ﺷﻲ ﺭﺩﺕ ﻣﻮﺍﻓﻘﺘﺞ
ﻭﺍﻋﺘﺮﻓﻠﺞ ﺍﻧﺼﺪﻣﺖ ﻣﻦ ﺷﻔﺘﺞ
ﺍﺗﻮﻗﻌﺘﺞ ﺟﺒﻴﺮﻩ ﻟﻮ ﻣﻮ ﺣﻠﻮﻩ
ﻭﺟﻨﺘﻲ ﺑﺎﻟﻨﺴﺒﻪ ﺍﻟﻲ ﺍﻛﺒﺮ ﻟﻐﺰ ﻣﻌﺮﻓﺖ ﺍﺣﻠﻪ ﺍﺑﺪ
ﺍﻫﻠﻲ ﻛﻠﻬﻢ ﺍﻧﺼﺪﻣﻮﺍ ﻣﻦ ﺷﺎﻓﻮﺝ
ﻣﻦ ﻭﺍﻓﻖ ﺍﻧﻲ ﺍﻟﻲ ﻧﺼﺪﻣﺖ
ﻣﻌﻘﻮﻟﻪ ﻫﻴﺞ ﻳﺪﻓﻊ ﻣﻬﺮ
ﺑﻌﺪﻳﻦ ﻛﻠﺖ ﺧﻞ ﺍﻭﺍﻓﻖ ﻣﺪﺍﻡ ﺯﻭﺟﺘﻪ ﻗﺎﺑﻠﻪ ﻭﻗﺒﻞ ﺑﺎﻟﻤﻬﺮ ﺍﻟﻌﺎﻟﻲ
ﺑﺲ ﺟﻨﺖ ﺍﻛﺒﺮ ﻏﺒﻴﻪ ﻣﻦ ﻭﺍﻓﻘﺖ
ﺗﺤﺠﻲ ﻭﺍﻧﻲ ﺻﺎﻓﻨﻪ ﺍﻧﻲ ﻫﻢ ﻣﺮﻳﺖ ﺑﻬﺬﺍ ﺍﻟﺸﻲ ﻣﻦ ﺧﻄﺒﻨﻲ ﻋﻠﻲ
ﻣﺎﺍﻋﺮﻑ ﺍﻻﻫﻞ ﻳﺘﻌﺎﺟﺰﻭﻥ ﻣﻦ ﺍﻟﺒﻨﺖ
ﻣﺮﺍﺕ ﺍﺣﺲ ﺍﻟﺒﻨﻴﻪ ﻋﺒﺊ ﺟﺒﻴﺮ ﻉ ﺍﻫﻠﻬﺎ
ﺭﻏﻢ ﺣﺒﻬﻢ ﺍﻟﻬﺎ
ﻣﺎﺍﻋﺮﻑ ﺷﻨﻮ ﺍﻟﺴﺒﺐ ﺑﺎﻟﻀﺒﻂ
ﻛﺘﻠﻬﺎ ﻣﺮﻭﻩ ﺍﻧﺖ ﺍﺳﺘﻌﺠﻠﺘﻲ ﻫﻮﺍﻱ
ﺍﻧﺖ ﻣﺘﻌﺮﻓﻴﻦ ﺣﻴﺪﺭﺷﻨﻮ
ﺣﻴﺪﺭ ﻋﺎﺻﻔﻪ ﻻ ﺍﻛﺜﺮﻣﻦ ﻋﺎﺻﻔﻪ ﻳﻤﻜﻦ ﺍﻋﺼﺎﺭ
ﻳﺪﻣﺮ ﻛﻠﺸﻲ ﻛﺒﺎﻟﻪ ﻣﻦ ﻳﻌﺼﺐ
ﻣﺎﻳﺸﻮﻑ ﺩﺭﺑﻪ
ﻳﻤﻜﻦ ﺍﺫﺍ ﺩﺭﻩ ﺑﻴﺞ ﻣﺴﻘﻄﺘﻪ ﻟﻠﻄﻔﻞ ﻳﺘﺨﺒﻞ
ﻣﻮ ﻣﻬﻢ ﺍﻟﻤﻬﻢ ﺍﺭﻳﺢ ﺿﻤﻴﺮﻱ
ﺍﻧﻲ ﺭﺍﺡ ﺍﺭﻭﺡ ﻭﻱ ﺍﻣﻲ ﻗﺒﻞ ﻟﻴﺠﻲ
ﻭﺍﺧﻠﻲ ﺑﺎﻻﻣﺮ ﺍﻟﻮﺍﻗﻊ
ﻣﺎﺍﻋﺮﻑ ﻛﻼﻣﻬﺎ ﻳﻔﺮﺣﻨﻲ ﻟﻮ ﻳﺤﺰﻧﻲ
ﺍﻧﻲ ﻣﺎﺍﺭﻳﺪ ﺍﺑﻨﻲ ﺳﻌﺎﺩﺗﻲ ﻉ ﺗﻌﺎﺳﺔ ﻏﻴﺮﻱ
ﻣﺮﻭﻩ ﺧﻄﻴﻪ ﻣﺎﺍﻟﻬﺎ ﺫﻧﺐ ﺑﻠﻲ ﻳﺼﻴﺮ
ﺍﻟﻠﻪ ﻋﻠﻴﺞ ﻟﻮ ﻣﺎ ﻣﺘﻘﺪﻣﻠﺞ ﺣﻴﺪﺭ ﻋﺎﻧﻴﺘﻲ ﻫﻴﺞ
ﻳﺠﻮﺯ ﺍﻋﺎﻧﻲ ﺍﻛﺜﺮ
ﺍﺑﺪ ﻣﻤﺘﻨﺪﻣﻪ ﻻﻥ ﺍﺗﺰﻭﺟﺘﻪ ﻟﺤﻴﺪﺭ
ﻻﻥ ﺍﻫﻠﻲ ﻣﺪﻣﺮﻳﻨﻲ ﺑﻜﻠﻤﺔ ﺍﺗﺰﻭﺟﻲ
ﺑﻴﻨﻤﺎ ﻫﺴﻪ ﺭﺍﺡ ﻳﺴﻜﺘﻮﻥ ﺑﻌﺪ ﻣﺤﺪ ﻳﺤﺠﻲ
ﺍﻛﻠﻬﻢ ﻫﻮ ﻳﺤﺐ ﻣﺮﺗﻪ ﻭﺍﻧﻲ ﺍﺣﺐ ﺑﻨﺘﻲ
ﻭﺭﺍﺡ ﺍﻛﻠﻬﻢ ﻫﺎﺟﺮ ﻣﺮﺗﻪ ﺑﺴﺒﺒﻲ ﻻﻥ ﺗﺰﻭﺟﻨﻪ
ﻣﺎﺍﻛﺪﺭ ﺍﻋﻴﺶ ﺑﺪﻭﻧﻬﺎ ﻟﺒﻨﺘﻲ ﻭﺍﻟﻠﻪ
ﻣﺘﺘﺼﻮﺭﻳﻦ ﻣﻦ ﺍﺷﻮﻓﺞ ﺷﻠﻮﻥ ﻣﻌﺘﻨﻴﻪ ﺑﻨﻮﺭ ﺭﻏﻢ ﻣﺎﻫﻲ ﻣﻮ ﺑﻨﺘﺞ
ﺍﺿﻮﺝ ﻣﻦ ﻧﻔﺴﻲ ﻭﺍﻟﻠﻪ
ﺍﻧﻲ ﻣﺘﺎﻛﺪﻩ ﻣﺮﺍﺡ ﻳﺠﺒﺮﻭﻧﻲ ﺍﻫﻠﻲ ﻉ ﺷﻲ ﺑﻌﺪ
ﻭﺍﻟﻨﺒﻲ ﺭﺍﺡ ﺍﺣﺲ ﺑﺘﺎﻧﻴﺐ ﺍﻟﻀﻤﻴﺮ ﻣﻦ ﻭﺭﺍﺝ
بيج قصص عراقيه حقيقيه من واقعنا.روعه الطائي
ﻟﻴﺶ ﺍﻧﺖ ﺷﻜﻮ ﻣﻨﻮ ﻳﻤﺞ
ﻳﻤﻜﻦ ﻟﻮ ﻣﺎﺍﻧﻲ ﺟﺎﻥ ﻣﺴﻘﻄﺘﻲ ﻟﻠﻄﻔﻞ
ﻻ ﻭﺍﻟﻠﻪ ﺍﻧﻲ ﺍﺩﺭﻱ ﺑﻄﺮﻳﻘﻲ ﻣﺴﺪﻭﺩ
ﺍﺗﺰﻭﺟﺖ ﺑﺎﻟﺴﺮ ﺑﺪﻭﻥ ﻣﺎﺍﺣﺪ ﻳﻌﺮﻑ ﻣﻦ ﻋﻴﺎﻟﻲ
ﻻﻥ ﺣﻴﻞ ﺧﺎﻳﻔﻪ ﻣﻦ ﺭﺩﺓ ﻓﻌﻞ ﺍﻫﻞ ﺑﻨﺘﻲ
ﻳﻌﻨﻲ ﺷﻴﺮﺩﻭﻥ ﻳﺴﻮﻭﻥ
ﻳﺎﺧﺬﻭﻥ ﺑﻨﺘﻲ ﻣﻨﻲ ﻫﺬﺍ ﺍﺑﺴﻂ ﺷﻲ ﻳﺴﻮﻭﻧﻪ
ﻛﺎﻟﺖ ﺍﺣﺘﻤﺎﻝ ﺑﺎﺟﺮ ﺍﺭﻭﺡ ﻭﻱ ﺍﻣﻲ
ﺍﺗﻔﺎﻫﻢ ﻭﻱ ﺍﻫﻠﻲ ﻉ ﻛﻠﺸﻲ
ﻭﻳﺠﻮﺯ ﺍﻛﻠﻬﻢ ﺭﺍﺡ ﺍﻭﺍﻓﻖ ﻉ ﺣﻤﺎﻱ ﺣﺘﻰ ﺍﺳﻜﺘﻬﻢ ﺑﺲ ﻣﺴﺘﺤﻴﻞ ﺍﺳﻮﻳﻬﺎ
ﻣﺮﺍﺕ ﺍﺻﻔﻦ ﺍﻛﻮﻝ ﺍﻟﻠﻪ ﻟﻴﻨﻄﻲ ﺍﻟﺪﻭﺍﻋﺶ
ﺩﻣﺮﻭﺍ ﻋﻮﺍﺋﻞ ﻫﻮﺍﻱ
ﺍﻧﻲ ﻭﺣﺪﻩ ﻣﻦ ﺍﻟﻀﺤﻴﺎﺕ
ﺍﻛﻮ ﻣﻼﻳﻴﻦ ﻳﺠﻮﺯ ﺍﻟﻲ ﻣﺜﻠﻲ
ﺍﻱ ﻓﻌﻼ ﻣﺮﻳﻨﻪ ﺑﻬﻴﺞ ﺷﻌﻮﺭ
ﻣﻦ ﺗﺼﻮﺏ ﺣﻴﺪﺭ
ﻭﻳﻦ ﺍﺗﺼﻮﺏ
ﺑﺴﺎﻣﺮﺍﺀ ﻭﻫﻢ ﻃﻠﻊ ﻣﻦ ﺍﻟﻤﻮﺕ ﻣﻌﺠﺰﻩ
ﺍﻟﻠﻪ ﻋﻠﻴﺞ ﺗﺤﺒﻴﻨﻪ ﻟﺤﻴﺪﺭ
ﺍﺟﺬﺏ ﺍﺫﺍ ﺍﻛﻮﻝ ﻣﺎﺍﺣﺒﻪ
ﺑﺲ ﻣﻮ ﻛﻠﺸﻲ ﺑﺎﻟﺪﻧﻴﻪ ﺍﻟﺤﺐ
ﺟﺮﺣﻨﻲ ﻣﺮﺗﻴﻦ ﻭﺍﺗﺰﻭﺝ ﻋﻠﻴﻪ
ﺷﻨﻮ ﺍﻟﺴﺒﺐ
ﻣﺮﺗﻴﻦ ﺍﺗﺰﻭﺝ ﺭﺍﺩ ﻳﻜﺴﺮﻧﻲ
ﻭﻓﻌﻼ ﻧﺠﺢ
ﻛﺴﺮﻧﻲ ﻭﺧﻼﻧﻲ ﻣﺤﻄﻤﻪ
ﺯﻳﻦ ﺍﺑﺪ ﻣﻴﺘﻘﺮﺑﻠﺞ ﻫﺎﻱ ﺍﻟﻔﺘﺮﻩ
ﻻ ﺍﺑﺪ ﻭﺟﺎﻥ ﺍﺗﻔﺎﻗﻨﺎ ﻗﺒﻞ ﻟﻨﻌﻘﺪ ﻣﺮﻩ ﺛﺎﻧﻴﻪ
ﻟﻴﺶ ﻫﻮ ﻫﻢ ﻃﻠﻜﺞ
ﺍﻱ ﺍﻃﻠﻜﻨﻪ ﻣﺪﺓ ﺳﻨﻪ
ﻫﺎ ﻛﺘﻴﻠﻲ ﻉ ﻣﻮﺩ ﺍﻟﺪﻭﺍﻡ
ﻣﺎﺍﻋﺮﻑ ﺑﺬﺍﻙ ﺍﻟﻮﻛﺖ ﻣﻨﻮ ﺍﻟﻐﻠﻄﺎﻥ
ﺍﺛﻨﻴﻨﻪ ﻋﺎﻧﺪﻧﻪ
ﻭﻫﻮ ﻳﺘﺨﺒﻞ ﻣﻦ ﺍﻟﻌﻨﺎﺩ
ﺑﺲ ﺗﺪﺭﻳﻦ ﺑﻲ ﻣﺨﺒﻞ ﻭﺍﻟﻠﻪ
ﻫﺎﻱ ﺍﻟﻐﺮﻓﻪ ﻣﺮﺗﻴﻦ ﻛﺴﺮﻫﺎ
ﺍﺧﺬ ﺍﺑﻨﻲ ﻣﻨﻲ ﻭﺣﺮﻣﻨﻲ ﻣﻦ ﺷﻮﻓﺘﻪ
ﻗﺎﺳﻲ ﺑﺸﻜﻞ ﻭﻣﻴﺮﺣﻢ ﺍﻟﻲ ﻳﺎﺫﻱ
ﺭﻏﻢ ﻛﻞ ﻫﺬﺍ ﻭﺍﻧﻲ ﻛﻠﺒﻲ ﻃﺎﻳﺤﻀﻪ
ﺣﺒﻪ ﻭﻉ ﺷﻨﻮ ﻣﺎﺍﻋﺮﻑ
ﺑﺲ ﻫﻮ ﻫﻢ ﻭﺍﺿﺢ ﻋﻠﻴﻪ ﺍﻟﺤﺐ
ﻣﺒﻴﻦ ﻳﺘﻤﻨﻰ ﺭﺿﺎﺗﺞ
ﺗﺬﻛﺮﻳﻦ ﻣﻦ ﻣﺤﻤﺪ ﻃﻠﺐ ﻣﻨﻪ ﻳﻄﻠﻜﺞ
ﺷﻔﺘﻪ ﺑﺸﻮﻓﻪ ﻛﺮﻫﺖ ﻧﻔﺴﻲ ﻻﻥ ﺍﻧﻲ ﺯﻭﺟﺘﻪ
ﺣﻴﻞ ﺿﺠﺖ ﻋﻠﻴﻪ
ﺍﺗﺨﺒﻞ ﻛﺎﻡ ﺑﺎﻟﻴﻮﻡ ﺍﻟﻮﺍﺣﺪ ﻣﻼﺣﻀﺘﻪ ﻳﺸﺮﺏ 10 ﺑﺎﻛﻴﺘﺎﺕ ﺟﻜﺎﻳﺮ ﻭﺍﻛﺜﺮ ﻭﺍﻟﻠﻪ
بيج قصص عراقيه حقيقيه من واقعنا.روعه الطائي
ﺍﻧﻲ ﻣﺘﺎﻛﺪﻩ ﻳﺤﺒﻨﻲ ﺑﺲ ﺷﻠﻔﺎﻳﺪﻩ
ﺍﺫﺍ ﺍﺫﺍﻧﻲ ﻫﻮﺍﻱ ﻭﺟﺮﺣﻨﻲ ﻫﻮﺍﻱ
ﺭﻏﻢ ﺣﺒﻲ ﺍﻟﻪ ﻣﻜﺪﺭﺕ ﺍﺗﻘﺒﻠﻪ ﺍﺑﺪ
ﺍﻟﻠﻪ ﻛﺮﻳﻢ ﺑﺲ ﺍﻃﻠﻊ ﻣﻦ ﺣﻴﺎﺗﻜﻢ ﺗﺮﺍﺡ ﺗﻌﻴﺸﻮﻥ ﺑﺴﻼﻡ ﻭﺳﻌﺎﺩﻩ ﺍﻥ ﺷﺎﺀ ﺍﻟﻠﻪ
ﻳﻤﻌﻮﺩﻩ ﻳﺎﺳﻌﺎﺩﻩ ﻫﺎﻱ ﺍﻟﻲ ﺗﺤﺠﻴﻦ ﻋﻠﻴﻬﺎ
ﺻﺎﺭﻟﻲ 5 ﺳﻨﻮﺍﺕ ﻫﻨﺎ ﻧﺴﻴﺖ ﺍﻟﺴﻌﺎﺩﻩ
ﺍﻟﻠﻪ ﻛﺮﻳﻢ ﻻﺑﺪ ﺗﻔﺮﺝ ﺑﻴﻮﻡ
ﻳﻠﻪ ﺍﺧﺬﻱ ﺭﺍﺣﺘﺞ ﻭﺍﺭﺗﺎﺣﻲ
ﻋﻔﺘﻪ ﻭﻃﻠﻌﺖ ﻭﺭﺍﺳﻲ ﻳﻔﺘﺮ
ﺻﻌﺪﺕ ﻭﺩﺍﻳﺨﻪ
ﺍﻛﻮﻝ ﻣﻨﻮ ﺍﻟﻲ ﻳﺘﺤﻤﻞ ﺧﻄﻴﺔ ﻫﺬﺍ ﺍﻟﻄﻔﻞ ﺍﻟﻲ ﻣﺎﺕ ﻭﻫﻮ ﻫﺴﺘﻮﻩ ﺻﺎﺭ
ﺍﻛﻴﺪ ﺣﻴﺪﺭ ﻫﻮ ﺍﻟﻲ ﻳﺘﺤﻤﻠﻪ
ﻟﻮ ﻣﺎ ﻣﺘﺰﻭﺝ ﻣﺼﺎﺭ ﺍﻟﻲ ﺻﺎﺭ
ﺣﻴﺪﺭ : ﻗﺮﺭﺕ ﺍﺳﺎﻓﺮ ﺑﺪﻭﻥ ﻣﺎﻭﺩﻋﻬﺎ ﻭﻃﺒﻌﺎ ﻫﺬﺍ ﺍﻟﺸﻲ ﻉ ﺍﻋﺼﺎﺑﻲ
ﻻﻥ ﻫﻮﺍﻱ ﻧﺰﻟﺖ ﻧﻔﺴﻲ ﺍﻟﻬﺎ ﻫﻮﺍﻱ ﺍﺗﻮﺳﻠﺖ ﻭﻫﻲ ﻭﻻ ﻛﺎﻧﻮ
ﺧﻠﻴﺖ ﻓﻠﻮﺱ ﻋﻨﺪ ﺍﻣﻲ ﻭﻭﺻﻴﺘﻬﺎ ﻋﻠﻴﻬﻢ
ﺍﺧﺬﻧﻲ ﺍﻣﻴﺮ ﻭﺻﻠﻨﻲ ﻟﻠﻤﻄﺎﺭ
ﺳﺎﻓﺮﻧﻪ ﻭﺻﻠﻨﻪ ﻭﺍﺳﺘﻘﺮﻳﻨﻪ ﺑﺎﻟﻔﻨﺪﻕ
ﺛﺎﻧﻲ ﻳﻮﻡ ﺑﺪﺕ ﺍﻟﺪﻭﺭﻩ
ﻣﺤﺒﻴﺖ ﺍﺧﺎﺑﺮﻫﺎ ﺍﺑﺪ ﻭﺭﺍﺡ ﺍﺑﻴﻦ ﺍﻟﻬﺎ ﺍﻧﻲ ﻣﻤﻬﺘﻢ ﺑﻴﻬﺎ
ﺑﻠﻜﻲ ﺗﺤﻦ ﻋﻠﻴﻪ ﻭﻫﻲ ﺗﺨﺎﺑﺮﻧﻲ ﻟﻮ ﺗﺮﺍﺳﻠﻨﻲ
ﺑﺲ ﺧﺸﻤﻬﺎ ﻳﺎﺑﺲ ﻭﻻﻛﺎﻧﻮ
ﻣﺮﻭﻩ ﺩﺍﺋﻤﺎ ﺗﺨﺎﺑﺮﻧﻲ ﻭﺗﻄﻤﺎﻥ ﻋﻠﻴﻪ
ﺧﺒﺮﺗﻨﻲ ﺑﺎﺧﻮﻫﺎ ﻳﺮﻳﺪ ﻳﺨﻄﺐ ﺍﺧﺖ ﺯﻳﻨﺐ
ﺍﻟﻮﻟﺪ ﺣﺒﺎﺏ ﻭﺧﻠﻮﻕ ﻭﻋﻨﺪﻩ ﻣﺤﻞ
ﺑﺲ ﺿﺠﺖ ﻣﻦ ﺯﻳﻨﺐ
ﺍﺑﺪ ﻣﺤﺠﺖ ﻭﻻ ﺟﺎﺑﺖ ﻃﺎﺭﻳﻪ
ﻭﺻﻠﺖ ﻟﻤﺮﺣﻠﻪ ﺑﻌﺪ ﻣﺎﺍﺗﺤﻤﻞ
ﺍﺭﻳﺪ ﺍﺳﻤﻊ ﺻﻮﺗﻬﺎ ﻟﺰﻳﻨﺐ
ﺍﺫﺍ ﻫﻲ ﻗﺎﺳﻴﻪ ﺍﻧﻲ ﻻ
ﺍﺗﺼﻠﺖ ﺑﻴﻬﺎ ﻭﺑﺪﻳﺖ ﺍﺣﺠﻲ ﻉ ﻣﺮﻭﻩ
ﻭﺍﻗﺎﺭﻥ ﺑﻴﻨﻬﺎ ﻭﺑﻴﻦ ﻣﺮﻭﻩ
ﻛﻠﺖ ﺑﻠﻜﻲ ﺗﻐﺎﺭ ﻭﺗﺤﻦ ﻋﻠﻴﻪ
ﺣﺴﻴﺘﻪ ﺿﺎﻳﺠﻪ ﻭﻃﺒﻜﺘﻪ ﺍﻟﻤﻮﺑﺎﻳﻞ
ﺣﻴﻞ ﺍﺗﺎﺫﻳﺖ ﻻﺫﻳﺘﻬﺎ
ﻣﺎﻳﻨﻄﻴﻨﻲ ﻛﻠﺒﻲ ﺍﺻﻴﺮ ﻗﺎﺳﻲ ﻭﻳﺎﻫﺎ
ﻫﻮﺍﻱ ﺍﺗﺼﻠﺖ ﻭﻣﺎﻛﻮ ﺟﻮﺍﺏ
ﺍﻟﺼﺮﺍﺣﻪ ﺑﻘﻴﺖ ﺑﻘﻠﻖ
ﺭﺍﺳﻠﺘﻬﺎ ﻫﻢ ﻣﺎﻛﻮ
ﻭﺭﻩ ﺷﻮﻳﻪ ﻫﻲ ﺧﺎﺑﺮﺗﻨﻲ
ﺍﻋﺘﺬﺭﺕ ﻣﻨﻬﺎ
ﺣﺴﻴﺘﻬﺎ ﺗﻐﺎﺭ ﻣﻦ ﻣﺮﻭﻩ ﻏﻴﺮﻩ ﻭﺍﺿﺤﻪ ﻋﻠﻴﻬﺎ
ﺍﻧﻲ ﻣﻤﺘﺎﻛﺪ ﻣﻦ ﻣﺸﺎﻋﺮﻫﺎ ﺍﺗﺠﺎﻫﻲ
ﺳﺎﻋﻪ ﺍﺣﺴﻬﺎ ﺗﺤﺒﻨﻲ ﻭﻣﺘﺴﺘﻐﻨﻲ ﻋﻨﻲ ﺑﺲ ﻛﺎﻋﺪ ﺗﻜﺎﺑﺮ
بيج قصص عراقيه حقيقيه من واقعنا.روعه الطائي
ﻭﺳﺎﻋﻪ ﺍﺣﺴﻬﺎ ﻣﻮ ﻳﻤﻲ ﺍﺑﺪ ﻭﻣﺴﺘﺤﻴﻞ ﺗﺤﺒﻨﻲ ﻟﻮ ﺗﻔﻜﺮ ﺗﺤﺒﻨﻲ
ﺣﻠﻔﺘﻬﺎ ﺗﻌﺘﺮﻑ ﺗﺤﺒﻨﻲ ﻟﻮ ﻻ
ﺟﺎﻥ ﺗﺼﺪﻣﻨﻲ ﻣﻦ ﺍﻋﺘﺮﻓﺖ ﺗﺤﺒﻨﻲ
ﺍﺣﺲ ﺑﻨﻔﺴﻲ ﻃﺮﺕ ﻃﻴﻮﺭ ﻣﻦ ﺍﻟﻔﺮﺣﻪ
ﺍﻋﺘﺒﺮ ﺣﺒﻬﺎ ﺍﻟﻲ ﻣﻌﺠﺰﻩ ﻣﻦ ﺭﺏ ﺍﻟﻌﺎﻟﻤﻴﻦ
ﻻﻥ ﺍﻟﺴﻮﻳﺘﻪ ﺑﻴﻬﺎ ﻣﻮ ﻫﻴﻦ ﺍﺑﺪ
ﺷﻌﻮﺭﻱ ﺻﻌﺐ ﺍﻭﺻﻔﻪ
ﺭﺍﺡ ﺍﻛﺘﻔﻲ ﺑﺤﺒﻬﺎ
ﺷﻜﺎﺗﻴﻠﻲ ﺍﻟﻠﻪ ﺍﻧﻲ ﺭﺍﺿﻲ ﺑﻲ
ﺭﺍﺡ ﺍﺗﺮﻛﻬﺎ ﻣﺎﺍﻟﺢ ﻋﻠﻴﻬﺎ
ﻫﺴﻪ ﻫﻲ ﻣﻦ ﺫﺍﺗﻬﺎ ﺭﺍﺡ ﺗﺒﺪﻱ ﺗﺸﺘﺎﻗﻠﻲ ﻭﺭﺍﺡ ﺗﺤﻦ ﻋﻠﻴﻪ
ﻣﺸﻜﻠﺘﻲ ﺍﻟﻮﺣﻴﺪﻩ ﻋﻼﻗﺘﻲ ﺑﻤﺮﻭﻩ
ﻛﻤﺖ ﻛﻠﻤﺎ ﺍﺧﺘﻨﻚ ﻭﺍﺿﻮﺝ ﺍﺗﻮﺿﻪ ﻭﺍﻟﺘﺠﺊ ﻟﺮﺏ ﺍﻟﻌﺎﻟﻤﻴﻦ
ﺣﺴﻴﺖ ﻓﺮﻕ ﻫﻮﺍﻱ ﺑﻴﻦ ﻗﺮﺑﻲ ﻟﺮﺑﻲ
ﻭﺑﻴﻦ ﺍﻟﺸﺮﺏ
ﺍﻟﺸﺮﺏ ﺻﺤﻴﺢ ﻳﻨﺴﻴﻨﻲ ﻣﺆﻗﺖ ﺑﺲ ﺩﻣﺮﻧﻲ
ﺑﺲ ﻣﻦ ﺍﺗﻘﺮﺏ ﻟﺮﺏ ﺍﻟﻌﺎﻟﻤﻴﻦ ﻳﺨﻠﻴﻨﻲ ﺍﻧﺎﻡ ﻣﻄﻤﺄﻥ
ﺍﺗﻮﺿﻴﺖ ﻭﺻﻠﻴﺖ ﺭﻛﻌﺘﻴﻦ ﻃﻠﺐ ﺣﺎﺟﻪ ﻟﺮﺏ ﺍﻟﻌﺎﻟﻤﻴﻦ
ﻛﺘﻠﻪ ﻳﺎﺍﻟﻬﻲ ﺍﻧﻲ ﺍﻧﺴﺎﻥ ﺗﺎﺋﺐ ﻭﻓﻌﻼ ﺗﺒﺖ ﻣﻦ ﻛﻞ ﻣﻨﻜﺮ
ﺭﺍﺡ ﺍﺻﺤﺢ ﺍﻏﻼﻃﻲ ﻛﻠﻬﺎ
ﺍﺭﻳﺪ ﻣﻨﻚ ﺍﻟﺴﻤﺎﺡ ﻉ ﻛﻞ ﺫﻧﺐ ﺳﻮﻳﺘﻪ
ﻭﺍﺭﻳﺪ ﺍﺻﻴﺮ ﻃﻤﺎﻉ ﺍﻧﺖ ﺗﻜﻮﻝ ﻳﺎﻋﺒﺎﺩﻱ ﺍﺩﻋﻮﻧﻲ ﺍﺳﺘﺠﺐ ﻟﻜﻢ
ﻭﺍﻧﻲ ﻫﺴﻪ ﻣﺎﻛﻮ ﺑﻴﻨﻲ ﻭﺑﻴﻨﻚ ﺍﻱ ﺣﺎﺟﺰ
ﺍﺭﻳﺪ ﺍﻃﻠﺐ ﻣﻨﻚ ﺍﺗﺨﻠﺺ ﻣﻦ ﻣﺮﻭﻩ ﺑﺲ ﺑﻤﺎ ﻳﺮﺿﻴﻚ
ﻣﺎﺍﺭﻳﺪ ﺍﻃﻠﻜﻬﺎ ﻫﻴﺞ ﻭﺍﻇﻠﻤﻬﺎ ﻭﻳﺎﻱ
ﺍﺭﻳﺪ ﻫﻲ ﻣﻦ ﺫﺍﺗﻬﺎ ﺗﻄﻠﺐ ﺍﻟﻄﻼﻙ
ﺍﻧﻲ ﺍﺩﺭﻱ ﺍﻃﻠﺐ ﻣﻌﺠﺰﺍﺕ ﻣﻨﻚ ﻳﺎﺭﺑﻲ
ﺑﺲ ﻣﻮ ﻣﻌﺠﺰﻩ ﻋﻨﺪﻙ
ﺍﺗﻤﻨﻰ ﺗﺤﻘﻘﻠﻲ ﻫﺎﻱ ﺍﻟﻤﻌﺠﺰﻩ
ﺑﻘﻴﺖ ﺍﺩﻋﻲ ﻭﺍﺗﻮﺳﻞ
ﺑﻌﺪﻫﺎ ﻗﺮﻳﺖ ﻗﺮﺍﻥ ﻭﺻﻠﻴﺖ ﺻﻼﺓ ﺍﻟﺼﺒﺢ
ﻭﻧﻤﺖ
ﻣﻮ ﺩﺍﺋﻤﺎ ﺍﻛﺪﺭ ﺍﺧﺎﺑﺮ ﻟﻮ ﺍﺭﺍﺳﻞ
ﺭﺣﻨﻪ ﺍﻟﻴﻮﻡ ﺳﻔﺮﻩ ﺳﻴﺎﺣﻴﻪ ﺑﺘﺮﻛﻴﺎ
ﺭﺣﻨﻪ ﻟﻠﻤﺪﻳﻨﻪ ﺍﻟﻤﺎﺋﻴﻪ ﺍﻛﻮﺍ ﻣﺎﺭﻳﻨﺎ
ﺫﺍﻙ ﺍﻟﻴﻮﻡ ﺟﺎﻥ ﻣﻄﺒﻮﻉ ﺑﺬﺍﻛﺮﺗﻲ ﻧﺴﻴﻨﻪ ﺍﻟﺪﻧﻴﻪ ﻛﻠﻬﺎ ﺑﻴﻮﻣﻬﺎ
ﺣﻴﻞ ﺣﻠﻮﻩ ﻫﺎﻱ ﺍﻟﻤﺪﻳﻨﻪ
ﺗﺤﺘﻮﻱ ﻉ ﺍﺣﻮﺍﺽ ﺧﺎﺻﻪ ﻟﻼﺳﻤﺎﻙ ﻭﺑﻴﻬﺎ ﺷﻼﻻﺕ ﺻﻨﺎﻋﻴﻪ
ﻭﺍﻻﻟﻌﺎﺏ ﺍﻟﺒﻴﻬﺎ ﺭﻭﻋﻪ
ﺣﻴﻞ ﺍﺗﻮﻧﺴﻨﻪ ﺑﻴﻮﻣﻬﺎ
ﺍﺗﻤﻨﻰ ﺍﺟﻴﺒﻬﻢ ﺯﻳﻨﺐ ﻭﺍﻻﻃﻔﺎﻝ
ﺗﻘﺮﻳﺒﺎ ﺑﻌﺪ ﺍﺳﺒﻮﻉ ﻭﺗﺨﻠﺺ ﺍﻟﻤﻬﻤﻪ ﻭﻧﺮﺟﻊ
ﺭﺍﺳﻠﺖ ﺯﻳﻨﺐ ﻭﺍﻃﻤﺎﻧﻴﺖ ﻋﻠﻴﻬﻢ
بيج قصص عراقيه حقيقيه من واقعنا.روعه الطائي
ﺍﻣﻲ ﺩﺍﺋﻤﺎ ﺍﺧﺎﺑﺮﻫﺎ ﻫﻲ ﻭﺍﺑﻮﻱ ﻭﺍﻣﻴﺮ ﻭﺣﺘﻰ ﻣﺤﻤﺪ
ﻣﺮﻭﻩ ﻛﺬﻟﻚ ﺩﺍﺋﻤﺎ ﺍﺭﺍﺳﻠﻬﺎ ﻭﺍﻃﻤﺎﻥ ﻋﻠﻴﻬﺎ
ﻗﺒﻞ ﻟﻨﺠﻲ ﺑﻴﻮﻡ ﺭﺣﻨﻪ ﻟﻤﻮﻻﺕ ﻗﺮﻳﺒﻪ ﻋﻠﻴﻨﻪ
ﺍﺧﺬﺕ ﻟﺰﻳﻨﺐ ﺯﻧﺠﻴﻞ ﺫﻫﺐ ﻋﺠﺒﻨﻲ ﺣﻴﻞ
ﻭﺍﺧﺬﺕ ﺍﻟﻬﺎ ﺧﻠﺨﺎﻝ ﻋﺠﺒﻨﻲ ﺣﻴﻞ ﻟﻜﻴﺘﻪ
ﺍﺧﺬﺕ ﻣﻼﺑﺲ ﻟﻠﺠﻬﺎﻝ ﻛﻠﻬﻢ
ﺍﺧﺬﺕ ﻻﻣﻴﺮ ﻋﻄﺮ ﻣﺎﺭﻛﻪ ﻭﺍﺧﺬﺗﻠﻪ ﺳﺘﺮﻩ ﻋﺠﺒﺘﻨﻲ ﺣﻴﻞ
ﻭﻻﺑﻮﻳﻪ ﻫﻤﻴﻦ ﻋﻄﺮ
ﺑﻘﻴﺖ ﺍﻓﺘﺮ ﺭﺩﺕ ﺷﻲ ﻟﻠﺒﻨﺎﺕ
ﺍﻟﺼﺮﺍﺣﻪ ﺣﺮﺕ ﺷﺎﺧﺬ ﻻﻥ ﺑﻀﺎﻋﺘﻬﻢ ﺣﻴﻞ ﺣﻠﻮﻩ
ﺍﺧﺮ ﺷﻲ ﻗﺮﺭﺕ ﺍﺧﺬﻟﻬﻦ ﻣﻼﺑﺲ ﻟﻠﺪﻭﺍﻡ ﻻﻥ ﻛﻠﻬﻦ ﻋﺪﻫﻦ ﺩﻭﺍﻡ
ﺣﺘﻰ ﺍﺧﻮﺍﺕ ﺯﻳﻨﺐ ﺗﺒﺎﺭﻙ ﻭﺭﻗﻴﻪ ﺍﺧﺬﺗﻠﻬﻦ
ﻻﺑﻮ ﺯﻳﻨﺐ ﺍﺧﺬﺗﻠﻪ ﻋﻄﺮ ﻭﻟﺨﺎﻟﻪ ﺍﻡ ﺯﻳﻨﺐ ﺍﺧﺬﺗﻠﻬﺎ ﺻﺎﻳﻪ ﻛﻠﺶ ﺣﻠﻮﻩ ﻫﻲ ﻭﺍﻣﻲ
ﺍﺧﺬﺕ ﺍﻟﻴﻪ ﻣﻼﺑﺲ
ﺍﻟﺼﺮﺍﺣﻪ ﺑﻀﺎﻋﺘﻬﻢ ﺗﻮﺏ
ﺟﻬﺰﻧﻪ ﺟﻨﻄﻨﻪ ﺛﺎﻧﻲ ﻳﻮﻡ ﺭﺟﻌﻨﻪ
ﺟﻨﺖ ﺣﻴﻞ ﻣﺸﺘﺎﻕ ﻟﻠﻜﻞ
ﺑﺲ ﺍﻛﻴﺪ ﺍﺷﺘﻴﺎﻗﻲ ﻟﺰﻳﻨﺐ ﻳﺨﺘﻠﻒ ﻋﻦ ﻛﻞ ﺍﺷﺘﻴﺎﻕ
ﺍﻣﻨﻴﺘﻲ ﺍﻟﻜﻴﻬﺎ ﻣﺘﻠﻬﻔﻪ ﻋﻠﻴﻪ
ﻛﻮﻥ ﺗﺴﺘﻘﺒﻠﻨﻲ ﻣﺜﻞ ﺍﻱ ﺯﻭﺟﻪ ﺗﺴﺘﻘﺒﻞ ﺯﻭﺟﻬﺎ ﺑﻌﺪ ﺳﻔﺮ
ﺑﺲ ﻫﻴﻬﺎﺕ ﻫﺬﺍ ﺍﻟﺸﻲ ﻳﻨﻄﺒﻖ ﻉ ﺯﻳﻨﺐ
ﻭﺻﻠﻨﻪ ﻟﻠﻤﻄﺎﺭ ﻭﺟﺎﻥ ﺍﺑﻮﻳﻪ ﻭﺍﻣﻴﺮ ﺧﻄﻴﻪ ﻣﻨﺘﻈﺮﻳﻨﻲ
ﺳﻠﻤﺖ ﻋﻠﻴﻬﻢ ﻭﺭﺟﻌﻨﻪ
ﻣﺘﻠﻬﻒ ﺍﻭﺻﻞ ﻟﻠﺒﻴﺖ
ﺭﺍﺳﻠﺖ ﺯﻳﻨﺐ
ﺍﻟﻮﻭﻭ
ﺑﺎﻟﻠﺤﻀﻪ ﺟﺎﻭﺑﺖ
ﺍﻟﻮﻭﻭ
ﺷﻠﻮﻧﺞ ﺷﺨﺒﺎﺭﺝ
ﺗﻤﺎﻡ ﺍﻟﺤﻤﺪ ﻟﻠﻪ
ﻭﺍﻧﺖ
ﺍﻟﺤﻤﺪ ﻟﻠﻪ
ﻭﺻﻠﺖ ﻟﻠﻌﺮﺍﻕ
ﺍﻱ ﻟﻌﺪ ﺷﻠﻮﻥ ﻛﺎﻋﺪ ﺍﺭﺍﺳﻞ
ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ
ﺍﻟﻠﻪ ﻳﺴﻠﻤﺞ
ﺍﻟﺠﻬﺎﻝ ﺷﻠﻮﻧﻬﻢ
ﺯﻳﻨﻴﻦ
ﻣﺸﺘﺎﻗﻠﻜﻢ ﻣﻮﺕ
ﺣﺘﻰ ﻫﻢ ﻣﺸﺘﺎﻗﻴﻠﻚ ﻫﻮﺍﻱ
ﺑﺲ ﻫﻢ ﻭﺍﻧﺖ ﻣﻤﺸﺘﺎﻗﺘﻠﻲ ﻳﺒﺬﺍﺕ
ﻣﺠﺎﻭﺑﺖ ﺷﻲ
ﺍﻟﻮﻭﻭﻭ
ﻭﻳﺎﻙ
ﺍﺷﻮ ﺳﻜﺘﻲ
ﻭﻳﻦ ﺍﻧﺖ ﻫﺴﻪ
ﺑﺎﻟﻐﺮﻓﻪ
ﻣﺘﻐﺪﻱ ﻟﻮ ﻻ
ﺍﻱ ﻣﺘﻐﺪﻳﻦ
ﺗﻘﺮﻳﺒﺎ ﺍﻟﺴﺎﻋﻪ ﺏ 4 ﻫﺴﻪ
ﺷﺮﺍﺡ ﺗﺴﻮﻳﻦ ﻋﺸﻪ
بيج قصص عراقيه حقيقيه من واقعنا.روعه الطائي
ﻣﺎﺍﻋﺮﻑ ﺷﺎﺳﻮﻱ ﺑﻌﺪﻧﻲ ﻣﻤﻘﺮﺭﻩ
ﺷﻨﻮ ﻣﺸﺘﻬﻲ ﺷﻲ
ﺑﻜﻴﻔﺞ ﻣﻤﺸﺘﻬﻲ ﺷﻲ ﻣﻌﻴﻦ ﺷﻨﻮ ﺗﺴﻮﻱ ﻣﻦ ﺍﻳﺪﺝ ﻃﻴﺐ
ﺷﻜﺪ ﻭﺗﻮﺻﻠﻮﻥ
ﺑﻌﺪﻧﻪ ﻣﻄﻮﻟﻴﻦ ﻫﺴﺘﻮﻧﻪ ﻃﻠﻌﻨﻪ ﻣﻦ ﺍﻟﻤﻄﺎﺭ
ﺍﻟﺠﻬﺎﻝ ﻛﺎﻋﺪﻳﻦ
ﺍﻱ ﻧﻮﺭ ﺗﺪﺭﺱ ﻭﻧﻈﻮﺭﻱ ﻳﻠﻌﺐ
ﻭﺻﻠﻨﻪ ﻟﻠﺒﻴﺖ ﻭﺭﻩ ﺍﻻﺫﺍﻥ
ﻟﻜﻴﺖ ﺯﻫﺮﺍﺀ ﻭﻓﺎﻃﻤﻪ ﻭﺍﻣﻲ ﻭﺯﻳﻨﺐ ﻛﻠﻬﻢ ﺑﺎﻟﺼﺎﻟﻪ
ﺳﻠﻤﺖ ﻉ ﺍﻣﻲ ﻭﺑﺴﺖ ﺭﺍﺳﻬﺎ ﻭﺍﻳﺪﻫﺎ
ﻭﺭﺟﻌﺖ ﻉ ﻓﺎﻃﻤﻪ
ﺳﻼﻣﻲ ﻭﻱ ﺯﻳﻨﺐ ﻋﺎﺩﻱ
ﻻﻥ ﺍﻫﻠﻲ ﻣﻮﺟﻮﺩﻳﻦ ﻋﻴﺐ
ﺭﺣﺖ ﻟﻠﺒﻴﺖ ﻛﻠﺖ ﺍﺳﺒﺢ ﻭﺍﺑﺪﻝ ﺣﺘﻰ ﺍﺟﻲ ﺍﺗﻌﺸﻪ
ﺭﺣﺖ ﻟﻠﺒﻴﺖ ﺍﺗﻔﺎﺟﺄﺕ ﻣﺮﻭﻩ ﻣﺎﻛﻮ
ﺷﻨﻮ ﺍﻟﺴﺎﻟﻔﻪ
ﺧﺎﺑﺮﺕ ﺯﻳﻨﺐ ﺳﺎﻟﺘﻬﺎ
ﻛﺎﻟﺖ ﻣﺘﺨﺮﺑﻄﻪ ﻭﺭﺍﺣﺖ ﻻﻫﻠﻬﺎ
ﻣﻌﻘﻮﻟﻪ ﺑﺪﻭﻥ ﻣﺘﺨﺒﺮﻧﻲ
ﺧﻞ ﺍﺭﺗﺎﺡ ﻭﺍﺳﺒﺢ ﻭﺍﺻﻠﻲ ﻭﺑﻌﺪﻳﻦ ﺍﺗﺼﻞ ﺑﻴﻬﺎ
ﻓﻌﻼ ﺳﺒﺤﺖ ﻭﺑﺪﻟﺖ ﻭﺻﻠﻴﺖ
ﺭﺣﺖ ﻳﻢ ﺍﻫﻠﻲ ﺟﻬﺰﻥ ﺍﻟﺒﻨﺎﺕ ﺍﻻﻛﻞ
ﺍﺗﻌﺸﻴﻨﻪ ﻭﻛﻤﻠﻨﻪ
ﺍﻧﻄﻴﺘﻬﻢ ﺍﻟﻬﺪﺍﻳﺎ
ﺍﺗﺬﻛﺮﺕ ﺍﻟﻤﻼﺑﺲ ﺍﻟﻲ ﺟﺒﺘﻬﻦ ﻣﻦ ﺑﻐﺪﺍﺩ ﺍﻟﻲ ﻭﻟﺰﻳﻨﺐ
ﻛﻠﺖ ﺧﻠﻴﻬﻦ ﻟﻠﻴﻞ ﻭﺍﻧﻄﻴﻬﻴﺎ ﺳﻮﻳﻪ ﻭﻱ ﺍﻟﺬﻫﺐ
ﺳﺎﻟﺖ ﺍﻣﻲ ﻉ ﻣﺮﻭﻩ
ﻛﺎﻟﺖ ﻣﺘﺨﺮﺑﻄﻪ ﻭﺍﺣﻨﻪ ﻛﻨﺎﻟﻬﺎ ﺭﻭﺣﻲ
ﺍﻟﻄﻔﻞ ﻣﻬﺪﺩ ﺑﺎﻻﺳﻘﺎﻁ
ﻟﻴﺶ ﺷﺼﺎﻳﺮ
ﻣﺼﺎﻳﺮ ﺷﻲ ﺑﺲ ﺍﻟﺪﻛﺘﻮﺭﻩ ﺧﺒﺮﺗﻬﺎ ﺍﻟﻄﻔﻞ ﺗﻌﺒﺎﻥ ﻭﺍﺣﺘﻤﺎﻝ ﺍﺗﺴﻘﻄﻪ
ﻣﺎﺍﻋﺮﻑ ﺍﻓﺮﺡ ﻟﻮ ﺍﺿﻮﺝ
ﺍﻓﺮﺡ ﻉ ﻣﻮﺩ ﺯﻳﻨﺐ
ﻭﺍﺿﻮﺝ ﻻﻥ ﺧﻄﻴﻪ ﺍﻟﻄﻔﻞ ﺍﺗﻤﻨﻰ ﻳﻌﻴﺶ
ﺣﺒﺎﻳﺒﻲ ﺣﺎﺿﻨﻬﻢ ﺍﺛﻨﻴﻨﻬﻢ
ﺻﺎﺭﺕ ﺏ 8 ﻭﻧﺺ
ﻛﻠﺘﻠﻬﻢ ﺯﻳﻨﺐ ﻳﻠﻪ ﻣﻮﻋﺪ ﻧﻮﻣﺘﻜﻢ
ﺑﻌﺪ ﻭﻛﺖ ﻋﻮﻓﻴﻬﻢ
ﻻ ﻳﺎﻭﻛﺖ ﻳﻮﻣﻴﻪ ﺏ 8 ﻳﻨﺎﻣﻮﻥ ﻻﻥ ﻭﺭﺍﻫﻢ ﺩﻭﺍﻡ ﻣﻦ ﺍﻟﺼﺒﺢ
ﺑﻮﺳﻮﻧﻲ ﻭﺭﺍﺣﻮ ﺻﻌﺪﻭﺍ
ﺯﻫﺮﺍﺀ ﻫﻢ ﺻﻌﺪﺕ
ﺍﻣﻲ ﻭﺍﺑﻮﻳﻪ ﺭﺍﺣﻮﺍ ﻫﻢ ﻳﻨﺎﻣﻮﻥ ﻋﺪﻫﻢ ﺩﻭﺍﻡ
ﺑﻘﻴﻨﻪ ﺍﻧﻲ ﻭﺍﻣﻴﺮ ﺷﻮﻳﻪ ﻭﻫﻢ ﺻﻌﺪ
ﺭﺣﺖ ﺟﺒﺖ ﺍﻟﻌﻼﻛﻪ ﻭﺻﻌﺪﺕ
ﺑﺪﻭﻥ ﻣﺎﺍﺧﺎﺑﺮ
ﺩﺧﻠﺖ ﻟﻜﻴﺘﻬﺎ ﻛﺎﻋﺪ ﺗﻘﺮﺃﻩ
ﺍﻟﺘﻔﺘﺖ ﻟﻜﺘﻨﻲ ﻛﺒﺎﻟﻬﺎ
ﻓﺘﺤﺖ ﺍﺩﻳﻪ ﺍﻟﻬﺎ
بيج قصص عراقيه حقيقيه من واقعنا.روعه الطائي
ﻭﺟﻨﺖ ﻛﻠﻲ ﺍﻣﻞ ﺗﺬﺏ ﻧﻔﺴﻬﺎ ﺑﺤﻀﻨﻲ
ﺗﻜﻠﻲ ﻣﺸﺘﺎﻗﺘﻠﻚ
ﺑﺲ ﻃﻠﻌﺖ ﻣﺘﻮﻫﻢ
ﺑﻘﺖ ﺑﻤﻜﺎﻧﻬﺎ
ﻟﺞ ﺷﻠﻮﻥ ﻗﺎﺳﻴﻪ ﺻﺎﺭﻟﻲ ﺷﻬﺮ ﻏﺎﻳﺐ
ﻭﻫﻴﺞ ﺗﺴﺘﻘﺒﻠﻴﻨﻲ
ﺍﻟﺼﺮﺍﺣﻪ ﻣﻊ ﺍﻻﺳﻒ
ﻣﺤﺠﺖ ﺷﻲ
ﺍﺣﺴﺐ ﺍﻻﻳﺎﻡ ﺷﻮﻛﺖ ﺗﺨﻠﺺ ﺣﺘﻰ ﺍﺷﻮﻓﺞ
ﻭﺑﻌﺪﻫﺎ ﻛﻤﺖ ﺍﺣﺴﺐ ﺍﻟﺴﺎﻋﺎﺕ ﺷﻮﻛﺖ ﺍﺩﺧﻞ ﻟﻠﺒﻴﺖ
ﻭﺑﻌﺪﻫﺎ ﻛﻤﺖ ﺍﺣﺴﺐ ﺍﻟﺪﻗﺎﻳﻖ ﻭﺣﺘﻰ ﺍﻟﺜﻮﺍﻧﻲ
ﺑﺴﺮﺍﻟﻈﺎﻫﺮ ﺍﻧﻲ ﻋﺒﺊ ﻋﻠﻴﺞ
ﺍﺳﻒ ﺍﺫﺍ ﺍﺯﻋﺠﺘﺞ ﻭﺍﺳﻒ ﺍﺫﺍ ﺿﻮﺗﺞ
ﺍﻧﻄﻴﺘﻬﺎ ﺍﻟﻌﻼﻛﻪ ﻭﻧﺰﻟﺖ
ﻻﻥ ﻣﻦ ﺻﺪﻙ ﺍﺣﺘﺎﺭﻳﺖ ﻭﻳﺎﻫﺎ
ﻣﺎﺍﻋﺮﻑ ﺷﺎﺳﻮﻱ ﺑﺎﻟﻀﺒﻂ ﺣﺘﻰ ﺗﺮﺿﻰ ﻋﻨﻲ
ﻧﺰﻟﺖ ﻭﺟﻨﺖ ﺣﻴﻞ ﺿﺎﻳﺞ
ﺍﻟﺠﻮ ﺑﻲ ﺑﺮﻭﺩﻩ ﺗﻘﺮﻳﺒﺎ ﺑﺪﺍﻳﺔ ﺷﻬﺮ 11
ﺑﻘﻴﺖ ﺑﺎﻟﺤﺪﻳﻘﻪ ﺍﺷﺮﺏ ﺟﻜﺎﻳﺮ
ﺣﻴﻞ ﺿﺠﺖ ﻭﺭﻭﺣﻲ ﻃﻠﻌﺖ ﻣﻦ ﻭﺿﻌﻲ
ﺟﻬﺎﺯﻱ ﺑﻴﺪﻱ ﺍﺗﻤﻨﻰ ﺗﺮﺍﺳﻠﻨﻲ
ﺍﺗﻤﻨﻰ ﺗﻌﺘﺬﺭ
ﺍﺗﻤﻨﻰ ﺗﻜﻠﻲ ﺗﻌﺎﻝ ﻣﺸﺘﺎﻗﺘﻠﻚ
ﺑﺲ ﻫﻴﻬﺎﺕ ﺗﺴﻮﻳﻬﺎ ﺯﻳﻨﺐ
ﺍﺗﺬﻛﺮﺕ ﻣﺮﻭﻩ ﻋﻴﺐ ﻣﻨﻬﺎ ﻻﺳﺎﻟﺖ ﻋﻠﻴﻬﺎ ﻭﻻ ﺧﺎﺑﺮﺗﻬﺎ
ﻭﻫﻲ ﻣﺮﻳﻀﻪ
ﺩﺯﻳﺘﻠﻬﺎ ﺍﻟﻮﻭﻭﻭ
ﻟﻜﻴﺘﻬﺎ ﻣﻤﺘﺼﻠﻪ
ﻋﻴﺐ ﺍﺧﺎﺑﺮ ﻫﺴﻪ ﻣﺎﺍﻛﺪﺭ
ﻧﻤﺖ ﻭﺛﺎﻧﻲ ﻳﻮﻡ ﻛﻌﺪﺕ ﺗﻘﺮﻳﺒﺎ ﺏ 10 ﻟﻜﻴﺖ ﺍﻟﺒﻴﺖ ﻓﺎﺭﻍ ﻭﻻ ﺑﺸﺮ
ﺍﻟﻜﻞ ﺑﺎﻟﺪﻭﺍﻡ
ﺍﺗﺮﻳﻜﺖ ﻭﺍﺗﺼﻠﺖ ﺑﻤﺮﻭﻩ
ﺍﺗﻔﺎﺟﺄﺕ ﺟﻬﺎﺯﻩ ﻣﻐﻠﻖ
ﺷﻨﻮ ﺍﻟﻔﻠﻢ ﺷﻨﻮ ﺍﻟﺴﺎﻟﻔﻪ
ﺍﺗﺼﻠﺖ ﺑﺎﺧﻮﻫﺎ
ﻭﺳﺎﻟﺘﻪ ﻛﺎﻝ ﻭﺍﻟﻠﻪ ﻣﺎﺍﺩﺭﻱ ﻟﻴﺶ ﺟﻬﺎﺯﻫﺎ ﻣﻐﻠﻖ
ﺑﺲ ﺍﺭﺟﻊ ﻟﻠﺒﻴﺖ ﺍﺗﺼﻞ ﺑﻴﻚ
ﺧﺎﺑﺮﺕ ﺍﻣﻲ ﻛﺘﻠﻬﺎ ﺷﻨﻮ ﺍﻟﺴﺎﻟﻔﻪ ﻟﻴﺶ ﺟﻬﺎﺯﻫﺎ ﻣﻐﻠﻖ
ﻛﺎﻟﺖ ﻣﺎﺍﻋﺮﻑ
ﺧﺒﺮﺗﻬﺎ ﺭﺍﺡ ﺍﺭﻭﺡ ﻻﻫﻠﻬﺎ ﺣﺘﻰ ﺍﻃﻤﺎﻥ ﻋﻠﻴﻬﺎ
ﻻ ﻳﻮﻡ ﺍﺭﺗﺎﺡ ﻫﺴﺘﻮﻙ ﺟﺎﻱ ﻣﻦ ﺍﻟﺴﻔﺮ
ﻣﻮ ﻣﺸﻜﻠﻪ ﻋﻴﺐ ﻣﻦ ﺍﻫﻠﻬﺎ
ﺑﺪﻟﺖ ﻭﺭﺣﺖ
ﻭﺻﻠﺖ ﻭﻱ ﺍﻻﺫﺍﻥ ﺗﻘﺮﻳﺒﺎ
ﻟﻜﻴﺘﻬﺎ ﻣﺎﻫﻲ ﺭﺍﻳﺤﻪ ﻳﻢ ﺍﺧﺘﻬﺎ ﺑﻐﻴﺮ ﻣﺤﺎﻓﻈﻪ ﻫﻲ ﻭﺍﻣﻬﺎ
ﺍﺗﺨﺒﻠﺖ ﻫﺎﻱ ﺷﺒﻴﻬﺎ ﻣﺮﻭﻩ
ﻣﻌﻘﻮﻟﻪ ﺗﻄﻠﻊ ﺑﺪﻭﻥ ﻣﺘﺨﺒﺮﻧﻲ
ﺳﺎﻟﺖ ﺍﺑﻮﻫﺎ ﻟﻴﺶ ﺟﻬﺎﺯﻫﺎ ﻣﻘﻔﻮﻝ
بيج قصص عراقيه حقيقيه من واقعنا.روعه الطائي
ﻛﺎﻝ ﻭﺍﻟﻠﻪ ﻣﺎﺍﺩﺭﻱ
ﺗﻜﺪﺭ ﺗﺘﺼﻞ ﺑﺨﺎﻟﻪ ﺍﺭﻳﺪ ﺍﺣﺠﻲ ﻭﻳﺎﻫﺎ
ﺻﺎﺭ ﺍﺑﻨﻲ
ﺍﺗﺼﻞ ﻭﺣﺠﻪ ﻭﻳﺎﻫﺎ ﻛﻠﻠﻬﺎ ﺻﻴﺤﻲ ﻣﺮﻭﻩ
ﻫﺬﺍ ﺭﺟﻠﻬﺎ ﺍﺟﻪ ﻋﻠﻴﻬﺎ ﻭﻳﺮﻳﺪ ﻳﺤﺠﻲ ﻭﻳﺎﻫﺎ
ﺍﻧﻄﺎﻧﻲ ﺍﻟﺠﻬﺎﺯ
ﻛﻮﻩ ﺍﺣﺠﻲ ﻻﻥ ﺍﺑﻮﻫﺎ ﻳﻤﻲ
ﻛﺎﻟﺖ ﺍﻟﻮﻭ
ﺍﻟﻮﻭﻭ
ﻫﻠﻮ ﺣﻴﺪﺭ ﺷﻠﻮﻧﻚ
ﺗﻤﺎﻡ ﻭﺍﻧﺖ
ﺗﻤﺎﻡ
ﻟﻴﺶ ﺟﻬﺎﺯﺝ ﻣﻐﻠﻘﺪ
ﺍﻧﻜﺴﺮ ﻭﻣﺼﻠﺤﺘﻪ
ﺍﺷﻮ ﻣﺎﻛﻠﺘﻲ ﺗﺮﺩﻳﻦ ﺗﺮﺣﻴﻦ
ﻋﺒﺎﻟﻲ ﺑﻌﺪﻙ ﻣﺠﺎﻱ ﻭﺍﻧﻲ ﻣﺎﻋﻨﺪﻱ ﺟﻬﺎﺯ
ﺍﻓﻮﺭ ﺩﻡ ﻳﻤﻜﻦ ﺍﺫﺍ ﻛﺒﺎﻟﻲ ﺍﺷﺮﺏ ﻣﻦ ﺩﻣﻬﺎ
ﺷﻮﻛﺖ ﺗﺮﺟﻌﻴﻦ
ﻟﺒﺎﺟﺮ ﺍﺑﻘﻰ
ﻭﻟﻴﺶ ﻟﺒﺎﺟﺮ
ﺍﻧﻲ ﺍﺟﻴﺖ ﻋﻠﻴﺞ ﺣﺘﻰ ﻧﺮﺟﻊ
ﻻ ﻣﺎﺍﻛﺪﺭ ﻋﻴﺐ ﻣﻨﻬﻢ ﺭﺍﺡ ﻧﺒﺎﺕ
ﻭﺍﻧﻲ ﺍﻛﻠﺞ ﺗﻌﺎﻟﻲ ﻫﺴﻪ ﺍﺭﻳﺪ ﺍﺭﺟﻊ
ﺷﻠﻮﻥ ﺗﺴﺎﻓﺮﻳﻦ ﻭﺗﺪﺭﻳﻦ ﺧﻄﺮ ﻉ ﺍﻟﺤﻤﻞ
ﻣﻮ ﺍﻟﻄﻔﻞ ﺳﻘﻄﺘﻪ ﺷﻨﻮ ﻣﺤﺪ ﻛﻠﻚ
ﺷﻨﻮ ﺳﻘﻄﺘﻲ
ﺣﻤﻠﻲ ﺍﺫﺍﻧﻲ ﻭﻣﺘﺤﻤﻠﺖ ﺍﺧﺬﺕ ﻋﻼﺝ ﻭﺳﻘﻄﺘﻪ
ﺍﻧﺖ ﺷﻜﺎﻋﺪ ﺗﺤﺠﻴﻦ
ﺷﻨﻮ ﻛﺎﻋﺪ ﺗﺸﺎﻗﻴﻦ
ﻻﻭﺍﻟﻠﻪ ﻣﺎﺍﺷﺎﻗﻪ ﺍﺣﺠﻲ ﺻﺪﻙ
ﻣﺤﺪ ﺧﺒﺮﻙ
ﻛﻤﺖ ﺍﻓﻮﺭ ﺩﻡ
ﻣﺮﻭﻩ ﻫﺴﻪ ﺗﺠﻴﻦ ﻻ ﻳﺼﻴﺮ ﺍﻟﺤﺠﻲ ﻏﻴﺮ
ﻣﺎﺍﻛﺪﺭ ﺍﺟﻲ ﻫﺎﻱ ﺷﺒﻴﻚ
ﻻﺗﺨﺘﺒﺮﻳﻦ ﺻﺒﺮﻱ ﻣﺮﻭﻩ ﻫﺴﻪ ﺗﺠﻴﻦ
ﻟﻮ ﺗﻨﻄﻴﻨﻲ ﺍﻟﻌﻨﻮﺍﻥ ﺍﻧﻲ ﺍﺟﻴﺞ ﻫﺴﻪ
ﻻ ﺍﺟﻲ ﻭﻻ ﺗﺠﻴﻨﻲ ﻟﺘﺼﻴﺮ ﻣﻌﻘﺪ
ﻫﻮ ﺍﻧﻲ ﻳﻢ ﺍﺧﺘﻲ ﻗﺎﺑﻞ ﻭﻳﻦ ﺍﻧﻲ
ﻋﻴﻮﻧﻲ ﺻﺎﺭﻥ ﺑﻜﺼﺘﻲ
ﺍﻧﻲ ﺍﻋﻠﻤﺞ ﺑﺎﻟﻤﻌﻘﺪ
ﻃﺒﻜﺘﻪ
ﻛﺘﻠﻪ ﻋﻤﻲ ﺗﻜﺪﺭ ﺗﺎﺧﺬﻧﻲ ﺍﺟﻴﺐ ﻣﺮﻭﻩ
ﻟﻴﺶ ﻋﻤﻲ ﺍﻛﻮ ﺷﻲ
ﻻ ﺑﺲ ﺍﺷﻮ ﻛﺎﻣﺖ ﺗﺨﺮﺑﻂ ﺑﺎﻟﺤﺠﻲ
ﺍﻟﻄﻔﻞ ﺗﻜﻮﻝ ﺳﻘﻄﺘﻪ
ﺍﺟﻲ ﻣﻦ ﺍﻟﺴﻔﺮ ﺍﻟﻜﻴﻬﺎ ﺟﺎﻳﻪ ﺍﻟﻜﻢ ﺑﺪﻭﻥ ﻋﻠﻤﻲ
ﻫﺴﻪ ﺭﺍﻳﺤﻪ ﻻﺧﺘﻬﺎ ﻭﺍﻧﻲ ﻣﺎﺍﺩﺭﻱ
ﺍﻛﻠﻬﺎ ﺗﻌﺎﻱ ﺗﻜﻠﻲ ﻻﺍﺟﻲ ﻭﻻ ﺗﺠﻴﻨﻲ ﺍﺑﻘﻰ ﺍﺑﺎﺕ
ﻛﺎﻝ ﻭﺍﻟﻠﻪ ﻛﺎﻟﺖ ﺧﺒﺮﺗﻪ ﻟﺤﻴﺪﺭ ﻭﻫﻮ ﻛﻠﻲ ﺭﻭﺣﻲ
ﻻﻭﺍﻟﻠﻪ ﻋﻤﻲ ﺍﻟﺒﺎﺭﺣﻪ ﺍﺟﻴﺖ ﻣﻦ ﺍﻟﺴﻔﺮ ﻭﺍﺗﻔﺎﺟﺎﺕ ﺑﻴﻬﺎ
بيج قصص عراقيه حقيقيه من واقعنا.روعه الطائي
ﺍﻧﻲ ﺍﺗﺼﺮﻑ ﺍﺑﻨﻲ ﺍﺭﺗﺎﺡ ﻛﻮﻩ ﺻﻠﻲ ﻭﺍﺗﻐﺪﻩ ﻭﻳﺼﻴﺮ ﺧﻴﺮ
ﺧﺎﺑﺮ ﻻﻣﻬﺎ ﻛﻠﻠﻬﺎ ﻫﺴﻪ ﺗﺠﻦ
ﻻﻏﺪﻩ ﻭﻻ ﻋﻴﺐ ﺟﻴﺒﻲ ﺑﻨﺘﺞ ﻭﺗﻌﺎﻱ
ﺍﺗﻮﺿﻴﺖ ﻭﺻﻠﻴﺖ ﺑﻌﺪﻫﺎ ﺟﺎﺑﻮ ﺍﻟﻐﺪﻩ
ﺍﻧﻲ ﻉ ﺍﻋﺼﺎﺑﻲ ﺍﻓﻮﺭ ﺩﻡ
ﻭﺭﻩ ﻓﺘﺮﻩ ﺍﺟﻦ
ﻣﺎﺍﻛﺪﺭ ﺍﻓﺴﺮ ﺗﺼﺮﻓﺎﺗﻬﺎ ﻟﻤﺮﻭﻩ ﺍﺑﺪ
ﻭﻻ ﻛﺎﻧﻮ ﺷﻲ ﺻﺎﻳﺮ
ﺳﻠﻤﺖ ﻭﺳﻼﻣﻬﺎ ﺟﺎﻥ ﺑﺎﺭﺩ
ﺍﻧﻲ ﻧﺎﺭ ﻭﻣﺸﺘﻌﻠﻪ ﺑﻴﻪ
ﺍﺑﻮﻫﺎ ﻛﺎﻝ ﺍﺧﺬﻭﺍ ﺭﺍﺣﺘﻜﻢ ﺧﻞ ﺍﺗﺮﻛﻢ ﺑﻮﺣﺪﻛﻢ
ﻋﺎﻓﻨﻪ ﻭﻃﻠﻊ
ﻳﻠﻪ ﺟﻬﺰﻱ ﻧﻔﺴﺞ ﺧﻞ ﻧﺮﺟﻊ
ﻻ ﻣﺎﺍﺭﺟﻊ ﺍﺭﻳﺪ ﺍﺑﻘﻰ ﻫﻨﺎ
ﻟﻴﺶ ﻋﻮﺩ
ﻳﻌﺠﺒﻨﻲ
ﻣﺮﻭﻩ ﻟﺘﺨﻠﻴﻨﻲ ﺍﻓﻘﺪ ﻋﺼﺎﺑﻲ
ﺭﻭﺣﻲ ﺟﻬﺰﻱ ﻧﻔﺴﺞ ﻭﻫﻨﺎﻙ ﻧﺘﻔﺎﻫﻢ
ﺍﺭﻳﺪ ﺍﻃﻠﻜﻨﻲ
ﺍﻧﺖ ﺷﻜﺎﻋﺪ ﺗﺤﺠﻴﻦ
ﻛﺎﻋﺪ ﺍﻛﻠﻚ ﻃﻠﻜﻨﻲ
ﻣﻤﻜﻦ ﺍﻋﺮﻑ ﺍﻟﺴﺒﺐ
ﺑﺪﻭﻥ ﺳﺒﺐ ﺍﺭﻳﺪ ﺍﻃﻠﻜﻨﻲ
ﺍﻧﺖ ﻋﻘﻠﺞ ﺻﺎﻳﺮ ﺑﻲ ﺷﻲ
ﺍﻟﻄﻔﻞ ﺻﺪﻙ ﺍﻧﺖ ﺳﻘﻄﺘﻲ ﻟﻮ ﺗﺸﺎﻗﻴﻦ
ﻻ ﻭﻋﻠﻴﻤﻦ ﺍﺗﺸﺎﻗﻪ ﺻﺪﻙ
ﻣﻤﻜﻦ ﺍﻋﺮﻑ ﺍﻟﺴﺒﺐ
ﻻﻥ ﻣﺎﺍﺭﻳﺪ ﺍﺑﻘﻰ ﻭﻳﺎﻙ ﻭﻻ ﺍﺭﻳﺪ ﺍﻱ ﺭﺍﺑﻂ ﻳﺠﻤﻌﻨﻲ ﺑﻴﻚ
ﻇﺮﺑﺘﻬﺎ ﺭﺍﺟﺪﻱ ﻭﻛﻌﺘﻬﺎ ﺑﺎﻟﻜﺎﻉ
ﺑﻜﻞ ﺟﺮﺍﻩ ﺟﺎﻱ ﺗﻜﻮﻟﻴﻦ ﻭﻛﻌﺘﻪ ﻟﻠﻄﻔﻞ
ﺍﻧﺖ ﺷﻨﻮ ﻣﻦ ﺑﺸﺮ
ﺍﺫﺍ ﻣﺘﺮﺩﻳﻦ ﺍﻃﻔﺎﻝ ﻟﻴﺶ ﺍﺗﺰﻭﺟﺘﻲ
ﻫﺬﺍ ﺍﻟﺸﻲ ﻣﻴﺨﺼﻚ
ﻭﻣﺎﺍﻟﻚ ﺣﻖ ﺗﻀﺮﺑﻨﻲ ﻭﺍﻧﻲ ﺍﺑﻴﺖ ﺍﻫﻠﻲ
ﺿﺮﺑﺘﻬﺎ ﻣﺮﻩ ﺛﺎﻧﻴﻪ
ﺍﻧﺖ ﻣﻨﺘﺒﻬﺎ ﻉ ﻧﻔﺴﺞ ﺯﻭﺩﻳﺘﻬﺎ ﺍﻛﺜﺮ ﻣﻦ ﺍﻟﻼﺯﻡ
ﺍﻧﻲ ﻣﺮﺍﺡ ﺍﺗﻔﺎﻫﻢ ﻭﻳﺎﺝ ﺍﻃﻠﻌﻲ
ﻭﺻﻴﺤﻲ ﺍﺑﻮﺝ ﺍﺗﻔﺎﻫﻢ ﻭﻳﺎ
ﻋﺎﻓﺘﻨﻲ ﻭﻃﻠﻌﺖ
ﺍﺟﻪ ﺍﺑﻮﻫﺎ
ﻛﺘﻠﻪ ﻋﻤﻲ ﺗﻘﺒﻞ ﻫﻴﺞ ﻣﺮﻭﻩ ﺗﺴﻮﻱ
ﻟﻴﺶ ﺗﻘﺘﻞ ﺍﻟﻄﻔﻞ ﺷﻨﻮ ﺫﻧﺒﻪ
ﻭﻟﻴﺶ ﺍﺗﺰﻭﺟﺖ ﺍﺫﺍ ﻫﺴﻪ ﺗﺮﻳﺪ ﺗﺘﻄﻠﻚ
ﻛﺎﻝ ﺍﺑﻨﻲ ﺍﻧﻲ ﻣﻘﺎﺑﻞ ﻋﻠﻴﻬﺎ ﺍﺑﺪ
ﺑﺲ ﻫﻲ ﺗﻜﻮﻝ ﻣﺎﺍﺗﻔﺎﻫﻤﻨﻪ ﺍﻧﻲ ﻭﺭﺟﻠﻲ
ﻭﺗﻜﻮﻝ ﺍﻧﺖ ﻣﺘﻨﺪﻡ ﻻﻥ ﺍﺗﺰﻭﺟﺘﻬﺎ ﺑﺲ ﻣﺎﺗﻜﺪﺭ ﺗﺤﺠﻲ ﻻﻥ ﺗﺨﺠﻞ ﻣﻦ ﻋﺪﻧﻪ
ﺗﻜﻮﻝ ﺧﻄﻴﻪ ﺍﻃﻔﺎﻟﻪ ﻣﺘﺒﻬﺬﻟﻴﻦ
ﻭﺯﻭﺟﺘﻪ ﻫﺎﺟﺮﺗﻪ ﺑﺴﺒﺒﻲ
ﻭﺗﻜﻮﻝ ﺍﻻﻓﻀﻞ ﺍﻟﻪ ﻳﻄﻠﻜﻨﻲ
بيج قصص عراقيه حقيقيه من واقعنا.روعه الطائي
ﺍﺣﻨﻪ ﻣﻨﻘﺒﻞ ﺗﻬﺠﺮ ﺯﻭﺟﺘﻚ ﺑﺴﺒﺐ ﻣﺮﻭﻩ
ﻣﻨﻮ ﻛﻠﻠﻜﻢ ﻣﺮﻭﻩ ﺍﻟﺴﺒﺐ
ﻣﻌﺮﻭﻓﻪ ﺍﺑﻨﻲ
ﻭﺍﺣﻨﻪ ﻫﻢ ﻧﺨﺎﻑ ﺍﻟﻠﻪ ﻣﻨﺮﻳﺪ ﻧﻈﻠﻢ ﺍﺣﺪ
ﺍﻧﺖ ﺍﺳﺘﻌﺠﻠﺖ ﺑﺰﻭﺍﺟﻚ
ﺍﺣﻨﻪ ﻋﺒﺎﻟﻨﻪ ﻣﺘﻔﺎﻫﻤﻴﻦ ﺍﻧﺖ ﻭﺯﻭﺟﺘﻚ ﻉ ﻛﻠﺸﻲ
ﻣﻤﺘﻮﻗﻌﻴﻦ ﻫﺎﺟﺮﻫﺎ ﻭﺍﻟﺴﺒﺐ ﺑﻨﺘﻨﻪ
ﻳﻌﻨﻲ ﺍﻓﻬﻢ ﻣﻦ ﻛﻼﻣﻚ ﺍﻧﺖ ﻣﻮﺍﻓﻖ ﻉ ﺍﻟﻄﻼﻙ
ﺍﻱ ﺍﺑﻨﻲ ﻃﻠﻜﻬﺎ ﻫﻲ ﺧﻞ ﺗﺮﺑﻲ ﺑﻨﺘﻬﺎ ﻭﺍﻧﺖ ﺍﺭﺟﻊ ﻟﺰﻭﺟﺘﻚ ﻭﺍﻃﻔﺎﻟﻚ
ﻭﺍﺫﺍ ﻉ ﺍﻟﻐﺎﻳﺐ ﻣﺘﻨﺎﺯﻟﻴﻦ ﻋﻨﻪ ﻻﻥ ﻫﻲ ﺍﻟﻲ ﻃﻠﺒﺖ ﺍﻟﻄﻼﻙ
ﺍﻧﻲ ﺍﻟﻤﻔﺮﻭﺽ ﺍﻓﺮﺡ ﻣﻦ ﺗﻄﻠﺐ ﺍﻟﻄﻼﻙ ﺑﺲ ﻫﺴﻪ ﻻ
ﺿﺎﻳﺞ ﻭﺭﻭﺣﻲ ﻃﺎﻟﻌﻪ
ﻣﺎﺭﺩﺕ ﺗﺴﻘﻄﻪ ﻟﻠﻄﻔﻞ ﻭﻻ ﺭﺩﺕ ﺗﻜﺸﻒ ﺳﺮﻧﺎ ﺍﻧﻲ ﻭﺯﻳﻨﺐ
ﻭﻫﺴﻪ ﺑﻴﻨﺖ ﻛﺪﺍﻡ ﺍﻫﻠﻬﺎ ﻫﻲ ﺍﻟﻤﻈﻠﻮﻣﻪ ﻭﺍﻧﻲ ﺍﻟﻲ ﻇﺎﻟﻤﻬﺎ
ﺍﻧﻲ ﻣﺎﻋﻨﺪﻱ ﺷﻲ ﻭﻳﺎﻫﺎ ﻭﻣﻦ ﺍﻟﺒﺪﺍﻳﻪ ﺫﻛﺮﺕ ﻫﺬﺍ ﺍﻟﺸﻲ
ﺍﻧﻲ ﻣﺎﻇﻠﻤﺘﻬﺎ ﻣﺜﻞ ﻣﺎﻇﻠﻤﺖ ﺯﻳﻨﺐ
ﺟﻨﺖ ﺍﻧﻔﺬﻟﻬﺎ ﺍﻱ ﺷﻲ ﺍﻃﻠﺒﻪ ﻣﻨﻲ
ﻣﻦ ﺗﺮﻳﺪ ﻻﻫﻠﻬﺎ ﻣﺎﺍﻛﻠﻬﺎ ﻻ ﺍﺩﺯﻫﺎ
ﻣﻦ ﺗﺮﻳﺪ ﻟﻤﻜﺎﻥ ﻣﺎﺍﻛﻮﻝ ﻻ
ﺑﺲ ﺍﻟﻈﺎﻫﺮ ﺍﻛﻮ ﺳﺒﺐ ﺍﻟﻲ ﺧﻼﻫﺎ ﺗﻄﻠﺐ ﺍﻟﻄﻼﻙ
ﻻﺯﻡ ﺍﺗﻔﺎﻫﻢ ﻭﻳﺎﻫﺎ
ﻛﺘﻠﻬﺎ ﻋﻤﻲ ﺧﻞ ﺍﺣﺠﻲ ﻭﻳﺎﻫﺎ ﺍﺧﺮ ﻣﺮﻩ
ﺍﺟﺘﻲ ﻭﺟﺎﻧﻦ ﻋﻴﻮﻧﻬﺎ ﺣﻤﺮ ﻣﺒﻴﻨﻪ ﺑﺎﺟﻴﻪ
ﻣﺮﻭﻩ ﺍﻧﻲ ﻣﺎﺍﺭﻳﺪ ﺍﻇﻠﻤﺞ ﻭﻳﺎﻱ ﻭﻻ ﺍﺭﻳﺪ ﺍﺍﺫﻳﺞ
ﺍﺭﻳﺪ ﺗﻨﻄﻴﻨﻲ ﺳﺒﺐ ﻣﻘﻨﻊ ﺣﺘﻰ ﺍﻃﻠﻜﺞ
ﺍﺫﺍ ﺗﺘﺤﺠﺠﻴﻦ ﺑﺰﻳﻨﺐ ﺍﺣﺐ ﺍﻃﻤﻨﺞ
ﺍﻧﻲ ﻫﺎﺟﺮﻫﺎ ﻣﻦ ﺯﻣﺎﻥ ﻗﺒﻞ ﻟﻨﺘﺰﻭﺝ ﻳﻌﻨﻲ ﻣﻮ ﺑﺴﺒﺒﺞ
ﺍﻧﻲ ﺍﺣﺠﻲ ﻫﻴﺞ ﻻﻥ ﻫﺎﻱ ﺍﻟﺤﻘﻴﻘﻪ ﻭﺣﺒﻴﺖ ﺍﻋﺮﻑ ﺳﺒﺐ ﺍﻟﻲ ﻳﺨﻠﻲ ﻣﺮﻭﻩ ﺗﺮﻳﺪ ﺗﻄﻠﻚ ﻓﺠﺄﻩ
ﻛﺎﻟﺖ ﺍﻟﺨﻠﻞ ﺑﻴﻪ ﻭﺑﻴﻚ
ﺷﻠﻮﻥ ﻳﻌﻨﻲ ﻓﻬﻤﻴﻨﻲ
ﺍﻟﺨﻠﻞ ﺑﻴﻪ ﺍﻧﻲ ﺿﺤﻴﺖ ﺍﺑﻨﺘﻲ ﻉ ﻣﻮﺩ ﺍﺭﺿﻲ ﺍﻫﻠﻲ
ﻻﻥ ﺟﺒﺮﻭﻧﻲ ﺍﺗﺰﻭﺝ
ﻭﺍﻓﻘﺖ ﺑﺸﺮﻭﻁ ﻣﻬﺮ ﻏﺎﻟﻲ ﻭﻣﻮﺍﻓﻘﺔ ﺯﻭﺟﺘﻚ
ﺟﻨﺖ ﻣﺘﻮﻗﻌﻪ ﺭﺍﺡ ﺗﺮﻓﻀﻮﻥ
ﺑﺲ ﻭﺍﻓﻘﺘﻮ ﺑﻌﺪﻫﺎ ﺍﻧﻲ ﻭﺍﻓﻘﺖ ﺣﺘﻰ ﺍﺧﻠﺺ ﻣﻦ ﺍﻟﻤﻠﺤﻪ
ﻋﺒﺎﻟﻲ ﺍﺗﻜﻴﻒ ﻭﻳﺎﻛﻢ ﻋﺒﺎﻟﻲ ﺗﻨﺴﻴﻨﻲ ﺣﺒﻲ ﻭﺍﻧﺴﻴﻚ ﺣﺒﻚ
ﺍﻧﺖ ﺗﺤﺐ ﺯﻳﻨﺐ ﺣﺐ ﺟﺒﻴﺮ
ﻭﺍﺿﺢ ﻋﻠﻴﻚ ﺑﻜﻞ ﺣﺮﻛﻪ ﻣﻨﻚ
ﺑﻜﻞ ﺣﺠﺎﻳﻪ
ﺑﻜﻞ ﺗﺼﺮﻑ ﻣﻨﻚ
ﻭﺍﻧﻲ ﺑﻨﻔﺲ ﺍﻟﻮﻗﺖ ﺍﺣﺐ ﺯﻭﺟﻲ ﺍﻟﻠﻪ ﻳﺮﺣﻤﻪ ﻭﻣﻜﺪﺭﺕ ﺍﻧﺴﻰ
بيج قصص عراقيه حقيقيه من واقعنا.روعه الطائي
ﻭﻻ ﻛﺪﺭﺕ ﺍﻋﻴﺶ ﺑﻌﻴﺪﻩ ﻋﻦ ﺑﻨﺘﻲ
ﻳﻌﻨﻲ ﺑﺎﻟﺤﺎﻟﺘﻴﻦ ﺍﺣﻨﻪ ﺍﺳﺘﻌﺠﻠﻨﻪ ﺍﺛﻨﻴﻨﻪ
ﻟﻬﺬﺍ ﺍﻟﺴﺒﺐ ﺯﻭﺍﺟﻨﻪ ﻓﺎﺷﻞ ﻭﺍﻻﻓﻀﻞ ﺍﻟﻨﻪ ﻧﻨﻔﺼﻞ
ﺑﺲ ﺷﻨﻮ ﺫﻧﺐ ﺍﻟﻄﻔﻞ ﻟﻴﺶ ﻫﻴﺞ ﺳﻮﻳﺘﻲ
ﺧﻄﻴﻪ ﻣﺎﺍﻟﻪ ﺫﻧﺐ ﻳﺠﻲ ﻟﻠﺪﻧﻴﻪ ﻭﻳﻠﻜﻲ ﺍﻣﻪ ﺑﺼﻔﺤﻪ ﻭﺍﺑﻮ ﺑﺼﻔﺤﻪ
ﺍﻻﻓﻀﻞ ﺍﻟﻪ ﻣﻴﻨﻮﻟﺪ ﻟﻬﺬﺍ ﺍﻟﺴﺒﺐ ﺍﺟﻬﻀﺘﻪ
ﻭﻫﺴﻪ ﺍﺭﻳﺪﻙ ﺍﻃﻠﻜﻨﻲ ﻭﻛﻠﻤﻦ ﻳﺮﻭﺡ ﻟﺤﺎﻝ ﺳﺒﻴﻠﻪ
ﻣﺎﺍﻋﺮﻑ ﺍﻓﺮﺡ ﻟﻮ ﺍﺣﺰﻥ
ﻓﺮﺣﺎﻥ ﻻﻥ ﺭﺍﺡ ﻧﻨﻔﺼﻞ ﺑﺲ ﺣﺰﻧﺎﻥ ﻉ ﺍﻟﻄﻔﻞ ﻣﺎﺍﻟﻪ ﺫﻧﺐ
ﻫﻮ ﺍﻧﻲ ﺍﻟﺼﻮﺝ ﺑﻴﻪ
ﻳﻮﻣﻴﻪ ﻭﺭﺣﺖ ﺍﺗﺰﻭﺟﺖ
ﺷﺤﺼﻠﺖ ﺑﺲ ﺍﻻﺫﻳﻪ ﻭﺷﻼﻉ ﺍﻟﻜﻠﺐ
ﻛﺘﻠﻬﺎ ﺻﻴﺤﻴﻠﻲ ﺍﺑﻮﺝ ﻭﺗﻌﺎﻟﻲ ﻳﻤﻨﻪ
ﺍﺟﻪ ﻭﺟﺎﻥ ﺣﻴﻞ ﺧﺠﻼﻥ
ﻛﺘﻠﻪ ﻋﻤﻲ ﺍﻧﻲ ﺭﺍﺡ ﺍﻃﻠﻜﻬﺎ ﻟﻤﺮﻭﻩ ﻭﺍﻟﺤﺎﺿﺮ ﻭﺍﻟﻐﺎﻳﺐ ﺗﺴﺘﻠﻤﻪ ﺣﺴﺐ ﺍﻻﺻﻮﻝ
ﻛﺎﻝ ﻻ ﺍﺑﻨﻲ ﺍﻟﺒﻨﻴﻪ ﻫﻲ ﺍﻟﻲ ﻃﻠﺒﺖ ﺍﻟﻄﻼﻙ
ﻣﻴﺠﻮﺯ ﻭﺍﻧﺖ ﻣﺎﺍﻟﻚ ﺫﻧﺐ
ﻟﻠﻴﻮﻡ ﻣﺸﻜﺖ ﻣﻨﻚ
ﺑﺲ ﺍﺣﻨﻪ ﻳﺎﺍﺑﻨﻲ ﻏﻠﻄﻨﻪ ﻣﻦ ﺯﻭﺟﻨﺎﻫﺎ ﺑﻬﻴﺞ ﻃﺮﻳﻘﻪ
ﻋﺒﺎﻟﻨﻪ ﺯﻭﺟﺘﻚ ﺑﻴﻬﺎ ﻗﺼﻮﺭ ﻟﻮ ﻣﺮﻳﻀﻪ
ﻣﺘﻮﻗﻌﻨﻪ ﺷﻐﻠﺔ ﻋﻨﺎﺩ ﻣﺴﻮﻳﻬﺎ ﻭﺍﺗﺰﻭﺟﺖ ﻋﻠﻴﻬﺎ
ﺧﻄﻴﻪ ﺍﻟﺒﻨﻴﻪ ﺷﻨﻮ ﺫﻧﺒﻬﺎ
ﺗﻌﺮﻑ ﺍﺫﺍ ﺳﻤﻌﻮﺍ ﺍﻫﻞ ﺑﻨﺘﻬﺎ ﻣﺮﻭﻩ ﻣﺘﺰﻭﺟﻪ ﻛﺒﻞ ﻳﺎﺧﺬﻭﻫﺎ ﻟﻠﻄﻔﻠﻪ ﺧﻄﻴﻪ
ﻭﺍﺣﻨﻪ ﺣﻴﻞ ﻣﺘﻌﻠﻘﻴﻦ ﺑﻴﻬﺎ
ﺗﻜﻌﺪ ﻳﻤﻨﻪ ﻭﺗﺴﻜﺖ
ﻃﻠﻜﻬﺎ ﻭﻛﻠﻤﻦ ﻳﺮﻭﺡ ﻟﺤﺎﻝ ﺳﺒﻴﻠﻪ
ﻭﺭﺍﺡ ﺗﺒﻘﻰ ﻋﻼﻗﺘﻨﻪ ﻧﻔﺲ ﻣﺎﻫﻲ ﻣﺘﺘﺎﺛﺮ ﺍﻥ ﺷﺎﺀ ﺍﻟﻠﻪ
ﻛﺎﻝ ﻫﺴﻪ ﻃﻠﻚ ﺳﻴﺪ ﻭﺑﻌﺪﻳﻦ ﻃﻠﻚ ﻣﺤﻜﻤﻪ
ﻓﻌﻼ ﻃﻠﻜﺖ ﺳﻴﺪ ﻭﺭﺟﻌﺖ
ﺍﻟﻄﺮﻳﻖ ﻛﻠﻪ ﻋﻘﻠﻲ ﻣﺸﺘﺖ
ﻣﻌﻘﻮﻟﻪ ﺭﺑﻲ ﻳﺴﺘﺠﻴﺐ ﺩﻋﺎﺋﻲ
ﺍﻧﻲ ﻳﻮﻣﻴﻪ ﺍﺻﻠﻲ ﻭﺍﺩﻋﻲ ﺍﺭﻳﺪ ﻣﺮﻭﻩ ﺗﻄﻠﺐ ﺍﻟﻄﻼﻙ ﻭﻓﻌﻼ ﻫﻲ ﻃﻠﺒﺖ
ﻣﺎﻛﻮ ﺍﺟﻤﻞ ﻭﻻ ﺍﻓﻀﻞ ﻣﻦ ﻗﺮﺑﻨﻪ ﻟﺮﺑﻨﻪ
ﻭﺧﺎﺻﻪ ﻭﻗﺖ ﺍﻟﺴﺤﺮ ﻫﻮﺍﻱ ﺟﺮﺑﺖ ﻫﺬﺍ ﺍﻟﺸﻲ
ﺍﺣﺲ ﺍﻟﺤﺎﺟﺰ ﺍﻟﺒﻴﻨﻪ ﻭﺑﻴﻦ ﺭﺑﻨﺎ ﻣﺎﻛﻮ
ﺍﺣﺲ ﺍﻟﺪﻋﺎﺀ ﻳﺼﻌﺪ ﻟﻠﺴﻤﺎ
ﺍﻧﻲ ﺟﻨﺖ ﻣﺘﻮﻫﻢ ﻣﻦ ﺍﺭﻭﺡ ﺍﺷﺮﺏ ﻭﺍﻛﻮﻝ ﻣﺤﺘﺎﺝ ﺍﺭﺗﺎﺡ ﻭﺍﻧﺴﻰ
ﺑﺎﻟﻌﻜﺲ ﻳﺰﻳﺪ ﻫﻤﻲ
ﺑﺲ ﻣﻦ ﻛﻤﺖ ﺍﻟﺘﺠﺊ ﻟﺮﺏ ﺍﻟﻌﺎﻟﻤﻴﻦ
ﺍﻧﻔﺘﺤﺖ ﺑﻮﺟﻬﻲ ﻫﻮﺍﻱ ﺍﺷﻴﺎﺀ
ﺣﺴﻴﺖ ﺑﺎﻻﻣﺎﻥ ﺣﺴﻴﺖ ﺑﺎﻟﻄﻤﺄﻧﻴﻨﻪ
ﺟﻨﺖ ﺍﺧﺎﻑ ﻣﻦ ﺍﻟﻤﻮﺕ ﺍﺧﺎﻑ ﻳﺤﺎﺳﺒﻨﻲ ﺭﺑﻲ ﻉ ﺍﺧﻄﺎﺋﻲ
بيج قصص عراقيه حقيقيه من واقعنا.روعه الطائي

ﻫﺴﻪ ﻣﻴﻬﻤﻨﻲ ﺍﻟﻤﻮﺕ ﻻﻥ ﺍﻧﻲ ﻉ ﺛﻘﻪ ﺍﻟﻠﻪ ﻏﻔﻮﺭ ﺭﺣﻴﻢ
ﻣﻦ ﺗﺼﻮﺑﺖ ﺑﺴﺎﻣﺮﺍﺀ ﺍﺗﻤﻨﻴﻦ ﻣﺎﺍﻣﻮﺕ ﻣﻮ ﺧﻮﻓﺎ ﻣﻦ ﺍﻟﻤﻮﺕ
ﻻ ﺑﺎﻟﻌﻜﺲ ﺍﻋﺘﺒﺮ ﺷﻬﻴﺪ
ﻭﺍﻟﺸﻬﻴﺪ ﻣﻘﺪﺱ
ﺑﺲ ﺍﻧﻲ ﺣﺒﻴﺖ ﻣﺎﺍﻣﻮﺕ ﺍﺭﻳﺪ ﺍﺻﺤﺢ ﺍﺧﻄﺎﺋﻲ
ﻭﻓﻌﻼ ﻛﺪﺭﺕ ﺍﺗﻮﺏ ﻭﺍﺗﻤﻨﻰ ﺭﺑﻲ ﻳﺴﺎﻣﺤﻨﻲ
ﺭﺟﻌﺖ ﻟﻠﺒﻴﺖ ﺍﻟﻌﺼﺮ
ﺭﺣﺖ ﻟﺒﻴﺘﻲ ﻻﻥ ﺟﻨﺖ ﺿﺎﻳﺞ ﺣﻴﻞ
ﻗﺮﺍﺭﻱ ﺟﺎﻥ ﺧﺎﻃﺊ ﻣﻦ ﻓﻜﺮﺕ ﺍﺗﺰﻭﺝ
ﻇﻠﻤﺖ ﻧﻔﺴﻲ ﻭﻇﻠﻤﺖ ﺯﻳﻨﺐ ﻭﻇﻠﻤﺖ ﻣﺮﻭﻩ
ﻣﺎﺣﺴﻴﺖ ﺑﻔﺮﺣﻪ ﺍﺑﺪ ﻣﻦ ﻃﻠﻜﺖ ﻣﺮﻭﻩ
ﻣﺎﺍﻋﺮﻑ ﺍﻟﺴﺒﺐ ﻫﻞ ﻫﻮ ﺗﺎﻧﻴﺐ ﺍﻟﻀﻤﻴﺮ ﻻﻥ ﻇﻠﻤﺘﻬﺎ
ﻫﻲ ﻟﻮ ﻣﻼﺣﻀﺘﻨﻲ ﺯﻳﻦ ﻭﻳﺎﻫﺎ ﻣﻄﻠﺒﺖ ﺍﻟﻄﻼﻙ
ﺍﻛﻴﺪ ﺣﺴﺖ ﺑﻴﻪ ﻣﻤﺮﺗﺎﺡ ﻭﻳﺎﻫﺎ
ﺳﺒﺤﺖ ﻭﻧﻤﺖ ﻛﺒﻞ
ﻛﻌﺪﺕ ﻭﺟﺎﻥ ﺍﻟﺠﻮ ﺑﺎﺭﺩ ﻳﻤﻜﻦ ﺍﻟﺴﺎﻋﻪ ﺏ 10
ﺻﻠﻴﺖ ﻭﺣﺴﻴﺖ ﺑﻨﻔﺴﻲ ﺟﻮﻋﺎﻥ
ﺭﺣﺖ ﻻﻫﻠﻲ ﻟﻜﻴﺖ ﺍﻟﺒﻴﺖ ﻫﺪﻭﺀ
ﻟﻜﻴﺖ ﺍﻛﻞ ﻉ ﺍﻟﻄﺒﻠﻪ ﺑﺲ ﺑﺎﺭﺩ
ﻣﺎﺍﺣﺐ ﺍﻻﻛﻞ ﺍﻟﺒﺎﺭﺩ ﺍﺑﺪ
ﻣﺎﺍﺭﻳﺪ ﺍﻃﻠﺐ ﻣﻦ ﺯﻳﻨﺐ ﺷﻲ
ﺣﻴﻞ ﺿﻮﺟﺘﻨﻲ ﺍﻟﺒﺎﺭﺣﻪ ﻭﻗﺮﺭﺕ ﺍﺑﺪ ﻣﺎﻋﻠﻴﻪ ﺑﻴﻬﺎ ﺣﺘﻠﻮ ﻃﻠﻜﺘﻬﺎ ﻣﺮﻭﻩ
ﺍﻧﻲ ﻣﺘﺎﻛﺪ ﺭﺍﺡ ﺍﺗﻌﺒﻨﻲ ﺯﻳﻨﺐ
ﺣﺘﻰ ﻟﻮ ﻃﻠﻜﺖ ﻣﺮﻭﻩ ﺭﺍﺡ ﺍﻃﻠﻊ ﺳﺎﻟﻔﻪ ﻣﻦ ﺟﻮﻩ ﺍﻟﻜﺎﻉ ﻓﻲ ﺳﺒﻴﻞ ﻣﺎﺍﺗﻘﺮﺑﻠﻬﺎ
ﺍﻛﻠﺖ ﻣﺠﺒﻮﺭ ﻭﺭﺟﻌﺖ
ﺟﻨﺖ ﺷﺒﻌﺎﻥ ﻧﻮﻡ ﻭﺛﺎﻧﻲ ﻳﻮﻡ ﻣﺎﻋﻨﺪﻱ ﺩﻭﺍﻡ
ﻛﻌﺪﺕ ﺍﻛﻠﺐ ﺑﺎﻟﻔﻴﺲ ﻣﻦ ﺯﻣﺎﻥ ﺗﺮﻛﺘﻪ ﻻﻥ ﺑﺎﻳﺎﻡ ﺍﻟﺪﻭﺭﻩ ﻣﺎﻋﻨﺪﻱ ﻭﻗﺖ
ﻧﺸﺮﺕ ﻓﻴﺪﻳﻮ ﺷﻌﺮ ﻉ ﺻﻔﺤﺘﻲ ﺍﻟﺸﺨﺼﻴﻪ
ﻛﺘﺒﺖ ﻣﻘﺼﻮﺩﻩ
ﺷﻌﺮ ﻋﻦ ﺍﻟﺤﺐ
ﺑﺲ ﺍﺑﺘﻠﻴﺖ ﻉ ﻋﻤﺮﻱ ﻣﻦ ﻛﺘﺒﺖ ﻣﻘﺼﻮﺩﻩ
ﺑﻘﻴﺖ ﺍﻟﺘﻬﻴﺖ ﺑﺎﻟﺘﻌﻠﻴﻘﺎﺕ
ﺟﻤﺎﻋﺘﻲ ﻧﺼﺒﻮﺍ ﻋﻠﻴﻪ ﻟﻚ ﻣﻘﺼﻮﺩﻩ ﻉ ﺍﻻﻭﻟﻰ ﺍﻟﺜﺎﻧﻴﻪ ﺍﻟﺜﺎﻟﺜﻪ ﺍﻟﺮﺍﺑﻌﻪ ﻭﻳﻀﺤﻜﻮﻥ
ﻭﺍﺣﺪ ﻛﻠﻠﻬﻢ ﻫﺎﻱ ﻉ ﺍﻟﺰﻭﺍﺩﻩ ﻣﻜﻔﻦ ﺍﻻﺭﺑﻌﻪ
ﺣﺠﻴﻨﻪ ﺑﺮﻣﻮﺯ ﻣﺤﺪ ﻓﻬﻤﻨﻪ
ﻭﻇﺤﻜﻨﻪ ﻭﻏﻴﺮﺕ ﺟﻮ ﺷﻮﻳﻪ
ﺑﻌﺪﻫﺎ ﺻﻠﻴﺖ ﻳﻠﻪ ﻧﻤﺖ
ﺛﺎﻧﻲ ﻳﻮﻡ ﻛﻌﺪﺕ ﻳﻤﻜﻦ ﺏ 1 ﺍﻟﻈﻬﺮ
ﺻﻠﻴﺖ ﻭﺧﻠﺼﺖ ﺭﺣﺖ ﻳﻢ ﺍﻣﻲ
ﺳﻠﻤﺖ ﻋﻠﻴﻬﺎ ﻭﺑﺴﺘﻬﺎ ﺑﺮﺍﺳﻬﺎ
بيج قصص عراقيه حقيقيه من واقعنا.روعه الطائي
ﺳﺎﻟﺘﻨﻲ ﻉ ﻣﺮﻭﻩ ﻛﺘﻠﻬﺎ ﻃﻠﻜﺘﻬﺎ
ﻛﺎﻟﺖ ﻳﻮﻡ ﻟﻴﺶ ﺗﻌﺎﻧﺪ ﺷﻜﻨﺎﻟﻚ ﻣﻦ ﺍﻟﺒﺪﺍﻳﻪ
ﻭﺍﻟﻠﻪ ﺍﺑﻮﻙ ﻛﺎﻝ ﺍﺫﺍ ﺑﻘﺖ ﻭﻳﺎ ﺳﻨﻪ ﺷﻮﻓﻮﺍ
ﻭﻓﻌﻼ ﻣﺼﺎﺭﻟﻚ ﺷﻜﻢ ﺷﻬﺮ
ﻟﻴﺶ ﻫﻴﺞ ﺗﺒﻬﺬﻝ ﻧﻔﺴﻚ
ﺍﻧﺖ ﻣﺎﺍﻋﺮﻑ ﺗﻌﺎﻧﺪ ﻧﻔﺴﻚ ﻟﻮ ﺗﺘﻌﻤﺪ ﻉ ﺍﺫﻳﺘﻚ
ﺳﻜﺘﺖ ﻣﺤﺠﻴﺖ ﺷﻲ
ﻣﺎﺍﻋﺮﻑ ﺷﺎﺣﺠﻲ
ﻳﻮﻡ ﺟﻮﻋﺎﻥ ﺷﻤﺴﻮﻳﻦ ﻏﺪﻩ
ﻛﺎﻟﺖ ﻫﺴﻪ ﺑﺲ ﺧﻞ ﺍﺣﻤﻲ ﺍﻻﻛﻞ
ﻳﻮﻡ ﻣﻨﻮ ﺍﻟﻲ ﻳﻄﺒﺦ ﺍﻟﻐﺪﻩ
ﺯﻳﻨﺐ ﺗﻜﻌﺪ ﻣﻦ ﻭﻛﺖ ﺗﻄﺒﺦ ﻭﺑﻌﺪﻫﺎ ﺗﺮﻭﺡ ﻟﻠﺠﺎﻣﻌﻪ
ﺍﺗﻐﺪﻳﺖ ﻭﺧﻠﺼﺖ
ﺿﺎﻳﺞ ﺣﻴﻞ ﻭﻣﺎﺍﻟﻲ ﻭﺍﻫﺲ ﻟﻜﻠﺸﻲ
ﻛﻠﺖ ﻻﻣﻲ ﻣﺎﺗﺮﺣﻴﻦ ﻟﻠﻨﺠﻒ
ﻣﺸﺘﺎﻕ ﻟﻤﺮﻭﺍﻥ ﺣﻴﻞ
ﻣﻨﻮ ﻳﺮﻭﺡ ﻭﻳﺎﻧﻪ
ﺑﺲ ﺍﻧﻲ ﻭﻳﺎﺝ
ﺧﻞ ﻧﺘﺎﻧﻲ ﺯﻳﻨﺐ ﻭﺍﻟﺠﻬﺎﻝ ﻧﺎﺧﺬﻫﻢ ﻭﻳﺎﻧﻪ
ﻻﻳﻮﻡ ﺑﺲ ﺍﻧﻲ ﻭﻳﺎﺝ
ﻳﺎﺭﻳﺖ ﺣﻴﻞ ﻣﺸﺘﺎﻗﻪ ﺍﺯﻭﺭ ﺍﻻﻣﺎﻡ ﻭﺍﺯﻭﺭ ﻣﺮﻭﺍﻥ
ﻳﻠﻪ ﻟﻌﺪ ﺑﺪﻟﻲ ﻉ ﻣﺎﺍﺑﺪﻝ
ﻓﻌﻼ ﺑﺪﻟﻨﺎ ﻭﺧﺒﺮﻧﻪ ﺍﺑﻮﻳﻪ ﻭﺭﺣﻨﻪ ﺗﻘﺮﻳﺒﺎ ﺏ 2
ﺭﺣﻨﻪ ﻛﺒﻞ ﻟﻠﻤﻘﺒﺮﻩ ﺍﺣﺲ ﺑﻜﻠﺒﻲ ﻣﻘﺒﻮﺽ ﺣﻴﻞ
ﺿﺎﻳﺞ ﺿﻮﺟﻪ ﻣﺘﻨﻮﺻﻒ ﺍﺑﺪ
ﻭﺻﻠﻨﻪ ﺍﻣﻲ ﺧﻄﻴﻪ ﺗﺒﺠﻲ ﻋﺒﺎﻟﻚ ﻫﺴﺘﻮﻩ ﻣﺎﺕ ﻣﻌﺒﺎﻟﻚ ﺻﺎﺭﻟﻪ 5 ﺳﻨﻮﺍﺕ
ﻗﺮﻳﺖ ﺍﻟﻔﺎﺗﺤﻪ ﻭﻗﺮﻳﺖ ﻗﺮﺍﻥ ﻭﺟﺒﺖ ﻣﻲ ﺫﺑﻴﺘﻪ ﻉ ﺍﻟﻘﺒﺮ
ﺟﺎﻧﺖ ﻋﻼﻗﺘﻲ ﺑﻤﺮﻭﺍﻥ ﻣﺘﻨﻮﺻﻒ ﺍﺑﺪ ﺍﻗﺮﺏ ﻭﺍﺣﺪ ﺍﻟﻲ
ﺍﺣﺲ ﺑﻨﻔﺴﻲ ﺣﻴﻞ ﻣﺸﺘﺎﻗﻠﻪ ﻫﻮﺍﻱ
ﺧﻠﺼﻨﻪ ﻭﺭﺣﻨﻪ ﺯﺭﻧﻪ ﺍﻻﻣﺎﻡ ﻋﻠﻲ ﻭﺻﻠﻴﻨﻪ ﺍﻟﻤﻐﺮﺏ ﺑﺎﻟﺤﻀﺮﻩ
ﺍﺣﺲ ﻛﻠﺒﻲ ﺍﻧﻔﺘﺢ ﺑﺎﻟﺤﻀﺮﻩ
ﺑﻌﺪﻫﺎ ﺭﺣﻨﻪ ﺍﺗﻌﺸﻴﻨﻪ ﺑﺸﺎﺭﻉ ﺍﻟﺮﻭﺍﻥ ﻭﺭﺟﻌﻨﻪ
ﺍﺣﺲ ﺑﻨﻔﺴﻲ ﻫﻮﺍﻱ ﺍﺭﺗﺎﺣﻴﺖ
ﺭﺟﻌﻨﻪ ﺑﺎﻟﻠﻴﻞ ﻟﻜﻴﺖ ﻧﻮﺭ ﻭﻧﻈﻮﺭﻱ ﻧﺎﻳﻤﻴﻦ ﺧﻄﻴﻪ ﺣﻴﻞ ﻣﺸﺘﺎﻗﻠﻬﻢ
ﺻﺎﺭﻟﻲ ﻳﻮﻣﻴﻦ ﻣﺸﺎﻳﻔﻬﻢ
ﺑﺲ ﺩﺳﺖ ﻉ ﻛﻠﺒﻲ ﻭﻣﺎﺻﻌﺪﺕ ﻻﻥ ﺍﺩﺭﻱ ﺑﻨﻔﺴﻲ ﺍﺿﻌﻒ ﺍﻣﺎﻣﻬﺎ ﺍﺫﺍ ﺻﻌﺪﺕ
ﻭﻛﺮﺍﻣﺘﻲ ﻣﺘﺴﻤﺤﻠﻲ ﺑﻌﺪ ﺍﻃﻠﺐ ﻣﻨﻬﺎ ﺷﻲ
ﺧﻠﻴﻬﺎ ﻉ ﺭﺍﺣﺘﻬﺎ ﻟﻤﻦ ﻫﻲ ﺗﺘﻘﺒﻠﻨﻲ
ﺯﻳﻨﺐ : ﻣﺮﻭﻩ ﺭﺍﺣﺖ ﻭﻱ ﺍﻣﻬﺎ ﻻﻫﻠﻬﺎ
ﻛﺎﻟﺖ ﺧﺎﻟﻪ ﻣﻨﺨﺒﺮ ﺣﻴﺪﺭ ﺍﺣﻨﻪ
ﺧﻠﻲ ﻫﻮ ﻭﻳﺎﻫﺎ ﻧﺎﺭﻫﻢ ﺗﺎﻛﻞ ﺣﻄﺒﻬﻢ
ﻛﺎﻡ ﻳﺤﺠﻲ ﻋﻤﻮ ﻛﺎﻝ ﺗﺬﻛﺮﻭﻥ ﺷﻜﺘﻠﻜﻢ ﻣﻦ ﺭﺣﻨﻪ ﺧﻄﺒﻨﻪ
ﺩﻭﻣﻪ ﺍﺑﻨﺞ ﻣﺴﺘﻌﺠﻞ ﻣﺎﺍﻋﺮﻑ ﻫﺬﺍ ﻋﻠﻴﻤﻦ ﻃﺎﻟﻊ
بيج قصص عراقيه حقيقيه من واقعنا.روعه الطائي
ﺍﺷﻮ ﻭﻻ ﻭﺍﺣﺪ ﻣﻦ ﺍﻗﺮﺑﺎﺋﻨﺎ ﻣﺘﺰﻭﺝ 2 ﻭﻫﺬﺍ ﺍﻟﻤﺨﺒﻞ ﺍﺗﺰﻭﺝ 4
ﺍﻟﻤﺸﻜﻠﻪ ﻭﻻ ﻭﺣﺪﻩ ﻃﻠﻌﺖ ﺑﻴﻬﺎ ﺣﻆ
ﺑﺲ ﻫﺎﻱ ﺯﻳﻨﺐ ﺍﻟﻮﺣﻴﺪﻩ ﺍﻟﻲ ﺗﺤﻤﻠﺖ ﺧﺒﺎﻻﺗﻪ ﺑﺲ ﻫﻮ ﻣﻤﻘﺪﺭﻫﺎ
ﺟﻨﺖ ﻣﺘﻮﻗﻌﻪ ﻣﻦ ﺣﻴﺪﺭ ﻳﻄﻠﻚ ﻣﺮﻭﻩ ﺭﺍﺡ ﺍﻛﻮﻥ ﺍﺳﻌﺪ ﻭﺣﺪﻩ
ﺑﺲ ﻫﺴﻪ ﻣﺎﺍﻋﺮﻑ ﻟﻴﺶ ﻣﻔﺮﺣﺎﻧﻪ
ﻳﻤﻜﻦ ﻻﻥ ﻛﺎﻟﺖ ﻉ ﻣﻮﺩﻛﻢ ﻧﺰﻟﺘﻪ ﻟﻠﻄﻔﻞ
ﺣﺴﻴﺖ ﺑﺬﻧﺐ ﺣﺘﻰ ﻟﻮ ﻣﻦ ﺑﻌﻴﺪ
ﺍﻧﻲ ﻃﺮﻑ ﺑﻬﺎﻱ ﺍﻟﺴﺎﻟﻔﻪ
ﺍﺟﻪ ﺍﻟﻤﻮﻋﺪ ﺍﻟﻲ ﻳﺠﻲ ﺑﻲ ﺣﻴﺪﺭ
ﺟﻨﺖ ﺣﻴﻞ ﻣﺘﻠﻬﻔﻪ ﻳﺮﺟﻊ ﺣﻴﺪﺭ ﻣﻦ ﺍﻟﺴﻔﺮ
ﻭﺍﺧﻴﺮﺍ ﺭﺟﻊ ﺑﺲ ﺍﺣﺴﻪ ﺣﻴﻞ ﻣﺘﻐﻴﺮ ﻣﻦ ﻧﺎﺣﻴﺘﻲ
ﻫﺎﻣﻠﻨﻲ ﻭﻻ ﻛﺎﻧﻮ ﻣﻘﺎﺑﻴﻠﻪ
ﻛﻤﻠﻨﻪ ﺍﻟﻌﺸﺎ ﻭﺻﻌﺪﺗﻬﻢ ﻻﻥ ﻣﻮﻋﺪ ﻧﻮﻣﺘﻬﻢ
ﻭﻛﻌﺪﺕ ﺍﻗﺮﻩ ﺟﺎﻥ ﻋﻨﺪﻱ ﺍﻣﺘﺤﺎﻥ ﻛﻮﺭﺱ ﺍﻭﻝ
ﻭﺟﻨﺖ ﺍﻗﺮﻩ ﻭﻣﻨﺪﻣﺠﻪ
ﻓﺠﺄﻩ ﺩﺧﻞ ﺣﻴﺪﺭ ﺍﻭﻝ ﻣﺮﻩ ﻳﺴﻮﻳﻬﺎ
ﺩﺍﺋﻤﺎ ﻳﻄﻠﺐ ﺍﻻﺫﻥ ﻟﻮ ﻳﺪﻙ ﺍﻟﺒﺎﺏ ﻟﻮ ﻳﺮﺍﺳﻠﻨﻲ
ﻓﺘﺢ ﺍﺩﻳﻪ ﻭﺍﻧﻲ ﺑﺎﻟﻲ ﺭﺍﺡ ﻟﺒﻌﻴﺪ ﺗﻮﻗﻌﺘﻪ ﺑﺲ ﺍﺭﻭﺡ ﺍﺫﺏ ﻧﻔﺴﻲ ﺑﺤﻀﻨﻪ ﻳﺎﺧﺬﻫﺎ ﺑﻐﻴﺮ ﺷﻲ ﻋﺒﺎﻟﻪ ﻣﻮﺍﻓﻘﻪ ﻋﻠﻴﻪ
ﻫﺬﺍ ﺍﻟﺸﻲ ﻟﺤﺪ ﺍﻻﻥ ﻣﻤﺘﻘﺒﻠﺘﻪ ﺍﺑﺪ
ﻣﺎﺍﻋﺮﻑ ﻟﻴﺶ ﻫﻴﺞ ﺍﺗﺼﺮﻑ
ﺣﺴﻴﺖ ﺑﻲ ﺿﺎﺝ ﺍﻧﻄﺎﻧﻲ ﻋﻼﻛﻪ ﻭﻃﻠﻊ
ﻛﻠﺖ ﻻﺯﻡ ﻫﻴﺞ ﺍﺳﻮﻱ ﺍﺫﺍ ﺻﺮﺕ ﺳﻬﻠﻪ ﻭﺳﺎﻣﺤﺘﻪ ﺍﻛﻴﺪ ﺭﺍﺡ ﻳﻌﻴﺪ ﺍﻻﻫﺎﻳﻦ ﺍﻟﻲ
ﺑﺲ ﺧﻠﻲ ﻳﺘﻌﺬﺏ ﺷﻮﻳﻪ ﻣﺜﻞ ﻣﻌﺬﺑﻨﻲ ﻫﻮﺍﻱ
ﻓﺘﺤﺖ ﺍﻟﻌﻼﻛﻪ ﻭﺟﺎﻥ ﺑﻴﻬﺎ ﻣﻼﺑﺲ ﺍﻟﻲ ﻭﺍﻟﻪ ﻭﺟﺎﻳﺒﻠﻲ ﻣﻼﺑﺲ ﻟﻠﺠﺎﻣﻌﻪ ﺑﻨﻄﺮﻭﻥ ﻭﻗﻤﻴﺺ ﻛﻠﺶ ﺣﻠﻮ
ﺟﺎﻳﺒﻠﻲ ﺧﻠﺨﺎﻝ ﻛﻠﺶ ﺣﻠﻮ
ﻃﺒﻌﺎ ﺫﻭﻗﻪ ﻓﺪ ﺷﻲ
ﻭﺟﺎﻳﺒﻠﻲ ﻣﺪﺍﻟﻴﻪ ﻫﻢ ﺣﻠﻮﻩ
ﺍﻟﻤﺪﺍﻟﻴﻪ ﻟﺒﺴﺘﻬﺎ ﻻﻥ ﺟﺎﻧﺖ ﻋﺒﺎﺭﻩ ﻋﻦ ﻋﻴﻦ ﺑﻴﻬﺎ ﺭﻣﻮﺵ
ﺑﻘﻪ ﺑﺎﻟﻲ ﻣﺸﺘﺖ ﻣﺮﻛﺰﺕ ﺑﻘﺮﺍﻳﺘﻲ
ﻧﻤﺖ ﻃﺒﻌﺎ ﺑﺎﻟﺪﻭﺍﻡ ﺍﺗﺮﻙ ﺻﻼﺓ ﺍﻟﻠﻴﻞ ﺑﺲ ﺧﻤﻴﺲ ﻭﺟﻤﻌﻪ ﺗﻘﺮﻳﺒﺎ
ﻻﻥ ﺍﻧﺎﻡ ﻣﻦ ﻭﻛﺖ ﻣﺎﺍﻛﺪﺭ ﺍﺳﻬﺮ
ﻛﻌﺪﺕ ﺍﻟﺼﺒﺢ ﻣﺜﻞ ﺭﻭﺗﻴﻨﻲ
ﺭﺟﻌﺖ ﺣﻴﺪﺭ ﻣﺎﻛﻮ ﻛﺎﻟﺖ ﺧﺎﻟﻪ ﺭﺍﺡ ﻟﻤﺮﻭﻩ
ﺣﺴﻴﺖ ﺑﻐﻴﺮﻩ ﻣﻮ ﻃﺒﻴﻌﻴﻪ
ﺍﺳﻢ ﻣﺮﻭﻩ ﻳﻬﺰ ﻛﻴﺎﻧﻲ
ﺍﻧﻲ ﻣﺘﺎﻛﺪﻩ ﺭﺍﺡ ﻳﻄﻠﻜﻮﻥ ﺑﺲ ﻏﻴﺮﺗﻲ ﻣﻌﺮﻓﺖ ﺍﻓﺴﺮﻫﺎ
ﺑﻘﻴﺖ ﺍﻓﻜﺮ ﻫﺎ ﻫﺴﻪ ﺭﺍﺡ ﻳﺮﺟﻌﻬﺎ ﺑﻌﻨﺎﺩﻱ ﻻﻥ ﺭﻓﻀﺘﻪ
ﻫﺎ ﻫﺴﻪ ﻳﺘﻮﺳﻞ ﺑﻴﻬﺎ
ﻫﺴﻪ ﻳﻜﻠﻬﺎ ﺍﻣﻮﺕ ﺑﺪﻭﻧﺞ
ﺑﻘﻴﺖ ﺑﻘﻠﻖ ﻟﻠﻌﺼﺮ ﻣﺎﻛﻮ
ﺑﻌﺪﻳﻦ ﻛﺎﻟﺖ ﺧﺎﻟﻪ ﺟﺎﻱ ﺑﺲ ﻧﺎﻳﻢ
بيج قصص عراقيه حقيقيه من واقعنا.روعه الطائي
ﻛﻤﻠﻨﻪ ﻋﺸﺎ ﻭﺻﻌﺪﻧﻪ
ﻋﻴﻨﻲ ﺗﺮﺍﻗﺐ ﺍﻟﺒﺎﺏ ﺍﺗﺎﻣﻞ ﻳﺠﻲ
ﺍﻧﻲ ﻣﺤﺘﺎﺟﻪ ﻭﺟﻮﺩﻩ ﺑﺲ ﻣﻮ ﻣﺜﻞ ﻣﺎﻫﻮ ﻳﺮﻳﺪ
ﺑﺲ ﻫﻮ ﻛﺎﻋﺪ ﻳﺜﺒﺖ ﺍﻟﻌﻜﺲ
ﺍﺧﺮ ﺷﻲ ﻧﻤﺖ
ﺛﺎﻧﻲ ﻳﻮﻡ ﻛﺬﻟﻚ ﺭﺟﻌﺖ ﻣﻦ ﺍﻟﺠﺎﻣﻌﻪ
ﻛﺎﻝ ﻋﻤﻮ ﺭﺍﺣﻮﺍ ﻟﻠﻨﺠﻒ ﺣﻴﺪﺭ ﻭﺧﺎﻟﻪ
ﺗﺠﺎﻫﻠﻪ ﺍﻟﻲ ﺧﺒﻠﻨﻲ
ﺍﻧﻲ ﻣﺎﺍﺭﻳﺪﻩ ﻳﺘﻮﺳﻞ ﺑﻴﻪ ﻭﻻ ﺍﺭﻳﺪﻩ ﻳﺘﻘﺮﺑﻠﻲ ﻭﻻ ﺍﺭﻳﺪﻩ ﻳﺘﺠﺎﻫﻠﻨﻲ
ﺍﺭﻳﺪﻩ ﻳﺒﺪﻱ ﻭﻳﺎﻱ ﻣﻦ ﺍﻟﺼﻔﺮ
ﺍﺭﻳﺪﻩ ﻳﻨﺴﻴﻨﻲ ﺍﻟﺠﺮﺡ
ﺍﺭﻳﺪ ﺍﺗﻌﻮﺩ ﻟﻮﺟﻮﺩﻩ ﺑﻴﻨﺎﺗﻨﻪ
ﺑﺲ ﻫﻮ ﻣﻬﻤﻪ ﻫﺎﻱ ﺍﻻﺷﻴﺎﺀ
ﻫﻤﻪ ﺍﻟﻮﺣﻴﺪ ﻳﻨﺎﻡ ﻭﻳﺎﻱ
ﻭﻫﺬﺍ ﺍﻛﺒﺮ ﻏﻠﻂ ﻣﻨﻪ
ﻟﻠﻴﻞ ﺻﻌﺪﻧﻪ ﻭﻫﻢ ﻧﻤﻨﻪ ﻣﻦ ﻭﻛﺖ
ﺛﺎﻧﻲ ﻳﻮﻡ ﺻﺎﺩﻑ ﺧﻤﻴﺲ
ﻫﻢ ﻣﻤﺪﺍﻭﻡ ﺣﻴﺪﺭ
ﺻﺎﺭﻟﻨﻪ 3 ﺍﻳﺎﻡ ﻣﻨﺸﻮﻓﻪ
ﺻﺎﻳﺮ ﻫﻮﺍﻱ ﻗﺎﺳﻲ
ﻳﻌﻨﻲ ﻣﻔﻜﺮﺕ ﺗﺸﻮﻑ ﻧﻮﺭ ﻭﻧﻈﻮﺭﻱ
ﺧﻄﻴﻪ ﻫﻮﺍﻱ ﻳﺴﺎﻟﻮﻧﻲ ﻋﻠﻴﻪ ﻭﺍﻛﻠﻬﻢ ﻋﻨﺪﻩ ﺷﻐﻞ
ﻣﻦ ﺭﺟﻌﺖ ﻭﺟﺒﺖ ﺍﻟﺠﻬﺎﻝ
ﻟﻜﻴﺘﻪ ﺑﺎﻟﺼﺎﻟﻪ ﺳﻠﻤﺖ ﻭﺻﻌﺪﺕ
ﻧﻮﺭ ﻭﻧﻈﻮﺭﻱ ﺑﻘﻮﺍ ﻳﻤﻪ
ﺳﺒﺤﺖ ﻭﺑﺪﻟﺖ ﻭﻧﺰﻟﺖ
ﺳﺎﻟﺘﻬﻢ ﻣﻨﻮ ﻣﻤﺘﻐﺪﻱ ﻛﺎﻟﺖ ﺧﺎﻟﻪ ﺑﺲ ﺍﻧﺖ ﻻﻥ ﺣﺘﻰ ﺯﻫﺮﺍﺀ ﻭﺍﻣﻴﺮ ﺍﺗﻐﺪﻭﺍ
ﺭﺣﺖ ﻟﻠﻤﻄﺒﺦ ﺍﻛﻠﺖ ﺷﻲ ﺑﺴﻴﻂ
ﺍﺟﻪ ﺣﻴﺪﺭ ﻟﻠﻤﻄﺒﺦ
ﺭﺍﺩ ﺟﺎﻱ ﺻﺒﻴﺘﻠﻪ ﻭﺍﻧﻲ ﻏﺴﻠﺖ ﺍﻟﻤﻮﺍﻋﻴﻦ
ﻛﺎﻝ ﺑﺪﻟﻲ ﻟﻨﻮﺭ ﻭﻧﻈﻮﺭﻱ ﺍﺭﻳﺪ ﺍﻃﻠﻌﻬﻢ
ﺟﻨﺖ ﺍﺗﻤﻨﻰ ﻫﻢ ﻳﻄﻠﺐ ﻣﻨﻲ
ﺑﺲ ﻣﻌﺒﺮﻧﻲ ﺍﺑﺪ
ﺭﺍﺣﻮﺍ ﻣﺎﺍﺩﺭﻱ ﻭﻳﻦ
ﺑﻘﻮﺍ ﻟﻠﻴﻞ ﺭﺍﺳﻠﺘﻨﻲ ﺭﺳﻞ ﻭﺑﻘﻴﻨﻪ ﻧﺴﻮﻟﻒ
ﺳﺎﻟﺘﻨﻲ ﻋﻦ ﻋﻼﻗﺘﻲ ﺑﺤﻴﺪﺭ
ﻭﺳﻮﻟﻔﺘﻠﻬﺎ ﻛﻠﺸﻲ ﻫﻲ ﺍﻟﻮﺣﻴﺪﻩ ﺍﻟﻲ ﺍﻛﺪﺭ ﺍﺣﺠﻲ ﺑﺎﻟﺘﻔﺼﻴﻞ
ﻻﻥ ﻣﻦ ﺍﻟﺒﺪﺍﻳﻪ ﺗﻌﺮﻑ ﻛﻠﺸﻲ ﻋﻨﻲ
ﻛﺎﻟﺖ ﺯﻳﻨﺐ ﺍﻧﺼﺤﺞ ﻧﺼﺤﻴﻪ
ﻛﺎﻓﻲ ﻋﻨﺎﺩ ﺍﻟﺮﺟﺎﻝ ﺗﻨﺪﻡ ﻭﺍﻋﺘﺬﺭ ﻣﻨﺞ
ﺣﺲ ﺑﺨﻄﺄﻩ ﻭﺍﻋﺘﺮﻑ
ﺍﻻﻋﺘﺮﺍﻑ ﺑﺎﻟﺨﻄﺄ ﻓﻀﻴﻠﻪ
ﻭﺍﻧﺖ ﻛﺎﻋﺪ ﺗﺤﺒﻴﻨﻪ ﻭﻫﻮ ﻛﺬﻟﻚ
ﻟﻴﺶ ﺑﻌﺪ ﻫﺎﻟﻠﻒ ﻭﺍﻟﺪﻭﺭﺍﻥ
ﻛﺘﻠﻬﺎ ﻣﺪﺍ ﺍﺗﻘﺒﻠﻪ ﻣﻦ ﻳﻨﺎﻡ ﻭﻳﺎﻱ
ﻟﺞ ﻟﺘﺼﻴﺮﻳﻦ ﻋﻮﺑﻪ ﻭﺍﻟﻠﻪ ﻳﺮﺟﻊ ﻟﻠﺤﺮﺍﻡ
ﻭﺭﺍﺡ ﺗﺎﻛﻠﻴﻦ ﺑﻨﻔﺴﺞ ﺍﻛﻞ
ﻣﻦ ﺗﺮﺟﻌﻴﻦ ﻟﻠﻮﺍﻗﻊ ﺣﺮﺍﻡ ﻋﻠﻴﺞ ﺗﻤﻨﻌﻴﻨﻪ
ﺍﻧﺖ ﺷﻠﻮﻥ ﺗﺼﻠﻴﻦ ﻭﺗﺼﻮﻣﻴﻦ
ﻟﻌﺪ ﻭﻣﺮﻭﻩ
ﺷﻮﻓﻲ ﺯﻳﻨﺐ ﺭﺍﺡ ﺍﺣﺎﺟﻴﺞ ﺑﻜﻞ ﺻﺮﺍﺣﻪ ﻣﺎﺍﻋﺮﻑ ﺭﺍﺡ ﺗﺰﻋﻠﻴﻦ ﻟﻮ ﻻ
ﺍﻧﺖ ﻟﻮ ﻣﻮ ﻣﺮﻭﻩ ﻣﺮﺍﺡ ﺗﻮﺍﻓﻘﻴﻦ ﻋﻠﻴﻪ
ﻉ ﺍﺑﻮ ﻫﺎﻧﻲ ﻭﺿﺮﺑﻨﻲ
ﻟﺞ ﺑﺎﺑﺎ ﺍﻟﺮﺟﺎﻝ ﻣﻮ ﻫﻴﻦ ﻋﻠﻴﻪ ﻳﺘﻮﺳﻞ ﺑﻤﺮﻩ
ﺑﺲ ﻫﺬﺍ ﻻﻥ ﻫﻮﺍﻱ ﺍﺫﺍﺝ ﻫﻴﺞ ﻳﺸﻌﺮ ﺑﻨﺪﻡ
ﺑﺲ ﻫﻢ ﻋﻨﺪﻩ ﻛﺮﺍﻣﺘﻪ ﻭﺻﺒﺮﻩ ﺍﻟﻪ ﺣﺪ ﺩﻳﺮﻱ ﺑﺎﻟﺞ
ﻭﺍﺫﺍ ﺭﺟﻊ ﻳﻌﺼﺐ ﻭﺍﻟﻠﻪ ﻳﺎﺫﻳﺞ
ﺍﺷﻮ ﺟﺎﻥ ﻻﻋﺐ ﺑﻴﺞ ﺟﻮﻟﻪ ﻣﺎﻳﻮﻡ ﺣﺠﻴﺘﻲ ﻭﻻ ﺩﺍﻓﻌﺘﻲ ﻋﻦ ﻧﻔﺴﺞ
ﻫﺴﻪ ﻣﻦ ﺑﺪﻩ ﺯﻳﻦ ﻭﻳﺎﺝ ﺷﻠﺘﻲ ﺧﺸﻤﺞ ﻋﻠﻴﻪ
ﺍﻧﺖ ﻣﺴﺘﺤﻴﻞ ﺗﺘﻄﻠﻜﻴﻦ ﻭﻻ ﺭﺍﺡ ﺗﻔﻜﺮﻳﻦ ﺗﺮﻭﺣﻴﻦ ﻻﻫﻠﺞ
ﻫﻞ ﻣﻦ ﺍﻟﻤﻌﻘﻮﻟﻪ ﺗﺒﻘﻴﻦ ﻫﻴﺞ ﻻ ﺍﻧﺖ ﺑﺴﻤﺎ ﻭﻻ ﺍﻧﺖ ﺑﻜﺎﻉ
ﺍﻟﻤﺮﻩ ﺗﺤﺘﺎﺝ ﺍﻟﺮﺟﻞ ﺑﺤﻴﺎﺗﻬﺎ
ﺗﺤﺘﺎﺝ ﺗﺸﻜﻴﻠﻪ ﻫﻤﻬﺎ
ﺗﺤﺘﺎﺝ ﺗﺨﻠﻲ ﺭﺍﺳﻬﺎ ﺑﺼﺪﺭﻩ ﺣﺘﻰ ﺗﺤﺲ ﺑﺎﻻﻣﺎﻥ
ﺍﻻﻫﻞ ﻣﺪﺍﻳﻤﻴﻦ ﻻﺣﺪ
ﺍﻧﺖ ﺣﺒﻴﺘﻲ ﻟﺤﻴﺪﺭ ﻭﻫﻮ ﺣﺒﺞ ﻳﻤﻜﻦ ﺍﻛﺜﺮ ﻣﻦ ﺍﻟﻜﺮﻩ ﺍﻟﻲ ﻛﺮﻫﺞ ﺑﻲ ﺑﺎﻟﺒﺪﺍﻳﻪ
ﺍﻧﻲ ﺟﻨﺖ ﺩﺍﺋﻤﺎ ﺍﺳﻤﻊ ﺍﻟﻜﺮﻩ ﻳﻮﻟﺪ ﺍﻟﺤﺐ
ﻣﺪﺍﻡ ﺗﺎﺏ ﻭﺑﻌﺪ ﻣﺎﻋﻨﺪﻩ ﺍﻱ ﺷﻲ
ﺍﺣﺘﻮﻳﻪ ﻭﻗﺮﺑﻲ ﺍﻟﺞ ﻭﺍﻧﺴﻲ ﺍﻟﻤﺎﺿﻲ
ﻟﺘﺼﻴﺮﻳﻦ ﻣﻌﻘﺪﻩ
ﻛﺘﻠﻬﺎ ﺧﻞ ﺍﻓﻜﺮ ﻭﺍﺷﻮﻑ
ﻟﺞ ﺷﺘﻔﻜﺮﻳﻦ ﻣﻴﺤﺘﺎﺝ ﺗﻔﻜﻴﺮ
ﻛﻤﻠﻨﻪ ﺍﻟﻤﺤﺎﺩﺛﻪ
ﻛﻌﺪﺕ ﺍﻗﺮﻩ
ﺗﻘﺮﻳﺒﺎ ﺏ 9 ﻳﻠﻪ ﺭﺟﻌﻮﺍ
ﺍﺟﻮﻱ ﻓﺮﺣﺎﻧﻴﻦ ﻭﺟﺎﻳﺒﻴﻦ ﻭﻳﺎﻫﻢ ﺣﻠﻮﻳﺎﺕ ﻭﻛﺮﺯﺍﺕ
ﻧﻤﺖ ﻭﺭﻩ ﺷﻮﻳﻪ ﻭﺟﺎﻥ ﻳﺪﻙ ﺟﻬﺎﺯﻱ
ﺷﻔﺘﻬﺎ ﺭﺳﻞ ﻣﻠﺤﻜﺖ ﻋﻠﻴﻬﺎ ﺑﺲ ﻟﻜﻴﺘﻬﺎ ﻳﻤﻜﻦ 20 ﻣﺮﻩ ﺩﺍﻛﻪ
ﺑﻘﻴﺖ ﺣﺎﻳﺮﻩ ﻫﺴﺘﻮﻧﻪ ﺟﻨﻪ ﻧﺤﺠﻲ
ﺩﻛﺖ ﻣﺮﻩ ﻟﺦ ﺭﻓﻌﺖ ﺧﻂ
ﻭﺟﺎﻥ ﺭﺳﻞ ﺗﺒﺠﻲ ﻭﺗﻜﻮﻝ ........
ﺗﻮﻗﻌﺎﺗﻜﻢ ﺣﺒﺎﻳﺒﻲ ﺷﺒﻴﻬﺎ ﺭﺳﻞ ؟؟؟؟؟
ﻭﺷﺮﺍﺡ ﺗﻜﻮﻝ ﻟﺰﻳﻨﺐ ؟؟؟؟؟؟
ﺯﻳﻨﺐ ﺭﺍﺡ ﺗﺴﻤﺢ ﻧﺼﻴﺤﺔ ﺭﺳﻞ ﻟﻮ ﻻ ؟؟؟؟
ﺗﺤﻴﺎﺗﻲ ﻟﻠﺠﻤﻴﻊ ﺣﺒﺎﻳﺒﻲ 😘😘😘