عرض مشاركة واحدة
قديم 22-08-19, 09:43 PM   #54

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🌹 ﺍﻟﺒﺎﺭﺕ 52 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋

ﺟﺎﻥ ﺗﺒﺠﻲ ﺭﺳﻞ ﻭﺗﻜﻮﻝ ﻳﻤﻌﻮﺩﻩ ﻭﻳﻦ ﺻﺮﺗﻲ ﻣﻦ ﻳﻤﺘﻪ ﺍﺧﺎﺑﺮ
ﺟﻨﺖ ﻧﺎﻳﻤﻪ ﻭﺍﻟﻠﻪ
ﺷﻜﻮ ﺷﺼﺎﻳﺮ ﻛﻠﺒﻲ ﻭﻛﻒ
ﻟﺞ ﺟﻨﻪ ﻳﻢ ﺍﻟﺪﻛﺘﻮﺭ ﻃﻠﻌﻠﺖ ﻧﺘﺎﺋﺞ ﺍﻟﺘﺤﺎﻟﻴﻞ
ﺍﻱ ﺑﺸﺮﻱ
ﺷﺎﺑﺸﺮ ﻛﻠﻨﻪ ﻣﻴﺼﻴﺮ ﻋﺪﻛﻢ ﻃﻔﻞ ﺍﺑﺪ
ﺣﺘﻰ ﺍﺣﺘﻤﺎﻝ ﺿﻌﻴﻒ ﻣﺎﻛﻮ
ﻳﻌﻨﻲ ﻣﺮﺍﺡ ﺍﻛﻮﻥ ﺍﻡ ﺍﺑﺪ
ﻣﺮﺍﺡ ﺍﺣﺲ ﺑﺎﻻﻣﻮﻣﻪ
ﻣﺮﺍﺡ ﺍﺳﻤﻊ ﻛﻠﻤﺔ ﻣﺎﻣﺎ
ﻣﺮﺍﺡ ﺍﺳﻬﺮ ﺑﺎﻟﻠﻴﻞ
ﺗﺤﺠﻲ ﻭﺗﺒﺠﻲ
ﺗﺤﺠﻴﻦ ﺻﺪﻙ
ﺍﻱ ﻭﺍﻟﻠﻪ ﻭﺣﺒﻴﺖ ﺍﻭﻝ ﻭﺣﺪﻩ ﺍﺷﻜﻴﻠﻬﺎ ﻫﻤﻮﻣﻲ ﺍﻧﺘﻲ
ﻛﻤﺖ ﺍﺑﺠﻲ ﻉ ﺑﺠﻴﻬﺎ ﺧﻄﻴﻪ ﺻﺎﺭﻟﻬﻢ ﻫﻮﺍﻱ ﻣﺘﺰﻭﺟﻴﻦ
ﻭﻳﺤﻠﻤﻮﻥ ﺑﺎﻟﻄﻔﻞ
ﻣﺎﺍﻋﺮﻑ ﺷﺎﻛﻠﻬﺎ ﻭﺷﻠﻮﻥ ﺍﻭﺍﺳﻴﻬﺎ
ﻛﺘﻠﻬﺎ ﻟﺘﻜﻄﻌﻴﻦ ﺍﻻﻣﻞ ﺍﺑﺪ ﺑﺮﺏ ﺍﻟﻌﺎﻟﻤﻴﻦ
ﺍﺫﺍ ﺍﻟﻠﻪ ﺭﺍﺩ ﺷﻲ ﻟﻮ ﻣﻮ ﺍﻟﻄﺒﻴﺐ ﻳﺼﻴﺮﻋﺪﻛﻢ
ﺗﺬﻛﺮﻳﻦ ﻣﺮﻭﺍﻥ ﻣﻮ ﺗﻜﻮﻟﻮﻥ ﺍﺣﺘﻤﺎﻝ 10% ﻳﺼﻴﺮ ﻋﻨﺪﻩ
ﻭﺟﻨﺘﻮ ﻣﺄﻳﺴﻴﻦ ﻣﻨﻪ
ﻟﻌﺪ ﺷﻠﻮﻥ ﺻﺎﺭ ﻧﻈﻮﺭﻱ
ﺍﻛﻴﺪ ﺍﻟﻠﻪ ﻛﺎﺗﺐ ﺍﻟﻨﻪ
ﺑﺲ ﺍﺣﻨﻪ ﻣﺮﺍﺕ ﻣﺎﻋﺪﻧﻪ ﺻﺒﺮ
ﻣﺮﻭﺍﻥ ﺟﺎﻥ ﻋﻨﺪﻩ ﺍﺣﺘﻤﺎﻝ 10%
ﺍﺣﻨﻪ ﻛﻠﻠﻨﻪ ﺣﺘﻰ 1% ﻣﺎﺍﻧﻄﻴﻜﻢ
ﺍﻟﻤﺸﻜﻠﻪ ﻋﻨﺪﻱ ﻣﻮ ﻋﻨﺪ ﻣﺤﻤﺪ
ﺣﺎﻳﺮﻩ ﺷﺎﺳﻮﻱ ﻫﻢ ﺧﻄﻴﻪ ﻳﺮﻳﺪ ﻃﻔﻞ ﻳﺤﻤﻞ ﺍﺳﻤﻪ
ﺍﻟﻠﻪ ﻛﺮﻳﻢ ﺧﻠﻮﺍ ﻋﻴﻨﻜﻢ ﺑﻌﻴﻦ ﺍﻟﻠﻪ
ﺑﻘﻴﺘﻪ ﻧﺤﺠﻲ ﻓﺘﺮﻩ ﺑﻌﺪﻫﺎ
ﻃﺒﻜﺘﻪ ﻣﻨﻬﺎ ﻭﻧﺰﻟﺖ
ﻟﻜﻴﺖ ﺍﻟﺒﻴﺖ ﻫﺪﻭﺀ ﺍﻛﻴﺪ ﻧﺎﻳﻤﻴﻦ ﺧﺎﻟﻪ ﻭﻋﻤﻮ
ﺭﺩﺕ ﺍﺻﻌﺪ ﺑﺲ ﺳﻤﻌﺖ ﺻﻮﺕ ﺧﺎﻟﻪ

بيج قصص عراقيه حقيقيه من واقعنا.روعه الطائي
ﻫﺎ ﺯﻳﻨﺐ ﺍﻛﻮ ﺷﻲ
ﻳﻤﻜﻦ ﺟﺎﻧﺖ ﺍﺑﻴﺖ ﺣﻴﺪﺭ
ﺷﻨﻮ ﺧﺎﻟﻪ ﻭﻳﻦ ﺟﻨﺘﻲ ﺷﻄﻠﻌﺞ ﺑﺮﻩ ﻭﺍﻟﺪﻧﻴﻪ ﺑﺎﺭﺩﻩ
ﺟﻨﺖ ﻳﻢ ﺣﻴﺪﺭ ﻏﺴﻠﺘﻠﻪ ﻣﻼﺑﺴﻪ ﺧﻄﻴﻪ
ﻟﻴﺶ ﻣﺨﺒﺮﻧﻲ ﺍﻧﻲ ﺍﻏﺴﻠﻬﻦ ﺍﻟﻪ
ﻭﺍﻟﻠﻪ ﻣﺎﺍﺩﺭﻱ ﻳﺎﻳﻤﻪ ﻣﺤﺪ ﺷﺎﻟﻊ ﻛﻠﺒﻲ ﻭﺑﻨﻔﺲ ﺍﻟﻮﻗﺖ ﻛﺎﺳﺮ ﺧﺎﻃﺮﻱ ﻏﻴﺮ ﺣﻴﺪﺭ
ﺷﺮﺩﺗﻲ ﻣﻨﻲ
ﻻﻣﺎﻛﻮ ﺷﻲ
ﻣﺎﻛﺪﺭﺕ ﺍﺧﺒﺮﻫﺎ ﺧﻄﻴﻪ ﺧﺎﻟﻪ
ﺭﺟﻌﺖ ﺻﻌﺪﺕ ﻭﺣﻴﻞ ﺿﺠﺖ ﻉ ﻣﺤﻤﺪ ﻭﺭﺳﻞ
ﺧﻄﻴﻪ ﻣﻴﺴﺘﺎﻫﻠﻮﻥ ﺍﺑﺪ
ﺑﻌﺪﻳﻦ ﺍﺗﺬﻛﺮﺕ ﺣﻴﺪﺭ ﺩﻭﺧﺘﻨﻲ ﺍﻃﺒﺎﻋﻪ
ﻳﻌﻨﻲ ﻣﻦ ﺟﺎﻥ ﻳﻜﺮﻫﻨﻲ ﻭﻣﻴﻄﻴﻘﻨﻲ ﺍﻧﻲ ﻗﺎﻳﻤﻪ ﺑﻮﺍﺟﺒﻪ
ﻣﻼﺑﺴﻪ ﺍﻧﻲ ﺍﻏﺴﻠﻬﻦ ﻭﺑﻴﺘﻪ ﺍﻧﻈﻔﻪ ﻭﺍﻛﻠﻪ ﻋﻠﻴﻪ
ﻟﻮﻳﺶ ﻫﺴﻪ ﻫﻴﺞ ﻛﺎﻋﺪ ﻳﺴﻮﻱ
ﻣﻌﻘﻮﻟﻪ ﻫﻤﻠﻨﻲ ﻻﻥ ﻣﻴﺤﺒﻨﻲ
ﺍﻱ ﺍﻛﻴﺪ ﻣﻴﺤﺒﻨﻲ
ﺍﻟﺮﺟﺎﻝ ﻋﻨﺪﻩ ﺍﻫﻢ ﺷﻲ ﺷﻬﻮﺗﻪ ﻣﻴﻬﻤﻪ ﻣﺸﺎﻋﺮ ﺍﻟﺰﻭﺟﻪ
ﻫﻮ ﻣﻜﺎﻋﺪ ﻳﻨﻄﻴﻨﻲ ﻣﻬﻠﻪ
ﺍﻧﻲ ﻣﺮﺍﻓﻀﻪ ﻗﺮﺑﻪ ﺍﻟﻲ ﺍﻟﻪ ﻋﻨﺪﻱ ﺍﺳﺒﺎﺑﻲ
ﺟﺎﻧﺖ ﻣﺮﻭﻩ ﺍﻟﻌﺎﺋﻖ ﺑﻴﻨﺎﺗﻨﻪ
ﻫﺴﻪ ﻣﺮﻭﻩ ﻣﺎﻛﻮ ﻟﻴﺶ ﻫﻴﺞ ﺍﺑﺘﻌﺪ ﻣﺎﺍﻋﺮﻑ
ﺍﺣﺘﺎﺭﻳﺖ ﺷﺎﺳﻮﻱ
ﺍﺧﺮ ﺷﻲ ﺭﺍﺳﻠﺘﻪ
ﻫﻠﻮﻭﻭﻭ
ﻛﺎﻋﺪ
ﻣﺎﻛﻮ ﺟﻮﺍﺏ
ﻳﻤﻜﻦ ﻧﺎﻡ
ﺑﻘﻴﺖ ﺑﻘﻠﻖ ﻭﻧﻮﻣﺘﻲ ﻃﺎﺭﺕ ﺑﻴﻮﻣﻬﺎ
ﻛﻤﺖ ﺍﺗﻮﺿﻴﺖ ﻭﺻﻠﻴﺖ ﻭﻗﺮﻳﺖ ﻗﺮﺍﻥ
ﺑﻌﺪﻫﺎ ﺍﺫﻥ ﺻﻠﻴﺖ ﻭﻧﻤﺖ
ﻛﻌﺪﺕ ﺛﺎﻧﻲ ﻳﻮﻡ ﺻﺎﺩﻑ ﺟﻤﻌﻪ
ﻟﻜﻴﺖ ﺍﻟﺒﻨﺎﺕ ﺳﺎﺭﻩ ﻭﺑﻨﻴﻦ ﻭﻓﺎﻃﻤﻪ ﻫﻨﺎ
ﺳﻠﻤﺖ ﻋﻠﻴﻬﻦ
ﺍﻟﺘﻬﻴﻨﻪ ﺑﺎﻟﻐﺪﻩ ﻭﺟﺎﻧﻮﺍ ﺍﺯﻭﺍﺟﻬﻦ ﻭﻳﺎﻫﻦ
ﻛﻌﺪ ﺣﻴﺪﺭ ﻭﺍﻣﻴﺮ ﻫﻤﻴﻦ
ﻛﻌﺪﻭﺍ ﻭﻳﺎﻫﻢ ﺑﺎﻻﺳﺘﻘﺒﺎﻝ
ﻛﻤﻠﻮﺍ ﺍﻟﻐﺪﻩ ﻭﺭﺍﺣﻮﺍ
ﺑﻌﺪﻫﺎ ﻫﻢ ﺍﺧﺘﻔﻪ ﺣﻴﺪﺭ
ﻛﺎﻟﻦ ﺧﻞ ﻧﺮﻭﺡ ﻟﻠﻤﻮﻻﺕ
ﺩﺍﺋﻤﺎ ﻣﻦ ﻳﺠﻦ ﻳﺮﺣﻦ
ﻛﺎﻟﺖ ﺑﻨﻴﻦ ﺍﻧﺖ ﺍﺧﺬﻳﻨﻪ ﺯﻳﻨﺐ
ﺑﻌﺪ ﻣﻨﺮﻳﺪ ﻣﻨﻴﺔ ﺍﺣﺪ ﻻ ﺣﻴﺪﺭ ﻭﻻ ﺍﻣﻴﺮ
ﻛﺘﻠﻬﻦ ﺧﻞ ﺍﺷﻮﻑ ﺣﻴﺪﺭ ﺍﺫﺍ ﻗﺒﻞ ﺍﺭﻭﺡ
ﺭﻭﺣﻲ ﺷﻮﻓﻲ ﻻﻥ ﻣﻨﻠﺤﻚ ﻫﻢ ﻳﺎﺩﻭﺏ ﻧﺮﻭﺡ ﻫﺴﻪ
ﺭﺩﺕ ﺣﺠﻪ ﺣﺘﻰ ﺍﺭﻭﺣﻠﻪ ﻟﺒﻴﺘﻪ
ﺭﺣﺖ ﻭﺩﻛﻴﺖ ﺍﻟﺒﺎﺏ
ﻛﺎﻝ ﺗﻌﺎﻟﻲ ﻓﻮﺗﻲ
بيج قصص عراقيه حقيقيه من واقعنا.روعه الطائي
ﻣﻦ ﺷﺎﻓﻨﻲ ﺩﻧﻚ ﻋﻴﻨﻪ
ﻛﺘﻠﻪ ﻟﻴﺶ ﺗﻜﻞ ﻟﺨﺎﻟﻪ ﺗﻐﺴﻞ ﻣﻼﺑﺴﻚ
ﻣﺘﻜﻮﻝ ﺧﻄﻴﻪ ﻣﺮﻩ ﺗﻌﺒﺎﻧﻪ ﻭﺟﺒﻴﺮﻩ ﻫﺎﻱ ﻓﻮﻙ ﺩﻭﺍﻣﻬﺎ ﻭﺗﻌﺒﻬﺎ
ﺷﻨﻮ ﺷﻜﺘﻠﺞ ﺍﻣﻲ
ﻻ ﻣﺎﺷﻜﺖ
ﻟﻌﺪ ﺍﺳﻜﺘﻲ ﻭﺳﺪﻱ ﺍﻟﻤﻮﺿﻮﻉ ﻭﻟﺘﺪﺧﻠﻴﻦ ﺑﻴﻨﻲ ﻭﺑﻴﻦ ﺍﻣﻲ
ﺣﻴﺪﺭ ﻟﺘﻨﺴﻪ ﺍﻧﻲ ﺯﻭﺟﺘﻚ ﻭﻭﺍﺟﺐ ﻋﻠﻴﻪ ﺍﻗﻮﻡ ﺑﻮﺍﺟﺒﻚ
ﻣﻴﺼﻴﺮ ﺗﻄﻠﺐ ﻣﻦ ﺍﻣﻚ ﻭﺍﻧﻲ ﻣﻮﺟﻮﺩﻩ
ﺑﺲ ﺍﻋﺘﻘﺪ ﺍﻧﺖ ﻣﻮ ﺧﺪﺍﻣﻪ ﺣﺘﻰ ﻫﻴﺞ ﺗﺴﻮﻳﻦ
ﺣﻴﺪﺭ ﻟﺘﺼﻌﺐ ﺍﻻﻣﻮﺭ ﺍﻛﺜﺮ ﻋﻠﻴﻪ
ﻋﻤﺮﻱ ﻣﺎﺣﺴﺒﺖ ﺷﻐﻞ ﺍﻟﺒﻴﺖ ﻟﻮ ﺍﻟﻄﺒﺦ ﺧﺪﻣﻪ
ﻫﺬﺍ ﻭﺍﺟﺐ ﻋﻠﻴﻪ
ﺑﺲ ﺍﻧﺖ ﺍﻟﻲ ﺣﺴﺒﺘﻨﻲ ﻫﻴﺞ
ﺯﻳﻨﺐ ﻋﻔﻴﻪ ﻧﻌﺴﺎﻥ ﻭﺍﺭﻳﺪ ﺍﻧﺎﻡ
ﻋﻨﺪﺝ ﺷﻲ ﺍﺣﺠﻲ
ﻣﺎﻋﻨﺪﺝ ﺷﻲ ﺭﻭﺣﻲ ﻭﺳﺪﻱ ﺍﻟﺒﺎﺏ
ﺍﻃﻠﻊ ﺷﻮﻳﻪ ﻋﻦ ﺍﻟﺒﻴﺖ ﺧﻠﻲ ﺍﻧﻈﻔﻪ
ﻻ ﻣﺒﻲ ﺷﻲ ﻋﻮﻓﻲ
ﻧﺴﻴﺖ ﺍﻧﻲ ﻋﻠﻴﻤﻦ ﺍﺟﻴﺖ
ﺣﻴﺪﺭ ﻟﺘﻌﺎﻧﺪ ﻟﺨﺎﻃﺮ ﺍﻟﻠﻪ
ﺭﻭﺡ ﻳﻢ ﺍﻟﺒﻨﺎﺕ ﺷﻮﻳﻪ ﻭﺗﻌﺎﻝ ﻧﺎﻡ
ﻃﻠﻊ ﺍﺩﺭﻱ ﺑﻲ ﻳﺤﺐ ﺍﻟﻨﻈﺎﻓﻪ ﺣﻴﻞ
ﺑﺪﻳﺖ ﺑﻐﺮﻓﺘﻪ ﺭﺗﺒﺘﻬﺎ ﻭﺧﻠﻴﺘﻠﻪ ﻓﺮﺷﻪ ﺛﺎﻧﻴﻪ ﻭﺑﺮﺩﻩ
ﺧﻠﻴﺘﻬﻦ ﺑﺎﻟﻐﺴﺎﻟﻪ ﻭﺑﻌﺪﻧﻲ ﻛﺎﻋﺪ ﺍﺭﺗﺐ
ﺍﺟﺖ ﻓﺎﻃﻤﻪ
ﻛﺎﻟﺖ ﻭﻟﺞ ﺷﺘﺴﻮﻳﻦ ﻫﻨﺎ
ﺍﺣﻨﻪ ﻭﻳﻦ ﻭﺩﻳﻨﺎﺝ ﻭﺍﻧﺖ ﻭﻳﻦ ﺭﺣﺘﻲ
ﻭﺍﻟﻠﻪ ﻧﺴﻴﺖ ﻣﻜﺘﻠﻪ
ﻛﻮﻟﻲ ﻭﺍﻟﻠﻪ ﻭﺍﺣﻨﻪ ﻣﺒﺪﻟﻴﻦ ﻭﻣﻨﺘﻈﺮﻳﻦ
ﻟﺞ ﺧﻄﻴﻪ ﺍﻟﺒﻴﺖ ﻣﺒﻬﺬﻝ ﻭﻫﻮ ﻳﺘﺨﺒﻞ ﻣﻦ ﺍﻟﻬﻮﺳﻪ
ﻫﻮ ﺩﺯﻧﻲ ﻳﻜﻮﻝ ﺧﻞ ﺗﻌﻮﻑ ﺍﻟﻲ ﺑﻴﺪﻫﺎ ﻭﺗﺮﻭﺡ
ﻭﻋﻮﺩ ﻣﻦ ﺗﺮﺟﻊ ﺗﻜﻤﻞ
ﻣﺎﺍﻛﺪﺭ ﺑﻌﺪ ﺑﻠﺸﺖ ﻭﺍﻟﻤﻼﺑﺲ ﺑﺎﻟﻐﺴﺎﻟﻪ
ﺧﻞ ﻫﻮ ﻳﺎﺧﺬﺟﻦ
ﻟﺤﻀﺎﺕ ﻭﺭﺟﻊ
ﻋﻮﻓﻲ ﺍﻟﺒﻴﺪﺝ ﻭﺭﻭﺣﻲ
ﺭﺩﺕ ﺍﺣﺠﻲ ﺍﺷﺮﻟﻲ ﺍﺳﻜﺖ
ﻛﻤﻠﺖ ﺑﺲ ﺍﻟﻤﻼﺑﺲ ﻭﻃﻠﻌﺘﻬﻦ ﺷﺮﻳﺘﻬﻦ
ﺭﺣﺖ ﻟﻜﻴﺘﻦ ﺟﺎﻫﺰﺍﺕ
ﺑﺪﻟﺖ ﻉ ﺍﻟﺴﺮﻳﻊ
ﻧﻮﺭ ﻭﻧﻈﻮﺭﻱ ﺑﻘﻮﺍ ﻳﻢ ﺍﺑﻮﻫﻢ
ﺭﺣﻨﻪ ﻭﻓﺮﻳﻨﻪ ﻭﺍﺷﺘﺮﻳﻨﻪ ﺣﺘﻰ ﺯﻫﺮﺍﺀ ﻭﻳﺎﻧﻪ
ﺯﻫﺮﺍﺀ ﺧﺎﺑﺮﺕ ﺍﻣﻴﺮ ﻛﻠﺘﻠﻪ ﺣﺒﺎﺏ ﺟﻴﺐ ﺍﻛﻞ ﺟﺎﻫﺰ ﻣﺎﺑﻴﻪ ﺣﻴﻞ ﺍﺳﻮﻱ
ﻛﺎﻝ ﻣﻴﺨﺎﻟﻒ
ﺩﺍﺋﻤﺎ ﺍﻟﻐﺪﻩ ﻋﻠﻴﻪ ﻭﺍﻟﻌﺸﻪ ﻋﻠﻴﻬﺎ
ﺍﺫﻥ ﻭﺍﺣﻨﻪ ﺑﻌﺪﻧﻪ
بيج قصص عراقيه حقيقيه من واقعنا.روعه الطائي
ﺍﻧﻲ ﺩﺍﺋﻤﺎ ﺣﻴﺪﺭ ﻳﻨﺒﻬﻨﻲ ﻉ ﺷﻐﻠﺖ ﺍﻻﺫﺍﻥ
ﻛﺘﻠﻬﻦ ﻳﻠﻪ ﻣﺎﺍﻛﺪﺭ ﺍﺑﻘﻰ ﺑﻌﺪ
ﺣﻴﺪﺭ ﻣﺎﻳﻘﺒﻞ
ﻛﺎﻣﻦ ﻳﺘﻮﺳﻠﻦ ﺑﺲ ﻫﺎﻱ ﻭﺑﺲ ﻫﺎﻱ
ﺍﻧﻲ ﺍﺗﺼﻠﺖ ﺑﻲ ﻛﻠﺖ ﺍﺧﺒﺮﻩ
ﺑﺲ ﻣﻴﺠﺎﻭﺑﻨﻲ ﺍﺑﺪ
ﺍﺧﺮ ﺷﻲ ﻛﺘﻠﻬﻦ ﻣﺎﺍﻛﺪﺭ ﺍﺑﻘﻰ
ﺭﺍﺡ ﺍﺭﺟﻊ ﻭﺍﺧﻠﻲ ﺍﻣﻴﺮ ﻳﺠﻴﺠﻦ
ﻛﺎﻟﻦ ﻻ ﺧﻞ ﻧﺮﺟﻊ ﺳﻮﻳﻪ
ﺭﺟﻌﻨﻪ
ﻟﻜﻴﻨﻪ ﺣﻴﺪﺭ ﻳﺼﻠﻲ ﺑﺎﻻﺳﺘﻘﺒﺎﻝ ﻫﻮ ﻭﻧﻮﺭ
ﻭﻧﻈﻮﺭﻱ ﻫﻢ ﻳﻘﻠﺪﻫﻢ
ﻛﻤﻠﺖ ﻛﺘﻠﻪ ﺍﺳﻔﻪ ﺍﺗﺎﺧﺮﻧﻪ ﺑﻌﺪﻧﻲ ﻣﻤﻜﻤﻠﻪ
ﻋﺎﺩﻱ ﻣﻮ ﻣﺸﻜﻠﻪ ﻭﻋﺎﻓﻨﻲ ﻭﺭﺍﺡ
ﻛﺘﻠﻨﻲ ﺗﺠﺎﻫﻠﻪ ﺍﻟﻲ
ﺍﺟﻪ ﺍﻣﻴﺮ ﻭﺟﺎﻳﺐ ﻋﺸﻪ
ﺍﺗﻌﺸﻴﻨﻪ ﻭﻛﻤﻠﻨﻪ
ﺑﻌﺪﻫﺎ ﺍﺗﺠﻤﻌﻨﻪ ﺑﻐﺮﻓﺘﻲ
ﻛﺎﻣﻦ ﻳﺤﺠﻦ ﻋﻠﻴﻪ
ﻟﺞ ﻭﺍﻟﻠﻪ ﻣﻮﺗﻲ ﻟﻠﺮﺟﺎﻝ ﺧﻄﻴﻪ
ﺍﺷﻮ ﻣﺮﻭﻩ ﻭﻃﻠﻜﻬﺎ
ﺍﻧﻲ ﺍﺗﻔﺎﺟﺄﺕ ﺷﻮﻛﺖ ﻃﻠﻜﻬﺎ
ﺛﺎﻧﻲ ﻳﻮﻡ ﻣﻦ ﺍﺟﻪ ﻣﻦ ﺍﻟﺴﻔﺮ
ﻟﻌﺪ ﺍﺫﺍ ﻣﻄﻠﻜﻬﺎ ﻟﻴﺶ ﻣﻜﻠﻲ ﻟﻴﺶ ﻣﺤﺎﻭﻝ ﻳﺤﺠﻲ ﻭﻳﺎﻱ
ﺩﺧﺖ ﺍﻛﺜﺮ
ﺍﻧﻲ ﺍﺩﺭﻱ ﺭﺍﺡ ﻳﻄﻠﻜﻬﺎ
ﻭﺍﺗﻮﻗﻌﺘﻪ ﺍﻭﻝ ﻭﺣﺪﻩ ﻳﺨﺒﺮﻫﺎ ﺑﻬﺬﺍ ﺍﻟﻤﻮﺿﻮﻉ ﺍﻧﻲ
ﻛﺎﻟﻦ ﻓﺪﻭﻩ ﺑﺪﻟﻲ ﻭﺍﺗﻤﻜﻴﺠﻲ ﻭﺭﻭﺣﻲ ﻳﻤﻪ ﻭﻓﺎﺟﺌﻲ
ﺍﻧﻌﺎﺩ ﻋﻠﻴﻪ ﺷﺮﻳﻂ ﺣﻴﺎﺗﻲ
ﻭﺍﺗﺬﻛﺮﺕ ﻣﻦ ﺳﻮﻳﺘﻬﺎ ﺑﻴﻮﻡ ﺣﻨﺘﻪ
ﻭﺷﻠﻮﻥ ﻓﺸﻠﻨﻲ ﻭﻫﺎﻧﻲ
ﻟﻮ ﺍﻣﻮﺕ ﻣﺎﺍﺳﻮﻳﻬﺎ ﺑﻌﺪ
ﺍﺑﺪ ﻣﺎﺍﻓﺮﺽ ﻧﻔﺴﻲ ﻋﻠﻴﻪ ﻟﻮ ﺷﻴﺼﻴﺮ
ﻣﺮﻩ ﻭﺣﺪﻩ ﺧﻄﺎﺕ ﻣﺘﻨﻌﺎﺩ ﺑﻌﺪ ﺍﺑﺪ
ﻛﺘﻠﻬﻦ ﻻ ﻣﺎﺍﺳﻮﻳﻬﺎ ﺗﺬﻛﺮﻥ ﺍﺳﻮﻩ ﺑﻴﻪ ﻟﻮ ﻧﺴﻴﺘﻦ
ﺯﻫﺮﺍﺀ ﻛﺎﻟﺖ ﺷﻮ ﻣﻜﺎﻋﺪ ﺍﻛﺪﺭ ﺍﻓﺘﻬﻢ ﺷﻲ
ﺿﺤﻜﻦ ﻛﺎﻟﻦ ﺍﺣﺴﻦ ﻟﺘﻔﻬﻤﻴﻦ
ﻟﺞ ﺳﺎﻟﻔﻪ ﺟﺒﻴﺮﻩ
ﺍﻟﻠﻪ ﻋﻠﻴﺠﻦ ﺳﻮﻟﻔﻠﻲ
ﻛﺎﻟﺖ ﺩﺯﻳﻨﻪ ﺭﺳﺎﻟﻪ ﻭﺩﺷﺪﺍﺷﻪ ﻟﺰﻳﻨﺐ ﻉ ﺍﺳﺎﺱ ﻣﻦ ﺣﻴﺪﺭ
ﺟﺎﻧﻮ ﺑﻮﻗﺘﻬﺎ ﻣﺘﺰﺍﻋﻠﻴﻦ ﻭﺍﻟﺰﻋﻠﻪ ﺟﺒﻴﺮﻩ
ﺑﻴﻮﻡ ﺣﻨﺘﻪ
ﺩﺯﻳﻨﺎﻫﺎ ﻟﺤﻴﺪﺭ ﻭﻫﻮ ﺍﻧﻜﻠﺐ ﻭﺣﺶ ﻋﻠﻴﻨﻪ
ﺍﻧﻲ ﺍﻟﺼﺮﺍﺣﻪ ﺑﺠﻴﺖ ﺑﺪﻭﻥ ﻣﺎﺍﺩﺭﻱ ﺑﻨﻔﺴﻲ
ﻫﺬﺍ ﺍﻟﻤﻮﻗﻒ ﺟﺎﻥ ﺍﺻﻌﺐ ﻣﻮﻗﻒ ﻣﺮﻳﺖ ﺑﻲ
ﻛﺘﻠﻬﻦ ﻟﻌﺪ ﺍﺫﺍ ﺗﺬﻛﺮﻥ ﻟﻴﺶ ﻫﺴﻪ ﺍﻃﻠﺒﻦ ﻣﻨﻲ ﻧﻔﺲ ﺍﻟﺸﻲ
بيج قصص عراقيه حقيقيه من واقعنا.روعه الطائي
ﻛﺎﻟﺖ ﺑﻨﻴﻦ ﻟﺞ ﺟﺎﻥ ﻣﺨﺒﻞ ﻭﺍﺣﻨﻪ ﻧﺸﻬﺪ ﻉ ﺧﺒﺎﻻﺗﻪ
ﺑﺲ ﻫﺴﻪ ﺻﺎﺭ ﺍﻧﺴﺎﻥ ﺛﺎﻧﻲ ﻳﺨﺘﻠﻒ ﻋﻦ ﺍﻟﻘﺪﻳﻢ
ﺍﻛﻴﺪ ﻧﻌﺎﺩ ﻓﺮﻣﺘﻪ ﻣﻦ ﺟﺪﻳﺪ ﻭﺻﺎﺭ ﻫﻴﺞ
ﻫﺴﻪ ﻳﺤﺒﺞ ﻭﻳﺘﻤﻨﻰ ﺭﺿﺎﺗﺞ
ﻣﻮ ﻣﺜﻞ ﻗﺒﻞ
ﺣﺒﺎﺑﺎﺕ ﺳﺪﻥ ﺍﻟﻤﻮﺿﻮﻉ
ﻛﺎﻟﺖ ﻓﺎﻃﻤﻪ ﺍﺑﺼﻢ ﺑﺎﻟﻌﺸﺮﻩ ﺍﺫﺍ ﻣﺎﻳﻨﺴﻰ ﺍﺳﻤﻪ ﺑﺲ ﻳﺸﻮﻗﺞ ﺍﻛﺺ ﺍﺩﻳﻪ ﺍﺛﻨﻴﻨﻬﻦ
ﻋﻔﻴﻪ ﺳﺪﻥ ﺍﻟﻤﻮﺿﻮﻉ
ﺳﺎﻟﻨﻲ ﻉ ﺍﺧﻮ ﻣﺮﻭﻩ
ﻛﺘﻠﻬﻦ ﻣﺎﻣﺎ ﺭﻓﻀﺖ ﻣﻦ ﺳﻤﻌﺖ ﺑﻤﺮﻭﻩ
ﻭﺣﺘﻰ ﺗﺒﺎﺭﻙ ﻫﻢ ﺭﻓﻀﺖ ﻭﺭﺟﻌﻮﻟﻬﻢ ﺧﺒﺮ ﻣﻤﻮﺍﻓﻘﻴﻦ
ﻛﺎﻟﺖ ﻓﺎﻃﻤﻪ ﺯﻳﻦ ﺳﻮﻳﺘﻮﺍ
ﻻﻥ ﻣﺎﺍﺭﺗﺎﺣﻴﺖ ﺍﻟﻬﻢ ﺍﺑﺪ
ﺍﺗﺬﻛﺮﺕ ﺑﻴﺖ ﺣﻴﺪﺭ
ﻛﻠﺖ ﺑﺎﺟﺮ ﺳﺒﺖ ﻭﺍﻧﻀﻔﻪ
ﻧﻤﻨﻪ ﻭﻛﻌﺪﻧﻪ ﺍﺗﻐﺪﻳﻨﻪ ﻭﺍﻟﻌﺼﺮ ﺭﺍﺣﻦ ﺍﻟﺒﻨﺎﺕ
ﺍﺳﺘﻐﻠﻴﺖ ﻭﺟﻮﺩﻩ ﻫﻨﺎ ﻳﻢ ﻋﻤﻮ
ﻭﺭﺣﺖ ﺭﺗﺒﺖ ﺍﻟﺒﻴﺖ ﻛﻠﻪ ﺍﻟﻪ
ﻧﻀﻔﺖ ﺍﻟﺜﻼﺟﻪ ﻫﻤﻴﻦ
ﻛﻤﻠﺖ ﻛﻠﺸﻲ
ﻣﻼﺑﺲ ﻭﺳﺨﻪ ﻣﺎﻛﻮ
ﺭﺟﻌﺖ ﻟﻠﺒﻴﺖ
ﻟﻜﻴﺘﻪ ﻣﺎﻫﻮ ﻭﺣﺘﻰ ﻧﻮﺭ ﻭﻧﻈﻮﺭﻱ
ﺻﻌﺪﺕ ﺳﺒﺤﺖ ﻭﻃﻠﻌﺖ ﻟﻜﻴﺘﻪ ﺑﺎﻟﻐﺮﻓﻪ
ﺍﻧﺘﺎﺑﻨﻲ ﺷﻌﻮﺭ ﻏﺮﻳﺐ
ﺍﻭﻝ ﻣﺮﻩ ﺍﺗﻤﻨﻰ ﻳﺒﻘﻰ ﻳﻤﻲ
ﺍﺗﻤﻨﻰ ﻳﻨﺎﻡ ﻳﻤﻨﻪ
ﺍﺷﻮﻑ ﺍﻟﺤﺰﻥ ﻭﺍﺿﺢ ﻋﻠﻴﻪ
ﺑﺲ ﺍﺗﻔﺎﺟﺎﺕ ﺑﻲ
ﻭﻻ ﻛﺎﻧﻮ ﺍﻧﻲ ﻣﻮﺟﻮﺩﻩ
ﻣﻌﺒﺮﻧﻲ ﺍﺑﺪ
ﻛﺎﻋﺪ ﻳﺪﺭﺱ ﺑﻨﻮﺭ ﺍﻧﮕﻠﺶ
ﻣﺒﻴﻦ ﻋﻠﻴﻪ ﻗﻮﻱ ﺑﺎﻻﻧﮕﻠﺶ
ﺍﺫﻥ ﻋﺎﻓﻨﻪ ﻭﻧﺰﻝ
ﺟﻔﻔﺖ ﺷﻌﺮﻱ ﻭﺍﺗﻮﺿﻴﺖ
ﻛﻤﻠﺖ ﻧﺰﻟﻨﻪ
ﺳﻮﻳﻨﻪ ﺍﻟﻌﺸﻪ ﺍﻧﻲ ﻭﺯﻫﺮﺍﺀ
ﺍﺗﺠﻤﻌﻨﻪ ﻛﻠﻨﻪ
ﺣﺴﻴﺖ ﺑﺤﻴﺪﺭ ﻣﻮ ﻃﺒﻴﻌﻲ
ﺷﻮﻳﻪ ﻭﻋﺎﻑ ﺍﻻﻛﻞ
ﺫﺏ ﻣﻦ ﺭﺍﺳﻪ
ﺳﺎﻟﺘﻪ ﺧﺎﻟﻪ ﻛﻠﻬﺎ ﻣﺎﻛﻮ ﺷﻲ
ﻛﻤﻠﻨﻪ ﻭﺻﺒﻴﺖ ﺍﻟﺠﺎﻱ ﺍﻟﻬﻢ
ﺷﻮﻳﻪ ﻭﻫﻢ ﺍﺗﺨﺮﺑﻂ
ﻛﻞ ﻻﻣﻴﺮ ﻛﻮﻡ ﺍﺧﺬﻧﻲ ﻟﻠﻤﺴﺘﺸﻔﻰ
ﺑﻘﻴﻨﻪ ﻗﻠﻘﻴﻦ ﻋﻠﻴﻪ
ﺍﺗﺎﺧﺮﻭﺍ ﺑﻌﺪﻳﻦ ﺭﺟﻌﻮﺍ
ﻛﺎﻟﻮﺍ ﻣﺎﻛﻮ ﺷﻲ ﻣﺴﻮﻳﻠﻪ ﺗﺤﺎﻟﻴﻞ ﻭﺳﻮﻧﺎﺭ ﺑﺲ ﻣﺎﺑﻲ ﺷﻲ
ﺍﺣﺘﻤﺎﻝ ﺻﺎﻳﺮ ﻋﻨﺪﻩ ﺗﺴﻤﻢ
بيج قصص عراقيه حقيقيه من واقعنا.روعه الطائي
ﺿﺎﺭﺑﻴﻨﻪ ﺍﺑﺮ ﻭﻣﺸﻜﻠﻴﻠﻪ ﻣﻐﺬﻱ
ﺭﺍﺡ ﻟﺒﻴﺘﻪ ﻛﺒﻞ ﻧﺎﻡ
ﺑﻘﻴﺖ ﻗﻠﻘﻪ ﻻﺍﻛﺪﺭ ﺍﺭﻭﺡ ﺍﻃﻤﺎﻥ ﻋﻠﻴﻪ ﺍﺧﺎﻑ ﻧﺎﻳﻢ
ﻭﻻ ﺍﻛﺪﺭ ﺍﺑﻘﻰ ﻫﻨﺎ
ﺑﺎﺟﺮ ﻋﺪﻧﻪ ﺩﻭﺍﻡ ﺣﺘﻰ ﻫﻮ
ﺭﺍﺳﻠﺘﻪ ﺑﺲ ﻣﺎﻛﻮ ﺟﻮﺍﺏ ﺍﻛﻴﺪ ﻧﺎﻳﻢ
ﻧﻤﺖ ﻭﻛﻌﺪﺕ ﺍﻟﺼﺒﺢ
ﺍﻧﻲ ﺍﻛﻌﺪ ﻗﺒﻞ ﺍﻟﻜﻞ ﻉ ﻣﻮﺩ ﺍﻟﻐﺪﻩ ﺍﻃﺒﺦ ﻗﺒﻞ ﻻﺍﺭﻭﺡ
ﻛﻤﻠﺖ ﻭﺣﻀﺮﺕ ﺍﻟﺮﻳﻮﻙ
ﺍﺟﻪ ﻭﺟﺎﻥ ﻣﺒﺪﻝ ﺍﻟﺰﻱ ﺍﻟﻌﺴﻜﺮﻱ
ﻛﺎﻝ ﺻﺒﺎﺡ ﺍﻟﺨﻴﺮ ﻭﻫﻮ ﻣﺪﻧﻚ
ﺻﺒﺎﺡ ﺍﻟﻨﻮﺭ
ﺷﻠﻮﻥ ﺻﺮﺕ
ﺍﻟﺤﻤﺪ ﻟﻠﻪ ﻣﺎﻛﻮ ﺷﻲ ﺍﻥ ﺷﺎﺀ ﺍﻟﻠﻪ
ﻛﻠﻲ ﻣﺎﺍﺭﻳﺪ ﺑﻴﺾ ﺍﻧﻄﻴﻨﻲ ﺍﻱ ﺷﻲ ﻏﻴﺮﻩ
ﺍﻧﻄﻴﺘﻪ ﺟﺒﻦ ﻛﻴﺮﻱ ﻭﺻﺒﻴﺘﻠﻪ ﺟﺎﻱ
ﺍﻛﻞ ﻭﺭﺍﺡ ﺑﺪﻭﻥ ﻛﻼﻡ
ﺣﻴﻞ ﺿﺠﺖ ﻟﻴﺶ ﻫﻴﺞ ﻣﺘﺠﺎﻫﻠﻨﻲ
ﺭﺣﺖ ﻟﻠﺠﺎﻣﻌﻪ ﺑﺲ ﻣﺠﺎﻥ ﻋﻨﺪﻱ ﻭﺍﻫﺲ ﺍﺑﺪ
ﺧﻠﺼﺖ ﺍﻟﻤﺤﺎﺿﺮﻩ ﻭﺍﺗﺼﻠﺖ ﺑﻲ ﺣﺘﻰ ﺍﻃﻤﺎﻥ ﻋﻠﻴﻪ
ﻳﻨﻄﻴﻨﻲ ﺭﻓﺾ
ﺩﺯﻳﺘﻠﻪ ﻣﺎﻋﻨﺪﻱ ﺷﻲ ﺑﺲ ﺣﺒﻴﺖ ﺍﻃﻤﺎﻥ ﻋﻠﻴﻚ ﺷﻠﻮﻥ ﺻﺮﺕ
ﻣﺎﻛﻮ ﺟﻮﺍﺏ
ﺩﺧﻠﺖ ﻟﻠﻤﺤﺎﺿﺮﻩ ﻭﻃﻠﻌﺖ
ﻣﺎﻛﻮ ﻣﻨﻪ ﻻ ﺭﺳﺎﻟﻪ ﻭﻻ ﻣﺨﺎﺑﺮﻩ
ﺣﻴﻞ ﺿﺠﺖ ﻳﻌﻨﻲ ﻟﻴﺶ ﻫﻴﺞ ﻳﺴﻮﻱ ﻭﻳﺎﻱ
ﻛﻮﻩ ﻛﻤﻞ ﺍﻟﺪﻭﺍﻡ ﻭﺟﺒﺖ ﺍﻟﺠﻬﺎﻝ ﻣﻦ ﺍﻟﺒﺎﺏ ﺍﺑﺪ ﻣﺪﺧﻠﺖ ﻳﻢ ﺍﻫﻠﻲ
ﺭﺣﺖ ﻟﻜﻴﺘﻪ ﺑﻌﺪﻩ ﻣﺠﺎﻱ
ﺣﻤﻴﺖ ﺍﻻﻛﻞ ﻭﺻﻌﺪﺕ ﺑﺪﻟﺖ
ﻃﻠﺒﺖ ﻣﻦ ﻧﻮﺭ ﺗﺪﺭﺱ
ﻧﺰﻟﺖ ﻟﻜﻴﺖ ﺍﻣﻴﺮ ﻭﺯﻫﺮﺍﺀ ﻭﻫﻮ
ﻭﻻ ﻳﺒﺎﻭﻉ ﻋﻠﻴﻪ ﻭﻻﻛﺎﻧﻮ ﻣﻮﺟﻮﺩﻩ
ﺍﺗﻐﺪﻳﻨﻪ ﺳﻮﻳﻪ
ﻛﻤﻠﺖ ﻭﺭﺣﺖ ﺻﻌﺪﺕ ﺩﺭﺳﺖ ﻧﻮﺭ ﺷﻮﻳﻪ
ﻭﺍﻧﻲ ﺑﺪﻳﺖ ﺍﺩﺭﺱ
ﺍﺟﺘﻲ ﺯﻫﺮﺍﺀ ﻛﺎﻟﺖ ﺷﺒﻲ ﺣﻴﺪﺭ ﻫﻢ ﻣﺘﺨﺮﺑﻂ
ﻭﺍﻟﻠﻪ ﻣﺎﺍﺩﺭﻱ ﻟﻴﺶ
ﺭﺍﺣﻮﺍ ﻫﻮ ﻭﺍﻣﻴﺮ ﻟﻠﺪﻛﺘﻮﺭ ﺣﺎﺟﺰﻳﻦ
ﺍﺑﺪ ﻣﺎﻋﻨﺪﻱ ﻋﻠﻢ
ﺯﻳﻨﺐ ﺧﻄﻴﻪ ﻛﺎﻓﻲ ﺳﻮﻳﻠﻬﺎ ﺣﺪ
ﺗﻌﺒﺎﻥ ﻫﻮﺍﻱ ﻭﻣﺮﻳﺾ
ﺧﻄﻴﻪ ﻣﺤﺘﺎﺟﺞ ﻫﺴﻪ ﺍﻛﺜﺮ ﻣﻦ ﻛﻞ ﻭﻗﺖ
ﻭﺍﻟﻠﻪ ﻣﺎﺍﻋﺮﻑ ﺷﺎﻛﻠﺞ
ﺑﺲ ﻣﺎﺍﻛﺪﺭ ﺍﻧﻲ ﺍﺗﻨﺎﺯﻝ ﺍﻟﻪ ﻭﺍﻛﻠﻪ ﺗﻌﺎﻝ
ﺍﻟﻤﻔﺮﻭﺽ ﻣﻦ ﻃﻠﻚ ﺯﻭﺟﺘﻪ ﻫﻮ ﺍﻟﻲ ﻳﺠﻴﻨﻲ
ﺍﺷﻮ ﺻﺎﺭ ﺍﻟﻌﻜﺲ
ﺑﺪﻩ ﻳﺒﺘﻌﺪ ﻋﻨﻲ ﻭﻫﺎﻣﻠﻨﻲ
بيج قصص عراقيه حقيقيه من واقعنا.روعه الطائي
ﺣﺘﻰ ﻣﻼﺑﺴﻪ ﻳﺨﻠﻲ ﺧﺎﻟﻪ ﺗﻐﺴﻠﻬﻦ ﺍﻟﻪ
ﻻﺯﻡ ﺟﺎﺭﺣﺘﻪ ﺑﻜﻠﻤﻪ ﺍﻭ ﺳﺎﻣﻊ ﻣﻨﺞ ﺷﻲ
ﻭﺍﻟﻠﻪ ﻣﺎﺍﻋﺮﻑ ﺷﺎﻛﻠﺞ
ﺭﺍﺡ ﺍﻋﻮﻓﻪ ﻉ ﺣﺎﻟﻪ ﻭﺧﻞ ﻭﻳﻦ ﻣﺘﺼﻔﻰ ﺗﺼﻔﻰ
ﺑﻘﻴﺖ ﻉ ﻧﺎﺭ
ﺍﺟﻮﻱ ﺑﺎﻟﻠﻴﻞ ﺭﺣﺖ ﺳﺎﻟﺘﻪ
ﻛﺎﻝ ﻣﺎﻛﻮ ﺷﻲ
ﻳﻌﻨﻲ ﺷﻨﻮ ﺍﻟﻤﺎﻛﻮ ﺷﻲ
ﻳﻌﻨﻲ ﻣﺒﻴﻪ ﺷﻲ
ﺍﻧﻲ ﻣﺘﺎﻛﺪﻩ ﻣﻴﺮﻳﺪ ﻳﺤﺠﻲ
ﻋﻔﺘﻪ ﻉ ﺭﺍﺣﺘﻪ
ﺭﺣﺖ ﺳﻮﻳﺘﻠﻪ ﺷﻮﺭﺑﻪ ﻭﺍﻧﻄﻴﺘﻬﻴﺎ
ﻛﺎﻝ ﺍﻣﻴﺮ ﺍﻋﺘﻨﻮ ﺑﺎﻛﻠﻪ ﻻﺯﻡ ﺑﺪﻭﻥ ﺩﻫﻦ
ﺳﺎﻟﺘﻪ ﺷﻨﻮ ﺍﻟﺒﻲ ﺑﺎﻟﻀﺒﻂ
ﻭﺍﻟﻠﻪ ﻣﺎﻛﺎﻝ ﺷﻲ ﺍﻟﺪﻛﺘﻮﺭ ﺍﺑﺪ ﻣﺎﻋﺮﻓﻨﻪ ﺍﻟﺒﻲ
ﺍﺣﺘﻤﺎﻝ ﻣﻦ ﺍﻟﺸﺮﺏ ﻫﺴﻪ ﺑﻴﻦ ﺑﻲ
ﺷﺎﺩ ﻛﺎﻧﻮﻻ ﺭﺍﺡ ﻳﻤﻪ ﺍﻣﻴﺮ ﺍﻧﻄﺎﻩ ﻋﻼﺟﻪ
ﺭﺣﺖ ﻳﻤﻪ ﻛﺘﻠﻪ ﺗﻌﺎﻝ ﺍﺻﻌﺪ ﻧﺎﻡ ﻳﻤﻨﻪ ﺣﺘﻰ ﺍﻧﺘﺒﻪ ﻋﻠﻴﻚ
ﻻ ﻋﻮﻓﻴﻨﻲ ﻣﺎﺑﻴﻪ ﺷﻲ
ﺣﻴﺪﺭ ﻣﻮ ﻭﻛﺖ ﻋﻨﺎﺩ ﻫﺴﻪ ﺍﻧﺖ ﻣﺮﻳﺾ ﺗﺤﺘﺎﺝ ﻭﺍﺣﺪ ﻳﻌﺘﻨﻲ ﺑﻴﻚ
ﻳﺎﺭﻳﺖ ﺍﺗﺮﻛﻴﻦ ﺍﻟﺘﻤﺜﻴﻞ ﺍﻓﻀﻞ ﺍﻟﺞ
ﻫﺴﻪ ﺍﻟﻴﺴﻤﻌﺞ ﻳﻜﻮﻝ ﺧﻄﻴﻪ ﺫﺍﺑﺤﻪ ﻧﻔﺴﺞ ﻋﻠﻴﻪ
ﻳﺎﺭﻳﺖ ﺍﻃﻠﻌﻴﻦ ﻭﻃﻔﻲ ﺍﻟﻀﻮﻩ ﻭﺭﺍﺝ ﻧﻌﺴﺎﻥ ﺍﺭﻳﺪ ﺍﻧﺎﻡ
ﺑﻘﻴﺖ ﺻﺎﻓﻨﻪ ﻋﻠﻴﻪ
ﻫﻮ ﻣﻮ ﺻﻮﺟﻪ ﺻﻮﺟﻲ ﺍﻧﻲ ﺍﻟﻲ ﺍﺟﻴﺘﻪ
ﻋﻔﺘﻪ ﻭﻃﻠﻌﺖ ﻭﺍﻟﻠﻪ ﻟﻮ ﻳﻤﻮﺕ ﺑﻌﺪ ﻣﺎﻋﻠﻴﻪ ﺑﻲ
ﺑﺪﻳﺖ ﺍﺗﺠﺎﻫﻠﻪ ﻣﺜﻞ ﻣﺎﻫﻮ ﻣﺘﺠﺎﻫﻠﻨﻲ
ﺑﺲ ﺍﻟﻤﺸﻜﻠﻪ ﺣﺎﻟﺘﻪ ﺍﺩﻫﻮﺭﺕ
ﺭﺍﺡ ﻟﻬﻮﺍﻱ ﺍﻃﺒﺎﺀ ﻛﻞ ﻭﺍﺣﺪ ﻳﻜﻮﻝ ﺷﻜﻞ
ﺩﺍﺋﻤﺎ ﻳﺸﻜﻲ ﻣﻦ ﺍﻟﻢ ﺍﺑﻄﻨﻪ ﻭﻳﺘﻘﻴﺊ
ﺍﻛﻠﻪ ﻗﻞ
ﺩﻛﺘﻮﺭ ﻛﺎﻝ ﺍﺛﺮ ﺍﻟﺸﺮﺏ
ﻭﺍﺣﺪ ﻛﺎﻝ ﻗﺮﺣﻪ
ﻭﺍﺣﺪ ﻳﻜﻮﻝ ﺣﺴﺎﺳﻴﺔ ﺍﻣﻌﺎﺀ
ﺻﺎﺭﻟﻪ ﺷﻬﺮ ﻉ ﻫﺬﺍ ﺍﻟﻤﻨﻮﺍﻝ
ﻳﺼﻴﺮ ﺯﻳﻦ ﻭﻳﺮﺟﻊ ﻳﺘﺨﺒﺮﻁ
ﻳﻮﻣﻴﻪ ﺍﻏﺴﻞ ﻣﻼﺑﺴﻪ ﻭﺍﺭﺗﺐ ﺑﻴﺘﻪ ﻭﺍﺭﺟﻊ
ﺍﻛﻠﻪ ﺧﺎﺹ ﻟﻮ ﺷﻮﺭﺑﻪ ﻟﻮ ﺷﻮﻱ ﻟﻮ ﺳﻠﮓ ﺑﺪﻭﻥ ﺩﻫﻦ
ﻫﻮ ﻣﺒﺘﻌﺪ ﻋﻨﻲ ﻭﺍﻧﻲ ﻛﺬﻟﻚ
ﺍﻟﻴﻮﻡ ﺻﺎﺩﻑ ﺧﻤﻴﺲ ﺍﺗﺼﻠﺖ ﺑﻴﻪ ﺭﺳﻞ
ﺳﺎﻟﺘﻨﻲ ﻉ ﺍﻭﺿﺎﻋﻨﺎ
ﺧﺒﺮﺗﻬﺎ ﺑﻜﻠﺸﻲ
ﺑﺪﺕ ﺗﺤﺠﻲ ﻋﻠﻴﻪ
ﻟﺞ ﻟﺘﺼﻴﺮﻳﻦ ﻣﻀﺤﻚ ﺭﺍﺡ ﺗﻨﻄﻴﻨﻪ ﻣﺠﺎﻝ ﻳﺮﻭﺡ ﻟﻠﺤﺮﺍﻡ
ﻟﻮ ﻳﺮﺟﻊ ﻣﺮﻭﻩ
ﺍﺑﺪﻱ ﺍﺗﻘﺮﺑﻴﻠﻪ ﻟﻴﻀﻴﻊ ﻣﻦ ﺍﻳﺪﺝ
ﻭﺍﻟﻠﻪ ﺗﺒﻘﻴﻦ ﺗﻌﻀﻴﻦ ﺑﺎﺻﺎﺑﻴﻌﺞ ﻧﺪﻡ
بيج قصص عراقيه حقيقيه من واقعنا.روعه الطائي
ﺍﻛﻠﺞ ﻫﻮ ﻣﺒﺘﻌﺪ
ﺍﻱ ﻋﺎﺩﻱ ﻻﻥ ﺟﺮﺣﺘﻲ ﻛﺮﺍﻣﺘﻪ
ﻭﺍﻟﺮﺟﺎﻝ ﻳﺨﺘﻠﻒ ﻋﻦ ﺍﻟﻤﺮﻩ
ﻣﻴﺘﺤﻤﻞ ﺍﻻﻫﺎﻧﻪ
ﺍﻧﺖ ﻫﻮﺍﻱ ﺫﻟﻴﺘﻲ ﻭﻫﻮﺍﻱ ﺧﻠﻴﺘﻲ ﻳﺘﻮﺳﻞ ﺑﻴﺞ
ﻭﺍﻧﺖ ﺑﺲ ﻳﻠﻪ ﺗﺸﺮﻃﻴﻦ ﻋﻠﻴﻪ
ﻻﺯﻡ ﻭﺍﺣﺪ ﻣﻨﻜﻢ ﻳﻘﺪﻡ ﺗﻀﺤﻴﻪ ﻟﻠﺜﺎﻧﻲ
ﻛﺎﻓﻲ ﻋﻨﺎﺩ ﺍﻧﺖ ﻭﻳﺎ
ﺍﺷﻮ ﺍﻛﻠﺘﻴﻨﻲ ﺣﺎﺻﻞ ﻓﺎﺻﻞ
ﻳﺎﺑﻪ ﺍﻧﻄﻴﻨﻲ ﻣﺠﺎﻝ ﺧﻞ ﺍﺳﺎﻟﺞ ﻉ ﺍﻭﺿﺎﻋﻜﻢ ﺷﺎﺧﺒﺎﺭﻛﻢ
ﻭﺍﻟﻠﻪ ﺑﺪﺕ ﺍﻟﻤﺸﺎﻛﻞ ﺍﻧﻲ ﻭﻣﺤﻤﺪ
ﻉ ﺷﻨﻮ
ﺍﻛﻠﻪ ﺧﻞ ﻧﺘﺒﻨﻰ ﻃﻔﻞ ﻭﻫﻮ ﻣﺘﺨﺒﻞ
ﻳﻜﻮﻝ ﻣﺎﺍﻛﺪﺭ ﺍﺭﺑﻲ ﻃﻔﻞ ﻣﻮ ﻣﻦ ﻟﺤﻤﻲ ﻭﺩﻣﻲ
ﺍﻱ ﻭﺍﻟﻠﻪ ﺻﺤﻴﺢ ﺻﻌﺒﻪ ﻳﺎﺭﺳﻞ
ﺭﻧﺎﻭﻱ ﺷﺨﺒﺎﺭﻫﺎ
ﺧﻄﻴﻪ ﺗﻘﺮﻩ ﻟﻴﻞ ﻧﻬﺎﺭ
ﻫﻨﺎ ﺍﻟﺪﺭﺍﺳﻪ ﺍﺻﻌﺐ ﻣﻦ ﺍﻟﻌﺮﺍﻕ
ﻣﺮﺍﺕ ﻣﺤﻤﺪ ﻳﺸﺮﺣﻠﻬﺎ ﻭﻣﺮﺍﺕ ﺯﻭﺟﻬﺎ ﻣﺼﻄﻔﻰ
ﻭﻣﺮﺍﺕ ﺗﺠﻴﻨﻲ ﺍﻟﻲ ﺍﻧﻲ ﺍﺷﺮﺣﻠﻬﺎ
ﺷﻠﻮﻧﻜﻢ ﻭﻱ ﺍﻟﻐﺮﺑﻪ
ﻳﻴﻪ ﻟﺘﺴﻮﻟﻔﻴﻦ ﺳﺎﻟﻔﺘﻬﺎ ﻭﺍﻟﻠﻪ ﺍﺭﻭﺍﺣﻨﻪ ﻃﺎﻟﻌﻪ
ﺑﺲ ﺷﻮﻳﻪ ﺍﻟﻲ ﻣﺼﺒﺮﻧﻪ ﺍﺣﻨﻪ ﺍﻟﻌﺮﺍﻗﻴﻦ ﻋﺎﻳﺸﻴﻦ ﻛﺎﻧﻪ ﻋﺎﺋﻠﻪ ﻭﺣﺪﻩ
ﻫﺬﺍ ﺍﻟﺸﻲ ﻳﻬﻮﻥ ﻋﻠﻴﻨﻪ ﺍﻟﻐﺮﺑﻪ
ﺯﻳﻨﺐ ﺍﻧﺼﺤﺞ ﻧﺼﻴﺤﻪ ﺍﺗﻨﺎﺯﻟﻲ ﻟﺮﺟﻠﺞ ﻭﺍﻛﺴﺒﻲ ﻭﺑﻄﻠﻲ ﺍﻟﻌﻨﺎﺩ
ﻭﺍﻟﻠﻪ ﺍﺧﺎﻑ ﻣﻦ ﺭﺩﺓ ﻓﻌﻠﻪ ﺍﺫﺍ ﺭﻓﻀﻨﻲ ﻳﻤﻜﻦ ﺍﻧﺘﺤﺮ ﻭﺍﻣﻮﺕ ﻭﺍﻟﻠﻪ
ﺍﺧﺎﻑ ﻣﻦ ﺭﺩﺓ ﻓﻌﻠﻪ ﻭﺻﻌﺒﻪ ﻋﻠﻴﻪ ﺍﻛﻠﻪ ﺗﻌﺎﻝ
ﻻﺗﮕﻠﻴﻠﻪ ﺗﻌﺎﻝ ﺑﺲ ﺭﺍﺳﻠﻲ ﺳﻤﻌﻲ ﻛﻠﻤﻪ ﻃﻴﺒﻪ
ﻣﺤﻤﺪ ﻃﻠﺐ ﻣﻨﻪ ﺑﺎﺟﺮ ﻳﺴﻮﻱ ﺗﺤﺎﻟﻴﻞ ﺟﺪﺩ ﻭﺳﻮﻧﺎﺭ
ﻛﻠﻪ ﺩﺯﻫﻦ ﺍﻟﻲ ﺭﺍﺡ ﻳﻌﺮﺿﻬﻦ ﻟﺪﻛﺘﻮﺭ ﻫﻨﺎ
ﻣﺤﻤﺪ ﻳﻜﻮﻝ ﺍﺷﻚ ﺑﻲ ﺯﺍﺋﺪﻩ ﻋﻨﺪﻩ ﺑﺲ ﻣﺤﺪ ﻋﺮﻓﻪ
ﻫﻮﺍﻱ ﺍﻃﺒﺎﺀ ﺍﻛﺪﻭﺍ ﻣﻮ ﺯﺍﺋﺪﻩ
ﻣﺎﺍﻋﺮﻑ ﺑﻌﺪ ﺑﺎﺟﺮ ﻧﺸﻮﻑ ﺍﻥ ﺷﺎﺀ ﺍﻟﻠﻪ
ﺣﻴﺪﺭ : ﺑﺪﻳﺖ ﺍﺗﺠﺎﻫﻠﻬﺎ ﻟﺰﻳﻨﺐ ﻻﻥ ﻣﻦ ﺻﺪﻙ ﺗﻌﺒﺘﻨﻲ ﺑﺼﺪﻫﺎ ﺍﻟﻲ
ﻗﺮﺭﺕ ﺍﺑﺪ ﻣﺎﺍﺻﻌﺪ ﻭﻻ ﺍﻫﺘﻢ ﺍﻟﻬﺎ
ﺍﺫﺍ ﺗﺤﺒﻨﻲ ﻣﻦ ﺻﺪﻙ ﺭﺍﺡ ﺗﺤﺎﻭﻝ ﺗﺘﻘﺮﺑﻠﻲ ﻫﻲ
ﻉ ﺍﻻﻗﻞ ﺗﺮﺍﺳﻠﻨﻲ ﺗﻬﺘﻢ ﺑﻴﻪ ﺑﺎﻛﻠﻲ ﺑﻤﻼﺑﺴﻲ
ﺑﺲ ﻻﺣﻀﺖ ﺍﻟﻌﻜﺲ
ﺍﻧﻲ ﻣﺘﺎﻛﺪ ﺯﻳﻨﺐ ﻣﺘﺤﺒﻨﻲ ﻣﻦ ﻛﻞ ﻛﻠﺒﻬﺎ
ﺭﺍﺡ ﺗﺒﻘﻰ ﺣﺎﻗﺪﻩ ﻋﻠﻴﻪ
ﻭﺍﻛﺒﺮ ﺩﻟﻴﻞ ﺩﺍﺋﻤﺎ ﺗﺬﻛﺮﻧﻲ ﺑﺎﺧﻄﺎﺋﻲ
ﻛﻠﺖ ﻫﺴﻪ ﺗﻨﺰﻝ ﺗﺴﺎﻟﻨﻲ ﻉ ﻣﻼﺑﺴﻲ ﺟﻮﻋﺎﻥ ﺷﺒﻌﺎﻥ
ﺑﺲ ﻣﺎﻛﻮ ﺻﺪﻙ ﺿﺠﺖ
بيج قصص عراقيه حقيقيه من واقعنا.روعه الطائي
ﺩﺯﻳﺖ ﻉ ﺍﻣﻲ ﻭﺟﺎﻧﺖ ﻉ ﺍﻋﺼﺎﺑﻲ
ﻻﻥ ﺧﻄﻴﻪ ﺗﺘﻌﺐ ﺑﺎﻟﻤﺪﺭﺳﻪ ﻭﻣﺎﺍﻫﻮﻥ ﺑﻴﻬﺎ
ﺑﺲ ﻣﺠﺒﻮﺭ ﻻﻥ ﻣﻼﺑﺲ ﻫﻮﺍﻱ ﻭﺳﺨﻪ ﻋﻨﺪﻱ
ﻛﻤﻠﺘﻬﻦ ﻭﺭﺍﺣﺖ
ﺍﻧﻲ ﺍﻟﻐﺮﻓﻪ ﺭﺗﺒﺘﻬﺎ ﻻﻥ ﺍﺿﻮﺝ ﻣﻦ ﺍﻟﻬﻮﺳﻪ
ﻗﺮﺭﺕ ﻣﺮﻭﻩ ﺍﻧﻄﻴﻬﺎ ﺣﻘﻬﺎ ﺍﻟﺸﺮﻋﻲ ﺍﻟﻐﺎﻳﺐ ﻭﺍﻟﺤﺎﺿﺮ
ﻟﺤﺪ ﺍﻻﻥ ﻣﻼﺑﺴﻬﺎ ﺑﺎﻟﻜﻨﺘﻮﺭ
ﻻﻥ ﺍﻛﻴﺪ ﺍﻧﻲ ﺍﻟﻐﻠﻄﺎﻥ ﻭﻣﻦ ﻭﺭﺍﻱ ﻃﻠﺒﺖ ﺍﻟﻄﻼﻙ
ﻫﻲ ﻟﻮ ﻣﻼﺣﻀﺘﻨﻲ ﺯﻳﻦ ﻭﻳﺎﻫﺎ ﻣﺠﺎﻥ ﻃﻠﺒﺖ ﺍﻟﻄﻼﻙ ﺍﺑﺪ
ﺍﺗﺼﻠﺖ ﺑﺎﺑﻮﻫﺎ ﻭﻛﺘﻠﻪ ﻉ ﻣﻮﺩ ﺍﻟﻐﺮﻓﻪ ﻭﻣﻼﺑﺴﻬﺎ ﻭﺍﻟﻐﺎﻳﺐ
ﺑﺎﻟﺒﺪﺍﻳﻪ ﺍﻋﺘﺮﺽ ﺑﻌﺪﻳﻦ ﺍﺻﺮﻳﺖ ﺍﻧﻲ ﻻﻥ ﻣﺎﺍﻟﻬﺎ ﺫﻧﺐ
ﻭﺫﻧﺐ ﺍﻟﻄﻔﻞ ﻫﻲ ﺗﺘﺤﻤﻞ ﺍﻟﻤﺴﺆﻟﻴﻪ
ﻛﺎﻝ ﻋﻤﻲ ﺍﺣﻨﻪ ﻧﺪﻭﺭ ﺣﻖ ﺍﻟﻠﻪ
ﻣﻨﺮﻳﺪ 25 ﺍﺫﺍ ﺍﻧﺖ ﻣﺼﺮ ﺍﻧﻄﻲ 10 ﺑﺲ
ﻭﺍﻟﻐﺮﻓﻪ ﻣﻨﺮﻳﺪﻫﺎ ﺻﻌﺐ ﻧﻘﻠﻬﺎ ﻟﻐﻴﺮ ﻣﺤﺎﻓﻈﻪ
ﺑﺲ ﻣﻼﺑﺴﻬﺎ ﺧﻠﻴﻬﻦ
ﺩﺯﻳﺖ ﺍﺑﻮﻳﻪ ﺍﺧﺬ ﺍﻟﻔﻠﻮﺱ ﻭﺍﻟﻤﻼﺑﺲ ﻭﻛﻠﺸﻲ ﻳﺨﺼﻬﺎ
ﻭﻛﻠﻨﻪ ﻣﺤﺎﻣﻲ ﻭﺍﻃﻠﻜﻨﻪ ﻣﺤﻜﻤﻪ
ﺍﺣﺲ ﺑﻨﻔﺴﻲ ﻣﺸﺘﺎﻕ ﺣﺘﻰ ﻟﺠﻬﺎﻟﻲ ﻣﻜﺎﻋﺪ ﺍﺷﻮﻓﻬﻢ ﻫﻮﺍﻱ
ﺍﺧﺬﺗﻬﻢ ﻟﻼﻟﻌﺎﺏ ﻭﺍﺷﺘﺮﻳﺘﻠﻬﻢ ﺧﻄﻴﻪ ﺣﻴﻞ ﻓﺮﺣﻮﺍ
ﺑﺲ ﺍﺣﺲ ﻧﻔﺴﻲ ﻣﻮ ﻉ ﺑﻌﻀﻲ
ﺩﺍﺋﻤﺎ ﻧﻔﺴﻲ ﻟﻌﺒﺎﻧﻪ ﻭﺍﻟﻢ ﻗﻮﻱ ﺍﺑﻄﻨﻲ
ﺍﺣﺲ ﺍﺣﺸﺎﺋﻲ ﺗﺘﻜﻄﻊ
ﻣﺎﺍﻋﺮﻑ ﺷﻨﻮ ﺍﻟﺒﻴﻪ ﺑﺎﻟﻀﺒﻂ
ﺗﺠﻲ ﺯﻳﻨﺐ ﺗﺴﺎﻝ ﻣﻦ ﻭﺭﻩ ﺧﺸﻤﻬﺎ
ﻋﺒﺎﻟﻚ ﺷﺨﺺ ﻋﺎﺩﻱ ﻭﻫﻴﺞ ﺗﺴﺎﻝ
ﻛﺎﻣﺖ ﺗﺠﻲ ﺗﻨﻈﻒ ﺍﻟﺒﻴﺖ ﻭﺗﻐﺴﻞ ﻣﻼﺑﺴﻲ ﻭﺗﺮﻭﺡ
ﻣﺮﻩ ﻃﻠﺒﺖ ﻣﻨﻲ ﺍﺻﻌﺪ ﺍﻧﺎﻡ ﻓﻮﻙ
ﻋﺒﺎﻟﻚ ﻣﺤﻤﻠﺘﻨﻲ ﻣﻨﻴﻪ
ﺍﻧﻲ ﺭﻓﻀﺖ ﻭﺍﻋﺘﺮﻑ ﺻﺎﻳﺮ ﻭﻳﺎﻫﺎ ﻗﺎﺳﻲ ﻻﻥ ﺗﻌﺒﺘﻨﻲ
ﺗﺪﺭﻱ ﺑﻴﻪ ﻣﺎﺍﺗﺤﻤﻞ ﺍﺻﻌﺪ ﻳﻤﻬﻢ
ﺍﻧﻲ ﺍﻧﺴﺎﻥ ﻗﻮﻱ ﺑﺲ ﺍﻣﺎﻣﻬﺎ ﺿﻌﻴﻒ
ﺍﻧﻲ ﺍﺭﻳﺪﻫﺎ ﻫﻲ ﺍﻟﻲ ﺗﻨﺰﻝ ﻳﻤﻲ
ﺍﺭﻳﺪﻫﺎ ﺗﺤﺲ ﺑﺎﻟﻤﻲ ﻗﺒﻞ ﻻ ﺍﻛﻮﻝ ﺍﻩ
ﺍﺗﻤﻨﻰ ﺍﺷﻮﻑ ﻟﻬﻔﺘﻬﺎ ﻭﺧﻮﻓﻬﺎ ﻋﻠﻴﻪ
ﻛﺎﻣﺖ ﺣﺎﻟﺘﻲ ﺗﺴﻮﺀ ﺍﻛﺜﺮ
ﺍﻛﻠﻲ ﺧﺎﺹ ﻣﺎﺍﺗﻘﺒﻞ ﺍﻻﻛﻞ ﺍﻟﺪﺳﻢ
ﻃﺒﻌﺎ ﻉ ﺍﻋﺼﺎﺑﻲ ﻣﺘﺠﺎﻫﻠﻬﺎ
ﺟﻨﺖ ﻣﺘﻮﻗﻊ ﺍﺫﺍ ﻃﻠﻜﺖ ﻣﺮﻭﻩ ﺭﺍﺡ ﺗﻨﺤﻞ ﻛﻞ ﻣﺸﺎﻛﻠﻨﻪ
ﺑﺲ ﻃﻠﻌﺖ ﻣﺘﻮﻫﻢ
ﻫﻲ ﺍﻟﻲ ﺍﺧﺘﻠﻘﺖ ﻫﺎﻱ ﺍﻻﻋﺬﺍﺭﻭﺧﻠﺖ ﻋﺎﺋﻖ ﺑﻄﺮﻳﻘﻨﻪ
بيج قصص عراقيه حقيقيه من واقعنا.روعه الطائي
ﻣﺤﺎﻭﻟﺖ ﺗﻜﻌﺪ ﻭﻳﺎﻱ ﻭﺗﺴﺎﻟﻨﻲ ﺑﺤﻨﻴﻪ
ﺍﻧﻲ ﻓﺴﺮﺕ ﺗﺼﺮﻓﺎﺗﻬﺎ ﺍﻟﻌﺪﻡ ﻣﺒﺎﻻﺓ
ﺑﺎﻧﻬﺎ ﺣﺎﻗﺪﻩ ﻋﻠﻴﻪ ﻣﺴﺘﺤﻴﻞ ﺗﺤﺒﻨﻲ
ﻫﺬﺍ ﺍﻟﺸﻲ ﻫﻢ ﺍﺛﺮ ﻉ ﻧﻔﺴﻴﺘﻲ
ﺣﺎﻟﺘﻲ ﻣﻦ ﺳﻮﺀ ﺍﻟﻰ ﺍﺳﻮﺀ
ﺍﺻﻴﺮ ﺯﻳﻦ ﻭﺍﺭﺟﻊ ﺍﺗﺨﺮﺑﻂ
ﺍﺧﺮ ﺷﻲ ﻛﻠﻲ ﻣﺤﻤﺪ ﺩﺯﻟﻲ ﺩﻭﺑﻠﺮ ﻭﺗﺤﺎﻟﻴﻞ ﺍﻟﻲ
ﺭﺣﺖ ﺍﺧﺬﺕ ﻭﺩﺯﻳﺘﻬﻦ ﺍﻟﻪ
ﻫﻮ ﻣﻦ ﺍﻟﺒﺪﺍﻳﻪ ﻛﻠﻲ ﺷﺎﻙ ﺑﻴﻚ ﺯﺍﺋﺪﻩ
ﻛﺘﻠﻪ ﻣﺎﻣﻌﻘﻮﻟﻪ ﻣﺘﺒﻴﻦ ﻭﺍﻻﻃﺒﺎﺀ ﻣﺘﻌﺮﻓﻬﺎ
ﻛﺎﻝ ﻣﺘﺒﻴﻦ ﻻ ﺑﺴﻮﻧﺎﺭ ﻭﻻ ﺑﺘﺤﻠﻴﻞ ﺍﻛﺜﺮ ﺷﻲ ﺗﻨﻌﺮﻑ ﺑﺎﻟﻔﺤﺺ ﺍﻟﺴﺮﻳﺮﻱ
ﺛﺎﻧﻲ ﻳﻮﻡ ﻣﻦ ﺩﺯﻳﺘﻠﻪ ﺍﻟﺘﺤﺎﻟﻴﻞ ﻭﺍﻟﺪﻭﺑﻠﺮ
ﻛﺎﻝ ﻛﻠﺸﻲ ﻣﺎﺑﻴﻬﻦ ﺗﺤﺎﻟﻴﻚ
ﺍﻛﻮ ﺩﻛﺘﻮﺭ ﺻﺪﻳﻘﻲ ﻭﻳﺎﻱ ﻫﻨﺎ ﻣﻦ ﺍﻫﻞ ﺍﻟﻨﺠﻒ
ﺍﻧﻄﺎﻧﻲ ﺍﺳﻢ ﺩﻛﺘﻮﺭ ﺑﺎﻟﻨﺠﻒ ﻛﻠﻲ ﺧﻞ ﻳﺮﻭﺡ ﺍﻟﻪ
ﻫﺬﺍ ﺧﺎﺹ ﺑﺎﻟﺠﻬﺎﺯ ﺍﻟﻬﻈﻤﻲ ﺧﻞ ﻳﺴﻮﻳﻠﻚ ﻧﺎﻇﻮﺭ
ﻓﻌﻼ ﺛﺎﻧﻲ ﻳﻮﻡ ﺭﺣﻨﻪ ﺍﻧﻲ ﻭﺍﻣﻴﺮ ﻭﻟﺪ ﺻﺪﻳﻘﻪ
ﺍﻭﻝ ﻣﻔﺤﺼﻨﻲ ﻛﺎﻝ ﻻﺯﻡ ﻋﻤﻠﻴﻪ ﻣﺘﺤﺘﺎﺝ ﻧﺎﻇﻮﺭ
ﻋﻨﺪﻙ ﺍﻟﺰﺍﺋﺪﻩ ﻣﻠﺘﻬﺒﻪ ﺯﺍﻳﺪ
ﻛﺎﻝ ﺍﻛﻮ ﺯﺍﺋﺪﻩ ﺑﺎﻟﻠﺤﻀﻪ ﻻﺯﻡ ﺗﻨﺸﺎﻝ ﻣﻴﺘﺤﻤﻞ ﺍﻟﻤﺮﻳﺾ ﻭﺍﺣﺘﻤﺎﻝ ﺗﻨﻔﺠﺮ
ﺍﻛﻮ ﻻ ﻳﺼﻴﺮ ﺑﻴﻬﺎ ﺍﻟﺘﻬﺎﺏ ﺑﺴﻴﻂ ﺷﻮﻳﻪ ﺷﻮﻳﻪ ﻟﻤﻦ ﺗﺎﺫﻱ ﺍﻟﻤﺮﻳﺾ
ﻛﺎﻝ ﻫﺴﻪ ﺍﻧﻄﻴﻜﻢ ﻭﺭﻗﻪ ﺩﺧﻮﻝ ﻟﻠﻤﺴﺘﺸﻔﻰ ﺍﻟﻴﻮﻡ ﺗﺴﻮﻳﻬﺎ
ﻛﺘﻠﻪ ﺑﻮﺿﻊ ﺷﻐﻠﻲ ﻻﺯﻡ ﺍﺭﺗﺐ ﺍﻣﻮﺭﻱ ﻭﺍﻃﻠﺐ ﺍﺟﺎﺯﻩ
ﻛﺘﻠﻪ ﺍﻧﻄﻴﻨﻲ ﻣﻬﻠﻪ ﻟﺒﺎﺟﺮ ﺍﺭﺗﺐ ﺍﻣﻮﺭﻱ ﻭﺍﺭﺟﻊ
ﻛﺎﻝ ﻣﺘﺤﺘﺎﺝ ﺗﺎﺧﻴﺮ ﻣﻮ ﻣﻦ ﺻﺎﻟﺤﻚ
ﺍﺣﻨﻪ ﻧﺴﻮﻳﻠﻚ ﺗﻘﺮﻳﺮ ﻃﺒﻲ
ﻛﻠﻪ ﺍﻣﻴﺮ ﻧﺴﻮﻳﻬﺎ ﺑﺎﻻﻫﻠﻲ
ﻛﺎﻝ ﻣﺎﻛﻮ ﺩﺍﻋﻲ ﺑﺎﻟﻌﺎﻡ ﻫﻢ ﻋﻨﺎﻳﻪ ﻭﺍﻟﻌﻤﻠﻴﻪ ﺑﺴﻴﻄﻪ
ﻛﺘﺐ ﻭﺭﻗﻪ ﻟﻤﺴﺘﺸﻔﻰ ﺍﻟﺼﺪﺭ
ﻃﻠﺒﺖ ﻣﻨﻪ ﻭﺭﻗﻪ ﻟﻠﻤﺮﻛﺰ ﻣﺎﻟﺘﻲ
ﺧﺎﺑﺮﻧﻪ ﺍﺑﻮﻳﻪ ﻭﺧﺒﺮﻧﺎ
ﻛﺎﻝ ﻫﺴﻪ ﺭﺍﺡ ﺍﺟﻴﻜﻢ ﻣﻘﺒﻠﻨﻪ ﺑﺲ ﻫﻮ ﺍﺻﺮ
ﺍﻟﻮﻟﺪ ﺻﺪﻳﻖ ﺍﻣﻴﺮ ﻫﻢ ﺩﻛﺘﻮﺭ ﻃﻠﺒﻨﻪ ﻣﻨﻪ ﻳﺮﺟﻊ ﻣﻘﺒﻞ
ﺭﺣﻨﻪ ﻟﻠﺠﺎﻣﻊ ﻗﺮﻳﺐ ﺻﻠﻴﻨﻪ
ﺑﻌﺪﻫﺎ ﺭﺣﻨﻪ ﻟﺸﺎﺭﻉ ﺍﻟﺮﻭﺍﻥ ﺭﺣﻨﺎ ﻟﻠﻤﻄﻌﻢ ﻋﻴﺐ ﻣﻦ ﺍﻟﻮﻟﺪ
ﺧﺎﻑ ﻧﺘﺎﺧﺮ ﺍﻧﻲ ﻣﺎﻛﺪﺭﺕ ﺍﻛﻞ ﺍﻱ ﺷﻲ
ﺑﺲ ﻫﻤﻪ ﺍﺗﻌﺸﻮﺍ
ﻣﺮﻳﻨﻪ ﺑﻤﺤﻞ ﺟﺎﻥ ﻗﺮﻳﺐ ﻋﻠﻴﻨﻪ
ﺍﺷﺘﺮﻳﺖ ﺗﺮﺍﻙ ﺍﺭﻳﺢ ﺍﻟﻲ ﻣﻦ ﺍﻟﺒﻨﻄﺮﻭﻥ
ﻭﺭﺣﻨﻪ ﻟﻠﻤﺴﺘﺸﻔﻰ
ﺍﻟﻮﺭﻗﻪ ﻣﺎﻟﺖ ﺍﻟﻤﺮﻛﺰ ﺍﻧﻄﻴﺘﻬﺎ ﻟﻠﻮﻟﺪ
ﻛﺎﻝ ﻗﺒﻞ ﻻﺍﺩﺍﻭﻡ ﺍﺭﻭﺡ ﻟﻠﻤﺮﻛﺰ ﻭﺍﺳﻠﻤﻬﺎ ﺍﻧﻄﻴﺘﻪ ﺍﺳﻢ ﺿﺎﺑﻂ ﺻﺪﻳﻘﻲ
بيج قصص عراقيه حقيقيه من واقعنا.روعه الطائي
ﺍﻣﻴﺮ ﻭﺍﻟﻮﻟﺪ ﺑﺼﻔﺘﻬﻢ ﺍﻃﺒﺎﺀ ﻛﺪﺭﻭﺍ ﻳﺘﻔﺎﻫﻤﻮﻥ ﻭﻱ ﺍﻟﺪﻛﺘﻮﺭ
ﺟﻨﺖ ﺍﺗﻤﻨﻰ ﺗﺘﺼﻞ ﺑﻴﻪ ﺯﻳﻨﺐ ﻗﺒﻞ ﻻﺍﺩﺧﻞ ﻋﻤﻠﻴﻪ
ﺍﻛﻴﺪ ﻋﺮﻓﺘﻨﻲ ﺭﺍﺡ ﺍﺩﺧﻞ ﻋﻤﻠﻴﻪ
ﺩﺧﻠﻮﻧﻲ ﻟﻠﺼﺎﻟﻪ
ﺧﺪﺭﻭﻧﻲ ﺑﻌﺪ ﻣﺎﺍﻋﺮﻑ ﺷﺼﺎﺭ ﻣﺼﺎﺭ
ﻛﻌﺪﺕ ﻟﻜﻴﺖ ﻧﻔﺴﻲ ﺑﻐﺮﻓﻪ ﻭﺍﻣﻴﺮ ﻭﺍﺑﻮﻳﻪ ﻭﺍﻣﻲ ﺧﻄﻴﻪ
ﺍﻟﻮﻟﺪ ﺭﺍﺟﻊ ﺧﻄﻴﻪ ﺗﻌﺒﻨﺎ ﻭﻳﺎﻧﻪ
ﺍﺗﺤﻤﺪﻭﻟﻲ ﻉ ﺍﻟﺴﻼﻣﻪ
ﻛﺎﻝ ﺍﻣﻴﺮ ﻟﻚ ﺑﻴﻚ ﺑﺨﺖ ﺑﻬﺬﺍ ﺍﻟﺪﻛﺘﻮﺭ
ﻟﻜﺎﻫﺎ ﺧﺎﻳﺴﻪ ﻣﻨﺘﻬﻴﻪ ﺭﺍﻭﻧﻴﻴﺎﻫﺎ
ﻣﺪﺭﻱ ﺷﻠﻮﻥ ﺑﻘﻴﺖ ﺻﺎﺣﻲ
ﻛﺘﻠﻪ ﺷﻜﺪ ﺭﺍﺟﻌﻨﻪ ﻭﻻ ﻭﺍﺣﺪ ﻋﺮﻓﻨﻲ
ﻛﺎﻝ ﻣﻮ ﺩﺍﺋﻤﺎ ﺍﻋﺮﺍﺽ ﺍﻟﺰﺍﺋﺪﻩ ﺧﻼﻝ ﻳﻮﻡ ﻳﺘﺨﺮﺑﻂ ﺍﻟﻤﺮﻳﺾ
ﺑﺲ ﺍﻧﺖ ﺑﻘﻴﺖ ﺍﻛﺜﺮ ﻣﻦ ﺷﻬﺮ ﻻﻥ ﺍﻟﺘﻬﺎﺑﻚ ﺟﺎﻥ ﻣﻮ ﺣﺎﺩ
ﺷﻮﻳﻪ ﺷﻮﻳﻪ ﻟﺤﺪ ﻣﺎ ﺍﺗﺎﺫﻳﺖ
ﻳﻮﻡ ﺍﻧﺖ ﺷﺠﺎﺑﺞ
ﻛﻠﻲ ﺍﺑﻮﻳﻪ ﻫﻲ ﺳﻤﻌﺖ ﻭﻫﻲ ﺍﺗﺨﺒﻠﺖ ﺍﻟﻪ ﺍﺭﻭﺡ ﻭﻳﺎﻙ
ﻛﺘﻠﻬﻢ ﺭﻭﺣﻮﺍ ﻭﺧﻠﻮﺍ ﺑﺲ ﺍﻣﻴﺮ ﻭﻳﺎﻱ
ﻛﻮﻩ ﺍﻗﺘﻨﻌﺖ ﺍﻣﻲ
ﺛﺎﻧﻲ ﻳﻮﻡ ﺍﺟﻪ ﺍﻟﺪﻛﺘﻮﺭ ﻓﺤﺼﻨﻲ ﻭﻛﺘﺒﻠﻲ ﺧﺮﻭﺝ
ﺳﺎﻟﺘﻪ ﻉ ﺍﺟﺎﺯﺗﻲ ﺷﻠﻮﻥ
ﻛﺎﻝ ﺟﻴﺒﻮﻟﻲ ﺍﺣﺎﻟﻪ ﻭﻛﺘﺎﺏ ﻣﻦ ﺍﻟﻤﺮﻛﺰ ﻭﺍﻧﻲ ﺍﺳﻮﻳﻠﻚ ﺍﺟﺎﺯﻩ 10 ﺍﻳﺎﻡ
ﺭﺟﻌﻨﻪ ﻟﻠﺒﻴﺖ
ﻟﻜﻴﺖ ﺯﻳﻨﺐ ﻛﺒﺎﻟﻲ
ﺍﺗﺤﻤﺪﺗﻠﻲ ﻉ ﺍﻟﺴﻼﻣﻪ
ﻛﻠﻲ ﺍﻣﻴﺮ ﻻﺯﻡ ﺗﻨﺎﻡ ﺑﺎﻻﺳﺘﻘﺒﺎﻝ
ﻻﻥ ﺍﻛﻴﺪ ﺍﻟﻜﻞ ﺭﺍﺡ ﻳﺴﻤﻊ ﻭﻳﺠﻴﻚ
ﻣﺎﺗﻜﺪﺭ ﻛﻞ ﺷﻮﻳﻪ ﺑﻤﻜﺎﻥ
ﻓﻌﻼ ﺍﺳﺘﻘﺮﻳﺖ ﺑﺎﻻﺳﺘﻘﺒﺎﻝ
ﺍﺟﻮﻱ ﺣﺒﺎﻳﺒﻲ ﺣﻀﻨﺘﻬﻢ ﻭﺑﻮﺳﺘﻬﻢ
ﺷﻮﻳﻪ ﻭﻃﻠﻌﺘﻬﻢ ﻛﻠﺘﻠﻬﻢ ﺑﺎﺑﺎ ﻣﺮﻳﺾ ﻭﺗﻌﺒﺎﻥ
ﺳﺎﻟﺘﻨﻲ ﺟﻮﻋﺎﻥ
ﻛﺘﻠﻬﺎ ﻣﺎﺍﺷﺘﻬﻲ
ﻟﻠﻌﺼﺮ ﺑﺪﺕ ﺍﻟﻨﺎﺱ ﺗﺠﻲ
ﺍﺟﻮﻱ ﺟﻤﺎﻋﺘﻲ ﻭﺍﻫﻞ ﺯﻳﻨﺐ ﻭﺍﻫﻞ ﺯﻫﺮﺍﺀ
ﺛﺎﻧﻲ ﻳﻮﻡ ﺍﺟﻮﻱ ﻧﺴﺎﺑﺘﻨﻪ ﻭﺟﻮﺍﺭﻳﻨﺎ
ﺗﻘﺮﻳﺒﺎ 3 ﺍﻳﺎﻡ ﻣﻔﻜﻴﻨﻪ ﻣﻦ ﺍﻟﺨﻄﺎﺭ ﺍﺑﺪ
ﺷﻮﻳﻪ ﺻﺮﺕ ﺯﻳﻦ
ﺭﺣﺖ ﻟﺒﻴﺘﻲ ﻛﻤﺖ ﺍﻧﺎﻡ ﺍﺭﻳﺤﻠﻲ ﺑﻔﺮﺍﺷﻲ
ﺍﻣﻴﺮ ﺳﻮﺍﻟﻲ ﺍﻻﺟﺎﺯﻩ ﻭﻛﻤﻠﻬﺎ
ﻛﺎﻣﺖ ﺗﺠﻲ ﺯﻳﻨﺐ ﺗﻘﻮﻡ ﺑﻮﺍﺟﺒﻲ
ﺍﻛﻠﻲ ﻭﺷﺮﺑﻲ ﻭﻣﻼﺑﺴﻲ
ﻳﻮﻣﻴﻦ ﻫﻲ ﻣﻤﺪﺍﻭﻣﻪ
ﺑﻌﺪﻫﺎ ﺭﺟﻌﺖ ﺩﺍﻭﻣﺖ
ﺷﻔﺖ ﺍﻟﺨﻮﻑ ﺑﻌﻴﻮﻧﻬﺎ ﻭﺍﺿﺢ
بيج قصص عراقيه حقيقيه من واقعنا.روعه الطائي
ﻻﺯﻡ ﺍﺑﺪﻱ ﺍﺭﺟﻊ ﺍﺗﻘﺮﺏ ﻋﻠﻴﻬﺎ
ﻟﻬﻨﺎ ﻭﻛﺎﻓﻲ
ﻻﻥ ﻣﻮ ﻣﻦ ﺍﻟﻤﻌﻘﻮﻝ ﻫﻲ ﺗﺠﻴﻨﻲ ﻭﺗﻜﻠﻲ ﺗﻌﺎﻝ ﻣﻨﺘﻈﺮﺗﻚ
ﺻﺮﺕ ﺯﻳﻦ ﻭﺭﺣﺖ ﺷﻠﺖ ﺧﻴﻮﻁ ﺍﻟﻌﻤﻠﻴﻪ
ﺍﻭﻝ ﻗﺮﺍﺭ ﺭﺍﺡ ﺍﺳﻮﻱ ﻫﻮ ﺍﺑﺪﻝ ﻛﻠﺸﻲ ﺑﺎﻟﺒﻴﺖ
ﺍﻟﻐﺮﻓﻪ ﻭﺍﻟﻜﺎﻭﻧﺘﺮ
ﺍﺭﺗﺐ ﻏﺮﻓﻪ ﻟﻠﺠﻬﺎﻝ
ﻫﻨﻪ ﻏﺮﻓﺘﻴﻦ ﺟﻮﻩ ﻭﺣﺪﻩ ﺍﻟﻨﻪ ﻭﺣﺪﻩ ﺍﻟﻬﻢ
ﻫﺎﻟﻤﺮﻩ ﻣﺮﺍﺡ ﺍﻓﺘﺤﻬﻦ ﺍﻟﻐﺮﻓﺘﻴﻦ
ﻛﻠﻤﻦ ﻭﺣﺪ ﺍﻓﻀﻞ
ﺍﻟﻐﺮﻓﻪ ﺍﻟﺜﺎﻧﻴﻪ ﻓﺎﺭﻏﻪ ﻣﺒﻴﻬﺎ ﺷﻲ
ﻗﺮﺭﺕ ﺍﺳﻮﻳﻬﺎ ﺍﻟﻨﻪ ﺍﻧﻲ ﻭﻳﺎﻫﺎ
ﺍﺧﺎﻑ ﻣﺘﻘﺒﻞ ﺑﺬﻳﺞ ﺍﻟﻐﺮﻓﻪ
ﺍﺧﺎﻑ ﺗﺬﻛﺮﻫﺎ ﺑﺎﻟﻤﺎﺿﻲ
ﻭﻏﺮﻓﺘﻲ ﺭﺍﺡ ﺍﺧﻠﻴﻬﺎ ﻟﻠﺠﻬﺎﻝ
ﻛﻠﺖ ﺭﺍﺡ ﺍﺭﺗﺐ ﻛﻠﺸﻲ ﻭﺍﺧﻠﻴﻬﺎ ﻣﻔﺎﺟﺄﻩ
ﺍﻭﻝ ﺷﻲ ﺳﻮﻳﺘﻪ ﺍﻧﻄﻴﺖ ﺍﻟﻐﺮﻓﻪ ﻭﺍﻧﻄﻴﺖ ﻓﻮﻛﺎﻫﺎ ﻓﻠﻮﺱ ﻭﺍﺧﺬﺕ ﻏﺮﻓﻪ ﺍﻟﻨﻪ ﺑﻤﻜﺎﻧﻬﺎ
ﺟﺒﺖ ﺻﺒﺎﻍ ﺻﺒﻎ ﻏﺮﻓﺔ ﺍﻟﺠﻬﺎﻝ ﺻﺎﺭﺕ ﺍﻟﻬﻢ
ﺳﻮﺍﻫﺎ ﻧﺼﻴﻦ ﻧﺺ ﺗﺮﺗﻴﺐ ﺑﻨﺎﺗﻲ ﻭﻧﺺ ﺗﺮﺗﻴﺐ ﻭﻻﺩﻱ
ﻛﻠﺶ ﺣﻠﻮﻩ ﻃﻠﻌﺖ
ﺣﺒﺘﻠﻬﻢ ﻛﻠﻤﻦ ﻛﻨﺘﻮﺭ ﺧﺎﺹ ﺑﻲ ﻭﺟﺮﺑﺎﻳﻪ ﺭﺗﺒﺘﻬﺎ ﻃﻠﻌﺖ ﺣﻴﻞ ﺣﻠﻮﻩ
ﺑﻌﺪﻫﺎ ﺍﺟﻪ ﻭﺍﺣﺪ ﺍﺧﺬ ﺍﻟﻜﺎﻭﻧﺘﺮ ﻭﺍﻧﻄﻴﺖ ﻓﻮﻛﺎﻩ ﻭﺳﻮﻳﺖ ﻭﺍﺣﺪ ﺟﺪﻳﺪ ﻣﻮﺩﻳﻞ ﺗﺮﻛﻲ ﺍﺧﺘﺎﺭﻳﺖ ﻟﻮﻥ ﺍﻭﻑ ﻭﺍﻳﺖ
ﺍﺧﺬﻭﺍ ﻫﻮ ﻭﺍﻟﺒﻲ ﻛﻠﺖ ﻣﻦ ﺗﺠﻲ ﺯﻳﻨﺐ ﻫﻲ ﺗﺸﺘﺮﻱ ﺍﻻﺷﻴﺎﺀ ﺍﻟﻲ ﻳﻌﺠﺒﻨﻬﺎ
ﺗﻘﺮﻳﺒﺎ 10 ﺍﻳﺎﻡ ﻳﻠﻪ ﺟﻬﺰ ﻭﺍﺟﻪ ﻧﺼﺒﻪ ﺍﻟﻮﻟﺪ
ﺍﻟﻐﺮﻓﻪ ﺍﺧﺘﺎﺭﻳﺘﻬﺎ ﻉ ﺫﻭﻗﻲ
ﻫﻢ ﺻﺒﻐﺘﻬﺎ
ﻫﺎﻱ ﺍﻟﻔﺘﺮﻩ ﺳﻮﻳﺖ ﻧﻔﺴﻲ ﺿﺎﻳﺞ ﻣﻨﻬﺎ ﺣﻴﻞ
ﻣﺎﺍﻃﻴﻖ ﻛﻠﻤﻪ ﻣﻨﻬﺎ
ﺭﺩﺕ ﺍﺳﻮﻱ ﻫﻴﺞ ﺣﺘﻰ ﺗﺰﻋﻞ ﻭﻣﺘﺪﺧﻞ ﻟﻠﺒﻴﺖ
ﺍﻛﺜﺮ ﺷﻐﻠﻲ ﻭﻫﻲ ﺑﺎﻟﺪﻭﺍﻡ ﻳﻌﻨﻲ ﺍﻟﺼﺒﺢ
ﺍﺑﺪ ﻣﺤﺴﺖ ﺑﻴﻪ ﻻﻫﻲ ﻭﻻ ﺍﻫﻠﻲ
ﻧﺼﺒﻮﺍ ﺍﻟﻐﺮﻓﻪ
ﺍﻧﻲ ﺑﻨﻔﺴﻲ ﺭﺗﺒﺖ ﻣﻼﺑﺴﻲ
ﺟﺒﺖ ﻓﺮﺷﻪ ﻧﻔﺲ ﺍﻟﻲ ﺷﻜﻜﺘﻬﺎ ﺍﻟﻌﺠﺒﺘﻬﺎ
ﻭﺟﺒﺖ ﺑﻌﺪ ﺷﻜﻢ ﻭﺣﺪﻩ ﻭﻳﺎﻫﺎ
ﺟﺒﺖ ﺍﻟﻬﺎ ﻣﻼﺑﺲ ﻧﻮﻡ ﻉ ﺫﻭﻗﻲ ﻭﺭﺗﺒﺘﻬﻦ
ﺟﺒﺖ ﻋﻄﻮﺭ ﻭﻣﻌﻄﺮﺍﺕ
ﺗﻘﺮﻳﺒﺎ ﺟﻬﺰﺕ ﻛﻠﺸﻲ
ﺣﺴﻴﺖ ﺑﻴﻬﺎ ﺿﺎﻳﺠﻪ ﺣﻴﻞ
ﺍﻟﻴﻮﻡ ﺻﺎﺩﻑ ﺧﻤﻴﺲ
ﺧﺎﺑﺮﺕ ﺍﻣﻬﺎ ﻛﺘﻠﻬﺎ ﺧﺎﻟﻪ ﻣﺤﺘﺎﺝ ﻣﺴﺎﻋﺪﻩ ﻣﻨﺞ
ﻣﺴﻮﻱ ﻣﻔﺎﺟﺄﻩ ﻟﺰﻳﻨﺐ
ﻭﺍﺭﻳﺪ ﺍﻟﻴﻮﻡ ﺗﺨﻠﻮﻥ ﻧﻮﺭ ﻭﻧﻈﻮﺭﻱ ﻳﻤﻜﻢ ﻳﺒﺎﺗﻮﻥ
بيج قصص عراقيه حقيقيه من واقعنا.روعه الطائي
ﺣﺎﻭﻟﻲ ﻭﻳﺎﻫﺎ
ﻛﺎﻟﺖ ﺍﺣﻨﻪ ﻧﺮﻳﺪ ﻟﻠﻨﺠﻒ ﻭﺭﺍﺡ ﻧﺒﺎﺕ
ﺭﺍﺡ ﺍﻛﻠﻬﺎ ﻧﺎﺧﺬﻫﻢ ﻭﻳﺎﻧﻪ
ﺍﻱ ﻭﺍﻟﻠﻪ ﻳﺎﺭﻳﺖ ﺧﺎﻟﻪ ﺗﺴﻮﻳﻠﻲ ﺟﻤﻴﻞ ﻣﺎﺍﻧﺴﻰ
ﺗﺪﻟﻞ ﺧﺎﻟﻪ
ﻭﺭﻩ ﺷﻮﻳﻪ ﺩﺯﺗﻠﻲ ﺭﺳﺎﻟﻪ
ﺍﺧﺬﺕ ﺭﺍﻳﻲ ﻋﻠﻴﻬﻢ
ﻛﺘﻠﻬﺎ ﺧﻠﻲ ﻳﺮﺣﻮﻥ ﻣﺎﻋﻨﺪﻱ ﻣﺎﻧﻊ
ﻛﺎﻟﺖ ﺍﻛﺪﺭ ﺍﺭﻭﺡ ﻭﻳﺎﻫﻢ ﺍﺯﻭﺭ
ﻻ ﻣﻤﻨﻮﻉ
ﺣﺒﺎﺏ ﻭﺍﻟﻠﻪ ﺿﺎﻳﺞ
ﻻ ﻳﻌﻨﻲ ﻻ
ﺧﻠﺺ ﺍﻟﺪﻭﺍﻡ ﻭﻣﺮﻳﺖ ﻉ ﻣﺤﻞ ﺟﺒﺖ ﻧﻔﺎﺧﺎﺕ ﻭﺷﻤﻮﻉ ﺿﻮﺋﻴﻪ ﻭﻋﺎﺩﻳﻪ
ﺟﺒﺖ ﻛﻴﻜﻪ ﻭﻛﺮﺯﺍﺕ ﻭﻋﺼﺎﺋﺮ ﻭﺣﺒﺸﻜﻼﺕ ﺑﻌﺪ
ﺭﺟﻌﺖ ﻛﺒﻞ ﻟﺒﻴﺘﻲ ﻧﺰﻟﺘﻬﻦ ﻭﺿﻤﻴﺖ ﺍﻟﻜﻴﻜﻪ
ﺍﻟﺠﻮ ﺟﺎﻥ ﺑﺎﺭﺩ ﺣﻴﻞ ﻻﻥ ﻧﻬﺎﻳﺔ ﺷﻬﺮ ﺍﻝ 12
ﺭﺣﺖ ﻻﻫﻠﻲ ﻭﻟﻜﻴﺘﻬﺎ ﺗﺤﻤﻲ ﺍﻻﻛﻞ
ﺟﻬﺰﺕ ﺍﻻﻛﻞ ﻭﺭﺍﺩﺕ ﺗﺼﻌﺪ
ﻛﺘﻠﻬﺎ ﺗﻌﺎﻟﻲ ﺍﺗﻐﺪﻱ
ﻻ ﻣﺎﺍﺷﺘﻬﻲ ﻭﻧﻌﺴﺎﻧﻪ ﺍﺭﻳﺪ ﺍﻧﺎﻡ
ﺣﺴﻴﺘﻬﺎ ﺣﻴﻞ ﺿﺎﻳﺠﻪ ﻫﻮﺍﻱ
ﺍﻛﻴﺪ ﻣﻦ ﻣﻌﺎﻣﻠﺘﻲ ﺍﻟﻬﺎ
ﺑﺲ ﻛﻠﺖ ﻫﺎﻧﺖ ﻣﺒﻘﻰ ﺷﻲ ﻟﻠﻴﻞ
ﺍﻣﻴﺮ ﻫﻮ ﻭﺯﻭﺟﺘﻪ ﺭﺍﺣﻮ ﻻﻫﻠﻬﺎ ﻛﺎﻟﻮ ﻟﻠﻴﻞ ﻳﻠﻪ ﻧﺠﻲ
ﺭﺣﺖ ﻟﻠﻐﺮﻓﻪ ﻧﻔﺨﺖ ﺍﻟﺒﺎﻟﻮﻧﺎﺕ ﺣﻀﺮﺕ ﻧﺸﺮﻩ
ﻭﺟﺒﺖ ﻭﺭﺩ ﻧﺸﺮﺗﻪ ﻉ ﺍﻟﻔﺮﺍﺵ
ﺭﺗﺒﺖ ﺍﻟﻤﻴﺰ
ﺍﺫﻥ ﺻﻠﻴﺖ ﻭﺭﺣﺖ ﻳﻢ ﺍﻣﻲ
ﻟﻜﻴﺘﻬﺎ ﺗﺮﻳﺪ ﺗﺴﻮﻱ ﻋﺸﻪ
ﺩﺯﻳﺖ ﺭﺳﺎﻟﻪ ﻟﺰﻳﻨﺐ ﻛﺘﻠﻪ ﺗﻌﺎﻟﻲ ﺳﻮﻱ ﻋﺸﻪ
ﻧﺰﻟﺖ ﻭﻣﺒﻴﻦ ﻋﻠﻴﻬﺎ ﺑﺎﺟﻴﻪ ﻻﻥ ﻋﻴﻮﻧﻬﺎ ﺣﻤﺮ
ﺣﻴﻞ ﺿﺠﺖ ﻭﺍﺗﻨﺪﻣﺖ
ﻛﻠﺖ ﺍﻧﻲ ﻭﻋﺪﺗﻬﺎ ﺑﻌﺪ ﻣﺎﺍﺧﻠﻲ ﺩﻣﻌﻪ ﺗﻨﺰﻝ ﻣﻨﻬﺎ ﻣﻦ ﻭﺭﺍﻱ
ﻭﻫﺴﻪ ﻧﺰﻟﺖ ﺩﻣﻮﻋﻬﺎ
ﺍﻧﻲ ﻣﺎﺍﺷﺘﻬﻲ ﻻﻥ ﺏ 3 ﺍﺗﻐﺪﻳﺖ
ﻭﻫﺴﻪ ﺍﻟﺴﺎﻋﻪ ﻳﺎﺩﻭﺏ ﺏ 6 ﻭﻧﺺ
ﻛﺘﻠﻬﺎ ﺍﻧﻲ ﻣﺎﺍﺷﺘﻬﻲ ﻟﺘﺴﻮﻳﻦ ﺍﻟﻲ
ﻫﻲ ﻫﻢ ﻣﺎﺍﻛﻠﺖ
ﻛﺘﻠﻬﺎ ﻟﻴﺶ ﻣﺎﺗﺘﻌﺸﻴﻦ
ﻣﺎﺍﺷﺘﻬﻲ
ﺷﻨﻮ ﺍﻟﺴﺎﻟﻔﻪ ﺍﻟﻐﺪﻩ ﻣﺘﺸﺘﻬﻴﻦ ﻭﺍﻟﻌﺸﻪ ﻣﺘﺸﺘﻬﻴﻦ
ﺭﻭﺣﻲ ﺍﻛﻠﻲ ﻭﻟﺘﺘﺼﺮﻓﻴﻦ ﻣﺜﻞ ﺍﻟﻄﻔﻠﻪ
ﻭﻻ ﺍﻫﺘﻤﺘﻠﻲ ﺍﻧﺘﻈﺮﺕ ﺍﻫﻠﻲ ﻛﻤﻠﻮﺍ ﻏﺴﻠﺖ ﺍﻟﻤﻮﺍﻋﻴﻦ
ﺍﻫﻠﻲ ﺳﺎﻟﻮﻫﺎ ﻉ ﻧﻮﺭ ﻭﻧﻈﻮﺭﻱ
ﻛﺎﻟﺖ ﻭﻱ ﺍﻫﻠﻲ ﺭﺍﺣﻮﺍ ﻟﻠﻨﺠﻒ ﻭﻳﺒﺎﺗﻮﻥ ﻫﻨﺎﻙ
ﺍﺧﺎﻑ ﻳﺒﺠﻮﻥ ﻋﻠﻴﻬﻢ
بيج قصص عراقيه حقيقيه من واقعنا.روعه الطائي
ﻻ ﺧﺎﻟﻪ ﻣﺘﻌﻠﻘﻴﻦ ﺑﺮﻗﻴﻪ
ﻛﺎﻟﺖ ﺭﺍﺡ ﺍﺻﻌﺪ ﺍﻗﺮﻩ ﻋﻨﺪﻱ ﺍﻣﺘﺤﺎﻥ ﺍﻻﺣﺪ
ﺭﺍﺣﻮﺍ ﺍﻫﻠﻲ ﻟﻠﻐﺮﻓﻪ
ﺧﺎﺑﺮﺗﻬﺎ ﺍﻟﻮﻭﻭ
ﺍﻟﻮﻭﻭ
ﺷﻜﺎﻋﺪ ﺗﺴﻮﻳﻦ
ﺍﻗﺮﻩ
ﻫﻢ ﺧﺎﺑﺮﺗﻲ ﺍﻫﻠﺞ ﻉ ﺍﻟﺠﻬﺎﻝ
ﻫﺴﻪ ﺟﻨﺖ ﺍﺣﺠﻲ ﻭﻳﺎﻫﻢ
ﺷﻠﻮﻧﻬﻢ
ﺯﻳﻨﻴﻦ
ﺟﻴﺒﻴﻠﻲ ﺟﺎﻱ ﺣﺎﺭ ﻟﺒﻴﺘﻲ ﻭﺗﻌﺎﻟﻲ
ﺍﻭﻙ
ﺷﻌﻠﺖ ﺍﻟﺸﻤﻮﻉ ﺍﻟﻀﻮﺋﻴﻪ ﻭﺍﻟﻨﺸﺮﻩ
ﺟﺒﺖ ﺍﻟﻜﻴﻜﻪ ﻭﺭﺗﺒﺖ ﻛﻠﺸﻲ
ﻣﺎﺍﻋﺮﻑ ﺭﺩﺕ ﻓﻌﻠﻬﺎ ﺑﺎﻟﻀﺒﻂ
ﺭﺍﺡ ﺗﻮﺍﻓﻖ ﻭﻣﺘﻤﻨﻌﻨﻲ
ﻟﻮ ﺗﺮﻓﻀﻨﻲ
ﻛﻞ ﺍﻟﻲ ﺍﻋﺮﻓﻪ ﻣﺎﺍﻧﻄﻴﻬﺎ ﺑﻌﺪ ﻓﺮﺻﻪ ﺗﺒﺘﻌﺪ ﻋﻨﻲ ﺍﺑﺪ
ﻃﻠﻌﺖ ﺍﻧﺘﻈﺮﻫﺎ ﺑﺎﻟﺼﺎﻟﻪ
ﺍﺟﺖ ﺟﺎﻳﺒﻪ ﺍﻟﺠﺎﻱ
ﺍﻧﻄﺘﻨﻴﺎﻩ ﻭﺭﺍﺩﺕ ﺗﻄﻠﻊ
ﻭﻳﻦ ﺗﺮﺩﻳﻦ ﺧﻞ ﺍﺧﻠﺺ ﻭﺍﺧﺬﻱ ﺍﻟﻜﻼﺹ
ﺑﺪﻳﺖ ﺍﺷﺮﺏ
ﻛﺘﻠﻬﺎ ﺭﻭﺣﻲ ﺟﻴﺒﻲ ﻣﻼﺑﺴﻲ ﺍﻟﻮﺳﺨﻪ ﻭﺍﻏﺴﻠﻴﻬﻦ
ﺍﺷﻮ ﻣﻤﺼﺪﻛﻪ ﻣﻨﻌﺘﺞ ﻣﺮﻩ ﺷﻨﻮ ﻳﺸﻮﻛﺖ ﺍﺑﻘﻰ ﺍﻏﺴﻞ ﻣﻼﺑﺴﻲ ﺑﻨﻔﺴﻲ
ﻫﺴﻪ ﻟﻮ ﺑﻌﺪﻳﻦ
ﺍﻱ ﻫﺴﻪ ﻟﻴﺶ ﻋﻨﺪﺝ ﺷﻲ
ﻻ ﻣﺎﻋﻨﺪﻱ ﺷﻲ
ﺍﺭﻳﺪﻫﺎ ﺑﺲ ﺗﺪﺧﻞ
ﺭﺍﺣﺖ ﻟﻠﻐﺮﻓﻪ ﻣﺎﻟﺘﻲ ﺍﻟﻘﺪﻳﻤﻪ ﺍﻟﻲ ﻫﺴﻪ ﻟﻼﻃﻔﺎﻝ
ﻛﺘﻠﻬﺎ ﺑﺬﻳﺞ ﺍﻟﻐﺮﻓﻪ ﻣﻮ ﺑﻬﺎﻱ
ﻭﺍﻧﻲ ﺭﺣﺖ ﻭﺭﺍﻫﺎ
ﺩﺧﻠﺖ ﻭﺟﺎﻧﺖ ﻣﻨﺼﺪﻣﻪ
ﺭﺍﺩﺕ ﺗﻄﻠﻊ ﺍﺗﻔﺎﺟﺎﺕ ﺑﻮﺟﻮﺩﻱ ﺧﻠﻔﻬﺎ ﻣﺒﺎﺷﺮﺗﺎ
ﻭﻳﻦ ﺗﺮﺩﻳﻦ ﺗﺮﺣﻴﻦ
ﻫﺎ ﺍﺭﻳﺪ ﺍﺻﻌﺪ ﻓﻮﻙ
ﻟﻌﺪ ﻭﺍﻟﻤﻼﺑﺲ
ﺧﻠﻴﻬﻦ ﻉ ﺑﺎﺟﺮ
ﺑﺲ ﺍﻧﻲ ﺍﺭﻳﺪﻫﻦ ﺍﻟﻴﻮﻡ
بيج قصص عراقيه حقيقيه من واقعنا.روعه الطائي
ﻟﻴﺶ ﻫﻴﺞ ﻣﺴﻮﻱ ﺍﻟﻐﺮﻓﻪ
ﻻﻥ ﻣﻮﺍﻋﺪ ﻭﺣﺪﻩ ﺭﺍﺡ ﺗﺠﻴﻨﻲ
ﻟﻌﺪ ﺧﻠﻴﻨﻲ ﺍﺻﻌﺪ
ﺍﻱ ﻋﺎﺩﻱ ﻛﻤﻠﻲ ﺍﻟﻤﻼﺑﺲ ﻭﺍﺻﻌﺪﻱ
ﻭﻳﻨﻬﻦ ﺍﻟﻤﻼﺑﺲ
ﺑﺬﺍﻙ ﺍﻟﻜﻨﺘﻮﺭ ﺍﺷﺮﺕ ﻉ ﺍﻟﺒﻲ ﻣﻼﺑﺴﻬﺎ
ﻓﺘﺤﺘﻪ ﻭﻫﻢ ﺻﻔﻨﺖ
ﻛﺎﻟﺖ ﺷﻨﻮ ﺍﻟﻔﻠﻢ
ﻛﺘﻠﻬﺎ ﺍﺧﺘﺎﺭﻱ ﻣﻼﺑﺲ ﻟﺤﺒﻴﺒﺘﻲ ﻉ ﺫﻭﻗﺞ
ﺍﻧﻲ ﺷﻌﻠﻴﻪ ﺑﻴﻚ ﺍﻧﺖ ﺍﺧﺘﺎﺭ
ﺳﺤﺒﺖ ﺍﻳﺪﻫﺎ
ﺍﺧﺘﺎﺭﻳﺖ ﺍﻟﻬﺎ ﻉ ﺫﻭﻗﻲ
ﺩﺭﺗﻬﺎ ﺍﻟﻴﻪ ﺣﻠﻮ ﻟﻮ ﻻ
ﺭﺍﺡ ﻳﻌﺠﺒﻬﺎ ﻟﺤﺒﻴﺒﺘﻲ ﻟﻮ ﻻ
ﺯﻳﻨﺐ : ﻣﺜﻞ ﻣﻤﺘﺠﺎﻫﻠﻨﻲ ﺣﻴﺪﺭ ﺑﺪﻳﺖ ﺍﺗﺠﺎﻫﻠﻪ
ﺍﻧﻲ ﻣﺎﻋﻨﺪﻱ ﻣﺎﻧﻊ ﻣﻦ ﻳﺠﻲ ﻳﻨﺎﻡ ﻳﻤﻨﻪ
ﻻﻥ ﺍﻟﻌﺎﺋﻖ ﻣﺎﻛﻮ ﺑﻌﺪ ﺍﻟﻲ ﻫﻲ ﻣﺮﻭﻩ
ﺑﺲ ﺣﺎﻟﺘﻪ ﺣﻴﻞ ﻣﺘﺪﻫﻮﺭﻩ ﻭﻣﻦ ﺳﻮﺀﻻﺳﻮﺀ
ﺍﺧﺮ ﺷﻲ ﺍﺧﺬﻩ ﺍﻣﻴﺮ ﻟﻠﻨﺠﻒ
ﺍﻧﻲ ﺍﻟﺼﺮﺍﺣﻪ ﺣﻴﻞ ﻗﻠﻘﻪ ﻋﻠﻴﻪ ﻭﺧﺎﻳﻔﻪ
ﺧﺎﺑﺮﻭﺍ ﻛﺎﻟﻮ ﺭﺍﺡ ﻳﺴﻮﻥ ﺍﻟﻪ ﻋﻤﻠﻴﻪ
ﺭﺍﺣﻮﺍ ﺍﻟﻪ ﺧﺎﻟﻪ ﻭﻋﻤﻮ ﻭﺍﻧﻲ ﺑﺪﻳﺖ ﺍﻋﻴﺶ ﺑﻘﻠﻖ
ﺑﻌﺪ ﻓﺘﺮﻩ ﻃﻤﻨﻮﻧﻪ ﻭﻛﺎﻟﻮ ﺻﺤﻪ ﻭﺣﺎﻟﺘﻪ ﺯﻳﻨﻪ
ﺍﺟﻮﻱ ﺑﺎﻟﻠﻴﻞ ﻋﻤﻮ ﻭﺧﺎﻟﻪ
ﺛﺎﻧﻲ ﻳﻮﻡ ﺩﺍﻭﻣﺖ ﻟﻠﻌﺼﺮ ﻭﺍﺟﻪ
ﺍﺗﺤﻤﺪﺗﻠﻪ ﻉ ﺍﻟﺴﻼﻣﻪ ﺑﺲ ﻫﻮ ﻧﻔﺲ ﺍﻟﺘﺠﺎﻫﻞ ﻭﻧﻔﺲ ﺍﻟﺒﺮﻭﺩ
ﺑﺪﺕ ﺣﺎﻟﺘﻪ ﺗﺘﺤﺴﻦ ﻭﻛﺪﺭ ﻳﻄﻠﻊ
ﺑﺲ ﺍﻟﻤﺸﻜﻠﻪ ﺑﻌﺪ ﻣﻴﻄﻴﻖ ﻛﻠﻤﻪ ﻣﻨﻲ
ﻣﺎﺍﻋﺮﻑ ﺍﻟﺴﺒﺐ
ﺣﻴﻞ ﺿﺠﺖ ﻭﺭﻭﺣﻲ ﻃﺎﻟﻌﻪ
ﺣﺴﻴﺖ ﺑﻨﻔﺴﻲ ﻋﺒﺊ ﺟﺒﻴﺮ ﻋﻠﻴﻪ
ﻛﻠﻤﺎ ﺍﺭﻳﺪ ﺍﺩﺧﻞ ﻟﺒﻴﺘﻪ ﻣﻴﻘﺒﻞ ﺍﺭﻳﺪ ﺍﻏﺴﻞ ﻣﻼﺑﺲ ﻣﻴﻘﺒﻞ
ﺑﻘﻴﺖ ﺩﺍﻳﺨﻪ ﻣﻌﻘﻮﻟﻪ ﺍﺗﻨﺪﻡ ﻉ ﺣﺠﻴﻪ
ﻣﻌﻘﻮﻟﻪ ﻣﻴﺤﺒﻲ ﻭﻳﺠﺬﺏ
ﺍﻱ ﺍﻛﻴﺪ ﻫﺬﺍ ﺍﻟﺸﻲ ﺍﻟﻮﺣﻴﺪ ﺍﻟﻲ ﺍﻓﺴﺮ ﺗﺼﺮﻓﺎﺗﻪ ﺑﻲ
ﻛﻤﺖ ﺍﺭﻭﺡ ﻟﻠﺠﺎﻣﻌﻪ ﻭﺍﺭﺟﻊ ﻣﺎﺍﻟﻲ ﺩﺧﻞ ﺑﻜﻠﺸﻲ
بيج قصص عراقيه حقيقيه من واقعنا.روعه الطائي
ﺍﺳﻮﻱ ﺍﻟﻌﻠﻴﻪ ﻭﺍﺻﻌﺪ ﺑﻐﺮﻓﺘﻲ
ﺍﻟﺸﻲ ﺍﻟﻮﺣﻴﺪ ﺍﻟﻲ ﻣﺼﺒﺮﻧﻲ ﺭﺳﻞ
ﺩﺍﺋﻤﺎ ﻭﺣﺪﻩ ﺗﺸﻜﻲ ﻟﻠﺜﺎﻧﻴﻪ
ﻛﺎﻟﺖ ﻃﻠﺒﺖ ﻣﻦ ﻣﺤﻤﺪ ﻟﻮ ﻳﺘﺰﻭﺝ ﻋﻠﻴﻪ ﺧﻄﻴﻪ ﻳﻨﺤﺮﻡ ﻣﻦ ﺍﻻﻃﻔﺎﻝ ﺑﺴﺒﺐ
ﻟﻮ ﻧﺘﺒﻨﻰ ﻃﻔﻞ
ﻟﻮ ﻳﻄﻠﻜﻨﻲ
ﻭﺫﻧﻲ ﻛﻠﻬﻦ ﺭﻓﻀﻬﻦ ﻭﺍﺗﻌﺎﺭﻙ ﻭﻳﺎﻱ
ﻣﺤﺘﺎﺭﻩ ﺷﺎﺳﻮﻱ
ﻣﺸﺎﻛﻠﻨﻪ ﻛﺒﺮﺕ ﻣﻦ ﻭﺭﻩ ﻫﺬﺍ ﺍﻟﻤﻮﺿﻮﻉ
ﺍﻗﺘﺮﺣﺖ ﻋﻠﻴﻬﺎ ﻳﺴﻮﻭﻥ ﻃﻔﻞ ﺍﻧﺎﺑﻴﺐ ﺍﻓﻀﻞ ﺣﻞ
ﻭﻛﺘﻠﻬﺎ ﻫﻨﺎﻙ ﺑﺎﻣﺮﻳﻜﺎ ﻧﺎﺟﺤﻪ ﻭﻣﻀﻤﻮﻧﻪ ﻫﺎﻱ ﺍﻟﻌﻤﻠﻴﻪ
ﻛﺎﻟﺖ ﻫﺎﻱ ﺍﻟﻔﻜﺮﻩ ﺍﺑﺪ ﻣﺠﺎﻳﻪ ﻉ ﺑﺎﻟﻲ
ﻟﻌﺪ ﺷﻮﻓﻲ ﻭﻗﻨﻌﻲ
ﺍﻱ ﻭﺍﻟﻠﻪ ﻳﺎﺭﻳﺖ ﻳﻮﺍﻓﻖ ﻻﻥ ﺭﻭﺣﻲ ﻃﺎﻟﻌﻪ
ﺍﺗﻤﻨﻰ ﺍﺳﻌﺪﻩ ﻭﺍﺧﻠﻲ ﻳﺼﻴﺤﻮﻟﻪ ﺍﺑﻮ ....
ﺍﺗﻤﻨﻰ ﻳﻨﺤﻤﻞ ﺍﺳﻤﻪ
ﻣﺎﻛﻮ ﺍﻓﻀﻞ ﻣﻦ ﻧﻌﻤﺔ ﺍﻻﻃﻔﺎﻝ
ﺍﻣﻨﻴﺘﻲ ﺍﺻﻴﺮ ﺍﻡ ﺍﺳﻬﺮ ﺍﺗﻌﺐ
ﺍﻟﻠﻪ ﻛﺮﻳﻢ ﻭﺭﺑﺞ ﺗﻬﻮﻥ ﻉ ﺳﺎﻋﻪ ﺑﺲ ﻛﻮﻟﻲ ﻳﺎﺍﻟﻠﻪ
ﻳﺎﺍﻟﻠﻪ
ﺗﻌﺎﻟﻴﻠﻲ ﺳﻮﻟﻔﻴﻠﻲ ﻋﻨﺞ
ﻳﻤﻌﻮﺩﻩ ﺷﺎﺳﻮﻟﻒ
ﺍﺫﺍ ﺍﺣﺎﻭﻝ ﺍﺗﻘﺮﺑﻠﻪ ﺷﺒﺮ ﻳﺒﺘﻌﺪ ﻋﻨﻲ ﺍﻣﻴﺎﻝ
ﻣﻴﻄﻴﻖ ﻛﻠﻤﻪ ﻣﻨﻲ ﺑﺲ ﻳﺼﻴﺢ ﻋﻠﻴﻪ
ﺍﻧﻲ ﺷﻜﺘﻠﺞ ﻣﻮ ﻛﺘﻠﺞ ﻭﺍﻟﻠﻪ ﺗﺨﺴﺮﻳﻨﻪ ﻭﺗﺘﻨﺪﻣﻴﻦ ﺑﻌﺪﻳﻦ
ﻣﺎﺑﻴﺪﻱ ﺷﻲ ﻭﺍﻟﻠﻪ
ﻣﺎﺍﻛﺪﺭ ﺍﻧﻲ ﺍﻟﻲ ﺍﺗﻨﺎﺯﻝ ﺻﻌﺒﻪ ﺣﻴﻞ
ﺍﻧﻲ ﻣﺎﻛﺘﻠﺞ ﺍﺗﻨﺎﺯﻟﻲ
ﺑﺲ ﺍﺿﺤﻜﻲ ﺑﻮﺟﻬﺎ
ﺑﺪﻟﻲ ﺍﺗﻤﻜﻴﺠﻲ
ﺍﻟﻠﻪ ﻋﻠﻴﺞ ﻫﻢ ﺗﺮﺣﻴﻦ ﻟﻠﺼﺎﻟﻮﻥ
ﻣﻮ ﺩﺍﺋﻤﺎ
ﻟﻌﺪ ﺷﻠﻮﻥ ﺍﺩﺍﻭﻣﻴﻦ ﺑﺎﻟﺠﺎﻣﻌﻪ ﻣﺘﺴﺘﺤﻴﻦ
ﻟﺞ ﺑﺎﺑﺎ ﻏﻴﺮﻱ ﻣﻦ ﺣﻴﺎﺗﻲ ﻭﻣﻦ ﺭﻭﺗﻴﻨﺞ
ﻭﺍﻟﻠﻪ ﻣﺎﺍﻟﺤﻚ ﺍﺣﻚ ﺭﺍﺳﻲ
ﺗﺪﺭﻳﻦ ﺑﻴﺖ ﻭﺍﻃﻔﺎﻝ ﻭﻃﺒﺦ ﻭﺩﺭﺍﺳﻪ
ﻭﺍﻟﻠﻪ ﺩﺭﺍﺳﺘﻲ ﺣﻴﻞ ﺻﻌﺒﻪ
بيج قصص عراقيه حقيقيه من واقعنا.روعه الطائي
ﻣﻴﺨﺎﻟﻒ ﺑﺲ ﻣﻴﺼﻴﺮ ﺗﻬﻤﻠﻴﻦ ﻧﻔﺴﺞ ﻳﺎﻋﻴﻨﻲ
ﺛﺎﻧﻲ ﻳﻮﻡ ﺩﺯﻳﺘﻠﻪ ﻣﺴﺞ ﻛﺘﻠﻪ ﺭﺍﺡ ﺍﺭﻭﺡ ﻟﻠﺼﺎﻟﻮﻥ ﺍﻧﻈﻒ ﻭﺟﻬﻲ
ﻣﻨﻮ ﻳﺎﺧﺬﺝ
ﺑﻮﺣﺪﻱ ﻣﻦ ﺍﻟﺠﺎﻣﻌﻪ ﻭﺍﺭﻭﺡ
ﻣﻤﻨﻮﻉ ﻟﻮ ﺍﻣﺞ ﻭﻳﺎﺝ ﻟﻮ ﻻ
ﺭﺣﺖ ﻟﻤﺎﻣﺎ ﻭﺍﺧﺬﺗﻬﺎ ﻭﻳﺎﻳﻪ
ﻓﻌﻼ ﻧﻀﻔﺖ ﻭﺟﻬﻲ
ﻃﻠﺒﺖ ﻣﻨﻬﻦ ﻳﺴﻮﻟﻲ ﺷﻌﺮﻱ ﺗﺴﺮﻳﺢ ﺣﺘﻰ ﺍﻛﺪﺭ ﺍﺧﻠﻲ ﻣﺤﻠﻮﻝ
ﺭﻓﻀﻦ ﻛﺎﻟﻦ ﻫﻮ ﻧﺎﻋﻢ ﻭﺳﺮﺡ ﻣﻴﺤﺘﺎﺝ
ﺑﺲ ﺍﻧﺖ ﻻﻥ ﺩﺍﺋﻤﺎ ﺗﻀﻔﻴﺮﻱ ﻫﻴﺞ ﻳﺼﻴﺮ
ﺍﻧﻄﻨﻲ ﻋﺼﺎﺭﻩ ﻛﻠﻠﻲ ﺗﺨﻠﻴﻬﺎ ﻣﻦ ﺍﻟﻠﻴﻞ ﻟﻠﺼﺒﺢ
ﺛﺎﻧﻲ ﻳﻮﻡ ﻳﻠﻪ ﺗﻐﺴﻠﻴﻨﻪ
ﺭﺍﺳﻠﺘﻪ ﻛﺘﻠﻪ ﺭﺍﺡ ﺍﻛﺼﻪ ﻟﺸﻌﺮﻱ
ﻣﻤﻨﻮﻉ ﺗﻜﺼﻴﻦ ﺷﻌﺮﺍﻳﻪ ﻭﺣﺪﻩ ﻣﻨﻪ
ﺣﻴﻞ ﺿﺠﺖ ﺷﻨﻮ ﺑﻜﻠﺸﻲ ﻳﺪﺧﻞ
ﻭﻟﻮ ﻫﻮ ﻣﺎﻋﻠﻴﻪ ﻋﺘﺐ ﺍﻟﻌﺘﺐ ﻋﻠﻴﻪ ﺍﻧﻲ ﺍﻟﻲ ﺍﺧﺬ ﺭﺍﻳﻲ
ﻛﻤﻠﻨﻪ ﻭﺭﺟﻌﻨﻪ
ﻧﻀﻔﺖ ﺟﺴﻤﻲ ﻻﻥ ﻣﺘﻌﻮﺩﻩ ﺍﻧﻀﻔﻪ ﺍﺿﻮﺝ ﻣﻦ ﺍﻟﺸﻌﺮ
ﺑﺲ ﻭﺟﻬﻲ ﻣﺎﺍﻋﺮﻑ ﻟﻴﺶ ﺍﺗﻌﺎﺟﺰ ﺍﺳﻮﻱ
ﻣﻦ ﺭﺟﻌﺖ ﻳﺒﺎﻭﻋﻠﻲ ﻣﻦ ﻓﻮﻙ ﻟﺠﻮﻩ ﻣﺜﻞ ﺍﻟﻤﻌﺎﺟﺒﻪ ﻭﺿﻌﻲ
ﺧﻠﻴﺖ ﺍﻟﻌﺼﺎﺭﻩ ﻟﺜﺎﻧﻲ ﻳﻮﻡ ﺻﺎﺭ ﺷﻌﺮﻱ ﻳﺨﺒﻞ
ﺑﻌﺪ ﺍﺑﺪ ﻣﺎﺍﺿﻔﺮﻩ ﻻﻥ ﺳﺮﺡ ﺣﻴﻞ
ﻭﺭﻩ 3 ﺍﻳﺎﻡ ﺍﺗﺼﻠﺖ ﺑﻴﻪ ﻣﺎﻣﺎ
ﻛﺎﻟﺖ ﻧﺮﻳﺪ ﻟﻠﻨﺠﻒ ﻭﻧﺒﺎﺕ ﻫﻨﺎﻙ
ﻻﻥ ﻣﻨﻠﺤﻚ ﻉ ﻣﺎﺗﺠﻲ ﺗﺒﺎﺭﻙ ﻣﻦ ﺍﻟﺠﺎﻣﻌﻪ ﻭﺍﺑﻮﺝ
ﻟﻬﺬﺍ ﺍﻟﺴﺒﺐ ﺭﺍﺡ ﻧﺒﺎﺕ ﺑﺎﻟﻔﻨﺪﻕ
ﻭﻧﺮﻳﺪ ﻧﻈﻮﺭﻱ ﻭﻧﻮﺭ ﻳﺮﻭﺣﻮﻥ ﻭﻳﺎﻧﻪ
ﺧﻄﻴﻪ ﻣﺠﻠﺒﻴﻦ ﺑﺮﻗﺎﻭﻱ ﻭﻳﺎﺝ ﻭﻳﺎﺝ
ﻭﺍﻟﻠﻪ ﻣﺎﺍﺩﺭﻱ ﻣﺎﻣﺎ ﺑﺲ ﺧﻠﻲ ﺍﺷﻮﻑ ﺍﺑﻮﻫﻢ
ﺭﺍﺳﻠﺘﻪ ﻭﻭﺍﻓﻖ
ﺑﻌﺪﻳﻦ ﻃﻠﺒﺖ ﻣﻨﻪ ﺍﺭﻭﺡ ﻭﻳﺎﻫﻢ
ﺣﺴﻴﺖ ﺑﻨﻔﺴﻲ ﺣﻴﻞ ﻣﺨﻨﻮﻛﻪ
ﻻﻥ ﺍﺫﺗﻨﻲ ﺗﺼﺮﻓﺎﺗﻪ ﺣﻴﻞ
ﻛﻤﺖ ﺍﻋﺎﻧﻲ ﺣﻴﻞ ﺍﺑﻌﺪﻩ ﻋﻨﻲ
ﻭﺍﻛﺜﺮ ﺷﻲ ﻣﻀﻮﺟﻨﻲ ﺗﺠﺎﻫﻠﻪ ﺍﻟﻲ
ﺭﻓﺾ ﺍﺭﻭﺡ ﻭﻱ ﺍﻫﻠﻲ
بيج قصص عراقيه حقيقيه من واقعنا.روعه الطائي
ﺍﺗﻮﺳﻠﺖ ﺑﻲ ﺭﻓﺾ
ﺻﺪﻙ ﺿﺠﺖ
ﺭﺟﻌﺖ ﻭﺟﻨﺖ ﻣﺨﻨﻮﻛﻪ
ﺟﻬﺰﺕ ﺍﻻﻛﻞ ﻭﺻﻌﺪﺕ
ﺭﺣﺖ ﻧﻤﺖ ﺑﺲ ﺩﻣﻮﻋﻲ ﺗﺠﺮﻱ
ﺍﻧﻲ ﺟﻨﺖ ﻣﺎﺍﻋﺮﻑ ﺷﻨﻮ ﺍﻻﺭﻳﺪﻩ ﺑﺎﻟﻀﺒﻂ
ﺑﺲ ﻫﺴﻪ ﻻ ﻋﺮﻓﺖ
ﻣﺤﺘﺎﺝ ﻟﻮﺟﻮﺩ ﺣﻴﺪﺭ
ﻣﺤﺘﺎﺟﻪ ﻟﺤﻨﺎﻧﻪ
ﻳﻤﻜﻦ ﺣﺒﻴﺘﻪ ﺑﺠﻨﻮﻥ
ﺍﺟﻪ ﺍﺑﺎﻟﻲ ﺍﻟﻔﻴﺲ ﺑﻴﻦ ﻓﺘﺮﻩ ﻭﻓﺘﺮﻩ ﺍﺩﺧﻞ ﻉ ﺍﻟﺒﺮﻭﻓﺎﻳﻞ ﻣﺎﻟﺘﻪ
ﻟﻜﻴﺖ ﻧﺎﺷﺮ ﻓﻴﺪﻳﻮ ﺷﻌﺮ
ﻣﻌﻘﻮﻟﻪ ﻳﻌﺎﻧﻲ ﻣﻦ ﺑﻌﺪﻱ
ﻻ ﻣﻤﻌﻘﻮﻟﻪ ﻻﻥ ﻳﻜﺪﺭ ﻳﺠﻲ ﻭﻳﻄﻠﺐ ﻣﻨﻲ ﻫﺬﺍ ﺍﻟﺸﻲ
ﺍﻧﻲ ﺭﻓﻀﺘﻪ ﻻﻥ ﺟﺎﻧﺖ ﺑﺬﻣﺘﻪ ﻣﺮﻭﻩ ﻭﺟﻨﺖ ﺍﻏﺎﺭ
ﻫﺴﻪ ﻣﺎﻛﻮ ﺷﻲ ﻳﻌﻴﻘﻨﻪ
ﺩﺧﻠﺖ ﻉ ﺍﻟﺘﻌﻠﻴﻘﺎﺕ
ﻭﻟﻜﻴﺖ ﻛﺎﺗﺒﻴﻠﻪ ﺍﺷﻜﺎﻝ ﻭﺍﻟﻠﻮﺍﻥ
ﺍﻟﻜﻞ ﻳﻌﺮﻑ ﺑﻲ ﻣﺘﺰﻭﺝ 4
ﺩﻣﻮﻋﻲ ﻭﺣﺪﻫﻦ ﻳﺠﺮﻥ
ﻣﺎﺍﻋﺮﻑ ﻻﻥ ﺭﻓﺾ ﺍﺭﻭﺡ ﻭﻱ ﺍﻫﻠﻲ
ﻟﻮ ﻣﻌﺎﻣﻠﺘﻪ ﺍﻟﻴﻪ
ﻟﻮ ﺍﻧﻲ ﺍﺻﻼ ﻣﺨﻨﻮﻛﻪ
ﻧﻤﺖ ﻣﻦ ﺻﺪﻙ
ﻛﻌﺪﺕ ﺻﻠﻴﺖ ﻭﻛﻤﻠﺖ ﻭﺭﺍﺳﻠﻨﻲ ﺍﻧﺰﻝ
ﺍﻧﻲ ﺍﺑﺪ ﻣﺎﺍﺷﺘﻬﻲ
ﺍﻛﻠﺖ ﻟﻔﻪ ﺏ 10 ﺍﻟﺼﺒﺢ ﻭﻟﻬﺴﻪ ﺑﺎﻗﻴﻪ ﻋﻠﻴﻬﺎ
ﺳﻮﻳﺖ ﻋﺸﻪ ﺑﺲ ﻟﻌﻤﻮ ﻭﺧﺎﻟﻪ
ﺯﻫﺮﺍﺀ ﻭﺍﻣﻴﺮ ﻣﺎﻫﻤﻪ ﻳﻢ ﺍﻫﻠﻬﺎ
ﻫﻮ ﻛﻠﻲ ﻣﺎﺍﺭﻳﺪ
ﺻﻌﺖ ﺍﻗﺮﻩ ﻻﻥ ﻋﻨﺪﻱ ﺍﻣﺘﺤﺎﻥ ﻳﻮﻡ ﺍﻻﺣﺪ
ﺷﻮﻳﻪ ﻭﺭﺍﺳﻠﻨﻲ ﺟﻴﺒﻴﻠﻲ ﺟﺎﻱ
ﺍﻟﺼﺮﺍﺣﻪ ﻛﻤﺖ ﺍﺿﻮﺝ ﻣﻦ ﺑﻴﺘﻪ
ﻻﻥ ﺷﻜﻢ ﻣﺮﻩ ﻣﻨﻌﻨﻲ ﺍﺩﺧﻞ
ﻛﻠﺖ ﻣﺎﺍﺩﺧﻞ ﺑﻌﺪ ﻟﻮﺷﻴﺼﻴﺮ
ﺑﺲ ﻫﺴﻪ ﻣﺠﺒﻮﺭﻩ ﻉ ﻣﻮﺩ ﺍﻟﺠﺎﻱ
ﺟﺒﺘﻠﻪ ﺍﻟﺠﺎﻱ ﻭﺍﺗﻌﻤﺪﺕ ﺍﺻﺒﻪ ﺑﺎﻟﻤﻄﺒﺦ ﺣﺘﻰ ﻉ ﻣﺎﺍﻭﺻﻞ ﻳﻤﻪ ﺭﺍﺡ ﻳﻜﻮﻥ ﺑﺎﺭﺩ
بيج قصص عراقيه حقيقيه من واقعنا.روعه الطائي
ﻻﻥ ﺍﻟﺠﻮ ﺑﺎﺭﺩ ﺣﻴﻞ
ﺍﺭﻳﺪ ﻳﻌﺼﺐ ﻋﻠﻴﻪ
ﺑﻠﻜﻲ ﻳﻌﺼﺐ ﻭ ﻳﻀﺮﺑﻨﻲ ﻟﻮ ﻳﺼﻴﺢ ﻋﻠﻴﻪ
ﺣﺘﻰ ﺍﺭﻭﺡ ﻳﻢ ﺍﻫﻠﻲ ﺷﻜﻢ ﻳﻮﻡ ﺍﺭﺗﺎﺡ ﺍﺭﻳﺪﻟﻲ ﺣﺠﻪ
ﻭﻳﻤﻜﻦ ﺍﻟﻜﺎﺑﻪ ﻓﻮﻝ ﻋﻨﺪﻱ ﺍﻟﻲ ﻳﺴﻤﻌﻨﻲ ﻛﻠﻤﻪ ﺑﺴﻴﻄﻪ ﺍﻧﻔﺠﺮ ﺑﻮﺟﻬﺎ ﺑﺎﻟﺒﻮﺍﺟﻲ
ﻃﻠﺐ ﻣﻨﻲ ﺍﺩﺧﻞ ﺍﺟﻴﺐ ﻣﻼﺑﺴﻪ ﺣﺘﻰ ﺍﻏﺴﻠﻬﻦ
ﺍﻟﺼﺮﺍﺣﻪ ﻣﺤﺒﻴﺖ ﺍﺩﺧﻞ ﻟﻠﻐﺮﻓﻪ
ﻣﺎﺍﻋﺮﻑ ﻟﻴﺶ
ﻭﺟﻮﺩﻩ ﻳﻤﻲ ﻭﻟﻮﺣﺪﻧﺎ ﻳﻮﺗﺮﻧﻲ
ﺍﺧﺎﻑ ﻳﺤﺲ ﺑﻀﻌﻔﻲ ﺍﻣﺎﻣﺎ
ﺍﺧﺎﻑ ﺗﺨﻮﻧﻲ ﺩﻣﻌﺘﻲ
ﺣﺎﻭﻟﺖ ﻉ ﺑﺎﺟﺮ ﺑﺲ ﻣﻘﺒﻞ
ﺭﺣﺖ ﻟﻠﻐﺮﻓﻪ ﺍﻟﺜﺎﻧﻴﻪ ﺣﺴﺐ ﻃﻠﺒﻪ ﻭﺍﺗﻔﺎﺟﺎﺕ ﺑﻴﻬﺎ
ﺭﺩﺕ ﺍﻃﻠﻊ ﺍﺳﺎﻟﻪ
ﻟﻜﻴﺘﻪ ﻭﺭﺍﻳﻪ
ﻛﻠﻲ ﻣﺘﻮﺍﻋﺪ ﻭﻱ ﺣﺒﻴﺒﺘﻲ
ﺍﺣﺲ ﺑﺮﻛﺎﻥ ﻭﺍﻧﻔﺠﺮ ﺑﻨﺺ ﻛﻠﺒﻲ
ﻳﻌﻨﻲ ﻫﺬﺍ ﺳﺒﺐ ﺑﻌﺪﻩ ﻋﻠﻴﻪ
ﺍﻱ ﺍﻛﻴﺪ ﻳﻮﻣﻴﻪ ﻳﺠﻴﺐ ﻭﺣﺪﻩ
ﺍﻧﻲ ﻣﻨﺘﺒﻬﺖ ﻟﻠﻐﺮﻓﻪ ﻣﺒﺪﻟﻬﺎ
ﻻﻥ ﺟﺎﻧﺖ ﻣﺎﻛﻮ ﺍﻧﺎﺭﻩ ﺑﺲ ﺍﻟﻨﺸﺮﻩ ﻭﺍﻟﺸﻤﻮﻉ
ﺣﻴﻞ ﺿﻮﺟﻨﻲ ﻣﻦ ﻛﻠﻲ ﺗﻌﺎﻟﻲ ﺍﺧﺘﺎﺭﻳﻠﻬﺎ ﻣﻼﺑﺲ ﻉ ﺫﻭﻗﺞ
ﺭﻓﻀﺖ ﻭﺩﺍﺧﻠﻲ ﻳﻨﺰﻑ ﺩﻡ
ﺍﺧﺬ ﺍﻳﺪﻱ ﻭﺳﺤﺒﻬﺎ ﻭﺍﺧﺘﺎﺭ ﻉ ﺫﻭﻗﻪ
ﻭﻛﺎﻡ ﻳﻠﻌﺐ ﺑﺎﻋﺼﺎﺑﻲ
ﻫﺬﺍ ﺣﻠﻮ ﻟﻮ ﻻ
ﺣﻴﺪﺭ ﻭﻳﻦ ﺗﺮﻳﺪ ﺗﻮﺻﻞ ﺑﺎﻟﻀﺒﻂ
ﺑﻌﺪﻙ ﻣﻜﻔﺎﻙ ﺍﻟﻲ ﺻﺎﺭ
ﻳﺎﺑﻪ ﻭﺭﺑﻚ ﻫﻨﺘﻨﻲ ﺑﻤﺎ ﻓﻴﻪ ﺍﻟﻜﻔﺎﻳﻪ
ﻭﺫﻟﻴﺘﻨﻲ ﻫﻮﺍﻱ
ﻫﻢ ﻧﺎﻭﻱ ﺗﺰﻭﺝ
ﻭﺍﻟﻠﻪ ﻭﺍﻟﻘﺮﺍﻥ ﻫﺎﻟﻤﺮﻩ ﺗﺨﺘﻠﻒ
ﻻ ﺍﻛﻠﻚ ﺍﺭﻭﺡ ﻻﻫﻠﻲ
ﻭﻻ ﺍﻛﻠﻚ ﺍﺑﻘﻰ ﻫﻨﺎ
ﺍﺣﺠﻲ ﻭﺍﺑﺠﻲ
ﻣﺠﺮﺩ ﺷﺮﻳﻂ ﺣﺐ ﻭﺍﺣﺪ ﻭﺭﺍﺡ ﺗﻨﺘﻬﻲ ﻣﻌﺎﻧﺎﺗﻲ ﻟﻼﺑﺪ
ﻳﻌﻨﻲ ﺷﻠﻮﻥ ﻣﻔﺘﻬﻤﺖ ﺍﺭﻳﺪ ﺍﻋﺮﻓﺞ ﺷﻨﻮ ﺍﻧﺖ
ﺍﺷﻮ ﻻ ﺍﻧﺖ ﺍﻟﺘﺤﺒﻴﻨﻲ ﻭﻻ ﺍﻧﺖ ﻻ
بيج قصص عراقيه حقيقيه من واقعنا.روعه الطائي
ﺍﺗﻐﺎﺭﻳﻦ ﻏﻴﺮﻩ ﻣﻮ ﻃﺒﻴﻌﻴﻪ
ﻭﻣﻦ ﺍﺗﻘﺮﺑﻠﺞ ﺗﻨﻔﺮﻳﻦ
ﺍﻧﻲ ﻣﺠﺒﻮﺭ ﺍﺷﻮﻑ ﻏﻴﺮﺝ ﻻﻥ ﺍﻧﺖ ﻣﺎﺫﻳﺘﻨﻲ
ﺍﻧﺖ ﻣﺎﻧﻌﺘﻨﻲ ﺍﺗﻘﺮﺏ ﻋﻠﻴﺞ
ﻣﺎﻋﻨﺪﻱ ﺣﻞ ﻏﻴﺮ ﺍﺭﺟﻊ ﻟﺴﻮﺍﻟﻔﻲ ﺍﻟﻘﺪﻳﻤﻪ
ﺍﺟﻴﺐ ﺑﻨﺎﺕ ﻳﺮﻳﺤﻨﻲ ﻭﻳﻨﺴﻨﻲ ﻫﻤﺞ
ﻣﺮﺍﺡ ﺍﺗﺰﻭﺝ ﻋﻠﻴﺞ ﺣﺘﻰ ﻣﺘﻨﺘﺤﺮﻳﻦ ﻭﺗﺒﻠﻴﻨﻲ ﺑﻴﺞ
ﺑﻌﺪ ﻣﻨﻴﻠﻲ ﺍﻡ ﻟﺠﻬﺎﻟﻲ
ﻣﻨﻮ ﺍﻟﻲ ﻳﻄﺒﺨﻨﻪ ﺑﻌﺪ
ﻣﻨﻮ ﺍﻟﻲ ﻳﺪﺭﺱ ﺑﻨﺘﻲ
ﻟﻬﺬﺍ ﺍﻟﺴﺒﺐ ﻣﺮﺍﺡ ﺍﻧﻄﻴﺞ ﻓﺮﺻﻪ ﺗﻨﺘﺤﺮﻳﻦ
ﻫﻮ ﻫﺬﺍ ﻛﻞ ﻫﻤﻚ
ﺍﻱ ﻟﻌﺪ ﺍﻟﺮﺟﺎﻝ ﺷﻴﺮﻳﺪ ﺍﻛﺜﺮ
ﻳﺤﺘﺎﺝ ﻣﺮﻩ ﺑﺤﻴﺎﺗﻪ ﺗﻨﺴﻲ ﻫﻤﻪ ﻭﺗﺮﻳﺤﻪ
ﻭﻫﺬﺍ ﺍﻟﺸﻲ ﻣﻠﻜﻴﺘﻪ ﻋﻨﺪﻱ ﻟﻜﻴﺘﻪ ﻋﻨﺪ ﻏﻴﺮﺝ
ﻭﻳﺤﺘﺎﺝ ﺍﻡ ﻻﻃﻔﺎﻟﻪ ﺗﻌﺘﻨﻲ ﺑﻴﻬﻢ
ﻭﻳﺤﺘﺎﺝ ﺍﻛﻞ ﻧﻈﻴﻒ ﻭﻃﻴﺐ
ﻳﺤﺘﺎﺝ ﻧﻈﺎﻓﻪ
ﻭﺫﻧﻲ ﻳﻨﻄﺒﻘﻦ ﻋﻠﻴﺞ ﺍﻧﺖ
ﻟﻬﺬﺍ ﺍﻟﺴﺒﺐ ﺍﻧﻲ ﺍﺣﺘﺎﺝ ﺍﺛﻨﻴﻦ ﺑﺤﻴﺎﺗﻲ
ﺩﻣﻮﻋﻲ ﺟﺮﻥ
ﻭﺍﻟﻠﻪ ﻣﺘﺴﺘﺎﻫﻠﻨﻲ ﺍﺑﺪ
ﺍﻧﺖ ﻣﺎﺧﺬ ﻧﻈﺮﻩ ﻋﻠﻴﻪ ﺧﺪﺍﻣﻪ ﻭﺑﺲ
ﻣﺴﺘﺤﻴﻞ ﺗﺘﻐﻴﺮ ﻫﺎﻱ ﺍﻟﻨﻈﺮﻩ
ﻋﻔﺘﻪ ﻭﺭﺩﺕ ﺍﻃﻠﻊ
ﺟﺎﻥ ﻳﺴﺤﺒﻨﻲ ﻭﻳﻦ ﺗﺮﺩﻳﻦ
ﺍﺭﻳﺪ ﺍﺭﻭﺡ ﻟﻐﺮﻓﺘﻲ ﻛﺎﻓﻲ ﺍﻫﺎﻳﻦ
ﺑﺲ ﻳﺮﺟﻌﻮﻥ ﺍﻫﻠﻲ ﺑﺎﺟﺮ ﺭﺍﺡ ﺍﺭﻭﺡ ﻳﻤﻬﻢ
ﻭﺍﺧﻠﺼﻚ ﻣﻨﻲ ﻭﺟﻴﺐ ﺳﺎﻗﻄﺎﺕ ﻟﻬﻨﺎ ﻣﺎﻋﻠﻴﻪ ﺑﻴﻚ
ﻳﻨﻄﻴﺞ ﻛﻠﺒﺞ ﺗﻌﻮﻓﻴﻨﻲ ﻭﺗﺮﺣﻴﻦ
ﺍﻱ ﻋﺎﺩﻱ ﻣﺎﻛﻮ ﻣﺸﻜﻠﻪ
ﺍﺫﺍ ﻋﻨﺪﻱ ﻋﺎﺩﻱ ﻋﻨﺪﻱ ﻻ
ﺍﺫﺍ ﺍﻧﺖ ﻛﻠﺒﺞ ﻗﺎﺳﻲ ﺍﻧﻲ ﻻ
ﻣﺴﺢ ﺩﻣﻮﻋﻲ
ﺍﻧﻲ ﻭﺍﻋﺪﺗﺞ ﺑﻌﺪ ﻣﺎﺍﺧﻠﻲ ﺩﻣﻌﻪ ﺗﻨﺰﻝ ﻣﻨﺞ ﺑﺴﺒﺒﻲ
ﻭﻫﺴﻪ ﻧﺰﻟﺖ ﺩﻣﻌﺘﺞ
ﺍﻧﻲ ﺍﺳﻒ ﺍﺳﻒ ﺍﺳﻒ
ﺍﻧﻲ ﺻﺤﻴﺢ ﻋﻨﺪﻱ ﻣﻮﻋﺪ ﻭﻱ ﺣﺒﻴﺒﺘﻲ
بيج قصص عراقيه حقيقيه من واقعنا.روعه الطائي
ﻭﺍﺗﻤﻨﻰ ﻳﻌﺠﺒﻬﺎ ﺫﻭﻗﻲ ﻭﺗﻠﺒﺲ ﻫﺬﺍ
ﻭﺍﻣﻨﻴﺘﻲ ﺗﺴﺎﻣﺤﻨﻲ ﻉ ﻛﻠﺸﻲ
ﺍﻣﻨﻴﺘﻲ ﺗﻘﺒﻞ ﻧﻔﺘﺢ ﺻﻔﺤﻪ ﺟﺪﻳﺪﻩ
ﺍﺗﻤﻨﻰ ﻳﻮﺻﻠﻠﻬﺎ ﻣﺸﺎﻋﺮﻱ
ﺍﺗﻤﻨﻰ ﺗﻌﺮﻓﻨﻲ ﻛﺎﻋﺪ ﺍﻣﻮﺕ ﺑﺪﻭﻧﻬﺎ
ﺍﺗﻤﻨﻰ ﺍﻧﺎﻡ ﺑﺤﻀﻨﻬﺎ ﻭﻫﻲ ﻣﺴﺎﻣﺤﺘﻨﻲ ﻣﻦ ﻛﻠﺒﻬﺎ
ﺍﺗﻤﻨﻰ ﺗﻌﻴﺸﻨﻲ ﻫﺎﻱ ﺍﻟﻠﻴﻠﻪ ﻭﻻ ﺑﺎﻻﺣﻼﻡ
ﻻﻥ ﺻﺎﺭﻟﻲ ﺷﻜﻢ ﺳﻨﻪ ﻣﺘﺎﻧﻲ ﻫﺎﻱ ﺍﻟﻠﺤﻀﻪ ﻉ ﻧﺎﺭ
ﺍﻣﻨﻴﺘﻲ ﺍﻃﻠﻊ ﺍﺷﺮﺏ ﺟﻜﺎﺭﻩ ﻭﺍﺭﺟﻊ
ﺍﻟﻜﻴﻬﺎ ﺟﺎﻫﺰﻩ ﻣﺒﺪﻟﻪ ﻭﻣﻨﺘﻈﺮﺗﻨﻲ
ﻭﺗﻜﻠﻲ ﺍﻧﻲ ﻣﺸﺘﺎﻗﻪ ﺍﻟﻚ ﺍﻛﺜﺮ ﻣﻦ ﻣﺎﺍﻧﺖ ﻣﺸﺘﺎﻕ
ﺍﻣﻨﻴﺘﻲ ﺍﺩﺧﻞ ﻭﺍﻓﺘﺢ ﺍﺩﻳﻪ ﺍﻟﻬﺎ
ﻭﺗﺠﻴﻨﻲ ﺗﺮﻛﺾ ﺗﺬﺏ ﻧﻔﺴﻬﺎ ﺑﺤﻀﻨﻲ
ﺍﻧﻲ ﺗﻌﺎﻣﻠﺖ ﺑﻘﺴﻮﻩ ﻭﻳﺎﻫﺎ ﻻﻥ ﺣﺒﻴﺖ ﺍﺳﻮﻳﻠﻬﺎ ﻣﻔﺎﺟﺌﻪ
ﻏﻴﺮﺕ ﺍﻟﻐﺮﻓﻪ ﻉ ﻣﻮﺩﻫﺎ ﻭﻏﻴﺮﺕ ﺣﻴﺎﺗﻲ ﻛﻠﻬﺎ ﻉ ﻣﻮﺩﻫﺎ
ﺍﺗﻤﻨﻰ ﺗﻜﻠﻲ ﺭﺍﺡ ﺍﺑﻘﻰ ﻫﻨﺎ ﻭﻳﺎﻙ ﻻﻥ ﻣﺎﺍﻋﻴﺶ ﺑﺪﻭﻧﻚ
ﻭﺍﻟﻠﻪ ﺍﻟﻌﻈﻴﻢ ﻭﻫﺬﺍ ﻳﻤﻴﻦ ﻋﻠﻴﻪ ﻣﺎﺣﺒﻴﺖ ﻏﻴﺮﻫﺎ ﺍﺑﺪ
ﻭﻻ ﺍﺭﺗﺎﺣﻴﺖ ﻟﻐﻴﺮﻫﺎ ﺍﺑﺪ
ﺍﺣﺲ ﺑﻨﻔﺴﻲ ﻧﺎﺭ ﻭﻫﻲ ﺍﻟﺜﻠﺞ
ﺑﺲ ﺍﻟﻤﺴﻬﺎ ﺭﺍﺡ ﺍﻧﻲ ﺗﻨﻄﻔﻲ ﻧﺎﺭﻱ ﻭﻫﻲ ﺭﺍﺡ ﺗﺬﻭﺏ
ﻉ ﺍﻋﺼﺎﺑﻲ ﺗﺠﺎﻫﻠﺘﻬﺎ
ﻻﻥ ﻫﻮﺍﻱ ﺍﺗﻮﺳﻠﺖ ﺑﻴﻬﺎ ﻭﻫﻮﺍﻱ ﺍﻋﺘﺬﺭﺕ ﻣﻨﻬﺎ ﺑﺲ ﻣﻔﺎﺩ
ﺗﻌﺒﺘﻨﻲ ﻫﻮﺍﻱ
ﺫﻟﺘﻨﻲ ﻫﻮﺍﻱ ﺧﻠﺘﻨﻲ ﺍﺗﻮﺳﻞ ﺑﻴﻬﺎ
ﻣﻦ ﺍﺗﻘﺮﺏ ﻋﻠﻴﻬﺎ ﺗﻨﻔﺮ ﻣﻨﻲ
ﻭﻣﻦ ﺍﺑﺘﻌﺪ ﻋﻨﻬﺎ ﺍﺣﺴﻬﺎ ﺗﺘﻌﺬﺏ
ﻣﺎﺍﻋﺮﻑ ﺷﻨﻮ ﺍﻟﻲ ﻳﺮﻳﺤﻬﺎ ﻭﺷﻨﻮ ﺍﻟﻲ ﺗﺮﻳﺪﻩ ﺑﺎﻟﻀﺒﻂ
ﻛﻞ ﺍﻟﻲ ﺍﻋﺮﻓﻪ ﻣﺤﺘﺎﺟﻬﺎ ﺑﺤﻴﺎﺗﻲ ﻣﺜﻞ ﻣﻤﺤﺘﺎﺝ ﺍﻟﻬﻮﻯ
ﺍﻋﺎﻧﻲ ﺍﺑﻌﺪﻫﺎ ﻋﻨﻲ
ﺍﻧﻲ ﻣﺤﺒﻴﺖ ﺍﺟﺒﺮﻫﺎ ﻉ ﺍﻱ ﺷﻲ
ﻭﻻ ﺭﺍﺡ ﺍﺟﺒﺮﻫﺎ ﻫﺴﻪ
ﺍﺫﺍ ﻭﺍﻓﻘﺖ ﻭﻧﺴﺖ ﺍﻟﻤﺎﺿﻲ ﻭﻗﺒﻠﺖ ﻧﻔﺘﺢ ﺻﻔﺤﻪ ﺟﺪﻳﺪﻩ
ﻣﺮﺍﺡ ﺗﺘﻨﺪﻡ ﺍﺑﺪ ﻭﺭﺍﺡ ﺍﺷﻴﻠﻬﺎ ﺑﻌﻴﻮﻧﻲ
ﻭﻭﻋﺪ ﻣﻨﻲ ﻣﺮﺍﺡ ﺍﺯﻋﻠﻬﺎ ﺑﻴﻮﻡ
ﻭﻻ ﺍﺧﻠﻴﻬﺎ ﺗﺒﺠﻲ ﺑﻴﻮﻡ ﺑﺴﺒﺒﻲ
ﻭﻋﺪ ﻣﻨﻲ ﻣﺮﺍﺡ ﺗﺪﺧﻞ ﻛﻠﺒﻲ ﻭﻋﻘﻠﻲ ﻏﻴﺮﻫﺎ
ﻟﻠﻤﻮﺕ ﻣﺎﺍﻋﻮﻓﻬﺎ ﻭﻻ ﺍﺑﺎﻭﻉ ﻉ ﻏﻴﺮﻫﺎ
ﺑﺲ ﺍﺫﺍ ﺭﻓﻀﺘﻨﻲ ﺭﺍﺡ ﺗﺨﺴﺮﻧﻲ ﻟﻼﺑﺪ
ﻣﺮﺍﺡ ﺍﺯﻋﺠﻬﺎ ﺭﺍﺡ ﺍﻧﻄﻴﻬﺎ ﺣﺮﻳﺘﻬﺎ ﻟﻼﺑﺪ
ﻻﻥ ﻣﺎﺍﺗﺤﻤﻞ ﻭﺟﻮﺩﻫﺎ ﺑﺤﻴﺎﺗﻲ ﺑﺪﻭﻥ ﻣﺎﺍﻟﻲ ﺩﻭﺭ ﺑﺤﻴﺎﺗﻬﺎ
ﺭﺍﺡ ﺍﻃﻠﻜﻬﺎ ﻭﺣﺘﻰ ﺟﻬﺎﻟﻲ ﺍﺛﻨﻴﻨﻬﻢ ﺍﺗﻨﺎﺯﻝ ﻋﻨﻬﻢ
ﻭﺭﺍﺡ ﺍﻭﺍﻋﺪﻫﺎ ﺣﺘﻰ ﺍﺫﺍ ﻗﺒﻠﺖ ﺗﺰﻭﺝ ﻏﻴﺮﻱ ﻣﺮﺍﺡ ﺍﺧﺬ ﺟﻬﺎﻟﻲ ﻣﻨﻬﺎ
ﻫﺬﺍ ﺍﺧﺮ ﻗﺮﺍﺭ ﻋﻨﺪﻱ
ﻳﺤﺠﻲ ﻭﺍﻧﻲ ﺻﺎﻓﻨﻪ
ﻋﺎﻓﻨﻲ ﻭﻃﻠﻊ
ﻇﻠﻴﺖ ﺻﺎﻓﻨﻪ
ﻳﻌﻨﻲ ﻫﺎﻱ ﺍﻟﻐﺮﻓﻪ ﻭﻫﺎﻱ ﺍﻟﺘﺤﻀﻴﺮﺍﺕ ﺍﻟﻴﻪ
ﺍﻧﻲ ﺑﺪﺍﺧﻠﻲ ﺻﺎﺭ ﺻﺮﺍﻉ
ﺍﺟﺬﺏ ﺍﺫﺍ ﺍﻛﻮﻝ ﻣﺎﻓﺮﺣﺖ
ﻳﻤﻜﻦ ﺍﺳﻌﺪ ﻭﺣﺪﻩ ﺍﻧﻲ
ﺑﺲ ﺑﻨﻔﺲ ﺍﻟﻮﻛﺖ ﺧﺎﻳﻔﻪ ﻣﻨﻪ
ﺍﺧﺎﻑ ﺑﺲ ﻳﻀﻮﺝ ﻳﺮﺟﻊ ﻟﺴﺎﺑﻖ ﻋﻬﺪﻩ
ﺍﺧﺎﻑ ﻳﺪﻭﺭ ﺑﻨﺎﺕ ﺍﻟﻠﻴﻞ
ﺍﺧﺎﻑ ﻫﻢ ﻳﺠﺮﺣﻨﻲ ﻭﻳﺘﺰﻭﺝ ﻋﻠﻴﻪ
ﻳﻤﻜﻦ ﺍﺫﺍ ﺳﻮﺍﻫﺎ ﺑﻴﻮﻡ ﻭﻋﺪ ﻣﻨﻲ ﺍﻧﺘﺤﺮ
ﻻﻥ ﻣﺎﺍﺗﺤﻤﻞ ﺑﻌﺪ
ﻣﺎﺍﻋﺮﻑ ﺍﻭﺍﻓﻖ ﻟﻮ ﺍﺗﻌﺰﺯ ﻋﻠﻴﻪ ﺷﻮﻳﻪ ﺣﺘﻰ ﻳﺘﻮﺏ ﻭﻳﻜﻮﻡ ﻳﺤﺴﺐ ﺣﺴﺎﺏ ﺍﻟﻲ
ﺑﻘﻴﺖ ﺍﻓﻜﺮ ﺍﺧﺮ ﺷﻲ ﻗﺮﺭﺕ ﻗﺮﺍﺭ ﻧﻬﺎﺋﻲ
ﻣﺘﻬﻤﻨﻲ ﺍﻟﻌﻮﺍﻗﺐ ﺍﺑﺪ ﻣﻬﻤﺎ ﻛﺎﻧﺖ
ﺍﻧﻲ ﺍﺩﺭﻱ ﺭﺍﺡ ﺗﻌﺘﺒﺮ ﻣﺠﺎﺯﻓﻪ ﺍﻟﻴﻪ ﺑﺲ ﻣﻮ ﻣﻬﻢ
ﻭﺟﺎﻥ ﺍﻗﺮﺭ ..........
ﺗﻮﻗﻌﺎﺗﻜﻢ ﺣﺒﺎﻳﺒﻲ ﺷﺮﺍﺡ ﺗﻘﺮﺭ ؟؟؟؟؟؟
ﻫﻞ ﺗﻮﺍﻓﻖ ﻭﺗﻨﺴﻰ ﻛﻠﺸﻲ ﻭﻳﻌﻴﺸﻮﻥ ﺑﺴﻼﻡ ؟؟؟؟؟؟؟؟
ﻟﻮ ﺭﺍﺡ ﺗﺮﻓﺾ ﻭﺗﻌﻘﺪ ﺍﻻﻣﻮﺭ ﺍﻛﺜﺮ ؟؟؟؟؟؟
ﺷﺮﺍﺡ ﺗﻜﻮﻥ ﺭﺩﺓ ﻓﻌﻞ ﺣﻴﺪﺭ ﺑﺎﻟﻤﻮﺍﻓﻘﻪ ؟؟؟؟؟؟؟
ﻭﺭﺩﺓ ﻓﻌﻠﻪ ﺑﺎﻟﺮﻓﺾ ؟؟؟؟؟؟؟؟
ﺍﻧﺘﻈﺮﻭﻧﻲ ﺑﺎﻟﺒﺎﺭﺕ ﺍﻟﻘﺎﺩﻡ ﺑﺎﺫﻥ ﺍﻟﻠﻪ
ﺗﺤﻴﺎﺗﻲ ﻟﻠﺠﻤﻴﻊ ﺣﺒﺎﻳﺒﻲ 😘😘😘



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس