الجــزء الثــانـي ...
-
-
الرابعة مساء..
-
-
-
دخل للرياض بدون هدف
بجانبه شنطه فيها مبلغ وقدره مليون ريال سعودي ..
اتجه لحي معروف للشخصيات المهمه
وقف وعيونه تتأمل المكان بدقه
متأكد ان كل الاشخاص اللي في هذا الحي
يملكون الملايين
اخرج سيجاره وبداء يدخن بهدوء
التفت للشنطه بتفكير
قرر يصرف المليون اولا يشتري سياره
بتكلفه 500 الف لان سيارته ماصارت على قد المقام وحالتها " سيئه "
اما الـ 500 الف الثانيه
مازال محتار في امره فكر يضعها في بنك
لكن اكيد تم التبليغ عن سرقتها
ابتسم بشقاوه وهو يتخيل وجه عمه
اذا اكتشف انه هو السارق
ميل راسه ع جنب ومازال يراقب الحي بصمت
ماعنده شيئ يفقده يفكر في اكله وشربه
وراحتـه فقط ،
ما اهتم اذا المال اللي ياخذه حلال او حرام
لان عمه بعيونه هو اكبر حرامي وسارق
عدل جلسته بسرعه وابتسم وبانت صفة اسنانه
عيونه على شخص كبير بالسن بملامح هادئه
طالع من قصر فخم ع رجوله باتجاه
مسجد الحي
حرك سيارته وتلثم وهو يقترب منه
وقف قريب منه الشايب وباستغراب
: هلا يا ولدي اساعدك بشيئ ؟
رد بخفوت ؛ ابيك بموضوع مهم ممكن تركب ؟
الشايب ؛ ابشر
اخذ الشنطه بسرعه ورماها في المقاعد الخلفيه
وركب الشايب بدون اي اعتراض
ابتعد عن الحي وابتسامه عريضه
ترتسم ع شفتيه
الشايب بنظرات تمتلئ حنيه وعاطفه كان يتأمله
التفت له وانصدم من نظراته
حاول يتجاهـله المهم اللي بيسويه
الشايب بنبره غريبه : كم عمرك !
اسسسستغرب وملامححه تججمدت ماسأل
عن اسمه !!
اردف بهمس صادق ماحاول يكذب فيه ؛ 30 سنه
الشايب بوجع يتضح بصوته ؛ ولدي اكبر منك بسته سنوات صار له حادث وتسبب له بشلل
ماصار يقدر يمشي ورفض يستجيب للعلاج
بسبب نفسيته المتدهوره اول ماشفتك
تخيلته بصحته الله يحفظك
رد عليه ؛ الله يشفيه عندك غيره ؟ ياعم
همس بنفي : لا ماعندي غيره الا ماقلت لي
من انت ووش اساعدك فيه ؟
رد عليهه : نايف معك نايف الـ...
ووش تساعدني فيه ؟ كنت ابي منك دعوه بظهر الغيب بس
الشايب بههدوء واجابه نايف مادخلت عقله ؛
ايه زين معك ابو يوسف لو احتجت شيئ ياولدي
رجع للحي ونزل ابو يوسف عند المسجد
: تشرفت بمعرفتك فمان الله ..
ابتعد عن الحي وداخله احساس غريب
اذا هو فكر انه يخطفه في البدايه عشان اهله يدفعون فديه ومبلغ كبير يستفيد
منه فـ الان تفكيره اختلف قد يكون اشفق
عليه او تأكد انه لا احد سيجلب له المبلغ
بما ان ليس لديه ابناء ..
|